سكريبت ترميم الفصل الخامس عشر 15بقلم حبيبه منصور حصريه
Part 15
فجأه دينا صوتت
دينا : اخلص يا يوووسف
يوسف : هاتي الشيك
ليلى طلعت الشيكات و الوصولات من الشنطه
ليلى : حلو الكلام ، خد امضي
يوسف مسك القلم و أيده بترتعش من كتر الضرب ،مضى ع الشيكات
ليلى شدتها منو ....
ليلى بدموع : عارف ؟ ، انا مش قاهرني غير حاجه واحده بس ؟
انت ازاي فكرت ف غيري اصلا ، و ازاي تعمل كل ده فيا انا بجد حاسه اني ف حلم
كنت بثق فيك اكتر من نفسي ، و اديتك حب عمر ما حد هيدهولك، ازاي دماغك جابت كل ده ، ازاي اصلا كنت بتفكر وتخطط كل ده عشان تئذيني
مسحت دموعها وكملت : طب قربت ليه ، ليه مبعدتش من الاول شوفت حياتك وسيبتني، بتعلقني جمبك لييييييييه
زين : خلاص يا ليلى اهدي
يوسف ببرود : اه يا ليلى اسمعي كلامه
ليلى : انا بجد بكرهك ، بكرهك من كل قلبي
زين : خلاص يا ليلى بقى يلا نمشي انتي خدتي حقك اهو
ليلى: لأ لسه مخدتش ، مش همشي غير لما يحول الفلوس للراجل دلوقت حالا
يوسف : ما خلاص بقى يا بت ، انتي فارده نفسك علينا كده ليه ، خلاص خدتي شيكات ووصولات
ليلى ببرود : تؤ ، ومش همشي غير لما الفلوس تتبعت و دلوقت
يوسف : ده انتي هبله بقى
ليلى : انا هبله فعلا اني صدقت واحد زيك ، بس مش مشكله ملحوقه
جابت سكينه و قربت نحيته
زين مسكها وحاول يشد منها السكينه : متتهوريش ، متوديش نفسك ف داهيه
ليلى : متخافش انا اكيد مش هقتله
رجعت بصت ل يوسف : انا هخليه يتمنى الموت و ميطولوش
قربت من يوسف اكتر.........
يوسف ب خوف : بطلي جنان يا ليلى , سيبيني و بطلي جناااااان
ليلى ضحكت ، بس ضحكه مرعبه ، مش ملامح ليلى اللي بتحب ، دي ملامح واحده فيها كرهه
ابتدت تمشي السكينه على رقبته بتهديد
يوسف بصعبيه وخوف : يااا بت خلاااص ، طب اهدي بس و هعملك اي حاجه انتي عيزاها و هنرجع سوا و نكمل شقتنا
ليلى بضحك : نرجع؟؟ ، لا دي خفت خالص
كملت بجديه : اخلص متعصبنيييييش اكتر من كده انا على اخريييييييي، حول الفلوس للراجل دلوقت بدل ما ادبحك
انا كده كده مش باقيه على حاجه !!!!!!!
هسيبكم هنا لحد ما يبان لكم صاحب بقى يطلعكم
دينا : ما تخلص يا زفت انت هنموووت هناااا
ليلى : كملوا ضرب يا رجاله
واضربوا البت دي كمان عشان معصباني
دينا بخوف : لا لا انااا حامل
ليلى بصدمه : نعم ؟؟؟
=====================================
في بيت ليلى
مراد : الساعه ٥ و بنتك من امبارح برا البيت يا ست هانم
هند : يا حج مع صاحبتها عامله حادثه و تعبانه
مراد : فين صاحبتها دي ولا ف مستشفى ايه
هند : مش عارفه بس هي قالتلي ان التليفون هيفصل ومكلماني وهي هناك
مراد : لا يا هند انا مش مرتاح خالص ، يا ترني تشوفي بنتك فين يا هنزل انا أدور عليها
انا حلمت بيها حلم مش حلو وقلقان جدا
هند: يا راجل بطل فالك الوحش ده ان شاء الله مفيش حاجه
و اول ما تشحن تليفونها هتكلمنا أو هخلي تمارا ترن على حد من صحابها تسألها
مراد : الليل لو ليل وهي مجتش هنزل أدور عليها انا
هند : ماشي يا اخويا انا هخلي تمارا ترن عليهم
===================================
ليلى : حامل كمان ؟؟؟ ، يعني مكتفتش بالجواز يا يوسف ؟؟؟
يوسف بص ل دينا : لا يا روح امك انتي مش حامل اصلا وانا عارف انك بتحوري من الاول
اضربها يا جدع دي كدابه مانا مش هتضرب لوحدي
دينا بعياط : انت بتبيعني يا ابن الوارمه!!!
ليلى ابتسمت : طول عمرك ندل
زين : خلاص يا ليلى خلينا نمشي عشان متورطيش نفسك ف حاجه اكتر من كده ، الشيكات معاكي هنطلع بيها على المحامي ونشوف موقفك ايه ف حوار الفلوس
ليلى : هو انا همشي من غيرو خلي الرجاله دي تحطه ف شنطة العربيه
زين : شنطة عربيه ايه ، انتي بقيتي رئيسة عصابه كده امتى
بصي احنا لازم تمشي خلاص وجودنا ملوش اي لازمه وهو مش هيعرف يتحرك من هنا والباسبور معاكي يعني مش هيعرف يسافر و تليفونه اهو معاكي يعني هو غصب عنه هيرجع
ليلى ابتدت تقتنع ب كلامه : تمام يلا
زين : متشكرين جدا يا رجاله خلاص دوركم خلص
يوسف بعصبية وبيحاول يفك نفسه : ليلى تعالي فكيني مش هينفع تسيبني كداااا
ليلى: وانت اما كنت سايبني كان حلو ؟؟
زين : يلا يا ليلى
ليلى مشيت معاه و رجعت تاني ل يوسف وليلى
ليلى : انتوا مفكرين أنها خلصت كده ؟؟ تؤ ده لسه
اتفووو عليكوا اوساخ انتوا الاتنين
خرجت ليلى هي و زين من عند دينا و سابتهم مربوطين زي ما هما
=====================================
في بيت ليلى
هند : اخلصي رني عليها شوفي مين صاحبتها دي اللي تعبانه
تمارا : حاضر يا ماما ما انا بدور على ارقامهم اهو
علي : طب هو في ايه لكل ده مش هي قالتلك امبارح
ده لسه معداش ٢٤ ساعه وهي معرفانا مختفتش فجاه يعني
هند. : ابوك قلقان ، وتليفونها مقفول
علي : طب هي قالتلك اسم المستشفى
هند : لا
ساره : خلاص يا جماعه نستنى ل بالليل ونشوف لو مجتش ننزل ندور ، لكن كده هندور بناء على ايه
تمارا : ساره بتتكلم صح يا ماما
هند : ابوكم اللي خايف ، حلم بيها حلم وحش و خايف يكون حصلها حاجه
ساره : ده حلم يا ماما ، ان شاء الله يبقى خير
===================================== في بيت دينا
يوسف : عاجبك كده اللي احنا فيه يا بووووومه
دينا بتعب من الضرب : ااااااااااه ، ااااانا اللي بومه ولا انت اللي اناااااني
يوسف : لو كنتي سيبتيني غورت كان زماني مشيت و في المطار دلوقت
دينا : على جثتي انك كنت تمشي لوحدك ، يا اناني يا غدار
يوسف : يا ست اقعدي بقى اما نشوف حل نطلع من المخروبه دي
دينا : شايف انانيتك وصلتنا ل فين
يوسف : يووووووووه، مش وقتك خااااالص
ناوليلي السكينه اللي جنبك دي
دينا : انا لو ناولتك السكينه دي هناولها ف قلبك
====================================
في القطر اللي متجه للقاهره
زين : مش كنا جينا بالعربيه بدل المرمطه دي
ليلى : لا كده انا مرتاحه اكتر
زين : كده انتي هتعملي ايه
ليلى : هبلغ عنو و هيجيبوه ع القسم هناك
زين : طب و أهلك
ليلى : مش عارفه اقولهم ازاي
زين : الحوار صدمه فعلا
ليلى بدموع : ده معملش حساب للعشره حتى
معملش حساب ل اي حاجه حلوه ، ده انا ضحيت ب كل حاجه عشانه، ازاي كنت مغفله كده
زين طلعلها منديل : طب خدي بالله عليكي كفايا عياط والله هو ما يستاهل اي دمعه منك خالص ، انتي اغلى من كده بكتير
ليلى : صعبان عليا نفسي اوييي
زين : انتي المفروض تفرحي انك لسه ف الاول
ليلى: اول ايه بس ده انا بيعت كل حاجه
زين : متخافيش والله كل حاجه هترجعلك
ليلى : بس انت جبت الرجاله دي منين
زين : اول ما حسيت طريقة كلامه مستفزه كده حسيت أنه ممكن يغدر كلمت واحد حبيبي هنا يعني ف قالي انه هيبعتلي ناس عشان لو حصل اي حاجه يعني هيساعدونا
ليلى. : انا بجد مش عارفه اشكرك ازاي
زين : ولا اي حاجه والله ربنا يرجعلك حقك
وانتي متخافيش والله انتي كده ف امان بالوصولات
بس عندي سؤال يعني لو مفيهاش حاجه تضايق
ليلى بدموع: عشان كنت بحبه ف اتضريت اني اضحي
زين باستغراب: عرفتي ازاي
ليلى : عشان سؤال متوقع جدا و حق اي حد يستغرب .
ابتدى نفسها يقل ......
زين : انتي كويسه؟
ليلى : حاسه ب نغزه ف قلبي ...
زين : طب اهدي طيب ومتحطيش ف بالك حاجه
و خلاص احنا قربنا على البيت متقلقيش
ليلى بتنهد : حاسه ان انااا .... مش ...مش قادره اخد نفسي خالص .....
فجأه قطعت النفس....
يتبع.........
تكملة الرواية بعد قليل
الرواية الكاملة من هناااااااا
تعليقات
إرسال تعليق