سكريبت ترميم الفصل الثاني 2بقلم حبيبه منصور حصريه
سكريبت ترميم الفصل الثاني 2بقلم حبيبه منصور حصريه
هند ب صويت : الحقيني يا ليلى !!!!!
قامت مفزوعه من النوم على صوت امها
ليلى بخضه: في ايه يا ماما مالك
هند : تعالي شوفي أبوكي اللي هينقطني ده
ليلى : خضتيني يا ماما انا قولت في حاجه حصلت
هند : أبوكي ، قال ايه بيقولي أنه موافق على الواد الطويل الاهبل بتاعك ده ، وان انا مكبره الموضوع مع أمه
ليلى : بجد يا بابا !!!! ، حبيب قلبي والله
مراد : انا شايف أنه طالاما شاري ما نقعد عادي ونتفق، مشاكل امه وامك تتحل بعدين ولو اني شايفها مش مشاكل ده كيد و لٓت حريم مش اكتر
هند: قصدك أن انا كياده ولتاته يا حج!!
مراد : استهدي بالله يا حجه ، متقفشيش ف الكلمه كده
ليلى : مش عارفه يا ماما انتي قارشه مالحتها ليه ، وبعدين ده انا بقولك عشان خاطري ، يعني عدي الدنيا عشان خاطر بنتك بقى يا هٓنْودٓه
مراد : خليه ييجي بكره بعد ما تخلصوا شغل ، على الساعة ٨ كده
ليلى: حبيب قلبي يا مراد والله
=================================
في بيت يوسف »»
صابرين بعصبيه وهي ماسكه الشبشب بتجري وراه : بقى انت ياض يا سخطه بتحب من ورايا وبتكلم بت مفعوصه زيك كده ، ده انتوا لسه مطلعتوش من البيضه
يونس بخوف وهو واقف على الكنبه: استهدي بالله بس يا امي ، والله العظيم كنت هقولك
صابرين: كنت هتقولي امتى إن شاء الله، اما تكتب كتابك ولا تدخل عليا ب عيل
يونس : يا ست الكل انا اصلا مكنتش هخطب دلوقت ده انا لسه ف٣ ثانوي يعني ع الأقل ٣ سنين عشان اروح ل ابوها وانا اتفقت معاها على كده
يوسف : سيبك منو يا امي وخليكي معايا انا ، انا كبير ومحتاج أخطب ، وبعدين المشاكل اللي بينك وبين امها مش مشاكل ولا تار يعني ، دي حاجات بسيطه وهتروح لحالها ان شاء الله
صابرين: طب وهو انت معاك شقه ولا دهب يا بارد، هتقول للراجل ايه
يوسف: هجيب متقلقيش ، ليلى هتساعدني في الدهب، سلف يعني وهرجعهم
صابرين : وهتروحلهم امتى يا حيلتها
يوسف بتوتر: احم ، بكره هشوف ليلى هتقول ايه
صابرين ب تٓوٓعد : طب اسمع بقى ، الوليه الأرشانه دي لو قالت كلمه معجبتنيش الجوازه دي مش هتتم
يوسف: متخافيش ، ان شاء الله مفيش حاجه
==================================÷÷
« في شركة we , الساعه السابعه صباحا »
ـ صباح الخير يا فندم مع حضرتك ليلى مراد من خط we
ايه مشكلة حضرتك عشان احلهالك
= ليلى مراد ازاي ، انتي مش الله يرحمك
ـ( ليلى بتتكلم من بين سنانها): دم حضرتك خفيف جدا يا فندم ، ممكن نعرف المشكله بقى
= احكيلك ايه ولا ايه يا فنانه ، والله ضغوطات الدنيا مبهدلاني، وفلوس ومصاريف وفرق
- يا فندم مشكلة حضرتك ف النت مش في الحياه عموما
= معلش ما انتي موضحتيش
- موضحتش ايه يا فندم ، حضرتك بترن على خط we ولا اخصائيه نفسيه
= ما براحه علينا يا استاذه
ـ ( ليلى ب نفاذ صبر): لا انا صبري نفذ خلاص
شكرا لحضرتك يا فندم , واتمنى نكون حلينا مشكلة حضرتك اللي مسمعنهاش مع السلامه
لفيت وشي لقيت البيه الرومانسي كالعاده ماددلي أيده ب كوباية العصير
يوسف : روق بالك يا وحش ، ده انتي هيتخصملك شهر في قفل السكه في وش العميل ده
ليلى بعدم اهتمام: ولا هاممني، انا خلاص قرفت من الشغل ده
يوسف ب اهتمام : طب قوليلي أبوكي قال ايه ، هاجي امتى
ليلى بتحاول تضايقه: مش عارفه اقولك ايه والله
يوسف ب قلق: في ايه
ليلى : وافق انك تيجي الساعه ٨ كده ،
يوسف بفرحه: وسيباني كل ده يا بارده
ليلى : بحب اضايقك ، بس المهم متتأخرش وخليك هادي
المشرف جاي من بعيد بيزعق
المشرف بعصبية : انتي يا استاذه هند رستم
ليلى بعصبية مكتومه وابتسامه مزيفه: اسمي ليلى مراد يا فندم
المشرف: مش هتفرق يا استاذه سعاد حسني، تقدري تقوليلي ايه اللي عملتيه مع العميل ده
ليلى بهدوء مصطنع : معملتش حاجه يا فندم
المشرف: اومال ايه يا اختي، انتي مفيش مكالمه بتعمليها غير وتخلي العميل عامل مليون شكوى، اعمل فيكي ايه انتي ورشدي اباظه ده
يوسف أتدخل : اسمي يوسف الشريف يا فندم
المشرف بعصبية اكتر: لا دي مش شركه بقى ، دي سينما
اخر انذار ليكم انتوا الاتنين و بعد كده هتطردواااااااااااا
ومشي وسابهم، يوسف و ليلى بصوا لبعض
ليلى : فكك منو ، المهم ، قولي بقى البس ايه النهارده
================================
««في بيت ليلى »»
تمارا قاعده ف اوضتها بتذاكر ، علي دخل مره واحده بزعيق
علي : قومي يا بت حطيلي فطار
تمارا: ما ماما في المطبخ
علي : لا ماما نزلت ، قومي حطيلي فطار خلصي
تمارا : لا انا بذاكر مش فاضيه
علي ضربها على قفاها: قومي يا ماما ، انتي مفكره الطب مستنيكي، قومي يا اختي حضري فطار ده اللي ينفعك عشان جوزك ميطلقكيش
تمارا بعصبيه: هوووف بقااااا هو مفيش غيري ولا ايه في امل البيت ده , يارب قرة عيني ييجي ياخدني من البيت ده
علي : اللي بياخد العباد ربنا يا حبيبتي
=================================
في بيت يوسف »»»
يونس : بقولك ايه يا صرصور
ساره بصدمه : صرصور؟؟ ، انت شكلك اتجننت ياض يا سخطه ولا ايه
يونس : بدلعك. انا غلطان يعني؟؟
ساره : اه غلطان ومتهزرش معايا تاني
يونس ب اغراء : عندي ليكي مصلحه حلوه ب ٢٠٠ جنيه
ساره: ٢٠٠ جنيه مره واحده ؟!!
يونس : شوفتي بقى انا بحبك ازاي و عايز مصلحتك
ساره : طب انجز قول
يونس بيبص حواليه عشان يتأكد أن امه مش سمعاه: هتروحي ل تمارا وتكلميها و بصنعة لطافه كده تفكي البلوك
ساره بتريقه: عملتلك بلوك؟؟ ، يا كسفتك يا يونس وسطنا، وعاملي فيها مقطع السمكه و ديلها
يونس : خليكي ف حالك و اخلصي
ساره : لا طبعا مش هعمل كده ، كرامتي متسمحش
يونس : طب ولو ٣٠٠
ساره : يبقى تسمح طبعا
==================
في بيت ليلى، الساعه الثامنه مساءا، »
دخل يوسف وصابرين و يونس
يوسف قعد جمب يونس ، و صابرين قعدت جمب ساره في وش هند و مراد ، وتمارا المحبه التانيه
مراد : منورين يا جماعه
يوسف ب توتر : الله يخليك يا عمي
يونس عمال يدي نظرات ل تمارا بالسكت عشان محدش ياخد باله
وعلي بيبص ل ساره اللي مشفهاش من مده طويله
ازاي كبرت و بقت حلوه كده
صابرين : بص يا حج ، احنا جايين النهارده عشان ابني يطلب ايد بنتكم ليلى ، ف احنا جايين نطلبها ونشوف طلباتكم ايه
مراد بص ل يوسف : بص يا ابني احنا بنشتري راجل ، واهم حاجه عندنا راحة ليلى وطالاما هي موافقه ف كل اللي جاي سهل ان شاء الله
ليلى خرجت ب صينية العصير ، اللي لسانها مترين في الشغل مش قادره تبص ف عينه
حطت الصينيه وسلمت عليهم وقعدت جمب مراد
يوسف بص لها ب بابتسامه ورجع بص ل مراد : والله يا عمي انا هشيلها في عيني
مراد : و ده المطلوب ، طبعا انتوا عارفين ان الشقه على العريس طبعا و الخشب ، والشبكه دي مش محتاجين نقول انها عليكم
صابرين : قول لنا طلباتك يا حج
مراد: والله انا شايف أن ليلى ويوسف هما اللي يقرروا مع بعض ، دي حاجه بينهم وبين بعض
هند : بعد اذنك يا حج انا ليا راي تاني
مراد : اتفضلي يا حجه
هند : احنا عايزين ل بنتنا دبله و خاتم و ٣ محابس
صابرين بنرفزه بسيطه : ٣ محابس ليه، ايديها بتسرب مايه!!!
ليلى مقدرتش تكتم الضحكه بتاعتها، امها بصتلها بغيظ و رجعت بصت ل ام يوسف
هند : والله دي طلباتنا ، اللي معهوش ميلزموش
يوسف أتدخل: استهدي بالله يا حجه ، اللي ليلى تشاور عليه هنجيبه متقلقيش
مراد خبط على كتفه : راجل ياض يا يوسف
يونس : طب ما نقرا الفاتحه يا جماعه بدل ما ننزل من عندكم من غير اي حدث كده خالص
مراد ضحك على طريقته ورجع بص ل ليلى : هااا يا ليلى يا بنتي ، ايه رايك
ليلى بكسوف: اللي تشوفه يا بابا
يونس عمال يبص ل تمارا بتوعد
وعلي بيبص ل ساره ب اعجاب
اما ليلى ف كانت بتبص ل يوسف ب كل حب
هند بتبص ل صابرين ب غيظ و أكنهم داخلين حرب مش جوازه خالص
مراد : بس لسه فيه اتفاقات كتير مخلصنهاش بس هنتكلم فيها عادي بعد الدهب
يوسف : اللي تشوفه يا حج احنا عنينا ل ليلى
ساره : يا ولااا يا ولااا ده واقع خالص يا لولٌا
كلهم ضحكوا عليها، اما الحبيب باصصلها لسه محركش عينه من عليها
قامت تمارا دخلت المطبخ بتتكلم في التليفون
يونس لاحظ انها قامت ف استئذن انه يدخل الحمام عشان يعرف يكلمها ويقولها فكي البلوك
يونس : ممكن ادخل الحمام
علي : اه طبعا ، امشي كده هتلاقيه على ايدك اليمين
دخل يونس عشان يكلم تمارا وقف مصدوم من اللي سمعه
تمارا بغيظ: والله زي ما بقولك كده ، جه البيت فعلا وطلبها ، طب وانا ؟؟ ، وحبي
يونس ايه يا بتاعه انتي ، انا كنت واخده يونس كده عشان اعرف اوصل ل يوسف و اعرف أخباره
بس انا غبيه عملتله بلوك قبل ما اعرف حوار أن يوسف جاي البيت ده
يا هيام انا بحب يوسف ومش هينفع أن الجوازه دي تتم
انا....
لاحظت أن يونس واقف
تمارا بتوتر: يونس!!! ....... مش عايزاك تفهم غلط
انا....
يتبع
تكملة الرواية بعد قليل
الرواية الكاملة من هناااااااا
تعليقات
إرسال تعليق