سكريبت ترميم الفصل السابع 7 بقلم حبيبه منصور حصريه
Part 7
يوسف بصدمه: دينا!!!
ليلى بصتله بذهول
دينا : انا جايه ابارك لحبيبة قلبي لولا
هند بصتلها: نورتي يا ست هانم
صابرين بصتلها باستغراب : معلش يا حجه لامؤخذه ، انتي مش بردانه باللي انتي لبساه ده
دينا بصتلها: حجه ؟! ، مالك يا طنط شيفاني ايه
صابرين : اصل معلش يعني واحده معديه ال ٣٥ تلبس كات كده عادي ، دي مش أخلاقنا يعني وطنط ايه يا ام طنط ده انا الي اقولك طنط
علي بص ل ساره: الوليه الجامده دي معديه ال ٣٥
ساره بصت له بقرف
ليلى : مين عزمك يا استاذه دينا
دينا : أخص عليكي يا ليلى، مش عايزاني اجي ابارك لك؟
ليلى : مستغربه حضرتك عرفتي اننا هنا منين
دينا بصت ليوسف و رجعت بصتلها: اصل سألت عليكم ف الشغل النهارده عرفت انكم واخدين اجازه ف سألتهم ليه قالولي عشان خطوبتكم
كملت ببرود: زعلت اوي يا ليلى ، ازاي متعزمنيش، ده انا حتى بحبك اوي ، ويوسف
يوسف اتوتر جدا
دينا : يوسف ده بعزو جداً
ليلى ببرود: تسلمي ، بس احنا كنا عاملينها عائليه شويه
ف عشان كده معزمناش حد ، و مقولناش لحد على مكاننا ف مستغربه حضرتك عرفتي منين
دينا تجاهلت كلامها : طب شغل المزيكا يا جدع عشان انقط عروستنا القمر
ربطت طرحه على وسطها ، لابسه فستان كات احمر لا يليق ب سنها ، ولكن تباً لها هذه الوليه ولا يبان عليها السن
ابتدت ترقص بدلع وتحرك شعرها الطويل اللي مغطي ضهرها
علي همس ل ساره ف ودنها: هي الوليه الجامده دي متجوزه؟
ساره بصت له بقرف : انت عبيط؟ ، هي لو كانت متجوزه كانت هتبقى جامده كده
علي باقتناع: عندك حق
ساره : و بص قدامك بقى أحسن لك
على : انتي احلى على فكره
ساره اتكسفت و مردتش عليه
على الجانب الآخر
يوسف متوتر جدا ومش عارف يقولها تمشي
ليلى همست ل يوسف : الست دي زودتها اوي
رجعت بصت ل يوسف ب شك : هي عرفت منين يا يوسف أن مكاننا هنا
يوسف اتوتر اكتر ومبقاش عارف يرد عليها : مش عارف
ليلى : هنشوف الحوار ده بعدين
دينا لسه مكمله ف الرقص ، مفكره نفسها دينا الرقاصه ولا ايه
، بتقرب من يوسف بطريقه غريبه وهي بترقص ومن ليلى بردو ، صابرين لاحظت انها بتغيظ ليلى أو بتحاول تضايقها
ليلى بتتكلم بعصبية من بين سنانها: الموضوع زاد عن حده يا يوسف ، انا مش مجبره استحمل وجودها، انا مش راضيه احرجها لحد دلوقت
صابرين حست أن ليلى متضايقه من وجود الست دي
صابرين بصوت عالي : اطفي الزفت ده يا جدع انت
رجعت بصت ل دينا بقرف : خلصتي فقرتك يا ست الرقاصه ولا لسه مستنيه النقطه
دينا بصت لها بغيظ و رفع حاجب
صابرين : بتبصيلي كده ليه يا دلعادي
دخلتي علينا كده من غير احم ولا دستور وهاتك يا رقص من بدري ، تقربيلهم ايه انتي
يوسف بتوتر : احم ، دي مديرة الفرع اللي شغالين فيه انا وليلى يا امي
صابرين باستنكار: بجد والله ؟ ، و دي بتشرف عليكم ولا بتقسم لكم على واحده ونص
علي ضحك: حلوه يا خالتي
صابرين بصتله: عجبتك ياض؟
علي : عسل يا خالتي
دينا بصتلها بقرف : مش من حقك انك تكلميني بالاسلوب ده
صابرين ببرود: انتي جايه لحد عندنا و اقتحمتي المناسبه الحلوه بتاعتنا و انتي اللي مش عاجبك كمان ؟
بجاحه صحيح
دينا ببرود : انا عملت اللي عليا ، استئذن انا بقى
صابرين: فكي يا اختي البتاع اللي على وسطك بدل ما تضحكي الناس عليكي
دينا بصتلها بغيظ وشالت الحزام من على وسطها وخرجت وهي متغاظه من صابرين
ليلى : هي عرفت منين ان احنا هنا يا يوسف
يوسف : ايش عرفني انا يا ليلى
ليلى : ايش عرفك ازاي هو فيه حد يعرف أن احنا هنا غيرنا ، ومحدش ليه تواصل معاها غيرك
يوسف : اهدي يا ليلى محصلش حاجه لكل ده
ليلى باستنكار: محصلش حاجه ؟ ، كل ده ومحصلش حاجه
حلوه يعني الحركتين اللي هي عملتهم دول
مش مكسوفه على دمها ولا على سنها المقرفه دي
صابرين : اهدي يا ليلى يا بنتي
ليلى حضنتها : شكرا اوي يا ماما انك وقفتيها عند حدها
صابرين : انا مبحبش الغلط
مراد : مشتيها ليه يا ام يوسف
هند بصتله: عايزها ليه يا مراد
مراد بتوتر : احم ، قصدي يعني عشان متكونش زعلت من الموقف ده و تضايقهم ف الشغل
ليلى : خليها تعمل حاجه وانا هسيبلها الشغل خليه يتطربق فوق دماغها
يوسف : اهدي شويه يا ليلى هي خلاص مشيت هتبوظي فرحتنا عشان خاطرها
ليلى ب شك : هي مش جايه هنا عادي خالص وتصرفاتها دي بتدل على أنها عايزه حاجه
يونس: خلاص بقى يا جماعه صلوا على النبي ، الست خلاص مشيت واحنا خلونا نتبسط وناخد قعدتنا ونمشي
ساره ب استظراف: الواد السخطهه عندو حق خلونا نتبسط كده ونتصور وبعد كده نروح، وبعدين يعني الست هيصت الدنيا بالرقص بتاعها متكبروش الموضوع
شدت تمارا من ايديها: تعالي يا تمارا نتصور هناك كده
« صابرين و هند و مراد قاعدين على ترابيزه ، تمارا وساره واقفين مع بعض بيتصوروا ، يونس و علي واقفين مع بعض بعيد ، اما ليلى ويوسف ف واخدين ركن نكد بعيد »
يوسف : يا ليلى ابوس ايييدك كفايااا نكد
ليلى : انا نكديه يا يوسف؟!
يوسف : يا حبيبتي مش قصدي كده ، بس اديكي شايفه اهو اجمل لحظه بالنسبالنا قلبت نكد عشان واحده مش حباها ومش عارفين سبب عدم حبك ليها ايه
ليلى: عشان هي ست مش كويسه خالص ، وتصرفاتها مش كويسه ، وغريبه ف كل حاجه ، لبسها ، طريقة كلامها ، أسلوبها ، حتى كلامها مع الرجاله وخصوصا معاك
يوسف: هو انتي شوفتيني ادتلها وش
ليلى رفعت حاجبها: وانت عايز تديها وش بمناسبة ايه ان شاء الله
يوسف: طيب فكك من دينا دي خالص وخلينا نتكلم ف مستقبلنا شويه
ليلى : مستقبلنا ايه اللي مش باينله ملامح ده
يا يوسف انا بقى عندي ٢٣سنه ولسه مخطوبه شوف بقى عما اتجوز و اخلف هكون عندي كام سنه
دي خطوبتنا دي فيها ٤سنين أقل حاجه عشان نتجوز
يوسف: مانتي لو ايدك ف ايدي ممكن نتجوز ف شهرين
ليلى بتريقه: شهرين. ؟ ، ده اللي هو ازاي ان شاء الله
وبعدين انا كل ده ومش ايدي ف ايدك ؟
يوسف: يعني أنا لو قعدت هنا بالمرتب التعبان بتاع الشركه ده ولا فيها ٦سنين
ليلى : والعمل بقى ، المفروض اني استنى ٤ سنين كمان غير ال ٤ سنين اللي استنتهم عشان تيجي تخطبني !!
يوسف: مانا بكلمك ف أن لازم اسافر هاخد مرتب كويس ف الشهرين ، هشتغل شغلانتين ف اليوم ب مرتب كويس اوي
ليلى : طيب تمام ، روح ايه اللي موقفك
يوسف : يا سلام مانتي اللي مش عايزاني امشي و اسيبك
ليلى: عشان انا مش بحبك تكون بعيد عني
يوسف : والله وانا مش بحب ابعد عنك بس عايز فرصه نبقى فيها مع بعض لاخر العمر مش هنفضل كده الظروف منعانا
ليلى : والعمل يا يوسف
يوسف : هسافر هجمع حتى قسط الشقه ف الشهرين واما ارجع هسدد القسط ، الشقه دي لو راحت مننا مش هنعرف نتجوز دلوقت ، واديكي شايفه العمر بيعدي
ليلى : يوسف ، انا استحملت كتير اوي ، احنا لو معرفناش نتجوز ع الأقل خلال السنه دي انسى اننا نعمل حاجه
يوسف : طيب انا هطلب منك طلب يا عيون يوسف و حل هيساعدنا اننا نخلص
ليلى ب اهتمام : ايه هو
يوسف : انك تسلفيني اشتري الشقه دي
ليلى بقلة حيله: اسلفك منين يا يوسف ، انت شايف الظروف اللي احنا فيها ، انا بشتغل عشان اساعد مع بابا في الجهاز ، عشان اجيب حاجه اغلى تقعد معايا ، اجيب حاجه اغلى انا بحبها ، حاجات بالنسبالهم رفاهيات بالنسبالي مهمه
يوسف : طيب يا ليلى ، بيعي التلاجه اللي ب ١٠٠ الف دي وهاتي واحده عاديه ، غسالة الأطباق اللي بالشئ الفلاني مش هتحتاجيها، فرن و ميكرويف والبوتجاز يقوم بالواجب عادي
انتي بس لو ساعدتيني اني اجيب الشقه اي حاجه بعدها هتبقى سهله
يعني لو فكرتي بيها بالمنطق كده ، تجيبي حاجه غاليه و تتمرمط في الشيل والحط من الايجار، ولا نجيب حاجه صغيره ومع الوقت نغيرها براحتنا ، ساعتها هنبقى مستقريين ف مكان نجيب بقى براحتنا كل حاجه انتي عيزاها، وانا عمري ما هبخل عليكي ب حاجه وانتي عارفه ده كويس
ليلى بصت له بقلة حيله : عارفه
يوسف : طب متردده ليه
ليلى : عشان خايفه يا يوسف
يوسف : خايفه وانتي معايا ؟
ليلى : خايفه تستغل اني بحبك وتكسرني بعدين
يوسف : انتي عبيطه يا بت ؟ ، انتي محسساني أنك أول مره تعرفيني
ليلى : بقيت بخاف يا يوسف ، بقيت بخاف كل ما بكبر ،وانت مش بتعمل حاجه تخلينا نخلص
يوسف : طب ماانا بقولك أهو يا بنت الناس ، انا بردو زيي زيك عندي ٢٧ سنه لكي أن تتخيلي اني لما ابقى اب هكون عديت ال٣٠ واللي ف سني متجوز من بدري و مخلف عادي
ليلى سكتت...........
يوسف: بصي يا ليلى مش انتي عايزه نتجوز ف اسرع وقت؟ صح ؟
ليلى : اه
يوسف: وانا هموت اكتر منك عشان نبقى مع بعض ، بس الحل ايه ، نساعد بعض
ليلى : طب وهو انا مساعدتش؟
يوسف : طيب انا عندي حل حلو جدا
ليلى : ايه هو
يوسف : هستلف من حد في الشغل فلوس الشقه و هروح اشتريها
ليلى : و هتسدد ازاي بقى
يوسف : في ايه يا ليلى ما احنا بعض
ليلى: يعني ايه مع بعض يا يوسف
يوسف : يعني الشقه تعمل مليون , هنبيع شويه من الرفاهيات الغاليه زي ما بتقولي ، وانا هجيبلك بدالها ، وانتي عارفه ده
ليلى : طيب بكره نروح سوا هنشوف هنبيع ايه منهم
يوسف : طول عمرك اصيله يا لولتي، وبتغلي ف قلبي كل يوم اكتر من الاول
ليلى : لو متوقفتش جمبك مين اللي هيقف
يوسف : ربنا يخليكي ليا يارب
ليلى : طب كده الحاجه اللي هبيعها متجيبش ٢٠٠ الف هنكمل الباقي منين
يوسف : هتشوفيلنا حد يسلفنا، بس فيه مشكله
ليلى : ايه هي
يوسف : أن صابر الوحيد اللي هتلاقي معاه المبلغ ده بس هو مستحيل يسلفني، مش هيضمن
ليلى : اومال هنعمل ايه
يوسف : يعني لو ينفع ممكن انتي تضمنيني
ليلى بحب : اضمنك طبعا
يوسف : روح قلب يوسف من جوا
===========================
على الجانب الاخر»
ساره : هو يونس ماله يا تمارا
تمارا بتوتر و استغراب : ماله ازاي ، هعرف منين
ساره : انا عارفه انه بيحبك ، بس بقاله كذا يوم غريب كده ومش مظبوط ، ده بقى بيذاكر يا بنتي انتي عارفه يعني ايه ؟ !!!!
علي اتدخل ف الحوار بس مسعمش هي بتتكلم على مين
علي: لا اله الا الله ، بيذاكر؟ ، ايه الي وصله للمرحله دي
ساره : خف برود يا جدع
علي : روحي يا تمارا هاتيلي الجاكيت من على الكرسي هناك عشان الجو بقى باااارد اويي
مشيت تمارا وسابتهم
ساره : والله ما فيه حد بارد غيرك
علي : ممكن اتعرف عليك يا جميل
ساره : لا
علي : ليه بس ده انا حد جميل وعسل
ساره : مين الكداب اللي قالك كده
علي : واحده حبيبتي كده بتموت فيا
ساره : انت بتقول ايه ؟!
علي : عرفيني عليكي ، عندك كام سنه
ساره : عندي ٢٠ يا خفه
علي : ياااااااه ، انتي صغيره اوييي ، انا عندي ٢١
ده انتي تقوليلي يا اونكل بقا
ساره : اقولك يا جدو أحسن
علي : ثقيلة الدم
ساره : غور يا شبح من هنا
علي : طب كفايا هزار بقى و نتكلم جد شويه
ساره : خير ان شاء الله
علي : تقبلي انك تتجوزيني
ساره سكتت ....
علي : انا مش بقولك اديني رد دلوقت انا هسيبك تفكري براحتك طبعا ، وبعد كده ردي عليا ، لو فيه قبول من نحيتك ليا ، هكلم أهلك
ساره ابتسمت وسكتت
علي : هااا هتفكري؟
ساره : احنا منعرفش بعض كويس
علي : يا بت ما احنا هنعرف بعض وهتحبيني وكل حاجه هتبقى زي الفل
ساره:...............
================
« على ترابيزة صابرين وهند»
صابرين : الوليه دي مكنتش طبيعيه خالص ، انا مرتحتلهاش
هند : انا مش عارفه هما اتضايقوا منها اوي كده ليه ، هي اه مش مريحه شويه ولبسها غريب ، بس اكيد ده مش مبرر يعني ل الكرهه ده كله
مراد : متكبروش الموضوع يا جماعه ، راحت لحالها
صابرين : بس بصي العيال شكلهم حلو ازاي مع بعض
هند : ربنا يتممها على خير يارب
مراد بضحك : بس انتي عرفتي منين يا ام يوسف انها معديه ال ٣٥
صابرين : انت مش شايف يا حج وشها ، الوليه دي اكيد مطلقه ، الستات مبتحلوش كده غير اما بتطلق
هند : يعني لو اتطلقت هحلو كده
صابرين بضحك : لا يا حجه انتي عديتي السن خلاص
هند بضحك : أخص عليكي يا حجه
==============================
يوسف : نروح بكره نتفق على الفلوس اللي هنستلفنا ولا نبيع
ليلى بتردد: انا من رايي طالاما كده كده هنستلف ف ناخد مبلغ الشقه ومنبيعش حاجه من الجهاز ، صعب اني اجيب الحاجه دي تاني
يوسف : اللي انتي شيفاه يا روحي
ليلى : طب انت بردو لسه هتسافر؟
يوسف : لازم يا لولي ، عشان حتى اجمع جزء كبير من الفلوس اسد بيه الشقه
ليلى: يعني انت هتمشي امتى انا كده مش فاهمه
يوسف : بصي يا ست الكل ، احنا هنعمل الشقه و ندي السمسار الفلوس و لصاحب الشقه كمان
عما انا اسافر هيكون انتي دفعتي فلوس الشقه و فرشتيها
يكون انا جمعت مبلغ من الشغل ، هاجي ادفع جزء من الفلوس ل صابر اللي مسلفنا
ونعمل بقى كتب الكتاب والفرح ونكون مش علينا حاجه غير الفلوس وهنسدها ان شاء الله هشتغل وهتشوفي انا هعمل ايه عشانك
ليلى: يعني انت هتعمل كل ده عشاني
يوسف : انتي هتشوفي اما اسافر الشهر ده هعمل ايه عشانك
هطحن نفسي ف الشغل عشانك ليل نهار
ليلى : بحبك اوي يا يوسف
يوسف : مش اكتر مني يا نن قلب يوسف
ليلى : انت الامان و الدفا بالنسبالي ، عشان كده بساعدك من وانا مغمضه ، ومدياك الامان ، ومستعده اضحي اكتر طول مانا شايفه انك عايز تعمل حاجه عشاني حتى لو بسيطه بس بتعمل
يوسف: انا هعمل اقصى ما ف جهدي عشانك ، هطحن نفسي ليل نهار ف الشغل
ليلى : أحبك وانت بتضحي
يوسف : كله من أجل الحب
ليلى ضحكت وسكتت
يوسف : هدخل الحمام واجي يكونوا جابولك المفاجاه اللي عاملهالك
ليلى : مفاجاه ايه؟؟
يوسف : هتتبسطي جدا
ليلى : طيب هقعد معاهم عما تيجي
يوسف : ماشي يا قلبي
=====================
دخل يوسف الحمام وطلع التليفون ورن على دينا
دينا ببرود : خير
يوسف : انتي عبيطه ست انتي ، انتي جايه لحد عندي ليه
دينا : جايه ابارك
يوسف : تباركي ايه و زفت ايه يا شيخه ، انتي كنتي هتوديني ف داهيه
دينا : طب متزعقليش بقى عشان كده النونو يزعل
يوسف : نونو ايه وقرف ايه
دينا : النونو اللي ف بطني ، مش انت هتبقى اب يا يوسف
يوسف اتصدم ......
يوسف : نعم!!!!!
يتبع..........
تكملة الرواية بعد قليل
الرواية الكاملة من هناااااااا
تعليقات
إرسال تعليق