سكريبت منضفتيش السُفرة كويس ليي؟؟ كامله لجوجو العسيلي
سكريبت منضفتيش السُفرة كويس ليي؟؟ كامله لجوجو العسيلي
ـ منضفتيش السُفرة كويس ليي؟؟
=انا نضفتها ولله!!
ـ انتي كمان بتكذبيني وبتعميني !!
=انا اسفة حقك عليا هنضفها تاني
ـــــــــــــ.
-فين الأكل يا اميره؟!
=علي البوتجاز 10دقايق ويستوي
-10دقايق!!طوول النهااار ف الشغلل طافح الدمم واجي البييت ملاقييش اكل وتقوليليي استناا؟؟
كنتي بتعملييي ايي اليوم كللو ياستت هاانم؟؟؟؟
رديي ساكتهه ليي؟؟
=طب ممكن تهدي؟
-اهدي؟ليي شيفاني مجنون بشد فـ شعري؟؟
=لا طبعاً مقدرش اقول كده؟
هروح اجيب الأكل حالاً
-خدي هنااا متتحركيش الا لما اقووللك ردي قولي عملتي ايه النهاارده علشان افضل قاعد مستنّي سعادتك لما تخلصي الأكل وتجبيه
=صحيت من النوم تعبانه شوية نزلت اياد يجيبلي علاج من الصيدلية خدتو ونمت شوية وبعدين حاولت اقوم اروّق البيت علشان يبقي نضيف لما تدخل وذاكرت للعيال وغسلت الهدوم ونشرتها علشان ما تضايقش لما تشوف هدوم مش نضيفه ونزلت اشتريت طلبات البيت ووديت اياد وجميلة الدّرس بتاعهم وروحت ع البيت عملت الأكل وروحت جيبت العيال من الدّرس وجيت ولّعت علي الأكل وذاكرتلهم وانت دخلت
-اممم يعني مقضّية نص اليوم نوم والنص التاني بتروقي البيت اي كلام وبتذاكري للعيال اي حاجه صح؟؟
=لا مش كدا
-بتكذّبيني وبتردي عليا كمااان!!!!
=حقك عليا متزعلش منّي
ممكن بس توطّي صوتك شوية علشان العيال خايفه
-انتي هتقوليليي اعملل اي ومعملش ايي!! دا بيتييي اعلّي صوتي وقت ما انا عاوز وازعّق وقت ما انا عاوز فااهمه!!
=فاهمه!!
-اوعي من وشّي نكّدتي عليّا وسديتي نفسييي ست نكديه
=طب مش هتاكل!
-لاا
ــ ماما هو بابا بيزعق ورزع الباب ونزل لي؟؟
=متخافوش يا حبايبي بابا مضغوط شوية ف الشغل وتعبان بس
ــ بس هو يماما علي طول كده بيفضل يعلّي صوتو ويكسر ف الحاجه وبعدين بينزل تحت وانتي بتفضلي تعيّطي فـ الأوضة لوحدك
=يـ يلا علشان تاكلو وتنامو علشان المدرسة بكرا يللا
ــ وانتي مش هتاكلي معانا؟؟
=لا يحبايبي مش جعانه هبقي استني بابا ناكل مع بعض
ــ ماشي
ــــــــــ.
صَـلُّـــــواْ عـلـــىٰ مُـحـمَّـــد يـا رِفـاق .
ـ اي يا نادر اتأخرت كده لي يحبيبي
=براحتي انتي هتحاسبيني ولاّ اي يا اميرة!
-للا مش قصدي بس علشان مكلتش من الصبح ومستنياك آكل معاك
=لا كلي انتي انا كلت برّة يلّا تصبحي علي خير
-وانت من أهله
=رايحه فين!!!!؟
-هنام
=مش هتاكلي
-لا مش جايلي نفس
=طب اغسلي الهدوم اللي لسّة مغيّرها دي
-ممكن بكرا علشان مرهقة شويه!
=ولله عاال بقيتي بتقوليلي لاا اهو يا اميرة !!!مش عاوز من وشك حاجه
-يـ ناد....
= غوري من قدامي
-حاضر
ــــــــــ.
-قومي افتحي الباااب دا مين اللي بيخبط بالطريقه دي!!!حتي يوم اجازتي مش مريّحنّي فيه!
=أهلاً يا ماما اتفضلي ياحبيبتي
ــ عامله اي يا اميرتي وفين العيال ونادر يحبيبتي
=الحمدلله ياحبيبتي،هدخل حالاً اصحّي نادر وهناديلك العيال
-نادر
=يا نعم
-مامتك برّة وبتسأل عليك
=حااضر
ويلّا روحي جهّزي الفطار
ـــــــــ
-الفول حادق شوية يا استاذه
ـــ ماهو حلو اهو يابني!
ـ لا حادق شويه يماما ،ابقي ركزي بعد كده!
=حاضر
ـ والطّعمية مش مقرمشة وفيها زيت كتيير
=حقك عليا بعد كده هتبقي كويسه
ـ طب شيلي الأكل وجهّزي الشاي
=حاضر
ـــــ
اذكر الّله
ـــ اي يا نادر يحبيبي المعاملة اللي بتعاملها لمراتك دي!؟؟
=.........
ــ لي بتكلمها بطريقه مش كويسه كده وليه بتعلّي صوتك عليها قدام الأولاد وليه بتعلّي صوتك أصلاً!!!
انا عمري ما ربيتك علي كده ولا باباك كان بيعاملني كده حتّي!!
مراتك بنت اصول مستحملاك ومستحمله اولادك وبيت وصيناك فـ غيابك ومش مخلّياكو عاوزين حاجه ومطيعة ليك كمان !
ليه انت بخيل كده؟؟
=انا عمري ما بخلت عليهم يا ماما بجيبلهم احسن حاجه وانا طافح الدم علشانهم يماما!!
ــ انا مش قصدي بخيل ف الماديات انا قصدي فـ المشاعر يحبيبي
انت لازم تقول لمراتك كلام حلو لازم تهتم بيها لازم تحس بالآمان فـ وجودك مش فـ غيابك!!لازم تقدّر تعابها معاك ومع الأولاد !!لازم اي حاجه تعملها تحسسها أنها عملت انجاز !لازم تخليها فرحانه ومورّدة طول الوقت مش تخلّيها دبلانه وشايلة الهم كده!!
الراجل الصح اللي ينوّر حياة زوجته وينوّر وشّها مش يطفيها ويخلّيها باهته كده!!
لازم تعرف معني القوّامة صح ربنا مش امرك انك تعاملها كده الرسول مش وصّاك بـ كدا يحبيب امك!!
مش عيب انك تسمع لشيوخ يعلّموك معني القوامه ومش عيب انك تشتري كتاب وتعرف الزاي الرسول كان بيعامل زوجاته !! لازم تشتري خاطرها وتهتم بكُل تفصيلية فيها لازم تخلّي الناس تغيير منها ومن معاملتك الحلوة ليها مش هي اللي تغيير من الناس!
وعيالك نفس النظام يا حبيبي دول نعمه من ربنا لازم تحمد ربنا عليهم وتحافظ عليهم عيالك ليهم حق عليك !
مينفعش أبداً يشوفوك وانت بتتخانق مع مامتهم أو بتعلّي صوتك عليها كده هيطلعو عندهم خلل فـ التربية ومش هيبقو سويّين نفسيّاً ،لازم تقعد معاهم علي قد ما تقدر وتضحك وتهزر وتلعب معاهم لازم تسمعلهم لازم تصاحبهم وتخليهم يحبوك اكتر واكتر ويتعلّقو بيك ، حاول تعمل توفر وقت لما ترجع من الشغل وتقعدو مع بعض وتضحكو وتهزرو ،ولازم يكون يوم فـ الاسبوع تخرّجهم فيه وتبسطهم ، اميرة مراتك وجميلة بنتك دول عاملين زي الورد لازم تسقيهم حب وحنيه ودلع علشان ميدبلوش منّك أو ييجي غيرك ويسقيهم ويهتم بيهم!واياد لازم تكون ليه سند وصاحب وتربية تربيه إيجابية علشان لما تكبر يبقي هو ليك سند تتسند عليه
بلاش تقسي عليهم غيرك بيتمني اللي انت فيه دا !!دا نعمة يحبيبي احفظ النعمة وتعاملها صح وتشكر ربنا عليهم علشان ميزلوش ماشي يحبيبي!!!راجع نفسك وافكارك كده ومتنساش اللي هتعملو معاهم وهما صغيرين هتحصُدو انت لمّا تكبر.
=انا كنت مقصّر معاهم جداً يماما وبالذات اميرة !
ــ حاول تصلّح اللي بوّظتو يحبيبي يللا انا همشي انا ومش هوصّيك عليهم
=استني ياماما هوصّلك
ــ خلليك معاهم يحبيبي هما محتاجينك اكتر مني
=لا يماما مينفعش اسيبك تمشي لوحدك هوصلك واجي اصالحهم
= طب هدخل اسلّم علي الأولاد واميره
يللا يا نادر
ـــــــــــــ
ـ الووو
استاذ نادر
=ايوا الزيك يا استاذ احمد
ـ مش وقتو دلوقتي
انت فين حضرتك !
=كنت بوصل والدتي وراجع البيت
ــ طب بسرعة علشان زوجة حضرتك تعبانه جدا والاسعاف نقلتها علي المستشفي اللي جمب البيت
=اييي الزااايي انا جااي حاالاا
ــــــ
ـ في اي يا دكتور مراتي مالهاا!!!!
=البقاء لله
ــ نعم فيي ايي؟؟
=اهدي حضرتك المدام جالها ساكته قلبية و..للأسف توفّت ادعيلها
ــ طب دي الزااي!!
=بتبقي تقريباً بسبب تراكمات كتيير مش كويسه ومشاكل كتييير وحالة نفسية أو ضغط نفسي او زعل مفاجئ الخ..... دي كلها حاجات لمّا بتكتر وبتتراكم القلب مبيستملش فـ بيقف فجأة
شد حيلك !
=ارجوك يادكتور عاوز اشوفها
ـمش ينفع هي دلوقتي دخلت التلاجه !
=ارجووك لآخر مرّه هشوفها ارجوك
ــ تمام بس 5دقايق فقط!
ــــــــ
ـ انا اسف يا اميرة ولله اسف حقك علي رااسي انا كنت غبي ومبفهمش لما كنت بقسي عليكي ولله بحبك قوييي بس كنت غبي لما فكرت أن لو بيّنت حبي ليكي تخديها نقطة ضعف أو كده يقلل من رجولتي !انا ااسف ولله ااسف كنت بقولك كلام يوجعك كتيير وكنتي بتستحمليني ،قوقات مكنتش بستحمل نفسي بس انتي تستحمليني عاادي،كنتي مهما يحصل تفضلي مبتسماالي كنتي خير زوجة ورفيقة ،هوّنتي عليا الحياه ولله،من غيرك هعمل اي!!هعيش الزاي؟؟انتي روحي ولله يا أميره ولله !كنت نااوي اصلّح كلل حااجه بنّا النهارده وحتي جايللك ورد احمر من اللي بتحبيه ،بس..بس مكنتش اعرف ان انا هحطو علي قبرك !!اااه يااقلبييي حقك عليااا سامحيني بالله علشان خاطري سامحيني هقول لأولادنا ايي!!!هقولهم الوردة بتاعت البيت ماتت وسابتنا!!!هبصلهم الزااي واناحاسس أن انا السبب انك متكونيش معااناا!!!
ياارب هون علياا يااارب
=يا استاذ مش كده اهدي شوية هاتولو ماية يا جماعه!!اهدي ووحد الله اهدي!
ـ الحمدلله ياارب الحمدالله
=يللا علشان هنبدأ فـ مراسم الدفن
وحد الله وقوم معانا كده علشان خاطر أولادك حتّي
ـ الحمدلله الأرض أرضُه ونحنُ عبادُة فـاليفعل بِنا ما يشاء الحمدلله ياارب ارزقني الصبر وهوّن عليّا يارب
البقاء والدوام لله.
تمت .
قبل ما الكاتبة تنهي الإسكريبت عاوز بس أوجّه رسالة للرجّاله ،
انا عارف إن فيه زيي كتيير جداً فـ الزمن دا عاوز اقولك إن زوجتي توفت بسكتة قلبية فجأة وهي لسه صغيرة جداً بالعمر وسابتني انا وأولادي ،نصيحة أوعي تستهين بزعل زوجتك او تنيمها زعلانة ابداً حتي لو هي اللي غلطانه.
ومتكسرش بخاطرها أبداً لأي سبب من الأسباب ،ولازم تسمعلها كل يوم وتحل مشاكلها وتديها اهتمام لكلامها ومشاعرها !اوعي تخلّيها تراكم حزن وزعل فـ قلبها وتسكت ،شبّعها اهتمام وحنّية وحب
ودا مش عيب ع فكرا دا من تمام الرجولة لما تحس معاك بالآمان والسكينة لما تحس باتجاهك بحب وحنية ومتبخلش عليها بكلمة وهاتلها ورد كل فترة حتي لو وردة تفرّحها خلّيها فـ المقام الأول عندك
الزوجة دي رزق من عند ربنا بس لما تعاملها صح وتفرحها وتشتري خاطرها علي طول ،
ولله الستات دول كائن لطيف بكلمة قادرة تطلّعها سابع سما وتحس أكنّها بتطير وبكلمة تانية قادرة تنزّلها سابع ارض وتحس إن حد بيقص جناحتها ،عدّلها غلطاتها ومتدّقّقش علي اي حاجه ولو رمتلك كلمة وقت خناق وعصبية استحمل وحاول تمتص غضبها ،ولله الستات مبتاخدش بالها من كلامها أو مش بتبقي قصداه بالمعني الحرفي ،عادي عدّلها وطبّلّها ،
وفعلاً النساء زي الورد لو اهتميت بيها كويس وشبعتها حب واهتمام ودلال هتفضل مورّدة ومنوّره ولو أهملت فيها هتنطفي وتدبل و..وتموت
متعملش زيي علشان ميجيش يوم وتندم وتعيش حياتك بتأنيب ضمير ووجع قلب زيي ،هدانا الله وإياكم وبعتذر لو طوّلت عليكم ❤🩹.
ـــــــــ
"قَالُوا سيُنسيكَ الزّمَانُ هَواهُم
ويجفُّ منِ طُولِ الفراقِ ودادُ
مرَّ الزّمَانُ وَبَاتَ قَلبِي كُلّمَا
ذُكِروا يَقُولُ هَل الزّمَانُ يُعادُ."
لــ/ جـوجـو الـعـسـيـلـي🤎.
هستنّي رئيكو ف الكومنتات يحبايب
قولولي عاوزين الاسكريبت الجاي عن اي؟
صلِّ علي الحـبيب قـلْـبـك يـطـيب♡.
تعليقات
إرسال تعليق