سكريبت قلة تقدير كامله سهى طارق حصريه
سكريبت قلة تقدير كامله سهى طارق حصريه
اتصدمت أول ما لقيت اختي مصوره الأكل وبتقولي
شكرا على تقدير مراتك، احنا مش داخلين ليكوا بيت تاني.
الكلمة دي وقعت عليا زي الجبل، حسيت من الكسوف عاوز الأرض تنشق وتبلعني، قلبي اتقبض، ووشي سخن كأني واقف قدام نار، عيني دمعت من الغيظ، ودماغي كلها أسئلة: إزاي مراتك تعمل فيا كدا؟ إزاي تحرجني قدام أختي اللي جاية من سفر؟ إزاي تبان قدامهم إنها مش مهتمة؟
مسكت فوني بسرعة، إيدي بتترعش، جبت رقم مراتي، ورحت بعتلها:
بقاا يجعانه اختي وولادها جايين من سفر، تطلعي ليهم أكل بالشكل دا؟! إيه يا بهانم ناقصك في البيت عشان تحرجيني مع اختي كدا؟
مفيش ثواني وردت، صوتها مليان تحدي، كأنها مستنية اللحظة دي:
خبر إيه يا كريم؟ وبعدين اختك اللي معندهاش ذوق إيه اللي يجيبها على بيتنا على طول؟ مش تروح لامها؟ وبعدين انت مش جايبني خدامة لاختك، أقف وأتهد حيلي في المطبخ عشان ست الحسن تتبسط بالأكل؟
الكلام دخل في قلبي زي سكينة، اتنفضت من أسلوب مها، وكتبتلها وأنا متعصب، إيدي بتخبط في الشاشة:
واشمعنا أنا بجيب شيء وشويات لما أهلك يشرفوا؟ ولا أهلك ولاد ناس وأهلي ولاد كلب؟
شافتها ومردتش، وسابتها زي قنبلة موقوتة، الجو كله مشحون، والبيت بقى مليان دخان من الكلام اللي بيولع.
رحت واخد المفاتيح ونازل، ركبت عربيتي وسوقت بسرعة، دماغي مولعة، عيني مش شايفة الطريق من الغضب، كل ثانية كنت بقول لنفسي: أنا ليه اتجوزتها؟ أنا ليه اخترت واحدة زي دي؟ أنا ليه سلمت حياتي لواحدة مش عارفه يعني إيه تقدير؟
لحد ما وصلت البيت، دخلت لقيتها قاعدة على الركنة، بتعمل ضوافرها، كأنها مش في الدنيا، كأنها مش فارق معاها اللي حصل، كأنها مش عايشة معايا في نفس البيت.
دمي اتحرق، رحت مطلع فوني قدامها ورنيت على أهلها:
تعالوا دلوقتي.
فات ساعة، كانوا جم.
قعدت أبوها وأمها، وحكيتلهم بنتهم عملت إيه مع اختي اللي جاية ضيفة، حكيت بالتفاصيل، صوتي عالي، ووشي أحمر من الغضب، قلبي بيخبط كأنه عايز يخرج من صدري.
على كلامي، لقيت أمها بتقول ببرود، كأنها بتصب زيت على النار:
وأنا بنتي مش ملزمة تحضر أكل لاخواتك.
بصتلها وادايقت، قولتلها:
هي بقت كدا؟ وأنا كمان مش ملزم أستضيف أهلها وأجبلهم. طالما بقا التقدير عندكوا كدا، بعد كدا أعزم ناس تقولي مش ملزمة؟ بنتكم مبقاش ليها شهر في بيتي وبتعمل كدا، أومال لو طولنا هيحصل إيه؟ بنتكم طالق بالتلاتة، مش تلزمني.
حمايا دخل وقال، صوته فيه رجاء، عينيه فيها خوف من الفضيحة: اهدا بس يا كريم يا بني، المشاكل مش تتحل بكدا. عاوز الناس تقول علينا إيه؟ بنتنا مكملتش إلا شهر ورجعت مطلقة؟
بصتلهم وقلت، صوتي مليان وجع وغضب، كلماتي طالعة زي الرصاص:
عذرا يا عمي، بس بنتك مش متربية على تقدير.
دا احنا لو ناس غريبة بنحترمها. مش فكرة أكل وشرب، فكرة تقدير.
والمدام معندهاش عذر، كل حاجة متوفرة عندها في التلاجة والمطبخ، والفلوس متسابة ليها ضعف.
يعني مش حجة. دي كمان مش قالت غصب عني تعبانة، دي بجحت وقالت أنا مش ملزمة أعمل أكل لحد.
لو بتحبني كانت لأجل عين تكرم ألف عين.
لكن بنتك همها منظره بس، تتباهي بكريم المهندس واللي عنده، لكن جوزها بيحب مين ويقدر مين؟ دول مش موجودين عندي.
مها قربت وقالت بوقاحة، عينيها كلها تحدي، صوتها عالي كأنها عايزة تكسرني:
يخي جاتك نيلة، فاكرني هزعل عليك؟ إياك في داهية يا بابا، دا ألف مين يتمنى ضفري. وبعدين اهاا، أنا أخدتك عشان منظره، مش أخدمك.
الكلام زي الرصاص، بصتلها بقرف، ندم مالي قلبي إني قربت لواحدة زي دي، حسيت إني ضيعت وقتي معاها، حسيت إني سلمت حياتي لواحدة مش عارفه يعني إيه كلمة بيت.
قولت:
مش هرد عليكي، للأسف الأيام كفيلة تعلمك.
وسبتهم ودخلت، قفلت الباب وقلبي بيخبط، دموعي نازلة من القهر، ومن اليوم دا ركزت إني أنقي بنت ناس محترمة، تتقي ربنا فيا وفي أهلي، واحدة بجد مش مجرد اسم إني متجوز، واحدة تكون سند وضهر، واحدة تفهم يعني إيه كلمة تقدير، واحدة تحس بيا مش تجرحني. نعيش بمودة ورحمة، نعيش حياة فيها احترام وتقدير، نعيش حياة فيها حب مش تحدي.
والحمد لله بعد سنة، ربنا عوضني بزوجة نعمة الأخلاق هي وأهلها وامها، ناس كلها احترام، ناس تعرف يعني إيه تقدير، ناس لو ضيف دخل بيتهم يكرموه قبل ما يطلب، ناس لو شافوني تعبان يخففوا عني مش يزودوا همي.
وسمعت إن مها اتجوزت واطلقت تاني، ومهو اللي عملته معايا عملته مع غيري، كأنها مش بتتعلم، كأنها اتعودت على قلة التقدير، كأنها اتربت على إن الحياة كلها منظره مش حب.
عشان تختار شريك حياتك، مش تحط معاييرك على شكل ولون. ركز أووي على ولاد الأصول المتربين، اللي عندهم أهل مطلعينهم على مبادئ واحترام، اللي يعرفوا يعني إيه كلمة تقدير، اللي يحطوك تاج على راسهم مش مجرد اسم في حياتهم، اللي يخلوك تحس إنك بني آدم ليك قيمة مش مجرد لقب.
وحشتوني يسكاكر
#تمتت
#قلة_تقدير
#مشاعر_كاتبة
#سهىٰ_طارق_استيرا
تعليقات
إرسال تعليق