اذلني فاحببته بقلم مريم الجزء السادس عشر الي الخامس والعشرين 16:20

ما ان سقطت ملك على الارض مغشيا عليها حتى حملها مؤمن على يديه ثم وضعها على فراشه بكل رقة وجلس بجانبها بعض الوقت يتأملها بحزن شديد على خوفها ورعبها منه وعن حبها الذى بدا يكبر فى قلبه وخاف ان لا تشعر به وعن ابنه الذى تحمله فى بطنها ثم نهض من مكانه وجلس على كرسى قريب منها بعض الشى

استيقظت ملك من اغمائها فوجدت ان راسها تألمها بشدة فتحركت فى مكانها ببط وهى تدور بعينيها المكان فوجدت انها ليست بغرفتها وانها مازالت بغرفة مؤمن وعلى فراشه ووجدته يجلس على كرسى قريب من الفراش التى توجد عليه وويضع راسه بين يديه ويجلس حزين للغاية فشهقت بشدة وخافت ان يكون بدر منه شى وهى فى غيبوبتها فبدات تضم جسدها كله ببعضه حتى تراكمت فى مكان واحد وهى تغطى جسدها بيديها ..

رفع مؤمن راسه ونظر لها فحزن اكثر على خوفها منه لهذه الدرجة ..

مؤمن بالم :

انا اسف ياملك

نظرت له ملك والدموع تترقرق فى عيونها ولم ترد ..

مؤمن بصوت مخنوق :

مكنتش اعرف انى مسبب لك ازمة كبيرة اوووى كدا

وبلاش تقولى انى مش حاسس باللى عملته لانى حاسس بيه

واكتر مما تتخيلى

بس انا حبيتك ياملك حبيتك اوووى حسيت انك انتى نصى التانى اللى كنت بدور عليه وخلاص لقيته

انا قلبى بيوجعنى اوى ياملك فى كل مرة بشوف نظرة الخوف اللى فى عيونك دى بلاش اشوفها ياملك انا ماستهلش منك كدا

اول يوم دخلنا فيه بيتنا دا وانتى زعقتى فيا وقولتيلى انك هتاخدى حقك منى مهما حصل كنتى فعلا بتاخديه من غير ماتاخدى بالك

مجرد انك تفضلى حابسة نفسك فى اوضتك طول ما انا موجود ومتعمليش صوت عشان بتخافى اقرب من الاوضة واعملك حاجة ومش هتقدرى تدافعى عن نفسك كنتى بتموتينى وانتى مش حاسة

وكل نظرة خوف والم واستحقار شوفتها فى عيونك كانت بتخلينى احس انى مش راجل ودى حاجة تالم وتوجع اى راجل

يمكن اللى حصل لينا احنا الاتنين دا اختبار من ربنا عشان يجمعنا مع بعض فى حلاله ونبدا صفحة جديدة ونعيش مع ابننا اللى فى بطنك

انا ياملك ......... كاد ان يكمل حديثه حتى وجدها نهضت من مكانها وهى تبكى بشدة واتجهت للباب وكادت ان تفتحه فوجدته يمسكها من يديها ..

مؤمن بزعيق :

انا لسه مخلصتش كلامى اسمعينى للاخر

انا يوم لما رحت الشقة دى كنت رايح عشان اتمم صفقة مع شركتك اللى سرقوها منك واللى رفض انور منير انى اتمها فى شركتك وصمم انى اتمها فى شقته وهناك شربنى حاجة سكرتنى وخلتنى شايف كل حاجة بس مش عاف انا بعمل ايه ومشى وسابنى

وفجاة لقيتك قدامى و ........... كاد ان يكمل كلامه فوجدها تصرخ بشدة ..

ملك بصريخ :

بسسسسسسسسسس متكملش مش عاوزة افتكر حاجة ارحمنى ابوس ايديك انتوا بتعملوا فيا كده ليه انا عملت لكم ايه سرقتوا حياتى وبيتى وفلوسى ودمرتونى وذلتونى ليييييييييييييييه هو انا بتعذب فى الحياة اوى كده لييييييييييييييييه

ثم وقعت على الارض وازداد بكاؤها وصوت شهقاتها

جلس مؤمن بجانبها ثم جذبها بكل قوته فى حضنه بعدما رفضت فى البداية ثم استسلمت له وظلت تبكى بحرقة والم حتى نامت تماما

كان مؤمن عيونه تملاها الدموع وهو يتحسس شعرها برقة وهى فى حضنه كالطفل الصغير الذى يحتمى فى والده ..

حملها مؤمن على يديه ودلف الى غرفتها ووضعها على فراشها وقبلها من جبينها بعدما همس لها :

بحبك اوى ياملك

ثم تركها ودلف الى غرفته اخذ حمامه وابدل ثيابه وذهب الى والدته بالمشفى ..

____________________________________________________

#ميما_تحكى

فى المشفى

دلفت هنا الى غرفة والدتها مع انعام وليان فوجدتها متعبة للغاية ..

هنا بلهفة وهى تقبلها من جبينها :

ماما حمد الله على سلامتك ياحبيبتى

استدارت انيسة بوجهها عنها ولم ترد ..

انعام :

حمد الله على السلامة ياست انيسة قلقتينا عليكى ياحبيبتى

انيسة بصوت متعب :

الله يسلمك ياانعام .. امال فين ليان

ليان بفرحة :

انا اهووو ياخالتو حمد الله على سلامتك

انيسة :

الله يسمك ياحبيبتى

قوليلى ياليان كنتى بتعيطى وبتصرخى ليه واحنا فى الفيلا

ليان بغل وغيظ وهى تنظر الى هنا وتتذكر ما فعلته بها :

مفيش ياخالتو اصلى وقعت

انيسة :

متكدبيش عليا ياليان عموما لما هخرج من هنا هعرف كل حاجة

يارب مايكون فى حاجة تانية مستخبية عليا

هنا بحزن :

لا ياماما متقلقيش مفيش حاجة تانية ولا حاجة المهم حضرتك تقومى لنا بالسلامة

ظلت انيسة على حالها ولم ترد عليها ..

هنا وهى تتنهد بشدة :

انا هنزل الكافتيريا يادادة اجيب نسكافيه عشان مصدعة اجيب لك حاجة معايا

انعام :

لا ياحبيبتى ماليش نفس لحاجة روحى انتى

تجاهلت هنا ليان تماما وخرجت من الغرفة دون ان تعيطها اى اهتمام مما اشعل النار بداخل ليان ..

____________________________________________________

فى المشفى .. كان مكاوى يجلس على احدى الطاولات بالكافتيريا يتفحص هاتفه وامامه كوب من القهوة وما ان رفع عينه من على هاتفه حتى وجد هنا تدلف الى الكافتيريا ..

مكاوى وهو يهندم شعره بحرج :

وبعدين بقى فى البت دى .. يخربيت كده خطفتنى من نظرة

لا يامكاوى لم نفسك دى اخت مؤمن عيب كده

خفض مكاوى عينيه مرة اخرى الى هاتفه محاولا ان يشعل نظره عنها ..

كانت هنا تلف بعينيها فى المكان كله فوجدت مكاوى يجلس على احدى الطاولات ..

هنا باابتسامة عذبة وخفقة قلب :

اييييه دا مش دا الواد صاحب مؤمن بتاع الفيلا

هو انا مالى كدا كل مااشوفه قلبى يدق كده مع انى مكنتش بحبه يعنى قبل مايسافر

تنهدت بشدة وهى تنظر عليه وسرحت فيه حتى فاقت على الجرسون وهو يعطيها النسكافيه ..

...... ازيك

رفع مؤمن عينيه فوجد هنا امامه فبدا يهندم شعره بحرج وهو يتحاشى النظر لها :

الحمد لله

هنا باابتسامة على احراجه :

امممممم انا هنا اخت مؤمن

مش فاكرنى بتاعة الفيلا

مكاوى وهو مازال على حالته :

اااااه اكيد فاكرك طبعا ومن قبل مااسافر كمان

هنا :

طب كويس .. قاعد لوحدك ليييه

مكاوى :

اصلى كنت بفطر وبشرب قهوة ومؤمن قالى انه رايح شقته هيغير هدومه وهيجى تانى كنت مستنيه يعنى

هنا :

امممممم طيب لو عوزت حاجة بقى انا فوق عند مامتى فى اوضتها ماشى

مكاوى واخيرا نظر لها :

هى فاقت

هنا باابتسامة ساحرة :

اه من شوية

مكاوى وخفق قلبه على ابتسامتها :

تمام حمد الله على سلامتها

هنا بضحك على احراجه منها :

الله يسلمك باى بقى

ما ان غادرت هنا من امامه حتى تنهد بشدة وقال :

يخربيت كده .. فى اييييه بقى .. ماانا كنت مقضيها لازم يعنى تسحرينى بضحكتك دى .. طب اعمل ايييه دلوقتى اقوم امشى انا يعنى ولا ايييه ماهو انا مش لازم اشوفها تانى كده هخسر صاحب عمرى .. يارب ماتقع يامكاوى ..

____________________________________________________

#ذلنى_ولكنى_احببته

فى المساء فى ذلك القصر

كان القصر مزين بالورود والانوار والاثاث الجذاب

ويملاه كبار رجال الاعمال واصدقاء نيفين ووالدتها وسيدات المجتمع التى تعرفت عليهم فى وقت قصير ..

وانور الذى كان يقف على احر من الجمر ينتظر نيفين ان تنزل من غرفتها ..

اما فى غرفة نيفين

كانت غاضبة وتصرخ بقوة بعدم موافقتها النزول والاحتفال بعيد ميلادها ..

ساندى :

يابنتى حرام عليكى صوتى اتنبح يللا البسى بقى الناس عاوزين يحتفلوا معاكى امال هما جايين ليه

نيفين :

ماليش دعوة انا معزمتش حد

رانيا :

لا بقى انتى بجد بتستعبطى بعد كل اللى والدتك جهزته دا ومش عاوزة تحتفلى بعيد ميلادك

نيفين بزعيق :

انا حرة مش عاوزة اتهبب واحتفل بعيد ميلادى , ايه بالعافية

والدتها وهى تدلف الى غرفتها :

لا يانيفين هانم مش بالعافية

لو سمحتم يابنات ممكن تستنوا برا ثوااانى بس

ما ان خرجت زميلات نيفين من الغرفة حتى نظرت لها والدتها بقوة وقالت :

انتى بتعملى معايا كده ليييييه

دا انا عاوزة اسعدك وافرحك نفسى اشوفك مبسوطة طول الوقت

مش عاوزة تنزلى عيد ميلادك لييييه مش دا اللى كنتى بتتمنى كل سنة نحتفل بيه ولو حتى فى النادى

دلوقتى انا بحتفل لك بيه فى القصر وعازمة لك اكبر ناس فى البلد

كل دا وبردو مش عاجبك ومش عاوزة تنزلى وهتكسفينى مع الناس

نيفين بسخرية :

انتى بتحتفلى بعيد ميلادى بفلوس ملك

كل الناس اللى تحت دى المفروض تيجى هنا لملك مش لينا

هتفضلى تتجاهلى الموضوع دا لحد امتى ايه لزمة التمثيلية السخفية القذرة دى اللى انتى عايشاها ومعيشانا معاكى فيها

احنا عايشين فى بيت ملك وبنصرف من فلوسها

هنفضل كدا لحد امتى انا بدات اكره نفسى بجد

حرااااااام عليكى بقى كفاية

سعاد بغضب :

ملك .. ملك .. ملك .. انتى لو كنتى خايفة عليها اووووى كدا مكنتيش وافقتى تاذيها متغلطيش وتحملينا احنا نتيجة غلطتك

بس دلوقتى انتى هتنزلى يانيفين بالذوق بالعافية هتنزلى

نيفين وهى تقترب من والدتها وتنظر بقوة فى عيونها :

لا بالعافية ليييه

عاوزانى انزل يامدام سعاد اقصد ياسعاد هانم

حاضر هنزل وهرسم الابتسامة المزيفة على وشى ومش هكسفك قدام البشوات اللى تحت بس افتكرى حاجة واحدة بس

الجشع اخرته وحشة اوووى

لم تتاثر سعاد بكلام نيفين وانما تركتها ترتدى ثيابها الشيك الراقية التى اختارتها بنفسها لتناسب ذلك الاحتفال وخرجت من غرفتها على شفتيها ابتسامة خبيثة لتلك المفاجاة التى ستخبرها بها حين نزولها من غرفتها ..

استيقظت ملك من نومها ببط شديد تتحسس بطنها برقة بالغة تتطمئن على البيبي من ان يكون اصابه مكروه بسبب انفعالها وصريخها ثم بدات تنظر بجميع انحاء الغرفة خافت ان تكون مازالت بغرفة مؤمن ولكنها تنهدت براحة شديدة عندما رات انها بغرفتها

وضعت يدها على بطنها وبدات تبكى بشدة ثم نهضت من مكانها توضات وشرعت فى اداء فرضها وما ان سجدت حتى خارت قواها وبدات تبكى بكاء مرير وتدعى ربها بحرقة ..

( يارب خرجنى من الضيقة اللى انا فيها دى يارب رجع لى حقى من اللى ظلمنى ولو كان مؤمن ميقصدش انه ياذينى ازرع حبه فى قلبى ولو كان يقصد ياذينى اهديه للطريق المستقيم

يارب انا تعبانة اوى ارحمنى يارب برحمتك ) ..

انهت صلاتها ومسحت دموعها وفتحت باب غرفتها ببط شديد وخرجت منها تنظر على غرفة مؤمن فوجدت انه ليس بالداخل بل ليس بالشقة باكملها ..

ملك بخجل :

شكلى زعلته منى اوووى ..

بس هو يستاهل عشان يعرف هو هبب ايه

مع انه يعنى كان حنين وطيب معايا بس بردو انا مش سهلة اوووى كدا وكويس انه مش هنا عشان اعمل اكل واتفرج على التليفزيون

____________________________________________________

اما فى القصر

يلتفت الجميع فجاة وترتسم على شفتيهم ابتسامة اعجاب بنفين التى تنزل الدرج ترتدى ذلك الفستان المكشوف بعض الشى وشعرها الذى يسدل على ظهرها بنعومة ومكياجها المبالغ بعض الشى وحولها اصدقائها يرتدون مثلها ولكن لم يصلوا لاناقتها فهى سيدة اليوم ..

بدا الجميع يهنيها بعيد ميلادها حتى اقترب منها انور :

كل سنة وانتى طيبة

نيفين باابتسامة صفرا :

ميرسي

انور بغيرة :

اييييه الفستان اللى انتى لبساه دا

نيفين بدهشة :

نعم .. وانت مالك انت

وبعدين دا انا فكرتك هتعاكسنى

ايييه عاوز تقنعنى ان شكلى وحش

انور باابتسامة حب :

ما عشان انتى زى القمر انا مش عاوز حد يشوفك كدا

نيفين :

تعرف انى زهقت منك

انور وهو ينظر بقوة فى عيونها :

وتعرفى انى كل يوم بحبك اكتر

نيفين بتوتر :

انت بجد بنى ادم بارد وانا مش بطيقك ياانور حس بقى

فجااااااة التف الجميع على صوت سعاد فى الميكرفون ..

سعاد :

مساء الخير على كل اللى نورنا النهاردة

كل سنة وانتى طيبة يانيفين وعقبال مليار سنة ياحبيبة ماما

ودى هديتى ليكى ..

رفعت يديها بمفاتيح سيارة ( اخر موديل )

صفق الجميع وابتسامة واسعة ارتسمت على شفاههم والتف اصدقاؤها حولها يقبلونها بحرارة ..

بس مش دى بس هديتى ..

سعاد باابتسامة ماكرة :

النهاردة ياجماعة عاوزين نعلن خطوبة نيفين وانور

الجميع بتصفيق وصفير :

مبروووووووووك يانونا مبروك ياانور

انور باابتسامة واسعة :

الله يبارك فيكوا كلكوا

نيفين بصدمة نظرت لهم ولم تنطق بحرف ..

____________________________________________________

فى المشفى كان مؤمن يجلس بالكافتيريا مع مكاوى ..

مكاوى :

بردو مش هتقولى ايه اللى مضايقك ..

ماخلاص والدتك بقت زى الفل

مؤمن وهو يتنهد بشدة :

مفيش يامكاوى مش قادر احكى حتى

المهم قوم انت بقى روح ياابنى استحمى اعمل اى حاجة بصراحة شكلك فظيع وانت عمال تتاوب ونازل اكل من الصبح وياسبحان الله مابتتخنش و ........ كاد ان يكمل حتى قاطعه مكاوى :

ايه ياعم فى ايييييه ايه القر دا

وبعدين انا ماشى اصلا اغير هدومى واستحمى وانام

وكان فى حاجة حصلت وانا سهران براا عاوز احكيهالك بس مش قادر الصراحة

مؤمن بضحك :

ماشى بعدين بقى بس متنساش تاكل

نهض مكاوى من مكانه وسحب مفاتيح سيارته ..

مؤمن :

اه صح بقولك ايه هى العربية السودا اللى تحت دى بتاعتك

مكاوى وهو يغمز بعينه :

ااااه ايه رايك

مؤمن :

يخربيتك دى من الاخر

مكاوى :

ما انا عارف يللا سلام

كاد ان يخرج من الكافتيريا حتى وجد هنا امامه ..

مكاوى وهو يتفادى النظر لها :

وبعدين بقى فى البت دى

يخربيت جمالك ياشيخة

بص امشى واعمل نفسك مش شايفها

هنا وهى تقترب منه :

مكاوى

مكاوى وهو يعطيها ظهره :

يالهووووى على مكاوى اللى طالعة منها دا انا عمرى ماسمعت اسمى على كده

التفت مكاوى لها ونظر لها بكل جدية وقال :

ايوووة ياانسة

هنا باابتسامة جذابة :

رايح فين

مكاوى وكاد ان يسقط ارضا من ابتسامتها :

ماشى بقى هروح بيتنا

اصل انا لو قعدت هنا شوية كمان هخطف حد موجود هنا عايز يموتنى وانا مش قادر اقاومه الصراحة يخربيته

هنا بعدم فهم :

انا مش فاهمة حاجة

مكاوى :

احسن بردو .. اقصد يعنى سلام ياانسة اخوكى قاعد جوا

ما ان غادر مكاوى من امامها حتى نظرت عليه باابتسامة وتنهدت بشدة واتجهت الى مكان وجود مؤمن ..

هنا وهى تجلس :

ايه يامينو قاعد لوحدك ليه

كان مؤمن سارح وفى عالم غير العالم ..

هنا بصوت عالى :

مؤمن انت ياابنى

مؤمن باانتباه :

هاااا بتقولى حاجة ياهنا

هنا :

مالك سرحان فى اييييه

مؤمن بتنهيدة حب :

سرحان فى اللى تعبانى ومدوخانى

هنا باابتسامة حب :

يابختك ياملك

المهم متزعلش عشان ماما مرديتش تتكلم معاك لما جيت وكدا

دى والله مكنتش راضية ترد عليا اول مافاقت وبعد كدا بقت ترد بالعافية لا واييييه ليان استغلت الموقف اوووى وعمالة تتدلع عليها

مؤمن :

ان شاء الله هتسامحنى بس هى محتاجة شوية وقت ومحتاجة تتعرف على ملك ..

المهم انتى دلوقتى هوصلك شقتى تفضلى مع ملك هتباتى معاها وانا هبات هنا مع ماما

هنا بااستغراب :

ليه يعنى ما ابات انا مع ماما وانت روح بات مع ملك

مؤمن :

بلاش غلبة ويللا عشان اوصلك

نهضت هنا من مكانها وصعدت مع مؤمن الى غرفة والدتها اخبرتها انها ذاهبة الى شقة مؤمن وملك وان مؤمن سيظل معها

لم تريد ان تكذب على والدتها مرة اخرى ..

___________________________________________________

على الجانب الاخر فى القصر

كانت نيفين تقف فى وسط اصدقاؤها وضيوفها تغلى بشدة مما فعلته والدتها تنظر لها نظرة حادة تكتاد تلتهمها من نظرتها وتبتسم ابتسامة صفرا لكل من يبارك لها ..

اما انور كانت ابتسامة واسعة مرسومة على شفتيه طول الحفلة وكلما نظر الى نيفين يجدها وصلت الى اعلى مرحلة من الغضب فيضحك ضحكة خفية على منظرها ..

وقف الجميع حول طاولة كبيرة عليها الكثير من الحلويات ويتوسطها

( تورتاية شيكولاته ) عليها صورة نيفين ..

وقفت نيفين تترأس الطاولة بجانبها انور وحولها اصدقاؤها

وما ان انطفات الشموع وصفقا الجميع حتى اخرج انور من جيبه علبه صغيرة بداخلها خاتم الماظ ما ان راه الجميع حتى انبهر برقته وشياكته امسك بيديها والبسها اياه وهى لم تبتسم حتى بل كانت تكاد تتمزق من الغضب والغيظ ..

علا صوت الموسيقى الرومانسية فاتجه انور تجاه نيفين وامسك بيديها ليرقصا سويا نزعت يديها بسرعة ونظرت له بحدة بالغة ولكنه لم يستسلم وانما شدها بكل قوة وتوسط الحضور ..

نيفين وهى تضغط على اسنانها بقوة :

ماتفرحش اوووى كدا عشان انا هطربق الدنيا على دماغك

انور باابتسامته الواسعة :

ولا كانى سامع حاجة كفاية عليا ان النهاردة خطوبتى على حبيبة قلبى لا وكمان برقص معاها سلو وماسك ايدها دى احلى لحظات حياتى

نيفين وهى تنظر له بقوة :

انا بكرهك ياانور بكرهك عمرى ماهحبك فى يوم من الايام

انور :

وانا بحبك يانيفين وبمووووت فيكى وهعرف ازاى اخليكى تحبينى

نيفين والدموع تترقرق فى عيونها :

منك لله يااخى دمرت مستقبلى انا وبنت عمى

انت ايه شيطان ساكن الارض

ثم سحبت يديها من يديه بكل قوتها واتجهت مسرعة تصعد الدرج تحت نظرات الحضور الذين صدموا بشدة مما فعلته ..

انور بغضب :

ماشى يانيفين شكلى اتنازلت واتساهلت كتير معاكى

جه الوقت اللى اوريكى فيه وشى التانى ..

___________________________________________________

وصل مؤمن وهنا الى شقته وقبل ان تنزل هنا من سيارته نظرت له وقالت :

اييييه مش هتطلع معايا

مؤمن :

لا .. بلاش انا اطلع دلوقتى اطلعى انتى يللا

هنا بااستغراب :

ليه يعنى ! فى حاجة حصلت بينك انت وملك

مؤمن بتنهيدة حب :

ملك .. تعرفى انى بقيت بحب اسمع الاسم دا وبس

مش عاوز اسمع اى كلام فى الحياة غير الاسم دا

شكلى حبتها اوووى ياهنا ووواضح انك كلامك كان صح لما قولتى

ان ربنا حطنا احنا الاتنين فى المحنة دى عشان يجمعنا فى حلاله

هنا باابتسامة :

اهووو دا اللى مكنتش اتوقع فى يوم من الايام اشوفه

مؤمن عزام البيزنس مان اللى دماغه متبرمجة على الشغل وبس حب وداب وحبيبته مجنناه

انا عارفة ان ملك مصعبة الدنيا عليك وحاسة دا من افعالك من غير ماتتكلم بس اللى هى مرت بيه مش سهل بردو يامؤمن دى حاجة قاسية اوووى بالنسبة لاى بنت

بس تعرف بقى ان احلى حاجة حصلت لها انها وقعت معاك انت

راجل بجد

ومسيرها تحبك وتدوب فيك دا اذا مكنتش مشاعرها اتحركت ناحيتك اصلا بس هى ملك صعبة ومشاعرها مش بتبان بسرعة

مؤمن باابتسامة :

هى هتولد امتى

هنا :

امممممم احنا روحنا لدكتورة نورا كذا مرة كدا عشان تطمن على صحتها واخر مرة قالت انها فاضل لها شوية

ملك مش بتحب تحدد شهور حملها عشان متفتكرش مر على اللى حصل لها اد ايه بتخلى نورا دايما تقولها هى لسه بدرى على والدتها ولا خلاص قربت

مؤمن :

طب يللا انزلى

هنا بضحك :

حرام عليك وهشيل الاكياس دى كلها لوحدى ايه لزمته كل دااا

مؤمن بضحك هو الاخر :

مش انتى اللى قولتى انها بتحب كل الحاجات دى

هنا :

تقوم جيبهالها كلها

مؤمن بحب :

مش حبيبتى

هنا بغمزة عين :

ماسى ماسى ربنا يهنيكوا ببعض

غادر مؤمن بسيارته الى المشفى بعدما اطمئن على هنا انها صعدت الى شقته ..

ما ان دلفت هنا الى شقة اخيها حتى شهقت بشدة مما راته ..

اييييييه كل دا

ملك بخضة :

حراااااااام عليكى خوفتينى انتى جيتى امتى ودخلتى ازاى

هنا بضحك :

انتى كنتى عازمة حد

ملك بكسوف :

لا انا اللى اكلت كل الحاجات دى

اعمل ايه يعنى مش كنت باكل كتير كدا بس من ساعة ما البيبى بدا يكبر فى بطنى وانا بقيت باكل كتير

ثم نظرت على الاكياس بيديها :

اييييه الحاجات دى

هنا :

كل الاكل والحلويات اللى بتحبيها كلى براحتك بقى لحد ماتتخنى وتنفجرى

ملك بضحك :

وانتى اشتريتى كل الحاجات دى ليه

هنا بغمزة عين :

مش انا اللى اشترتهم مؤمن قالى ايه الحاجات اللى انتى بتحبيها وراح جابها كلها فضل سايبنى فى العربية ساعتين عقبال ماجاب لسيادتك كل الحاجات دى ولما قولتله جبت الحاجات دى كلها ليه قالى وانتى مالك مش حبيبتى

ملك بخفقة قلب :

وهو فين

هنا باابتسامة :

وانتى مالك .. مش انتى بتكرهيه

ملك :

انتى رخمة على فكرة

هنا بضحك :

خلاص متزعليش هو فى المستشفى

ملك بخضة وبدون شعور :

ليه ماله ايه اللى حصل له

هنا باابتسامة خبيثة :

مالك اتخضيتى عليه كدا ليه

ملك باانتباه لنفسها :

انا لا عادى يعنى مفيش مش اتخضيت ولا حاجة

هنا :

ماشى ياملك هو فى المستشفى عند ماما تعبت ونقالناها المستشفى

نظرت لها ملك بخضة وصمتت ولم ترد فقد شعرت ان شى ما حدث بسببها ..

____________________________________________________

#ميما_تحكى

فى القصر وخاصة فى غرفة نيفين ..

سعاد بغضب وهى تدلف الى غرفتها :

انتى اييييييه اللى هبببتيه تحت دا

نيفين وهى تمشط شعرها :

عملت ايه

سعاد :

متتستعبطيش يانيفين

نيفين ببرود :

انتى ايه اللى انتى عملتيه تحت دا

الجملة دى المفروض تتقال ليكى انتى مش ليا

عارفة ياماما لولا انك امى انا كنت هزأت انور تحت وزعقت لك قدام كل البشر اللى كنتى عزماهم دول بس لحد دلوقتى انا مراعية اوووى انك امى مع انى مش حاسة بكدا

سعاد بغيظ :

انتى عارفة انور والضيوف كان شكلهم عامل ازاى اول مازقيتى انور وطلعتى جرى على اوضتك

كنت حاسة انك هتعملى حاجة تخلينى اتشل منك

نفين بلامبلاة :

انتى كمان اللى بتلومينى وبتحاسبينى

ازاى تسمحى لنفسك ياامى العزيزة انك تخطبى بنتك لحد مبتحبوش وكمان غصب عنها

اه صح مقولتليش فرحى امتى ياريت تقوليلى قبلها عشان ابقى عاملة حسابى بس

سعاد بزعيق :

بلاااااااش تخلى صبرى ينفذ معاكى يابنتى ساعتها هتكرهينى بجد

ثم تركتها واغلقت الباب ورائها بكل عنف ..

نيفين والدموع تترقرق فى عيونها :

ياترى ايه اخر القرف اللى انا عايشة فيه دا

____________________________________________________

اما فى شقة ملك ومؤمن

قصت هنا على ملك كل ماحدث من وصول انيسة حتى دخولها المشفى ..

ملك بخفقة قلب :

يعنى اخوكى قالها انه اتجوز علطول مفكرش حتى او اتردد قالها كدا من غير مقدمات

هنا :

ايوووة ياملك انتى لسه متعرفيش مؤمن طالما خد قرار واتجوزك يبقى مسئول عنه لاخر دقيقة

لمعت عيون ملك بشدة ثم نظرت لهنا وقالت بحزن :

بس يعنى والدتك دخلت المستشفى بسببى

هنا :

لا ياملك انتى مالكيش ذنب فى اى حاجة واوعى تلومى نفسك على اى حاجة حصلت او هتحصل

ماما طول عمرها بتحبنى انا ومؤمن بزيادة ودا اللى كان مخليها طول الوقت شيفانا اطفال يستحيل نعمل حاجة او نتصرف اى تصرف غير لما نرجع لها وهى اللى تاذن لنا

رغم انها عارفة ان مؤمن كل قرار فى حياته بياخده بيبقى عارف عواقبه ايه بس بيستحمل وعمره ماحملنا نتيجة حاجة عملها طول عمره راجل يعتمد عليه

بس هى مش عاوزة تشوف دا عاوزاه لسه مؤمن الصغير اللى المفروض يستاذنها ويقولها اتجوز مين وهى اللى تختار له

ملك :

طب هى عاملة ايه دلوقتى

هنا :

كويسة الحمد لله الدكتور قال انها هتطلع اما بكرا او فى خلال يومين وهتمارس حياتها عادى جدااا هى بس الخبر كان شديد عليها شوية

نظرت لها ملك وصمتت ولم ترد ..

هنا وتحاول ان تحسسها انها ليست سبب باى شى :

يللا بقى عشان اساعدك ناكل كل الحاجات اللى مؤمن جايبها دى

ولا انتى مش محتاجة مساعدة

ملك باابتسامة :

انا شبعانة اصلى اكلت كتير اوووى

هنا :

انتى هتقوليلى اثار الجريمة اهى

ضحكت ملك فنظرت لها هنا بتردد وقالت :

ملك هو انتى ممكن تيجى معايا بكرا عند ماما فى المستشفى

ملك بخوف :

مش عارفة اخاف تتعب تانى

هنا بسرعة :

لامتخافيش انتى بس تعالى ياملك يمكن لما تشوفك انتى والبيبى اللى فى بطنك تحبك وتنسى اللى حصل

نظرت لها ملك ولم تتردد وانما اومات براسها بالموافقة ففرحت هنا بشدة واحتضنتها وقبلتها من وجنتيها ..

___________________________________________________

فى الصباح وصل مكاوى باكرااا الى المشفى فوجد مؤمن نائم على احدى الكراسى ..

مكاوى وهو يجلس بجانبه :

مؤمن .. مؤمن .. انت ياابنى

مؤمن وهو يفتح عينيه بصعوبة :

انت جيت امتى

مكاوى :

لسه جاى انت اييييه اللى منيمك هنا كده

مؤمن :

اعمل ايييه كنت سهران طول الليل

مكاوى :

امممممم مش انا شفت انور

مؤمن باانتباه :

شفته فين

مكاوى :

لما جيت لى فى المكان اللى كنت سهران فيه دا من يومين

كنت قاعد مع بنت من هناك ولقيت لك دا داخل عليا اتصنمت فى مكانى وبسالها تعرفيه قالت لى طبعااا دا انور منير اللى ماسك مجموعة شركات صفوت جروب

وقالت لى انه جاى يدور على نيفين

نيفين دى بقى ياسيدى بعد التحريات اللى عملتها عنها لقيت اسمها نيفين فريد بنت عم ملك صفوت اللى تبقى مراتك وهى تقريبا ساعتها كانوا بس مرتبطين وامبارح كانت حفلة عيد ميلادها واتخطبوا رسمى وانور باشا هو اللى ماسك الشغل فى شركات مراتك المسروقة بقاله سنين

مؤمن :

ياااااه دول عصابة بقى

يعنى كمان خطب نيفين دى

امممممم بس معرفتش ماسك شركات ملك بصفته ايه

مكاوى :

هو دا السر اللى هعرفهولك قريب متقلقش

ثم وهو ينهض من مكانه :

انا هروح اجيب لك قهوة من تحت واجى

فوق كدا عقبال مااجيلك

ما ان غادر مكاوى المكان حتى خرجت ليان من غرفة انيسة وجلست جانب مؤمن

ليان برقة مصطنعة :

ايه دا انت نايم هنا من امبارح كده جسمك يوجعك

مؤمن وهو يجلس مسترخى على الاخر :

اعمل ايه يعنى انام فين حضرتك

ليان وهى تضع يديها على خده برقة :

تنام جوا الاوضة فيها سريرين

كانت هنا وملك يسيران بااتجاه غرفة انيسة

فصدمت ملك بشده من هذا المنظر..

ما ان غادر مكاوى المكان حتى خرجت ليان من غرفة انيسة وجلست جانب مؤمن

ليان برقة مصطنعة :

ايه دا انت نايم هنا من امبارح كده جسمك يوجعك

مؤمن وهو يجلس مسترخى على الاخر :

اعمل ايه يعنى انام فين حضرتك

ليان وهى تضع يديها على خده برقة :

تنام جوا الاوضة فيها سريرين

كانت هنا وملك يسيران بااتجاه غرفة انيسة وما ان رات ملك هذا المنظر حتى صدمت بشدة وتصنمت فى مكانها ..

مؤمن دون ان ينتبه لوجود ملك بالقرب منه ازال يد ليان من عليه بسرعة ونظر لها وقال :

انتى هبلة يابنتى انتى ايه اللى بتعمليه دا

كانت ملك تقف مصدومة بشدة من هذا المنظر وبدات تشعر بغيرة بانت عليها اثارها وكادت ان تلتهم ليان بعينيها من كثرة غضبها وغيرتها على مؤمن ولاول مرة تشعر ملك بهذا الشعور تجاهه

هنا بغيظ وهى تحدث ملك و تنظر بااتجاه ليان :

مالك ياملك وقفتى ليه ياحبيبتى

ملك باانتباه لنفسها :

هااا لا ابدا مفيش يللا بينا

اتجهتا الاثنان بتجاه غرفة انيسة وما ان راهم مؤمن حتى نهض من مكانه فجاة وهو مندهش للغاية من وجود ملك ولم ينتبه انها لاحظت ماحدث من ليان ..

مؤمن باابتسامة حب :

اييييه دا انتوا جيتوا امتى

هنا بحدة وهى تنظر لليان :

لسه جايين دلوقتى انت ليه مش عند ماما جوا

مؤمن وهو ينظر لملك التى تتحاشى النظر له ويحدث هنا :

هااا اصل انا كنت ياعينى عليا نايم برا هنا على الكرسى

هنا وهى تمسك بيد ملك :

اممممم طيب يامؤمن يللا يالوكة عشان ندخل عند ماما

قبل ان تدلفا الى الداخل تراجعت هنا وهى مازالت تمسك بيد ملك ونظرت لليان وقالت :

ااااه صحيح معرفتكيش ياليان القمر دى بقى تبقى ملك مراة مؤمن

ثم تركتها ودلفت مع ملك الى غرفة انيسة واغلقت الباب بقوة

ليان بغيظ وغل من جمال ورقة ملك ومن طريقة هنا التى ستجعلها تجن فى يوم ما نظرت لمؤمن وقالت :

دى بقى تبقى مراتك ذوقك مش حلو خالص يامينو

نظر لها مؤمن ثم قال بطريقة مضحكة :

الحب بقى يااخت ليان بمووووت فيها

بس تصدقى عندك حق ااااه بصراحة ذوقى فعلا مش حلو خالص عشان واقف معاكى

نظرت له ليان بغيظ شديد وصمتت ولم تتحدث ..

____________________________________________________

فى غرفة انيسة كانت ملك تجلس بخوف وكسوف وقلق من نظرات انيسة الحادة تجاهها ..

هنا بتردد :

دى ياماما تبقى ملك مراة مؤمن اخويا وانتيمتى من الجامعة

نظرت لها انيسة بتفحص من راسها الى اخمص قدميها ثم قالت ببرود :

اهلا

ابتلعت ملك ريقها بصعوبة ولم تنطق ..

هنا :

ودى بقى تبقى دادة انعام ياملك تعتبر مامتى التانية

ملك باابتسامة :

اهلا وسهلا بحضرتك

انعام باابتسامة حنونة :

حضرتك ايه بس ياقمر انتى

انتى تقوليلى يادادة زى هنا ومؤمن

انيسة :

وانتى بقى ينفع تتجوزى ابنى ولا انا ولا اهله موجودين دا عادى يعنى اصل انا اعرف ان المفروض ام العريس واهله هما اللى المفروض يروحوا يطلبوا العروسة مش كدا بردو

ملك وتذكرت ماحدث لها اخفضت بصرها ونظرت ارضا بعدما امتلئت عينيها بالدموع من كلام انيسة ..

هنا وقد شعرت بالم ملك ارادت ان تغير مجرى الحديث فنظرت لوالدتها وقالت :

ملك صممت انها تيجى تشوف حضرتك فى المستشفى ياماما مع انها حامل والحمل تاعبها اوووى

انيسة ببرود شديد :

امممممممم وانتى فى الكام بقى

ملك بتلعثم فى الكلام :

فاضل لى شوية واولد

انيسة بسخرية :

انتى مش عارفة انتى فى الشهر الكام

هنا بسرعة :

هى بس خايفة من الولادة فدايما لما حد من اصحابنا يسالها بتقول فاضل شوية مش بتحب تفتكر فاضل كام شهر عشان متقلقش وكدا

انيسة بصوت عالى :

وانا واحدة من اصحابكوا ولا ايييه ياهنا هانم

وبعدين انتى فين اهلك مجوش يطمنوا عليا ليه

ملك والدموع بدات تترقرق فى عيونها نظرت لها بالم ثم نهضت من مكانها وقالت :

بعد اذنكوا

ما ان خرجت ملك من غرفة انيسة حتى نظرت لها هنا وقالت :

ليه كدا بس ياماما انتى بتعامليها كدا ليه دى حتى اول مرة تشفيها فيها يعنى بلاش تبقى قاسية كدا

انيسة :

قاسية ايه يابت انتى دا انا بقولها اهلك مجوش يشفونى ليه

ايه الكلمة ضايقتها اوووى كدا

هنا بتنهيدة لم تريد ان تخبرها بان اهل ملك متوفيين وايضا لم تريد ان تخبرها مافعله عمها وزوجته معها من اللقاء الاول :

لا ياماما بس هى حساسة اوووى وطيبة جدا وبجد لما هتعرفيها هتحبيها جدا جدا

انيسة بشك :

ماشى ياهنا اما نشوف مع انى مش مطمنة

____________________________________________________

ما ان خرجت ملك من غرفة انيسة حتى نهض مؤمن من مكانه مسرعا ونظر لها وقال :

انتى طلعتى ليه مع عند ماما

ملك بغيرة وهى تنظر بااتجاه ليان :

ايييه زعلت انى طلعت كنت عاوزنى اسيبك براحتك

ابتسمت ليان بخبث من تلميحاتها بينما اندهش مؤمن بشدة من طريقة كلامها وايضا عندما شعر بغيرتها فقال بفرحة داخلية :

هااا لا ابدا انا بس كنت عاوزك تتعرفى عليها

تعالى اقعدى

جلست ملك على احد الكراسى وجلس مؤمن بجانبها ..

وجلست ليان بجانب مؤمن من الجهة الاخرى ..

ليان وهى تضع يدها على كتف مؤمن وتميل بشدة بااتجاه مؤمن وتحدث ملك :

هااا بقى مش هتقوليلى اتعرفتى على مينو ازاى

اصل البنت اللى تقدر توقع مينو تبقى جامدة اوووى

وانا بصراحة مش شايفة كده .. اقصد يعنى انتى محتشمة زيادة عن اللزوم وكدا يعنى صعب توقعيه بسهولة

ملك وقد اشتعلت الغيرة بداخلها دون ان تشعر من منظرها وهى تميل بكل جسدها عليه نظرت لها ببرود وقالت برقة :

اممممممممم مينو .. هو انتى بتقوليلو يامينو طيب

وبعدين هو عشان محجبة ومحتشمة فى لبسى وبتشبه بزوجات النبى عليه الصلاة والسلام مش ممكن ولد يقع فى حبى ويتجوزنى

انتى تفكيرك قديم حبتين

ليان بغيظ :

اممممممم قديم .. امال انتوا اتعرفتوا على بعض ازاى

......... وانتى مالك انتى ياحشرية

نظرت ملك وليان بتجاه هنا فردت ليان قائلة بعدما ابتعدت عن مؤمن :

يعنى ايه وانا مالى ياست هنا مش مينو دا يبقى ابن خالتى وكنا المفروض نبقى مخطوبين دلوقتى

هنا بضحك :

تصدقى يابت انتى انك هبلة اه والله انتى مش شايفة الجمال اللى قاعد جنبه دا على فكرة دى تبقى مراته يعنى مينو خلاص اتجوز يللا بقى عوضك على ربنا

وبعدين ادخلى يللا لخالتك عشان عاوزاكى

وعلى فكرة مؤمن اخويا اسمه مؤمن مش مينو ماشى يا .... ياليان

نهضت ليان من مكانها غاضبة واتجهت بسرعة الى غرفة انيسة واغلقت الباب ورائها بكل قوة ..

هنا :

انت ازاى تسمح لها انها تحط ايديها عليك كدا دى كانت مميلة عليك خالص

نظرت ملك له لتسمع رده فوجدته يبتسم ابتسامة عذبة وينظرلها بشدة هائم بها وسارح عن العالم بما فيه كأنه لم يكن يشعر بما يحدث ..

نهضت ملك من مكانها مسرعة بعدما احمرت وجنتيها خجلا ..

هنا بضحك :

انت ياابنى متنح كده ليه

مؤمن باانتباه قال بطريقة مضحكة :

انتى ايييه اللى طلعك من جوا دلوقتى دى كانت زى العسل وهى عمالة تتكلم كده برقة يخربيت جمالك ياشيخة

ملك بكسوف شديد نظرت له ولم ترد ..

اقترب منهم مكاوى وهو يحاول بقدر الامكان ان يخفى ضحكته فهو شاهد ماحدث عن بعد ..

مكاوى :

السلام عليكم

هنا وعيونها لمعت بشدة وبدا قلبها يدق :

وعليكم السلام

مكاوى :

كنت هجيب لك القهوة هنا بس تعالى نشربها تحت

هنا بسرعة :

لا مفيش داعى بقى هنشربها عندنا فى البيت لان ماما هتخرج دلوقتى الدكتور لسه قايل لنا والدادة بتساعدها عشان تلبس ونمشى

مؤمن :

بجد تمام طب يللا بينا

ملك وهى تسحب هنا بعيد عن مؤمن ومكاوى :

طب وانا هروح لوحدى

........ لا هتيجى معانا الفيلا

ملك بخضة نظرت لمؤمن الذى كان يقف قريب منهم للغاية وقالت :

لا انا عاوزة اروح شقتى

مؤمن بطريقة مضحكة :

اااه صح متقدريش تستغنى عن الكهف بتاعك اقصد عن اوضتك

ماهو فى الفيلا فى كهوف برضو اقصد اوض

نظرت له ملك بغيظ ولم ترد ..

هنا :

بصى يالوكة احنا نروح هناك لو مااستريحتيش وكدا هنروح الشقة تانى واهو تبقى فرصة عشان ماما تتعرف عليكى

نظرت لها ملك بتردد ولكنها اومات راسها بالموافقة ..

مؤمن :

وبعدين ايه لوكة دا ايه دا اسم دوا

هنا بضحك :

بطل رخامة بقى احسن ترجع فى كلامها

مؤمن بغزل :

لا ترجع ايه بس دا لوكة وملوكة وصاحبة احلى عيون فى الدنيا

و .......... كاد ان يكمل حتى قاطعته هنا قائلة :

احم احم انا هنا على فكرة وسنجل نراعى دا لو سمحت

كاد ان يتحدث حتى وجودوا انيسة تخرج من غرفتها ومعها انعام وليان فااتجه الجميع الى الخارج حتى يغادروا المشىفى الى فيلتهم

ولكن قبل ان يغادرووا اضطرت ملك ان تجلس بجانب مؤمن فى سيارته الشى الذى جعل قلبه يرفرف فرحااااا وركبتا هنا وانيسة بالخلف

مما اضطر ليان ان تركب هى وانعام بسيارة مكاوى وهى تكاد ان تتمزق من الغيظ وهى ترى ملك بجانب مؤمن ..

____________________________________________________

فى النادى

كانت نيفين كعادتها فى الفترة الاخيرة تجرى بااقصى سرعة وهى تضع الموسيقى فى اذنيها وفجاة اوقفها انور بعدما شدها بقوة تجاهه ..

نيفين وهى تنهج بشدة :

انتى بتشدنى كده ليه كنت هقع على وشى

انور وهو يينزع السماعات من اذنيها بقوة :

من امبارح وانا برن عليكى وانتى حتى مش بتكنسلى دا انتى مش معبرانى اصلا هو احنا مش اتنيلنا اتخطبنا وبقى فى شى رسمى

ما بينا بردو لسه دماغك نشفة

نيفين ببرود :

انا مش موافقة على ارتباطنا من الاول ياانور وانت عارف كدا كويس اوووى فمش هرد على اتصالاتك ولاحتى هتبقى علاقاتنا طبيعية فمتتعبش نفسك معايا

انور بغضب :

انا تعبت ياشيخة انتى باردة كدا ليييييييييييه

انا بحبك بقى افهمى مش عارف اشوف غيرك الله يخربيت الحب وقرفه اللى وقعنى فيكى

بصى يانيفين انتى مش هتتجوزى غيرى ريحى دماغك ونفسك وريحينى بقى عشان قربت انفجر من الغضب بسببك

وخلصينى بقى من الموضوع بتاع بنت عمك دا انتى زيك زى اشتركتى معايا فى اللى عملناه معاها كفاية البراءة المصطنعة اللى معيشة نفسك فيها دى عشان مش لايقة عليكى

ثم امسك بيديها ورفعها بقوة وقال :

ابقى البسى دبلتك بقى عشان كنت عارف انك مش هتلبسيها

تركها وكاد ان يذهب من امامها حتى وجدها تقول :

ممكن علاقتنا تبقى طبيعية بس بشرط

انا حاليا عندي امتحانات ادعولي وانشاء الله بعد الامتحانات الروايه هتنزل بدري

انور :

ابقى البسى دبلتك بقى عشان كنت عارف انك مش هتلبسيها

تركها وكاد ان يذهب من امامها حتى وجدها تقول :

ممكن علاقتنا تبقى طبيعية بس بشرط ياانور

استدار انور بدهشة ونظر لها بشدة ولم يتحدث ..

نيفين وهى تقترب منه :

لما تقدر ترجع لملك حقها بيتها وفلوسها

وكمان تعترف على مؤمن عزام وتقول عمل فيها ايه

انور بسخرية :

وهتقدرى تعيشى من غير العز دا كله هترجعى تانى بيتكوا انتى والست الوالدة اللى خلاص بقت هانم وشايفة الحياة من فوق اوووى اعتقد ان سعاد هانم يستحيل توافق على حاجة زى دى

وعلى فكرة ملك بنت عمك حامل وهتخلف قريب وعايشة مع مؤمن عزام حياة سعيدة فى عش الزوجية بتاعهم يعنى كلامنا لا هيقدم ولا هياخر متربطيش حياتك بيها

نيفين وهى تنظر بقوة فى عيونه :

ملك بتتعذب بجد لانى حاسة بيها عشان احنا نفس الدم

وااااه ياانور اقدر اعيش حياتى عادى جدا من غير كل الفلوس المزيفة اللى احنا سرقناها من صاحبتها مش هيحصل حاجة لو عيشنا نضاف يعنى بالعكس هبقى مستريحة وقلبى هيبقى ناقى وساعتها هفتحه واحب وانا راضية ومبسوطة بحياتى

انت قلبك معمى بسبب القرف اللى انت عايش فيه من السهر والبنات واللى حصل لملك بسبب تفكيرك الشيطانى انت والست سعاد هانم والشركة اللى انت ماسكها من غير اى حق

يعنى لو فكرت مليوووون مرة عشان ارتبط بواحد زيك مش هلاقى حتى سبب واحد يخلينى ارتبط بيك يااما بقى ابقى مجنونة

انور :

دا اخر كلام عندك

نيفين :

اااه وياريت تفكر فيه

ثم تركته وذهبت وهو يتبعها بعينيه بغضب شديد ..

____________________________________________________

فى الفيلا

ما ان وصل الجميع حتى صعدت انيسة الى عرفتها لتستريح ..

مؤمن وهو يحدث الجميع وينظر لملك :

تصدقوا بقى ان اوضتى هنا وحشاااانى اوى اوى بقى

ليان بدلع :

اكيد يامينو مش فيها ذكرياتك وحياتك كلها واحلى ايامك

مؤمن ومازال ينظر على ملك :

بس بحب شقتى اكتر منها ذكرياتها احلى عندى بحبها كدا وبموت فيها

نظرت له ليان بغيظ شديد بينما ابتسمت ملك ابتسامة فرحة دون شعور منها ونظرت ارضا ..

انعام :

انا هحضر لكم الاكل زمانكم هتموتوا من الجوع

ما ان غادرت انعام حتى نظرت هنا لمؤمن وقالت :

احم احم بس انت صاحبك ليه يعنى مدخلش معانا هنا

مؤمن :

عنده شغل كتير لسه بقى بيفتتح شركته الجديدة هنا

هنا وعيونها تلمع بشدة حتى لاحظتها ملك :

اممممممممم ربنا يوفقه

جهزت انعام طاولة الطعام فااسرع مؤمن وجلس بجانب ملك التى خجلت بشدة من فعلته ..

ليان بغل :

ايه يامؤمن هى مراتك هتطير بتلحق مكان عشان تقعد جنبها

مؤمن ببرود :

وانتى زعلانة ليه يعنى

هنا بضحك نظرت لها وقالت :

يالهووووى على الكسوف اللى انت فيه يااللى فى بالى

نهضت ليان من مكانها بعدما نظرت لهنا بغضب وصعدت الى غرفة انيسة ..

ملك :

ليه بس كدا ياهنا كنتى تسبيها تاكل زمانها جعانة

مؤمن بحب :

شايفة الطيبة دا انتى هتبقى ماما طيوبة اوى والله

انتى قمر كدا وعسل وحاجة تتحب يعنى

ملك بكسوف نظرت له وقالت بحدة :

انا ساكتة لك من الصبح عمال تعاكس وتقول كلام مالوش لزمة وقعدت جنبى هنا وفى المستشفى وانا مكتومة بس بص بقى طول ما انا هنا متجش جنبى ولا حتى تبص لى اعتبرنى مش موجودة اصلا وانا كمان هعتبرك ولا كانك موجود خلينا كدا زى ما كنا فى الشقة هناك ماشى وياريت تنفذ كلامى لانى حسيت انك مفكرنى نسيت كل حاجة وعادى بقى تبقى بتحلم انا بعمل كدا قدام مامتك وقريبتك اللى عمالة تتدلع عليك دى عشان ميحسوش بحاجة غير كدا هرجع الشقة بسرعة

كانت ابتسامة جذابة مرسومة على شفتيى مؤمن وهو ينظر لها وهى تتحدث ويتكأ بوجهه على يديه وينظر فى عيونها بقوة فقد سحرته كعادتها ..

نظرت هنا لمؤمن فضحكت بشدة على منظره ..

هنا بضحك شديد :

ياعينى يابنتى بعد الزعيق دا كله وطلع سرحان فى عينيكى

لما تزعقى له بعد كدا ابقى بصى الناحية التانية

نهضت ملك من مكانها وهى خجلانة للغاية وجلست بجانب هنا ..

تنهد مؤمن بشدة ونهض من مكانه وقال :

انا رايح شركتى بقى اشوف شغلى احسن شوية كمان وهعمل حاجات مش كويسة خااااااااالص اما الحق نفسى احسن

سلام ياهنا

ثم نظر لمك التى تتحاشى النظر له وقال :

سلام من غير معاكسة اهووو ..

ما ان غادر الفيلا حتى ابتسمت ملك بشدة فنظرت لها هنا وقالت :

انتى ربيتى الواد عقبال ماتقوليلوا انك بتحبيه هيكون ياعينى اتشل

ملك باابتسامة حب نظرت لها ولم ترد ..

____________________________________________________

فى المساء فى احدى الاماكن الليلة على النيل التى كثيرا ماتحب نيفين السهر فيها ..

كانت نيفين تجلس سارحة شاردة حتى تفيق على صوت احد الاشخاص :

مساء الخير

ما ان تلتف نيفين ناحية الصوت حتى تنظر له بااستغراب فهى لاتعرفه :

مساء النور

الشخص وهو يجلس :

انا احمد مكاوى صاحب شركة لسه متاسسة قريب فى مصر

نيفين بعدم فهم :

اهلا يافندم بس حضرتك بتقولى كده ليه

انت تعرفنى اساسا

مكاوى بثقة :

اكيييد ياانسة نيفين مش انتى بنت صفوت بيه الله يرحمه صاحب شركات صفوت جروب

نيفين بحدة :

لا مش انا

مكاوى وهو يتصنع الدهشة :

ازاى وكل اللى موجود هنا قالى انك خطيبة انور منير المسئول عن شركات صفوت جروب وانك بنت صاحب الشركات دى

نيفين :

قولت لحضرتك لا مش انا

مكاوى باابتسامة سخرية :

امممممممم مش مهم المهم ان حضرتك خطيبة انور بيه منير وياريت حضرتك تقدرى توصلينى بيه لانى بجد مش عارف اوصله

نيفين بسخرية :

وحضرتك عاوز توصل لانور بيه منير ليه

مكاوى بثقة :

عشان عاوز اعمل شغل مع شركة والد حضرتك اقصد شركة صفوت جروب اللى مالهاش دعوة بحضرتك مش كدا بردو

نيفين :

ممكن حضرتك تاخد عنوان الشركة وتروح هناك بنفسك

مكاوى :

مش هينفع لانى انا بجد عاوز اوصل له بااسرع وقت لانى بسافر كندا كل شوية وبرجع ومش مستقر فى مصر وانتى عارفة المواعيد عاملة ازاى فى مصر

نيفين :

والمطلوب

مكاوى :

انا بس كنت عاوز حضرتك بكرا تيجى معايا بنفسك الشركة وتدخلينى عنده وبس كده لانى بجد محتاج اظبط شغلى مع شركتكوا قبل مااسافر

نيفين باابتسامة عند :

ولو قولت لحضرتك لا وروح انت وظبط مواعيدك بنفسك

مكاوى بثقة وهو يستريح فى مكانه :

هفضل قاعد هنا للصبح لغاية ماتوافقى تروحى معايا

انا عنيد اكتر منك على فكرة وخلاص مظبط نفسى على الميعاد دا

وهروحه بكرا يعنى هروحه

نيفين باابتسامة اعجاب :

حلوة ثقتك بنفسك على فكرة

مكاوى وهو يدور بعينه فى المكان بااكمله حتى يشعرها انها لاتهمه كثيرا وان ما يهمه شغله مع شركتها :

عارف على فكرة هاااا هتروحى معايا ولا لا

نيفين بااستغراب :

انت بتدور على ايه

مكاوى باابتسامة جذابة وهو ينظر لها :

اصل بصراحة المكان هنا حلو اوووى مكشوف كدا وعلى النيل

كل دا كوم والبنات القمرات اللى قاعدين هنا كوم تانى هو انتوا سهرانين هنا عشان انتوا البنات اللى كانوا بيرموها للنيل

عرايس النيل يعنى حتى انتى جميلة اوى بردو

نيفين بالرغم انها سمعت هذا الكلام من الكثير الا انها نظرت له بكسوف وقالت :

مينفعش كدا على فكرة انت كدا بتعاكس ماشى

وعلى فكرة انت شكلك بكاش

مكاوى باابتسامة :

اه بصراحة بعاكس المهم دلوقتى هتيجى معايا بكرا ولا لا

نيفين باابتسامة :

تمام هاجى معاك بس عشان انت شكلك طموح وشكلك بتحب شعلك اوووى فهساعدك

شعر مكاوى بفرحة داخلية وانه سيحقق مايريد

فظلوا يتحدثوا الكثير من الوقت حتى اندمجت نيفين معه تماما ..

____________________________________________________

فى الشركة كان مؤمن يحاول ان ينهى عمله بااسرع وقت حتى يذهب للفيلا باكراااااا ..

مؤمن وهو يتطلع بالكثير من الاوراق :

هاااا يااحمد لسه فى شغل تانى

احمد بااستغراب :

لا بصراحة بس انت ليه مستعجل اوى كده دا احنا كنا بنروح وانت بتقفل الشركة مع العامل اللى تحت

مؤمن بضحك :

ياعم عاوز اروح بيتنا بقى وحشنى البيت

وبعدين مش خلصت الشغل والورق اللى كان واقف على امضتى

احمد بخبث :

اممممم حلو الجواز بردو بيلم يامينو

مؤمن بضحك :

ايوة ياعم حلو ولا انت عاوز تحب وغيرك لا

بس تعرف يااحمد نفسى مراتى تحبنى ربع الحب اللى مراتك بتحبهولك دا انتوا عقدتونى ياجدع

احمد بتنهيدة حزن :

ادعيلنا يامؤمن ربنا يرزقنا بالذرية الصالحة

مؤمن بحزن هو الاخر :

باذن الله يااحمد بس انت اوعى تيأس من رحمة ربنا

ودور يااحمد على دكاترة شاطرة هنا او برا الطب اتقدم اوووى

احمد باابتسامة :

قول يارب وادعيلنا يامؤمن وعقبال مااشوف عيالك يارب

اه صح انت هيجيلك باذن الله بنت ولا ولد

مؤمن بسرحان :

هاااا مش عارف الصراحة

ظلوا يتحدثوا بعض الوقت حتى انهى مؤمن عمله وغادر الشركة استقل سيارته وذهب للفيلا ..

____________________________________________________

فى الفيلا

كانت ليان تجلس مع خالتها فى غرفتها بينما ملك كانت تجلس مع هنا يتحدثوا ..

هنا :

انا بس نفسى اعرف انتى قاعدة بالاسدال ليه دلوقتى ما البيت كله ستات

ملك :

ياسلام ولو اخوكى جه دلوقتى يعنى

هنا :

دا جوزك ياحبيبتى يالهوووى انتى مش شايفة ليان بتقعد ازاى قدامه ومهما زعقنا لها مفيش فايدة هتموت وتلفت نظره وتجذبه ليها امال انتى بقى اللى مراته

ملك :

ماليش دعوة بيها وبعدين اقعد قدامه ليه اصلا من غير الحجاب مش كفاية هناك كنت بطلع بلبس النوم بتاعى من غير مااخد بالى والاقيه فى وشى ويفضل يعاكسنى انتى عاوزة كدا يعنى

هنا بضحك :

يالهوووى يامؤمن يعنى ياعينى لا كان بيصاحب ولا بيعرف بنات عشان لما يتجوز يعمل اللى هو عاوزه فى الحلال وانتى مقفلاها عليه كدا

طب انتى عارفة ان مؤمن دا البنات كانت هى اللى بتطلبه للجواز

ملك بضحك :

على ايه يعنى

هنا بغمزة عين :

ياكذابة متنكريش ان اخويا جنتل وقمر ودمه خفيف وراجل بجد يعتمد عليه وجربيه بقى فى الرومانسية هيعجبك اوووى دا انا اخته وبيدلعنى على الاخر عشان ميخلنيش احتاج لغيره امال انتى بقى اللى مراته

ملك بكسوف :

بطلى بقى الكلام دا يابت انتى وعلى فكرة اخوكى دا انا مش هحبه عشان اللى عمله دا ميخلنيش احبه يخلينى اكرهه ماشى

هنا :

ياملك انسى بقى بجد مؤمن بيحبك ويتمنى تعيشوا حياة جديدة مع بعض ادى لنفسك فرصة واديله فرصة هو كمان والله هتعشقيه

صمتت ملك وهى تستمع لها ولم تنطق بحرف ثم قالت بتردد :

هى ليان بنت خالتك بتحب مؤمن

هنا بدهشة :

انتى قولتى مؤمن غريبة يعنى كل مرة بتقوليلى اخوكى

ملك بكسوف :

عادى يعنى مش دا اسمه بردو

هنا حتى لا تشعرها بالكسوف :

ماشى يالوكة ليان ياستى مش بتحب مؤمن ولا حاجة بس هى

من زمان وهى لما بتحط عينها على حاجة بتبقى عاوزاها وخلاص فهى بقى عاوزة مؤمن بشركته وشياكته وعربيته وشكله

من البنات اللى بتحب تتباهى بخطيبها او جوزها قدام اصحابها

ومش مهم بقى متجوز ولا مخلف ولا بتحبه ولا بيحبها ولا اى حاجة مهمة عندها فى الحياة اللى يهمها بجد انها تتجوزه وخلاص

واللى كبر الموضوع دا فى دماغها ماما لانها بتحبها هى وخالتو جداااا

فهى هتحاول تضايقك على فكرة وهتوصلك لمرحلة انك ممكن تضربيها عادى

ملك بضحك :

متقلقيش عليا معاها

بس انا شيفاكى مش بتحبيها خالص ياهنا وحاسة ان فى حاجة هى عملتها وصلتك لكدا

الحلقة21

ملك :

بس انا شيفاكى مش بتحبيها خالص ياهنا وحاسة ان فى حاجة هى عملتها وصلتك لكدا

هنا بتلعثم فى الكلام ارادت تغيير مجرى الحديث فقالت :

هااااا لا ابدا عادى يعنى هى بس تصرفاتها الغبية وافعالها وحركاتها المستفزة تكرهك فيها مش اكتر

ملك بشك :

ماشى ياهنا مسيرك تحكى

ثم اكملت بخبث :

بس تعالى هنا وقوليلى

هو انتى ليه وشك كان احمر كدا وابتسمتى ابتسامة حلوة واحنا فى المستشفى لما صاحب اخوكى جه وليه سالتى مؤمنلما وصلنا الفيلا هو مدخلش معانا ليه

كادت هنا ان تتحدث حتى وجدت مؤمن يدلف الى الداخل فصمتت ولم ترد ..

مؤمن باابتسامة حب وهو يدلف الى الفيلا :

يامساء الفل عليكى ياهنا ياعسل ياقمر ياحبيبتى وربنا وحشينى اوووووى بقى من الصبح

ما ان راته ملك يدلف الى الداخل حتى اضطرب قلبها بقوة وما ان سمعت منه هذا الكلام حتى ابتسمت بحب وبدات تهندم حجابها بحرج ..

هنا بضحك :

ليا لكلام دا بردو يابكاش ماتقولها الكلام دا علطول لازم يعنى تلف وتدور

مؤمن وهو يجلس بالقرب منهم :

بلاش عشان هى بتكره المعاكسة وبعدين مين قالك ان الكلام دا ليها دا ليكى انتى ياحبيبتى

ليان وهى تنزل الدرج بسرعة :

حمد الله على السلامة يامينو

مؤمن باابتسامة صفرا :

وانتى من اهله

ضحكت ملك وهنا بشدة فنظرت لهم ليان بغضب ..

ليان بغيظ وهى تجلس جانبه :

هو ايه دا اللى وانتى من اهله

مؤمن بااستعباط :

مش بتقولى انك طالعة تنامى

ليان برقة مصطنعة :

لا يامينو دا انا سمعت صوت عربيتك فنزلت علطول عشان اقعد معاك

نظرت لها ملك ببرود ولكن كان بداخلها نار من الغيرة بسبب دلعها على مؤمن وملابسها التى لم تستحى ان تلبسها امام مؤمن وهو ليس باخيها او زوجها

ليان بضحكة استهزاء وهى تتجاهل ليان :

ياعينى ودا اسمه ايه دا بقى ماعلينا

يلا يامينو عشان ناكل الدادة بتجهز لنا الاكل عشان نتعشا كلنا

جلس الجميع لتناول الطعام وكالعادة لم ينفذ مؤمن كلام ملك وانما جلس جانبها مما جعلها تشعر بالفرحة الداخلية ..

مؤمن بهمس وهو يقترب منها :

على فكرة وحشتينى

سقطت الملعقة من يد ملك اثر توترها وارتباكها فنظرت لهم هنا بخبث ولم تتحدث ..

ليان بمياعة امسكت بقطعة من الطعام وقربتها من فم مؤمن :

خد دى من ايدى يامينو

مؤمن وهو يريد ان يشعر ملك بالغيرة التقط قطعة الطعام من يديها بفمه وبدا يستطعمها فنظرت ليان لملك باانتصار بينما نظرت لهم ملك بصدمة من فعلته وفعلتها وبدات الغيرة تنهش فيها ولكنها تصنعت الامبالاة ..

شعرت هنا بما يدور بداخل ملك فنظرت لهم وقالت بااستهزاء :

ياخراشى بتاكليه بايدك ليه هو عيل صغير مش عارف ياكل

وانت يامينو مش عارف تاكل يابيبى

مؤمن بضحك وهو يحدث هنا ولكنه ينظر لملك :

وانتى غيرانة ليه دلوقتى

هنا وهى تنظر لملك هى الاخرى :

اه بصراحة غيرانة واوووى كمان فلم نفسك بقى بدل مااقوم اجيبهالك من شعرها

ليان برقتها المصطنعة :

ايه ياهنا بس فى ايه

هنا ببرود :

وانتى مالك انتى

وبعدين انتى عادى يعنى انك تتدلعى كده على راجل متجوز وكمان قدام مراته

و لبسك دا مش خالتو وماما قالولك قبل كدا مينفعش يتلبس قدام مؤمن وبردو بتلبسيه

بصى من الاخر لو عملتى كل حاجة فى الدنيا عشان تلفتى نظر مؤمن بردو مش هتقدرى تلفتى نظره ياليان لانه بيحب ملك بجد وبقولك قدامه بدل مااقولك من وراه فدورى على حد تانى وريحى دماغك منه بقى

شعرت ملك بالفرحة من كلام هنا ونظرت لليان لترى ردة فعلها ولكنها صدمت مما قالت ..

ليان وهى تحاول ان تتمالك نفسها ولا تغضب فقالت وهى تتصنع الحزن :

على فكرة ياهنا انا مش اقصد اى حاجة من اللى انتى قولتيها دى

انا فعلا بحب مؤمن اوووى بس هو خلاص بقى ملك واحدة تانية

فاانا بتعامل معاه عادى كانه اخويا يعنى ومش اقصد اى حاجة خالص صدقينى

كان مؤمن يستمع لهم ولكنه كان ينظر لملك وسرحان فيها التى ما ان انتبهت لنظراته لها وابتسامته الجذابة حتى اضطربت بشدة ..

ملك بكسوف وهى تنهض من مكانها :

الحمد لله بعد اذنكوا

هنا وهى تنهض هى الاخرى من مكانها :

خدينى معاكى يالوكة احسن انا جبت اخرى

ليان بزعل مصطنع :

شفت يامينو هنا بتعاملنى ازاى انا بس عملت ايه لكل دا

مؤمن وهو ينظر لها بشدة :

بصى ياليان انا مبحبش الجو الرخيص اللى انتى عايشة فيه دا

بلاش الدلع اللى مالوش لزمة اللى بتعمليه وملك قاعدة

عشان بعد كدا مش هنا اللى هتكسفك انا اللى هكسفك تمام

وبعدين مؤمن ميين اللى بتحبيه انتى هتشتغلينى

ما انا وانتى وهنا وماما وخالتو وشوية ناس حلوين كدا عارفين اللى فيها فلمى نفسك بقى يابنت خالتى بدل وحياة ملك عندى احجزلك طيارة سفر بكرا واروحك وهعرف مااخلكيش تيجى هنا تانى

لمى نفسك ياليان وشيلنى من دماغك يابنت الناس انا اتجوزت ومراتى حامل كمان يعنى حياتى مبقتش فاضية زى الاول عشان تعملى افلام وتتدلعى يمكن تكسبينى

اهدى بقى

نظرت له ليان بغضب شديد حتى ان وجهها احمر بشدة من كثرة الغضب ولكنه لم يعيرها اى اهتمام وانما نهض من مكانه فجاة حينما رن هاتفه برقم احد الاشخاص فخرج من الفيلا ليرد على المتصل ..

________________________________________________

كانت هنا وملك يجلسان يتحدثان مع بعض بصوت خفيض حتى انتبهتا الى انيسة التى كانت تنزل الدرج فااسرعت ليان اليها ..

ليان وهى تمسك بيديها :

ليه كده بس ياخالتو ايه اللى نزلك من اوضتك انتى لسه تعبانة

انيسة وهى تجلس بالقرب من هنا وملك :

لا ياحبييتى انا كويسة متقلقيش عليا وبعدين كده احسن من القعدة فى الاوضة فوق

ملك بتردد :

حمد الله على سلامة حضرتك

انيسة بنظرة قوية :

الله يسلمك

امال فين مؤمن يا ليان

مؤمن وهو يدلف الى الداخل :

انا اهو ياماما ايه اللى نزل حضرتك بس من اوضتك انتى لسه تعبانة

انيسة بسخرية :

ايه خايف عليا ولا ايه

مؤمن وهو يقبل يديها :

اكيد ياماما لو مش هخاف عليكى هخاف على مين

نظرت له انيسة وتنهدت بشدة ولم تتحدث ..

ظلوا يتحدثوا بعض الوقت حتى بدات ملك تتاوب بشدة ويبدو عليها انها تريد ان تنام ..

ليان بسخرية :

ايه دا ياملك انتى عاوزة تنامى ولا ايه شكلك بتنامى بدرى اوووى زى العيال الصغيرة

ليان بضحكة صفرا :

ااااه ياليان اصل ملوكة مش متعودة على السهر والخروج بالليل وكدا الحاجات اللى انتى عارفاها دى فتلاقيها ياحبيبتى بتنام بدرى وبعدين انتى عارفة ان البنوتات الحامل بيناموا كتير فمش بيفرق معاهم بقى بدرى ولا متاخر

ليان بغيظ :

اممممممم طيب

هنا وهى تنظر لانيسة :

احنا هنطلع ننام بقى ياماما تصبحى على خير ياحبيبتى

ليان بااستغراب :

هو عشان ملك عاوزة تنام انتى كمان هتنامى وبعدين هى هتنام فى اوضتك يعنى دى هتنام فى اوضة مؤمن ولا انتى ناوية متسبيهاش خالص وتباتى معاهم كمان

نظرت لها ملك بصدمة وابتعلت ريقها بصعوبة ..

شعر مؤمن بفرحة داخلية ولمعت عيونه بشدة فقال :

ااااه صحيح ياهنا اقعدى انتى براحتك ياحبيبتى متربطيش نفسك بملك ويللا احنا يالوكة عشان ميت من التعب

نظرت ملك لهنا بعيون مليئة بالدموع تترجاها حتى تنقذها من هذا الموقف ..

هنا بتلعثم فى الكلام :

هاااا اصل ملك اول مرة تبات فى الفيلا وكدا فاانا كنت عاوزاها تبات معايا فى اوضتى وانا عارفة ان مؤمن هيوافق ..

مؤمن بضحكة خبيثة :

بصراحة لا ياهنا انا مش بعرف انام من غير ملك

انيسة بشك :

انتى مالك ليه مصممة ان صاحبتك الانتيم تبات معاكى فى اوضتك مش المفروض تنام فى اوضة مؤمن عشان هو اللى جوزها مش انتى

اللى جوزها ولا ايه ياهنا

ملك بتلعثم فى الكلام :

اصل انا كنت هسهر انا وهنا نتكلم مع بعض وكدا

مؤمن وهو ينهض من مكانه ويتصنع الشدة :

يللا ياملك انتى منمتيش من امبارح ودا غلط على البيبى

ما ان استدر مؤمن حتى ارتسمت ابتسامة واسعة على شفتيه ..

نهضت ملك من مكانها ونظرت لهنا بخوف فهمست لها هنا تتطمئنها

ماتخافيش ياملك مؤمن بيحبك ومش ممكن ياذيكى

ليان بغيظ :

انتوا بتقولوا ايه

هنا بزعيق :

وانتى مالك انتى ياباردة دا انتى خنقة ومقرفة

بس تصدقى ان انا اللى غلطانة اصلا انى قعدت معاكى

اما اقوم من القعدة اللى مالهاش لزمة دى

ما ان نهضت هنا مع ملك حتى نظرت ليان لانيسة وقالت وهى تتصنع الحزن :

ينفع كدا ياخالتو المعاملة اللى هنا بتعاملنى بيها دى

انيسة :

معلش ياحبيبتى انتى عارفة انها لسه زعلانة من اللى حصل وبصراحة مكنش سهل عليها فحاولى تكسبيها وهتلاقيها صاحبتك هنا طيبة وقلبها ابيض

ليان :

ياخالتو اللى حصل انا اتاسفتلها عليه مالهاش لزمة المعاملة دى بقى دى بتكرهنى بجد بس عشان خاطرك هحاول اكسبها تانى

انيسة باابتسامة :

ماشى ياحبيبتى ويللا قومى عشان تنامى انتى كمان

ليان بتافف :

انام ايه بس ياخالتو احنا لسه بدرى وبعدين بدل مانخرج كلنا نتفسح وكدا كلهم داخلين يناموا

انيسة :

متزعليش ياحبيبتى الايام جاية كتير

________________________________________________

فى احدى الاماكن الليلة التى كثيرا ما يتردد عليها انور كان مشغول بالحديث مع احدى الفتيات التى تشبه تلك الاماكن فى نفس الوقت كان هاتفه يرن ولكنه لم ينتبه له ظل على هذا الحال لم ينتبه لصوت هاتفه وبعد الكثير من الوقت انتبه له فحرج ليرد بعيدا عن تلك الموسيقى والضوضاء ..

انور بغضب :

ومين دا اللى هى قاعدة معاه

الشخص عبر الهاتف :

معرفوش ياانور بيه اول مرة اشوفه بس شكله صاحبها او قاريبها لانهم بقالهم كتير قاعدين مع بعض ومندمجين اووووى

انور بزعيق :

ومقولتليش ليه ياغبى

الشخص :

ياانور بيه انا بقالى اكتر من ساعتين برن عليك وانت مبتردش عليا

انور وهو يدلف الى سيارته :

طب اقفل وخلى عينك عليها لغاية مااجى سامعنى

قاد انور سيارته بسرعة فائقة حتى وصل الى المكان التى كانت نيفين تجلس فيه مع مكاوى ..

انور وهو يلف بعينيه المكان باكمله :

هما فين

الشخص :

بعد ماقفلت مع حضرتك هو قام وركب عربيته ومشى وهى بعدها بشوية ركبت عربيتها ومشيت هى كمان ..

انور بغضب شديد :

ماشى يانفين ماشى

اوصف لى شكله كدا

الشخص :

هو طويل بس مش اوى وعنده لحية خفيفة كدا ولبسه وعربيته شيك باين عليهم ماركة شكله ابن ناس يعنى

انور بشك :

مش معقول مؤمن

بقولك ايه خلى عينك عليها طول الوقت واى حاجة تحصل تكلمنى فى ساعتها سلام

________________________________________________

فى الفيلا

فى غرفة مؤمن دلفت ملك الى الغرفة بكسوف واستحياء يلحقها مؤمن الذى ما ان شعر بخجلها منه حتى ااغلق باب غرفته دون ان تشعر ..

مؤمن باابتسامة حب :

نورتى اوضتى المتواضعة ياحبيبى

ملك بكسوف كانت تفرك يديها بقوة وتتحاشى النظر له ..

مؤمن وهو يقترب منها حتى يربكها :

ايه يالوكة عجبتك اوضتى احسن من الكهف بتاعك اقصد اوضتك

ملك وهى تبتعد عنه نظرت للسرير بصدمة وقالت :

هو هو هو مفيش غير سرير واحد

مؤمن باابتسامة خبيثة :

ااااه اشمعنة

ملك :

طب انا هنام فين

مؤمن باابتسامته الخبيثة :

دا كبير يالوكة وشرح وبرح ومريح وياخد 4 اشخاص مش اتنين بس

ملك بتوتر وتلعثم فى الكلام :

هو انا ممكن اروح ابات مع هنا فى اوضتها

مؤمن وهو يتجه الى الدولاب الخاص به ليغير ثيابه :

لا ازاى يعنى انتى عاوزة ماما وليان يقولوا ايه

ملك بسرعة :

متقلقش مش هخليهم يحسوا بحاجة صدقنى

مؤمن وهو يقترب منها نظر فى عيونها بقوة وقال :

على فكرة انا مش عفريت ولا وحش متخافيش منى اوووى كده

وياريت متنسيش انى جوزك والمفروض تسمعى كلامى قولت لا يعنى لا

ملك بزعيق :

على فكرة انا مش بستاذن منك انا هروح ابات مع هنا

استدارت واتجهت الى باب الغرفة وحاولت ان تفتحه ولكنها وجدته مغلق من الداخل فغضبت بشدة وما ان استدارت تجاه مؤمن حتى وجدته قريب منها والابتسامة مرسومة على شفتيه

ملك بكسوف :

ممكن تفتح الباب

لم تسمع منه اى رد الا انها وجدت مؤمن يحملها على يديه ويضعها على فراشه ..

ملك بصدمة وخوف :

انت ايه اللى عملته دا

مؤمن وهو ينظر فى عيونها بقوة قال بهمس :

انا هنام على الارض ياملك بطلى قلق وخوف بقى نامى انتى ياحبيبتى وارتاحى عشان البيبى يرتاح هو كمان

ثم تركها ودلف الى الحمام الملحق بغرفته ..

ملك بحرج :

وبعدين بقى مع الواد دا وبعدين هينام على الارض ازاى يعنى

كانت تحدث نفسها حتى وجدته يخرج من الحمام يرتدى بنطال وتيشرت يبرز عضلات صدره وكتفيه ..

احمرت وجنتيها خجلا و استدارت بوجهها عنه ..

وضع مؤمن وسادة وغطاء على الارض بجانب فراش ملك لينام

اما ملك ظلت على الفراش بعض الوقت حتى تاكدت انه غاص فى النوم ثم خلعت حجابها بهدوء شديد وشدت الغطاء عليها لتنام ..

فى منتصف الليل سمع مؤمن صوت تأوه ملك وبكاؤها فااضطرب بشدة ونهض من مكانه مصدوم من منظرها وحاول ان يقيظها ..

فى منتصف الليل سمع مؤمن صوت تأوه ملك وبكاؤها فااضطرب بشدة ونهض من مكانه مصدوم من منظرها وحاول ان يقيظها

مؤمن وهو يتحسس شعرها برقة :

ملك ملك مالك ياحبيبتى

ملك ببكاء شديد وهى تتاوه بشدة :

تعبانة اوووى بطنى بتوجعنى والبيبى بيضربنى فى بطنى جامد

نهض مؤمن من مكانه ارتدى ثيابه على عجالة ثم ساعد ملك فى لف حجابها وحملها على يديه الى خارج الفيلا ..

ملك بتعب شديد وبكاء مرير :

انت هتودينى فين

مؤمن وهو مازال يحملها على يديه :

هوديكى عند نورا عشان تكشف عليكى متخافيش هى فى الفيلا اللى جنبنا استحملى شوية ياحبيبتى

ما ان وصلا الى فيلا نورا حتى انزلها مؤمن من على يديه برقة بالغة ولكنه مازال يحتضنها وملك لا تشعر باى شى فقط تشعر بالم شديد ..

دق مؤمن جرس الفيلا حتى خرجت له الخادمة ..

الخادمة :

اهلا يامؤمن بيه

مؤمن :

لوسمحتى يادادة هى دكتورة نورا هنا

نورا باابتسامة عذبة و هى تخرج اليهم :

ايوووة يامؤمن انا هنا تعالوا اتفضلوا

مؤمن :

معلش يانورا بس ملك تعبانة اووووى

نظرت نورا الى ملك فوجدتها متعبة للغاية وتبكى بشدة ..

نورا بدهشة :

ياحبيبتى مالك ياملك

ملك بصوت محشرج من البكاء :

بطنى بتوجعنى اوووى وحاسة ان البيبى بيضربنى جامد

نورا وهى تمسكها من يديها :

طيب انا هخدها الاوضة بتاعتى اكشف عليها وانت خليك هنا يامؤمن

كان مؤمن يقف خائف مضطرب عينيه على الغرفة التى دلفت اليها ملك ونورا ظل على هذا الحال وقت طويل حتى خرجت اليه الفتاتان ..

مؤمن بلهفة :

مالها يانورا عندها ايه

نورا باابتسامة وهى تنظر لملك :

متقلقش يامؤمن هو بس البيبى كان زعلان منها عشان مش بتهتم بصحتها ولا بتاخد الدوا اللى انا كتبته لها واكلتها ضعيفة فكان بيعاقبها انا اديتها حقنة وان شاء الله هتبقى زى الفل ولو مسمعتش الكلام هى حرة بقى

مؤمن براحة :

الحمد لله انا كنت قلقان عليها اوووى

ملك بحب نظرت له على خوفه ورعبه عليها ولم تتحدث ..

مؤمن :

انا اسف يانورا ازعجانكى

نورا باابتسامة عذبة :

بس ياواد دا انتوا اخواتى وان شاء تقوملك بالسلامة

بس تصدق انى عمرى متوقعتك كدا خالص

تحب وتتجوز واللهفة اللى فى عيونك على مراتك دى بجد كانى مااعرفكش

مؤمن بحب وهو ينظر لملك :

حبيتها يانورا وكان لازم اتجوزها حياتى معاها هى وبس

نظرت له ملك بدهشة من جرئته الزايدة للاعتراف بحبه لها امام اى شخص وبدات الدموع تترقرق فى عيونها ونظرت له نظرة حب طويلة حتى غادروا فيلا نورا

مؤمن بااستعباط :

ياخبر ابيض نسيت مفتاح باب الفيلا فوق

ملك ببراءة :

بجد طب احنا هندخل ازاى دلوقتى

طب ممكن نخبط على الباب جامد او نرن الجرس

مؤمن :

يستحيل حد يسمعنا كلهم نايمين دلوقتى ونومهم تقيل اوووى وحرام اصحى البواب عشان اخد منه المفتاح زمانه ياعينى نايم دلوقتى

ملك :

طب هنفضل كدا برا ولا ايه

مؤمن باابتسامة خبيثة وهو ينظر على حديقة الفيلا :

احنا ممكن نقعد هنا شوية بس لحد ماعم عوض ( البواب ) يصحى من النوم

لم تجد ملك حل اخر الا ان تجلس معه فسارت امامه ومؤمن خلفها يبتسم بفرح لانه سيجلس معها وحدها اخيراااا

ما ان جلسوا حتى ظلوا بعض الوقت صامتين ..

مؤمن :

احم احم انتى مقولتليش ياملك انتى هتجيبى ولد ولا بنوتة ملك بكسوف :

دكتورة نورا قالت لى انا هجيب ايه بس مقولتش لحد خالص

مؤمن بضحك :

نكتشف احنا يعنى

طب على فكرة انا نفسى فى بنت عيونها حلوين اوووى وقلبها ابيض وطيبة وتدلعنى وتبقى حنينة عليا ولما ازعل كدا تاخدنى فى حضنها باايديها الصغننين دول تبقى عسل كدا وافضل العب معاها لحد ماتعيط وتزهق منى

ثم استدار ونظر لملك بحب وقال :

نفسى فى بنت تبقى شبهك ياملك

بدات ملك تفرك يديها بقوة من الكسوف والخجل ولم تتحدث

مؤمن بدون مقدمات :

انتى ايييه اللى وداكى شقة انور منير بالليل ولوحدك ياملك

نظرت له ملك بصدمة وغضب وصمتت ولم تتحدث

مؤمن بتنهيدة قوية :

انا والله مابشك فيكى لحظة انتى بقيتى نصى التانى ياملك يعنى بثق فيكى اكتر من نفسى بس كنت عاوز اعرف هما ليه خططوا يعملوا معاكى كدا دول عصابة ياملك دمروا حياتك وسرقوكى وانا بس عاوز امسك طرف الخيط عشان ارجع لك حقكك

وجد مؤمن ملك عيونها امتلات بالدموع وكادت ان تبكى فقال باسف

انا اسف ياملك مكنش لازم افكرك بالليلة دى بس بجد انا نفسى اساعدك عشان نبدا نعيش حياة عادية وجديدة مع بعض خصوصا بعد ماحكيت لك انا ليه رحت بيته وايه سبب اللى حصل منى غصب عنى نفسى اخلصك من كل القرف اللى كان محتل حياتك دا بس الظاهر انى هتعبك تانى انا هروح احاول افتح الباب عشان تطلعى ترتاحى

ما ان نهض من مكانه واستدار ليذهب حتى قالت ملك

انا رحت عشان نيفين

استدار مؤمن اليها مرة اخرى وجلس بجانبها ليستمع لها

ملك وهى تنظر له بالم :

اليوم دا انا كنت فى البيت لسه راجعة من دار ايتام بروحه علطول افضل فيه طول اليوم وبعدين اروح مجرد مادخلت اوضتى لقيت تليفونى بيرن ولما رديت لقيت نيفين بتصرخ وبتقولى الحقينى ياملك وسمعت صوت انور جنبها بيحاول يضربها وبعدين شد منها التليفون وقفل السكة انا نزلت من اوضتى جرى وركبت عربيتى وانا مش بعرف اسوق كويس وكنت هعمل حادثة ورحت على شقة انور دا

مؤمن بدهشة :

وانتى عرفتى شقته منين

نظرت له ملك بعتاب فقال بصدق يشع من عينيه شعرت به ملك :

والله انا بس بسال ياملك

استدارت ملك بوجهها عنه وقالت :

تبقى شقة عمى القديمة وهو عايش فيها دلوقتى

صمت مؤمن لتكمل فقالت وهى تفرك يديها بقوة حتى بدا عليها انها ستبكى :

اول مارحت لقيت الباب مفتوح حتة صغيرة دخلت علطول لقيتك ماسك حاجة وعمال تشرب فيها وشكلك كان غريب اوووى

ثم بدات تبكى بشدة :

جيت اجرى اخرج من الباب تانى انت شدتنى و .......

بدات تبكى بهسترية

شدها مؤمن اليه بقوة حتى استقرت فى حضنه وبدات الدموع تترقرق فى عيونه هو الاخر

انا اسف ياملك اسف مليون مرة

لو حلفتلك ميت مرة انى مكنتش فى وعيى ومش عارف اللى بعمله دا صح ولا غلط حرام ولا حلال لازم تصدقينى لانى بجد حاسس بيكى اوووى فى خوفك منى وبعدك عنى طول الوقت رغم انى بجد حبيتك خلاص حبيتك اوووى ياملك

ظل يحتضنها الكثير من الوقت حتى هدات تماما وانتبهت لنفسها وابتعدت عنه ببط

مؤمن وهو يمسح دموعها بيديه قال بغزل :

هو انتى حتى وانتى بتعيطى حلوة يخربيت حلاوتك ياشيخة دا انا اول مرة اشوف حد بيحلو كدا بعد العياط المفروض يبقى شكلك مش حلو بس الظاهر انك عكس الناس

انا الصراحة مكنتش اتوقع اتجوز واحدة بالجمال دا جمال قلبك قبل اى جمال تانى عرفتى بقى انا عاوزك تخلفى بنت ليه

ابتسمت ملك برقة خفق لها قلب مؤمن فقال

بصى خلينا فى الموضوع اياه احسن وربنا انا قلبى دلوقتى عمال يدق جامد وانا مجنون بيطلع منى حاجات فجاة كدا ممكن تضربينى لو عملتها

ابتسمت ملك بخجل واستدارت بوجهها عنه فتنهد بشدة وقال

كان عندى سؤال نفسى اعرف اجابته

ليه انور منير ماسك شركاتك بصفته ايه يعنى وازاى دخل حياتكوا وازاى تمضى على ورق تنازل عن شركاتك والقصر بتاعك لعمك عادى كدا بنية صفية زى ماسمعت من مرات عمك يوم جوازنا

ملك :

انور دا انا مااعرفوش انا فجاة لقيته مسئول عن الشركات ومش عارفة ازاى بس طنط سعاد كانت دايما تشكر لى فيه وتقولى اطمنى على فلوسك وشركتك وهى معاه دا بيعمل صفقات مع اكبر شركات فى البلد مش هتلاقى حد بخبرته وشطارته يمسك لك شغلك كانت دايما تشكرلى فيه ولما حاولت اروح الشركة وابدا افهم الشغل واباشره بنفسى كانت دايما تمنعنى لاى حجة لغاية مازهقت ومحاولتش اروح تانى لانى فعلا مش بفهم اى حاجة فى الشغل دا اما بقى موضوع التنازل صدقنى انا مضيت على ورق صفقة لازم تتم مع شركتى بعد ماقريت الورق كله مكنش فيه كلمة تنم على تنازلى عن اى حاجة

مؤمن بدهشة

ازاى يعنى دول شكلهم كان راسمين لك خطة حلوة بقى

بس انتى ليه من معاملة مراة عمك الوحشة هى وبنتها ليه مش طردتيهم من البيت ورحتى طردى انور دا من الشغل

ملك بصوت مضطرب ودموع بعيونها

اخاف اعيش لوحدى انا بعد مابابا وماما ماتوا بقيت اخاف من الوحدة اوى وخصوصا انى لسه صغيرة ولما كنت اروح اى دار ايتام والاقى الاطفال لوحدهم من غير اب وام كنت بخاف اكتر واقول مهما عملوا فيا هيفضلوا اهلى وعايشين معايا بس للاسف مكنتش اعرف ان الضربة التى تموت ساعات بتيجى من اقرب ناس فى حياتنا

كان مؤمن يستمع لها وهو سارح بعيونها

ملك بكسوف شديد :

هو انا ليه كل اما اكلمك او ازعق لك الاقيك باصص لى جامد فى عيونى

مؤمن بهمس :

اعمل لك ايه ما انتى اللى حلوة مبعرفش اعمل اى حاجة وانتى بتزعقى غير انى ابص لك واسرح فى عيونك اللى يسحروا دول

ملك بخجل بدات تفرك يديها بقوة ولم تتحدث

مؤمن باابتسامة جذابة :

النهار بدا يطلع واحنا قاعدين ومش واخدين بالنا خالص

تعرفى بقى انى عمرى ماكنت مبسوط كدا وانا بتكلم مع اى حد فى الدنيا فعلا لما تتكلم مع حبيبك بتنسى نفسك والناس والعالم باللى فيه وتركز معاه هو ويس

ملك بكسوف نظرت له وقالت بضحك :

يعنى انا عمالة احكى لك عن عذابى واللى عنيت منه وانت عمال تعاكسنى انت مجنون فعلا

مؤمن بدهشة :

يالهووووى دا انتى بتضحكى اهو وربنا احلى بكتير من التكشيرة اللى رسمهالى على وشك علطول دى

ملك بااستحياء

وبعدين معاك بقى ماتعرفش تقعد حبة من غير ماتعاكسنى

مؤمن بهمس :

مش مراتى حلالى

ملك بخفقة قلب نهضت من مكانها فجاة وقالت بتلعثم فى الكلام

يللا بقى لانى بجد عاوزة انام تعبانة اوووى

نظر لها مؤمن بحب على خجلها منه ثم نهض هو الاخر احضر المفتاح فتحوا الباب ودلفوا الى غرفة مؤمن نام مؤمن على الارض مكانه بعد محاولات ان ينام على الفراش بجانب ملك ولكنها رفضت وبشدة وكادت ان تخرج لتنام بغرفة هنا فاستسلم مؤمن ونام على الارض

كان هناك من ينظر اليهم وهم جالسين فى حديقة الفيلا والغل والغضب ياكلوا فيه ..

________________________________________________

اما فى شركة صفوت جروب تصل نيفين بسيارتها يتبعها مكاوى بسيارته ..

مكاوى باابتسامة عذبة وهو يخرج من سيارته :

بجد متشكر اوى على جدعنتك معايا يانيفين

نيفين باابتسامة هى الاخرى :

حلوة جدعنتك دى طب يللا بقى

دلف مكاوى مع نيفين الى الشركة ثم صعد الاثنان الى مكتب مكاوى

نيفين لسكرتيرة مكتبه :

لو سمحتى ياانسة قولى لانور انى برا

ما ان دلفت السكرتيرة لمكتب انور حتى سمحت لها بالدخول

انور باابتسامة واسعة :

يااهلا بحبيبة قلبى مش مصدق نفسى بجد

فجاة زالت الابتسامة من على شفتيه حينما دلف مكاوى الى مكتبه ..

انور بصدمة :

مكاوى

مكاوى بثقة :

ايه ياعم انور مش عارف اخد ميعاد عشان اقابلك فلجات لخطيبتك بقى والحمد لله طلعت جدعة وعرفت توصلنى ليك

كان انور مازال ينظر له بصدمة ولم ينطق بحرف

نيفين بااستغراب :

انتوا تعرفوا بعض

مكاوى بسخرية وهو يجلس على احدى الكراسى :

اهااا دا من اعز الناس ليا

شكرا ليكى ياانسة انا كده تمام طريقك اخضر

نيفين بضحك :

يستحيل تكون كنت عايش برا

يللا سلام ياانور

كان انور ينظر لهم بصدمة

صدمته من وجود مكاوى فى مكتبه وكيف وصل اليه وصدمته من طريقة نيفين معه وضحكتها التى لايراها ابداااا ..

مكاوى بخبث فقعد شعر بغيرته وهو ينظر لنفين :

ايه ياانور بيه مش هتقعد ولا ايه

انور باانتباه جلس وبدا ينظر له بشدة ولم يتحدث

مكاوى بثقة :

بجد اخر حاجة اتوقعها انك تبقى ماسك شركات بالحجم دا لا طلعت صايع وكمان خطبت بنت صاحب الشركات

انور بحدة :

ايه اللى جابك يااحمد يامكاوى

مكاوى بثقة :

بص يامعلم انا رجعت من كندا بقالى حبة حلوين وكنت فاتح شركة ليا هناك والحمد لله شغلها عالمى بس انا قررت ارجع واستقر فى بلدى ففضتها هناك وفتحت شركة هنا بس الحمد لله فى فترة صغيرة قدرت احقق شغل حلو اوووى وكان حلم من احلامى انى اشتغل مع شركات بحجم صفوت جروب

صمت انور بعض الوقت ينظر لمكاوى الذى كان يجلس بهدوء ثم قال

ايه اللى جابك يامكاوى وبلاش جو الشغل دا

مكاوى بخبث :

هو انت كنت متوقع ايه اللى ممكن اجيلك عشانه غير الشغل ياانور يامنير

انور بتنهيدة قوية :

ماشى يامكاوى وانا احب يبقى فى بينا تعامل

بس بقولك ايه مبتشوفش مؤمن عزام

مكاوى بااستعباط

بشوفه ساعات وساعات بس باين عليه فى حاجة مضيقاه لان مقبلاته معايا قلت وخلقه بقى ضيق اوووى مش عارف ماله حاسس انه واقع فى مصيبة وحاولت اعرف منه بس مرداش يحكى لى كنت عاوز بردو اعمل شغل مع شركته بس كبرت دماغى منه عشان المشاكل وكده

انور بشك :

ماشى يامكاوى تمام هنعمل شغل مع بعض وان شاء تحقق نجاح واسم شركتك يكبر فى السوق

مكاوى باابتسامة خبيثة :

ادعى انت بس وان شاء الله هحقق اللى عاوزه

ظلوا الكثير من الوقت يتحدثوا فى العمل استطاع مكاوى بطريقته الخاصة ان يجذبه اليه ويجعله يشعر بالفعل ان علاقته بمؤمن متوترة

________________________________________________

فى الفيلا كانت ليان تجلس فى الاسفل تتحدث فى هاتفها وما ان انتهت حتى صعدت الى غرفة مؤمن كادت ان تدلف الى الداخل حتى وجدت هنا تمسك الباب بيدها ..

هنا بااستهزاء :

رايحة فين ياقطة

ليان بهدوء مصطنع :

هدخل اصحى ملك بقى مؤمن راح الشركة من الصبح وهى لسه نايمة عاوزاها تقوم عشان تفطر ولا الوقت اتاخر على الفطار تتغدى بقى ..

هنا :

وانتى مالك ومالها يابت انتى ماتسبيها فى حالها وبعدين تنام لدلوقتى تنام لبكرا هى نايمة فى بيتكوا يللا روحى شوفى كنتى بتتكلمى مع مين فى تليفونك

ومالكيش دعوة بيها عشان انا اللى هصدك يا ...... ياليان

ليان بغيظ :

ماشى ياهنا انا همشى اما اشوف اخرتها معاكى ايه

ما ان غادرت ليان من امامها حتى نظرت هنا عليها بتافف ثم دلفت الى غرفة مؤمن فوجدت ملك فى سبات عميق

هنا بحنية بدات توقظها من نومها ..

ملك بالم وهى تمسك راسها نظرت لهنا وقالت :

الساعة كام ياهنا

هنا بضحك :

ساعة ايه بقى دا الليل داخل اهووو ايه كل النوم دا

اعتدلت ملك فى جلستها ونظرت لها وقالت :

ياخبر ابيض الظهر فاتنى كدا

هنا :

معلش ياحبيبتى ما انتى مكنتيش حاسة بحاجة

ملك :

مش انا كنت تعبانة اوى امبارح وبطنى كانت بتوجعنى والبيبى كان عامل يضرب فيا

هنا بخضة :

وليه مش صحتينى ياملك

ملك بكسوف :

اخوكى شالنى وودانى عند دكتورة نورا كشفت عليا وقالت انى تعبانة شوية ومش بهتم باكلى وصحتى

هنا بغمزة عين :

ايوووووة بقى احكى احكى ايه اللى حصل اصلا مؤمن نازل شغله وشكله مبسوط كدا ومش مضايق

بدات ملك تقص عليها كل ماحدث حتى صعودهم الى غرفة مؤمن

هنا بشهقة :

ياخبر ابيض ياملك يعنى نيفين بنت عمك اتصلت بيكى تستنجد عشان تلحقيها من انور دا وهى اللى رمتك فى التهلكة

معلش ياحبيبتى قضاء ربنا قولى الحمد لله

ملك بتنهيدة قوية :

الحمد لله على كل حال وان شاء الله ربنا هياخد لى حقى من اللى ظلمنى

هنا حتى تخفف عنها قالت بخبث

بس كنتوا بتتكلموا فى ايه بقى غير كدا

ملك بكسوف ارادت تغيير مجرى الحديث فنظرت لها وقالت

انتى مش هتاكلينى بقى ولا ايه نورا قالت انى مش باكل كويس

هنا بضحك :

ماشى يالوكة ضيعى ضيعى

اه صحيح عارفة مين اللى كانت داخلة تصحيكى وانا لحقتها

ليان المقرفة عاوزة تصاحبك وتكسبك لصفها لحد ماتحقق اللى هى عاوزاه واول ماتوصل لمؤمن هتعمل اى حاجة عشان تخرجك من حياته

ملك وهى تعتدل فى جلستها نظرت لها وقالت

لا بقى انا دلوقتى لازم اعرف انتى ليه بتكرهيها اوى كدا

انا اه بشوف منها حاجات مش كويسة وشكلها بجد مش سهلة بس دلوقتى انا بجد عاوزة اعرف هى عاملة ايه مكرهك فيها اوى كدا

هنا بتنهيدة حزينة :

ملك :

لا بقى انا دلوقتى لازم اعرف انتى ليه بتكرهيها اوى كدا

انا اه بشوف منها حاجات مش كويسة وشكلها بجد مش سهلة بس دلوقتى انا بجد عاوزة اعرف هى عاملة ايه مكرهك فيها اوى كدا

هنا بتنهيدة حزينة :

لانها بجد انسانة انانية ومعقدة وتدمر حياة اى حد تحط عينها عليه

بتغير من اى حد حتى اخواتها معرفش ازاى اصلا انا سمحت لها انها تدخل بيتنا وتقعد معانا عادى كدا

نظرت لها ملك بااستغراب ولم تتحدث فااكملت هنا

فاكرة ياملك فى الجامعة لما قولت لك انى هتخطب قريب

اتخطبت لواحد كان شافنى فى الشركة عند مؤمن واعجب بيا الخطوبة تمت فى وقت قصير اوووى مكنتش بحب حد خالص زى ما انتى عارفة محدش فى حياتى يعنى

لقيته جنتل كدا طلب ايدى من اخويا وجه هنا البيت قعد معايا عشان اتعرف عليه قدام ماما ومؤمن وبصراحة اسلوبه وطريقته فى الكلام خلونى اعجبت بيه واتخطبت له وبعد الخطوبة بشهرين ..........

صمتت بعض الوقت ثم تنهدت بقوة وبدات الدموع تترقرق فى عيونها

لقيت ان ليان بنت خالتى بتكلمه فى التليفون مااعرفش جابت رقمه منين وفضلت ترسم عليه لحد مااسلوبه اتغير معايا تماما وبعدها بفترة قصيرة اوووى سابنى وخطبها

عارفة انا مزعلتش عليه لان واحد زى دا ميتزعلش عليه لانه مش راجل من الاخر بس اللى قهرنى انها جات من بنت خالتى اللى اتعمدت تيجى تزورنا وهو معاها ساعتها بجد ندمت ندم عمرى انى وافقت انى اقابله اصلا هنا فى البيت وندمانة اكتر انى وافقت انى اتخطب له

المهم فضلت على الحال دا شوية تضايقنى وتحاول تفهمنى بطريقة غير مباشرة انه مكنش بيحبنى وانه خطبنى عشان يعمل شغل مع شركة مؤمن اخويا لحد ماسابها

عارفة ليه سابها بقى ؟

صحبتها كانت متخانقة معاها وحبت تنتقم منها فراحت حكت له ان هى كانت بترسم وتخطط انها تبوظ خطوبتى انا وهو واول مايخطبها هتلعب عليه شوية وتتباهى بيه قدام صحابتها وينفذ لها شوية طلبات كانت محتاجاها

بعد ماسابها جالى هنا يترجانى انى ارجع له بس انا مشفتوش ومردتش اقابله مؤمن هو اللى مسكه اداله علقة كان هيموت فى ايده وبعدها حضنى وطبطب عليا وقالى اللى زى دا ميستاهلش ظفرك ساعتها حسيت انى غالية اوووى وان قيمتى كبيرة اوى وهو ميستاهلنيش

بعدها جات لى هنا بتمثل علينا عيطت وفضلت تقول ان هو اللى قال لها انه بيحبها وان هى مظلومة مقدرتش امسك نفسى وقومت مسكتها من شعرها وضربتها علقة طلعت فيها غلى كله

ملك بدهشة وحزن :

ياحبيبتى ياهنا معلش ربنا كان بيختبرك عشان تتحملى وتصبرى وكما تدين تدان هى عملت معاكى كدا وربنا خلى صحبتها ترد لها الدين

وان شاء ربنا شايل لك الخير وهيرزقك براجل يحافظ عليكى ويعرف قيمتك بجد

بس جدعة انك ضربتيها تستاهل

بس ازاى قدرت ترجع هنا تانى يعنى ايه قلة الدم دى

هنا :

ماما وخالتو حاولوا بكل الطرق يصالحونا لحد ماصالحتها عشان ماما بتحبها رغم كل اللى عملته معايا بس انا مبكلمهاش خالص وبعاملها معاملة مقرفة

ماما قلبها طيب اووووى وشايفة انه واحد ميستاهلش يوقع بنات خالة فى بعض مش قادرة تحس ان بنت اختها شيطانة يتفات لها بلاد

اقتربت منها ملك واحتضتنها بشدة ولم تتحدث ..

بعد دقائق ابتعدت عنها ببط عندما سمعت صوت سيارة مؤمن ..

هنا بضحك :

يالهووووى مالك اتخضتى وارتعشتى كده ليه دا صوت عربية مؤمن

شكلك فرحتى انه جه

ملك بكسوف :

بت انتى بطلى طريقتك دى بقى

نهضت ملك من مكانها اتجهت الى الحمام الملحق بالغرفة توضات وشرعت فى اداء فرضها ثم ارتدت حجابها ونزلت مع هنا الى الاسفل ..

____________________________________________________

#ميما_تحكى

فى الليل

فى النادى كانت نيفين تجلس سارحة وشاردة للغاية حتى تفاجى باانور يجلس جانبها ..

نيفين بخضة :

انت جيت امتى

انور بسخرية :

اللى واخد عقلك

نظرت له نيفين وصمتت ولم ترد ..

انور وهو ينظر فى عينيها بقوة :

انتى اتعرفتى على مكاوى ازاى

نيفين بدهشة :

اااااه صحيح انت تعرفه منين شاكلكوا عارفين بعض

انور :

جاوبى على سؤالى اتعرفتى عليه ازاى

نيفين :

جه امبارح المكان اللى بحب اقعد فيه انا وصحباتى اللى على النيل

وفضل يقولى انى لازم اساعده يوصلك لانه محتاج يعمل شغل مع شركة صفوت جروب ولازم يوصل لك باسرع وقت لانه مسافر كندا

انور بسخرية :

دا انتى حافظة الكلام اللى دار بينكوا بقى

الظاهر ان القاعدة كانت طويلة

نيفين بضحكة خبيثة :

على اساس انك متعرفش ياانور والناس اللى انت ممشيهم ورايا فى كل حتة دول مش قالولك انه كان قاعد معايا امبارح ولا بيخبوا عليك

انور بغضب :

عارفة انا لو جبت اخرى منك هعمل ايه

هخليكى تلفى حوالين نفسك وتترجينى ارحمك يانفين

نيفين بسخرية نظرت له ولم ترد ..

انور بنبرة صارمة :

لو شميت خبر بس انك قابلتى مكاوى تانى من ورايا ولو حتى عن طريق الصدفة مش هخليكى تطلعى من البيت يانفين

الله يخربيته الحب اللى مخلينى سايبك تخرجى وتروحى وتيجى

نيفين بتردد :

انتى ليه محسسنى انك بتحبنى بجد ما انا عارفة اللى فيها ياانور بطل دور الممثل اللى انت عايشه دا

انور وهو ينهض من مكانه اقترب منها وهمس :

لما تبقى مراتى هتعرفى انا بحبك ولا بمثل

ثم تركها وذهب ..

اضطربت نيفين بشدة من طريقة كلامه ونظرتها لها وبدات تشعر بصدق كلامه ..

____________________________________________________

#ذلنى_ولكنى_احببته

قبل بعض الوقت فى فيلا مؤمن ..

تناول الجميع الطعام ثم جلسوا بالاسفل ..

انيسة بحدة :

مش ناوية تعرفينا على اهللك بقى ياملك ولا ايه مش معقول كدا

هما مش حابين يتعرفوا علينا ولا ايه

نظرت لها كل من ملك وهنا بصدمة وبدات ملك تبتلع ريقها بصعوبة ولم ترد ..

مؤمن بهدوء :

وحضرتك يهمك اهلها فى ايه ياماما كفاية هى علينا

انيسة بسخرية :

ازاى يعنى مش نتعرف على اهلها ونعرف هما مين ومنين ولا ابه

مؤمن بدون مقدمات :

دى ياماما ملك صفوت باباها الله يرحمه صاحب شركات صفوت جروب مات هو وماماتها من فترة كبيرة يعنى ملك يتيمة الاب والام

كدا كفاية ولا فى كلام تانى المفروض يتقال

انيسة بصدمة :

انتى اهلك ميتين امال انت اتجوزتها ازاى حطيت ايدك فى ايد مين لما رحت تطلبها ولا هى جوزتك نفسها كدا وخلاص , مين المسئول عنها

بدات الدموع تهبط من عيون ملك من كلام انيسة ونهضت من مكانها مسرعة وصعدت الى غرفة مؤمن ولكن هنا لم تتبعها بل نظرت عليها بالم وجلست لترى ماسيقوله مؤمن بينما ليان ابتسمت بشدة على ماحدث وفرحت من كلام انيسة وصمتت لتستمع لما سيقال

مؤمن بحدة :

ليه التجريح دا بس ياماما حرام عليكى

انيسة ومازالت على صدمتها :

بقولك طلبتها من مين

مين ولى امرها وكانت عايشة لوحدها ولا مع مين

مؤمن بتنهيدة شديدة :

هى عايشة مع عمها ومراته وبنته وهما للاسف غدروا بيها وسرقوا قصرها وشركاتها وانا اتجوزتها عشان ابقى جوزها وسندها وحبيبها فى الحياة اللى ملطشة معاها دى

دى مراتى ام ابنى اللى جاى ياماما يعنى اى تجريح او اهانة ليها هعتبرها ليا انا شخصيا بعد اذنكوا

نهض مؤمن من مكانه وصعد الى غرفته ..

هنا بغضب :

خلاص ياماما كده حضرتك ارتاحتى

طيب ياست ماما هنا دى تبقى صاحبة عمرى بنت فى منتهى الادب والاخلاق محترمة ومتدينة وبتراعى ربنا فى كل حاجة بتعملها وزى القمر وبتحب مؤمن وهو بيحبها وانا كمان بحبها اوى

بعد اذنك بلاش كلام قاسى وتجريح لانها فيها اللى مكفيها مش ناقصة كلام يزود حالتها سوء وبعدين دى حامل والزعل مش كويس على صحتها الرأفة بيها

ثم نظرت لليان وقالت بخبث :

ملك تبقى بنت صاحب شركات صفوت جروب اكبر شركات فى البلد تبقى بتاعتها غنية يعنى مش متجوزة مؤمن عشان شركته ولا عربيته ولبسه وشياكته هاااا ياليان وانتى عارفة اقصد ايه بكلامى دا كويس

نهضت من مكانها هى الاخرى بكل غضب وخرجت الى حديقة الفيلا

ليان وهى تتصنع الحزن :

معلش ياخالتو انا عارفة ان كل دا كتير عليكى ياحبيبتى بس انتى هتعملى ايه دى شكلها بت مش سهلة ووقعت مؤمن على جدور رقبته والله اعلم عايزة منه ايه

نظرت لها انيسة نظرة طويلة ولم تتفوه بحرف ..

____________________________________________________

صعد مؤمن الى غرفته فوجد ملك تجلس على فراشه تبكى بكاء مرير ..

مؤمن بحزن :

انا اسف ياملك

لم تنطق ملك وانما ظلت على حالتها

جلس مؤمن بالقرب منها ثم امسك يديها برقة وقال :

على فكرة وانتى بتعيطى بتبقى حلوة اوى وبتخطفى قلبى و .....

كاد ان يكمل حتى قاطعته ملك بصوت متحشرج :

انت ممكن تسبنى فى يوم من الايام

مؤمن بدهشة :

يستحيل ياملك .. الكلام اللى ماما قالته دا من صدمتها بس

ملك بالم :

يعنى هفضل معاك علطول مش هترمينى فى الشارع انت كمان

مؤمن بصدمة جذبها اليه واحتضنها بشدة وهى استسلمت له تماما ثم قال بالم :

انتى حبيبتى ومراتى وام ابنى واول حب فى حياتى

انت دنيتى ونصى التانى ازاى اقدر اتخلى عنك دا انا اموت قبل مااعمل كدا اوعى تقولى كدا تانى ياملك وحقك هرجعهولك وهرجعلك الامان تانى متخافيش وانتى معايا مش عاوز اشوف دمعتك تانى سمعانى

ظل يحتضنها بعض الوقت ويربط على ظهرها بحنان وهى تبكى بحرقة

حتى هدات تماما وابتعدت عنه ببط ..

مؤمن بزعل مصطنع :

ليه كدا ايه الرخامة دى

ملك بكسوف بدات تمسح دموعها بيديها ولم ترد ..

ظلوا يتحدثوا مع بعض الكثير من الوقت حتى هدات ملك تماما وبدا قلبها يدق بقوة يعلن عن حبها الشديد الذى بدا يكبر فى قلبها لزوجها

ومؤمن الذى نسى نفسه وحياته وعالمه بالكامل وسرح معها وقلبه هو الاخر يدق بقوة باسم ملك ..

____________________________________________________

بعد عدة ايام فى شركات ملك ( صفوت جروب ) ....

تدلف سكرتيرة انور الى مكتبه تخبره بوجود احد الاشخاص الذى يريد مقابلته وبعد الكثير من الوقت وبعد ما ان انهى انور اجتماعه سمح له بالدخول ..

انور باابتسامة وهو ينهض من مكانه :

اهلا وسهلا يافندم

الشخص وهو يمد يده للمصافحة :

اهلا بيك

انا ليان معروف

بعد عدة ايام فى شركات ملك ( صفوت جروب ) ....

انور باابتسامة وهو ينهض من مكانه :

اهلا وسهلا يافندم

الشخص وهو يمد يده للمصافحة :

اهلا بيك

انا ليان معروف

انور وهو يجلس :

السكرتيرة قالت لى ان حضرتك عاوزة تقابلينى فى حاجة مهمة وانك مستنية من الصبح

ليان بدون مقدمات :

انا ابنة خالة مؤمن عزام

انور بدهشة :

نعم ..

ليان بااستغراب :

مالك مندهش كده ليه

انور :

احم احم لا عادى

طب حضرتك انا مشغول جدا ايه الموضوع اللى عاوزة تتكلمى معايا فيه

ليان باابتسامة خبيثة :

ملك

مؤمن بعدم فهم :

مالها

ليان :

بما انك انت اللى ماسك شركاتها .....

كادت ان تكمل حتى تحدث انور قائلا :

تقصدى شركات عمها هى اتنازلت له عنها بعد الفضيحة اللى هى عملتها

ليان بعدم فهم :

فضيحة ايه

لاحظ انور عدم معرفتها بالموضوع فااستشف ان والدة مؤمن هى الاخرى لاتعلم به فااراد ان يكسب الموقف لصالحه ..

انور بخبث :

اممممممم الفضيحة بتاعتها هى ومؤمن عزام بجد مكنتش متوقع واحدة بأخلاقها يطلع منها كل دا وفى الاخر اتجوزته ما كان من الاول لازم تغلط معاه يعنى عشان يتجوزها بجد حاجة عجيبة اووووى

نظرت له ليان بصدمة وجحظت عينيها بشدة ولم تتحدث ..

مؤمن باابتسامة خبيثة :

المهم حضرتك جاية ليه بردو مفهمتش

ليان وهى تنهض من مكانها :

هاااا لا ابدا انا بس كنت عاوزة اقابل عمها او اى حد من اقاريبها عشان هى بتقول ان شركاتها اتسرقت منها بس الظاهر الموضوع غير كدا

ما ان خرجت ليان من مكتب انور حتى ابتسم بشدة واجرى اتصال بسعاد ..

سعاد بدهشة :

يعنى مامته متعرفش حاجة

انور :

حسيت بكده من طريقة كلام بنت خالته الظاهر انها كانت جاية عشان تعرف اى حاجة عن ملك واهو انا قولت لها على الموضوع بااختصار وانتى بقى ماتعرفيش والدته

سعاد باانتصار :

الله عليك ياانور تعجبنى

انور :

احم احم هى نفين فين ياسعاد هانم

سعاد بتنهيدة قوية :

فى اوضتها حابسة نفسها لاخرجت ولا راحت فى حتة

انور بااستغراب :

ليه

سعاد :

مش عارفة ياانور بس اكيد موضوع ملك يعنى هو فى غيره مهما حاولت اخلص منها هيفضل عفريتها يطلع لى فى كل مكان ..

____________________________________________________

#ذلنى_ولكنى_احببته

فى الفيلا

هنا وهى تحدث انعام :

امال ليان هانم فين يادادة مش باينة يعنى

انعام :

هى لبست وخرجت من بدرى ياهنا

هنا :

امممممم احسن بردو يارب تكون سافرت وريحتنا منها

امال ملك فين لسه مصحيتش

ملك وهى تنزل الدرج :

انا اهو ياهنا

هنا وهى تلتفت اليها قالت بطريقة مضحكة :

ياخبر ابيض من غير الحجاب افرضى مؤمن جه دلوقتى هتعملى ايه

ملك وهى تضربها على يديها بخفة :

بس يابت انتى

ثم نظرت لانعام :

احم احم هو مؤمن فين يادادة

انعام :

خرج راح شركته ياحبيبتى

يللا اسيبكوا انا بقى واروح احضر الغدا

هنا بغمزة عين :

وانتى بتسالى على مؤمن ليه ياملوكة

ملك بكسوف :

عادى يعنى مش لقيتوا فى الاوضة فوق اصله بينزل بدرى اوووى

الظاهر انه شاطر فى شغله وبيحب شركته

نظرت لها هنا بخبث ولم تتحدث ..

ملك بكسوف :

بلاش البصة دى يابت انتى ماشى انا بس بطمن عليه لان هو ياعينى كان تعبان اوى امبارح من النوم على الارض

نظرت لها هنا بدهشة ثم انفجرت ضحكا حتى ادمعت عينيها

ملك بزعل :

انتى بتضحكى على ايه انا زعلانة منك على فكرة

هنا وهى تحاول ان تكتم ضحكتها :

حرام عليكى ياملك كل دا ومؤمن اخويا بينام على الارض

مؤمن عزام اللى مبيطقش ينام على الكنبة حتى وشارى سرير اد كده واخد نص اوضته عشان يرتاح وينام على مزاجه تنيميه على الارض

ثم انفجرت ضحكاااا مرة اخرى ..

ملك بخبث :

ماشى ياملك سيبك من اخوكى دلوقتى

مش ناوية تحكى لى على مكاوى

فجاة توقفت هنا عن الضحك ونظرت لها وصمتت ولم ترد ..

امسكت ملك بيدها وجلستا فى احدى الاماكن ..

ملك :

هااا بقى يللا احكى

هنا وعيونها بدات تلمع بشدة :

قوليلى انتى لاحظتى ايه الاول

ملك :

فاكرة اليوم اللى قبل مانروح لمامتك المستشفى اللى جيتى لى فيه الشقة ولقيتنى عمالة اكل كتير اليوم دا وانتى نايمة بالليل بقى كنتى بتحلمى وسمعتك بتقولى مكاوى وكلام تانى مفهمتش منه حاجة بس كان حلو وعلى الشخص دا

تانى يوم بقى لما روحنا المستشفى وهو اول ماجه يالهوووى كان منظرك فظيع عيونك دول كانوا بيلمعوا اوووى وخدودك احمروا وبقى صوتك هادى ونااااااعم

ولا لما قال لمؤمن تعالى نشرب القهوة تحت قبل مايكمل كلامه لقيتك بتقوليله لا احنا هنروح كلنا البيت

وكان نفسك تركبى معاه العربية واضايقتى اوى ان ليان كانت راكبة معاه العربية

ولا اول ماوصلنا هنا دا انتى كان فاضل دقيقة وتقوليله مش هتمشى من هنا الا على جثتى

هنا بدهشة :

يخربيتك دا انتى كارثة دا انتى مش سهلة ابدا يابت انتى

بس هو انا كان باين عليا اوى كدا

ملك باابتسامة حب :

عشان انتى انتيمتى بفهمك من نظرة عين

هنا بتنهيدة حب :

بصى بقى هو سافر برا فترة كبيرة وكان بيجى اجازات لمؤمن ويسافر تانى بس المشكلة انه قبل مايسافر كنت عادى يعنى لاحب ولاغيره بالعكس كنت بتعامل معاه عادى

بس من اول مارجع من السفر بقى وحالى اتقلب يخربيته حبيته ومعرفش ليه بس حبيته كدا وخلاص بشكله وضحكته وطريقة كلامه

كله على بعضه قلبى دق له ياملك

ياسلااااااام لو الاقيه يطلب ايدى من مؤمن ويقولى عاوز اتجوزك همشى معاه بشنطة هدومى

ملك بضحك :

للدرجة دى بس على فكرة تقريبا هو كمان حاسس بحاجة ناحيتك

هنا بلهفة :

بجد وعرفتى ازاى

ملك :

كل لما نشوفه فى اى حتة الاحظ انه بيتجنب يبص لك خالص

لا وكمان بيبقى عمال يعمل حركة كدا فى شعره بيبقى محرج او مكسوف حاجة كدا يعنى

هنا بضحك :

انتى كمان لاحظتى بس تعرفى بقى انه فى الحقيقة بجح وجرى معرفش ليه لما بيشوفنى بيبقى عامل كدا

ملك بغمزة عين :

ما احنا قولنا اللى فيها بقى

فجاة صمتت ملك حينما دلفت ليان الى الفيلا ..

هنا بسخرية :

الهانم كانت فين من الصبح بقى

ليان وهى تنظر لملك وتحدث هنا :

كنت فى مشوار مهم اووووى عرفنى راسى من رجلى وهيقلب حياتنا كلها

كانت ملك مستغربة من نظراتها لها ..

هنا بعدم فهم :

مشوار ايه دا بقى اللى قضيتى اليوم كله فين ياليان هانم

ليان وهى تنهض من مكانها وتقترب من ملك :

هتعرف ياهنا كلنا هنعرف هطلع الاول لخالتو وهى اللى هتقولنا كل حاجة بعد اذنك ياملوكة

هنا بعدم فهم :

مالها دى بتخرف ولا اييييه

ملك بعدم راحة :

انا مش مطمنة لنظراتها دى شكلها بجد مش سهلة ..

___________________________________________________

#ميما_تحكى

فى القصر

تدلف ساندى صديقة نيفين الى القصر فتستقبلها سعاد ..

ساندى باابتسامة :

ازيك طنط عاملة ايه , فين نيفين

سعاد :

انا كويسة ياحبيبتى كويس انك جيتى ياساندى متعرفيش نفين مالها

ساندى :

لا هى مالها .. انا كنت جاية اشوفها بقالها كام يوم مش بتيجى النادى

سعاد :

طب اطلعى لها ياساندى وابقى طمنينى عليها لانها رافضة تتكلم معايا خالص

ما ان صعدت ساندى الى غرفة نيفين حتى صدمت بشدة من منظرها ..

ساندى :

انتى ايه المنظر اللى انتى فيه دا ومبتجيش النادى ليه بقى

ولا حتى بتخرجى معانا

نيفين :

انتى ايه اللى جابك نقصاكى انا بقى

ساندى :

مالك يانيفين حاسة انك مضيعة نفسك فى دوامة مش عارفة هتوديكى على فين

نيفين بخنقة :

انا بحبه ياساندى

نيفين بعدم فهم :

هو مين دا

نيفين بدموع :

انور

ساندى بفرحة :

بجد واخيراااااااا حسيتى بيه هو يستاهل لانه بيحبك بجد

بس حسيتى امتى

نيفين :

بقالى كتير مش بخرج ولا بروح فى حته وهو مش بيبطل يتصل بيا وكل مرة بقاوم ومش برد عليه وفى الاخر قلبى بيجبرنى ارد عليه فبستسلم وارد وكل مرة الاقي نبرة صوته حنينة اوى وبيبقى خايف عليا لدرجة غريبة وبيجى كل يوم عشان يشوفنى وانا برفض ومش بيضغط عليا وبيمشى

عارفة لما كان بيتحكم فى لبسى وبشوف فى عيوونه غيرة عليا لو لابسة قصير اوضيق وبيبقى عاوز يموتنى من غيرته ببقى حابة الشعور دا اوى وبكره نفسى ساعتها

عارفة لما بيبص فى عينى ويقول كلام حلو وانا اصد ببقى من جوايا عاوزة اقوله قول كمان كلامه بيخلينى حاسة انه مختلف فى حبه ليا

فضلت اكابر واضغط على نفسى كتير وفشلت ياساندى

ساندى :

وليه بس ماتسيبى نفسك فيها ايه ماهو كمان بيحبك

نيفين بزعيق :

دا مش بنى ادم ياساندى دا حيوان دا بيشرب وبيسكر وبيعرف بنات وبيسرق وبيخطط يدمر حياة الناس المفروض مااحبوش ياساندى المفروض اكرهه مش العكس

ثم بدات تبكى بشدة ..

ساندى بتاثر :

ايه لزمة الزعل والعياط دا كله لما انتى عارفة انه كدا وافقتى تتخطبى له ليه

نيفين ببكاء :

عشان مكنش ينفع ارفض انا وهو نستاهل بعض مينفعش اتخطب لغيره

ساندى بعدم فهم :

شبه بعض ازاى يعنى

نيفين بصوت خفيض :

خططنا ناذى ملك عشان نسرق القصر والشركة ومش اكتفينا بكده سرقنا حياتها كمان

صمتت ساندى فقصت عليها نيفين كل ماحدث ..

ساندى بصدمة وهى تنهض من مكانها :

ايه دا انتوا عصابة ولا ايه

انتى تعملى كده فى بنت عمك اللى عيشتك معاها فى نفس البيت واستامنتكوا على حياتها ودنيتها وفلوسها وبيتها

علطول بشوف فى عيونك نظرة غيرة من ملك بس ماتوقعتش توصل لكده ومامتك الهانم هى كمان عملت معاكوا كدا

فعلا مااعرفتش اختار صاحبة كويسة

بصى يانفين لو عاوزة تصلحى اللى عملتيه وترجعى لملك حقها تروحى تعترفى على نفسك و مامتك وانور ومؤمن دا كمان اللى الله واعلم مخلى حياتها عاملة ازاى غير كدا استنى بقى حقها اللى ربنا هياخده منكم فى الدنيا والاخرة

ثم تركتها وغادرت الغرفة بل القصر باكمله تاركة نيفين منهارة من البكاء

فى غرفة انيسة

تنهض من مكانها بصدمة وتحدث ليان بزعيق :

ايه التخريف اللى بتقوليه دا يابت انتى اتجننتى ولا ايه

ليان بخبث :

والله ياخالتو انور دا اللى ماسك شركاتها هو اللى قالى كدا بالظبط دا انا صدمتى كانت اكبر منك بكتير ربنا يكون فى عونك بجد كنت حاسة انها وراها مصيبة

جحظت انيسة عينيها بشدة وهى تستمع لليان التى تبخ السم فى اذنيها ..

___________________________________________________

كانت ملك تجلس بمفردها صامتة سارحة وابتسامة حب مرسومة على شفتيها حتى تفيق على صوت مؤمن ..

مؤمن بصوت عالى :

القمر سرحان فى ايه

ملك بخضة :

انت هنا من امتى

مؤمن وهو يجلس جانبها :

من دلوقتى هااا بقى سرحانة فى ايه

فيا صح قولى متتكسفيش

صمتت ملك بكسوف ولم تنطق ..

مؤمن بغزل :

بقولك ايه انتى بطنك كبرت اوووى وبردو شكلك حلو اوووى ايه بقى ياشيخة انتى امتى بتبقى وحشة علطول حلوة كدا دا انتى تفتحى نفس الواحد على الحياة و .........

احم احم خلاص بقى بلاش عشان انتى بتتكسفى

ملك بكسوف شديد :

انت بتقعد كتير فى الشركة كده عليه

مؤمن بخبث :

لا ما انا مش علطول ببقى فى الشركة بطلع برا اقابل اصحاب شركات بتمم معاهم صفقات فى منهم بنات زى القمر زيك كدا وماشاء الله مسئولين عن شركات بحجم شركتك بيخطفوا الواحد خطف

ملك بغيرة شديدة :

اممممممم بجد ربنا يوفقك

بس شكلك بتحب البنات بقى وكدا

مؤمن بخبث :

اه الصراحة اكدب عليكى يعنى انا لازم ابقى صريح معاكى من اولها احنا داخلين على حياة جديدة مع بعض ولا ايه رايك

نظرت له ملك بصدمة من جرئته ..

ضحك مؤمن بشدة على منظرها ثم قال بهمس :

انا بحب بنت واحدة بس عيونها يحلو من على حبل المشنقة

ادعى لى هى كمان تحبنى احسن انا بقيت مهووووس بيها على الاخر

استدارت ملك عنه بعدما احمرت وجنتيها بشدة ..

اقترب مؤمن منها ببط وكاد ان يقبلها من وجنتيها دون ان تشعر به حتى فوجى بهنا

هنا بصوت عالى :

بتعملوا ايه

شهقت ملك من الخضة بينما امسك مؤمن احدى الوسادات والقاها عليها ..

مؤمن :

دا انتى عيلة فصيلة مش وقتك خاااااالص

هنا بضحك وغمزة عين :

ليه يامؤمن هاااا كنتوا بتقولوا ايه وبتعملوا ايه

كاد مؤمن ان يتحدث حتى وجد انيسة تنزل الدرج برفقة ليان ولكن كانت فى قمة غضبها ..

انيسة بغضب وصوت عالى :

انت جيت يامحترم يامؤدب ياللى مبتغلطش

مؤمن بدهشة وهو ينهض من مكانه :

فى اييييه ياماما مالك

انيسة ومازالت على حالتها :

اتجوزت مراتك ازاى يامؤمن

مؤمن بهدوء :

زى الناس ياماما فى ايه

انيسة وهى تمسك ملك من يديها وتجبرها على الوقوف :

فى انك اتجوزت غلطة عمرك يامؤمن بيه

شهقت ملك بصدمة ووضعت يديها على بطنها التى بدات تالمها بشدة ..

مؤمن بغضب :

ايه اللى انتى بتقوليه دا ياماما ايه الكلام الفارغ دا

انيسة بعدما تركت يد ملك :

بقول اللى بنت خالتك عرفته واتاكدت منه كويس

هنا بزعيق :

بردو ياماما بردو حرااااااااااااام عليكى بقى

ليان الحيوانة تانى دى بتخرب البيوت ارحمينا من شرها بقى

ليان بزعيق :

بطلى تظلمينى بقى انا النهاردة رحت شركتها وهناك اتكلمت مع واحد اسمه انور وحكالى كل حاجة عنها وانها اتنازلت عن شركتها وقصرها عشان اهلها طردوها بعد اللى عملته مع اخوكى

فجاة وقف الجميع مصدووووووووووووم حينما وقعت يد مؤمن بقوة على خد ليان التى من قوة ضربته سقطت ارضا ..

مؤمن بغضب وبصوت عالى :

مراتى دى سندى وشرفى وعرضى واى كلمة تمسها تمسنى انا كمان وانتى دلوقتى حالا تلمى هدومك وهحجزلك طيارة سفر مش عاوز اشوف وشك هنا تانى سمعانى

ليان بصدمة وزهول نظرت له وهى على الارض ولم ترد ..

هنا بزعيق :

يللا بقى امشى من هنا فى ستين داهية

انيسة بغضب :

انت بتضربها وبتطردها عشان بتقول الحقيقة

لا بقى انت اللى تاخد مراتك دى وتروح تشوف انت كنت عايش معاها فين

هنا بصدمة :

انتى عاوزة تمشى مؤمن عشان الزبالة دى خرابة البيوت

كادت انيسة ان ترد حتى صرخ الجميع عندما سقطت ملك على الارض مغمى عليها ..

اسرع مؤمن الى ملك وحملها على يديه وركب سيارته متجها الى المشفى بجانبه هنا التى بدات تبكى بشدة خوفااااا على ملك

___________________________________________________

كان مكاوى يجلس فى احدى الاماكن سارح وشارد على الاخر فى هنا التى خطفت قلبه فور رؤيتها ..

مكاوى وهو يحدث نفسه :

وبعدين معاكى يابنت الناس بحاول انساكى مش قادر اللى يشوفنى كدا يقول حب سنين طب اعمل معاكى ايه بس

خايف اطلبك من اخوكى يكون فى حد فى حياتك وترفضينى وعلاقتى بيه تتوتر

لا بلاش ابقى سلبى كدا انا هتصل بيه وهكلمه فى الموضوع واريح دماغى بدل ما انا كل يوم افكر فيكى واحلم بيكى كدا

اسرع مكاوى واجرى اتصاله بمؤمن ولكنه فجاة نهض من مكانها بصدمة :

مستشفى ايه يامؤمن

مؤمن عبر الهاتف :

.......

مكاوى وهو يسحب مفاتيح سيارته :

طب انا جايلك حالا

قبل بعض الوقت

ما ان وصل مؤمن وهنا الى المشفى حتى حمل ملك على يديه ودلف بها مسرعا الى داخل المسشفى ثم استقبلتها الممرضات ووضعوها باحدى الغرف ودقائق ودلف اليها الطبيب

وبعد وقت قصير خرج من الغرفة ..

مؤمن بلهفة :

مالها يادكتور هى كويسة

الطبيب :

بص هى لازم تولد حالا قبل الجنين مايموت ويحصل لها حاجة لاقدر الله

هنا بصدمة :

دى فى السابع

الطبيب :

ايه المشكلة كتير بيولودو فى السابع الحمد لله انكوا لحقتوها لانها تقريبا وقعت وقعة جامدة اوى اثرت عليها

ثم نظر لمؤمن وقال باابتسامة :

كنت حاسس ان زى ماقولت لك خبر حملها انا كمان اللى هولدها

ما ان ذهب الطبيب حتى سقط مؤمن ارضا

هنا ببكاء :

متقلقش يامؤمن ان شاء الله هتقوم بالسلامة هى واللى فى بطنها ملك طيبة وبتحب ربنا وان شاء الله هينجيها

نظر لها مؤمن وبدات الدموع تترقرق فى عيونه ..

ليان بصدمة :

لا يامؤمن انا عمرى ماشوفت دموعك خليك قوى ياحبيبى زى ما انت

بعد وقت ليس بقصير حضر مكاوى ..

مكاوى بصدمة وهو ينظر لمؤمن :

فى اييييه ايه اللى حصل

مؤمن بصوت متعب :

مراتى بتولد جوا

مكاوى باابتسامة :

طب وانت خايف كدا ليه باذن الله هتقوم بالسلامة

نظر له مؤمن ولم ينطق بحرف لم يكن قادر ان يقص عليه ماحدث

ظل مؤمن وهنا على خوفهم ورعبهم على ملك التى دلفت الى غرفة العمليات وحاول مكاوى ان يزيل عنهم ..

وبعد وقت طويل

فجاااااااااااة نهض مؤمن من مكانه سريعا حينما سمع صوت ابنه وبعدها بدقائق خرجت الممرضة من غرفة العمليات تحمل الطفل

مؤمن بلهفة وهو ينظر للطفل :

هى ملك عاملة ايه

الممرضة باابتسامة :

الحمد لله هى زى الفل

ومبرووووك على البنوتة الحلوة دى تتربى فى عزك

مؤمن بفرحة :

بنت .. ملك جابت بنت الحمد لله يارب

هنا بفرحة اقتربت منها وقبلتها برقة بالغة :

دى صغنونة اووووى يامؤمن

مكاوى بفرحة لصاحبه :

مبروك يابابا مؤمن

كادت الممرضة ان تذهب حتى وجدت مؤمن يقول بلهفة :

انتى رايحة بيها فين

الممرضة باابتسامة :

ماتخافش هوديها الحضانة

اوما مؤمن راسه بالموافقة فاحتضنته هنا بشدة التى ادمعت عينيه بفرحة بسلامة ملك وباابنته الجديدة حتى خرج الطبيب من غرفة العمليات

فااسرع مؤمن تجاهه بلهفة وخوف على ملك ..

مؤمن بلهفة :

ملك كويسة ؟ عاوز اشوفها

الطبيب :

الحمد لله هى بخير هى بس هتفضل فى الاوضة دى شوية وبعدين هننقلها اوضة تانية وساعتها ابقوا ادخلوا اطمنوا عليها ..

___________________________________________________

فى الصباح فى النادى

كان يجلس نادر يتحدث مع احدى الفتيات ..

نادر :

هااااا فهمتى هتعملى ايه

الفتاة بدهشة :

اشمعنة نيفين مابلاش دى بالذات دى انور منير خاطيبها ونابه ازرق

وفيها قتلك دى

نادر بسخرية :

بقولك ايه هى هتيجى عندى وتقولى لا نفذى كلامى وخلاص

الفتاة :

طب اشمعنة نيفين قولى بس ماالبلد مليانة بنات وعلى مزاجك

انور باابتسامة خبيثة :

لا عاوز دى عجبانى ومعششة فى دماغى تقيلة كدا عليا بتيجى عندى وتقولى لا وبتتكلم معايا من مناخيرها انا عاوز اكسر لها مناخيرها دى

الفتاة :

خلاص ياعم طالما مصمم كدا اخلص لك الموضوع دا بس متنسنيش بقى

نادر :

عيب عليكى ما انتى عارفة نادر اد كلمته بس انتى خلصينى وحلاوتك فى الحفظ والصون وعليهم بوسة

_________________________________________________

فى المستشفى كان مؤمن يجلس مع مكاوى بالكافتيريا يقص عليه كل ماحدث ..

مكاوى بدهشة :

معقولة هو لسه فى ناس كدا وبعدين والدتك ازاى تبقى مندفعة كدا وتسمع كلام البت دى وخلاص مش تسمعك الاول

معلش يامؤمن بس بردو فى الاول والاخر اعذرها هى ام وكانت نفسها تفرح باابنها الكبير بفرح وكدا

مؤمن بتنهيدة قوية :

جرحتها اوووى ياصاحبى متعرفش ان ابنها هو اللى غلطان وان ملك غلبانة اوووى واهلها بيرسموا لها خطط عشان يبوظوا لها حياتها منهم لله

مااستحملتش الاهانة اغمى عليها فى ساعتها

مكاوى :

متقلقش يامؤمن حقها هيرجع لها قريب

اول ماتفوق كدا هحكيلك انا بعمل ايه

وحمد الله على سلامتها ومبروك على البنوتة الحلوة دى

اطلع انت دلوقتى اطمن عليها زمانها فاقت هى دلوقت محتاجة لك

ما ان نهض مؤمن من مكانه حتى اخرج مكاوى هاتفه واحرى اتصال بنيفين ..

مكاوى :

ايووووة ياانسة نيفين انا احمد مكاوى اسف لو بتصل فى وقت مش مناسب

نيفين عبر الهاتف :

اهلا يااحمد خير فى حاجة

مكاوى :

انا بجد محتاج اقابلك ضروى اوى دلوقتى حالا فى نفس المكان اللى بتقعدى فيه دايما اللى على النيل دا

موضوع مهم اووووى مش مستحمل انى اجله

لتكملة القصه للنهايه الاجزاء الاخيره

اضغطي هنا

موسوعة القصص والروايات

القائمة الرئيسية

الصفحات

اذلني فاحببته بقلم مريم الجزء السادس عشر الي الخامس والعشرين 16:20

أخر المواضيع من قسم : قصص حديثة

تعليقات

إرسال تعليق