مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

الأن قصــة ( شبـــح زوجتــي )  +18

رعــب ودرامـا أجتماعيــة  

الجزء الأول

مقدمة 

مشوفتش زيهــا مشوفتش في جمالها وحسنها مشوفتش في طيبة قلبها 👈 بحبهــا ايوا بحبهـا سندس حياتي كلهـا حبي اللي اتمنيته طول عمري الحب اللي بيوجع القلب الحب من اول نظرة اول دقة اول لمسة ✋ بس النصيب لي قرار تاني قرار اسود بلون الليل احمر بلون الدم  مرعب زي تحت الارض مفزع زي عمق البحر ✋

ليا حكاية مختلفة تماما عن باقي حكاياتي  انا بحـر قدري ظابط شرطة عندي 30 سنــة

مستريح ماديا واجتماعيـا جدا بشتغل في قسم مصر الجديدة وهي برضو نفس المنطقة اللي ساكن فيها عايش في فيلا مع والدي لواء علي المعاش ووالدتي سيدة اعمال وعندي اخ واحد اسـمه مصطفي في سنة رابعة كليه طب 👈 كنت كل يوم اخد عربيتي وانزل علي شغلي وارجع اخر النهار والحال ماشي ولما عديت ال 27 سنـة ابتدوا اهلي يلحوا عليا في موضوع الجواز وكانوا ديما يجبولي عرايس من جهات مختلفة دي بنت فلان ودي بنت علان وكلهم كانوا زي القمر لكن انا ديما كنت برفض لان طول عمري بحلم اللي اتجوزها أكون بحبهـا اوووي ومش لازم هي ايه او بنت مين فقيرة ولا غنـية كل ده ميهمنيش اللي يهمني قلبي يدق معاها احبها وتحبني لان الحب الصادق اجمل شئ في الدنيا وفي يوم نزلت شغلي عادي الصبح روحت القسم وكنت ماسك قسم المباحث هناك دخلت مكتبي وبعد تقريبا 15 دقيقة دخل العسكري جابلي القهوة بتاعتي قولتله شكرا قالي يا فندم بعد أذنك في واحدة واقفة برة بتقول انها عايزة تقابل حضرتك. ليه يابني مالها قالي حضرتك في حرامي سرق شنطتها قولتله طب اعملها محضر برة عند الامين محمد قالي يا فندم مصممة تقابل حضرتك قولتله خليها تدخل انصراف لقيت باب مكتبي بيخبط قولت ادخل الباب اتفتح وانا عنيا علي دوسيه كان قدامي من غير ما ابص عليها قولتلها اتفضلي ثواني هخلص خلصت اللي في ايدي  ✋

تابع باقي القصة 😀

الجزء التاني 🔥 شبح زوجتي 🔥 

 وببص عليها مبقتش مصدق نفسي جمال ايه وحلاوة ايه سبحان من صور قعدت 5 دقايق ابصلها من غير ما اتكلم وبعد كده لقيتها بتقولها هو في حاجة يا فندم قولتلها لا لا ابدا ايه مشكلتك لقيتها بتقولي انا اسمي #سندس عبد السلام عندي 24 سنة وساكنة في امبامبة وبشتغل في محل ملابس هنا في مصر الجديدة وانا ماشية عدي جمبي اتنين بموتسيكل خطفوا مني الشنطة وفيها الموبايل  و 1300 جنيه القبض بتاعي وانا حضرتك مش عارفة اعمل ايه وخوفت اعمل محضر برة ميهتموش عشان كده طلبت ادخل لحضرتك قولتلها مش عايزك تقلقي خالص نص ساعة هيكون عندي العيال دي بس انتي قوليلي اوصافهم قالتلي كل المعلومات وانا طبعا عرفتهم بحكم عملي في المباحث ودايرة القسم عملت        اتصالاتي وطلعت حملة تجيب العيال الحرامية قولتلها شوية وهيكونوا هنا قالتي يا فندم الف شكر علي اهتمامك قولتلها ده واجبي وفضلت ابص عليها وطلبلتها عصير وبصيت علي ايدها ولا مخطوبة ولا متجوزة فرحت جدا جدا قعدت اقول في بالي هو انا شكلي هحبها ولا ايه وكانت عجباني اووووي وهي ابتدت تلاحظ اني مشدود ومهتم بيها بقت تخطف نظرة كده بابتسامة كل فين وفين كانت جميلة اوي محجبة وعنيها زرقة وخدود حمرة وسبحان من صور الملامح لقيت الباب بيخبط دخل العسكري ماسك العيال الحرامية من قفاهم قولتلها هما دول يا سندس قالتلي ايوا يا فندم هما والعسكري اداها الشنطة قولتلها شوفي حاجة ناقصة كده قالتلي كله مظبوط ماعدا الفلوس ناقصة 500 جنيه قومت من علي مكتبي روحت علي العيلين الحرامية مسكتهم من قفاهم كده قولتلهم فين الفلوس يا ابن الكلب انت وهو وكام شلوط علي كام قفا قالولي يا باشا احنا صرفناهم لقيتها بتقولي خلاص يا فندم مش مهم بقي قولت للعسكري خد العيال دي علي الحجز وخدهم قالتلي انا متشكرة اووي علي اللي عمالته معايا قولتلها انا معملتش حاجة وروحت مطلع 1000 جنيه من جيبي وكانت رافضة تاخدهم بس انا اصريت بعد الحاح وافقت

قولتلها ممكن اخد رقم تليفونك عشان بس نقفل المحضر وطبعا عشان لو عوزتي اي حاجة مدام بتشتغلي هنا في مصر الجديدة اكيد هتحتاجيني وخدت منها رقم التليفون وسلمت عليا كنت اول مرة احس ان انا بلمس ايد ملاك بصتلي اوي وابتسمت ومشيت وانا كنت طاير من الفرحة ☺          

#تابع  👇👇

الجزء التالت  👈  شبــح زوجتي  

 فضلت كل يوم اكلمها وتكلمني بحجة اي حاجة وكنت ساعات بعدي عليها في المحل اوصلها واتحول الاعجاب لحب ثم عشق ملوش زي حبينا بعض اوووي اوي وطلبت منها الجواز وكانت طايرة من الفرحة وروحت في يوم عندي في الفيلا صارحت بابا وماما وللاسف لقيت رد فعل شنيع منهم  ازاي تخطب واحدة فقيرة زي دي واهلها ناس علي اد حالهم قولت لـ بابا بص انا ميهمنيش فقيرة ولا غنية انا يهمني اني بحبها وهي بتحبني ماما قالتلي لو اتجوزت البنت دي انا مش هعرفك تاني واخويا الوحيد اللي كان مقتنع بكلامي بس مش قادر يقول خايف احسن يتحرم من الفلوس الكتير اللي بياخدها طلعت اوضتي وكلمت سندس في التليفون وانا منهار وقالتلي لازم تشوف حل انا بحبك يا بحر اوووي بس الفرق المادي اللي بيني وبينك هو السبب انا فقيرة وانت غني قولتلها انا ميهمنيش الفرق ده يا سندس قالتلي انا عارفة انك بتحبي اد ايه . بس باباك ومامتك عمرهم ما هيوفقوا بيا قفلت معايا التليفون وانا بقيت محتار مش عارف اعمل ايه نمت  شوية حلمت بسندس واحد ضخم جدا ماسكها دبحها وشايفها في الحلم لابسة فسان الفرح وكله غرقان دم قومت مفزوع من النوم اتصلت اطمنت عليها وانا مخضوض قالتلي في ايه محبتش طبعا احكيلها الكابوس المفزع ده قولتلها انا بطمن عليكي بس وانا هنزل دلوقتي ل بابا و  ماما اشوف معاهم حل قفلت معاها ونزلت لقيتهم قاعدين قولتهم بصوا بقي قسما بالله ان ما اتجوزت سندس هضرب نفسي بالنار وروحت مطلع الطبنجة بتاعتي حطيتها علي دماغي ماما قامت تصرخ وبابا قعد يقولي انت مجنون في حد يعمل في نفسه كده ده انا ربيتك وعلمتك وخليتك ظابط اد الدنيا شيل المسدس ده وبلاش حركات العيال دي قولتلوا بابا لو متجوزتش سندس انا هموت نفسي انا مبهزرش وبعد محاولات وتحايلات وافقوا علي اننا نتجوز كنت طاير من الفرحة اخيرا هتجوز اللي بحبها وفعلا حضرنا كل حاجة وعملنا مراسم كتب الكتاب والدخلة وكان الكل فرحان بينا ما عدا طبعا بابا وماما اه كانوا واقفين بس غصب عنهم خلص الفرح وروحنا علي الفيلا لاني طبعا بابا اصر اني اقعد معاهم برغم اني كنت هشتري فيلا بره بس اصر وقالي انت متسبناش بعد العمر ده وتعيش برة ودخلنا الفيلا كلنا شيلت سندس طلعت بيها السلم وكانت اميرة بجد ملكة في زمانها السعادة كانت بتنط من قلوبنا 

#تابع  👇👇👇

الجزء الرابع  💥 شبح زوجتي 💥  

دخلنا اوضة نومنا كانت اجمل واحلي اوضة في الفيلا وجهزتها من كل شئ نزلتها وبوستها في دماغها وهي باست ايدي لحظة متتوصفش عمري ما انساها ابدا قالتلي انا هدخل الحمام قولتلها خلاص وانا هغير هدومي دخلت الحمام بفستانها الجميل وقفلت الباب وانا غيرت هدومي وجهزت عصير وقلبي كان بيطنطط من الفرحة غابت جوة الحمام حوالي نص ساعة انا ابتديت اقلق خبطت عليها سندس سندس انتي كويسة ردي عليا مردتش بقيت ارزع علي الباب برضو ملهاش اي حس ابتديت اكسر الباب لحد ما دخلت 😱 لقيت ابشع منظر شوفته في حياتي السعادة اللي كنت فيها اتحولت لحزن وكابوس مفزع لقيت سندس مدبوحة وهي لابسة فستان فرحها ونايمة في البانيو غرقانة في دمها انا جالتي خالة هستريا بقت اضحك واصوت وازعق واقول اه اه اه من قلبي جريت عليها سندس ردي عليا يا حبيبتي اه يا ربي انا عملت ايه عشان تعمل فيها كده لقيت بابا وماما واخويا جريوا عليا دخلوا الحمام شافوا المنظر والدم مغرق المكان كله ماما اغم عليها وبابا واخويا جريوا عليا مش مصدقين المنظر البشع اللي انا فيه بقيت حضنها ودمها كله مغرق وشي وهدومي ليلة الدخلة اتحولت ليلة من    الفزع ليلة من الوجع ليلة الموت قعدت اقول انا عايز اموت معاها انا مش هسيبها بابا قالي قوم يابني بس تعالي الشرطة والنيابة كلمتهم وجايين دلوقتي طلعوني بره بالعافية وشالوا ماما من الحمام كانت فاقت قعدت تحضني وتعيط واخويا يعيط جت الحكومة عاينوا المكان وسالوني كام سؤال حكتلهم كل حاجة والظابط اللي بيحقق في الموضوع ظابط زميلي ودفعتي قالي يا بحر انا مش هسيب حقك بعد المعاينة اتاكدوا ان في حد دخل من شباك الحمام وهو اللي عمل كده في سندس طب ليه ومين لي مصلحة يعمل كده دي سندس ملاك عمرها ما اذيت اي حد كنت هتجن وجت الاسعاف شالتها وانا ركبت معاهم وعربيات الشرطة والنيابة كلها ورانا وطبعا في اهتمام لاني ظابط ووالدي لواء روحنا المشرحة والمعاينة المبدئية اكدت في جرح قطعي من اول الرقبة لاخرها دخلوا الحمام شافوا المنظر والدم مغرق المكان كله ماما اغم عليها وبابا واخويا جريوا عليا مش مصدقين المنظر البشع اللي انا فيه بقيت حضنها ودمها كله مغرق وشي وهدومي ليلة الدخلة اتحولت ليلة من    الفزع ليلة من الوجع ليلة الموت قعدت اقول انا عايز اموت معاها انا مش هسيبها بابا قالي قوم يابني بس تعالي الشرطة والنيابة كلمتهم 

والنيابة خدت اقوالي تاني في المستشفي وقالولي احنا عارفين ان حالتك متسمحش بالاستجواب بس ساعدنا عشان نجيب اللي عمل كده بسرعة حكيت كل حاجة من الاول للاخر وانا منهار واتقفل المحضر وقبضوا علي كل طقم الحراسة بتاعت الفيلا 👮

#تابع 👇👇

الجزء الخامس  💥 شبح زوجتي 

رجعنا الفيلا كلنا قعدنا تحت في الريسبشن وانا مش بنطق ولا كلمة ريحة الموت والرعب والفزع موجوده في كل مكان بابا واخويا بيكلموني وانا مش معاهم طبعا الشغالين كانوا نضفوا الحمام من كل حاجة ورجعوا كل حاجة زي ما كانت وسندس جثتها فضلت في المشرحة وهتفضل كده لحد انتهاء التحقيق الاول في الجريمة انا عمال افكر في كل ده لقيت نفسي قعدت اعيط بهستريا قعدت اضرب علي وشي واضرب كف علي كف خلاص هتجنن ايه اللي حصل ده مش مصدق اي حاجة انا في كابووووس فظيع ماما طلعت معايا لحد الاوضة نمت علي السرير قولتلها سيبني لوحدي قالتلي ازاي بس اسيبك قولتلها سبيني لوحدي يا ماما انا هنام وكانت حوالي الساعة 9 بليل طلعت وقفلت الباب وراها خدت الموبايل وابتديت ابص للصور بتاعتنا وانا منهار وبيعيط مرة واحدة لقيت صوت مش واضح بينادي عليا بحر سيبت الموبايل من ايدي وركزت لقيت نفس الصوت. بس المرة دي واضح يا بحر  ايوا ده صوت سندس قعدت اقول سندس يا سندس انتي فين لقيت الصوت جاي من حمام الاوضة قربت من الحمام ودخلت ملقتش حاجة فضلت اعيط بدموعي روحت علي الحوض بغسل وشي برفع دماغي ابص في المرايا لقيت سندس ورايا شكل بشع الدم مغرق وشها شعرها منكوش وابيض رقبتها مفصولة وواقعة علي كتفها منظر مفزع مرعب منظر عمري في حياتي ما اقدر انساه ابدا ببص ورايا لقيتها واقفة ورايا بنفس المنظر انا جسمي كله بقي تلج وريقي نشف مش عارف انطق ولا كلمة وقعت من طولي فوئت لقيت نفسي علي السرير والدكتور بتاع العيلة جمبي وكلهم حواليا قولتلهم اللي حصل محدش صدقني بابا قالي اهدي كده انا عملت اتصالاتي وخدتلك اجازة شهرين هنسافر فرنسا تريح اعصابك قولتله انا مش هسافر في اي حته الا لما اجيب حق سندس الدكتور كتبلي مهدئات وكلهم سابنوا ونزلوا وانا فضلت علي السرير صاحي عنيا غفلت شوية لقيت ايد بتحسس علي كتفي ببص ورايا لقيت سندس بشكل ابشع من الاول بس المرة دي

جسم من غير راس وايدها علي علي وشي لقيت حاجة بتلعب في رجلي برفع البطانية لقيت راس سندس جمب رجلي ومبرقة وبتضحك عنيا فتحت ملقتش حاجة جربت علي النور فتحته ورجعت للسرير واكتشفت اني كنت بحلم بس استغربت لما لقيت نقطة دم علي السرير مكان رجلي فضلت ابص علي رجلي يمكن اتعورت ملقتش حاجة             😔😔

#تابع  👇👇

الجزء السادس  👹 شبح زوجتي 👹 

قعدت في الرعب ده لحد ما عيني راحت في النوم بالعافية صحيت الصبح نزلت قعدت في الجنينة واتصلت بالظابط زميلي اللي بيحقق في الموضوع هو اسمه احمد قالي يا بحر انا مش عايزك تقلق خالص احنا بنعمل تحرياتنا واقرب وقت هنمسك اللي عمل كده قولتله انا عايز اشتغل في القضية قالي انت اعصابك تعبانة ومش هتركز عايزك تعتمد علي الله وعليا وقفلت معاه وماما طلعت قعدت معايا وتواسي فيا قالتلي انت كده حزنك ده هيدمرك لازم تفوق وتنسي قولتلها انسي ايه انا قلبي اتحرق علي سندس وكمان حاسس بالذنب يمكن لو مكنتش اتجوتها مكنتش ماتت ارجوكي يا ماما سبيني في حالي انا تعبان عدي اليوم تقيل بارد عليا وانا كل مدي بتدهور حالتي اكتر دخل علينا الليل وانا دخلت الاوضة واقف في الشباك لقيت سندس بفستان الفرح واقفة عند حمام السباحة شكلها جميل ملاك واقف ومرة واحدة راحت واقعة في حمام السباحة نزلت جري نطيت في حمام السباحة قعدت اعوم غطست في قاع الحمام لقيت سندس بس نايمة علي بطنها بعدلها لقتها مسكت رقبتي ومنظرها زي اللي شوفته قبل كده اتحول لابشع وابشع خدتها وقعدت اعوم لحد ما وصلت لفوق لقيت نفسي انا اللي ماسك رقبتي بايدي وسندس مش معايا طلعت من حمام السباحة عنيا جت علي شباك الاوضة بتاعتي لقيت خيال ورا الستارة رايح جاي طلعت جري علي فوق فتحت الاوضة ملقتش حاجة بقيت هتجن خلاص مش عارف الاقيها منين ولا منين من فراق سندس اللي هيموتني ولا الرعب والفزع اللي انا عايش فيهم قعدت علي كرسي كان في الاوضة بعد ما غيرت هدومي غفلت وانا علي الكرسي حلمت بسندس بشكلها الجميل وقالتلي هاتلي حقي انا عايزة حقي انا روحي بتتعذب وقريني هو اللي بيطلعك ده وممكن يموتك في اي لحظة اوعي تسيب حقي يا بحر اوعي صحيت من النوم علي صوت في الحمام قربت من فتحة المفتاح ببص فيها لقيت حد قاعد علي حافة البانيو وبيسرح شعر عيل صغير والاتنين وشهم مش باين مرة واحدة لقيت النار ولعت فيهم هما الاتنين لقيت اللي بيحط ايده علي كتفي اتفزعت ببص ورايا لقيته اخويا بيقولي في ايه مالك بتترعش كده ليه يا بحر قولته في حريقة جوه الحمام فتح الباب ملقاش حاجة قالي حريقة ايه بس يابني قوم بس انت شكلك اعصابك تعبانة قالي تعالي معايا قولته فين لقيته واخدني ناحية الشباك 

#تابع  👇👇

السابع  والاخير   💥 شبح زوجتي 💥 

 بيقولي بص احسن حاجة نط من هنا بقولوا انت مجنون انط من الشباك عشان اموت قالي وفيها ايه بس ده انت حتي هتقابل سندس بقيت مزهول من كلامة قالي يلا يلا بس انا هساعدك ومسكني وشالني وعايز يرميني من الشباك زقيته وبقفل الشباك ببص ورايا لقيته شبح سندس يعني مطلعش اخويا ولا حاجة وبصوت بشع ارمي نفسك ارمي نفسك قولت بسم الله الذي لا يضر مع اسمه شئ في الارض ولا في السماء وهو السميع العليم لقيتها بتصوت جااامد اوووي وطلعت تجري علي الحمام لقيت باب الاوضة بيخبط ودخل بابا وماما واخويا في ايه في ايه احنا سمعينك بتزعق واكنك بتتكلم مع حد قولت في بالي لو قولتلهم هيقولوا عليا مجنون قولتلهم مفيش حاجة انا كنت بتكلم في التليفون بابا قالي لو تعبان تعالي اوديك مصحة كويسة تريح اعصابك فيها قولتله مصحة انت شايفني مجنون سيبني يا بابا سيبني بعد اذنك نمت صحيت تاني يوم روحت علي القسم قابلت الظابط احمد قولتله انا هشتغل معاك هات اخر اوراق التحريات وفعلا قعدت 3 ايام نشتغل ونحقق لحد ما وصلت ان في واحد كان بيحب سندس كان معاها في المنطقة اللي ساكنة فيها وهي مكنتش بتحبه ولا طيقاه وكان بيمشي وراها في كل حتة

 وزمايلها شهدوا ان جيه كذه مرة هددها وقالها لو حد غيري اتجوزك انا هموتك جبنا عنوانه وروحنا قبضنا عليه وجبناه واعترف بعد ضغط انه نط من سور الفيلا وفضل مستخبي لحد  ميعاد وردية تغير طقم الحراسة وده كان ميعاد دخولنا يوم فرحنا انا وسندس وطلع علي المواسير وبص من شباك الحمام ودخل منه  واول ما سندس دخلت كتم بوئها بمنديل في مخدر وحطها في البانيو ودبحها كل ده وهو بيحكي وانا الدم فااار في عروقي قومت جريت عليه مسكته ضربته بالشلوط في بطنه اترزع علي الارض حطيت جزمتي علي وشه وفضلت اضرب فيه لحد ما زمايلي قاموا حاشوني منه بالعافية ورحلناه علي النيابة ومنها للمحكمة اللي حكمت باعدامه ورحنا خدنا جثة سندس من المشرحة فتحت التلاجة شيلت المفرش من علي وشها لقيتها ملاك جميلة اوووي الدموع بقت تنزل من عنيا وبقولها وحشتيني يا حبيبتي وحشتيني اوووي انا عايش ميت من غيرك لقيت وشها مبتسم ابتسامة جميلة الدكتور قالي كفاية كده يا فندم وخدناها ودفناها ومن يومها بقت تيجي في احلامي بشكلها الجميل وحلفت و اقسمت اني عمري ما اتجوز بعدها ابدا  هفضل احبها ومخلصلها 

بحبك يا سندس 💝

#النهاااااااااايــة

رئيكم يهمني طبعا وتحبوا ايه جديد

تعليق في آخر المدونه مع البرنس محمد السبكي