مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

الفصل السادس عشر ..

جلست علي الاريكه لم تقدر الي الوصل لغرفتها تشعر بثقل في جسدها 

_ مالك يا فريده ؟

هتفت فريده وهي تستند راسها علي اليد الخاصه علي الاريكه هاتفه بصوت ضعيف :

جسمي وراسي تقال خالص وايدي وجعاني اوي

انهت جملتها وهي تغمض عينيها بارهاق لتقول والدتها : 

هاتي يا شاهيناز جهاز الضغط بتاعي اقيس ليها الضغط يمكن واطي وهو الي عاملها التعب ده 

احضرت الصغيره الجهاز تناوله فارس ثم اقترب منهما قائلا

انا هشوفه بعد اذنك 

اومات تهاني راسها بالايجاب ثم نهضت جلس فارس بجانبها وبدا في قياس ضغط الدم 

_ النار حرقت ايدي كلها ومموتش انا كنت عايزه اموت وارتاح 

ابعد فارس السماعه الطبيه عن اذنيه هاتفآ ;

الي في ايدك التانيه ده حرق ؟

_ حرق ازاي انا مش فاهمه حاجه كنتي عايزه تحرقي نفسك بسببي 

قالتها تهاني بصدمه وعدم استيعاب

فتحت فريده عينيها قائله :

مش ايدي بس كل حاجه فيا اتحرقت خلاص حتي حياتي الي جايه ادمرت كنت راسمه خطط كتير بس خلاص رراحت 

_ انا هشوفلك الضغط دلوقتي وبعدين نشوف ايدك والحرق 

ابتسمت فريده ساخره هاتفه :

ما شالله عامل فيها دكتور كمان شوف يا سيدي 

ورددت تهاني سؤالها مره اخري :

ردي عليا يا فريده حرقتي نفسك بسببي ؟!! لو عايزاني اطلق من احمد هطلق كل حاجه انتي عايزاها هعملها بس متضعيش مني كده

_ لا  مش بسببك يا ماما دي كانت حادثه نار ولعت وموضوع حصل هحكيلك بعدين بس افوق من الي انا فيه ده 

_ كام ضغطها يا فارس ؟

قالها احمد بتساؤل ليجيبه فارس :

واطي محتاجه محلول ملح عشان يرفع معاها بسرعه 

ثم تابع وهو يوجه حديثه لفريده :

وريني الحرق الي في ايدك كده

_ هي ايدي فرجه ولا ايه عموما الحرق من الدرجه التانيه وعميق مش سطحي وايدي متشلفطه خالص اهدي بقي 

انهت جملتها ونهضت من مكانها وهي تستند علي المقعد فقدت توازنها وسقطت مره اخري علي الاريكه هتفت والدتها :

تعالي يا حبيبتي انا هسندك لاوضتك 

اسندتها والدتها الي غرفتها هتف فارس الي والده :

هروح اجيب محلول الملح من اي صيدليه قريبه من هنا وارجوك يا بابا بلاش التساهل الي حضرتك فيه مع فريده ده هو ايه الي كل الي انتي عايزاه هيتعمل ؟!! 

_ كلام يا فارس بطمنها بيه يمكن تشيل الافكار الي في دماغها من ناحيتي 

__________________

_ نوجا اعملي الي بقولك عليه اجمعيلي بنات تاني بس مره دي تفهميهم نظام شغل جديد خالص مش في Night club زي قبل كده

هتفت نوجا بتساؤل ;

امال فين

_ من بيتهم هيفتحوا الكاميره لزباين انا هجيبهم كل الي هيعملوا انهم يقعدوا قدام كاميره موبيل او كومبيوتر ويخبوا وشهم ميبانش غير جسمهم بس ويكونوا لابسين لبس مفتوح ويعملوا كل كلام الي هيقولو الزباين ليهم فهميهم ده كويس عشان انا مش عايز وجع دماغ وقوليلهم علي بلاطه كده انهم هيقعلوا قدام كاميره والقبض بدولار ومبلغ حلو واغريهم انتي من عندك

_ طب ما تخلينا في شغل Night club احسن 

_ اعملي الي بقولك عليه من غير صداع يا نوجا 

_ حاضر يا عمر عملت ايه مع فريده صح ؟ انا قولت اكيد هتنفخها بعد عملتها دي 

ضحك عمر ثم هتف وهي يضع قدميه علي الطاوله الموجوده امامه : 

 من اول يوم هكرت موبيلها فيه داخله دماغي جامد يعني جبتها وكنت ناوي اعمل معاها زي رانيا بس هي مطلعتش سهله ومكنتش بردو حابب يحصل بينا حاجه وهي متخدره كنت عايزاها فايقه كده وفي نفس الوقت كانت جوايا حاجه منعاني سبتها بقي بظروفها لحد ما الغبيه وقعت نفسها بنفسها 

_ انت عملت فيها حاجه 

_ انا لا طبعا ده شيطاني الي عمل صدقيني يا نوجا منعته كتير عنها بس هي بت الكلب مصممه تشوفه وورتهولها كانت احلي ليله لحد ما ولعت في نفسها

هتفت نوجا بعدم تصديق ودهشه :

ولعت في نفسها !!!؟

_ اه ايديها اتحرقت كلها واتشلت باين مبقتش تنطق شكلها حساسه زياده عن اللزوم وبس يا ستي راحت لحالها في الاخر اتصلوا من كام ساعه في مستشفي بسيف وقالوا انها مشيت 

_ يا عيني صعبت عليا اووي

_ ميصعبش عليكي غالي يا اختي بقولك ايه ما تباتي النهارده معايا مشيت سيف من شقه وقاعد لوحدي زي ماانتي شايفه كده 

_ طيب كنت عرفتني قبل مااجي عشان اعمل حسابي في اللبس مش معقول هنام باللبس الخروجي 

اجابها عمر بضجر :

البسي اي حاجه من الدولاب عندي 

_________________

قام بتعليق محلول الملح لها اما هي اغمضتت عينيها وغرقت في احلامها

هتف فارس الي والدتها :

انا جبت معايا شاش واسبريه ومرهم وشويه حاجات هغيرلها علي الحرق واحطلها منهم 

_ اهو يا ستي اطمني بقي دكتور جلديه بنفسه هيغيرلها علي الحرق 

نطق تلك العباره احمد لتقول تهاني : 

فيك الخير يا فارس

ابتسم لها بود ثم بدا  في التغير علي الجرح ويدور في عقله سؤال واحد كيف استطاعت اشعال النيران وحرق ذراعيها بهذه الطريقه ولماذا من الاساس ؟!!!

_______________________

استيقظت من نومها لتجد كانيولا موجوده في يديها وبجابنها علي الكوميدو مقص وشاش الذي كان علي يديها من قبل وبعض الادويه 

اغمضت عينيها مره اخري هاتفه :

شكلك مش هتموتي يا فريده مكتوبلك تعيشي طول عمرك من غير شرفك

فتحت عينيها مره اخري بفزع عندما ظهرت امامها صوره عمر وهو يسكب الخمر في فهمها رغمآ عنها ويجلعها تبتعله هاتفآ :

اشربي يا برنسيسه اوضه نومي نورت بيكي بجد

وضعت يديها علي اذنيها بقوه حتي تمنع ذلك الصوت الذي بتردد بداخلها

__________________

نهض من فراشه بعدما القي نظره علي نوجا تلك النائمه بحانبه تناول قميصه وقام بارتدائه وهو يقول :

امال ما صدقتي يا نوجا اقولك اقعدي عندي ولا ايه ؟! بنات رخيصه صح

اما نوجا فهي كانت غارقه في النوم تناول علبه سجائر ثم قام باشعال واحده ووضعها بين شفتيه ثم تناول حاسوبه الذي قام بشرائه بالامس قبل ان يعطي لفريده بطاقه الذاكره وهاتفه خرج من الغرفه وجلس علي الاريكه ثم قام بتشغيل الحاسوب ووضع بوضع به فلاشه ما ليظهر امامه كل شئ يخص فريده منذ ان قام بهكر جهازها الي مقطع فيديو اعتدائه عليها

قهقه بقوه وهو ينفث سيجارته قائلا :

ما هو اكيد مش هديلك كل حاجه كده من غير ما اعمل نسخه لنفسي اتفرج عليهم كل يوم وتاني 

بدا في تقليب بصورها وهو يقول :

حد بردو يكون بجمال ده ويولع في نفسه كده

تابع وهو يتصنع البكاء والحزن :

مش فاهم انتي ليه مصممه تحسيسني بالذنب من ناحيتك اكتر من كده ؟ 

انهي جملته وهو يضحك بقوه قائلا :

كااات هايل يا عمر فنان تستاهل اوسكار علي كام جمله المؤثره الي قولتهم في مستشفي وفي تسجيل الي علي كارت موموري ده لو سمعتيه اصلا ومخلصتيش من كارت كده بس مش مهم  اهربي يا فريده بردو هجيبك تاني يا برنسيسه دورك لسه مخلصش معايا ومش هيخلص بسهوله كده

مكنتش حابب ائذيكي كده بس انتي يا برنسيسه وقفتي في وشي نصيبك بقي 

نهايه الفصل السادس عشر

توفعاتتكمممم!!!

روايه هتنزل كل يومين فصل واعذروني معلش كليه برجع منها خلصانه مش بلحق اعمل حاجه

تفاعل حلو بقي 🤭😌

الفصل السابع عشر 

خرجت من غرفتها لتجد والدتها تجلس علي الاريكه وتقوم بتنقيه الارز وفارس يلهو مع الصغيره ...

_ خلينا نمشي النهارده ونروح اسكندريه 

قالتها فريده لتجيبها والدتها :

لما تشدي حيلك شويه وكمان انتي لسه مجبتيش ورق التحويل بتاع كليه بتاعك 

_ ملكيش دعوه بحيلي وبكليه بتاعتي انا عايزه امشي نهارده مش هستريح ولا اطمن غير لما امشي ونبي يا ماما قومي حضري شنطتك انتي وشاهيناز 

تنهدت والدتها وهي تقول بقله حيله :

حاضر يا فريده 

اقتربت فريده منها وقامت بجذب برفق الاناء الذي في يديها هاتفه :

قومي دلوقتي يلا عشان نخلص يلا  عشان خاطري

_ لو تفهميني بس في ايه 

هفهمك كل حاجه بس بعدين قومي يلا 

رحلت والدتها الي الغرفه حتي تقوم بتجيهز الحقائب جلست فريده علي الاريكه واسندت راسها للخلف ..

_ الحرق حصل في ايدك ازاي ؟

قالها فارس 

انتبهت فريده اليه اعتدلت في جلستها ثم هتفت :

حادثه بسيطه 

_ ايوه ايه الي حصل في الحادثه البسيطه؟!!

_ حقيقي انا مش قادره اتكلم ولا اجاوب علي اي اسئله بجد 

_ زي ما تحبي عمومآ انا اسف علي الي حصل مني قبل كده بس كلامك عصبني وانا لما بتعصب مبحسش بنفسي نهائي 

اومات راسها بالايجاب هاتفه :

حصل خير 

جلست الصغيره بجانب فريده ثم ناولتها هاتف والدتها قائله :

بصي جيمز الي حملتها علي موبيل ماما

نظرت الي الهاتف ثم تذكرت امر ما جذبت الهاتف قائله :

هعمل حاجه يا شاهي وبعدين اشوف جيمز 

قامت فريده بفتح تطبيق الفيس الخاص بها ثم قامت بدخول الي الاعدادات وقامت بحذف حسابها من الفيس حتي لا يستطيع احد البحث عنها والعثور علي صفحتها الخاصه ثم انتقلت الي حساب والدتها وقامت بحذف حسابها الخاص ايضآ فهي تفكر في عمر من الممكن ان يبحث عنها عن طريق صفحتها الخاصه وربما عمر من الاساس يكون قام بتهكير جهاز والدتها عندما راي اي منشوارت تشاركها والدتها معها 

نظرت الي كاميره الاماميه الموجوده امامها ضغطت علي شفيتها ثم نظرت الي كوب الماء الموجود علي الطاوله امامها 

امالت بجسدها ناحيه الطاوله ثم قامت برمي الهاتف بكوب الماء

شهقت الصغيره وهي تنظر الي هاتف والدتها قائله :

وقعتي موبيل في المايه

ومن البدايه فارس يراقبها بحيره تصرفاتها مريبه مريبه للغايه ...

_ هنجيب موبيل جديد يا شاهي اصلا ده بيعلق ومش حلو في جيمز 

_ هقول لماما انك وقعتي موبيلها في المايه 

ابتعدت الصغيره عنها وركضت ناحيه الغرفه لتقول فريده :

انا غلطانه اني اديتلك وش اصلا 

انتبهت الي فارس الذي ينظر اليها ابعدت وجهها عنه وهي تزفر بضيق 

_ يالهوي يا فريده الي عملتيه ده 

قالتها والدتها وهي تقترب من الطاوله الهاتف من الكوب الزجاجي 

_ انا حذفت اكاونت فيس بتاعك هبقي اعملك واحد تاني 

_ ليه ؟!!!

_ انا حره يا ماما الاكاونت انا عملتهولك وحذفته خلاص هبقي اعملك واحد جديد وموبيل خلي جوزك يجبلك واحد تاني 

هتفت تهاني بانفعال :

انتي رميتيه في المايه ليه اصلا 

_ انا مليش اي خلق لكلام ومناهده خلاص الي حصل حضري الشنط خلينا نمشي من هنا يا اما هطفش تاني وهسبيلك البيت ومش هرجع ابدا

_ خلاص يا طنط الموبيل خد الشر وراح روحي خلصي الشنط عشان اول ما بابا نبقي جاهزين ونمشي علي طول 

هتفت تهاني وهي تنظر الي فريده :

ربنا يهديكي 

________________

وصل الي الملهي الليلي ثم اتجهه الي الغرفه التي كانت تمكث بها فريده ...

القي بجسده علي الفراش اغمض عينيه عندما وصلت الي انفه رائحه فريده تنفس بقوه ثم جذب الوساده التي بجانبه بعدما فتح عينيه وضعها علي انفه واستنشقها قائلا :

يبقي كنتي بتنامي علي المخده دي ريحتك كلها فيها 

وجد هاتفها بجانبه علي الكوميدو بعث به ولكنه لم يجد به شئ

اعتدل في جلسته عندما لمح حقيبتها موجوده علي مقعد ما اقترب من المقعد ثم تناوب الحقييه وبعث بها اخرج منها زجاجه العطر الخاصه بها ثم بالضغط عليها لتخرج منها رائحه ما تلك الرائحه التي يستنشقها بها دومآ .. 

اخرج من الحقيبه بطاقه شخصيه الخاصه بها قرا المكتوب عليها ثم قال :

دي كده احلوت اووووووي 

________________

_ هتعيش فريده حياتها ازاي بعد الي صاحبك عمله فيها غبيه مكنش مفروض تهرب انا كنت هخليه يتجوزها فتره ويطلقها

اجابها سيف بانفعال فهو لم يعد باستطاعه تحمل كلماتها المستفزه تلك :

هو انتي بجد مصدقه نفسك بقي انتي هتخلي عمر يتجوز فريده ؟!!! انتي بتكلمي ازاي مش فاهم لو عمر عايز يتجوز فريده هيتجوزها بمزاجه هو بس وقتها هيطلع عينها معاه ومش هتعرف تخلص منه صاحبتك عملت الصح انها هربت ادعي ربنا ان عمر ميعرفش يوصلها

_ وطي صوتك بس وانت بتكلم وبلاش تعملي فيها راجل بس

_ ارحميني من التقطيم بتاعك يا ليلي انا مقدرش اقف في وش عمر مكنش هيسحملي اصلا عارفه  كان هيعمل ايه؟!!! هينشر صورك ووقتها عمك كان هيخلص عليكي واهي فريده انقذتك وكل حاجه اتحلت بطلي بقي تسمي بدني كل شويه بكلامك ده انسي كل حاجه حصلت وخلينا نرجع مع بعض زي ما كنا في الاول

ابتسمت بسخريه ثم هتفت :

اه واحده تتسلي معاها في موبيل وتبعتلك صورها صح

حرك راسه بالنفي قائلا :

لا هطلب ايدك من عمك ونتخطب كام شهر وبعدين نتجوز

_________________

استقلت السياره في الخلف وبجانبها الصغيره ووالدتها وفي الامام يقوم احمد بالقياده وبجانبه فارس 

اسندت فريده راسها علي شرفه السياره ونظرت الي الطريق 

نهضت من مكانها وظلت تبحث عن ثيابها قامت بارتدائها وقعت عينيها علي بقعه الدماء الموجوده علي فراش شهقت باكيه وهي تجلس علي الارضيه وتسند راسها علي الفراش 

كل شئ في حياتها انتهي ..

نظرت الي علبه عود الثقاب الموجوده علي فراش تناولتها بيديها ثم قامت باشعالها والقتها علي الفراش تابعت بعينها النيران المشتعله وانتظرت وصولها لها حتي تشتعل بها وتنهي حياتها ...

صرخت بقوه عندما وصلت النيران الي ذراعيها واشتعلت بها ...

فاقت من شرودها ثم تنهدت بحسره وهي تقول بداخلها :

لازم اخلص من حياتي دي مش هينفع اعيش تاني خلاص

________________

وصل الي البنايه التي تسكن بها فريده ثم طرق شقه عشوائيه فتحت له سيده هتف عمر بتهذب :

الشقه الي عايشه فيها انسه اسمها فريده فين  لو سمحتي ؟

_ في دور الرابع بس مش هتلاقيها لاني لسه شايفها نازله بشنطه سفر تقريبا مسافره هي واهلها

_ مسافرين فين؟!

_ معرفش والله بس هما دايما كده بيسافروا يغيبوا اسبوعين ويرجعوا تاني 

_ اممممممم اصلها نسيت شنطه بتاعتها وهي بايته عندي من يومين

ضرب جبينه بخفه وهو يقول باصطناع :

قصدي نسيتها في كافيه كنا قاعدين فيه مهم خلي شنطتها معاكي ولما ترجع ادهالها وقوليلها محمد بيقولك ورقتين الجواز العرفي الي بينكم هو قطعها وياريت تتصرف في البيبي الي في بطنها بمعرفتها

تناولت السيده منه الحقيبه بصدمه واضحة اما عمر استدار ورحل وهو يبتسم ..

اغلقت السيده الباب خلفها وهي تقول :

يالهوي كل ده يطلع منك يا فريده متجوزه عرفي وحامل !!!!

نهايه الفصل السابع عشز

توفعاتكممم؟!!!

تفاعل حلو بقي فصل كبير اهو عايزه اشوف ريفوهاتكم 😌❤️🥀

الفصل الثامن عشر 

_ حمدالله علي سلامه يا احمد بيه 

_ الله يسلمك يا شيماء جهزي اوضه لفريده وشاهي اياد رجع ولا لسه ؟

اجابته شيماء :

لا لسه مرجعش 

_ طيب روحي جهزي الي قولتلك عليه

اومات شيماء راسها بالايجاب ثم رحلت هتف فارس :

لو حاسه بتعب تعالي ريحي في الاوضه بتاعتي لحد ما داده شيماء تجهزلك الاوضه 

حركت راسها بالنفي قائله :

انا كويسه

_________________

_ لو عايز تتجوزني فعلا علاقتك بعمر اقطعها وشغلك في الكباريه سيبه 

ليقول سيف :

اعتبري كل ده حصل يا ليلي اكلم عمك النهارده ؟!!

_ علي اجازه نص السنه لما اروحله 

_ مش هستني كل ده انا هكلمه نهارده واتفق معاه نعمل خطوبه كام شهر كده اجهز فيهم شقه وبعدين نتجوز 

_ واحده غيري مفروض متوافقش تتجوز واحد مقدرش يحميها 

_ تاني يا ليلي ؟!!

قالها سيف بلؤم وعتاب لتجيبه هي :

بس انا عارفه نفسي مش هعرف انساك واخرجكك من قلبي صعب عليا 

وضع يديه علي كفه يديها ثم قال :

انا فاهم نظرتك ليا وانك شايفاني مقدرتش احميكي بس لا انا ولا انتي قد عمر انتي مش فاهمه عمر ده شيطان دماغه سم هوايته اذيت الناس كنت خايف عليكي يا ليلي 

________________

دلف الي الفيلا وهو يضع الهاتف علي اذنيه ويتحدث به انهي مكالمته عندما لاحظ وجود اشخاص امامه لم يراهم من قبل !!!

ضيق بين حاجبيه باستغراب وهو يتفحصهم ليقول احمد :

دي تهاني مراتي يا اياد 

ثم اشار ناحيه فريده وهتف :

ودي فريده بنتها 

وتابع وهو يشير ناحيه الصغيره :

ودي شاهيناز اختك الي قولتلك عليها قبل كده

اوما راسه بالايجاب بصمت فهو منذ ان علم ان والده كان متزوجآ علي والدته لم يعجبه الامر اطلاقآ 

_ ده اياد يا تهاني توأم فارس، بس فارس اكبر منه بكام دقيقه 

_ نورتوا الفيلا 

قالها وهو يبتسم بجمود ثم رحل الي الطابق الاعلي لحقه فارس دلف كلاهما الي الغرفه ليقول فارس :

قلبت وشك مش هتغير حاجه علي فكره 

ليقول اياد بعصبيه مكتومه :

يعني انت يرضيك يجيب مراته الي كان متجوزها علي ماما وتعيش في بيتها وتنام في اوضتها ؟!! ده حتي مهانش عليه يستني لحد ما يعدي علي وفاه ماما سنه صبر عشر شهور بالعافيه مقدرش يستحمل شهرين كمان 

_ ميرضنيش طبعا بس منقدرش نوقف في وش بابا ونقوله لا متعملش كده 

_ هو حر براحته وبعدين بنت مراته دي جايبها تعيش معانا ازاي والفيلا فيها شحطين ؟!!

_ قصدك علي فريده ؟!! لا دي اعتبرها اخوك التالت عادي 

ضحك اياد وهو يقول :

ليه يا عم دي حتي حلوه يعني 

_ ما هو مش بالشكل صدقني، عليها شويه تصرفات ملهمش حل 

_ زي ايه يعني؟!

طفشت من بيتهم شهر والله اعلم كانت بايته فين المده دي كلها ولما رجعت، رجعت ايديها محروقه خالص مدمره يعني محتاجه عمليات ومش راضيه تقول الحرق ده حصل ازاي 

ده غير انها عليها لسان عايز قطعه

_ غلطت فيك ولا ايه ؟!

ليجيبه فارس :

مش انا بس دي غلطت فيا وفي ابوك 

_ اهو يستحمل بقي مجايبه 

_______________

القت بجسدها علي الفراش وتفكر كيف يمكنهم التخلص من حياتها؟!!!

ليس لديها حل اخر سؤي ذلك لا يمكنها استكمال حياتها بعد ما فعله عمر بها ...

ابتسمت بحسره عندما تذكرت احلامها التي خططت لها من قبل ..

اغمضت عينيها لتسقط الدموع المحبوسه بعينيها ...

_______________

وفي منتصف الليل 

استيقظت من نومها بفزع اعتدلت من فراشها ثم وضعت يديها علي صدرها الذي يعلو ويهبط سريعآ تتنفس بصعوبه بالاضافه الي حبات العرق التي تملا وجهها 

لم يتركها عمر حتي في احلامها كلما اغمضت عينيها يظهر امامها وهو يقوم بالاقتراب منها تفاضيل تلك الليله باكملها تطاردها في احلامها ..

نهضت من فراشها ثم توجهت الي خارج لتجد كل شئ هادئ حولها الجميع مستغرق في النوم ..

ظلت تسير بالفيلا الي ان وصلت الي المطبخ دلفت اليه ثم انارت الاضاءه به مسحت دموعها التي تسقط .. 

بحثت بالادراج عن شئ ما تمسكت بالاله الحاده الخاصه بتقطيع الاشياء ويديها ترتعش وتهتز

وجهت الاله ناحيه باطنها وهي تهتف بداخلها باكيه :

سامحيني يارب بس انا مفيش قدامي حل تاني موتي هو الي هيخلصني 

اغمضت عينيها ثم ابعدت يديها ودفعتها بقوه ناحيه باطنها شعرت بيد ما علي يديها تمنع حركتها، 

فتحت عينيها لتجد اياد يضغط علي يديها هز راسه بتساؤل قائلا :

انتي طبيعيه عاقله يعني ؟!!

_ سيب ايدي 

سحب منها الاله الحاده وهو يقول :

هتموتي نفسك بـ اكبر سكينه في المطبخ يا مفتريه 

قام بوضعها مكانها ثم قال :

عايزه تموتي نفسك ليه بقي ؟!! 

لم تجيبه والتفت حتي ترحل ولكنه اوقفها وهو يقول :

لو حبيتي تتكلمي مع حد انا موجود 

_ ممكن تموتني ؟ انا عايزه اموت واخلص من حياتي 

قالتها وهي تلتفت اليه وتنظر لها برجاء 

_ ليه ؟!! ما هو انا لازم اعرف السبب يعني يرضيكي اقتل عمياني كده 

_ حياتي ادمرت اتحرقت زي ايدي ما هي محروقه كده كنت عايز احرق نفسي واخلص بس عشان انا حظي نحس متحرقتش غير ايدي وفضلت عايشه

_ يا ستار وكمان حاولتي تولعي في نفسك ليه كده طيب احكيلي بس تعالي اقعدي هنا بس وفهميني واحده واحده كده 

تحركت وجلست علي الطاوله الموجوده بالمطبخ تشعر بالتوهان ودموعها تسقط بلا توقف

ناولها كوب الماء هاتفآ :

اشربي ميه دي واستهدي بالله كده 

تناولت منه كوب الماء ويديها ترتعش ثم ارتشفته ليقول اياد :

احكيلي يلا في ايه مالك 

_ كنت فاكره نفسي ذكيه بس مطلعتش ذكيه مطلعتش ذكيه 

قالت جملتها الاخيره بانيهار واضح ليقول هو :

اهدي بس عشان اقدر افهم منك اي حاجه يمكن اقدر اساعدك

اسندت راسها علي الطاوله ثم هتفت باكيه :

مبقاش ينفع خلاص 

_ طيب بصي اقولك علي حاجه حلوه قولي 

للهم رحمتك أرجو فلا تكلني إلى نفسي طرفة عين وأصلح لي شأني كله لا إله إلا أنت 

وهتلاقي كل حاجه اتحلت 

رددت فريده كلماته وعندما انتهت هتف اياد :

روحي يلا نامي وباذن الله هتصحي بكره تلاقي كل حاجه اتحلت 

_ مش هتقتلني زي ما قولت ؟!

تنهد اياد وهو يقول :

مش نهارده لازم اكون مستعد قبلها لموضوع ده قتل يا بنتي يعني محتاج تكتيك محترم كده روحي يلا نامي عشان بكره هقتلك 

رحلت فريده من امامه وهو يتابعها بعينه حالتها ليست طبيبعه نهائي !!

_ حكايتك ايه يا فريده ؟!! اكيد وراكي حاجه 

__________________

_ هتفضلي مبلطه في شقتي كتير ولا ايه 

قالها عمر بتساؤل وهو ينظر الي نوجا النائمه بجانبه 

اجابته نوجا :

انت الي قولتلي اقعدي معايا 

_ قصدي ليله واحده مش تبلطي كده قومي يلا امشي 

اعتدلت من الفراش وهي تقول :

هو انا ماشيه بمزاجكك اقعدي امشي 

_ ااه بمزاجي كل حاجه بتمشي بمزاجي يلا بقي اختفي من وشي عشان خرمان ومش طايق نفسي 

هتفت نوجا :

وانا مش هنزل ساعه اربعه وش الصبح يا عمر 

_ مش ايه ؟!!

نطق عبارته تلك وهو يجذبها من خصلات شعرها لتقول نوجا متالمه :

الوقت متاخر يا عمر يطلع النهار وهمشي حاضر

ابعد يديه عنها بقوه وهو يقول :

لا يا روحي دلوقتي هتنرلي يلا البسي هدومك وبسلامه

نهضت نوجا بجانبه هاتفه بغيظ:

ماشي يا عمر همشي انا غلطانه اني سلمتلك نفسي اصلا 

_ حصل انتي فعلا غلطانه يلا يا اختي اختفي من قدامي 

بعدما انتهت نوجا من ارتداء ملابسها وخرجت مسح عمر علي راسه بضيق ..

لا يستطيع الوصول الي فريده لاول مره يفشل في شئ كهذا 

_ عامله فيها ناصحه يا فريده وبتقفلي كل حاجه هتوصلني ليكي ؟!! دماغك الو*** دي مش ناويه تبطلي تشغليها شغلتيها مره وجات علي دماغك محرمتيش ؟!! بس هتروحي مني فين هجيبك بردو 

نهايه الفصل الثامن عشر

توقعاتكممم؟!!

تفاعل حلو بقي وريفوهات حلوه كده 😌😌

انا ملاحظه ان تفاعل بدا يقل وحقيقي ده شئ مزعلني جددا يعني 🙂🙂

الفصل التاسع عشر 

وصلت الي غرفتها بصعوبه ثم القت جسدها علي الفراش وعينيها معلقه بسقف الغرفه 

صوت ضحكاته في اذنيه وهمساته كل شئ حدث في تلك الليله يتردد في اذنيها 

ضربت راسهل بالفراش وهي تصرخ باكيه :

كفايه كفايه

_______________

_ يعني انت جاي تصحيني من احلي نومه عشان تقولي فريده كانت هتموت نفسها !!!

قالها فارس بغضب مكتوم ليقول اياد :

انت شايف ان دي حاجه متستاهلش اصحيك عشانها وبعدين حالتها غريبه جدا بتقول كلام مش مفهوم ابدا بص انا الي استنتجته انها عندها ميول انتحاريه قبل كده ولعت في نفسها عشان تموت ونهارده اهي دخلت المطبخ عليها كانت هتدب السكينه في بطنها لولا اني لحقتها 

_ متركزش معاها اوي هي شخصيه غريبه مش مفهومه اصلا وتصرفاتها اغرب سيبك منها 

_ مش ممكن تكون واقعه في مشكله ؟!! ومحتاجه حد يساعدها 

تمددت فارس علي الفراش ثم وضع الوساده علي راسه قائلا :

ساعدها انت يا حنين انا شخصيآ كفايه عليا اوي الي شوفته منها في القاهره 

حرك اياد راسه بعدم رضا اطلاقآ اما فارس يدور في راسه شئ واحد 

ما الذي يدفعها لانتحار؟!! لم تكن هكذا عندما قابلها اول مره كانت قويه كيف تحولت الي هذه الصوره التي امامه...!!!!

___________________

وبعد مرور عدده ايام 

جلس سيف امام عم ليلي وقام بطلب يديها ...

تناول سامي فنجان القهوه الموضوع امامه علي الطاوله ثم قال :

انا معنديش مانع بس مش هتستني خطوبه كام شهر وكلام ده انت تكتب عليها وتاخدها في ايدك دلوقتي 

وضعت ليلي يديها علي فمها غير مصدقه كلمات عمها تلك ليقول سيف :

الشقه الي انا قاعد فيها حاليا متنفعش لـ ليلي محتاجه تتجهز وتظبط ديكوراتها قديمه من ايام ما والدتي اتجوزت فيها 

_ بسيطه جهزوها سوا اتصل بالماذون يجي دلوقتي ولا انت ليك راي تاني ؟

_ طب علي اقل نتفق علي القائمه والمؤخر 

_ انا بعفيك منهم 

سقطت الدموع علي وجهه ليلي لا تصدق ان عمها قام بترخيصها امام سيف لهذه الدرجه ..

________________

دلف الي الفيلا بعدما انتهي من عمله وجد فريده تجلس امام التلفاز لاول مره تخرج من غرفتها منذ ان وصلت الي تلك الفيلا ...

_ اخبارك ايه النهارده ؟!

قالها اياد وهو يجلس انتبهت اليه هي ثم قالت :

كويسه بخير

_ وميولك الانتحاريه ؟

نظرت اليه باستفهام ليقول هو :

قصدي حالتك النفسيه يعني اخبارها ايه ؟

_ كويسه بردو 

_ عجبتك اسكندريه ؟

اجابته بنفاذ صبر :

اه كويسه حلوه 

لم يجد اي كلمات يتحدث بها معها صمت ثم اخرج الهاتف من سترته وبدا في العبث به 

نظرت الي هاتفه ثم شعرت بتوتر عندما وجدت كاميره الخلفيه موجهه ناحيتها من الممكن ان يكون جهازه مهكر واحد ما يراها 

_ لو سمحت شيل موبيل ده 

قالتها بانفعال واضح ليقول هو باستغراب :

ليه ؟!!

_ اهو كده متمسكش الموبيل قدامي ممكن يكون متهكر وكاميره بتاعتك جايه ناحيتي يمسك الصور عليا ويهددني 

_ يااااه ده انتي خيالك واسع اووي حاضر يا ستي هشيله 

قام باخفائه في سترته تنهدت هي بارتياح ثم نظرت الي شاشه التلفاز ..

_ صحيح انتي بتدرس ايه ؟

_ انت بتسال كتير ليه مش فاهمه هنتصاحب علي بعض يعني ولا ايه ؟! انا اصلا مش طايقه ابوك هطيقك انت ؟!!!! متكلمش معايا تاني بعد اذنك

نهضت من مكانه ثم قال ;

انا اسف 

قال جملته ورحل لتزفر هي بضيق الا يكفي ما تعاني هي منه والان اياد هذا !!!

________________

يجلس امام الحاسوب الخاص به يحاول ان يبحث عن فتاه اخري يقوم بتهكير جهازها يريد التخلص من التفكير بفريده والبحث عنها ...

ولكن تلك المره سوف يقوم بتغير اللعبه ...

سوف يخلق لعبه جديده تشغله عقله وتفكيره عن فريده ...

ظل يبحث بين الصفحات الي ان لفتت انتباهه صفحه ما قام بتصفح تلك الصفحه ثم حرك راسه بتفكير وهو يقول :

اسمك يسرا امممم حلو اسمك لذيذ 

قام بارسال لينك الخاص بالهكر اليها وانتظر ان تقوم بفتحه والدخول اليه ....

اتجه الي صورتها الشخصيه التي تضعها ثم هتف :

عينك حلوه اوووي 

قال عبارته تلك وهو يرتشف كآس الخمر وعينيه مصوبه علي صورتها ...

______________

انتهي الماذون من عقد قرانهما ثم رحل هتف سامي :

يلا خد مراتك واتكل علي الله وانتي يا بت متورنيش وشك تاني 

_ بابا عملك ايه عشان تكرهني بشكل ده 

زفر بملل فهي دومآ تلقي كلماتها تلك عليه ثم قال :

خلي مراتك تطلع تلم حاجتها وتمشي معاك من سكات افضل ليها 

هتف سيف :

يلا يا ليلي اطلعي جهزي حاجتك عشان نمشي 

اومات راسها بالايجاب ثم هتفت الي عمها ;

حسبي الله ونعمه الوكيل فيك 

________________

_ مينفعش تسيبي الحرق الي في ايدك كده مش مهتمه بيه في ادويه لازم تاخديها بانتظام وعمليه ضروري تعمليها انا مش متخيل انتي ازاي مستحمله الالم كده 

قالها فارس وهما يجلسون علي مائده الطعام لتجيبه فريده :

معنديش استعداد اعمل عمليات دلوقتي واصلا انا مش حاسه بوجع ولا بحاجه

هتفت تهاني :

فارس دكتور وفاهم شغله كويس اسمعي كلامه يا فريده 

_ بصي متفضليش تزني كتير علي دماغي انا قاعده هنا غصب عني اساسا متوصلهاش اني اطفش تاني ووقتها اقسم بالله ما هتشوفي وشي طول عمرك 

قالتها فريده بانفعال واضح ثم نهضت من مكانها وركضت الي غرفتها تحت نظرات الجميع ليقول اياد لنفسه :

حتي مع امها لسانها طويل كده ؟!!!

وصلت الي الغرفه ثم اخرجت من درج الكوميدو شئ ما  ..

وضعته بفمها وقامت بمضغه ثم تمددت علي الفراش ...

وتذكرت ما حدث قبل ايام ..

وصلت الي الصيدليه الموجوده بجانب الفيلا 

هتفت الي الطبيب الموجود بها :

لو سمحت عايزه دواء منوم عندي امتحانات وتوتر كبير ومش عارفه انام حاسه اني هتجنن من قله النوم دي بجد 

_ الادويه الي من نوع ده بتصرف بروشته 

 

_ عارفه انا بدرس في صيدله علي فكره وفاهمه بس انا محتاجه اي نوع منوم عشان اعرف انام واركز في مذاكرتي

حرك الطبيب راسه بآسف وهو يقول :

اسف مينفعش لازم روشته

خرجت من الصيدليه وهي تلعن بداخلها ذلك الطبيب ...

لحقتها فتاه تراقبها منذ ان دخلت حتي رحلت ثم قالت :

يا انسه استني طلبك عندي 

التفت اليها وهي تقول :

طلب ايه ؟!!

_ انتي مش كنتي عايزه منوم والصيدلي رفض يديكي

حركت فريده راسها بنعم التفت الفتاه حولها ثم اخرجت من حقيبتها علبه صغيره وهتفت :

انا معايا منوم تاخديه من هنا وتنامي علي طول بس غالي شويه 

_ مش مهم السعر انا معايا فلوس كتير

ابتسمت الفتاه ثم قالت :

جميل خالص

ثم اخرجت من حقيبتها ورقه مكتوب بها رقم هاتفها وقالت :

وخلي رقمي معاكي عشان هتحتاجيني كتير الايام جايه ..

وبعد مرور الوقت شعرت بالتبلد في جسدها وعدم الاحساس بـ اي شئ  بالاضافه الي ظهور امامها عالم خيالي ...

ظهر امامها عمر وهو يحترق بنيران حتي اختفت ملامحه باكملها واصبحت متفحمه ..

احبت ذلك الشئ الذي اعطته لها الفتاه ...

نظرت الي عمر الذي نيران تمسك بجسده مره اخري ثم ابتسمت وهي تقول :

ايوه اتحرق يا عمر اتحرق اتحرررررق كده 

نهايه الفصل التاسع عشر 

توقعاتكمم ؟!!!

تفاعل حلو بقي لان تفاعلكم قليل جدددا يعني 😭😒

الفصل العشرون ...

دلفت معه الي الشقه وسيف يقول :

الشقه هتجدد يا لولو وشكلها هيتغير خالض

تفحصت الشقه بعينيها اثاث قديم الحائط مقشر باكمله والسقف ايضآ الاضاءه خافته للغايه 

اومات راسها بالايجاب ليكمل سيف :

حياتنا هنبداها سوا من النهارده عايزين ننسي اي حاجه قديمه اتفقنا ؟!!

_ ربنا يسهل فين اوضه النوم عشان افضي شنطتي 

اشار لها ناحيه الغرفه حملت حقيبتها واتجهت لها ...

كلما تتذكر ما فعله بها عمها امام سيف تشعر بالضيق والاختناق ...

بدات بفتح الحقيبه شعرت بذراعيها تحاوطها من الخلف هاتفآ بهمس :

سيبك من الشنطه دلوقتي 

التفتت اليها وهي تقول  :

اوعي يا سيف عايزه افضي شنطه 

هتف سيف بهدوء :

انا فاهم الي جواكي شايفه ان عمك رخصك قدامي مضايقه من شكلك قدامي بس صدقيني انا مش في دماغي كل كلام ده،

مفيش حاجه تهمني غيرك 

انهي جملته وهو يضمها الي احضانه تشبتت به فسيف منذ ان تعرفت عليه واصبح كل شئ بنسبه لها كل حياتها ...

_______________

وفي يوم ما ..

تجلس علي الارجوحه الموجوده بالجنينه تسند راسها علي العمود الذي بجانبها ...

شعرت برعشه بجسدها منذ ان بدات تناول الحبوب التي اعطتها لها الفتاه وهي تشعر بالعديد من الاشياء الغريبه من البدايه وهي تعلم انها لم تكن حبوب منومه ولكنها تريد التخلص من التفكير وعدم الشعور بشئ حولها وتلك الحبوب ساعدتها علي ذلك ...

شعرت بجلوس احداهما بجانبها لم تلتفت اليه ظلت ساكنه علي حالتها ليصل اليها صوت اياد :

كل سنه وانتي طيبه سمعت من والدتك ان عيد ميلادك النهارده 

كيف لم تتذكر ذلك ؟!! اعتادت كل عيد مولد تقوم بالاحتفال بيه وتحضر اصدقائها ...

كانت تفعل كل ذلك عندما كانت حياتها مطمئنه اما الان فحياتها محطمه 

هتفت دون ان تنظر له  :

وانت طيب شكرا 

_ بابا كان عايز يعملك حفله صغيره كده بس والدتك قالت هترفضي

_ فعلا كنت هرفض انا مش عايزه حاجه سيبوني كده قاعده في حالي ومحدش له دعوه بيا

مد يديه ناحيتها ثم قال :

انا عرفت من شاهي انك كسرتي موبيلك فجبتلك موبيل جديد يارب يعجبك

التفتت اليه ثم نظرت الي حقيبه الهدايا ثم حركت راسها بالنفي هاتفه بهلع :

لا مش عايزه موبيلات ابعد البتاع ده عني ابعده 

اخفي الحقيبه خلف ظهره وهو يقول :

خلاص اهو شلته في ايه لرعب ده كله ؟!!! ده مجرد موبيل عادي يعني

_ حياتي ادمرت بسبب موبيل عادي، اسكت انت مش فاهم اي حاجه

_ طب فهميني ؟!

لم تجيبه بل نهضت من مكانها ورحلت تاركه اياه في حيره من امرها هذا ...!

وعلي بعد كان يقف فارس يراقب ما يحدث لم يعجبه ما فعله اياد اقترب منه ثم قال :

انت هتضرب صحوبيه مع بنت مرات ابوك ولا ايه ؟! 

انتبه اياد الي اخيه هاتفآ :

وايه المشكله مش عايشين مع بعض في بيت واحد 

_ ملكش دعوه بيها يا اياد ومتنساش فريده بنت مرات ابوك مش واحده من الي بتعرفهم

_ علي فكره انا مفكرتش فيها كده اصلا 

ليقول فارس :

انا بنبهك وخلاص البنات صحابك حاجه وفريده حاجه تانيه 

_ فاهم يا عم فارس ومش محتاج لتنبهيك 

_ متنساش نفسك بقي وافتكر ان البت دي تبقي بنت مرات ابوك الي مهانش عليه يستني يعدي سنه علي وفاه ماما وجاب مراته جديده تعيش في بيتها

_ فاكر 

ثم تابع وهو يناوله حقيبه الهدايا وهو يقول :

خلي موبيل ده ليك اهو ينفعك

رحل اياد تاركآ فارس يقف مكانه وينظر الي حقيبه التي في يديه ..

_______________

يراقبها ويراقب كل شئ خاص بها علم الكثير عنها وايضآ اصبح لديه العديد من الصور لها ...

قام بالاتصال برقم هاتفها وعندما وصل اليها صوته هتف بعذوبه :

انسه يسرا معايا ؟!!!!

_ اه مين معايا ؟!!

ليقول عمر :

واحد بيحبك بقاله سنين كتيره من قبل ما تعرفي الواد الصايع يوسف حقيقي مكنش يستاهل واحده زيك مش قادر افهم ازاي قدر يعمل فيكي كده ويخطب واحده غيرك ؟!!

_ انت صاحب يوسف ومتصل تشتغلني شويه ؟!!

_ انا مبصاحبش عيال صحابي كلهم رجاله يا يسرا 

_ مين جبلك رقمي ؟!!!

لم يهتم بسؤالها هذا ثم قال :

انا بحبك واقع فيكي بقالي سنين بس مش قادر اوصلك كنت بموت كل يوم وانا بتخيلك مع يوسف ولما سابك فكرت كتير اقرب بس خوفت متصدقنيش خصوصآ ان لسه جرحه موجود بس خلاص فاض بيا مبقتش قادر استحمل 

توقف عن كلماته عندما وجدها قامت بانهاء المكالمه نظر الي شاشه الهاتف وهو يقول :

ومالووو اقفلي سكه في وشي دلوقتي براحتك اووووي 

قام بارسال اليها رساله نصيه محتواها :

متحرمنيش من صوتك الجميل ده 

وعلي الناحيه الاخري 

قرات محتوي الرسال وهي في حيره من ذلك المتصل ولكن قلبها بنبض بقوه ....

___________________

اقترب من غرفتها وطرق الباب اذنت له بدخول دلف الي الغرفه تاركآ خلفه الباب مفتوح ...

كانت هادئه تمامآ مفعول القرص الذي تناولته بدا بالعمل 

_ مينفعش تسكتي علي ايدك اكتر من كده انا بتكلم معاكي بصفتي دكتور 

لاحت علي شفيتها ابتسامه ساخره وهي تقول :

انت عايز تعالج ايدي المحروقه يعني ؟! طب وروحي الي اتحرقت مين هيعالجها يا دوك 

جلس علي المقعد الموجود بالغرفه ثم قال :

ايه الي غيرك كده ؟!!! لما اتخانقت معاكي كنتي واحده تانيه غير الي شايفها قدامي دلوقتي 

عينك مكنتش مطفيه بالشكل ده، بالعكس كان فيها لمعه مميزه اول مره اشوفها في واحده 

اطلقت ضحكه عاليه هاتفه :

ده كان زمان بقي الي قدامك دي واحده مدمره كل حاجه فيها مدمره 

_ ليه ؟!!

نهضت من فراشها وتوجهت ناحيته قائله وهي تحرك راسها بالنفي قائله بآسف ;

مش هتفهمني 

_ هفهمك والله

الفضول بداخله سيقتله يريد معرفه سر تحولها لهذه الصوره ...

_ انا مش قادره اعيش حياتي لما ببقي صاحيه  عقلي مش بيسبني في حالي اسئله كتير ورغي ولما بنام بشوف كوابيس 

لم يتوصل لاجابه واضحه من كلماتها تلك فقال :

وجود بابا مع طنط هو السبب طيب ؟!!

جلست بجانبه وهي تقول :

عذبت بابا كتير كان نفسه بس يسمع كلمه كويسه منها دايما كانت بتعامله بقسوه وكرهه حتي لما يجبلها هديه كان بيجي من شغله مبسوط وفرحان ملهوف يشوف رد فعلها وهي تقوله بكل برود الدنيا كويسه مكنتش عارف تجيب حاجه احسن من كده حبها حب متستاهلهوش 

كانت غريبه امامه كلماتها تائهه منها تتحدث في العديد من الاشياء الغير مترابطه ببعضها بالاضافه الي ارتعاش جسدها اكثر من مره امامه راقب تصرفاتها بصمت لتقول هي ضاحكه :

اوعي يغرك طقم الحنيه الي بتعمله ماما ده هي عمرها ما كانت حنينه معايا اصلا غير بعد ما اتجوزت ابوك قبل كده كانت بستخسر تاخدني في حضنها 

سكتت قليلآ ثم قالت ابتسمت بالم قائله :

بابا بس الي كان بياخدني في حضنه 

اغمضت عينيها وهي تقول :

كفايه رغي بقي انا نعسانه اووي ومحتاجه انام

انهت جملتها تلك وهي تسقط بين احضانه نظر اليها فارس باستغراب ثم ازاح خصلات شعرها عن وجهها وبدا في افاقتها ولكنه توقف وتآمل ملامحها 

_ حلو تقولي انا ملكش دعوه بيها يا اياد ومتنساش انها بنت مرات ابوك وتيجي انت اوضه نومها تاخدها بالاحضان 

انتبه فارس الي اياد الواقف امامه ثم وضع فريده علي الاريكه وقال بعصبيه :

ايه الهبل الي بتقوله ده انا كنت بتكلم معاها علي عمليه وفجاه لقيتها مغمي عليها واهي قدامك مش حاسه بحاجه 

_ اغمي عليها في حضنك ؟!! 

قالها اخيه بسخريه ليقول فارس :

الزم حدودك يا اياد وروح هات اي حاجه افوقها بيها

_ لا فوقها انت بمعرفتك يا دكتور 

خرج اياد اما فارس احضر الكوب الزجاجي الموجود علي الكوميدو وبدا برش بعض قطرات المياه علي وجهها فتحت عينيها ببطء وهي تقول بصوت ضعيف :

المكان كله مليان كاميرات

فسر كلماتها تلك بانها مجرد هلاوس لا اكثر قام بحملها برفق ثم وضعها علي الفراش والقي الغطاء عليها، اغمضتت هي عينيها وراحت في النوم خرج من الغرفه ثم ذهب لااياد هاتفآ بعصبيه :

انت ازاي تفكر فيا بشكل ده 

ابتسم اياد بسخريه قائلا :

ومطلوب بقي افكر ازاي ؟!! وانت من كام ساعه بتقولي ملكش دعوه بيها وبعدين اجي القيكي واخدها في حضنك

_ بقولك كان مغمي عليها يا بني ادم 

_ اغمي عليها تفوقها مش تفضل سايبها في حضنك وسرحان فيها 

صمت فارس فاخيه محق ليقول اياد ;

ابقي فكر نفسك بقي انها تبقي بنت مرات ابوك الي اييييه؟ ابوك اتجوزها علي امك زي ما بتفكرني يا دكتور يا محترم فكر نفسك ...

نهايه الفصل العشرون ..

توقعاتكم 

تفاعل حلو عايزه اي حد بيتابع بصمت يظهر فالفصل ده عشان اعرف كام حد متابع روايتي ...

البارت 21_22_23_24_25من هنا