السادس
بعد ما شعرت ان
ايمن زعل لما شاف بلال في شقتي
وكنت هفهمة الي حصل
لكن قبل ما اتكلم
لقيتة بيقولي...
انا مفروض احاسبك علي وجود بلال عندك في شقتك
وانتي لوحدك
لكن حسابنا بعدين
لان دلوقتي حصلت كارثة ولازم اقولك عليها
قلت ... ياساتر يارب
للكاتبة حنان حسن
كارثة اية؟؟؟
رد ايمن بكسرة
وقال...
انا حصل عندي مصيبة... مصيبة ومش عارف اتصرف ازاي؟
قلت..اتكلم بسرعة يا ايمن
وقول في اية؟
رد ايمن
وقال
انا اكتشفت النهاردة ان كوثر اختي ( حامل)
بصيتلة بدهشة
وسالتة؟؟؟
قلت..حامل ازاي ؟
...اقصد عرفت ازاي؟
رد ايمن
وقال....
فاكره لما قولتلك ان في اخت من اخواتي البنات تعبت
واخدتها عشان اكشف عليها؟
قلت..ايوه
قال..يومها اخدت كوثر للمستشفي
و اخواتها البنات كلهم جم معانا
وطبعا اخواتها الاتنين دخلوا مع اختهم التعبانة...
لغرفة الكشف
وبعد لما الدكتورة كشفت عليها
خرجوا كلهم من غرفة الكشف
وكان واضح عليهم انهم متغيرين..... ومضطربين
ولما سالتهم...
اختكم عندها ايه؟
قالوا ده مجرد شوية برد في المعدة
ويومها انا اطمنت...
ان اختي سليمة ومعندهاش حاجة
لكن تاني يوم
لقيت كوثر مازالت تعبانة... وبتتقيئ ...واغمي عليها اكتر من مرة
فا اتصلت بطبيب صديقي
واشرحتلة الموضوع
فا جه لغاية هنا ...
وكشف عليها
وبعد الكشف...
لقيتة بيفاجئني
وبيقولي... انها حامل
ومن ساعة ما عرفت المصيبة دي
وانا مش عارف اعمل ايه؟
ولا اتصرف ازاي؟
بصيتلة بشفقة
وسالتة؟؟؟
قلت... طيب مقدرتش تعرف منها ده حصل ازاي؟
رد ايمن
وقال
انا لو شوفتها دلوقتي ممكن اتجنن و اقتلها
عشان كده .... انا جايلك دلوقتي
وعايزك تقوليلي اعمل ايه؟
قلت...هدي نفسك بس يا ايمن
وكل حاجة ليها حل
ما يمكن الي عمل معاها كده ناوي يتقدملها ...وهيتجوزها؟
رد ايمن
وقال بغضب..
نفسي اعرف مين الكلب الي عمل كده مع اختي .
عشان اكلة باسناني
قلت ....هدي نفسك عشان تعرف تفكر بهدوء
رد ايمن
قائلا...
انا خلاص قربت اتجنن يا شيماء
قلت...
اصبر بس يا ايمن....
وانا هحاول ...
اتقرب من اختك ...
واعرف منها ...مين الي عمل معاها كده؟
ولو عرفناه ساعتها هنقدر نقنعة بانه يتزوجها
وساعتها هتتحل المشكلة
بصلي ايمن
وعينة بتتوسل ليا بالرجاء
وقالي...ياررريت
ياريت يا شيماء تتحل المشكلة
للكاتبة حنان حسن
واصحي من الكابوس الي انا فيه ده
قلت..باذن الله هتتحل
خليك انت بس هنا مع الاولاد
وانا هنزل واحاول مع كوثر
عشان اقرب منها واخليها تطمنلي...
وتقولي مين الي عمل معاها كده
هز ايمن راسة
وقالي.. حاضر...
هستناكي هنا مع الولاد
بس ارجوكي...
بمجرد ما تعرفي منها اي معلومة
تطلعي بسرعة تعرفيني
قلت...تمام
وبالفعل نزلت لشقة اخواتة الارامل ....
وبعد ما رنيت الجرس
اتفتح الباب
ولقيت (همت) اخت ايمن الوسطي في البنات...
هي الي فتحت الباب
ولقيتها بتقابلني ببرود
وبتسالني؟؟؟
ايوه يا شيماء في حاجة؟
قلت... لا مفيش حاجة
انا بس كنت نازلة اقعد معاكم شوية
بصيتلي بتعجب
وافسحت ليا طريق للمرور
وبعد ما دخلت من الباب
سالتها؟؟؟
قلت...امال اخواتك فين؟
ردت همت
وقالت
درية بتاخد شاور...
وكوثر تعبانة
قلت...الف سلامة علي كوثر
وسالتها؟؟؟
قلت...ممكن اشوف كوثر؟
قالت...اتفضلي ...ادخليلها
وبالفعل...
دخلت لكوثر
ولقيتها قاعدة في السرير وهي حزينة ...و مكسورة
فا اخدتها في حضني
وقلتلها.... الف سلامة عليكي يا كوثر
بصيتلي كوثر.... والدموع في عنيها
وقالتلي...
الله يسلمك يا شيماء شكرا لسؤالك
قلت...اسمعي يا كوثر
انتي عارفة طبعا
اني بقيت زوجة اخوكي
يعني انا دلوقتي بمثابة اخت رابعة ليكي
هزت كوثر راسها
للكاتبة حنان حسن
وقالت...
ايوه طبعا يا شيماء انا بعتبرك اخت ليا
لما شوفت كوثر بتتكلم بانكسار وبتاخد وتدي معايا في الكلام
اتشجعت اني افتح معاها الموضوع
قلت.. اسمعي يا كوثر
انا عايزة اكلمك في موضوع
قالت...موضوع ايه؟
قلت...
ايمن اخوكي عرف انك حامل
بصيتلي كوثر بدهشة
وسالتني
قالت..ايه الكلام الي انتي بتقولية ده؟
قلت... الدكتور الي كشف عليكي قال لايمن انك حامل
وبصراحة ...اخوكي هيتجنن
وممكن يرتكب جريمة
انفجرت كوثر بالعياط
بمجرد مت فاتحتها في الموضوع
بصراحة الموقف كان صعب
لكن ...كان لازم اكمل كلامي
فا قلتلها...
العياط مش هو الحل يا كوثر
الحل الوحيد في الظروف الي زي دي
هو اننا نعرف مين ابو الجنين الي في بطنك
عشان نتكلم معاه ونقنعة بالزواج منك
وساعتها هنتجب مشاكل كتير ممكن تحصل
ردت كوثر....
والدموع في عنيها
وقالت...
اقسملك يا شيماء انا ما عملت حاجة مع حد
ولا حد لمسني
ولا حتي اعرف الحمل ده جه منين وازاي
وفي اللحظة دي
اعتقدت بان شيماء.... بتنكر معرفتها بالي عمل معاها كده
عشان تحمية من اخوها
لان الي هي بتقولة ده مش منطقي
ازاي واحده محدش لمسها وهتبقي حامل من مفيش؟
وقولت احاول معاها مره تاني
فا قلتلها بهدوء..
اسمعي يا كوثر..
انتي لو خايفة من ايمن...
او خايفة علي ابو الجنين
من ايمن
انا علي استعداد ...
اني اخلي ايمن ...يتعهدلك بانة مش هيلمس حد فيكم...
بالعكس...
دنا هخلي ايمن يجوزكم لبعض
للكاتبة حنان حسن
عشان العيل الي في بطنك لازم ينتسب لاب
ردت كوثر وهي منهارة
وقالت.. انتي ليه مش عايزة تصدقيني ؟
بقولك محدش لمسني
ومفيش راجل دخل البيت ده غير ايمن اخويا
اقسملك يا شيماء اني معرفش مين ابوه
وفضلت كوثر تلطم ...وتعيط وهي منهارة
ووقفت ابصلها ...
وانا مستغربة
من الي بشوفة وبسمعة
ايه الي بيحصل ده؟
واضح ان كوثر منهارة بجد
ومش بتمثل
وشكلها كده فعلا مش بتكدب
طيب ازاي هي حامل؟ ومن مين؟
وفضلت افكر في اللغز ده
ومخرجتش باي نتيجة
وفي الاخر ...
لقيتني بسال كوثر
قلت...
طيب ما يمكن التشخيص بتاع الدكتور كان غلط؟
ردت كوثر عليا
وهي ما زالت منهارة بالعياط
وقالت...
ايوه يا شيماء
انا متاكدة ان التشخيص غلط
ارجوكي ساعديني... وخديني لاي مستشفي
عشان اكشف تاني
قلتلها...
ماشي قومي وتعالي معايا
عشان نكشف ونتاكد
وبالفعل...
اخدت كوثر معايا لاحد
المستشفيات
وشرحت للدكتورة الي حصل
وبعد الفحص ....وعمل التتحاليل الطبية
بصت الدكتورة لكوثر
وقالتلها...
لازم تاخدي بالك من صحتك يا كوثر الفترة الجاية
ولقيت فضولي غلبني
فسالت الدكتورة
قلت...معلش يا دكتورة احنا عايزين نعرف
هي كوثر حامل فعلا ولا لا؟
ردت الطبيبة بثقة
وقالت..
ايوه يا ستي مبروك
كوثر حامل بالفعل
للكاتبة حنان حسن
ولازم تاخد بالها من صحتها من هنا ورايح
بصيت لكوثر الي دموعها بدات تنزل تاني
وقلت...يعني الحمل مؤكد يا دكتورة
قالت..ايوه طبعا الكشف والتحليل
بيقولوا انه مؤكد
شكرت الدكتورة واخدت كوثر من ايديها ومشينا
ولما روحنا للبيت
وصلتها لشقتهم
وطلعت انا لايمن فوق
و سالني ايمن... بلهفة وقلق
قال...
عملتي ايه يا شيماء؟
عرفتي منها مين الي عمل كده؟
قلت...لا
قال...يعني ايه لا؟
قلت...هي بتقول انها متعرفش مين الي عمل معاها كده
رد ايمن بعصبية
وقال...يعني ايه متعرفش؟
انا هنزل اقطع من جسمها لغاية ما تقول هو مين؟
قلت... اسمع يا ايمن
المسائل دي مش بتتاخد كده
سيب الامور تهدي
واكيد بعدين... هي هتراجع نفسها
وهتعرفنا هو مين؟
فضل ايمن يتعصب وينعي حظة
وهو ياعيني... منهار ...ومش عارف يعمل ايه؟
ولما شوفت ايمن منهار
طلبت منة يفضل معانا في شقتنا
ويرجع يقعد في
غرفتة زي ما كان
ومينزلش عند اخواتة اليومين دول خالص
بدل ما يتهور ويعمل في كوثر حاجة
وبالفعل سمع ايمن كلامي
ورجع تاني يقعد معانا انا والولاد
وبعد مرور الايام
نزلت ابص علي كوثر واشوفها عاملة ايه في الحمل
واتفاجئت بان الي بتفتح ليا الباب
واحدة ست اول مرة اشوفها
فا سالتها؟؟
قلت...هي كوثر واخواتها موجودين؟؟؟
للكاتبة حنان حسن
واستمرت المراة في النظر الي دون ان تنطق بكلمة واحدة
وفي اللحظة دي
سمعت كوثر بتكلمني من ورا الباب
وبتقولي...
ايوه احنا هنا
ادخلي يا شيماء
ولقيتها بتعرفني بتلك المراة
وبتقولي...
دي ام ابراهيم
الشغالة الجديدة
قلت..امال مش بترد عليا ليه؟
ردت كوثر
وقالت ..
اصلها...غلبانة يا عيني
مش بتتكلم... ومش بتسمع
لكن شاطرة جدا
قلت...وجيبتوها منين دي؟
ردت كوثر
و قالت
اخوها يبقي السواق الي بيشتغل عند ايمن اخويا
واخوها بيقول...
انها كانت متزوجة ومعاها ولد اسمه ابراهيم
لكن ابنها مات هو وزوجها في حادثة
ومن يومها
فقدت النطق... والسمع
وفضل اخوها متكفل بيها لغاية
ما مراتة عملت مشكلة و كانت عايزة تطردها
ولما اخواتي البنات عرفوا بظروفها...
اخواتي البنات جابوها عشان تعيش معانا ...و تساعدهم في البيت
اصلي معدتش بقدر اساعدهم بسبب الحمل
قلت...تمام
وبصيت علي ام ابراهيم لقيتها قمة في النشاط
كان واضح انها فعلا غلبانة
وده كان واضح من جسمها النحيف
وباين ياعيني انها عانت كتير
وبصراحة... صعبت عليا لما سمعت حكايتها
فا شاورتلها باشارة تحية
وقلت...اهلا يا ام ابراهيم
ابتسمت ام ابراهيم وهزت راسها وهي بترد التحية
ولقيت كوثر بتقولي...
لو محتاجة تاخديها عندك فوق
تساعدك
انا ممكن ابعتهالك في اي وقت
ابتسمت لكوثر
وقلت...شكرا يا كوثر كلك زوق
ردت كوثر
وقالت...
بصراحة يا شيماء المفروض اني انا الي اشكرك
كفاية انك منعتي ايمن اخويا من
انه ياذيني
ولولا وجودك كان زمان ايمن قتلني
بصيت لكوثر
و قلت... ايمن بيحبك وخايف عليكي
قالت...عارفة انه بيحبني وبيخاف عليا
لكن انا خذلتة للاسف
واثناء ما كنا بنتكلم انا وكوثر
سمعت الجرس
ولقيت ام ابراهيم بتفتح الباب
للكاتبة حنان حسن
وسمعت صوت زعيق وصوت عالي
ولما ركزت مع الصوت
لقيتة...
صوت نادية بنت عم ايمن
وبالفعل بعد دقيقة
دخلت نادية بنت عمهم
وهي بتزعق.... وتشتم
وبتقول...
هو ايه القرف الي بقينا فيه ده؟
وكانت هتكمل في الصراخ والزعيق لكن....
بمجرد ما شافتني قاعدة مع كوثر....
توقفت عن الصراخ وفضلت تبصلي
فسالتها كوثر
وقالت...ايه الي حصل يا نادية؟
ردت نادية
وقالت...
الزفت السواق بتاع ايمن خبط عربيتي
وهو بيركن عربية ايمن
و بصت نادية ناحيتي
وحبت ترمي عليا الكلام
عشان تحرق دمي
وقالت..
انا نفسي اعرف
ايمن بيتلم علي العالم الزبالة دول منين؟
وفي اللحظة دي
حبيت اردلها التحية
وقررت احرق دمها انا كمان
فا بصيت لكوثر
وقلتلها...
انا هطلع بقي يا كوثر عشان اخوكي ايمن
بيستعجلني ...اصلنا خارجين
وسالتني كوثر
وقالت.. خارجين رايحين فين؟
قلت...
ايمن قالي... انه عايز يخرج معايا
عشان يجيبلي الخاتم الماظ الي كان وعدني بيه
ردت كوثر
وسالتني
والهدية دي بمناسبة ايه؟
قلت...ايمن قالي ان الهدية دي تعبيرا منه
عن حبة ليا... وسعادتة معايا
وفي اللحظة دي
كنت متاكده ان نادية عايزة تولع فيا بجاز
وبصيت لنادية وانا ببتسم ابتسامة مستفزة
وقلت...
سلام بقي يا كوثر عشان ايمن (جوزي) بيستعجلني
واتكيت اوي علي (جوزي )دى
وخرجت من باب الشقة
وانا متاكده....
ان نادية يومين كمان... وهيلاقوها ماتت مفروسة
المهم ...خرجت من باب الشقة
وكنت هطلع لشقتي... لكن وانا خارجة
اصطدمت بشخص غريب
للكاتبة حنان حسن
اول مره كنت اشوفة
كان واضح من هدومة انه شخص غلبان و بسيط
ولقيتة بيعتذر
وبيقولي...
انا اسف يا ست مشوفتش حضرتك
قلت ..انت مين؟
رد الشاب
وقالي...انا هدهد السواق
وبعتذر تاني عن العربية الي انا خبطتها لحضرتك
قلت...هو انت الي خبطت العربية لنادية؟
قال..غصب عني والله يا ست
قلت..
لا بالعكس يا هدهد دنتا الي عملتة ده شيئ عظيم
عموما صاحبة العربية الي انت خبطتها جوه ادخلها
وسيبتة يدخل لنادية
وطلعت لشقتي
وفي اليوم ده
اتعرفت علي شخصيتين جداد
في البيت
وهما ( هدهد) السواق
واختة( ام ابراهيم)
ولما طلعت لقيت ايمن مازال حابس نفسة في غرفتة
وتقريبا كان بيعاني من الاكتئاب
فا حبيت اخفف عنة
فا دخلت عنده الاوضة
وفضلت احكيلة عن الي الي حصل مع نادية وهدهد السواق
وفضل ايمن يضحك
كنت ملاحظة ان ايمن كان بيضحك لكن كان حزين
فا اقترحت عليه انه يروح يقعد مع بلال شوية
بدل الحبسة دي
لكن ايمن مرضيش يخرج ويروح لبلال
فا روحت انا لبلال
وفهمتة ان ايمن بيمر بحالة اكتئاب
بسبب مشاكل في الشغل
وطلبت منه
انه يدخل لايمن
ويحاول يخرجة من الي هو
فيه
وبالفعل....
دخل بلال عندنا الشقة
وحاول يخرج ايمن من الحالة الي هو فيها
واصبح بلال بيتواجد عندنا بشكل يومي
للكاتبة حنان حسن
يعني تقدروا تقولوا
ان بلال كان بيتواجد في شقتنا ليل نهار ...
وكنت انا بسيبة مع ايمن
وادخل انا لغرفتي
واستمر الوضع علي كده فترة
وبعد مرور الايام...
لاحظت حاجة غريبة
لاحظت ان قسمة بنتي فيها حاجة مش طبيعية
ديما جسمها همدان ومش بتلعب مع اخوها زي الاول
وخوفت لا تكون مريضة
او فيها شيئ
فا قلت لايمن
اني عايزة اخد بنتي واكشف عليها
فا قالي
ماشي...
انا بس هخلص المشوار الي ورايا
واخدك بعد المغرب ونكشف عليها
قلت ...تمام
وبعد ما قفلت معاه
فضلت ابص للبنت و كنت قاعدة قلقانة عليها
وفي اللحظة دي
لقيت بلال بيرن الجرس
ولقيتة بيسال عن ايمن
وجايب معاه اكل
فا قلتلة ..ايمن خرج لشغلة شغلة
لقيت بلال فرح
بخروج ايمن من حالتة
وقالي....
اخيرا خرج من القوقعة
قلت..اه الحمد لله فعلا ...
انه بدء يعيش حياتة
عادي
ولما شافني بلال وانا بتكلم بحزن
سالني
وقال..وانتي ايه حكايتك انتي كمان ضاربة بوز ليه؟
قلت..
اصل قسمة بنتي شكلها متغير وحاسة انها تعبانة
رد بلال
وقال..
طيب ما تكشفي عليها؟
قلت..منا قلت لايمن
وهو هيعدي عليا بعد المغرب عشان نكشف عليها
ابتسم بلال
عشان يهون عليا
وقال طيب يلا انا
عازمك النهاردة
علي اكلة سمك...
يلا قومي عشان تاكلي معايا
وفي ميعاد الدكتور انا هاجي معاكم
قلت..بس انا مش جعانة
رد بلال
وقال...
مفيش الكلام ده
دي اكلة سمك هتكلي صوابعك وراها
وبعد الحاح من بلال
للكاتبة حنان حسن
اكلت فعلا معاه من السمك
وبعد الاكل
بلال جالة تليفون... وسابني ونزل وهو مستعجل
وبعد ما بلال نزل
دخلت عشان اغسل ايدي
لكن وانا في الحمام
حسيت ان راسي تقيلة
ورجليا مش قادرة تشيلني
فا استغربت نفسي
انا ايه الي بيحصلي ده؟
وحاولت اغسل وشي بمية عشان افوق
لكن قبل ما اوصل للحنفية
لقيت الدنيا لفت بيا ...
ووقعت علي الارض ....
وغيبت عن الوعي
و بعد ما رجعت للوعي وفوقت
من الغيبوبة الي كنت فيها
فتحت عنيا وبصيت حواليا
وحاولت اقوم ....وبمجرد ما قمت
اكتشفت شيئ لن تتوقعوه......
لو عايز الجزء السابع من هنا
تعليقات
إرسال تعليق