 |
قصتنا الجديده مين حيتابع يارب تنال اعجابكم 👇👇👇👇
- بقولك اي تعرف البنت ال هناك دي
= فين دي؟
- البنت الحلوة ال قاعدة ف الاول دي
= اااه قصدك سما .. اسمها سما
- حلو عرفنا اسمها .. حكايتها اي دي بقي
= بصراحة هي غريبة شوية ، هادية كده زيادة عن اللزوم وف حالها ومن واحنا ف سنة اولي عمري م شوفتلها صاحبة ولا حتي صاحب والبنات هنا معظمهم بيغيروا منها
= ليه اشمعنا يعني
- زي م انت شايف كده البت قمر وعيونها زرقة وبتطلع دايما الاولي علينا .. ده انا كولد بحقد عليها ، بس قولي مالك مهتم بيها اوي كده
= مش مهتم بس كل بروڤة بتيجي المسرح اول واحدة وتقعد ف نفس المكان وبحسها غامضة كده .. سيبك الفرقة جهزت؟
- اه كله جاهز
= حلو اوي خمس دقايق وهنبدأ
- تمام يا مايسترو
* بعد البروڤة والكل بيخرج م المسرح *
- سما
سما بتبص بإستغراب
= انا يا مايسترو
- مش انتي اسمك سما!
= اها
- يبقي انتي .. ممكن ثانية لو سمحتي
البنات ف المسرح بتبص عليها بغيرة ، ال هو مين دي ال المايسترو نده عليها وياتري عايزها ف اي
= هو حضرتك عرفت اسمي ازاي!
- سمعت حد من صحابك بينادي عليكي
= لكن انا معنديش صحاب
- ليه؟!
إتوترت
= عادي ..انا لازم امشي عشان اتأخرت ، بعد اذن حضرتك
لفت وراحت ناحية الباب قام سبقها ووقف قدامها
- علي فكرة في بروڤة بكرة كمان عشان المسابقة قربت اتمني يعني انك تيجي
= اه منا سمعت حضرتك لما قولت للفرقة انكم مضغوطين
- اه صح فعلا
ردت بإبتسامة
= حاجة تانية
- لا لا مفيش
= سلام
- مع السلامة
المايسترو بيقول لنفسه: البنت دي غريبة اوي ، اي ده وانا مالي اصلا
* ف بيت سما *
- سما تعالي هنا عيزاكي ف موضوع مهم
= اتفضلي يا ماما
- انا قررت انك لازم تسيبي الكلية دي وتنزلي معايا الشغل ردت بصدمة
=انتي بتقولي اي يا ماما
- زي ما سمعتي كده والنقاش مرفوض
وقفت وردت بعصبية
= ال انتي بتطلبيه مني ده مستحيل ، مستحيل انزل صالة كلها ناس سكرانة وبتلعب قمار واكون جمب ال يكسب ، مستحيل اخلي نفسي سلعة حقيرة ورخيصة ، مستحيل اغضب ربنا واعيش بفلوس حرام عشان حضرتك عايزة كده.
الام اتعصبت وضربتها بالالم ومسكتها من دراعها
- انتي اتعديتي حدودك ، الظاهر نسيتي ان الفلوس الحرام دي هي ال كبرتك وعلمتك وخلتك بني آدمة وهي ال خلتك تلبسي احسن لبس ويبقي عندك عربية ورصيد ف البنك ، مكانتش حرام ليه وقتها؟؟
وزقتها فوقعت ع الارض
- ابوكي لما مات ما سابش حاجة نعيش بيها سابنا ع الحديدة ولا نسيتي لو نسيتي افكرك
سما قامت من ع الارض وردت وهي بتعيط
= اللبس والدهب والرصيد ال ف البنك انا بقيت ف غني عنهم اتفضلي خديهم مش عيزاهم ، وبالمناسبة انا زمان مكنتش لا فاهمة ولا عارفة الفلوس دي منين ويوم ما كبرت وفهمت اترجيتك تبطلي ال بتعمليه قولتيلي خلاص يبقي اصرفي انتي ع البيت ، مسكتيني من ايدي ال بتوجعني عشان كنت لسة صغيرة وعايرتيني بالحاجة ال بتجيبيهالي زي ما عملتي دلوقتي كده من يوميها وانا بلعن الساعة ال اتولدت فيها بقيت بتمني الموت كرهت نفسي وكرهت الناس ال حوليا وبقيت واحدة جبانة وخايفة حد يقرب مني ويعرف حقيقتي ، والالم ال انتي ادتيهولي دلوقتي ده لاني عريتك قدام نفسك وعرفتك حقيقتك
الام اتعصبت وعنيها احمرت من النرفزة وشاورت ع الباب
- اطلعي برا
= انا همشي واوعدك مش هتشوفي وشي تاني.
وخرجت م البيت
- ف ستيييييين داااهيةةةة
وقعدت تكسر ف البيت
..
سما طلعت م البيت وفضلت تجري كأنها بتهرب من حد ومكانتش عارفة بتجري ليه ولا بتهرب من مين كان كل همها تبعد وتنجي نفسها من القرف ال كانت عايشة فيه ، كانت الدنيا ليل وضلمة وفجأة لقت عربية ف وشها ونور العربية كان عامي عنيها فوقفت مكانها من الخوف فالعربية خبطتها ووقعت ع الارض
نزلت واحدة من العربية تقريبا ف سن الخمسين وكانت مرعوبة وبتترعش من ال حصل ومسكت موبايلها ورنت علي رقم ورد عليها
- الو .. ايوة يا ماما
ردت وهي بتنهج
= يوسف.. الحقني خبطت واحدة بالعربية وشكلها ماتت يتبع...
كان_لي_طوق_نجاة❤️🙋♀️
ل الاء محمود 💛
رأيكوا
البارت التاني🖤
(وقفنا آخر مرة لما واحدة ف سن الخمسين خبطت سما بالعربية...)
* في المستشفي تحديدا ف مكتب د/ يوسف *
- يوسف طمني الله يخليك هي كويسة
= يا ماما متقلقيش هي كويسة شوية كدمات بسيطة مش اكتر .. اهدي
بتاخد نفسها
- الحمد لله ، بجد قلبي اتقطع عليها البنت زي الملاك
بتدخل الممرضة
الممرضة: اللمون ال حضرتك طلبته يا دكتور
- اتفضلي يا ماما طلبته لحضرتك عشان اعصابك ترتاح
= شكرا يا حبيبتي
الممرضة: تحت امرك يا فندم ، دكتور في حاجة كده كنت عايزة اقولها لحضرتك
- قولي يا هناء خير
هناء الممرضة: المريضة ال كانت جاية ف حادثة عربية..
الام اتفزعت
- مالها .. حصلها اي
= اهدي بس يا امي ، اتكلمي يا هناء مالها
هناء الممرضة: وانا بغيرلها المحلول كانت بتخترف وبتقول اسم حضرتك يا دكتور
الام بصتله باستغراب وهو اتوتر
-إ .. إسمي انا
هناء الممرضة: ايوة يا دكتور
- طيب طيب .. اتفضلي انتي
هناء الممرضة: بعد اذنكوا
- هو انت تعرف البنت دي قبل كده يا يوسف
رد من غير تفكير
= لا .. اه
ردت بإبتسامة
- يعني لا ولا اه
= اه بس مش بالظبط
- بمعني
= هي ف كلية فنون جميلة ال انا بعمل بروڤات فيها وكانت بتحضر البروڤات زيها زي غيرها
- هي اسمها اي
رد بسرعة
= سما
- اي ده انت تعرف اسماء كل البنات ال بتحضر بروڤاتك
رد بتوتر
= قصدك اي يعني يا ماما
ضحكت وبعدين وقفت
- لا مقصدش حاجة ، انا هروح اطمن جدك عشان كان قلقان وانا خلاص اتطمنت عليها لانها ف ايد امينة .. يلا سلام
= سلام يا ماما سلام
بيقول لنفسه: ايييه مالك فرحان اوي كده عشان قالت اسمك ، عادي يعني بتحصل يمكن عشان هي فتحت عنيها لما اسعفتها وشافتني اخر واحد .. اه اكيد هو كده ، بس انا فرحان ليه بردو
سما فاقت واتصدمت لما لقت نفسها ف المستشفي فقامت من ع السرير وكانت عايزة تهرب واول ما فتحت الباب لقت يوسف ف وشها
- رايحة فين؟
= يوسف
إتأثر لما نطقت اسمه وحس بحاجة غريبة بس مبينش وتمالك نفسه
-
احم.. انتي كنتي رايحة فين؟!
= اناااا .. انااا
- انتي لسة تعبانة ومينفعش تطلعي من هنا وبعدين اكيد اهلك قلقانين عليكي فلو سمحتي هاتي رقم اي حد منهم عشان اطمنهم
ردت بتوتر
= اهلي! اهلي مين ، مين اهلي؟
رد باستغراب
- مش عارفة اهلك مين!
عنيها بتهرب من عنيه
= معرفش مش فاكرة
وقطع كلامهم مامت يوسف
مامت يوسف: سما .. الحمد لله انك بخير
ردت بابتسامة بريئة
= حضرتك تعرفيني
مامت يوسف: مش عارفة اقولك اي بس والله مكان قصدي ابدا .. ارجوكي سامحيني
= حضرتك ال خبطتيني
مامت يوسف بحزن: للاسف ايوة
= طيب وليه ماموتش
مامت يوسف: بعد الشر عليكي يا حبيبتي ليه بتقولي كده
- هي تبقي امي كمان يا سما ، وبالمناسبة يا ماما سما هتقعد عندنا ف البيت شوية لانها عندها فقدان ذاكرة ومش فاكرة اهلها
وغمز لمامته
مامت يوسف: اه اه اكيد معنديش مانع طبعا ال تشوفه يا حبيبي
= بس انا مش هق...
- لا مش عايز اي اعتراض انا من هنا ورايح ولي امرك لو تسمحيلي يعني لغاية ما تفتكري حاجة توصلنا لاهلك
سما اتوترت وبصت ف الارض
مامت يوسف: خلاص السكوت علامة الرضا
- تمام ..صحيح يا سما محتاجين اسمك بالكامل وسنك عشان الاجراءات ف المستشفي هنا معقدة شوية
مامت يوسف: طيب خلصوا انتوا الاجراءات دي وانا هستناكوا ف العربية
- اتفضلي يا امي
* ف بيت يوسف *
مامت يوسف بصتله وزي ما تكون عايزة تقوله حاجة
- عارف يا ماما عايزة تقولي اي
مامت يوسف: انا بس عايزة اعرف هي عندها فقدان ذاكرة فعلا مش انت قولتلي كدمات بسيطة
- لا مش فاقدة الذاكرة .. بس هي بتدعي ده
مامت يوسف: طيب ليه
- مش عارف بس اكيد في حاجة مش عيزانا نعرفها ، انا هروح انام ونبقي نكمل كلامنا بكرة تصبحي علي خير يا امي
مامت يوسف: وانت من اهله يا حبيبي
* ف اوضة يوسف *
نايم علي السرير وبيقول لنفسه: ياتري اي ال انتي مخبياه يا سما ، اي سر الغموض ال بيثير فضولي ده وليه مشغول بيكي للدرجادي ، ليه من اول ما شوفتك وانا حاسس ان فيه حاجة قوية بتربطني بيكي ، ياتري حكايتك اي
بيفتكر اسمها وبيردده
سما عبد الرحمن السباعي .. سما عبد الرحمن السباعي .. سما عبد الرحما...
وقام من ع السرير فجأة
- لا .. مستحيل
يتبع....
اتمني لكم قراءة ممتعة📝📚
واتمنى تشجعونا 🌸علشان استمر في انشر
البارت التالت والاخير 🖤
(وقفنا آخر مرة لما يوسف كان بيردد اسم سما وقال:
لا .. مستحيل)
* تاني يوم *
- صباح الخير يا ماما
مامت يوسف: صباح النور يا حبيبي ، اي ده مال عينك
- لا مفيش بس منمتش امبارح كويس ، اومال فين جدي
مامت يوسف: مش هتصدق ، جدك قام م الصبح هو وسما وهاتك يا رغي وهزار
- معقول ده يا ماما .. جدي لسة تعبان ازاي يقوم من علي سريره وهو ف الحالة دي قولتلك انه محتاج راحة
مامت يوسف: يا حبيبي ما انت عارف جدك دماغه ناشفة وانا مبقدرش عليه ، بس مشعارفة ليه مبسوطة لانه اندمج مع سما كده
- طيب طيب يا ماما انا لازم اطلع دلوقتي عندي مشوار مهم وبعدين هطلع ع المستشفي
مامت يوسف: مش هتفطر طيب
- لا مليش نفس .. بعد اذنك
وباس ايديها
مامت يوسف بتقول لنفسها: اول مرة مشوفش ف عنيك اللمعة ال بشوفها لما تتجاب سيرتها يا يوسف
* ف الجنينة *
الجد: حفيدي الحلو صحي واخيرا
- صباح الفل يا جدي
وباس راسه
- انا طالع عشان متأخر عايز حاجة اجبهالك معايا؟
سما بصاله ومبتسمة ومستنياه يبصلها ويكلمها
الجد: سلامتك يا حبيبي * وبيشاورله بعنيه علي سما عشان يكلمها *
- عن اذنك يا جدي
سما اتضايقت ووشها قلب واستغربت هو ليه تجاهلها كده
الجد: يا ام العيون الحلوة اي روحتي فين
ردت وهي بتعيط
- هو انا عملت حاجة يا جدي
الجد مستحملش يشوفها بتعيط وخدها ف حضنه وطبطب عليها وحس بإحساس ملوش تفسير وهي ف حضنه فسألها من غير تفكير
الجد: انتي عندك كام سنة يا سما
ردت وهي بتمسح دموعها
= 21 يا جدي
الجد: لسة مش فاكرة اي حاجة عن اهلك
بعدت عنه واتوترت
= لا .. لا مش فاكرة
الجد: طيب يا بنتي خلاص متضغطيش علي نفسك .. انا اسف حقك عليا
= انا ال اسفة يا جدي ، معلش انا تعبانة شوية هطلع اوضتي بعد اذنك
الجد: ال يريحك يا بنتي
* ف بيت مامت سما *
الباب خبط ومامت سما فتحت الباب
- مدام هدي ؟
هدي مامت سما: مين حضرتك!
- انا يوسف حفيد السباعي ، عرفتيني!
إتوترت
هدي: انت .. انت عرفت عنواني منين
- مش مهم ممكن ادخل ولا لازم محرم * بيتريق *
كانت هتقفل الباب ف وشه
- عايزك ف حاجة بخصوص سما
اول ما سمعت اسم سما عيطت
هدي: بنتي .. فين بنتي .. عملتوا فيها اي
دخل وقفل الباب ورد بعصبية
- يعني مش عارفة هي فين!!! زقتيها عليا وبعدين علي امي ودلوقتي جدو اتعلق بيها انتي اي شيطانة عايزة مننا اي تاني ده جدي جاتله جلطة بعد موت ابنه وانهار لما عرف ان آخر حاجة من ريحة ابنه ماتت هي كمان ، كل ده مش مكفيكي وجيبالنا بنت تدخل حياتنا زي التعبان وتدمرنا كلنا ، لا نجوم السما اقربلكوا من عيلتي
ردت وصوتها مبحوح من العياط
بنتي عايزة بنتي هاتلي بنتي ومش عايزين منكوا حاجة
بصلها وزي ما يكون اتأثر وحس انها صادقة ودور ف الشقة لغاية ما لقي اوضة فيها لوحات كتير فعرف انها اوضة سما وفضل يفتش فيها ولقي البطاقة وشهادة الميلاد واتأكد فعلا انها بنت عبد الرحمن السباعي ولقي مكتب عليه لوحة متغطية واچندة ، شال الغطا عن اللوحة ولقي صورته فضل باصص ع الصورة بذهول ودموعه كانت بتنزل لوحدها بس كان من جواه طاير م الفرحة ، خد الاچندة وقعد ع الارض وفتح اول صفحة:
" ما كدبش ال قال ان احلي حاجة ف حياتنا بتحصل صدفة ، عمري ما كنت اتخيل ان صدفة تغيرلي حياتي وتخلي ليها معني ولون ، كنت مقررة اني انهي حياتي وكل القرف ال انا عايشة فيه انهي الواقع ال اتفرض عليا ومش عارفة اغيره ولا حتي اتجاهله ، روحت للبحر ال لما اكون تعبانة ومهمومة مش بلاقي غيره يسمعني ويفهمني وخلاص حياتي كانت هتنتهي بس فجأة سمعت صوت من كتر جماله قلبي اترعش لما سمعته ، صوت يوسف"
لما شاف اسمه حط ايده علي وشه وبدأ يعيط بصوت بس تمالك نفسه وقلب الصفحة وكمل قراية
" اول ما شوفته وهو بيغني حسيت ان قلبي هيطلع من مكانه حسيت انه بيغنيلي انا مع انه ف الحقيقة ميعرفش بوجودي اصلا ، ركزت ف ملامحه عشان منساش اي تفصيلة فيه ، قولت هأجل قرار الانتحار يوم واحد وروحت ورسمت الرسمة دي قبل ما انسي التفاصيل لاني مكنتش عايزة انسي ملامحه البريئة دي مكنتش عيزاها تتشال من ذاكرتي ، مكنتش عارفة اني تاني يوم هشوفه ف الكلية وانه يطلع المايسترو الجديد لفريق الكورال بتاعنا ، قررت مفوتش ولا بروڤة ابتديت اتمسك بالحياة من اول وجديد عشان بس اشوفه ، لما كان بيبصلي كنت بحس عنيه بتحضن عنيا كنت ببقي مطمنة .. انا بحبك ايوة بحبك يا يوسف"
رد من غير تفكير
-
وانا كمان بحبك يا سما
يوسف طلع من الاوضة ولقي هدي مامت سما كانت قاعدة ف الصالة برا ومش حاسة ب ال بيحصل حواليها فقعد جمبها
- ليه كذبتي ليه قولتي انها ماتت .. ليه
هدي بعياط: كنت خايفة تخدوها مني
- طب وما حافظتيش عليها ليه .. ليه توصليها لدرجة انها تتمني الموت .. ليه
هدي فضلت تعيط ومعرفتش ترد علي كلامه ويوسف سابها وخرج م البيت
يوسف راح بيته وقال لمامته وجده علي كل حاجة ووراهم البطاقة وشهادة الميلاد عشان يتأكدوا ، الجد من المفاجأة تعب ويوسف راح جاب جهاز الضغط عشان يقيسه
مامت يوسف: بابا حبيبي انت كويس
الجد: كنت حاسس يا بنتي كنت حاسس.. نفس لون عيون اخوكي عبد الرحمن الله يرحمه انا كنت حاسس بس مش قادر اتكلم
مامت يوسف بفرحة: انا كمان ارتاحتلها اول ما شوفتها حسيت انها زي بنتي
سما سمعت الكلام ده وهي واقفة علي سلم الڤيلا وكانت الصدمة مسيطرة عليها تماما وبتترعش ولقت نفسها بتهرب من باب بلكونة اوضتها وبتجري علي بيت مامتها ، ولما وصلت لقيت باب الشقة مفتوح وامها واقعة ع الارض وسايحة ف دمها بس كان فيها الروح جرت عليها وهي بتعيط
- ماما .. ماما ردي عليا ماما مين عمل كده متسبنيش يا ماما قومي انا مليش غيرك .. ماما انا اسفة
بترد بصعوبة
= انا ال اسفة اني كنت اوحش حاجة ف حياتك ، انتي ليكي عيلة بيحبوكي هكون مطمنة ونتي معاهم ، ياريتني كنت سمعت كلامك ، كان لازم اعرف ان اخرة الحرام لازم تكون كده .. سامحيني وادعيلي * وماتت *
طلع ال قتلها واحد من ال معاها ف شغلها البطال
..
* بعد 3 اسابيع *
سما راحت البحر وكانت هتنتحر لانها فكرت ان يوسف كان عارف الحقيقة ومخبي عليها
- كنت عارف اني هلاقيكي هنا
= يوسف .. عايز اي وعرفت مكاني ازاي
- والله العظيم مكنت اعرف حاجة ارجوكي صدقيني
= امشي وسيبني لوحدي لو سمحت
- معادش ينفع تبقي لوحدك خلاص
فجأة الشط اتملي ناس بما فيهم الجد والعمة *مامت يوسف*
وكمان الفرقة وغنالها " قول حبيبي انك معايا وجمب مني ، دي الحقيقة ولا حلم وطال شوية ، والكلام الحلو ده بتقوله عني ، يعني فعلا دنيتي رضيت عليا .." وف اخر الاغنية قالها ف المايك:
- تتجوزيني
عيطت وجرت اترمت ف حضنه
= اكيد موافقة
تمت.
اتمني لكم قراءة ممتعة📝📚
واتمنى تشجعونا 🌸
تعليقات
إرسال تعليق