مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

#البارت_الثاني_عشر_من_روايه_منقذي 

"في بيت تميم "

هانم : الو يبه بيقولو أن المدام ندي عملت حادثه .

ادهم : ومتعرفيش بقت عامله اي دلوقتي ...

هانم : كويسه وشويه وهيرجعو ...

ادم : تمام من اول ما يرجعو تعملي اللي قولتلك عليه ..

هانم : امرك يبه ...

قفلت هانم مع ادهم وكانت منتظره رجوع ندي وتميم 

_______________

"في المستشفى "

تميم : يلا ي بابا يلا ي ماما نقدر ناخد دلوقتي ندي معانا....

مهاب : طيب ي ابني هنزل انا وامك ونركب في عربيتي وتعالي انت ومراتك واختك في العربيه التانيه ...

نزل مهاب وفاطمه وفضل يارا وادم وتميم وندي ...

ادم : هاخد انا يارا اوصلها ي تميم وانت خد ندي بعربيتك وتعالي ...

تميم : تمام ماشي .....

نزل ادم ويارا عشان يرجعو وتميم سند ندي لحد لما خرجت من المستشفى وركبت العربيه ...

تميم : حمد لله على سلامتك ي حبيبتي ...

ندي : الله يسلمك ي حبيبي ......

ركبوا العربيه ووصلو البيت واول ما وصلو تميم طلع ندي الي لاوضه عشان ترتاح  ....

تميم : نورتي بيتك ي نودي ...

ندي : نورك ي تيمو .. 

تميم : كدا كنتي عايزه تسيبني اومال مين هيحكيلي كل يوم عن نفسو ...

ندي : ازاي مكنتش بتبين انك بتسمعني وعشان كدا كنت بتتغير معايا؟

تميم : هكدب عليكي لو قولتلك متغيرتش من كلامك كنت بسمعك وبسمع كل كلمه كنتي بتقوليها عارفه لما قولتيلي بحبك امبارح كنت عايز اقولك وانا كمان ومنيمكيش زعلانه كنت عايز احدد مشاعري لاول اتجاهك ومكنتش اعرف ان طلعتي غاليه اوي اوي كدا عندي حسيت ب أن قلبي اتخلع لما عملتي حادثه كنت زاي المجنون لما شوفتك مبترديش عليا انا بحبك بحبك ي ندي ومش هسيبك ...

ندي : وانا معرفتش يعني اي حب وامان غير وانا معاك ...

تميم : حبيبتي يخليكي ليا .... يلا بقي عشان تتعشي وتاخدي الدواء وتنامي ....

ندي : لسه بدري هنام بدري اوي كدا لي ...

تميم : ما هوا هتتعشي عشان تاخدي الدواء وبعد كدا هتيجي تنامي في حضني حضنك وحشني اوي ...

ندي : احم طيب انا هقوم اغير لبسي وكدا وبعد كدا هاجي ...

تميم : تمام وانا كنت جبت لأكل من تحت ...

دخلت ندي تغير لبسها ولبست بيجامه بلون الوردي وكانت زاي شكل لأطفال بيها اوي ... خرجت لقيت تميم جاب العشاء ...

تميم : لا بس حلوه البيجامه دي متجوز طفله انا ...

ندي : اي دي مش عاجباك دا لونها وردي مسخسخ حلو ....

تميم : هوا في لون اسمو وردي مسخسخ...

ندي : ايوا انا بقول عليه كدا....

تميم بضحك : طب تعالي ي ندي ي مسخسخه عشان تتعشي وتاخدي الدواء....

ندي : هات ي ابني وريني عندكو اكل اي ...

تميم : انا هأكلك ..

ندي : ومالو كدا كدا كنت عايزاك تأكلني ...

تميم : طيب مش هأكلك ...

ندي بزعل : يرضيك ابقي طالعه من المستشفى وأكل لوحدي لو كان يرضيك ي بني هاكل عادي ومالو ...

تميم : خلاص خلاص ميرضنيش هأكلك انا ...

تميم اكل ندي وبعد كدا خدتت الدواء ونامو وفعلا نامت في حضنو برضو بس المره دي مستنتش انو ينام عشان تحكي لا دا تميم هوا اللي طلب منها ...

تميم : اي مش هتحكيلي النهارده زاي كل يوم وإلا اييي ..

ندي : ما انا حكتلك كل اللي عندي بس مش عارفه لي قلبي مقبوض ...

تميم : ودا من اي بقي وبعدين مالو قلبك وانا موجود ..

ندي : لا مفيش يلا نام تعبت النهارده اووي ...

تميم : تصبحي علي ورد شبهك ...

ندي : تصبح على يوم جميل شبهك ...

ندي نامت لأنها كانت تعبانه و تميم هوا اللي فضل صاحي كانت قاعد وبيفكر ازاي هيسعد ندي بعد كدا وكان سعيد انو اعترفلها بحبو ليها نام هوا كمان واليوم عدي بكل حلاوته وبكل أحزانه وتفكيره ....

"تاني يوم الصبح"

تميم صحي قبل ندي كا العاده م اعنو المفروض العكس بس بطلتنا مرهقه شويه 😹.....

تميم : يلا ي حبيبتي قومي عشان تصلي وتفطري وبعدين تاخدي علاجك ....

ندي : عيوني ...

قامت ندي واتوضتت وصلت وبعدين لبست فستان لونه لافندر زاي لبس العيد بتاع السنه دي اللي الكل جايبه الا العبده الله 😹 .... لبست علي الفستان طرحه لونها ابيض وكانت قمر بمعني كلمه قمررررر.....

تميم : اي رايك مننزلش ي نودي ونفضل مع بعض ...

ندي : اتلم ويلا عشان هتلاقي دلوقتي ماما مستنيانا ...

نزلو علي الفطار ....

فاطمه : حمد لله على السلامه ي بنتي عامله اي دلوقتي ..

ندي : الحمد لله ي ماما .. 

تميم : متخافيش ي ماما علي ندي طول ما هيا معايا ...

فاطمه : احنا واقعنا وإلا اي .  

تميم : واقعنا بس دا انا غرقت كمان في حبها ...

يارا بغمزه : الله الله ودا من أمتي نسيت روز اللي كنت ماشي معاها ... 

تميم : انا.....

ندي : انت كنت بتحب قبلي ي تيمو ....

تميم : يالهوي جايه تدلعيني هنا والله ي بنتي م حصل دا انت اول واخر حب في حياتي ... 

ندي : حبيبي شاطر اوي ....

تميم : طب قولي كدا اسمي تاني ..

ندي : تميم ....

تميم : لا التانيه ...

ندي : احم ... تيمو ...

تميم : يالهوي احلي تيمو في الدنيا ..

يارا : احنا هنا علي فكرا ....

ندي بكسوف : احم اسفين ..

تميم : بتتأسفي علي اي دول منا وعلينا برضو وإلا اي ي ماما ..

فاطمه : خدو راحتكم ي ابني اهم حاجه عندي سعادتكم ..

تميم : حبيبتي ي ماما ربنا يخليكي ليا 

فاطمه : ويخليكو ليا ي حبايبي ...يلا افطرو بقي ..

تميم فطر وبعدين قالهم انو وراه شغل ...

تميم : ندي ورايا شغل ي نور عيني بس مش هتأخر عليكي ....

ندي : ربنا معاك ويعينك ي تيمو 

تميم : تيمو تاني طب انا ماشي قبل ما اتهور ...

و خرج تميم للشغل وفضلت يارا وفاطمه ومهاب مكنش موجود لان كان وراه شغل من الصبح وطلع ....

__________

هانم: الو ي ادهم بيه حطيتلها منو في لأكل بتاع العشاء امبارح وخدتتت منو والخطه ماشيه تمام ...

ادهم : حد شك في حاجه ...؟

هانم : لا ابدااا انا حطتهولها في العصير ودلوقتي دخلت جبت العصير لقيت الكوبايه فاضيه يبقي شربتها ...

ادهم : اها تمام خلي بالك وحطيلها في كل حاجه تشربها أو تاكلها ...

هانم : تمام ماشي 

ادهم : اه بقولك لو ندي طلعت من البيت شوفتها هتروح فين وترني عليا تقوليلي بسرعه ....

هانم : حاضر يبيه

قفلت هانم مع ادهم وبعدين دخلت المطبخ  ..... ي تري بيخططو الي اي وهيا حطتت اي ل ندي في لأكل وي تري ادهم عايز ندي تخرج من البيت لي ...؟

___________

يارا : ماما انا هروح الجامعه ي ماما ورايا محاضره واحده ومش هتأخر ...

فاطمه : تمام متتاخريش ..

يارا : بقولك ايي ي ندي متيجي معايا واهو نتسالي تعالي معايا هندخل المحاضره مع بعض ولو مش عايزه تحضري استني في الكافتيريا بتاعت الكليه وبعد ما اخلص نبقي نروح مشوار مع بعض اي رايك ...

ندي : طب والله فكرا هطلع اغير هدومي وارجع .. 

يارا : اشطا وانا مستنياكي ...

طلعت ندي عشان تغير هدومها وفضلت يارا مستنياها لحد لما نزلت في الوقت دا هانم عرفت أن ندا خارجه من البيت واتصلت علي ادهم عشان تخبرو ...

هانم : الو يبيه مدام ندي خارجه دلوقتي رايحه الجامعه مع لانسه يارا ....

ادهم : تمام شكرا ي هانم ..

هانم : العفو يبيه ....

ادهم خلص المكالمه مع هانم وبعدين رن علي شخص تاني .....

ادهم : بقولك اي هيتنفذ دلوقتي هيا دلوقتي هتخرج وتروح الجامعه مع بنت مهاب الميناوي يتعمل اللي اتفقنا عليه ... 

الشخص :.............

ادهم : تمام ماشي سلام ولما يحصل اللي قولنا عليه الفلوس هتبقي عندك ...

الشخص :...........

قفل ادهم مع الشخص وهوا بيتوعد انو ينتقم من ندي اشد انتقام ي تري هيعرف ينتقم وإلا هيبقي في حكايه تانيه ؟ ....

#يتبع

.للحديث بقيه  

رأيكم في البارت مستنياه واتمني أن البارت يعجبكم بحبكم في الله دمتم سالمين ♥️♥️✨ 

#بقلمي

#البارت_الثالث_عشر_من_روايه_منقذي 

ندي : هقعد في الكافتيريا وانتي ادخلي محاضرتك ي يارا ويلا عشان متتاخريش علي المحاضره .....

يارا : تمام اوعي تمشي من هنا وانا هخلص واجي علي طول عشان نروح المول عايز اشتري حاجات ليا ...

ندي : تمام ....

دخلت يارا المحاضره وقعدت ندي في الكافتيريا تستني يارا وهيا قاعده جت بنت كانت معديه من قصادها ووقعت واغمي عليها ندي اول ما شافتها قامت جري عليها تشوفها مالها .....

ندي : مالك فيكي اييي ..

البنت : تعبانه اوي وديني المستشفى ....

ندي : حاااضر ...

ندي خدتها من غير تفكير ووقفت تاكسي واخدتها فيه وسابت العربيه ل يارا ...اول م وصلو المستشفي ....

ندي : لو سمحت ي دكتور شوفها مالها ...

الدكتور: متخافيش أن شاء الله خير وطلب من الممرضين أنهم يدخلوها غرفه من غرف المستشفى ....

شويه والدكتور طلع وقال ... المريضه اللي جوا كانت حامل وللاسف الحمل مكملش عشان كدا هتتأخر شويه لما تعملها عمليه تنضيف وبعد كدا ممكن تخرج عادي بس لازم ترتاح ....

ندي فضلت مع البنت وقرارات متسبهاش وقالت إنها هترن علي تميم وتقوله أنها هتتاخر او يروحلها ...بس اكتشفت انها نسيت الفون في الكافتيريا ومكنتش عارفه اعمل اي غير أنها تقعد تستني لما البنت تخرج وتطلب فون من الدكتور أو من اي حد ....

_________

'في الجامعه "

يارا خلصتت وراحت علي الكافتيريا عشان تشوف ندي ملاقتهاش بس لقيت فونها علي التربيزه خدتو وفضلت تدور عليها في الجامعه ملاقتهاش راحت ركبت عربيتها ترجع البيت تشوفها هيا رجعت وإلا اي بس قبل ما توصل اتصلت علي مامتها تسألها ...

يارا : الو ي ماما هيا ندي وصلت عندك ..؟

فاطمه : لا ي بنتي مرجعتش هيا مش المفروض معاكي ..؟

يارا : معرفش والله ي ماما راحت فين انا طلعت من المحاضره روحت علي الكافتيريا اشوفها عشان نروح المول ملقتهاش ولقيت الفون بتاعها بس ...

فاطمه : اي اللي انتي بتقوليه دا يعني هتكون فين ي بنتي ندي متعرفش حد في القاهره غيرنا هتكون راحت فين يعني ...

يارا : انا هرن علي تميم و أقوله ...

فاطمه : اهدي ي بنتي ممكن ترجع مترنيش دلوقتي عشان ميتشغلش وهيا ممكن تكون راحت مكان وراجعه ....

يارا : تمام انا داخله عليكي اهو ....

_____

"في المستشفى "

خرج الدكتور من الغرفه ندي اول ما شافته قامت عشان تشوف البنت دلوقتي بقت عامله اي ...

ندي : ها ي دكتور عامله اي دلوقتي ...

الدكتور : كويسه بس لازمها راحه وحد يخلي بالو منها ...

ندي : تمام ي دكتور شكرا ...طب هتخرج أمتي ...

الدكتور : لازم تفضل النهارده في المستشفى اول ممكن تخرج بليل ....

ندي : تمام ي دكتور .... ممكن اطلب من حضرتك طلب ؟

الدكتور : اتفضلي ..

ندي : ممكن الفون بتاع حضرتك اعمل مكالمه ارن اقول ل اهلي أن موجوده هنا عشان ميقلقوش عليا ....

الدكتور : اتفضلي أهون الفون وبراحتك خالص ...

ندي خدتتت الفون من الدكتور ورنت علي تميم بس لقيت الفون مغلق .... كانت عايزه ترن علي يارا مكنتش حافظه رقمها بس كانت حافظه رقم البيت لارضي ف قالت إنها هترن عليه .....

رنت ندي علي الفون بس اللي رديت كانت هانم ...

هانم : الو مين معايا ..؟

ندي : الو ي هانم ممكن تقولي ل ماما فاطمه وتميم ان انا هتاخر لان انا في المستشفى مع بنت تعبانه ...

هانم : حاضر ي مدام ....

ندي : اوعي تنسي ي هانم عشان ميقلقوش عليا ....

هانم : تحت امرك ي مدام هقولها دلوقتي ...

ندي : تمام ي هانم وقفلت معاها وبعدين رجعت الفون للدكتور وشكرته وبعدين طلبت منه أنها تشوف البنت اللي تعبانه وهوا وافق أنها تدخل تشوفها وندي دخلت لقيت البنت بتعيط بهستريا وعياط جامد وبحرقه علي انها فقدتتت طفلها . .

ندي : انا معرفكيش بس الله اعطي الله اخد والله عليه العوض دا ربنا مش كاتب انو يعيش يمكن لو كان عاش كان حصله حاجه ربنا بيهونها علينا وان شاء الله ربنا هيعوضك بالخير بربنا مبينساش حد ابدااااا ي ....

وسكت وبعدين سالتها انتي اسمك اي وفين عيلتك صحيح ....؟

اسمي هايدي وماليش عيله عايشه لوحدي وعشت عمري كلو لوحدي حتي اللي حبيتو واتجوزتو خاني بعد جوازنا وبعد ما سبتو عرفت اني حامل واهو دلوقتي حتي ابني أو بنتي اللي كانت في بطني راحت ...

ندي بحزن عليها لأنها عاشت في الوحده برضو : متخافيش انا جمبك ومش هسيبك واعتبريني اهلك وكل حاجه ليكي ومتزعليش نفسك ربنا بيعوض وطعم العوض حلو اوي .......

هايدي : تسلميلي وانا اسفه تعبتك معايا .....

ندي : لا وإلا تعب وإلا حاجه المهم انتي تكوني بخيررر

هايدي : مش عارفه والله اشكرك ازاي انتي طيبه اوووي ...

ندي : لا بقي كدا هتغر في نفسي ...

هايدي بضحك : لا بس حقكك .... هوا الدكتور قال هخرج من هنا أمتي ؟

ندي : هنقضي الليله دي هنا وبعد كدا هنمشي الصبح ...

هايدي : امشي انتي وانا هفضل ...

ندي : لا مينفعش اسيبك هنا لوحدك ومتخافيش عليا اتصلت علي عيلتي وقولتلهم ....

هايدي : تمام ي ...

حقيقي معرفتنيش بنفسك اسمك اي ...

ندي : اسمي ندي ومتزوجه من تميم مهاب الميناوي ضابط شرطه وبابا مهاب صاحب شركه المقاولات وانا شريكه معاه لأنو كان شريك بابا وانا بعد وفاه ولدي خدتت مكانو بس مبروحش الشركه وكدا ....

هايدي : اها تمام ي نودي اتشرفت بمعرفتك ...

ندي : الشرف ليا ... ويلا بقي نامي وارتاحي وانا هفضل هنا جمبك ...

هايدي : تمام ...

___________

"عند تميم "

تميم رجع من شغلو وكانت ندي وحشته اووي وكان عايز يروح بسرعه عشان يشوفها ويقولها قد اي هيا وحشته وياخدها في حضنه وقد اي مفتقدها رغم انو مطولش عليها بس بقي بيحس بالمسؤولية اتجاها بقي بيحس انو باباها و اخوها وصديقها وكل حاجه ليها تميم بيحبها اوووي وبقي مبيقدرش يبعد عنها بيحس براحه وهيا جمبو ومعاه ... الراحه دي بتبقي من عند ربنا وندي ربنا عوضها ب تميم بعد اللي هيا شافته في حياتها وفعلا طعم العوض حلو ... وربنا بيختار لكل حد فينا اللي شبهه واللي زايو وبيزرع جواه الحب للشخص اللي شبهه للشخص الصح ... ودا اللي حصل مع تميم وبطلتنا ندي رغم أنهم اتجوزو بسرعه بس ربنا جعل في قلبهم لامان والحب والحنيه لما يكونو مع بعض زرع في كل قلب واحد فيهم عشق للتاني .... عشان كدا منستغربش من حب تميم ل ندي اللي مفتقدها رغم انو راح الشغل بس وهيا بعيده عنو ...

(طبعا مش محتاجه اقولكم أن دا في أول الجواز بس وبعد كدا هيزهق 😹) بهزر يولاد في ناس لما بتحب بتحب بجنون مبيبقاش شايف حد غير اللي بيحبها والراجل لما بيحب بيبقي حنين ولطيف واب واخ وصديق وحبيب وكل حاجه حلوه ممكن تشوفيها بس كلو بيبقي بالحب وصدق اللي قال الرجاله زاي لاطفال خدوهم علي قد عقلهم 😹..... نرجع بقي الروايه ...

رجع تميم البيت واول ما وصل سأل علي ندي ...

تميم : ماما هيا فين ندي عايزها ....

فاطمه مكنتش عارفه ارد تقوله اي بس قالتلو ...

فاطمه : احم ندي مش هنا ي ابني ...

تميم بعدم فهم : اومال ندي فين ي ماما ...

فاطمه : معرفش ي تميم ...

تميم بعصبيه : ازاي ي ماما متعرفيش وزاي اصلا تسيبوها تطلع كدا لوحدها ما انتي عارفه انها متعرفش حد هنا ...

فاطمه : اهدي ي ابني هحكيلك اللي حصل ...

تميم : احكي ....

فاطمه : هيا كانت رايحه مع يارا الجامعه يارا كان عليها محاضره واحده قالت ل ندي استني في الكافتيريا عشان بعد ما يخلصو كانو رايحين المول يارا طلعت من المحاضره ملاقتش ندي وراحت علي نفس المكان اللي ندي كانت فيه لقيت الفون بتاعها بس هوا اللي موجود ومنعرفش من ساعتها راحت فين ولسه لحد دلوقتي مرجعتش ...

تميم بعصبيه وكان هيتجنن : ازاي لحد دلوقتي مرجعتش هتكون راحت فين يعني ي ماما ...

فاطمه : اهدي ي ابني هنلاقيها ...

تميم : خايف عليها اووي قلبي واجعني انا عايز اشوفها ومش هسيبها غير لماا لاقيها واشوف هيا راحت فين ..

وخرج برا البيت وهوا في قمه غضبه .....

______

هانم : الو يبه ...

ادهم : في اي جديد ...

هانم : الست ندي مش في البيت من الصبح ومش لاقينها ....

ادهم : ........

هانم : اه يبه ماشي تمام انا هقفل بقي ...

ادهم : مع السلامه ...

ي تري ادهم قالها اي ؟

_______

"في المستشفى "

هايدي نامت وندي فضلت صاحيه بتفكر في اللي واخد عقلها وقلبها وبتفكر دلوقتي نايم ازاي وهيا مش في حضنه نام ازاي هيا مش وحشته زاي م هيا مش عارفه تنام وهوا مش جمبها عشان يطمنها ويحسسها بالأمان وان محدش هيقدر ي اخدها منو او يأذيها وهيا معاه .... ندي فضلت علي كدا طول الليل ...

إنما تميم كان قاعد بيدور عليها في الشوارع والطرق زاي المجنون زاي اللي لاب اللي ضاعت طفلته ومش عارف يلاقيها فضل ماشي بالعربيه يدور عليها وفي لآخر اتصل علي ادم يقولو ويبعت ناس تدور عليها ....

تميم : الو ي ادم بقولك اي ...

ادم : خير في اي ؟

تميم : ابعت دلوقتي فريق يدورو علي ندي مراتي وهبعتلك صوره ليها ياخدوها و يدور عليها في كل مكان وفي المستشفيات الخاصة والحكومة عايز يلاقوها في خلال 24 ساعه ندي متغيبه من الصبح واحنا دلوقتي بليل ومش عارف راحت فين ولسه مرجعتش والفنون كمان بتاعها معانا ...

ادم : خلاص ماشي واطمن أن شاء الله خير ...

تميم : أن شاء الله ....

ي تري لما يلاقي ندي هيعمل اي و ي تري هيبقي في حكايه من أنها تقابل البنت دي وإلا لا ؟ 

يتبع ...

وللحديث بقيه 

#روايه_منقذي 

#بقلمي

#البارت_الرابع_عشر_من_روايه_منقذي 

تميم : ابعت دلوقتي فريق يدورو علي ندي مراتي وهبعتلك صوره ليها ياخدوها و يدور عليها في كل مكان وفي المستشفيات الخاصة والحكومة عايز يلاقوها في خلال 24 ساعه ندي متغيبه من الصبح واحنا دلوقتي بليل ومش عارف راحت فين ولسه مرجعتش والفنون كمان بتاعها معانا ...

ادم : خلاص ماشي واطمن أن شاء الله خير ...

تميم : أن شاء الله ....

قفل تميم مع ادم وركب عربيتو ورجع البيت راجع حاسس بخيبه امل مش لاقي ندي هيا كان وحشاه كان مفقتدها مفتقد حنيتها حضنها وجودها جمبو .....وصل البيت ومكنش هاين عليه يدخل وهيا مش موجوده معاه مكنش عايز يدخل وهوا مش عارف هيا فين وإلا بتعمل اي كان مشغول عليها جداااا بس هوا دور عليها وبعتت فريق يدور عليها كان بيتمني من ربنا أن ميكونش حصلها حاجه ...

فاطمه : اي ي تميم ملاقتش ندي ي ابني ....

تميم : لا ي امي انا هموت مش عارف هيا فين ولي اختفت كدا فجأة ....

فاطمه : أن شاء الله خير ي ابني وهترجع بخيررر....

تميم : خايف عليها اوي ي امي ندي متعرفش حد هنا ...

فاطمه : متخفش ي ابني بس انت ادعيلها ترجع بالسلامه ...

تميم : يارب يارب ترجع بخيرر....

مهاب : هيا متصلتش هنا او كلمت اي حد ممكن تكون رنت علي حد ...

الكل فتح الفون بتاعو بس ملاقيوش ان ندي رنت علي حد فيهم فاطمه راحت عشان تسأل هانم لتكون اتصلت علي فون البيت ....

فاطمه : هانم هيا ندي متصلتش علي فون البيت ...

هانم : لا ي مدام محدش اتصل وإلا كلمت حد ...

فاطمه : تمام 

تميم طلع اوضته هوا وندي داخل وكان بتمني أنها كانت تبقي معاه دخل خد شاور ولبس هدوم النوم ونام بس ازاي هينام وهوا دماغو مشغوله ب حبيبه قلبه هوا مكنش عارف ينام وهوا مش مطمن عليها ازاي اب هيعرف ينام وميعرفش بنتو عامله اي او هيا فين اكيد يعني هيبقي قلقان و تميم طبعا كان حاسس نفس لإحساس لانو بيعتبرها بنتو واختو وحبيبتو وصحبتو ومراتو فضل طول الليل يفكر ومش جايلو نوم ....

__________________"

"في المستشفى "  

بطلتنا مكنتش تختلف عن بطلنا هايدي نامت وهيا فضلت صاحيه تفكر في تميم تفكر هوا ازاي قاعد لحد دلوقتي ومجلهاش رغم أنها رنت علي الفون بتاع البيت وقالت لهانم أنها في المستشفى .... بس رغم كدا كانت قاعده وبتفكر فيه مكنتش عارفه تنام من غير ما يطمنها ومن غير م تنام في حضنه ......

اليوم عدي علي ابطالنا بكل تفكيره واشتياقه  وان لاتنين مش عارفين ينامو من غير حضن بعض ...

( اوردي دا لو في الواقع هيقولو علي ندي سحرتلو انو مينمش غير في حضنها😹😹♥️ )

"اليوم التاني الصبح"

تميم مكنش نام قام صلي الصبح ولبس ونزل تحت ....

فاطمه : صباح الخير ي ابني ...

تميم : وهيجي الخير منين وندي مش موجوده ي ماما ..

فاطمه : هترجع ي ابني وهتبقي بخير متخفش ....

تميم : يارب ي ماما يارب ...

تميم اتصل ب ادم يشوف عمل اي ..

تميم : الو ي ادم في اي جديد ...

ادم : لسه ملاقناش ندي بس لسه مدوروش في المستشفيات.....

تميم : عايزاكم تلاقوها النهارده ي ادم وإلا اقسم بالله ليبقي فيها كلام تاني ....وقفل معاه وهوا متعصب وعلي اخرو .... علي عكس ادم مزعلش هوا عارف ان اللي تميم فيه دا خوف علي ندي لانو بيحبها وهوا قدر دا كويس اووي ....

____________

"في المستشفى "

هايدي قامت من النوم لقيت ندي صاحيه ومنمتش بس ظاهر علي وشها التعب من قله النوم ...

هايدي : صباح الخير ي ندي ...

ندي : صباح النور ي هايدي ... عامله اي دلوقتي ...

هايدي : الحمدلله بخير والله ...

ندي : هتخرجي كمان شويه .. انا هروح اشوف الدكتور عشان يجي يشوف حالتك ....

هايدي : تمام ...

خرجت ندي راحت للدكتور عشان يجي يشوف هايدي وفعلا شافها وسمح ليها بالخروج ...

ندي : هترجعي معايا بيتي ...

هايدي : لا مش هينفع انا هروح بيتي .. انتي كتر الف خيرك تعبتك معايا ....

ندي : عيب عليكي متقوليش كدا ... طب تعالي اوصلك طايب ...

هايدي : لا انا بقيت تمام هروح لوحدي ...

هايدي ركبت وموافقتش ندي ترجعها البيت ابداااا .... ندي ركبت هيا كمان تاكسي عشان ترجع البيت ووصلت  بالسلامه ...

ندي : السلام عليكم ....

تميم بصدمه : ندي ... ندي انتي رجعتي كنتي فين طب حصلك اي طب فيكي حاجه ...؟

ندي : مفيش فيا اي حاجه ي حبيبي ....

تميم : طب كنتي فين كل دا كدا اهون عليكي ....

ندي : بنت وقعت قدامي وانا في الكافتيريا بتاعت الجامعه وبعدين خدتها علي المستشفي .. وفضلت معاها لحد ما رجعت بيتها ...

فاطمه : حمد لله على سلامتك ي بنتي ... المهم انتي بخير ...

ندي : الله يسلمك ي ماما ....

تميم : لي ي ندي مرنتيش عليا قولتيلي اجيلك ....

ندي : الفون بتاعي نسيتو في كافتيريا الجامعه .... ندي استغربت أن هانم مقالتش حاجه وأنها مش قالتلهم ان ندي رنت عليهم ......ندي مرضيتش تتكلم غير لما تسأل هانم الاول ...

تميم : متحصلش تاني ي ندي متغبيش عني تاني كدا ..

ندي : حاضر ...

تميم : طب يلا تعالي معايا عايزك ...

فاطمه : ايوا ي بنتي اطلعي انتي ارتاحي وهبعتلكم الفطار ...

ندي : تمام ...

تميم : ربنا يخليكي لينا ي ماما ...

______

تميم استاذن عشان يتصل علي ادم عشان يقوله ان ندي رجعت البيت ..

تميم : الو ازايك ي ادم ..

ادم : ازايك ي تميم اي لأخبار ...

تميم : الحمدلله .... ندي رجعت الحمد لله ي ادم ...

ادم : طب الحمد لله ... كانت فين وحصلها حاجه ..؟

تميم : لا الحمدلله مفيش حاجه وحكالو اللي حصل ...

ادم : حمدالله على سلامتها ...

تميم : الله يسلمك ...

ادم : طب انا كنت عايزك في موضوع كدا ي تميم ...

تميم : في اي ي ادم احكي ...

ادم :مش هينفع علي الفون تعالي نتقابل النهارده بليل ...

تميم : ونتقابل لي تعالالي البيت النهارده بليل علي العشاء ...

ادم : تمام ..

تميم : مستنيك ..

ادم : هكون بليل عندك ...

تميم : طب مع السلامه ي صاحب .

ادم : سلام ي بروو 

ي تري ادم عايز تميم في اي ؟

 تميم قفل مع ادم وبعدين طلع مع ندي فوق في اوضتهم 

تميم ؛ تعرفي انك وحشتيني اووي ي ندي ...

ندي : وانت اكتر والله انا معرفتش انام امبارح عشان مكنتش معاك ...

تميم :  تنامي ازاي يعني وانتي مش معايا اكيد يعني مش هتعرفي ...

ندي : ياأخي تباً لغرورك ....

تميم بضحك : احم مبحبش اتكلم علي نفسي كتيرررر...

وهما قاعدين في وسط قاعدتهم الباب خبط وكانت هانم جايبه الفطار ....

هانم : اتفضل ي بيه الاكل ...

تميم : شكرا ي هانم ... 

هانم : هستأذن انا بقي ومشيت ...

بعد ما مشيت تميم قعد هوا وندي يفطرو...

_____

هانم : الو يبه حطيت للمدام ندي دواء تاني زاي م قولتيلي والنهارده هيعمل مفعوله ...

ادهم : وانا مستني علي نار اللي هيحصل ... وابقي اشوف تميم هيعمل اي بقي لما يحصل كدا في حبيبه القلب 

هانم : هيبقي ارن عليك يبه اقولك ... بس بعد م اخلص مهمتي همشي من البيت عشان ميحصليش حاجه ...

ادهم : تمام ... بس لما يحصل ********* تبقي تقوليلي 

هانم : حاضر يبه ... انا هقفل دلوقتي عشان محدش يشك في حاجه ..

ادهم : تمام ... وقفل مع هانم ...

بس زاي كل مره حس أن في حد بيسمعو ي تري اللي بيسمعو هيحل حاجه في اللي هيحصل و ي تري  هيحصل اي ل ندي وتميم ...؟..

_______

"في اوضه ندي وتميم "

تميم : يلا بقي عشان تأكلي وبعدين تيجي في حضني عشان وحشتني ...

ندي : اي دا مش هتاكل معايا ...

تميم : لا طبعا هاكل اومال هسيبك تأكلي لوحدك ..

كلو هما لاتنين وبعدين قعدو مع بعض بس فجاء ندي تعبت وطلعت جري علي الحمام وبعدين طلعت دايخه ومش قادره تقف علي رجليها ...

تميم : مالك ي حبيبتي فيكي اي ...؟

ندي : مش عارفه والله ي تميم مالي تعبانه وحاسه بدوخه جامده وبطني بتوجعي ...

تميم : طب يلا البسي عشان نروح للدكتوره ....

ندي : لا ملوش لازمه ..

تميم : وانا قولت يلا البسي عشان نروح للدكتوره...

لبست ندي وجهزت نفسها وتميم كذالك لبس وجهز نفسو وبعدين خد ندي بالعربيه وراحو للدكتورة ...

_____

"في العياده "

دخل تميم وندي للدكتوره ..... والدكتوره قعدت تكشف علي ندي وبعدين ابتسمتلها وقالت ل ندي مبروووك ....

تميم : مالها ندي ي دكتوره ...

الدكتوره : انت جوزها ...

تميم : ايوا ...

الدكتوره : طب الف مبروك المدام حامل ....

تميم بصدمه : نعام ودا حصل ازاي وامتي ...

#يتبع

وللحديث بقية 

#روايه_منقذي

#البارت_الخامس_عشر_من_روايه_منقذي 

في العياده "

دخل تميم وندي للدكتوره ..... والدكتوره قعدت تكشف علي ندي وبعدين ابتسمتلها وقالت ل ندي مبروووك ....

تميم : مالها ندي ي دكتوره ...

الدكتوره : انت جوزها ...

تميم : ايوا ...

الدكتوره : طب الف مبروك المدام حامل ....

تميم بصدمه : نعام ودا حصل ازاي وامتي ...

الدكتوره : والله حضرتكم اللي تعرفو حصل أمتي وازاي  معنديش انا علم بكدا ....

تميم بص ل ندي اللي من ساعت م عرفت وهيا مصدومه كأنها متغيبه عن الدنيا ...فاقت علي صوت تميم ..

تميم : يلا ي ندي امشي قدامي ....

طلعت ندي ومشيو وبعدين ركب العربيه بسرعه جامده لحد لما وصلو البيت ...

تميم بعصبيه : انزلي حضرتك ...

نزلت ندي وهيا مستغربه طريقه كلامو م اعنو من حقو ...

تميم بعصبيه : ممكن اعرف بقي المدام حامل من مين ؟

ندي : مش عارفه والله انا مغلطش مع حد ابدااا انت شاكك فيا ي تميم للدرجادي مفيش ذره ثقه ...

تميم : عايزاني أثق ازاي وهيا الدكتوره بتقول انك حامل اي هتكوني حملتي مع نفسك ...

ندي : انا مش اسمحلك تشك في أخلاقي وانا هسيبهالك وامشي ......

تميم : تمشي !؟ بسهوله كدا هتسبيني اه م هوا تلاقيكي رايحه للاستاذ اللي حامل منو عشان تتصرفو في الجريمه اللي عملتوها دي ...

ندي بعياط : انت حيوان .. بقي انا تشك فيا دا انا نفسي معرفش حامل ازاي وامتي وحصل كل دا ازاي مش عارفه جاي تقولي حامل من مين م انا كنت قصادك كل يوم سبتك أمتي انا وقبل كدا كنت محبوسه مع ابن عمي وقبلها مكنتش بطلع من البيت لما كنت عايشه مع بابا وبتهايالي انت عارف كل دا ....

تميم بزعيق وعصبيه : لا طلعتي لليله كامله ومعرفش كنتي فين وبعدين وانا اي الي يخليني اصدق ان كنتي مع بنت وبتساعديها م يمكن كنتي مع العاشق بتاعي ...

ندي : اخرس مش عايزه اسمعلك صوت ... ولو شاكك انا كنت فين الليله اللي خرجتها احنا ممكن نروح المستشفى ونسأل الدكاتره اللي كانو هناك 

تميم : ومالو نروح المستشفى ونسأل ..

طلعو هما لاتنين ركبوا العربيه وكل واحد بيفكر وشيطانه معاه .....

تميم كان راكب ومش قادر يصدق هيا تعمل كدا قلبه كان بيوجعه ازاي يوم م تكون حامل متكونش منو ودي مراتو اللي حبها فوق المحبين حباً اللي اعتبرها كل دنيته تميم دموعه نزلت لمجرد تفكيره أنها هتسيبه وهتمشي دموعه نزلت عليها ومش ضعف العياط مشاعر و احاسيس ومش الكل يفهمها ...

وصلو المستشفي ....

ندي عند لاستقبال : لو سمحتي دكتور **** موجود ..

السكرتيره : ايوا ي فندم موجود في غرفته  ...

ندي : تمام ...

ندي بصت ل تميم ومشيت علي غرفه الدكتور ... كانت ماشيه بسرعه جامده كان كل همها أنها تثبت ل تميم انها شريفه وأنها متعرفش هيا بقيت حامل ازاي دماغها كانت هتتفجر من التفكير ....

وصلت غرفه الدكتور هيا وتميم ...

ندي : السلام عليكم 

الدكتور : وعليكم السلام ورحمه الله وبركاته

ندي لل دكتور : مش حضرتك كنت ماسك حاله المدام هايدي اللي كانت حامل  وسقطتت وحصلها نزيف وفضلت لليله كامله هنا ...

الدكتور : هايدي مين ي مدام انا معرفش حد بالاسم دا وانا اصلا اول مره اشوفك ...

ندي بصدمه : ازاي ي دكتور مش فاكرني دا انا خدتت الفون بتاعك عملت منو مكالمه ...

الدكتور : شكلك غلطانه ي مدام انا معرفكيش فعلا وانا هكدب لي ...

ندي بزعيق : انت كداب والله كداب انت بتعمل معايا كدا لي ... حرام عليك ...

تميم بعصبيه وزعيق : وهوا ذنب الدكتور اي انو مشفكيش هوا يعني كنتي عايزاه يكدب ويقول ايوا شفتك  عايزه تداري علي عملتك الوسخه اللي عملتها وخونتيني زعلتك في اي انا دا من اول يوم جواز لينا عملتك حلو وكانك بنتي وامي واختي ومراتي حبيتك وحبيت كل حاجه فيكي لي تعملي كدا هوا انا استاهل خيانتك دي انا بكرهك ي ندي بكرهك ومبقتش عايزك ف حياتي واتفصلي اطلعي براا ومش عايز اشوف وشك تاني ....

ندي كانت قاعده وبتسمع ومش عارفه ترد تقول اي الكلام بقي متحجر مش عارفه تنطقه قلبها وجعها اوي من كلام تميم ليها سابتو ومشيت وطلعت برا المستشفى مكنتش عارفه تروح فين بس دا اللي مكنش هاممها هيا كانت اتكسرت من جوا حزينه وقلبها متقطع علي اللي حصلها وصدمتها لأكبر في تميم ازاي صدق كدا عليها ازاي وهيا معرفتش تحب غير وهيا معاه مطمنتش غير وهيا جمبو (بس اوردي يعني ي جماعه اي راجل لما يعرف أن مراتو حامل كان هيسيبها ) ......كانت ماشيه في الشوارع زاي التايهه اللي مقطوعه من شجره اللي مش عارفه وإلا تروح فين وإلا تيجي منين ......

_________

تميم خرج من المستشفى بعد م اعتذر للدكتور علي اللي حصل خرج و هوا حاسس ان قلبه هيتخلع من الوجع فضل ماشي بالعربيه و م وصلش البيت وقف عربيتو في مكان مفيهوش حد عند البحر وبصوت عالي نادي علي ندي صوت كان كلو عياط كان بيدعي من ربنا انو يكون في حلم وميكنوش دا حقيقي وان ندي مسبتهوش كان بيدعي بصوت عالي وبيقول يارب تكون صادقه يارب اكون انا غلطان في حقها يارب انا مش عايز غيرها ومحبتش غيرها لي تاخدها مني يارب تسهل عليا لامتحان دا واعدي منو يارب م تبقي غلطتتت مع حد .... كان بيدعي من كل قلبه علي امل أنها متكونش عملت حاجه هوا كان واثق فيها بس غيرته الشديدة عليها اعمته عن اللي بيحصل ....

_____

فاطمه : بت ي يارا هوا اخوكي وندي كانو بيزعقو لي ...

يارا : معرفش والله ي ماما ...

فاطمه : يارب خير يارب ... طب متعرفيش راحو فين .

يارا : لا والله مكنتش براقبهم ...

فاطمه : ي شيخه انتي اي مبتحسيش ...

يارا : لا بحس بس دي حريه شخصيه ودي حياتهم مش هروح انا اسالهم انو رايحين فين .؟

فاطمه : خلاص ي آخره صبري انتي هتتفتحي ...

وهنا كانو قاعدين مع بعض هانم دخلت عليهم ..

هانم : مدام فاطمه انا عايزاكي في موضوع ..

فاطمه : اتفضلي ي هانم في اي ؟

هانم : انا عايزه اجازه لمده يومين ...

فاطمه : لي ي هانم في اي ...

هانم : ولدتي تعبانه جدا ي مدام ولازم تكون جمبها لان مفيش حد ياخد بالو منها ...

فاطمه : ماشي ي بنتي ارجعي الي امك ولو عوزتي اي حاجه انا موجوده ... وقامت ادتها فلوس عشان تعب ولدتها ... وهنا اقدر اقولكم الخيانه بتيجي من اللي بتمدلو ايدك ...

هانم : تسلمي ي مدام كتر الف خيرك ...

خرجت هانم من البيت وبعد م خرجت اتصلت علي ادهم ...

هانم : الو يبه خرجت زاي م قولتيلي ...والمدام ندي هيا والأستاذ تميم سمعتهم وهما في لاوضه بيزعقو وفي لآخر قالها أنهم هيروحو المستشفى مش عارفه بقي عملو اي هناك ...

ادهم : تمام ي هانم انتي كدا مهمتك خلصت وفلوسك هتوصلك ...

هانم : تمام يبه ...وقفلت معاه ...

ي تري ي ادهم هتعمل اي ؟

_________

في بيت تميم وصل ادم زاي م كان متفق مع تميم ...

ادم دق جرس البيت لحد م فاطمه ام تميم فتحت ...

فاطمه : اهلا ي ابني تعالي اتفضل ...

ادم : تميم موجود ي طنط ...

فاطمه : لا دا خرج هوا و ندي ومنعرفش راح فين ....

ادم : خير يعني وإلا اي ..

فاطمه : خير ان شاء الله ... تعالي طيب ادخل هتفضل واقف كدا ...

ادم : لا خلاص بدال تميم مش موجود ابقي اجي في وقت تاني ...

فاطمه : ادخل ي ابني ابو تميم جوا تعالي استناه ..

ادم دخل وإليها فرصه انو يتكلم مع ابو تميم ..

مهاب : اهلا ي ادم ي ابني ...

ادم : ازايك ي عمي عامل اي ...

مهاب : الحمد لله بخيررر...

ادم : دايما يارب ... وكمل كلامه .. كنت عايز حضرتك في موضوع كدا لوحدنا ...

مهاب : اتفضل ي ابني ...

خرجت فاطمه و يارا عشان يسيبوهم لوحدهم ...

مهاب : خير ي ابني في اي ...

ادم : خير ان شاء الله ... انا كنت طالب ايد لانسه يارا ...

مهاب : والله ي ابني مش هتلاقي احسن منك بس مقدرش اقولك كلمه غير لما نسالها ....

ادم : انا هسألها بس لما اشوف قرارك ي عمي و موافقتك ...

مهاب : انا والله ي ابني معنديش مشكله وموافق وفي لاول و في لآخر القرار قرار يارا ...

ادم : خلاص يارا هقولها انا دا لو معندكش مشكله يعني ...

مهاب : لا مفيش مشكله ...

ادم : تسلم ي عمي ومتخافش عليها دي في عيوني ...

مهاب : عارف اللي عندك والله ي ابني ...

ادم : شكرا ي عمي طب انا هستأذن بقي اروح اقول ل يارا ..

مهاب : تمام ...

خرج ادم من غرفه الرسبشن واتصل علي يارا عشان مشفهاش تحت ...

ادم : خمس دقايق وتكوني جاهزه ...

يارا : نعم انت اهبل ي ابني وإلا عامل نفسك اهبل ...

ادم : هوا انتي لسانك دا جاهزة كدهو علي طول للرد ...

يارا : اخلص عايز اي ...

ادم : تصدقي ان انا غلطان أن كنت عاملك سريبرايز جميله ....

يارا : اي دا انت بتتكلم جد ...

ادم : اه والله ..

يارا : دقيقتين واكون جاهزه عندك ...

ادم : يالهوي عليكي مصلحجيه اوي ....

يارا : ملكش فيه ويلا بأس بقي عشان البس وانزل ...

قفلت معاه ويارا هتخرج مع ادم وكل دا بدون علم اللي حصل ل ندي و تميم ....

__________

عند ندي ... فضلت ماشيه لحد لما قعدت ف جمب في الطريق كانت قاعده وكأنها غايبه عن الوعي وفضل قاعد لحد ....

#يتبع 

وللحديث بقية

#روايه_منقذي 

لن أنشر الباقي  الا بعد 20ملصقات

#البارت_السادس_عشر_من_روايه_منقذي 

ادم : يلا ي يارا كل دا تأخير ....

يارا : خلاص جيت اهو بس انت قولت أن في مفاجاه هيا فين ...

ادم : طب يلا خلينا نمشي لاول ...

ركبوا العربيه وخدها وراح علي مطعم وكان مجهز ترابيزه ليهم هما لاتنين في مكان هادئ وكانو لوحدهم .. كل دا هما قاعدين ومعندهمش علم باللي حصل ل تميم و ندي..

ادم : اي رايك بقي ي ست يارا ...

يارا : حلو اوي بس فين المفاجأة في كدا .؟

ادم نزل علي ركبته وقدم ليها خاتم ومسك ايديهاوبهدوءبحبك وعاوز اتجوزك

يارا:  بصدمه بتقول ايه...؟

 ادم : بابتسامه ب ح ب ك سمعتى كويس ولا لازم اقول كمان انى بعشقك واتمنى انك تكونى شريكت حياتى

 يارا : مكسوفه ومش بترد....

ادم : لا انا مش متعود منك على كده خالص انا متعود على شقوتك..

يارا : سكتتت ومردتش 

ادم بزعل مصطنع : افهم من كده انك مش موافقه عليا

يارا : بسرعه لالالا مقصدش

ابتسم ادم ومسك ايدها وصوت هامس امال تقصدى ايه ي يارا 

يارا بكسوف : ادم براحه عليا لانى متوتره

ادم شدها من اديها طب تعالى نرقص وهيا فى حضنه بيرقصوا

ادم :موافقه تتجوزينى..؟

يارا : وهيا بترقص معاه ومكسوفه هزت راسها دليل على الموافقه

ادم :ابتسم ورفع وشها ليه عاوز اسمعها منك.....

يارا وسرحانه فى عنيه : موافقه يا آدم ...

 ادم : بحبك يا يارا اوي  

يارا : بكسوف وانا كمان

فى الوقت ده ضمها ادم لحضنه جامد وسهروا مع بعض وبعدين رجعوا البيت بعد السهره ....

________

"عند ندي" ... 

فضلت ماشيه لحد لما قعدت ف جمب في الطريق كانت قاعده وكأنها غايبه عن الوعي وفضل قاعد لحد لما وقفت قدامها عربيه وخدتها فيها فضلت تقاوم عشان متروحش معاهم بس معرفتش كانو اقوي منها ...

اخدوها وبعدين دخلت مكان زاي م يكون مهجور ومفيهوش حد قعدوها في اوضه مفيهاش نور اوضه كانت ضلمه وهيا بتخاف وعندها فوبيا من الضلمه بس خوفها مكنش اكبر من الوجع اللي في قلبها لان اللي بيطمنها راح خلاص وبقت وحيده وحست أنها رجعت لنقطه الصفر تاني مكنتش مهتمه مين خطفها واللي خطفها عايز اي ومكنتش مهتمه بحياتها هتعيش لمين ولي وهيا خلاص مبقاش جمبها حد واللي وثقت فيه وحبتو شك فيها ووجعها بالكلام كانت قاعده ودموعها بتنزل بهستريا وقاعده بتعيد اللي حصل وقلبها ممزق من الكلام كانت قاعده وبتكلم في نفسها وبتقول ..( لي يارب يحصل معايا كدا يارا انت اللي عالم بحالي وعالم اني معملتش حاجه غلط لي يارب اتظلم بالشكل دا ؟ ولسه هتكمل كلامها ولقيت شخص بيفتح باب الاوضه وبيدخل ...

ندي : مين وجايبني هنا لي ...

ادهم : اي دا انتي معرفتنيش معقوله برضو دا انا ابن عمك مش ممكن تكوني نسيتيني بالسرعه دي ..

ندي بخوف : وانت عايز مني اي ...

ادهم : عايزك وعايز اقهرك واقهر جوزك ....

ندي بحزن : انت برضو لسه منستش اللي حصل لسه عايز تنتقم ...

ادهم : بصراحه في لاول كنت عايز انتقم منك انتي وبس بس دلوقتي بقيت عايز انتقم منك ومن جوزك حبيب القلب ...

ندي : لا ونبي بلاش تميم ...

ادهم : استني بس عليا وهتشوفي هعمل اي ...

ندي : لا لا بلاش تميم واذيني انا ... انا مش عايزه اعيش انا مش عايزه اكمل حياتي خلاص تعبت ...

ادهم : م هوا بصراحه بعد اللي عملتو لازم تتعبي...

ندي بعدم فهم: تقصد اي ..

ادهم : اقصد ان انا اللي عملت كل اللي انتي فيه دلوقتي ؟

ندي : ازاي عملت اي....

ادهم : هقولك عملت اي ....

_____________________

"عند تميم "

لسه قاعد قدام البحر مش قادر يتحرك وإلا يتجاوز اللي حصل قلبه موجوع مش ندي بس وهوا قاعد لقي راجل كبير بيقعد جمبو وبيسألو مالك ي ابني ...

تميم : سكتت ومردتش ..

الشخص : اعتبرني عابر سبيل هسمعك وامشي ...

تميم : قلبي وجعني اووي مش عارف لي ربنا بيختبرني في حبي في الحاجه اللي أنها مش هعرف اكمل من غيرها مراتي انا حبيتها ولسه بحبها وكلمه بحبك دي قليله بجد عليها انا ادمنتها حبيت حكاويها بليل حبيت أنها بتحكيلي عن خوفها وعايزاني اطمنها حبيت كل حاجه فيها وحشتني رغم أني لسه سايبها من كام ساعه بس انا وجعتها قبل م أمشي بس اعمل اي عقلي رافض يصدق أن هيا متعملش كدا بس قلبي مصدقها ومصدق كلامها ومصدق أنها متعملش كدا بس انا مش عارف اعمل اي انا لقيت نفسي بوجعها بالكلام لأن قلبي كان هيتخلع و غيرتي عمتني مكنتش عارف انا بقول اي كل اللي متأكد منه دلوقتي انها مش هترجعلي تاني ....

الشخص : بص ي ابني انا مش عارف اي هوا سبب المشكله بس كل اللي اقدر اقولهولك أن دا ابتلاء واختبار من ربنا ليك وتأكد أن ربنا مش بعد م يحببك في حاجه روحك فيها وحاجه ارتحتلها هياخدها منك .. احنا كتيررر ي ابني ممكن نسمع ونشوف بس بتبقي نص الحقيقه وبتبقي الحقيقه مش كامله متمشيش وراء عقلك أن في المواقف الحساسه اللي زاي دي اسمع قلبك وشوفه هيقولك اي ولو طلعت غلطانه في حق مراتك اتاسفلها واتعلم الدرس انك لازم تشوف الحقيقه كامله لازم تسعي عشان تشوفها كامله متشوفش نص الحقيقه وتحكم عليها ...

تميم : كلامك صح جدا وشكرا ي عمي ...

الشخص : لا شكر علي واجب ي ابني .. انا هستاذن بقي .  

قام مشي الشخص وبعدين تميم قام وحسه فعلا أنا ندي متعملش كدا هوا واثق بس عقله مش مأكدله ...

رجع البيت وهوا فيه هموم الدنيا كلها رجع متأخر اوي كان كل اللي في البيت نايمين دخل اوضته و اول م دخلها افتكر ندي ونام علي السرير ب إرهاق شديد وتعب نام وهوا حزين ومفتقد حضن ندي ...

____________

"عند ادهم وندي "

ادهم : عرفتي بقي انا عملت اي ...

ندي بصدمه وعياط : انت حيوان انت ملكش قلب ياأخي حسبي الله ونعم الوكيل فيك...

ادهم بعصبية وزعيق : ضربها قلم علي وشها ومش شده الضربه وقعت علي لارض ...

ادهم : مش انا اللي يتحسبن عليه ومسمعش صوتك تاني خالص ...

ندي داخت ووقعت علي لارض مكنتش قادره ترد وفيها وجع الدنيا كلو وجع في قلبها وفي جسمها وحقيقي كانت زاي الشخص بلا روح شخص عايش ومش عارف هيحصلو اي قعدتت تعيط بهستريا وعياط جامد وبحرقه وكانت بتقول لي نفسها أن لو تميم كان صدقها مكنش حصل كل دا ....

عدي اليوم علي ابطالنا بكل حزنه ووجعه بس ي تري هيفضل كدا كل يوم في نفس الوجع وإلا هيتغير .؟

_____

"تاني يوم الصبح"

فاطمه : تميم ي تميم ...

تميم بتعب : نعم ي ماما في اي ...

فاطمه : فين ندي ي ابني ...

تميم : مشيت ي ماما مشيت ومش هترجع ...

فاطمه بخضه: ازاي مشيت وسبتها تمشي لي ي تميم وعملت اي لكل دا ...

تميم : ونبي ي امي انا مش قادره اتكلم سبيني واطلعي ...

فاطمه : مش هطلع غير لما اعرف ندي راحت فين ..

تميم : ندي طلعت حامل ي ماما ومش مني لأن أنا ملمستهاش ....

فاطمه بصدمه : ازاي ي ابني ... لا ي ابني مستحيل ندي تعمل كدا اوعي تكون صدقت ي تميم وبعدتها وقولتلها حاجه ...

تميم : دا اللي حصل ي ماما وكمان قولتلها كلام يوجعها...

فاطمه : لي ي ابني حرام عليك وهيا يعني ليها غيرك وبعدين م انت عارف ان ندي متعرفش حد هنا وإلا تعرف تمشي حتي في القاهره لوحدها ي تري دلوقتي هتكون راحت فين وإلا حصلها اي ...

تميم قلبه وجعه من كلام أمه....

تميم : وانا كنت عاملها اي يعني ..

فاطمه : مكنتش تسيبها غير لما تسمعها ونتأكد من حملها مش يمكن الحمل يطلع كاذب ...

تميم : مش عارف ي ماما مش قادر افكر وإلا عارف اوصل لحل ...

فاطمه : فكر بقلبك ي ابني والمفروض يكون عندك ثقه ان ندي متعملش كدا انا هسيبك تفكر وتشوف هتعمل اي ...

خرجت فاطمه من اوضه تميم وهيا فيه قمه الحزن علي ابنها ومكنتش عارفه تعملو اي غير أنها تدعيلو أن ربنا ينور بصيرته ويجمعهم تاني لأنها كانت واثقه ان ندي متعملش كدا ...

تميم كان قاعد بيفكر في ندي ومش عارف يوصل لحاجه لحد لما الفون رن عليه ي تري المكالمه هيكون فيها الحل ...؟

تميم بأرهاق : الو مين ؟

الشخص : انا فاعله خير هتقولك الحقيقه ...

تميم : مش فاهم حاجه انتي مين وعايزه اي وحقيقيه اي اللي بتقولي عليها ...

الشخص : اقصد حقيقه مراتك ...

تميم : وانتي تعرفيها منين وتعرفي اي ...

الشخص : اعرف كل حاجه تعالي علي العنوان دا وهقولك كل حاجه وقفلت الفون ...

تميم قام بسرعه لبس وخد عربيتو وراح علي المكان اللي قالت عليه ...

ي تري بعد م يعرف الحقيقه هيعمل اي ؟ 

يتبع 

وللحديث بقية

#روايه_منقذي

#البارت_السابع_عشر_والاخير_من_روايه_منقذي 

                

تميم كان قاعد بيفكر في ندي ومش عارف يوصل لحاجه لحد لما الفون رن عليه ي تري المكالمه هيكون فيها الحل ...؟

تميم بأرهاق : الو مين ؟

الشخص : انا فاعله خير هتقولك الحقيقه ...

تميم : مش فاهم حاجه انتي مين وعايزه اي وحقيقيه اي اللي بتقولي عليها ...

الشخص : اقصد حقيقه مراتك ...

تميم : وانتي تعرفيها منين وتعرفي اي ...

الشخص : اعرف كل حاجه تعالي علي العنوان دا وهقولك كل حاجه وقفلت الفون ...

تميم قام بسرعه لبس وخد عربيتو وراح علي المكان اللي قالت عليه ..لقي بنت في سن العشرينات ميعرفهاش بس هيا اللي كانت موجوده هناك بس ف راحلها ...

تميم : انتي اللي كلمتيني ...

الشخص : ايوا انا ...

تميم : انتي مين وتعرفي مراتي منين وتعرفي حقيقه اي ...

الشخص : انا نور بنت عم ندي واخت ادهم ...

تميم : انتي اخت ادهم ؟ طب واي دخلك في موضوع مراتي ...

نور : هحكيلك ادهم اخويا من فتره سمعتو بيتكلم مع واحده وبيقولها أنها تخدم عندكم بحجه أنها تبع الخدامه اللي كانت عندكم وكانت جايه عشان تراقبك انت وندي وسمعتو كمان وهوا بيديها دواء  والدواء دا اللي فهمتو منه أنو بيعمل اعراض للحمل بس مش بتبقي حامل ....

تميم بصدمه : انتي بتقولي اي تقصدي هانم اللي بتشتغل عندنا وإلا مريم ...كملي 

نور :  لا هانم الخدامه اللي اشتغلت عندكم وكان اي حاجه تحصل عندكم في البيت بتوصل ل ادهم لحد لما في يوم الخدامه اتصلت علي ادهم وعرفتو ان ندي خرجت من البيت ادهم كلم بنت تبعو تروح في المكان اللي ندي كانت فيه ووقعت قصادها والبنت كانت متفقه مع الدكتور وعملو كل دا عشان لما يظهر علي ندي اعراض الحمل تفكر انت أنها كانت نايمه لليله برا وتشك فيها ولما روحتو عشان تشوفو الدكتور كدب عليكم لانو كان ببساطه معاهم .. وغير كدا الخدامه بعد م عملت كدا سابت البيت ومشيت وهيا دي كل الحقيقه .....

تميم بصدمه وندم : يعني ندي بريئه ...؟

نور : ايوا انت وندي كنتو ضحيه لخطه اخويا ...

تميم : طب وانتي اي اللي يخليكي تقولي اللي اخوكي عملو ...

نور : عشان اخويا كدا بيظلمها ندي متستاهلش كل دا وغير كدا تصرفاته معانا في البيت انا وماما بقت قزره بشكل لا يطاق بقي بيهني علي الصغيره والكبيرة بعد م ندي مشيت بقي مدمن مخدرات ومبقاش عارف يسيبها لاول كان بيشرب مخدرات بس مش كتيرررر دلوقتي بقي بيشرب بطريقه غبيه مبقاش قادر يفهم أن اللي بيعملو دا غلط وان كدا بيأذي نفسو ... وغير كدا من فتره اتعدي علي بنت ومشاكله وقرفه كتر ولما كنا بنتكلم معاه كان بيزعق وبيقول محدش ليهه دعوه بيا ... عشان كدا ندي متستاهلش اللي بيحصل فيها دا ندي شافت كتيررر في حياتها .. وبعدين اللي ساكت عن الحق شيطان اخرس .. وانا كان لازم اقول الحق و اقول اللي شوفته عشان حياه ندي متتدمرش اكتر م هيا كانت متدمره ...وغير كدا ماما شجعتني أن اعمل كدا واقولك .....وغير كدا ادهم اخويا خطف ندي ....

تميم :  نعم انتي بتقولي اي ؟...  بس هرجع اقول انا اللي عملت أكبر غلطه في حياتي ... انا اللي ظلمت روحي وظلمت اللي وثقت فيا انا اللي عملت كدا  شعور الندم عمرو م هيسيبني انا معرفش دلوقتي هيا فين وحصلها اي انا لو ملقتهاش هموت ....

نور : اسال الخدامه اللي كانت شغاله عندكم ....

تميم : ودي هلاقيها فين ...

نور : انا عارفه هنلاقيها فين يلا خلينا نمشي ...

ركبوا العربيه وفضلو راكبين لحد لم وصلو لمكان فاضي مفيهوش ناس كتير عايشه فيه .... فضلو يسألو علي هانم لحد لما وصلو بيتها ...

تميم اول م دخل : انتي ي ست انتي ...

طلعت هانم وكان الخوف ممتلكها ...

هانم بخوف : اي في اي يبه ...

تميم : فين ندي ...

هانم : وانا اي عرفني يبه م انا سبت البيت عندكم ومعرفش هيا فين ..

تميم بعصبيه وبزعيق: بطلي كدب بقي انا عرفت كل اللي عملتيه و اوعدك انك هتتسجني مع ادهم باللي انتي عملتيه وعشان متشليتش قضيه التستر كمان علي مجرم ويبقي بدال القضيه قضيتين .. ف اختاري انتي بقي ..

هانم بخوف وعياط : سامحني يبه والله انا عملت كل دا عشان ادهم بيه هوا اللي طلب مني انا اسفه يبه سامحني الله يخليك ....

تميم بزعيق: اخلصي قولي ندي فين ..

هانم : ادهم بيه خدها علي العنوان ********

تميم خد منها العنوان ومستناش دقيقه بعد م سمع عنوان المكان وطلع ركب العربيه عشان يلحق ندي قبل م ادهم يعمل فيها حاجه .....هوا راكب اتصل علي ادم وطلب منه قوه وفريق ويسبقوه علي هناك ...

________________

"عند ادهم"

دخل ادهم علي ندي لقاها واقعه ومرميه علي لارض ووشها جايب دم وباين علي وشها علامات لارهاق والتعب .....

ادهم : اي ي حلوه مالك مرميه كدا ...

ندي بتعب : انت معندكش رحمه في قلبك خالص انت اي ياخي جايب الجحود دا كلو منين ..

ادهم : رحمه ماتتت من زمان من ساعه وفاه ابويا اللي اتوفي من قهره علي ابوكي و تميم هوا كمان هيموت من قهره عليكي ومن اللي هعملو فيكي ي حلوه ...

ندي بتعت وعياط : تقصد اي...؟

ادهم وهوا بيقرب عليها : اقصد ان انا عايزك انا قولتلك أن انتي بتاعتي ومحدش يقربلك غيري...

ندي : ابعد عني انت انسان حيوان انت اكيد مش بني ادم ..

ادهم بوقاحه : تيجي اوريكي انسان وإلا حيوان ...

ندي وهيا بتضربه علي وشه بالقلم : انت انسان حقير وانا مش هسمحلك تقرب مني لو علي موتي.....

ادهم بوحشية وبيشدها من شعرها : هتشوفي الحقير دا دلوقتي هيعمل اي وشدها من أيدها ودخل غرفه تانيه ورماها علي السرير وبعدين خرج اتصل علي اللي معاه وطلب منهم كاميرا تصوير....وبعدين دخل ل ندي مستني لحد لما الكاميرا تيجي ....

____________

" عند تميم "

كان راكب العربيه ومش حاسس بالسرعه اللي بيسوق بيها كان كل همه أن يوصل ل ندي باسرع وقت عشان يعتذرلها ويعتذر عن اللي عملو معاها وعن قد اي مكنش قد الثقه وشك فيها وفي أخلاقها وكمان مسمعش منها وسابها تمشي لوحدها في مكان هيا متعرفش حد فيه وإلا تعرف هيا كانت هتروح فين .... كل دا وكان قاعد بيفكر لحد لما قاطعته نور وهيا بتقوله ...

نور : اطمن أن شاء الله مش هيكون حصلها حاجه ...

تميم : انا قلقان عليها اووي وحاسس الي هيا فيه دا كلو بسببي عايز اوصلها عشان اعتذر لها واوعدها ان انا هعوضها عن اللي حصل وعن اي حاجة زعلتها ...

نور : ندي بتحبك واللي بيحب بيسامح مره واتنين وتلاته في مننا مش بيستحمل بعد كدا وبيمشي وفي مننا بتفضل تستحمل عشان المركب تعدي وتسير ... بس تأكد أن ندي عشان بتحبك هتسامحك وهتسني اللي حصل كمان بس انت تعوضها وتحاول تنسيها كل اللي حصل ب حبك وحنيتك عليها وانك تطمنها وانا من رأيي أن مفيش بنت تكرهه انو حد يحبها ويبقي حنين عليها وانو يطمنها احنا كابنات مش سهل علينا نلاقي الامان ونحس بيه مش سهل نقول لحد انت وجودك جمبي بيطمني مش سهل نقول لحد انت السند اللي هيحميني من ظلم الدنيا....

 تميم : اوعدك أن هكون ليها كل حاجه ... 

 ‏نور : وانا متاكده من كدا ... وفي وسط كلامهم وهما راكبين وخلاص علي وصول ل للمكان اللي ادهم فيه هوا ندي وصل اشعار علي الفون بتاع تميم ... ي تري هيكون لاشعار بيقول اي او عن اي ؟

 ‏مسك الفون بتفقده وبيتفقد اي اللي وصله لقي لاشعار عن بث مباشر علي الفيس بوك ... فتح البث المباشر لقي ادهم بيحاول يقرب من ندي والناس كلها بتتفرج ...

 ‏تميم ثار جنونه أول م شاف الفديو و زود السرعه لدرجه انو كان هيعمل حادثه ...وصل البيت كان بيت مهجور بس بيحاوطه ناس بتحرسه أطلق عليهم نار وبعدين دخل هوا نور فضل يدور علي ندي في كل الغرف لحد لما وصل للغرفه اللي كانت موجوده فيها ...

 ‏تميم بعصبيه وبصوت جهوري : فتح الباب و بعد ادهم اللي كان لسه هيلمس ندي بس ندي كانت كل دا بتقاومه وبتبعده عنها ....

 ‏ادهم بعصبية : اهلا ي روميو كويس انك جيت عشان يحصل كل دا قدام ...

 ‏تميم : دا يحصل علي موتي وضربه جامد وفضل يضرب فيه من وجعه وكأنه بيقوله انت اللي بعدتها عني كل دا وانا مش قد البعد فضل يضربه لحد م وقع علي لارض من شده الضرب .... بعد م وقع ادهم تميم جري علي ندي اللي كانت بتعيط بهستريا جري خدها في حضنه وفضل يقولها انا اسف .... ندي مردتش عليه وفجأه صوتتت بصوت عالي تميم بص وراه لقي ادهم ماسك مسدس وموجهه ناحيته وفجأه صوت طلق المسدس بقي مالي المكان و لقيو ادهم وقع علي لارض ودمو سايح علي لارض ...

 ودي كانت لازم نهايه كل واحد ظالم ومدمن مخدرات  والادمان ممكن يعمل اكتر من كدا بكتيررر لإدمان بيدمر حيات أشخاص كتيرررر دي كانت نهاية ل شخص كان بيقول ي ارض اتهدي محدش قدي بس ربنا كان قادر يهده ويموت بموته بشعه زاي دي .... 

 ‏تميم : شكرا ي صاحب انقذتني واهو بترد شويه من اللي عليك ... ومكملش كلامه ولقي ندي وقعت علي لارض واغمي عليها ...

 ‏تميم جري عليها وخدها في حضنه وفضل يفوق فيها بس مفقتش ....شالها وطلع بيها برا البيت ركبها العربيه وطلع بيها علي المستشفي ....

 ‏اما ادم ف لقي نور قاعده جمب ادهم وبتكلم فيه وبتقوله ...

 ‏نور  بعياط : هتوحشني اوووي كنت اتمني متوصلش نفسك لمرحله زاي دي كنت اتمني تبقي افضل اخ في العالم قساوتك عمتك والمخدرات اللي كنت بتشربها دمرتك بس الكلام دا دلوقتي مبقاش ليهه اي لازمه دلوقتي مقولش غير ربنا يرحمك ويسامحك علي اللي كنت بتعملو في دنيتك ...

 ‏ادم : انتي اخت ادهم ؟

 ‏نور : ايوا ...

 ‏ادم : البقاء لله ...

 ‏نور : الله الباقي ..

 ‏ادم : طب يلا عشان نروح نشوف ندي ..!

 ‏نور : يلا ...

 ‏خرجت نور مع ادم وركبو العربيه عشان يوصلو ل تميم ..

 ‏_________''''

 ‏عند تميم ..

 ‏تميم كان وصل المستشفي وطلب دكتوره عشان تشوف ندي ... الممرضين خدو ندي ودخلوها غرفه في المستشفى ... وتميم فضل واقف برا مستني الدكتوره ...

كان قاعد بيفتكر كل اللي حصل وفضل قاعد يدعيلها أنها تقوم بالسلامه وكل دا وهوا في وسط دموعه فضل يدعي لحد لما الدكتوره خرجت ...

تميم : خير ي دكتوره ندي مالها ...

الدكتوره : ندي اللي كانت فيه انهيار عصبي شديد ياريت متتعرضش ل اي صدمه ..

تميم : طب هيا فاقت ..

الدكتوره : ايوا وممكن تدخل تشوفها ...

تميم دخل لقي ندي نايمه علي السرير قعد جمبها وفضل يكلم فيها ..

تميم بندم: طبعا رووحي زعلانه مني وهوا بصراحه من حقك بس انا غيرتي عليكي عمتني انا ي ندي لما بشوف حد بيبصلك بيبقي بيجري في دمي نار م بالك لما اعرف انك حامل ومن حد تاني ... انا اسف بس صدقيني انا كنت بموت من غيرك اتمني تسامحيني ومتسيبنيش انا محتاجك في حياتي ... احنا ي ندي كنا ضحيه لخطه واحنا وقعنا فيها يعني انا وانتي كل اللي حصل وكل اللي احنا فيه دا اعتبريه اختبار من ربنا وبيمتحن حبنا ... ندي ردي عليا متفضليش ساكته كدا ردي قولي انك سامحيني ..

ندي بدموع : انت عارف انت ملاقتش لامان غير وانا معاك يبقي هسيبك ازاي .؟

تميم اول م سمع كلامها خدها في حضنه وفضل يبوس رأسها ويقولها قد اي هوا بيحبها وهما في اللحظه دي دخل ادم ونور ..

ادم : احم شكلنا وصلنا في وقت متأخر ...

تميم بضحك : اي ي عم الفصلان دا ...

نور : احنا اسفين ي كابتن ...

ندي : ازايك ي نور وحشاني اووي ..

نور : انتي اكتر طمنيني عامله اي دلوقتي ...

ندي: الحمدلله .

تميم : علي فكرا نور هيا اللي ساعدتنا ...

ندي : ازاي ..

تميم هحكيلك وحكي ل ندي كل اللي حصل وبعدين ندي خدتت نور في حضنها وفضلت تشكرها علي اللي عملتو معاها ...

رجعو البيت بعد اليوم الشاق دا و تم القبض علي هانم وعلي كل اللي مع ادهم وتم دفن ادهم لأن إكرام الميت دفنه ... ..

"وبعد فتره "

فاطمه : يلا ي نودي جهزي نفسك انتي ويارا العرسان علي وصول ....

ناديه مامت نور وادهم : الف مبروك ي حبايبي ....

ندي : الله يبارك فيكي ي ماما ... انا حقيقي ربنا عوضني ب احسن امهات في الدنيا كنت بتمني اشوف حنيه الام بس شوفتها فيكو انتو لاتنين بحبكم اوي ...

نور : لا انا كدا هغير علي مامتي وانتي ي يارا هتغيري وإلا اييي ..

يارا بضحك : ايوا دي عايزه تاخد لاتنين ونبي م ينفع فين العدل ي ناس ...

فاطمه : اسكتي انتي وهيا دا ندي دي ملاك ونزل علي لارض بالغلط ..

يارا : طب و انا ...

فاطمه : لا انتي ابليس بيقف مبهور بيكي ...

يارا بزعل : بقي كدا ي فطوم ...

فاطمه : ايوا ..

ندي : لا ي ماما مالكيش حق دي يارا قمر ...

يارا : يديمك ليا ي ست البنات ...

فاطمه : طب يلا خلصو ..

يارا : حاضر 

دخلو الغرفه وبعد ساعه من الزمن خرجو بالفساتين البيضاء اللي كانت زاي بعض وكانو زاي الملايكه علي لارض ...

فاطمه : اللهم مبارك ربنا يحفظكم يارب ...

نور : اخواتي قمرات اوي ربنا يحميكو ...

يارا وندي مع بعض : ويديمك لينا وحضنو بعض ...

وبعد شويه وصل تميم وادم عشان كل واحد ياخد عروسته ...

تميم أول م دخل وشاف ندي اتبهر بجمالها وحلاوتها وادم مكنش أقل انبهار ب يارا وجمالها .. وكل واحد قرب من عروسته .عشان ياخدها ...

تميم : وكدا متقدريش تبعدي عني تاني خالص ... وبعدين انتي جايبه الجمال دا كلو منين ندي انا بحبك بحبك اوووي لا بحبك اي انا بدمنك ...

ندي : وانا بدمنك وانا كلي ملكك لوحدك ...

تميم وهوا بيبوسها من جبينها : ربنا يخليكي ليا وميحرمنيش منك ابداااا ....

ندي : ويخليك ليا ...

_____

ادم ل يارا : اي الحلاوه دي كلها ...

يارا : لا بس مش احلي منك ...

ادم : اي دا انا بتعاكس ...

يارا : تتعاكس علي اي ي عم دا انا بجبر بخاطرك ...

ادم : ايوا رجعنا ل شقاوتك و ل لسانك اللي عايز قصه ...

يارا : نينينينيننيي اصل انت تقدر ..

ادم : م هوا انا فعلا مقدرش عشان انا بعشقك 

يارا : احم وانا كمان ...

ادم : يديمك ليا ي حياتي ..

يارا: ويخليك ليا ..

ادم طب يلا بقي عشان نروح القاعه ... ركبوا العربيات وراحو القاعه والفرح كان اسطوري يليق بيهم وخلصو الفرح علي خير بعد م رقصو وفرحو والفرحه كان ماليه قلوبهم ...

مهاب : يلا كل واحد ياخد عروسته و يروح علي البيت ..

تميم : حاضر ي بابا... 

ادم : حاضر ي عمي ..

روحو البيت وكل واحد مع عروسته ونسيبهم بقي يولاد مع بعض ..

________

"بعد خمس سنين "

ليث : بابا ي بابا شوف رهف عملت اي ...

تميم : معلش العبو مع بعض ..

ندي بضحك : بقولك اي ي يارا رهف متبقاش شديده علي الود كدا ....

يارا بضحك : تربيتي بقي معلش ...

تميم : خلاص بقي انتو لاتنين .. اومال نور هتوصل أمتي ..

نور : انا جيتتتت ....

ندي ل نور و سيف جوز نور  : حمدالله على سلامتكم ..

سيف : الله يسلمك ...

نور : الله يسلمك ي نودي ..

تميم طب تعالو اقعدو واقفين لي ..

قعدو وندي قامت عشان تجيب ليهم حاجه يشربوها ...

تميم قام وراها وراح وقف وراء ضهرها : لا بس انتي وحشتني اوي ..

ندي : وحشتك اي ي كداب ..

تميم : انتي بتوحشيني وانتي معايا ... مش متخيله انا بحبك قد اي ... انا بعشقككك .

ندي : وانا أدمنتك 

تمت بحمد الله 

"خاتمه "

ندي عاشت ظروف قاسيه ولكن ربنا عوضها عوض خير عوض ربنا اللي بيجي ينسينا كل اللي فاتت وكل اللي مرينا بيه ربنا بيقول .يُؤْتِكُمْ خَيْرًا مِمَّا أُخِذَ مِنْكُمْ . عمرنا م نشك في رحمه ربنا سبحانه وتعالى ونخلينا عندنا يقين أن عمره م هينسانا وانو هيعوضنا حياتنا مبتبقاش كلها وحش وحزن حياتنا بتبقي فيها فرح وحزن والحزن ل نتعلم منه ل يأثر فينا ويدمرنا اوعو تسيبو نفسكو للحزن الحزن بيدمر بما تبقو جواكو حزن يبقي نقرب من ربنا ونعرف أننا مقصرين في حقه ف نقرب منه ونقراء قراءن وربنا يجعل القراءن ربيع قلوبنا ..♥️ اما بالنسبه  ل ادهم ف كان قاسي مهما كان الوجع اللي عشناه مينفعش ناخد حد بذنب حد حرام وبعدين القسوه وحشه دا ربنا قال( ..حَرُم على النارِ كلُّ هيِّنٍ لينٍ سهلٍ قريبٍ من الناس .. )

المعني اللي عايزه أوصله أننا نهون علي بعض بلاش قساوه نخلي في قلوبنا رحمه نبعد عن المحرمات واللي منها الخمر و المخدرات وغيرو نهايتهم وحشه وبتدمر حيات الشخص وبيبقي لا طال دنيا وإلا طال آخره ف ياريت نقرب من ربنا اكتر و اكتر وربنا يحفظكم ويحفظني ..

#روايه_منقذي 

#

اتمني البارت يعجبكم ومستنيه رأيكم في الروايه علي بعضها وهزعل لو مقولتوش رأيكم لاني تعبت فيها جدا بحبكم في الله دمتم سالمين ♥️♥️