 |
#اسكريبت بسيط 🌓🤍
هو : انا قررت أخطب
( اه اه سامعين سامعين صوت قلبى اللى بيتكسر ده
الكلمة نزلت على قلبى زى صاعقة مقدرش اتحمل اسمع زيادة
سبته وجريت على شقتى مقدرتش اسمع زيادة كنت حاسة انى لو فضلت دقيقة كمان كان ممكن قلبى يقف خلاص
ازاى !؟ ازاى بعد كل ده يخطب غيرى ازاى يتجوز غيرى ازاى يكون لغيرى انا انا مش مستوعبة اللى قاله قلبى رافض الكلمة
معلش خدتكوا فى دوكة
تعالوا نتعرف
انا حنين عندى ١٨ سنة فى ثانوية عامة مختمرة ومش طويلة ومش قصيرة بردو طولى مناسب وجسمى مناسب طولى بشرتى بيضة وعينى بنى عسلى كده يعنى جمالى طبيعي مش حلوة اوى عادية
كان حلمى من وانا صغيرة أنى اخش إعلام نفسى اكون صحفية وكمان بحب الكتابة والتاليف وان شاء الله يبقى ليا مستقبل فى المجال ده
اللى كنت بتكلم عنه ده كريم جارنا من زمان اوى ويعتبر متربين مع بعض وامه وامى اربعة وعشرين ساعة مع بعض ناقص يباتوا مع بعض
انا بحبه بحبه من زمان اوى من لما كنا صغيرين بس ثانكس جاد احببت حلوف لا يبالي
من واحنا صغيرين واحنا مع بعض فى اى حاجة هو سندى وانا بنته انا بابايا متوفى من وانت صغيرة وماليش غير أمى
وكريم ليه اخت اسمها أميرة ودى فوق فوق الاختى بشوية كده واخين توأم عاصم وعصام
كريم اكبر منى ب ٦ سنين من واحنا صغيرين وهو نفسه يطلع ظابط والحمد لله حقق حلمه ودلوقتى هو شغال فى الداخلية بعد ما اتخرج
لينا ذكريات كتير اوى مع بعض انا اصلا حياتى كلها كانت معاه وهو حياته كلها معايا ازاى هيكون لغيرى ازاى
عارفة انى رغاية اوى بس ده الكلام اللى كتبته فى النوت بتاعتى أما طلعت مفيش غيرها بيسمعنى وحرفيا لو حد مسكها انا الله يرحمنى 😂
فى اليوم المشئوم كنا قاعدين بنتغدى كالعادة احنا على طول بناكل سوا اكننا أسرة واحدة
كريم دخل من شغله باس راس مامته
كريم : مساء الفل على ست الكل
ام كريم ( سمية ) : حمد لله على السلامه يا حبيبى يلا اقعد كل
كريم : ازيك يا حنين
حنين : الحمدلله كويسة
كريم سلم علينا كلنا عادى
بس ميعرفش أما بيقول اسمى قلبى بيحصل فى اي يا اخى منك لله وانت قمر كده
قعدنا كلنا اتغدينا وشيلنا الاطباق وعملنا الشاى وقعدنا عند طنط هما شقتهم فى الدور اللى تحت شقتنا
كريم مسك معلقة صغيرة وكوباية ووقف فى نص الصالة
كريم وهو بيغبط على الكوباية : سكوووت انا عايز اقولكوا حاجة
كلهم سكتوا مستنيين يشوفوا هيقول اي
ليكمل كريم كلامه بابتسامة : انا قررت أخطب
مقدرش اوصف احساسى وقتها كان اي لأن محدش هيحس بيا اصلا حتى لو اي
إحساس انك عاجز قدام حد بتحبه ومش عارف حتى تلومه وتقوله اى حاجة احساس صعب اوى لانك مالكش حتى حق فى العتاب
امى ( شيماء ) : بجد الف مبروك يا كريم وكمان البت حنين جايلها عريس نفرح بيكوا سوا
كريم ابتسامته اختفت : عريس مين ده اللى جالها دى لسة صغيرة
ولتانى مرة قلبى بيتدمر انتوا ازاى مش سامعين صوته
للدرجة دى شايفنى صغيرة للدرجادى انا مش فى بالك أنا عارفة ده من الاول وكنت عايشة على أمل بس انك حتى فى يوم تحس بيا جيت فى لحظة وخدت حتى الامل
ماما : لا يا حبيبى صغيرة اي هى تخلص ثانوية عامة وتتجوز وتكمل فى بيتها بقى اومال مين اللى عاوز تخطبها يا كيمو
كريم : واحدة لسة متعرف عليها عليها قريب لازم اعرفكوا عليها
قلبى مبقاش فى مكان عشان يتكسر تانى خلااص داسوا على قلبى بجزمتهم ومحدش حس بيا بيتكلموا اكنه عادى بس معذورين هما هيعرفوا منين
سيبتهم وطلعت الشقة بسرعة ووهما مستغربين مش عايزة تهرب دمعة من عيونى قدامهم لانى مش هقدر ابرر سببها
دخلت اوضتى قفلت الباب عليا ووقفت وراه معيطش انا انا اصلا لسة مش مستوعبة واقفة بحاول استوعب اللى اتقال أو يمكن اكون بحلم لا لا ده كابوس بس انا انا صاحية مش نايمة يعنى ده حقيقة كل اللى اتقال حقيقة مش قادرة أصدق
ازاى مش حاسس بعيونى اللى بتلمع أول ما بيشوفوه ازاى مش ملاحظ الابتسامة الهبلة اللى بتظهر تلقائى مجرد ما ابصله ازاى مش حاسس بيا
( مقدرش اقول احساسى كان لعبة فى ايديك عشان احساسى هو اللى كان هيموت عليك 💔 )
نمت معرفش ازاى بس رميت نفسى على السرير لعل وعسى اهرب من اللى بيحصل أو يطلع فعلا كابوس وده مش حقيقى
صحيت تانى يوم على صوت
ماما : قومى يلا يا حنين ده العصر هياذن يا بنتى أول مرة تنامى كل ده معندكيش دروس النهاردة والا اي
حنين بنوم : قايمة اهو يا ماما
قومت اتوضيت وصليت ولبست بسرعة عشان كان عندى درس صحيت وانا متاكده مليون فى المية أن ده محصلش كريم ليا ومش لغيرى ده مكانش اكتر من كابوس مش اكتر
نازلة بجرى على السلم عشان متأخرة لقيت كريم فى وشى
كريم بابتسامة عريضة : صباح الخير
حنين بابتسامة باهتة : صباح النور
كريم : اي مالك طلعتى وسيبتينا واحنا بنتكلم كده امبارح انتى كويسة
قلبى اتكسر للمرة اللى مش فاكرة عددها كنت فاكرة أنه محصلش بس بس ده حصل
حنين بحزن ظاهر وبتحاول تداريه : لا مفيش تعبت شوية بس
كريم بلهفة : ليه مالك طب نروح لدكتور
من جوايا كان بيطير مع انى عارفة انى عنده زى أميرة أخته بالظبط بس غصب عني كنت مبسوطة لاهتمامه
حنين بابتسامة بتحاول تظهرها : لا لا انا كويسة عن اذنك
كريم بسرعة : حنين هو انتى هتوافقى على العريس اللى جايلك ده
ملفتش ليه تانى بس غمضت عينى بألم انت ازاى جبلة كده يا آخى بجد بحب حلوف يا شباب انتوا مبتكدبوش
انقذنى من الموقف ده أميرة أخته
أميرة بسربعة : يلا اتاخرنا يا حنين
بالمناسبة أميرة أدى ومعايا فى كل حاجة وهى الوحيدة اللى تعرف اللى فى قلبى لاخوها الحلوف
نزلنا بسرعة عشان نمشى
أميرة : متكتميش فى نفسك يا حنين
حنين وكأنها ما صدقت انفجرت وعياطها على جدا واترمت فى حضن أميرة وهى مش قادرة تاخد نفسها من كتر العياط
حنين بشهقات وصوت متقطع : مبيحبنيش مب يحب نيش يا ام ييرة ه هيكون لغي رى يا امي رة كنت فاكرة أنه أنه كان كابوس بس بس طلع حقيقة وفضلت تعيط بحرقة والم على قلبها اللى اتحول لفافيت
أميرة وهو تمسد على ضهرها بحنان : أهدى يا حنين
بعد شوية حنين هديت شوية ودخلوا الدرس بسرعة عشان يلحقوا والحمد لله ربنا كان معاهم ولحقوا الحصة من اولها
خلصوا ورجعوا البيت كان كلهم قاعدين مع بعض فى شقة حنين
أميرة : السلام عليكم يا اهل الدار
كلهم : عليكم السلام ورحمه الله وبركاته
شيماء : تعالى يا حنين عايزاكى
كريم ركز معاها لانه عارف هى عايزاها فى اي وبيتمنى من كل قلبه أنها متوافقش ميعرفش ليه بس هو بيقنع نفسه أنها أخته ولازم تكمل دراستها الاول
خدتها مامتها ودخلوا اوضتها
شيماء : بصى يا حنين وحكتلها تفاصيل كل حاجة عن العريس
حنين ساكتة ودموعها محبوسة وعلى تكة وهتعيط
شيماء : هاا موافقة تقعدى تشوفوا بعض
حنين بقلة حيلة : اللى تشوفيه يا ماما
شيماء قامت زغرطت مع الزغروطة دى اتفرم قلبين قلب حنين اللى مليان حزن وألم وقلب كريم اللى صعق أنها وافقت بسرعة كده ومن غير حتى ما تشوفه
خرجت ام حنين من الاوضة عشان تسيب حنين تغير
اول ما خرجت وصل لحنين رسالة على الواتس من رقم مش متسجل كان محتواها متزعليش عليه هو ميستلش طيبة قلبك
اتصدمت حنين من الرسالة لأن محدش يعرف بحبها ليه غير أميرة مين ده اللى بيواسيها
عملت بلوك للرقم وقامت غيرت وصلت وخرجت برة لقت كريم ومامته وأخواته نزلوا خلاص
حنين : اومال فين أميرة يا ماما مش هتطلع نذاكر النهاردة والا اي
شيماء : أميرة قالت انك تعبانة وهتاخدوا النهاردة أجازة
حنين : انا فعلا تعبانة وهخش انام
دخلت لقت رسالة تانية من رقم تانى متعمليش بلوك ومش معنى انك تعملى بلوك أنى مش هعرف اوصلك انا اللى استاهلك يا حنين مش هو والايام هتثبتلك ده
حنين مصدومة من اللى بتقراه ومش عارفه تعمل اي غير أنها سابت الفون واترمت على السرير وبعد تفكير طويل جدا نامت
صحيت على الفجر كده صلت وقعدت تقرا قران لقت باب شقتها بيخبط
دخلت لمامتها ملقتهاش جوة راحت بحذر تشوف مين اللى جاي فى وقت زى ده وتشوف مامتها فين
بصت من العين السحرية لقيته كريم متدهول ومش قادر يقف فتحت الباب بسرعة افتكرته تعبان
حنين بلهفة : مالك يا كريم فى اي
كريم بتوهان ولسانه تقيل : انتى مش لغيرى يا حنين فاهمة
حنين استغربت جدا الحالة اللى هو فيها كريم انت انت سكران ازاى كريم اللى مبيسيبش فرض شارب للدرجة دى ده عمرة ما شرب سيجارة ازاى كده
فاقت من افكارها عليه وهو بيزقها جوة الشقة وبيقفل الباب
حنين بخوف : كريم اي اللى انت بتعمله ده افتح الباب واتفضل اطلع برة انت عارف الوقت امتى
كريم مكانش مركز ولا سامعها
قرب منها وهى بترجع لورا بخوف : كريم كريم فى أي مالك
كريم بيردد كلمة واحدة بس : انتى ملكى ومش هسيبك لحد تانى
وفضل يقرب منها وهى ترجع بخوف لحد ما بقى قدامها وهى مش لاقية مهرب حتى مامتها متعرفش فين الفجر كده
حنين بفزع : كريم كريم اعقل انت مالك فى اي اطلع برة حالا بدل ما اصوت والم عليك الناس
كريم بسخرية : صوتى براحتك محدش هينجدك منى انتى ملكى برضاكى أو غصب عنك
وقرب منها وحاول يفك طرحة الاسدال اللى لابساه
حنين بعياط وفزع وبتزقه : كريم ابعد ابعد عنى حد يلحقنى كريمممم لااااااااااا
يا ترى اي اللى هيحصل ده هنعرفه البارت الجاى وده اسكريبت صغنون كده بقيته هينزل بكرة أن شاء الله ♥️
تفتكروا مين اللى بيبعت لحنين الرسايل !؟
وهل يا ترى كريم بيحبها بجد !؟
ولو بيحبها يخطب غيرها ليه !؟
#اسكريبت بسيط ٢ 🌓🤍
صحيت حنين من نومها مفزوعة وهى بتصرخ لااااا يا كرييم
صحيت لقت نفسها فى اوضتها غمضت عيونها بالم دموعها نزلت تلقائى
صلت وقرت ورد القران بتاعها اليومى
وخرجت مالقيتش مامتها ولقيتها تحت عند كريم
دخلت حنين
حنين بابتسامة : السلام عليكم
كلهم : وعليكم السلام
حنين : صباح الخير
أميرة : صباح الفل يا ست الكل
حنين : مالكوا كلكوا مشغولين كده ليه بتحضروا لايه
ام كريم بابتسامة : كريم قالنا أنه خد ميعاد لاهل عروسته
واحنا بنحضر عشان المفروض نروح النهاردة باليل
حنين بابتسامة بتجاهد لخروجها : اه تمام الف مبروك
يلا يا اميرة عشان ورانا درس
أميرة من الاوضة : بلف الخمار اهو يا حنين دقيقة
شوية وخرجت أميرة : يلا يا حنين
نزلوا وقابلوا كريم قدام العمارة
أميرة باستغراب : اي اللى جابك بدرى كده
كريم بمرح : الاااه مش عريس ولازم اجهز
كان بيهزر عادى بس مخدش باله من القلب اللى اتكسر للمرة اللى مش فاكرة عددها
كريم : صباح الخير يا حنين
حنين : صباح النور يلا يا ميرا هنتاخر
كريم : استنوا هوصلكوا
حنين بسرعة : لا معلش مش عايزين نعطلك يا عريس يلا يا ميرا
وشدت ميرا ومشيوا مستنتش يرد عليها
عدى الوقت بسرعة وجه الوقت اللى هيروحوا فيه للعروسة
شيماء بعصبية : يعنى اي مش رايحة يا حنين انتى عايزة كريم وأمه يزعلوا منك
حنين بزهق : يا ماما مفيهاش زعل انا هروح اعمل اي وبعدين انا ورايا مذاكرة كتير
شيماء : انا خلاص زهقت منك عنك ما جيتى انا نازلة
مجرد ما قفلت الباب نزلت دموع حنين المحبوسة بحرقة على خدها
حنين فى نفسها : صدقنى يا كريم انا مش ضعيفة وعمرى ما هكون وهنساك
عزمت من جواها أنه خلاص مبقاش ليه مكان فى قلبها
ولكن هل يخضع هذا المتمرد الصغير بداخلنا لما نريده !؟ 💔
بعد وقت حنين لقت الباب بيخبط هى عارفة أن مفيش حد فى البيت كلهم مشيوا مع كريم
لبست اسدالها وراحت تفتح الباب لقت كريم فى وشها
حنين باستغراب : انتوا لسة ممشيتوش
كريم بابتسامة : طب يرضيكى اختى حبيبتى متشاركنيش فى يوم زى ده
حنين فى نفسها بتصرخ وبتصارع نفسها : انا مش اختك انا متقوليش كده تانى انا انا ماسكة نفسى بصعوبة عشان ماصرخش فى وشك دلوقتى واقولك انك ليا وانى انى مش هستحمل اجى معاكوا
حنين بهدوء عكس اللى جواها من اضطراب : هلبس وانزلكوا
( كل الحاجات الضايعة ليه اتعلقنا بيها مش كل حاجه نفسنا فيها نلاقيها بنهوى ليه نعذب روحنا !؟ 💔 )
لبست حنين ونزلتلهم لقيتهم مستنينها
عصام بصفير ( اخو كريم ) : اوبا يا حنين اي الجمال ده يا بت
حنين بمرح : قلب اختك يا ولا
حنين كانت لابسة فستان بيبى بلو وعليه خمار اوف وايت وكانت قمر اوى
كريم بضيق : طب يلا بقى والا اي
وصلوا عند أهل العروسة وقعدوا واتكلموا وبعد وقت طلعت العروسة ووشها فى الارض ودموعها بتهدد بالنزول
حنين استغربت بس معلقيتش
فاقت على صوت ابو العروسة وهو بيقول خلينا نسيب العرسان لوحدهم شوية
خرجوا كلهم قعدوا فى الصالون وسابوا العرسان بس كانوا قريبين منهم
حنين طول الوقت قاعدة ساكتة ومش بتتكلم
فتحى ( اخو العروسة ) : وانتى بقى بتدرسى اي يا حنين
حنين باختصار : انا لسة ثانوية عامة
فتحى بنظرات متفحصة : ربنا معاكى يا رب
حنين لاحظت ده واتضايقت جدا بس مديتوش اهتمام
بعد شوية خرج كريم وعروسته اللى كانت هتطير من الفرحة على عكس ما كانت داخلة من شوية
كريم : فرصة سعيدة يا عمى وان شاء الله الخطوبة فى الميعاد اللى اتفقنا عليه بعد اسبوع
ابو العروسة : شرفتونا يا جماعة
وكريم لاحظ نظرات فتحى لحنين وكان متضايق جدا
اختصر الكلام وخدهم ومشى
كلهم هنوه وباركوله الا حنين اللى كانت باصة من شباك العربية وسرحانة
شيماء : كريم بكرة باذن الله عريس حنين جاى وانت اللى لازم تقعد معاه انت ولى أمرها يا ابنى وفى مقام اخوها
كريم بضيق ظاهر : أن شاء الله يا خالتى حاضر
كريم مستغرب أنه من متضايق من كلمة اخوها مع أنه على طول بيقولها أنها أخته
ولكن هل للقدر رأى اخر !؟ 🌚
وباقى اليوم عدى عادى من غير احداث تذكر
تانى يوم الصبح
شيماء : اصحى يا آخرة صبرى عايزين نخلص اللى ورانا
حنين بنوم : عايزة منى اي يا ماما سيبينى انام
شيماء : تصدقى بالله هتلاقى الشبشب فى وشك دلوقتى يلا بقى يا بت قومى عايزين نخلص اللى ورانا عشان الضيوف
افتكرت حنين ان فى عريس جاى ليها النهاردة
اتنهدت بحزن : قومت اهو يا ماما هصلى واجى وراكى
عزمت حنين بداخلها أنها ستخرج كريم من قلبها لا محال
قامت اتوضت وصلت وخرجت نضفت الشقة كلها من فوقها لتحتها
حنين بتعب : يا ماما والله ابو زغلة مش هينزل تحت الكنبة لا متخافيش مش هيطير يشوف النجف والله لا
شيماء باستغراب : ابو زغلة مين
حنين : عريس الغفلة
شيماء بضحك : قومى يا بت خلصى اللى وراكى
خلصوا وعدى الوقت بسرعة وجه الوقت
جه العريس وقعد مع كريم اللى مش طايقه وسيكا وهيخنقه
طلعت حنين من اوضتها وهى وشها فى الارض مش كسوف تؤ هى مش عايزة تشوفه اصلا عادى
دخلت حنين وقعدت وبرقت فجأة وهى لسة عينها فى الارض
يا ابن الورمة ده انا ضهرى باظ فى السجاد عشان تيجى انت تدخل بالجزمة طب صبرك عليا بس
خرجوا وسابوهم يقعدوا لوحدهم شوية
العريس ( احمد ) : السجادة بتاعتكوا حلوة فعلا
حنين باستغراب : افندم
احمد : اصلك باصة ليها من ساعة ما دخلتى
حنين فى نفسها : ابو تقل دم امك
حنين ببرود ومن غير كسوف : لا خالص انت بس متعرفش انا منضفة قد اي الصبح وعملت اي فى السجاد ده عشان تيجى حضرتك بكل بساطة تدخل بالشوز عادى
احمد باحراج : احم مش قصدى حاجة والله
حنين : والا تقصد خلاص اتوسخت شكلك لابس شراب مخروم أو فردة وفردة
احمد باستغراب : ايه
حنين ببراءة : ايه ايه
احمد فهم انها بتحاول تطفشه و
ابتسم بخبث
حنين ببرود : اتفضل انجز جاى ليه
احمد : لا ابدا يعنى بيقولوا انى جاى اتقدم لعروسة كده
حنين بدهشة مصطنعة : يا راجل تصدق محدش قالى
احمد بضحك : بصى انا فاهم اللى بتحاولى تعمليه ومقدره جدا والله بس انا محتاجك تساعدينى ممكن
حنين باستغراب : اساعدك فى اي
احمد : هقولك .....................
حنين بفرحة يا جدع انت بتتكلم جد بالله عليك
احمد بضحك : اه والله
حنين بصوت عالى : أمااا هاتى المأذون وتعالى قصدى كريم كريم
احمد بضحك : والله مجنونة
شيماء : هاا نقول مبروك
حنين بضحك : بلى الشربات وزغرطى يا ست الكل
كريم واقف خلاص هيطلع دخان من ودنه
حنين بغمزة : يلا سلام يا ابو حميد وعلى اتفاقنا مضطرة اسيبك وأقوم والله اصلى ورايا درس عمرك شوفت واحدة راحة درس يوم قراية فتحتها
احمد بمرح : عادى انتى اصلا نحس
حنين بمرح : ايش هذا والله ما كذبت
كلهم ضحكوا ماعدا كريم اللى كان واقف متضايق وعايز بجيبها من شعرها ويولع فى احمد
عدى وقت ومشى العريس ونزلت حنين لاميرة عشان الدرس
أميرة محضرتش قعدة العريس
كانت قاعدة مع حنين فى اوضتها بعدين نزلت عشان العريس كان جاى تعارف من غير أهله فملهاش لازمة تقعد
حنين بمرح وهى تفتح الباب بتاع أميرة : النهاردة هكلم ابوكى قالها وروحى راحت يانى قالى اي خدودك كسفوكى لونهم برتقااااانى 💃💃😂
أميرة باستغراب من حالة حنين اللى كانت سايباها هتعيط فوق
: مالك يا حنين هتموتى يا بت والا اي
حنين بهيام : يا سلام لو شوفتيه يا بت يا ميرا
أميرة بدهشة : انتى بتتكلمى بجد 😳
حنين : اى فى اي
أميرة : انتى فى وعيك
حنين وهى بتقلد عبلة كامل : انتشى مالك انا واحدة جرحى بيلم بسرعة انتشى مالك
أميرة بضحك : البت اتجننت البت اتجننت
قعدوا يضحكوا وراحوا الدرس وجم وقعدوا يذاكروا شوية وطلعوا ناموا
دخلت حنين اوضتها لقت رسالة من نفس الرقم تانى : على فكرة وحشتينى من امبارح وكان باعتلها فيديو لكريم وعروسته وكانوا قريبين جدا من بعض ووشه قدام وشها
حنين بدموع : وانا مالى انا انا قولت هنساه وده ميخصنيش انا لازم اعرف صاحب الرسايل دى وازاى عارف بكل ده
بعت رسالة تانى عرفتى أنه ميستاهلكيش
عمر وسلمى اوى 😂
( جوزك مبقاش بيحبك سيبيه قبل ما هو يسيبك ) 🌚
احم سورى اندمجت شوية
حنين بعتت : انت مين
هو : هتعرفى كل حاجة فى الوقت المناسب
حنين بتفكير : امبارح كنا عند عروسه كريم لوهلة قلبها وجعها من الكلمة دى
حنين : ومكانش فى حد غريب قابلته غير اخوها يبقى وحشته من امبارح ازاى وانا مشوفتش حد وأخوها معرفوش عشان اتهمه
ونامت من كتر التفكير
عدى اسبوع والايام روتينيه
وجه يوم خطوبة كريم
صحيت حنين اتوضت وادت فرضها وجالها مكالمة
حنين : الو
وبرقت وكانت الصدمة ..
البارت الجاى الاخير أن شاء الله وهينزل بكرة
اكتبوا توقعاتكوا فى الكومنتات
تفتكروا احمد عايز حنين تساعده فى اي !؟
واى سر حزن عروسة كريم وبعد ما خرجت بقت فرحانة !؟
ومين بيبعت الرسايل لحنين !؟
وحنين اتصدمت ليه ومين كلمها !؟
#اسكريبت بسيط ٣ والاخير 🌓🤍
حنين : الو
الشخص : صباح القمر
حنين : مين حضرتك
الشخص : معقول يا بيبى مش عارفة صوتى
ثوانى وكانت قافلة فى وشه وعاملة بلوك
كانت عارفة مين لأن صوته حقير وهى عرفت تميزه
رسالة جديدة على الواتس مش معقول لحد دلوقتى عاملالى بلوك ١٥ مرة واتس وفون
طبعا مش جديد بلوك
بعد وقت كانت قاعدة فى اوضتها وبتكتب فى النوت بتاعها كالعادة
اشتقت اليك ولذكرياتنا التى لا نهاية لها لا انسى حرف مما حكينا به كم اشتقت الى حياتى السابقة وانت بها لا اريد هذه الحياة الروتينية اريد أن يعوضنى الله على صبر قلبى ويجعلك من نصيبى فأنا لا اتحمل أن تكون دبلتك بيد غيرى 🥀💔
بقلمى ✍️🤭👆
بابها خبط وكانت مامتها
شيماء : انتى قاعدة لوحدك ليه يا حنين
حنين وهى بتدارى دموعها : ابدا يا ماما بذاكر
شيماء : لا تذاكرى اي تعالى معايا انتى النهاردة عروسة
حنين باستغراب : عروسة اي بس
شيماء : اه والله احمد كان عاملهالك مفاجأة وهيعمل خطوبتكوا مع كريم النهاردة وانا اللى قولتلك اوعى تقوليله
حنين باستغراب : احمد
خرجت مامتها جابت الفستان ودخلت الميكب ارتست
وطلعتلها أميرة وقعدوا مع الميكب ارتست وقت طويل هى وأميرة
خلصوا وفضلوا فى الاوضة وأميرة باين على وشها الحزن
حنين : مالك يا ميرا انا ملاحظة انك متضايقة
أميرة بابتسامة باهتة : مفيش حاجة يا حنين
حنين : لا فى مالك فى اي
أميرة بدموع محبوسة : معرفش يا حنين معرفش
حنين : ازاى يعنى احكيلى مالك اوعى دمعة تنزل عشان الميكب هيبوظ
أميرة : بصى يا حنين انا بحب واحد عارفة انك هتقولى اي الهبلة دى بس انا حبيته من نظرة ومش مقصودة انتى عارفة انى بعض بصرى
حنين بابتسامة : ومين سعيد الحظ
أميرة : معرفوش ده انا قابلته فى السوبر ماركت صدفة والله وشوفته أقل من الثانية
Flash back....
قبل كام يوم
نزلت أميرة السوبر ماركت عشان تجيب حاجات
أميرة للبياع : عمو لو سمحت هاخد دول ممكن تحسبلى الحساب
لاحظت حد واقف جمبها بيكتم ضحكته بالعافية بس مهتمتش
خدت الحاجة ولسة هتلف وتمشى خبطت فى حد واللى فى أيده وقع وكان برطمان نوتيلا
أميرة بدموع : انا بجد اسفة مش قصدى
عمر : خلاص خلاص أهدى فى اي
أميرة بدموع : دى نوتيلا يعنى مش اى كلام وكمان من الكبيرة بجد انا اسفة جدا
عمر بضحكة خفيفة : لا ولا يهمك مفيش حاجة انا اللى غلطان اصلا
أميرة بحدة : تمام عن اذنك
عمر فضل مركز معاها بس دقيقة وانتبه لنفسه وغض بصره بسرعة
End flash back....
حنين بابتسامة عريضة : طب ومزعلة نفسك ليه بس
أميرة : حاسة انى غضبت ربنا
حنين : لا متخافيش يلا بينا بقى عشان انا على تكة وهعيط
أميرة بضحك : يلا يا اختى
نزلت حنين لقت كريم وأحمد واقفين تحت
احمد كان قمر اوى ببدلته القمر دى
وكريم كان قمرين
حنين دموعها بتهدد بالنزول هى عارفة أنها كده كده مش هتتخطب لاحمد بس ده ميمنعش أن خلاص كريم مش ليها
( تفوت سنين واقول نسيت خلاص هواه وانا ولا بنساه واشوف صورته بتوحشنى حياتى معاه عماله بتيجى فى بالى وبفتكر اللى فات والعمر يعدى قصادى ويتعاد فى حكايات واهى ذكريااااات 😅💔 )
كريم اول ما عينه وقعت عليها انبهر من جمالها
راحوا كلهم على القاعة وكريم راح يجيب عروسته
حنين قاعدة وشافت كريم جايب عروسته وداخل القاعة
اااه يا وجع قلبى اللى محدش حاسس بيه
بس استغربت لما شافت كريم بيسلمها لاحمد اللى كان طاير بيها
Flash back....
احمد : بصى انا عايزك تساعدينى
حنين باستغراب : اساعدك ازاى
احمد : هقولك بصى انا اخويا قابل أميرة أخت كريم فى السوبر ماركت صدفة وحبها وحكالى اللى حصل وأنه حاسس أنه غلط عشان مغضش بصره واستغفر كتير اوى وانا سالت وعرفت عنوانها وكده من وصفه ليها ومش عايز يتقدم ولا حاجة خايف ترفضه وبيعاقب نفسه على غلطه
ما أسوأ أن يعاقب المرء نفسه بأن يحرمها مما تحب 💔🥀
انا عايزك تساعدينى نقربهم من بعض
حنين : نقربهم ازاى يعنى
احمد : يعنى نخليهم يشوفوا بعض تانى أو نخطبهم على طول عشان دى ناس متجيش غير بالعين الحمرة
حنين بابتسامة : يعنى انت مش جاى تتجوزنى
احمد : انا اصلا بحب واحدة تانية انتى اختى
حنين : تصدق بالله انت أجدع من السقا يا جدع وانا هساعدك طبعا اميرة دى اختى
احمد : الله يكرم اصلك يا ست
End flash back...
حنين فى نفسها : بس لحظة كريم بيديها لأحمد ليه
ثوانى وكان كريم قدام حنين وراكع على نص ركبة بشكل رومانسى جدا
كريم بابتسامة : تقبلى تتجوزيني وتقضى حياتك معايا يا ملاكى
حنين بصدمة : نعم
كريم : هقولك ليه كمان شوية
حنين بصدمة وفرحة : يعنى اي
كريم : يا بت اخلصى رجلى وجعتنى
حنين بصت حواليها والكل مركز معاهم اتكسفت جدا : موافقة
بعدها عمر عمل نفس الحوار وأميرة وافقت
كل عريس خد عروسته على الكوشة
حنين : كريم انا عايزة افهم ازاى حصل كل ده
كريم : شوية وهقولك اصبرى
شوية ودخل القاعة مأذون جوز التلاتة 😂
عند كريم وحنين
كريم : بصى بقى يا ستى انا بحبك ♥️
حنين بصتله بصدمة
كريم : اه اه بحبك متبصليش كده من واحنا صغيرين وانا بقولك انك هتبقى ملكى ومش لحد تانى والا نسيتى بس كنت محافظ عليكى لحد ما تبقى حالالى عشان ربنا يبارك لنا
حنين بدموع فرحة : طب وهدير ( عروسة احمد ) لا احمد صاحبى كان محتاج زقة كده
اصل كان جايلها عريس واهلها موافقين وهيغصبوها واحمد كان مسافر فأنا روحت بداله احجزهاله بس واما رجع راحلها
فى نص الفرح وصلت رسالة تانى لحنين فاكرة هسيبك تضيعى منى تبقى بتحلمى
لحد هنا ومسكتتش وورته لكريم وورته الفيديو بتاعه هو وهدير
كريم : ده فوتوشوب بربع جنيه ده 😂
حنين بتوتر : كريم انا عارفة هو مين كلمنى فون مرة
كريم : مين
حنين : فتحى اخو هدير
كريم بضيق : فتحى أما نخلص الفرح بس يستنى عليا
عصام حضن عاصم بكوميدية خلينا احنا سناجل كده احنا اصلا مالناش غير بعض يا اخويا 🌚😂
وخلصوا الفرح وكريم اتصرف مع فتحى بطريقته
عدى سنتين حنين حققت حلمها ودخلت الكلية اللى بتحلم بيها وأحمد وهدير اتجوزوا واميرة وعمر فرحهم مع حنين وكريم اخر الشهر خلاص
واتجوزوا خلاااص وعاشوا فى تبات ونبات وخلفوا صبيان وبنات 😊♥️
غض البصر ....🥀
بنت او ولد ربنا أمرنا بغض البصر عشان قلبنا مش بأيدينا وأما نعمل حاجة تغضبه هو ده اللى بيوجع قلبنا
بنت حاولى تحافظى على قلبك وتصونيه للى يستاهلك واللى يدخل بيتك من بابه ♥️
ولد لو بتحب بنت حاول تحافظ عليها وعلى قلبها لحد ما تبقى حلالك وادعى بيها فى صلاتك وربنا هيستجيب متخافش ومتروحش تقولها عشان تبنى علاقتكوا أنها على أساس تقوى عشان ربنا يرزقكوا روح بيتها وخبط على والدها هو هينفعك اكتر فى الحوار ده يعنى متروحش تقولها بحبك تؤ قولها برجولة يعنى تروح لابوها تقوله انا شارى بنتك ♥️
ربنا يجمع كل قلبين بيحبوا بعض فى الحلال 🥀♥️
فلذة تعبيرك عن مشاعرك فى الحلال لن تشعر بها قبله تحت اى مسمى اخر ...🥀
اتمنى يعجبكوا ♥️
#الكاتبة_فاطمة_سعيد ♥️
اتفاعلو بعشر تعليقات ولايك ومشاركه وتفاعل كتير ومتابعه
تعليقات
إرسال تعليق