 |
-ايوا ي بابا بس انا موافقة اتجوزه
=وانا مش موافق
-اقدر اعرف اى السبب
=مش مناسب ليكى
- بس انا مرتحاله وموافقة عليه
=انا مش بعلمك علشان تتجوزى واحد معاه دبلوم فوقى لنفسك ي هند شوفى انتى اى واعرفى مكانتك كويس
- مش معنى انى معايا كلية وهو معاه دبلوم يبقا مش مناسب الرسول صلى الله عليه وسلم قال خذوهم على خلق وهو انسان بيصلى ومحترم وشايفة فى عيونه انى عوزانى وانا مرتاحة وعاوزاه وبعدين هو مش جاهل بالعكس ده معاه شهادة انا آسفة ي بابا بس انا هتجوزه
= اى ي هند انتى هتكسرى كلام ابوكى
- ي ماما انا اللى هعيش معاه مش انتى ولا بابا
= ما انتى جالك ابن خالك واللى معاهم كليات وموافقتيش اشمعنا ده
- عاشان قولت مرتحاله انا عاوزاه انا مش شايفة اى عيب فيه وقوله انى موافقة ، قولت الكلمتين دول ودخلت انا معرفش هو ليه عقليتهم كداا اى مناسب واى مش مناسب هو انا اللى هعيش ولا هما ومحسسنى انو جاى من الشارع واحد ومحترم وابن ناس وعارف ربنا وكمان مش جاهل هما ليه مش عاوزنى افرح كانت افكار متجمعة فى دماغى مش عارفة اعمل اى كل اللى عارفاه انى عاوزاه وخلاص وانى مرتحاله عمرى ما ارتحت لحد بالمنظر ده لقيت ماما داخلة عليا
- ريحى نفسك يا ماما انا قولت اللى عندى وخلاص
= هو انا قولت حاجة ي بنتى
- اصل انا عارفة انتى داخلة لى أكيد بابا قالك ادخلى عقليها وانا عاقلة ي ماما وقولت انا عاوزاه وانا موافقة عليه
= من امتا وانتى بترفضلنا طلب ي هند
- عاشان دى حياتى ي ماما انا اللى هعيش مش انتوا انا طول عمرى بسمع كلامكم فى كل حاجة الا حاجة متعلقة بحياتى ي ماما هو انا اعيش مع حد مرتحاله واعيش معاه فى سعادة ولا اعيش مع حد انا مش مرتحاله واتجوزه وفى الاخر أطلق لانه مش هيطيق يعيش معايا لانى مش هقدر اديله حقوقه وبعدين هو انتوا لى كداا لى اى حاجه جابرنى عليها هو حرام افرح زى بقيت البنات اى حرام اختار اللى انا عاوزاه وشايفة ان حياتى هتكون كويسة معاه انا حياتى قدامك اخر ادينى مرة واحدة فرحت فيها الحاجة اللى هتخلينى سعيدة مش عاوزين تحققهالى ، كنت بتكلم وانا بعيط كانت ماما ساكتة
- خلاص ي بنتى انا هقول لابوكى مدايقيش نفسك خلاص
"بارك الله لكما وبارك عليكما وجمع بينكما في خير"
-ياااه يعنى هو ده اللى عملتيه علشان تخليهم يوافقوا على بابا ي ماما
= اه ي ست غرام اصل جدك كان مخه ناشف شوية
-وخلفتونى امتاا بقاا ي ماما
= يعنى اتجوزنا وبعد سنة كداا خلفتك
- الله الله اقعدوا ارغوا انتوا كداا وشكلنا مش هناكل النهاردة
بصيت لقيته صحى من النوم
- مش تقول صباح الخير الاول اى طالع تسأل على الاكل كداا علطول
= صباح الخير بس ي صباح الورد والعسل على احلى بنوتين ربنا رزقني بيهم ، غرام جريت عليه
- ماما كانت بتحكيلى على جوازكم ي بابا ، شالها من على الأرض
= ياااه هى لسة فاكرة
- ليه ده احنا بقالنا خمس سنين متجوزين فاكرنى كبرت ولا اى
= لا ي حببتى انتى طول عمرك هتفضلى صغيرة
- اه بحسب هاروح احط الاكل ، دخلت المطبخ سمعت غرام بتهمس ليه
= هو انت لى ي بابا قولتلها أنها صغيرة ده ماما كبيرة اوى
- اسكتى ده ما بتصدق تنكد
خرجت من المطبخ
= ليه ي مصطفى كل يوم منكدة عليك عيشتك انا صح
- هو انتى بتسمعى منين
= ملكش دعوة اسمع باللى اسمعه ، ودخلت المطبخ تانى
-عاجبك كداا ي ست غرام اخر زعلت
= هى اصلا ماما زعلانة منك ي بابا علشان انت مش بتقعد معاها زى الأول وعلطول سيبنا لوحدنا
- طب مش بروح الشغل عاشان اجيب للقمر بتاعى اللى هو عاوزه
= ايوا
-طب تعالى اقولك على حاجة
= نحم
- يلهوى على العسل ي ناس اى رأيك تروحى عند تيتة تباتى تحت عاشان اعرف اصالح ماما
= بس انا عاوزة اقعد معاكوا
- هو يوم بس واجى اخدك
=طب هو انت يعنى هتصالحها ازاى فيها اى لو انا قعدت معاكوا
- لا هصالحها ازاى اه هنلعب
= طب العب معاكوا
-مينفعش عاشان اللعبة دى لازم يكونوا متجوزين وكبار اللي يلعبوها
= طب ما ماما تجيب نونو صغير عاشان انا العب معاه وكداا الصغيرين يلعبوا مع بعض والكبار يلعبوا مع بعض
- ما انتى بقاا تروحى عند تيته وانا هخلى ماما تجبلك نونو صغير
= بجد ي بابا
-بجد يقلب بابا
خرجت لقتهم بيحضنوا بعض
- ماما انا قولت لبابا انك زعلانة منو وهو قالى انى اروح عند تيتة عاشان ، فجأة مصطفى سكتها
= خلاص ي غرام انتى هتسيحيلى مش كل حاجه ي حببتى تروحى تقوليها
- حاضر سكت اهو
قعدنا كلنا من سكات
فى الاوضة
- انت قولت لغرام اى
قرب منى
=مش لما تكونى زعلانة تقوليلى علشان اصالحك
ابتسمت
- دى حاجة بتتحس مش بتتقال
= ما انتى مش بتبينى كداا اعرف من غرام انك زعلانة
- عارفة أن الشغل تقيل عليك مبرضاش احملك فوق طاقتك
= انتى اهم حاجة عندى فى الدنيا اذا كنتى مرتاحة فأنا هكون مرتاح
= مصطفى انا صاحبتى عاوزنى اشتغل دكتورة فى المستشفى معاها
- وغرام ي هند
= هخدها معايا مش هسبها
- وهما هيوافقوا
= اه هقعدها فى المكتب معايا مصطفى انا مبقتش دكتورة عاشان اقعد فى البيت
- وانا عمرى ما اقف قدام اى حاجة انتى عاوزاها
= يعنى موافق بجد
- موافق بس لو تعبتى هتقعدى بعدين عاوزين نجيب اخت لغرام قالها بغمزة
= مصطفى البت برة اتلم
فجأة دخلت غرام
- انتوا بتعملوا اى
= هى البت دى حاشرة نفسها فى كل حاجة لى انزلى ي غرام يلا عند تيتة اقعدى معاها زى ما قولتلك
- حاضر ، نزلت غرام
- اى ده انتى بتبصيلى كداا ليه معجبة ولا اى
= فرحانة عاشان عمرك ما خذلتني فى اختيارى وانى اخترت صح شوفت فيك الحنية والحب ليا والحب لبنتك مقصرتش معايا في حاجة
-عاشان بحبك
"وكأنك خلقت ليجعلك الله من نصيبى"
#اختاروهم_على_خلق
ممكن ريأكت لو عجبك وياريت كومنت لطيف
تعليقات
إرسال تعليق