 |
الحلقه الاولى الي الخامس
فتحت ياسمين عنيها لقت الظلمه حواليها في كل مكان وصوت المطر علي شباكها
اتعودت طول الاربع سنين اللي فاتوا علي الجو الكئيب اللي في الريف
بس اليوم ده بالذات كانت حاسه بكابه
ياسمين كانت بنت جميله بشعر اسود وابتسامه تخطف العقول
وحزن مسيطر علي عنيها
امها صفاء كانت ست حنونه ولطيفه بس كانت تحت سيطره جوزها
رجل الاعمال الكبير حسين لدرجه كبيره جدا وحاولت ديما ترضيه علي حساب
نفسها والكل واولهم بنتها ياسمين
حاولت صفاء تكسب ود جوزها بكل الطرق الممكنه وعلي الرغم من خيانته المتعدده ليها
خانها مع الكل حتي مع صاحبتها المقربه الارمله عبير اللي علي الرغم من صداقتهم
الي انها حاولت تخطف جوز صفاء لدرجه انها حملت منه علي الرغم من كبر سنها
لانها كانت تجاوزت الاربعين ... افتكرت صفاء بمراره اليوم المشؤوم اللي جت عبير
فيه البيت بكل وقاحه واعلنت انها حامل من حسين وانها قررت تفضل في البيت
لحد ما تولد لانها حامل في ولد وهو الوريث.. امها صفاء كانت هتنهار بس تماسكت
علشان تحافظ علي المظاهر اللي كرهتها ياسمين وكرهت ضعف امها واستسلامها
وفضلت معاهم سبع شهور تعذب فيهم .. وكل ما تشوف حسين ترمي نفسها بدلال
في حضنه قدام مراته صفاء وتعمل نفسها تعبانه وهو كان بيقعد معاها ويسهر معاها
يسليها وسايب مراته ومهملها تماما .
وفي يوم مسكت عبير ياسمين من دراعها وقالتلها
عبير: انا اول ما اولد ولي العهد هطردك انتي وامك في الشارع
ياسمين : بابا بيحبنا وعمره ما هيعمل كده( قالت الجمله دي وهيا عارفه انها بتكدب لان ابوها عمره ما حبها)
عبير: لو كان بيحب امك كان عمره ما هيبص بره علشان يرضي رغباته
هو عمره ما كان عايزها لانها ست مريضه وضعيفه ومخلفتش اولاد بس اتجوزها لانها غنيه لكن انا بقي هجيبله الولد وهو هيورث كل حاجه وانتو هتطلعو الشارع
كانت ياسمين مصدومه من كلام عبير وكان عمرها 16 سنه وكانت طيبه قوي زي امها. وامها ربتها كويس وخليتها محترمه قوي وعلشان كده ما كانتش عارفه ترد علي عبير
بس كانت من جواها هتجنن من خضوع امها وانكسارها وقررت انها متبقاش زي امها ضعيفه او مكسوره وما تسمحش لاي راجل يتحكم فيها ابدا
كان صديقها الوحيد هو علي ابن السايس بتاع ابوها كان نفس عمرها
وكانو اصحاب جدا كانت ديما تفضفض معاه وتقضي كل وقتها معاه وهو بيسمعها
وبيحس بالشفقه عليها لانه علي الرغم من فقره بس كانت عيلته سعيده
وجي يوم اسود مشؤوم .كانت عبير فيه في شهرها التاسع وكانت ياسمين
كعادتها في الاسطبل مع علي .. كان يوم عيد ميلادها اللي محدش بيفتكره
وكان علي جايبلها هديه كتاب رومانسي كانت هيا بتحبه . فرحت ياسمين بيه جدا
لانه اكيد حوش كتير قوي علشان يعرف يشتريهولها
اتفتح الباب فجأه ودخلت عبير
عبير: العاشقين الصغيرين...نصيحه يا حبيبتي اتمسكس بحبيبك المزراع المسكين
لانه هو اللي ممكن يستقبلك بعد ما ارميكي في الشارع انتي وامك لاني
خلاص قربت اولد
شدت الكتاب اللي في ايد ياسمين وهيا بتضحك وقطعته ورمته تحت رجليها وهيا بتضحك
زعلت ياسمين جدا ومقدرتش تسيطر علي غضبها ومسكت عبير وفضلت تهزها وهي بتقول
ليه ليه ليه كده حرام عليكي انتي ايه؟؟
ولان عبير كانت حامل وكبيره في السن معرفتش تدافع عن نفسها من ياسمين
ضربتها ياسمين بالقلم علي وشها بكل غل حاولت عبير ترجع لورا وهيا بترجع وقعت ومقدرتش تقوم
خافت ياسمين وندهت علي العمال علشان يشيلوها ويطلعوها لاوضتها ومن حسن حظها
ان ابوها كان مسافر والا كان قتلها .. وصل الدكتور اللي طلبوه بسرعه واكد انها هتولد بسرعه
لان الوقعه عملتلها ولاده مبكره وفضلت يوم كامل تتألم وياسمين بتروح وتيجي تبص عليها وهيا فرحانه
فعلاكانت فرحانه لمعاناه عبير وفضلت قاعده جنبها تبتسم في هدوء
وتاني يوم ولدت ولد فعلا بس كان ميت بس الدكتور رفض يقولها علشان حالتها كانت صعبه
وبعد ما فاقت لقت ياسمين واقفه قدامها
عبير: ابني فين ابني ؟؟ اخيرا هطردكم بره
قالتها بالعافيه لانها كانت تعبانه جدا . اتضايقت ياسمين
ياسمين: ابنك ؟؟ احب اهنيكي لانك فعلا ولدتي ولد
ابتسمت عبير بضعف بس ياسمين كملت كلامها
ياسمين: بس احب اقولك انه اتولد ميت ..ايوه اتولد ميت ودلوقتي انتي اللي هتترمي في الشارع
ومش هتورثي اي حاجه
صرخت: لأ لأ انتي بتكدبي عليا انتو قتلتوه انتو قتلتو ابني انا هقول لابوكي
هقوله انتي وعلي قتلتوه ووقعتوني علشان اموت
ياسمين : انا بنته لكن انتي وابنك الميت فهو غير شرعي ولو كنت مكانك ابطل تهديد لانك تحت رحمتي .كام شهر وانتي بتعذبينا يا ساقطه يا مستفزه
ربنا يعلم انا حاولت انسي اللي ابويا عمله فينا بسببك وبما انه لسه قدامه شهر لحد ما يرجع هتفضلي محبوسه هنا وهعاملك زي ما كنتي بتعاملينا . اولا مفيش دكتور لان معناش فلوس ليه والفلوس ابويا قافل عليها في خزنته .ثانيا هحرمك من الاكل ببذخ
ثالثا هتخدمي نفسك بنفسك لاني همشي جيش الخدامات اللي انتي جيبتيهم علشان اوفر فلوس
قربت منها : انا مش زي امي المسكينه وتأكدي اني هعذبك لدرجه تتمني الموت
فات يومين وعبير ما استحملتش لان كان عندها نزيف شديد وماتت ودفنوها
اتصلت ياسمين بابوها وبلغته ويومين وابوها رجع بسرعه بس كان سكران جدا
لدرجه انه وقع في النيل قبل ما يوصل البيت لحد ما حد من الصيادين لقوه ورجعوه البيت
واول ما شافته ياسمين طلبتله الدكتور وقال ان حالته صعبه وهياخد وقت لحد مايخف
ياسمين انتهزت الفرصه وراحت كسرت الخزنه واخدت كل اللي فيها ولمت حاجتها هيا وامها
وساعدها علي وعيلته علي الهرب وساعدوها انهم يشيلو امها وهربت من ابوها
واول حاجه عملتها انها بدأت تعالج امها وبدأت تنسي الراجل اللي عذبهم طول السنين اللي فاتت
اشترت بيت صغير وجابت خدامه علشان تخدم امها وبعدين سابتها
وسافرت تكمل تعليمها ومفيش يوم بيعدي غير لما تشتاق لامها وطبعا غيرت كنيتها
خوف من ابوها وعمرها ما حاولت تعرف اي اخبار عن ابوها.....
وبكره نكمل وهتعرفو ازاي هتقابل محمود
وهتعمل ايه لما تلاقي شخصيته مستبده
هتهرب ولا هتخضع
ده اللي هتعرفو لما تتابل
ﺍﻟﺤﻠﻘﻪ ﺍﻟﺘﺎﻧﻴﻪ من موعد مع القدر
ﻓﻀﻠﺖ ﻳﺎ ﺳﻤﻴﻦ ﻓﻲ ﺳﺮﻳﺮﻫﺎ ﺗﻔﻜﺮ ﻓﻲ ﺍﻟﺴﺖ ﺳﻨﻴﻦ ﺍﻟﻠﻲ ﻓﺎﺗﻮ ﻣﻦ ﺳﺎﻋﻪ ﻣﺎ ﻫﺮﺑﺖ ﻣﻦ ﺑﻴﺖ ﺍﺑﻮﻫﺎ ﺣﻴﺎﺗﻬﺎ ﺍﺗﻐﻴﺮﺕ ﻛﺘﻴﺮ . ﺍﺷﺘﻐﻠﺖ ﻭﺑﻘﺖ ﺳﺎﻛﻨﻪ ﻓﻲ ﻓﻴﻼ ﺻﻐﻴﺮﻩ ﺍﺷﺘﺮﺗﻬﺎ ﻟﻨﻔﺴﻬﺎ ﻓﻲ ﺍﻟﺮﻳﻒ ﺑﻌﻴﺪﻩ ﻋﻦ ﺯﺣﻤﻪ ﺍﻟﻤﺪﻥ ﻭﺑﻌﻴﺪﻩ ﻋﻦ ﺍﺑﻮﻫﺎ ﺑﻜﺘﻴﺮﻭﻟﺤﺴﻦ ﺣﻈﻬﺎ ﺍﻧﻪ
ﻣﺤﺪﺵ ﻛﺎﻥ ﺑﻴﻌﺮﻓﻬﺎ ﻻﻧﻬﺎ ﺣﺘﻲ ﻭﻫﻴﺎ ﻣﻊ ﺍﺑﻮﻫﺎ ﻣﺎﻛﻨﺘﺶ ﺑﺘﺨﺮﺝ ﻣﻦ ﺍﻟﺒﻴﺖ
ﺍﺗﻐﻴﺮﺕ ﻳﺎﺳﻤﻴﻦ ﺟﺪﺍ ﻭﻣﺒﻘﺘﺶ ﺍﻟﺒﻨﺖ ﺍﻟﺼﻐﻴﺮﻩ ﺍﻟﻠﻲ ﺑﺘﺨﺎﻑ ﻣﻦ ﻛﻞ ﺣﺎﺟﻪ ﺣﻮﻟﻬﺎ
ﺑﻘﺖ ﺍﻣﺮﺃﻩ ﺑﺎﺭﺩﻩ ﺑﻌﻴﺪﻩ ﻋﻦ ﺍﻟﺤﺐ ﻭﺍﻟﺮﻭﻣﺎﻧﺴﻴﻪ ﻭﻋﻠﻲ ﺍﻟﺮﻏﻢ ﻣﻦ ﺟﻤﺎﻟﻬﺎﺍﻟﻲ ﺍﻧﻬﺎ ﺭﻓﻀﺖ
ﺍﻱ ﺣﺪ ﺣﺎﻭﻝ ﻳﻘﺮﺏ ﻣﻨﻬﺎ . ﻛﺎﻥ ﻋﻨﺪﻫﺎ ﺧﺪﺍﻣﺘﻴﻦ ﻭﻃﺒﺎﺧﻪ ﻭﺛﻼﺙ ﻋﻤﺎﻝ ﺭﺟﺎﻝ
ﺧﺒﻄﻪ ﻋﻠﻲ ﺍﻟﺒﺎﺏ ﻓﻮﻗﺘﻬﺎ ﻣﻦ ﺍﺣﻼﻣﻬﺎ ﻓﻘﺎﻟﺖ
_ ﺍﺩﺧﻞ
ﺩﺧﻠﺖ ﺷﺎﺑﻪ ﻧﺤﻴﻔﻪ ﺷﻌﺮﻫﺎ ﺍﺳﻮﺩﻣﺮﻓﻮﻉ ﺑﻜﻌﻜﻪ ﻭﻻﺑﺴﻪ ﻓﺴﺘﺎﻥ ﺭﻣﺎﺩﻱ ﻣﺪﻳﻬﺎ ﻣﻨﻈﺮ
ﺟﺪﻱ ﻭﺍﺳﻤﻬﺎ ﺳﻤﻴﺮﻩ
ﺳﻤﻴﺮﻩ : ﺻﺒﺎﺡ ﺍﻟﺨﻴﺮ . ﺍﻟﻔﻄﺎﺭﺟﺎﻩﺯ ﻟﻮ ﻣﺤﺘﺎﺟﻪ ﺍﻱ ﺣﺎﺟﻪ ﺍﺅﻣﺮﻳﻨﻲ
ﻳﺎﺳﻤﻴﻦ : ﺷﻜﺮﺍ ﺳﻤﻴﺮﻩ . ﺍﺣﻨﺎ ﻭﺭﺍﻧﺎ ﺣﺎﺟﺎﺕ ﻛﺘﻴﺮ ﺍﻟﻨﻬﺎﺭﺩﻩ ﺍﺳﺘﻌﺪﻱ
ﺳﻤﻴﺮﻩ : ﻣﺎﺗﻘﻠﻘﻴﺶ ﻛﻞ ﺣﺎﺟﻪ ﺟﺎﻫﺰﻩ . ﺍﻻﻧﺴﻪ ﻟﺒﻨﻲ ﻭﺍﻻﻧﺴﻪ ﻟﻤﻲ ﺍﺗﺼﻠﻮﺍ ﻭﻗﺎﻟﻮﺍ
ﻫﻴﺘﺄﺧﺮﻭﺍ ﻭﻣﺶ ﻫﻴﻘﺪﺭﻭﺍ ﻳﺘﻐﺪﻭﺍ ﻣﻌﺎﻧﺎ . ﻓﺮﺃﻳﻲ ﺍﻧﻨﺎ ﻧﺘﺼﻞ ﺑﺎﻻﻧﺴﻪ ﺳﻤﺮ ﻭﻧﻘﺪﻡ ﻣﻌﺎﺩﻫﺎ
ﻓﻜﺮﺕ ﻳﺎﺳﻤﻴﻦ ﺷﻮﻳﻪ ﻭﻭﺍﻓﻘﺖ ﻋﻠﻲ ﻛﻼﻣﻬﺎ
ﻳﺎﺳﻤﻴﻦ : ﺍﺗﻔﻘﻨﺎ ﻛﻠﻤﻴﻬﺎ ﻭﺍﺗﻔﻘﻲ ﻣﻌﺎﻫﺎ
ﺍﻧﺴﺤﺒﺖ ﺳﻤﻴﺮﻩ ﺑﻬﺪﻭﺀ : ﺳﻤﻴﺮﻩ ﺑﻘﺎﻟﻬﺎ ﺳﻨﺘﻴﻦ ﺷﻐﺎﻟﻪ ﻣﻊ ﻳﺎﺳﻤﻴﻦ ﺑﺘﺴﺘﻘﺒﻞ ﺯﺑﺎﻳﻨﻬﺎ ﻭﻣﻦ ﺳﺎﻋﻪ ﻣﺎ ﺍﺷﺘﻐﻠﺖ ﻣﻊ ﻳﺎﺳﻤﻴﻦ ﻧﺎﺩﺭﺍ ﻣﺎ ﺷﺎﻓﺖ ﻳﺎﺳﻤﻴﻦ ﺑﺘﺨﺴﺮ ﺍﻱ ﺗﺤﺪﻱ ﻣﻬﻤﺎ ﻛﺎﻥ
ﻭﻛﺎﻥ ﻓﻌﻼ ﻓﻲ ﺻﻌﻮﺑﺎﺕ ﺑﺘﻘﺎﺑﻠﻬﻢ ﻭﺍﻭﻟﻬﺎ ﻛﺎﻧﺖ ﻣﻊ ﺍﻻﻧﺴﻪ ﺳﺎﻟﻲ ﺍﻟﻠﻲ ﻛﺎﻧﺖ ﻃﻠﺒﺎﺗﻬﺎ ﻣﺎ ﺑﺘﺨﻠﺼﺶ ﻭﻋﻠﻲ ﺍﻟﺮﻏﻢ ﻣﻦ ﺍﻧﻌﺪﺍﻡ ﺟﻤﺎﻟﻬﺎ ﺍﻭ ﺭﻗﻴﻬﺎ ﺍﻟﻲ ﺍﻥ ﻳﺎﺳﻤﻴﻦ ﻣﺎ ﺍﺳﺘﺴﻠﻤﺘﺶ ﻭﺣﻘﻘﺘﻠﻬﺎﻛﻞ ﻃﻠﺒﺎﺗﻬﺎ ﻭﺩﻩ ﺍﺩﺍﻫﺎ ﺷﻬﺮﻩ ﻓﻲ ﻣﺠﺘﻤﻌﻬﺎ ﺍﻟﺼﻐﻴﺮ ﻭﺍﻟﻜﻞ ﺑﻘﻲ ﺑﻴﻄﻠﺐ ﺧﺪﻣﺎﺗﻬﺎ
ﻟﺒﺴﺖ ﻳﺎﺳﻤﻴﻦ ﻫﺪﻭﻣﻬﺎ ﻭﺳﺮﺣﺖ ﺷﻌﺮﻫﺎ ﺑﻄﺮﻳﻘﻪ ﺗﺪﻳﻬﺎ ﻋﻤﺮ ﻛﺒﻴﺮ ﻻﻧﻬﺎ ﻓﻲ ﻧﻈﺮ ﺍﻟﻨﺎﺱ ﻋﻤﺮﻫﺎ 30 ﺳﻨﻪ ﻭﻣﺘﺠﻮﺯﻩ ﻣﻦ ﻭﺍﺣﺪ ﻏﻨﻲ ﺟﺪﺍ ﻣﺴﺎﻓﺮ ﺑﺮﻩ ﺑﺤﻜﻢ ﺷﻐﻠﻪ .. ﻭﺩﻩ ﻭﻓﺮﻟﻬﺎ ﺣﻤﺎﻳﻪ ﻛﺒﻴﺮﻩ ﻭﺳﺎﻋﺪﻫﺎ ﻓﻲ ﺷﻐﻠﻬﺎ . ﻧﺰﻟﺖ ﻋﻠﺸﺎﻥ ﺗﺴﺘﻘﺒﻞ ﺍﺻﻌﺐ ﺯﺑﺎﻳﻨﻬﺎ ﻭﻫﻲ ﺍﻧﺴﻪ ﺳﻤﺮ
ﺳﻤﺮ ﻛﺎﻧﺖ ﻋﻠﻲ ﻋﻜﺲ ﻛﻞ ﺯﺑﺎﻳﻨﻬﺎ ﺗﻤﺘﻠﻚ ﺍﻟﻤﺎﻝ ﻭﺍﻟﺠﻤﺎﻝ ﻭﺩﻩ ﺑﺴﺒﺐ ﻗﺮﺏ
ﺍﻣﻬﺎ ﻣﻦ ﺭﺟﻞ ﺍﻻﻋﻤﺎﻝ ﺍﻟﻜﺒﻴﺮ ﻣﺤﻤﻮﺩ ﺍﻟﻤﺼﺮﻱ ﺻﺎﺣﺐ ﺍﻛﺒﺮ ﻗﺼﺮ ﻓﻲ ﺍﻟﻤﻨﻄﻘﻪ .
ﻗﺼﺮﻩ ﻛﺎﻧﺖ ﺑﺘﺸﻮﻓﻪ ﻣﻦ ﻓﻴﻼﺗﻬﺎ ﻭﻛﺎﻧﺖ ﻧﻔﺴﻬﺎ ﺗﺸﻮﻑ ﺷﻜﻠﻪ ﻣﻦ ﺟﻮﻩ .
ﻟﻜﻦ ﻛﺎﻥ ﺍﻏﻠﺐ ﺍﻟﻮﻗﺖ ﻣﻘﻔﻮﻝ ﻻﻥ ﺻﺎﺣﺒﻪ ﻧﺎﺩﺭﺍ ﻣﺎ ﺑﻴﺠﻲ ﺍﻟﺒﻠﺪ ﺩﻱ
ﻭﻛﻤﺎﻥ ﻫﻮ ﻣﺶ ﺍﺟﺘﻤﺎﻋﻲ ﻧﻬﺎﺋﻴﺎ ﻓﻜﺎﻥ ﻣﻌﺮﻭﻑ ﺍﻧﻪ ﺍﻧﺴﺎﻥ ﺷﺮﺱ ﻣﺘﻮﺣﺶ
ﺍﻟﻜﻞ ﺑﻴﺨﺎﻑ ﻣﻦ ﻧﻔﻮﺫﻩ ﻭﺑﻄﺸﻪ . ﻫﻮ ﻛﺎﻥ ﺳﺎﻓﺮ ﺍﻓﺮﻳﻘﻴﺎ
ﻭﻋﺎﺵ ﻓﺘﺮﻩ ﻓﻲ ﺍﻟﻐﺎﺑﺎﺕ ﻭﺭﺟﻊ ﻣﺘﻮﺣﺶ ﻭﺑﻴﺤﺐ ﺍﻟﻌﺰﻟﻪ ﺟﺪﺍ
ﻭﻋﻠﺸﺎﻥ ﻛﺪﻩ ﻗﻠﻘﺖ ﻳﺎﺳﻤﻴﻦ ﺍﻧﻬﺎ ﻫﺘﻘﺎﺑﻞ ﻗﺮﻳﺒﺘﻪ ﺳﻤﺮ ﻻﻧﻬﺎ ﺧﺎﻓﺖ
ﺍﻧﻪ ﻣﻤﻜﻦ ﻳﻀﺎﻳﻘﻬﺎ ﺍﻭ ﻳﺄﺛﺮ ﻋﻠﻲ ﺳﻤﻌﺘﻬﺎ ﻟﻮ ﻣﻌﺮﻓﺘﺶ ﺗﺮﺿﻲ ﺳﻤﺮ
ﻗﻌﺪﺕ ﺗﻔﻄﺮ ﻭﻫﻴﺎ ﺳﺮﺣﺎﻧﻪ ﻓﺴﺄﻟﺘﻬﺎ ﺳﻤﻴﺮﻩ
_ ﻫﻮ ﻓﻲ ﺣﺎﺟﻪ ﻣﻀﻴﻘﺎﻛﻲ ﻳﺎ ﻳﺎﺳﻤﻴﻦ
ﻳﺎﺳﻤﻴﻦ : ﻻ ﻣﺎ ﺗﺸﻐﻠﻴﺶ ﺑﺎﻟﻚ . ﺍﻟﻤﻬﻢ ﻗﻮﻟﻲ ﻟﻠﻄﺒﺎﺧﻴﻦ ﻳﺤﻀﺮﻭﺍ ﻭﺟﺒﻪ ﻓﺎﺧﺮﻩ
ﺗﻠﻴﻖ ﺑﺎﻻﻧﺴﻪ ﺳﻤﺮ ﻻﻥ ﺍﻟﻨﺎﺱ ﺩﻱ ﺑﺘﺘﺄﺛﺮ ﺑﺎﻟﻤﻈﻬﺮ ﺟﺪﺍ
ﻓﻌﻼ ﺭﺍﺣﺖ ﺳﻤﻴﺮﻩ ﺗﺠﻬﺰ ﻻﺳﺘﻘﺒﺎﻝ ﺍﻻﻧﺴﻪ ﺳﻤﺮ , ﺍﻣﺎ ﻳﺎﺳﻤﻴﻦ ﻓﻀﻠﺖ ﺗﻀﻴﻊ ﻭﻗﺘﻬﺎ
ﻣﺎ ﺑﻴﻦ ﻗﺮﺍﻳﻪ ﻭﺷﻮﻳﻪ ﺗﻤﺸﻴﻪ ﻓﻲ ﺍﻟﺠﻨﻴﻨﻪ ﻟﺤﺪ ﻣﺎ ﺟﺘﻠﻬﺎ ﺳﻤﻴﺮﻩ ﻋﻠﺸﺎﻥ
ﺗﺒﻠﻐﻬﺎ ﺑﻮﺻﻮﻝ ﺳﻤﺮﻭﺭﺍﺣﺖ ﺗﺴﺘﻘﺒﻠﻬﺎ ﺩﺧﻠﺖ ﺍﻻﻧﺴﻪ ﺳﻤﺮ ﻋﻠﻴﻬﺎ ﻛﺎﻥ ﻋﻤﺮﻫﺎ
ﺣﻮﺍﻟﻲ 21 ﺳﻨﻪ ﻭﻛﺎﻧﺖ ﻻﺑﺴﻪ ﻓﺴﺘﺎﻥ ﺍﺑﻴﺾ ﺗﺤﻔﻪ ﻋﻠﻴﻬﺎ ﻭﺷﻌﺮﻫﺎ ﻛﺎﻥ ﺍﺷﻘﺮ ﻃﺒﻴﻌﻲ . ﻗﺮﺑﺖ ﺳﻤﺮ ﻋﻠﻲ ﻳﺎﺳﻤﻴﻦ
ﺳﻤﺮ : ﻣﺪﺍﻡ ﻳﺎﺳﻤﻴﻦ ﺍﻧﺎ ﺳﻤﻌﺖ ﻋﻨﻚ ﻛﺘﻴﺮ ﺟﺪﺍ ﺍﻫﻼ ﺑﻴﻜﻲ .. ﻭﻣﺘﺸﻜﺮﻩ ﺟﺪﺍ ﺍﻧﻚ
ﻭﺍﻓﻘﺘﻲ ﺗﻘﺎﺑﻠﻴﻨﻲ ﻓﻲ ﺍﻟﻤﺪﻩ ﺍﻟﻘﺼﻴﺮﻩ ﺩﻱ .
ﺍﺑﺘﺴﻤﺖ ﻳﺎﺳﻤﻴﻦ ﻟﻴﻬﺎ ﻭﻗﺎﻟﺘﻠﻬﺎ ﺑﻬﺪﻭﺀ
: ﺷﻜﺮﺍ ﻛﺘﻴﺮ ﻟﻤﺠﺎﻣﻠﺘﻚ ﺍﻟﺮﻗﻴﻘﻪ ﻭﺍﻫﻼ ﺑﻴﻜﻲ .
ﺳﻤﺮ : ﻧﺘﻜﻠﻢ ﻓﻲ ﺍﻟﻤﻬﻢ . ﺍﻧﺎ ﻋﺎﻳﺰﻩ ﻣﻨﻚ ﺧﺪﻣﻪ ﺧﺎﺻﻪ ﻣﺨﺘﻠﻔﻪ ﺷﻮﻳﻪ ﻋﻦ ﻃﺒﻴﻌﻪ ﺷﻐﻠﻚ
ﻗﺎﻃﻌﺘﻬﺎ ﻳﺎﺳﻤﻴﻦ : ﺍﺗﻤﻨﻲ ﺗﻜﻮﻧﻲ ﻋﺎﺭﻓﻪ ﻃﺒﻴﻌﻪ ﺷﻐﻠﻲ ﻋﻠﺸﺎﻡ ﻣﻴﺤﺼﻠﺶ ﺍﻱ ﻟﺒﺲ ﻓﻲ ﺍﻟﻤﻮﺿﻮﻉ
ﺳﻤﺮ : ﻃﺒﻌﺎ ﺍﻧﺎ ﻋﺎﺭﻓﻪ ﻃﺒﻴﻌﻪ ﺷﻐﻠﻚ .. ﺍﻧﺘﻲ ﺑﺘﺴﺎﻋﺪﻱ ﺍﻟﺒﻨﺎﺕ ﻋﻠﻲ ﺍﻟﺠﻮﺍﺯ . ﺑﺘﻌﺮﻓﻴﻬﻢ ﻋﻠﻲ
ﻧﺎﺱ ﻣﻨﺎﺳﺒﻪ ﻟﻄﺒﻴﻌﺘﻬﻢ . ﺻﺢ ﻛﺪﻩ؟؟
ﻳﺎﺳﻤﻴﻦ : ﻛﻞ ﺍﻟﻠﻲ ﺑﻌﻤﻠﻪ ﺍﻧﻪ ﺑﺤﻀﺮﻫﻢ ﻟﻠﺤﻔﻼﺕ ﻭﺑﻌﺮﻓﻬﻢ ﻋﻠﻲ ﻧﺎﺱ ﻣﺤﺘﺮﻣﻪ
ﻣﻨﺎﺳﺒﻪ ﻟﺸﺨﺼﻴﺎﺗﻬﻢ ﻛﻤﺎﻥ ﺑﻨﺰﻝ ﻛﻞ ﺷﻬﺮ ﺍﻟﻤﺪﻳﻨﻪ ﻭﺑﻘﺎﺑﻞ ﻧﺎﺱ
ﻋﺎﻳﺰﻳﻦ ﻳﺮﺗﺒﻄﻮﺍ ﻓﺒﻌﺮﻓﻬﻢ ﺑﺒﻌﺾ . ﻳﻌﻨﻲ ﻫﻤﺰﻩ ﻭﺻﻞ ﻣﺶ ﺍﻛﺘﺮ ﻭﻻ ﺍﻗﻞ
ﺳﻤﺮ : ﺑﺲ ﺍﺯﺍﻱ ﺑﺪﺃﺗﻲ ﺷﻐﻠﻚ ﺩﻩ؟؟؟
ﻳﺎﺳﻤﻴﻦ :: ﺑﺪﺍ ﺍﻟﻤﻮﺿﻮﻉ ﺑﻮﺍﺣﺪ ﺻﺪﻳﻖ ﻟﻴﺎ ﻛﺎﻥ ﻋﺎﻳﺰ ﻳﺘﺠﻮﺯ ﻭﻣﺶ ﻋﺎﺭﻑ
ﺣﺪ ﻣﻨﺎﺳﺐ ﻓﺎﻧﺎﻋﺮﻓﺘﻪ ﺑﻮﺍﺣﺪﻩ ﺟﺎﺭﺗﻲ ﻭﻓﻌﻼ ﺍﺭﺗﺒﻄﻮﺍ ﻭﻣﻦ ﺳﺎﻋﺘﻬﺎ ﻭﺍﻧﺎ ﺑﺴﺘﻘﺒﻞ ﻃﻠﺒﺎﺕ ﺟﻮﺍﺯ ﻭﺑﺤﺎﻭﻝ
ﺍﺣﻘﻘﻬﺎ ﻋﻠﻲ ﻗﺪ ﻣﺎ ﺍﻗﺪﺭ ﻣﻊ ﺍﻧﻲ ﻣﺶ ﺑﺤﻘﻖ ﺍﻟﻤﻌﺠﺰﺍﺕ
ﺳﻤﺮ : ﻻ ﻣﺶ ﺑﻌﺪ ﺍﻟﻠﻲ ﻋﻤﻠﺘﻴﻪ ﻣﻊ ﺳﺎﻟﻲ . ﺩﻱ ﻛﺎﻧﺖ ﺍﻧﺴﺎﻧﻪ ﻻ ﺗﻄﺎﻕ ﻭﻗﺪﺭﺗﻲ ﺗﻼﻗﻲ
ﺣﺪ ﻣﻨﺎﺳﺐ ﻟﻴﻬﺎ ﺩﻩ ﻛﺎﻥ ﻣﻌﺠﺰﻩ
ﻳﺎﺳﻤﻴﻦ :: ﻭﺍﻧﺘﻲ ﺍﻗﺪﺭ ﺍﺳﺎﻋﺪﻙ ﺑﺎﻳﻪ؟؟
ﺳﻤﺮ : ﻋﺎﻳﺰﻩ ﺍﺗﺠﻮﺯ ﻭﺍﺣﺪ ﻗﺮﻳﺒﻲ
ﻳﺎﺳﻤﻴﻦ : ﻣﺶ ﻓﺎﻫﻤﻪ . ﻋﺎﻳﺰﻩ ﺗﺘﺠﻮﺯﻱ ﻗﺮﻳﺒﻚ؟ ﻣﻴﻦ ﻫﻮ ﺩﻩ؟؟
ﺳﻤﺮ : ﻗﺮﻳﺒﻲ ﻫﻮ ﺭﺟﻞ ﺍﻻﻋﻤﺎﻝ ﻣﺤﻤﻮﺩ ﺍﻟﻤﺼﺮﻱ
ﺣﺴﺖ ﻳﺎﺳﻤﻴﻦ ﻛﺄﻥ ﺣﺪ ﻛﺐ ﻋﻠﻴﻬﺎ ﻣﻴﻪ ﺳﺎﻗﻌﻪ
ﻳﺎﺳﻤﻴﻦ : ﺍﺯﺍﻱ ﻋﺎﻳﺰﺍﻧﻲ ﺍﺟﻮﺯﻙ ﺑﻘﺮﻳﺒﻚ ﺍﻟﻠﻲ ﻋﻤﺮﻱ ﻣﺎﺷﻔﺘﻪ ﻭﻻ ﺍﻋﺮﻓﻪ ﻭﻻﺣﺘﻲ
ﻋﻤﺮﻩ ﻣﺎ ﻃﻠﺐ ﺧﺪﻣﺎﺗﻲ
ﺿﺤﻜﺖ ﺳﻤﺮ ﺑﺼﻮﺕ ﻋﺎﻟﻲ : ﺍﻧﺘﻲ ﻓﺎﻛﺮﻩ ﺍﻥ ﻣﺤﻤﻮﺩ ﻣﺤﺘﺎﺝ ﻭﺳﻴﻂ ﻣﻊ ﺍﻟﺒﻨﺎﺕ ؟؟
ﺍﻧﺎ ﺣﺎﻭﻟﺖ ﺍﻏﺮﺍﺅﻩ ﺑﻜﻞ ﻃﺮﻳﻘﻪ ﻣﻤﻜﻨﻪ ﺍﻟﺸﻬﺮ ﺍﻟﻠﻲ ﻓﺎﺕ ﻭﺍﺣﻨﺎ ﻓﻲ ﺯﻳﺎﺭﻩ ﻋﻨﺪﻩ
ﻟﺪﺭﺟﻪ ﺍﻧﻪ ﻟﻘﺎﻧﻲ ﻣﺮﻩ ﻓﻲ ﺳﺮﻳﺮﻩ ﺑﺲ ﻃﺮﺩﻧﻲ ﻭﻫﺪﺩﻧﻲ ﺍﻧﻪ ﻳﻘﻮﻝ ﻻﻣﻲ ﻭﻳﻄﺮﺩﻧﺎ ﻣﻦ ﻋﻨﺪﻩ
ﻓﺘﺤﺖ ﻳﺎﺳﻤﻴﻦ ﻓﻤﻬﺎ ﺩﻫﺸﻪ ﻣﻦ ﺟﺮﺃﻩ ﺍﻟﺒﻨﺖ ﺩﻱ ﻭﻭﺻﻮﻟﻬﺎ ﻟﺪﺭﺟﻪ ﺍﻻﻧﺤﻄﺎﻁ ﺩﻱ
ﻭﻛﻞ ﺩﻩ ﻋﻠﺸﺎﻥ ﺭﺍﺟﻞ
ﻗﺮﺃﺕ ﺳﻤﺮ ﺍﻓﻜﺎﺭ ﻳﺎﺳﻤﻴﻦ
ﺳﻤﺮ : ﻣﺘﺴﺘﻐﺮﺑﻴﺶ ﻛﻼﻣﻲ ﺯﻱ ﺍﻟﺒﻨﺎﺕ ﺍﻟﺼﻐﻴﺮﻩ ﺍﻧﺘﻲ ﻭﺍﺣﺪﻩ ﻣﺘﺠﻮﺯﻩ ﻭﺍﻟﻤﻔﺮﻭﺽ ﺍﻟﻌﻼﻗﻪ
ﺑﻴﻦ ﺍﻟﺮﺍﺟﻞ ﻭﺍﻟﺴﺖ ﺷﺊ ﻣﺶ ﺟﺪﻳﺪ ﻋﻠﻴﻜﻲ ﺻﺢ ﻭﻻ ﺍﻳﻪ؟ ﻛﻤﺎﻥ ﺍﻧﺎ ﻋﻤﺮﻱ ﻣﺎ ﻫﻐﺎﻣﺮ
ﺑﺎﻧﻲ ﺍﺧﺴﺮ ﻣﺤﻤﻮﺩ ﻭﻫﻌﻤﻞ ﺍﻟﻤﺴﺘﺤﻴﻞ ﻋﻠﺸﺎﻥ ﺍﺗﺠﻮﺯﻩ
ﺑﺼﺖ ﻳﺎﺳﻤﻴﻦ ﻟﺴﻤﺮ ﺑﻐﻀﺐ ﺑﺲ ﺭﺩﺕ ﺑﺒﺮﻭﺩ
ﻳﺎﺳﻤﻴﻦ : ﻓﻌﻼ ﺍﻧﺎ ﻣﺘﺠﻮﺯﻩ ﻣﻦ 10 ﺳﻨﻴﻦ ﺑﺲ ﺍﻟﻠﻲ ﺍﻧﺘﻲ ﺑﺘﻄﻠﺒﻴﻪ ﺩﻩ ﺻﻌﺐ ﺍﻭﻻ ﻻﻧﻲ
ﻣﺎﻋﺮﻓﺶ ﻗﺮﻳﺒﻚ ﺛﺎﻧﻴﺎ ﻣﺶ ﻓﺎﻫﻤﻪ ﺍﺳﺎﻋﺪﻙ ﻓﻲ ﺍﻗﻨﺎﻋﻪ ﺍﺯﺍﻱ ﻭﺍﻧﺎ ﻣﻌﺮﻓﻮﺵ ﺍﺻﻼ؟؟
ﺳﻤﺮ : ﺍﻧﺎ ﻣﺶ ﻋﺎﻳﺰﺍﻛﻲ ﺗﻘﻨﻌﻴﻪ . ﻛﻞ ﺍﻟﻠﻲ ﻋﺎﻳﺰﺍﻩ ﺍﻧﻚ ﺗﻼﻗﻴﻠﻲ ﺷﺎﺏ ﻣﺤﺘﺮﻡ ﻳﻘﻮﻡ ﺑﺪﻭﺭ ﺭﺍﺟﻞ
ﺑﻴﺠﺮﻱ ﻭﺭﺍﻳﺎ ﻭﻃﻤﻌﺎﻥ ﻓﻴﺎ ﻭﺳﺎﻋﺘﻬﺎ ﻣﺤﻤﻮﺩ ﻫﻴﺒﻘﻲ ﻗﺪﺍﻡ ﺍﻣﺮ ﻭﺍﻗﻊ ﻭﻫﻴﻀﻄﺮ ﻳﺘﺠﻮﺯﻧﻲ ﺣﻔﺎﻇﺎ
ﻋﻠﻲ ﺛﺮﻭﻩ ﻭﺳﻤﻌﻪ ﺍﻟﻌﻴﻠﻪ . ﻭﺗﺄﻛﺪﻱ ﺍﻧﻲ ﻫﺪﻓﻌﻠﻚ ﺍﺿﻌﺎﻑ ﺍﻟﻠﻲ ﺑﺘﺎﺧﺪﻳﻪ ﻋﺎﻣﻪ ﻭﺣﺘﻲ ﺍﻟﻠﻲ
ﻫﺘﺠﻴﺒﻴﻪ ﻳﻤﺜﻞ ﺍﻟﺪﻭﺭ ﺩﻩ .
ﻳﺎﺳﻤﻴﻦ : ﻟﻴﻪ ﻛﻞ ﺍﻻﺻﺮﺍﺭ ﻋﻠﻲ ﺍﻟﺠﻮﺍﺯ ﻣﻦ ﻭﺍﺣﺪ ﻣﺶ ﻋﺎﻳﺰﻙ؟؟؟
ﺳﻤﺮ : ﺍﻟﻨﻔﻮﺫ ﻭﺍﻟﻔﻠﻮﺱ ﻃﺒﻌﺎ . ﻻﻧﻲ ﺑﻤﺠﺮﺩ ﻣﺎ ﺍﺗﺠﻮﺯﻩ ﻫﺨﻠﻔﻠﻪ ﻭﺭﻳﺚ ﻳﻀﻤﻨﻠﻲ ﺛﺮﻭﺗﻲ
ﻭﻛﻤﺎﻥ ﻣﺤﻤﻮﺩ ﻣﺶ ﻫﻴﻘﺪﺭ ﻳﺒﻌﺪ ﻋﻨﻲ ﺳﺎﻋﺘﻬﺎ ﻭﻻ ﻳﻄﻠﻘﻨﻲ . ﻭﺍﻗﺼﻲ ﺷﻴﺊ ﻣﻤﻜﻦ ﻳﻌﻤﻠﻪ
ﻳﻜﻮﻥ ﻋﻨﺪﻩ ﻋﺸﻴﻘﻪ ﻭﺩﻩ ﻣﺶ ﻫﻴﻬﻤﻨﻲ ﻻﻧﻲ ﺻﺎﺣﺒﻪ ﺍﻟﻤﻜﺎﻥ
ﻓﻜﺮﺕ ﻳﺎﺳﻤﻴﻦ ﻓﻲ ﻛﻼﻡ ﺳﻤﺮ ﺻﺤﻴﺢ ﻫﻮ ﻃﻠﺒﻬﺎ ﻣﺶ ﺍﺧﻼﻗﻲ ﺑﺲ ﺍﻟﻤﺒﻠﻎ ﺍﻟﻠﻲ ﻫﺘﺪﻓﻌﻪ
ﻫﻴﺴﺎﻋﺪﻫﺎ ﻛﺘﻴﺮ ﻭﺑﻌﺪﻳﻦ ﻫﻴﺎ ﻣﺎﻟﻬﺎ ﺑﻤﺤﻤﻮﺩ ﻫﻮ ﻣﺶ ﺻﻐﻴﺮ ﻭﻏﻨﻲ ﺟﺪﺍ ﻓﻤﺶ ﻫﻴﻀﺮ
ﻭﺑﻌﺪﻳﻦ ﺳﻤﺮ ﻣﺶ ﻫﺘﺄﺫﻳﻪ ﻫﻴﺎ ﻫﺘﺘﺠﻮﺯﻩ ﻭﻫﻴﺎ ﻣﻄﻤﻊ ﺍﻱ ﺭﺍﺟﻞ ﻳﻌﻨﻲ ﻫﻮ ﻣﺶ ﻫﻴﺨﺴﺮ
ﺑﺠﻮﺍﺯﻩ ﻣﻨﻬﺎ ﻫﻴﺎ ﻣﺴﺘﻐﺮﺑﻪ ﺍﺻﻼ ﻫﻮ ﺍﺯﺍﻱ ﻗﺎﻭﻣﻬﺎ ﻟﻤﺎ ﺣﺎﻭﻟﺖ ﺗﻐﺮﻳﻪ .
ﻳﺎﺳﻤﻴﻦ : ﺍﺗﻔﻘﻨﺎ . ﻫﺴﺎﻓﺮ ﺍﺧﺮ ﺍﻻﺳﺒﻮﻉ ﺍﻟﻤﺪﻳﻨﻪ ﻭﻫﺸﻮﻑ ﺣﺪ ﻳﻤﺜﻞ ﺍﻟﺪﻭﺭ ﺍﻟﻠﻲ ﺍﻧﺘﻲ ﻋﺎﻳﺰﺍﻩ
ﺑﺲ ﻃﺒﻌﺎ ﻫﺤﺘﺎﺝ ﻓﻠﻮﺱ ﻋﻠﺸﺎﻥ ﻧﺸﺘﺮﻳﻠﻪ ﻟﺒﺲ ﻳﻠﻴﻖ ﺑﻴﻪ
ﺳﻤﺮ : ﻃﺒﻌﺎ ﻃﺒﻌﺎ . ﻛﻞ ﺍﻟﻠﻲ ﺗﺤﺘﺎﺟﻴﻪ ﻫﻨﻔﺬﻩ .. ﺑﺲ ﻻﺯﻡ ﺗﻜﻮﻥ ﻋﻠﻴﻪ ﺷﺎﺋﻌﺎﺕ ﺍﻧﻪ ﺍﺗﻮﺭﻁ
ﻣﻊ ﺑﻨﺎﺕ ﻗﺒﻞ ﻛﺪﻩ ﻋﻠﺸﺎﻥ ﻳﻘﻨﻊ ﻣﺤﻤﻮﺩ ﺍﻧﻪ ﻳﺒﻌﺪﻩ ﻋﻨﻲ . ﻭﺗﺄﻛﺪﻱ ﺍﻧﻚ ﻫﺘﻜﻮﻧﻲ ﺍﻭﻝ ﻣﺪﻋﻮﻩ
ﻟﺰﻓﺎﻓﻲ ﻭﻫﺘﻘﻀﻲ ﻓﻲ ﺿﻴﺎﻓﺘﻲ ﺍﺳﺒﻮﻉ ﻛﺎﻣﻞ ﺍﻧﺘﻲ ﻭﺟﻮﺯﻙ ﺩﻩ ﻟﻮ ﻗﺪﺭ ﻳﺠﻲ
ﻳﺎﺳﻤﻴﻦ : ﺧﻠﻴﻨﺎ ﺑﺲ ﻣﺎ ﻧﺴﺒﻘﺶ ﺍﻻﺣﺪﺍﺙ
ﺳﻤﺮ : ﺧﻼﺹ ﻫﺪﻳﻜﻲ ﻧﺼﻒ ﺍﻟﻤﺒﻠﻎ ﺩﻟﻮﻗﺘﻲ ﻭﺍﻟﺒﺎﻗﻲ ﻓﻲ ﺣﻔﻠﻪ ﺧﻄﻮﺑﺘﻲ ﻭﺩﻟﻮﻗﺘﻲ ﻻﺯﻡ ﺍﻣﺸﻲ
ﻻﻧﻲ ﻣﺸﻐﻮﻟﻪ ﺍﻧﺎ ﻭﺍﻣﻲ ﻋﻠﺸﺎﻥ ﻧﺴﺘﻘﺒﻞ ﻣﺤﻤﻮﺩ ﻻﻧﻪ ﻫﻴﺠﻲ ﺍﺧﺮ ﺍﻻﺳﺒﻮﻉ ﻭﻻﺯﻡ ﻧﺠﻬﺰ ﻗﺼﺮﻩ
ﺳﺎﺑﺘﻬﺎ ﻭﻣﺸﻴﺖ ﻣﻊ ﺍﻓﻜﺎﺭﻫﺎ
ﻓﻜﺮﺕ ﻳﺎﺳﻤﻴﻦ ﺍﺩ ﺍﻳﻪ ﻣﻈﺎﻫﺮ ﺍﻟﻨﺎﺱ ﺧﺪﺍﻋﻪ ﻋﻤﺮﻫﺎ ﻣﺎ ﺗﺼﻮﺭﺕ ﺍﻥ ﻭﺍﺣﺪﻩ ﺑﺎﻟﺮﻗﻪ ﺩﻱ ﻭﺍﻟﺠﻤﺎﻝ
ﺩﻩ ﺗﻜﻮﻥ ﺍﺧﻼﻗﻬﺎ ﻛﺪﻩ ﻭﺑﻌﺪﻳﻦ ﻫﻴﺎ ﺍﺻﻼ ﻏﻨﻴﻪ ﻋﺎﻳﺰﻩ ﺍﻳﻪ ﺗﺎﻧﻲ؟
ﻓﻜﺮﺗﻬﺎ ﺳﻤﺮ ﺑﻌﺸﻴﻘﻪ ﺍﺑﻮﻫﺎ ﻋﺒﻴﺮ ﺍﻟﻠﻲ ﺍﻏﻮﺕ ﺍﺑﻮﻫﺎ . ﺻﺤﻴﺢ ﺍﻧﻬﺎ ﻻﻣﺖ ﻧﻔﺴﻬﺎ ﻛﺘﻴﺮ
ﻋﻠﻲ ﻣﻌﺎﻣﻠﺘﻬﺎ ﺍﻟﺴﻴﺌﻪ ﻟﻌﺒﻴﺮ ﺑﺲ ﻫﻴﺎ ﻣﺎ ﻣﻨﻌﺘﺶ ﺍﻟﺪﻛﺘﻮﺭ ﻳﺠﻴﻠﻬﺎ ﺯﻱ ﻣﺎ ﻫﺪﺩﺗﻬﺎ ﻭﺍﻟﺪﻛﺘﻮﺭ ﻗﺎﻟﻬﺎ
ﺍﻥ ﺣﺎﻟﺘﻬﺎ ﻣﻴﺆﺱ ﻣﻨﻬﺎ ﻟﺴﻨﻬﺎ ﺍﻟﻜﺒﻴﺮ ﻭﻛﺎﻥ ﻋﻨﺪﻫﺎ ﻛﻤﺎﻥ ﻓﻘﺮ ﺩﻡ ﻭﺩﻩ ﺍﻟﻲ ﻗﺘﻠﻬﺎ ﻭﺍﻟﻮﻗﻌﻪ
ﻣﺎ ﺳﺒﺒﺘﺶ ﺍﻱ ﺷﺊ . ﺣﺴﺖ ﺑﺼﺪﺍﻉ ﺷﺪﻳﺪ ﻭﺭﺍﺣﺖ ﻟﻠﻤﻄﺒﺦ ﻻﻧﻬﺎ ﻣﺤﺘﺎﺟﻪ ﻣﺸﺮﻭﺏ ﺍﻻﻋﺸﺎﺏ
ﺍﻟﻠﻲ ﺑﺘﺎﺧﺪﻩ ﻟﻠﺼﺪﺍﻉ ﻭﻓﻌﻼ ﻋﻤﻠﺘﻪ ﻭﺍﺧﺪﺗﻪ ﻭﻃﻠﻌﺖ ﺍﻭﺿﺘﻬﺎ ﺗﺮﺗﺎﺡ ﻗﺒﻞ ﻣﻌﺎﺩ ﻟﺒﻨﻲ ﻭﻟﻤﻲ
ﺩﺧﻠﺖ ﻋﻠﻴﻬﺎ ﺳﻤﻴﺮﻩ ﻭﺳﺄﻟﺘﻬﺎ
: ﻋﻤﻠﺘﻲ ﺍﻳﻪ ﻣﻊ ﺍﻻﻧﺴﻪ ﺳﻤﺮ؟
ﻳﺎﺳﻤﻴﻦ : ﻣﺎ ﻃﻠﻌﺘﺶ ﺑﺮﻳﺌﻪ ﺯﻱ ﻣﺎ ﻛﻨﺎ ﻓﺎﻛﺮﻳﻨﻬﺎ . ﻫﺤﻜﻴﻠﻚ ﺑﻌﺪﻳﻦ ﻭﺩﻟﻮﻗﺘﻲ ﻧﺠﻬﺰ ﻻﺳﺘﻘﺒﺎﻝ
ﺍﻟﺒﻨﺎﺕ
ﺍﺳﺘﻘﺒﻠﺖ ﺍﻟﺒﻨﺎﺕ ﻭﻋﺪﻱ ﺍﻟﻮﻗﺖ ﻭﻭﻋﺪﺗﻬﻢ ﺍﻧﻬﺎ ﻫﺘﺤﺎﻭﻝ ﺗﻌﺮﻓﻬﻢ ﺑﺤﺪ ﻣﻨﺎﺳﺐ ﻭﻭﺩﻋﻮﻫﺎ ﻭﻣﺸﻴﻮﺍ
ﻗﻌﺪﺕ ﻓﻲ ﺍﻟﺠﻨﻴﻨﻪ ﻟﻮﺣﺪﻫﺎ ﺗﻔﻜﺮ ﻓﻲ ﺍﻟﺪﺍﻫﻴﻪ ﺳﻤﺮ ﻭﻧﺘﻴﺠﻪ ﺍﻟﻠﻲ ﻫﻴﺤﺼﻞ ﻭﻳﺎﺗﺮﻱ ﺭﺩ ﻓﻌﻞ
ﻣﺤﻤﻮﺩ ﻫﻴﻜﻮﻥ ﺍﻳﻪ ؟ ﻻﺯﻡ ﺗﺘﺄﻛﺪ ﺍﻥ ﺍﺳﻤﻬﺎ ﻣﺎ ﻳﻈﻬﺮﺵ ﺍﺑﺪﺍ ﻓﻲ ﺍﻟﻤﻬﺰﻟﻪ ﺩﻱ ﻭﺍﻻ ﻫﻮ ﻣﺶ
ﻫﻴﺮﺣﻤﻬﺎ ﻻﻧﻬﺎ ﺗﻌﺮﻑ ﻋﻨﻪ ﺍﻧﻪ ﺷﺮﺱ ﻭﻣﺘﻮﺣﺶ ﻭﻟﻮ ﻋﺮﻑ ﺍﻥ ﻟﻴﻬﺎ ﻳﺪ ﻓﻲ ﺍﻟﻤﻮﺿﻮﻉ ﺩﻩ
ﻫﻴﻨﺘﻬﻲ ﺍﻣﺮﻫﺎ . ﻟﻤﺎ ﻭﺻﻞ ﺗﻔﻜﻴﺮﻫﺎ ﻟﻠﻨﻘﻄﻪ ﺩﻱ ﺣﺴﺖ ﺑﺎﻟﺒﺮﺩ ﻭﺍﻟﺨﻮﻑ ﻣﺶ ﻛﻔﺎﻳﻪ ﺧﻮﻓﻬﺎ ﻣﻦ ﺍﺑﻮﻫﺎ
ﻭﺍﻧﺘﻘﺎﻣﻪ ﻫﻴﺎ ﻣﺶ ﻧﺎﻗﺼﻪ ﻭﺍﺣﺪ ﻓﻲ ﻣﺮﻛﺰ ﻣﺤﻤﻮﺩ ﻛﻤﺎﻥ ﻳﻜﻮﻥ ﻋﺪﻭ ﻟﻴﻬﺎ .......
ﻧﺎﻣﺖ ﻳﺎﺳﻤﻴﻦ ﻧﻮﻡ ﻣﺘﻘﻄﻊ ﻛﻠﻪ ﻛﻮﺍﺑﻴﺲ ﺍﻏﻠﺒﻬﺎ ﻋﻦ ﺍﺑﻮﻫﺎ ﺣﻠﻤﺖ ﺑﻴﻪ ﺑﻴﻘﻮﻟﻬﺎ
: ﻣﻔﻴﺶ ﻣﻔﺮ ﻣﻨﻲ ﻳﺎ ﻳﺎﺳﻤﻴﻦ ﻣﻬﻤﺎ ﻫﺘﻬﺮﺑﻲ ﻫﺘﻮﻗﻌﻲ ﻓﻲ ﺍﻳﺪﻱ
ﻭﻣﺴﻜﻬﺎ ﻭﻫﻨﺎ ﻓﺎﻗﺖ ﻟﻘﺖ ﻧﻔﺴﻬﺎ ﻭﺍﻗﻌﻪ ﻋﻠﻲ ﺍﻻﺭﺽ ﻭﺩﻣﻮﻋﻬﺎ ﻧﺎﺯﻟﻪ ﻗﺎﻣﺖ ﻭﺭﺟﻌﺖ ﻟﺴﺮﻳﺮﻫﺎ
ﺍﻟﻜﻮﺍﺑﻴﺲ ﻣﺎﻛﻨﺘﺶ ﺣﺎﺟﻪ ﺟﺪﻳﺪﻩ ﻋﻠﻴﻬﺎ ﺑﺲ ﺑﻘﺎﻟﻬﺎ ﻓﺘﺮﻩ ﻛﺎﻧﺖ ﻧﺎﺳﻴﻬﺎ ﺍﻟﻈﺎﻫﺮ ﺍﻥ ﺧﻮﻓﻬﺎ ﻣﻦ
ﻣﺤﻤﻮﺩ ﺭﺟﻊ ﻛﻮﺍﺑﻴﺴﻬﺎ ﺗﺎﻧﻲ .
ﻋﺪﻱ ﺣﻮﺍﻟﻲ 10 ﺍﻳﺎﻡ ﻫﺎﺩﻳﻴﻦ ﺍﺳﺘﻘﺒﻠﺖ ﻓﻴﻬﻢ ﻳﺎﺳﻤﻴﻦ ﻛﺎﻡ ﺯﺑﻮﻧﻪ ﻭﻛﺎﻧﺖ ﺑﺘﻜﻠﻢ ﺍﻣﻬﺎ
ﻋﻠﻲ ﻃﻮﻝ ﺗﺘﻄﻤﻦ ﻋﻠﻲ ﺻﺤﺘﻬﺎ . ﻛﺎﻧﺖ ﺍﻣﻬﺎ ﻋﻨﺪ ﻭﺍﺣﺪﻩ ﺻﺎﺣﺒﺘﻬﺎ ﻭﻣﺒﺴﻮﻃﻪ ﻓﺴﺎﺑﺘﻬﺎ
ﻳﺎﺳﻤﻴﻦ ﺗﻘﻌﺪ ﻋﻨﺪﻫﺎ ﺍﻣﺎ ﻫﻴﺎ ﺑﺘﺰﻭﺭﻫﺎ ﻛﻞ ﺷﻬﺮ ﺗﻘﻌﺪ ﻣﻌﺎﻫﺎ ﻛﺎﻡ ﻳﻮﻡ ﻭﺗﺮﺟﻊ
ﻭﻓﻲ ﻳﻮﻡ ﺻﺤﻴﺖ ﻳﺎﺳﻤﻴﻦ ﻋﻠﻲ ﺻﺮﺍﺥ ﺍﻟﺨﺎﺩﻣﻪ ﺑﺘﺎﻋﺘﻬﺎ ﻭﺟﺮﻳﺖ ﻋﻠﻴﻬﺎ ﻟﻘﺘﻬﺎ ﻭﺍﻓﻘﻪ ﻭﺟﻮﺯﻫﺎ
ﻣﺮﻣﻲ ﻓﻲ ﺍﻻﺭﺽ ﻭﻗﺎﻟﻮ ﺍﻧﻪ ﻭﻗﻊ ﻭﻫﻮ ﺑﻴﺤﺎﻭﻝ ﻳﺼﻠﺢ ﺳﻘﻒ ﺍﻻﺳﻄﺒﻞ . ﺍﺧﺪﺗﻪ ﻳﺎﺳﻤﻴﻦ
ﻋﻠﻲ ﺍﻟﻤﺴﺘﺸﻔﻲ ﻭﻛﺎﻥ ﻋﻨﺪﻩ ﻛﺴﺮ ﻓﻲ ﺩﺭﺍﻋﻪ ﻭﺭﺟﻠﻪ ﻭﻻﺯﻡ ﻳﺮﺗﺎﺡ ﺷﻬﺮ ﻋﻠﻲ ﺍﻻﻗﻞ
ﻋﻠﻲ ﺍﻟﺮﻏﻢ ﻣﻦ ﺑﺮﻭﺩ ﻳﺎﺳﻤﻴﻦ ﻭﺑﻌﺪﻫﺎ ﻋﻦ ﺍﻟﻨﺎﺱ ﺍﻟﻲ ﺍﻥ ﻋﻤﺎﻟﻬﺎ ﺑﻴﺤﺒﻮﻫﺎ ﺟﺪﺍ ﻭﺑﻴﺮﺗﺎﺣﻮ ﻓﻲ ﺍﻟﺸﻐﻞ
ﻣﻌﺎﻫﺎ ﻻﻧﻬﺎ ﺑﺘﻬﺘﻢ ﺑﻴﻬﻢ ﻭﺑﺘﺤﺒﻬﻢ ﻋﻠﻲ ﻃﺮﻳﻘﺘﻬﺎ .
ﺑﻌﺪ ﻣﺎ ﺭﻭﺣﺘﻬﻢ ﺍﻟﺒﻴﺖ ﺭﺍﺣﺖ ﻟﻠﺒﻠﺪ ﻋﻠﺸﺎﻥ ﺗﺸﺘﺮﻱ ﻣﺸﺮﻭﺏ ﻣﺴﻜﻦ ﻣﻦ ﺍﻻﻋﺸﺎﺏ
ﻣﻦ ﻋﻨﺪ ﺍﻟﻌﻄﺎﺭ . ﻭﻓﻀﻠﺖ ﺗﺪﻭﺭ ﻣﻦ ﻋﻄﺎﺭ ﻟﻠﺘﺎﻧﻲ ﻭﻫﻴﺎ ﻣﺶ ﻻﻗﻴﻪ ﺍﻟﻤﺸﺮﻭﺏ ﺍﻟﻠﻲ ﻭﺻﻔﺘﻬﻮﻟﻬﺎ
ﺳﻤﻴﺮﻩ ﻟﺤﺪ ﻣﺎ ﺩﺧﻠﺖ ﻟﻤﺤﻞ ﺻﻐﻴﺮ ﻭﻟﻤﺎ ﻗﺎﻟﺖ ﻟﻠﺒﺎﻳﻊ ﻋﻠﻲ ﺍﻟﻤﺸﺮﻭﺏ ﺍﻟﻠﻲ ﻋﺎﻳﺰﺍﻩ ﺑﺼﻠﻬﺎ
ﺑﺎﺳﺘﻐﺮﺍﺏ ﻭﻗﺎﻟﻬﺎ :
ﻣﺎﺗﻘﻮﻟﻴﺶ ﺍﻥ ﺷﺎﺑﻪ ﺯﻳﻚ ﺑﺘﺸﺮﺏ ﺍﻟﺤﺎﺟﺎﺕ ﺩﻱ ؟؟
ﻳﺎﺳﻤﻴﻦ : ﺍﻭﻋﻲ ﻳﻜﻮﻥ ﺑﻴﺴﻜﺮ ؟؟؟
ﺻﻮﺕ ﻏﺮﻳﺐ :: ﻷ ﻣﺶ ﺑﻴﺴﻜﺮ ..
ﺩﻩ ﻛﺎﻥ ﺣﺪ ﻏﺮﻳﺐ ﻭﺍﻗﻒ ﻭﺭﺍﻫﺎ . ﺻﻮﺗﻪ ﻛﺎﻥ ﻋﻤﻴﻖ ﻭﻓﻴﻪ ﺍﺭﺳﺘﻘﺮﺍﻃﻴﻪ .. ﻟﻔﺖ ﻳﺎﺳﻤﻴﻦ
ﻭﺷﻬﺎ ﻋﻠﺸﺎﻥ ﺗﺸﻮﻓﻪ ﻟﻘﺘﻪ ﺑﻴﺪﻗﻖ ﻓﻴﻬﺎ ﺟﺎﻣﺪ . ﻛﺎﻥ ﻃﻮﻳﻞ ﺟﺪﺍ ﻭﺷﻌﺮﻩ ﺍﺳﻮﺩ
ﻭﺑﺸﺮﺗﻪ ﻟﻮﻧﺘﻬﺎ ﺍﻟﺸﻤﺲ ﺑﺲ ﺍﻛﺘﺮ ﺣﺎﺟﻪ ﺷﺪﺗﻬﺎ ﻛﺎﻧﺖ ﻋﻨﻴﻪ ﻛﺎﻥ ﻟﻮﻧﻬﺎ ﺍﺯﺭﻕ ﻏﺎﻣﻖ
ﻭﺯﻱ ﻋﻴﻮﻥ ﺍﻟﺼﻘﺮ ﻭﻧﻈﺮﺗﻪ ﻣﺨﻴﻔﻪ ﺗﺨﻮﻑ ﺍﺷﺠﻊ ﺍﻟﻔﺮﺳﺎﻥ .. ﻛﺎﻥ ﺿﺨﻢ ﺟﺪﺍ ﻟﺪﺭﺟﻪ
ﺣﺎﺳﺴﺘﻬﺎ ﺍﻧﻬﺎ ﻧﻤﻠﻪ ﻗﺪﺍﻣﻪ .. ﻫﺪﻭﻣﻪ ﻛﺎﻧﺖ ﺑﺴﻴﻄﻪ ﺑﺲ ﻣﺮﺗﺒﻪ ﻭﻧﻈﻴﻔﻪ ﻭﺣﺴﺖ ﺍﻧﻪ
ﻣﻤﻜﻦ ﻳﻜﻮﻥ ﺑﻮﺩﻱ ﺟﺎﺭﺩ ﻟﺤﺪ ﻣﻦ ﺍﻟﻨﺎﺱ ﺍﻻﻏﻨﻴﻪ .. ﻟﻔﺖ ﻟﻠﺒﺎﻳﻊ ﻭﻛﻤﻠﺖ ﻛﻼﻣﻬﺎ
ﻳﺎﺳﻤﻴﻦ : ﻫﻮ ﻣﺶ ﺑﻴﺴﻜﺮ ﺻﺢ؟؟
ﺍﻟﺒﺎﻳﻊ :: ﻷ ﻣﺶ ﺑﻴﺴﻜﺮ . ﻫﻮ ﺑﺬﻭﺭ ﺻﻐﻴﺮﻩ ﺗﺘﺴﺤﻖ ﻭﻳﻀﺎﻑ ﻟﻴﻬﺎ ﻣﺎﺀ
ﻭﺗﺤﻔﻆ ﻳﻮﻡ ﻭﺑﻌﺪ ﻛﺪﻩ ﺗﺘﺸﺮﺏ
ﺍﺩﺍﻫﺎ ﺯﺟﺎﺟﻪ ﻓﻴﻬﺎ ﺳﺎﺋﻞ ﺍﺧﻀﺮ ﺷﻜﻠﻪ ﻣﻘﺰﺯ ﻭﻗﺎﻟﻬﺎ
ﺍﻟﺒﺎﻳﻊ : ﺩﻱ ﺟﺎﻫﺰﻩ ﻋﻠﻲ ﺍﻟﺸﺮﺏ ﻋﻠﻲ ﻃﻮﻝ ﻻﻧﻲ ﻋﻤﻠﺘﻬﺎ ﻭﺟﺮﺑﺘﻬﺎ ﻭﻣﺎ ﺍﻧﺼﺤﺶ ﺑﻴﻪ ﺣﺪ
ﻭﺍﻻ ﺯﺑﺎﻳﻨﻲ ﻫﻴﺘﻬﻤﻮﻧﻲ ﺍﻧﻲ ﻋﺎﻳﺰ ﺍﺳﻤﻤﻬﻢ ﻭﻳﻄﺮﺩﻭﻧﻲ ﻣﻦ ﻫﻨﺎ . ﻫﺒﻴﻌﻬﻮﻟﻚ ﺑﺲ ﻣﺎ ﺗﺠﻴﺶ
ﺑﻜﺮﻩ ﻭﺗﺘﻬﻤﻴﻨﻲ ﺍﻧﻲ ﻋﺎﻳﺰ ﺍﻗﺘﻠﻚ
ﻳﺎﺳﻤﻴﻦ : ﺍﻟﻤﻔﺮﻭﺽ ﺗﺪﻳﻬﻮﻟﻲ ﺑﻨﺺ ﺍﻟﺴﻌﺮ ﻳﺎ ﺭﺍﺟﻞ ﻳﺎ ﻋﺠﻮﺯ
ﺍﻟﺒﺎﻳﻊ ﺿﺤﻚ ﻭﻗﺎﻟﻬﺎ : ﺍﻧﺖ ﺧﻄﻴﺮﻩ ﻓﻲ ﺍﻟﺘﺠﺎﺭﻩ ﻳﺎ ﺍﻧﺴﻪ
ﺩﻓﻌﺖ ﻟﻠﺒﺎﻳﻊ ﺍﻟﻔﻠﻮﺱ ﺑﻌﺪ ﻣﺎ ﺧﻔﻀﺘﻬﺎ ﻟﻠﻨﺺ ﻭﺍﺗﻔﺎﺟﺌﺖ ﺑﺎﻟﺮﺍﺟﻞ ﺍﻟﻀﺨﻢ ﻟﺴﻪ ﻭﺍﻗﻒ ﻭﺭﺍﻫﺎ
ﻓﻀﻞ ﻳﺒﺼﻠﻬﺎ ﺑﻨﻔﺲ ﺍﻟﻄﺮﻳﻘﻪ ﺍﻟﻠﻲ ﺑﺘﺨﻠﻴﻬﺎ ﻣﺘﻮﺗﺮﻩ ﻣﺶ ﻋﺎﺭﻓﻪ ﻟﻴﻪ ﻭﻗﺎﻟﻬﺎ
_ ﺑﻴﺘﺸﺮﺏ ﻣﻊ ﺍﻟﻠﺒﻦ ﻭﺍﻟﻌﺴﻞ
ﺷﻜﺮﺗﻪ ﻳﺎﺳﻤﻴﻦ ﻭﺟﺮﻳﺖ ﺑﺴﺮﻋﻪ ﻋﻠﻲ ﻋﺮﺑﻴﺘﻬﺎ ﻭﺭﻛﺒﺘﻬﺎ ﻭﺍﺗﻀﺎﻳﻘﺖ ﻣﻦ ﻧﻔﺴﻬﺎ ﻗﻮﻱ
ﻭﻣﻦ ﺧﻮﻓﻬﺎ ﺍﻟﻠﻲ ﻣﺎﻟﻮﺵ ﻣﺒﺮﺭﻫﻮ ﻛﻠﻤﻬﺎ ﺑﻜﻞ ﺍﺣﺘﺮﺍﻡ .
ﻭﻓﻲ ﺗﺎﻧﻲ ﻳﻮﻡ ﻭﺻﻠﺘﻬﺎ ﺭﺳﺎﻟﻪ ﻣﻦ ﺳﻤﺮ ﺗﺴﺄﻟﻬﺎ ﻓﻲ ﺟﺪﻳﺪ ﻭﻻ ﻷ . ﻭﻻﻭﻝ ﻣﺮﻩ ﺗﻨﺪﻡ ﻳﺎﺳﻤﻴﻦ ﺍﻧﻬﺎ
ﻗﺒﻠﺖ ﺷﻐﻞ ﻻﻧﻬﺎ ﻛﺎﻧﺖ ﻻ ﺗﻄﺎﻕ ﻭﺑﻌﺪﻳﻦ ﻳﺎﺳﻤﻴﻦ ﻛﺎﻧﺖ ﻓﻲ ﺍﻧﺘﻈﺎﺭ ﺻﺎﺣﺒﺖ ﺍﻣﻬﺎ
ﺗﺮﺩ ﻋﻠﻴﻬﺎ ﺑﺨﺼﻮﺹ ﺍﻟﻤﻤﺜﻞ ﺍﻟﻠﻲ ﻫﻴﻘﻮﻡ ﺑﺎﻟﺪﻭﺭ ﺩﻩ . ﻻﻧﻬﺎ ﻗﺎﻟﺘﻠﻬﺎ ﻋﻞ ﻣﻤﺜﻞ ﻇﺎﻫﺮ ﺟﺪﻳﺪ
ﻭﻟﺴﻪ ﻣﺶ ﻣﻌﺮﻭﻑ ﻭﻫﻴﺎ ﺑﺘﺤﺎﻭﻝ ﺗﻘﻨﻌﻪ ﺑﺎﻟﺪﻭﺭ ﺩﻩ .
ﻗﺎﻣﺖ ﻭﺯﺍﺭﺕ ﺟﻮﺯ ﺧﺪﺍﻣﺘﻬﺎ ﺗﺘﻄﻤﻦ ﻋﻠﻴﻪ ﻭﻗﺮﺭﺕ ﺍﻧﻬﺎ ﺗﺄﺟﺮ ﺣﺪ ﻳﺸﺘﻐﻞ ﻣﺆﻗﺖ
ﻟﺤﺪ ﻣﺎ ﺟﻮﺯ ﺍﻟﺨﺪﺍﻣﻪ ﻳﺨﻒ ﻻﻥ ﺍﻟﺸﻐﻞ ﻛﺘﺮ ﻋﻠﻲ ﻋﻤﺎﻟﻬﺎ ﻭﺍﻟﻤﻔﺮﻭﺽ ﺣﺪ ﻳﺨﻠﻲ ﺑﺎﻟﻪ
ﻣﻦ ﺍﻻﺳﻄﺒﻞ ﻭﻳﻬﺘﻢ ﺑﺎﻻﺣﺼﻨﻪ ﺑﺘﺎﻋﺘﻬﺎ ( ﻫﻤﺎ ﺣﺼﺎﻧﻴﻦ ﻟﺰﻭﻡ ﺍﻟﻤﻨﻈﺮﻩ )
ﻭﻓﻌﻼ ﻧﺰﻟﺖ ﻫﻴﺎ ﻭﺳﻤﻴﺮﻩ ﻋﻠﺸﺎﻥ ﻳﺪﻭﺭﺍ ﻋﻠﻲ ﺣﺪ ﻳﺸﺘﻐﻞ ﺍﺟﻴﺮ ﻭﺭﺍﺣﻮﺍ ﺍﻟﺒﻠﺪ
ﻭﻭﺻﻠﻮ ﻟﺴﺎﺣﻪ ﻓﻴﻬﺎ ﺍﻟﻌﻮﺍﻃﻠﻴﻪ . ﺍﻟﻠﻲ ﺑﻴﺸﺮﺏ ﻭﺍﻟﻠﻲ ﺑﻴﻠﻌﺐ ﻭﻓﻲ ﺑﻨﺎﺕ ﺷﺒﻪ ﺑﻨﺎﺕ ﺍﻟﻠﻴﻞ
ﻭﻟﻘﺖ ﺳﻤﻴﺮﻩ ﺟﻨﺒﻬﺎ ﺑﺘﺒﺼﻠﻬﻢ ﺑﻘﺮﻑ
ﺳﻤﻴﺮﻩ : ﺍﻟﻈﺎﻫﺮ ﺍﻧﺎﺣﻨﺎ ﻏﻠﻄﻨﺎ ﻟﻤﺎ ﺟﻴﻨﺎ ﺑﻨﻔﺴﻨﺎ ﻛﻨﺎ ﺑﻌﺘﻨﺎ ﻋﺒﺪﺍﻟﻠﻪ ( ﻭﺍﺣﺪ ﻣﻦ ﻋﻤﺎﻟﻬﺎ )
ﻳﺎﺳﻤﻴﻦ : ﻋﺒﺪﺍﻟﻠﻪ ﺑﻴﺸﺘﻐﻞ ﺿﻌﻒ ﺷﻐﻠﻪ ﺣﺮﺍﻡ ﻛﺪﻩ . ﻭﺍﻧﺎ ﻣﺶ ﻋﺎﻳﺰﻩ ﺍﺷﻐﻠﻪ ﺍﻛﺘﺮ ﻣﻦ
ﻛﺪﻩ ﺍﺣﻨﺎ ﻫﻨﺨﺘﺎﺭ ﻭﺍﺣﺪ ﻭﻧﻤﺸﻲ ﺑﺴﺮﻋﻪ
ﺳﻤﻴﺮﻩ : ﻛﻞ ﺍﻟﻠﻲ ﻫﻨﺎ ﻳﺎ ﺍﻣﺎ ﺑﻴﺸﺮﺏ ﺍﻭ ﺑﻴﻠﻌﺐ ﻗﻤﺎﺭ ﺍﺣﻨﺎ ﺟﻴﻨﺎ ﻣﻜﺎﻥ ﻏﻠﻂ ﻳﺎﻻ ﺑﺴﺮﻋﻪ
ﻧﻤﺸﻲ ﻣﻦ ﻫﻨﺎ
ﻭﻓﻌﻼ ﺣﺎﻭﻟﻮ ﻳﻤﺸﻲ ﺑﺲ ﻟﻘﻮﺍ ﺍﺗﻨﻴﻦ ﺭﺟﺎﻟﻪ ﻗﺎﻓﻠﻴﻦ ﺍﻟﻄﺮﻳﻖ ﺣﺎﻭﻟﻮ ﻳﺒﻌﺪﻭﺍ ﺑﺲ ﻫﻤﺎ
ﻗﻔﻠﻮ ﺍﻟﻄﺮﻳﻖ ﻋﻠﻴﻬﻢ ﻭﻭﺍﺣﺪ ﻓﻴﻬﻢ ﻣﺴﻚ ﻳﺎﺳﻤﻴﻦ
_ ﺭﺍﻳﺤﻪ ﻓﻴﻦ ﻳﺎ ﺣﻠﻮﻩ؟ ﺍﻧﺘﻮ ﻫﺘﻔﻀﻠﻮ ﻣﻌﺎﻧﺎ ﻫﻨﺎ ﻭﺍﻧﺘﻮ ﻫﺘﺘﺒﺴﻄﻮﺍ ﻣﻌﺎﻧﺎ ﻗﻮﻱ ﻫﺎﺗﻲ ﺑﻮﺳﻪ
ﻭﺣﺎﻭﻝ ﻳﻘﺮﺏ ﻋﻠﻴﻬﺎ ﻭﺯﻋﻠﺖ ﻻﻥ ﺍﻭﻝ ﺑﻮﺳﻪ ﻫﺘﻜﻮﻥ ﻣﻦ ﻧﺼﻴﺐ ﻭﺍﺣﺪ ﺳﻜﺮﺍﻥ ﻭﻓﺠﺄﻩ ....
ﺍﻳﻪ ﺍﻟﻠﻲ ﻫﻴﺤﺼﻞ؟
ﻭﺣﺪ ﻫﻴﺴﺎﻋﺪﻫﻢ ﻭﻻ ﻫﻴﺘﻌﺮﺿﻮﺍ ﻟﻼﻏﺘﺼﺎﺏ؟
ﻗﻮﻟﻮﻟﻲ ﺍﻧﺘﻢ ﺍﻳﻪ ﺭﺃﻳﻜﻢ؟ﺗﻌﻠﻴﻘﺎﺗﻜﻢ ﻭﺗﻮﻗﻌﺎﺗﻜﻢ ﻣﺎﺷﻴﻪ ﺍﺯﺍﻱ
ﺍﻟﺤﻠﻘﻪ ﺍﻟﺜﺎﻟﺜﻪ من موعد مع القدر
ﺣﺎﻭﻝ ﻳﻘﺮﺏ ﻋﻠﻴﻬﺎ ﻭﺯﻋﻠﺖ ﻻﻥ ﺍﻭﻝ ﺑﻮﺳﻪ ﻫﺘﻜﻮﻥ ﻣﻦ ﻧﺼﻴﺐ ﻭﺍﺣﺪ ﺳﻜﺮﺍﻥ ﻭﻓﺠﺄﻩ ....
ﻭﻗﺒﻞ ﻣﺎ ﻳﻮﺻﻠﻬﺎ ﺣﺴﺖ ﺑﻴﻪ ﺑﻴﺒﻌﺪ ﻋﻨﻬﺎ ﻭﻟﻤﺎ ﻓﺘﺤﺖ ﻋﻨﻴﻬﺎ ﻟﻘﺘﻪ ﻣﺮﻣﻲ ﻋﻠﻲ ﺍﻻﺭﺽ
ﻫﻮ ﻭﺻﺎﺣﺒﻪ ﻭﺭﻓﻌﺖ ﻋﻨﻴﻬﺎ ﻟﻘﺖ ﻋﻨﻴﻦ ﺣﺎﺩﻩ ﺑﺘﺒﺼﻠﻬﺎ . ﺭﺟﻌﺖ ﻟﻮﺭﺍ ﻛﺎﻡ ﺧﻄﻮﻩ . ﻫﻮ ﺩﻩ
ﻧﻔﺲ ﺍﻟﺮﺍﺟﻞ ﺍﻟﻀﺨﻢ ﺍﻟﻠﻲ ﻗﺎﺑﻠﺘﻪ ﻓﻲ ﺍﻟﻤﺤﻞ ﻭﻣﻦ ﺍﺿﻄﺮﺍﺑﻬﺎ ﺩﺍﺳﺖ ﻋﻠﻲ ﺣﺮﻑ ﻓﺴﺘﺎﻧﻬﺎ ﻭﻭﻗﻌﺖ ﻓﻲ ﺑﺮﻛﻪ ﻃﻴﻨﻪ ﻭﻫﺪﻭﻣﻬﺎ ﻛﻠﻬﺎ ﺍﺗﻮﺳﺨﺖ ﻭﺣﺎﻭﻟﺖ ﺗﻘﻮﻡ ﻣﻌﺮﻓﺘﺶ ﻭﺳﺎﻋﺪﺗﻬﺎ ﺳﻤﻴﺮﻩ ﻋﻠﺸﺎﻥ ﺗﻘﻮﻡ .. ﺑﺼﺖ ﻟﻠﺮﺍﺟﻞ ﻟﻘﺘﻪ ﻣﻜﺘﻒ ﺍﻳﺪﻳﻪ ﻋﻠﻲ ﺻﺪﺭﻩ ﻭﺑﻴﺘﻔﺮﺝ ﻋﻠﻴﻬﻢ ﺑﺘﺴﻠﻴﻪ
ﺍﺗﻐﺎﻇﺖ ﻻﻧﻪ ﺑﻴﺘﺴﻠﻲ ﻋﻠﻲ ﺣﺴﺎﺑﻬﺎ ﻭﻣﺎ ﺣﺎﻭﻟﺶ ﻳﺴﺎﻋﺪﻫﺎ ﺑﺲ ﻫﻴﺎ ﻣﺴﺘﻨﻴﻪ ﺍﻳﻪ ﻣﻦ ﺷﺨﺺ ﺑﺪﺍﺋﻲ ﺯﻱ ﺩﻩ . ﺑﺼﺘﻠﻪ ﻣﻦ ﻓﻮﻕ ﻟﺘﺤﺖ ﻭﺟﺮﻳﺖ ﻋﻠﻲ ﻋﺮﺑﻴﺘﻬﺎ
ﻭﺍﺳﺘﻨﺖ ﺳﻤﻴﺮﻩ ﻟﺤﺪ ﻣﺎ ﺗﻴﺠﻲ
_ ﺍﻳﻪ ﺍﻟﻠﻲ ﺍﺧﺮﻫﺎ ﻛﻞ ﺩﻩ؟؟ ﻛﺎﻥ ﻻﺯﻡ ﺗﻴﺠﻲ ﻭﺭﺍﻳﺎ ﺑﺴﺮﻋﻪ
ﺩﺧﻠﺖ ﺳﻤﻴﺮﻩ ﻭﻫﻴﺎ ﻣﺒﺘﺴﻤﻪ ﻓﺨﻠﺖ ﻳﺎﺳﻤﻴﻦ ﺗﺼﺮﺥ ﻋﻠﻴﻬﺎ
: ﺍﺗﺄﺧﺮﺗﻲ ﻛﺪﻩ ﻟﻴﻪ؟ ﻭﺍﻳﻪ ﺍﻻﺑﺘﺴﺎﻣﻪ ﺍﻟﻠﻲ ﻋﻠﻲ ﻭﺷﻚ ﺩﻱ؟
ﺳﻤﻴﺮﻩ : ﻟﻘﻴﺖ ﺑﺪﻳﻞ ﻭﺍﺟﺮﺕ ﻭﺍﺣﺪ .. ﻫﻮ ﺍﻟﺮﺍﺟﻞ ﺍﻟﻠﻲ ﺍﻧﻘﺬﻧﺎ
ﻳﺎﺳﻤﻴﻦ : ﺍﻳﻪ ﺍﻧﺘﻲ ﺍﺗﺠﻨﻨﻴﻨﺘﻲ؟ ﻣﺶ ﻣﻤﻜﻦ
ﺳﻤﻴﺮﻩ : ﻭﻟﻴﻪ ﻷ؟؟
ﻣﻌﺮﻓﺘﺶ ﺗﺮﺩ ﻓﻘﺎﻟﺖ ﺍﻭﻝ ﺣﺎﺟﻪ ﺧﻄﺮﺕ ﺑﺒﺎﻟﻬﺎ
: ﺩﻩ ﺿﺨﻢ ﻋﻠﻲ ﺍﻧﻪ ﻳﻜﻮﻥ ﻣﻮﻇﻒ ﻋﻨﺪﻱ
ﺍﻧﻔﺠﺮﺕ ﺳﻤﻴﺮﻩ ﺿﺤﻚ ﻋﻠﻴﻬﺎ ﻭﻓﻀﻠﺖ ﺷﻮﻳﻪ ﻣﺶ ﻋﺎﺭﻓﻪ ﺗﺒﻄﻞ ﺿﺤﻚ ﻟﺤﺪ ﻣﺎ ﺍﺧﻴﺮﺍ ﻋﺮﻓﺖ ﺗﺘﻜﻠﻢ
: ﻣﻦ ﺍﻭﻝ ﻣﺎ ﻋﺮﻓﺘﻚ ﺍﻭﻝ ﻣﺮﻩ ﺍﺷﻮﻓﻚ ﻣﺘﻮﺗﺮﻩ ﺍﻳﻪ ﺍﻟﺴﺒﺐ ﻳﺎ ﺗﺮﻱ؟؟
ﻳﺎﺳﻤﻴﻦ : ﻋﺎﻳﺰﻩ ﺍﻟﺤﻘﻴﻘﻪ .. ﺍﻟﺮﺍﺟﻞ ﺩﻩ ﺑﻴﺨﻮﻓﻨﻲ
ﺳﻤﻴﺮﻩ : ﺑﺲ ﻫﻮ ﻣﺶ ﻫﻴﻔﻀﻞ ﻣﻌﺎﻧﺎ ﻛﺘﻴﺮﺷﻬﺮ ﻭﻧﺺ ﺑﺲ ﻭﺍﻏﻠﺐ ﺍﻟﻮﻗﺖ ﺍﻧﺘﻲ ﻫﺘﻜﻮﻧﻲ ﻣﻊ ﺯﺑﺎﻳﻨﻚ ﺍﻭ ﻓﻲ ﺍﻟﻤﺪﻳﻨﻪ ﻭﻫﻴﻌﺪﻭﺍ ﺑﺴﺮﻋﻪ ﻭﺑﻌﺪﻳﻦ ﻫﻮ ﻣﺶ ﻫﻴﻘﻌﺪ ﻋﻨﺪﻧﺎ ﻫﻮ ﺍﺷﺘﺮﻁ ﺍﻧﻪ ﻳﺠﻲ ﺍﻟﺴﺎﻋﻪ 6 ﺍﻟﺼﺒﺢ ﻭﻳﻤﺸﻲ 5 ﺍﻟﻤﻐﺮﺏ ﻭﺩﻩ ﺍﺣﺴﻦ ﻣﻦ ﺍﻟﻠﻲ ﻛﻨﺎ ﺑﻨﺪﻭﺭ ﻋﻠﻴﻪ
ﺳﻜﺘﺖ ﻳﺎﺳﻤﻴﻦ ﻭﺗﻤﻨﺖ ﺍﻥ ﺍﻟﻔﺘﺮﻩ ﺩﻱ ﺗﻌﺪﻱ ﺑﺴﺮﻋﻪ ﻓﻌﻼ ﺟﻪ ﺍﻟﻠﻴﻞ ﻭﻫﻴﺎ ﻓﻲ ﺍﻭﺿﺘﻬﺎ ﺑﺘﻔﻜﺮ ﻓﻲ ﺍﺣﺪﺍﺙ ﺍﻟﻴﻮﻡ ﻛﻠﻪ ﻭﻧﺠﺎﺗﻬﺎ ﻣﻦ ﻣﺤﺎﻭﻟﻪ ﺍﻻﻏﺘﺼﺎﺏ ﻫﻴﺎ
ﻭﺧﺎﺩﻣﺘﻬﺎ ﻟﻮﻻ ﺍﻟﺮﺍﺟﻞ ﺍﻟﻀﺨﻢ ﺩﻩ ﻭﺍﻭﻝ ﻣﺎ ﺍﻓﺘﻜﺮﺗﻪ ﺣﺴﺖ ﺑﺮﻋﺸﻪ ﻓﻲ ﺟﺴﻤﻬﺎ
ﺩﻩ ﺗﺎﻧﻲ ﺭﺍﺟﻞ ﻳﺴﺒﺒﻠﻬﺎ ﺍﻟﺮﻋﺸﻪ ﺩﻱ . ﻫﻞ ﺩﻱ ﺍﺷﺎﺭﻩ ﻣﻦ ﺍﻟﻘﺪﺭ ﺍﻥ ﺍﺑﻮﻫﺎ ﻣﻤﻜﻦ
ﻳﻼﻗﻴﻬﺎ ﻭﻳﻨﺘﻘﻢ ﻣﻨﻬﺎ ﻷ ﺩﻱ ﻛﻠﻬﺎ ﺍﻭﻫﺎﻡ ﻫﻴﺎ ﻏﻴﺮﺕ ﺍﺳﻤﻬﺎ . ﻭﺷﻜﻠﻬﺎ ﻛﻤﺎﻥ ﺍﺗﻐﻴﺮ ﻫﻴﺎ ﻣﺒﻘﺘﺶ ﺍﻟﺒﻨﺖ ﺍﻟﺼﻐﻴﺮﻩ ﺍﻟﻠﻲ ﻛﻞ ﻣﺎ ﻳﺴﻜﺮ ﻳﺤﺎﻭﻝ ﻳﺘﺤﺮﺵ ﺑﻴﻬﺎ ﻭﻫﻴﺎ ﺗﺤﺎﻭﻝ ﺗﻮﻗﻔﻪ ﻓﻴﻔﻀﻞ ﻳﻀﺮﺏ ﻓﻴﻬﺎ ﺑﻮﺣﺸﻴﻪ ... ﺍﺩ ﺍﻳﻪ ﻛﺎﻥ ﺍﺏ ﺣﻨﻮﻥ .. ﻓﻲ ﻣﺮﻩ ﺿﺮﺑﻬﺎ ﺑﻌﻤﻮﺩ ﺣﺪﻳﺪ
ﻋﻠﺸﺎﻥ ﺳﺮﻗﺖ ﺷﻮﻳﻪ ﺍﻛﻞ ﺑﺎﻗﻲ ﻣﻦ ﺍﻛﻞ ﻋﺸﻴﻘﺘﻪ ﻟﻴﻬﺎ ﻭﻻﻣﻬﺎ ﻭﻛﺴﺮﻟﻬﺎ ﺩﺭﺍﻋﻬﺎ
ﻭﻣﺶ ﻫﺘﻨﺴﻲ ﺍﻟﻤﺮﻩ ﺍﻟﻠﻲ ﺣﺒﺴﻬﺎ ﻓﻴﻬﺎ ﻻﺳﺒﻮﻉ ﻛﺎﻣﻞ ﻣﻦ ﻏﻴﺮ ﺍﻛﻞ ﺍﻭ ﺷﺮﺏ ﻓﻲ ﺍﻻﺳﻄﺒﻞ ﻟﻮﻻ ﺍﻥ ﻋﻠﻲ ﻭﺍﺑﻮﻩ ﻛﺎﻧﻮ ﺑﻴﻬﺮﺑﻮﻟﻬﺎ ﺍﻛﻞ ﻭﺩﻩ ﻛﻠﻪ ﻋﻠﺸﺎﻥ ﻣﺎ ﺳﻤﺤﺘﺶ ﻟﻌﺒﻴﺮ ﺗﻀﺮﺑﻬﺎ ﻟﻮ ﺭﺟﻊ ﺍﻟﺰﻣﻦ ﺗﺎﻧﻲ ﻫﺘﻌﻴﺪ ﻧﻔﺲ ﺍﻟﻠﻲ ﺣﺼﻞ ﻭﻣﺶ ﻫﺘﻨﺪﻡ ﻟﻜﻦ ﺍﺑﻮﻫﺎ ﻛﺎﻥ ﺍﻟﻤﻔﺮﻭﺽ ﻗﺘﻠﺘﻪ ﻟﻤﺎ ﺟﺎﺗﻠﻬﺎ ﺍﻟﻔﺮﺻﻪ ﻣﺶ ﺗﻬﺮﺏ ﺑﻌﻴﺪ .. ﺑﺼﺖ ﻟﺒﻌﻴﺪ ﻟﻘﺖ ﻗﺪﺍﻣﻬﺎ ﺍﻟﻘﺼﺮ ﺍﻟﻜﺒﻴﺮ ﺯﻱ ﺍﺳﺪ ﻣﺘﺮﺑﻊ ﻋﻠﻲ ﻋﺮﺷﻪ ﺍﻟﻤﻔﺮﻭﺽ ﺍﻧﻪ ﺻﺎﺣﺒﻪ ﻳﻜﻮﻥ ﻭﺻﻞ . ﺳﺎﺑﺖ ﺍﻟﺸﺒﺎﻙ
ﻭﺭﺍﺣﺖ ﻟﺴﺮﻳﺮﻫﺎ ﺍﻟﻤﻔﺮﻭﺽ ﻫﺘﺼﺤﻲ ﺑﺪﺭﻱ ﻻﻥ ﺍﻟﻌﺎﻣﻞ ﺍﻟﺠﺪﻳﺪ ﻫﻴﺠﻲ ﺍﻟﺴﺎﻋﻪ
6 ﺍﻟﺼﺒﺢ ﻭﻻﺯﻡ ﺗﻜﻮﻥ ﻣﺴﺘﻌﺪﻩ ﻟﻴﻪ .. ﻗﺮﺏ ﻣﻌﺎﺩ ﺳﻔﺮﻫﺎ ﻟﻠﻤﺪﻳﻨﻪ ﻋﻠﺸﺎﻥ ﺗﺸﻮﻑ ﺍﻣﻬﺎ
ﻭﺗﻘﺎﺑﻞ ﺍﻟﻤﻤﺜﻞ ﻭﺍﺗﻤﻨﺖ ﺍﻧﻬﺎ ﺗﻼﻗﻲ ﻋﻤﺮ ﺍﺑﻦ ﺻﺎﺣﺒﻪ ﻣﺎﻣﺘﻬﺎ ﻻﻧﻬﻢ ﺍﺻﺤﺎﺏ ﺟﺪﺍ ﻭﻛﺎﻧﻮ
ﻋﻠﻲ ﻃﻮﻝ ﻣﻊ ﺑﻌﺾ ﻭﺩﻳﻤﺎ ﻛﺎﻥ ﻳﺘﺮﻳﻖ ﻋﻠﻲ ﺷﻐﻠﻬﺎ
ﻋﻤﺮ : ﺍﻧﺖ ﺍﻻﻧﺴﻪ ﺍﻟﻠﻲ ﺑﺘﺠﻮﺯ ﺍﻟﻨﺎﺱ ﻭﻣﺶ ﻋﺎﺭﻓﻪ ﺗﺠﻮﺯ ﻧﻔﺴﻬﺎ
ﻛﺎﻧﺖ ﺩﻳﻤﻬﺎ ﺑﺘﺮﻣﻲ ﺍﻱ ﺣﺎﺟﻪ ﻋﻠﻴﻪ ﻟﻤﺎ ﻳﻘﻮﻟﻬﺎ ﻛﺪﻩ . ﺍﺷﺘﺎﻗﺘﻠﻪ ﺟﺪﺍ ﻭﺍﺗﻤﻨﺖ ﺍﻧﻬﺎ ﺗﺸﻮﻓﻪ ﻫﻨﺎﻙ ﻭﺍﺧﻴﺮﺍ ﻏﻠﺒﻬﺎ ﺍﻟﺘﻌﺐ ﻭﻧﺎﻣﺖ
ﺻﺤﻴﺖ ﻋﻠﻲ ﺻﻮﺕ ﻏﺮﻳﺐ ﺯﻱ ﻣﺎﻛﻨﻪ ﺑﺘﺎﻋﺖ ﺍﻟﺤﺸﻴﺶ ﻓﻘﺎﻣﺖ ﺑﺴﺮﻋﻪ ﻣﻦ ﺳﺮﻳﺮﻫﺎ
ﻭﺑﺼﺖ ﻣﻦ ﺍﻟﺒﻠﻜﻮﻧﻪ ﻟﻘﺖ ﺍﻟﻌﺎﻣﻞ ﺍﻟﺠﺪﻳﺪ ﺍﻟﻠﻲ ﺧﻄﻒ ﺍﻧﻔﺎﺳﻬﺎ ﺑﺸﻜﻠﻪ ﻻﻧﻪ ﻛﺎﻥ ﻋﺮﻳﺎﻥ
ﻣﻦ ﻓﻮﻕ ﻭﻻﺑﺲ ﺑﻨﻄﻠﻮﻥ ﺍﺳﻮﺩ ﺑﺴﻴﻂ ﺍﻧﺒﻬﺮﺕ ﺑﻌﻀﻼﺗﻪ ﺍﻟﻠﻲ ﻛﺎﻧﺖ ﺑﺘﻠﻤﻊ ﻣﻦ ﺍﻟﻌﺮﻕ
ﻭﺿﻮﺀ ﺍﻟﺸﻤﺲ ﻭﻓﺠﺄﻩ ﺍﻓﺘﻜﺮﺕ ﺍﻧﻬﺎ ﻻﺑﺴﻪ ﻗﻤﻴﺺ ﻧﻮﻡ ﺧﻔﻴﻒ ﻭﺷﻌﺮﻫﺎ ﻣﻔﻜﻮﻙ ﻓﺠﺮﻳﺖ ﺑﺴﺮﻋﻪ ﻭﺩﺧﻠﺖ ﺍﻭﺿﺘﻬﺎ ﻭﻗﻔﻠﺖ ﺍﻟﺒﺎﺏ
ﺗﺤﺖ ﻓﻲ ﺍﻟﺠﻨﻴﻨﻪ ﺭﺍﺡ ﻋﺒﺪﺍﻟﻠﻪ ﻧﺎﺣﻴﻪ ﺍﻟﻌﺎﻣﻞ ﺍﻟﺠﺪﻳﺪ
ﻋﺒﺪﺍﻟﻠﻪ : ﺻﺒﺎﺡ ﺍﻟﺨﻴﺮ ﺍﻧﺎ ﻋﺒﺪﺍﻟﻠﻪ ﺑﺸﺘﻐﻞ ﻓﻲ ﺍﻟﺠﻨﻴﻨﻪ ﻭﺍﻻﺳﻄﺒﻞ
ﺍﻟﻌﺎﻣﻞ : ﺍﻫﻼ ﺑﻴﻚ ﻭﺍﻧﺎ ﺍﺣﻤﺪ .. ﻫﻮ ﺍﻧﺘﻮ ﺑﺘﺪﺅﻭﺍ ﺍﻟﺸﻐﻞ ﻣﺘﺄﺧﺮﻳﻦ ﻋﻠﻲ ﻃﻮﻝ
ﻋﺒﺪﺍﻟﻠﻪ : ﻃﺒﻌﺎ ﻷ ﺑﺲ ﻓﻲ ﻳﻮﻡ ﻓﻲ ﺍﻻﺳﺒﻮﻉ ﻧﺒﺪﺃ ﻣﺘﺄﺧﺮﻳﻦ ﻓﻴﻪ ﻭﻧﺨﻠﺺ
ﺑﺪﺭﻱ ﺑﺮﺿﻪ ﻭﻫﺘﺸﻮﻑ ﺑﻨﻔﺴﻚ
ﺳﺄﻟﻪ ﺍﺣﻤﺪ : ﺻﺎﺣﺐ ﺍﻟﺒﻴﺖ ﻫﻮ ﺍﻟﻠﻲ ﺣﻂ ﺍﻟﻘﺎﻧﻮﻥ ﺩﻩ
ﻋﺒﺪﺍﻟﻠﻪ : ﻗﻮﻝ ﺻﺎﺣﺒﻪ ﺍﻟﺒﻴﺖ .. ﺍﻻﺳﺘﺎﺫﻩ ﻳﺎﺳﻤﻴﻦ ﺭﺍﺋﻌﻪ ﻭﻋﻠﻲ ﺍﻟﺮﻏﻢ ﻣﻦ ﻃﺒﻌﻬﺎ
ﺍﻟﺒﺎﺭﺩ ﺍﻟﻲ ﺍﻧﻬﺎ ﻛﺮﻳﻤﻪ ﺟﺪﺍ ﻭﻋﺎﺩﻟﻪ
ﺍﺣﻤﺪ : ﻫﻴﺎ ﻣﺘﺠﻮﺯﻩ ؟؟
ﻋﺒﺪﺍﻟﻠﻪ :: ﺑﻴﻘﻮﻟﻮ ﻛﺪﻩ ﻭﺍﻥ ﺟﻮﺯﻫﺎ ﻓﻲ ﻣﻜﺎﻥ ﺑﻌﻴﺪ ﺑﺲ ﺍﻧﺎ ﺑﻘﺎﻟﻲ ﺳﻨﻪ ﻭﻧﺺ ﻫﻨﺎ
ﻣﺎ ﺷﻮﻓﺘﺶ ﺟﻮﺯﻫﺎ ﺑﺲ ﻫﻴﺎ ﺑﺘﺮﻭﺡ ﺍﻟﻤﺪﻳﻨﻪ ﻛﺘﻴﺮ ﻭﺑﻴﻘﻮﻟﻮ ﺍﻧﻬﺎ ﺑﺘﺸﻮﻓﻪ ﻫﻨﺎﻙ ..
ﺑﺲ ﺍﻧﺎ ﻋﻤﺮﻱ ﻣﺎﺷﻔﺘﻚ ﻗﺒﻞ ﻛﺪﻩ
ﺍﺣﻤﺪ : ﺍﻧﺎ ﻣﺶ ﺑﺸﺘﻐﻞ ﻛﺘﻴﺮ ﻭﻣﻌﻈﻢ ﻭﻗﺘﻲ ﺑﺮﻩ ﺍﻟﺒﻠﺪ .. ﻫﻮ ﺍﻟﻠﻲ ﺟﻌﺎﻥ ﻫﻨﺎ ﻳﻌﻤﻞ ﺍﻳﻪ ؟
ﻋﺒﺪﺍﻟﻠﻪ : ﺗﻌﺎﻝ ﺍﻭﺭﻳﻚ ﺍﻟﻤﻄﺒﺦ
ﺩﺧﻠﺖ ﺳﻤﻴﺮﻩ ﻋﻠﻲ ﻳﺎﺳﻤﻴﻦ ﻭﻗﺎﻟﺘﻠﻬﺎ ﺑﺼﻮﺕ ﻛﻠﻪ ﺣﻤﺎﺱ
ﺳﻤﻴﺮﻩ : ﺿﺎﻉ ﻋﻠﻴﻜﻲ ﻣﺸﻬﺪ ﺍﻟﺼﺒﺢ .. ﻭﻣﺸﻮﻓﺘﻴﺶ ﺍﺣﻤﺪ ﻭﻫﻮ ﺑﻴﻘﻠﻢ ﺍﻟﺤﺸﻴﺶ
ﻳﺎﺳﻤﻴﻦ : ﻻ ﺷﻮﻓﺘﻪ .. ﺍﻧﺘﻲ ﻗﻮﻟﺘﻲ ﺍﺳﻤﻪ ﺍﺣﻤﺪ
ﺳﻤﻴﺮﻩ : ﺍﻳﻮﻩ ﻫﻮ ﻗﺎﻟﻨﺎ ﻛﺪﻩ ﻓﻲ ﺍﻟﻤﻄﺒﺦ ﻭﻫﻮ ﺑﻴﻔﻄﺮ ﺍﻩ ﻟﻮ ﺷﻮﻓﺘﻴﻪ ﻭﻫﻮ ﺻﺪﺭﻩ ﻋﺮﻳﺎﻥ
ﺿﺤﻜﺖ ﻳﺎﺳﻤﻴﻦ ﻭﺑﺼﺖ ﺑﺪﻫﺸﻪ ﻟﺼﺎﺣﺒﺘﻬﺎ ﺍﻟﻤﺘﺤﻔﻈﻪ
ﻳﺎﺳﻤﻴﻦ : ﺍﻳﻪ ﺩﻩ ﻛﻠﻪ ﺍﻧﺎ ﻋﻤﺮﻱ ﻣﺎ ﺷﻔﺘﻚ ﻛﺪﻩ .. ﺑﺼﺮﺍﺣﻪ ﺍﻧﺎ ﻣﺘﺨﻴﻼﻩ ﺯﻱ ﺍﻟﺴﻔﺎﺡ
ﻭﻫﻮ ﺑﻴﺠﺮﻱ ﻭﺭﺍ ﺿﺤﺎﻳﺎﻩ
ﺳﻤﻴﺮﻩ : ﻣﺎﺗﻘﺪﺭﻳﺶ ﺗﻨﻜﺮﻱ ﺟﺎﺫﺑﻴﺘﻪ
ﻳﺎﺳﻤﻴﻦ : ﻣﺎﺗﻨﺴﻴﺶ ﺍﻧﻲ ﺳﺖ ﻣﺘﺠﻮﺯﻩ
ﺳﻤﻴﺮﻩ : ﻗﺪﺍﻡ ﺍﻟﻨﺎﺱ ﺑﺲ ﻣﺎ ﺗﻨﺴﻴﺶ ﺍﻧﺘﻲ . ﻟﻜﻦ ﺍﻧﺘﻲ ﺷﺎﺑﻪ ﻭﺟﻤﻴﻠﻪ
ﻭﻋﻤﺮﻙ ﺍﺭﺑﻊ ﻭﻋﺸﺮﻳﻦ ﺳﻨﻪ ﻭﺍﻟﻤﻔﺮﻭﺽ ﺍﻥ ﺩﻩ ﺳﻦ ﺗﻨﺠﺬﺑﻲ ﻓﻴﻪ ﻟﻠﺸﺒﺎﺏ
ﻣﺶ ﺗﻬﺮﺑﻲ ﻣﻨﻬﻢ ﻣﺶ ﻛﻠﻬﻢ ﺯﻱ ﺍﺑﻮﻛﻲ
ﺑﺼﺘﻠﻬﺎ ﻳﺎﺳﻤﻴﻦ ﻭﻫﻴﺎ ﻋﺎﺭﻓﻪ ﺍﻥ ﻋﻨﺪﻫﺎ ﺣﻖ ﺑﺲ ﻫﻴﺎ ﻣﺶ ﻣﺴﺘﻌﺪﻩ ﺗﺴﻠﻢ ﻧﻔﺴﻬﺎ
ﻻﻱ ﺭﺍﺟﻞ ﻣﻬﻤﺎ ﻛﺎﻥ ﻫﻴﺎ ﺍﺗﻌﻠﻤﺖ ﺍﻟﺪﺭﺱ ﻛﻮﻳﺲ
ﻋﺪﻱ 3 ﺍﻳﺎﻡ ﻣﻦ ﺷﻐﻞ ﺍﺣﻤﺪ ﻣﻌﺎﻫﻢ ﻭﻫﻴﺎ ﺑﺘﺤﺎﻭﻝ ﺗﺘﺠﻨﺒﻪ ﺣﺘﻲ ﺍﻟﻤﻄﺒﺦ ﻣﺶ ﺑﺘﺪﺧﻠﻪ ﻟﺤﺴﻦ ﻳﻘﺎﺑﻠﻬﺎ ﺻﺪﻓﻪ ﻭﻫﻴﺎ ﻣﺶ ﻋﺎﺭﻓﻪ ﺗﻔﺴﺮ ﺗﺼﺮﻓﻬﺎ ﺩﻩ ﺣﺘﻲ ﻟﻨﻔﺴﻬﺎ . ﺩﺧﻠﺖ ﻋﻠﻴﻬﺎ ﺳﻤﻴﺮﻩ
ﻭﻗﺎﻟﺘﻠﻬﺎ ﺍﻥ ﺍﻟﻤﻤﺜﻞ ﻭﺍﻓﻖ ﻳﻘﻮﻡ ﺑﺎﻟﺪﻭﺭ ﺍﻟﻤﻄﻠﻮﺏ ﻭﺍﻟﻤﻔﺮﻭﺽ ﺍﻧﻬﺎ ﺗﺮﻭﺡ ﺗﻘﺎﺑﻠﻪ ﻭﺗﺘﻔﻖ ﻣﻌﺎﻩ
ﺍﻟﻤﻔﺮﻭﺽ ﺍﻧﻪ ﻣﻤﺜﻞ ﻭﺳﻴﻢ ﻭﻓﻲ ﺍﻭﻝ ﺍﻟﺘﻼﺗﻴﻨﺎﺕ
ﻳﺎﺳﻤﻴﻦ : ﻫﺴﺎﻓﺮ ﺑﻜﺮﻩ ﻟﻠﻤﺪﻳﻨﻪ ﺍﻃﻤﻦ ﻋﻠﻲ ﺍﻣﻲ ﻭﺍﻗﺎﺑﻞ ﺍﻟﻤﻤﺜﻞ ﺩﻩ ﻭﺭﺑﻨﺎ ﻳﺴﺘﺮﻫﺎ
ﺳﻤﻴﺮﻩ : ﺍﺧﻴﺮﺍ ﻫﻨﺨﻠﺺ ﻣﻦ ﺳﻤﺮ ﻭﻣﻜﺎﻟﻤﺘﻬﺎ ﺍﻟﻴﻮﻣﻴﻪ .. ﻣﺴﻜﻴﻦ ﻗﺮﻳﺒﻬﺎ ﺩﻩ ﻻﻧﻪ ﻟﻤﺎ ﻳﺘﺠﻮﺯﻫﺎ ﻫﺘﻨﻐﺺ ﻋﻴﺸﺘﻪ ﺑﺎﻧﺎﻧﻴﺘﻬﺎ .. ﺑﺲ ﻷ ﻫﻤﺎ ﻳﺴﺘﺎﻫﻠﻮ ﺑﻌﺾ ﻣﺠﻤﻮﻋﻪ ﻣﻦ ﺍﻻﻏﻨﻴﻪ ﻣﻊ ﺑﻌﺾ
ﻭﻫﻴﺎ ﻣﺎﺷﻴﻪ : ﺍﻩ ﻧﺴﻴﺖ ﺍﻗﻮﻟﻚ ﺍﺣﻤﺪ ﻋﺎﻳﺰ ﻳﻘﺎﺑﻠﻚ
ﻳﺎﺳﻤﻴﻦ ﺑﺮﻋﺐ : ﻟﻴﻪ ﻋﺎﻳﺰ ﺍﻳﻪ؟
ﺳﻤﻴﺮﻩ : ﻋﺎﻳﺰ ﻳﻘﺘﻠﻚ ... ﺍﻧﺎ ﺍﻳﺶ ﻋﺮﻓﻨﻲ ﻫﻮ ﻟﻤﺎ ﺷﺎﻓﻨﻲ ﻃﺎﻟﻌﺎﻟﻚ ﻗﺎﻟﻲ ﺍﻧﻪ ﻋﺎﻳﺰ ﻳﺸﻮﻓﻚ
ﻳﺎﺳﻤﻴﻦ : ﺧﻼﺹ ﺧﻼﺹ ﻫﻨﺰﻝ ﺑﻌﺪ ﺷﻮﻳﻪ
ﺣﺴﺖ ﺑﺘﻮﺗﺮ ﻫﻴﺎ ﺣﺎﺑﺴﻪ ﻧﻔﺴﻬﺎ ﻓﻲ ﺍﻭﺿﺘﻬﺎ ﻋﻠﺸﺎﻥ ﻣﺎ ﺗﺸﻮﻓﻮﺵ ﻭﺍﻫﻮﻩ ﻫﺘﺸﻮﻓﻪ
ﻋﺎﻳﺰ ﺍﻳﻪ ﻳﺎ ﺗﺮﻱ .. ﻳﻤﻜﻦ ﻫﻴﻘﺪﻡ ﺍﺳﺘﻘﺎﻟﺘﻪ ﺩﻩ ﻳﺒﻘﻲ ﻳﻮﻡ ﺍﻟﻤﻨﻲ ﻷ ﻣﺶ ﻻﺯﻡ ﺗﻜﻮﻥ ﻛﺪﻩ
ﻫﻴﺎ ﺍﻗﻮﻱ ﻣﻦ ﻛﺪﻩ ﻫﺘﻨﺰﻝ ﻭﺗﻘﺎﺑﻠﻪ ﺩﻩ ﺷﻐﺎﻝ ﻋﻨﺪﻫﺎ
ﻟﺒﺴﺖ ﻟﺒﺲ ﻛﺌﻴﺐ ﻣﻊ ﺍﻥ ﻛﺎﻥ ﻧﻔﺴﻬﺎ ﺗﻠﺒﺲ ﺣﺎﺟﻪ ﺣﻠﻮﻩ ﺑﺲ ﻻﺯﻡ ﺗﺤﺎﻓﻆ ﻋﻠﻲ ﻣﻈﻬﺮﻫﺎ
ﻧﺰﻟﺖ ﻻﻗﺘﻪ ﻗﺎﻋﺪ ﻭﺣﺎﻃﻂ ﺭﺟﻞ ﻋﻠﻲ ﺭﺟﻞ . ﺟﻠﺴﺘﻪ ﺑﺘﻨﻢ ﻋﻦ ﺷﺨﺼﻴﻪ ﻃﺎﻏﻴﻪ
ﻣﺶ ﺷﺨﺼﻴﻪ ﻋﺎﻣﻞ ﺍﺑﺪﺍ ﻭﻛﻞ ﻣﺎ ﺗﻘﺮﺏ ﻫﺪﻭﺋﻬﺎ ﺑﻴﻬﺮﺏ . ﺭﺳﻤﺖ ﺍﺑﺘﺴﺎﻣﻪ ﻭﺩﺧﻠﺖ ﻋﻠﻴﻪ
ﺑﺼﻠﻬﺎ ﺑﻬﺪﻭﺀ ﻭﺑﻴﺘﻔﺤﺼﻬﺎ ﻭﺣﺴﺖ ﺍﻧﻬﺎ ﻓﻲ ﺍﺧﺘﺒﺎﺭ ﻫﻴﺎ ﻣﺶ ﻣﺴﺘﻌﺪﻩ ﻟﻴﻪ
ﻳﺎﺳﻤﻴﻦ : ﻗﺎﻟﻮﻟﻲ ﺍﻧﻚ ﻋﺎﻳﺰﻧﻲ .. ﺧﻴﺮ ﻓﻲ ﺣﺎﺟﻪ؟
ﻣﺎﺟﺎﻭﺑﻬﺎﺵ ﻋﻠﻲ ﻃﻮﻝ ﻟﺤﺪ ﻣﺎ ﺍﺧﻴﺮﺍ ﻧﻄﻖ ﺑﺼﻮﺕ ﻋﻤﻴﻖ
ﺍﺣﻤﺪ : ﻓﻲ ﺍﻟﺤﻘﻴﻘﻪ ﺍﻧﺎ ﻣﺶ ﻋﺎﻳﺰ ﻣﻨﻚ ﺣﺎﺟﻪ
ﻳﺎﺳﻤﻴﻦ : ﺍﻓﻨﺪﻡ .. ﻣﺶ ﻓﺎﻫﻤﻪ
ﻋﺎﺩ ﻛﻼﻣﻪ ﺑﺒﺴﺎﻃﻪ : ﻣﺶ ﻋﺎﻳﺰ ﻣﻨﻚ ﺣﺎﺟﻪ
ﻳﺎﺳﻤﻴﻦ : ﺍﻣﺎﻝ ﻋﺎﻳﺰ ﺗﻘﺎﺑﻠﻨﻲ ﻟﻴﻪ؟
ﺍﺣﻤﺪ : ﻃﻠﺒﺖ ﺍﻗﺎﺑﻠﻚ ﻋﻠﺸﺎﻥ ﺍﻗﻮﻟﻚ ﺍﻧﻲ ﻣﺶ ﻫﻘﺪﺭ ﺍﺟﻲ ﺑﻜﺮﻩ ﻭﺑﻌﺪﻩ
ﺍﺗﻨﻔﺴﺖ ﺑﻌﺼﺒﻴﻪ : ﻛﺎﻥ ﻣﻤﻜﻦ ﺗﻘﻮﻝ ﻟﺴﻤﻴﺮﻩ ﻭﻫﻴﺎ ﺗﺒﻠﻐﻨﻲ
ﺍﺣﻤﺪ : ﺑﺲ ﺍﻧﺎ ﻛﻨﺖ ﻋﺎﻳﺰ ﺍﺷﻮﻓﻚ ﺍﻧﺘﻲ
ﻭﻗﻒ ﻓﺠﺄﻩ ﻭﻗﺎﻡ ﻣﻦ ﻋﻠﻲ ﻛﺮﺳﻴﻪ ﻭﻗﺮﺏ ﻣﻨﻬﺎ ﻭﻫﻴﺎ ﻏﺎﺻﺖ ﻓﻲ ﻛﺮﺳﻴﻬﺎ
ﻳﺎﺳﻤﻴﻦ : ﺧﺦ .. ﺧﻼﺹ ﻟﻮ ﺩﻩ ﻛﻞ ﺍﻟﻠﻲ ﻋﺎﻳﺰ ﺗﻘﻮﻟﻪ ﻣﻢ ﻣﻤﻜﻦ ﺗﻤﺸﻲ
ﻟﻜﻦ ﻫﻮ ﻓﻀﻞ ﻳﻘﺮﺏ ﻣﻨﻬﺎ
ﺍﺣﻤﺪ : ﺑﺲ ﺍﻧﺎ ﻟﺴﻪ ﻣﺎ ﻗﻮﻟﺘﺶ ﻛﻞ ﺍﻟﻠﻲ ﻋﻨﺪﻱ
ﻭﻗﺮﺏ ﻣﻨﻬﺎ ﻟﺤﺪ ﻣﺎ ﻭﺷﻪ ﺑﻘﻲ ﻗﺮﻳﺐ ﺟﺪﺍ ﻣﻦ ﻭﺷﻬﺎ ﻟﺪﺭﺟﻪ ﺍﺧﺘﻠﻄﺖ ﺍﻧﻔﺎﺳﻬﻢ ﻭﺣﺴﺖ ﺑﺎﻧﻬﺎ ﻣﺴﺤﻮﺭﻩ ﺗﻤﺎﻣﺎ ﻭﺳﻤﻌﺖ ﺻﻮﺗﻪ ﺑﻴﻬﻤﺲ ﻓﻲ ﻭﺩﻧﻬﺎ
ﺍﺣﻤﺪ : ﻛﻨﺘﻲ ﻣﺜﻴﺮﻩ ﺟﺪﺍ ﻟﻤﺎ ﻭﻗﻔﺘﻲ ﻓﻲ ﺍﻟﺒﻠﻜﻮﻧﻪ .. ﻭﻋﻠﻲ ﺍﻟﺮﻏﻢ ﻣﻦ ﺍﻥ ﻗﻤﻴﺼﻚ ﺗﻘﻠﻴﺪﻱ ﻭﻗﺪﻳﻢ ﺷﻮﻳﺘﻴﻦ ﺍﻟﻲ ﺍﻧﻚ ﻛﻨﺘﻲ ﺗﺠﻨﻨﻲ .. ﺍﻛﻴﺪ ﻛﺎﻥ ﺑﺘﺎﻉ ﺟﺪﺗﻚ ﺻﺢ؟؟
ﻳﺎﺳﻤﻴﻦ :: ﺍﺣﺴﻨﻠﻚ ﺗﺨﺮﺝ ﺩﻟﻮﻗﺘﻲ ﻭﺍﻻ ﻣﺶ ﻫﻴﺤﺼﻞ ﻛﻮﻳﺲ
ﺍﺗﻌﺪﻝ ﻭﻭﻗﻒ ﻭﺍﺑﺘﺴﻢ ﺑﺴﺨﺮﻳﻪ ﻣﻨﻬﺎ ﻭﺳﺎﺑﻬﺎ ﻭﻣﺸﻲ ﻭﻫﻴﺎ ﻛﺎﻧﺖ ﻫﺘﻤﻮﺕ ﻣﻦ ﺍﻟﻐﻴﻆ
ﺍﻟﺴﺎﻓﻞ ﺑﻴﻌﺎﻛﺴﻨﻲ ﻓﻲ ﺑﻴﺘﻲ .. ﻟﻤﺎ ﺍﺭﺟﻊ ﻫﻴﻜﻮﻥ ﻟﻴﺎ ﺣﺴﺎﺏ ﻣﻌﺎﻩ .
ﻭﻟﻤﺎ ﻫﺪﻳﺖ ﻋﺮﻓﺖ ﺍﻧﻬﺎ ﻣﺎﻛﺎﻧﺘﺶ ﺧﺎﻳﻔﻪ ﻣﻨﻪ .. ﻫﻴﺎ ﻓﺴﺮﺕ ﺍﺿﻄﺮﺍﺑﻬﺎ ﻏﻠﻂ ﺩﻩ ﻣﺎ ﻛﻨﺶ ﺧﻮﻑ
ﺍﺿﻄﺮﺍﺑﻬﺎ ﺍﻟﻠﻲ ﻛﺎﻥ ﺑﻴﺰﻳﺪ ﻣﻊ ﻛﻞ ﺧﻄﻮﻩ ﺑﻴﻘﺮﺏ ﻓﻴﻬﺎ ﻣﻨﻬﺎ ﻣﺎﻛﻨﺶ ﺧﻮﻑ ﻛﺎﻥ ﺍﺣﺴﺎﺱ
ﺟﺪﻳﺪ ﺑﻴﻐﺰﻭﻫﺎ . ﻛﺎﻧﺖ ﻫﺘﺼﺮﺥ ﻣﻦ ﺩﻫﺸﺘﻬﺎ ﻣﺶ ﻣﻤﻜﻦ .. ﻣﺶ ﻣﻤﻜﻦ ﺗﻜﻮﻥ ﻣﻌﺠﺒﻪ ﺑﺪﻩ
ﻭﻻ ﻣﻨﺠﺬﺑﻪ ﻻﺣﻤﺪ ﺍﻟﺴﻔﺎﺡ ﺯﻱ ﻣﺎ ﺑﺘﺴﻤﻴﻪ .. ﻫﻴﺎ ﺑﺲ ﺍﻋﺼﺎﺑﻬﺎ ﺗﻌﺒﺎﻧﻪ ﻭﻟﻤﺎ ﺗﺴﺎﻓﺮ
ﻫﺘﻬﺪﻱ ﻭﻛﻞ ﺣﺎﺟﻪ ﺗﺮﺟﻊ ﺯﻱ ﻣﺎ ﻛﺎﻧﺖ
ﺟﻪ ﻳﻮﻡ ﺳﻔﺮﻫﺎ ﻭﺳﺎﻓﺮﺕ ﻭﺭﺍﺣﺖ ﻋﻨﺪ ﺻﺎﺣﺒﻪ ﺍﻣﻬﺎ ﻭﺍﻭﻝ ﻣﺎ ﻭﺻﻠﺖ ﻧﺰﻟﺖ ﻓﻲ ﺍﻟﻤﺤﻄﻪ ﻭﻓﻀﻠﺖ ﺗﺪﻭﺭ ﻋﻠﻲ ﺍﻟﻠﻲ ﻣﺴﺘﻨﻴﻬﺎ ﻟﺤﺪ ﻣﺎ ﻟﻘﺖ ﻭﺍﺣﺪ ﺳﺎﻧﺪ ﻋﻠﻲ ﻋﻤﻮﺩ ﻭﻣﺎﺳﻚ ﺟﺮﻧﺎﻥ ﺑﻴﻘﻠﺐ ﻓﻴﻪ ﻭﺷﻜﻠﻪ ﺯﻫﻘﺎﻥ ﺟﺪﺍ ﻗﺮﺑﺖ ﻣﻨﻪ ﻟﺤﺪ ﻣﺎ ﻭﺻﻠﺖ ﻗﺪﺍﻣﻪ ﻭﺍﻭﻝ ﻣﺎ ﺷﺎﻓﻬﺎ
__ ﻳﺎﺳﻤﻴﻦ .. ﺍﻟﺨﺎﻃﺒﻪ ﻳﺎﺳﻤﻴﻦ ﺩﻱ ﺍﺣﻠﻲ ﻣﻔﺎﺟﺄﻩ
ﻳﺎﺳﻤﻴﻦ : ﻫﻮ ﺍﻧﺖ ﻣﻜﻨﺘﺶ ﻋﺎﺭﻑ ﺍﻥ ﺍﻧﺎ ﺟﺎﻳﻪ؟
ﻋﻤﺮ : ﻷ ﺍﻣﻲ ﻗﺎﻟﺘﻠﻲ ﺍﺟﻲ ﺍﺳﺘﻘﺒﻞ ﺻﺪﻳﻘﻪ ﻟﻴﻬﺎ ﻓﻲ ﺍﻟﻤﺤﻄﻪ ﺑﺲ ﻣﺎﻗﺎﻟﺘﺶ ﻣﻴﻦ
ﺑﺲ ﺍﻧﺎ ﻣﺒﺴﻮﻁ ﺍﻧﻲ ﺷﻔﺘﻚ ﻳﺎ ﺧﺎﻃﺒﻪ
ﺿﺮﺑﺘﻪ ﻋﻠﻲ ﻛﺘﻔﻪ : ﻗﻮﻟﺘﻠﻚ ﻣﺎ ﺗﻘﻮﻟﻴﺶ ﻛﺪﻩ
ﻋﻤﺮﻭ : ﻭﻟﻴﻪ ﻷ .. ﻣﺶ ﺩﻩ ﺷﻐﻠﻚ ﺗﺠﻮﺯﻱ ﺍﻟﻨﺎﺱ ﻭﺍﻧﺘﻲ ﻣﺶ ﻣﺘﺠﻮﺯﻩ
ﻓﻀﻠﻮ ﻳﻀﺤﻜﻮ ﻣﻊ ﺑﻌﺾ ﻟﺤﺪ ﻣﺎ ﻭﺻﻠﻮ ﺍﻟﺒﻴﺖ ﻭﺳﻠﻤﺖ ﻋﻠﻲ ﺍﻟﻠﻲ ﻓﻴﻪ ﻭﻃﻠﻌﺖ ﻻﻣﻬﺎ
ﺍﺧﺪﺗﻠﻬﺎ ﺍﻟﻔﻄﺎﺭ ﻭﻗﻌﺪﺕ ﺟﻨﺒﻬﺎ ﻭﻫﻴﺎ ﻧﺎﻳﻤﻪ ﺑﻬﺪﻭﺀ ﻟﺤﺪ ﻣﺎ ﺍﻣﻬﺎ ﺣﺴﺖ ﺑﻴﻬﺎ ﻭﺻﺤﻴﺖ
ﺻﻔﺎﺀ : ﻳﺎﺳﻤﻴﻦ ﺣﺒﻴﺒﺘﻲ .. ﻭﺭﻣﺖ ﻧﻔﺴﻬﺎ ﻓﻲ ﺣﻀﻦ ﺑﻨﺘﻬﺎ
ﺍﺷﺘﻘﺘﻠﻚ ﻳﺎ ﺣﺒﻴﺒﺘﻲ . ﺷﻜﻠﻚ ﺗﻌﺒﺎﻥ ﺍﻧﺘﻲ ﻋﻨﺪﻙ ﻣﺸﺎﻛﻞ
ﻳﺎﺳﻤﻴﻦ : ﻻ ﺩﻩ ﺍﺭﻫﺎﻕ ﻣﻦ ﺍﻟﺴﻔﺮ ﺑﺲ
ﻭﻓﻀﻠﻮ ﻣﻊ ﺑﻌﺾ ﻳﺘﻜﻠﻤﻮ ﻛﺘﻴﺮ . ﻻﺣﻈﺖ ﺍﻥ ﺍﻣﻬﺎ ﺍﺗﻐﻴﺮﺕ ﻛﺘﻴﺮ ﺑﺲ
ﻟﻼﺳﻒ ﺍﻟﺘﻐﻴﺮ ﺟﻪ ﻣﺘﺄﺧﺮ ﻗﻮﻱ . ﻭﺍﺧﺮ ﺍﻟﻨﻬﺎﺭ ﻭﻛﻠﻬﻢ ﻣﻊ ﺑﻌﺾ
ﺍﻻﻡ ﺻﻔﺎﺀ : ﺍﻧﺎ ﺳﻤﻌﺖ ﺍﻥ ﺳﻤﺮ ﻋﻠﻲ ﻋﻼﻗﻪ ﺑﻤﻤﺜﻞ ﻣﺒﺘﺪﺉ . ﺻﺢ ﺍﻟﻜﻼﻡ ﺩﻩ؟
ﻓﻜﺮﺕ ﻳﺎﺳﻤﻴﻦ ﺍﺩ ﺍﻳﻪ ﺳﻤﺮ ﺩﻱ ﻣﺶ ﺳﻬﻠﻪ ﺍﻛﻴﺪ ﻫﻴﺎ ﺍﻟﻠﻲ ﺑﺘﻨﺸﺮ ﺍﻻﺷﺎﻋﺎﺕ ﺩﻱ
ﻭﻃﺒﻌﺎ ﻫﺘﻮﺻﻞ ﻟﻘﺮﻳﺒﻬﺎ ﻭﺳﺎﻋﺘﻬﺎ ﻻﺯﻡ ﻳﺘﺼﺮﻑ ﻋﻠﺸﺎﻥ ﺳﻤﻌﻪ ﺍﻟﻌﻴﻠﻪ
ﻋﺎﻟﻴﺎ ( ﺻﺎﺣﺒﻪ ﺍﻻﻡ ) : ﺻﺤﻴﺢ ﻳﺎ ﻳﺎﺳﻤﻴﻦ ﻧﺴﻴﺖ ﺍﻗﻮﻟﻚ ﺍﻥ ﺧﺎﻟﺪ ﻫﻴﻘﺎﺑﻠﻚ ﺑﻜﺮﻩ
ﻳﺎﺳﻤﻴﻦ : ﻣﻴﻦ ﺧﺎﻟﺪ ﺩﻩ؟
ﻋﺎﻟﻴﺎ : ﺧﺎﻟﺪ ﺍﻟﺤﺴﻴﻨﻲ .. ﺍﻟﻤﻤﺜﻞ ﺍﻟﻠﻲ ﻗﻮﻟﺘﻠﻚ ﻋﻠﻴﻪ ﻫﻴﺠﻲ ﻋﻠﺸﺎﻥ ﻳﺘﻔﻖ ﻣﻌﺎﻛﻲ ﻋﻠﻲ ﻛﻞ ﺣﺎﺟﻪ ﺑﺲ ﻫﻮ ﻣﺶ ﻫﻴﺄﺛﺮ ﻋﻠﻲ ﺧﻄﺘﻜﻮ ﺍﻻﺷﺎﻋﺎﺕ ﺩﻱ
ﻳﺎﺳﻤﻴﻦ : ﻫﻴﺎ ﺍﺻﻼ ﺍﻟﻠﻲ ﺑﺘﻄﻠﻊ ﺍﻻﺷﺎﻋﺎﺕ ﺩﻱ ﻋﻠﺸﺎﻥ ﺗﻤﻬﺪ ﻟﻈﻬﻮﺭ ﺍﻟﻤﻤﺜﻞ
ﺻﻔﺎﺀ : ﺑﺲ ﺩﻱ ﻛﺪﻩ ﺑﺘﺸﻮﻩ ﺳﻤﻌﺘﻬﺎ . ﻃﻴﺐ ﻋﻴﻠﺘﻬﺎ ﻣﻮﻗﻔﻬﺎ ﺍﻳﻪ ﻭﺍﻟﻤﺠﺘﻤﻊ ﻫﻴﻮﺍﺟﻬﻮﻩ ﺍﺯﺍﻱ
ﻳﺎﺳﻤﻴﻦ : ﺍﻟﻤﺠﺘﻤﻊ ﻣﺶ ﺑﻴﻮﺍﺟﻪ ﺍﺻﺤﺎﺏ ﺍﻟﻨﻔﻮﺫ ﻭﺑﻌﺪﻳﻦ ﻗﺮﻳﺒﻬﺎ ﻣﺶ ﻫﻴﺴﻤﺢ ﻟﺤﺪ ﻳﺘﻜﻠﻢ ﻭﻫﻴﺘﺠﻮﺯﻫﺎ
ﻋﺪﻱ ﺍﻟﻴﻮﻡ ﻭﺧﺮﺟﺖ ﻫﻴﺎ ﻭﺍﻣﻬﺎ ﻭﺍﺗﻤﺸﻮﺍ ﻭﺍﺷﺘﺮﺕ ﻓﺴﺎﺗﻴﻦ ﺟﺪﻳﺪﻩ ﻋﻠﻲ ﺍﻟﻤﻮﺿﻪ ﻭﺍﺗﺴﺘﻐﺮﺑﺖ ﻣﻦ ﺗﺼﺮﻓﻬﺎ ﺩﻩ ﻭﺍﺷﺘﺮﺕ ﻛﻤﺎﻥ ﻗﻤﺼﺎﻥ ﻧﻮﻡ ﺟﺪﻳﺪﻩ ﻭﺍﻗﻨﻌﺖ ﻧﻔﺴﻬﺎ ﺑﺎﻥ ﺩﻩ ﻟﻴﻬﺎ ﻫﻴﺎ ﻣﺶ ﻋﺸﺎﻥ ﺣﺪ . ﻭﺟﻪ ﻣﻌﺎﺩﻫﺎ ﻣﻊ ﺧﺎﻟﺪ ﺍﻟﻠﻲ ﺍﺗﻔﺎﺟﺌﺖ ﺑﻴﻪ ﺷﺎﺏ ﻭﺳﻴﻢ ﺟﺪﺍ ﻭﺷﻜﻠﻪ ﻣﺤﺘﺮﻡ ﺟﺪﺍ
ﻭﺑﺎﻳﻦ ﻋﻠﻲ ﻫﺪﻭﻣﻪ ﺍﻧﻪ ﻏﻨﻲ ﻣﺶ ﻣﺤﺘﺎﺝ ﺍﺗﻌﺮﻓﻮﺍ ﻋﻠﻲ ﺑﻌﺾ ﻭﺩﺧﻠﺖ ﻳﺎﺳﻤﻴﻦ ﻓﻲ ﺍﻟﻤﻮﺿﻮﻉ ﻋﻠﻲ ﻃﻮﻝ ﻣﻦ ﻏﻴﺮ ﻣﻘﺪﻣﺎﺕ
ﻳﺎﺳﻤﻴﻦ : ﺍﻧﺎ ﻣﺘﺸﻜﺮﻩ ﺟﺪﺍ ﻋﻠﻲ ﻗﺪﻭﻣﻚ ﺍﻧﺖ ﻋﻨﺪﻙ ﻓﻜﺮﻩ ﻋﻦ ﺩﻭﺭﻙ ﺻﺢ؟
ﺍﺑﺘﺴﻢ ﻭﺑﺎﻥ ﺍﺻﻐﺮ ﻣﻦ ﻋﻤﺮﻩ ﺍﻟﻠﻲ ﻫﻮ 30 ﺳﻨﻪ
ﺧﺎﻟﺪ : ﻓﻲ ﺍﻻﻭﻝ ﺍﻧﺎ ﺍﺳﺘﻐﺮﺑﺖ ﺍﻟﺪﻭﺭ ﺩﻩ ﺑﺲ ﺭﻭﺡ ﺍﻟﻤﻐﺎﻣﺮﻩ ﺧﻠﺘﻴﻨﻲ ﺍﻗﺒﻠﻪ
ﻳﺎﺳﻤﻴﻦ : ﺑﺲ ﺍﺳﻤﺤﻠﻲ ﺑﺎﻳﻦ ﻣﻦ ﻟﺒﺴﻚ ﺍﻧﻚ ﺍﻧﺴﺎﻥ ﻣﻘﺘﺪﺭ ﺍﻭ ﻏﻨﻲ ﺑﻤﻌﻨﻲ ﺍﺻﺢ ﻭﻣﺶ ﻣﺤﺘﺎﺝ ﺍﻟﻔﻠﻮﺱ ﺑﺘﺎﻋﺖ ﺍﻟﺪﻭﺭ ﺩﻩ
ﺍﺑﺘﺴﻢ ﺧﺎﻟﺪ : ﺍﻧﺎ ﻓﻌﻼ ﻏﻨﻲ ﺍﻧﺎ ﻋﻨﺪﻱ ﺷﺮﻛﺎﺕ ﺍﺳﺘﻴﺮﺍﺩ ﻭﺗﺼﺪﻳﺮ ﻋﻠﻲ ﺍﻋﻠﻲ ﻣﺴﺘﻮﻱ
ﺑﺲ ﺳﺎﻓﺮﺕ ﻭﺳﻴﺒﺖ ﺍﻟﺸﺮﻛﺎﺕ ﻻﺧﻮﻳﺎ ﻳﺘﺎﺑﻌﻬﺎ ﻭﺍﻧﺎ ﺑﺠﺮﺏ ﺣﻠﻤﻲ ﻣﻊ ﺍﻟﺘﻤﺜﻴﻞ ﺑﺲ ﻣﺘﺎﺑﻌﻠﺸﻐﻠﻲ ﻓﻲ ﻧﻔﺲ ﺍﻟﻮﻗﺖ ﺍﻟﺘﻤﺜﻴﻞ ﻫﻮﺍﻳﻪ ﻣﺶ ﺍﻛﺘﺮ
ﺍﻧﺪﻫﺸﺖ ﻳﺎﺳﻤﻴﻦ ﻭﻣﺎﻋﺮﻓﺘﺶ ﺗﺮﺩ ﻋﻠﻴﻪ
ﺧﺎﻟﺪ : ﺍﻧﺎ ﻋﻨﺪﻱ ﻃﻠﺐ ﺻﻐﻴﺮ .. ﺍﻧﺎ ﻣﺶ ﻋﺎﻳﺰ ﺍﻱ ﺣﺪ ﻳﻌﺮﻑ ﺍﻥ ﺍﻧﺎ ﻏﻨﻲ ﺧﺼﻮﺻﺎ
ﺍﻟﺒﻨﺖ ﺍﻟﻠﻲ ﺍﻟﻤﻔﺮﻭﺽ ﻫﻤﺜﻞ ﻣﻌﺎﻫﺎ ﺍﻟﺪﻭﺭ ﺩﻩ
ﻳﺎﺳﻤﻴﻦ : ﻃﺒﻌﺎ ﻃﺒﻌﺎ ﺑﺮﺍﺣﺘﻚ
ﺷﺮﺣﺘﻠﻪ ﻛﻞ ﺍﻟﻤﻄﻠﻮﺏ ﻭﺍﺗﻔﻘﻮﺍ ﻋﻠﻲ ﻛﻞ ﺣﺎﺟﻪ
ﻳﺎﺳﻤﻴﻦ : ﻃﺒﻌﺎ ﺍﻧﺖ ﻫﺘﻌﻴﺶ ﻣﻌﺎﻳﻪ ﻋﻠﻲ ﺍﺳﺎﺱ ﺍﻧﻚ ﺻﺎﺣﺐ ﺟﻮﺯﻱ ﻭﺟﻴﺖ ﺿﻴﻒ
ﻭﻋﺎﻳﺰﻩ ﺍﻗﻮﻟﻚ ﺳﺮ ﺍﻧﺎ ﻛﻤﺎﻥ . ﺟﻮﺯﻱ ﺩﻩ ﻣﺶ ﻣﻮﺟﻮﺩ ﻭﺍﻧﺎ ﺍﺻﻐﺮ ﻣﻦ ﺳﻨﻲ ﻛﺘﻴﺮ
ﺍﻧﻔﺠﺮ ﺧﺎﻟﺪ ﺑﺎﻟﻀﺤﻚ : ﻳﺒﻘﻲ ﻛﺪﻩ ﺍﺣﻨﺎ ﺷﺮﻛﺎﺀ ﻓﻲ ﺍﻟﺠﺮﻳﻤﻪ ﻣﻊ ﺑﻌﺾ ﻣﺎ ﺗﻘﻠﻘﻴﺶ ﺳﺮﻙ
ﻓﻲ ﺍﻣﺎﻥ ﻣﻌﺎﻳﺎ
ﻓﻀﻠﻮ ﻣﻊ ﺑﻌﺾ ﻛﺘﻴﺮ ﻭﺍﻋﺠﺒﺖ ﺑﻴﻪ ﺟﺪﺍ ﺑﺸﺨﺼﻴﺘﻪ ﺍﻟﻤﺮﺣﻪ ﻭﻛﺎﻥ ﺧﺎﻟﺪ ﺣﻠﻢ ﺍﻱ ﺳﺖ
ﺑﺲ ﻟﻼﺳﻒ ﻣﺎﺣﺴﻴﺘﺶ ﻧﺎﺣﻴﺘﻪ ﺑﺎﻛﺘﺮ ﻣﻦ ﺍﻋﺠﺎﺏ ﺍﺧﻮﻱ ﻭﻫﻮ ﻛﻤﺎﻥ ﺑﺎﺩﻟﻬﺎ ﺍﻟﺸﻌﻮﺭ ﺩﻩ
ﻭﻓﻀﻠﺖ ﺗﻘﺎﺭﻧﻪ ﺑﺎﺣﻤﺪ ﺍﻟﺴﻔﺎﺡ ﻗﺎﻟﻬﺎ ﺧﺎﻟﺪ ﺍﻧﻪ ﻋﺎﻳﺰ ﻳﺸﺘﺮﻱ ﺑﻴﺖ ﻓﻲ ﺍﻟﺮﻳﻒ ﻭﻟﻮ ﻋﺠﺒﺘﻪ ﺑﻠﺪﻫﺎ
ﻫﻴﺸﺘﺮﻱ ﻓﻴﻬﺎ ﺑﻴﺖ . ﻛﺎﻥ ﺻﺪﻳﻖ ﺭﺍﺋﻊ ﺍﺳﺘﻤﺘﻌﺖ ﻣﻌﺎﻩ ﺟﺪﺍ . ﻭﺳﺎﻓﺮﻭﺍ ﻣﻊ ﺑﻌﺾ ﻫﻴﺎ ﻭﻫﻮ ﻭﺍﻣﻬﺎ
ﻭﻫﻤﺎ ﻣﺎﺷﻴﻦ ﻓﻲ ﺍﻟﻄﺮﻳﻖ ﻭﻗﺒﻞ ﺑﻴﺘﻬﺎ ﺷﺎﻑ ﺑﻴﺖ ﻋﺠﺒﻪ ﺟﺪﺍ ﻓﻘﺎﻟﺘﻠﻪ ﺍﻧﻪ ﻣﻌﺮﻭﺽ ﻟﻠﺒﻴﻊ
ﺑﺲ ﻣﺤﺪﺵ ﻗﺪﺭ ﻋﻠﻲ ﺗﻤﻨﻪ ﻻﻧﻪ ﻏﺎﻟﻲ ﺟﺪﺍ ﻭﺍﻟﻮﺣﻴﺪ ﺍﻟﻠﻲ ﻣﻤﻜﻦ ﻳﺸﺘﺮﻳﻪ ﻫﻮ ﻣﺤﻤﻮﺩ ﺍﻟﻤﺼﺮﻱ
ﻭﻫﻮ ﻋﻨﺪﻩ ﺍﻟﻘﺼﺮ ﺍﻟﻠﻲ ﻗﺼﺎﺩ ﺑﻴﺘﻬﺎ ﻓﻤﺶ ﻣﺤﺘﺎﺟﻪ ﻓﻘﺎﻟﻬﺎ ﺍﻧﻪ ﻫﻮ ﻫﻴﺸﺘﺮﻳﻪ ﻭﻓﺮﺣﺖ ﺟﺪﺍ ﺍﻧﻪ ﻫﻴﻜﻮﻥ ﺟﺎﺭﻫﺎ ﻭﺍﺧﻴﺮﺍ ﻭﺻﻠﻮ ﺑﻴﺘﻬﺎ ﺍﻟﻠﻲ ﻋﺠﺐ ﺧﺎﻟﺪ ﺟﺪﺍ ﻭﺍﺗﺒﺴﻄﻮﺍ ﺟﺪﺍ ﻣﻊ ﺑﻌﺾ
ﺩﺧﻠﺖ ﺳﻤﻴﺮﻩ ﻋﻠﻲ ﻳﺎﺳﻤﻴﻦ ﺗﺒﻠﻐﻬﺎ ﺑﺎﺧﺮ ﺍﻻﺧﺒﺎﺭ
ﺳﻤﻴﺮﻩ : ﻫﻮ ﺍﻻﻣﻮﺭ ﺩﻩ ﻫﻮ ﺍﻟﻤﻤﺜﻞ
ﻳﺎﺳﻤﻴﻦ : ﺍﻳﻮﻩ ﻫﻮﻩ
ﺳﻤﻴﺮﻩ : ﺑﺲ ﺷﻜﻠﻪ ﺗﺤﻔﻪ ﻣﺶ ﻓﻘﻴﺮ ﻭﻻ ﺣﺎﺟﻪ
ﻳﺎﺳﻤﻴﻦ : ﻫﻮ ﻓﻌﻼ ﻏﻨﻲ ﺑﺲ ﺩﻩ ﺳﺮ ﻣﺤﺪﺵ ﻳﻌﺮﻓﻪ
ﺳﻤﻴﺮﻩ : ﻃﺐ ﻟﻴﻪ ﻫﻴﻌﻤﻞ ﻛﺪﻩ ﻃﺎﻟﻤﺎ ﻏﻨﻲ؟
ﻳﺎﺳﻤﻴﻦ : ﺑﻴﺤﺐ ﺍﻟﻤﻐﺎﻣﺮﻩ . ﺍﻟﻤﻬﻢ ﺍﻳﻪ ﺍﻟﺠﺪﻳﺪ
ﺳﻤﻴﺮﻩ : ﻣﻔﻴﺶ ﺟﺪﻳﺪ ﻏﻴﺮ ﺳﻤﺮ ﺍﻟﻠﻲ ﺑﺘﺘﺼﻞ ﻋﺸﺮﻳﻦ ﻣﺮﻩ ﻋﻠﺸﺎﻥ ﺗﺴﺄﻝ ﻋﻠﻲ ﺍﻟﺠﺪﻳﺪ ﻭﺍﻇﻨﻬﺎ ﻫﺘﺘﻔﺎﺟﺄ ﻟﻤﺎ ﺗﺸﻮﻑ ﺧﺎﻟﺪ
ﻳﺎﺳﻤﻴﻦ : ﻫﻴﺎ ﻣﺶ ﻫﺘﺸﻮﻓﻪ ﻛﺪﻩ ﻫﻮ ﻫﻴﻠﺒﺲ ﻟﺒﺲ ﺍﻗﻞ ﻣﻦ ﺩﻩ ﻋﻠﺸﺎﻥ ﻳﺒﺎﻥ ﻓﻘﻴﺮ
ﻭﻫﻴﻤﺜﻞ ﺩﻭﺭﻩ ﻋﻠﻴﻬﺎ ﻫﻴﺎ ﻛﻤﺎﻥ .. ﺍﻣﺎﻝ ﻓﻴﻦ ﺍﺣﻤﺪ ﻣﺎﺷﻮﻓﺘﻮﺵ
ﺳﻤﻴﺮﻩ : ﻣﺸﻲ ﺑﺪﺭﻱ ﻫﻮ ﻏﺮﻳﺐ ﺑﻴﻈﻬﺮ ﻓﺠﺄﻩ ﻭﻳﺨﺘﻔﻲ ﻓﺠﺄﻩ ﺍﻧﺎ ﺑﺸﻚ ﻓﻴﻪ ﺑﻴﺘﻜﻠﻢ
ﺑﺎﺳﻠﻮﺏ ﺍﻣﺮ ﺩﻳﻤﺎ ﻛﺄﻧﻪ ﺣﺪ ﻣﺘﻌﻮﺩ ﻳﺪﻱ ﺍﻭﺍﻣﺮ ﻭﺑﻴﺘﺼﺮﻑ ﺑﺄﺩﺏ ﺍﻟﻨﺎﺱ ﺍﻻﺭﺳﺘﻘﺮﺍﻃﻴﻴﻦ
ﺑﺲ ﻟﻮﻻ ﺧﺪﻣﺎﺗﻪ ﻛﻨﺎ ﻏﺮﻗﻨﺎ ﻓﻲ ﺍﻟﻤﺸﺎﻛﻞ
ﻳﺎﺳﻤﻴﻦ : ﻣﻤﻜﻦ ﻳﻜﻮﻥ ﻗﺎﺗﻞ
ﺿﺤﻜﺖ ﺳﻤﻴﺮﻩ : ﺍﻳﻪ ﺍﻟﻠﻲ ﺑﺘﻘﻮﻟﻴﻪ ﺩﻩ . ﻷ ﻫﻮ ﻏﺮﻳﺐ ﺑﺲ ﻣﺶ ﻗﺎﺗﻞ ﺑﺲ ﻫﻮ ﻣﺨﺒﻲ ﺣﺎﺟﻪ
ﻳﺎﺳﻤﻴﻦ ﺍﺣﺘﺎﺭﺕ ﻭﺧﺎﻓﺖ
: ﻣﻤﻜﻦ ﻳﻜﻮﻥ ﺟﺎﺳﻮﺱ ﻻﺑﻮﻳﺎ ﻭﺑﻴﻘﻮﻟﻪ ﺍﺧﺒﺎﺭﻱ
ﺳﻤﻴﺮﻩ : ﻟﻮ ﻛﺎﻥ ﺟﺎﺳﻮﺱ ﻻﺑﻮﻛﻲ ﻛﺎﻥ ﺯﻣﺎﻥ ﺍﺑﻮﻛﻲ ﻫﻨﺎ ﻣﻦ ﺑﺪﺭﻱ ﻣﺶ ﻫﻴﺴﺘﻨﻲ
ﻳﺎﺳﻤﻴﻦ : ﻣﺶ ﻋﺎﺭﻓﻪ ﺑﻘﻲ . ﺍﻟﻤﻬﻢ ﺍﻧﻪ ﻏﺮﻳﺐ ﻭﺟﺮﺉ ﺟﺪﺍ
ﺳﻤﻴﺮﻩ : ﻋﻠﺸﺎﻥ ﻋﺎﻛﺴﻚ ﻓﻲ ﺍﻟﻤﻜﺘﺐ
ﻳﺎﺳﻤﻴﻦ : ﺩﻱ ﻣﺶ ﻣﻌﺎﻛﺴﻪ ﺩﻱ ﻭﻗﺎﺣﻪ ﻭﺑﻌﺪﻳﻦ ﻛﺎﻥ ﻣﻘﺮﺏ ﻣﻨﻲ ﻗﻮﻱ ﻭﻣﻬﻤﻮﺵ ﺍﻧﻲ ﻣﺘﺠﻮﺯﻩ
ﺳﻤﻴﺮﻩ : ﺍﺭﺍﻫﻦ ﺍﻧﻚ ﻛﻨﺘﻲ ﻣﺴﺘﻤﺘﻌﻪ ﺑﻘﺮﺑﻪ
ﻳﺎﺳﻤﻴﻦ : ﺍﺧﺮﺳﻲ ﻭﺳﻴﺒﻴﻨﻲ ﻟﻮﺣﺪﻱ ﻭﺑﻄﻠﻲ ﺗﺨﺎﺭﻳﻒ
ﺳﻤﻴﺮﻩ : ﺩﻩ ﻣﺶ ﺗﺨﺎﺭﻳﻒ ﻫﻮ ﺭﺍﺟﻞ ﺑﻤﻌﻨﻲ ﺍﻟﻜﻠﻤﻪ ﻭﺍﻳﺎﻙ ﺗﻨﻜﺮﻱ ﺍﻧﺠﺬﺍﺑﻚ ﻟﻴﻪ
ﻳﺎﺳﻤﻴﻦ : ﺍﻧﺘﻲ ﺍﺗﺠﻨﻨﺘﻲ ﺍﻧﺠﺬﺏ ﻟﻌﺎﻣﻞ ﻋﻨﺪﻱ
ﺳﻤﻴﺮﻩ : ﻋﻤﺮﻙ ﻣﺎ ﻛﻨﺘﻲ ﻣﺎﺩﻳﻪ ﻭﺑﻌﺪﻳﻦ ﺍﻻﻋﺠﺎﺏ ﻣﺶ ﺑﻴﻔﺮﻕ ﺑﻴﻦ ﻋﺎﻣﻞ ﻭﻣﺪﻳﺮ
ﻋﺪﻱ ﻛﺎﻡ ﻳﻮﻡ ﻭﺍﺧﻴﺮﺍ ﻃﻠﺒﺖ ﻳﺎﺳﻤﻴﻦ ﻣﻦ ﺳﻤﺮ ﺍﻧﻬﺎ ﺗﻴﺠﻲ ﻭﻓﻌﻼ ﺟﺖ ﺑﺴﺮﻋﻪ
ﻭﺍﻭﻝ ﻣﺎﺷﺎﻓﺖ ﺳﻤﺮ ﺧﺎﻟﺪ ﺍﺗﺼﺪﻣﺖ ﻻﻧﻬﺎ ﻣﺎﻛﺎﻧﺘﺶ ﻣﺘﺨﻴﻼﻩ ﻛﺪﻩ ﺳﺎﺑﺘﻬﻢ ﻟﻮﺣﺪﻫﻢ ﻳﺘﻌﺮﻓﻮﺍ
ﺧﺮﺟﺖ ﻣﺴﻜﺖ ﻣﺠﻠﻪ ﻭﻟﻔﺖ ﻧﻈﺮﻫﺎ ﺧﺒﺮ ﺍﻥ ﻣﺤﻤﻮﺩ ﺍﻟﻤﺼﺮﻱ ﺍﺳﺘﻠﻢ ﻣﻨﺼﺐ ﻗﺎﺽ
ﻓﻲ ﺍﻟﻤﺤﻜﻤﻪ ﺍﻟﻌﻠﻴﺎ ﻭﺍﻧﻪ ﺍﺻﻐﺮ ﻗﺎﺽ ﻳﺴﺘﻠﻢ ﻭﺍﻧﻪ ﺑﻴﺤﻘﻖ ﻓﻲ ﺍﻭﻝ ﻗﻀﻴﻪ ﻟﻴﻪ
ﻓﻀﻠﺖ ﺗﺘﻨﺎﻗﺶ ﻫﻴﺎ ﻭﺳﻤﻴﺮﻩ ﻓﻲ ﺍﻟﺴﻴﺎﺳﻪ ﺷﻮﻳﻪ ﻟﺤﺪ ﻣﺎ ﻓﺠﺄﻩ ﺷﺎﻓﻮﺍ
ﺳﻤﺮ ﻃﺎﻟﻌﻪ ﺗﺠﺮﻱ ﻭﺍﻳﺪﻫﺎ ﻋﻠﻲ ﺑﻘﻬﺎ ﻭﺷﻌﺮﻫﺎ ﻣﺘﺒﻬﺪﻝ ﻭﺟﺮﻳﺖ ﻣﻦ ﻏﻴﺮ ﺣﺘﻲ ﻣﺎﺗﺮﺩ ﻋﻠﻴﻬﻢ
ﻭﻫﻤﺎ ﻣﺴﺘﻐﺮﺑﻴﻦ ﺍﻳﻪ ﺍﻟﻠﻲ ﺣﺼﻞ
ﻳﺎ ﺗﺮﻱ ﺍﻳﻪ ﺍﻟﻠﻲ ﺣﺼﻞ؟؟
ﺍﻧﺘﻮ ﺭﺃﻳﻜﻢ ﺍﻳﻪ ﺍﻟﻠﻲ ﺣﺼﻞ
ﻟﻮ ﻣﺶ ﻋﺎﺭﻓﻴﻦ ..استنوني ..هذا المساء.
#رواية.. 💜
#موعد_مع_القدر.. ❤️
الحلقه الرابعه
وقفنا الحلقه اللي فاتت لم سمر كانت مع خالد ومره واحده طلعت تجري
ومشيت من غير ما ترد علي حد شويه وخرج خالد وراها وهو مبتسم جدا
ياسمين: ايه اللي حصل ؟؟ مالها في ايه؟
خالد: اديتها خاتم خطوبه
ياسمين: وايه اللي بهدل شعرها كده وطلعت تجري ليه؟
خالد: علشان بوستها غصب بعد ما لبستها الخاتم ولما حاولت تضربني بالقلم بوستها تاني
انتي عارفه انا خطيبها ومن حقي ابوسها
ياسمين: دي خطوبه مزيفه وانت عارف ليه
خالد: مش بعد النهارده
ياسمين: مش فاهمه قصدك ايه؟
خالد: قصدي اني هتجوزها فعلا
ياسمين: بس...قاطعها خالد
خالد: عارف عايزه تقولي ايه... انا كمان كنت عايزها مزيفه بس بعد ما شوفتها
غيرت رأيي هيا هتكون ملكي ومش لاي راجل تاني حتي لو كان قريبها
ياسمين: طب وليه؟؟
خالد: بصراحه عجبتني وكمان هيا تحدي لذيذ وانا هكسب التحدي كمان
ابويا وامي عايزين يجوزوني ويشوفو احفادهم وانا قررت اريحهم
ياسمين: طيب وهتعمل ايه
خالد: هفضل وراها وهخلي الكل يفهم انها ملكي انا مش بحب حد يشاركني
في اي حاجه ملكي وهيا عنيده وجميله وقررت انها تكون بتاعتي ودلوقتي استأذنك
لاني معايا معاد مع صاحب البيت المعروض للبيع
سابهم ومشيوا وهيا وسميره فضلو متنحين شويه لحد ماسميره فرقعت ضحكه عاليه
ياسمين: ايه اللي بيضحك؟؟
سميره: اصلها صعبانه عليا .. خالد هيحطم كبريائها حتت حتت ..تصوري صدمتها
هيا بتتخيل انها بتتجوز واحدد فقير معدم وده هيدمرها.. بس هيا تستاهل
هيا عايزه حد يؤدبها ويروضها لان غرورها زايد عن الحد
ياسمين: انتي ناسيه قريبها هو مش هيجوزها لواحد فقير
سميره: انتي اللي ناسيه ان خالد مش فقيروهيعرف يقنعه وبعدين ما تنسيش
انه هو عايز يخلص منها
عدي اليوم واخر النهار رجع خالد واول ما ياسمين شافته سألته
ياسمين: كنت فين كل ده؟
خالد: رحت عند محمود وقابلته
ياسمين: قصدك محمود المصري
خالد: هو بعينه رحت اطلب سمر رسمي
ياسمين: وايه كان رده؟؟؟
خالد: وافق طبعا
ياسمين: ايه وافق؟؟قصدك انه وافق يجوزك قريبته
ضحك خالد: طبعا وافق.. هو راجل محترم جدا..وانا قلتله الحقيقه وقلتله اني
هشتري قصر وطلبت منه انه يحافظ علي السر وهيشترك معايا
في المؤامره اللي احنا عملينها علي سمر
ياسمين: ده من حسن حظك انه وافق
خالد: هو سألني انا ساكن فين فقولتله اني ساكن عندك وقال انه
هيساعدني علي شرا البيت علشان ما ينفعش اقعد عند واحده ست عايشه واحدها
ياسمين: وهو عرف منين اني عايشه واحدي انا عمري ماشفته قبل كده
خالد: مش عارف انا برضه استغربت. بس اكيد سمع من الناس انتي هنا في الريف
وبعدين هو يعتبر جارك
ياسمين: ممكن فعلا الناس هنا مهووسه انها تعرف اخبار الناس
خالد: لا الراجل ده مش مهووس هو باين عليه التقل والاحترام وتحسيه اكبرمن سنه
ياسمين: كنت فاكره انه راجل عجوز
خالد: لا مش عجوز ده تقريبا في سني .. علي فكره هو عازمني علي العشا
بكره علشان نتعرف اكتر واتعرف علي ام سمر.. ايوه صح انا شفت بيت صغير
علي النيل وعجبني قوي
ياسمين: قصدك بيت صبري العجوز ..ده بيت مهجور من زمان
خالد: عايز اشتريه ..
ياسمين: روح البلد ودور علي صبري العجوز واسأل عنه..بس ده بيت قديم
خالد: مش مهم هنضفه وهرتبه
ياسمين: ليه وهتعمل بيه ايه؟؟
خالد بابتسامه: هقضي فيه شهر العسل
نروح لسمر
سمر كانت هتجنن من اللي بيحصل كل حاجه خططت ليها فشلت تماما بسبب ممثل
تافه لبسها خاتم خطوبه وكمان اتجرأ وباسها حطت ايدها علي شفايفها مكان ما باسها
واضايقت من نفسها انها وقفت زي الهبله مكانها وبعدين جريت زي المجنونه ومش كده
وبس ده كمان اتجرأ وجه طلب ايدها والاسوء ان محمود وافق بسرعه علي جوازها
ازاي عرف يخلي محمود يوافق..هو عايز يتخلص منها علشان يفضي لصاحبته
جيهان اللي جايه من بره وكل اللي تعرفه عنها انها ارمله وبس وغنيه وهيا معاه في
ضيافته حاليا وهو بيستمتع كتير معاها وبيقفلو علي نفسهم الباب كتير وهيا هتجنن
علشان تعرف بيعملو ايه وافتكرت لما اتعشت معاهم وقالت انها عندها شغل علي الكمبيوتر
واتحججت علشان تدخل مكتب محمود وطبعا هو راح معاها وبعد ساعتين خرجت
جيهان بتحاول ترتب هدومها وتصلح من شكلها وشعرها وده وضح لسمر هما كانو بيعملو
ايه جوا وكانت هتصرخ لما شافت محمود خارج وبيقفل زراير قميصه وشافت جيهان
وهيا بتحاول تبوسه لولا انه قالها ان المكان مش مناسب
واخيرا قررت انها تنزل تشوفخم بيعملو ايه مش كل ليله تفضل سهرانه ومنفرده بيه
لوحدها هتنزل وهتقاطعهم
وفعلا نزلت براحه وقربت من باب المكتب علشان تسمعهم وفعلا سمعت ضحكه عاليه
من جيهان وهي بتتكلم مع محمود
جيهان: حبيبي محمود هيا كبرت خلاص هتفضل تحرسها لحد امتي .انا كنت متجوزه
من جوزي الاولاني وانا اصغر منها. وبعدين هيا بقت مخطوبه فاهتم بنفسك بقي
سيبك منها وسيبني انا اهتم بيك
ضحك محمود: انت ناسيه اهم حاجه
جيهان :وايه بقي اللي ناسياه؟
محمود: اني راجل متجوز
ونكمل بكره يا حبايبي
عايز التعليقات تنزل ترف كده كل واحد يقول رأيه
توقعاتكم ايه؟؟
روايه
موعد مع القدر💜
الحلقه الخامسه
سمعت سمر محمود وهو بيقول لجيهان انه راجل متجوز
سمعت صوتهم خارجين فجريت علي اوضتها والنار بتاكلها بقي الساقطه دي هيا اللي اقنعت محمود انه يوافق علي خالد ده..لازم تتصرف وتعمل اي حاجه توقف الجوازه دي مش لازم تستسلم بسهوله..
طلع النهار وكانت ياسمين واقفه في البلكونه تستمتع بشروق الشمس وسمعت صوت حد
تحت فبصت شافت احمد واقف بيتفرج عليها وهيا لابسه قميص نومها وكالعاده ناسيه
تلبس روب. وشها احمر واتضايقت من نظراته الجريئه اخدت نفس طويل وبصتله
لقته لسه بيبصلها فابتسمتله ودخلت اوضتها وملت جردل بميه ساقعه وخرجت لقته لسه واقف
فابتسمتله وبعدين رمت فوقه الميه الساقعه اتبلت هدومه كلها وبصلها بغيظ فبصتله
بهدوء وقالتله:
: علشان تاني مره تحرم تبص للشبابيك والبلكونات وتلزم حدودك
احمد: المره الجايه هاخد بالي كويس وبعدين لو مش حابه حد يبص عليكي
بطلي تتطلعي البلكونه وانتي شبه عريانه
كانت لسه هترد لولا انها شافت عربيه جيش بتقف علي البوابه بتاعتها وبيخرج
منها واحد وبدأ يدخل البيت بتاعها .احمد كمان فضل يتابع اللي داخل بنظره
وياسمين حست بالصدمه مع كل خطوه بيقربها الراجل ده عليها لحد ما شافته كويس وعرفته
وغصب عنها لقت دموعها نازله وجريت لبست روب ونزلت جري ما اهتمتش
بهدومها او شعرها المفكوك وخرجت للجنينه تقابل اللي جاي واول ما شافها
جري هو كمان عليها واخدها في حضنه واخيرا نطقت:
: علي اخيرا جيت
فضلت تعيط وهيا في حضنه كتير لحد ما بعدها عنه
علي: ما اتغيرتيش ابدا لسه زي ما انتي المراهقه اللي كانت بتقضي وقتها معايا
في الاسطبل
ياسمين: وانت اتغيرت كتير قوي بقيت راجل وشكلك ليك رتبه في الجيش
علي : فعلا انا انضميت للجيش بعد ما انتي مشيتي بشهرين ودلوقتي هتدخليني
بيتك ولا هتخليني واقف هنا بصراحه انا هموت من الجوع
يا سمين: اسفه يا علي . تعال ندخل جوه تعال واوريك بيتي المتواضع
علي: قصدك قصرك المتواضع
فرجته علي بيتها وبعدين جهزتله الغدا
ياسمين: حضرتلك اوضه علشان تقعد فيها وده الغدا انا عارفه انك اكيد ما فطرتش
ابتسم علي: انا دورت عليكي كتير. مش سهل ان الواحد يلاقيكي. ربنا يعلم مرت عليا
اوقات يأست اني الاقيكي .المهم انك دلوقتي قدامي وده ينسيني تعب السنين اللي فاتت
ياسمين بحزن: انا اسفه يا علي. انت عارف انه غصب عني اختفائي ده بس حاولت
ادور عليك ما لقيتكش وما عرفتش اوصلك
علي: كنت علي الحدود واخدت حوالي 3 سنين .. في الحقيقه سبب مجيي هو ابوكي
خافت ياسمين وبدأت تتوتر.فحاول علي يطمنها
علي: ما تخافيش هو ميعرفش مكانك بس هو بيدور.والمسأله مسأله
وقت لحد ما يلاقيكي وبعدين ابوكي مش غبي .انا عرفت انه بيلعب قمار كتير
وهو لاعب سيئ بيخسر كتير وبعدين هو معاه عشيقه جديده عمرها مايعديش
20 سنه فبدأ يدور عليكي علشان تسددي ديونه
ياسمين بعنف: لأ والف لأ انا عندي اموت ولا اديله مليم. ده حطم حياتي.اقسم بالله
لو حاول يقربلي هاقتله
علي : ده مش كل شيئ . هو رهن قصره لحد من الناس الاغنيه اللي شاف قصره واعجب بيه
فقبل الرهن وابوكي عايز يفك الرهن بتاع قصره بس الراجل ده رافض يديله
قصره من غير ما يسترد فلوسه وابوكي طبعا مش معاه فلوس
ياسمين: يتحرق هو وقصره انا عشت هناك اسوء سنين عمري وبعدين الراجل ده
لو عاش هناك هيتنحس ده قصر نحس
علي: الراجل ده مش محتاج لقصر ابوكي ده ملياردير وعنده تقريبا قصر في كل بلد
اكيد سمعتي عنه اسمه محمود المصري
حست ياسمين ان الدنيا بتلف بيها وهيا بتحاول تتغلب علي صدمتها مجمود قريب
سمر هو صاحب رهن ابوها ده معناه ان ابوها ممكن يجي هنا في اي وقت علشان يقابله
بصت برعب لعلي وقالتله
: ده قصره هو اللي قصاد بيتي وابويا ممكن يلاقيني بسهوله
علي: انا اتصدمت لما عرفت ده علشان كده جيت احذرك بسرعه هو بقي
راجل عنيف جدا والقصر اتغير كتير بعد ما مشيتوا انتي وامك بقي مرتع للقمار
ومليان بالسكرانين وبنات الليل
ياسمين: ماهو ده اللي متوقع من واحد زيه ما فيش اي شيئ ممكن يصدمني
عن ابويا بس ابوك ازاي بيتعامل معاه
زعل علي وبص للارض
علي: ابويا مات من 3 سنين
اتصدمت ياسمين فقربت من علي
ياسمين: مش ممكن .. ابوك لسه صغير وصحته كويسه جدا هو كان عيان ولا مات
في حادثه
علي:ابوكي قتله
كان الكلام اقوي منها فمعرفتش ترد ففضلت تعيط بصمت فقرب منها علي
واخدها في حضنه
ياسمين: ده مش ممكن يكون بشر .. انا اسفه يا علي انا اسفه
علي: ما تتاسفيش انتي مالكيش ذنب. انتي كمان عانيتي من ابوكي
ياسمين: ارجوك يا علي قولي كل حاجه بالتفصيل احكيلي
قعدها "علي" علي الكنبه وقعد جنبها وبدأ يحكيلها
علي: انا رحت للجيش بعد ما انتي مشيتي وبعد سنتين اتصبت واتنقلت للعياده
وهناك اتعرفت علي ممرضه جميله ورقيقه كانت اصغر مني بسنه اخدت بالها مني
ومع الوقت اتعلقنا ببعض وتطورت علاقتنا وخطبتها بعد 6 شهور من تعرفنا وقررنا
نتجوز خلال شهر لانها كانت يتيمه الابوين فاخدتها عندي البيت تتعرف علي عيلتي
وتفضل معانا ... سكت شويه وبعدين كمل كلامه
علي: بمجرد وصولنا ابوكي شاف ساره كان بيعاملها باحترام في الاول وبعد كده
بدأ يتحرش بيها كل شويه من غير ما يراعي حد فينا وهيا اشتكت منه وانا كنت
غبي وطمنتها ان حنا خلاص هنمشي ونبعد لحد ليله الحنه بتاعتنا ابوكي عمل نفسه
عيان واستغل وجود ساره لوحدها لان كنت انا وابويا بره مشغولين بتجهيزات الفرح
ونادي علي ساره بحكم انها ممرضه وهيا صدقته واول ما دخلت اوضته قفل الباب
وهجم عليها قطع هدومها واغتصبها وبعد كده رماها من البلكونه فماتت ومحدش عرف بيها
غير يوم الفرح الصبح كانت حالتها صعبه جداولما سألنها انكر كل حاجه بس واحد من
الخدم قال انه سمع صوت صريخ جاي من اوضته وهو متأكد انها ساره ولما واجهناه
انكر في الاول ومع ضغط ابويا اعترف بس قال انها اغوته وعرض علينا فلوس
علشان نسكت وقالنا ان احنا لو اشتكينا محدش هيصدقنا لانها كلمه خادم قصاد سيد
وفضل يضحك فابويا ما استحملش فضربه جامد وبعد الجنازه ابوكي بعت رجاله
ضربوا ابويا لحد ما قتلوه وضربوني انا كمان لولا الناس اتلمت كانو قتلوني انا كمان
واسعفوني لحد ما قدرت اقف علي رجلي سيبت البلد ومن ساعتها ما رجعتش تاني
بس وصيت واحد يبعتلي اخبار ابوكي اول باول وده من حوالي 3 سنين
سمعته ياسمين وهيا مصدومه هيا عارفه نداله ابوها بس مش للدرجه دي
ياسمين: ايه حظي ده؟ ليه انا؟ ليه انا اكون بنته؟ طول حياتي وانا بعاني بسببه
بس هو تعدي الحدود مع عيلتك .ده مش راجل ده شيطان . ده الشيطان
يقف عاجز جنبه
علي: الوضع ده مش هيستمر كتير
بصتله باستفسار: قصدك ايه؟؟؟؟
علي: هقتله
ياسمين: انت اتجننت انت عايز تحطم حياتك علشانه وبعدين هو ديما حواليه
رجالته هتقتله ازاي
علي: انا عارف وعلشان كده انا جيتلك علي امل انك تساعديني ونلاقي خطه
نقتله بيها من غير ما حد يعرف
وقفت ياسمين وفضلت تروح وتيجي
ياسمين: لا لا لا لا ما اقدرش.. انا بخاف منه جدا .. هو بيدرو عليا وانا عارفه ومش
عايزه افكر هيعمل فيا ايه لما يلاقيني
وقفها علي ومسكها: عمرك ما كنتي جبانه كده .عارف انك خايفه منه بس الحل الوحيد
هو موته.. فكري هتعيشي بسلام بعدها وانتي عارفه انه بيتحرق في جهنم
وبالنسبالي مفيش حاجه هترضيني غير موته. هو قتل اقرب الناس ليا
ابويا وساره وحطم حياه اغلي انسانه عندي . انتي يا ياسمين
واخدها في حضنه فهمست:
انا خايفه يا علي
وحست بباب الاوضه بيتفتح ولقت احمد بيبصلهم بهدوء فبعدت عن علي وهيا مرتبكه
كان احمد بيبصلهم ببرود: اسف للازعاج بس جيت علشان اطلب منك
اذن علشان امشي بدري
ياسمين: انت بتهرب كتير من شغلك يا احمد لو مش قادر تفضل ساعات شغلك هنا
قولي اشوف غيرك غيابك زاد عن الحد وانا مش بحب الكسالي
راقبته وهو ماسك نفسه بالعافيه وحست انها محظوظه علشان علي جنبها علي الرغم انه
واقف بيبصلهم بدهشه . احمد كان في نار خارجه من عنيه بس رد بهدوء
احمد: اسف .اوعدك ان غيابي مش هيتكرر
استأدن ومشي وساب الباب مفتوح بصلها علي بعد خروج احمد وقالها
علي: الراجل ده بيشتغل عندك؟؟؟؟؟؟؟؟
ياسمين:ايوه بيشتغل عندي
علي: انتي متأكده انه بيشتغل عندك؟؟؟؟؟؟؟
ياسمين: طبعا متأكده ده عامل جديد واسمه احمد في ايه؟
علي: الراجل ده ما اسموش احمد
ياسمين: قصدك ايه؟؟؟؟؟؟
علي: ده رجل الاعمال الملياردير محمود المصري
ونكمل بكره ياتري رد فعلها هيكون ايه؟؟
وهتتعامل معاه ازاي؟ وهو هيعمل ايه؟
والاهم انتو رأيكم ايه عايزه تعليقاتكم
اذا عجبتك القصه علقوا 40 ملصقات للنشر الجزء6 لو التعليقات وصلت 600 انا والله رح انزل الجزء6
تعليقات
إرسال تعليق