 |
(ذهاب بلاعودة) الجزء الأول كامله
- انا نسرين عندي 19 سنة عندي اخت اصغر مني اسمها روان عندها 17سنة معنديش اخوات غيرها ، ورغم كدا اهلي بيعملوها كأنها بنتهم الوحيدة وانا مش موجودة بالنسبالهم يمكن تكون عشان هي اخر العنقود بس مش لدرجة انهم لما يجيبه هديه يجبوها لي روان مغير مناسبة كمان، انا بقيت مستغربة من عدم اهتمامي من اهلي زي مابيهتمه باروان
انا حاسة اني مش بنتهم انا اللي بيطلب مني اغسل واممسح واكنس واعمل اكل وروان ملكة في البيت محدش بيقولها اعملي دي ، دا حتي لما رفضت انها تكمل في المدرسة اللي هيا فيها بابا نقلها لي مدرسة خاصة بتاخد 165الف جنية في السنة ولما انا قولتلو عاوزة انقل معاها رفض وزعق وقالي انتي انسانة فاشلة بتتحجي بفشلك في المدرسة، انا خلاص زهقت من العيشة دي وفكرت في الانتحار كتير وكنت هنفذه بس فكرت مع نفسي انا لو مت محدش هيفرق معاه ، طب ماانا ممكن احول الجنة دي ليا ، والشيطان بدأ يلعب في دماغي اني اقتل اختي روان، ايوة ومفيش حل غير كدا عشان اخلص من الكابوس اللي انا عايشة فيه دا انا لازم اتخلص من روان اختي ومنغير ماحد يعرف ، بس هنفذ الحاجة دي ازاي انا لازم اقتلها وادفنها في مكان منغير ماحد يعرف مكانها ،
فيوم نزلت وكنت رايحة الدرس ولحسن الحظ قبلت اختي روان كانت جيا من المدرسة، انا قولت في دماغي لازم استغل الفرصة ، وقولت لي روان تيجي معايا لاني فهمتها هشتري حاجة وعاوزاها تنقيها معايا، وفعلا روان جات معايا وفضلنا نلف اكتر من 4ساعات وكان الليل دخل علينا ، وكنا ماشين في شارع مفهوش حد نهائي ومفهوش بيت ولا محل حتي شارع طويل كله مقلب زبالة ، دي مش صدفة لا انا جيت الشارع دا وقولت هنفذ اللي هعمله هنا بحيث محدش يشوفني وانا بعمل كدا، وكانت معايا في الشنطة بخاخة منوم ، رشيتها علي روان اختي ، ووقعت علي الارض في الحال، انا شيلتها وروحت بيها ورا كوم زبالة طويل وكبير اوي لفيت من وراه وكانت فيه ارض فاضية صغيرة، انا مش عارفة انا عملت كدا ازاي وجاتلي الجرأة والقوة دي وطلعت مشرط صغير من الشنطة ودبحت راون اختي وحفرت حفر هي مش عميقة اوي بس اللي قدرت احفرها لاني مكنش معاشا معدات حفر بس قدرت احفر حفرة اخبي فيها جثة روان وفعلا تمت المهمة وروان ماتت ودفنتها ، رجعت البيت ولقيت امي بتزعقلي وبتقولي كل دا كنتي فين كل دا تأخير ، قولتلها كنت مع صحبتي بنشتري شوية حجات ، لقيتها متعصبة اوي وبتزعق وتقولي روان اختك مجتش لحد دلوقتي من المدرسة وكلمت المدرسة وقالولي انها خرجت من الساعة 1.30 ودلوقتي الساعة داخلة علي 9ولسة مجاتش انا قلقانة يكون جرالها حاجة انا لازم ابلغ البوليس، وبعد ساعة كان بيتنا كله ناس قرايبنا كلهم وجيرانا واهل الشارع واصحاب بابا وظابط في الشرطة وبدأو حملة كبيرة اوي علي محافظة القاهرة كلها ، كأن رئيس وزراة اختفي ، مش عارفة بابا مقفلها عليا انا اوي وصرف كل فلوسه علي روان دا لدرجة انه عمل اعلان في الجورنال بصورة روان واللي يلاقيها هياخد مليون جنية ، انا مش فاهمة حتي في فترة اختفاء روان مهتمين بيها اكتر مني يعني هيا قرفاني وهي حية وهي ميتة كمان لا بقي انا كل اللي عملته دا علي الفاضي ، وعدي 5سنين علي اختفاء روان ولسة اهلي مقتنعين انها لسة عايشة وبيعملو اعلان بصورها حتي في التلفزيون نزلو علي كل القنوات بسر اختفائها اللي دام 5سنين ولسة مقتنعين بأنها لسة عايشة ، طب هي اختفت ماتت خلاص في انا مش مهتمين بيا ليه بيعملوني كأني هوا في البيت محدش بيسألني عملتي ايه النهاردا دا حتي امتحان الثانوية اللي امتحنته محدش قالي عملتي ايه والنتيجة ظهرت ومحدش سأل كل الكلام دا حصل من5سنين انا دلوقتي في كلية صديلة في سنة 4 ومحدش عارف اني فسنة رابعة غيري لان محدش فاضيلي في البيت
***************
استووووب نكمل كمان شويه
قصة (ذهاب بلاعودة) الجزء الثاني
ومحدش عارف اني فسنة رابعة غيري لان محدض فاضيلي في البيت..
فيوم حلمت حلم غريب اوي وكان مرعبب جدا، حلمت اني في المكان اللي دفنت فيه روان بس الحفرة اللي دفنت فيها روان كانت فاضية وفيها اثار دم كأنه لسة نازل من جسم حد دلوقتي دا مش دم قديم لا دا الدم لسة دلوقتي، وبدأ الدم يزيد يزيد لحد مابقي بركة دم وخرج منها راس ايوة راس والمرعب في الحلم ان الراس دي شبهي لا دي مش شبهي دي انا ، اتفزعت وقومت من النوم علي صوت زغاريط وتصقيف في البيت والدنيا هايصة في الصالة، خرجت اشوف فيه اللي حصل وكانت الصدمة المرعبة هنا اني شوفت روان قدامي ايوة شوفتها قدامي حية وكل الناس حواليها بس نظراتها ليه كانت كلها غضب ولمعان، انا واقفة مصدومة ازاي روان عايشة انا صرخت وقولتلهم بس دي مش روان انتو مش شايفين شكلها متغير ازاي روان كانت اقصر من كدا ، رد ابويا عليا وقال بت اسكتي اكيد في الفترة دي اتغيرت دول 5سنين مش 5ايام وبدأ يهيصو والاحتفال اشتغل وابويا دبح 20 عجل ووزعه علي الغلابة وانا لسة مقتنعة ان دي مش روان انا قتلت روان بأايدي مستحيل تكون صحيت من الموت لالالا انا اكيد مش مجنونة انا لازم اروح المكان اللي دفنت فيه جثت روان واشوف بنفسي ، وفعلا روحت المكان اللي دفنت فيه روان وبدأت احفر احفر وظهرلي في الحفرة هيكل عظمي وسلسلة ، ايوة دي سلسلة روان كانت لابساها لما قتلتها يبقي روان ماتت ودفنتها اهو امال مين دا اللي ظهر عندنا فجأة ، انا بدأ الخوف يزيد في قلبي لما اتأكدت ان روان ميتة ، روحت البيت وانا عمالة افكر في ان مين اللي معانا في البيت، روحت البيت ودخلت لقيت البنت اللي شبه روان دي ماانا مش هقول عليها غير كدا لان روان ميتة ، تصرفتها غريبة اوي دي قاعدة مبتتحركش نهائي حركتها وكلامها قليل جدا بس مش دا الغريب الغريب في خطواتها لما تمشي بتمشي بخطوات منتظمة جدا كأنها انسان الي بيمشي ،
وكل ماتكلم معاها تبصلي بنظرة غضب ومتردش عليا ، اليوم دا دخلت انام بس فوقت علي صوت خربشة بصيت بيحصل في اوضتي ،بفتح عيني براحة لقيت خيال اسود واقف عند الباب ، ولعت نور الاوضة واللي واقف كانت روان، واقفة مبتتحركش وبصالي بنظراتها المرعبة بس التغير هنا كان في لون عنيها اللي كانت سودا تماما كل لون عنيها اسود مفيش بياض في عنيها ، قومت من علي السرير ونزلت علي الارض بخطوات هادئة جدا وكلها خوف انا مرعوبة من المنظر دا وبدأت اصرخ وانادي علي امي ، لقيت امي دخلت الاوضة واول مامي فتحت الباب لون عين روان رجعت طبيعية جدا ، وامي زعقت فيا وبتقولي انتي مجنونة هو فيه حد بيزعق عشان شاف اخته ، وحضنت روان واخدتها برا الاوضة وخرجه، انا من ساعة المنظر دا وانا بقيت كارهه البيت وخايفة ارجع تاني ، حاولت ادور علي حلول علمية بس ملقتش كل السكك بتدور حول الجن والارواح والعالم التاني انا مش مؤمنة بالحجات دي بس كل اللي بيحصل ملهوش غير كدا، كلمت اصحابي علي انه يدلوني علي دجال وفهمتهم اني تعبانة وبحلم بكوابيس وعاوزة واحد دجال اروحله،
وفعلا صحبتي جابتلي عنوان دجال اروحله
روحت لي دجال وحكيتله كل حاجة ، مينفعش اكدب عليه دا لو انا عاوزة انقذ حياتي وقولتلو اني قتلت روان اختي ،
لقيته ابتسم ابتسامة غريبة اوي وقالي بصوت هادي جدا ، متخافيش يانسرين فاجميعكم هالكون ، انا اتصدمت من الكلمة دي وجريت وخرجت من المكان الملعون دا ن انا مش فاهمة ايه اللي بيحصل دا، انا بقيت عاملة زي المجنونة مش
عارفة ايه اللي بيحصل
*******************************
استووووووووووب نكمل الحلقه الجايه
انتظرو الجزء الثالث والاخير
(ذهاب بلاعودة) الجزء الثالث والأخير
انا بقيت عاملة زي المجنونة مش عارفة ايه اللي بيحصل
روحت البيت وانا في قمة خوفي ورعبي من اللي هشوفه النهاردا، بس لما طلعت لقيت باب الشقة مفتوح وخارج منه ريحة كريهه جدا ، دخلت الشقة لقيت الارض كلها دم واول مادخلت باب الشقة اتقفل ، انا بدأت انده علي امي بس مفيش حد رد عليا لقيت تليفوني بيرن ، ببص علي الرقم لقيته رقم روان اختي ، انا مش مصدقة عيني ازاي روان بتكلمني من التليفون دا وهو مدفون معاها، برد وانا بصوت كله خوف وبقول الو ، لقيت صوت روان وكانت بتصرخ وبتقولي الحقيني يانسرين انا بموت انا مخطوفة في مكان كله زبالة وفي واحدة شبهي بتجري ورايا وعاوزة تدبحني ، وفجأة صوت روان بقي طخين جدا وفضلت تضحك وقالتلي متخافيش يانسرين فاجميعكم هالكون ، والخط اتقطع ، انا مرعوبة اوي من اللي بيحصل دا هل دا حقيقة ولا خيال لا لا اكيد كدب ايوة انا اكيد بحلم ، فجأة سمعت صوت عياط جي من اوضة روان ، انا بدأت امشي بهدوء ناحية الاوضة وبفتح الباب بهدوء انا خايفة وانا بفتح الباب انا مش عارفة ايه الكائن اللي جوا دا ، لقيت الكائن اللي شبه اختي دا قاعد قدام التلفزيون وبتعيط وبتشاور علي التلفزيون ، انا مش عارفة بتعيط علي ايه ومجاش في دماغي غير اني اسألها مالك ، لقيتها ولي اول مرة بترد عليا وبتقولي مش شايفة حاجة من الدم اللي علي الشاشة ، انا ببص علي شاشة التلفزيون لقيتها كلها دم ، انا ببلع ريئي وبقولها دم مين دا ، لقيت صوتها اتغير وبقي طخين نفس الصوت اللي كلمني في التليفون وبتقولي دا دم امك وابوكي مش قولتلك جمعيكم هالكون ، انا جريت برا في الصالة لما لقيت عينها قلبت لي اسود تاني ولمحت جثة امي وابويا علي الارض متقطعين بشكل مريع ومفزع وفضلت اتصل بصحبتي بس محدش بيرد ولحسن الحظ هنا
ان صحبتي كانت حاطة نغمة كولتون قرأن لما عليت الاسبيكر لقيت الكائن اللي شبه اختي دا بيرجع وبيبعد عني جريت علي باب الشقة ولقيته اتفتح ونزلت جري في الشارع ومش عارفة انا هعمل ايه ، الساعة دلوقتي 12 بعد منتصف الليل وانا مش عارفة هعمل ايه في الوقت دا ، لقيت تليفوني بيرن وكان رقم امي ، برد وانا خايفة اوي لقيتها امي بتزعق فيا وبتقولي انتي فين كل دا اتأخرتي دا ابوكي مش هيسيبك لما تيجي ، اناخايفة ارجع البيت مس مفيش حل غير اني ارجع وكلمت واحد صحبي اسمه عمر ، عمر دا بعتبره اخويا لانه معايا في كل الاوقات ونزلي وقولتلو تعالي وصلني لان الوقت متأخر ، وفعلا وصلني البيت ، بس قولتلو اطلع معايا وصلني لحد باب الشقة، بصلي بااستغراب وقالي مالك يانسرين فيه حاجة انتي متغيرة بقالك فترة ،قولتلو معلش انا تعبانة وبحلم بكوابس وخايفة ممكن تطلع معايا وصلني لحد الباب وانزل، وفعلا طلع معايا وبدأت اخبط علي باب الشقة وانا كلي خوف ومرعوبة ، بس الغريبة اني لقيت امي بتفتح الباب وبتزعق فيا وبتقولي كل دا برا كنتي فين ، ولما شافت عمر زعقت اكتر وبتقولي مين دا وكنتي فين معاه ، قولتلها ياماما عمر دا زي اخويا ووصلني لاني كنت تايهه ، المهم الموضوع اتلم وعدي عادي ، بس اللي مش عادي ان فيه كائن غريب مش عارفة اوصفه باايه معيشني في رعب وكل يوم في كوابيس واشوف جثث في اوضتي ، واللي بيحصلي كل يوم اني بلاقي الكائن دا في اوضتي واقف عند الباب ، انا بقيت انام الصبح مبقتش انام بليل نهائي بسبب الكائن اللي شبه اختي اللي كل العيلة مفكره ان دي اختي بس دي مش اختي وطلبتهم انهم يعملولها تحليل DNA بس لما قولت كدا كل اللي في البيت هاجموني ، انا حاسة اني عايشة مع ناس غريبة لا انا حاسة اانا الغريبة في وسطهم محدش صدقني ومحدش عاوز يصدقني كأنهم عارفين كل حاجة ، انا خلاص تعبت من اللي انا فيه ، وروحت قسم الشرطة واعتر فت اني موت اختي روان ، بس لما راحه مكان اللي دفنت فيه جثة روان ملقوش اثر لي اي جثة او هيكل عظمي دا مفيش حفرة اصلا في الارض ، يعني ايه انا مقتلتش روان طب اللي قتلتها دي مين ومين اللي معاايا في البيت انا حاسة اني في سجن ربنا بيعقبني فيه انا مش عارفة اهرب منه ، انا بكتبلك رسالتي دي وانا عايشة في السجن دا انا حاولت انتحر اكتر من 5 مرات وكل مابرمي نفسي من البلكونة بلاقي نفسي بقوم من النوم مفزوعه وكأني في دايرة مبتنتهيش دايرة عاوزاني اعيش في خوف ورعب دايرة مش عارفة نهايتها ايه بس اللي متأكده منه اني عايشة في عالم تاني.
تمت........
 الجزء الأول كامله - انا نسرين عندي 19 سنة عندي اخت اصغر مني اسمها روان عندها 17سنة معنديش اخوات غيرها ، ورغم كدا اهلي بيعملو…){kind=link}
تعليقات
إرسال تعليق