 |
11
_اااه دماااغي انا فييين، مرراد مراد انت فين
=مراد بحُزن: انا هنا ياحنين
_ايه اللي حـ...، برعب: ا ا يوسف يوسف فين
=اهدي ياحنين انا كلمت كريم وزمانه لحقه وراحوا المستشفي
_حنين بعياط: انت كنت هتقتل صاحبك، فاهم يعني ايه كنت هتقتله؟؟
=مراد بحُزن: انا مش عارف عملت كده ازاي، انا شوفته رافع المُسدس في وشك مجاش في دماغي حاجه غير اني انقذك قبل مايحصلك حاجه، يوسف متهور وكان ممكن يقتلك فعلًا
_حنين بعياط: انا خايفه عليه يا مراد مش قادره
قرب مني وخدني في حضنه وفضل يهديني، الموقف كان صعب لما تشوف واحد مكسور عايز ياخد حقه بأي طريقه واقع قُدامك غرقان في دمه وانت مش في ايدك حاجه تعملها، مرعوبه يكون حصله حاجه لأن فعلا مش هسامح نفسي ولا مراد على اللي عملناه"
_مراد احنا فين،؟
=احنا في شقه جدتي الله يرحمها لحد ماشوف مكان نسافر فيه
_، انا محسيتش بحاجه
=خدرتك، عشان ساعتها مكنتيش في وعيك وكنتِ منهاره
_طيب كلم كريم شوف يوسف عامل ايه
=مش دلوقتى ياحنين احنا لسه واصلين لازم نرتاح
_عشان خاطري يمراد
=حاضر ياستي أمري لله، اهو شوفتِ الفون مغلق، يلا ننام ولما نصحى نكلمه
نمنا وانا قلبي مقبوض حاسه ان حصل حاجه مش كويسه أو يوسف مش بخير، فضلت ادعي واقول "اللهم صل وسلم وبارك على سيدنا محمد صلاه تفرج بها الكروب وتقضي بها الحاجات وتُحل بها العُقد وترفعنا بها إلى أعلى درجات"
الدعاء ده أقرب دعاء لقلبي، دايما لما بقوله وانا في نيتي حاجه نفسي تتحقق بتحصل، أو لو في موقف وحش ربنا ينقذني منه، فضلت اقوله لحد ماقلبي اتطمن ونمت ومحسيتش بحاجه
________________________________
_كريم بصدمه: انتوا بتقولوا اييه مين ده اللي قلبه وقف
=ندى بعياط: حد يقول حاجه
_كريم بزعيق: لالا انا مش هقف ساكت كده لا
ندى......
كنا واقفين لقينا المُمرضات بيجروا وعرفنا أن يوسف قلبه وقف! كريم كان منهار بمعنى الكلمه ولقيته مره واحده داخل اوضه العمليات وماسك يوسف بيهز فيه جامد وبيعيط وانا بعيط عليهم...."
_كريم بعياط: يوسف.....قوم معايا يا يوسف بالله عليك، انا اسف والله مش هزعلك تاني حقك عليا بس قوم، انا مقدرش اعيش منغيرك صدقني قوم امشي معايا يلا يلا يا يوسف يلا، يوساااااف فوق معايا بالله عليك
كان منظره يقطع القلب وانا مبعملش حاجه غير اني بعيط عليه وعلى اللي وصلناله! الدكاتره وقفوا الجهاز وبصوا بيأس وانا انهارت وكريم مش مستوعبه أبدًا......"
_كريم بأنيهار: ايه في أي، انتوا وقفتوا ليه
=الدكتور بحُزن: صلى عالنبي يا استاذ البقاء لله
=كريم بزعيق: انت بتقول اييي، بتقول اييي صاحبي مماتش هات الجهاز ده
خد جهاز الصدمات من الدكاتره وفضل يحطه على قلب يوسف والدكاتره بيحاولوا يمنعوه بس هو مش في وعيه، لقيته رمي الجهاز ومسك ايد يوسف وبيعيط دي الأطفال وحاططها على وشه وبيقول...."
_كريم بعياط: ليي كده يا يوسف لييي، مش وعدنا بعض اننا هنفضل؟؟ لي سيبتني ومشيت؟ طيب بص....تعالي وانا والله مش هزعلك تاني بس متموتش بالله عليك
وكأن حصلت معجزه والجهاز بدأ يطلع صوت بيعلن عن نبضات قلبه وحياته اللي هترجع من جديد، كريم ضحك جامد وفضل يسجد والدكاتره فرحوا وانا كمان فرحت وربنا جميل واجمل حد تلجأله في حُزنك حقيقي......"
_الدكتور بفرحه: بعد ازنكوا أخرجوا عشان نعمل اللازم و ننقله أرضه تانيه
خرجنا بره بفرحه انا وكريم وبنطنطط من الهنا وكرم ربنا اللي احنا فيه وفجأه لقيته بيعيط....."
_ندي بقلق: كريم مالك في ايه
=كريم بعياط: كنت خايف يروح مني ياندي، انا مليش غيرهم هما اللي ليا معنديش لا قريب ولا حبيب، متخيلتش ابدا ان حد منا يموت على ايد التاني بعد ما كنا أعز اخوات، متزعليش مني بس حنين خربت الدنيا كلها ولولا وجودها كان زمانا صحاب زي ماحنا، انا مش عارف اعمل اي ولا اواسي مين وانا محتاج اللي يواسيني حاسس الدنيا كلها سوده في وشي ومفيش حل
_ندى بحُزن: طيب اهدي كل حاجه هتتحل والله
وانا بطبطب عليه وبهديه اترمي في حضني وفضل يعيط زي الطفل التايه وانا مصدومه ومفيش حاجه اعملها غير اني اطبطب عليه، هو فعلا حنين سبب المصايب دي كلها؟! انا بسأل؟! ده اكيد.......هي فعلا لو مكنتش دخلت بينهم مكنش حصل كل ده"
_______________________________
_مراد......مراد اصحي
=مراد ينوم: اي ياحبيبتي مالك عايزه ايه
_قوم يامراد انت هتنام
=سبيني انام ولما اصحى هنتكلم جامد اووي
_حنين بملل: قوم بقا انا حعانه
=مراد بضيق: اووف حاضر قومت اهو هنزل اجيب حاجه ناكلها وجاي متتحركيش ولا تنزلي
_حاضر يلا
=سلام
قومت اتفرج على الشقه واشوفها.....كانت لطيفه اووي، قديمه بس ألوانها هاديه وشكلها حلو، بعد دقيقتين سمعت صوت تخبيط على الباب! استغربت......
مش معقول مراد لسه نازل، روحت فتحت......"
_حنين بفزع: اا ا انت انت مييين
يتبع....
تفتكروا موقف كريم ويوسف وندي من مراد وحنين ايه؟ ومين الراحل ده؟ وايه اللي هيحصل بعد كده؟؟ توقعاتكوا💜
بعتذر عن التأخير كنت عند الدكتور ادعولي💜
حبيبي_سبب_عذابي
بقلمي_Rahma_Essam
روح_قلم
12
_كريم بفرحه: يوسف حمدالله عـ السلامه عامل ايه دلوقتي
=..
_كريم بحُزن: طب رد عليا يـ صاحبي دانا كنت هموت من القلق عليك
=..
_ندى بتوتر: احم حمدالله عـ السلامه يـ يوسف
=..
ندى...
كان ساكت ومكانش بيرد افتكرنا انه في حاجه او تعبان بس لقيناه بيكلم الدكتور والمُمرضه عادي!!، كل اللي زعلانه عشانه كريم المظلوم بينهم ده ومش عارف يعمل ايه، وبرضوا معرفش احنا ذنبنا ايه في العك ده كله!! عشان احنا صحابهم؟! نعمل اي طيب... ولو مكُناش نقف جمبهم مين هيساعدهم!؟ لقيت كريم مره واحده قرب منه وطبطب على كتفه وبنبره كلها حُزن....."
_كريم بحُزن: انا مقدر انك زعلان منا ومش عايز تكلمنا وشايف اننا كلنا خاينين ومش صحاب وبلا بلا بلا بلا......بس بعد كده هنعمل اي!؟ هنتفرق كلنا خلاص وهنبعد عشان بنت؟! عشان واحده صاحبك بيحبها وذنبه الوحيد انك خطيبها؟؟ انا عارف انك موجوع عشان أقرب واحد ليك عمل كده، بس انت ليه بصيتلها من الناحيه دي؟؟ لي متقولش أن ربنا انقذك من أذى كنت هتقع فيه؟؟ يوسف انت احن واحد فينا بلاش كده احنا ملناش غير بعض، سامح يـ يوسف
=..
_كريم بيأس: الظاهر ان الكلام مش نافع، يلا احنا يـ ندى نسيبه يرتتاح
=يوسف بتردد: استنوا
_كريم بأبتسامه: نعم
=محدش منكوا بلغ البوليس على الحادثه اللي حصلتلي دي؟؟
_كريم بصدمه:.....؟؟!
________________________________
_حنين بخوف: اا انت مين وعايز مني اييه
=امشي معايا بهدوء كده عشان مخلصش على حبيب القلب
_حنين بعياط: م م مراد فين
=بغضب: قولتلك قدامي يلا
_حنين بعياط: لا انا عايزه مراد
=بغضب: شكلك مبتجييش بالذوق
طلع مُخدر ورشه عليا والدنيا اسودت ومحسيتش بحاجه بعد كده...."
________________________________
مراد.....
جبت اكل وراجع البيت وبفكر هروح فين أو اسافر فين عشان الموضوع هيكبر وحاسس أن هتحصلي مصيبه، طلعت ولسه هدخل لقيت باب الشقه مفتوح!! اي ده...... في ايه! أي اللي حصل..."
_حنين، ياحنين انتِ فين انا جيت
مش موجوده!
روحتِ فين!
حنين اطلعِ مش قادر للهزار ده
حنيين
جريت ادور عليها دي المجنون، مش موجوده وحاسس انها اتخطفت، معقوله تكون نزلت؟! لو نزلت هتسيب الباب مفتوح ليه؟! أي ده، تليفونها واقع!؟ معناها اتخطفت....؟ اقسم بربي م هحل حد"
نزلت وركبت العربيه وروحت على بيت ابوها اكيد ليه يد في الموضوع، خبطت جامد على الباب محدش فتح، شكى زاد وبدل ماكنت شاكك بقيت متأكد، نزلت جرى وانا نازل قابلته على باب العماره ومسكنا في خناق بعض...."
_الاب بزعيق: انت اي اللي جابك هنا مش كفايه اللي عملتوا، ليك عين تيجي؟؟ مش كفايه هرّبت بنتِ يوم فرحها وخذلتني وخليتني اعيش وعيني مكسورة؟
=مراد بغضب: سيبك من كل الكلام ده، حنين فيين، انطق مراتي فيين
_الأب بأستغراب: حنين اي ياض انت، انت مش خدتها وهربت معاك؟؟، جاي تسألني عليها ليه
=مراد بزعيق: حنين اتخطفت وانا متأكد انك اللي ورا الموضوع كله
_الأب بصدمه: حـ حـ حنيين مين اللي اتخطفت، انطق بنتي فين
=انا همشي دلوقتى بس اقسم بالله لو عرفت ان ليك يد في موضوع لـ هيكون يوم موتك انت واللي معاك وميهمنيش انتو مين بقا
سيبته ومشيت وانا تايه.....مين اللي خطافها؟معقول يكون يوسف؟؟؟! ازاي وهو في المُستشفي؟؟ ممكن يكون بعت حد، لا انا مش هسكت لا
طلعت أجرى على المُستشفي وانا في دماغي ألف سؤال وسؤال وخايف لـ يكون يوسف ليه يد في الموضوع،دخلت الاوضه لقيت كريم وندي ويوسف قاعدين مع بعض بيضحكوا وأول مـ شافوني ظهرت علامات الصدمه والغضب على وشهم...."
_يوسف بغضب: انت ايه اللي جابك هنا، مش كفايه اللي عملته
=مراد بزعيق: اسمع....انا مش جاي أرغي معاك... قولي حنين فين وانا همشي علطول
_ندي بأستغراب: هي حنين مش معاك!!!
=مراد بحُزن: حنين اتخطفت
_ندى بفزع: انت بتقوووول ايييه
=مراد بتحذير: اقسم بالله يـ يوسف لو ليك يد لـ هيكون آخر يوم في عمرك، سلام يااا..... هه ياصاحبي
_يوسف بجديه: استنى انا ممكن اساعدك
مراد.....
يتبع.....
بارت مليان ألغاز عارفه ايوه🙂😂
تفتكروا مين اللي خطافها؟؟ وهل يوسف هيساعد مراد فعلا ولا دي مكيده عشان ينتقم؟؟ وهل ابوها ليها بد في خطفها؟ توقعاتكوا💜
حبيبي_سبب_عذابي
بقلمي_Rahma_Essam
روح_قلم
#قبل__الاخيره
13
_يوسف بتردد: مراد استنى احنا ممكن نساعدك
=مراد بحُزن: يوسف.......لو دي طريقه عشان تخدعني وتنتقم مني يبقى اجّل اي انتقام دلوقتى لحد مـ ألحقها بعدين انتقم براحتك
_يوسف بحُزن: كده يـ صاحبي؟! تفكر فيا كده؟! انا خلاص صرفت نظر عن الموضوع وهسيبكوا في حالكوا ربنا يسعدكوا، تعالى نشوف هنتصرف ازاي، كلمت ابوها؟؟؟
=مراد بحُزن: اه روحتله بس باين انه ميعرفش حاجه عن الموضوع فعلًا
_طيب انا هكلمه اشوفه فين واخليه يجي نشوف حل سوا
ندى.....
استغربت لما يوسف عرض المساعده على مراد وهو كان عايز يبلغ عنه ويسجنه أصلًا، حسيت بغدر منه ومن طريقته بس طردت الفكره دي من دماغي، ممكن فعلًا يسيبهم في حالهم ويساعدهم ويهدي بقا، بعد فتره أبو حنين جه وكان باين عليه علامات الحُزن....."
_اتفضل يـ عمي حمدالله على السلامه
=الأب بحُزن: الله يسلمك يـ يوسف، عامل ايه يابني دلوقتي
_يوسف بأبتسامه: الحمدلله احسن
=مراد بملل: احم
_يوسف بتذكر: ااه صح نسيت، زي ماسمعت يـ عمي أن مراد قال ان حنين اتخطفت وانا اتصلت بحضرتك عشان نقعد مع بعض ونفكر بهدوء مين الـ ممكن يكون عمل كده بعيدًا عن الخلافات الشخصيه الـ بينا
=انا مليش كلام معاه انا عايز اعرف بنتي فين، هو مش عمل نفسه راجل وخدها واتجوزوا من ورايا؟ معرفش يحميها لي، بأستهزاء: ولا الرجوله دي مبتظهرش غير علينا احنا بس
_كريم بهدوء: يـ عمي احنا جايين نحل الموضوع مش جايين نتخانق ياريت نتجنب اي مشكله دلوقتى بنتك في خطر
=الأب بزعيق: انت مالك انت ايه اللي دخلك بينا؟؟
_كريم بإحراج: احم، انا بس اقصـ....
=الأب بمقاطعه: أخرس متتدخلش بينا
_مراد بزعيق: لااااا انت زودتها اوووي، بيقولك بنتك مخطوفه وانت بتزعق وبتجيب في القديم ومش هامك حياتها، شكلك انت اللي خطفتها وعملت كده
=الأب بغضب: انت قليل الادب ازاي تكلمني بالطريقه دي
فضلوا يتخنقوا وكريم ويوسف بيحاولوا يحوشوا بينهم لحد مافون مراد عمل صوت رنه أن اتبعتت مسدج اول ماشافها علامات وشه اتغيرت وكانت صدمه لينا كلنا!!"
_مراد بغضب وزعيق: يوساااااااف
=يوسف بأستغراب: في ايه بتزعق ليه
_مراد بغضب: اي ده؟؟؟!
كلنا اتصدمنا لما شوفنا صوره حنين مربوطه وباين عليها انها مضروبه وفي سكينه محطوطه تحت رقبتها ومسدج محتواها "لو مطلقتهاش وبعت ورقه طلاقها اعتبرها في ذمه الله"
_يوسف بصدمه: مراد، انا والله مـ ليا دعوه بالكلام ده ولا اعرف حاجه عنه
قرب منه ومسكه من رقبته..."
=مراد بغضب: امااال مين؟؟؟ مين ليه مصلحه غيرك اننا نتطلق رد عليا
_كريم بصدمه: اهدي يامراد خلينا نفهم منه
=مراد بزعيق: اهدي اي هااا اهدي اي، مراتي هتموت وبتقولي اهدي؟؟
وبعدين ضرب يوسف بالبوكس ومسكه من رقبته"
_انطق مراتي فين عشان مقتلكش دلوقتي
كريم شد مراد وخرجه بره الاوضه بالعافيه ويوسف بيكح جامد وانا وعمو ابو حنين مصدومين من الـ بيحصل، عمري ماتخيلت أن اشوف حنين بالمنظر ده او حد يدمر صاحبه بالطريقه دي"
_كريم بعصبيه: اهدي يـ مراد اي اللي عملته ده كان ممكن يموت في ايدك
=مراد بغضب: انت مش شايف عمل ايه
_كريم بغضب: اي إثباتك أن هو اللي عمل كده مـ ممكن يكون حد تاني
=متعصبنيش عليك مين ليه مصلحه انه يعمل كده غيره
_روح شوف عامل عداوه مع مين وخطف مراتك
=ماشي يـ صاحبي بس اقسم بالله لو هو اللي عمل كده لـ هقتله وانا حلفت
بعد شويه دخل كريم وكان باين عليه الضيق شدني من أيدي وخدني جمبه واتكلم بعصبيه"
_كريم بعصبيه: يـ خساره يـ صاحبي، كنت واثق فيك ومكنتش اعرف انك بالنداله دي
=يوسف بصدمه: كريم انت مصدق اني عملت كده بجد؟؟؟
_كريم ببرود: ومصدقش ليه، كنت عايز تسجنه ومش بعيد كمان تكون خطفت مراته
=يوسف بعصبيه: انت عارف كويس ان انا مكنتش هسجنه وكنت بقول كده تهديد وبس وان مقدرش اعمل كده وخلاص سامحته، ليه تشك فيا كده
_كريم ببرود: انا مبقتش أثق في حد فيكوا وتعبت منكوا انا ماشي سلااام
يوسف خد الفون واتصل برقم....
_هبعتلك صوره واحد ورقمه وتقولي هو راح فين انت فااهم
________________________________
_حنين بعياط: ابعد عني انت مين وعايز مني اي
=الراجل ببرود: هتجوزك
_حنين بصدمه: ايه مين فين انت بتقول ايي؟؟؟ هتتجوز واحده قد عيالك؟ لا وكمان متجوزه! سيبت ده كله وجتلي انا؟؟؟
=الراجل ببرود: مش متجوزك حبًا فيكِ انا هنتقم من ابوكِ، بالمناسبه جوزك هيطلقك
_حنين بصدمه: بـ بـ بابا! هو عملك ايه!
=هتعرفِ كل حاجه في وقتها
_حنين ببراءه: احكي بالله عايزه اعرف
=الراجل بضيق: بطلي رغي بقا
_وحياه أغلى حاجه عندك احكيلي
لقيته سرح شويه وعينه دمعت وبدأ يحكي...."
_ابوكِ زمان كان صاحبي وكان أغلى حد ليا، غدر بيا واتجوز حبيبتي وبعدنا عن بعض وحصلت مشاكل بس معرفتش ارجع امك ولا عرفت ارجع طيبه قلبي، قررت اراقبهم وانتقم منهم وعرفت انهم خلفوكي وكنت متابعهم دايما لحد ماجت الفرصه وخطفتك وهتجوزك وهحرق قلبه عليكِ
_حنين بتأثر: اما قصه عابره بصحيح، تعرف انا في نفس المشكله... اه والله وصاحب جوزي بيراقبـ...نـ....ـا ينهااااااااار، يوسف لما نكبر هيخطف بنتي؟؟؟؟؟
=الراجل بغضب: بس بقا كلتي دماغي، خلينا اكلم المحروس جوزك هيلحقك ولا لا، ألو... مراتك عندي، هات المأذون وتعالى طلقها بالذوق احسن تكون ارمل وأحرق قلبك عليها، وبالمناسبة لو فكرت تبلغ اعتبرها ميته
_مراد ببرود: ابعتلي العنوان انا اصلا َمجاش ليا من وراها غير المشاكل ووووو
يتبع....
البارت الجاي ان شاء الله اخر بارت ولو في تفاعل هنزل النهارده💜
مراد هيطلقها فعلا؟؟ كريم هيقطع علاقته بيهم؟؟ حنين اي موقفها من طلاق مراد وحياتها الجديده؟؟ توقعاتكوا💜
حبيبي_سبب_عذابي
بقلمي_Rahma_Essam
روح_قلم
14 و الاخير
_ندى بقلق: كريم انت كويس؟
=كريم بتعب: متقلقيش انا تمام، تقدرِ تروحِ انتِ تعبتِ معانا
_سيد عيب متقولش كده احنا اهل
=كريم بأبتسامه باهته: والله انتِ رايقه
_فك كده مفيش حاجة تستاهل، انا اهو متبهدله من اول الحكايه بس عايشه حياتي
=كريم بحب: هعيشها......هعيشها يـ ندي
_ندى بكسوف: مالك ياض بتبصلي كده لي!!!
=كريم بأستغراب: ياض!! بتقوليلي انا ياض؟؟
_اقولك اي يعني
=تيجي ناكل ايسكريم؟
_ندى بفرحه: هيييه يلا
=كريم بأبتسامه: يلا
________________________________
_الراجل بأبتسامه شريره: جاي دلوقتي اهو وهيطلقك وهتكوني ملكي خلاص
=حنين بصدمه: انت بتقول ايه، مستحيل مراد مش هيسبني ابدًا
_هانت يقمر وهتشوفي بنفسك
=حنين لـ نفسها: اكيد لا....انا متأكده انه بيكدب اكيد مش بعد ده كله يسيبني يعني اكيد بيضحك عليا
________________________________
_يوسف ببرود: عملت اللي قولتلك عليه؟؟
=حصل يـ باشا وده المكان اللي وقف عنده
_تمام ابعتولي حسام يطلع معايا
=احم، حسام باشا اتنقل من هنا وجه مكانه حد جديد بس اييييه بططططططل
_ابعتهولي على المكان ده ورايا، هسبقه انا
________________________________
مراد...
ماشي تايه ومش عارف اعمل ايه.....المشاكل نازله ورا بعضها على دماغي وحاسس اني هموت من كتر التفكير، مبقاش عندي طاقه لكل ده أعلنت انسحابي من حبي ليها اللي مجابليش غير وجع القلب والخراب، روحت وانا معايا المأذون وداخل على المكان وانا قلبي بيوجعني وحاسس انه بيتفرتك من الوجع......معقوله بعد العمر ده كله هسيبها؟ معقول هوافق على طلاقها بسهوله كده؟؟بس انا......بس انا مش عارف اعمل، مش عارف اتصرف ازاي ولا اروح لـ مين، كل اللي معايا خلاص مشيوا مبقاش في حد يسندني، بقيت وحيد خلاص.....بقيت لوحدي ومفيش حد معايا"
دخلت المكان اللي قال عليه وانا مش حاسس بأي حاجه غير وجع قلبي، لمحت ناس واقفين عند باب مخزن كده روحتلهم وخدوني للراجل اللي خطفها......شكله كبير ومخيف اول مره اشوفه في حياتي ولا مره شوفته مع يوسف، قرب عليا بضحكه مستفزه....."
_الراجل بأستفزاز: طلعت بتفهم وخايف عليها فعلًا تعالى معايا
كانت مربوطه وباين عليها الحُزن والتعب، يمكن النظره الـ بصتهالي ساعتها لو عيشت 100 سنه مقدرش انساها، نظره كسره وخذلان وخيبه امل، دموعها ساعتها مقدرش انساها كانت بتنزل وبتعذبني في نزولها، فوقت على صوتها وهي خايفه تتكلم واللي في دماغها يطلع صح....."
_حتين بعياط: مراد انت هتسيبني؟؟؟
قلبي وجعني من الخوف اللي في صوتها وانهار من الوجع، روحت قعدت وطلبت من المأذون يطلقتا وانا بحاول اتجنب اني ابصلها أو ألمحها"
________________________________
في نفس الوقت في مكان تاني...
_يوسف بغضب: الو....انت يازفت انت.... فين اللي قولتلي انهم هيحصلوني
=والله يـ باشا هما خرجوا وراك علطول
_يوسف بضيق: طب اقفل اقفل يلا شكلهم جم
يوسف.....
ليا صاحب قديم عزيز عليا ظابط.....كُنا اكتر من الأخوات بس الدُنيا فرقتنا، بكلم العسكري بتاعه اسأل عليه عشان فونه مقفول وكمان هيساعدني ارجع حنين، قالي هو في مهمه و اتنقل واي حد بيحتاجه بيبعتلوا ظابط تاني مكانه... بس ظابط ايييه؟ ديي جممممل، اول مره اشوف قمر كده بجد، نزلت من العربيه وانا نسيت انا جيت ليه اصلا، فوقت على صوتها وهي بتحاول تتصنع الجديه....."
_حضرتك استاذ يوسف الـ قالولي عليه؟؟؟
=..
_يا استاذ
=..
_ماترد ياعم انت
=يوسف بتوهان: اه انا، انتِ مين ياقمر
_مع حضرتك اسيل الرفاعي مكان المُقدم حسام
=اه انتِ اسيل فعلًا
_اتحرك يابني قُدامي انت وهو اما نشوف آخره اليوم ده ايه
مشينا وابتدينا نشوف المكان كويس والعساكر بدأو يحاصروا المكان، وانا سرحان في جمالها وفي عالم تاني خالص....."
________________________________
_مراد ببرود: قبل ماطلق عايز اعرف انت مين
=عامر الشناوي
_مراد ببرود: خطفت مراتي ليه وعايز منا اي
=عامر ببرود: حساب قديم مع ابوها وبصفيه
_مراد بأنفعال: يعني هو حساب قديم مع ابوها وتاخد حقك مني انا؟؟
=صوتك ميعلاش واتكلم عدل عشان مقتلش الحلوه دي
يوسف...
سمعنا صوتهم جوا وقررنا اننا نهجم، بدأنا نتسحب واحده واحده لحد مابقينا قريبين منها وطلعنا انا واسيل رافعين السلاح وبنهددهم أن كل واحد يقف مكانه بس حصل اشتباك..."
مراد....
بعد ما قالي ان الموضوع متعلق بأبوها وأنه مالوش علاقه بـ يوسف فرحت بس زعلت من نفسي علي اللي عملته في صحبي، مش عايز أطلقها مش عايز اكسرها، فضلت ادعي في سري "يامغيث اغيثني" لحد ما لقيته اغاثني فعلًا وبعتلي صاحب عمري ينقذني، بدء الاشتباك بينهم وانا جريت على حنين عشان احميها بس عامر لحقها قبل مني وحط السلاح على دماغها وانا مش عارف اتصرف ازاي، صوت طلقه خرج وانا خايف افتح عيني يكون اللي في دماغي صح......فتحت عيني ببطء لقيت الطلقه جت في رجل عامر وحنين بتجري عليا وهيا منهاره ويوسف واسيل بيقربوا مننا بأبتسامه....."
_يوسف بأبتسامه: حمدالله عالسلامه يـ صاحبي، حقك عليا ياحنين
=مراد بفرحه: طول عمري بقول عليك سندي بعد ابويا
_يوسف بأبتسامه: حبيبي يـ... حاااسبي
في ثواني لقينا يوسف بيزق اسيل والطلقه جت فيه من عامر!!! كنت هتجنن..... صاحبي اخويا بيموت بين أيدي! حنين عيطت واسيل صرخت بتتطلب الإسعاف وانا مجاش في بالي اي حاجه غير اني اكلم كرييم.... لازم نكون مع بعض في اللحظه دي مينفعش نسيب بعض...."
_مراد بدموع: ألو يـ كريم ألحقني يوسف اتصاب
=كريم بفزع: ايه انت بتقول اييه، مستشفى اي انا جاي دلوقتى
_مراد بدموع: مستشفى......، بسرعه يـ كريم مفيش وقت
حنين كانت منهاره خدتها في حضني وفضلت أهديها ولاحظت دموع اسيل وحُزنها على يوسف، جت الإسعاف خدته وركبت انا وحنين في عربيتي اللي جيت بيها واسيل مع يوسف، وصلنا المُستشفي ودخلوا اوضه العمليات واحنا أيدينا على قلبنا وكل شويه ندعي ونصلي، كريم جه هو وندي اللي لما وصلت عيطت وخدت حنين في حُضنها وفضلت تهديها وانا وكريم مع بعض زي كل مره بس المرادي ناقصين!! المرادي واحد منا بين الحيا والموت ومحدش عارف ايه اللي هيحصل، سمحت لدموعي تنزل مش هقدر اتماسك اكتر من كده، خرج الدكتور وكان باين عليه التوتر......"
_مراد بلهفه: خير يـ دكتور يوسف اخباره ايه
=الدكتور بقلق: العمليه كانت خطيره.... ادعوا الـ 24 ساعه الجايين يعدوا على خير
فضلت دقايق استوعب هو قال ايه!! يعني ايه ندعى الـ 24 ساعه الجايين يعدوا على خير!! يعني ممكن يموت صح؟؟ فوقت من صدمتي على صوت اسيل وهي بتزعق مع الدكتور عشان عايزة تدخل تشوفه والدكتور رافض...."
_اهدي يا اسيل مينفعش كده
=اسيل بعياط: لا مش ههدي انا عايزه ادخله.. مش انا بس كلنا...... كلنا عشان يحس اننا جمبه، ده ضحى بحياته عشاني وانا مستحيل اسيبه يموت، مش هعرف اعيش بالذنب ده
سكتنا لحظه وبصينا لبعض ووافقنا واتجاهنا لأوضته وتجاهلنا كلام الدكتور، وقفنا قدامه كلنا وكل واحد بدأ يتكلم...."
_حنين بدموع: اصحى يـ يوسف انا محتجاك جمبي امال مين اللي هيزعق لمراد لما يزعلني؟؟
_مراد بحُزن: فوق يـ يوسف انا دايمًا اقولك انك سندي بعد ابويا متكسرنيش
_ندى بدموع: يلا يـ يوسف اصحى عشان تسلمني لعريسي في فرحي، تعرف مين هو؟؟ كريم اخوك قوم يلا
_كريم بدموع: فوق يخويا مينفعش تسيبنا لو مشيت كلنا هنقع ومحدش هيسندنا احنا بنستقوي بيك
=اسيل بأبتسامه ممزوجه بدموع: فوق يلا عشان اتجوزك مانا مش هسيبك سنجل كده وكل واحد مع عروسته
ابتدي يفوق ويحرك ايده وعلامات الفرحه علينا كلنا، الدكتور دخل وطمنا انه كويس وهو لحظه بـ لحظه ابتدي يفوق وبقا صاحي وفايق ومدرك لينا وبيهزر معانا ونظراته لأسيل كل فتره وكلنا لاحظنا ده وفرحناله عشان جت اللي هيكمل حياته معاها"
بعد شهرين كان فرحنا احنا التلاته فـ يوم واحد وكنا بنجهز بعض وفرحانين لبعض اننا حتى في فرحنا عملناه سوا ومتفرقناش وفضلنا مع بعض عـ الحلوه والمُره"
بشكر الظروف اللي ربنا حطنا فيها عشان نوصل لحاله الفرح والسعاده الـ وصلنالها وأدركت فعلًا أن كل ظرف صعب بنتحط فيه بيكون وراه خير كبير يعالم هيكون على شكل ايه بس هيجبر بخاطرنا في الاخر"💜
تمت💜
حابه رأيكوا في الـ كومنتات وايه الغلطات اللي وقعت فيها عشان مكررهاش تاني💜
شكرا لتشجعيكم ليا وانتظروني في الجديد وان شاء الله يكون احسن💜
حبيبي_سبب_عذابي
بقلمي_Rahma_Essam
روح_قلم
تعليقات
إرسال تعليق