 |
6
_مراد بأرتباك: اا ا ح حاجه اي ا اللي عايز تعرفها
=يوسف بغضب: مرااد...متعملش نفسك من بنها، انت وهي بقالكوا فتره مش مظبوطين وفي حاحه باينه عليكوا، تقدر تقولي كنت معاها بتعمل ايه؟؟ ولا انتوا بتظبطوها سوا وبتتقابلوا من ورايا وكل ده على قفايا
_مراد بعصبيه: اخررس انت بتقول اييه
=يوسف بزعيق: بقول الحقيقه اللي شايفها واللي انا مش عايز اصدقها، بس هي حقيقه....اتفضل قول سامعك
_...
=يوسف بعصبيه: انطق يامراااد فهمني اعصابي مش قادر
_...
=يوسف بأنفعال: تمام اووي
سابني وطلع وانا مش عارف اتصرف ازاي ولا اعمل ايه، رغم أن يوسف طيب بس عصبيته تهد جبال ووقت غضبه مبيرحمش حد مهما كان مين ولو حكيت حاجه دلوقتي مش بعيد يقتلني ويقتلها"
_________________________________
_حنين بألم: اااه ااااه دمااغي انا فين
=الأب ببرود: في المستشفي
لقيت يوسف دخل الاوضه وكان باين انه متعصب وانا مش فاهمه ايه اللي بيحصل ومخليهم متغيرين كده!"
_حنين بأستغراب: مالك يا يوسف متعصب لي
=اتصلت بـ ندى هتييجي دلوقتى وتساعدك تلبسِ ونخرج ونبقي نشوف هنعمل اي
_حنين بأستغراب: هنعمل ايه في ايه!
=يوسف ببرود: لما نخرج هتعرفي، ندى جت اهيه، بعد اذنك ساعديها تقوم وتظبط حجابها وياريت بسرعه يلا احنا ياعمي
_حنين بأستغراب: هما مالهم كده في ايه واي اللي حصل
=ندى بقلق: كارثه ياحنين، وانتِ نايمه فضلتي تهلوسي بأسم مراد والموضوع مش هيعدي على خير، وانا جايه قابلته وحكالي وقالي اقولك متحكيش على حاجه ولا تتكلمي
_حنين بأرتباك ودموع: انا انا خايفه، خايفه اووي ياندي
=ندى بدموع: رينا يسترها يلا قومِ عشان نجهز
سندتني وقومت معاها وانا بتمنى أن يحصل حاجه ومخرجش من الاوضه دي، مش قادره اواجهه او اتكلم حاسه ان قلبي هيوقف من كتر الدق والرعب، خلصنا ونزلنا لقيناهم مستنيين تحت وباين على مراد علامات البرود، طول عمره مبيظهرش قلقه أو انفعاله لحد، ركبنا العربيه وبعدها بشويه لقيت يوسف نزلنا في مكان فاضي وواقف قدامنا ووشه مفيهوش اي تعبير عن حالته...."
_يوسف ببرود: سامعكوا
=حنين بأرتباك: ي ي يوسف في ايه انا انا مش فاهمه حاجه
_ايه اللي بينك وبين مراد؟؟؟
=حنين بخوف: اا ا اي اللي بينا ازاي مش فاهمه
_الأب بغضب: اللي بينك وبين مراد ياحنين، كنتِ معاه بتعملي اييه وفي بينكوا اييه رددي
لقيت بابا بيتكلم بعصبيه وبيقرب عليا وباين انه هيضربني فـ لحظه لقيت مراد واقف قدامه وواخدني ورا ضهره وملامحه اتحولت تمامًا من البرود للغضب والموضوع كده هيتعقد اكتر...."
_مراد بغضب: ايه ياعمي هتضربها قدامنا ولا ايه
=الأب بزعيق: وانت ماااالك انت بنتي وبربيها، ومالك بتحميها كده ليي، انطق ايه اللي بينكوا متجننيش
_مراد ببرود: عايز تعرف ايه اللي بينا؟؟ تمام.....انا وحنين بنحب بعض، مش من امبارح ولا النهارده، من زمان.....من واحنا صغيرين واحنا مع بعض وانا اللي كنت بسندها ومعاها في كل حاجه، جيت انت عالجاهز خدتها مني وبعدتها عني، بس خلاص مش هسمح انها تبعد عني تاني
شدني من ورا ضهره وخدني في حضنه وانا مصدومه وخايفه من رد فعل بابا ويوسف اللي باين انهم هياكلوه...."
=الأب بغضب: اببعددد ايييدك عننهااا، وايوه انا اللي اصريت اخدها....عايزني اسيبها معاك ازاي والبت كبرت وانت شاب هاا؟! انا مصدقت اننا سافرنا وبعدنا عنك سيبنا بقا وابعد عن بنتي
_مراد بغضب: وانا قولت مش هسيبها تاني
بابا ومراد فضلوا يتخانقوا بصيت على ندى لقيتها واقفه في جمب لوحدها كده وعنيها مدمعه والخوف باين عليها ويوسف كان واقف ساكت مبيتكلمش وباين عليه الصدمه والكسره، لقيته اتحرك نحيتنا وواقف قدامي انا ومراد ببرود وانا خايفه من رد فعله...."
_مراد بحُزن: يوسف، والله انا حاولت أمنع نفسي بس مقدرتش انت مصدقني صح؟
=يوسف ببرود: يخساره ياصاحبي....كان نفسي اصدقك بس انت طلعت خاين، كان ممكن تقولي من الاول وكان الموضوع هيكون احسن من كده بس انت بغبائك ضيعت كل حاجه، هنروح النهارده وبكره هنكتب الكتاب
_مراد بصدمه: ي ي يوسف يوسف انت بتقول اييه، انا بحبها يا يوسف
=وانا كمان بحبها ياصاحبي بس يخساره انا اللي سبقتك، يلا ياعمي
شدني من مراد ودخلني العربيه وندي ركبت جمبي ومراد واقف مبيتحركش وانا منهاره، اكيد لما نكتب الكتاب مش هيسيبني في حالي بس لا انا مش هسمح بكده انا....انا لازم اتصرف"
ووو
يتبع...
ياترى حنين هتعمل ايه وهتتصرف ازاي؟! توقعاتكوا💜
#حبيبي_سبب_عذابي
#بقلمي_Rahma_Essam
7
_حنين بعياط: اعمل ايه ياندي، هتجوز واحد مبحبوش ومش عارفه اتصرف فكري معايا
=ندى بقلق: اهدي ياحبيبتي كل حاجه هتتحل والله متفكريش في حاجه دلوقتى هتتعبِ
_حنين بدموع: طيب بصِ....كلمي مراد هو هيتصرف اكيد مش هيسبني لا اكيد هيقنع يوسف وبابا
=مهما عمل مش هقتنع وبرضوا هتجوزك
بصيت لقيت يوسف واقف وباين على وشه الغضب وانا هموت من الرعب...."
_حنين بأرتباك: اا ا ي يوسف، اا انت هنا من امتي
=يوسف بغضب: من ساعه مـ كنتي عايزه مراد يتصرف، صدقيني لو جبتِ سيرته قدامي تاني انا مش هرحمك، خدِ فستان كتب الكتاب....خساره فيكِ
رماه في وشي وخرج ورزع الباب وراه، انا عمري مـ اتعودت عـ البهدله كده، بابا هو السبب....هو اللي بعدنا عن بعض كان زماني معاه وكتب كتابي انا وهو بكره...كنا زمانا فرحانين كان فيها ايه لو كان وافق اتجوز مراد!! اكيد في حل مش هفضل كده"
________________________________
_مراد بعصبيه: هتجنن يـ كريم هتجنن مش عارف اعمل اي، ازاي يقبل على نفسه انه يتجوز واحده مبتحبهوش وبتحب صاحبه! ازايييي!
=كريم بأرتباك: الصراحه بقا انت اللي غلطان وانت عارف يوسف كويس وعارف تصرفاته لو حاجه كسرته أو زعلته، وانت كسرته يـ صاحبي
_مراد بزعيق: قولتلك انا معملتش حاجه، انا كنت ببعد عنها على قد مـ اقدر واليوم اللي قابلتها فيه كانت صُدفه ومكنتش اعرف ان كل ده هيحصل!!!
=كريم بهدوء: خلاص متزعقش خلينا نتصرف
(كريم رشدي، صاحبهم التالت ودايما معاهم، مرح ومبيحبش النكد وبيفكر كويس في الحاجه قبل مايعملها)
_مراد بتفكير: كريم عايزك تساعدني
=كريم بقلق: اسستررررر
مراد: هو اكيد خد منهم الفون بتاعهم.....عايزك تلبس لبس اي مطعم وتروحلهم على أنهم طالبين اوردر وتحطلعهم ورقه في الأكل وهقولك على الكلام اللي انا عايزه و
كريم بغضب مخفي: ايوه انت ازاي عايزني أوافق على كده! يوسف ميستاهلش مننا كل ده انت فاهم؟!
مراد بزعيق: انا معملتش حاجه انتوا مش فاهمين ليييه، انا بحببهااا بحبهاااا افهموا، من يوم ما اتولدت وهي معايا مسبتهاش، أهلها مشيوا وانا اللي ربيتها.....انا كل أهلها، ازاي عايزني اتنازل بكل سهوله!؟ يوسف مفكرش فيها ولا فيا....فكر ازاي ينتقم مننا، انت عارف لو اكتب كتابهم هيعمل فيها أي؟ عارف العذاب اللي هعذبهولها؟ عارف حياه الجحيم اللي هيعيشوها سوا؟ متعرفش حاجه لأنك أنت مش حاسس بيا، مش عايز حاجه ياصاحبي انا هتصرف
كريم بتردد: اا ا اس استنى، اتنهد: انا موافق
________________________________
_ندى بأستغراب: حنين انتِ طلبتِ اكل!
=انا؟! لا لي؟
_في اوردر جه بأسمك
=حنين بأستغراب: هاتي كده اشوفه
استغربت لأن مين اصلا هيكون عايز ياكل ونفسيتنا زفت كده؟ خدت الشنطه وفتحتها لقيت فيها اكل وتحتيه ورقه! أي ده؟؟ فتحتها وقرأت اللي فيها، عرفت انه مراد وفرحت جدا بس خايفه....خايفه الموضوع ميعديش أو أن مراد يتأذى...."
_ندي بقلق: حنين انا قلقانه اوي
=حنين بخوف: متخافيش.....هيعدي كله هيعدي
عدي اليوم ومعاد كتب كتابي قرب....كل ثانيه ضربات قلبي بتزيد من كتر الخوف، عمري ماتوقعت أن كل ده هيحصل بس مضطره....ان شاء الله الموضوع يعدي على خير..."
_حنين بخوف: جاهزه؟
=ندى بقلق: مرعربه ياحنين
_حنين بضيق: مفيش وقت للخوف يـ ندى يلا
خلصنا التجهيزات وظبطنا كل حاجه وجه المأذون، خرجت بره وانا قلبي بيدق بطريقه بشعه ومش عارفه اتصرف ازاي، قعدت جمب يوسف وكان مستغرب منظري واللي انا لبساه على وشي بس تجاهلته، بعد مـ مضيت والمؤذن مشي يوسف بيرفع الطرحه ببطء..."
يوسف بغضب: حنيييييييين
وووو
يتبع
تفتكروا اي الورقه اللي كانت مكتوبه واتبعتت لحنين؟ وايه اللي عصب يوسف؟ توقعاتكوا💜💜
حبيبي_سبب_عذابي
بقلمي_Rahma_Essam
8
_حنين بخوف: مرااد...براحه انت بتجري بسرعه اووي
=يلا ياحنين مفيش وقت وصلنا اهو هنركب العربيه ونروح عند المأذون ونخلص
_حنين بأرتباك: اا م مأ مأذون!
=مراد بأستغراب: مالك في ايه!؟
_حنين بخوف: احنا هنتجوز؟؟؟
=مراد ببرود: امال انا خدتك اعمل بيكِ ايه؟؟؟!
_حنين بحُزن: لا مينفعش بابا ميعرفش
=مراد بهدوء: حنين متخلنيش افقد اعصابي عليكِ تمام؟
_طيب قولي خططت لـ ده كله ازاي انا مش فاهمه حاجه، وندي....عامله ازاي دلوقتى، هي كده اتجوزت مكاني؟
=اتنهد: بصي ياستي
Flash back
_زي ماقولتلك ياكريم، هتاخد الورقه وتكتب فيها "خلي ندى تلبس الفُستان مكانك" وحطها تحت الاكل و خبي نفسك عشان محدش يعرفك أو الأحسن انك تبعت حد، وبعدها ابعت اي واحده من اللي تعرفهم تاخد حنين وتهربها من البلكونه وتجيلي عند.....وانا هكون مستنيها هناك بالعربيه
=كريم بقلق: ممكن يوسف يكون عامل حسابه أن في حاجه زي كده هتحصل ومنعرفش نهربها
_متقلقش انا مراقب الجو هناك ومفيش اي حاجه
=كريم بقلق: تمام يـ صاحبي ربنا يستر
Back
=وبس ياستي ده اللي حصل، انتِ عملتِ اي هناك انتِ وندي
_هقولك...الاكل لما اتبعت...
Flash back
_حنين بقلق: اي ده! في ورقه مبعوته كاتبلي فيها خلي ندى تلبس الفُستان مكانك، ده اكيد مراد
=ندى بأستعباط: ندى مين
_حنين بأستغراب: ندى انتِ هو في غيرك
=ندى بضحكه: لا يراجل يعني انا اللي هتجوز؟!
_حنين بقلق: باين كده
=مستحييييل
After 30 minutes
=ندي بضيق: حنين اظبطي الطرحه شكلها وحش
_انا مش فهماكي بصراحه بتتجهزي كده لي وانتِ اصلا متدبسه في الجوازه!
=الااااه، هو جوازه ولا اتنين سبيني افرح، كملي ربنا يستر
_انا كده خلصت متنسيش تحطي الطرحه على وشك عشان عارفاكي مخك مش فيكُ
وانا بكلمها لقيت حد داخل معرفش راجل ولا ست بس كانت لابسه نقاب وهعتبرها ست لأن مراد مستحيل يبعتلي راجل ولو بعت اكيد مش هيخش كده!
_حنين بأرتباك: أن ا انتِ ميين
=الشخص بغضب: يلا بسرعه مفيش وقت
شدتني وكان في حبل مربوط في البلكونه، نزلت من عليه بس طبعا كنت مرعوبه لقيتها خدت ايدي وجريت، واحنا بنجري قابلتك وبس كده
Back
=تمام، يلا نروح عند المأذون عشان منتأخرش
_حنين بأرتباك: اا ا م مـ بلاش دلوقتي
لقيته وقف فجأه وباين عليه علامات الغضب"
=مراد بغضب: امال امتى هااا فهميني، لحد مايجي ياخدك مني؟؟! عايزه تضيعي من أيدي تاني ؟! لو انتِ مش عايزاني قوليلي لكن متعمليش كده، عايزاني استنى لحد مـ تتكتبي على اسمه وتكوني مراته؟؟ ، بزعيق: ردي عليا
_حنين بعياط: انت اكتر واحد عارف انا بحبك ازاي واستنيتك قد ايه بس انا خايفه مش بإيدي لازم اخاف
=مراد بحُزن: خلاص اهدي حقك عليا، لو مش عايزه دلوقتى خلاص وانا هتصرف
_حنين بضيق: انت صدقت ولا اي يلا عالمأذون
________________________________
_يوسف بغضب: حنين فييين انطقي
=ندى بخوف: مش عارفه والله
_يوسف بضيق: ندى.....صدقيني انا وقت عصبيتي مبقدرش اتحكم في نفسي، قولي بسرعه حنين فين عشان معملش حاجه تزعلك
=ندى بدموع: والله معرفش مقالتش
قرب منها وشدها من شعرها جامد وبصوت كله غضب..."
_يوسف بغضب: اومااال مين اللي يعرف هاا؟ لابسه فُستانها واتجوزتيني مكانها وضيعتي حياتك عشانها وفي الاخر متعرفيش هي فين؟؟ ردي عليا انطقي.
=ندي بدموع: والله ماعرف صدقني معرفش هي مشيت منغير ماتقولي
_يوسف بخبث: ومالوا راحت حنين انتِ موجوده والليله ليلتنا
=ندى بخوف: اا ا يوسف انت بتقرب ليه، بتفتح القميص ليه، يوسف استهدي بالله انا مليش دعوه بحوارتكوا
هجم عليها وضربها بالقلم وقطع فُستانها وندي هتموت من الخوف والعياط فجأه الباب اتكسر ودخل كريم شد يوسف وضربه بالبوكس
_يوسف بغضب: انت عبيط؟؟؟ ايه اللي انت عملته ده؟؟
=كريم بعصبيه: بفوقك قبل ماتقع في غلط وتروح في مصيبه
_يوسف بزعيق: انت مالك ياعم مراتي وانا حر فيها
=كريم بغضب: لا مش مراتك، انتوا متجوزتوش اصلا
_يوسف بصدمه: انت بتقول اييه!!
توقعاتكوا💜
بعتذر عن التأخير واحتمال ميكونش في بارت بكره عشان تعبانه شويه ومش قادره اكتب حقيقي دعواتكوا💜
حبيبي_سبب_عذابي
بقلمي_Rahma_Essam
روح_قلم
9
_يوسف بصدمه: انت بتقول اييه!!، متجوزناش ازاي يعني مش فاهم
=كريم بأرتباك: المأذون اللي جه كان معرفه قديمه وكنت متفق معاه يمشي الدنيا ويلغبط شويه حاجات في قسيمه الجواز بحيث ان يكون الجواز باطل ومتعملش حاجه فيها بحُكم انك جوزها
_يوسف بصدمه: انت كنت متفق مع مراد!! انتوا ازاي كده!؟ ازاي تدمروني كده؟؟ واحد خد البنت اللي بحبها والتاني اتفق معاه!؟ انا عملت فيكوا اي عشان تعملوا فيا كده؟؟ اطلع بره مش عايز اعرفك تاني
=كريم بحُزن: يوسف متعملش كده اسمعني بس
_يوسف بأنفعال وزعيق: اطلع بره مش عايز اشوف وشكك
بعد مـ كريم خرج يوسف فضل يكسر في الاوضه و كان في حاله انهيار وصدمه، احساس وحش برضوا لما حد من صحابك يخونك أو يحب خطيبتك والباقي يتفق معاه!!، ندى جريت عليه عشان تحاول تهديه بدل مـ يعور نفسه أو يحصله اي حاجه، زقها وقعها اتخبطت في طرف السرير ودماغها اتجرحت، لما وقعت وصرخت يوسف فاق من الحاله اللي هو فيها وشالها حطها على السرير وراح يجيب شاش وقطن عشان يعمل الجرح، وهو بيقرب منها عشان يعملها الجرح ندى خافت وبعدت عنه....."
_يوسف بحُزن: متخافيش مش هعملك حاجه، واسف على اللي عملته بس مكنتش حاسس بنفسي
=ندى بخوف: ت ت تمام قبلت اعتذارك، وشكرا لمساعدتك، بعد اذنك اخرج عشان اغير هدومي
قرب منها شويه
_يوسف ببرود: متفتكريش عشان اتأسفت أن كده هغفرلك على الـ عملتيه، حسابك معايا تقييل ومتحاوليش تهربي عشان هجيبك، خدي راحتك انا في الاوضه اللي جمبك
=ندى بصدمه: اي يارب الانفصام اللي عنده ده، جتك القرف
________________________________
"بارك الله لكما وبارك عليكما وجمع بينكما في خير"
اووف اخيرااا اتجوزنا انا مش مصدقه وحاسه اني بحلم! معقوله اكتر شخص حبيته وكنت فاكره ان مستحيل اكون من نصيبه بقا جوزي دلوقتى!؟ قد اي ربنا ده جميل وبيجبر بخاطر الواحد، فوقت من سرحاني على صوته وضحكته اللي بتخطف قلبي وهو بيقولي ..."
_مراد بأبتسامه: مبروك ياعروسه
=حنين بكسوف: الله يبارك فيك
_طب اي
=حنين بأستغراب: اي؟؟
_فين حضن كتب الكتاب؟؟
=حنين بغضب: شششش حضن اي و.
قبل ما كمل كان خدني في حضنه اصلا وفضل يضحك عليا المشمحترم ده"
_مراد بضحك: متتكسفيش بس عشان مش متعود عليكِ كده
=حنين بغضب: متكسفش لي يعني مش بنت ومن حقي اتكسف!!
_مراد بأبتسامه: لا ياستي مش بنت انتِ...
=حنين بمقاطعه: نعم نعم انت ازاي اصلا تقو...
_مراد بمقاطغه: ست البنات....ست البنات مخلتنيش اكمل، طول عمرك لسانك طويل ومبتصبريش تسمعي للأخر، يلا نمشي عشان قدامنا يوم طويل
=حنين بأرتباك: اا ا هو هو احنا هنروح فين
_هنروح اوتيل نقعد فيه لحد مانشوف مكان نسافرله ونبعد عن هنا
=حنين بخوف: طيب احنا احنا هنقعد في أوضه واحده!!
_مراد بأبتسامه: متخافيش انا مش ممكن اعمل اي حاجه لحد ما الأمور تتصلح
=حنين بأرتياح: تمام ماشي يلا
وصلنا الاوتيل كان جميل وباين عليه انه غالي، سرحت فيه وفضلت اتمشى واتفرج عليه، وبعدين طلعنا الجناح بتاعنا وفضلنا نضحك ونهزر ونسيت خالص ندى والمصيبه اللي حطيتها فيها!!...."
_حنين بخوف: مراد مراد، ندى انا نسيتها عايزه اتطمن عليها، ممكن يكون حصلها حاجه انا خايفه عليها
=اهدي مالك في أي، انا هكلم كريم دلوقتي واسأله عليها........الو ياكريم اي الأخبار عندك، ندى كويسه!!؟
_كريم بحُزن: لا ياسيدي الأخبار مش كويسه ولا ندى كويسه
=مراد بقلق: في ايه قلقتني!
_ندى امبارح كانت هتضيع ويوسف ضربها و.......ده اللي حصل ولولا اني لحقتهم كان زمان حصلها حاجه
=مراد بحُزن: تمام اقفل دلوقتي وهكلمك بعدين
_حنين بدموع: ندى بامراد لازم نلحقها، هي ملهاش ذنب
=مراد بقلق: اهدي انا هتصرف، يلا ننام والصبح يحلها ربنا
مراد نام وانا فضلت قلقانه على ندى واللي كان هيحصلها بسببي، طيب هي كويسه دلوقتى ولا لا، يوسف بعد ماعرف انهم مش متجوزين عمل اي، وندي حالتها اي دلوقتى، كل دي اسأله بتدور جوايا وانا مش عارفة اعمل ايه ولا اوصلها ازاي، استغلت أن مراد نام وخدت الفون واتصلت بيها....."
_حنين بدموع: الو.......ندي انتِ كويسه
=ندى بتعب: متقلقيش عليا، بتتصلي ليه كده خطر عليكِ
_حنين بدموع: ياستي مش مهم اي حاجه المهم اطمن عليكِ
=مش بعد اللي وصلناله ده تضيعي تعبنا، اقفلي يلا قبل مـ يوسف يجي
_يوسف بغضب: لا مانا جيت خلاص
الفون وقع من ايد ندى وباين عليها الخوف"
=ندى بأرتباك: ي ي يو يوسف، ا ا انت جيت امتي
_يوسف بغضب: كنتِ بتكلمِ مين
=ندى بخوف: دي دي دي واحده صاحبتي كانت بتسأل عليا
مسك الفون لقاه رقم مراد قفل المكالمه عشان ندى مكنتش قفلتها اصلا وحطه في جيبه وفضل يقرب منها ومسك شعرها جامد....."
_يوسف بزعيق: صاحبتك صح؟؟؟انتِ بتلفي على كل واحد شويه؟ امبارح كنتِ هتتجوزيني والنهارده بتكلميه!؟ اي الـوساخه اللي انتِ فيها دي،ان..
ندى ضربته بالقلم ويوسف كان مصدوم من اللي عملته....."
_ندي بغضب: الظاهر عشان سكتلك امبارح هتسوء فيها، لا فووق انت فاكرني هسكتلك! بعد كده او قولتلي كلمه هردهالك ألف ومش هسكتلك على أي حاجه هتعملها معايا وابعد كده عايزه امشي من هنا
=انتِ فاكره دخول الحمام زي خروجه؟؟، انتِ اللي دخلتي هنا بمزاجك وهتخرجي بمزاجي
راح يجيب حبل وربطها بعدين طلع الفون واتصل على رقم...."
_الو يبشه، معلش عايزك في خدمه، هبعتلك رقم عايزك تعرفلي مكانه فين
=حاضر ابعته وخمس دقايق وهرد عليك
_ندى بخوف: انت هتعمل ايه
=يوسف بضيق: حاجه متخصكيش
_ندى ببرود: ايوه يعني انت هتوصلهم وبعدها هتعمل ايه؟ هما خلاص زمانهم اتجوزوا! ابعد عنهم وشوف حياتك جريك وراهم مش هيفيدك بحاجه
الفون رن.....
_ايوه قولي العنوان معاك، اوتيل.....؟ تسلم يبشه شكرا
قام وشد ندى وركبها عربيته وهما في طريقهم لـ حنين
________________________________
_حنين بخوف: مراد.... مراد اصحي
=مراد بنوم: امممم
_حنين بدموع: انا خايفه قوم
=مراد بفزع: اي مالك في ايه
_حنين بعياط: انا اتصلت بـ ندى ويوسف عرف وخايفه يكون عملها حاجه
=مراد بغضب: يااا الله، قولتلك هتصرف انا اي اللي انتِ عمليه ده!! زمانه عرف مكانا، انا هنزل اجيب اورقنا تكوني لميتي الهدوم عشان نمشي بسرعه
_حنين بزعيق: انت بتزعق لي كنت عايزه اطمن عليها
=مراد بضيق: مش وقته يلا
قومت اعمل اللي قالي عليه وانا ركبي بتخبط في بعضها من كتر الخوف، معرفش احنا بنهرب منه لي، ممكن يعمل فينا حاجه برضوا، وانا مشغوله وبحط الهدوم لقيت حاجه بتخبط على كتفي...."
_حنين: مراد انا....بصدمه: يوسف!!
حط المسدس على دماغي
=يوسف بأبتسامه: وحشتيني ياروحي
ووووو
يتبع....
تفتكروا ايه اللي هيحصل؟ هل مراد هيلحقها ولا لا؟؟ واي مسير حنين؟ هل ممكن تموت؟؟ توقعاتكوا💜
حبيبي_سبب_عذابي
بقلمي_Rahma_Essam
روح_قلم
10
_حنين بأرتباك: اا ا يـ يوسف ا ا انت انت جيت هنا ازاي
=يوسف بشر: فكراني مش هعرف اوصلك بعد مـ أستغفلتيني وخونتيني مع صاحبي!!
_حنين بدموع: طيب طيب نزل السلاح ده ونتفاهم، انا مخونتكش والله
=يوسف بغضب: مش عايز اسمع صوتك امشي قداامي
_حنين بعياط: طيب اهدي اهـــ، يوساااااف
كان بيهددني بـ المسدس ولسه همشي معاه لقيته وقع على الأرض ودماغه بتنزف!! ، بصيت لقيت مراد اللي خبطه وواقف مصدوم، جريت على يوسف وانا منهاره ومش عارفه ابطل عياط وفضلت اهز فيه بس مكنش بيتحرك، لقيت مراد قومني وفضل يشدني عشان نطلع وانا مش عارفة اتحرك مـ الصدمه....."
_مراد بزعيق: حنييين، قوومي معايا لازم نمشي من هنا
=حنين بعياط: انت مجنون؟؟ ازاي هنسيبه في الحاله دي!!
_مراد بقلق: هكلم حد يلحقه بس يلا احنا قبل مـ حد يجي ويشوفنا كده
=حنين بغضب: ابعد عني انت واحد ندل مبتفكرش غير في نفسك
_مراد بزعيق: قولتلك قومي معايا يلا
=حنين بعياط: سبني بقاااا
_مراد بحزن: اسف يـ حنين بس مضطر اعمل كده
طلع حاجه من جيبه ورشها عليا وانا من بعدها مش حاسه بحاجه، مفتحه وشايفه بس مش قادره حتى ارفع ايدي، شالني وجرى بيا و واحنا طالعين ببص لقيت ندى في عربيه يوسف ومربوطه، مقدرتش حتى انادي عليها وفضلت بصالها وبعدها نمت محستش بحاجه...."
_مراد بغضب: الو....ايوه يا كريم ألحقني انا في مصيبه
=كريم بفزع: في ايييه
_يوسف اتهجم على حنين ورفع عليها المسدس وكان هيقتلها وانا خبطته على دماغه ودلوقتي هو بينزف وانا خدت حنين وجريت ومش عارف اعمل ايه، ألحقه بسرعاااه
=كريم بغضب: انت بتقول ايييه ازاي تسيبه في الحاله دي
_مش وقت زعيق، روح ألحقه وانا هاخد حنين وهروح في أي حته بس تبقى تطمني عليه
=كريم بقلق: ماشي انا نازل حالًا ربنا يستر
________________________________
ندى.........
كنت في العربيه ويوسف رابطني وانا قاعده مستنياه وقلقانه......خايفه يأذيهم أو يعملهم حاجه، بس لا هو طيب مش هيعمل حاجه لا، وسط تفكيري ببص لقيت مراد خارج جرى وشايل حنين وباين انها فيها حاجه.....كان شكلها غريب ومتبهدل وباين انها معيطه، شوفتها بالمنظر ده اتخضيت وحسيت أن قلبي هيقف من الخوف وفي اسأله كتير بتدور في دماغي. هي كويسه؟؟ طيب هي عامله كده ليه؟؟ ويوسف مجاش لي؟؟ مراد بيجري لي؟؟ اسأله كتير مش عارفة إجابتها ومش عارفه اخرج حتى اعرف، قطع تفكيري كريم وهو ساند يوسف وبيفتح العربيه وهدومهم غرقانه دم......"
_ندي بأرتباك: كريم.....ماله يوسف حصل ايه
=نمشي بس من هنا عشان الدنيا مقلوبه جوا وبعدين نتكلم
اتحركنا وانا قلقانه على يوسف وعلى شكله وهو غرقان دم ومتبهدل كده، هو همجي وعصبي بس طيبه الدنيا كلها اتجمعت في قلبه، اووف انا في ايه ولا في ايه، وصلنا البيت وكريم فكني وسندناه سوا وطلعناه وحطيناه على سريره، كريم نزل يجيب دكتور وانا فضلت جمبه، بعد دقيقتين كده فاق وكان بيتوجع جامد وانا مش عارفه اعمل ايه غير اني اعيط....."
_ندى بعياط: يوسف، في أي اهدي في اي
=يوسف بتعب: دماااغي دماااغي مش قادر اااه
_ندى بقلق: طيب اهدي اهدي كريم هيجيب الدكتور دلوقتى
=م.. ش.. ق.. ا
مكملش الجمله وغاب عن وعيه وانا اتصدمت وقلبي وجعني اووي، هو اه اذاني وكان بيضايقني بس ده بني آدم لازم احس بيه، فضلت احرك فيه مبيتحركش! طب وبعدين؟! روحت على دولابه اشوف فيه اي حاجه اربط دماغه بيها، طلعت قميص وربتطه وبعد دقيقتين الدكتور جه ووشه مكنش بيبشر بالخير ابدا....."
_الدكتور بغضب: انتوا ازاي تسيبوه كده! يلا خده عـ المُستشفى كده هيموت منكوا
قومنا جرى وسندناه....خدناه عـ المُستشفي وهناك خدوه على العمليات، فضل فيها حوالي 3 ساعات وانا وكريم على اعصابنا، بعد شويه خرج الدكتور ومكنش في علامات على وشه عشان افسر الأخبار حلوه ولا وحشه!...."
_الحمدلله لحقناه بس حاولوا تبعدوا عنه أي ضغط عشان لو اتعصب أو حصل حاجه ممكن الجرح يفتح تاني وساعتها مش هنعرف نوقف النزيف
=ندى بقلق: طيب يادكتور ينفع ندخله؟
_استنوا يتنقل اوضه عاديه وبعدين خشوا، بعد اذنكوا
=ندى بحزن: اي اللي حصل يا كريم
_كريم بحزن: كان رافع المسدس على حنين ومراد شافه خبطه على دماغه وخد حنين ومشي
=ندى بصدمه: انت بتقول ايييه، طب وحنين.... عامله اي دلوقـ..
لسه هكمل كلامي لقيت المُمرضه خارجه جرى وبتنادي على الدكتور...."
_كريم بقلق: في ايه اي اللي حصل
=المُمرضه بقلق: المريض اللي جوا قلبه وقف
_يوساااااف ووو
يتبع.....
هل يوسف مات ولا لا؟؟ وهل حنين هترجع طبيعيه مع مراد؟؟ موقف ندى َكريم ايه؟؟ توقعاتكوا💜
وبعتذر لو كتبت معلومه غلط وهو في المُستشفي😂💜
حبيبي_سبب_عذابي
بقلمي_Rahma_Essam
روح_قلم
تعليقات
إرسال تعليق