 |
بسم الله الرحمن الرحيم
****************
الحلقه الحاديه عشر
....................
توقفنا الحلقه السابقه علي اخذ الشرطه رامز وسهام بتهمه محاوله القتل
وختمناها بحلفان منيره بالطلاق
لتبات مع حمزه في المستشفي
وعرفنا سر كمال عزام وانو اتبني ليله
********************
في فيلا كمال عزام
بالتحديد في غرفه جهاد
كانت جهاد لسه في احضان والدها بتعيط
كمال:انا حكيتلك كل حاجه ي جهاد
ليله مش اختك
ليله اتبنتها من الميتم لما كنت فاقد الامل في الخلفه
ولما عرفت بحمل عائشه فيكي
كنت انا وعائشه اتعلقنا ب ليله كمان
ازاي نفرط فيها واحنا شعرنا بشعور العيله معاها
عشان كدا احتفظنا بيها وزورت في شهاده الميلاد كتبتها بتاريخ ميلاد من سنه
ودخلتها المدرسه علي الاساس دا
جهاد مسحت دموعها واتكلمت
جهاد: عشان لو ظهر ليها توام
نقول انها في البطاقه 20سنه مش 19
كمال: مكنتش اعرف ان ليها توام
عرفت متاخر متاخر قوووي
جهاد:ازاي
كمال: من حوالي خمس شهور حضرت فرح
وذهلت من الي شوفته
نسخه طبق الاصل من ليله
وعرفت وقتها انها رقاصه اسمها ليالي
خوفت علي ليله وبعتها تكمل تعليم برا مصر
جهاد:علي ليله
ولا علي اسمك
كمال: انا مش وحش بالطريقه دي
انتي من معاملتي مع ليله متتوقعيش انها مش بنتي
بدليل انك شكيتي انك الي ممكن متكونيش من دمي
جهاد:والعمل
ليالي توام ليله تبقي مرات حمزه
كمال:ااااي
الحوت يتجوز رقاصه
جهاد:انا حاارفض الحواز من جاااسر
مش حااسمح لاي فرصه تجمع ليله وليالي
مستحيل اسمح بكدا
ليله اختي طاهره لما تعرف انها يتيمه وان اختها رقاصه حاتموت فيها
كمال:لازم ليله تفضل برا مصر
رجوعها هنا خطر عليها وعلي سمعتنا واسمنا
جهاد:فعلا ي بابا
.........................................
*في المستشفي *
جلست منيره بجانب حمزه
منيره:حمدلله علي سلامتك ي ولدي
حمزه:الله يسلمك ي امي
منيره:اخص عليك
حمزه:ليه
منيره:تتجوز من ورايا ومتجوليش حاجه
اي ملكش ام
حمزه:خوفت تضايقي وانا لسه مش عارف رده فعل سهام من جوازي
منيره: طب لما تعاود نبجي نشوف صرفه للموضوع ده
حمزه:فين سهام ي امي
منيره:في البيت
حمزه:غريبه مجتش المستشفي ومش موجوده
منيره:انت تعبانه ارتاح
حمزه شعر بحاجه غريبه وكرر السؤال مره كمان
حمزه:فين سهاااام
*************************
علي الطريق
...............
جاسر سايق العربيه وليالي في الكرسي الي جمبه
ليالي: حانروح فين
جاسر:حاوصلك فيلا الحوووت
ليالي:بس اهله
جاسر: الحوت الي باقي من اهله
الحجه منيره ومراته سهام
ومعندوش اعمام
الطار اخدهم واصل العيله من سوهاج يعني الفيلا دلوقتي فاضيه
فيها الخدم بس
ليالي:مين الي كان عاوز يقتله دا
جاسر:رامز دا صديق خبيث
ومعرفش ازاي قدر يضحك علي سهام بالبساطه دي
ليالي:ربنا علي المفتري
جاسر:انتي الرقاصه
ليالي انصدمت من كلام جاسر
ليالي:انت انت
جاسر:انا صاحبه وماسك كل شغله وكاتم اسراره
وعارف بكل حاجه من وقت البطاقه المضروبه لخد كتب الكتاب بتاع اسكندريه
ليالي: بس انا
جاسر:عارف عارف كل حاجه مش محتاجه تبرري حاجه
وصل جاسر وليالي قدام الفيلا
جاسر:وصلنا
ليالي ابتسمت لجاسر ونزلت من العربيه
نزل جاسر من العربيه واخدها داخل الفيلا وعرفها للخدم علي انها حرم حمزه الحوووت
في صالون الفيلا
ليالي:شكراااا
جاسر مد ايده ليالي واتكلم
جاسر:فرصه سعيده
ليالي مدت ايديها لجاسر وسلمت عليه
ليالي:انا اسعد
خرج جاسر من الفيلااا وساب ليالي
ليالي فضلت تدور في الفيلا ولفت فيها من شرقها لغربها وتاهت في جمال المكان
ليالي:ايووووه
شكلها بيضالك دهب في القفص ي ليالي
والله ولسه حاتحلو ي بت سيده
اهم حاجه اروح القسم علي طوول للمخفي
ماهو مش حايفضل ساكت كتير
وسكوته ليه تمن
ليالي مشت من الفيلااا وخدت تاكس عشان تروح لرامز
**********************
في الحجز
.................
محسن كان قاعد مع المساجين ومعاهم واخد لابس لبس دكتور
محسن طبعا فرد ضلوعه وراح للدكتور
محسن:جااي في ااي
رامز :قتل
محسن:وانا كمان
بس انا قتل بالخطا
رامز:انا بقي مع الاصراد والترصد
محسن:ومالو ي عم بس شكلك طري
رامز زق محسن بعيد
محسن ضرب رامز والمساجين اتلموا عليهم وسلكوا بينهم بس رامز انضرب جاامد
.....................................
ليالي وصلت الحجز وطلبت تقابل رامز
بعد مده قصيره من اقناع ليالي انها مراته وانها لازم تكلمه
الظابط اتراف بيها وسمحلها بخمس دقايق
بعد مده
جه رامز اوضه المامور
الظابط: خمس دقايق بس ي مدام
ليالي بدموع :شكراا
خرج الظابط وساب رامز وليالي
رامز:ذكيه
ليالي: والمطلوب
رامز:خرجيني من هنا زائد نص ثروه الحووووت
ليالي:انت غبي واتسجنت اخرجك ازاي
رامز:مانا لو قلت انك الي حرضتيني مش حايكون كويس
ليالي: طيب
حااحاول اخرجك
رامز:بسرعه ومتنسيش نص ثروه الحوووت ي ليالي
ليالي:طيب
ليالي سابت رامز وخرجت من القسم
************************
في الحجز
..............
سهام كانت وسط مجموعه من الستات العريانه
سهام تعيط بحرقه :منك لله ي رامز
دا كان جزاء طمعي كنت عايزه احرق قلب حمزه علي فلوسه عشان اتجوز عليا
بس والله كنت حاارجعهم
انا مستحيل ااذيه دانا روحي فيه
صحيح
العشق مذاهب وهو اختارها معذور مطلعش عاشق للهوي
طلع بايع وغاوي رمرمه
استرها ي رب المكان شكله يخوف
جت واحده غريبه الشكل بتبص لسهام
ست:معاكي عفره
سهام:يعني ااي
ست:دخان ي روح امك
دخان
سهام:ودا اجيبه ازاي بس
ست:سجاير ي بت
في اي مالك اش حال ماانتي موجوده مع بتوع دعاره وهجامين
سهام،: كمااان
منك لله ي رامز
حسبي الله ونعم الوكيل فيك ي بعيد
ست:يكنش دا الي غواكي وفضحك
سهام:اي ي ست الي بتتكلميه دا
احترمي نفسك عيب
ست: طيب ي روح امك
نسوان تعالوا عندنا حفله والليله زفتها
اتلموا النسوان علي سهام وعطوها علقه موووت ودا كان جزاتهاا
**************************
في المستشفي
.....................
كانت منيره بتتهرب من سؤال حمزه عن سهام
حمزه:سهاام فين ي امي
ردي علي سؤالي لو سمحتي
منيره:في السجن الكلبه
بت المحروق كانت عايزه تغدر بيك
حمزه:مستحيل سهام تعمل فيا كده
منيره:واهي عملت وخدت جزاتها واعترفت انها اتفقت معاها جدامنا
حمزه:انا لازم امشي من هنا
منيره:انت تعبان ي ولدي
بت المحروق اياك حاتكون عاشقها عاد
حمزه:من ميته واحنا بنودي حريمنا المركز عاد
مش حاعرف اربي مرتي اياك
منيره:تغور هي والي جابوها معوزهاش
حمزه:وحقي مين يجيبه
بعدي عني حااروح اجيبها
اتصل حمزه علي جاااسر
حمزه:تكون قدامي ظرف عشر دقايق
جاسر:حصل اي انت تعبان
حمزه:نفذ الي حااجولك اياه عاد
قفل السكه في وشه
................ ...........................
بعد عشر دقايق
وصل جاسر لحمزه ولقي حمزه لابس هدومه المليانع دم من الحادثه
جاسر:حمزه اي الي انت بتعمله دا جسمك مجروح
ازاي تخرج من المستشفي
حمزه:سندني يالا
جاسر:انت مجنون ازاي نزلت اصلا
حمزه بااستهزاء:نزلت بالاصانصير
جاسر:حمزه متهزرش خلينا نطلع اوضتك انت تعبان
حمزه:انت الي مخك مش شغال
سيبت الحكومه تاخد مراتي
جاسر:هي الي غلطت
حمزه:من امته حمزه الحووت يسيب حقه بايت برا من غير حساب
انا احق واحد يحاسبها مش غيري
فاااهم
جاسر سند حمزه الي كان تعبان والعرق ملي وشه
وركبوا العربيه ومنيره معاهم
انضموا لجروبي روايات ورده صابرينا
. ............................... .
بعد ربع سااعه
....... .......
وصل جاسر وحمزه قدام مركز الشرطه
حمزه بلهجه صعيدي بحت
حمزه:حانعاود جريب
منيره:بت المحروق دي
حمزه:اماااي
بكفياك عاد
نزل جاسر وحمزه من العربيه ودخلوا جوا عند الظابط
في غرفه المامور
المامور رحب بيهم ترحيب مبالغ فيه
المامور:حمدلله علي سلامتك ي حووت
حمزه:الله يسلمك
المامور:الواد الي حاول يقتلك هو وسواق العربيه النقل في الحجز
حمزه:سواق العربيه قال ااي
المامور: الفرامل بتاعه العربيه كانت مقطوعه ومعرفش يتحكم في السواقه
حمزه:فعلا دا حصل وقت الحادثه العربيه كانت بتروح يمين وشمال وحاسيته مش متحكم في السواقه
بس دا مش طلبي
المامور:اومال اي طلبك
حمزه: رامز عايز اشوفه
المامور:حمزه بيه بس
حمزه:من حقي اشوف الي حاول يقتلني
المامور:بس حايكون خطر عليك ي حمزه باشا
حمزه:ولا خطر ولا حاجه
المامور:اوامرك ي باشا
المامور نادي علي الشاويش يجيب رامز من الحجز
بعد خمس دقايق كان رامز واقف قدام حمزه والكلبشات في ايده
حمزه اول ما شاف رامز ضحك عليه
حمزه كان بيضحك من قلبه علي رامز
رامز غضب والشرر طلع من عينه
رامز:حااقتلك ي حمزه
حااقتلك ي حوووت
حااحرق قلبك علي فلوسك
جاسر سند حمزه وراح ناحيه رامز
حمزه:تبقي غلطان لو فاكر ان الحووت يتلعب عليه
جاسر ابتسمله
جاسر:اي حاجه كانت بتحصل في الشركه حمزه كان عارفها
وموضوع السرقه الي كنت بعمله دا حمزه طلب مني اعمل كدا عشان يختبرك ويشوفك
واول ماظهرت علي حقيقتك وحمزه عارف بكل عمايلك القذره
حمزه ابتسم لرامز : انا فلاتي اه
خمورجي وبتاع ستات
بس بمزاجي
خمورجي وقت ماانا عايز
بس محدش يلبسلي العمه
السرقه الي كنت بتسزقها كانت متسجله صوت وصوره حتي موضوع نانا
الا بالحق
هي ناناالي انت زقتها عليا مقالتلكش انها قبضت
اصلك بخيل مكنتش قبضتها صح
رامز: مامراتك طلبت مني اقتلك ونتجوز بعدين
و اللعب علي المكشوف وعلي عينك ي تاجر
حمزه مسك رامز من رقبته والغضب اتملك منه
حمزه: غلطت لما دخلت سهام في الموضوع
سكوتي عنك زمان
قلت صاحبي ويمكن ينعدل ايام زمان وصحوبيتناكانت شافعالك
لكن الي يتعرض لعرضي ويرشه بالميه
لااااا داانا ارشه بالدم
حمزه ساب رامز وسند علي جاسر
حمزه:حاتعفن في السجن طول حياتك دي اخره الحرام
رامز ضحك :حااقتلك ي حووت
حااطلع واقتلك
وعد مني
حااطلع واقتلك
المامور امر الشاويش ياخد رامز الحجز
حمزه: سهام ملهاش صالح بالموضوع
وعايز اروح بمراتي
المامور:حمزه بيه دا في اعتراف من رامز علي مراتك
وكل دا متوثق في المحضر
حمزه:مراتي كانت معايا لما كنت تعبان وعندي شهود علي كدا
كلام رامز ماهو الا للتشهير بي وبسمعتي
المامور:تمام
نادي المامور علي الشاويش
المامور:هاتلي سهام الحووت من الحجز
حمزه كان مع جاسر
جاسر اتكلم بهمس
جاسر:الي بتعمله دا مش صح
حمزه:دا عين الصح
جاسر:انت مسمعتش كلام رامز
حمزه:وحقي الحكومه متاخدهوش
حقي اخده بيدي
بعد خمس دقايق
دخل الشاويش وسهام كانت مضروبه وهدومها متقطعه وحالتها تصعب علي الكافر
سهام دموعها نزلت اول ماشافت حمزه وبكت
سهام:حمززه
حمزه:اقدر اخد مراتي
المامور:طبعا ي حمزه باشا
حمزه:وياريت تخلي سبيل السواق ملوش ذنب
المامور:تمام ي باشا
جاسر سند حمزه ومشي
وسهام وراها منطقتش بحرف
سهام بتكلم نفسها :طب هو عرف اني مظلومه ولا اي
طب مكلمنيش ليه
وبعدهالك ي حوووت حاتفضل لميتا عاد ظالمني كده
ظالمك اي انتي حاتعيشي الدور انا كنت عاوزه اسرقه واضره زي مااتجوز عليا وحرق قلبي
وصلوا للعربيه ركب حمزه قدام جمب جاسر
وسهام ركبت ورا مع منيره
منيره اول ماشافت سهام
منيره:اتفووووو عليكي
سهام بكت ومنطقتش بكلمه واحده
جاسر راح بيهم علي الفيلااا
انضموا لجروبي روايات ورده صابرينا
................
بعد ساااعه
.............
وصلوا الفيلا ودخلوا من غير ولا كلمه لحد ماحمزه مسك سهام من دراعها ورامها في الارض
حمزه:كيفك كيف الكلبه بالبيت
البيت الي كنتي في اميره تؤمري فيه
حاتكوني ذليله زيك زي اي كلبه من الشاارع حاتخدمينا
سهام جرت علي حمزه ومسكت ايده
سهام:حااحب علي يدك سامحني
سامحني
انا محااتكلمش واصد
حمزه رمي سهام في الارض
حمزه:خرجتك عشان اربيكي
ومش حااقبل سمعتي تكون علي لسنه الخلق
سهام:طلجني
طلجني
انا ماحاعاودش واصد
حمزه:مش قبل مااذيلك ي بت المحروق
حمزه نادي بصوته العالي
حمزه:ليااااالي
لياااالي
ليالي كانت نايمه علي السرير واول ماسمعت حمزه بينادي نزلت تحت جري لحمزززه
لقت سهام في الارض هدومها مقطوعه
حمزه:تعالي ي ليالي
ليالي جرت عليه
ليالي:حمزه ماالك في اااي
حمزه:كلبتك سهااام خدامه عندك عايزك تمرمطي الست الي حاولت تقتل جوزك
ليالي: طلعتها ليه ي حمزه كنت سيبها تتعفن في السجن
حمزه:عشان تبقي كلبه ذليله عندك
Sabreena 💔
************************
اقتباسات
حكمت المحكمه حضوريا بسجن سهام الحوت عشره سنوات
...................
استيقظت من ذلك الكاابوس
لااااااااااااا
ريهام :ليله مالك حصل ااي ي حبيبتي
ليله ببكاء: حلم شيطاني مزعج
ريهام:حلم ااي
ليله:كنت ماسكه مسدس وقتلت واحد
قتله ي ريهاااام
ريهام:وانتي تعرفي تقتلي نمله نامي ي دكتوره نامي
الحلقه 12
................ .............
سبب تاخير نزول الحلقات هو اني بفقد شغفي مبقاش عندي القدره والحب للكتابه وبشكركم لمتابعتي وبتاسف عن التاخير وعارفه ان ةلامي ملوش معني واعتذاري زي عدمه 💔
........................................
توقفنا الحلقه السابقه علي خروج سهام من الحجز وذل حمزه ليها
*****************
في فيلا الحوووت
............
سهام بغضب وصوت عالي :طلجني
طلجني
مخرجتنيش من عذاب عشان اتحط في عذاب اكبر
طلجني وكل واحد يروح لحاله
حمزه قرب منها ومسكها من شعرها واتكلم بصوت عالي
حمزه:دانجوم السما اقربلك
سهام بااستهزاء اتكلمت
سهام:اااي شكلك حاتحبني عاااد
ولا اي
لابس توب مش توبك ي حووووت
منيره مسكت سهام من شعرها
منيره:حربايه وناقصك ربايه
حاتعضي اليد الي اتمدتلك
حاتموتي جوزك ي قليله الاصل
سهام شالت ايد منيره عن شعرها وبعدت عنها
سهام:فوقي ي ماما الحجه
انا مش جيالك من الشارع ولا يتيمه مليش اصل
انا بنت حسب ونسب وبنت عمه
ويد اي الي عضتها
انا متنزلاه عن مالي وحالي وأرضي لجوزي
مين فينا الي عض التاني
منيره ضربت سهام كف
وحمزه بعد منيره عن سهام
حمزه : قويتي وصوتك علا ي بنت عمي
سهام:جبروتك علمني
كرهك ليا وطعنك في ضهري علمني
حمزه:كره اي الي حاتتكلمي عنو
ولا عشان اتجوزت
سهام:حاتمثل عاد
ي ولد عمي ليه الملاوعه ولا خايف صورتك تنهز قدام السنيوره
حمزه صوته علا ومعالم الغضب ارتسمت علي وجهه
حمزه: خلي بالك من كلامك
سهام:كلامي واعر مش كده صوووح بس سؤال ي ولد عمي ي ابن الحسب والنسب
اتجوزتني ليه ي حمزززه؟!!!!
منيره:قاادره وبجحه وملكيش اصل
كانت جوازه الندامه والهم والغم. طلعتي ارض بور ملكيش فايده
سهام وجهت نظرها لمنيره وبعدين نظرت لحمزه
سهام:الراجل وقت مايتجوز بيتجوز الست
بكون عا يد ز الخلفه والعزوه
عايز يكون له بيت وعزوه
وابنك حرمني من كل داا
اتكلمت منيره بحقد : فاكره نفسك ست اياك
خلفه اي الي عاتتكلمي عنها
خمس سنين مفيش ضوفر عيل حتي
سهام:عندك حق
سهام اتمشت ناحيه ليالي واول ماوصلت ليالي لفت حوليها ومره تحط ايدها علي شعر ليالي ومره علي كتفها لحد ماوقفت قدام ليالي وضحكت
سهام:سابني واتجوزتك انتي
بس ياتري بيحطلك حبوب منع الحمل ولا حايسيبك تخلفي الواد
ليالي بتمثيل اتكلمت ودموعها نزلت
ليالي:انتي بتقولي ااي
حمزه اتدخل في الكلام وصوته علا ومسك دراع سهام غارس فيه ضوافره
سهام حاتموت من الالم بس ادعت القوه
سهام:معلش جيت علي الجرح ي حوووت
ولا شكل سرك انكشف
سهام بعدت عن حمزه بصعوبه وراحت ليالي
سهام:اي ماحايدخلش بكبايه العصير عشان متدوخيش منه
ماحاحتاكليش اي حاجه مسكره
ماحتتاخرش ظروفك
ولا انتي لسه عروسه جديده معرفتيش الاعراض
سهام كملت بدموع كلامها
سهام:اهو انا بقي كنت كل شهر اقول حملت وحااجيبله العيال الي حاتفرحه
حاجه مني ومنه وشبهه
بس ي خساااره
معلش تبات نار تصبح رمااااد
حمزه راح تجاه ليالي ووحضن ايديها باايديه واتكلم بحنيه
حمزه:ليالي ي حبيبتي
انتي شوفتيها حاولت تموتني ازاي عشان اتجوزتك
متصدقيهاش
دي واحده حاقد وناكره الخير
سهام اتكلمت بااستهزاء :طب انا حااعترف بكل حاجه وحااقولك
رامز اتفق معايا اسرقك
والصراحه انا مكدبتش خبر ووافقت اسرقك
ولو الزمن رجع لورا حااوافق ميت مره
انا اتنازلت عن مالي وارضي للراجل الي حبيته واتجوزته
خدت روحي وحبي ولو طلبت حياتي كنت قدمتها علي طبق من دهب
واخدت منك ااي ي حوووت
علبه ب عشرين ثلاثين جنيه
لمنع الحمل
حمزه انصدم من كلام سهاام
حمزه: انتي بتخرفي تقولي ااي
جايه تدراي عملتك بالكلام داا
منيره صوتها علاا وراحت لسهام عسان تضربها لكن سهاام صوتها علا وبقت زي المجنونه
سهام:خوديهم بالصوت ليغلبوكم ي حجه منيره
انا مش ارض بور. ولا كنت ارض بور
انا بخلف
ابنك هو الي منعني من الخلفه
منعني من ابسط حق لياا
لو شايفين اني خاينه عشان حاولت اسرقه وارجع حقي
انا خاينه
بس انت اااي بالي عملته فياا دا
عندك كل حاجه
عيله وبيت وفلوس واراضي ومتجوز
عملت فياا كدا ليييه انطق قووول اتكلم
حمزه راح لسهام وضربها كف علي وشها
حمزه: لو انتي فاكره بالكدب الي حاتقوليه دا حاتغطي علي عملتك تبقي غلطانه
حاتعيشي هنا زيك زي الكلبه مع الخدم
سهام صرخت فيه وصوتها علا
سهام:خايف علي زعلهاااا
سهام مسكت حمزه من هدومه واتكلمت بصراخ وحزن وحقد
سهام:للدرجه دي بتحبهاااا
بتحبها هي
حاتخلف منها وانا لاء
هي الاميره وانا الخداامه
ورب الخلق لاخد حقي وانتقم منك تالت ومتلت
حمزه نادي علي نفيسه
حمزه:ي نفيسه
ي نفيسه
جت نفيسه الشغاله
نفيسه:اوامرك ي بيه
حمزه:خوديها علي البدروم تبات هناك
ومن بكرا تصحي مع النجمه تنضف البيت لوحدها
نفيسه:بس
حمزه:نفذي الي حااقوله
نفيسه خدت سهام مكسوره النفس البدروم
منيره بصقت مكان سهام
منيره:الكلبه حاترمي حديد بالباطل
منيره راحت ليالي
منيره: متصدقيش كلامها دي ارض بور
نادت منيره علي حمزه
تعالا ي ولدي وري مرتك التحاليل بتاعتها خليها تطمن ان سهام ارض بور ماحاتخلفش واصد
حمزه راح ناحيه ليالي لكن ليالي سابتهم و جرت علي اوضتها بتجري ودموع التماسيح مغرقه وشها
حمزه لعن في سره سهام
حمزه:ورحمه ابويا لاسودها عليكي ي سهام
*************************
في شقه جااسر
........................
رجع جاسر الشقه تعبان وهلكان من الي حصل لكن شاف نور الصالون
دخل جاسر الصالون لقي داليا قاعده فيه ورايحه في سابع نومه
جاسر جاب كوبايه ميه ورماها علي وجهها
صحت داليا مخضوضه من الميه
جاسر اتكلم بغضب : بتهببي ااي هنااا
ودخلتي ازاي
داليا نفسها اتكسرت من الي جاسر عمله فيها
وطلعت مناديل من شنطتها ومسحت بيها وشها
داليا: فاكره الشقه دي اول ماجبتها
وعطتني نسخه من المفاتيح
وقتها قولت انها شقتنا
كانت حاتبقي بتاعتنا
جاسر: اه قولي كدا
انتي لما جوزك اتقبض عليه وانت عايزه تكملي اللعبه لوحدك
وحمزه تعبان بقي ونسرق الشركه ونهج مش كدا
داليا:اتغيرت عن زمان ي جاسر
جاسر:عقلت
وفهمتك اكتر
داليا:رامز خدعني وضحك عليا في الوقت الي انشغلت فيه عني
جاسر: استغل تفاهتك في الوقت الي كنت شغال فيه عشان اجهز شقتنا
داليا:حااتطلق منه ونرجع لبعض
جاسر:تفتكري انك داليا بتاعه زمان او حاتتجوزي جاسر بتاع زمان
داليا:يعني ااي
جاسر:يعني انا بحب بنت وحااتجوز عن قريب
وامشي من هنااا لان وجودك غلط هنا ي مدام
ميصحش مدام في شقه عازب في نص الليل
داليا قامت من الكرسي ومشت ناحيه الباب
لكن جاسر نادي عليها
جاسر:دااليا
داليا بصتله وكلها امل انو يرجعلها
جاسر:المفتاح
مااحبش شقتي مفتاحها يبقي معاكي
*************************
في بيت جهاد
.......................
في الصالون
كانت عائشه وجهاد وكمال قاعدين
كمال:جهاد حاتعملي ااي
جهاد: مش حااوافق اتجوز جاسر
عائشه:ليييه دابوكي شكر فيه وفي اخلاقه
مش حاتتجوزيه ليه
جهاد:ليالي توام ليله تبقي مرات حمزه التانيه
وانا مش حااسمح لاي فرصه ان ليله تعرف ان ليها توام او حتي الدنيا تعرف انها مش اختي
عائشه:بتحبيه
جهاد سكتت ومنطقتش باي كلمه
كمال: يعني ماسكه شركتي وبتتحكمي في كل صغيره وكبيره فيها وواخده ثقتي كلها
ومكسوفه تتكلمي وتقولي انك حبتيه
جهاد:بابا مش كده هو
كمال: يعني 19سنين مخبي علي العالم كله ان ليله بنتي والحياه تمام حااغلب وافضل مخبيها
جهاد:بسس
كمال: زمان خبيت عن العالم حكايه ليله ودا كله عشان سعادتي انا ووالدتك
ودلوقتي عشان سعادتك انا مستعد اعمل اي حاجه
عائشه اخدت بنتها في حضنها
عائشه: الحب مبيدقش علي الباب غير مره واحده بس وساعات مبيجيش
انتي من الناس المحظوظه الي حاتعيشيه
جهاد:ماما بس
كمال:مبسش
لسه سبع سنين لما ليله ترجع من الدراسه ولسه التخصص
جهاد:بس في الاخر الناس حاتعرف وليله
كمال:وقتها ربنا يحلها من عنده
جهاد:ي رب
************************
في احدي المناطق الشعبيه وبالتحديد في احدي الخرابات
كان محسن قاعد هو وصاحبه بيشربوا ممنوعات
عبده:كفاااره ي محسن
محسن: كفاره اي داانا مكملتش يومين ي عم انت
عبده:متاخدش كل حاجه علي صدرك كداا خد اشرب زيح دا العي مر
عبده عطي محسن سجاره ممنوعات
ومحسن شربها وراح في عالم تاني
فضل يضحك ويضحك ويرسم احلامه بفلوس حمزه وليالي معاه
*************************
في الاسكندريه
..................
عصام كان في شقته حايتجنن ليالي مكلمتهوش طمنته عليها وهو بيتخيل تخيلات بين ليالي وحمزه
عصام كسر الازازه الي قدامه
عصام: وبعدين مش حاافضل كدا
انا لازم امشي من هناا لازم اروحلها
عصام ابتسم لما افتكر خطتها
عصام: ماانا مش حااروح لسواد عيونك ي ليالي
وقت ماتحملي وتجيبي الواد نرميه لحمزه وناخد كل حاجه لازم افضل معاكي طالما فيها فايدتي وفلوس جايه من وراكي
************************
اليوم التالي
.. ...... ..... ......... .......
في امريكا
..................
في احدي الشقق الفاخره
كانت ليله بتصلي وتضرع لله عزوجل
انتهت من الصلاه ولبست فستان اسود وحجاب لونه مناسب
اخدت كتبها وشنطتها
وضحكت علي شكل ريهام الي شعرها منكوش
ريهام بتتاوب :صباح الخير
ليله:ي صباح النور
ريهام:رايحه فين بدري كدا
ليله:علي المحاضره ي ختي وبعدين متنسيش عمك النهارده حايعدي عليكي عشان الشغل
ريهام:ي لهوووي نسيت
ليله:دا ليه ان شاء الله
ريهام:امبارح كنت سهرانه علي تايتنك ونسيت الدنيا والي فيها خصوصا لما البطل باسها حته بوسه
ليله:بسس متكمليش
ريهام:يوووه نسيت ي ست الحجه الشيخه بتاعتنا كرامتك ي ختي
ليله:انا مش شيخه
ونفسي احج بجد مش هزار ياريت انول الفرصه دي
بس انا مش حااحج بفلوس بابا
انا حااحج وقت مااشتغل واجمع الفلوس دي حااحس وقتها بكياني اكتر
وكذا مره اقولك الحجات الي انتي بتشوفيها دي قبل ماهي حرام الا انها بتجرح الحياء
الحياء مش دليل انك كويسه وانسانه شريفه
الحياء هو انة تعرفي تخشعي في الصلاه
وانتي واقفه قدام ربنا متبقيش خجلانه من الي بتعمليه
حاولي تصلحي من نفسك ي ريهام
ريهام:عشان حتته فيلم تعملي المحاضره دي كلها
ليله: عشان دينا الكريم بيقول الكلمه الطيبه صدقه
فمحاضرتي ليكي مش حااحرمك منها اذا كان ربنا حايجازيني خير عليها
فهماني
ريهام:فهماكي ي قمررر
***************************
في فيلا الحوووت
...................
حمزه دخل البدروم وفي ايده وعاء مليان ميه ساقعه ورماه علي سهام
سهام قامت من النوم بترتعش من الميه السقعه
حمزه:العواف ي عروسه
صحي النوم
سهام:بكرهك ي حمزه
حمزه: طظ
انتي اصلا وجودك مش فارق
ولسه علي ذمتي عشان اادبك ولما اادبك ابقي ارميكي مش عاوزك
يالا عشان تنضفي البيت كله عايزه يلمع
نادي حمزه بصوته العالي علي نفيسه
حمزه:نفيسه
نفيسه
دخلت نفيسه ومعاها ادوات التنظيف لكن مش الي بيستعملها الخدم
كانت ادوات متعبه
خيشه قديمه وكلور مركز وفرشه بلاط عتيقه
حمزه:سجاد الفيلااا موجود
نفيسه :ايوا ي بيه
حمزه باابتسامه سمجه اتكلم لسهام
حمزه:زي الشااطره عايزك تاكليه وتنضفيه
سهام اتمردت علي حمزه وصوتها علا عليه
حمزه ضربها كف علي وشهااا
حمزه:صوتك ميعلاش
وحافظي علي شويه الكرامه الي عندك قدام الخدم بدل مااخليها في الارض
رمي عليها ادوات التنظيف ومشي
............................................
في اوضه ليالي
.....
.......................
كانت ليالي بتتكلم في التليفون
ليالي:هاا ي زفت عملت ااي
محسن:طلعت منها زي الشعره من العجينه
ليالي:وهو زي القطط بسبع ارواح محصلوش حاجه
شويه خدوش بس
هو دا الي متقلقيش حااجيب اجله وننهب الفلوس
اهو عايش وبيمرمط في مراته بجبروت وانا هنا لاطايله بلح الشام ولا عنب اليمن
محسن:طب والعمل حانعمل ااي
ليالي:لازم نحاول نقتله دا علي قلبه قد كدا فلوس وعمارات وفيلا واطيان وناهب فلوس مراته الاولينيه يعني من الاخر معاه فلوس لو حاتحزقها سنين قدام مش حاتخلص
محسن: عندك حق لازم نتخلص منه
ليالي: اقفل دلوقتي في خبط علي الباب
قفلت ليالي التليفون في وش محسن
لما سمعت الباب بيخبط
ليالي :مييين
حمزه :ليالي لو سمحتي افتحي نتكلم
ليالي بسرعه لبست فستانها وهببت حولين عيونها بالكحل وبتمثل البكي
فتحت الباب لحمزه
حمزه قلبه وجعه لما شاف ليالي في الحاله دي
حمزه:ليالي بتعيطي ليه
ليالي:ماشيه وسايبه البيت
حمزه:ليالي متصدقيش ولا كلمه من الي سهام قالته
حمزه:انت مش مضطر تكدب وتمثل ي حمزه باشا
حمزه:بس انا بحبك
وجودك هنا مش بمزاجك انتي هنا غصب عنك
ليالي:انت عايزني ولا عايز سهام
وليه كنت بتديها حبوب منع الحمل
حمزه: عشان جوازي منها مصلحه
مصلحه ليها قبل ماتكون مصلحه ليا
انا محبتهاش وجودها عندي زوجه مش اكتر بكون معاها جسد من غير روح
انتي غيرها
انتي واخدها قلبي وكل حياتي
ليالي: اه فعلا وانا عشان غيرها تديني حبوب منع الحمل زيها
حمزه: معطتكيش منها غير حبايه واحده بس
مبقتش بحطلك تاني
عايز اجيب منك ولادي يشيلوا اسمي
ويكونوا شبهي وشبهك
ليالي:يعني انت بتحبني
حمزه مسح دموع ليالي وضمها لصدره هامس بااذنها
حمزه:بحبك موووت.
ليالي: طب متمسك بسهام ليه
حمزه:اول ماادبها علي عملته معايا حااطلقها وحااديها ارضها ومالها
مش عايز حاجه من الدنيا دي غيرك
لا سهام ولا غيرها صدقيني
*********************
في اوضه الحجه منيره
.............
منيره:نفيسه
بت ي نفيسه
نفسه جت جري للحجه منيره
نفسيه:نعم ي هانم
منيره:سخني ميه سخنه وابعتي سهاام بيها تغسلي رجلي
نفيسه:حااضر ي هانم
حاضر
نفيسه راحت لسهام الي ايديها اتكسرت من غسيل السجاد
نفيسه:سهام هانم صعبان عليا الي بيحصلك دا
سهام:اهو نصيب ي نفيسه حااعمل اي
نفيسه:الست منيره طالبه ميه سخنه عشان تغسيليها رجليها
سهام:عايزه تذليني اكتر
ماشي
راحت سهام المطبخ وسخنت ميه مغليه
وحطت عليها كلور مركز
وبودره شطه صغيرين وملح
سهام بضحك:عشان تنضفي ي حمااااتي
اخدت سهام الميه ومعاها حجر اسود ووعاء كبير عشان تغسل رجل حماتها
دخلت سهام الاوضه
منيره:يالا بسرعه اغسلي رجلي
قعدت سهام علي الارض جمب رجل منيره راحت منيره زقت سهام برجلها بمعني
منيره:شوفي شغلك واغسلي رجلي
جابت سهام الوعاء الراسع وحطت رجل منيره فيه وراحت كابه الميه المغليه علي رجل منيره
راحت منيره صارخه بالصوت الحياني
منيره بصراخ رج القصررر
منيره: اعااااااااااا الحقوني
ناااااار نااااااار نااااار
جرت منيره علي الحمام من النار الي بتاكل رجلها ومش قادره كل ماتزود في ميه ساقعه رجلها تحرقها اكتر
فضلت تصووووت وصوتها جاب حمزه وليالي وكل الي في القصر لحد مااغمي عليها
سهام وسط الدوشه اتسحبت للبدروم وهي فرحانه في الي حصل لمنيره
*************************
بعد ثلاثه ايام
.............................
كانت ليالي قاعده في اوضتها بتفكر في خطه تقتل بيها حمزه لكن صوت تليفونها خرجها من افكارها
ليالي:الوووو
رامز:ازعل كداا عدا ثلاث ايام
لو بعد الاسبوع دا مكنش في حسابي نص ثروه حمزه عليا وعلي اعدائي وحاافضحك ي صاحبه الصون والعفاف وليالي الملاح
ليالي:حااضر
حاااضر
اخر الاسبوع دا كله حايكون تمام وحااديك حقك
رامز:مستني وكله في مصلحتك قبل ماالتحقيق يشتغل واتحول للمحكمه واشهد عليكي
ليالي:لا متقلقش حقك حايوصلك
ليالي قفلت الفون مع رامز
وراحت اتصلت علي طوول ب محسن
محسن:الووو
ليالي:وحياه امك
محسن:في ااي
ليالي:حتته عيل برياله مش عارف تقتله
محسن:اتفقت مع ولحد حايجيب كرشه النهاارده
ليالي:النهارده قبل مايتكلم ويجيب سيرتي ي محسن
محسن:متقلقيش
حطي في بطنك بطيخه صيفي
ليالي:ي خوفي تطلع قرعه
قفلت ليالي التليفون وكانت زهقانه ومش عارفه اي الي حايحصل بس افتكرت حبيبها عصااام
فااتصلت بيه
ليالي:وحشتني ي عصاام
عصام:كنتي سالتي عليا
ليالي:معلش ي حبيبي
عصام:اي معلش دي تعالي صالحيني
ليالي:صعب اجيلك اسكندريه
عصام:بيني وبينك مواصله نص سااعه
ليالي:انت في القاهره
عصام:مقدرتش اسيبك لوحدك بحبك ومقدرش علي بعدك
ليالي كانت بترقص من الفرحه
ليالي:اديني العنوان انا جيالك ي حبيبي دلوقتي
عصام:وجوزك
ليالي:حااقوله رايحه اشوف امي تعبانه
سيبك انت ي قلبي منه حااظبط الدنيا
اديني العنوان
عصام:العنوان ..........
بس بسرعه مستنيكي
ليالي:مش حااتاخر ي روحي
********************************
في بيت داليا.
...........................
كانت داليا قاعده في بيتها بتتفرج علي صورها القديمه مع جاسر
ودموعها غصب عنها بتنزل علي خدودها من الحسره
سمعت جرس الباب
راحت داليا تفتح الباب
ولقيتها ولاء (سكرتيره جاسر)
داليا ابتسمت لولاء ودخلتها
ولاء:مالك بس ي داليا
داليا:شعور يوجع لما الراجل الي حبيتيه طول عمرك يكرهك ويبقي شايفك رخيصه
ولاء: معلش ي داليا ربنا يعوضك خير
داليا :فاكرني اني جرحته وبيعته عشان الفلوس
وميعرفش ان رامز كان الحل الوحيد ليا وليه
ولاء:وانتي ناويه تقوليله
داليا :اقوله ااي
اقوله ي حبيبي رامز كان ناوي يسجنك واتجوزته عشان احميك
ولا اقوله اني كسرت قلبك واتجوزته عشان متتسجنش
ولاء:عندك حق
خليه كدا
وممكن ميصدقكيش
داليا:عندك حق
تشربي ااي ي حبيبتي
ولاء:صديقه الطفوله مش عارفه بحب اي
داليا:حااجيب البيبسي
ولاء في سرها :قال ترجع لجاسر قاال دا نجوم السما اقربلك
جاسر دا بتاعي انا وبس
شافت ولاء صور داليا وجاسر
اخدت كام صوره وحطتهم في الشنطه بسرعه
ولاء في سرها:حااضرب عصفورين بحجر واحد
*******×************************
في السجن
...................
رامز كان بيشرب سجاااره ومهموم بيفكر في الحوت والقضيه
جه قعد جمبه مسجون واخد منه علبه السجاير
رامز بغضب :دي سجايري
المسجون : اسمك ااي
رامز: اي حاانتعرف كمان
المسجون مسك رامز من رقبته
المسجون : اه نتعرف عندك موانع بتاخدها
رامز : احترم نفسك
المسجون طلع اداه حاده (مطوه قرن صغنونه كدا)
وضرب رامز في بطنه كذا طعنه
وقام من جمبه مسح بصماته ورماها بعيد
المساجين اتلمت علي رامز الي كان غرقان في دمه
في كانوا بينادوا علي الشاويش
والي خايفين من الي ضربه ليقتلهم ماالسجن ملوش كبير وعالم الجريمه ي غالب ي مغلوب
وفي الي في حاله طالما المصيبه مش عنده
يبقي ميخصهوش حاجه
**********************************
في فيلا كمال عزام
*****************
كان كمال وعائشه وجهاد بيفطروا
كمال:جهاد
بلغي جاسر اننا موافقين
جهاد:الي تشوفه ي بابا
عائشه:اخيرا خاافرح بيكي واشوفك عروسه
جهاد:عن اذنكم لازم اروح الشركه
قامت جهاد واخدت شنطتها وخرجت من البيت وراحت الشركه بتاعه والدها
بعد ساااعه
دخلت نوران المكتب علي جهاد
جهاد:نعم ي نوران
نوران:الطرد دا جالك ي فندم
جهاد:من مين
نوران:مش مكتوب
جهاد:طب اتفضلي انتي
فتحت جهاد الطرد وطلعت صور
واتصدمت من الي شافته
جاسر مع واحده في اوضاع قذره ومع الطرد رساله
الرسااااله
. حرام بنت ناس محترمه زيك تتجوز واحد فلاتي زي جاسر
وعشان متقوليش ان الصور مزوره
الي في الصوره دي تبقي داليا مرات صاحبه الي دخله السجن
هو دخله السجن عشان يتمتع بمراته واديكي شايفه
مبرووك ي عروسه
..........
جهاد دموعها نزلت علي خدها مش عارفه تفرح عشان ربنا كشفه علي حقيقته ولا تحزن عشان اعحبت بيه وبشخصيته وحبيته
جروب ورده صابرينا حلقات يوميه
................................................................
في مكتب جاسر
..............................
كان جاسر بيشتغل في المكتب لكن صوت طرق علي الباب فصله عن شغله
جاسر بطريقه عمليه :ادخل
دخل حمزه المكتب
جاسر قام اخد الحوت بالاحضان
جاسر:اخيرررا شرفت
حوووت: حاتشوفني كتير بعد كدا
جاسر:بجد
حوووت: حاارجع للشركه واديرها من جديد
جاسر:اسعد خبر اسمعه في حياتي
عقبال الباقي
حووت: اطمن
انا انولدت من جديد
لما قربت من الموت وفصلني بين الموت شعره شريط حياتي اتعاد قدامي
شوفت الشرب والسهر والسكر والستات
قرفت من نفسي
معنديش حسنه واحده اقابل بيها ربنا
جاسر:انا فخور بيك ي حووووت
حوووت:من النهارده مفيش حوووت
الي لما يشوف ست حلوه يبلعها
انا حمزه
حمزه الي حايبدا صفحه جديده مع نفسه ومع ربنا
.*****************************
بعد مرور شهر
............................
حمزه اتغير 180درجه ساب الشرب والمعاصي بتاعه زمان وبقي بيتقي ربنا في كل حاجه
حتي سهام قرر انو يطلقها في اقرب وقت ويديها حقوقها
..................................
في فيلا الحوووت
.................
كان حمزه بيصلي الصبح وبيتضرع لربنا انو يسامحه
صحت ليالي من النوم علي صوت حمزه وهو بيقرا القران
ليالي في سرها : قال الحوووت تااب قاال
يموووت الزمار وصوابعه بتلعب
ليالي راحت لحمزه وصدقت
ليالي:صدق الله العظيم
حمزه:صدق الله العظيم
ليالي:مصحتنيش ليه
حمزه:محبتش اقلق نومك
ليالي:بحبك
حمزه:انا الي اتغيرت وبقيت انسان تاني مش مدعي خليتي من صانع للرزيله تائب خاشع
ليالي: عطتني اسم وهويه وبيت وحب
انا الي المفروض اشكرك مش العكس
حمزه اخد ليالي بااحضانه
حمزه:بحبك
وحااعوضك عن كل حاجه وحشه شوفتيها في حياتك
ليالي:وقت مااقابلتك
نسيت اي حاجه وحشه مريت بيها
حمزه لبس ونزل تحت عشان يروح شركته
اما ليالي مثلت التعب وانها حاترتاح في اوضتها شويه
واستغلت مرضها عشان تكلم عشيقها عصاام
ليالي:اي ي قلبي
عصام:بقالك يومين مبتجيش
ليالي:حمزه في البيت عيونه علياا ومش عارفه اخلع منه
عصام:طب حانخلص منه امته
ليالي:قررريب قوووي حااخلص منه متقلقش انت
عصام:بحبك
.ليالي:بعشقك ي قلب ليالي من جواا
قفلت ليالي مع عصام وحست بدوخه كبيره ووقعت علي السرير
ليالي:ااه راسي
يمكن اكون حاامل
متستبعديش ي ليالي اكون حملت
والله وقربت نهايتك ي حوووت والي في بطني دا يورثك انت واهلك
انا لازم اروح اكشف واطمن اذا كنت حامل ولا لاء
***************************
في شركه كمال عزام
كانت جهاد في مكتبها شغاله لحد مادخلت السكرتيره
نوران:جهاد هانم
في واحد برا عايز يقابلك
جهاد:والواحد دا مقالش هو مين ملوش اسم يعني
نوران:جااسر بيه
جهاد:متدخليهوش وقوليله مجتش النهارده ااي حااجه
جاسر دخل المكتب
جهاد: نوران امشي انتي
نوران:حاضر ي فندم
جاسر:بتهربي مني لييه
جهاد:استاذ جاسر الي بينا شغل وبس
لو سمحت متخلطش الامر
جاسر:انا مش لعبه في ايدك
وقت ماتكوني رايقه تكلميني
وقت ماتكوني زهقانه تبعدي عني وتتحججي بالشغل وتكرهيني
جهاد:وانا مش حااكون نزوه من نزواتك
جاسر:انا عمري ماكنت كدا
جهاد:والله
جاسر:جهاد مالك اتغيرتي فجاه من ناحيتي لييه
جهاد طلعت صور جاسر وداليا ورمتهم علي وشه
جهاد:كنت حاابعتهوملك علي مكتبك
بس انت شكلك معاك نسخه منهم
ملوش ابدا لزوم انك تقولي انك للدرجه دي وسخ ومستواك في الارض
ودلوقتي اطلع برااا لاني حااجيبلك الامن
جاسر اتجنن من الصور الي شافهاا
صور قذره بالمعني الحرفي بتجمعه بينه وبين داليا
جاسر الغضب ارتسم علي وجهه واخد الصور ومشي من قدام جهاد
جهاد الي انهارت بعد مامشي
جهاد بدموع :دا مكلفش نفسه يدافع ويقول انها متفبركه او انها مش بتاعته
خاااين
****************************
في المستشفي
...................
دخلت ليالي عياده دكتور نسا وتوليد
بعد بضعه من الوقت
الدكتور:الف مبروك ي مدام
حامل في شهر
ليالي:بجد ي دكتور
الدكتور:طبعا ي فندم الف مبروك
ليالي في سرها :دا عصام حايفرح قوووي بالخبر دا
ليالي خرجت من عند الدكتور وراحت فورا لشقه عصام عشان تفرحه بالخبر دااا
******************************
في شقه عصااام
**************
كان عصام قاعد بيتفرج علي التليفزيون بمللل
لكنه سمع صوت جرس الباب
قام عصام بكسل وفتح الباب لقي ليالي
اخدت ليالي عصام بالحضن
ليالي:انا حاامل ي عصاام
عصام اخدها في حضنه ولف بيهااا وطاير من الفرحه
عصام:بجد
ليالي:طبعا بجد
عصام:مبرووك ي روحي
ليالي: حااقتل الحوووت قريبا ونورث ونسيب البلد المقرفه دي
عصام:ازااااي
ليالي:انت استناني بس وشوف حااعمل اي
عصام:اديني مستني ي روحي
********************************
في فيلا الحوووت
.........................
رجع حمزه من الشغل بدري وسلم علي امه وطلع اوضته ملقاش ليالي
حمزه:زمانها لسه عند والدتها
حااتصل عليها
طلع حمزه فونه واتصل علي سيده
سيده:الوووو
حمزه:الو ازي حضرتك ي طنط
سيده:الحمد لله ي ابني
ازيك وازي ليالي عامله ااي
حمزه استغرب من كلام سيده
حمزه:ليالي الحمد لله اخبارك انتي ااي
سيده:في نعمه ي ابني الحمد لله
ابقي خليها تيجي تقعد معايا شويه
حمزه:حاضر ي امي
انا قولت اتصل اسلم عليكي
سيده:تسلم من كل شر ي ضنايا
حمزه قفل السكه ورن علي ليالي
الرقم عطي انتظااار
حمزه:روحتي فيين ي ليالي ردي
ردي
*****************************
في شقه عصام
......................
كانت ليالي في احضان عصام وبعدت عنه لما سمعت صوت الفون
عصام:استني هنا انتي ملحقتيش تقعدي
ليالي:بعدين ي عصام
شكل حمزه رجع البيت وانا مش عايزه مشاكل
عصام:امته يموت سي زفت دا ونخلص منه
ليالي:قريب ي حبيبي متقلقش
ليالي اخدت تليفونها ومشت اخدت تاكس عشان تروح فيلاا الحوووت
********************************
في فيلا الحوووت
............................
كان حمزه في الصالون حايموت من القلق علي ليالي
منيره:الغايب حجته معاه ي ولدي
سهام كانت بتنضف واتكلمت بحقد
سهام:من ميته والحريم حاتخرج بدون اذن
خيبه علي الزمن
حمزه بغضب :اخفي ي حرمه من قدامي احسنلك
اخفي
اخفي
منيره:ابه عليكي وع الي خلفوكي
حرمه صعرانه ملكيش كرامه
سهام مشت متغاظه منهم
سهام في سرها : والله ماانا سايبه حقي
**********************
بعد نص سااعه
وصلت ليالي الفيلا ولقت الحوووت في الصاالون
حمزه بصوت عالي :ليااالي
ليالي مثلت التعب والمسكنه
لياالي:نعم
حمزه مسك ليالي من دراعها واتكلم بغضب
حمزه:كنتي فييين.
ليالي عرفت من رده فعله ان اكيد عرف انها مراحتش لامها
ليالي مثلت التعب
ليالي:حمزه براحه عليا انا دايخه
منيره:بالراحه ي ولدي علي مراتك حاتحكيلك
حمزه:انطقي كنتي فيين
ليالي:كنت رايحه لماما بس وانا في الطريق دوخت وروحت المستشفي
واخدت محاليل ولسه صاحيه دلوقتي
حمزه
انا حاااااامل
منيره فرحت بالخبر وطلعت زرغوطه صعيديه اصيله
منيره:ي بناااات ي بناااات
جمعت منيره كل الخدم الي في القصر
ومنهم سهام
خرجت منيره فلوس وعطت لكل خدامه فلوس
منيره وهي بتدي الفلوس لسهام
. منيره: دي حلاوه الواد الصغير
ليالي حااامل
حمزه لما سمع كلام منيره استوعب ان ليالي حاامل
اخدها في احضانه مش مصدق الي حصل
حملها بين ايده زي العروس
وسهام حاتموت من الغيظ
حمزه طلع باليالي الاوضه ووضعها علي الفراش بكل حب
حمزه:ليالي .انتي
انتي
ليالي:حاامل
ايوا انا حامل في ابنك ي حبيبي
حمزه اخذ يقبلها بحب ويستنشق عبير تنفسها
حمزه:داا احلا يوم في عمررري
ليالي:وعمري انا كمااان
حمزه:انا حااطلق سهام
ليالي:بجد
حمزه:ابني اما يحي للحياه مش لازم يشوف مرات اب
مفيش غير امه في حياه ابوه
ليالي:ي حبيبي
انا بعشقك
حمزه: وانا كمان
حمزه طلع فونه وكلم جااسر
حمزه:جااسر عايزك تقدر الاطيان بتاعه سهام بكام وفلوسها في البنك بالظبط
جاسر:ليه ي حوووت
حمزه:حااطلقها وارجعلها كل حقوقها
ليالي كانت حاتموت من الغيظ
ازاي يرجعلها فلوسهااا ازاااي
ليالي في سرهاااااا : علي جثتي تاخد قرش واحد منك ي حمزه علي جثتي
****************************
اليوم التالي
كانت سهام بتنضف السلم
سهام :وريني بقي الحمل حايتم ازاي ي ست ليالي
وانت ي حمزه حاتفرح ازاي وانت واكل حقي
ورحمه ابويا لادفعك التمن كويس
دهنت سهام السلم زيت
بعدد سااااعه
كانت ليالي نازله علي السلم ومتحكمتش في نفسها ووقعت علي السلم
غرقاانه في دمهاااا
ووووووووووووووو............
Sabreena 💔
تعليقات
إرسال تعليق