 |
البارت 22
مدحت ..مرات اخويا موبيلها ضاع وعملت محضر+
ورجعلها بعد ٦ شهور طبعا الي سرق الموبيل مسح
كل حاجه عليه والموبيل كان عليه صور ولادها
وفيديوهات ليها المهم اخويا سال حد صحبه قاله
علي اسم برنامج بيرجع اي حاجه اتمسحت من
عليه حتي لو الموبيل اتعمله سوفت وير
وإعادة ضبط مصنع فاهمني
_ طب يافالح هنفتح باص ورد الموبيل ازاي
مدحت ..بالطريقة يا ابو الصحاب أن شاء الله لو
وصلت انك تسرقه منها أو تاخده بالعافية الي زاي
مريم دي اكيد موبيلها عليه بلاوي
_ يابني ده انا شفتها بعيني وهي بتكلم واحد في
الموبيل وقربت اخد الموبيل قلبت الدنيا وجبتلي أهلها وكنا
في شقتي تخيل بقا لو عندهم في بيتهم
هعرف اعمل كده
مدحت ..بقولك ايه يا ياشيخ العرب
_ هههههههه قول يا ابو الأفكار
مدحت ..احنا هنلعبها بنفس الطريقة الي لعبتك بيها
_ الي هو ازاي ما انت عارف اني فهمي بطئ
مدحت ..مش هي فضلت تتمسكن وتمثل وتحور لحد
وصلت ليك وخليتك تحبها ووقعت في غرامها
_ اه والله بنت الحرام
مدحت ..انت هتعمل كده لحد ما توصل للموبيل
_ بص يامدحت أنا مش هعرف اعمل ده
وهي ناصحه مش غبية هتفهم اني بمثل
مدحت..يابني افهم هي مقتنعه انك بتحبها وبتموت
فيها وعارفه أنها مهما تعمل أنك هتسامحها
العب بقا علي الوتر ده
_ انت قصدك اني ارجعها
مدحت..اه علشان ناخد حقنا منها وبعدين ياعم ارميها رامية الكلاب
_ هقلبها في دماغي واشوف ارجع بنت الجزمة دي ازاي
مدحت.. ياعم مش محتاجه تقليب ولا كل التفكير ده
الي زاي دي تضحك عليها بغويشة وسلسلة 10000تلاف
جنيه يخلوها كلبتك
_ انت جايب الثقة دي منين ياعم
مدحت. والله زاي ما بقولك اشتري مني ..أنا هرد عليها
واقولها انك قولتلي أنها حبيبتك. متقدرش تستغنا عنها
والكلام ده وانت كلمها وثبتها بكلمتين حلوين
_ ماشي انا هنزل اروح ل ابويا في المحل
وانت شوف وصلت ل ايه وبلغني
مدحت ..ماشي يا ابوالصحاب ربنا معاك
رحت ل ابويا قعدت معه ووقفت شوية في المحل قالي شد
حيلك واخدلك المحل الي عمارة عمك وافرشهولك ويبقا
بتاعك لوحدك مفيش يابني احسن من الشغل الحر قولتله
الي تشوفه ياحج رحت ل امي وحشتني ووحشني اكلها بقالي
فترة باكل من المطاعم حتي لما كنت مع مريم طبخها مش
حلو وكانت بتستسهل وتجيب دليفري قضيت اليوم معها
ونمت ع رجعلها زاي زمان وفضلت تلعب في شعري ولا اكني
عيل صغير بتنيمه
الحمدلله اني رجعلي عقلي وكشفت
بنت الحرام دي بدري بدري كان فاضلي أيام وبجد اتجنن
وابقي مريض فعلا
لقيت مدحت بيتصل رديت قالي أنا سجلت المكالمة الي بيني
وبين مريم هبعتهالك علي الواتس بس اوعي تضايق ولا
تتعصب خليك بارد لحد ما ناخد حقنا تمام قولتله تمام روح
بقا اسمعها وكلمني
قفلت معه وكلام مدحت قلقني استأذنت من امي وبوست
أيدها وقولتلها هبقا اعدي عليكي تاني قالتلي ماتخليك يابني
بات والصبح امشي قولتلها الايام جايه كتير
سبحان ما صبرني لحد ما وصلت شقتي علشان اسمع
المكالمة وصلت وقعدت ولعت سيجارة وشغلت
مريم ..ايه يا واد لحقت اوحشك
يُتبع...
غلطة عمري
روعة
ردحذف