 |
رواية كان في و خلص يا بيبي الجزء التاسع
للكاتبة/حنان حسن
بعدما لقيت زغلول ...
بيلح في موضوع اتمام الدخلة
حاولت ابعدوا عني
وبعتة لهند في غرفتها
عشان تتصرف معاه ...
وطبعا كان لازم اطرقة بالزوق
فا فهمتة... ان هند سمعتة
وهو بيتكلم عليها بطريقة غير لائقة..
وزعلت منه
وطلبت منه يراضيها
وده كان شرطي
عشان اقبل اني ادخل معاه غرفتة
ونبدء ليلة دخلتنا المزعومة
وطبعا وافق زغلول
انه يروح لهند غرفتها
ويصالحها
للكاتبة حنان حسن
...
لكن الغرببة...
ان بعد ما زغلول سابني وراح لهند غرفتها ...
سمعت ضجيج ... وهبد ...ورزع
.. وخبط
في غرفة هند...
فا روحت لغرفتها عشان اشوف في ايه؟
ولما فتحت الباب
لقيت هند واقعة علي الارض
وعضلات جسمها كلها متشنجة...
ده غير ان ...وشها كان كلة كدمات... ومزرق .... وشفايفها بتنزف دم
ولفت نظري سرنجة فارغة كانت واقعة في الارض
وطبعا لما شوفت منظر هند كده اتفزعت
وسالت زغلول
قلت...مالها هند؟
ايه الي حصلها؟
رد زغلول وبرائة الاطفال في عينية
وقال...انتحرت
قلت..يا نهار اسود
انتحرت ازاي؟
رد زغلول
وقال...
بزمتك ده سؤال
انتحرت زي كل الناس ما بتنتحر
انتي غريبة اوي
للكاتبة حنان حسن
بصيتلة بغيظ
وقلت..
لا والله؟
ده علي اساس ان الناس كلهم بينتحروا بطريقة واحدة؟
رد زغلول وهو هادي خالص
وقال...
عادي يا فورتيكة...
تلاقيها شربت بورشام
قلت..برشام ايه الي هيجيبلها تشنجات ؟
وبعدين ايه الزرقان الي في وشها ده؟
رد زغلول بزهق
وقالي...
انا مالي انا... ان كانت تزرق ولا تتهبب بجاز
انتي هتشيليني هم زرقانها ليه
ليه يا ولية؟
سمعت كلمة ولية ولقيتني ببرق عنيا
وبقولة..
ولية؟؟؟؟
ولولوا عليك ساعة وسكتوا
يا بعيد
رد زغلول
وقال....
اعملك ايه بس يا فورتيكة
واحده ...وزهقت من الدنيا.... وانتحرت عادي يعني
انتي مكبره الموضوع ليه؟
قلت...كبرت عيلتك يا شيخ
وسالتة....
وانا بقلب في هند
الي كانت خلاص احولت... وبوقها جه علي جنب
قلت...
استحالة تكون وقعت كده لوحدها
اكيد انت عملت فيها حاجة
وسالتة
قلت...
عملت ايه في البت؟
بصلي زغلول
وقالي
قولتلك انها انتحرت و شربت بورشام
قلت..ولما هي شربت برشام
ايه الدم علي بوقها ده؟
رد زغلول
وقال..اعملها ايه مهي مكنتش عايزة تفتح بوقها
عشان تبلع البورشام
قلت...ينهارررك اسود يعني انت الي عملت فيها كده؟
رد زغلول وهو بيسبل في عنيه
وقالي...
كله منك يا فورتيكة
مهو انتي السبب
قلت..نعم؟ انا السبب ؟
قال... ايوه
لانك منفضالي... ولا كاننا عرسان
والليلة دخلتنا ....
و وبعدين صاحبتك الصفراء
كانت واخداكي مني يا فورتيكة
فا قولت اخمدها عشان تبعد عننا شوية
اتصدمت من بروده
وسالتة
قلت..
قول بسرعة برشام ايه الي اديتهولها؟
واديتلها كام حباية؟
رد زغلول بسخرية
وقال...
هو ايه الي كام حباية؟
هو انا لسة هقعد اعد؟
انا كبشت بايدي كبشة وبلعتهالها في بوقها
قلت..ينهارك اسود دي كده ممكن تموت
واحنا لازم نسعفها بسرعة
قال...ما تموت ولا تولع
سيبك منها بس دلوقتي..
وتعالي يا فورتيكة نتمم دخلتنا
ونفرح ونمرح
والنعمة لاادلعك... واشخعلك... وافرفشك ...واوريكي الي عمرك ما شوفتية
بصيتلة بقرف
وقلت...معتقدش في حاجة ممكن اشوفها اكتر من كده؟
وبسرعة مسكت الموبيل
وكلمت سهام
للكاتبة حنان حسن
قلت..الوووو
ايوه يا سهام... الحقيني بسرعة
في مصيبة حصلت
ردت سهام
وقالت...ايه الي حصل؟
اتكلمي
قلت..هند......
وقبل ما اكمل كلامي
حسيت بنغزة سكينة علي رقبتي
وسمعت زغلول بيهمس في وداني
وهو بيشاور علي السكينة الي في ايده
وبيحذرني
وبيقولي..
لو قولتي كلمة واحدة عن الي حصل لصحبتك ...
هركبهالك في رقبتك
اتفزعت من اسلوب المجرمين
الي بيتعامل بيه معايا زغلول...
واضطريت غصب عني
اني التزم الصمت
لكن ....سهام فضلت تصرخ
وتقولي..
ما تقولي يا زفتة
ايه الي حصل؟
مالها هند؟
قلت...مفيش
اصل هند شافت عماد معايا تاني في الفيلا
وعشان كده كلمتك...
لما اتفزعنا منه
ردت سهام
وقالت...عموما انا جاية
لان خلاص
شوقي راح المستشفي...
وانا دلوقتي هقدر اجي البيت
لان صلاح جاي بكرة يتمم الزواج
وهاجي بالمرة عشان
اشوف...
ايه موضوع عفريت عماد
الي طلعلنا فجاءة ده؟
قلت..تمام منتظرينك
وبعد ما قفلت مع سهام
لقيت زغلول بيمسك ذراعي
و بيقولي..
شاطرة يا موزتي
ممكن بقي تتفضلي معايا
يا فرتيكة
عشان نبدء ليلة دخلتنا
وفي اللحظة دي
شديت ايديا من ايده
وقلتلة بغضب
لا اسمع بقي
انت مش هتقربلي... ولا هتلمسني
غير لما نشوف حل في صاحبتي الي مرمية جوه دي
رد زغلول...
وقال...يعني عايزاني اسيب ليلة الدخلة
واعمل فيها طبيب جراح لصحبتك؟
قلت...سيبك من ليلة الزفت دلوقتي
وتعالي نطلبلها الاسعاف
للكاتبة حنان حسن
رد زغلول
وقال...ولما يسالوا مين الي عمل فيها كده؟
وندخل في سين وجيم؟
قلت...اطمن محدش هيجيب سيرتك
وليك عليا.... اني اشهد معاك واقول ....
انها هي الي اخدت البرشام بنفسها و انتحرت
رد زغلول
وقال...بجد ولا هتغدري بيا؟
قلت...معقولة اغدر بجوزي
واتسبب في اذيتة؟
فكر زغلول شوية
وقال..
ايوه بس علي ما نتصل بالاسعاف
وعلي ما يجوا ياخدوها
هنكون بقينا الفجر
وبصراحة انا عايز ليلة الدخلة تبقي بخيرها...
وميحصلش فيها فواصل
بصيتلة بغيظ
ولقيتني بقولة...
الله يخربيت دخلتك... ويخربيت شبكتك السودة
انجز يا متخلف انت قبل البت ما تموت
وبعد معاناه...
وافق زغلول اخيرا انه يتصل بالاسعاف
وبالفعل...وصلت سياارة الاسعاف ...
وتصادف وصول سهام في نفس الوقت
ودخلت الدكتورة سهام في الاول
شافت هند حقنة وهي مصابة
بتشنجات
وسالتني
ايه الي حصل؟
فهمتها علي الحقيقة
وقولتلها..
وان زغلول هو الي عمل فيها كده
فا طلبت مني سهام
اني اخرج لرجال الاسعاف وافهمهم....
ان الحالة الي هما جاين لها
اتنقلت علي المستشفي
عشان سيارة الاسعاف تمشي
وبالفعل... انصرف رجال الاسعاف بسيارتهم
بدون ما ياخدوا معهم هند حقنة
وبعد ما مشيوا
سالت سهام
ليه مسيبتهمش ياخدوا هند عشان يعالجوها؟
ردت سهام
وقالت...
اولا_
لو هند كانت راحت للمستشفي
كان هيتفتح تحقيق
بسبب الكدمات ....والزرقان
الي في وشها
قلت...وايه المشكلة؟
ما احنا هنبلغ عن زغلول؟
ونقول انه هو الي عمل فيها كده
ردت سهام
وقالت..
نبلغ عنه ازاي يا غبية؟
انتي ناسية انه عارف عننا
كل حاجة؟
قلت...امال يعني هنسيب هند بالمنظر ده
لغاية ما تموت؟
ردت هند حقنة
وقالت..
ما تقلقيش انا هعالجها
دول شوية تشنجات هيروحوا لحالهم
بمجرد ما تاخد حقنة تراي_ بي
قلت..يا سهام الموضوع مش علي اد التشنجات بس
المتخلف زغلول
للكاتبة حنان حسن
قالي انه سممها ببرشام وحبوب
يعني ممكن تحتاج لغسيل معدة
ردت سهام بثقة
وقالت...
انا كشفت عليها
ومعرفش ايه سبب الحالة الغريبة
الي هي فيها دي
لكن هي مفيش عندها اي اعراض تسمم
قلت..طيب والتشنجات الي عنده؟
ا وبوقها المعووج....
والزرقان الي في وشها..
والدم الي علي بوقها؟
ردت سهام
وقالت
واضح انها اتعرضت للهجوم.... والضرب.... من زغلول المجنون
وده ممكن يكون اصابها بحالة عصبية
ادت للتشنجات
وهنا استوقفتها
وقلت...اهو زغلول ده بقي
الي لازم تشوفي ليه حل
لانة فعلا بني ادم مش طبيبعي
ردت سهام

وقالت...
عشان كده لازم نخلص من زغلول.. وبسرعة
وسالتها
قلت..بالمناسبة ايه اخبار شوقي؟
ردت سهام؟
وقالت...تقريبا مصاب بجلطة
لانه فاقد النطق ...والسمع.... ومش بيتحرك...
لكن تقريبا حالتة مستقرة
وانا متابعة حالتة من بعيد لبعيد
ويومين وهتيجي معايا نجيبة
من المستشفي البيت
عشان نخلية يوقع علي الاوراق الي احنا عايزينها
قلت...تمام
ردت سهام
وقالت..سيبك انتي من شوقي وزغلول...
متشغليش بالك بيهم..
وادخلي نامي
عشان صلاح هيجي بكره يكتب كتابة عليكي
قلت...خلاص الي تشوفية
المهم انك تخلصيني من زغلول ابو دخلة ...
احسن ده عليه عفريت اسمة
(ابو دخلة)
وياريت كمان
تعالجي هند بسرعة عشان تساعد معانا شوية
لان عرساني كلهم يومين وهيتجمعوا معايا في الفيلا وهنبقي( لمة )
هزت سهام راسها بالموافقة
وسابتني ودخلت المطبخ
المهم...رجعت انا لغرفتي
عشان الحق انام شوية
قبل الصبح ما يشقشق
لاني مفروض هقوم بدري ...عشان استعد للفرح
لكن المشكلة....
اني لما جيت ادخل لغرفتي
لقيت ان الباب بتاع الاوضة
موارب
وسمعت جوه الغرفة شخص بيتكلم مع شخص تاني
وبيقولة...
انا مش هعتقها الليلة دي
فريدة مراتي....
وغصب عنها الليلة... هيتم المراد
و هخلص منها القديم والجديد
وعرفت طبعا ان الي يتشك في قلبة زغلول
للكاتبة حنان حسن
هو الي بيتكلم جوه الغرفة
وكنت هدخل اطردة
لكن ..خوفت لا يكون زغلول
ناوي يتحمرش بيا
في الليلة المفترجة دي
وده كان واضح ...
من الكلام الاهبل الي كان بيقولة
بدليل انه كان منتظرني في غرفتي ...
وطبعا زمانة ملبوس بالعفريت (ابو دخلة)
فا رجعت بسرعة...
ادور علي سهام ....
عشان تنقذني من زغلول وتبعده عني...
وكنت راجعة بجري قبل ما يجي ورايا و يحصلني
لكن الغريبة ...
اني وانا بجري اصطدمت بشخص ..
معرفش طلعلي منين
ولما حققت في وجهة
اتفاجئت ....
انه...
( زغلول)....
وفضلت ابصلة وانا مستغربة ... وبقول في نفسي..
يادي النيلة...
هو منين بودي علي فين؟
ازاي زغلول هنا معايا؟
امال مين الي جوه في غرفتي؟
وبعدين الي جوه كان بيتكلم
مع مين؟
يادي المصيبة
معني كده ان الي في غرفتي كانوا اتنين مش واحد؟
مصيبة لا تكون سهام...
عملالي مفاجئة ...
وجايبالي عريسين جداد؟
هو انا ناقصة ياربي
للكاتبة حنان حسن
مش كفاية عليا هباب الهم زغلول؟
الي بيحلم بليلة الدخلة
سواء صاحي او نايم
لدرجة...
انه هيتجوز علي نفسة؟
وفي عز منا واقفة مذبهلة ومتنحة لزغلول
لقيتة بيسالني
وبيقولي...
معقولة يا فورتيكة؟
وزعتي سهام وجاية تجري عشان تلحقيني قبل ما انام؟
اكيد مش جايلك نوم غير لما تطمني وتعرفي امتي هنتمم
دخلتنا؟
طبعا مردتش عليه
لان الصمت في حرم البرود واجب
لكن لقيتة..
هيسوق الاستهبال لما لقاني واقفة متسمره في مكاني
وهيبدء يعطف... ويلطف
وطبقات صوتة نزلت لدرجة الهمس ....
وقبل ما يوصل للمس
اتعللت باني كنت مستعجلة عشان اروح الحمام
وبالفعل سيبتة وطلعت اجري
واتسللت لغرفتي مره اخري
عشان اشوف مين الي جوه
وفضل فضولي ياكلني
واقول لنفسي
يكونش عماد هو الي جوه الغرفة؟
ولقيتني برد واقول
لا ..
انا كنت سامعه حوار بين شخصين
امال مين الي جوه؟
للكاتبة حنان حسن
وفضلت اضرب اخماس في اسداس
لغاية ما وصلت لباب غرفتي
ومره واحدة
دفعت باب غرفتي بقوة
عشان اتفاجئ ب......
لو عايز باقي احداث القصة صلي علي رسول الله
عشان ناخد ثواب انا وانت
وطبعا لازم تضع عشر ملصقات مع متابعة للمدونه في الأسفل ووضع تعليق
تعليقات
إرسال تعليق