مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

الفصل الثلاثون 

(الجزء الاول)

فتحت عينيها لتجد سيف علي المقعد بجاورها ومن الواضح انه يفكر في شئ ما 

_ انا اسفه يا سيف والله كنت بتسلي وفضول اعرف مين ماجد ده 

ابتسم بسخريه وهو يقول :

مش هتفرق بقي احنا الاتنين زباله زي بعض انا مقدرتش احميكي واقف في وش عمر وانتي طلعتي خاينه

اصدر تنهيده طويله ثم قال :

انا رديتك لعصمتي 

__________________

بعد مرور شهر 

انتهت فريده من اختبارات الجامعه الخاصه بها واليوم حفل زفافها علي فارس كل شئ خطط له فارس في اثناء فتره اختبارها ...

ووافقت فريده ...

تعلقت في ذراعيه بعد انتهاء حفل الزفاف اقتربت منها والدتها حتي تقوم بتهنئتها ولكن فريده ابتعدت عنها بشكل ملحوظ وهتفت بابتسامه بارده :

الله ييارك فيكي 

استقل العروسين السياره في الخلف واياد يقوم بالقياده في الامام 

_ عيب الي عملتيه مع مامتك ده 

قالها فارس بعتاب ولؤم لتقول فريده بانفعال :

لا مش عيب هي تستاهل كده واكتر كمان واحده خاينه 

_ الفرح كان حلو اووي 

قالها اياد حتي يلطف الاجواء بينهما ويمنع ان يحدث نزاع 

اما فريده نظرت الي الشرفه بضيق واضح بعد مرور الوقت وصل كلاهما الي البنايه ثم هبطوا من السياره قام اياد بتوديع اخيه وفريده ايضآ ...

دلف كلاهما الي الشقه الخاصه بهما ضغطت فريده علي يديها بتوتر ولعنت نفسها علي موافقه فارس في عجله جوازهما ...

_ في حاجه من وانا صغير هموت واتجوز عشان اعملها 

تلك الكلمات هي التي قطعت تفكير فريده هتفت هي بخوف :

حاجه ايه ؟! 

اقترب منها وحملها بين ذراعيه وهو يقول :

اني اشيل عروستي كده وهي بفستان الفرح انتي دماغك راحت لفين ؟!!

_ نزلني يا فارس لو سمحت 

تحرك بها نحو الغرفه قائلا :

ما انا هنزلك فعلا انتي تقيله والفستان اتقل منك وحاجه صعبه علي الاخر 

وضعها علي الفراش برفق نظرت حولها بدهشه كبيره حيث ان الفراش مغطي باكمله بالزهور وهتفت :

الله مانت ليك في رومانسيه اهو 

جلس بجانبها وهو يقول :

مين بقي قالك اني مليش في الرومانسيه ؟!!

تمسكت بيديها زهره وبعثت بها قائله :

مش عارفه بس بحس انك شخصيه جد كده معملتش خطوبه ونقعد نحب في بعض بقي وبتاع لا كتب كتاب وجواز علي طول 

_ واحنا مينفعش نحب في بعض واحنا متجوزين لازم واحنا مخطوبين يعني ؟!!

_ ايوه الحب بيبقي في خطوبه بس لكن جواز كل حاجه بتتغير 

شعرت بيديه وهي تنزع عنها طرحه الزفاف من فوق راسها قائلا :

لا انا بقي عندي الحب في الجواز عادي جدا 

تراجعت بجسدها بالخلف بخفه قائله :

انا هشيلها 

_ مينفعش لاني دي من ضمن بردو الحاجات الي كنت هموت وانا صغير اتجوز عشان اعملها

تنهدت بنفاذ صبر وهي تقول ;

من امتي وانت دمك خفيف كده وروش ؟

_ يوووه من زمان اوي بس انتي مخدتيش لبالك كويس 

انتهي من نزع طرحه الزفاف من فوق راسها ثم قال ;

زي ما مخدتيش لبالك بظبط اني حبيتك من اول يوم شوفتك فيه من قبل حتي ماانتي تشوفيني ولا اقابلك، حبيتك من صورك الي معلقه علي حيطان شقتكم اتخيلتك واحده رقيقه كده وهاديه زي صورك متوقعتش خالص انك مجنونه وشعنونه 

_ مفروض انك كده بتقولي كلام حلو ولا بتشتم عشان ابقي فاهمه بس 

ضحك وهو يعبث بخصلات شعرها :

شعرك كان احلي وهو طويل

_ لا انا عاجبني وهو قصير كده شعري وانا حره فيه

_ ايه الرد ده ؟! في واحده ترد علي جوزها في لحظه رومانسيه بينهم بطريقه دي ؟

_ امال مفروض ارد عليك ازاي يعني ؟!!!

_ تقوليلي خلاص يا حبيبي مش هقص شعري تاني طلاما انت بتحب شعري طويل وتقوليها بسهوكه كده عارفه السهوكه يا روحي ؟

حركت راسها بنفاذ صبر ثم تمسكت باطراف فستان زفافها قائله :

انت مش طبيعي نهارده والله 

تحركت ناحيه خزينتها واخرجت ثيابها ثم اتجهت للخارج وفارس يتابعها بابتسامه ..

هو يريد اخراج الرهبه التي بداخلها وان تمحي من عقلها ذكره محاوله اقتراب شقيق صديقتها..

وصل اليه صوت صياحها بنفاذ صبر ومن الواضح انها لم تتمكن من نزع فستان زفافها ..

اقترب من الغرفه الموجوده هي بها وطرق الباب بخفه قائلا :

محتاجه مساعده ؟!

_ لا مش محتاجه حاجه سيبني في المرار الي انا فيه ده 

قالتها بزعيق ادار مقبض باب الغرفه ودلف اليها لتصرخ هي به :

انت ازاي تدخل عليا كده ايه ده ؟!!

_ هفتحلك السوسته بتاعه الفستان اهدي كده وبطلي الجنان بتاعك ده 

اقترب منها ثم قام بسحب سحابه فستانها برفق قائلا :

شوفتي موضوع بسيط ازاي 

_ شكرا ممكن تخرج براه بعد اذنك يعني 

اوما راسه بالايجاب وهو يقول :

طبعا ممكن 

وبالفعل غادر فارس واغلق الباب خلفه اما هي بدات في نزع فستانها ثم قامت بارتداء بيجامه سوداء اللون تمسكت بفستان زفافها ثم قامت بوضعه علي فراش الاطفال وجلست علي الفراش الاخر وتنهدت بقوه تخشي ان يخلف معها فارس وعده لها ..

سمعت صوته يقوم بمناداتها وصلت اليه قائله :

ايه تاني احنا مش هننام في الليله دي يا فارس ولا ايه؟

تطلع الي ثيابها قائلا :

بقي انا لابسلك بيجامه حمراء وانتي لابسالي اسود وفي اول ليله لينا مع بعض؟!!! 

_ محدش قالك البس احمر ومتنساش انك وعدتني انك مش هتقرب مني غصب عني 

_ فاكر الوعد يا فريده متقلقيش بس علي اقل نقعد نتكلم مع بعض شويه علي الورد الي عملتهولك ده 

قالها وهو يجذبها من يديها ناحيه الفراش ثم جلس كلاهما ليقول هو عندما لاحظ شحوب وجهها وشفتيها :

يا بنتي اقسم بالله ما هيحصل حاجه غصب عنك في ايه ؟

ضغطت علي جبين وجهها وهي تقول :

انا مصدعه مصدعه اووي ومحتاجه انام معلش 

حرك راسه بالايجاب ثم قال :

خلاص نامي ارتاحي بس هنا مش في اوضه الاطفال انا اقسمتلك مفيش حاجه هتحصل غصب عنك 

تمددت علي الفراش ثم اغمضت عينيها اما فارس تمدد هو الاخر لتقول هي :

خلي نور متطفهوش 

تنهد فارس وترك اضاءه الغرفه مضاءه ونظر الي سقف الغرفه انهت هي كل شئ خطط له هو .. 

ولكنه لم يستسلم سيجعلها تنسي ليله شقيق صديقتها رغمآ عنها مهمها كلفه الامر ..

بعد مرور الوقت 

هتف فارس :

نمتي؟!

_ لسه هنام اهو لو مضايقك النور انا ممكن اروح اوضه الاطفال 

_ لا انا في حاجه تانيه مضايقاني اووي بجد 

_ حاجه ايه دي ؟

_ يعني ينفع من يوم ما عرفتك وانتي كل شويه راميه نفسك في حضني ولما نتجوز متناميش في حضني ؟

قالها وهو يحاوطها بين ذراعيه ويضمها الي احضانه لتقول هي بانفعال :

راميه نفسي في حضنك ازاي ؟

_ كل شويه تتلككي عشان احضنك ولا انتي ناسيه ؟!!

ابتعدت عنه وهي تقول :

اه ناسيه معلش فكرني راميه نفسي علي حضن حضرتك ازاي ؟؟!

جذبها اليه مره اخري قائلا :

يا بنتي انتي عايزه تتخانقي بـ اي شكل اهدي كده 

_ هاديه والله انت الي كلامك مستفز 

_ حقك عليا يا ستي قوليلي بقي بتحبيني بجد ولا قولتي اتجوزه عشان وسيم وحليوه كده

_ مين قال انك وسيم اصلا ؟!

_ كتير ده انا بنات دفعه بتاعتي كلها كانت بتكرش عليا اصلا سيبك انتي وقوليلي بتحبيني بجد يا فريده ؟

- اكيد بحبك لو مبحبكش مكنتش اتجوزتك 

_ ولا كنتي بعتيلي جوابات عندك حق 

نظرت اليه بضيق وهي تقول :

هو جواب واحد الي بعته علي فكره متستهبلش فيها

_ ايوه جواب وكل شويه تتلككي عشان ابص عليكي وترمي عليا المرهم 

_ شاهيناز الي رمته اصلا 

_ ايوه صح شاهي الي رمته مش انتي خالص 

قالها بسخريه واضحه لتقول هي :

ممكن انام بقي 

_ لا مش ممكن الليله دي هنفضل ندردش كده وانتي في حضني لصبح 

_ ياااربي فارس انا تعبانه بجد بلاش استفزاز بتاعك ده 

_ انا مش اخو صحبتك انسي الليله دي يا حبيبتي انسيها نهائي وشوفيني انا وبس فارس الي بتحبيه 

انهي جملته تلك وهو يطبع قبله رقيقه علي شفيتها ثم قال بابتسامه :

فارس الي بيحبك 

رويدآ رويدآ استسلمت له وركزت تفكيرها باكمله علي فارس ومنعت عقلها من التفكير في اي شئ يخص تلك الليله ...

قررت ان تزيح عن قلبها خوف تلك الليله وما حدث بها والبدء من جديد مع فارس ..

_______________

يرتشف كاس الخمر ويشاهد علي حاسوب مقاطع الفيديو الخاصه بفريده عندما قام بتهكير هاتفها ومقاطع اخري عندما كانت تقوم بالغناء في ال Night club وعندما ايضآ قامت بالوصول الي شقته وسرقه حاسوب الخاص به تامل ملامحها كثيرآ ودمعه حبيسه في عينيه ويمنعها من النزول بصعوبه ..

اوقف مقطع الفيديو علي صوره فريده ثم وضع انامله علي شاشه حاسوب وهو يقول :

انتي ازاي خلتيني كده ؟ عملتي فيا ايه يا فريده نفسي اشوفك تاني عشان اندمك علي كل الي عملتيه فيا وانتي غايبه هخليكي تتمني الموت ومتقدريش توصليله بس القيكي يا فريده 

سقطت الدمعه من عينيه علي خديه شعر هو بها وقام بمحوها علي الفور وهو يقول :

امتي اشوفك تاني قدامي 

_________________

قامت باخفاء جسدها الذي يرتعش برعب وخوف اما فارس هتف بزعيق بها :

ايه ده ؟! فهميني كده ايه ده 

حركت شفيتها بصعوبه وحاولت ان تخرج الكلمات ولكنها لم تتمكن من ذلك ...

جذبها من ذراعيها بقوه وهزها وهو يقول :

ردي عليا جاوبيني اخو صحبتك عمل فيكي كده وخوفتي تقولي؟!

حركت راسها بنعم سريعآ ليقول هو :

اول ما النهار يطلع هتاخدني لبيت صحبتك واخوها انتي فاهمه ولا لا

واخيرآ نطقت هي برعشه في صوتها:

لا مينفعش مش هينفع يا فارس مش هينفع 

_ يعني ايه ؟!! انتي خايفه من ايه اصلا الحيوان ده لازم يتعاقب علي عملته دي وفي داهيه الفضايح الي هتحصل 

_ مفيش اخو صحبتي يا فارس انا الفت عليك الكدبه دي  

قالتها هي باكيه وفي نفس اللحظه شعرت بصفعه قويه علي وجهها من فارس 

ضمت جسدها بقوه وصاحت باكيه ليقول فارس :

 لا بـــــــرافـــــــو

ابتسم بسخريه ثم قال :

كنتي فاكره اني هسمع كلامك واسيبك اربع ولا خمس سنين؟!! انا من اول ما قولتليي كده وانا باخدك علي قد عقلك علي فكره وياتري بقي الهانم كانت عايزه خطوبه كام سنه ليه ؟!! 

لم تنطق بحرف هي ليقول هو :

كنتي محتاجه وقت تفكري تخلصي من مصيبه دي ازاي وترجعي كل حاجه زي ما كانت مش كده يا محترمه لا بقي محترمه ايه بس ورحمه امي لهوريكي يا فريده هخليكي فرجه للي يسوي والي ميسواش

قال جملته تلك وغادر الغرفه باكلمها اما هي تمددت علي الفراش وهي تضم جسدها الذي يرتعش بقوه وتتمني ان يكون كل ما هي به مجرد كابوس وستستيقظ منه ..

نهايه الفصل الثلاثون

توقعاتكمممم 

تفاعل حلو بليز يعني 👀

وادعولي دعوه حلوه كده منكم  ❤️❤️🙏

بكره ان شالله في فصل تاني وكل يوم هيكون في فصل 😌🌚

الفصل الثلاثون 

(الجزء الثاني)

منذ ان تركها وهو يجلس في الشرفه وعقله سوف ينفجر من التفكير ...

قفز في عقله مشهد ارتعاش جسدها وهي بين يديه وخوفها الواضح منه ابتسم بسخريه فهو كان يظن ان كل هذا الخوف بسبب محاوله اقترب شقيق صديقتها منها .. ولكن مع الاسف اتضح ان كل ما فعتله هي لم يكن سؤي مجرد تمثيل لا اكثر .. 

نهض من مكانه عندما اشرقت الشمس ثم اتجه ناحيه الغرفه الموجوده بها فريده ليجدها غارقه في النوم مط شفيته بضيق هو سوف يجن من التفكير وهي نائمه !!!

هزها بقوه قائلا :

انتي يلي نايمه ولا علي بالك حاجه قومي 

انتفض جسدها بقوه واعتدلت من الفراش بهلع ليبتسم فارس بسخريه :

لا خلاص مبقتش تاكل معايا الحركات دي 

لم تنطق هي بحرف ليكمل هو :

لا اتكلمي متسكتيش فهميني عشان هتجنن من التفكير 

_ كان غصب عني يا فارس والله 

ايوووه بقي غصب عنك ازاي بقي ؟! اتخطفتي مثلا ولا ايه !!!

اومات راسها بالايجاب سريعآ قائله :

ايوه اتخطفت الشهر الي كنت هربانه فيه اتخطفت ناس خطفوني وعملوا فيا كده وانا خوفت اتكلم 

حرك راسه باستنكار ضاحكآ بسخريه ;

يا حرام ناس كمان يعني مكنش واحد ولا اتنين تؤ تؤ يا حرام

لمحت بكلماته السخريه لتقول هي :

ده الي حصل 

_ خطفوكي فين بقي ناس دي ؟!! اكيد مش فاكره يا عيني .. بس عادي محلوله قومي البسي نروح نقدم بلاغ وهما يتصرفوا ويجيبوا العيال دي 

بس انتي مش هتوافقي عارفه ليه ؟!! لانك كدابه وبتدوري علي اي حاجه تتعلقي فيها عشان تخلصي 

اغمضت عينيها وصاحت باكيه ليقول هو :

لا انا مش عايز اسمع عياطك ده، عايز اسمع الحقيقه يا فريده اتكلمي يلا

ماذا لو اخبرته عن عمر بالطبع لم يصدقها الا بدليل او الوصول الي مكان عمر وهي لا تريد شئ كهذا ان يحدث .. عمر لم يتركها اذا علم مكانها ..

_ اتكلمي يا فريـــده 

قالها فارس بزعيق فاقت من شرودها ذلك ثم هتفت :

غلطه غلطتها زمان وانا صغيره اتعرفت عليه عن طريق نت وطلب مني تقابل عنده في شقه عشان محدش يشوفنا وحصل الي حصل بينا بس كان غصب عني انا حاولت اهرب منه بس هو مدنيش الفرصه دي قفل الباب بالمفتاح وقرب مني بالعافيه وبعدها اختفي رقمه اتقفل والفيس بتاعه اتقفل بردو ومعرفتش اوصله، مكنتش اعرف حاجه عنه غير اسمه وشكله بس 

_ ما شالله علي تربيه هي تهاني تربيتها هتطلع ايه غير كده بصي في سطر في نص محتاج يتغير الي هو ايه ان كل الي حصل كان بمزاجكك مش بالغصب سلمتيله نفسك بمزاجكك يا فريده 

حركت راسها بالنفي وهي تقول :

لا صـ

وضع كفه يديه علي فمها ومنعها من ان تكمل باقي كلماتها قائلا  :

هوووووس صوتك مش عايزه اسمعه ابدا فاهمه تهاني معرفتش تربيكي مكنتش فاضيه كانت بتخون جوزها وبتجري ورا ابويا ومع الاسف ده اثر عليكي تاثير كبير وطلعك واحده ناقصه ربايه 

دفعها للخلف بيديها التي يكتم بها فمها وهو يقول :

ايه رايك اطلعك بفضحيه محترمه في الصباحيه واقول العروسه مطلعتش بنت بنوت والدنيا كلها تتكلم بقي وتقول شوفتي يااختي العروسه الي حضرنا فرحها امبارح مطلعتش بنت بنوت

حركت فريده راسها بالنفي والدموع علي وحنتيها ليقول هو :

بس اختك كده هتبقي الفضيحه في وشها العمر كله كل ما حد يجي يسال عليه يقولوا يا راجل دي اختها طلعت بفضيحه ليله فرحها وكده حال اختك هيقف ومع الاسف اختك هي اختي طب اعمل ايه يا فريده قوليلي كده؟! اعمل زي شغل الافلام واقعدك معايا كام شهر وبعدين اطلقك !!! واطلع بقي بطل واستر عليكي ؟! حلوه الفكره دي صح 

قال جملته الاخيره وهو يضغط علي فمها بقوه حركت فريده راسها بالايحاب ليقول هو ضاحكآ :

لا ما هو انا مبحبش اطلع بطل وكلام ده عارفه هعمل ايه يا فريده ؟ هقعدك معايا عمرك كله لحد ما تموتي وهربيكي الربايه الي تهاني مع الاسف مكنتش فاضيه تربيها ليكي يا حبيبتي 

ابعد يديه عنها لتقول فريده :

كام شهر وطلقني وهتنازلك عن كل حاجه مش هاخد منك حاجه 

_ ما قولتلك انا مليش في شغل الابطال ده مش بتاعي 

تناول الهاتف من الكوميدو ثم بعث به وقام بفتح الكاميرا ووجهه عليها

يلا بقي عايزك وانتي لافه نفسك بالملايه كده تقولي كل الي حصل في ليله فرحنا عشان متجيش بعد فتره الشيطان يوزك وترفعي قضيه خلع وتخلصي مني 

لم تصدق ان الذي امامها فارس كيف تحول هكذا !! 

وعندما لم يتلقي منها اجابه هتف :

هبدا تسجيل الفيديو عايزك تقولي كل حاجه بقي انك مطلعتيش بنت بنوت وسلمتي نفسك قبل الجواز لعيل وضحك عليكي وهرب يلا يا ماما اخلصي 

_ انا مش هقول كده يا فارس وابعد الموبيل ده عني 

جذبها من خصلات شعرها بقسوه وهو يقول بزعيق :

هتقولي يا فريده يااما هفضحك قدام الدنيا كلها  

_________________

وفي المساء 

انتهت من وضع الطعام امامه ثم جلست علي المقعد المجاور له قائله :

هو انت امتي هتسامحني يا سيف ؟!

_ مسامحك مين قال مش مسامحك ؟!!

لتقول هي  :

لا مش مسامحني انت بعيد عني اوي يا سيف مش بتكلم معايا غير لطلب بس عايز فطار غداء

_ دي حياتنا الجديده سوا اتعودي عليها لانها مش هتتغير 

تنهدت بضيق وهي تقول ;

مش قادره اعيش فيها يا سيف انا اعتذرتلك كتير سامحني بقي وخلينا نرجع زي ما كنا زمان علي اقل علشان لما البيبي يجي يلاقي ابوه بيحب مامته مش بيكرها كده 

_ صعب يا ليلي معلش خلينا كده احسن صدقيني انا قفلت منك ومش قادر بجد انا بالعافيه بستحمل الكام دقيقه الي بتحطيلي فيهم الاكل والكام دقيقه بتوع دلوقتي دول 

_ يااااه يا سيف لدرجه دي انت مش طايقني ؟!

_ انتي الي وصلتيني لكده وبعد اذنك اتفضلي قومي خلينا اكل عشان انزل شغلي 

اومات راسها بالايجاب باسي ونهضت من جانبه دفنت وجهها بالوساده وصاحت باكيه توقف سيف عن تناول الطعام عندما وصل اليه صوت بكاءها هذا ثم تناول هاتفه ومفاتيحه وترك الشقه باكملها وغادر ...

_______________

منذ ان قام بتسجيل مقطع الفيديو لها وهو ابتعد عنها لم يتحدث معاها اطلاقآ تركها بمفردها ..

اما هي عقلها سوف يجن كيف انكشف كل شي هكذا !!! والعمليه التي فعلتها لها طبيبه ؟!

محت دموعها التي لم تتوقف عن النزول منذ ليله امس، انتفض جسدها عندما وصل اليها صوت فتح الشرفه الخاصه بالغرفه ..

نهضت من مكانها ثم اتجهت ناحيه الشرفه وبدات في غلقها ولكنها توقفت عند ذلك ثم نظرت لاسفل ...

جلست علي الشرفه وجعلت جسدها باكمله في الخارج وقررت انهاء حياتها يكفي ما حدث لها لم تتحمل ما يفعله بها فارس 

نظرت الي الاسفل واغمضت عينيها وانحنت بجسدها لامام شعرت بيد تدفعها للخلف وسقطت بداخل احضانه ... 

تمسكت به بقوه وهي تشهق باكيه اما هو ابعدها عنه قائلا :

جنان في بيتي مش عايز انتي فاهمه ؟!! ولما تخلصي من حياتك فاكره كده مشكله اتحلت !!! بالعكس دي هتكبر اكتر وهفضحك وانتي ميته مش هيهمني حاجه 

مسحت وجهها بيديه التي ترتعش وهي تقول :

ربنا يسامحك 

_ ويسامحك يا اختي يلا شوفي اوضه التانيه اتخمدي فيها لاني هاخد الاوضه كبيره دي 

وبالفعل غادرت الغرفه بهدوء اما هو اغلق شرفه وهو يتنهد بضيق ...

غرفه الاطفال لا يوجد بها شرفه سيكون مطمئن اكثر عليها اما اذا مكثت في تلك الغرفه من الممكن ان تفعلها وتلقي نفسها من الشرفه ...

لو لم يلحقها في اخر لحظه لكانت فارق الحياه ....

________________

كالعاده تقضي اليوم مع عمر وتغادر في الليل بعثت بالحاسوب الخاص بعمر وعندما اضاءت الشاشه ظهرت امامها صوره فتاه ما ركزت في ملامحها بدهشه كبيره ثم هتفت الي عمر :

ايه صوره بنت دي؟! حططها خلفيه ليه عندك 

تناول منها عمر الحاسوب قائلا بانفعال :

انا حذرتك الف مره ايدك متجيش جمب حاجتين الموبيل بتاعي ولاب توب انتي ايه مبتفهميش 

_ لا مبفهمش يا عمر وعايزه افهم صوره فريده عندك خلفيه ليه !!!

ضيق بين حاجبيه وهو يقول باستغراب :

فريده ؟ انتي تعرفيها 

_ مش اووي يعني بس بشوفها عندي في الجامعه 

هتف عمر بلهفه واضحه :

معاكي في الكليه يعني؟

حركت راسها بالنفي وهي تقول :

لا هي في كليه صيدليه انا اداب بس صحبتي تعرفها يعني وبشوفها معاها 

_ طب تعرفي هي اخبارها ايه دلوقتي قاعده فين او اي حاجه عنها

زفرت يسرا بقوه وهي تقول :

مالك ملهوف عليها كده ليه انت في بينك وبينها حاجه ولا ايه ؟!!

زعق بها في انفعال :

جاوبي علي اسئله يا يسرا واخلصي 

_ راحت اسكندريه مع مامتها وجوزها مش بتيجي الكليه غير الامتحانات بس وعلي فكره فرحها كان امبارح علي ابن جوز مامتها

نهايه الفصل الثلاثون 

(الجزء الثاني)

توقعاتكممم 

تفاعل حلو بقي 😌🌚

لان تفاعلكم بيزعل جداااا يعني وانا حلوه معاكم وكل يوم فصل 🙂🙂 وانتو مش هاين عليكم تتفاعلوا 

البوست بيوصل ل600 شخص ليه بقي 600 ميعملوش لايكات 🌚

الفصل الثلاثون 

(الجزء الثالث)

منذ ان غادرت يسرا بعد ان اخبرته بخبر زواجها وهو يرتشف الكثير من الخمر ويشعل سيجاره ورا الاخري ...

نظر الي صورتها الموجوده بحاسوب قائلا :

اتجوزتي ؟! انا هتجنن عليكي من وقت ما اختفيتي وانتي بتجوزي؟ 

تابع بابتسامه :

بس شوفتي بردو عرفت مكانك تخيلي يا برنسيسه انا عمري ما خليت لاب بتاعي من غير باسورد غير الفتره دي يقوم بقي القدر يخلي يسرا تولعه وتشوف صورتك وتوصلني ليكي شوفتي بقي

انهي جملته وهو يرفع زجاجه الخمر علي فمه وعندما انتهي انفجر ضاحكآ ثم القي الزجاجه بقوه علي الارضيه وتحولت الي قطع محطمه ..

___________________

وفي منتصف الليل 

فتح عينيه ليجدها تجلس بجانبه علي الفراش اعتدل في جلسته ثم اضاء الغرفه قائلا :

انتي ايه الي جايبك هنا ¿!

لم تجيبه بشئ فقط تنظر له بصمت ليقول هو بنفاذ صبر :

فرريده عايزه ايه اخلصي 

_ خليني معاك انا مش عايزه انام لوحدي 

قالتها وهي تضع راسها علي فخذيه :

انا اسفه يا فارس سامحني حقك عليا والله

تنهد فارس ثم اغمض عينيه بقوه وصل اليه صوتها وهي تقول :

عارف لو كنت قابلتك اول ما احمد اتجوز تهاني حاجات كتير كانت هتغير كنت هجري عليك واحكيلك مكنتش هتصرف لوحدي كنت انت هتبقي معايا وتحميني 

_ احميكي من ايه ؟ وتحكيلي ايه اصلا انك كنتي مرتبطه بواحد علي نت وروحتيله شقته ؟! 

خرج صوتها بصعوبه وهي تقول ;

كان غصب عني

_ هعتبرها غصب عنك وانك مسكينه يا حرام حاولتي تقاوميه وهو اعتدي عليكي ايه الي موديكي شقته اصلا متحاوليش تطلعي نفسك ضحيه

شعر بدموعها الساخنه تسقط علي فخذيه وهي تقول :

انا اسفه يا فارس

ابتسم بسخريه قائلا :

مبقاش ينفع الاسف يا فريده بينا خلاص 

رفعت راسها وهي تقول باكيه :

انا حبيتك يا فارس والله اعتبرها غلطه حصلت وانا مراهقه 

تمسكت بيديه وهي تقول بتوسل ورجاء :

سامحني يا فارس ونبي 

_ ياريتني كنت اقدر اسامح  

قالها وهو يجذب يديه ثم نهض من مكانه وغادر الغرفه باكملها ...

________________

  

وبعد مرور عدده ايام

لم يتعرض لها فارس منذ اخر مره تحدثوا بها خشي ان تزداد حالتها النفسيه اكثر وتكرر فعلتها مره اخري وتحاول الانتحار ..

اقترب من الغرفه التي تمكث بها ثم فتح الباب ببطئ حتي يراقبها وجدها تجلس امام المراه وتنظر الي انعاكس صورتها بصمت تام ودموعها  تسقط علي وحنتيها ..

_ مصممه يا فريده يااما تتجنني يا تتلبسي 

دلف الي الغرفه وهو يقول :

انا مش ناقص لف علي شيوخ كمان لما تتلبسي بتبصي علي نفسك في المرايه ليه كتير كده ؟! وايه اوضه الي قاعده فيها 24 ساعه امك جايه تزورك بعد كام يوم ولو شافتك بمنظر ده هتفتكر اني انا السبب 

_ قولها متجيش انا مش عايزه اشوفها 

اقترب منها قائلا : 

من ليله فرحنا وانا قررت حاجات كتير اعملها فيكي بس لما لقيت حالتك زفت كده قولت كفايه عليها الي هي فيه وانك مش ناقصه ومع الاسف قولت اطلع البطل بتاع الافلام واستر عليكي وبعد فتره كل واحد يروح لحاله مفيش حاجه انقذتك مني يا فريده غير الحاله الي انتي فيها دي 

ابتسمت رغمآ عنها وهي تنظر له هاتفه :

مش ممكن اكون بمثل عليك؟ 

حرك كتفيه وهو يقول :

ممكن ليه لا ؟ 

نظرت الي المرأه مره اخري ثم اسندت راسها علي السراحه هتف فارس وهو يجذبها من يديها :

كفايه فرجه علي نفسك في المرايه قومي يلا 

وبالفعل تحركت ليقول هو :

قدامك خمس دقايق اجهزي عشان هنخرج

_ نخرج ليه وفين ؟!!

قالتها بفريده باستغراب ليقول هو :

صاحبي ومراته عاملين عزومه عشاء لينا حضرتك ومع الاسف معرفتش اخلع منه اخلصي يلا قدامك خمس دقايق

_______________

جالسه امام التلفاز وفي يديها الهاتف تركز به وفي لحظه وجدت سيف يجذب منها الهاتف ويعبث به نهضت هي صارخه :

هات موبيل انت ازاي تشده مني كده 

حاولت جذبه ولكن منعها هو قائلا بزعيق :

اوعي ايدك يا بت

ظل اكثر من دقيقه يبعث به وليلي ضغطت علي يديها بخوف واضح 

القي سيف الهاتف بقوه من يديه ثم صفعها بقوه قائلا :

ومره دي بردو كان عندك فضول تعرفي مين الرجاله دي كلها ؟!

_ انت مبتعرفش تعمل حاجه غير انك تمد ايدك عليا وبس لا مره دي بقي انا كلمتهم بمزاجي لاني خلاص زهقت من عيشتي دي قاعده ليل نهار لوحدي في وش الحيطان وانت مش طايق تبص في وشي ولا تكلمني كلمتين علي بعض اعمل ايه يعني افضل كده لحد ما اطق واموت

_ ده علي كده كل واحده جوزها مسافر يشتغل براه تكلم رجاله عشان تخلص من الوحده انتي كل يوم بثبتي ان كلام عمر عليكي كان صح وانا الي كنت مغفل 

_ ااه يا سيف كلامه صح انا واحده شمال خلاص ارتاحت كده عايز ايه مني بقي

_ والي في بطنك ده ذنبه ايه يتولد يلاقي امه كده؟!

ليلي هو انا غلطت لما حبيتك ؟!

قالها بحسره واضحه ثم تابع بزعيق :

بتعملي فيا كده ليه ؟!! 

هزها بقوه وهو يقول :

ليه يا ليلي ليه حرام عليكي انا محبتش حد قدك 

لمحت الدموع في عينيه وهو يعاتبها لاول مره تري دموع في عين سيف .. 

_ انا كنت بشتغلك والله العظيم ناس دي كلمتها عشان انت تشوفها وعلاقتنا ترجع كويسه تاني وحيات الي في بطني دي الحقيقه 

لاحت علي شفتيه ابتسامه ساخره ثم دفعها علي الاريكه قائلا :

مش هصدقك يا ليلي وعشان اريحك علاقتنا هتفضل كده العمر كله 

_________________

انتهت من ارتداء ثيابها ثم خرجت الي فارس هاتفه بهدوء :

انا جهزت 

اوما فارس راسه بالايجاب ثم تحرك كلاهما ناحيه باب الشقه ليقول فارس :

عايزك لطيفه مع حسام ومراته شغل الردح بتاعك بلاش تعمليه معاهم وتكسفيني قدامهم سامعاني يا فريده 

_ ولما انت شايفني واحده تكسف كده اتجوزتني ليه؟! 

فتح باب الشقه وهو يقول :

لا انا مش فايقلك 

استقل المصعد ثم ضغط علي الطابق السفلي وصل اليه صوت فريده وهي تقول :

لو عرفت بعدين ان الي حصلي كان فعلا غصب عني هتسامحني ؟!

_ حتي لو غصب عنك انتي روحتيله شقه بمزاجكك 

_ كان ممكن اعمل عمليه وارجع بنت وانت مكنتش هتعرف ولا تحس اصلا

دفع باب المصعد بيديه عندما توقف عند الطابق السفلي ثم قال ضاحكآ :

ومعملتهاش ليه يا تري خوفتي يا بيضه ولا ايه ؟

صمتت وتحركت معه ثم استقل كلاهما السياره اسندت راسها علي زجاج السياره وبدا فارس في القياده ..

__________________

وفي الشقه الخاصه برفيق فارس ..

_ ما تشوف عروستك يا فارس هو اكلي مش عاجبك ولا ايه ؟

قالتها يمني زوجه رفيقه لتقول فريده ;

الاكل حلو تسلم ايدك 

ابتسم فارس رغمآ عنه قائلا :

هي كده بالعافيه بتاكل اكلتها ضعيفه جدا تعبت جدا معاها في الحكايه دي

نهضت فريده من مكانها هاتفه :

ممكن توريني مكان التواليت بعد اذنك

_ اه طبعا 

تحرك كلاهما ليقول حسام رفيقه :

هي مالها طول القعده سرحانه وفي دنيا تانيه ليه ؟

_ هي علي الحال ده من يوم ما اتجوزنا مش عارف ليه بجد 

قالها فارس بهدوء تام وهو يتناول قطعه الكفته الموجوده امامه ليهتف حسام :

طب خلي عينك عليها ومتنساش انها لسه متعافيه من ادمان وممكن في اي وقت ترجعله 

_______________

انتهت السهره ووصلوا كلاهما الي الشقه هتف فارس وهو يخرج مفاتيح الشقه من سترته :

مكنتيش قادره تركزي مع الناس بدل ما فضلتي قاعده متوهه كده منك لله فضحتيني قدام صاحبي ومراته 

_ حرام عليك يا فارس انا معملتش حاجه طول القعده 

_ لا عـ

قاطعهم صوت فتح باب الشقه التي امامهم وخرج منها شخص ما قائلا بابتسامه :

انا لسه ساكن نهارده في الشقه وتلاجه هتوصل بكره باذن الله ممكن بس تشيل عند حضرتك في تلاجه الانسولين بتاعي لانه لازم يكون في مكان بارد اسف علي طلب السخيف ده 

تمسكت فريده بذراعي فارس وتشبتت بهم ويديها ترتعش بقوه وعينيها معلقه علي ذلك الواقف امامها هتف فارس سريعآ وهو يتناول العبوه منه :

لا متقولش كده احنا جيران 

_ متشكر جدا يا استاذ اا

_ فارس 

تشرفنا وانا عمر 

زاد ضغطها علي ذراعي فارس اما هو هتف :

عن اذنكم وبكره الصبح هاخد من حضرتك علبه الانسولين 

دلف عمر الي الشقه واغلق الباب خلفه اما فارس هتف بانفعال مكتوم :

دراعي يا فريده في ايـه ؟!!! ناقص شويه وتخلعيه من مكانه 

ارتفع صوت انفاسها بصعوبه ثم هتفت بصوت ضعيف :

نفسي نفسي يا فارس نفسي مش قـ مش مش قادره اتنفس نفسي يا فارس نفسي 

نهايه الفصل الثلاثون 

(الجزء الثاني )

توقعاتكمممم 🌚😌

وتفاعل حلو بليييييز 🌝🚶‍♀️

الفصل الواحد وثلاثون ..

( الجزء الاول)

تجلس علي الاريكه وجسدها يرتعش بشكل مريب احضر فارس كوب الماء اليها قائلا :

اشربي الميه دي وحاولي تهدي يا بنتي مالك في ايه بتترعشي كده ليه 

ساعدها ان ترتشف القليل من المياه ثم هتف :

اهدي انا ما صدقت تقدري تاخدي نفسك

وصوت عمر يرن في اذنيها شهقت باكيه وهي تضع يديها علي اذنيها شعرت بيد فارس تجذبها الي داخل احضانه تشبتت به بقوه اما فارس مرر يديه علي راسها وظل يقرا الايات القرانيه 

______________

_ هو انت ايه حكايتك مع البت دي هتسفاد ايه لما تدمر حياتها مع جوزها ؟

قالتها الفتاه وهي تجلس بجانب عمر  ليقول هو :

حكايتي معاها كبيره اوي يا مريم لو حكتهالك مش هنخلص 

_ يا سيدي احكي اهو بنتسلي بدل الملل الي احنا فيه ده 

_ هجبلك المفيد عشان مليش في الرط، انا بحبها ولو كنت قابلتها من زمان كنت هبقي واحد غير الي قدامك 

_ ايه مكنتش هتبقي فاتح شبكه دعاره ؟!!

قالتها بسخريه ليجيبها هو :

ولا كنت هفتح ال night club كنت هبقي بني ادم نضيف 

_ اووووووه 

قالتها بسخط واحد ليقول هو :

اعملي الي اتفقنا عليه يا مريم عشان تاخدي فلوسك كامله اي غلطه هطلع عين اهلك 

________________

تنظر لسقف الغرفه بشرود تام عمر اصبح في حياتها مره اخري ويسكن في الشقه المقابله لها .. كل شئ خططت له فشل ... 

حتي العمليه التي فعلتها لها طبيبه لم تنجح .. 

شعرت بفارس وهو يتمدد بجانبها قائلا :

انا هنام جمبك الليله دي لو احتاجتي حاجه صحيني 

لم تجيبه بشئ ظلت فقط تفكر في تلك الكارثه التي اصبحت هي بها لم يتركها عمر ومن الممكن ان يقوم بتهكير هاتف فارس ومراقبتهم 

اعتدلت في جلستها بهلع عندما خطرت ببالها تلك الفكره وهتفت صارخه :

لا 

_ بسم الله الرحمن الرحيم يا بنتي انتي اتلبتسي في ايه تاني ؟!

_ يلا نمشي من العماره دي ونسكن في مكان تاني اقولك نروح نقعد في الفيلا 

وده ليه ؟!

قالها باستغراب لتقول هي :

مش هقدر اعيش هنا مش هقدر يا فارس 

_ تصبحي علي خير يا فريده

قالها فارس وهو يتجهه للناحيه الاخري تاركآ اياها في افكارها تلك التي ستصيبه بالجنون..

_________________

استيقظ من نومه علي صوت صرخات قادم من الخارج اتجهه لمصدر الصوت ليجد ليلي علي الارضيه وتصرخ بالم

اقترب منها بهلع وهو يقول :

حصل ايه 

_ اتكعبلت ووقعت الحقني يا سيف مش قادره اتحرك 

احنا لازم نروح لدكتور دلوقتي عشان نطمن علي الجنين 

يعني انت خايف علي الي في بطني ومش خايف عليا لا اطمن الجنين بخير انا الي مش بخير ساعدني من فضلك اروح اوضتي 

نظر حولها حتي يتاكد من عدم وجود دماء فهو يخشي ان تكون اثرت تلك الوقعه علي الجنين ثم هتف :

طب حاسه بـ اي الم في بطنك 

وضع اذنيه علي باطنها لتقول ليلي باستغراب :

انت بتعمل ايه بس

_ بحاول اسمع نبض بتاعه

تنهدت ليلي بنفاذ صبر قائله ;

وسمعت ؟

_ مش عارف انتي متاكده ان الجنين بخير 

_ ايوه يا سيف بخير ساعدني اروح اوضتي من فضلك

حملها سيف بين ذراعيه ثم اتجه بها ناحيه غرفه النوم ووضعها علي الفراش ثم قال :

ايه الي واجعك ؟!

_ قلبي 

هتف هو بسخريه :

هو انتي وقعتي علي قلبك ؟!

_ بعدك عني واجع قلبي اوووي، مش هي دي الحياه الي كنا بنحلم بيها سوا قبل ما تتجوز فاكر يا سيف قولتلي بس نتجوز يا ليلي وانا هخليكي اسعد واحده في الدنيا 

_ انتي الي عملتي فينا كده ضعيتي بينا كل حاجه حلوه 

_ وندمت يا سيف كفايه بعد عني انا عايزاك

ضحك ساخرآ وهو يحرك راسه هاتفآ :

بعد ايه ليلي ؟ بعد ما كرهتك بقيتي عايزاني مش انا الي كنتي شايفاني مش راجل واتجوزتيني بس عشان تخلصي من عمك دلوقتي بقيتي عايزاني انسي يا ليلي وحركاتك الهبله دي وانك وقعتي والعبط ده مش هيرجعني 

هتفت هي بانفعال واضح :

مفيش اتنين متجوزين يعيشوا حياتهم بالشكل 

_ لا في احنا يا لولو

قالها هو ببرود تام

_ هو انت ممكن ترجع تحبني تاني ؟

قالتها بآسي ليقول هو :

صعب اووي انتي واحده خاينه اتكلمتي مع راجل علي نت واحضان وكلام زباله وكمان روحتي تقابليه بالله عليكي قوليلي احبك ازاي تاني؟! ده انا بالعافيه طايق ابص في وشك 

_ خلاص طلقني وسيبني اروح لحالي ودور انت بقي الي علي تقدر تحبها وتبص في وشها 

_ انا مش هطلقك لانك ملكيش غيري ولو روحتي لعمك هيرميكي براه، اما بخصوص اني ادور علي الي اقدر احبها وابص في وشها فـ انا بعمل كده فعلا 

_ بتدور ؟

قالتها بصدمه وعدم استيعاب ليقول وهو ينهض من مكانه :

انا ورايا شغل الصبح ومش فاضي للرغي 

انهي جملته تلك وغادر الغرفه تاركآ اياها في صدمتها.. 

يحب فتاه غيرها ؟!! 

_________________

منذ ان خرج فارس وهي تقف خلف باب الشقه  وتبحث عن حل في تلك الورطه التي تسكن في الشقه التي امامها  .. 

نظرت الي عين السحريه عندما شعرت بفتح الباب الشقه الخاصه به 

ارتفعت ضربات قلبها بخوف عندما ظهر امامها في العين .. 

ابتعدت عن العين وهي تضع يديها علي قلبها وتحاول التقاط انفاسها ..

وفي نفس اللحظه وصل اليها صوت رنين الجرس نظرت الي العين مره اخري لتجده عمر مررت يديها برعشه ناحيه المفاتيح ثم ادارتها واغلقت الباب ثلاث مرات به

_ بتقفلي الباب بالمفتاح ليه انتي خايفه ولا ايه ؟

وصل اليها صوته بتلك الكلمات 

لم تنطق هي بشئ ليقول هو :

افتحي عايز اتكلم معاكي في حاجه تخصك 

_ مفيش كلام بينا ابعد عن حياتي

قالتها بتوتر وتلعثم ليضحك هو هاتفآ :

ابعد عن ايه ؟ ده انا ماصدقت اوصل لحياتك دي افتحي بقي مش هنتكلم من وراه الباب اي حد من جيران يعدي كده ويشوفنا بنتكلم كده يقول ايه علينا افتحي 

_ سيبني في حالي حرام عليك كفايه الي عملته فيا 

_ انا مش بحب اعيد الكلام كتير افتحي يا اما وحيات الليله الغاليه الي قضيتها في حضني هبعت صورك وفيديوهات بتاعتك لدكتور جوزك 

_ انت قولتلي انك مسحتهم 

قالتها هي صارخه ليقول هو :

هبله اوي ازاي تصدقي اني امسح كل حاجه تخصك بسهوله كده افتحي يا برنسيسه احسنلك بلاش تخليني اعملك فضحيه يلا اخلصي قبل ما يقرب معاد وصول جوزك 

مسحت علي راسها بتوتر ثم قامت بفتح الباب له ابتسم عمر عندما ظهرت هي امامها وهتف باشتياق :

وحشتيني اوي يا فريده اووووي 

اختئبت خلف الباب وهي تقول :

فارس ممكن يجي في اي وقت قول الي عندك واخلص 

_ وهو معقول بردو اقول كلمتين علي باب كده 

قالها وهو يدلف الي الداخل ويدفع الباب بيديه ثم ادار مفتايح بالباب وبعد ذلك وضعها في سترته لتقول فريده صارخه :

الحقوووووني الحقو

اوقفها عمر وهو يضع يديه علي فمها :

اششش انتي هتلمي ناس علينا ولا ايه انتي لسه غبيه زي ما انتي ؟ ازاي تفتحي الباب لراجل غريب كده 

تلوت بجسدها حتي تتخلص حصار يديه تلك ليقول هو :

تؤ وبعدين بقي مش هينفع كده انتي وحشاني اووي خليكي حلوه امال بس انا عارف هتطلعي عيني ومش هتهدي اسمعي بقي انا مش هسيبك تتهني مع جوزك هحول حياتك لجحيم زي ما انتي حولتيها يوم ما اختفيتي وسبتيني كده هتجنن واوصلك بس عارفه اكشتفت حاجه مهمه اوي لما اختفيتي 

طبع قبله بشفيته علي خديها وهو يقول :

اني بحبك 

دموعها تسقط علي يديه وجسدها ينتفض بقوه لا تستطيع السيطره عليه وان تقاومه كل شئ بها يخشي عمر ..

قام بمحو دموعها بانامله قائلا :

انا بس في حاجه محتاج افهمها هو المحروس جوزك اتجوزك ازاي وانتي لمؤاخذه يعني كنتي في حضني في ليله اياها يااااه كانت احلي ليله فاكره يا فريده 

تابع وهو يمرر انامله علي وجهها برقه :

هشيل ايدي من علي شفايفك عشان تفهميني وعارفه لو صرختي وحياتك عندي لندمك فاهمه 

حركت فريده راسها بنعم ابعد عمر يديه وهو يقول :

فهميني بقي

وعندما تخلصت فريده من يديه وحصاره لها ركضت ناحيه المطبخ واحضرت سكينه وجهتها ناحيته هاتفه ببكاء وزعيق ورعشه في صوتها :

اخرج براه يا اما هقتلك واسيح دمك هنا زي ما انتو سيحتوا افتح الباب واخرج براه يلااا 

قهقه عمر عاليآ وهو يقول :

انتي بتخوفيني بالسكينه دي لا حلوه عمومآ انا ماشي بس هجيلك تاني كلامنا لسه مخلصتش يا برنسيسه واوعي تفتكري اني ماشي عشان خوفت من السكينه لا انا ماشي بمزاجي لاني حاسس ان اعصابك تعبانه وايدك الي هتسيحي بيها دمي بتررعش اووي 

انهي جملته وانفجر ضاحكآ ثم اتجهه ناحيه الباب واخرج المفاتيح وقام بفتح الباب ثم قال :

المفاتيح دي هخليها معايا بقي عشان وقت ما احب اجي اشوفك اعرف ادخل من غير ما اخبط واضايقك

قال عبارته تلك ثم وضع مفاتيح في سترته واغلق الباب خلفه وغادر ..

اتجهتت فريده ناحيه الباب ثم قامت بغلقه بالترباس الموجود بالباب ثم سقطت السكينه من يديها وهي ايضآ فقدت طاقتها باكملها وسقطت خلف الباب ....

اسندت راسها علي باب وهي تقول بخوف وارتعاش :

فارس لازم يعرف كل حاجه لازم يعرف 

نهايه الفصل الواحد وثلاثون 

(الجزء الاول)

توقعاتكمممم؟!!

تفاعل حلو بقي

الفصل الواحد وثلاثون 

(الجزء الثاني)

نظر الي الباب باستغراب عندما قامت هي بالفتح اليه وتلك السكينه الواقعه علي الارضيه ثم قال :

قافله الباب علي نفسك بالترباس ليه ؟ وايه السكينه الي علي الارض دي!!!

_في حاجات كتير لارم احكيهالك يا فارس 

قالتها وهي تغلق الباب خلفه بالترباس ...

_ احكي يا فريده عندك حاجه جديده هتالفيها ولا ايه ؟!!

وبدون شعور صرخت بوجهه قائله :

لا انت مره دي لازم تصدقني لانك لو مصدقتنيش هموت نفسي يا فارس انت فاهم لازم تصدقني لازم 

_ وطي صوتك وحضرتك بتكلمي معايا

قالها بتحذير ثم تابع بتنهيده :

ايه يا فريده الي عايزه تقوليه تعالي نقعد واحكيلي

تحرك كلاهما ناحيه الاريكه وجلسوا ليهتف فارس ;

سامعك اتكلمي بس الاول جاوبيني السكينه علي الارض بتعمل ايه ؟ وقافله الباب علي نفسك بالترباس ليه !!

صمتت قليلا ثم هتفت :

كنت هقتل نفسي وقفلت بالترباس عشان متعرفش تدخل وتلحقني ولحد ما تجيب حد يكسر الباب يكون دمي وروحي طلعت

_ وتتنيلي تقتلي نفسك ليه ؟! انا رحمتك مني عشان متعمليش حاجه في نفسك انتي متخيله لو حد مكاني كان هيبقي بالهدوء ده ويقعد كمان معاكي ويسمعك ؟!! عايزه تقتلي نفسك ليه ؟! انا قولتلك مش هفضحك وكام شهر وهطلقك عايزه ايه اكتر من كده 

قالها بانفعال وزعيق لتقول هي :

انا مش عايزه حاجه غير انك تسمعني وتصدقني 

_ طب انطقي واخلصي 

قالها هو بنفاذ صبر، 

_ احلف برحمه مامتك انك هتصدقني يا فارس ومش هتشك في كلامي 

رفع حاجبيه وهو يقول ;

مش لما اسمعك الاول ما يمكن كدبه جديده من بتوعك 

وفي نفس اللحظه وصل اليهما صوت صراخ قادم من الخارج نهض فارس من مكانه وخلفه فريده الي مصدر ذلك الصوت ..

فتح فارس الباب ليظهر امامهم عمر وهو يجذب فتاه من شعرها وفتاه اخري بحانبه تمنعه هتف عمر بقوه :

عايزه ايه ما تغوري بقي من حياتي انا كرهتك كرهتك انتي واحده خاينه شوفتك بعيني وانتي في حضن صاحبي جايه تبرري ايه ؟!! سيبني في حالي وابعدي عني 

هتفت الفتاه باكيه :

يا مريم خلي اخوكي يسامحني يا مريم ونبي 

دفعها عمر علي الارضيه وهو يقول ;

بس اسكتي اسكتي انا مش عايز اسمع صوتك مش عايز 

قالها وهو يضع يديه علي اذنيه ويصرخ لتقول مريم :

اهدي يا عمر مينفعش كده ادخل الشقه انت وانا همشيها من هنا

وبالفعل تحرك عمر الي داخل الشقه لتقول مريم :

امشي يا زهراء دلوقتي عشان خاطري عمر من وقت الي حصل وهو مدمر 

نهضت الفتاه من الارضيه وهي تقول باكيه :

هيسامحني يا مريم ؟!

تنهدت مريم وهي تقول :

ربنا يسهل بس امشي انتي دلوقتي 

وبالفعل اومات الفتاه راسها بالايجاب ثم قامت بمحو دموعها وتحركت ناحيه المصعد وغادرت ...

نظرت مريم الي فارس وفريده الذين يتابعون ما يحدث وهتفت :

اسفه علي الصوت والقلق الي حصل بسببنا 

_ لا ابدا مفيش حاجه 

قالها فارس 

تنهدت مريم براحه وهي تقول :

الحمدالله ان الصوت موصلش لباقي العماره كان زمانهم واقفين بيتفرجوا علينا

ليقول فارس :

_ الحمدالله عدت علي خير 

_ عن اذنكم هروح اشوف عمر ..

قالها مريم ثم دلفت الي الشقه واغلقت الباب خلفها 

هتف عمر الي فريده :

مش هندخل احنا كمان ولا ايه حضرتك؟!

انتبهت فريده له ثم حركت راسها بموافقه ودلفت الي الداخل وعينيها ممتلئه بالدموع 

_ ايه بقي الي كنتي عايزه تقوليه

ابتسمت بسخريه ثم قالت :

لا خلاص ملهوش لازمه هي كده خلصت مع الاسف 

انهت جملتها تلك ثم سقطت الدموع الحبيسيه في عينيها علي وحنتيها ليقول فارس :

مش فاهم يعني ايه ؟!

لم تجيبه بشئ تحركت ناحيه غرفتها ثم القت بجسدها علي الفراش،، دفنت وجهها بالفراش ثم صرخت بكل قوتها وصل اليها فارس علي ذلك الصوت قائلا بزعيق

انا زهقت من صراخ والعياط والانتحار والقرف الي انا عايش فيه من وقت ما اتجوزتك انتي عايزه ايه ؟!! افضحك قدام الخلق عشان ترتاحي ؟! اقولهم الهانم الي اتجوزتها مطلعتش ليله الدخله بنت عايزه ايه انطقي

اعتدلت من الفراش ثم هتفت باكيه :

غير كالون الشقه 

_ نعم ؟! لالا بجد انتي مش طبيعيه خالص اخلي يمني مرات حسام طيب تعالجك اهي دكتوره نفسيه وتفهم في المجانين الي زيك

نهضت من مكانه ووقفت امامه وهي تقول برجاء :

غير كالون الشقه يا فارس انت لو مغيرتهوش انا هموت نفسي يا فارس غير كالون حرام عليك غيره 

_ مش هغير حاجه وشغل الجنان ده انا اكتفيت منه 

قالها هو بزعيق 

تمسكت بيديه برجاء قائله ببكاء :

ونبي غيره يا فارس ونبي ابوس ايدك غيره 

انهت جملتها الاخيره وهي تقبله علي يديه اكثر من مره اوقفها فارس وهو يقول :

بس خلاص في ايه بس بس حاضر خلاص هغيره هغيره والله 

_ دلوقتي يا فارس غيره دلوقتي 

تنهدت فارس ثم هتف :

حاضر يا فريده 

_______________

_ هو انت يا عمر مدخلتش تمثيل ليه ؟! ده انت فاجر يا اخي ده انا الي متفق معايا علي كل حاجه صدقتك 

قهقه عمر وهو يقول :

مش مهم انتي تصدقي مهم الدكتور يصدق 

_ لا اطمن شربها وصدق وكمان البت زهراء يجي منها عملت دورها صح بس قولي انت لحقت تخطط لكل ده ازاي 

_ انا كل الي كان يهمني القي شقه قريبه من فريده بعد ما عرفت عنوانها وعشان حظها الدكر لقيت شقه فاضيه قدامها الباب في الباب قولت بس كده تبقي اتسهلت وجبتك انتي بقي يا ميرو عشان تعرفي تلعبي علي جوزها وتاخديه عايز فريده تبقي لوحدها بطولها كده من غير حد 

جلست مريم فوق فخذي عمر ثم لفت ذراعيها حول عنقه وهي تقول :

وافرض بقي صاحب الشقه الي اجرته منه طلب منك يتاكد اني اختك او البواب او حتي فارس هتعمل ايه ؟

طبع عمر قبله علي شفتيها ثم هتف :

بسيطه يا ميرو هقولهم اختي من نفس الام لكن الاب مختلف واهم واحد فارس لازم يعرف معلومه دي عشان لما اشهد علي جوازكم ميتخضش

ارتفعت صوت ضحكات مريم ليضمها عمر الي احضانه وينحني بجسده بها علي الاريكه ليسقط كلاهما عليها ..

_________________

سوف تجن يسرا منذ اخر مره قابلته وهو اغلق هاتفه واختفي من الشقه تحاول الوصول اليه بكافه الطرق ولكنها لم تتمكن من ذلك ..

هزت جسدها بعصبيه واضحه ثم هتفت بتوعد :

طيب يا عمر حاضر لو طلع الي في دماغي صح وفي حاجه بينك وبين البت الصفره فريده محدش هيرحمكم مني 

________________

قام بتغير كالون الباب كما طلبت هي .. كان يقف امام الباب ويقوم بتجربه المفاتيح انفتح باب الشقه المقابله له انتبه هو لتلك الشقه لتهتف مريم بابتسامه :

مساء الخير عمر قالي انه شايل عندك الانسولين ممكن تجيبهالي ؟!

_ اه طبعا لحظه واحده 

وبالفعل اختفي فارس عدده ثواني ثم ظهر وناولها عبوه الدواء وهو يقول :

اخبار الاستاذ عمر ايه دلوقتي ؟!

تنهدت مريم باسي وهي تقول :

مدمر علي الاخر انت مش متخيل هو كان بيحب زهراء ازاي وياريتها تستاهل 

_ ربنا معاه، انتي هتقعدي معاه هنا ؟!

_ اه صعب اسيبه لوحده انا في الاول كنت قاعده عند خالتي بس دلوقتي الوضع اتغير وعمر محتاجني جمبه 

_ ربنا بخليكم لبعض 

_ يارب استاذن انا بقي 

قالتها ودلفت الي الشقه ثم اغلقت الباب برفق اما فارس انتهي من تجربه المفاتيح ثم دلف الي الشقه هو الاخر واغلق الباب 

اتجهه الي فريده وهو يقول ;

الكالون اهو اتغير عايزه حاجه تاني ؟!!

حركت راسها بالنفي ليقول هو :

عينك موجعتكيش من العياط ؟! يا بنتي انتي بتعملي كده ليه !! 

عايزه اقولك حاجه بس اسمعني 

اقترب وجلس بجانبها قائلا :

سامعك 

_ لو واحده موبيلها اتهكر والي هكره ده فضل شهور بيتفرج عليها ومسك عليها صور دي وهددها تعمل ايه ؟!!

_ تطلع علي شرطه الانترنت وهما هيتصرفوا ويجيبوا من قفاه 

ولو كان بيراقبها وهددها لو راحت هينشر صورها او انه مخلي صور مع حد ولو اتقبض عليه هينشر الصور 

_ الشرطه هتتصرف دي شغلتهم انتي بتسالي الاسئله دي ليه ؟!!

_ لو حكتلك هتصدقني ؟

قالتها برجاء ليقول هو بنقاذ صبر :

هصدقك 

_ من فتره موبيلي اتسرق وواحد لقي صور بتاعتي عليه وهددني يا اما اروحله شقته اخد الموبيل بتاعي يا اما هينشرهم وانا كان ليا عليه صور كتير بتاعتي 

قاطعها فارس :

وطبعا روحتي عشان خوفتي بنشر صورك قام ايه بقي اعتدي عليكي صح يا فريده ؟!

حركت راسها بنعم ليقول هو باسف :

ياعيني عليكي 

ثم تابع بسخريه واضحه :

وقعدتي قد ايه بقي تفكري في الكدبه دي؟! 

_ انا مش كدابه 

_ لا كدابه انتي مبتعمليش حاجه غير انك تكدبي وتالفي قصص وبس 

قالها بزعيق ثم اكمل وهو ينهض من جانبها :

عارفه حتي لو طلع الي حصلك كان غصب عنك فعلا بردو انتي متلزمنيش يا فريده وهطلقك بعد فتره واحمدي بقي اني مفضحتكيش وفوقي كده من شغل الجنان لاني مش هستحمله كتير وانا قربت اجيب اخري وصدقيني لو جبته هتندمي وقومي اعمليلي عشاء اهو ابقي استفدت منك بحاجه والصبح تقومي قبل ما اصحي وتجهزيلي الفطار وارجع من العياده ساعه اتنين القي الغداء جاهز وهدومي تتغسل والبيت يتمسح يعني شوفي شغلك يا هانم 

وعندما وجدها لم تتحرك من مكانه زعق بها :

بقولك عايز عشاء انتي ايه مبتفهميش ؟!

وبالفعل تحركت وغادرت الغرفه باكملها ليزفر فارس بضيق ثم بدا في خلع ثيابه

...

_________________

نهايه الفصل الثلاثون 

(الفصل الثاني)

توقعاتكممممم!!!!

وبكره ان شالله في فصل تاني هديه عيدميلادي 🌚😌❤️❤️

تفاعل حلو بقي

الفصل الواحد وثلاثون 

( الجزء الثالث )

شعر بها وهي تحلس بجانبه علي الفراش وتهتف برجاء :

ممكن انام جمبك نهارده لو سمحت 

فتح عينيه ثم نظر اليها وهو يقول :

ممكن يا فريده نامي 

وبالفعل تمددت بجانبه علي الفراش ثم هتفت :

شكرا ...

_ لا العفو 

قالها بسخريه لتقول هي :

ليه تريقه دي يعني 

_ لا عادي عايزك نهارده تفكري في كدبه جديده تقولهالي بكره بس تكون مختلفه عشان حتي اقدر اصدقك 

_  كنت قاعده في حالي ولقيت واحد بيعتلي صوري وانا لافه فوطه علي جسمي وفهمت منه انه هاكر موبيلي وهددني صور دي هينزلها يااما اروح اقابله روحت وقابلته طلع عنده Nigh club وقالي اشتغل اشاغل الزباين وارقص واغني لان صوتي حلو وانا بقي قررت اخد صوري منه وبعدين اختفي لعبت لعبه كبيره عليه وفي الاخر جات علي دماغي ودمرلي حياتي مهم انا بقي مسكتش تؤ تؤ اسكت ازاي قولت اتخطي كل ده وارجع زي ما كنت وانسي بقي واعيش حياتي زي الاول روحت لدكتوره وطلبت تعملي عمليه ترقيع بنت الجذمه خدت مني فلوس قد كده وفي الاخر عمليه بتاعتها منجحتش مش عارفه ليه عارف عملتها امتي يا فارس في اليوم الي اتخانقت مع ماما وطلبت منها اروح اقعد في القاهره كام يوم سكن مع صحابي وبس يا فارس دي حكايه 

وعندما لم تتلقي اجابه من فارس هتفت وهي تضحك  :

ها ايه رايك في الكدبه دي ؟!!

ضحك هو الاخر قائلا :

هي حلوه بس في حاجه وقعت منك عمليات تقريع بتتعمل قبل الفرح باسبوع ولا حاجه مش شهور  يااما العمليه بيقي ولا ليا اي لازمه 

اعتدلت في جلستها ثم بدات في الضحك بقوه حتي دمعت عينيها قائله :

بجد؟!! يا نهاررر ضحك يالهوووي 

_ شوفتي بقي 

محت دموعها التي تسقط من عينيها ثم هتفت وهي تضع راسها علي صدر فارس قائله :

احضني يا فارس ضمني اووي

لف فارس ذراعيه حولها وضمها اليه قائلا :

انا مبقتش عارف الحقيقه فين في كل الي حكتيه ريحيني يا فريده وريحي نفسك واحكيها

اغضمت عينيها وهي تقول :

الحقيقه الي انا قولتها دلوقتي وروحت فعلا عملت عمليه ترقيع تصبح علي خير 

عقله سوف ينفجر لا يستطيع ان يصدق اي شئ من كلماتها اي الحقيقه والكذب !!! 

_________________

وفي صباح اليوم التالي 

استيقظ من نومه وبحث عنها في الشقه باكملها ولكنه لم يجدها قام بالاتصال بها الهاتف مغلق لا يدري اين ذهبت ؟! يخشي ان تكون هربت كعادتها .. زفر بضيق وهو يلعن زواج والدها من والدتها ...

__________________

جلست في عياده الطبيبه التي فعلت لها العمليه من قبل وعندما حان دورها دلفت الي الطبيبه ثم هتفت بانفعال :

هو انتي ازاي متعرفيش ان عمليه لازم تتعمل قبل فرح بكام يوم ؟!

وقفت الطبيبه وهي تقول :

اششش وطي صوتك واقعدي انتي جايه تفضحي نفسك وتفضحيني 

_ يا اختي ما اتفضحت خلاص نفسي ايه الي هفضحها بس 

_ طب وطي صوتك واقعدي وانا هفهمك كل حاجه 

جلست فريده وهي تقول :

طبعا خايفه من الفضيحه لكن انا اتفضح عادي جدااا 

تنهدت الطبيبه قائله :

انا معملتش ليكي العمليه لان سالتك هتجوزي امته قولتي مش دلوقتي خالص وعمليه ترقيع لازم تكون قبل الفرح باسبوع علي اقل لكن قبلها بكام شهر النتيجه بتكون ولا كانك عملتي حاجه 

_ ومفهمتنيش ليه كده سبتيني ليه مصدقه انك عملتهالي واطمنت واتجوزت خدتي ليه مني فلوس وانتي اصلا معملتيش حاجه 

صمتت الطبيبه ولم تجيبها بشئ لتقول هي :

حرام عليكي ضيعتيني منك لله يا شيخه

_اطلقت الطبيبه لفظ خارجي ثم هتفت :

وانتي ضيعتي نفسك ليه من الاول سلمتي نفسك يا حلوه لواحد ليه ؟! محافظتيش علي نفسك ليه !!!

نهضت فريده من مكانها ثم هتفت :

اتمني من كل قلبي توقعي تحت ايد الي ضيع حياتي ودمرها وتجربي الي حصلي

قالتها فريده ثم رحلت وكل شئ حولها ينهار ...

________________

انتهت من وضع الافطار امامه ثم قالت :

بعد الضهر كده انا هنزل اجيب شويه حاجات محتاجها 

_ اكتبي الي انتي عايزاه وانا هجيبه 

قالها سيف بهدوء وهو يتناول طعامه لتقول هي بعصبيه :

انا زهقت من الحبسه دي عايزه اشم هواء متخافش مش هروح اقابل رجاله 

ابتسم سيف بسخريه ثم هتف :

مش خايف يا ليلي عارفه ليه ؟! لانها لو اتكررت تاني انا هقتلك وادفنك ومحدش هيحس بحاجه اهلك وميتين وعمك ورميكي يعني محدش هيسال ولا يدور عليكي

وعندما لمح الحزن في عينيها هتف :

اخرجي هاتي الي انتي عايزاه بس متتاخريش 

اومات راسها بالايجاب ثم رحلت من امامه .. وبداخلها تتمني ان تستقر الحياه بينهما ..

________________

دلفت الي الشقه وجدت فارس يجلس ومن الواضح انه منتظر قدومها 

_ الهانم كانت فين ؟!!

قالها بغضب مكتوم لتقول هي بهدوء :

روحت لدكتوره الي عملتلي عمليه الترقيع اسفه علشان مبلغتكش قبلها

هتف فارس بسخريه :

لا يا شيخه 

ثم تابع بعصبيه :

انتي هتكدبي الكدبه وتصدقيها 

_ خمس دقايق والفطار يكون جاهز 

قالت جملتها تلك واتجهت ناحيه المطبخ وبدات في تجهيز الافطار له وفارس سوف يصيب من الجنون من افعالها تلك  ..

__________________

تمسكت بيديها الحقائب الممتلئه بالاشياء التي احضرتها من السوق ثم نظرت يمين ويسار حتي تعبر الطريق وعندما وجدت الطريق فارغ تقدمت بخطواتها وبدات في عبر الطريق وفي نفس اللحظه وصلت سياره سريعه واصدمت بها وفي اقل من ثانيه كانت ليلي علي الاض والدماء حولها ..

_______________

وقفت في المطبخ وبدات في تجهيز الافطار ومن حين الي اخر تمحو دموعها التي لم تتوقف علي الهبوط حياتها انهارت ولا حل لذلك ..

وصب اليها صوت طرقات باب الشقه انتفض قلبها بقوه ثم تحركت للخارج ووقفت علي بعد عندما وجدت فارس يذهب ناحيه الباب تنهدت بارتياح عندما وجدت اياد واستدارت مره اخري وعادت الي المطبخ ..

_________________

جلس كلاهما علي الاريكه ليقول اياد :

مالك يا فارس وشك مش طبيعي هي فريده رجعت لاامور الجنان بتاعتها تاني ولا ايه؟

_ لا مفيش حاجه فريده كويسه احسن من الاول 

قالها فارس سريعآ ليقول اياد بشك :

مش باين ده انت خاسس النص ووشك مطبق كده في ايه ؟!! ده شكل واحد عريس جديد

_ مفيش حاجه يا اياد انت بس علشان مشوفتنيش بقالك مده شايف كده 

ظهرت فريده امامهم وهي تقول :

الفطار جاهز علي السفره 

اتسعت اياد عينيه وهو بنظر اليها هي ايضآ هيئتها غريبه وجهها شاحب وعينيها متورمه ومن الواضح انها كانت تبكي 

انتبه اياد علي صوت فارس وهو يقول :

تسلم ايدك يا حبيبتي 

لم تجيبه بشئ فقط فقط اومات راسها بصمت ورحلت 

نظر فارس الي اخيه وهو يقول :

يلا علشان تفطر معايا النهارده 

_ هو انت متاكد انكم عرسان جداد ؟!

تنهد فارس بنفاذ صبر وهو يقول :

مفيش حاجه يا اياد صدقني شويه مشاكل بينا بس هي ماشيه بدماغها وبتعاند معايا وبردو مكنش في فتره خطوبه نفهم بعض فيها فتلاقي الدنيا ملخبطه حبة بينا يلا قوم الفطار هيبرد

_ يا عم انا جاي فاطر من بيتنا فطار ايه الي ساعه 12 الضهر ده ؟!!

__________________

وبعد مرور القليل من الوقت رحل اياد دلف فارس الي فريده وهو يقول بعصبيه :

مكنتيش قادره تكلمي كويس قدام اياد وتفردي وشك ده 

_ خلصت فطار؟ 

قالتها بهدوء تام ليقول هو :

بلاش البرود ده يا فريده انا علي اخري منك ومش مستحمل

_ مش هتروح شغلك؟ انت اتاخرت نهارده 

اقترب منها وهو يقول :

انتي عملتي فيا كده ليه ؟ هو انا اذيتك ولا عملتلك حاجه وحشه من يوم ما شوفتك؟! مفيش غيرها المره الي حبستك فيها بس وكنت عايز اخلص علشان نرجع اسكندريه وانتي تبقي مع مامتك ونخلص، عارفه الي واجعني ايه ؟ اني حبيتك من اول مره شوفتك فيها بس كدبت نفسي وهربت من الاحساس ده ولو انتي مكنتيش قربتي وبعتي الجواب ولمحتي انا مكنتش هقرب منك 

_ كنت فاكره اني بعد ما عملت العمليه خلاص كل حاجه انتهت واقدر اعيش حياتي، مليش ذنب في الي حصلي واحد حيوان هكر موـ

قاطعها بزعيق:

اشششش بس بس مش عايز اسمع الكدبه الخايبه دي انتي ايه عجبتك الكدبه وحسيتي انها تصدق عن الي قبلها روحتي مسكتي فيها؟!

_ انا مبكدبش دي الحقيقه صدقها انا معرفتش حد ولا قابلت حد وحبيته وضحك عليا احلفلك علي المصحف ان ده الي حصل 

_ الي تعمل الي عملتيه ده سهل جدا تحلف علي كتاب ربنا كدب 

_ يااخي انت ايه حرام عليك العمليه لو كانت اتعملت صح انت مكنتش هتعرف حاجه ولا تحس بحاجه وكان زمانك دلوقتي مضروب علي قفاك اقولك حل يريحك انا اروح عند الدكتوره اعمل عمليه واجي البس فستان الفرح ونعيد المشهد تاني وشويه الدم الي عاملين ليك العقده يظهروا وبكده ترتاح ايه رايك 

_ انتي او** بني ادمه قابلتها في حياتي 

قالها باشتمئزاز واضح ورحل تاركآ اياها ...

غادر الشقه باكملها لم يعد يستطيع تحمل اكثر من ذلك استقل سيارته ثم قام بالاتصال بالممرضه وهتف اليها :

متاخديش اي كشوفات نهارده لاني مش جاي 

انهي مكالمته معاها ثم تحرك بسيارته ..

_________________

اما عند فريده تناولت سكينه من المطبخ ثم وضعتها في حقيبتها وخرجت من شقتها وتوجهت الي عمر طرقت الباب عليه بقوه عدده ثواني وظهر عمر امامها وعلي شفتيها الابتسامه البارده 

_ اووووه فريده بنفسها جايه عندي؟ 

رفعتها امامه وهي تقول :

ابعد عن وشي 

ابتعد عمر بخوف مصطنع لتدلف هي داخل الشقه وتغلق الباب خلفها ليقول هو :

ده ايه الجراءه دي كلها من امته ؟

_ فين البت الي جايبها تعمل اختك 

_ راحت تجيب شويه حاجات عايزاها في حاجه يا برنسيسه؟؟!! 

_ لا عايزاك انت يا عمر 

ثم تابعت بصوت مرتفع :

ومش خايفه منك 

ضحك عمر وهو يقول :

ياااه يا فريده وحشتني الجراءه بتاعتك دي فكرتيني بـ ايام ال Night club 

_ انا قدامك اهو يا عمر عايز مني ايه علشان تسيبني في حالي وتختفي من حياتي 

اقترب منها وهو يقول وعينيه تلمع بالسعاده :

عايزك انتي انا عملت كل حاجه علشان انساكي ومقدرتش فيكي حاجه شداني ليكي مش عارف ايه هي عارفه قبل ما ترني الجرس انا حسيت انك واقفه ريحتك وصلتلي معتقدتش ان فارس هيكون بيحبك زي ما انا بحبك 

وانا بكرهك يا عمر بكرهك مبحبكش ومش هحبك مهمها حصل 

_ متقوليش كده افرق ايه انا عن فارس؟

_ مفيش مقارنه بينكم اصلا انتو الاتنين فرق بينكم زي السماء والارض كده فارس بني ادم نضيف مش زيك

ابتسم بسخريه وهو يقول :

طلع نضيف لانه لقي حد يحبه اهله وصحابه وانتي اهو بس انا ملقتش حد يحبني دايما منبوذ من صغري محدش بيحبني العيال في مدرسه كلهم صحاب بعض كل تلاته ولا اتنين عاملين شله مع بعض وصحاب وانا محدش مصاحبني عارفه العيال الي بيكونوا في مدرسه في حالهم دول ومدرسين يتريقوا علشان بلده ومش شاطرين اهو انا بقي العيال دي مكنش ليا حد لا صحاب ولا حتي اهل امي ماتت وهي بتولدني وابويا اتجوز وجاب مرات اب تطلع ميتين اهلي هدفها في الدنيا دي تعكنن عليا وبس ولما كنت اشتكي لابويا يقولي معلش كان خايف يتخانق معاها تسيبه 

صمت قليلا ثم تحرك ناحيه الاريكه جلس عليها وهو يقول :

سيف ابوه كان الفراش بتاع مدرسه محلتهوش حاجه وامه كانت مشلوله وسيف كان بيخدمها وحياته زفت بس كان شاطر كل العيال يتمنوا بس سيف يبقي صاحبهم بس هو ساب كل ده واختارني انا متعرفيش بقي صعبت عليه ولا ايه كان بيغشنني في الامتحانات من غير حتي ما اطلب منه كبرنا سوا هو امه وابوه ماتوا في حريقه رجع لاقي البيت متفحم ومبقاش له حد غيري وانا ابويا مات ومراته خدت الشقه طفشنا سوا انا وسيف كنا عيال في ثانوي هو ذاكر ودخل كليه وانا كبرت دماغي من تعليم اتعلمت الهكر في الاول كنت بخترق حسابات الالكترونيه وبسرق ارصده بنوك بس حاجات خفيفه كده عملت مبلغ حلو بعدين بقيت اسرق حسابات فيس بتاعه بنات واساومها علي صور في بنات كانت بتبلغ كنت ببعد عنها واختفي خالص وفي بنات كانت يتخاف ودي بقي كنت بلعب بيها زي ماانا عايز وبعد فتره فتحت ال night club وسيف دخل معايا فيه لما لقي شهاده بتاعته مش بتاكل عيش جبنا بنات وكنا شاغلين حلو اووي وسيف كان غرقان مع ليلي بيني وبينك موضوع معجبنيش محبتش اشوف سيف احسن مني وواحده بتحبه غيرت منه وهكرت موبيله كان سهل عليا اوي وخصوصآ ان موبيل دايما في وشي وسمعت وشوفت كل حاجه بينهم وهددته بعدين يا اما تجيبها تشتغل في ال night club يا اما صورها هتنشر كان كل هدفي ان ليلي تكرهه ليه تحبه الحب ده كله وانا مفيش واحده حبتني اي واحده عدت عليا كانت شمال عايزه تقضي ليله حلوه معايا زي نوجا ويسرا كلهم شمال ليلي مكنتش زيهم اي كان الي بينها وبين سيف بس مش زيهم، وانتي يا فريده مش زيهم ولا حتي زي ليلي انتي انضف منهم كلهم علشان كده حبيتك والله حبيتك من كل قلبي تفتكري فارس لو كان عاش نفس الي انا عشته ده كان هيبقي نضيف ودكتور

انهي جملته الاخيره وهو ينظر اليها لتقول هي ;

كل الي حكيته مش مبرر انك تبقي انسان بشع كده اسمعني كويس ابعد عن حياتي الي انت دمرتها وانساني خالص انا مش هحبك ولا عمري هحبك لاني بحب فارس 

نهض من مكانه واقترب منها وجذبها من يديها وهي تقول :

اياكي تقولي انك بتحبيه متقوليش كده

ابعدته عنها واخرجت السكينه من حقيبتها قائله :

هقتلك يا عمر لو مبعدتش عن حياتي 

_ لو موت علي ايديكي هبقي اسعد واحد في الدنيا 

قال جملته تلك وهي يقترب منها قائلا :

اقتليني يلا علي اقل تريحي قلبي 

_ الله يحرق قلبك يا اخي

_ اديني فرصه وانا هتغير هبقي زي فارس واحسن منه كمان 

مسحت فريده علي وجهها بقوه وهي تقول :

انت مجنون والله مجنون مش طبيعي 

انفتح باب الشقه ودلفت مريم ثم هتفت :

هو انا جيت في وقت مش مناسب ولا ايه؟ امشي طيب

_ انا حذرتك يا عمر المره جايه هقتلك وده تذكار بسيط علشان تفتكر تحذيري

انهت جملتها وهي تغرس السكين في ذراعيه بقوه ..

نهايه الفصل الواحد وثلاثين

الفصل الثاني وثلاثون ..

صرخ عمر متالمآ ومريم ايضآ صرخت من ذلك المنظر اما فريده هتفت :

مره جايه هقتلك يا عمر 

انهت فريده جملتها وغادرت الشقه ودلفت الي شقتها اغلقت الباب خلفها ثم توجهت ناحيه غرفتها القت بجسدها علي الفراش ثم تتهدت بقوه، 

نظرت بجانبها علي الكوميدو الي الاطار الموجود به صوره فارس تناولتها بيديها وظلت تنظر اليها ....

____________________

الساعه الثانيه عشر منتصف الليل وهي لم تعود ولم يتمكن الوصول اليها عن طريق الهاتف فهو قام بتحطيمه لها من قبل 

هتف بتوعد :

هو ده الي هتجيبي شويه حاجات محتاجها يا ليلي حاضر صبرك عليا بس لما ترجعي من المكان الي انتي فيه 

تمسك بهاتفه وقام بتصفح شبكه التواصل الاجتماعي ( الفيسيبوك )

ظل يقلب به الي ان ظهرت امامه صوره ليلي وهي نائمه علي الفراش ووجهها به كدمات وراسها مغطي بالشاش الابيض الملون بالدماء وفوق الصوره تلك العباره ..

يا جماعه البنت دي خبطتها عربيه النهارده الصبح وحالتها صعبه جدا في غيبوبه ومش معاها اي اثبات شخصيه علشان نوصل لاهلها الي يعرفها هي موجوده في مستشفي **** 

شيرر كتير للبوست اكيد اهلها بيدورا عليها

_________________

عاد الي منزله فهو منذ الصباح وهو يسير بسيارته بلا هدف وعقله يفكر في فريده فقط ..

وقف امام شقته واخرج مفاتيح حتي يقوم بفتح الباب الا ان انفتح باب شقه عمر وهتف :

ازيك يا استاذ فارس 

التفت فارس اليه وهو يقول :

بخير 

ثم تابع عندما وجد ذراعيه مغطاه بالشاش الابيض :

ايه ده خير ؟!!

تنهد عمر باسي وهو ينظر للجرح :

لا مفيش حاجه الهانم مراتي بس جات اتخانقت معايا والموضوع وصل زي ما انت شايف 

_ انا علي حسب الي فهمته يعني انها عايزه ترجعلك وانت رافض ايه الي يخليها تعمل في دراعك كده 

_ انتقام علشان مرجعتش ارجعلها وهددتها اني هفضحها راحت سيحت دمي لولا اني اتحاملت علي نفسي روحت المستشفي كان زمانه دمي اتصفي الستات دي حاجه مقرفه

حرك فارس راسه بالنفي وهو يقول :

لا ابدا مفيش حاجه 

_ كنت عايز بس معلقتين شاي انا اسف والله بس دراعي والجرح مش مساعدني نهائي اني انزل ومريم راحت تجيب باقي حاجتها من عند خالتي واحتمال تقضي الليله هناك 

ابتسم فارس بود وهو يقول :

متقولش كده احنا جيران لحظه واحده 

وبالفعل قام فارس بفتح الشقه ودلف اليها حتي يحضر له ما يريد ..

عدده ثواني واحضر له فارس عبوه من الشاي رفض عمر تناولها وهو يقول :

انا عايز معلقتين بس كتير العلبه دي

_ يا سيدي انا عندي كتير جوه ولما تشد حيلك وتخف ابقي اشتريلي واحده تاني دي علبه شاي حاجه بسيطه يعني مش مستاهله 

تناولها عمر منه وهو يقول باحراج :

معلش انا اسف عملتلك ازعاج

_ لا مفيش حاجه 

هتف عمر وهو يضع جيبيه في سترته عندما تذكر شئ ما 

ااه بالحق مفاتيح دي وقعت من حد كان خارج من شقتك مع العصر كده تقريبا اخو المادام

تناولها فارس منه وهو ينظر اليها باستغراب قائلا :

اخو المادام ايه؟

- وانا راجع من المستشفي في واحد كان خارج من شقتك ومادام بتاعه حضرتك كانت بتودعه من طريقه كلامهم خمنت انه اخوها ومفاتيح دي وقعت منه شوفتها بعد ما مشي انا حاولت الحقه بس مقدرتش الجرح والخياطه في دراعي كانوا شادين عليا جامد وخبطت علي شقتك بس المادام مفتحتش

_ اااه تلاقيه اخوها محمد معلش دماغي الايام دي بتفوت كتير شكرا 

قالها فارس سريعآ ولم يعطي عمر عمر فرصه ان يقول شئ حيث قال :

تصبح علي خير 

ودلف الي الشقه واغلق الباب خلفه، ابتسم عمر وهو يقول :

وانت من اهل الخير يا حبيبي ليله سعيده يا برنسيسه 

__________________

دلف الي الغرفه التي تجلس بها فريده وجدها تغفو في النوم، 

_ جايبه حبيب القلب بتاعك بيتي هي وصلت بيكي لكده ؟

قالها وهو يجذبها من شعرها بقوه، 

صرخت هي متالمه :

حبيب قلب ايه انا مش فاهمه حاجه اااه سيب شعري

ترك شعرها بقسوه ثم القي امامها المفاتيح قائلا :

حبيب القلب الي كنتي بتوديعه علي باب الشقه مفاتيحه اهي وقعت منه 

_ والله ما جبت حد مين قالك كلام ده 

قالتها ببكاء

_ الجيران الي قدامنا شافوكي وافتكروا اخوكي بطلي بقي تمثيل والمسكنه بتاعتك دي

وكل شئ اتضح امامها عمر هو خلف كل ذلك ...

_ وطبعا الجيران منهم الاستاذ عمر صح بتاع السكر والخيانه شافني واقفه معاه وافتكره اخويا والصدفه الرهيبه ان مفاتيح توقع منه وعمر يلاقيها ويجبهالك صح كده ؟

_ ما انتي عارفه كل حاجه اهو 

ابتسمت فريده بمراره قبل ان تهتف :

وياريتك تعرف قد ما انا عارفه مصيرك هتعرف في يوم بس لاسف وقت ما تعرف هكون انا انتهيت 

_ بت انتي شغل الالغاز بتاعك ده انا مش عايزه وبعدين انا بتفاهم معاكي علي ايه اصلا 

واحده ليله الفرح طلعت معيوبه ده غير القصص الي كل شويه بتالفها لا ومش بس كده لا دي جايبه راجل البيت انتي ازاي كده؟! 

انهي جملته تلك ثم قام بخلع حزامه الجلدي الخاص به لفه حول يديه صرخت عندما وجدته يطيح بحزامه علي جسدها حاولت الهروب ولكن هو لم يمهلها تلك الفرصه حيث ظل يطيح بذلك الحزام علي جسدها اكثر من مره ويردد الكثير من الكلمات لم تعلم كم مر عليها من الوقت فقط ظلت تصيح وفارس لم يرحمها ...

وبعد مرور الوقت تركها ورحل اغلق عليها باب الغرفه من الخارج

جلس علي الاريكه بتعب وظل يتنفس بقوه ...

اما بالداخل عند فريده حاولت النهوض من مكانها ولكن جسدها لم يساعدها علي ذلك الالم به سوف يقتلها 

اغمضت عينيها التي تسقط منها الدموع واطلقت صرخه مكتومه 

__________________

جلس بجانبها  علي المقعد الموجود بجانب الفراش بعدما اخبره الطبيب عن حالتها فقدت الجنين وفي غيبوبه ولا احد يدري متي تفيق منها  هتف هو  :

متروحيش مني يا ليلي حقك عليا انا كنت مضايق منك بس وكنت شويه وهصالحك وكل حاجه هترجع زي ما كانت 

وضع يديه علي كفها بخفه وهو يقول :

انا مليش غيرك يا ليلي انتي اهلي وكل حاجه ليا فوقي يا ليلي وارجعيلي ونبدا من جديد سوا وننسي كل حاجه 

دلفت الممرضه حيث قامت باعطاء ليلي ابره ما في يديها وهتفت :

متخافش ان شالله هتفوق حالات كتير بتيجي زي كده وبتقعد يومين واقل وتفوق ان شالله خير

_ يااااااااارب 

نهايه الفصل الثاني وثلاثون

الفصل الثاني وثلاثون ( الجزء الثاني )

طوال الليل تبكي من الالم لم يعد بامكانها تحمل اكثر من ذلك صرخت بكل قوتها وهي تقول باكيه :

الحقني يا فارس ونبي مش قادره 

تنهد فارس بضيق ثم تناول هاتفه وقام بالاتصال بصيدليه خدمه علي مدار اليوم وطلب منها عدده انواع من الادويه واخبره العنوان ..

بعد مرور الوقت وصلت الادويه التي طلبها ..

دلف الي غرفتها ومعه تلك الادويه بالاضافه الي كوب ماء وعندما شعرت بقدومه هتفت وهي تبكي :

مش قادره الالم هيموتني جسمي كله واجعني

قام بوضع الادويه وكوب الماء علي الكوميدو الموجود بجانب الفراش ثم اقترب من تلك النائمه علي الارضيه وحملها بين ذراعيه لتصرخ هي من شده الالم وضعها علي الفراش ثم بعث بالادويه واحضر لها عدده اقراص وكوب الماء قائلا بجمود :

خدي دول هيسكنوا معاكي شويه 

تناولتها منه بيد مرتعشه ثم ابتلعت الاقراص ثم ارتشفت كوب الماء باكلمه ..

وعندما انتهت هي تناول منها كوب ماء بصمت تام تمددت هي علي الفراش ثم هتفت قبل ان تغمض عينيها :

شكرا 

ابتسم فارس بسخريه وهو يقول :

لا عادي مش مستاهله شكر انا لو شوفت كلب قدامي بيتألم بالشكل ده هساعده 

لم تجيبه بشئ يكفي الالم الذي تعانيه ..

وفي الساعه الرابعه صباحآ

مازال يجلس بجانبها اما هي غفت في النوم ولكن من حين الي اخر تصدر انين من الالم وتصيح باكيه وهي غافله في النوم 

بعث في تلك الادويه التي قام بشرائها ثم تناول عبوه مرهم كشف ملابسها برفق ليظهر امامه تلك الكدمات التي فعلها هو 

ضيق بين حاجبيه بضيق واضح غير راضي عما فعله ذلك 

بدا في وضع ذلك المرهم بخفه ثم تدليكه علي جسدها صرخت متالمه ليقول هو :

المرهم هيهدي معاكي 

حركت راسها بالنفي وهي تقول باكيه :

مفيش حاجه مهديه الالم ولا حتي الادويه حاسه بنار طالعه من جسمي 

استمر في تدليك جسدها وعندما انتهي هتف هو :

انتي الي عملتي في نفسك كده انا عمري ما كنت حيوان بشكل ده، 

وعندما لم يتلقي اجابه منها هتف :

انا تعبت يا فريده ومش هقدر استمر اكتر من كده اول ما تشدي حيلك تلمي هدومك وتروحي عند بابا وتطلبي طلاق قوليلهم اني بضربك بعذبك اي حاجه والعلامات اهي في جسمك ولو علي كلام ناس قوليلهم مقدرتش اعيش معاه قولي اني مش كويس معاكي وكل يوم بضربك قولي اي حاجه عليا المهم سمعتك تبقي كويسه ومحدش يفسر حاجه 

_ انا مش عايزه اطلق دلوقتي بس بالله عليك بلاش تمد ايدك عليا تاني وحيات اغلي حاجه عندك يا فارس متمدش ايدك عليا تاني

قالت جملتها الاخيره برجاء اما فارس لم ينطق بشئ ...

_________________

وفي صباح اليوم التالي 

فتحت عينيها بصعوبه لتجد سيف بجانبها يغفو في النوم نظرت حولها باستغراب واضح ثم هتفت وهي تحرك يديها بتعب وتهز سيف برفق :

ســـيــف 

استيقظ من نومه علي صوتها قائلا بلهفه واضحه :

حمدالله علي سلامتك الحمدالله انك فوقتي الحمدالله 

_ ايه الي حصل ليا ؟ انا مش فاكره حاجه 

_ حادثه بسيطه مش اكتر ارتاحي لحد ما ابلغ الدكتور 

_ لا روح امشي انت اكيد هما بلغوا عمي بالحادثه وتلاقيه علي وصول امشي بلاش يشوفك هيحصلي مشكله 

نظر اليها بعدم فهم قائلا ;

وايه مشكله لما يشوفني ملهوش حاجه عندنا

تنهدت ليلي بتعب ونفاذ صبر هاتفه ;

يعني يجي يلاقي واحد غريب قاعد معايا يقول ايه ؟ واحنا اصلا علاقات بينا زفت امشي يا سيف علشان خاطري وانا هبقي اكلمك اطمنك عليا كل شويه

_ ليلي حبيبتي انا جوزك مالك في ايه ؟

اتسعت عينيها بدهشه واضحه ثم هتفت :

احنا اتجوزنا ؟! 

_________________

استيقظت من نومها ثم نهضت بصعوبه من مكانها وخرجت بحثت عن فارس في الشقه ولكنها لم تجده تناولت من المطيخ سكينه واتجهت ناحيه الباب ستقتل عمر ويحدث ما يحدث لا يهم يكفي انها ستتخلص منه 

حاولت فتح الباب ولكن لم يفتح معاها ومن الواضح ان فارس اغلق عليها الباب من الخارج زفرت بقوه وهي تقول:

بردو هقتلك يا عمر

______________

يسرا انا مش فاضيلك تمام عندي مشاكل كبيره متاكليش دماغي بقي 

قالها عمر بملل لتقول هي :

بقي هي دي اخرتها انا وثقت فيك وسلمتلك نفسي وفي الاخر بتخلي عني كده

_ مين قال اني بتخلي عنك؟ قولتلك مشغول مش فاضي في ايه ؟

_ في اني حامل يا عمر 

_  نعم يا اختي حامل ازاي والحبوب الي كنتي بتاخديها؟

_ معرفش يا عمر انا اتفاجات زي زيك 

_ ومطلوب ؟!!

_ تيجي تتقدم وتجوزني يا حبيبي قبل ما بطني تكبر ده المطلوب 

ضحك عمر عاليآ ثم هتف :

انا مش بتاع جواز والله مليش في كلام ده 

_ كنت متوقعه منك طب بص بقي انت لو مجتش تتقدملي بعد يومين انا هجيلك الشقه الي انت قاعد فيها في العماره بتاعه فريده واقول لجوزها كل حاجه من اول صورها الي ساومتها عليها لما هكرت موبيلها لحد مثلا لما اعتديت عليها فكر يا روح قلبي براحتك قدامك يومين بظبط

_ انتي عرفتي الكلام ده منين ؟!

قالها عمر بعصبيه لتقول هي ببرود :

سلام علشان البيبي عمال يلعب في بطني 

قالتها وانهت المكالمه علي الفور ثم اغلقت الهاتف وعلي ناحيه الاخري ظل عمر يرن عليها وصل اليه ان الهاتف مغلق لعن بداخله يسرا كيف علمت كل ذلك ؟!! 

قام بفتح حاسوبه ثم برنامج الذي يتابع عليه الاجهزه قام بفتح جهاز يسرا وجد انه ليس مهكر برغم انه قام بتهكيره من قبل كيف حدث ذلك ؟!!!

_______________

منذ ان قام الطبيب باختبار ليلي بعدده الاسئله واخبره انه فقدت عدد اشياء من ذاكرتها وهو شارد في عالم اخر ..

نسيت كل الاشياء التي حطمت علاقتهم سويآ ..

لا وجود في ذاكرتها الملهي الليلي وعمر والصور لا شئ من هذا ..

انتبه علي صوتها وهي تقول :

بقالنا قد ايه متجوزين 

جلس بجانبها علي الفراش وهو يقول :

يعني كام شهر كده 

_ وعمي وافق بسهوله اننا نتجوز 

حرك راسه بنعم قائلا :

ايوه

تابع وهو يحاوطها بين ذراعيه ويضمها الي احضانه :

متشغليش بالك بالكلام ده المهم اننا مع بعض وسوا صح ولا ايه يا لولو 

ابتسمت له ليلي ثم هتفت :

صح

نهايه الفصل الثاني وثلاثون (الجزء الثاني )

الفصل الثاني وثلاثون ( الجزء الثالث)

صرخت به في انفعال :

انت ازاي تحبسني ؟! افرض دلوقتي الشقه ولعت كنت هخرج ازاي ؟!!

_ طب ما دي حاجه كويسه الشقه تولع ومتعرفيش تخرجي وتتفحمي في مكانك واهو نخلص 

_ ان شالله قريب يا فارس هترجع تلاقي الشقه مولعه وانا متفحمه مكاني 

قالتها بمراره واضحه ثم اسندت نفسها ونهضت من مكانها اوقفها فارس وهو يقول :

مامتك عايزه تيجي تزورك انا قولتلها اننا سافرنا كام يوم الساحل لو اتصلت بيكي قولي كلام ده علشان كلامنا يبقي زي بعض ولو حابه انها تيجي وتشوفك بالوضع ده ويبقي معاكي الحق تطلبي طلاق مفيش مشكله بنسبالي عادي 

جلست مره اخري بتعب وهي تهتف ;

هو انت بتحب تسمع كلام اكتر من مره؟! قولتلك انا مش عايزه اطلق منك دلوقتي 

_ ليه مش عايزه ؟! اخلصي بدري مني يا ماما عشان تخلصي شهور العده من هنا وتجوزي حبيب القلب 

ابتسمت رغمآ عنها وهي تقول :

عارف يا فارس الحاجه الوحيده الي مخلياني قادره استحمل كل الي بتعمله فيا ؟

جلس بجانبها وهو يقول بسخط وسخريه واضحه في نبراته ;

ايه يا روحي الي مخليكي تستحملي 

اجابته هي :

انك لسه بعد الي حصل بتحبني 

ضحك بقوه وهو يقول :

مين قالك اني لسه بحبك ؟! ولا علشان مفضحتكيش يعني ؟! انا عملت كده علشان شاهي اختي مش عايزها تتعاقب بكره وبعده علي حاجه معملتهاش 

_ ده كلام تضحك بيه علي نفسك تصرفاتك كلها معايا فضحاك 

اوما راسه بالايجاب وهو يقول بسخريه :

طبعا امال ايه يا شيخه ده انتي لسه علقه الحزام معلمه في جسمك

ثم تابع بجديه:

بقي في واحد بيحب واحده هيعمل فيها كده فوقي يا قلبي انا كرهتك من اول ليله بينا فاكرها؟! واي حاجه بعملها معاكي ليها سبب يعني مفضحتكيش علشان شاهي مش اكتر سهرت جمبك امبارح لان ده واجبي انا دكتور وده واجبي مع اي حد وبعدين انتي عايزه حبي تعملي بيه ايه كفايه عليكي البيه الي ضحك عليكي ولو حسيت انك لسه بتكلميه يا فريده او دخل بيتي مره تانيه نهايتك هتبقي علي ايدي 

كل احلامها تحطمت امامها في لحظه، كانت تظن انه مازال يحبها .. فسرت كل تصرفاته معها علي هذا الاساس ..

اسندت نفسها ونهض من مكانها وهي تري الرويه مشوشه امامها من الدموع الحبيسه في عينيها ولكنها توقفت والتفت اليه هاتفه :

مفيش بيه ضحك عليا ومفيش حد دخل بيتك تصدق بقي متصدقش براحتك والي حصلي ده مكنش بمزاجي ومصيرك هتعرف في يوم انك ظلمتني 

انهت جملتها تلك ثم غادرت لم تننظر ان يجيبها بشئ اما هو لم يبالي بكلماتها تلك 

__________________

بعد مرور يومين

خرجت من المشفي ووصلت الي منزلها والعديد من الاسئله تدور في راسها منذ ان وصلت ..

حسمت امرها ثم هتفت الي سيف :

هو احنا ليه هدومنا مش في نفس الاوضه ؟! وواضح كمان ان كل واحد فينا كان بينام في اوضه لوحده ليه ؟

_ انتي كنتي زعلانه بقالك فتره وخدتي هدومك وبقيتي تنامي في اوضه لوحدك 

قالها سيف بتلعثم لتقول هي :

وزعلانه ليه ؟

_ وبعدين يا ليلي انتي بتعيدي في القديم ليه مشكله عاديه كانت بينا مفيش حاجه يعني 

_ لا في حاجات كتير يا سيف موبيلي لقيته مكسر في الدرج هدوم كل واحد فينا في اوضه لوحده هو احنا حياتنا كانت عامله ازاي يا سيف؟! 

جذبها من يديها برقه واجلسها بجانبه قائلا: 

ممكن متشغليش بالك بـ اي حاجه قديمه ؟! 

_ طب فهمني وانا اوعدك مش هشغل بالي بـ اي حاجه قديمه 

اصدر سيف تنهيده طويله ثم هتف :

مفيش حاجه يا لولو بجد شويه مشاكل كانت بتحصل زي اي اتنين متجوزين ممكن بقي متفكريش في اي حاجه قديمه 

اومات راسها بالايجاب وقالت : 

طيب ممكن بس تريحني؟! احنا حياتنا كانت كويسه ولا لا انا حاسه ان في حاجه غلط بس مش قادره احدد ايه هي 

حرك راسه بالنفي قائلا :

مفيش حاجه غلط ولا حاجه وحياتنا كانت كويسه هي فتره كده اتخانقنا فيها وخلاص 

_ طب فين صور فرحنا عايزه اشوفها 

_ احنا معملناش فرح كنا مستعجلين علي جوازنا وخوفنا عمك يرجع في كلامه 

_ يعني اتجوزنا كده سكويتي ؟ وانا ازي وافقت علي حاجه زي كده ايه الغباء بتاعي ده

_ اهو الي حصل يا لولو كبري دماغك بقي وبلاش تفكير كتير اتفقنا ؟

اومات راسها بالايجاب ثم هتفت :

اتفقنا دلوقتي انا جعانه اكبر دماغي من دي كمان ولا ايه 

ابتسم سيف وهو يقول :

لا متكبريش دماغك شوفي تحبي تاكلي ايه واطلبهولك حالآ 

_______________

واخيرأ قامت بفتح هاتفها واستقبلت مكالمته وهتفت ببرود :

جاي بكره تتقدملي يا عمر ولا اجيلك انا وافهم فارس كل حاجه؟

_ انتي عرفتي منين كل ده ؟!

قالها عمر بعصبيه مكتومه لتقول هي ;

يا سيدي اعتبرني هكرت جهازك زي ما انت بتهكر اجهزه الناس عادي 

_ يسرا لو علي جوازي منك هجيلك في اقرب وقت واتقدملك بس عرفيني كل حاجه انتي كلمتي فريده وهي قالتلك صح ؟

_ ميخصكش عرفت منين هتيجي بكره تتقدم ولا امتي ؟

ليقول هو بنفاذ صبر :

عرفتي منين اخلصي بلاش تعصبيني اكتر من كده 

_ من فريده ارتاحت كده ؟! كلمتها وحكتلي كل حاجه جاي امتي تتقدملي يا عمر انا مش هتحايل عليك تتجوزني لاني اصلا متجوازك غصب عني بس علشان الي في بطني مش عايزه فضحيه تمسك في اهلي بسببي لو كنت اعرف انك بالحقاره دي مكنتش سلمتلك نفسي وصدقتك 

_ بس افصلي مرشح امينه رزق ده انا هاجي اتقدملك بس بشرط مش عايز اي حاجه توصل لجوز فريده انتي فاهمه ؟

_ ربنا يسهل روح بقي كمل الي بتعمله وهدد فيها وخوفها باي 

انهت المكالمه معه اما عمر هتف بتوعد :

طيب يا فريده اشربي الي هيحصلك مفيش فايده فيكي مش بتتعلمي ابدا 

ثم تابع وهو يهتف بصوت مرتفع :

مــــــــــــريــــــم 

________________

بعد مرور عده ايام شفيت الكدمات بفريده قليلآ اصبح الالم خفيف ليس بصعوبه كما كان من قبل ..

اما فارس يخرج الي عمله في الصباح ويعود المساء دون ان يتحدث معها كلمه واحده ...

طرق الباب نظرت من العين السحريه لتجده اياد ضيقت حاجبيها باستغراب ثم فتحت اليه دلف هو الي داخل الشقه وهتف :

فارس لسه مرجعش ؟

_ لا لسه قدامه ربع ويجي اقعد استناه

_ انا جاي ليكي مش لفارس 

لتقول هي باستغراب ;

جاي ليا ليه ؟!

_ فارس من يوم ما اتجوزك وهو حاله اتقلب ودايما حزين وشايل هموم الدنيا كلها فوق راسه وموجوع انا حاسس بيه جواه وجع كبير اوي واكيد بسببك يعني مفيش حاجه جديده ظهرت في حياته غيرك 

_ انا مليش دعوه اساله واتاكد منه هيقولك اني مليش دعوه

قالتها فريده وهي تضغط علي يديها ليقول هو :

من البدايه مكنتش موافق علي حكايه جوازكم من بعض دي بس هو حبك كنت اقدر امنعه وعندي اهم سبب ان امك قهرت امنا وموتتها بس انا مقدرتش اعمل كده واكسر قلبه 

_ انت بتقولي كلام ده ليه ؟! انا معملتش حاجه لاخوك هو كده قالب وشه ولما بساله بيقولي عندي مشاكل في شغل 

_ كدابه فارس عمره ما كان عنده مشاكل في شغله المشكله الي اخويا فيها هي انتي يا فريده 

اغمضت عينيها وتنهدت بقوه قبل ان تهتف :

انت عايز ايه يعني من الاخر؟

_ عايزك متوجعيش اخويا اكتر من كده هو  ميستاهلش منك كده وياريت متعرفهوش اني جيت واتكلمت معاكي 

نهايه الفصل الثاني وثلاثون ( الجزء الثالث)

الفصل الثالث وثلاثون 

منذ ان رحل اياد وهي تجلس في مكانها برغم ما فعله فارس بها الا انها تشعر بالذنب اتجاهه بعد كلمات اياد تلك ..

شعرت بفارس وهو يقوم بفتح الباب ويدلف الي الشقه اعتدلت في جلستها ليقول هو :

افتحي موبيلك وردي علي مامتك مش هشتغلك سنترال انا كل شويه تتصل وتسال وعايزه تشوفك كلميها وشوفيها انا خلصت كل الكدب الي عندي واخر كدبه بتاعه السفر اياد كشفها ومش عارف اخلص من اسئله بتاعته

حركت راسه بنعم ثم هتفت ;

حاضر هعمل كل الي انت عايزو قولي اي حاجه انت عايزها وانا هعملهالك 

_ ومن امتي الطاعه دي كلها ؟!

قالها بسخط واضح لتقول هي :

بلاش لهجه السخريه الي بتكلمني بيها دي من فضلك يعني 

_ ومالو حاضر حضرتك انا جاي تعبان في غداء ولا كالعاده معملتيش حاجه 

_ من بكره هترجع تلاقي اكل جاهز هعملك دلوقتي اي حاجه سريعه كده 

_ كتر خيرك 

قال جملته تلك ثم اتجه ناحيه الغرفه 

______________

_ عمر ما تفكك من فريده دي مش جاي وراها غير مشاكل وكمان هتلبس في يسرا انساها في بنات كتير احلي منها وعمرها ما هتقدر تعيش معاك بعد الي انت حكيتهولي 

بصي ناويه ترجعي في اتفاقنا لمي هدومك ومع السلامه متوجعيش دماغي 

قالها عمر بعصبيه لتقول هي ;

خلاص براحتك هعملك الي انت عايزو بس خليك فاكر كلامي كويس 

_ طيب يا اختي يلا روحي اعملي الي اتفقنا عليه 

________________

انتهت من طهو وجبه سريعه له ثم وضعت الطعام علي الطاوله وصلت الي غرفته وجدته جالس علي الفراش وفي يديه مفاتيح التي اعطاءها له عمر ينظر امامه بشرود ومن الواضح انه يفكر في امر ما اقتربت منه وهتفت : 

انا جهزت الغداء علي السفره براه 

انتبه علي صوتها ثم قال :

ما تريحيني يا فريده بالله عليكي انا مبقتش عارف اركز في شغلي ولا في اي حاجه مين الي جه وقابلك هنا ومتقوليش محدش جه 

_ هي دي الحقيقه فعلا محدش جه يا فارس

القي المفاتيح بقوه علي الارضيه ثم قال بعصبيه :

بردو بتكدبي طيب بلاش دي، سلمتي نفسك لمين ؟ انا اسئله كتير هتجنني هتجنن يا فريده هتجنن من التفكير 

_ بلاش تفكر احنا حياتنا مع بعض مؤقته مده معينه كده وكل واحد هيروح لحاله 

_ اطلعي طيب براه يا فريده علشان متصرفش معاكي تصرف اندم عليه اخرجي معلش 

قالها بغضب لتقول هي :

والاكل ؟

زعق بها قائلا :

مش عايز اي حاجه منك 

وفي اثناء حديثهما طرق الباب نهض فارس من مكانه عندما وجدها تتحرك من مكانها وهتف :

انا الي هفتح الباب ولا خايفه يكون البيه بتاعك

قالها ورحل لتزفر هي بقوه ثم تلحقه حتي تعلم من القادم ؟!!

قام بفتح الباب امامه وجدها مريم هاتفه بابتسامه ;

ازيك يا استاذ فارس ؟! 

اجابها هو :

تمام بخير وانتي 

الحمدالله تمام عمر عامل عزومه صغيره ليك انت والمادام النهارده بليل ياريت تيجي 

حرك راسه هاتفآ بتساؤل :

وليه التعب ده ؟! ملهوش لازمه يعني 

لتقول هي :

مفيش تعب ولا حاجه ولازم تشرفنا انت والمادام عمر هيزعل جدا لو مجيتوش 

اوما راسه بالايجاب قائلا :

ان شالله 

وفريده تقف علي بعد تستمع الي تلك الكلمات ومن المؤكد ان تلك العزومه وراها شئ ما من تدبير عمر ..

وعندما رحلت مريم واغلق فارس الباب هتفت فريده :

ان شالله ايه؟! انا مش هروح عند حد انت علي اي اساس بتقولها هنيجي

_ والله مش بمزاجي مقدرتش احرجها 

_ ما تتحرج ولا تغور في ستين داهيه احنا مش هنروح عند الناس دي يا فارس

_ لا هنروح قولتلك مقدرش احرج مريم بنت رقيقه كده وذوق في كلامها احرجها ازي ؟

انت بتكلم عليها كده ليه ؟! مالك في ايه

قالتها فريده بغضب واضح ليقول هو :

ماليش انا رايح اتخمد علشان بليل اكون فايق في السهره بتاعه عمر 

انهي فارس كلماته تلك ورحل لتقول هي بداخلها ;

محضرلي ايه يا عمر المره دي ؟

________________

نظر سيف الي الورقه التي اعطاها الطبيب له المكتوب بها بعض الادويه التي تقوم بتنشيط ذاكره ليلي ومساعدتها علي التذكير ثم قام بتمزيقها قائلا :

لو افتكرتي الحياه بينا هتبقي مستحيله كده احسن 

القي الورقه التي قام بتمزيقها من الشرفه ثم دلف الي الداخل وجلس بجانب ليلي قائلا بهمس باذنيها :

بــحــبــك

________________

وفي المساء 

اجبرها فارس علي حضور العشاء الخاص بعمر وبالفعل ارتدت ملابسها وذهبت معه وها هي تقف امام الشقه الخاصه بعمر بجانب زوجها ..

استقبلتهم مريم بترحيب شديد بادلتها فريده ابتسامه بارده ثم دلفت مع فارس جلس كلاهما علي المقاعد لتقول مريم :

عن اذنكم هبلغ عمر 

وعندما رحلت مريم هتفت فريده بسخريه :

في واحده رقيقه تقابل راجل بهوت شورت وبلوزه كت امال قاعده علي البحر ؟ وايه كميه الميكب الاوفر الي علي وشها ده

_ مش احسن ما تقعد بالبيجامات الكم والعبايات ليل نهار ؟ 

فهمت ما يلمح له يقصدها هي فملابسها منذ ان تزوجها طويله ومغلقه 

هتفت هي :

ده علي اساس ان حياتنا احنا زي اي اتنين متجوزين ؟ 

_  ومين جاب سيرتنا اصلا ؟ انا بتكلم علي ناس الي بتلبس كده مجبتش سيرتك 

كادت ان تجيبه ولكنها توقفت عندما وجدت عمر امامها اشاحت بوجهها بعيدآ لا تريد ان تراه 

_______________

_ مر الوقت بينهما وفارس وعمر يتحدثان سويآ اما فريده تنظر امامها بصمت تراقب تصرفات مريم وتحركاتها،

ومن حين الي اخر تنظر الي فارس حتي تتاكد انه يتابعها ام لا 

نهض كلاهما عندما انتهت مريم من تجهيز الطعام علي المائده 

هتفت مريم وهي تضع الطعام في اناء فارس :

كنت عايزه عنوان عياده بتاعه حضرتك عندي كام استشاره كده

لتقول فريده علي فور بعصبيه :

استشاره في ايه فارس بيعالج الحروق عندك حرق في جسمك ولا حاجه متشوهه يعني ؟ ومحتاجه عمليه تجميل!!!

تحولت ملامح مريم لاحراج المزيف وجلست بجانب عمر ولكن فارس اخرج من سترته بطاقه ما واعطاها لها هاتفآ :

ده كارت بتاعي فيه العنوان 

تناولته مريم منه اما فريده نظرت الي فارس بضيق واضح وعمر يتابع ما يحدث بتسليه 

هتف عمر وهو يقوم بفتح زجاجه الخمر قائلا لفارس:

احطلك ولا ملكش في الشرب

حرك فارس راسه بنفي قائلا :

لا مليش فيه وغلط عليك تشرب وانت مريض سكر 

_ انا بشرب حفيف كده 

ثم تابع وهو ينظر الي فريده هاتفآ :

وانتي يا مادام ليكي في الشرب ولا زي فارس 

_ لا ليا 

هتف فارس اليه بتحذير :

فريده 

_ ايه هشرب انت مالك ؟!

انتهي عمر من تعبئه كوب الخاص بفريده ثم ناولها اياها لتقول فريده :

لا يا استاذ عمر هاتلي انا الازازه دي كلها وانت اشرب الكاس ده يدوب عليك علشان مسكين عندك سكر غلط تشرب كتير سكرك ينزل ويحصلك غيبوبه

وبالفعل تناولت فريده زجاجه الخمر منه وفارس يشعر بالحرج من افعالها تلك وهتف بهمس :

ايه الي بتعمليه ده

لم تجيبه بشئ فقط بدات في رفع زجاجه علي فمها وارتشاف الكثير وضعت الزجاجه علي مائزه وهي تغمض عينيها بضيق واضح ليقول عمر :

اتفضلوا يا جماعه الاكل كده هيبرد

ابتسمت فريده بسخريه واضحه وبعد مرور الوقت

 ظلت ترتشف من زجاجه الخمر وكلما منعها فارس صرخت بيه هي قائله :

ملكش دعوه بيا خليك مع رقيقه 

انتهوا من تناول الطعام ولكن فريده لم تهتم لذلك الطعام هي فقط انتهت من تناول زجاجه الخمر ثم هتفت الي عمر :

انتي يا بتاعه هاتيلي ازازه تانيه

_ فريده كفايه كده 

قالها فارس بانفعال واضح لتقول هي بلا مبالاه :

يلا يا ماما قومي هاتيلي واحده تانيه 

نهض فارس من مكانه وهو يجذب فريده من ذراعيها قائلا :

شكرا يا عمر علي السهره دي نستاذن احنا

_ انا مش ماشيه غير لما اشرب ازازه تانيه تلاقي عمر عنده صناديق بيره جوه هاتي واحده يا بتاعه انتي اخلصي

اشار فارس الي مريم بنفي اما عمر هتف :

طيب استني حتي المادام تفوق بدل ما تاخدها كده

_ لا معلش كفايه كده واسف علي الي حصل من فريده 

ضحكت فريده بقوه عندما سمعت تلك الجمله جذبها فارس من ذراعيها واتجه خارج شقه عمر ..

دلف كلاهما الي الشقه الخاصه بهما قام فارس بدفعها بقوه قائلا :

انتي ليه مصممه تفضحيني في اي مكان ليه ؟!

_ مريم عجباك صح ؟ عينك كانت رايحه جايه عليها عاجبك العريان بتاعها صح ؟!

تنهد فارس بنفاذ صبر قائلا ;

متخترعيش حاجات من دماغك انا مبصتش ناحيتها اساسا 

اقتربت منه قائله باصرار :

لا بصيت ناحيتها طول القعده عينك كانت عليها يا اخي ده انت كنت بتكلم معاها اكتر من اللوح الي قاعد جمبها عجباك صح هي صراحه حلوه صاروخ يعني عمر عرف ينقي كويس 

جذبها من يديها قائلا :

تعالي طيب افوقك علشان انا مليش خلق للجنان ده 

جذبت يديها منه قائله :

ابعد عني انا مش عايزه افوق تفرق ايه عني مريم ؟! البس ليك زيها طيب هعجبك صح زي ما هي عجبتك

_ مش عجباني ولا حاجه مفيش كلام ده 

ضحكت ساخره وهي تقول صارخه :

كداااااااب 

ليقول هو بانفعال قائلا :

يووووه انا مليش خلق لمناهده معاكي، اجبلك من الاخر يا فريده اه عجباني خلاص كده ارتاحتي؟

_وانا ؟

قالتها بتساؤل وهي تقترب منه وعينيها ممتلئه بالدموع ليقول هو :

انتي انتهيتي بنسبالي من اول ليله كانت بينا وقولتلك روحي قولي ل بابا وامك اني بضربك ومش قادره تعيشي معايا علشان اطلقك واخلص منك اعمل ايه تاني؟

حركت راسها بالنفي قائله :

لا متنهنيش بنسبالك يا فارس انا بحبك 

_ ثم تابعت وهي تقوم بخلع ملابسها :

البسلك عريان زيها طلاما ده بيعجبك 

منعها فارس عما تفعله قائلا :

بطلي جنان وروحي نامي انتي سكرانه ومش واعيه للي بتعمليه ولا بتقوليه 

جذبها ناحيه الغرفه برفق لتقول هي :

مبقتش تحبني خالص يا فارس؟ 

لم يجيبها اوصلها الي الفراش قائلا :

نامي دلوقتي وبكره نشوف موضوع ده 

تمددت علي الفراش وخرج فارس من الغرفه تاركآ اياها نهضت هي وتحركت ناحيه الخزينه بعثت بها ثم اخرجت ثياب كانت تشبه ملابس التي كانت ترتديها مريم 

انتهت من ارتدائها ثم اتجهت ناحيه المراة بدات في وضع بعض مساحيق التجميل ويديها كانت ترتعش مما جعلها تفقد تركيزها القت الاداه التي في يديها بقوه وراحت لغرفه التي يغفو بها فارس قائله :

اهو لبستلك عريان زيها عندي لبس عريان زي بتاعها ماما جبتهولي في جهاز بتاعي اهو بص

اعتدل فارس وقام باضاءه الغرفه قائلا :

ولا هنام في الليله السوده دي وايه الي انتي عامله في نفسك ده؟

اقتربت منه وهي تقول :

ايه مش عاجبك عليا صح؟! مش حلو زيها ؟

نظرت الي ذراعيها الموجود عليها اثار الحريق قائله :

انت عملتلي العمليه قبل ما نتجوز بس مدارتش الحروق دي باينه لسه في ايدي وده مخلي شكلي مش حلو زيها وجسمي مليان علامات لما ضربتني بالحزام علشان كده انا مش حلوه زيها ولا هعجبك حتي الميكب مش عارفه احطه وايدي بتترعش مش عارفه ليه، 

انهت جملتها واخفت وجهها بيديها وصاحت باكيه شعر بالاشفاق عليها هو لم يتاثر بمريم من الاساس فقط اخبرها ذلك حتي تتوقف عن الحديث في ذلك الموضوع،

منذ بدايه زيازته لهما وهو يتابع مريم باستغراب كيف ترتدي تلك الملابس امام رجل غريب مثله واخيها لم يمانع ذلك ؟!! وفريده فسرت تلك النظرات علي انها اعجاب ..

اصدر تنهيده طويله ثم هتف :

ايدك بتترعش لانك سكرانه ومش مركزه 

رفعت عينيها اليه وهي تقول باكيه :

يعني مش هعجبك زي مريم صح؟!!

_ مريم مش عجباني ولا حاجه وهما اصلا عيلة غريبه ازاي واحد يخلي اخته تلبس كده قدام واحد غريب ؟ 

_ علشان يدمر حياتي يدمرها اكتر ماهي مدمره 

قالتها فريده باكيه ليقول هو :

ممكن ننام بقي وكفايه كده 

القت بجسدها داخل احضانه قائله :

انا سقعانه اووي 

لم يبعدها عنه فارس ضمها اليه ثم جذب الغطاء وقام باخفاء جسدها به 

_ انت لسه بتحبني يا فارس صح قولي ايوه بلاش تقولي لا وانتهيتي بنسبالي وكلام ده 

_ هقولك الحقيقه لانك سكرانه ومش حاسه بـ حاجه وهتصحي بكره ناسيه كل حاجه، 

رفعت عينيها اليه بلهفه تنتظر اجابته ليقول هو :

ايوه لسه بحبك 

ابتسمت بسعاده لم يراها من قبل ثم هتفت  :

مش هتسيبني ابدا يا فارس صح؟ الي بيحب حد مش بيسيبه يبقي اكيد انت مش هتسيبني صح 

ازاح خصلات شعرها عن عينيها وهو يقول :

ليه عملتي فينا كده ؟ لو مكنش حصل الي حصل ده ليله فرح كان زمنا اسعد اتنين انا مش عارف اكرهك ولا عارف اكمل صعبتيها عليا اوي عينك كلها مليانه حب ليا مش قادر اصدقه لما انتي بتحبنيي اوي كده دخلتي ليه راجل بيتي ؟

حركت راسها بنفي هاتفه :

محدش دخل صدقني 

_ يارتني كنت اقدر اصدقك نامي يا فريده وكفايه كده 

قام باغلاق الاضاء بجانبه ثم تمدد علي الفراش ومازالت هي في احضانه هتفت هي :

مريم مش عجباك صح ؟ ولا انت بتقولي كده بتكدب وخلاص 

ابتسم رغمآ عنه فمريم تلك تشغل عقلها باكمله سوف تصيبها بالجنون هتف :

لا يا ستي مش عجباني ولا حاجه  

_ وانا ايه عجباك ولا لا ؟

_ انتي ملكيش شرب مره تانيه يا فريده 

_ جاوبني انا عجباك ولا لا ؟

لو مكنتيش عجباني مكنتش اتجوزتك ولا ايه ؟

هتفت هي بتفكير :

ايوه صح  

تابعت وهي تطبع قبله علي خديه قائله :

تصبح علي خير 

ضيق بين حاجبيه باستغراب وهو يضع يديها علي خديه قائلا :

ودي علشان قولتلك انك عجباني يعني 

اومات راسها بالايجاب قائله :

كنت خايفه تكون عجبتك وتحبها وتنساني 

_ لا متقلقيش انا بحبك انتي 

ابتسمت ليقول هو : 

مفيش حاجه عشان الكلمه دي ولا ايه ؟

حركت راسها بنفي هاتفه :

لا خلاص هي مره واحده 

ابتسم وهو يضمها اليها بقوه وهو مازال يحبها وتلك الحقيقه لم يتمكن الهروب منها مهمها حدث

نهايه الفصل الثالث وثلاثون

الفصل الثالث والثلاثون (الجزء الثاني)

" نفسي اشوف نفسي في عينك ان انا صعبان عليك والي فات من عمري مات واتولدت انا بين ايدك "

وفي صباح اليوم التالي 

استيقظ من نومه وجدها مازلت نائمه في احضانه ابعدها عنه برفق ثم غادرت الغرفه تاركآ اياها 

وبعد مرور الوقت فتحت عينيها بارهاق وصداع سوف يحطم راسها ..

اعتدلت من الفراش وهي تنظر الي غرفه باستغراب لما هي نائمه بغرفه التي يغفو بها فارس دائمآ نهضت من مكانها ثم نظرت الي ثيابها بدهشه كبيره اتجهت ناحيه الخزينه وبحثت عن شئ ما ترتديه حتي يخفي جسدها وخرجت اليه هاتفه :

انت عملت فيا ايه امبارح؟ وايه اللبس الي عليا ده والمكيب الي في وشي؟

_  هعملك فيكي ايه يعني مش فاهم انتي الي سكرتي طينه امبارح وعملتي في نفسك كده وجيتي نمتي في الاوضه الي انا بتخمد فيها فسبتهالك ونمت في اوضه تانيه 

ضغطت علي راسها بقوه هاتفه :

انا مش فاكره حاجه غير ان انت عينك كانت علي مريم في رايحه وجايه 

حرك راسه بالايجاب وهو يقول :

ايوه حصل كانت عجباني عادي ايه مشكلتك انتي يعني

_ ولا حاجه حلال فيك الخازوق الي هتاخده والله 

قالت جملتها تلك ورحلت

________________

ارتدت ثيابها بعدما اخذت حمامآ ساخنآ ثم جلست علي الفراش واخرجت هاتفها من درج الكوميدو وقامت بتشغيله والتصفح به وجدت رساله من صديقتها تخبرها به انها رسبت في مادتين ويجب الحضور ..

ضربت كفها علي وجهها بقوه وهي تقول :

مادتين شلتهم ليه الحظ ده هو انا ناقصه 

قامت بالاتصال بصديقتها واخذ منها بعض المعلومات ثم انهت معها المكالمه

القت هاتفها علي الفراش ثم خرجت من غرفتها وهتفت الي فارس :

انا سقطت في مادتين ولازم الاسبوع ده احضر السمر كورس هروح اقعد في شقه القاهره اسبوع لحد ما محاضرات السمر كورس تخلص 

ضيق بين حاجبيه وهو يقول :

نعم ؟ ومفروض بقي اصدقك واقولك اتفضلي روحي غيبي اسبوع في القاهره وارجعيلي 

_ يعني ايه هتضيع مستقبلي ؟

_ هو ضايع اصلا يا جميل مش محتاج اني اضعه 

جلست بجانبه وهي تقول برجاء :

فارس علشان خاطري انا مش عايزه اشيل السنه كلها خليني احضر السمر كورس ده واخلص منه اقولك حاجه علشان تطمن اكتر تعال انت معايا ووصلني لحد باب الكليه واستناني 

_ ومن امتي مهتمه بالتعليم يعني 

اجابته هي بثبات :

علشان لما تطلقني يبقي معايا شهاده في ايدي اشتغل واصرف علي نفسي منها مروحش امد ايدي لماما 

_ وانتي فاكره اني هستني اربع سنين كمان لحد ما يبقي معاكي شهاده في ايدك واطلقك ؟

تنهدت وهي تقول :

معرفش بقي سبيها بظروفها مش ممكن تعرف اني مظلومه ومتطلقنيش؟

ابتسم ساخرآ قبل ان يهتف :

صعب اووي تطلعي مظلومه 

تجاهلت كلماته تلك ثم قالت :

قولت ايه هتسيبني اسافر ولا لا

_ هنسافر سوا ورجلي علي رجلك لحد باب الكليه ولو طلع كدبه من بتوعك هندمك يا فريده 

نهضت من مكانها وهي تقول :

لا مش كدبه هروح دلوقتي احضر شنطه بتاعتي وبتاعتك لان اول محاضره بتاعتي بكره الصبح

_ ماشي 

قالها بهدوء لتقول هي 

_ وشكرا ليك يا فارس انك وافقت 

قالت جملتها ورحلت اصدر فارس تنهيده وهو يقول ;

ياريت يا فريده تطلعي مظلومه فعلا

___________________

استقل كلاهما السياره وبدا فارس في القياده لتقول هي :

اسفه علشان هتقعد اسبوع متروحش شغلك 

_ ولا يهمك مفاتيح شقه معاكي اكيد ولا نروح اي فندق ؟!

اومات راسها بالايجاب وهي تقول ;

لا معايا في شنطه 

استمر فارس في القياده وبعد مرور الوقت ظلت تعتدل في جلستها بملل ثم بعثت بالسياره وقامت بفتح تابلوه السياره هاتفه :

كل دي شرايط اغاني عندك ؟ رامي صبري رامي جمال تامر عاشور ام كلثوم محمد منير عمرو دياب عبدالحليم تامر حسني هاني شاكر انت بتسمع كل المطربين ولا ايه ؟

_ يعني حاجه زي كده 

تنهدت وهي تغلق تابلوه هاتفه :

انا كان عندي علي موبيلي القديمه بلاي ليست مليانه كوكتيل اغاني مطربين بحبهم بس راحو مع الاسف  

لم يهتف فارس بشئ لتقول هي :

عارف كانوا دايما بيختاروني في الاذاعه بتاعه المدرسه علشان اغني بيقولو ان صوتي حلو اسمعك ؟

حرك راسه بنفي وهو يقول :

لا مصدع 

ولاحظت انه لا يريد التحدث معها نظرت الي الشرفه ثم هتفت :

هو احنا مينفعش ننسي الي فات ونعيش زي اي اتنين متجوزين ؟!

_ فريده كلام يعصب مش عايز وانا بسوق من فضلك 

قالها بانفعال لتقول وهي تلتفت اليه :

مينفعش طيب اصعب عليك؟ تشوفني واحده مظلومه معملتش حاجه والي حصلها كان غصب عنها ؟ مينفعش اشوف نفسي في عينك اني صعبانه عليك ؟ فارس انا بحبك ومش هقدر اعيش من غيرك لو طلقتني حبيت حنيتك عليا نظره عينك الي كنت بشوفها وانا تعبانه وانت سهران جمبي حبيت كل حاجه فيك لو اطلقنا انا هموت صدقني انا مظلومه الي حصلي مكنش بمزاجي 

_ فين دليل انه كان غصب عنك؟! ولا انتي عايزاني اصدق القصه الهبله بتاعه ان موبيلك اتهكر

_ دي الحقيقه 

_ والي دخل بيتي ومفاتيح بتاعته وقعت ده ايه ؟! 

_ طبعا لو قولتلك عمر كداب مش هتصدقني انسي يا فارس واعتبرني مقولتش حاجه 

_ يكون احسن بردو

_ طب انا اكرهك ازاي ؟ وابطل افكر فيك مش هينفع تطلقني وانا بحبك هفضل كل شويه بفكر فيك بص احنا ننسي الي حصل ليله الفرح ونبدا مع بعض من جديد انت لسه بتحبني عينك بتقول كده

اوقف السياره ثم التفت اليها وهو يقول :

فريده وبعدين معاكي متخلنيش اللف وارجع ومتطوليش لا سمر كورس ولا غيره انا مش عايز رغي 

_ حاضر هسكت 

وبالفعل صمتت ثم بعثت مره اخري بتابلوه السياره ثم اخرجت شريط ما وقامت بتشغيله ..

ماصدقت اتقابلنا استنى رايح فين

دي  آخر مره شفتك فيها كانت من سنين

ماصدقت اتقابلنا والعين قصاد العين ياعالم لو هقبلك تاني يبقى ازاي وفين

خلينا سبني املي عنيا من اللي انا فيه

خلينا يا حبيبي شويه نبعد ليه

وآه عالي قلبي حاسس بيه

واللي شايله في قلبي ليك للحظه دي

سؤال دايما شاغلني نفسي تجاوب عليه

عشان ردك ده بالنسبالي هتريحني بيه

فبعدي بتفتكرني وبتفتكرني بايه

ولسه هوانا زي ماهو ولا خلاص ناسيه 

واثناء غناء المطرب كان هي ايضآ تغني معه وما ان انتهت الاغنيه قام فارس باطفاء المشغل قائلا :

قولتلك مش عايز صداع ولا انتي مبتفهميش ؟

اغنيه بحبها وعايزه اسمعها في ايه ؟

زفر بقوه وهو يقول :

انتي بتسمعي وبتغني معاها وصدعتيني بلاش استهبال يا فريده 

لم تهتم بكلماته ثم قامت بالبعث بالتابلوه مره اخري واخرجت شريط ما هاتفه :

ايوه الاغنيه دي تحفه يا فارس بحبها اووي كنت بغنيها في اليوم الي موبيلي اتهكر بعيد عنك كنت طالعه من شاور بتاعي ولافه جمسي بالفوطه قوم ايه بقي الحيوان صحبتي بعتتلي رساله روحت رديت وطلع موبيلي متهكر في وقت ده وهو شايفني وعلشان حظي نحس الفوطه اتزحلقت والي مهكر موبيل بيتفرج بقي براحته 

وفارس كانه لم يسمعها فقط ينظر الي طريق متجاهلآ كلماتها تلك فهو واثق انها تكذب وتختلق كذبه جديده ..

هتفت وهي تشغل الشريط :

متصدقش براحتك 

قامت بتشغيل الشريط ورفعت صوت الي اعلي درجه 

كده عيني عينك تنكر هوا كان بيني وبينك كده عيني عينك تنسي عيون علي طول فاكرينك يلي زمان انا كنت حياتك شلت زمان ليه من حسابتك يلي زمان انا كنت حياتك شلت زمان ليه من حسابتك 

اغلق فارس المشغل وهو بقول بزعيق :

انتي ايه مبتفهميش قولتلك مش عايز صداع اقسم بالله يا فريده لو بطلتي الاستهبال ده هلف وارجع اسكندريه ولو اتقلبتي قرده قدامي ما هوديكي سمر كورس بتاعك ده 

حركت جسدها بعصبيه قائله :

حاضر يا فارس هسكت خالص 

وتلك المره صمتت ونظرت الي الشرفه بصمت وبعد مرور الوقت وصل كلاهما الي القاهره وتحديدآ المنزل الذي كانت تمكث به من قبل مع والدتها ...

خرجت من السياره وفارس ايضآ ثم تناول الحقائب صعد كلاهما الدرج بصمت فتحت امراه باب شقتها وعندما وجدت فريده امامها هتفت بسخط :

اهلا بالهانم فينك كده ومين البيه الي معاكي واحد جديد اتجوزك عرفي ولا ايه ؟!!

تسائلت فريده بدهشه كبيره واستغراب ;

واحد جديد اتحوزني عرفي ازاي ؟ وايه اللهجه الي بتكلميني بيها يا طنط دي 

ابتسمت السيده بسخريه وهي تقول :

ايوه اتمسكني يا بت 

ليقول فارس بجديه :

في ايه حضرتك ؟!! انا فارس ابن احمد جوز مادام تهاني 

- في ان عماره دي محترمه وفيها ناس محترمين مينفعش للشغل شمال بتاعكم ده بلا احمد بلا عارف وبعدين احمد طول عمره كان بيجي لوحده مشوفناش له عيال وحتي لو كده جاي تعمل ايه مع بنت مرات ابوك لمؤاخذه في شقه لوحدكم هتقضوا ليله حمراء ولا ايه 

زعق بها فارس قائلا ;

ما تكلمي عدل يا ست انتي في ايه مالك ؟ انا جوز فريده ولسه متجوزين قريب ومش معقوله همشي بقسيمه جواز يعني علشان اوريها لاشكال الي زيك

_ الاشكال الي زي انضف منكم ووديني لو مشيتوا دلوقتي لهبلغ عنكم بوليس الاداب وانتي يا حلوه ليكي عندي امانه الي كنتي متجوزاه عرفي جبهالك من فتره وبيقولك انه قطع ورقتين الي عرفي الي كانوا بينكم والجنين الي في بطنك اتصرفي فيه 

تلعثمت فريده ثم هتفت :

يلا بينا يا فارس نمشي بلاش مشاكل 

اما فارس هتف بجمود :

ايه هي الامانه الي سبهالك ؟!

_ ثواني يا اخويا اجبهالك 

رحلت السيده لتقول فريده :

انت اكيد مش هتصدق كلام الست دي يلا نمشي يا فارس بلاش مشاكل ولو علي سمر كورس انا مش عايزه اكمل تعليم اصلا

صرخ بها بزعيق :

اخرسي مش عايز اسمع صوتك 

حضرت السيده وناولته الحقيبه التي اعطاها لها عمر من قبل هاتفه :

اهي يلا خدو بعضكم وامشي يااما هتصل ببوليس الاداب 

تناول فارس منها حقيبها ثم بعث بها ليجد بها اشياء خاصه بفريده ومعهم بطاقتها الشخصيه 

نظر الي السيده قائلا :

لا وعلي ايه احنا ماشين اهو شكرا 

جذب فريده من ذراعيها بقوه ثم تناول حقيبه ملابسهم باليد الاخر هي والحقيبه التب اعطتها لهم السيده هبط الدرج سريعآ وفريده تصيح به :

براحه يا فارس هقع علي وشي 

لم يهتم بها وظل يهبط درج سريعآ صعد كلاهما الي السياره والقي فارس حقبيبه الثياب بالخلف ثم قام بقلب حقيبه خاصه فريده قائلا :

حاجتك دي ولا مش حاجتك!! بطاقه دي بتاعتك ولا لا مش هي دي بطاقه الي قولتي انها ضايعه منك 

خرج صوتها بصعوبه وهي تهتف :

هفهمك انت فاهم غلط والله 

زعق بها في انفعال :

تفهميني ايه!!! خلاص كل حاجه انكشفت اهي واحد ضحك عليكي واتجوزك عرفي وخلع وكمان كنتي حامل علشان كده كنتي دايما دايحه وتعبانه كده انا فهمت 

قال جملته تلك وبدا في قياده السياره وفريده تهتف ببعض الكلمات حتي تدافع عن نفسها صرخ هو بها :

اخرسي مش عايز اسمع حاجه 

ارتعش جسدها من نبرته تلك ثم هتفت باكيه برجاء :

بلاش ونبي تضربني بالحزام تاني لما نوصل جسمي لسه واجعني من المره الي فاتت

لم يجيبها بشئ زاد من سرعه قيادته وظل يسوق باقصي سرعه 

______________

وصل كلاهما الي المنزل مره اخري ..

وفريده ترتعش بداخلها من الخوف وعندما دلفت الي الشقه هتفت برجاء :

بلاش تمد ايدك عليا بالله عليك

_ انتي احقر مخلوقه قابلتها في حياتي 

قال جملته تلك وغادر الشقه باكملها بعدما صفع الباب خلفه 

وفي طريقه قابله عمر قائلا :

فارس انت كويس 

وملامح فارس فضحته امام عمر وشعر ان هناك شئ ما 

حرك فارس راسه بنفي هاتفآ :

لا انا مش كويس 

_ خير في ايه؟ تعال احكيلي في ايه 

تحرك معه فارس ووصل كلاهما الي شقه عمر ليقول :

اتخانقت مع المادام ولا ايه؟

ضحك فارس ساخرآ وهو يقول:

لا طبعا  دي بتحبني اوي

اخرج عمر من سترته علبه السجائر وهو يقول :

 سيجاره ؟

حرك فارس راسه بنعم ثم تناول السيجاره وبدا في نفثها وفي الحقيقه لم تكن تلك مجرد سيجاره عاديه فهي من انواع الحشيش 

لاحظ فارس غرابه هيئتها ولكنه لم يعلق ..

نهض فارس من مكانه ثم احضر زجاجه الخمر وكاسات قائلا :

احطلك ؟

_ قولتلك قبل كده انا مليش في الشرب

_________________

منذ ان غادر فارس وهي تنظر الي الحقيبه هاتفه بحسره :

حتي دي يا عمر معدتش عليك فضحتني في العماره ومع فارس ليه كده بس انت عايز مني ايه ؟ الحب مش بالعافيه عايز مني ايه دمرت حياتي وخليت فارس يكرهني والحياه بينا بقيت مستحيله عايز ايه تاني يا اخي

_______________

الساعه الثالثه صباحآ وفارس مازال يجلس عند عمر تناول كوب الخمر منه مره اخري وهو يقول ضاحكآ :

قولتلك مبشربش خلتني اشرب ليه بس بس عارف سيجاره دي غريبه طيرت دماغي بجد

ابتسم عمر وهو يقول :

اه ما اصله نوع مستورد من براه 

نهض فارس قائلا :

انا كده اتاخرت وعندي عياده الصبح 

تعثر في الطاوله اسنده عمر وهو يقول :

استني لسه بدري القعده احلوت اهي 

حرك فارس سبابته وهو يقول :

مينفعش لازم انام بدري عندي عياده وعيانين لازم اعالجهم انا اعالج العيانين ومش لاقي حد قهره قلبي دي شوفت الدنيا

ناوله عمر هاتفه من علي اريكه وهو يقول ;

موبيلك يا دوكتر كنت هتنساه 

تناوله منه فارس وهو يقول :

شكرا شكرا 

غادر فارس وهو يسند نفسه بصعوبه اما عمر ابتسم بسعاده علي ما فعله بفارس ..

تناول حاسوبه وبدا في العبث به وهو يقول :

تفتح النت علي موبيلك يا دكتور وكل حاجه هشوفها صوت وصوره 

_______________

دلف الي الشقه ثم القي الهاتف باهمال ثم اتجه ناحيه غرفه فريده وهو يتحرك بصعوبه وجدها تغفو في النوم اقترب منها وهزها بقوه قائلا :

نايمه ولا علي بالك حاجه 

استيقظت من نومها ونظرت اليه هاتفه ;

فارس 

هتف ضاحكآ :

ايوه فارس الي حرقتي قلبه 

اعتدلت من الفراش هاتفه : 

ايه ريحه دي انت سكران ؟!!

اوما راسه بالايجاب :

ايوه سكران علشان انسي ومنسيتش بردو 

مسح علي شعره بقوه وهو يقول :

كنت فاكر اني لما اعرف الحقيقه هرتاح بس ده محصلش يا فريده محلصش

تابع وهو يجذها من ذراعيها ;

قوليلي ارتاح ازاي يا فريده اريح قلبي ازاي ؟

لم تنطق هي بشئ فقط تتابعه بصمت احتضن وجهها بين يديه وهو يقول ;

انا بحبك اووي يا فريده 

انهي جملته تلك وهو يدفعها علي الفراش اعتدلت هي هاتفه :

هعملك قهوه تفوقك من الزفت الي انت فيه ده 

منعها وهو يقيد حركتها قائلا ;

دخلتي حياتي ليه ؟ 

_ اوعي يا فارس سيبني مش عارفه اتحرك 

قالتها وهي تحاول ان تدفعه ليقول هو ;

مش هسيبك 

اقترب منها وحاول تقبليه بقوه وهي تحاول التخلص منه ولكن هو قام بتقيد حركتها باكملها هاتفآ :

ايه مالك انا جوزك ولا انتي ملكيش غير في الحرام

صاحت بيه وهي تحاول التخلص منه :

لا يا فارس لو عملت كده هكرهك وانا مش عايزه اكرهك لا يا فارس 

_ اكرهيني انا عايزك تكرهيني ايه رايك بقي 

صرخت به باكيه وهي تحاول التخلص منه ..

_________________

ابتعد عنها بعدما فعل بها ما يريد ثم تمدد علي فراش واغمض عينيه اما هي اخفت جسدها بالغطاء وصاحت باكيه ليقول فارس:

اشششش عايز انام بلاش مناحه معملتهاش ليه يا اختي مناحه دي وانتي بتكتبي ورقتين العرفي ولا الحرام حلو والحلال يع واسمعي بقي انتي مراتي ووقت ما يجيلي مزاج اقرب منك هقرب انا حررررررر 

كانت كلماته واضحه انه مازال تحت تاثير الكحول بكت فريده بصوت مكتوم والان لا يفرق شئ عن عمر ابتسمت بسخريه في السياره طلبت منه ان يجعلها تكرهه قبل ان يطلقها وها هو الان اعطي لها سبب للكراهيه ..

_________________

وفي صباح اليوم التالي 

فتح عينيه ليجد فريده عاريه بجانبه وتخفي جسدها بالغطاء رويدآ رويدآ بدا يتذكر ما حدث بالليله الماضيه ضرب راسه في الوساده بضيق واضح ثم نهض من جانبها اما هي كانت مستقيظه لم تغفو منذ الامس عندما شعرت بحركته هتفت :

شكرا انك خلتني اكرهك سهلتها عليا اوي 

_ الي حصل بينا شئ طبيعي بيحصل بين اي اتنين متجوزين متكبريش الموضوع وتعمليلك حكايه 

اعتدلت وهي تخفي جسدها قائله :

بيحصل بين اي اتنين متجوزين بمزاجها مش بالاغتصاب 

_ انا مكنتش واعي لنفسي ومعرفش اصلا عملت كده ازاي 

قالها وهو يدافع عن نفسه لتقول هي:

طلقني دلوقتي يا فارس 

_ مش بمزاجكك تقولي طلقني دلوقتي لا طلقني بعد فتره انا مش ماشي بمزاجكك بلاش تعيشي دور اووي بس متنسيش حقيقتك الي لسه عارفها امبارح 

قال جملته تلك ورحل تاركآ اياها

نهايه الفصل الثالث وثلاثون ( الجزء الثاني)

انتظروا تكملة الروايه بعد قليل 

الجزء 33_34_35_من هنا