 |
البارت (32) بقلم سلطان زماني
قولت ل ابويا عارف ياحج لو هي الي كانت مكاني كانت
عمرها ما رحمتني ولا كان قدر. لا عرف يوقفها عن ظلمها
وجبروتها ليا وبصيت ل اخويا قولتله ما تقول ل ابوك عملت
ايه في طلقها وبهدلته ازاي
اخويا ..بصراحة يابا وليه مفترية اخدت كل حاجه منه
ودمرت مستقبله ورغم أنه اتجوز غيرها
وعده علي طلاقهم كتير لسه بيخاف منها
ومن جبروتها كان قرب يتجنن
_ وانا كمان يابا كنت هتجنن انا كنت فاكر اني الستات كلها
زاي زينب وبنات خالي واخواتي وامي اول مره في حياتي
اشوف ناس بالبجاحه دي الي زي الاوساخ دول اكتر حاجه
تزعلهم الفلوس هي الي توجعهم أنما لا ضرب ولا شتيمة
هتحوق فيهم أنا مريم نستها خلاص يابا بس الي عملته فيا
لا يمكن أنساه علشان خاطري خليني ابرد ناري واداوي
جرحي
ابويا ..طب اقولك حل حلو
اخويا ..قول ياحج
ابويا ..انت تحط الفلوس دي ب اسم الواد ابنها ولما يكمل
٢١سنة يخدهم ومن غير ما تعرفها حاجه
اخويا ..حل كويس اوي يا محمود كبر بقا دماغك منها وكفايا
الي حصلها والخير الي عملته مع طلقها
_ ربنا يقدم الي فيه الخير
ابويا ..كان في موضوع يابني كنت عايز احكي معاك فيه
_ خير ياحج قول
ابويا ..زينب يا ابني جيلها عريس وعمك واخواتها الرجاله
موافقين وبيقولو اني العيال يفضلو عند ستهم ومرات
اخوهم قولتلهم هسال صاحب الشأن وارد عليك
_ تتجوز ازاي يعني وهي وفقت
ابويا ..يابني هي الي زاي زينب دي بتقعد وبعدين ده حقها
محدش يقدر يقولها لا
اخويا .. امتي حصل الكلام ده
ابويا ..امبارح وعمك بعد القاعدة دي كلمني وقالي ومستني
الرد
_ وديني وما أعبد لو اتجوزت ما هخليها تشوف ضافر عيل
من العيال تاني
ابويا ..ياحبيبي عيالك في بيت عمك مش حد غريب بيربيهم
متركبش نفسك الغلط أنا هكلمه واقوله احنا موافقين والف
مبروك
اخويا .. وان شاء الله ربنا يكرمك ببنت الحلال الي تعوضك
وتسعدك
_ سبتهم وقومت قلعت هدومي ونسيت مريم وطلقها وامها
وكل حاجه وبفكر في زينب ..مراتي انا راجل غيري يلمسها
وتبقا مراته ازاي
عقلي ..ما انت عملت زيها وكنت عايزها تقبل الي انت دلوقتي مش قادر تقبله
أنا ..لا أنا راجل ومن حقي اتجوز ٤ الشرع قال كده
عقلي..هي كمان من حقها تقبل أو ترفض
أنا ..ايوا بس انا اتجوزت علشان مش مرتاح معها وكتير
اتكلمت معها وهي مش بتتغير
عقلي..والي كانت بتريحك وبتمتعك عملت فيك ايه
أنا ..لا هي الي ست مش كويسة كانت ممكن تطلع ست
محترمة وتريحني
عقلي. لسه بتقاوح لو كنت حبيت زينب ودلعتها وقولتلها
كلام حلو زاي الي كنت بتقوله لمريم كنت عشت في جنة
قمت بصيت في الساعة لقتها 11نزلت اخدت العربية وطلعت
علي شقتي القديمة لقيت في غسيل منشور عرفت انهم فوق
طلعت لقيت زينب و ومعها مرات اخوها الي لسه
متجوزة من كام شهر قالتلي من وراء الباب العيال نايمين
يامحمود قولتلها أنا عايز رقمك يازينب محتاج اتكلم معاكي
ممكن سكتت شوية وفتحت الباب وقالتلي رقمها بصيت
لقيت مرات اخوها وقفه واخده بالها نزلت واول ما ركبت
العربية اتصلت
_ انتي صحيح ي زينب هتتجوزي 👇
يتبع
تكملة البارت (32) بقلم ✍️ سلطان زماني
_ انتي صحيح هتتجوزي يازينب؟
زينب ..مين قالك الكلام ده يامحمود
_ هو سر يعني ابويا عرفني كل حاجه وقال انكم موافقين
والعيال هيقعدو عندكم
زينب .. أنا مش بعمل حاجه عيب ولا حرام
_. يعني الكلام ده صح
زينب . انت ايه الي يضايقك ولا يزعلك في حاجه زاي كده
_ اه وانا اضايق ليه فعلا طب اعملي حسابك بقا عيالك مش
هتشوفيهم تاني يازينب
زينب ..مش مهم اشوفهم المهم انهم يعيشو مبسوطين وانا
حتي لو اخدتهم وعاشو معاك هكون مطمنه عليهم اكتر
_.. بسهولة كده تسيبي وتتنازلي عن عيالك يازينب
زينب ..لو شايف أنه ده غلط ف انت غلطت قبلي عادي
ومحدش حسبك ولا سالك وجربت أنا كمان عايزة اجرب
_ تجربي ايه انتي اتجننتي مالك يازينب في ايه ما تتكلمي عدل
زينب ..محمود انت ملكش انك تزعقلي ولا ليك كلمة عليا
_انا ابن عمك يازينب قبل اي حاجه
زينب ..هو انت كنت فاكر اني هعيش خدامة لعيالك وابص
القي نفسي قد امي ولوحدي وعيالي كل واحد في بيته ويجو
كل اسبوع يبصو عليا ويمشو
محمود ..ايه الكلام الغريب ده ...انتي مكنتيش بتقبلي الهواء
علي عيالك ايه الي حصلك
زينب ..مش هكدب عليك يا ابن عمي واقولك اني مش
روحي فيهم بس انا زاي اي ست محتاجه راجل يحبني
ويحترمني ويقدرني ويخاف عليا ويكون صبور عليا ويفهمني
ويعاملني اكني بنته فاهم
_ فاهم ايه وزفت ايه علي دماغك لا ده انتي اتجننتي رسمي
انتي واعيه للي بتقوليه ده يازينب
زينب ..هو أنا قولت ايه غلط يا ابن عمي
_..متقوليش ابن عمي دي يازينب أنا ..أنا.. أنا ابو عيالك
وكان. في بنا عشرة وعيش وملح
زينب .. اديك قولت اهو عشرة وعيش وملح
مقولتش حب وتقدير واحترام وصبر
وعطف وود واحتواء وحنيه أنا معشتش يا ابو ولادي ولا
اتقالي كلام حب زاي البنات ولا لقيت الي بطبطب عليا
ويخدني في حضنه ويحتويني
_ وانا مكنتش بحتويكي يازينب ايه كنت بصبحك بعلقه
وامسيكي بعلقه لدرجادي كرهتيني وكرهتي عشرتي معاكي
زينب ..اوعي تقول كرهتك دي تاني أنا عمري ما قولت عليك
كلمة وحشه ده انا اخويا لما ابنك كسرله موبيله وبيهزر معه
وبيقوله كده برضو يا ابن الكلب كلته خربت الدنيا
_ كلامك وجعلي قلبي اكتر ماهو موجوع يازينب
زينب .. الف سلامة عليك ياابو ولادي أنا هقفل علشان اخويا
هيعدي ياخد مراته تروح معه عايز حاجه
_ لا يازينب ياريت تفكري تاني في موضوع انك تتجوزي دي
علشان ولادك
زينب ..اممممم لا أنا مش هتزفت هوافق يامحمود سلام
قفلت معها واول مره قلبي يدق ليها وتوحشني واشتاق ليها
كده وع قد ما كلامها وجعني بس مبسوط أنها بقت تتكلم
وبتاخد وبتدي معايا في الكلام وقولت والله يازوزو لعمل
فيكي نفس المقلب واوقع قلبك زاي ما وقعت قلبي رجعت
عند امي اتعشيت ونمت
😘يتبع ..رايكم بقا ياحلوين ومن غير ملصقات لو تكرمتو
البارت 33من هنا هنا هنا هنا هنا هنا
 بقلم سلطان زماني قولت ل ابويا عارف ياحج لو هي الي كانت مكاني كانت عمرها ما رحمتني ولا كان قدر. لا عرف يوقفها عن ظلمها وجبروت…){kind=link}
جميل وتستاهل ال زينب تعمله فيك ي حوده
ردحذفقصه جميله فعلا
ردحذفروعه.وياريت كل زوج يقدر زوجته ويعاملها بموده ليعيشوا في سعاده.
ردحذف