مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

الفصل السادس وثلاثون 

انتهي فارس من ارتداء ملابسه ثم هتف :

مش يلا ولا ايه ؟!

_ ايه لازمتها السهره دي يعني ما تخلينا قاعدين في البيت سوا كده 

_ من يوم ما اتجوزنا واحنا قاعدين في البيت سوا خلينا نغير شويه 

نهضت من مكانها وتحركت معه الي الخارج ثم استقلت المصعد وعندما هبط المصعد وخرجوا منه تذكر فارس امر ما ثم قال :

نسيت الفلوس عاجبك كده ؟ خدي مفاتيح العربيه اقعدي فيها لحد ما اجيب الفلوس 

اومات راسه بالايجاب وتحركت هي اما هو استقل المصعد ثم وصل الي شقه عمر قرع الجرس ليظهر امامه عمر :

عايز ايه مش كفايه الي عملته في اختي 

_ انا عامل سهره لطيفه كده ليك انت ومريم وفريده ياريت تيجي واهو بالمره نوصل لحل 

ابتسم عمر بسخريه وهو يقول :

عامل سهره مجمع فيها مرتاتك الاتنين جديده دي 

_ اهو نقعد سوا ونوصل لحل طلاما حل الطلاق مزعلك 

لوي عمر شفتيه بضيق وهو يقول ;

ماشي اما نشوف اخرتها فين مكان السهره؟

____________________

استقل فارس السياره وبدا في قيادتها وهتف :

انا عزمت عمر ومريم معانا 

_ عمر ومريم اااه قول كده بقي انت عامل السهره دي علشان تبقي جمب المحروسه مراتك وانا الغبيه صدقتك 

قالتها صارخه بيه ليقول هو :

بس بس انتي هتردحيلي ولا ايه 

_ رجعني البيت وروح اسهر انت معاها براحتك 

زفر بضيق وهو يقول :

فريده احنا لازم نوصل لحل سوا عمر مش عاجبه قرار الطلاق ده لازم نوصل لحل يرضينا كلنا ويرضيكي انتي كمان 

_ انا مفيش حاجه هترضيني غير انك تطلقها 

_ صعب دلوقتي الا بقي لو ظهرت حاجه جديده عمر يكون ورا مصيبه ولا حاجه وقتها انا هقدر اطلق مريم واخوها ميقدرش يتكلم 

قالها فارس بذات مغزي لتقول هي ;

ده لو بقي 

حرك راسه فارس وهو يقول :

ايوه لو 

__________________

وصل كلاهما الي المكان المحدد وجلسوا سويآ علي الطاوله لاحظت فريده عين فارس علي الباب فهتفت :

اهدي شويه متخافش اكيد هتيجي 

_ يا بنتي اقسم بالله ما الي في دماغك خالص مريم دي مش فارقه معايا اصلا 

واضح جدا 

وعندما لمح قدوم عمر ومريم قام بضم فريده الي احضانه هاتفآ :

وبعدين معاكي متقلبيش السهره نكد 

ابتسمت بضيق وهي تقول ;

اهم وصلوا اوعي كده علشان مشاعر مراتك الجديده عيب 

قالت جملتها الاخيره بسخريه واضحه وهي تبتعد عنه ولكنه منعها وضمها اليه اكثر قائلا :

لو تلمي لسانك ده شويه كل حاجه هتبقي كويسه

اقترب عمر منهما ومعه مريم لم يتحرك فارس في جلسته اما عمر جلس وعينيه علي فريده التي يضمها فارس ثم قال :

اتفضل قول الحل الي عندك بخصوص جوازك انت ومريم 

تنهد فارس وهو ينظر اليهم ثم بعث بفروه راس فريده هاتفآ :

سامحيني يا مريم بس غصب عني جوازي منك كان غلطه انا بحب فريده مش هقدر اعيش حياتي معاكي وقلبي مع واحده تانيه 

_ فارس ممكن اتكلم معاك علي انفراد انا وانت بس

قالتها مريم ليقول فارس وهو ينهض :

اه طبعا 

انحني بجسده ناحيه فريده ثم طبع قبله علي شفتيها قائلا :

خمس دقائق وهرجعلك يا حبيبتي 

رحل فارس ومعه مريم اما فريده تنهدت بضيق وهي تنظر بعيدآ عن عمر ليقول هو بالم :

شايف ان حياتكم مع بعض بقيت كويسه اووي 

_ الحمدالله ربنا فرجها من عنده وكل مشاكل الي بينا اتحلت وفي لحظه كده طلعني من دماغك بقي 

_ مش قادر يا فريده حاولت مش قادر عارفه وانا شايفك في حضن فارس كان هاين عليا اقوم اقتله ولما باسك حسيت بنار جوايا ليه مستخسره فيا الفرصه ؟

_ لاني بكرهك اقولهالك كام مره انا بكرهك بكرهك افهم بقي 

_ مش هخليكم تتهنوا بعض هقتلوهلك يا فريده وحياتك عندي لقتلهولك 

_______________

_ شكلك ناسي الي حصل بينا يا دكتور فارس انت ضيعتني 

قالتها مريم بانفعال واضح ليقول هو :

عمر اتفق معاكي علي كام علشان تمثلي انك اخته ؟

اتسعت عينيها بدهشه ليكمل هو :

انا عارف كل حاجه وهديكي اضعاف الي عمر هيدفعولك بس بشرط تختفي من حياه عمر بكره الصبح تلمي هدومك وتسافريلك اي مكان وسيبي موبيلك عنده 

_ مش خايف اروح اقوله انك عارف كل حاجه 

حرك راسه بالنفي وهو يقول :

لا مش خايف لاني واثق انك ناصحه وعارفه مصلحتك فين لعبتك مع عمر خسرانه واي كان الي هيدهولك مش هيبقي قد الي انا هدهولك ومقابل حاجه بسيطه كده تختفي من حياه عمر وميعرفلكيش طريق 

_ وانا موافقه بكره الصبح هلم هدومي واختفي الفلوس بقي هاخدها امته وازاي ؟!

اخرج من سترته دفتر الشيكات الخاص به ثم قام بالكتابه عليه ثم ناولها اياه وهو يقول :

ادي الفلوس اهي تقدري تصرفيها في اي وقت واظن المبلغ المكتوب ده عمرك ما كنتي هتشوفيه مع عمر صح ولا ايه ؟! بس لو عمر عرف حاجه مش هتطولي حاجه من فلوس دي حتي لو كنتي سحبتيهم انا بنبهك من قبلها اهو

اومات راسه بالايجاب وهي تنظر الي تلك الورقه ليقول هو :

كده مش باقي غير حاجه واحده 

تسائلت باستغراب :

حاجه ايه ؟

_ انتي طالق 

_ كده في وشي طب عرفني قبلها الكلمه تقيله في الوش كده بتوجع القلب والله 

ابتسم فارس ساخرآ وهو يقول :

لا سلامه قلبك 

ثم تابع بجديه :

قبل ما تمشي تعدي عليا وتجبيلي نسخه من مفتاح شقه عمر اكيد معاكي

اخفت مريم الورقه في جيب بنطالها هاتفه :

من عنيا علي فكره الكارت بتاعك الي ادتهوني قبل كده معايا هبقي اعرفك عنواني ممكن تحتاجني في يوم ولا حاجه 

_ سؤال بس في ليله اياها انا صحيت لقيت نفسي علي سرير ازاي؟ حصل ايه يومها

_ولا حاجه العصير كان فيه منوم شربته من هنا وروحت في سابع نومه انا وعمر شلناك الاوضه وقلعناك هدومك وبس

_ والدم الي كان علي سرير؟

_ لا ده شويه ميكروكروم بس الخضه مخلتكش  تركز 

ابتسم فارس بسخريه وهو يقول :

يا ولاد ال***** 

وفي نفس اللحظه وصلت اليهم فريده جذبت فارس من ذراعيه قائله بلهفه :

يلا نمشي من هنا 

_ لسه السهره مبدائتش 

حركت فريده راسها وهي تقول بانفعال :

مش عايزه سهره ولا زفت يلا نرجع بيتنا علشان خاطري يا فارس 

_ حاضر يا فريده حاضر 

وبالفعل تحرك فارس معها الي الخارج اما مريم اتجهت ناحيه عمر وهتفت :

بيقولي حياته مع فريده بقيت كويسه وكام شهر ويطلقني وبكده يبقي صلح غلطته 

_ وانتي قولتيله ايه ؟

_ اتخانقت معاه طبعا وقولتله اني مش لعبه في ايدك وهفضحك وهعرف اخويا كل حاجه قولتله كل حاجه اتفاقنا عليها متقلقش بس ملحقناش نوصل لحاجه فريده جات تقوله يلا نمشي ومش عايزه تصبر انت قولتها حاجه ولا ايه ؟

لاحت علي شفتيه ابتسامه ثم قال ;

شوفتيها حلوه ازاي بالفستان ؟

رفعت مريم حاجبيها باستنكار واضح فهو مجنون بفريده تلك ..

__________________

_ خلينا نخلص من عمر ومريم اقولك نروح ناخد شقه جديده ونقعد فيها 

اجابها فارس بهدوء :

ليه يعني ده كله ؟ 

هتفت هي بصوت مكتوم والدموع تلمع في عينيها ;

علشان متروحش مني يا فارس 

اوقف سيارته ثم التفت اليها وهو يقول :

متخافيش انا مش هسيبك وقولتلك الغلطه بتاعتك الجواز العرفي والحمل الي نزلتيه انا سامحتك عليهم

تنهدت فريده بحسره وهي تسند راسها علي تابلوه السياره :

انت مش فاهم حاجه 

_ طب فهميني 

_ كمل سواقه ووصلنا البيت 

وبالفعل بدا فارس في القياده تمني لو تخبره بكل شئ ولكنها مازلت تخفي عنه ...

__________________

وفي صباح اليوم التالي 

منذ ان استيقظ وهو يبحث عن مريم وجد هاتفها علي الطاوله وبجانبه ورقه مكتوب بها :

انا زهقت من اللعبه السخيفه دي وجنانك بفريده انا هروح ارجع لاكل عيشي وانت كمل الي بتعمله مع نفسك 

قرا الورقه اكثر من مره انتبه علي صوت قرع جرس الباب قام بفتحه ليجد فارس امامه يقول :

عايز اتكلم مع مريم شويه 

_ مش موجوده عايز منها ايه مش خلاص اخترت مراتك الاولي 

_ بحبها يا عمر مش هقدر اعيش مع حد غير فريده 

وكلماته تلك التي يرددها فارس امامه دائما تضايق عمر كثيرآ وتحرق قلبه ..

_ واختي ذنبها ايه تجوزها يوم وترميها 

قالها بانفعال واضح ليس بسبب مريم ولكن بسبب كلمات فارس وهو يخبرها انه يحب فريده ..

_ علشان كده انا جاي نهارده اتكلم معاها ونشوف هنعمل ايه 

_ بقالك يومين بتقول نتكلم ونشوف هنعمل ايه وموصلناش لحاجه 

تنهد فارس ثم قال :

النهارده الساعه خمسه ياريت تيجي انت ومريم في المكان ده .... وصدقني هنوصل لحل هنكون انا وانت ومريم احنا تلاته بس من غير فريده 

_ وليه في اخر الدنيا قول الي عندك جوه في الشقه واخلص 

_ مش هينفع خليها كده احسن هستناك متتاخرش 

زفر عمر بنفاذ صبر ثم قال :

مريم راحت عند خالتي تريح اعصابها شويه 

_ خلاص تعال انت لوحدك عادي 

قالها فارس ورحل اما عمر دلف الي الشقه واغلق الباب خلفه وهو يقول :

ورحمه امي لقتلك يا فارس واحسر فريده العمر كله عليك

___________________

_ يا سيف احنا من وقت ما جينا مخرجناش خالص ولا اتفسحنا سايبني قاعده في الشقه لوحدي وانت بتخرج 

_ انا هغيب ثلاث ايام ورايا حاجه لازم اخلصها وبعدين هنتفسح براحتنا زي ما انتي عايزه 

اتسعت عيينها بدهشه وهي تقول ;

هتسيبني لوحدي تلات ايام ؟ حاجه ايه الي هتخلصها دي !!

_ موضوع يا ليلي وخلاص تلات ايام مش هتاخر 

_ انت مخبي ايه عليا يا سيف ؟ تصرفاتك كلها غريبه ومش عايز تخليني اكلم اصحابي ليه كل ده يعني 

_ مش مخبي حاجه يا لولو هخبي ايه يعني بس صحابك بيملوا دماغك من ناحيتي وانا ما صدقت حياتنا تستقر سوا 

حركت جسدها بعصبيه وهي تقول ;

حياتنا مش مستقره سوا يا سيف انا تعبانه حاسه ان في حاجات كتير غايبه عني حياتنا قبل الحادثه كانت شكلها ازاي ؟ حاجات كتير يا سيف ضايعه مني 

تنهد سيف وهو يقول :

قولتلك مفيش حاجه ولو عايزه تكلمي صحابك وسالي وبنات  كلميهم يا ستي براحتك 

_________________

استطاع اقناع ليلي بفتره غيابه الثلاث ايام .. اخرج هاتفه ثم قام بالاتصال بسالي وعندما وصل الرد هتف :

انا عمر جوز ليلي يا سالي

_ ااه سيف عامل ايه واخبار ليلي ايه بقالي فتره مش عارفه اوصلها 

_ بخير كلنا، انا متصل بيكي بخصوص ليلي

خير ؟

_ ليلي عملت حادثه من مده وفقدت جزء من ذاكرتها يعني كل الي حصل بينا ال night club وصورها وكل حاجه نسيتها والي حصل ده كان في صالحنا لان حياتنا كانت صعبه 

_ اه ما هي ليلي حكتلي كنت بتعاملها ازاي 

_ كويس انك عارفه ياريت لو ليلي كلمتك متجيلهاش اي سيره عن الحاجات ونبهي علي صحابك ليلي نسيت كل ده من فضلك اعتبريه خدمه بتقدمهالي يا سالي 

تنهدت سالي وهي تقول ;

حاضر يا سيف 

_____________________

استيقظ من نومها وجدت فارس بجانبها اعتدلت وهي تقول :

صاحي من بدري ؟

_ يعني من شويه كده 

_ هجهزلك الفطار 

كادت ان تنهض ولكنه اوقفها قائلا :

انا فطرت هسالك علي حاجه لاخر مره في حاجه انتي مخبياها عني ؟

حركت راسها بالنفي ليقول هو :

خليكي فاكره انا سالتك كام مره 

_ في ايه يا فارس هخبي عليك ايه يعني ؟

نهض من جانبها وهو يقول :

ولا حاجه انا رايح العياده سلام 

وبالفعل غادر فارس اما هي نفخت بضيق وهي تهبط براسها علي الوساده ...

________________

وصل عمر الي المكان الذي حدده فارس كان عباره عن قارب كبير في البحر ..

جلس علي الطاوله الموجود عليها فارس وهو يقول :

خير ايه الموضوع ؟!

_ تشرب ايه الاول ؟!

تنهد عمر بنفاذ صبر وهو يقول :

اي حاجه 

_ انا هشرب عصير مانجا اطلبلك معايا ؟

اوما راسه عمر بالايجاب وبالفعل قام فارس بطلب كوبين من عصير المانجا وهتف :

ايه اخبار مراتك الي خانتك ؟!

_ انت بترغي كتير ليه هات من الاخر هتعمل ايه مع اختي مريم ؟!

وصل الجرسون ثم وضع امام كل واحد منهما كوب العصير الخاص به هتف فارس وهو يتناول كوب :

العصير بتاعهم هنا هايل عجب فريده جدا لما جبتها قبل كده جرب كده يا عمر 

تناول عمر كوب العصير بنفاذ صبر وهو يقول :

ايوه وبعدين هتعمل ايه مع اختي ؟!!

_ مش عارف بفكر لسه اطلق فريده واعيش طول عمري مع اختك غصب عني واتعسها معايا ولا اعمل ايه

تحدثوا قليلآ الي ان انتهي عمر من ارتشاف العصير ليقول فارس :

ما تيجي نلعب مع بعض علي المكشوف احسن

قصدك ايه؟

قالها عمر بتساؤل ليجيبه هو :

زي مثلا انك عايز فريده مراتي وبتحبها

من البدايه وهو كان يشعر بالشك من معرفه فارس بشئ ما وها هو الان تاكد من ذلك هتف عمر بثبات :

ده انت فاهم كل حاجه طلعت

ابتسم فارس وهو يقول :

وعارف موبيلها الي انت هكرته ولما اعتديت عليها وال night club وعرفت كل ده بفضلك علي فكره 

ضحك عمر قائلا :

بفضلي ازاي ؟

_ ليله جوازي من اختك الي هي مش اختك اصلا رجعت البيت ولسه بطلع مفاتيح وهفتح الباب سمعت صوت فريده وهي بتكلم معاك كنت فاكر في الاول انها جايبه واحد في بيتي ولسه هدخل سمعت صوتك وفضلت واقف سمعت وفهمت كل حاجه، وانا جايبك هنا علشان اصفي حساب فريده معاك سيبك مني وانك خدرتني ولبستني في مريم انا مسامحك في دي بس الي عملته في فريده مش هسامحك فيه 

وابتسمت عمر لم تفارقه وهتف :

هتعمل ايه يعني ؟ هتقتلني مثلا 

_ تؤ مش هوسخ ايدي في واحد زيك بس عندي صديق عزيز ليك مستعد يوسخ ايده فيك 

_ انا مليش صحاب 

وفي نفس اللحظه ظهر سيف وهو يقول :

حتي صحوبيه بتاعتنا نسيتها يا عمر !!

ضيق عمر بين حاجبيه هاتفآ :

انت وصلت لفارس ازاي ؟!

_ لو قولتلك مش هتستحمل الصدمه 

_ نهض عمر من مكانه عندما شعر بدوران قائلا وهو يقترب ناحيه سيف :

انت كنت بتراقبني ؟!

حرك سيف راسه بالنفي هاتفآ بابتسامه :

لا مش براقبك البركه في يسرا سهلت عليا كل حاجه 

ضغط عمر يديه علي راسه وهو يقول :

ويسرا وصلتلك ازاي ؟! انا دايخ كده العصير ده كان فيه حاجه صح ؟!

ليقول فارس :

منوم هيريحك كام ساعه كده علشان تبقي فايق ورايق للي جاي

انهي فارس جملته تلك ليسقط عمر علي الارضيه فاقدآ للوعي ..

نهايه الفصل السادس وثلاثون ..

الفصل الي جاي او الي بعده هيكون الاخير 🤷‍♀️

الفصل السابع وثلاثون ..

اعطي فارس النادل الاموال هاتفآ :

تمام كده امشي انت 

وبالفعل غادر النادل تاركآ فارس وسيف وعمر بمفردهما 

قام كلآ من فارس وسيف بتقيد عمر بالحبال علي الفراش الموجود باليخت حيث ان جعل يديه اليمنه مقيده بضهريه الجانب الايمن من الفراش واليد اليسري بضهريه الجانب الايسر من الفراش والقديمين كذلك القدم اليمني مقيده باسفل الفراش الناحيه اليمني والقدم اليسري مقيده باسفل الفراش الناحيه اليسره هتف فارس :

هتفرج علي الحاجات الي في لابتوب وبعدين نبقي نصوره 

_ مش هيعجبك الي علي لاب بخصوص فريده 

_ انا دفعت مبلغ وقدره لمريم علشان تجبلي مفتاح الشقه واقدر ادخلها واخد لاب محتاج اشوف وافهم كل حاجه لو سمحت

جلس سيف بجانب عمر بعيدآ عن فارس ..

اما فارس جلس علي المقعد ثم قام بتشغيل حاسوب ووضع سماعه الراس علي اذنيه كان يتوقع وجود رمز عليه ولكن وجده بلا اي رمز ظهرت امامه صوره فريده خلفيه لشاشه ردد بضيق :

استغفر الله العظيم 

ظل يبحث في الحاسوب وجد بيه العديد من الاشياء لا تهمه كثيرآ ووجد ايضآ ملف اسمه فريده 

قام بفتحه ليظهر به العديد من الصور ومقاطع الفيديو الخاصه بفريده ..

وجد صورتها وهي تخفي جسدها بالمنشفه وبعد عدده ثواني انزلقت المنشفه من علي جسدها لتقوم برفعها سريعآ 

كانت محقه بكل كلمه اخبرته بها من قبل اصدر تنهيده طويله وظل يعبث بالحاسوب

وجد فيديو لها وهي تقوم بالرقص والغناء وفيديو اخر وهي تغني لعمر وتجلس بجانبه وفيديو اخر وعمر يقوم بتقبليها رغمآ عنها، وفيديو اخر ظهرت به فريده في غرفه تحاول الهروب من عمر..

فيديو خاص بتلك الليله التي قام عمر بتدمير حياه فريده راي فارس كل شئ صرخات فريده وبكاءها الذي يغطي عليه صوت الموسيقي صفعات عمر لها وزجاجه الخمر التي قام بجعلها ترتشفها بقوه .. عمر وهو يقوم يتمزيق ملابسها لم يتحمل فارس رؤيه الفيديو باكمله قام باغلاق الحاسوب ثم نزع السماعه عن راسه  استطاع الان تفسير كل شئ .. 

انتبه علي صوت سيف وهو يقول :

قولتلك بلاش الي جوه الفيديوهات مش هتقدر تستحمله

نهض فارس من مكانه ثم هتف :

انزل حرك اليخت 

_ احركه فين؟! انت مش هتصوره وتتصل بالشرطه !!

حرك فارس راسه بالنفي وهو يقول :

لا انا غيرت الاتفاق 

_ هتعمل ايه؟

قالها سيف بخوف ليقول فارس :

مش هعمل حاجه خليك هنا ساعه وارجعلك واياك تفك عمر

_ طب رايح فين؟!

لم يجيبه فارس ورحل اما سيف تنهد بضيق ولا يفهم اي شئ من مخطط فارس ..

بعد مرور الوقت عاد فارس وفي يديه حقيبه سوداء قطب سيف بين حاجبيه باستغراب قائلا :

فيها ايه الشنطه دي!!

_ انزل حرك اليخت دلوقتي وبعدين هفهمك 

_ لا لازم افهم دلوقتي، انا مش هضيع نفسي ليلي ملهاش حد غيري 

زفر فارس بضيق وهو يقول :

بقولك ايه انا مش عايز رط كتير يا تنزل تحرك اليخت يا تمشي وانا هعمل كل حاجه بنفسي 

استسلم سيف لطلب فارس ثم قام بتحريك اليخت اما عمر فتح عينه ثم نظر عمر الي الحبال المقيد بها ثم هتف :

هو ده الي انت مخططله يا دكتور فارس لا برافو بجد عجبتني 

وقع عينيه علي الحاسوب ثم تابع بابتسامه :

من ساعه ما فريده سرقت لابتوب القديم وجبت واحد جديد وانا كسلان اعمليه باسورد استفدت من موضوع ده مرتين مره لما يسرا مسكت لاب وشافت صور فريده وطلعت تعرفها وعرفتني عنوانها ومره تانيه دلوقتي وانا شايف في عينك نظره الكسره دي  ايه رايك في فيديوهات كل ما بتوحشني بتفرج علي فيديو بتاعها وهي في حضني 

انهي عمر كلماته تلك ووجد فارس يقوم بلكمه بقوه وعمر يضحك غير مبالي للكمات فارس 

وصل سيف وابعده عنه وهو يقول :

كفايه كده يا فارس 

ضحك عمر بقوه قائلا :

يالهوووي علي دي ليله قضيتها فريده في حضني 

كاد ان يقوم فارس بلكمه مره اخري ولكن سيف منعه وهو يقول ;

متخلهوش يستفزك بسهوله 

_ كده يا سيف تخون الصحوبيه الي بينا بقي انا اخاف عليك من ليلي واحاول احميك منها وانت تعمل فيا كده تؤ تؤ مكنش العشم بجد

_ انت مكنتش خايف عليا، انت بس مكنتش قادر تشوف قدام عينك اتنين بيحبوا بعض 

ضحك عمر بسخريه ثم قال :

طيب وناوين علي ايه كده ؟

اقترب فارس وجلس ناحيه قدميه ثم قام بفتح الحقيبه التي احضرها واخرج منها قفاز طبي ابيض اللون قام بارتدائه ثم كمامه وضعها علي انفه 

_ انت هتعمل ايه يا فارس؟

قالها سيف بتساؤل 

لم يجيبه فارس قام  بنزع بنطاله تلوي عمر بجسده وهو يقول :

هيعمل ايه المجنون ده فكني يا سيف

اقترب سيف من عمر وحاول بالفعل فك الحبال المقيد بها ولكن فارس لم يمهله تلك الفرصه حيث  قام بقطع العضو الذكري اتتشر الدماء حول عمر وصرخات عمر غطت اليخت باكمله اما سيف ابتعد بخوف واضح وهو لا يصدق ما يراه امام عينيه ومازال عمر يصرخ من الالم 

نهض فارس واتجه الي سيف هاتفآ :

اقسم بالله لو حاولت تفكه تاني انا مش هطلعك من هنا سليم

_ ده مكنش اتفاقنا يا فارس 

قالها سيف بتوتر ليقول هو ببساطه :

عادي انا غيرته

قال جملته تلك ثم اتجه ناحيه عمر الذي يصرخ من الالم ثم اقترب بالمشرط ناحيه الحبل المقيد ثم وجه المشرط ناجيه اصابعيه قائلا :

مش دي صوابعك الي هكرت بيها موبيل فريده ؟ يا تري انهي صباع من دول الي ضغط علي الزرار في الكيبورد؟

قال جملته الاخيره وهو يمرر المشرط ناحيه اصابعيه ليقول عمر بتحذير صارخآ :

اياك يا فارس

وفي نفس اللحظه قام فارس ببتر اربع اصابع في يديه بذلك المشرط وعمر يصرخ متالمآ لم يكتفي فارس بذلك حيث قال ;

وطبعا انا مش ناسي عينك الي كانت بتراقب من ورا الشاشه 

قال جملته الاخيره وهو يقوم بغرز المشرط في عينيه اليمني 

وصرخات عمر ارتفعت اكثر واكثر وسيف يقف يتابع ما يحدث شحب وجهه وشفتيه لا يصدق ما يحدث امام عينيه 

وعندما وجد سيف انقطاع صوت عمر اقترب منه بخوف ثم حاول سيف نزع المشرط من عينيه ولكنه لم يستطيع ان يلمسه هتف الي فارس ;

شيل المشرط من عينه 

زفر فارس بقوه ثم قام بنزع المشرط هتف سيف بخوف : 

هو مات !!!

تمسك فارس بيديه ثم وضع يديه علي عنقه وهتف :

لا لسه فيه نبض يا حنين متقلقش هو بس مغمي عليه 

انهي جملته تلك ثم قام بنزع الكمامه من علي وجهه وخلع ايضآ القفاز الطبي دلف الي الحمام الموجود باليخت وقام بغسل يديه بالماء ثم تناول الحاسوب مره اخري وقام بتشغيله ورؤيه مقاطع فريده اما سيف نظر الي عمر بندم وعدم رضا اطلاقآ لم يتوقع ان يكون فارس بذلك العنف ...

اما فارس قام برؤيه كل شئ موجود علي الحاسوب عندما وصل اليه صوت انين من الالم اغلق الحاسوب واقترب منه هاتفآ :

معلش استحمل باقي حاجه بسيطه تانيه وخلاص 

هتف عمر بصوت ضعيف وعينيه اليسري فقط مفتوحه والاخري مغلقه والدماء حولها :

لو هتقتلني خليني اكلم فريده عايز اقولها حاجه ابوس ايدك خليني اكلمها

_ انسي مش هيحصل 

_ طب اشوف صورتها لاخر مره يا فارس بالله عليك 

_ بردو مش هيحصل 

_ حرام عليك يا فارس خليه يشوف صورتها 

التفت فارس الي سيف ذلك ثم قال بعصبيه مكتومه :

انت تسكت خالص وتركن علي جمب 

_ خليني اشوف صورتها يا سيف عايز اشوفها قبل ما اموت 

قال عمر جملته الاخيره تلك وسقطت دمعه من عينيه ليقول فارس:

مين قال انك هتموت دلوقتي لسه قدامك شويه انا هعمل حاجه بسيطه مش اكتر 

قال جملته وهو يتناول المشرط ثم قام ببتر الاصابع المتبقيه في يديه وهتف :

مينفعش ايدك يبقي فيها صباع بس 

صرخ عمر متالمآ اما سيف ركض الي فارس وجذب منه المشرط عندما وجده سيقوم بغرس المشرط في عينيه الاخري وهتف :

كفايه يا اخي انت ايه ؟ فكر في فريده، لو عرفت الي بتعمله ده مش هتسامحك ولا هتعرف تعيش معاك بعد كده كفايه

_ كل الي بعمله ده اقل حاجه ممكن تتعمل في واحد مغتصب ضيع شرفها بمنتهي البساطه مفكرش حتي بعد ما ياخد متعته منها هي وضعها هيكون ايه ؟ هتعيش حياتها ازاي وتجوز وتعمل بيت واسره مفكرش ازاي هتقدر تخلي الي هيتجوزها يصدق ان الي حصل غصب عنها ولا هتفضل طول حياتها بتهرب من الجواز علشان متفضحش 

قالها بعصبيه وزعيق ليقول سيف :

الي حصل حصل خلاص كفايه الي بتعمله فيه ده ربنا مبيرضاش بكده ابدا وبتعذيب النفس اهدي كده 

_ انت جبان يا سيف فعلا ليها حق ليلي كل شويه تتهمك انك مش راجل ومعرفتش تحميها الي بتحاول تحميه ده كان بيراقب كل كلمه بينك وبين مراتك حتي علاقتكم مع بعض علي سرير كان شايفها 

نظر سيف الي عمر قائلا :

الكلام ده صح ؟ طب ازاي انا واخد بالي كويس من اي برامج هكر تيجي عندي ولا عند ليلي وموبيل دايما كنت بقفله عملتها ازاي دي يا عمر ؟

ثم تابع بتركيز :

انت حاطط في بيتي كاميرات مراقبه وفي اوضه نومي؟!!!!!

واخيرآ هتف عمر بتعب :

ده من فتره كبيره يا سيف ومن بعد موضوع ماجد  وانا مفتحتش الكاميرات الي عندك في الشقه حتي شوف تاريخ الفيديوهات هتلاقيها من زمان لو انا كنت لسه براقبك كنت عرفت انك قابلت يسرا وانك في اسكندريه وقابلت فارس بس انا من بعد موضوع ماجد ولما ضربتها ونزفت وروحتوا المستشفي انا حصلتكم كنت خايف تكون ماتت في ايدك وتتحبس وهناك عرفت انها حامل فبعدت عنكم خالص مكنش عايز تجيب طفل ويتربي بعيد عن امه وابوه او يكون علاقه امه وابوه مش كويسه مكنتش عايز يجي الدنيا دي واحد مشوهه نفسيآ زي 

_ انا هروح احرك اليخت الي انت وقفته ده لو فكيت عمر هندمك علي اليوم الي شوفتني فيه

قال فارس جملته تلك بهدوء ثم رحل ليقول عمر :

افتح لاب علي صوره فريده يا سيف عايز اشوفها

لم يجيبه سيف بشئ ليقول عمر بتوسل :

علشان خاطري يا سيف

تناول سيف الحاسوب ثم قام بالبعث به وبملفات الخاصه به هو وليلي وجد بالفعل التاريخ منذ فتره طويله شاهد الفيديوهات وجد كل شئ اخبره فارس به حقيقي هتف عمر :

امسحهم يا سيف انا معنديش نسخ تانيه 

قام سيف بمحو كل شئ يخصه وهو وليلي علي حاسوب هاتفآ :

اتمني فعلا ميكنش عندك نسخ تانيه 

حرك راسه وهو يقول :

معنديش والله خليني اشوف صوره فريده وحيات ليلي عندك 

استسلم سيف لطلبه ثم قام بفتح صوره فريده ووضع الحاسوب امامه ابتسم عمر وهو ينظر الي ملامحها قائلا :

شوفتي جوزك النضيف عمل فيا ايه ؟ شحورني يا فريده 

_ سامحيني يا عمر انا السبب بس والله مكنتش اعرف انه هيعمل فيك كده 

_ فينها فريده تيجي تشوف فارس الي شايفه نضيف واحسن مني بيعمل ايه 

قالها عمر بسخريه واضحه ليقول سيف :

_ انا ههربك من هنا هحاول اتصرف بس بلاش تاذي حد تاني كفايه كده يا عمر كفايه اذيه لخلق الله انسي فريده انساها هي بتحب فارس وهو بيحبها منقدرش احنا نتحكم في قلوب الناس ويخلوهم يحبونا غصب عنهم 

_ بس انا بحبها 

قالها عمر بحسره واضحه ليقول سيف :

وهي مش بتحبك فريده كارهاك يا عمر بتكرهك افهم بقي

___________________

تنظر الي ساعه الحائط بقلق من المفترض ان 

يعود الساعه الثالثه عصرآ والان التاسعه مساء وهو لم ياتي 

شعرت بالقلق عليه وتفكر في طريقه تستطيع الاتصال به ولكنها لم تجد هاتفه قامت بالقاءه من قبل من الشرفه تمددت علي الاريكه ونظرت الي التلفاز وهي تفكر ..

_____________________

اقترب فارس من عمر ثم تناول الهاتف من جيبه وهو يقول :

الباسورد بتاعه ايه ؟

لم يجيبه عمر ليقول فارس بانفعال :

اخلص بدل ما اطيرلك عينك التانيه 

_ قوله يا عمر الباسورد علشان خاطري 

اجابه عمر بابتسامه استفزازيه :

جرب كده تاريخ ميلاد فريده 

نفخ فارس بضيق ثم جرب كتايه تاريخ ميلاد فريده ولكنه وجد نفسه لا يتذكره حاول استذكار ذلك التاريخ عندما قام اياد باعطاءها هاتف هديه ولكنه لم يتذكر 

_ مش عارفو صح ؟ 4/7/1996

وبالفعل قام فارس بكتابته انفتح الهاتف ليقول عمر :

انت معملتش فيا كده علشان الي عملته في فريده لا انت كل الي بتعمله ده علشان حرقتك اني بحب فريده اكتر منك عارف انا لو كنت مكانك ولقيتها مش بنت ليله الفرح اي حكايه كانت هتقولهالي كنت هصدقها لاني بحبها وواثق فيها 

وكلمات عمر محقه هو يشعر بالغيره من حب عمر لفريده ولكن ليس ما فعله به بسبب ذلك بل بسبب ايضآ ما فعله عمر بفريده ولكن يضاف اليهما شعور الغيره من عمر وحبه لفريده 

ظل فارس ينظر للهاتف ويبعث به وجده به صور لفريده وكل ذلك يشعل النيران بداخله 

_ انا هنزل اعمل شاي اعملك معايا يا فارس

قالها سيف بتساؤل 

_ اعملي 

وبالفعل غادر سيف اما عمر هتف :

انا مبسوط بلي انت عملته فيا ده عارف ليه ؟ لان فريده لما تعرف هتكرهك اوي 

_ وحتي لو كرهتني عمرها ما هتروح لواحد زيك 

قالها فارس بسخريه واضحه ثم تابع بجمود :

بلاش تستفزني علشان مقضيش علي الي باقي منك 

قالها فارس وهو يتناول الحاسوب والهاتف ورحل تاركآ اياه 

قام فارس باخفاء الحاسوب والهاتف في مكان ما ..

وصل اليه سيف ووضع امامع كوب الشاي قائلا :

ناوي تعمل ايه تاني مع عمر ؟

تناول فارس كوب الشاي وهو يقول :

هشله خالص هخليه يقضي الباقي من عمره علي كرسي بعجل 

_ ليه كده يا فارس حرام عليك سلمه للشرطه وهما يتصرفوا معاه وانشر صوره علي النت وبس كده ده كان اتفاقنا

_ وبعد ما يتسجن ؟ هيبقي قاعد بين اربع حيطان وبعد كام سنه هيطلع فين العذاب في كده !

_ وتفتكر عمر بعد ما تسيبه مشلول هيسكت ؟ اكيد طبعا هيبلع عنك ويقول كل حاجه انت عملتها فيه وهتترمي في السجن وتسيب فريده لوحدها 

_ لا ما هو مش هيبلغ عني لان لو بلغ انت هتجاب معايا وهنترمي احنا الاتنين في السجن يا حبيبي 

_ انا معملتش حاجه 

_ اثبت انا هقول اننا متفقين سوا ولو كنا مش متفقين كنت موجود بتعمل ايه وانت شايفني بعمل كده في صاحبك ولو انكرت وجودي هجيب الجرسون الي انت بنفسك اديته المنوم يحطه لعمر في العصير يعني هتلبس معايا، ده غير اني مكلم ناس براه ومتفق معاهم اني لو اتسجنت ولا حصلي حاجه يقتلوا عمر

نهض سيف من مكانه وهو يقول بعدم تصديق :

انت طلعت شيطان كده ازاي ؟ 

_ انا باخد حق فريده مش اكتر 

ابتسم سيف ساخرآ ثم قال :

لا انت زي ما عمر قال غيران من حب عمر لفريده

_ طب اتكل علي الله وروح شوف صاحبك 

نظر سيف الي كوب الشاي الذي يرتشفه فارس ثم رحل ..

_______________

وبعد مرور الوقت ذهب سيف الي فارس مره اخري وجده غارقآ في النوم ذلك العقار المنوم الذي وضعه سيف اليه في كوب الشاي فعل مفعوله ..

قام بتحريك اليخت باتجاه اخر ثم اتجه ناحيه عمر وقام بفك الحبال قائلا :

انا حطيت لفارس منوم في شاي قدامنا كام ساعه

_ طلعت اجدع مني يا سيف بعد كل الي عملتوا فيك بتنقذني؟

_ اكيد مش هستني لما فارس يموتك يعني بس ان شالله لو طلعنا من هنا مش هتبلغ يا عمر علي فارس انت فاهم هنروح المستشفي وتقولهم ناس خطفوك ومش فاكر حاجه قول اي كلام يا عمر

_  لا هبلغ هو الي جابه لنفسه 

زفر سيف بضيق ثم قال :

ياغبي افهم فارس عامل حسابه علي كل حاجه ولو انت كلمته انا هتسجن ومتفق مع ناس براه يقتلوك كفايه كده يا عمر مره جايه هتخسر حياتك 

_ وفريده ؟!!

_ يلعن ابو اليوم الي قابلت فيه فريده انساها يا عمر انساها فريده بتحب فارس بتحبه وزمانها دلوقتي قاعده قلقانه عليه ولو عرفت الي عمله فيك هتخاف علي فارس وانت مش هتصعب عليها ولا ثانيه

قال سيف كلماته بزعيق وعصبيه انتهي من فك الحبال، اعتدل عمر من الفراش ولكنه صرخ متالمآ من الالم الذي في جسده ليقوا سيف :

استحمل كام ساعه ونوصل ونطلع علي اي مستشفي 

_ فين موبيلي ولابتوب

_ معرفش يا عمر طلع الحاجات دي من دماغك دلوقتي وفكر اننا نخرج من هنا فارس ناوي يخليك تقضي بقيه حياتك مشلول ده واحد دكتور والمشرط والدم مفيش اسهل منه عنده 

________________

وبعد مرور الوقت 

وصل اليخت الي المكان الذي كانوا به من قبل، هبط كلاهما وسيف يسند عمر الغارق في دمائه ..

قام سيف بايقاف سياره اجره واستقلاها  كلاهما ..

__________________

فتح فارس عينيه ليجد نفسه كان نائمآ اعتدل في جلسته ثم اتجه الي المكان الموجود به عمر لم يجده ولم يجد سيف ايضآ  ....

والاجابه في عقله سيف قام بتهريب عمر 

ضرب قبضه يديه في الحائط بضيق وانفعال ..

__________________

توقف بسيارته امام المنزل ثم وضع هاتف والحاسوب الخاصين بعمر في الحقيبه وتمسك بها في يديه وصل الي الشقه الخاصه به ثم قام بفتح الباب ودلف وجد فريده تنهض اليه بلهفه هاتفه :

كنت فين كل ده ؟

لاحظت الدماء علي ثيابه فقالت :

وايه الدم ده !! انت كويس يا فارس

اوما راسه بنعم ثم قال :

اه ده صحبي عمل حادثه مفيش حاجه 

قال جملته تلك واتجه الي الغرفه قام بخلع سترته ثم تناول ثياب اخري من الخزينه ودلف الي الحمام ثم قام بتشغيل المياه ..

_________________

وفي المشفي 

دلف عمر الي غرفه العمليات اما الطبيب هتف :

احنا هنبلغ النيابه علشان تيجي تاخد اقواله 

_ تمام بس هو بيقول ناس خطفوه ومش عارف هما مين 

_ النيابه هي هتشوف كلام ده 

_ طب وهو عمر حالته ايه هيبقي كويس يعني؟

_ حالته حرجه ادعيله 

__________________

انتهي فارس من الحمام الساخن قام باغلاق المياه والمرحاض باكمله امتلئ بالدخان ارتدي ثيابه وخرج ثم اتجه الي فريده جلس بجانبها ثم وضع راسه علي فخديها قائلا وهو يغمض عينيه :

انا تعبان اووي يا فريده

_ مالك يا فارس في ايه حصل حاجه عندك في العياده؟

_ سيف طلع واطي زي صاحبه حتي الجميله بتاعتك وانك جبتي صور ليلي معملش حسابها 

لم تصدق ما تسمعه باذنيها فارس يعلم عن سيف وليلي؟!!

كاد ان تتحدث ليقول هو :

انا عرفت كل حاجه يوم جوازي من مريم كنت جاي اشوف اي هدوم اخدها وسمعتك بتكلمي مع حد كنت فاكر انه الواد الي بيجي يقابلك ولسه هدخل سمعت صوت عمر وسمعتك وانتي بتزعقي معاه وقفت سمعت كل حاجه تاني يوم سيف جه العياده عندي وفهمني كل حاجه طموحاته كانت خايبه اوي عايز يصور عمر وينزل صورو علي نت يفضحه ويبلغ الشرطه عنه ويقولهم ان عمر يبتز الناس وبيهكر موبيلاتهم انا كنت موافق علي كده بس لما شوفت الفيديوهات بتاعتك وبذات فيديو وهو بيعتدي عليك لقيت السجن مش هيعذبه في حاجه اهو قاعد وشويه وهيخرج 

اعتدل وهو يجذبها من ذراعيها بعصبيه قائلا :

مبلغتيش ليه الشرطه لما هكر موبيلك؟ فضلتي ماشيه وراه ليه وروحتي الكباريه تشتغلي هناك كنتي حتي جيتي قولتلي في اليوم الي اتخانقنا فيه وحبستك مشيتي ليه ورا دماغك ليه 

_ كنت خايفه وقولت انا هعرف احل موضوع 

ابتسم بسخريه وهو يقول :

اه تخلصي من الموضوع وانتي بترقصيله وبتغنيله روبي صح!!

قال جملته تلك وهو يدفع ذراعيها بقوه لتقول هي ;

الدم الي علي هدومك بتاع عمر صح؟

تناول هاتفه ثم قام بالبعث به ثم ناولها اياه لتجد امامه صور عمر وهو فاقد الوعي ومقيد وعينيه غارقه بالدماء واصابعيه غير موجوده في يديه 

القت الهاتف من يديها هاتفه بصدمه :

انت عملت ايه!!

- الي انتي شايفه ولسه كنت هعمل اكتر بس الاهبل سيف هربه 

_ يعني عمر لسه عايش!! هيبلغ عنك يا فارس كده 

_ يبقي يوريني هيعملها ازاي 

ليه عملت كده يا فارس كنت بلغت عنه وخلاص

_ الكلام ده لو انتي كنتي بلغتي او شغلتي دماغك مش تروحي معاه شقته او حتي يا ستي كنتي تقوليلي يوم ما سالتك لكن انتي واحده متخلفه وفضلتلي تالفي قصص اخو صحبتي اخو اللكمه الي تلكم في الزور، مقولتيش ليه لما عمر ظهر في حياتنا ماانتي قولتيلي نص الحقيقه وهكر مجبتيش ليه سيره عمر كنت هدور وراه هشك فيه مقولتيش ليه؟ ولا كان عاجبك كلام الحب الي بيقولهولك وفرصه الي هيموت وياخدها منك

نظرت اليه بصدمه وهي لا تصدق ما تسمعه من فارس ليقول هو :

انتي واحده غبيه معندهاش مخ اساسا مخك ده متشال ومحطوط مكانه جذمه قديمه 

_ ما كفايه يا فارس 

صرخ بها في انفعال :

لا مش كفايه انا لو متكلمتش هموت يا فريده 

نهض من مكانه ثم تناول حقيبه واحضر منها حاسوب عمر والهاتف قائلا  بعصبيه :

اتفضلي اتفرجي لابتوب مليان بصورك وفيديوهاتك ده حتي الخلفيه حاطط صورتك عليها وادي الموبيل بتاعه الباسورد بتاريخ ميلادك الي انا معرفهوش كام اصلا 

قال جملته تلك وهو يلقي بجانبها الهاتف والحاسوب ثم قال بانفعال

بيطلع في الروح وعينه طايره وبيفكر فيكي بردو وعايز يكلمك او حتي يشوف صورتك بيعيط علشان يشوف صورتك

نهايه الفصل السابع وثلاثون 

فصل كبير اهو والفصل الجاي هيكون الاخير 🐥

القصل الثامن وثلاثون ( الجزء الاول )

_ انت جاي تتخانق وتزعق معايا ليه انا مالي انه عامل تاريخ ميلادي باسورد موبيله وانه محتفظ بصوري ايه ذنبي انا 

قالتها هي بانفعال واضح ليقول هو :

انتي السبب في كل حاجه خبيتي الموضوع من الاول ومقولتيش سبتيه يدخل البيت ويهددك كل شويه ومقولتيش 

تابع وهو يجذبها من يديها :

لمسك لما كانت بيجيلك البيت صح ؟ الباب مقفول وانا بتاخر في العياده قرب منك صح ؟

قالها بزعيق لتقول هي :

انت بتقول ايه اكيد لا طبعا محصلش كده انا مكنتش بفتحله الباب اساسا 

_ قولي الحقيقه مفيش داعي تخبي خلاص كل حاجه اتكشفت 

_ اقسم بالله ما لمسني يا فارس وانا علي ذمتك سيب دراعي بيوجعني 

وبالفعل تركها فارس لتقول هي :

انت حصلك ايه مالك ؟ ازاي عملت كده في عمر جالك قلب ازاي تضيع عينه وصوابع ايديه كلها 

_ مفروض كنت اعمل ايه طيب ؟!! اقوله كخ كده يا بابا هسلمك للشرطه ويرموك في السجن شويه وخلاص كنت اعمل ايه مفروض جاوبي

دفع الطاوله بقدميه وهو يقول :

اعمل ايه يا ست شيرين ها اعمل ايه ؟!! الو*** كان مرقب كاميرات في الحمام بتاع الزفت الي اشتغلتي فيه وكان مصورك وانتي بتاخدي شاور ومش مره لا عشرين مره واكتر طبعا ما انتي كنتي قاعده شهر عنده عامله فيها بسبع رجاله ده غير طبعا فيديوهات المياعه الي كنتي بتمعيها عليه افتحي يا هانم اتفرجي علي نفسك علي لابتوب نجمه النجوم ماشالله

ومن الواضح ان ما راه فارس علي الحاسوب ليس سهلآ عليه ..

هتفت فريده وعينيها ممتلئه بالدموع :

حرام عليك يا فارس انا مليش ذنب في كل الي حصل ده 

_ يبقي تخرسي ومتقوليش ازاي تعمل كده في عمر وقلب ومش قلب اخرسي خالص يا فريده لاني مش مستحمل اسمع صوتك 

قال جملته تلك ثم دلف الي احدي الغرف وصفع الباب خلفه بقوه ..

تناولت الحاسوب ثم قامت بتشغيله وبعثت به ...

_______________

خرج الطبيب وهو يقول :

صاحبك ربنا كتبله عمر جديد بس في حاجات خسرها اتمني انه يقدر يتقبل كده لان الحاله النفسيه مهمه كده بنسبه لحالته 

اوما سيف راسه بتفهم ثم قال :

ينفع ادخل اشوفه ؟

_ ممكن بس مش دلوقتي 

______________

اغلقت الحاسوب وهي غير مصدقه ما راته امامه توجد الكثير من الاشياء التي تخصها مع عمر لم تكن تتوقعها اتجهت ناحيه غرفه فارس ثم دلفت اليه وجدته يجلس علي الفراش وينظر بشرود امامه وبنفث في سيجاره تنهدت وهي تقترب منه هاتفه :

هو انت قررت تشرب سجاير خلاص يعني 

_ حاجه متخصكيش 

_ انت بتعاملني كده ليه ؟! مش قادر تكمل معايا بعد الي شوفته طلقني وكل واحد يروح لحاله مع ان مفروض انا الي مقدرش اعيش معاك بعد الي عملته في عمر واخاف علي نفسي منك 

_ تمام خايفه علي نفسك اتفضلي لمي هدومك وروحي لامك 

_ انت مش عايزني بجد يا فارس ؟

_ انا قولت حاجه ؟ انتي الي بتقولي مش هقدر اعيش معاك بعد الي عملته في عمر وخايفه علي نفسك خلاص طلاما خايفه علي نفسك روحي لامك

قالها ببرود تام لتقول هي :

تصدق عمر اول مره يصعب عليا ؟ مكنش عايز مني غير فرصه واحده واني اسامحه بس، انت خدت مني مليون فرصه وسامحتك مليون مره صورتني وانا عريانه ملفوفه في الملايه علشان تمسك الفيديو عليا ويوم ما اطلب الطلاق اطلع فاضيه من غير نفقه وقصص دي كلها ده الي فكرت فيه وهمك اووي ضربتني بالحزام ومرحمتنيش تحت ايدك، اتجوزت عليا واحده لمجرد بس انها اغرتك بلبسها 

_ طلعي جوازي من مريم براه لاني اتجوزتها بسب البيه بتاعك وطلقتها اصلا وموضوعها خلص وبعدين انتي عايزه ايه من الاخر؟ شايفاني مستحقش فرصك الي بتدهاني وقد ايه انتي انسانه عظيمه وانا ظالم ؟! ماشي يا ستي كتر خيرك مطلوب مني ايه دلوقتي !!

صرخت به بعصبيه :

تتكلم معايا كويس بلاش العوج الي انت ماسكه عليا ده 

قام برسم علي شفتيه ابتسامه رغمآ عنه هاتفآ :

كده كويس ؟!

نهضت من مكانها هاتفه :

انا مش هقدر اعيش في الوضع ده كده كتير استحملته المده الي فاتت بس اكتر من كده مش هقدر بجد 

انهت جملتها تلك ثم غادرت الغرفه باكملها تنهد فارس بضيق ..

________________

_ عايز اشوف فريده يا سيف 

قالها عمر برجاء ليقول سيف :

يا اخي خليك في الي انت فيه بلا فريده 

_ علشان خاطري حاول تتصرف وتخليني اشوفها واوعدك دي اخر مره هفكر في فريده بس اشوفه ا انت لو مخلتنيش اشوفها انا هبلغ النيابه علي فارس ومش هيفرق معايا الناس الي متفق معاهم يقتلوني ولا هيفرق رميتك في السجن معاه 

قال جملته الاخيره بتهديد ليقول سيف:

لا وعلي ايه خلاص انا هتصرف بكره واجيبهالك تشوفها ارتاح انت بس دلوقتي

_____________

وفي صباح اليوم التالي استيقظت من نومها علي صوت قرع الجرس بحثت عن فارس لم تجده قامت بفتح الباب وجدت سيف امامها زفرت بضيق قائله :

انت تاني

_ ينفع ادخل ولا ايه؟

_ اه ادخل امال فين ليلي مجبتهاش في ايدك ليه اهو نفتكر ايام زمان تاني 

اجابها سيف :

ليلي لو شافتك مش هتعرفك اصلا لانها عملت حادثه من مده وفقدت جزء من ذاكره الي هو خاص بالنايت وانتي وعمر والصور 

ابتسمت فريده ساخره وهي تجلس هاتفه :

يا بختها وانت جاي عايز ايه تاني ؟!

_ عمر في المستشفي وعايز يشوفك 

_ هو ده ايه معندهوش دم مش عايزه اشوفه مش طايقه امتي ربنا ياخده واخلص منه 

قالتها بانفعال ليقول هو :

انتي لو مروحتيش قابلتي عمر هيبلغ عن فارس ومش هيفرق معاه حاجه روحي شوفيه خمس دقايق وخديه علي قد عقله قوليله اي كلام يريحه شويه ماعدا بكرهك دي 

_ ونحب بعض كمان ايه رايك؟

قالتها بسخريه ليقول هو :

مقولتش كده بس عامليه كويس عمر حالته صعبه والي عمله جوزك فيه مش سهل 

ضغطت علي شفتيها بضيق وهي تقول :

حاضر يا فارس هاجي معاك اشوفه خمس دقايق هلبس وانزل معاك 

__________________

وصل الي العياده واخبر الممرضه ان تلغي جميع الكشوفات اليوم وتخبرهم ان الطيب اعتذر اليوم فعلت الممرضه ما طلبه فارس منها اما هو اسند راسه علي المكتب وامامه الحاسوب ومشهد اعتداء عمر عليها امامه علي الشاشه ..

______________

وقفت امام غرفه عمر هاتفه :

مش قادره اشوفه بجد افهمني انا بكرهو 

زفر سيف بقوه وهو يقول :

ابوس ايدك استحملي الخمس دقايق دول وبلاش بكرهك وكلام ده خليكي منافقه يا فريده معاه عارفه النفاق؟ وهو اول ما يشد حيله شويه هاخده وونزل القاهره وهو بنفسه قال بعد ما يشوفك مش هيفكر فيكي تاني يلا بقي ادخلي 

ادارت فريده مقبض باب الغرفه ثم دلفت الي الغرفه وعندما راها عمر حاول الاعتدال ولكنه شعر بالالم فصاح متالمآ فهتفت وهي تقترب منه :

خليك مرتاح زي ما انت 

نظر عمر الي سيف بامتنان كبير ثم هتف :

شكرا انك جيتي 

ابتسمت بهدوء ليقول هو :

شوفتي جوزك عمل فيا ايه يا فريده !!؟

_ هتخف وتبقي كويس ان شالله 

_ وصوابع ايدي هترجع تاني ؟! ولا رجولتي الي جوزك ضيعها ؟!!!

تنهدت وهي تقول بنفاذ صبر :

معلش الف سلامه عليك 

_ عايزه تمشي صح ؟ 

حركت راسها بنفي ليقول هو :

انا وفارس بقينا متساوين اهو مش هتديني فرصه يا فريده فرصه واحده بس انا مش عايز غيرها

_ يا عمر افهمني الحب مش بالعافيه انا مش شايفاك من ناحيه الحب وكلام ده علشان خاطري وخاطر نفسك انساني طلعني من دماغك اعتبر انك مقابلتنيش ولا شوفتني 

_ واشمعني فارس يعني ؟

ولا فارس يا عمر انا مش عايزاك لا انت ولا فارس في حياتي ههتم بدراستي وكليه بتاعتي وخلاص علي كده كرهت الرجاله كلها

_ يعني مفيش امل تديني اي فرصه 

قالها بحسره 

تنهدت وهي تحرك راسها بالنفي قائله :

لا مفيش يا عمر انا وانت مينفعش حياتنا تبقي مع بعض مش هينفع صعب اوووي كفايه كده علشان خاطر نفسك حتي، شوف حياتك وحاول تبدا من اول وجديد صح بلاش الهكر ومراقبه الناس حاول تبقي انسان كويس وانساني يا عمر بالله عليك انساني ومتخافش انا مش هكمل مع فارس تاني الحياه بينا بقيت مستحيله اصلا هقعد كده مهتمه بدراستي وبس ممكن امشي ولا ايه ؟!

حرك راسه بالنفي قائلا :

اقعدي معايا شويه كمان خليني اشبع منك طلاما دي اخر مره هشوفك فيها 

___________________

وبعد مرور الوقت خرجت من المشفي باكملها ولاول مره تشعر بالعطف ناحيه عمر عينيه اليسري الممتلئه بالدموع وهو ينظر اليها ويتاملها استقلت سياره الاجره ثم اغمضت عينيها وزفرت بقوه اي حب الذي يحبه عمر لها هذا !!!!!!

______________

عاد الي منزله وبحث عن فريده رلكنه لم يجدها ووجد ورقه علي الفراش محتواها الاتي :

انا رايحه عند ماما وياريت تطلقني وتبعتلي ورقتي في اسرع وقت

نهايه الفصل الثامن وثلاثون (الجزء الاول )

الجزء التاني والاخير من الروايه هينزل بكره

الفصل الاخير

ضربت والدتها علي صدرها بقوه هاتفه :

طلاق ايه يا فريده ؟ انتي ملكيش كام شهر متجوزه 

_ مش مرتاحه معاه يا ماما دي حياتي وانا حره فيها 

واياد يتابع ما يحدث بصمت، ركضت الصغيره الي شقيقتها هاتفه :

فريــــده 

ابتسمت فريده وهي تنحني الي مستواها وتحملها قائله :

وحشاني يا شاهي

انهت جملتها وهي تطبع قبله علي خديها لاول مره تعامل شقيفتها الصغري برفق هكذا 

_ فريده عايز اتكلم معاكي 

قالها اياد اومات راسها بالايجاب ثم وضعت شاهي علي الارضيه وتحركت مع اياد 

وفي الجنينه 

هتف اياد بتساؤل :

ايه الي بينك وبين فارس ؟! عايز افهم كل حاجه لان هو مش عايز يفهمني 

_ حياتنا مع بعض صعبه لا انا ولا هو هنقدر نكمل مع بعض افضل حل لينا الطلاق وبعد اذنك بلاش تفتح الموضوع ده معايا تاني 

انتبه اياد الي هاتفه وجده فارس حرك هتف الي فريده :

تمام زي ما تحبي 

قال جملته تلك ورحل ثم قام بالرد علي فارس الذي يقول :

فريده عندك في الفيلا ؟!

_ اه جات من شويه وبتقول انها عايزه طلاق في ايه يا فارس حد يفهمني هي طالبه طلاق وانت قعدت كام يوم موبيلك مقفول وبعدين فتحته تاني في ايه عايز افهم 

_ موبيلي كان بايظ قولتلك بطل اسئله سخيفه ربع ساعه واكون عندكم سلام 

________________

_ يا حراام وشويه البلطيجه دول عملوا كده في عمر ليه ؟!

قالتها ليلي بتاثر ليقول هو :

مش عارف صدقيني وعمر مش عايز يحكيلي معلش يا لولو مش هينفع نكمل الاجازه لاني لازم انزل عمر القاهره لان صعب في حالته دي ينزل لوحده 

_ مش مشكله يا حبيبي نبقي نعوضها مره تانيه وبعدين انا عندي ليك خبر هيبسطك اووي 

حرك راسه باستفهام وهو يقول :

خبر ايه 

لتهتف هي بابتسامه ;

انا حامل يا سيف

________________

_ ايه الي حصل بينكم يا فارس ؟

قالها احمد بتساؤل ليجيبه هو :

مفيش حاجه يا بابا مشكله بسيطه بينا هي بس بتحب تكبر المواضيع مش اكتر انا هطلع اتكلم معاها 

_ حل الي بينكم يا فارس وبلاش حكايه طلاق دي انتو متجوزين ملكمش حاجه 

_ خير ان شالله متقلقيش

صعد الدرج ثم وقف امام غرفه التي تمكث بها فريده ودلف لها وجدها تجلس مع شاهيناز وتقوم بترتيب ثيابها التي تركتهم قبل ان تتزوج بفارس 

هتفت الصغيره وهي تقفز من الفراش :

وفارس كمان جه اهو 

لم ترفع فريده عينيها الي فارس ظلت تقوم بترتيب ملابس غير مهتمه بوجوده اطلاقآ ..

_   حبيبتي ممكن تسيبني اتكلم مع فريده شويه ؟

_ حاضر بس متاخدهاش تاني معاك خليها قاعده معايا 

_ هتروح بيتها يا شاهي ووقت ما تحبي تشوفيها تعالي وممكن تباتي معاها كمان 

قالها فارس لتقول فريده ;

انا مش ماشيه من هنا 

_ سيبني مع فريده يا شاهي 

غادرت الصغيره كما اخبرها فارس قام باغلاق الباب خلفها واقترب من فريده قائلا :

علي اي اساس انتي خدتي قرار الطلاق ؟!

_ انا حره مش عايزه اعيش معاك مش بالعافيه هي 

جذب من يديها الثياب وهو يقول :

سيبي الي في ايدك ده، بصيلي وانتي بتكلميني 

نظرت اليه هاتفه :

نعم عايز ايه ؟! انا عايزه اطلق منك واشوف مستقبلي ودراستي في الكليه الي ضاعت دي 

_ايه علاقه ده بده انتي بتقولي اي كلام وخلاص ؟

_ لا مش اي كلام جاي ليه انت اصلا روح كمل فرجه علي الفيديوهات الي علي لاب مش انت خدته معاك العياده بردو ؟

_ انا كسرت لابتوب يا فريده، واسف علي معاملتي معاكي امبارح بس كنت مخنوق من الي شوفته 

_ اتصدمت مثلا ما انت عارف كل الي حصل ده لما سمعت عمر بييكلمني في الشقه ولما قابلت سيف ورجعت قولتلي بحبك ونبدا من جديد وزفت علي دماغي ودماغك

_ السمع حاجه والشوف صوت وصوره حاجه تانيه لابتوب مليان فيديوهات ليكي وانتي عريانه ده غير فيديو لما اعتدي عليكي وغيره وغيره وانتي جايه تعاتبيني بكل برود وتقوليلي ازاي عملت فيه كده وزعلانه عليه 

_ مش زعلانه عليه، انا خوفت يبلغ عنك 

_ مش هيقدر وانا واثق من دي 

_ علي فكره انا روحت قابلت عمر النهارده في المستشفي 

_ انتي بتستهبلي ؟ تروحيله ليه وعرفتي مكان المستشفي ازاي 

_ سيف جه وقالي انه عايز يشوفني وروحت معاه ونبه عليا مجبلكش سيره لانه عارف انك مستحلفله 

_ وقالك ايه لما روحتيله ؟

ولا حاجه وعدني انه مش هيقرب من حياتي تاني 

ابتسم بسخريه وهو يقول :

وانتي صدقتيه ؟!

_ اه صدقته الراجل بيحبني ومظنش يكدب عليا يعني 

قالت جملتها الاخيره حتي تستفزه ليقول هو باتفعال : 

فريده اتعدلي اسمها ايه المستشفي دي

_ ليه علشان تروح تكمل عليه وتشله ؟! انسي يا فارس انا مش هقولك علي المستشفي ولا راجعه معاك البيت احنا حياتنا لحد هنا خلصت 

_ مش بمزاجكك

صرخت هي به :

لا بمزاجي مش كل حاجه بمزاجكك انت تعاملني كويس بمزاجكك وتقلب عليا علشان الفيديوهات بمزاجكك وانت عارف اني مليش ذنب، ودلوقتي عايزني ارجع معاك وننسي كل حاجه لا يا فارس انا مش همشي بمزاجكك تاني انا تعبت وزهقت من العيشه دي مش قادره استحملها مش قادره يا فارس خلاص جبت اخري ارحمني شويه وسيبني في حالي صورتني فيديو  وانا بالملايه علشان وقت ما اطب الطلاق اطلع فاضيه وماخدش حاجه انا هتنازلك علي كل حاجه متخافش بس طلقني 

_ انا مصورتش حاجه يا فريده كنت ماسك الموبيل وفاتح كاميره ومسجلتش حاجه كنت موجوع منك وعايز اهينك بـ اي شكل واجرحك وانتي عارفه كويس الفلوس متفرقش معايا ولو انتي مصممه علي طلاق فعلا هديكي كل حقوقك بس انا مش عايز اطلقك يا فريده انا معاكي اني امبارح عاملتك وحش وانتي ملكيش ذنب بس حطي نفسك مكاني فيديوهات الي انا شوفتها دي مش سهله عليا واحد بيتفرج علي مراتي وهي عراينه زي حاجه سهله انتي شايفها ؟ ده غير الفيديو وهو بيعتدي عليكي كل دي حاجات مش سهله يا فريده عليا لو كنتي قولتيلي من الاول انا كنت هتصرف هبلغ عنه والحكايه تخلض لكن انتي مشيتي بدماغك وادي النتيجه اهي

_ وانت بقي لما عرفت مبلغتش ليه ؟ مشيت بدماغك وقطعت صوابع ايده وضيعت عينه ليه !!

قالتها بسخريه واضحه ليقول هو :

لانه لما يتسجن مش هيتعذب في حاجه اهو مرمي في السجن وعايش لكن الي انا عملته فيه ده هيخليه طول حياته متعذب ده العقاب الي يستحقه مش رميته في السجن 

_ ما شالله وانت بقي الي بتقرر وتحكم علي ناس  الناس ايه العقاب الي يستحقوه 

_ اه بظبط كده وقومي يلا نروح بيتنا  

_ مش مروحه معاك قولتلك عايزه اطلق انت مبتفهمش ايه ده 

_ فريده انا بحبك مش هقدر اعيش من غيرك

ضغطت فريده علي يديها بقوه ثم هتفت بصوت مهزوز :

الحياه بينا هتبقي صعبه انت مش هتنسي الفيديوهات الي شوفتها

_ لا هنسي هنبدا مع بعض من اول وجديد وننسي كل حاجه حصلت

__________________

بعد مرور عدده اشهر 

قام سيف بتاجير شقتين امام بعضهما واحده يمكث بها عمر والاخري يمكث بها سيف وزوجته 

تقوم ليلي بالعنايه بعمر من ناحيه الطعام ترسل له كل يوم طبق ..

_ لو تعبانه يا لولو نهارده بلاش تبعتي لعمر حاجه انا هبقي اطلبله دليفيري 

حركت ليلي راسها بالنفي قائله :

لا يا حبيبي مش تعبانه وبعدين انا كده كده بعمل غداء لينا الطبق ده مش هيعمل مشكله يعني 

ابتسم سيف وهو يقول :

ربنا ميحرمنيش منك 

_ هو انا ممكن نتغداء سوا نهارده عنده حرام كل يوم بياكل لوحده كفايه التعب الي هو فيه وعينه الي راحت دي بس خليه ميقوليش يا سنيوره علشان بتعصبني 

ضحك سيف وهو يقول :

حاضر يا ستي خلصي انتي الاكل وانا هروح اجهز كل حاجه عنده 

وبالفعل غادر سيف واتجه ناحيه شقه عمر ودلف اليها فعمر اعطي له مفاتيح الشقه وجد عمر جالس ينظر امامه بشرود تام منذ اخر مره راي بها فريده وهو علي حالته تلك دائما شارد ويفكر ..

جلس بجانبه وهو يقول :

الي واخد عقلك 

_ تفتكر فريده اخبارها ايه دلوقتي رجعت لفارس ولا لا ؟

_ لسه يا عمر بتقول فريده تاني ؟ باابني انساها وريح نفسك 

_ مش قادر انا عارف انها بتكرهني واخر مره لما جات شافتني في المستشفي كانت قاعده غصب عنها بس انا بحبها 

تنهد سيف وهو يقول ;

ليلي مصممه نتغدي سوا نهارده عندك بس بلاش سنيوره الي بتقولها ليها دي 

_ هي ليلي لو كانت فاكره الي عملته فيها كانت هتبعتلي كل يوم طبق اكل ولا كانت هتفرح في الي حصلي ؟!

_ مش عارف بس اكيد مكنتش هتفرح فيك ليلي طيبه وقلبها ابيض 

_________________

خرجت من المرحاض وهي تخفي جسدها بالمنشفه ثم جلست امام المراه وبدات في تمشيط شعرها تحسنت حياتها مع فارس عادت له وتنازلت عن فكره الطلاق منه  لاول مره تشعر بالاستقرار في حياتها ...

كانت لا تود مسامحه فارس والاستسلام له بهذه السهوله ولكنها تحبه ولا تستطيع العيش بدونه ..

التفتت خلفها عندما رات انعكاس صوره فارس في المراه وقالت :

غريبه جيت بدري نهارده ؟

_ مكنش في مرضي كتير في العياده وبعدين اجي متاخر مش عاجب اجي بدري بردو مش عاجب حيرتيني معاكي 

التفتت الي المراه مره اخري قائله :

براحتك تعالي في معاد الي يعجبك 

انحني فارس بجانب اذنيها ثم طبع قبله علي خديه هاتفآ بهمس :

وحشتيني 

__________________

_ نظر عمر الي بطن ليلي المنتفخه قائلا :

عرفتي نوع الجنين ايه ؟

اومات ليلي راسها بالايجاب وهي تضع يديها علي بطنها :

اه الدكتور قالي انها بنوته 

_ من وقت ما عرفت وهي مصدعاني بالاسماء كل دقيقه تطلعلي باسم وتقولي اسميها الاسم ده لا اسميها ده

قالها سيف لتقول هي :

الله مش لازم يا سيف اخترلها اسم مميز كده وحلو 

_ فريده اسم حلو سميها فريده 

قالها عمر لتقول ليلي ;

حلو خالص اسم فريده ده ايه رايك يا سيف 

لمح سيف نظره الرجاء في عين عمر فقال :

حلو الاسم يا قلبي 

____________________

رحل كلآ من سيف وليلي بعد انتهاء الطعام اما عمر تناول حاسوبه وظل يبحث عن الصفحه الشخصيه الخاصه بيسرا لا يدري لما تخطر علي عقله هذه الايام 

وبالفعل وجدها بحث عن رقم هاتفها في المعلومات ثم قام بالاتصال بها وبعد عدده ثواني قامت بالرد ليقول :

ازيك يا يسرا انا عمر 

_ ياااه عمر ايه الي فكرك بيا كده 

_ مش عارف حسيت اني عايز اكلمك طمنيني عليكي اخبارك ايه ؟

_ هتكون اخباري ايه يعني بعد الي انت عملته فيا ؟ اهو قاعده بطفش العرسان وماما بتخانق معايا

فهم ما تلمح اليه فقال :

لو كنت كويس وانفعلك كنت جيت اتقدمتلك واتجوزتك بس لاسف صعب مش هينفع

_ لا يا شيخ ده علي اساس اني انا كويسه ومحترمه اوي يعني احنا الاتنين زباله زي بعض يا عمر 

_ مش قصدي كده، قصدي احوالي الصحيه متنفعش اني اتجوزك حصلتلي حادثه من فتره خسرت فيها عيني اليمين وصوابع ايدي حتي رجولتي خسرتها 

_ يا ساتر يارب حصلك ازاي كل ده

ابتسم ساخرآ وهو يقول :

اهو نصيب 

_  انا مستعده اعيش معاك وانت كده معنديش مشكله في كل ده والله بس مهم ابقي جمبك 

_ مينفعش يا يسرا انا مش هشيلك حملي عمرك كله كفايه الي عملته فيكي قبل كده 

_ طيب اتجوزني فتره وطلقني علي اقل اقدر اتجوز بعدك عادي انا حاولت اعمل عمليه ترقيع دي بس خوفت

_ اهلك لو شافوني مش هيوافقوا عليا انا منظري بقي بشع اووي يا يسرا 

_ ملكش دعوه انا هحاول اقنعهم بس انقذني يا عمر من ورطه الي انا فيها دي 

قالتها يسرا برجاء ليقول عمر :

سيبني طيب يومين احسبها وارد عليكي

انهي مكالمته مع يسرا ثم تنهد بضيق واضح لا يدري ماذا يفعل يتزوج بيسرا ويخلصها من الورطه التي اوقعها هو بها ؟!!

شعر بقبضه قلبها عندما وصل اليه صوت اذان المغرب لم يمنع نفسه من سماع صوته مثلما يفعل كل مره وعندما انتهي الموذن 

بحث في الحاسوب عن كيفيه الوضوء والصلاه ثم نهض من مكانه وقام بالوضوء بحث عن شئ ما يقوم بالصلاه عليه فهو لا يملك مصليه 

ثم وقف رفع يديه التي ترتعش وهتف بتلعثم 

الله اكبر 

هبط بجسده علي الارض وجلس وهو يقول :

انا مش قادر اقف قدامك من وانا صغير بخاف من صوت الاذان علشان بيفكرني بوجودك كنت خايف من عقابك علي كل الحاجات الوحشه الي بعملها سرقتي لسندوتشات ومصروف العيال في المدرسه بس هما السبب كلهم كانوا بيكرهوني محدش فيهم كان عايز يبقي صاحبي مش قادر افهم هما كانوا كارهني ليه ايه فيا غلط علشان يكرهوني؟! ليه يارب مخلتنيش واحد كويس الناس في المدرسه تحبه والمدرسين ميقولوش عليه فاشل دايما ليه خدت ماما وهي بتولدني ممكن لو كانت موجوده وحسيت بحنانها كنت بقيت انسان كويس بدل مرات ابويا دي الي مكنتش طايقاني حتي ابويا مكنش طايقني 

اصدر تنهيده طويله ثم قال :

ليه فريده محبتنيش؟ عينها كلها مليانه كرهه ليا حتي لما شوفتها اخر مره في المستشفي كانت قاعده غصب عنها بتعد الدقايق علشان تمشي 

نظر الي اعلي وهو يقول :

مش عارف اذا كنت بتسمع واحد مقرف وبشع زي ولا لا بس انا عايز ابقي انسان كويس عايز الناس تحبني مش عايز ائذي حد تاني انا كل يوم بفكر اهكر موبيل سيف علشان اعرف هو وليلي بيتكلموا عني وحش ولا لا بس بمنع نفسي واقول لا سيف طلع جدع معايا وطلعني من تحت ايد فارس وفريده بردو كل ما افكر ادور عليها واهكر موبيلها بمنع نفسي واقول لا سيبها في حالها وحياتها بلاش اذيه تاني كفايه الي عملته فيها قبل كده ، خليني يارب انسان كويس ساعدني يارب ابقي انسان كويس وسامحني علي كل حاجه عملتها

تمت بحمد الله