 |
🌹البارت الثامن 🌹
🌹ظلمت نفسي🌹بقلم ✍️ سلطان زماني
عمر كلمني علشان يجي يشوف حمزة وقالي ماتيجي معانا نتمشي شوية
ومتخفيش ياستي مش هفتح معاكي الموضوع بتعنا قولتله
لا
ودخلت اوضتي وامي قالتله استني أنا هخليها تلبس وتروح معاكم
وامي دخلت فضلت تقولي يابت الراجل شاريكي ولسه عايزك
لو حد غيره والله ما كان عبرك وكان طلقك في ساعتها
يلا ياضنايا متكسفيش جوزك لبست ونزلنا اخدني ركبنا
مركب في النيل وفعلا كل كلامه معايا عن حمزة وعن شقاوته
وبصي كبر ازاي واحنا راجعين اتعمد يوقف التاكسي
قبل البيت ب شوية ونزلنا اتمشينا
وقالي فاطمة لو انتي حسه انك حد غير مرغوب فيه
في حياتي هتكملي معايا دقيقة
قولتله لا طبعا
قالي ليه يافاطمة
قولتله كرمتي متسمحليش
قالي وانا ذيك كده بظبط ربنا كمان قال لينا احنا عباده كده
عاشروهن بالمعروف أو تسريح بٱحسان وانا لحد ما اموت
يافاطمة هعملك بالمعروف ويكفي انك ام ابني حمزة
قولتله انت تستاهل وحده احسن مني انا مش هقدر ارجع
زاي الاول معاك وبجد مشفتش منكم حاجه وحشه
لقيته زعل اوووي لدرجة اني كنت عايزة احضنه بس خايفه
يفهم اني بحبه وعايزاه ويتمسك بيا أو ميطلقنيش
سبته وطلعت جري ودخلت اوضتي لقيت هيثم مكلمني كتير رديت عليه
قالي كنتي فين قولتله كنت مع ابو حمزة
قالي ماله ومالك سي زفت ده مش كنا خلصنا
قولتله هو أنا بقولك كنت معه في شقته كنا في الشارع ياهيثم
كان بيحاول يرجعني ورفضت ياحبيبي
قالي ده راجل بارد المهم اوعي تسبيله حاجه يابطتي
قولتله حاجه ايه خالي قالي مش هتاخدي قشاية
قالي ازاي كده يابطه اوعي يابت تتنزلي عن حاجه انتي مش
معاكي قايمة نشتكي امه بيها
قولتله بس بس بس ليه ده كله ..هو من نفسه قالي خدي كل
حاجه
قالي هو قالك كده
قولتله اه وربنا عمر قالي كل الحاجات الي جبتها هاخدها
وكمان دهبي
قالي والله راجل محترم
قولتله أنا والله اصلا مش عايزة حاجه مش عايزة غيرك وان
شاء انام أنا وأنت ع البلاط
بعد كام يوم أطلقت من عمر وحمزة فضل معايا وهيثم سال
محامي صحبه قال إني لو اتجوزت حضانه حمزة تنتقل الي
امي
وكل ما افاتح هيثم في موضوع الجواز يضايق
ويتعصب ويركبه ميت عفريت وانا طبعا بسايس وخايفه
اخسره او يبعد عني ويسبني
وعمر بقا يجي يشوف حمزة
وعرفت من امي انه هيتجوز قولتلها انتي بتقولي ايه بصدمة
قالتلي عمر هيتجوز سكت وبجد كنت حاسه اني حد بياخد
حاجه بتاعتي
اه مش بحبها وزهقت منها ومليت منها بس بتاعتي
هيتجوز مين ياامي قالتلي بنت عمته هاجر دخلت اوضتي
وخدت حمزة في حضني وفضلت افكر في عمر وأنه قدر
ينساني بالسرعة دي وهيتجوز كمان بنت احلي وأصغر مني
وانا هيثم كل ما افكره ولا اجبله سيرة الجواز يزعل ويقعد
باليومين ميكلمنيش
هيثم كلمني الصبح وقالي عايز اشوفك قولتله امي مش
بتروح ل اخويا كتير زاي الاول قالي هي مش بتنام قولتله
هو في حد مش بينام
قالي خلاص اجيلك وهي نايمه واخلع قبل ما تصحه .
.اتعودت علي دلعك يابطتي ومش قادر اصبر
انتي إدمان يابت
قولتله طب ما تخلص ياهيثم ونتجوز
قالي ياحبيبي هوضب الشقة ولسه هشتري عفش ومازون
ومولد قولتله أنا راضية باي حاجه
قالي خلاص والله ياقلبي وعد أنجز الدنيا عندي
المهم اركب واستني ع اي قهوة لحد ما تنام واطلعلك
قولتله ماشي ياهيثم ربنا يستر بقا
يتبع ..التفاعل بتاعكم مش مشجع ياجماعة بجد أنا حزين🥺
تعليقات
إرسال تعليق