 |
💥البارت الرابع عشر 💥
بقلم ✍️ سلطان زماني
فات شهرين وحالتي عمالة تسوء ومريم شقتها خرابة
وإهمال فيا وفي نفسها
وعلي طول دايخه وتعبانه وضهرها واجعها
وبتسبني انزل الصبح حتي من غير ما تصحيني واي لبس
البسه ومقدرش اصحيها وبتفضل نايمة لحد ما ارجع من
الشغل ومدحت وريهام كل مايشوفوني يبتسمو ويضحكو
ضحكة معنها شماته وطول اليوم يغمزو لبعض عليا وانا عامل
مش واخد بالي بس نظراتهم تعباني نفسيا جدا
وفي يوم مريم نزلت عند مامتها وانا رجعت من الشغل
واتصلت علي مريم قافلة موبيلها وكلمت مامتها وسألتها علي
مريم قالتلي هنا معايا في حاجه ولا ايه قولتلها عايز اكلمها
سكتت شوية وقالتلي أنها في الحمام شوية كده وابقي كلمها
علي تليفونها صبرت 10 دقايق ورجعت اكلمها علي تليفونها
مقفول برضو اتجننت اتصلت تأتي مقفول اتصلت ب امها اول
مره جرز ومردتش وبعد كده قفلت الموبيل هي كمان لبست
ونزلت رحتلها حماتي اتخضت لما شافتني دخلت قعدت
بقولها هو في حاجه ولا ايه قالتلي هيكون في ايه ده انا بعد
ما طلعت من الحمام نزلت تجيب علاج ل ابنها ونسيت اقولها
_ نزلت ازاي ..ازاي تكون مفهماني أنها عندك وتنزل علي كيفها
حماتي ..يامحمود متبقاش خفيف كده ياواد
_ خفيف اي ياحجه احنا معندناش الكلام ده وعيب الست
تنزل من غير إذن جوزها حتي لو رايحه تصلي
حماتي ..يابني الست لو قافل عليها وحبسها وليها مزاج تعمل
حاجه هتعمل
_ اه فعلا بس دي الست الي مش محترمة ورخيصه الي تعمل
كده
حماتي. علي فكرة البت بتشتكي منك وبتقول انك بتعايرها
_ أنا بعيرها ربنا الي يعلم أنا بعاملها ازاي
حماتي...أنا فضلت اشكر فيك واقول انك طيب وابن حلال
وشريها يلا يابني روح روح وانا لما ترجع هخليها تجيلك
_ لا أنا هستناها ونبقا نروح سوء
حماتي ..علي رحتك يا ابني البيت بيتك
فضلت قاعد اكتر من 3 ساعات مستني ولقيت حماتي
تليفونها بيرن ولقيته رقم مراتي واخدت الموبيل ودخلت
الاوضة أنا قلقت بعدها ب 10دقايق لقتها طالعه ومعها شنطة
فيها شريط برشام وعلبه دواء كحه وبتقولي اي ده انت هنا
_ ليه يعني طب سيبك من انك كلمتي امك وعرفتك اني
هنا..ايه كمان مخدتيش بالك من عربيتي الي وقفه قدام
مدخل بيتكم
مريم ..ايه يامحمود مالك في ايه للعصبية دي
_ اصلك بتمثلي انك اتفاجتي بيا هنا وبعدين انتي كنت فين
مريم ..كنت بجيب علاج ل ابني ..يعني هكون فين يعني
_ انتي زودتيها اوي هاتي موبيلك اشوفه
مريم ..تاخد ايه ياعنيه ..انت اتجننت ولا ايه في مخك
تكنش ياض اشترتني وانا مش عارفه
_ انتي كمان بتعلي صوتك يابجحه مش مكفيكي انك
مفهماني انك قاعده مع امك والسنيوره ماشية علي حل
شعرها
_ حماتي ..هو سكتناله داخل بحماره متلم نفسك يامحمود
ولا اكمني سكتالك ..احنا لينا رجالة متفكرش أننا لوحدينا
اتصلي يابت بخالك وبودي وهيما
_ ماشي ياحجه أنا قاعد لما نشوف الرجالة هتقول ايه
يتبع
البارت صغير عارف بس هكمله النهارده متقلقوش ياحلوين تعالو أتعشو معايا 🤗
تعليقات
إرسال تعليق