 |
#الحلقه_الثالثه 🥳🥳🥳.
نرمين ،،،،،،، هههههههههه احسن علشان تاخد المصاصه بتعتي ، اي ده الموبيل فصل ليى! ، احمد قوم ، يا احمدددد ااحمد انا خايفه اهييء اهييييييء قوم يا احمد بالله عليك اعااااااااااء.
احمد وحرك جسمه علشان بخوف نرمين ،،،، نرررمين.
نرمين بقلق،،، احمد انتي صحيت ولا لسه مغمي عليك انا مش شيفه ، ولا دا عفريت المعزه بتعتك الي بتتكلم !!
احمد ،،،،، ههههههه نفسي اعرف اخضك زي ما بتخضيني !
نرمين ،،،،، بس ياض يا بتاع مرمر انتي ، المهم انا فصلت كبل الكهربه ، وبصراحه انا خايفه ، روح شغله .
احمد ،،،،، وانا مالي روحي انتي منا كمان بخاف من الضلمه ، دنتي لو مش هنا كنت صوت ولميت سكان العماره علي باب الشقه .
نرمين ،،،،، خلاص يلا انا وانتي نقوم ماشي .
احمد ،،،،، طيب يلا .
كانوا مسكين ايد بعض ومشين وحده وحده ...
نرمين ،،،، شيل ايدك يا احمد من علي كتفي اووف.
احمد ،،،، مش حاطت ايدي انتي الي حطه ايدك.
نرمين ،،،، بس انا مش حطه ايدي.
ابوهم من وراهم ،،، اه يا مجنين !
احمد ونرمين صوتوا ....😂😂.
والد نرمين وقاد الكشاف...... بس بس يا شلل منك ليهاااااا ، اي في اي ! ، شفتوا عفريت !!
احمد بتنهيده عميقه ،،،،، والله حرااام عليك كان قلبي هيقف يا أخي !
نرمين ،،،،، كدا يا بابا ، طب إلاهي ام رجل مسلوخه تطلعلك في الحلم تخضك الخضه السوده الي خضتهنا دي ، ااااااه الحمد الله بقي ، يلا يا ابوا احمد شغل الكهربه.
والد نرمين شغل الكهربه ...
احمد ونرمين سوياً....... النووور جه النوووور جه .
نرمين ،،،،، زغرط ياحمد النور جه .
احمد ،،،، لووووولوووولويي.
نرمين بفرحه ،،،،، عبال عندك يا ست كوسر .
احمد ،،،، الله يخليكي يا ست اموااا فروووق.
نرمين ،،،،، وعند بيت ام فاروق.
احمد ،،،، هاااي هاااااي.
نرمين ،،،،، والشجره طرحت برقوووق
احمد ،،،،، هاي هااااي
ابوهم 🤯 ،،،، بسسسسي ، طب انا انااااا ذنبي اي اني يترفع الضغط عندي مرتين في يوم واحد .
نرمين ،،،،، يغني يغتي بطه متقولش كدا يا ابو احمد ربنا ميجب ضغط بس ، امممم يمشي سكر أصله حلو .
احمد ،،،،،، حرام عليكي عيزه بابا يجيله سكر ، ليييي يعني ومين بقي الي هيعمل لاكل !
والدهم........ امشووووو من وشيييييي.
احمد هو ونرمين جربوا علي لاوض بتاعتهم.
والدهم ...... يااارب انا مش طالب كتير ، اهديهملي بس .
في صباح اليوم التالي .....
احمد ،،،،، نرمين ، يا بت ، نرمياععاااااان.
نرمين بكسل ،،،،، عايز اي يا دكتور البهايم انتي .
احمد ،،،،، انا دكتور بهايم ، طب والله لو ما قولتي فين المفتاح بتاع المكتب لجيب مرمر هنا البيت .
نرمين ،،،، خلاص خلاص ، المفتاح في الكوتشي القديم بتاعك ، بس بلاش تجيب المعزه البيت ، مش نقصين بابا تعبااان ، مش هتكون انتي والمعزه بتعتك .
احمد ،،،، نرمييين مش تغلطي فيها ، والله هزعل منك .
نرمين 😉 ،،،، بتحبها !
احمد ،،،، متكسفنيش بقي يا نرمين يوه .
نرمين ،،،، هههههههه يلا ياض من هنا ، هي الساعه كام !
احمد ،،،، الساعه ٩.
نرمين ،،،،، بجد ، طب وصلني معاك ، إلاهي يا رب يجعل مرمر من نصيبك .
احمد ،،،، أميييين ، حاضر البسي وتعالي بس بسرعه.
نرمين ،،،، اتقل كدا مش تدلق عليها ، كدا هتتمايص يا عبيط.
ابوهم بينادي عليهم ،،،،، يلا يا ولاد الفطار جهز اهوووو.
فطروا سوا ، وأحمد وصل نرمين البنك ....
نرمين ،،،،، حناااوي حببتي ، مش وحشتك ولا اي !
حنان ،،،، بقولك يا نرمين ، روحي مكتبك الله يرضي عنك مستر خالد بهدلني أمبارح بسببك .
نرمين ،،،، مستر خالد ، هو أي الي مستره ، يوووه هو زعقلك علشان خاطر الوليا اموكدش طالع مترين قدام ده !
حنان ،،،، ههههه اه ، وانا بقي مش هخليكي تقعدي معايه غير وقت الراحه بس .
نرمين 🥺،،،،، كدا يا حناوي كدااا ، بقي انا باجي مخصوص علشانك تطرديني ، اخص عليكي ، وانا الي بقول هيطمر فيكي تربيتي .
حنان ،،،،، هههههه اي يا نرمين ههههه ، انتي قلبتيها مناحه لي يا عبيطه ، منتي لازم برضوا تركزي علي شغلك !
نرمين ،،،،، شغل اي يا حنان الي اركز فيه ، ما سي مستره بتاعك يختي هو الي مش راضي حتي يخليني امسك ملف واحد ، فباجي اتسلي معاكي اعمل اي !
حنان ،،،، والله معاه حق اصلا ، دنتي ممكن تبهدلي الدنيا يا عبيطه ، لو بس توريله انك قدها هيمسكك شغل.
نرمين ،،،، انا عبيطه ، يا حناوي ، إلاهي يارب وانتي مشيه كلب يجري وراكي وطروحي لبسه في عموود النور ، وفرح فيكي و .... ، ايه ده شوفي هههه وحده عملي شعرها موظمبليط ههههه .
حنان ،،، ابوس ايدك اسكتي .
++ ،،، لو سمحتي ، فين مكتب خالد .
نرمين ،،،، اسمه خالد بيه يختي ، ولا يكش تكوني بالي عملاه في شعرك ده هتخوفي الناس يعني .
++ ،،، خالد بيه ده عليكي مش عليا ، يا عبيطه يا جهله الي عملاه في شعره ده متعرفيش يساوي كااام.
نرمين ،،،،، كااام يعني ، ٢٠٠ جنيه عوره طلعه من بق كلب اعور.
++ ،،، ههههه منتي يا عبيطه يااا جربااانه متعرفيش الحجات دي ، دا بـي عشر تلاف جنيه .
نرمين ،،،،، اخص عليكي طب قوليلي أن ابوكي حرامي ، بيسرق الناس علشان توأفي شعرك وتخليه شبه العربيه نص نقل الي محمله عيدان قصب.
خالد في المكتب بشتغل في امان الله دخل عليه الساعي ..... يا بيه ، في خناقه و....
خالد وقفه عن الكلام بأديه ،،،، نرمين هي الي عمله المشكله دي صح !
الساعي ... احم ايوه يا بيه .
خرج خالد بسرعه وانصدم أن الناس ملمومين .
نرمين بزعيق ،،،، بقي انا جربااانه يا ياااا معفنه ، دنتي شعرم فضله رفعه ونطلع بيه الدور العاشر .
البنت شافت خالد جريت عليه ،،،،، خالد حبيبي شفت البنت دي بتعمل فيا اي !
نرمين انصدمت ،،،، حبيبك .
خالد ،،،، كل وااااحد علي شغللله .
كل الموظفين مشيوا بسرعه.
نرمين بغيره ،،،، مين دي يا خالد.
++ ،، انتي الي مين يا عبيطه انتي .
خالد ،،،، هايدي ، مسمحلكيش تكلميها كدا .
هايدي ،،،، ودي مين دي أن شاء الله !
نرمين بأستفزاز ،،،، امراااته وقره عينه ، حبيبي يخشييي .
هايدي ،،،،دا بجد ، وانا وكل الي بنااااا دا اي !
نرمين ،،،، نعاااااام الي بنكم ، خااااالد.
خالد ،،،، نرمين بصي ه.....
نرمين ،،،،، وسع كدااا ، وسع انا كنت عرفه انك مبتحبنيييش .
خرجت نرمين بسرعه .
هايدي ،،،،، هههههه ومش لاقي الي الهبله دي الي تتجوزها !
خالد قبل ما يمشي ،،،، دي أنضف منك ميت مره ، الي بتقولي عليها هبله دي قلبها ابيض مش شايل غل وحقد وسوااااد ، ولاخر مره قبل ممشي مش عايز اشوووف وشك هناااا.
مشي بسرعه علشان يلحق نرمين .كانت نرمين خدت تاكسي ومشيت.
خالد ،،، يااارب هي راحت فييين !
بعد ما وصلت نرمين بتهم دخلت وكانت بتعيط.
ابوها ،،،، نرمين حبيبتي مالك بتعيطي ليييي.
نرمين ،،،، خالد يا بابا خالد طلع متجوز علياااا.
ابوها بخضه ،،،، بتقولي اي وعرفتي ازايى!
نرمين حكت كل حاجه لبوها الي اتعصب ،،،، ازاي خالد يعمل كدا ، لاااء دنا مش هسكتله .
نرمين ،،،، ايوه يا بابا ، بلغله البوليس يجرجروا من أفاه عشان خاين .
الباب كان بيحبك وفتح ابوها..... يا اهلا يا أهلاا .
خالد ،،،، عمي والله انا ما عملت حاجه هي مشيت و...
نرمين من وري ابوها ،،،، بس يا كداب والله لطلقك بالتلاته يا خاين يا بتاع ام شعر موظمبليط دي ، بقي تتجوز عليااا.
خالد ،،،، اتجوز اي انتي هبله يا نرمين ، دي كانت معرفه قديمه .
ابو نرمين ،،، لا تعاله ادخل افهم كدا .
خالد دخل مقعدوا سوي ،،، بص يا عمي ، الموضوع بما فيه ، هايدي دي ابوها كان شريك بابا الله يرحمه ، وكنا مخطوبين ، بس فركشت الخطوبه لان هي بنت من لآخر كدا متنفعش خالص ، دي بتاعت سهر وحفلات و ،مش ضروري يا عمي بس مش اتجوزتها خالص !!
نرمين ،،،، يعني مش مراتك ولا اتغرغرت بيك خالص .
خالد بضحك ،،، ههههه لاء ، يلا تعالي اخدك افسحك ، دا بعد ازنك يا عمي .
ابوا نرمين ،،،، روح يبني وخلي بالك منها .
خالد ،،،، في عيوني يا عمي .
خرج وقعدوا علي الكورنيش شويه ....
خالد ،،،، استني كنت جايبلك حاجه هتحبيها .
نرمين ،،، طيب بسرعه .
خالد راح جاب حاجه من العربيه ورجع ،،،، خدي يا ستي هديه اهي لاحلي نرمين في الدنيا .
نرمين ،،،،، اعههههاهاااااهاااااا ، علبه مصااااصااااااات ، مش مصدقه .
خالد ،،،، شفتي عيونك نورت ازاي لما اتجوزتيني .
نرمين ،،،، لييي كنت متجوزه ناصح بتاع لمبه فينوس !
#صلوا_علي_الحبيب_المصطفي❤️
😂😂😂😂 يخروم بيتك يا نرمين ، الله يكون في عونك يا خالد
#Asmaa_Habib✍️
#الحلقه_الرابعه🥳🥳🥳🥳
تفاعل جامد بقاا. 💃
خالد ،،،، شفتي عيونك نورت ازاي لما اتجوزتيني .
نرمين ،،،، لييي كنت متجوزه ناصح بتاع لمبه فينوس !
خالد ،،،، حرام عليكي يا نرمين ، طب خليكي رومنسيه شويه !
نرمين ،،،،، حاتر ، يا خفرع .
خالد ،،،،، نرمين هو احنا في حصه تاريخ ، بقولك خليكي رومنسيه .
نرمين ،،،، مش تنرفزني ، منا قولت حاتر هي دي مش رومنسيه دي ولا هو قله ادب بقيييي !
خالد ،،،،، بصي هفهمك يكشي توصل ، الرومنسيه دي يعني تكلميني لغه الاشاره كد و....
نرمين قاطعته ،،،،، يعيني هو انتي اطرش مش بتسمع يا خالد ، طب نوديك للدكتور ، مش تخاف مش هيديك حقنه هيشوف الواوه بس .
خالد ،،،، يلا نروح يا نرمين .
نرمين ،،،، يا روحي مالك اتعصبت لي .
خالد ،،،، يلااااا يا نرمين مش هعيد كلامي مرتين .
نرمين ،،،، طب مش ينفع كمان مره عشان خطري وهديك مصاصا هديه .
خالد ،،،،،...
نرمين ،،،،، خلاص بقي مش تزعل دنتي طلعت اهبل اوي كدا لي بتتقمص قموصه ياااباااااي.
خالد ،،،،، نرمين .
نرمين ،،،،، نحم نحم.
خالد ضحك غصب عنه ،،،، هههههههههههه.
نرمين ،،،،،، شفت ضحكت ازاي وانا بعمل رومنسيه ، خلاص مش تجيب سيره الرومنسيه دي تاني علشان بجد انا زهقت منها .
خالد ،،،،، خليكي زي منتي كدا يا نرمين انتي اصلا حتي لو بقيتي رومنسيه العبط لازق فيكي ومتبت ماشاء الله.
نرمين ،،،،، خالد هو انتي بتحبني زي ما بتحب هايدي ، ام شعر دي .
خالد ،،،،،، نرمين ، ممكن مش تجيبي السيره دي وانتي عرفه انا بحبك قد اي ، خليكي وثقه في نفسك.
نرمين ،،،، منا وثقه يا خووويه امال اي ، امممم بس هي احلا ولا انا !
خالد ،،،،، بصي يا نرمين ، انا طلعت النهارده علشان انتي زعلانه ، فمش عايز اقلب اليوم عليكي نكد.
نرمين ،،،،.....
خالد ،،،،، نرمين انتي ازعلتي ، طب خلاص حقك عليا ، صاالح صلوحه .
نرمين ،،،، لاء خوصم خصومه .
خالد ،،،، طب صلوحه المره دي علشان خطري .
نرمين ،،،،، لاء صلوحه عند الميكانيكي ، يلا اركب العربيه وروحني .
خالد ،،،، هههههه ، طب لو قولتلك هنروح الملاهي و....
نرمين بسرعه ،،،،، صاااالح صلوحه مصلحه كمان ، يلا علي الملاهي .
خالد ،،،، انتي مصلحجيه انا عااارف.
نرمين ،،،،، اخص عليك دنا طيبه وغلبااانه .
خالد ،،،، هتقوليلي ، يلا اركبي اركبي .
أما عند أحمد في العياده ......🤦🏼😂😂🐑
احمد وقاعد جمب المعزه مرمر ..... مرمر تعرفي انك الوحيده الي بتسمعيني ، كنت عايزه اقولك يعني سؤال .
المعزه مرمر ،،، مااااااااهاااء.
احمد ،،،،، لي لي مش عايزه تسمعيني ، اديني فرصه اعبر عن مشعري يا مرمر .
المعزه مرمر ،،،،، مااااماااااااااهااااء.
احمد ،،،،، طب خلاص انا عارف انك زعلانه اني مجتش امبارح ، طب اعمل اي ، اختي الي تنشك في صابع رجليها الصغير ، لمت عليا الناس وضربوني ، يرضيكي كدا .
المعزه مرمر ،،،، مااهاااء.
احمد ،،،، كنت عارف انك قلبك طيب يا مرمر ،منحرمش منك ابدا ا..... ، صلللاح انتي واقف من امتي اوعي تفهم غلط!
صلاح ،،،، هههههههههه اول مره اشوف علاقه حب تنشأ بين انسان ومعزه ههههههههههه.
احمد ،،،، صلاااااح امشييي .
صلاح ،،،، يا عم أهدي بس مكنتش معزه يعني .
احمد ،،، صلاح قولتلك اسمهااا مرمر ، وبعدين عايز اي !
صلاح ،،،، يبني حرام عليكي اي الهبل الي بتهببه ده ، هو احنا مش ورانه غير مرمر دي ، يكشي طفتس ونخلص يا اخي .
احمد جري وري صلاح الي فلسع بسرعه علشان احمد مش يضربه ،،،، مرمر اوعي تزعلي خااالص ده غيران ، انا هخدك البيت ، المكان هنا مش اماااان ليكي يا حبي تعالي .
أما في الملاهي في بيت الرعب ....
نرمين ،،،، اععععهاهاااااهاااااهاااااي ، اي العظمه دي يا خالد حلو بيت الرعب ده مره كمان إلاهي تنستر .
خالد ،،،، يا نرمين لي محسساني أنه بيت الزغزغه ، دنتي كنتي بتضحكي والناس كلها تصوت ، لاء والمره العشره كمان ، كدا كتير .
نرمين ،،،،، بقي كدا ماشي ، ماشي يا بتاع سوسو ماشي .
خالد ،،،، مين سوسو دي ! هههههه.
نرمين ،،،،، انا ههههههه ، امال عايز تكون بتاع حد غيري ولا اي ! انطق اعترف بالجريمه ياسكااار.
خالد ،،،، وانا اقدر برضوا ابقي بتاع حد غيرك يا نرمين ، تيجي نروح والله تعبت .
نرمين ،،،، اه والله ، بس هتلي دبدوب من هنام شكله حلو .
خالد راح علشان يشتري واحد وبعد ماجابه مش لقي نرمين ،،،، يلهوي راحت فين يااااا نرمي.... ، يا نهااار ازرق اي ده .
نرمين قعده علي لأرض جمب عيل صغير وبيلعبوا سوى بأديهم ،،، شاطر بس بسرعه انتي بطئ .
الطفل ،،،، ماااشي اهو بس انتي شطره اوي .
نرمين ،،،، منا عرفه ، طب معاك اي حاجه تلعب بيها عبال ممتك ما ترجع ، خااالد تعاله العب معانه .
خالد راح وهو هيجيله شلل رعاش ،،،، نرمين قومي من علي لأرض .
نرمين ،،،،، اديني قومت ، الله الدبدوب حلو متحرمش منك يا خلووودي .
الطفل ،،،، حلو الدبدوب ، بقولك يا نرمين ، اي رئيك نبقي صحاب .
خالد ،،،، أمشي من هنا يلاه ، بلا صحاب قال ، وانتي يا هانم يلي شبه النخله بتلعبي مع عيل !
الطفل ،،،، مسمحلكش تزعقلها كدا وانا واقف .
نرمين وقفت وري الطفل ،،،، ايوه اديلووو يا سوكه.
خالد بدهشه ،،،، سوكه مين !
الطفل ،،،، انا سوكه في حاجه بقي يا استاذ انتي .
خالد ،،،، دي مراتي يلاه .
الطفل ،،،، هو ده جوزك .
نرمين ،،،، ولا اعرفه يا سوكه .
خالد ،،، اااه راسي راااسي ، اااه قلبييي ، اي ده هو انا هت هتشلللل .
نرمين بخضه ،،،، خاالد انتي كويس يا خلود يا ابوا لاخلودي ، اوعي تتشل ، امال مين هيوصلني البيت كدا .
في البيت عند والدهم .....
احمد دخل البت وبتلفت زي الحرميه ،،،، يااارب بابا مش يشوفني .
ابوه من المطبخ ،،،،، مين دخل .
المعزه مرمر ،،،، ماااهااااهاااء .
احمد ،،،، ينهااار ازرق .
ابوه طلع من المطبخ بصدمه ،،،، يلهوي يلهوي ، انتي جبتها هنااااا ، هي حصلت جنااان يابن المجنيين.
احمد ،،،، بابا علشان خطري انا بحبها سبها تعيش معانه ، علشان خطريييي ، دي وحدنيه وملهاش غيري ، يرضيك تتشرد والناس تنهش في لحمها ، اعتبرها بنتك يا اخي .
ابوه ،،،، انا الطم ولا اصوت منك ولا اطفششش ولا اعمل ايييي .
احمد ،،،،، يا بابا اسمعني بس .
فجأه الباب فتح وخالد مشعلق نرمين من أفاها ،،،، والله العظيم يا كلبه البرك لوو ما عقلتي لحرمك من النززززول فهمه يا شلل.
نرمين ،،،،، كدا يا خالد ، دا انتي مفتري يا اخي ، مخلتنيش حتي أسلم علي سوكه .
ابو نرمين ،،،،، خالد يبني والله انا عارف انها تشل بلد ، بلد اي دي تشل لامم المتحده ، بس معلش استحنلها علشان خطري يكش تعقل .
خالد ،،،، منا مستحمل ، بس اخلص الي ورايه وأفضلهااا بس ، عن ازنك يا عمي ورايه شغل.
ابو نرمين ،،،،، في رعايه الله يبني .
نرمين ،،،،، يا احمد اسمع مني رجعها ، مش ينفع تبات معاك ، مش اخلاق برضوااا يا راجل ، دي ست ولا علشان بنت ناس واهليها ميتين عايز تتغرغر بيها ، يعني يرضيك مثلاً خالد يتغرغر بيا ، لاء لاء مش هينفع تبات هنا !
احمد ،،،، خلاص خليها هنا وهتبات معاكي .
نرمين ،،،، لاء اخاف تفكرني عود برسيم وتعضني ، انتي عرفني انا وهي مش متصالحين خالص.
ابوهم ،،،، يبني حرام عليك ، في واحد عاقل عنده ٢٧ سنه قاعد يحب في معزه بقاله سنتين ، ده بدل ما تتجوز وتخلف !
احمد ،،،،، بابااا ازاي تقول اتجوز ، انا استحاله اخون مرمر .
ابوهم ،،،،، عظيم بيمين مهيا قعده هناااا ، ولا انتي اطلع بره انتي وهي ، يلااااا بره .
احمد ،،،، بابا بس ا.....
ابوه ،،،،، براااااا.
احمد شال المعزه وطلع بره ،،،، ماشي بس افتكر انك الي قررت اني اسيب البيت ، مش راجع بقي الي ومرمر معايه .
خرح احمد ونرمين قعده تضحك .
ابوها بصلها ،،،،، اي يا بابا هتتحول ولا اي ، ابووو احمد يا اغلا الحبايييب بلاش تتحول عليه.
ابوها ،،،، وانتي اعمل فيكي أي !
نرمين ،،،، ادخل بيا جمعيه وأقبضني لاول هااااهااااهااااااي.
ابو نرمين فتح باب الشقه ونزل علي السلام .
نرمين ،،،،، مع السلامه ، بس اوعي تنتحر علشان حرام ، و مش تتأخر ، وابقي هات معاك فينواااا علشان جعانه ماشي ، اااه ومش تنسي التونه بالمره .
ابو نرمين كان طالعلها يجبها من شعرها ، قفلت هي الباب بسرعه .
#اللهم_صلي_علي_سيدنا_محمد❤️❤️
😂 انا مش عرفه أقول اي المره دي بصراحه عجز اللسان عن الكلام 😂😂.
#Asmaa_Habib✍️.
تعليقات
إرسال تعليق