 |
🌹البارت الثاني عشر والثالث عشر 🌹
🌹ظلمت نفسي بقلم 🌹✍️ سلطان زماني
فضلت افكر في عمر وفي أيامه وارجع بالذكريات وافتكر
معاملته ليا واحترامه واهتمامه وخوفه عليا
والعن اللحظة والساعة الي عرفت فيها هيثم
عده اكتر من 20يوم وهيثم لا فكر يسأل عليا ولا علي عياله
واسامه صاحبه كلمني اكتر من مره وانا مش برد
ولقيته بعتلي رسالة بيقولي ممكن تطمنيني عليكي وبعدها
ب نص ساعة كلمني
رديت عليه قالي أنا قعدت مع هيثم وهو قالي انك غضبانه
وزعلانه وبكلمك علشان احاول اصلح بينكم
قولتله لا احنا كويسين مع بعض هو كان سوء تفاهم وانا
بغير جوه عند امي وراجعه
قالي اصلي هو بيقول غير كده
قولتله بيقول ايه ..قالي خلاص بقا بلاش علشان متزعليش
قولتله لا وربنا ماهزعل قالي أنا محبش اني اكون سبب في
خراب بيتكم
هو ممكن يكون قالي كده في ساعة غضب
قولتله وحياة ولادي لتقول
قال هقولك بس الاول عايز اقولك حاجه اهم من ده
قولتله قول
قالي انتي جميلة اوي وخسارة فيه وانا لو معايا وحده ذيك
كنت شلتها من علي الارض شيل واتمنتلها الرضا ترضي
سكت والي سكتني اني عايزه اعرف هو بيقول ايه عليا
قولتله مرسي هاااا ممكن تقول بقا قالك ايه
قالي بيقول انك غلبانه وملكيش اهل وانك اطلقتي من
جوزك علشانه وانك راميه نفسك عليه وأنه مكنش عايز
يخلف وانتي الي عملتي كده علشان تربطيه بيكي وأنه لولا
الولاد كان زمانه رميكي في الشارع
قولتله انت كداب هيثم بيحبني وميقدرش
يقول عني كده ..استحاله هيثم يقول كده
قالي ب إمارة ما كان بيقابلك وانتي لسه علي زمة جوزك في
شقة امك ولما كان بيجيلك وانتي تدخليه وامك نايمه هاا
اقولك إمارة تاني
قولتله معقول جوزي يحكي لحد الكلام ده . اسامه أنا عملت
كده معه بسبب اني كنت بحبه ووعدني بالجواز أنا مش
وحده من إياهم .أنا كنت متجوزة راجل محترم جدا منه لله
بقا حسبي الله ونعم الوكيل فيه أنا من ساعة ما عرفته وانا
حياتي ادمرت
قالي هو ميستهلكيش انتي تستاهلي راجل بجد
وعلي فكرة مش انا بس الي حكي قدامه كلنا عارفين
قولتله ممكن اقفل قالي أنا عايز اتكلم معاكي شوية قولتله
معلش أنا لازم اقفل وقفلت وانهارت من العياط وفضلت الطم
ع وشي وعيالي تصوت وتعيط ع صواتي وقربو عليه اترمو
في حضني أنا هديت علشانهم بس دموعي مسكتتش ولا
دماغي هتجنن من الي قاله عليه معقول شايفني وحده غلبانه
ومدلوقه عليه ويحكلهم لما كان بيجي قبل ما نتجوز
امي جت ومسحت دموعي علشان متسالنيش مالك وقعدنا
وفضلت تلعب مع عيالي وتحكيلي عن عيال اخواتي والي
ببعملوه دخلت انام وبفتح الرسايل لقيت اسامه بيتصل عملت
الموبيل صامت ونمت لقيته الصبح بعتلي كذا رسالة ممكن
تردي ...انتي زعلانه مني ..أنا آسف اني قولتلك مكنش ينفع
اطلع سر صحبي ليكي وكلام كتير اخر ما زهقت رديت
قالي علي فكره بقا أنا كنت باجي البيت لهيثم عليشان
اشوفك وكنت يتحجج كل شوية ادخل الحمام علشان
اشوفك وانتي معدية أو في الأوضه وانتي بترضعي الولاد
وبصراحه كنت هتجنن عليكي
قولتله انت قليل الادب ومتربتش وانا غلطانه اني رديت
عليك من الاول اصلا وقفلت السكة
يتبع
🌹البارت الثالث عشر 🌹
🌹ظلمت نفسي🌹بقلم ✍️ سلطان زماني
اتصل بيا أسامة اكتر من 40 مره وانا اكنسل وعماله اتصل ب هيثم ويت معرفش مع مين
رديت عليه قولتله انت مش شايف انك زودتها
قالي حقك تتقلي عليا علشان عرفتي انك حلوه وعجباني
قولتله أنا ولا حلوه ولا زفت والنبي سبني في حالي وعيطت
قالي والله ما يستاهل تنزلي دمعه واحده عليه ده لاعب بيكي الكورة
قولتله يعني ايه لاعب بيا الكورة دي
ضحك وقالي يعني عارفه محمود وياسر وأشرف والي كانو بيجو عندك البيت
قولتله أنا معرفش حد ولا اعرف اساميهم انت بس الي كنت
بشوفك وانت طالع من الحمام أو واقف معه تحت البيت
قولتله المهم مالهم دول
قالي اشرف ومحمود كانو مخزنين بنت من الشرقية وقعدو
حبسنها في شقتك ١٥ يوم وكان كله بينام معها وأولهم جوزك
وانتي نايمه في مياة البطيخ
قولتله امتي ده قالي من سنة تقريبا
افتكرت طبعا لما كنت
بولد عند امي في الشهر ونص الي كنت قاعد فيهم عند امي
قولتله هو انت بتحكيلي كل ده ليه
قالي علشان مش ده الي تخلصيله وتوفيله كده
ده ميستهلش انتي ليكي حق متصدقيش بس انتي ليكي
عليا اسمعك بودنك وشوفي بتكلم عليكي ازاي وبيعمل اي
من وراكي قولتله مش عايزه اعرف حاجه كفايا الي عرفته
قالي مش ناويه ترجعي بقا قولتله اصلا متصلش ولا جيه
يرضيني
قالي ولا هيجي لأنه مبسوط ومرتاح منكم انتي خليكي
ناصحه وارجعي بيتك علشان بجد من وقت ما سبتي البيت
وانا رجلي خفت من عنده كنت بستنا المحك بس وأملي
عيني بيكي وبجمالك قفلت مع الكلب ده فضلت اكلم في
هيثم كتير لما رد
هيثم ..خير يا فاطمه عايزة ايه
فاطمة ..عايزة اعرف انت عايزني ولا ومش سال فيا انت حر
عادي إنما ولادك كمان هو انت ايه يا اخي
هيثم..بتعلي صوتك عليا تاني ..كنتي عايزاني أمسك فيكي
يعني وانتي نازله ولا اقفل الباب بالمفتاح علشان متنزليش
فاطمة ..مخوفتش عليا وانا نازله لوحدي ومعايا الشنط
وولادك الاتنين وانا متشندله بيهم معقول يا هيثم أنا تعاملني
كده 🥺
هيثم ..بقولك ايه سيبك من جوه الصعبنيات وشغل المحن ده
انا مش باكل ولا بشرب منه
فاطمه ..أنا كده يا هيثم الله يسمحك
هيثم..فاكره بروح امك هتعلميني الادب ببعدك واني هاجي
ابوس ع ايدك ورجلك علشان ترجعيلي
فاطمة ..تبكي بحرقه ..أنا عمري ما توقعت اني ممكن اهون
عليك كده ولا اتخيلت انك تكون غبي بالشكل ده
هيثم ..تلاقيكي بس الفلوس الي كنتي بتحوشيها من ورايا
خلصت وعايزة فلوس
فاطمة ..أنا عمري ما حوشت فلوس وانا عندي نصيبي من
الأرض بتاعة بابا وشيلاه مع امي ومش محتاجه منك حاجه
هيثم ..يابطه مفيش ست محترمة بتعلي صوتها علي جوزها
حبيبها وتقوله تعمل ايه ومتعملش ايه
فاطمة ..أنا عليا صوتي لما فاض بيا ولقيتك قالب البيت
غورزه خاف ع الاقل ع عيالك من الدخان الي بيدخلي لحد
الاوضه
هيثم ..وتقعدي تقولي اشتغل وقعدة الراجل في البيت ولا
اكنك بتصرفي عليا واني مش راجل
فاطمة ..والله ماكان قصدي كده كنت عايزاك تعمل اولادك
مستقبل يكبرو يشوفوك بتشتغل وتشفي علشانهم ويكونو
فخروين بيك
هيثم ..ولا هو علشان انتي اتاكدتي اني بحبك وبعد كمان ما
خلفتيلي ولادين قولتي اني خلاص بقا ابيع واشتري فيه
واعلي صوتي ع كيفي
فاطمة.. والله ياحبيبي ما كان قصدي ولا دي تربيتي بس
علشان خاطري بلاش صحابك دول أنا بكون قاعده متكتفه
مش واخده راحتي في شقتك بلاش شقتي ياسيدي
هيثم ..يابطتي دي شقتك أنا بس صوتك العالي ده عصبني
ومكنتش شايف قدامي ولا واخد بالي من كلامي
يتبع ..رايكم في البارت وتوقعاتكم بلاش ملصقات وبس أنا مش بكتب قصص لجمعيه الصم والبكم حسسوني انكم بني ادمين وعايشين مع القصة واحداثها يالي تنشكي منك ليها 👊
تعليقات
إرسال تعليق