 |
🌹 البارت الرابع 🌹
🌹ظلمت نفسي🌹 بقلم ✍️ سلطان زماني
هيثم بقا يشوفني وانا عريانه وحبي ليه خلاني اطوعه
ومقولش علي حاجه هو عايزها لا
خايفه يبعد عني ويسبني اتعودت عليه وعلي كلامه
وبدأت كمان محسش بوجود عمر جوزي الي كان اصلا مش موجود
حتي المره الي كان بينام معايا فيها الي هي كل ١٥ يوم
وكانت مش بتطول عن دقائق
مبقتش موجوده ومبقتش حبه العلاقة اصلا ومسترخمه وجوده ولمسته ليا
لحد ما هيثم طلب أنه يشوفني قولتله صعب طبعا
قالي يعني انتي مش نفسك فيا وعايزه تشوفيني زاي ما أنا عايز اشوفك
قولتله نفسي اوي يا هيثم قعد يقولي نفسي احس بيكي
وبلمستك نفسي اتمتع بكل حته فيكي يابطتي
قولتله ياريت ياحبيبي ينفع
قالي ..معقول مش بتخرجي خالص
قولتله بخرج بس ديما بيكون معايا حتي لما بروح لماما
قالي عايزين نفكر في فكرة أننا نشوف بعض
قولتله صدقني صعب ياهيثم والله ياحبيبي أنا نفسي فيك
كمان واكتر عارف ياهيثم أنا وهو نايم معايا بتخيلك انت
قالي انتي لازم متخلهوش يوصلك هو انتي طفله
قولتله لا هو من النوع الي بيغير وبيخاف عليا موت
مش انا لو مراتك هتغير عليا ياحبيبي
قالي أنا بغير عليكي منه ومن لمسته ليكي يابطتي علشان
خاطري خليني اشوفك بقا
قولتله ماشي هحاول ياحبيبى حاضر
وفعلا بقيت اقول ل عمر أنا مش عيلة صغيرة وانا مش
بحب كده لو مش واثق فيا طلقني استغرب من كلامي وقالي
معاذ الله ايه مش واثق دي ياأم حمزة أنا بس بخاف عليكم
حد يتعرض ليكم يدايقك أنا تربيتي كده ومقتنع كمان بكده
ومش قلة ثقة فيكي ولا شك هو بس خوف قولتله أنا تعبانه
ومحتاجه اروح اقعد كام يوم عند ماما قالي ممكن افهم
مالك اي غيرك كده انتي مش شايفه نفسك بتتكلمي ازاي
قولتله دي مبقتش عيشة أنا زهقت انت هتوديني عند ماما
ولا هروح لوحدي قالي مفيش مرواح غير لما افهم سبته
ودخلت اوضتي وهو سبني ع رحتي لما اهدا ونمنا واول ما
صحيت ملقتوش كلمت هيثم وهو الي شجعني اني انزل من
غير أذنه وفعلا اخدت شوية لبس ليا ول حمزة ونزلت وانا
في الموصلات مرعوبه وخايفة وبقول لنفسي انتي اتهبلتي
يازفته انتي .ايه الي نيلتيه ده وصلت عند امي وسالتني لما
شافت الشنطة انتي غضبانه قولتلها اه ومش راجعه البيت ده تاني يتبع
حذفت اكتر 400حد مش بيتفاعل ولسه جاري الحذف 👌 وباقي القصة صدقوني مش هيوصل غير لاكتر ناس اتفاعلو 🤗
🌹البارت الخامس 🌹
🌹ظلمت نفسي 🌹بقلم ✍️ سلطان زماني
امي سالتني ليه يابنتي عملك ايه جوزك دي اول مره تغضبي فيها من ساعة ما اتجوزتي ..
سكت ومش عارفه اقولها ايه مش لاقيه حاجه اقولها
امي مالك نازل عليكي سهم الله ليه ما تقولي في ايه
قولتلها كل حياته ودلعه ووقته لحمزة
عمر جوزي مش بيحبني ياماما وانا بصراحه مش مرتاحه ولا
حسه اني ست معه
امي ..اتقي الله يا فاطمه واستهدي بالله وارجعي
بيتك
بقولك ياماما مش هرجع لو عايزاني اولعلك في نفسي ولا
انتحر خليني ارجعله
دخلت اوضتي كلمت هيثم فرح اني سبت البيت وقالي اثبتي
ع موقفك بقا ع الاقل لما ترجعي ميقعدش بقا يوصلك في
كل حته ويخنقنا معه
قولتله هو احنا ليه منتجوزش ياهيثم
ضحك وقالي علشان انتي متجوزة ياروح قلب هيثم
قولتله أنا بتكلم بجد أنا عايزة اكمل حياتي معاك انت الراجل
الي مالي عيني وبتمناه
قالي ..وانا كمان يابطتي انتي البطة الي بتمناها ونفسي فيها اوي
قولتله يعني ياهيثم مش هتشك فيا وتقول عليا مدام خانت
جوزها يبقا هتخوني أنا كمان
قالي لا طبعا لا يمكن اقول كده يابطتي ..احنا هنتقابل امتي
قولتله خلينا في موضوعنا بقا
لو اتجوزنا مش هتزهق مني وهتفضل تحبني كده علي طول
قالي ..اه يابطه مش هزهق ..بصي بقا انتي تسيبي ابنك مع
امك ومن مصر ل اسكندرية ساعتين ونص رايح وزيهم راجع
يبقا 5 ساعات ونقضي زيهم مع بعض يابطتي
قولتله انت كمان عايزني اجيلك
قالي اه ما انتي معندكيش مكان عندك نتقابل فيه
قولتله أنا معرفش امي هتوافق اني انزل ولا
ومش عارفه اقولها ايه اصلا
قالي ..انتي هتقوليلها انك هتروحي تكشفي ع عينك أو ااي
حاجه وخلي حمزة معاكي لحد ما ارجع
قولتله لا تعالي هنا
ونقعد في أي مكان عام
لقيته اتقمص وزعل وقالي خلاص برحتك يافاطمة وقفل
قفلنا وانا من جوايا هموت واقابله ويعمل معايا كل الي قال
عليه ومحتاره وحالتي حال
خالي جيه بليل هو وعمر وقعدو معايا وانا سكته ومش قادره
ابص في عين عمر خالي سبنا لوحدنا
قالي يا ام حمزة انتي متغيره معايا بقالك شوية
وانا يعلم ربنا كنت بدعيلك في كل صلاة اني ربنا يهدي حالك ويبعد عنا الشيطان
وكنت فاكر اني التغير ده بسبب حاجه بينك وبين اهلك
ومردتش اتكلم ولا افتح كلام وأسألك
واستنيت انتي تحكي
بس واضح المشكلة دي عندي أنا
وتخصني أنا ممكن اعرفها
قولتله انت مش بتحبني ومش بتعاملني ك انثي
اهتمامك وحبك كله رايح ل ابنك إنما أنا لا
قالي أنا فعلا مكنش ليا تجارب قبلك ولا بفهم في الكلام الي
بتقوليه ده بس انا يعلم ربنا اني بعاملك بما يرضي الله زاي
ما احب اني جوز اختي يعامل اختي
وابني فرحان بيه وبهتم بيه ذيك بظبط مش ابننا
ع العموم أنا يعز عليا بعدك ومكنتش احب انك
تبعدي يوم واحد عن بيتك ولا انام ليلة من غيرك انتي
وحمزة
أنا هسيبك تهدي واعصابك ترتاح أنا ماشي خدي
الفلوس دي خليهم معاكي
قولتله شكرا مش عايزه حاجه
سبهم ع السفرة وباس حمزة ونزل
بعد ٣ ايام كلمت هيثم
وقولتله هو انت كل مشكلة تتنازل عني كده بسهولة
أنا سبت جوزي علشانك
قالي أنا حلفتك قبل كده بحبنا انك متحرمنيش منك وانتي
اهو بتحرميني
قولتله بصراحه انا خايفه اسافر اسكندرية دي
قالي ما دي البلد الي هتعيشي فيها يابطتي قولتله بجد خايفه
ياهيثم
قالي ما ياريت ياحبيبتي انتي عندك مكان قولتله امي بتروح
ل اخويا الكبير وتقعد اليوم كله ممكن تيجي انت
قالي اجي
يتبع
تعليقات
إرسال تعليق