 |
_انت جبتني المكان دا لي يمحمود؟
=انتي حلوه اوي لي النهارده
_فين مامتك الي قولت هنزورها؟
=نزور اي يمريم انا كنت فاكرك انك فاهمه، مش انا خطيبك وشهور ونتجوز
_ايوه
=مفهاش حاجه نتجوز دلوقت
_انت اتجننت!! انت فاكرني واحده زباله زي الي تعرفهم انت اكيد شارب حاجه
=يوووه، طب زوجتك نفسي قولي كده زوجت نفسي لمحمود وكده الموضوع خلص
_متقربليش، خطوه كمان وهصوت
=تصوتي! انتي لو صوتي هتفضحي نفسك انتي، مريم انتي مكبره الموضوع اوي اهدي كده
_انا ازاي مكنتش شيفاك كده
ضحك=يمكن عشان نضارتك
جيت اجري على الباب مسكني وزقني لورا
_محمود ابوس ايدك متعملش كده
=المغروره بتتوسل؟ هو انتي فاكره اني بحبك وكده لا دا انا خاطبك عشان اجيب مناخيرك الأرض، شايفه نفسك احسن من كل البنات وانتي زيك زيهم
ضربته بالقلم=انضف منك ومن الي زيك وكلمه كمان وهموتك انت سامع
قرب مني خالص، جريت على المطبخ مسك ايدي بقوه وانا بحاول اقاوم وابعد ومسكت سكينه ب ايدي التانيه وزقيته
_لو قربت مني تاني هقتلك والله اقتلك
=هه ضحكتيني انتي متعرفيش تعملي حاجه بالقصافه الي معاكي دي
_لا دا انت متعرفنيش بقي انا الي يجي عليا بقلب حد تاني وبلاش انا عشان هندمك
كنت بقرب منه وهو يبعد لغايه موصلت للباب فتحته بسرعه وقفلت ورايا وجريت زي المجنونه على السلم، لقيت شاب فاتح بيته وداخل جريت وراه وقفلت الباب وحطيب ايدي على بوقه وكان لزقاه في الباب وباصه من العين السحريه
شيلت ايدي من على بوقه بعد م استوعبت الموقف
_احيه اي السكينه الي في ايدك دي، جايه تقتليني، سفااااحه
حطيب ايدي على بوقه تاني، انا غلطانه اني شلتها اصلا والله
_اهدي كده، اولا انا مش سفاحه، ثانيا انا بجري من خطيبي عشان واخدني في شقه وفهمني انها شقه مامته، ممكن توطي صوتك معلش
فجأه لقيت الباب بيخبط بصيت على العين السحريه لقيته هو
_أرجوك متقولش اني هنا ماشي؟
=..
_انت أخرس؟
رفع حواجبه وبص على أيدي الي على بوقه، سحبتها بسرعه
_ادخلي هنا في الاوضه دي
جريت عليها وهو فتح الباب
_مشوفتش بنت من شويه؟
=اه شوفت
الرجاله والي يأمن للرجاله كلهم صنف واحد كلهم مصطفى أبو حجر منك لله
_فين؟
=نزلت من قدامي من شويه
_تشكر
مشي وقفل الباب وربع ايده وبصلي
_شكرا جدا والله
=انتي خطيبته؟
_كنت اسمها كنت
=طب انا مالي متعصبه عليا لي يوحش متهدي
_هديت
=هتعملي اي دلوقت؟
_مش عارفه والله معارفه انا لو اعرف هقولك
=انتي اسمك اي؟
_والله؟ دا وقت اسامي
=..
_مريم اسمي مريم
=وانا احمد
_تشرفنا اهلا وسهلا اي رايك نتعرف
=وماله انا..
_انت بتهرز؟ بذمتك دا وقته، دا انت اختياراتك للمواقف تحفه الصراحه
=انتي خايفه منه؟
_انا بخافش من حد
=متخافيش مش هيعرف يعملك حاجه
_مقولت مش خايفه
=هو خطبك ازاي؟
_جه وطلب ايدي وعملنا خطوبه و..
=لا مش قصدي، قصدي انك عصبيه زياده يعني
_عندك حق، اي يعني واحد جايبني في شقه وعاوز قله ادب عندك حق انا معصبه نفسي لي، المفروض اشرب مانجا
=عندي استنى اجبلك
_!!
دخل المطبخ وانا قعدت على الكنبه هو انا وقعت في ايد واحد تعبان؟ ايوه دا اسمه تعب والله، قعدت وحطيت ايدي على راسي
_اتفضلي
بصتله بطرف عنيا
_بس تعرفي بعيد عن العك دا بس انتي بميت راجل
=شكرا
_تتعرفي على ماما؟
مسكت السكينه وحطتها على رقبته
_بهزر وربي بهزر عشان تضحكي
ضحكت=متخافش قتل النفس حرام بردو
بعدت السكينه عنه
_اي العنف دا يربي
=انا لازم امشي، وشكرا جدا بجد
فتحت الباب لقيت محمود في وشي
_م محمود!!!!
منجدي 💙
#بقلم مريم سمير
#البارت الثاني
_م محمود!!
مسك ايدي بقوه، لقيت احمد مسك ايدي التانيه وسحبني نحيته ووقفني ورا ضهره
_اي يباشا مش خير؟ داخل زريبه انت ولا اي
=ابعد من وشي احسنلك
_لا الأحسن ليك انك تمشي من هنا بدل مخبط على الشقه دي اصل فيها ظابط ساكن جديد ونشوف مين الي هيمشي فينا
بلع ريقه=انت مش قدي
ضحك_لي انت عندك كام سنه؟ مش عاوز اشوف وشك هنا ولا تقربتلها تاني عشان انا لو قلبت عليك هتزعل اوي
مشي وانا رفعت حاجبي وبصتله
_انت طلعت جامد اوي
=عجبتك؟
_برافو عليك
=مبحبش اتكلم عن نفسي كتير
_لا مش للدرجاتي
=انزلي انزلي اوصلك
_لا هاخد تاكسي
=بخت يكون مستني تحت
_احمد وصلني الاه!!
ضحك وقفل الشقه ونزل معايا، اي الشخصيه الجدعه ام دم خفيف دي بس
_اتفضلي اركبي
=حاضر
ركبت ووصلني لغايه البيت
_بجد مش عارفه اقولك اي
=ولا حاجه المهم انك كويسه
_شكرا جدا بجد
=العفو بجد
ضحكت_بجد
=بجد
_انا نازله بقى
=متنسيش تفسخي الخطوبه
_انا لسه لابسه الدبله لي اصلا!!
=جدعه
نزلت وابتسمتله ومشي، هو كده خلاص! مش هشوفه تاني طيب! منك لله بمحمود
دخلت وحكيت ل اهلي على الي حصل وفسخت الخطوبه، الحمد لله انه تتكشف دلوقت
دخلت اوضتي وخدت نفسي وضحكت هو بجد معتش في حياتي!! الحمد لله والله، هي فين شنطتي!! دي دي في شقته!! دي فيها بطاقتي وفلوسي وكله، انا جبت الفون لي مكنت اسبه بالمره
ضربت جبهتي ب ايدي =اعمل اي انا دلوقت!!
لقيت فوني بيرن
_ألو مين؟
=بردو متعصبه
_احمد؟
=همشي انا ألم وراكي حاجتك بقى
_شنطتي معاك؟
=ايوه وعاوز 100 الف جنيه بدل متخطيها فاضيه
_بس يجدع
=50 ج طيب
_كتير بردو
=ادفعلك انا؟ هتخديها ازاي، ثواني يمريم انتي كاتبه رقمك في ورقه! فيه حد مش حافظ رقمه!
_مش انا محفظتوش
=ايوه
_يبقى فيه
=لا اله الا الله
_محمد رسول الله، عارف كافيه صباح القهوه؟
=عارفه اه
_الكافيه دا بتاعي، هاتلى الشنطه هناك معلش
=حاضر هجبهالك بكره بس على شرط
_اي هو؟
=هتعزميني على قهوه
_بس كده عيوني
=تسلميلي، نامي يلا عشان اكيد تعبانه
_تصبح على خير
=وانتي من اهله
قفلت الفون ونمت
صحيت الصبح وانا حاسه اني انسانه تانيه وهبدأ حياه جديده، لبست وروحت علي الكافيه، مش عارفه لي كنت مستنياه على طول، مستنيه الباب يفتح واشوفه وابتسم و.. اي دا انا مالي!!
بعد شويه لقيته داخل بس مع بنت!! مش عارفه لي الابتسامه اتحولت ل تتنيح اه والله كنت متنحه
قعد على الطربيزه وانا شويه ورحتيله
_اتفضلي
=شكرا جدا
_العفو، امل دي مريم، مريم دي امل
=تشرفنا، اختك؟
_لا خطيبتي
=اهلا وسهلا نورتوا والله، حسام شوفهم عاوزين اي والحساب مدفوع
_انتي صدقتي انا كنت بهزر حتى انا واد فييس
ضحكت=دا أقل واجب، بعد اذنكم
مشيت روحت قعدت في مكتبي، انا مالي كده في اي! انا فعلا مكنتش بحب الزفت محمود، يمكن دا يكون انبهار او إعجاب مش اكتر، دا انسان خاطب ف فوقي كده
لقيت رساله مبعوته على الواتس
_شكرا على القهوه طعمها حلو جدا
=انا الي عامله الخلطه على فكره
_عشان كده جميله، شكرا
=العفو يا احمد شكرا ليك انت
كان كل يوم بيجي الكافيه يشرب قهوه ويمشي، مكنتش بعمل حاجه غير اني قاعده في المكتب وهو يبعت رساله يقول ان القهوه حلوه اوي وانا ابتسم
_حسام
=نعم
_احمد طلب قهوه؟
=ايوه يفندم
_استنى هعملها انا
=افندم!!
_هعملها انا ،وحشني اني اعمل قهوتي
=اتفضلي يفندم
عملتها كانت مظبوطه جدا ومعموله ب حب ورسمت على الوش اسمايل وخرجت بالفنجان وقدمته وهو مكنش باصص بس لما شاف الاسمايل بصلي
_انتي الي عملاها؟
=ايوه
_لي تتعبي نفسك
=بقالي اكتر من سنه معملتش قولت اعملك
_دا انا مميز اوي بقي
=اكيد مش أنقذت حياتي، اشرب وقولي رايك
شرب شفطه_تسلم ايدك، ممكن تعتبريها مجامله بس هي حقيقه انا عمري مشربت قهوه طعمها حلو كده والله
=بالهنا
_مريم
=نعم
_لو طلبت منك طلب تعمليه؟
=اكيد قول
طلع من شنطته دعوه وادهالي
_دي دعوه فرحي هبقي مبسوط اوي لو جيتي
=..
#الباب التالت
_دي دعوه فرحي هكون فرحان اوي لو جيتي
=انت خرتيت يلا؟
_افندم!!
=أكب القهوه في خلقتك هترتاح يعني يمهزأ انت!
_مريم!!!
=نعم
_انتي بتكلميني انا؟
=هات ام الدعوه هات
رفع حاجبه وانا ابتسمت ابتسامه ساذجه ودخلت، حطيت الدعوه قدامي، خلاص يعني هيتجوز!! معتش ليا الحق حتى ابتسم لما أشوفه، دمعت غضب عني وحطيت راسي على المكتب، هو انا حبيته!!
فضلت طول النهار على المكتب، اقتله؟ طب ميتجوزني انا طيب هو انا قولت حاجه!
خرجت من المكتب مش طايقه نفسي، وانا ماشيه لقيت مشهد غريب اوي لقيت امل ومحمود قاعدين مع بعض!!!
محمود بص نحيتي رجعت بسرعه قبل ميشوفني
هو اي الي بيحصل دا معلش!!
جريت مش عارفه استوعب الي حصل، اعمل اي دلوقت!! وصلت الكافيه تاني فتحته وقفلت عليا مكنش فيه غيري
اتصلت ب احمد
_أحمد
=في اي يمريم ماله صوتك؟
_تعالي دلوقت الكافيه
=هو قافل صح؟
_هفتحهولك
=دا كرم منك و..
_احمد بسرعه
=حاضر حاضر
قفلت الفون واستنيته يجي، اول مدخل ابتسمت اكنها بقت عاده عندي، مع كل العك دا بس ظهوره لطيف اوي
_ايوه يمريم
=..
_مريم!!
=ها
_يبنتي!!
=ايوه عاوز اي يتنح انت
_انا الي عاوز؟
=اه اه افتكرت اقعد
_قعدت
=ممكن تهدي عشان هقولك كلام مش هتستوعبه اصلا
_اتكلمي طيب
=خطيبتك
ضحك_اشمعنا
=احمد بقي
_خلاص خلاص كملي
=خطيبتك مع محمود
_نعم؟ انتي بتقولي اي؟
=عشان خاطري متتعصبش، انا خرجت من هنا وكنت في طريقي للبيت لقيتهم قاعدين سوا، ف قولت اقولك، جريت على هنا عشان لو كانوا شافوني مكنش سكتوا، احمد!!
_..
=احمد انت كويس؟
_انتي متأكده انها أمل؟
=ايوه، انا اسفه
مسك ايدي
_عارفه الكافيه؟
بصيت على أيدي الي ماسكها وانا ساكته، سحب ايده
_انا اسف
=عارفاه اه
روحنا وشاورت عليهم ووقفنا في شارع تاني
مسك فونه وكلمها وفتح الاسبيكر
_الو
=ايوه يحبيبي
_انتي فين؟
=في البيت
_بيت في الشارع وفي كافيه اول مره اعرفها دي
=أحمد انا..
_مش عاوز اشوف وشك تاني انتي سامعه؟
قفل الفون وهو متعصب
_اهدي طيب
=دي بنت عمي
_أيههه!
=انا لازم امشي
مسكت كتفه عشان أوقفه وسحبت ايدي
_تعالي معايا
كان ساكت طول الطريق، دخلنا الكافيه وقعدته على مكتبي وانا قاعده قصاده
_تعرف يا أحمد، انا لما كنت مخطوبه لمحمود كنت بدأت ارتحله بس ربنا كشفه قبل محبه وقلبي يتعلق بيه، كل الي بيحصل خير، مش كدا احسن من انك تتجوزها وتكتشف بعدين، اكيد ربنا عارف انك ساعتها مش هتستحمل الوجع، ربنا بيطبطب على قلوبنا
ابتسملي وحد ايده على خده
_تعرفي عاوز اي دلوقت؟
ابتسمت =ايه؟
_قهوتك
=لا دا انت خدت عليها اوي
_خساره فيا؟
هوشت في راسي =استنى هروح اعمل اتنين
طلعت وعملتها ب نفس الاسمايل، كنت حزينه عليه بس قلبي كان بيرقص مش عارفه انا فرحانه أوي كده لي! دا انا وقعت، وقعت في عنيه وفي ابتسامته وفي كلامه وطيبته ودمه الخفيف، انا وقعت واقعه طين من الجود بوي دا
رجعت وانا شايله الصنيه بتاعت القهوه لقيته بيقطع في الدعوه
_احمد اهدي
مسك ايدي=انا معملتش فيها حاجه عشان تعمل فيا كده، انا اتخطبتلها من غير رضايا بس انا مجرحتهاش، تعمل فيا كده لي
كان ماسك ايدي جامد لدرجه انها احمرت، سحب ايده
_انا اسف والله، وجعتك؟
=حزنك الي وجعني، وبعدين احنا مش هنتجوز احنا بتوع قهوه، تشرب شيشه؟
ضحك_من عارف من غيرك كنت عملت اي حقيقي، شكرا انك واقفه جمبي
=العفو يبني، اشرب كده القهوه وانت تنساها يلا، انت دعيت حد؟
_لا الدعوه الأولى كانت ليكي
=مميزه وربي انا مميزه
ابتسم وشرب القهوه، فضلنا نتكلم كتير لدرجه ان الشفت بتاع الليل جه واحنا قاعدين
_انا همشي عشان شغلك
=متخليك شويه
_هاجيلك بكره ان شاء الله
=خلاص ماشي
_سلام يمريوم
اقوله يقلب يمريوم ولا اعمل اي بس يربي
=سلام يا ابو حميد
مشي وفضلت متنحه نحيته ومبتسمه، انا هتفضح في يوم على فكره، لا يفضح العاشق الا نظراته، انا عيني بتطلع قلوب لما أشوفه يجماعه!!
خلصت شغل وروحت، لقيته باعت رساله
(اليوم دا مميز جدا بالنسبالي، شكلنا هنبقى صحاب جامد)
ابتسمت =طبعا امال هتلاقي فين احسن مني يعني معلش؟
_مش هلاقي الاجمل فعلا
اتكلمنا وهزرنا ونمنا احنا الاتنين واحنا بنكلم بعض
صحيت لقيت الفون جمبي ابتسمت وخبطت راسي ب ايدي، معشتش لحظات زي دي قبل كده
لبست وفطرت وروحت الشغل، كنت مستنياه يجي بس مجاش!
اليوم خلص على أمل انه يجي بس مجاش بردو دا انا هعمل منه شاورما سوري، روحت البيت الساعه 8
اول مفتحت الباب لقيته في وشي
_انت اي الي جابك هنا؟
برق وبص لأهلي
*انتوا تعرفوا بعض؟
_اه
=لا
_قصدي لا
=نعرف بعض اه اي هنكذب؟ دا زبون عندي بس شكله اتلخبط، الكافيه في آخر الشارع لسه مفتحتش فرع عندي هنا
_انا جاي اتقدملك!!
=نعم اي فين كام؟
_امشي طيب عشان شكلك هبله دلوقت
=..
_اقعدي هنا طيب
قعدت وانا متنحه هو في اي، سابونا ودخلوا البلكونه وفضلت متنحه وفاتحه بوقي
_مقلب رامز جلال الجديد صح؟
=لا
_حاجه مضيقاك؟
=مريم، امل ومحمود هيتخطبوا
_نعم!!!
=زي مبقولك كده
_طب وفيها اي
=منا لازم اخطب في نفس اليوم، دا شرط جدي عشان يتأكد اننا سايبين بعض عن رضا
الابتسامه الي على وشي اختفت_انت جاي تتقدملي عشان جدك يا أحمد!!
#يتبع👇👇👇👇👇
#البارت الرابع
_انت جاي تتقدملي عشان جدك يا أحمد!!
=..
_انت ساكت لي يبني!
=عشان انا أناني، مفكرتش فيكي، بس انا فعلا محتاجلك انا فقدت الثقه ف كل الي حوليا الا انتي وعارف انك ممكن متوافقيش بس..
_بس انا موافقه
=موافقه!!
_ايوه
=مش هتفكري؟
_لا خلاص الي كان كان بقي
ضحك=انا مش عارف اقولك اي والله
_هو انت فاكر اني هتجوزك لي؟
=لي؟
_انت مش عارف!!
=عشان صحاب؟
_ألطم!! اصوت ألم عليك من هب ودب يعني؟
=إهدي طيب
_إكتم دلوقت معلش عشان مقومش اعمل جريمه وقتي
=حاضر
هو جاي يتقدملي وهو مش عارف اني بحبه! احدفه من البلكونه قدام اهله طيب ولا اعمل اي يعني!!
_الخطوبه يوم الاربع
=الخميس
_مريم احنا حجزنا القاعه خلاص
=معروفه ان الخطوبه بتبقى الخميس على فكره
_مينفعش في اي يوم من أيام ربنا يعني؟
=تؤتؤ بيبقى الخميس
_يبقى الاربع مبروك يعروسه
=!!
اهله وأهلي اتفقوا اننا ننزل نجيب الشبكه بكره، كنت مبسوطه اوي، القدر بيلعب معايا لعبه غريبه اني ابقى مبسوطه بس خايفه، خايفه ميحبنيش، أو أظلم نفسي وقلبي في الحكايه دي
_حلو الخاتم دا يمريم؟
=وربنا انت الي حلو
_مريم!!
=إشتريه يلا
خنجر يلا وفي قلبي من جوا يلا، انا هعترفله بحبي قبل ميقول يعني! انا بيكون هاين عليا لما يقولي ازيك اقوله بحبك وانت اخبارك اي، انا هفضح نفسي خلصا
_الفستان دا حلو؟
=اوي، لا استنى انتي الي حلوه جامد تصدقي
_..
=الفستان مكنش حلو كده على المانيكان، روحك وضحكتك الي ذادوه جمال
_..
=مريم!!
_انا لو اغمى عليا هنا هتلغي الخطوبه؟
=يبنتي بقى
_معتش تعاكسني بدل مقع الثانيه دهي
ضحك=حاضر
معتش تعاكسني قولي بحبك يبني يلا
_اخد البدله دي ولا اي؟
=اي يعم البطل
ضحك_يعني أخدها؟
=ايوه جميله
_خلاص هاخدها
كان يوم جميل جدا كنت انا وهو في العربيه لوحدنا وورانا الفستان والبدله كنت كل شويه ابص عليهم وألمسهم، دا انا مش واقعه دا انا متنيله ب طين والله
_مش حلم على فكره
=هو اي؟
_خطوبتنا بكره اه، بطلي تمسكي الفستان
عضيت على شفايفي من الاحراج=بشوف التطريز ثابت ولا لا
_بس هو مفهوش تطريز يمريم!!
=سوق يا احمد وأدخل بيا في شجره يلا
ضحك_انا جعان أوي، تعالي ناكل قبل مروحك
=عندنا البنت الي تخرج مع خطيبها قبل الخطوبه تبقى مشفتش تربيه خمس دجايج
_براحتك، كنت هأكلك كريب
=يلا يا احمد، تبا التقاليد يجدع
روحنا وكلنا واتمشينا شويه، هو أخرس طيب؟
_مش هتتكلم!!
=عاوزه تروحي؟
_انت اطرش كمان!! انت ساكت لي
=حاسس اني بظلمك معايا
مسكت ايده من ناحيه كوعه وقعدنا
_ازاي بقى؟
=خايف تكرهيني بعدين أو أجي عليكي، ساعتها مش هعرف اسامح نفسي اني زعلت اكتر انسانه وقفت جمبي
_خلاص متزعلنيش
=انتي بسيطه لي كده؟
_مش بسيطه انت الي معقد، انكد عليك طيب؟
=طب مروحك احسن؟
_خلاص ماشي، بكره نتخطب وأنكد عليك جامد أوي
=موافق، موافق وربنا
ابتسمت ومشينا ناحيه العربيه وركبنا ووصلني وطلعلي الفستان
_مريم
=نعم
_نسيت اقولك حاجه
=قولي حاجه
قرب ناحيه ودني _شكلك حلو جامد وانتي عروسه
كان واقف على الباب قال الجمله ومشي، طب فين بحبك طيب، انت بتيجي لي عند المهم متنطقش!!
كان الفستان قدامي في الاوضه وكل شويه ابصله، معقول عوض ربنا حلو اوي كده! هو الحاجه الجميله واللطيفه الي اخترتها، هو حد مميز جدا جدا بالنسبالي ونجح يدخل قلبي ويمتلكه بضحكه منه وابتسامه او بكلمه حلوه من بتوعه وبنطره من عيونه الحلوه دي
صحيت الصبح والبيت مقلوب، انا اي الي خلاني عروسه بقى!! انا مش حمل فرهده والله، روحت الكوافير، روحوني بيتنا انام معلش
الفون رن حطيت السماعه ورديت
_صباح الخير يقمري
=مين انا؟
_صباح الخير يمريم
=صباح النور
_انتي فين
=مش هقول متحلمش اني اقول
_في الكوافير؟
=انت عرفت؟
_مش عاوز اقولك ان اي بنت بتروح هناك يوم خطوبتها
=لا اله الا الله أمنت بالله
اتكلمنا شويه وقفلنا
جهزت وسمعت انه طالع لفيت وشي زي مبيعملوا وزي مبشوف على اليوتيوب
_مريم
=..
_يبنتي
=..
_مريوم
=لف شويه يا احمد ابذل مجهود لله، انت فاكر اني هلفلك كده بسهوله!
_..
لفلي وفضل ساكت ومركز فيا، انا المفروض مكنتش احط تنت عشان انا بحمر لوحدي والله
_احمد
=..
_المعازيم
=..
_الخطوبه طيب
=حلوه، حلوه جامد
_شكرا والله
مسك ايدي ومشينا كنت هموت من الفرحه، هو مش هيموت من الفرحه هو كمان ولا اي؟ ونكتب في شهادات الوفيات عروسان ميتين من الفرحه وكده
خرجنا من الكوافير
_دا جدي يمريم
بصيت قدامي لقيت رجل كبير ملامحه طيبه
=ازيك يجدو
_ازيك يبنتي، عاوز أسألك سؤال مهم جدا
=اتفضل إسأل
_انتي بتحبي احمد؟
#يتبع،👇👇👇👇
#البارت_الخامس_والأخير🔥😱🔥🔥😔
_أنتي بتحبي أحمد؟
احمريت وبصيت في الأرض وبعدين بصيت لجدو ومسكت ايده وخدته في جمب
=عاوزه أقولك ان قلبي عمره محب غيره بس البعيد طور مبيحسش
_طمنتيني كنت فاكر انه اتخطب ل أي واحده وخلاص
=متخافش عليه في ايد أمينه
_ألف مبروك يبنتي
ابتسمت=يبارك في عمرك
رجعنا وركبت العربيه مع احمد
_كان بيقولك اي؟
=بيعرض على الجواز
_ومتجوزتوش لي؟
=منا هتجوزك عشان أوصله
_وليه اللفه دي يبنتي؟
=بحب الاكشن
وصلنا القاعه، كانت جميله اوي كنت مبسوطه جدا وانا جمبه وماسكه ايده، يجماعه كلكوا عارفين اني هموت وارقع بالصوت دلوك واقول اني بحبه صح؟ اكيد عارفين بس انا عمري مروح اقول، عشان في سرو بلادنا الي معندهاش حيا بيطخوها بالنار
كانت خطوبه دمار وربي خربتها، خرجنا في عربيته عشان يجي عندنا يتعشي
_مريم
=نعم
_مش انتي قولتي هسقف بس؟
=اه فعلا قولت كده اه
_وانتي سقفتي بس بذمتك؟
=هو عشان فرفشت مع صحابي يبقى مسقفتش بس!! يشيخ حسبي الله ونعم الوكيل في الي زيك يشيخ
ضحك ومسك ايدي _بس انا مبسوط انك كنتي فرحانه
=اي يروح خالتك ايدك دي للأكل بس
_ايدا في اي
وصلنا وكل معانا وكنت في منتهى الرقه حقيقي، هو مطفحش لي!! اكلتك خفيفه زيي، معلش يماما حله المحشي دي لو حد قرب منها مش هحله
مشي ومسكت الفون نزلت صورنا، تقاليد ولازم نحترمها بردو
_اي يبنتي كل دي صور
=اي يخطيبي
_انتي بعتالي ايموشن دبله لي يمريم؟
=ايدا مخدش بالي
_حركات المخطوبين وكده
=بالظبط كده
_انا غلطان اني اتصورت معاكي اصلا
=جدع
_يرب النت يخلص
=ولو نكدت عليك دلوقت بقي
_خلاص والله اهو
=جدع تاني
_جدي عازمنا بكره في بيته
=جدك دا قمر حقيقي
_بيقولوا اني شبهه
=بقولك قمر يا احمد!! شبه اي بس
_هعتبر نفسي مسمعتش حاجه، امل ومحمود معزومين بردو
=يهلا يهلا جايه جايه
اتكلمنا شويه ونمنا، صحيت من النوم، بصيت على الدبله مش اول مره البسها، بس انا حساها اول مره، حاسه بالفرحه الي محستهاش في الدبله الاولانيه، ربنا ميعودها أيام والله
الضهر احمد جه خدني عشان نقضي مع جده اليوم
_ازيك يجدو
=الحمد لله يبنتي، انتي عامله اي
_الحمد لله يقمر
*امشي انا؟
_لا يا احمد خليك بس متعملش صوت
ضحكنا ودخلنا جوا
_اعملكم قهوه؟
=اكتر حاجه وحشتني قهوتك
_انت بتسبلي قدام جدك؟
=خشي خشي هتفضحينا
دخلت المطبخ وانا باصله من ورا لغايه مكنت هتخبط، ها يجماعه باين اني واقعه ولا أبين اكتر؟ اوعا ميكنش باين ازعل والله
_انت اي الي جابك هنا؟
=جاي اقولك القهوه والسكر فين يختي
_فين صحيح؟
=ادي القهوه، وادي السكر
_متشكره
=..
_هيفضل يسبلي اهو
=اصلك حلوه يحلوه
_ألطم ألم عليك الناس؟
=هو دا الرد يعني؟
_مش بعرف أرد
=لي حاسس انك عاوزه تقولي حاجه بس مش عارفه
_ايدا هو باين
=كنت حاسس
_قصدي لا مفيش ممكن تطلع عشان اعمل القهوه
ضحك=طالع طالع
انا مش عاوزه خنجر دا انا عاوزه سيف والله وفي معدتي كده
_إتفضلوا
=تسلميلي يمريوم
_روح مريوم
=اي؟
_القهوه هتبرد اشرب اشرب
شربنا القهوه والجرس رن وأحمد فتح ودخل بسرعه تاني
بصيت علي البوابه لقيت امل ومحمود
جدو سلم عليهم وقعدوا
_قهوتك حلوه اوي يمريم، اعملي ل أمل ول محمود
=حاضر يجدو
دخلت لقيت احمد جاي ورايا
_مضايق لي
=حطي بدل السكر ملح
_اي الانتقام البشع هو انت قلبك ميت للدرجاتي!!
ضحك=يبنتي يبنتي
_مفضلتش معاهم لي
=القعده مش حلوه من غيرك
ابتسمت وعملت القهوه وطلعت حطيتها على الطربيزه وقعدت في الكرسي الي جمب احمد
_هنفضل ساكتين كده؟
يخربيت التلقائيه احدفوني من الشباك ده
=نلعب لعبه؟
_بجد ولا بتقلس يا احمد
=والله نلعب صراحه
_ماشي كلنا يلا
بعد مفاوضات والنقاش خدنا وهات قررنا جدو الي يسأل
_هسأل احمد الاول
=قول يجدو
_اكتر حاجه بتحب تشربها اي
رديت بتلقاييه *القهوه
=القهوه بتاعتك
ابتسمت وبصتله
_دورك يمريم
=اسأل يا جدو
_بتتمنى اي بعد كده؟
سكتت شويه
= انا بتهيقلي ان معتش عاوزه حاجه واحمد جمبي، عاوزه بس اشوفه مبسوط وبيضحك ومرتاح في حياته
بصتله لقيته بيبصلي رجعت بصيت قدامي، هو انا كده فضحت نفسي مش كده!!
بعد كده لعبنا مين يعرف التاني اكتر
*أمل ومحمود *
_أكلتي المفضله اي يمحمود؟
=البيتزا، لا لا المكرونه باين
_الفراخ المشويه يمحمود
=ايوه صح صح
_طب لوني المفضل اي؟
=الأخضر؟
_ال بينك
=اه صح البينك
_انت جاي تأكد على جوابي!!
ضحكت انا واحمد وجدو وجه دوري انا واحمد
_اكتر لون بحبه يا احمد؟
=الأسود
_شطور، طب والاكل
=الكريب لو من برا، ولو في البيت ف انتي فقريه بتحبي السمك
_شوف الشطاره شوف، طب وانا بحلم ب اي؟
=ان الكافيه بتاعك يتعرف اكتر
ضحك= وأننا نتجوز
احمريت_ لا لا محصلش لا، استنى أسال انت
=اكتر لون بحبه
_الازرق
=طب والاكل
_بتحب المحشي والكريب زيي
=طب واللبس؟
_التيشيرتات مش بتحب القمصان اوي يعني، ومش بتحب البدل مع انك بتكون قمر فيهم
بصيت حوليا لقيت جدو بيضحك وأمل ومحمود بصنلي، انا مشفتش دقيقين ربابه والله
قعدنا شوين وكلنا
_تعالي نتمشى في جنينه البيت
=يلا
كانت جنينه جميله اوي ومليان ورد
_حلو الورد اوي
=زيك كده؟
_احمد
=يروح احمد
_الاه!! بطل تسبيل يبني
=عاوز اقولك على حاجه مهمه
كنت ماشيه مسك ايدي ووقفني قدامه
=تعرفي لما تكوني متعوده على حاجه بس تكون غصب عنك، بس خلاص اتعودي، وفي الاخر الحاجه دي تسيبك بس متكونش حاسه انك زعلانه
_الحاجه دي تبقي أمل صح؟
=ايوه
_..
=وبعدين حاجه تدخل حياتك، وتملاها ضحك وبساطه وخفه دم، وطيبه قلب وحنيه، لما تبقى مجبر تحبها وتقع فيها لشوشتك، لما الحاجه دي يبقى يومك ملهوش لازمه من غير صوتها والمكان ملهوش قيمه من غير وجودها، والقهوه ملهاش طعم غير من ايدها، الحاجه دي انتي يمريم
_..
=انا بحبك يمريم
_..
=انتي هيغمي عليكي صح؟
_تقريبا اه
ضحك وبصالي
_فاكر لما كنا في المطبخ وقولت اني عاوزه اقول حاجه ومش عارفه
=فاكر
_كنت هقول ان قلبي مال وحبك 💛
تمت
تعليقات
إرسال تعليق