 |
#البارت_الاول
- انتي اتجننتي عايزاني اقبل بواحده مغتصبه وكمان ..كمان سمرا وشكلها مش حلو انا مش عارف اغتصبوها علي اي والله معندهمش نظر
- دا انت اللي معندكش دم ولا احساس
- نفسي افهم بس انتي اخت مين فينا بقولك ايه ي خديجه انا مش بنت عشان تجبريني
- خديچه بحنيه : حبيبي ممكن بس تسمعني
- يوسف بزهق : سامعك
- خديجه بهدوء : غصون بنت كويسه ي يوسف واللي حصلها ده غصب عنها يعني مش بإرادتها كفاية انها اخت مصطفي
- يوسف بضيق : قولي بقي كده
كل ده عشان مصطفي
خديجه قامت وقفت واتكلمت بعصبيه : يووووووسف احترم نفسك
يوسف بهدوء : انا اسف ي خديجه بس صدقيني مش هقدر اتجوزها
خديجه بحزن : دا اخر كلام عندك !!؟
يوسف بتنهيده : ايوة
خديجه بجمود : تمام من النهارده اعتبرني مت ي يوسف
يوسف اتصدم من كلامها وعلي م استوعب اللي هيه قالته كانت سابت البيت ومشت
قعد مكانه وحط وشه بين ايديه : ليه كده ي خديجه ليه ؟؟ بقلمي اميرة محمد محمود
بتحطيني ف موقف صعب واختيار اصعب منه ربنا يسامحك ي شيخه انتي المسؤله عن اللي هيحصل
_________________
خديجه رجعت بيت جوزها والزعل باين علي وشها
مصطفي بقلق : مالك ي حبيبتي انتي كويسه ؟
خديجة بإبتسامه : كويسه ي حبيبي
مصطفي بعصبيه طفيفه : ي خديجه انتي حامل يعني خروجك ده مينفعش
خديجه مسكت ايديه بحنيه : عارفه ي مصطفي بس كنت بزور يوسف وهوة مش بعيد دي العمارة جمبنا اهي
مصطفي حضنها : يستي انا اجبلك يوسف لحد عندك بس خلي بالك من نفسك ومن ابني
خديجه بدموع : يوسف اخويا الوحيد مليش غيرة بعد ماما وبابا ونفسي اتطمن عليه
مصطفي بمرح : وانا روحت فين يست خوخه ؟
خديجه مسحت دموعها وضحكت : انت جوزي وحبيبي وكل حاجه ليا وكمان ابو ابني اللي هييجي قريب علي الدنيا دي
مصطفى بحب : ربنا يخليكي لينا ي حبيبتي
خديجه : يارب ي حبيبي اومال عمي فين
مصطفي : راح الشغل
خديجه بقلق : طيب انا هروح اطمن علي غصون
مصطفي اتنهد : انا حزين عليها اوي ومش قادر اشوفها بالمنظر ده
خديجه بحزن : انا متأكده انها هترجع احسن من الاول
مصطفي بحزن : اتمني بقلمي اميرة محمد محمود
______________________
ف نفس البيت ف اوضه مش ببزورها النور موجوده الدكتورة غصون الهلالي اللي اتعرضت للاغتصاب علي يد شاب حقير مجهول الهوية ، كلامها بقي قليل من شهرين بعد وقوع الحادثه ، اعتزلت مهنتها المفضله ، بقت تسمع موسيقي بس وتتفرج علي الناس من شباك اوضتها اللي بيطل علي البحر ورافضه الكلام مع اي حد حتي اخوها وابوها ، مامتها متوفيه ، صاحبتها المقربه تخلت عنها ، حياتها تغيرت تماما
• دخلت عليها خديجه ودي بتحب غصون اكتر من يوسف اخوها
خديجه بحب : اذيك ي قلبي اتمني مكونش اتأخرت عليكي
غصون ابتسمتلها وهزت راسها ب لا
خديجه بإبتسامه : حلو
بصي بقي انا عايزة اتكلم معاكي ف موضوع كده
غصون بحب : اتفضلي
خديجه بقلق : انا مش هدخل ف تفاصيل ي غصون ربنا
يعلم انا بحبك قد ايه وعشان كده حابه انك تكوني مرات اخويا
غصون بصدمه : انتي بتقولي اي ؟؟؟؟؟
خديجة بتوتر : هتفضلي عايشه طول الوقت كده لازم تشوفي حياتك ومستقبلك ارجعي ي غصون انتي وحشتينا اوي صدقيني يوسف اخويا حنين وهيعاملك بما يرضي الله
غصون بدموع : لو سمحتي ي خديجه سبيني لوحدي
خديجه بخوف : بس ....!!
غصون بمقاطعه : لو سمحتي
خديجه بأسف : حاضر
غصون قعدت ف البلكونه وبتفكر : كفاية كدا لحد ايمته هفضل عاله عليهم ، خديجه مش عارفه تاخد راحتها ف بيتها ، وبابا تعبان من ساعت اللي حصلي كفايه ي غصون كفاية ، الدنيا منتهتش لحد هنا يمكن يكون عوضي ف يوسف بس انا مش قادرة ادخل ف اي علاقه معنديش طاقه لاي مسؤليه ،انا ...انا خايفه اطلع الشارع
دخلت اوضتها وقعدت تعيط علي حالها وانها ضعيفه مش قادرة تواجهه مصيرها بقلمي اميرة محمد محمود
____
يوسف بضحك : اومال عملتي الشويتين دول ليه طالما هترجعي تكلميني
خديجه بإستفزاز : خد عندك الجديد
يوسف ببعض القلق : اشجيني يختي منتي مبيجيش من وراكي غير البلاوي
خديجه بضحك : لا المرادي كل خير
يوسف بتوتر : ي خوفي من ضحكة الرقاصين دي
خديجه بجديه : انا كلمت غصون امبارح وقولتلها انك طالب ايديها بس مستني موافقتها عشان تتقدم رسمي
يوسف : خديجه من وقت هزار خالص
خديجه بجمود : بس انا مش بهزر ي يوسف انا فعلا عملت كدا
يوسف بزعيق : انتي ازاي تعملي حاجه زي كدا من ورايا انا لا يمكن اقبل بالكلام ده بقي عايزة تجوزيني غصون المغتصبه بقولك ايه خليها تبص لنفسها ف المرايه مفيهاش ريحة الانوثه مش فاهم هيه ازاي دكتورة اطفال معقول مش بيخافوا منها
خديجه بغضب مكتوم : تمام ي يوسف بكرة تيجي الساعه 8 عشان تطلب ايد غصون
وقفلت السكه ف وشه ، رمي التليفون ف الارض اتكسر حتت
يوسف بعصببه وصوت عالي : غصون ، غصون ، غصون طلعتلي منين ست زفته دي كمان
خديجه فضلت تلح علي غصون طول اليوم لحد م خلتها توافق ، مصطفي ووالده كانوا خايفين اوي عليها ومستغربين ازاي يوسف يقبل بيها وبرضو خديجه اقنعتهم
اما غصون مش لاقيه حد يفهمها ويقدر اللي هيه فيه سلمت امرها لله ووافقت تقابله
تاني يوم يوسف جه وقعد ف الصالون وبعد شويه جات غصون واول م دخلت عنده اتصدم وقام وقف
فولو لو سمحتو عشان يوصلكم البارت الجديد ولو لقيت تفاعل هينزل علي طول
#البارت_الاول
#سمراء_احتلت_كياني
#حكيات_ميرا
#البارت_التاني
تاني يوم يوسف جه وقعد ف الصالون وبعد شويه جات غصون واول م دخلت عنده اتصدم وقام وقف لابسه اسود ملامحها باهته وخاسه وكانت بالنسبه ليوسف اوحش بنت قابلها
يوسف لنفسه : طب ودي اتعامل معاها ازاي ي خسارة شبابك ي يوسف هيضيع هدر
غصون بتوتر : احم ...اتفضل
يوسف بإحراج : تمام
غصون قاعده بتفرك ف ايديها : قول اللي عندك ي استاذ يوسف عشان اكيد انت مش جاي لحد هنا بإرداتك
يوسف بتوتر : قصدك اي ؟
غصون بحزن : طبعا الكل عارف اللي حصلي يعني مفيش حد يقبل علي نفسه يتجوز واحده مغتصبه
يوسف بهدوء : مش كل الناس زي بعضها وانا حابب اخد فرصه
اتنهد بشده وبعدين بصلها بإبتسامه مزيفه : هعرفك بنفسي من اول وجديد اعتبرينا اول مرة نتقابل
معقبتش علي كلامه بس من جواها مرتاحه وف نفس الوقت مستغربه بقلمي اميرة محمد محمود
يوسف بإبتسامه مصطنعه : اسمي يوسف العمري عندي تسعه وعشرين سنه ، خريج كليه هندسه ، بملك شركه صغيرة علي قدي انا اللي بديرها ، مليش غير اختي خديجه ، باقي عيلة امي وابويا عايشين ف الصعيد ، هاا تحبي تعرفي عني اي تاني
غصون بحزن دفين : اشمعنا انا ؟
يوسف بهدوؤء : بصي ي انس.....
رجع كلم نفسه : انسه اي بس استرها عليا يارب
يوسف بإبتسامه عريضه : بصي ي غصون مش هقول اني بحبك يكفيني اني اعرفك معرفه شخصيه ، انا مقتنع ان الحب بييجي بعد الجواز ، انا همشي دلوقتي واتمني من قلبي يوصلني ردك بالموافقه
غصون ابتسمتله بحزن ووهوة خرج سلم علي اخته بغيظ وروح
خديجه رحتله البيت عشان تفهم الموضوع اكتر
يوسف بغضب : عملتي اللي انتي عايزاه استحملي بقي النتيجه
خديجه بقلق : افهم اي من كلامك ده
يوسف بعصبيه : هعاملها اسوء معامله هخليها تطلب الطلاق بنفسها
خديجه بخوف : حرام عليك ي يوسف البنت فيها اللي مكفيها صدقني محدش يقدر يسعدك غيرها
يوسف بجمود : روحي بيتك ي خديجه
خديجه بصدمه : ايه
يوسف بعصبيه : يلاااا
خديجه دموعها نزلت غصب عنها وسابت البيت ومشت
_________
بعد م غصون قابلت يوسف حست انها مرتاحه بس خايفه ييجي عليها يوم وتندم علي قرار زي ده وهيه ف تفكيرها دخل عليها ابوها
جلال بضيق : دا اول عريس يتقدملك بعد اللي حصل وانا قولتلو اننا موافقين لحسن يغير رأيه كويس انو قبل بيكي
غصون بدموع : اللي حضرتك تشوفو ي بابا
جلال بغضب : اياكي تتجرئي تقوليلي ي بابا تاني انا كرهت اليوم اللي جيتي فيه ع الدنيا
غصون بضعف : انا ذنبي اي ف كل ده
جلال بعصبيه : ذنبك انك بنت وجبتيلي العار
قام وقف مسكها من شعرها ف صرخت : خديجه هتسالك علي رأيك تقوليلها موافقه انشالله تشتغلي خدامه عنده
الناس عمرها م هتنسي اللي حصل حتي لو انتي نسيتي
بقلمي اميرة محمد محمود
غصون بعياط : طول عمرك بتكرهني وبتفضل مصطفي عني كل ده ليه ي بابا ليييييه
جلال بكرة : مش طلعالي شكلك وحش و....
غصون بضعف : دا مش ذنبي ، شكلي ده مش بإيدي ، انا دخلت كلية طب عشانك ، عشان تبقي فخور بيا
كملت بحزن ودموع : انا خسرت كتير اوي ي بابا وتعبت ياريتني مت ياريتنيييييي
ابوها ساب شعرها واتكلم بجبروت : مفيش زفت فرح هنتفق معاه ع الفرح الاسبوع الجاي
خديجه ومصطفي سمعوا صوتهم ودخلو عندهم
خديجه جرت علي غصون خدتها ف حضنها
مصطفي بخضه : في ايه ي بابا
جلال : عقل اختك ي مصطفي
خديجه بحزن : في ايه ي عمي اي اللي حصل
جلال بصلها بغضب وشاور على خديجه : شايفه بنت الاصول اللي رافعه راس اهلها
خديجه بعد فهم : غصون عملت اي ي عمي
جلال بغضب : عملت ايييه ؟
قولي معملتش ايه ي خديجه
مصطفي بهدوء : اتفضل ي بابا معايا
جلال خرج مع مصطفي ورزع الباب وراه
خديجه حاضنه غصون وهيه بتعيط : انا ليه بيحصل معايا كده ليه ي خديجه
خديجه بدموع : دا نصيبك ي حبيبتي قولي الحمد لله
غصون بعياط هيستيري : اخوكي عايز يتجوزني ليه ي خديجه
خديجه بتوتر : عشان بيحبك ي غصون
غصون مصدقتهاش ومسكت ايديها وخرجتها برااا الاوضه وقفلت الباب وقعدت تعيط وراه
بقلمي اميرة محمد محمود
__________________________
مصطفي بغضب مكتوم : وهيه ذنبها ايه ي بابا عشان تعاملها بالطريقه دي
جلال بعصبيه : انا قرفت من البت دي وجبت اخري اتصل يلا علي يوسف
مصطفي بحزن : بس ي بابا .....!!
جلال بجديه : اعمل اللي بقولك عليه من غير ولا كلمه
مصطفي طلع التليفون فعلا واتصل علي يوسف وعطا التليفون لباباه
يوسف بضيق : ايوة ي عمي ازي حضرتك عامل ايه
جلال بهدؤء : الحمد لله يبني كنت بتصل عشان ابلغك ردنا
يوسف لنفسه : يارب يرفضو ...يارب يرفضو
يوسف بقلق : احم اتفضل ي عمي سامعك
جلال بإبتسامه مزيفه : احنا موافقين يبني
يوسف بسرعه : ليه كدا بس
جلال بصدمه : نعم ؟؟؟؟؟
يوسف بتوتر : قصدي ي عمي ادي فرصه للانسه غصون تفكر
جلال : لا يبني هيه موافقة
يوسف بضيق : علي بركة الله
جلال بقلق : طيب عايزين نحدد معاد الفرح
يوسف : الفرح ؟
بالسرعه دي بقلمي اميرة محمد محمود
جلال بإحراج : انت رجعت ف قراراك ولا ايه ي يوسف
جلال بغضب مصطنع : عيب ي عمي الكلام اللي بتقوله بكرة هكون عند حضرتك عشان نحدد المعاد اللي يناسبكم
جلال بفرحه : تمام مع السلامه
يوسف قفل تليفونه ورماه جمبه بعصبيه : طيب ي غصون ان م وريتك النجوم ف عز الضهر مبقاش انا يوسف العمري
• غصون عيطت كتير قامت مسحت وشها ووقفت قدام المرايه : انا السبب ف كل اللي بيحصلي ، عشان غببه وضعيفه وشكلي هفضل طول عمري كده ، لما الحيوان اغتصبني كنت ضعيفه ومعرفتش ادافع عن نفسي ، لما اتخليت عن شغلي كنت ضعيفه لحد ايمته هفضل كداااااااا
كسرت المرايه علي الارض والبيت كله جه علي صوتها وبيخبطوا علي الباب وهيه ولا هنا
مسكت حتة من المرايه وحطتها علي ايدها و...
ي جماعه الروايه هتنزل كل يوم الساعه 11 بالليل لو لقيت تفاعل كويس هنزلها بدري عن كدا ♥
فولو ومنشن لصحابكم لو سمحتو واتمني البارت ده يعجبكم 🥺♥
تعليقات
إرسال تعليق