 |
-مش معنى انى اتجوزتك يعنى تقربى كداا منى ... بصتله بأستغراب
-نعم الهدوم بتاعتى وراك اقرب منك اى
بعد شوية عنى
- احم انا اسف فكرتك
- بص ي يوسف مش معنى انى هربت من اهلى وجيتلك واتجوزنا ده يثبت انى بحبك وعاوزاك انا اتجوزتك مضطرة
بصلها بغيظ شكله حب يغيظها زى ما غيظته
- ومين قالك أن انا كمان عاوزك انا بس وافقت على كداا عاشان عارف اهلك وحشين قد اى وازاى كان هيجوزوكى لراجل قد ابوكى وانتى بنت عمى ولازم اساعدك برضو ومكانش ينفع نعيش انا وانتى فى بيت واحد فعاشان كداا اتجوزتك
بصتله بوجع
- تمام بس انا خايفة لاهلى يعرفوا انى عندك
- وانتى شكلك متعرفيش مين هو يوسف المحمدى
- مغرور اوى ..قرب كداا وابتسم بخبث
- والله مكنتيش تجيلى
بعدته بأيديهاواتكلمت بأبتسامة ظهرت غمازتها اللى بتخلى ضحكتها قمر
- ما علشان واثقة فيك وان انت عمرك ما تعمل حاجة غصب عني مش كداا ي يوسف ولا اى
يوسف كان تايه وفى ضحكتها وسرحان
- يوسف ..انتبه ليها وهى بتشاور بأيديها قصاده
=هاا بتقولى حاجة ي ليلة
- لا انا هاروح انام
ليلة راحت تنام بهدوء .. يوسف راح وراها
- اى ده انت هتنام فين
= هنا .. وكان بيشاور بأيده على السرير
- وانا هنام فين
= هنا برضو
- لا انا هاروح انام مع دادة توحيدة
= كل اللى فى البيت عرف انك مراتى عيب أما تكونى مرات يوسف المحمدى وتنامى مع الخدم والدور ده مفيهوش غير اوضتى واوضة الرياضة ومش هسمحلك انك تنامى على الارض وانا كمان فنامى بهدوء ومتتعبيش قلبى
ليلة سمعت كلامه ونامت بعد شوية
- يوسف
رد وهو مغمض عينه
= نعم
- عاوزة اشتغل معاك فى الشركة
فتح عيونه وبصلها
= لى تشتغلى اقعدى هنا
- همل انا كداا عاوزة يبقا يومى مليان اعمل اى حاجة وانت عارف انى متخرجة من تجارة انجلش
= اه بس دفعة السنادى يعنى عاوزة تدريب
- شغلنى اى حاجة خلينى معاك
بصلها
- هشوف الموضوع ده بعدين نامى بقاا
ليلة نامت وهى فرحانة انها راحت للشخص الصح بصت عليه وهو نايم ومغمض عيونه ابتسمت على شكله بصتله شافت زراير القميص اللى لابسه مفتوح وفيه خرابيش على صدره قربت منه مسكت القميص وبتشوف الخرابيش يوسف حس بحاجة ماشية عليه لأنها كانت بتحسس مكان الخرابيش فتح عيون ومسك ايديها
- انتى بتعملى اى
قفل الزراير
= يوسف مين عورك كداا
- ليلة انتى مبتناميش ليه ممكن تنامى
- انت انت متعو
قاطع كلامها
= نامى ي ليلة .. بصتله وسمعت كلامه ونامت وهى بتفكر مين ممكن يكون عوره بالمنظر ده
الصبح على السفرة يوسف جهز نفسه وشاف ليلة وهى نايمة محبش يقلقها نزل لقا دادة توحيدة بتحضر الفطار
- كنت لسة هصحيك
يوسف بصلها
= اه ما انا صحيت ليلة نومها مقلق
قعد على السفرة ودادة توحيدة بتكلمه
- انا خايفة ي يوسف أهلها يعرفوا مكانها
يوسف بصلها وهو بياكل
- انا فى محافظة وهما فى محافظة تانية خالص وبعدين محدش هيفكر أنها هتجيلى بعدين ي دادة ليلة بنت عمى استحالة اسبها بعد اللى حكتهولى
- اصيل ي حبيبى ربنا يخليكوا لبعض
= متربى على ايدك ي دادة ويخليكى لينا همشى انا بقاا ليلة تصحا خليها تفطر محدش يزعلها ي دادة
- متخافش ي حبيبى ده فى عيونى
يوسف مشى ركب العربية مسك فونه عاشان يرن على حد
قصى كان نايم
= اى ي يوسف عاوز اى
- ده انا هطربقها فوق دماغك ي قصى نص ساعة وتكون فى الشركة وعند مكتبى
= انا عندى شغل فى الاسم انت اتجننت ولا اى مش جاى بعدين انا مصدع ومش عارف انا فين يوسف انا فين
- فين اى وانا اعرف منين ده انا فضلت اتصل عليك كتير امبارح وانت ولا هناا اصلا
قصى بص حواليه مش فاكر حاجة بص جمبه لقاا واحدة وتقريباً من غير هدومها اتفزع
- يوسف الحقنى
= اى فى اى
- مش عارف يوسف انا كنت فين امبارح انا على سرير وجمبى واحدة فى اى
= انت قولتلى انك بتراقب حد فى كباريه تقريباً اللى هو تاجر المخدرات انت فقدت الذاكرة ي قصى انت عملت اى
- والله ما عارف عملت اى انا مش فاكر
فجأة البنت صحيت بصتله
= صباح الخير يا حبيبى
- حبيبى انتى مين ي بت انتى
-اى ده انت مش فاكر ليلة امبارح ده انت حتى كنت سكران خالص ي قمر
وقربت منه قصى زقها واتكلم بعصبية
- انتى اتجننتى متعرفيش انا مين وقام من جنبها وخد هدومه وخرج
وكل ده يوسف سامع اللى بيحصل
= خلص وتعالى نشوف هببت اى انا فى الشركة
قصى قفل معاه
ويوسف راح الشركة والكل وقف احتراماً ليه فهو صاحب اكبر شركة استيراد وتوريد الحديد وسيم جداا أما قصى صديق يوسف وبيكون ظابط واتقابلوا هما الاتنين فى مكان واحد كان قصى فى مأمورية ويوسف كان فى اجتماع اتعرفوا على بعض وبقوا أصحاب اوى وكل حاجة بيعملوها مع بعض وقصى يعتبر اوسم من يوسف شكله حلو جداا
دخل يوسف المكتب وضغط على الزرار اللى جنبه علشان السكرتيرة تدخله وبالفعل دخلت سما
يوسف بصلها وللبسها عارف انها بتبقاا قصدها تغريه
يصلها بقرف
- هاتى الملفات
مالت عليه وهى بتديله الملفات فشاف جزء من جسمها ارتبك شويه وبعدين وقفت
= شكرا واه فى واحدة هتيجى مكانك بكراا
- لى هو انا غلطت فى حاجة حضرتك
= لا هنقلك قسم تانى وياريت تعرفى انك فى شركة محترمة ولبسك لا يليق بالمكان
كانت هترد فجأة قصى دخل واتكلم
- انا ازاااااى عملت كداا ازااااى
سما شافته خرجت وقفلت الباب عليهم
= اهدى اقعد
قصى بيلف رايح جاى طب لينا هقولها اى انا كدااا خونتها
- ممكن تقعد تبطل تلف
قصى قعد قصاده
- هتعمل اى لو عرفت
= ومين هيقولها انا وانت بس اللى نعرف وقولتلك روح اتقدملها انت اللى صابر على اى مش عارف
- ابوها هيرفض
= جرب وانا اجى معاك لو بتحبها هتعافر عاشانها
- ضميرى واجعنى اوى ي صاحبى انا خايف
= حاجة غصب عنك خلاص
يوسف حب يهديه فمداش للموضوع أهمية زيادة
******************************
ليلة صحيت ملقتش يوسف غيرت هدومها نزلت لقت دادة توحيدة
- هو فين يوسف ي دادة
= راح الشركة وقالى اخليكى تفطرى كويس
- لا انا مش جعانة انا رايحله انا قولتله امبارح
فجأة طلعت على السلم
= تعالى بس يبنتى يوسف هيزعل مبيحبش حد يعمل حاجة من غير اذنو
- انا قولتلو ي دادة
لبست ونزلت
= ربنا معاكى ي بنتى
راحت الشركة وبصت ليها قد اى جميلة وكبيرة سألت على مكتبه لقت سما قاعدة ليلة بصتلها من فوق لتحت واتغاظت أن دى سكرتيرته لأنها شافت لبسها وشكلها
جت تدخل من غير اذن
سما اخدت بالها و........
#يتبع
#ملجأى
#ملجأى
البارت الثاني
سما خدت بالها منها
- انتى ي بنتى انتى داخلة فين
ليلة بصتلها وربعت ايدها
= عند يوسف
- يوسف حاف كداا انتى متعرفيش مين استاذ يوسف المحمدى
= وانتى مالك ي بتاعة انتى ادخل مدخلش انتى مالك كنتى مين
- انا سكرتيره هنا والمفروض انا اللى اقول مين يدخل ومين ميدخلش
ليلة بصت لها وحبت تستفزها
- سكرتيرة والله بلبسك ده فكرتك جاية ترقصى
فجأة سما وقفت مكانها
- انتى ي حيوانة مين انتى عاشان تتريقى على لبسى
= انا حيوانة ي يوسف يوسف
يوسف كان مع قصى سمع صوت ليلة قام جرى وفتح المكتب وقصى وراه
جرى عليها
- ليلة انتى كويسة فى اى جيتى ليه
سما كانت بتبص ليوسف ومتغاظة ازاى يوسف يعاملها بالمنظر ده
= انا كويسة أهدى مفيش حاجه بس ينفع دى تقولى ي حيوانة
يوسف بص لسما
- والله هى اللى اتريقت على لبسى
يوسف صوته على
- سما انزلى لنادر ينقلك قسم الحسابات وهتكونى سكرتيرته ليلة هتكون سكرتيرتى
سما بصت لليلة بغيظ بصت لشكلها وعيونها التى تشبه لون الليل وحجابها الذى يغطى شعرها شفتيها الصغيرتين ووجهها الابيض فهى ليلة المحمدى أنها جميلة حقا
قصى واقف متابع الموقف واتكلم
- هو انتى لسة واقفة عندك هو مش قالك انزلى لنادر
سما بصت ليهم وهى تتوعد لليلة خدت حاجاتها ونزلت
ليلة بصت ليوسف بحب وفرحانة انو عمل كداا
- انا اسفة انى خرجت من غير ما اقولك وجتلك كداا فجأة
= متتكررش تانى سماح المرادى وهتبقى سكرتيرتى الخاصة اهو كمان
ليلة راحت على المكتب وقعدت وفرحانة قصى فضل السكوت ومرضيش يسأل على حاجة هو ده طبعه طالما محدش حكاله حاجة يبقاا ميسألش
- انا هاروح القسم انا ي يوسف عاوز حاجة
يوسف بصله
= لا خلى بالك من نفسك وزى ما اتفقنا ي قصى لينا مش لازم تعرف وتحدد ميعاد مع ابوها ومتقلقش
قصى هز رأسه ومشى
يوسف بص لليله شايفها متابعة قصى وهو ماشى
-اى عاجبك
= هو مين ده
- صاحبى وبطلى أسأله كتير تعالى اقعدى معايا جوة
- مش المفروض ده مكتبى
= هقولك على حاجه وافهمك طبيعة الشغل
ليلة دخلت وراه وبصت لمكتبه قد اى شيك وجميل قعدت على الكنبة جه قعد جمبها
- بصى مش لازم حد يعرف انك مراتى انتى هنا سكرتيرتى وبس
= اى يعنى مستعر منى
يوسف قرب منها تانى
- حد يستعر من القمر ده الفكرة انى خايف الموضوع ينتشر وامك وابوكى يوصلهم خبر خلينا بعاد احسن بعدين انتى هنا سكرتيرتى لكن هناك فى بيتنا مراتى
= حاضر
يوسف قعد يبص لعيونها قد اى هى جميلة ورقيقة
- روحى على المكتب ي ليلتى
= ليلتك
- اى حرام ادلع مراتى
ليلة ضحكت وخرجت
*******************
فى بيت بسيط قاعد راجل كبير بيشرب سجاير
- هربت بنت ال والله لموتوكم وهحبسك ي متولى
متولى ابو ليلة
= انا هجبهالك لحد عندك متقلقش
- متعملش حاجة انا اللى هجبها وهتجوزها ده انا دافعلك فيها دم قلبى بس لو مجتش اعتبر أن موتك انت والمحروسة مراتك وبنتك قرب
متولى بصلة بخوف لانه راجل خطير جداا وفجأة مشى من البيت
خرجت ام ليلة من الاوضة
- هتعمل اى ي متولى الراجل هيقتلنا شوف بنتك اللى مش متربية دى راحت فين
= عجبها والله لاجبها
حياة فى الاوضة وبتكون اخت ليلة هى اللى عارفة مكانها فين ليلة قالتلها تعالى معايا وهى رفضت
- وحشتينى ي ليلة يارتنى روحت معاكى
فجأة متولى دخل عليها بعدت حياة بخوف
= انتى ي بت الوحيدة اللى قريبة من اختك انطقى هى فين
حياة اتكلمت بخوف
- مش عارفه ي بابا هى فين
فجأة متولى ضربها بالقلم ومسك شعرها
- انا لو عرفت انك عارفة مكانها ومقولتليش هقتلك ي حياة فاهمة
ورماها على الأرض اتخبطت فى الترابيزة
وفتحية امها كانت بتبص عليها خرج من الاوضة
- قولى هى فين ليموتك انا عارفة انك عارفة بتحبيها على اى هى لو كانت خايفة عليكى زى ما انتى خايفة عليها كداا كانت خدتك معاها
حياة كانت بتعيط على الأرض وساكتة
فتحية قفلت الباب عليها بالمفتاح
حياة لنفسها
- اه ي ليلة يارتنى سمعت كلامك
**********************
فى القسم قصى قاعد وعمال يتصل بليان مبتردش خالص
- ي ليان ردى متوجعيش فى قلبى
اتصل تانى والفون بيرن بس وفجأة رد عليه سيف اخو ليان
- ماتت ليان ماتت ي قصى
قصى وقف مكانه ومش مستوعب حاجة
- انت بتكدب ي سيف صح قول انك بتكدب
= لا ي صاحبى ليان كان عندها سرطان وحالتها متأخرة وفجأة تعبت وودناها المستشفى ودخلت وحكتلى أنها بتحبك وأنها كلمتك وقالتلى اقولك أنها كانت مستنياك تجيلها وتتجوزها بس انت مجتش سيف كان بيعيط على اخته وبعدها قطعت النفس وماتت
قصى مش مصدق حاسس ان كل حاجة اسودت فى وشه مش عارف يعمل اى كل اللى حاسس بيه وجع فى قلبه قلبه اللى حب ليان اللى عمره ما شاف اطيب منها ولا فى حنيتها ديما كان يشوف حبها ليه بس هى فين دلوقتى هى فين الصدمة كبيرة الرؤية اتشوت وفجأة وقع من طوله و فكرت الرواية هتجيب ريتش أعلى من كدااا يلا الحمد لله
#يتبع
#ملجأى
البارت التالت
فى المستشفى
قصى فتح عيونه
- لينا هاتولى لينا
يوسف جمبه هو وليلة
=اهدى ي قصى هى فى مكان احسن
قصى بصله وزعق
- لا لا متقولش كدااا ليناا عايشة وهنتجوز ي لينااااااااااا انتى فيييييين
فجأة سيف دخل علي قصى
قصى قام من مكانه وجرى على سيف
- سيف سيف قولى أن لينا عايشة قول انت كنت بتعمل مقلب فياا صح
سيف بص للأرض بحزن
- يعنى اى اتكلم يعنى كداا خلاص مفيش لينا هى فين هى فين
= لسة دفناناها دلوقتى
= ودونى ليها انا عاوز اشوفها ودونى ليها
ليلة شافت منظر قصى دموعها نزلت يوسف راح لقصى
- ممكن تهدى انت لسة فايق من غيبوبة لولا الظابط حسن نقلك على المستشفى منعرفش كان حصلك اى
= ابعد عنى ي يوسف سيف خدنى ملكش دعوة بيوسف ودينى ليها ولا انا هاروحلها محدش يجى ورايا
جرى قصى وخد العربية ومشى
سيف جرى وراه أما يوسف قعد بتعب اول مرة يشوف قصى بالمنظر ده
ليلة جت قعدت قصاده
- متزعلش هيكون كويس
يوسف رفع راسه وبصلها
- لى بتعيطى طيب
ليلة عيطت اكتر
= الموقف اثر فيااا قصى صعب عليا
= حساسة انتى ي ليلة
ليلة ابتسمت ويوسف خدها وروحها وقال بكرة يشوف قصى
************************
قصى راح على المدافن وقعد قصادها وسيف جمبه
- سبنى معاها شوية ي سيف استنانى فى العربية
سيف سمع كلامه وقعد بحزن فى العربية مش مصدق أن اخته الوحيدة ماتت كل شوية يفتكر قد اى كانت طيبة وحنونة استحملت المرض ومتكلمتش لقاا دموعه بتنزل
- هتوحشينى اوى ي لينا هتوحشينى يقلب اخوكى
جوة قصى قعد على الأرض واتكلم بوجع
- كداا ي لينا كداا تسبينى ليه مقولتليش انك عيانة ليه ولا اه كنت ديما تقوليلى بكرة اموت وتعرف قيمتى كنت بضحك لأن كنت باخد الكلام بهزار بس طلع جد فجأة دموعه نزلت
فلااش باااك
لينا بتكلم قصى فى الفون
- انا تعبت ما تيجى تتقدملى انا صابرة عاشان بحبك ي قصى ارجوك خلصنى بقاا من الوجع ده
= ابوكى هيرفض عاشان ظابط وكل شغلى مخاطر
- لو بتحبنى هتعافر عاشانى هتقنعه ي قصى الله يخليك يلا قبل فوات الاوان
= حاضر ي لينا حاضر
- على فكرة انت لو بتحبنى زى ما بتقول هتعمل اى حاجه عاشانى بس انت مبتحبنيش
= رجعنا للكلام الاهبل تانى والله بحبك
= اثبتلى على العموم بكرة تعرف قيمتى لما اضيع من ايدك سلام ي قصى ومتكلمنيش الا اما اشوفك زفى بيتنا وبتطلبنى من بابا
وفجأة قفلت الخط
باااك
- كنتى وحشانى اوى ودلوقتى هتوحشينى العمر كلو مش هحب غيرك
قام ومشى هو وسيف
****************************
فى بيت يوسف فى اوضه الرياضة وبيلعب
لقاا ليلة واقفة وبتبص عليه وخايفة
يوسف خد باله ووقف لعب
- تعالى ي ليلتى فى اى خايفة كداا لى
= انت بتضرب فى البتاعة دى جامد انت بتعمل كداا لى
يوسف خد الفوطة وراح عندها
- بحب اهتم بجسمى
= ما انت جسمك حلو وكلك عسل اهو
يوسف فجأة ضحك
- ده انتى بتعاكسينى بقااا
ليلة اتكسفت وبصت فى الارض بعدين بصت على صدره والتعاوير فجأة حسست عليهم
= بيوجعوك
- لا جرح قديم
= مين عمل فيك كداا
يوسف فجأة وشه قلب ومرضيش يتكلم لان الحاجة دى بتفكره بحاجة مش عاوز يفتكرها
- يلا ي ليلة كفاية كداا روحى نامى
ليلة لاحظت انو ادايق
- يوسف انا زعلتك انا بس عندى فضول زيادة انا اسفة
يوسف فجأة حضنها حس قد اى أنه محتاج كداا بعد فترة ليلة خرجت من حضنه يوسف شالها
- يلا ي حببتى على النوم
ليله استخبت فى رقبته وناموا
****************************
طول الليل قصى منامش قلبه وجعه اوى بص لقاا الشمس طلعت لقا فونه بيرن شاف اسم يوسف مردش الفون رن تانى برضو مردش بعدين قفل الفون مش قادر يكلم حد
سيف فى البيت نايم من التعب فجأة سمع صوت باباه بيحاول يتنفس بالعافية
سيف قام مخضوض
- جرى عليه
- بابا مالك فى اى اتنفس براحة أهدى هتصل بالدكتور
سيف جرى بخوف يتصل بالدكتور ورجع لقاا باباه مرمى على الارض
جرى ناحيته
- لا ليه لا بابا سبتونى كلكوا ليه يابابا
ولكن مكنش في رد ولا نفس ولا اى حاجة
- يارب خدنى معاهم امى وابويا واختى سبتنى لى يارب أنا كداا بقيت وحيداً ياربب باباااااااا
*************************
حياة فى الأوضة عطشانة وجعانة الباب مقفول عليها
فجأة اتفتح وكانت امها فتحية
حياة راحت عند ماماتها
- ماما كفاية كدااا عقاب انا تعبت الله يخليكوا انتوا ليه معذبنى كداا هو انا مش بنتكم ارجوكى ي ماما
-قولى اختك فين واحنا هنرحمك
حياة سكتت وقعدت تعيط فتحية زقتها برجليها وخرجت
- خليكى تموتى
وقفلت الباب عليها تانى من برة
وحياة قعدت تعيط على امها وأبوها القاسييين وفجأة شافت الشباك مفتوح جريت وفكرت أنها تخلص نفسها من العذاب ده بس شافت قد اى المكان عالى جابت حبل ولبست إسدال ونقاب وقررت تروح لاختها وخدت فلوس كانت هى محوشاها وهدومها ربطت الحبل وليست الشنطة اتأكدت أن مفيش اى حد تحت ونزلت و.........
يا ترى مصيرها اى واى هيحصلها
#يتبع
حكايات هند
#هند_الحجار
البارت الرابع بعد التفاعل
تعليقات
إرسال تعليق