 |
💥البارت العشرين💥
بقلم ✍️ سلطان زماني
اخويا اول ما شاف وشي غضب ومسكني جامد
وقالي برد ايه الي يعمل في وشك كده
بصتله وانا فرحان واول مره احس من زمان بمعني كلمة اخ
وافتكر زمان لما كان حد يضربني ويجبلي حقي
شلال دموع نازل مني ابويا زقه بعيد عني
وخدني قعدني ويمسح دموعي براحه وخدني في حضنه
وقالي اهدا ياحبيبي
اخويا واقف في الصالة عمال يتنطط من الغيظ وعلي آخره
هيموت ويعرف مين
ابويا قالي اي حصل يابني
_ اتخانقت مع مراتي خناقة جامدة
ابويا ..بسبب ايه يابني وهي الي مخربشاك كده
_ اه هي بس انا عجنتها ضرب واهلها خدوها
ابويا ..ايه سبب المشكلة
_ سلوكها مش كويس واتخدعت فيها
ابويا..مش جايز يابني ظلمها ولا شيطان دخل بنكم
_ لا ياحج شفتها بعيني وسمعت بودني
اخويا .. شوفت ايه ياض
_ شفتها بتكلم حد فيديو وبشوف جسمها
اخويا ..وسيبها عايشة لحد دلوقتي ازاي سبتها تنزل
_ جابت أهلها واستقوت بيهم عليا ونزلت
اخويا ..وانت معندكش أهل
انت ياض مستهون بناسك وأخواتك وعلتك الي تسد عين
الشمس قوم بينا عرفني مكانهم بس انت وهقعدك زاي الباشا
واتفرج وحقك بيرجع من شوية الكلاب دول ..قوووم
ابويا .. اصبر يابني بس الاول نفهم منه الاول حق اخوك
راجع راجع مستعجلش شر يابني
_ هطلقها خلاص تغور في داهية بس المشكلة القايمة الي
مضلها عليها
ابويا ..بكام يابني القايمة دي
_ ١٠٠ الف جنيه
ابويا ..فداك اي حاجه رحتي عندك بالدنيا بكرا عدي نروح
البنك نسحب الفلوس ونخلص منها وارجعك لبنت عمك
وعيالك
_ وتفتكر أنها هتوافق ترجعلي دي تبقي ملاك مش بني ادمه
ابويا ..قالي اهي الملاك دي الي مش بتبطل تسال عليكي
وتطمن عليك مني ومن امك ..عمك اخويا كلمني عليك وقالي
شوف ابنك وشوف ايه الي وجعه مره واحده بس ومن بعدها مسالش وانشغل عنك
..الملاك كلمتني 1000مره ده الفرق بقا يابني بين الاصيلة
والخسيسة يلا لم هدومك وتعالي معايا لا يابا محمود هيجي
معايا أنا
_ اهدو بس انا كده كده هروح بكره استقيل من الشغل واخد
باقي مستحقاتي علشان مش عايز حاجه تفكرني بالي
فات ..أنا ماصدقت نفسيتي تهدأ. وهعمل اخر محاولة مع
مريم أننا ننفصل ب احترام ومن غير فضايح يمكن ربنا
يهديها وتتنازل أو تاخد نص القايمة بس
ابويا ..ياسيدي أنا هدفعهم انت مالك
_ ياحج والله خساره فيها ..يعني تبهدلني وتخرب بيتي وفي
الاخر لديها مكافة ادعيلي انت بس وان شاء الله خير ..أنا
عشمي في ربنا كبير
ابويا ..ونعم بالله قادر علي كل شي هروح أنا أصلي العصر
_ اصبر نازل معاك ياحج
ابويا ..خليك انت ما أنا اخوك معايا متتعبش نفسك
_ هنزل اصلي معاك ياحج
ابويا . يافرج الله .اهو كده انا اطمنت عليك ربنا يكملك
بعقلك يابني الصلاة دي علاج ودواء للقلب والبال مفيش
راحه ولا متعه ولا فرح ولا سعادة من غير صلاة يامحمود
الصلاة دي نعمة ورحمة من ربنا لعباده راحه وسكينة
وطمئنينه بلاش لا وكمان ناخد عليها اجر
دخلنا المسجد فرحان اوي ومبسوط بيهم حواليا خرجنا
وابويا قال ل اخويا الي شفته وسمعته النهارده ميتحكيش
لمخلوق اخويا قاله وده كلام برضو بتحكي ياحج وقالي
اليوم الي مش هترد علينا فيه اخوك هيجيلك قولتله لا ياحج
خلاص ودعوني وراجع شقتي فضلت اقراء قران واستغفر
كتير لحد العشاء ونمت علي الساعة ٨ الصبح صليت الصبح
ولبست ونزلت رحت اخد بقيت مستحقاتي لقيت حزن وزعل
في وششهم وكله عمال يقولي خليك وخد إجازة بدون مرتب
وانا صممت اني امشي وريهام جت قالتلي حقك عليا وانا
اسفه الي انت فيه ده كله بسببي ابتسمت وقولتلها حصل
خير ده نصيب ودموعها مغرقة وشها مدحت استأذن من
الشغل وصمم يجي معايا علشان يكلمني في موضوع ضروري
قولتله اني رايح ل ابويا المحل علشان اخلع منه قالي احنا
هنروح نقعد في شقتي هتكلم معاك شوية وروح مطرح ما
انت عايز قولتله ف ايه يامدحت قلقتني ما تقول هنا قالي
حاجه بخصوص مريم فضلت طول الطريق وانا سايق عمال
اخمن ياتراه في بينهم علاقة طب شفها مع واحد ودماغي
تودي وتجيب لحد ما طلعنا فوق وقالي ......
يتبع 💥 البارت ده عايز رايكم بس بدون ملصقات
اكيد مريم حصلها مصيبة بحد يستحق هو ال حصله رجاله طماعة
ردحذفتم
ردحذفتم تم تم تم
ردحذف