 |
البارت 💥 12 💥
بقلم ✍️ سلطان زماني
فضلت اكتر من 4 شهور عند رحمه وانا
تقريبا يوميا احلم بيهم وأقوم مفزوعه لحد ما رحت لدكتور
نفسي وكتبلي علي مهدات وبرشام منوم
ورحمه خلت بابا يجبلي موبيل جديد ليا وسيف مسبنيش
ومروان علاقتي بيه اتقطت خالص وكنت بطمن عليه واعرف
أخباره من سيف أو رحمه وعرفت اني مامته جبتله عروسة
عندهم من الغردقة واني مرات ابويا حكتلهم تاريخ امي كله
وزودت كلام من عندها وعمي ابو سيف قاله اني دي لو اخر
بنت في العالم مش هوافق انك تتجوزها
وعملت فيس بوك وضفت فيه سيف ورحمه وجوزها وعمرو
ابن عمي ورحمه بقت تنزلي صور علي صفحتها وتقول فيها
اني احلي واطيب اخت في الدنيا وتعملي منشن وانا ادخل
اعلق لحد ما بعتتلي عبير طلب صداقة قبلته وكلمتني قالتلي
هو انتي بقا عندك فيس وكلمتني مسانجر وقالتلي العضة
بتاعتك لسه معلمه في دراعي قولتلها والي انتو عملتوه لسه
معلم في قلبي اخبار الواد الي كنتي بتقفي معه في مدخل
الببت ايه ..قالتلي كويس وبيسلم عليكي وهيجي يخطوبني
من بابي قريب هنبقا نعزمك طبعا ده انتي مهما كان بنت بابي
ضحكت وقولتلها لا أنا أول ا رحمه اختي تولد هاجي واقعد
في بيت ابويا قالتلي تاني هو انتي محرمتيش قولتلها لا
جبله بقا جلدي تخين وخده علي كده أمها قالتلها انتي
بتكلمي مين يابت قالتلها ريم قالت ربنا يخدها هي ورحمه
في يوم واحد
قولتلها ادهاني اكلمها وشغلت الاسبيكر علشان
اسمع رحمه قولتلها بقا أنا ياماما ربنا يخدني أنا ورحمه
قالتلي جتك مو يابعيدة. انتي يابت لسه ليكي عين بعد الي
عملته فيكي
قولتله واي يعني ام وبتإدب وبتربي بنتها
صوتت وقالتي أنا مش امك وانتي بتكلمي بنتي ليه قولتلها
هي الي كلمتني اهي عندك اساليها
قالتلي طب يا حبيبتي خليكي في حالك وملكيش دعوه بينا
احنا ما صدقنا نرتاح ونسينا قرفك
قولتلها اول ما رحمه تولد هرجع الأوضه بتاعتي علشان
وحشتني هو أنا أقدر استغنا عنكم ده انتو حبايبي
ندهت علي بنتها وقالت ل عبير اقفلي الزفت ده دي عيله
بارده وبنت 60 كلب وهتحرقلي دمي وقفلت
رحمه ..هو انتي بجد هترجعي
_ اه ياحبيبتي بس لما تولدي الأول واطمن عليكي
رحمه ..هو أنتي مش مرتاحه هنا
_ متقوليش كده بس انا كده كده هرجع والحمد لله هديت
وارتحت وبقيت احسن دلوقتي
رحمه.. وسيف موافق انك ترجعي
_ اه قولتله وقالي شوفي عايزة ترجعي امتي وانا ارجعك
رحمه .. أنا ما صدقت نفسيتك ارتاحت ورجعتي لطبيعتك
علشان خاطري خليكي
ولا انتي تعبتي علشان محملة عليكي اليومين دول وانتي
الي قايمة بكل حاجه
_ اي الي بتقوليه ده يا اختي أنا اخدمك العمر كله والله وعلي
قلبي زاي العسل هو أنا عندي كام رحمه بس انا عايزة ارجع
اخد حقي
رحمه ..برقت واتصدمت من الكلمة وقالتلي تاخدي حقك ازاي
_ قولتلها انتي فهمتي غلط اخد حقي اني بنت الرجل ده
ومن حقي اعيش زيهم والبس زيهم وأخرج زيهم أنا مش اقل
منهم في حاجه
رحمه . ياحبيبتي انا هجبلك كل الي نفسك فيه
_ الي نفسي فيه أننا تفضل علاقتنا ببعض كده ومتتغيريش
معايا مهما يحصل يا اختي
رحمه ..أنا عمري ما اتغير معاكي ربنا يعلم معزتك وغلاوتك
في قلبي كل يوم بتزيد اكتر وحياة الي في بطني
_ وانا كمان والله أنا شفت منكم حنيه وحب وجدعنه
مشفتهمش من امي ولا بابا ربنا ميحرمنيش منكم ويخليكم
ليا
تعليقات
إرسال تعليق