مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

البارت (17) بقلم ✍️ سلطان زماني 

ايهاب بقا يجي البيت ويقعد وحابب القاعدة عندنا اكتشفت 

أنه طيب بجد وعلي نياتو وحنين كان بيشيل ابن رحمه 

وبيخده في حضنه وينزل يشتري ليه حاجات من تحت وفي 

مره ابنها وقع وقعد يبكي ويصرخ جامد ايهاب لما شفه كده 

فضل يبكي هو كمان وزعق ل رحمه علشانه 

لما كنت بنزل أنا وهو كنت بتعاكس وهو معايا وكان مش 

بياخد باله وكان بيقف يسلم علي صحابه وانا معه وكانو 

بيحترمو علشان أنا وقفه معه وهو لاحظ كده وكان يقعد 

يكدب ويقولي أنه تعب من الشغل وقرف الشغل وهو مش 

بينزل من البيت اصلا ولو راح بيقعد قدام المحل أنما هو 

ملوش دعوه بحاجه قاعد طيشة يعني وبياخد مصروف كل 

يوم من علاء اخوه الصغير 

رحنا مره  عنده المحل الي اخوه مسكه جبلي 

شوية لعب وحط ايده في دورج الفلوس وجبلي فلوس وقالي 

خدي

 وعلاء شافه رحت رجعتهم وضحكت 

خدهم تاني وبعصبية قالي خدي دول بتوعي وعلاء اتحرج وقالي خديهم 

زعق ل علاء وقاله أنا الي اقولها خديهم بس ضحكنا أنا 

وعلاء وقالي هو الي يقولك خديهم بس مشينا شوية وفي 

نص الطريق قالي فجأة سلام قولتله مش هتوصلني الاول 

وبعدين تروح انت

 قالي روحي انتي انا رجلي وجعاني 

وسبني ومشي فضلت وقفه متابعة من بعيد لقيته دخل محل 

بلاي ستيشن رجعت وفتحت باب المحل كان كله شباب وهو 

شافني قالي تعالي تعالي قولتله لا أنا مروحه وقفلت الباب 

وفضلت ماشية متنحه رحت قبلت صدام وخدني علي 

الموتسيكل بتاعه رحنا كافيه قعدنا فضل يلومني ويعاتبني 

علي حوار ايهاب ده ويلمح أنه بيحبني وانا قولتله انت زاي 

اخويا وصحبي الي مش بتكسف منه ولا بخبي حاجه عنه ولو 

قولت كده تاني يا صدام قسما بربي مش هتشوفني تاني ولا 

هتعرف حاجه عني . سكت شوية وقالي خلاص الي تشوفيه 

ياريم ..قولتله أنا عايزك تامنلي الطريق 

صدام ..طريق ايه يابت الي ائمنهولك

_ بصراحه كده وعلي بلاطة أنا هسرق ابويا 

صدام . تسرقي ابوكي 

_ ههههههههههه ده انا نفسي احبسه كمان 

صدام ..ده انتي بقيتي شريرة اوي 

_ هما الي خلوني كده ياصدام ده انا اوقات بقعد مع نفسي 

مش بعرفني وبستغربني اوووي فرق شاسع من اول ما جيت 

ودلوقتي 

صدام ..ما أنا ملاحظ ده فعلا 

_ كل ما افتكر حبستي في القوضه وابويا موجود والمفروض 

هو الي يكون مصدر الحماية والأمان ليا

 علشان يرضي مراته 

يسيب اهلها يعملو فيا كده وكمان يدخل يقنعني اني ابوس 

علي ايديها واترجها تسامحني علشان الموضوع يعدي 

ويخلص ويتخض وقلبه يوجعه علي رحمه لما اغمي عليها 

ويجري بيها علي المستشفي وانا يسبني للكلاب الصعرانه دي 

واهون عليه عادي والله أنا لو قطة ولا كلبه كنت هصعب عليه

صدام..ممكن طيب تهدي .انتي هتنسي وتعيشي حياتك امتي 

حرام عليكي نفسك طب ياستي لو مش بيصعب عليكي 

نفسك بلاش تفتكري الحاجات دي علشان أنا قلبي بجد 

بيوجعني عليكي  ببقا عايز اجيب رشاش واموتهملك كلهم 

اقسم بالله 

_ هنسي لما اخد حقي واوجع قلب كل واحد فيهم واكسرهم 

ابويا ده كلب فلوس .. شبشب ل امه رحمه بسبب الشقق الي 

كاتبها ب اسمها والفلوس الي بتسحبها ومحوشها من وراءه 

وورثها من ابوها ده غير الدهب الي بالكوم عندها 

الفلوس هي الي هتوجع قلبه 

صدام .. خلاص ياريم نرتبها سوء والي يريحك أنا معاكي فيه 

ورقبتي ليكي 

_ انا عرفت هو بيشيل الحشيش فين وسهل اني ادخل المكان 

بس عايزة حد يراقبلي الطريق علشان عمي وولاد عمي 

القهوة بتاعتهم هناك 

صدام ..سهلة ياسطا متشلش هم بس لو فرضنا طلعتي لقيت 

كيس او اتنين يبقا كشفتي نفسك اونطة 

_ امال اعمل ايه ياصدام 

صدام..انتي لازم تتأكدي اني فوق في كمية كبيرة علشان 

قلبه يوجعه بجد أنا لو حد جيه عندي المحل وسرق موبيل 

مش هزعل إنما لو جيت الصبح لقيت المحل كله فاضي مش 

بعيد تجيني جلطة واموت هههههههه

_ بعد الشر عليك ياحبيبي أن شاء الله هو ..😳

قصدي ياصدام 

صدام ..لا حبيبي احلي 

_اتلم بقا ياواد انت 

صدام ..ماشي هتلم يا ختي ..رقبي انتي الجو عندك واول ما 

تتأكدي اني الدنيا بخير في الشقة ليكي عليا اخلصلك الحوار 

ده ياغزال

يتبع.  عايز رايكم بس من غير ملصقات 👌 من غير ملصقات 

رايكم رايكم بس بس من غير من غير ملصقات  ملصقات

يارب نفهم بقا😂

تكملة البارت 17من هنا هنا هنا هنا