 |
دار الايتام
البارت الحادي والعشرون...
مال جاسر بجسمه كله عليها وفقد وعيه
تمارا..جاسر جاسر فضلت تضربه براحه على وشه جاسر فوق طب قولي مالك جاسر فوق والنبي قامت من مكانها وخرجت بسرعه من المكتب جريت على ليل وصلت ادام المكتب حاولت توقفها شاهي
شاهي...بصوت عالي استني هنا
فتحت تمارا الباب بسرعه من غير استأذان ولا حتى ادت شاهي اهميه دخلت وشاهي وراها
ليل..بغضب ايه اللي بيحصل هنا
عشق اتخضت وحست ان في مصيبه هتقع على دماغ تمارا
شاهي والله يامستر ليل حاولت اوقفها دخلت بسرعه
تمارا مستر ليل الحق بسرعه
ليل..حس ان فيها حاجه من خوفها
ليل..في ايه يا تمارا
تمارا..جاسر تعبان واغمَ عليه
ليل..بفزع ايييه خرج بسرعه من مكتبه وتمارا وعشق وراه شافهم ادم اتخض من منظرهم في اي ياليل
جريو بسرعه من غير ما يردو عليه
جري وراهم
دخل ليل بسرعه راح على جاسر اللي كان واقع عالكنبه زي الجثه الهامدة
ليل..جاسر جاسر ادم اتصل بالدكتور يطلع بسرعه
اتصل..ادم بسرعه بالدكتور بتاع الشركه
ثواني..وكان نوح كمان جه اول ما حس ان في حركه مش طبيعيه بره
بعد وقت بسيط جه الدكتور
الدكتور..ايه اللي حصل
ليل..مش عارف كان كويس الصبح
تمارا..صوتها باين عليه الخوف عيونها مليانه دموع هو كان كويس فعلا بس من شويه دخلت كان باين عليه التعب وماسك دماغه وعنيه كانت حمرا أوي حاولت اساعده يغسل وشه مقدرش اعد عالكنبه بسرعه وفضل ماسك راسه جامد وفجأه لقيته بيقع واغمَ عليه
طلع الدكتور جهاز الضغط
بعد ثواني
الدكتور..ضغطه عاللي جدا استحاله يكون كان كويس
ليل..بالعكس الصبح مكنش في اي حاجه
طلع الدكتور من شنطته حقنه وادهاله في الوريد ضغطه عالي بصوره مش طبيعية
ليل..طيب ننقله المستشفى
فى اللحظه دي ابتدا جاسر يحرك جفنه ويفتح عينه بضعف ويقفلها
حاول الدكتور يفوقه مستر جاسر سامعني
جاسر فتح عينه بضعف من غير مايتكلم
ليل..جاسر انت كويس سامعنا
طلع الدكتور حقنه تانيه وادهاله
عدت دقيقه وابتدا جاسر يستعيد وعيه اكتر فتح عينه
الدكتور..مستر جاسر سامعني
جاسر هز دماغه بضعف
الدكتور..الحمد لله هيبقى احسن بس معلش ساعدوني نأعده
مسكه..ادم وليل رفعوه وسندوله دماغه عالكنبه
فتحله ليل زراير قميصه الاولي وشال الكرافته بتاعته خالص
جاسر..بيركز فاللمه اللي جوه مكتبه مش عارف ايه اللي حصل عينه ركزت عاللي واقفه وسطهم باين عليها الخوف وبتمسح اي دموع تنزل بسرعه قبل ما حد يلاحظها
جاسر.بصوت ضعيف في ايه؟
الدكتور..سلامتك يا بطل انت قوللي ايه اللي حصل
جاسر..مفيش صداع بس شديد شويه
الدكتور ركبله جهاز الضغط مره تانيه
في اللحظه دي انتبه الجميع على صوت هايدي اللي وصلت هي وسامر اخوها كانت جايه تاخد فلوس من جاسر
هايدي..بتمثيل مصطنع ايه ده في ايه جاسر حبيبي مالك انت كويس
ادم..مفيش حاجه تعب بس شويه
هايدي..بتمثيل العياط طيب انت كويس نوديه مستشفي
ليل..بحزم ملوش لزوم ياهايدي هو احسن
كل ده وجاسر مش مدي اهتمام لهايدي وعيونه عاللي واقفه بحزن عليه وبخنقه وغيره واضحة من وجود هايدي
الدكتور..الحمد لله الضغط بينزل ضغطك كان عالي جدا انت تعبان من الصبح
جاسر..لا خالص انا كنت جاي كويس وابتديت شغل عادي بس من شويه حسيت بصداع بسيط وابتدا يزيد مع الوقت
الدكتور..عموما الحمدلله الضغط بينزل وشويه وهينتظم بس لازم تاخد حاجه للضغط العالي ده متسبش نفسك كده
جاسر..بس انا ديما ضغطي واطي
الدكتور..عموما انا هكتبلك تحاليل لازم تعملها وفأقرب وقت عشان تطمن على نفسك اكتر
جاسر..مش مستاهله يادكتور انا بس كنت مضغوط فالشغل الفتره اللي فاتت وانهرده كنت مضغوط برده يعني بسيطه
ليل..مش هنخسر حاجه لو اطمنت
جاسر..حاضر
الدكتور..الضغط رجع لطبيعته
ادم..الحمد لله
الدكتور..هستأذن انا بقى لو حصل حاجه كلموني فورا وياريت تاكل حاجه
ليل..ماشي يادكتور تقدر تنزل
خرج..الدكتور
ليل..انت كويس
جاسر..الحمد لله
ليل..لو حاسس بحاجه نروح المستشفى
هايدي..اه ياجاسر قوم نروح المستشفى
جاسر..مش مستاهله ياجماعه انا احسن كتير
ليل..متأكد
جاسر..اه والله ياليل صدقني مجهود مش اكتر
سامر..سلامتك يا جاسر
جاسر..الله يسلمك يا سامر
واول ما زهره وعشق سمعو اسم سامر عرفو انه اخو هايدي وهو ده اللي حكتلهم نور عنه وابتدو يبصو لبعض بتوتر
سامر..ليل باشا عامل ايه
ليل..بجمود بخير الحمد لله خير غريبة يا سامر اول مره اشوفك فالشركة
سامر..لا والله بس هايدي كانت جايه تشوف جاسر ورايح معاها اوصلها مشوار عشان عربيتها عطلانه
ليل..عموما منور
سامر..نورك ياباشا ازيك يانوح
نوح..تمام يا سامر
بص سامر عاللي واقفه ورا نوح واتصدم لما شافها
ليل..طيب يا جاسر انا هروح عالمكتب انا وعشق لو في حاجه كلمني
جاسر..ماشي يا ليل
ليل..تمارا
تمارا..ايوه يامستر ليل
ليل..خليكي متبعاه لو في حاجه بلغيني بسرعه
تمارا..حاضر
هايدي..كانت هتولع منها
خرج ليل وعشق
ادم..طيب انا كمان ياجاسر هروح عالمكتب شويه وارجع اطمن عليك
جاسر..ماشي
زهره..سلامتك يامستر جاسر
جاسر..الله يسلمك يازهره
نوح..وهو بيبص بغيظ عاللي باصص على نور بابتسامه سمجه
نوح..تمارا لو في حاجه بلغينا بسرعه
تمارا..حاضر
نوح..شويه وارجعلك يا جاسر
جاسر..هزله دماغه
سامر..انا كمان هنزل استناكي تحت يا هايدي الف سلامه ياجاسر
جاسر..شكرا يا سامر الله يسلمك
خرج نوح ونور اللي ظاهر على ملامحها التوتر والخوف لكن نوح محطش في دماغه وفكر ان هي بتعمل بكلامه لما حذرها من التعامل مع سامر
خرج وراهم سامر بسرعه
سامر.مش محتاج حاجه مني يانوح
نوح..لا تسلم ياسامر نورت الشركه
سامر..الشركه منوره برجالتها وبص على نور اللي ملامحها كانت متجمده وكانت حاسه بقبضه رهيبه في قلبها
سامر..بأبتسامه خبيثه اذيك يا انسه نور
نور..تمام
سامر..مستغرب اني شوفتك تاني بس سعيد اني شوفتك
نور..شكرا
سامر..انتي بتشتغلي هنا ولا ايه
وقبل ما ترد كان نوح هو اللي رد عليه
نوح..اه ياسامر نور بتشتغل معانا
سامر..ربنا يوفقك عموما مش هعطلكم مبسوط اني شوفتك يانور سلام يانوح
نوح..سلام
مشي..سامر وفضل نوح باصص عليه لحد ما اختفي من ادامه بص على نور اللي كانت باصه هي كمان عليه بشرود
نوح..بغضب واضح ايه هنفضل واقفين كده ولا ايه
نور..لاخالص انا داخله
دخلت نور ووراها نوح اللي كان حاسس بنظرات سامر ان وراها حاجه وتوتر نور ونظراتها هي وصحابها كانت بتثبت ده لاكن قرر انه يستنى لحد ما يعرف في ايه
اما عند..جاسر
هايدي..عامله نفسها مش واخده بالها من تمارا قربت منه ومسكت ايده
هايدي..جاسر حبيبي انت بجد كويس
جاسر..بيبص بطرف عينه على تمارا اللي واقفه بغضب بتحاول تخفيه لكن هو كان حاسس بيها
جاسر..وهو بيقوم يتعدل شويه سحب ايده من هايدي
وابتدا يقفل القميص كويس اه احسن ياهايدي الحمد لله
هايدي..طيب انت كلت ياحبيبي
جاسر..مش جعان يا هايدي صدقيني انا كويس
هايدي..بصت على تمارا واقفه كده ليه تقدري تتفضلي
تمارا..باصه على جاسر مستر جاسر مش محتاج مني اي حاجه
هايدي..على فكره انا معاه وبيتهيألي لو احتاج حاجه هقدر اساعده
تمارا..حست ان الدنيا بتسود ادام عنيها من عدم رده ومن احراج هايدي ليها ومن احساسها ان هايدي معاها حق لانه خطيبها ومن حقها تغير عليه
تمارا..اسفه انا بس بنفذ كلام مستر ليل عموما انا بره لوأحتاجتو اي حاجه
هايدي..برخامه شكرا
اتماسكت تمارا لحد ما خرجت من المكتب جاسر فضل عينه عليها لحد ما خرجت لكن مكنش قادر يتكلم او يقول حاجه تبان ادام هايدي انه في حاجه من ناحيته لتمارا خوف على تمارا وبيعمل زي ما ليل قاله انه يحاول يبعد تمارا عن اي حاجه تربطها ب هايدي
خرجت تمارا دخلت عالحمام وانفجرت من العياط وكأنها محوشه العياط ده من سنين بعد فتره بسيطه غسلت وشها وحاولت تظبط نفسها وتهدي شويه ثواني وخرجت اعدت على مكتبها ظبطت باقي شغلها خلصت وجهزت نفسها عشان معاد انصرافها هي والبنات زي ما ليل قالهم
هايدي..متأكد يا حبيبي انك مش محتاجني معاك
جاسر..لا والله ياهايدي انا ادامي وقت بسيط وهمشي عندي مشوار شغل انا وليل وبعدها هروح
هايدي..طب انت مش تعبان
جاسر..بزهق خلاص بقى ياهايدي والله انا كويس
هايدي قربت منه بخبث خلاص خلاص متعصبش نفسك انا بس قلقانه عليك
جاسر..لا يا ستي انا كويس ومش بتعصب انا بس مش عايزك تقلقي
هايدي..ماشي ياحبيبي همشي انا بقى عشان مأخركش مش عايز حاجه
جاسر..لا ياحبيبتي شكرا
قربت هايدي بخبث من خده في بوسه سريعه وطبعت الروچ بتاعها على خده بخبث عشان تمارا تشوفه
باي ياروحي هنزل بقى لسامر احسن ده مجنون ممكن يسبني ويمشي
جاسر..وهو مضايق من قربها ماشي باي ياهايدي
اعد جاسر بعد خروجها على مكتبه
هايدي..انسه تمارا
تمارا..بثبات ايوه يا انسه هايدي
هايدي..ياريت تطلبي عصير لجاسر
تمارا..تمام حاضر
هايدي..باصطناع حبها لتمارا ياريت تخلي بالك منه لو حصله حاجه تاني تبلغي مستر ليل
تمارا..اكيد
هايدي..ومش عيزاكي تزعلي مني على اي حاجه حصلت قبل كده خلينا نفتح صفحه جديده انا حاسه اني كنت سخيفه معاكي
تمارا..لا ابدا محصلش اي حاجه وانا مش زعلانه
هايدي..ميرسي ياتمارا يلا باي
تمارا..سلام
ثواني وجالها تليفون من جاسر..انها تدخله
خبطت تمارا ودخلت
تمارا..افندم يامستر جاسر
جاسر..وهو مركز في ملامحها اللي بتحاول تظهرها انها جامده ادامه على فكره تقدري تقولي جاسر
تمارا..معلش حضرتك عارف اننا في الشركه
جاسر..ماشي يا تمارا اللي تشوفيه..خلصتي شغلك
تمارا..كله تمام
جاسر..شكرا يا تمارا
تمارا..على ايه
جاسر..يعني على قلقك عليا على مساعدتك ليا يعني لولا انك موجوده معايا مكنش حد حس بيا غير لما يفضوا
تمارا..وهي مضايقه انا معملتش حاجه يامستر جاسر واي حد مكان حضرتك كنت بردو هعمل معاه كده
جاسر..مستفز من طريقتها بس عارف انها مضايقه وعاذرها تمارا مالك انتي كويسه
تمارا..الحمد لله
جاسر..امال انا ليه حاسس انك مضايقه
تمارا..زي ما حضرتك بتقول حاسس يعني مش متأكد
جاسر..بس انا متأكد يا تمارا انك مضايقه وعارف انك مضايقه من طريقه هايدي
تمارا حاولت تتماسك وتظهر بطريقه ثابته وانا هضايق منها ليه بيتهيألي مفيش حاجه تزعل
جاسر..بينفخ بغضب وبعد عينه عنها وحرك رقبته الناحيه التانيه لمحت تمارا الروچ اللي مطبوع على خده فضلت باصه بصدمه على خده رجع تاني جاسر بعينه عليها شافها مركزه جامد بطريقه غريبه
جاسر..في ايه بتبصي على ايه
تمارا..وهي صوتها مخنوق من العياط لا ابدا مفيش انا خلصت شغلي والمفروض اننا نمشي عشان نروح قبل ما والدت مستر ليل تيجي حضرتك محتاجني في حاجه
سكت جاسر وفضل باصصلها
سحبت تمارا منديل من على مكتبه ومدتله ايدها بيه
جاسر باستغراب ايه ده
تمارا..شيل اللي على وشك
قرب جاسر المنديل من وشه ومسح خده وبص فيه اتصدم وعرف ان هايدي كانت تقصد كل اللي عملته واتأكد انها ملاحظه علاقته بتمارا
بص جاسر بصدمه لتمارا
تمارا..بعد اذن حضرتك لفت تمارا واتحركت بسرعه ناحيه الباب لكن جاسر كان اسرع منها ومسك ايدها قبل ما تفتح الباب وقفل الباب بالمفتاح وسط زهول تمارا
اما عند ليل وعشق
ليل..كده انا فهمتك كل حاجه ياعشق في اي حاجه مش فهماها
عشق..لا خالص تقريبا فهمت كل حاجه
ليل..متأكده
عشق..ايوه
ليل..بتحدي هنشوف
ومدلها ايده بفايل في ورق
عشق..ايه ده
ليل..ده ورق صفقه حديد جديده العرض بتاعها مناسب جدا والسعر المطلوب مناسب اوي بس عايزك تشوفيها عشان المفروض ان 3ايام وهمضي موافقتي عالصفقه دي
عشق..تمام
ليل..تقدري يلا تقومي تجهزي عشان تروحي انتي والبنات
عشق..حاضر
قامت عشق ومشيت خطوتين لحد مكتبها عشان تاخد شنطتها بس وقفت فجأه وكل ده ليل كان عينه عليها اول مالفت بعد عينه عنها
عشق مستر ليل
ليل..ايوه
عشق..كنت يعني عايزه اسال حضرتك سؤال
ليل..في حاجه مش فهماها
عشق..لا خالص مش كنت هسأل على مهره وعشق كويسين
ابتسم ليل ووقف وفضل يتحرك باتجاها
ليل..مهره بخير الحمد لله بقت احسن كتير وبقت تأكل عشق ووقف ادامها بس عشق
عشق..مالها
ليل..وهو مبتسم بطريقه جذابه شقيه وجميله ومجنناني وليها شخصيه عجباني اوي
عشق..ارتبكت من نظراته
ليل..ايه موحشتكيش
عشق..لا وحشتني
ليل..خلاص تقدري تيجي تشوفيها اي وقت تحبيه
عشق..ياريت بس مش هقدر يعني مفيش سبب يخليني اروح
ليل..وانك تشوفي اللي اتولدت على ايدك ده مش سبب
عشق..معلش بس مش هقدر ابقى سلملي عليها ولو يعني نفع ان حضرتك تصورهالي اشوفها يبقى كويس
ليل..بابتسامه جميله ماشي ياستي بس حاولي عشان تفضل فكراكي
عشق..ان شاء الله بعد اذن حضرتك
راحت خدت شنطتها وموبايلها ورجعت عشان تخرج
ليل..عشق هتلاقو السواق واقف تحت مستنيكم
عشق..ماشي شكرا
ليل..العفو
خرجت عشق راحت تشوف تمارا ونور
اما عند جاسر وتمارا بعد ما قفل جاسر بالمفتاح
تمارا..بصدمه حضرتك بتقفل ليه
جاسر..انتي بتعملي معايا كده ليه
تمارا..انا مش بعمل حاجه
جاسر..وطريقتك معايا دي
تمارا..كل ده عشان قولت لحضرتك تمسح الروچ عموما انا اسفه مش هتتكرر تاني بس خوفت على شكلك ادام الموظفين مش اكتر
جاسر..وهو محاوطها في الباب بايده
قرب كف ايده من وشها وفضل يخبطها براحه على خدها وعلى اد عصبيته لكن كان بيحاول يتمالك نفسه خفتي على شكلي ولا اضايقتي من شكلي هه
بتعملي معايا ليه كده ياتمارا ليه بتحاولي تستفزيني هه ليه بتحاولي تعصبيني ليه بتحاولي تلغبطي دماغي اكتر ماهي متلغبطه كل ده وهو بيخبط باطراف صوابعه بنرفزه
اما تمارا كانت بتحاول تبعد وشها اللي وجعها عنه وتغمض عينها
تمارا..من فضلك سبني اخرج
جاسر..ليه تعباني معاكي؟
تمارا..ابعد عني وسبني اخرج
جاسر..قوليلي بقى خفتي على شكلي ليه ها
تمارا..بعصبيه ممزوجة بخوف جاسر من فضلك ابعد عني
جاسر..ايه خايفه مني ولا ايه
تمارا..بثقه انا مبخفش من حد انا بس خايفه على منظري لا حد يدخل يشوفنا بالشكل ده واضح ان حضرتك نسيت نفسك معايا والمرتين اللي قربت فيهم مني هيفكروك اني سهله تبقى غلطان انت عملت ده غصب عني مش بمزاجي وشكلك كده استغليت وضعي يا جاسر باشا فكرت ان دي واحده جايه من الشارع تقدر تقرب منها وقت ماتحب وتعمل اللي انت عايزه مش هتخسر حاجه فالاول والاخر مفيش حد هيقفلك ماهي ملهاش اهل وتربيت ملاجئ بس احب اقولك انك يوم ما تفكر تعمل كده تاني انا اللي هقفلك ولو حكمت اني اقتلك هعملها
جاسر..بزهول انتي شيفاني وحش اوي كده ياتمارا
تمارا..انا مش من حقي اني اشوفك ولا حلو ولا وحش ياجاسر مش من حقي اني اقيمك عارف ليه عشان انا بالنسبالك حتت سكرتيره وانت بالنسبالي مديري اللي المفروض يقيمك خطيبتك واقولك حاجه واضح انك اتضايقت اوي عشان اديتك تمسح وشك بالمنديل عموما متضايقش لسه اثره علينى وشك تقدر تمشي بيه وتخرج بيه ادام الموظفين كمان لو حبيت ولا تزعل نفسك وكملت بطريقة واضح عليها الغيره من غير ماتحس تقدر تعمل اللي يريحك تخرج بروچ على وشك تقرب منها في مكتبك تلمسها تكلمها تقولها كلام حلو تخرج معاها انت حر
جاسر..بابتسامه جميله وهدوء بعد اللي بتقوليه ده كله ياتمارا انتي مش شايفه انك تقدري تقيميني
تمارا..انا مش بقيمك
جاسر..بس صحيح انتي مضايقه منها اوي كده ليه
تمارا..بغضب مين دي اللي اضايق منها وعشان ايه اصلا
جاسر بدون مقدمات عشان بتحبيني ياتمارا
صدمه لجمت لسانها
جاسر..اه زي ما سمعتي كده
تمارا..بارتباك انت ايه اللي بتقوله ده انا مش بحبك
جاسر..لا بتحبيني زي ما انا كمان بحبك
تمارا..اتصدمت
جاسر..سكتي ليه مش مصدقه ولا عايزه تقنعيني انك مش عارفه اني بحبك يا تمارا
تمارا..بتحبني
جاسر..بحزن باين على صوته ايوه ياتمارا بحبك من اول ما شوفتك بحبك وعلى اد حبي ليكي على اد ما انا مضايق انك وصلتيني اني اضعف واقولها في اكتر وقت محتاج انك تبعدي عني فيه
تمارا..دموع بتتجمع في عنيها من كلامه مش فاهمه
جاسر..مكنش ينفع اقولهالك الوقت يا تمارا..بس مقدرتش مقولهاش
تمارا..وايه اللي مخليه مينفعش
جاسر..عشان حاجات كتير ياتمارا اولهم اني خايف عليكي خايف حاجه تحصلك خايف تتأذي بسبب كلمه قولتها هتخليكي تتعلقي بيا اكتر وممكن بسبب تعلقك ده تتأذي
تمارا..لا ياجاسر انت بس مش قادر تتخيل او تقنع نفسك انك تحب واحده زيي وتسيب خطيبتك هايدي بعيلتها واصلها مش قادر تتخيل انك تسيب هايدي مش حابب تبعدني عشان انا بالنسبالك حاجه جت في طريقك سهله عايز تكون مع اتنين وفرحان بالعلاقه دي
تمارا..اقولك حاجه ياجاسر انت اناني اوي
جاسر..لوحبتيني زي ما حبيتك عمرك ما هتشوفيني كده يا تمارا بس انتي مش فاهمه حاجه
تمارا..طب فهمني
جاسر..طيب ممكن الاول تديني وقت وصدقيني هفهمك كل حاجه قريب كل اللي محتاجه منك تثقي فيا شويه
تمارا..نزلت دموعها وهي بتسمعه
رفع جاسر ايده مسح دموعها مش عايز اشوف دموعك دي خالص من فضلك ممكن
تمارا..هزت دماغها حاضر
قرب جاسر ايده الاتنين حاوط بيهم وشها وقرب من راسها طبع على جبينها قبله عميقه تحسسها بالامان وتطمنها
نور..نوح محتاج اي حاجه تاني احنا لازم نمشي عشان والدتك جايه لازم نوصل قبل ما تيجي
نوح..لا يانور خلاص تقريبا كده خلصتو شغلكم
نور..نوح هو انت في حاجه مضيقاك
نوح..لا مفيش حاجه يانور انا تمام
نور..اوك يانوح انا همشي
خرجت زهره وعشق يلا يانور
نور..تمام انا جاهزه
عشق..طب يلا نشوف تمارا
نوح..السواق هتلاقوه واقف تحت
عشق..ماشي يانوح يلا سلام
نوح..سلام
خرجو البنات من الشركه بعد ما خدو تمارا مشيوا مع السواق
وصلو الشقه وابتدو يجهزو لحد ما ولدت ليل تيجي
مر الوقت وخرج ليل من الشركه ومعاه الشباب راحو عالمخزن عشان يشوفوا الشباب اللي اتهجمو على البنات
وصل ليل ادام باب المخزن بهيبته اللي ترعب هو والشباب نزلو من عربياتهم ووراهم رجالتهم واستقبلوهم باقي الرجاله اللي موقفهم حراسه عالمخزن
احد الحراس نورت ليل باشا
ليل..هما فين
الحارس اتفضل حضرتك جوه
فتح باب المخزن ودخلو
كان ال3 شباب مربوطين وباين على ملامحهم التعب من كتر الضرب وخصوصا الشاب اللي زهره ضربته بالسكينه
سحب ليل كرسي واعد ادامهم
ووقف كل واحد من الشباب في مكان مولعين سجايرهم وباصين عليهم بغموض
ليل..طلع سيجاره ولعها حط رجل على رجل فضل يبص للسيجاره بأهمال ويرجع يشرب وياخد نفس ببرود قتلهم وبرعب كان واضح على وشوشهم
ليل..ها قولتولي بقى مين اللي وراكم
اسرع واحد من الشباب في الرد بيحاول يستنجد
شاب 1 ابوس ايدك يا باشا سيبنا احنا تعبنا من كتر الضرب والله غلطه ومش هتتكرر تاني
ليل..هي اكيد مش هتتكرر وإلا تبقى غبي انت وهما
لكن انا سألت سؤال ومحدش جاوبني مين اللي وراكم مين دفعلكم تعملو كده
شاب 2 والله ياباشا مانعرف حضرتك تقصد مين احنا منعرفش حد كل الحكايه اننا كنا شاربين والبنات دي بنشوفهم من فتره رايحين جايين ومفيش معاهم حد الشيطان اللي وزنا والله هي دي كل الحكايه
ليل..عموما انتو شكلكم هتتعبوني بس انا هديكم فرصه تفكرو لو حابين تطلعو من هنا على رجليكم
السيجاره اللي في ايدي دي تخلص لو محدش فيكم نطق وقال مين اللي بعتكم تعملو كده يبقى اتشاهدو علي روحكم من اللي هعملو فيكم
الشباب
اما عند البنات فا بعد ما جهزو لاستقبال والدة ليل اخيرا الباب خبط
راحت زهره تفتح الباب بصت من العين لقت ست باين عليها الوقار فاعرفت انها سهام
فتحت الباب
سهام..بابتسامه مساء الخير انا والدة ليل
زهره..اهلا بحضرتك يا افندم اتفضلي
دخلت سهام وكان في استقبالها البنات
نور..اهلا بحضرتك ياطنط
قربت منها سهام وحضنتها ازيك يانور البقاء لله ياحبيبي
نور..شكرا لحضرتك ونعم بالله
مدت سهام ايدها لتمارا اهلا ياحبيبتي
تمارا..اهلا بحضرتك
نور...طنط. اعرفك بقرايبي واخواتي دي تمارا واللي فتحت لحضرتك زهره ودي عشق
مدت سهام ايديها لعشق اهلا ياحبيبتي
عشق..اهلا بحضرتك نورتي اتفضلي
اعدت سهام
زهره..حضرتك تشربي ايه
سهام..لا ياحبيبتي ولا حاجه
زهره..لا طبعا مش هينفع
سهام..مش عايزه اتعبك
زهره..متقوليش كده تعبك راحه
سهام..ممكن طيب قهوه مظبوط
زهره..طبعا
مشيت زهره تعمل القهوه
سهام..البقاء لله يانور ربنا يرحمه ياحبيبتي
نور..ربنا يخليكي ياطنط تعبتك معايا وبجد ان حضرتك تيجي لحد هنا عشان تعزيني دي حاجه كبيره والله
سهام..متقوليش كده يانور حاج محمد ده عشرة عمر انا حزنت عليه من قلبي لما عرفت كان راجل محترم وطيب من الناس اللي بجد متتعوضش
تمارا..ربنا يرحمه
نور..الحمد لله على كل حال
سهام..انا مقدرتش اكون معاكي وقتها لاني كنت بره مصر ولسه يادوب واصله امبارح
نور..عارفه والله ياطنط تسلميلي يارب
سهام..والقمرات دول بقى قرايب بابا ولا ماما
نور..وهي بتبصلهم لا بابا
سهام..انا كنت مستغربه لان طول عمرنا عارفين ان حاج محمد بعيد عن اهله
نور..لا هما من قريب جم عاشو معانا
سهام..وانتي بتدرسي ايه ياتمارا
جت زهره اتفضلي حضرتك
سهام..ميرسي ياحبيبتي تسلم ايدك
زهره..تسلمي
رجعت سهام بصت لتمارا
تمارا..انا بدرس تجارة القاهرة
سهام..في سنه كام
تمارا..انا في سنه تالته انا وزهره
سهام..انتي بتدرسي تجارة بردو يازهره
زهره..ايوه
سهام..وانتي ياعشق
عشق..انا بدرس طب بيطري في القاهره بردو
سهام..ماشاء الله طيب واشمعني طب بيطري
عشق..انا كان نفسي ادرس طب اطفال لاني بحبهم بجد بس للاسف التنسيق كان اعلى بدرجات بسيطه فا قررت ادخل طب بيطري لاني بردو بحب الحيوانات جدا فحسيت اني ممكن اقدر امشي فيها والحمد لله هي كا دراسه بالنسبالي حلوه وسهله
سهام..ده ليل على كده ممكن يحتاجك اصل عنده فرسه غاليه عنده اوي والدكتور بتاعها تاعبه جدا
عشق..ابتسمت على فكره انا اللي ولدت مهره
سهام..باستغراب انتي تعرفي مهره بجد انتي اللي ولدتيها
عشق..اه والله الموضوع جه صدفه كنا مع بعض كلنا فالمستشفي لما بابا كان تعبان قبل ما يتوفى واتصل عليه البواب قاله انها تعبانه حاول يكلم الدكتور بس مكنش بيرد فا عرضت عليه اساعدها والحمد لله انا ولدتها
سهام..ليل مقاليش والله انا بتكلم معاكي عادي وبعدين ياريت كل الدكاتره تبقى قمر زيك كده
عشق..ميرسي لذوق حضرتك عيونك هي اللي حلوه
نور..بابتسامه دي كمان الفرسه الصغنونه اتسمت عشق على اسمها
سهام..باستغراب عشق ده بجد
نور..اه والله مستر ليل سماها عشق
سهام..صراحه اسمك جميل اوي ياعشق بس غريبه ان ليل يسميها على اسمك
حست عشق باحراج نزلت عنيها
سهام..هو كان عايز يسميها حياه
عشق..جميل حياه بردو
سهام..بس عشق أحلى
عشق..ميرسي بجد لحضرتك
سهام..نوح قاللي انكم اشتغلتو معاهم فالشركه
تمارا..ايوه انا بشتغل معاهم من قبل ما بابا يتوفي لكن نور وزهره وعشق لسه من يومين هما كانو بيشتغلو في اماكن تانيه بس بعد اللي حصل مستر ليل صمم انهم يشتغلو فالشركه ونسيب الشقه
سهام..صراحه انا كنت بحب المكان عندكم اوي روحه حلوه بيفكرني بالايام الجميله المكان ده ليه طابع خاص كده في قلبي بس بصراحه بعد اللي حصل لباباكي مكنش ينفع تفضلو لوحدكم
نور..انا مكنتش عايزه اسيب المكان لان انا كمان بحبه جدا في كل ذكرياتي مع بابا وماما الله يرحمهم بس بعد اللي حصل مقدرتش اعترض بصراحه
سهام..لا طبعا مينفعش تعترضي كده بقى في خطر عليكم واعدتكم لوحدكم هتخلي في ميت عين عليكم ومش كل الناس في قلوبهم رحمه الف واحد هيستغل اعدتكم لوحدكم
زهره..فعلا محدش بيرحم خالص
سهام..في ناس كويسه والله بس قليليين اوي
وفضلو يتكلمو ويرغو شويه
اما عند ليل
وقف ليل يعدل نفسه وينزل كم القميص لبس چاكت بدلته بعد ما وقعو والشباب في الارض من الضرب
ليل..للحرس بتوعه اول ما يقدرو يقفو على رجليهم ارموهم في اي مكان
الحارس..تمام ياليل باشا
ليل بص للشباب اسمع عنكم او اشوف وشكم في اي مكان ساعتها بس تقدرو تترحمو على روحكم بجد
خرج ليل والشباب
جاسر..ايه ياليل صدقتهم
ليل.متقلقش دي عيال شمامه وفعلا ملهمش علاقه بحد
ادم..بيتهيألي اللي ياكل الضرب ده كله يشهد على ابوه انا كمان شايف ان مفيش حد وراهم
جاسر..تمام المهم هتعمل ايه الوقت
ليل..هروح أجيب سهام
ادم..ليل صحيح هتعمل ايه بكره
ليل..في ايه بكره اجازه
ادم..عارف اقصد البنات
ليل..هبعت معاهم اتنين من الحراسه وهبعت معاهم السواق
جاسر..لا بلاش حراسه انا هروح معاهم
ليل.نعم يا اخويا وده من امته
جاسر عادي يعني ياليل انت مش عايز حد يكون معاهم وخلاص انا هروح
ليل..ماشي ياسيدي متزعلش اوي كده روح كده كده احنا بكره اجازه
نوح..بقولك ايه ياجاسر انا كمان هاجي معاك
ليل..كملت وانت رايح ليه يا حيلتها
نوح..انت مش لسه قايل اننا اجازه وانا معنديش اي حاجه ايه اللي مضايقك
ليل..ياسيدي ولا مضايق ولاحاجه روح مش عايز تروح انت كمان يا عم ادم
ادم..هي جات عليا هروح
ليل..على رأيك روح يا اخويا
جاسر..طب ماتيجي انت كمان
ليل..لا والنبي اجي الف على لبس بنات دي اللي ناقصه
جاسر..ياعم احنا لا هنلف ولا نيله احنا هنروح معاهم نأعد في اي مكان هما يلفو ويرجعولنا
ليل..لا والله انتو رايحين عشان تأعدو امال مين اللي هيخلي باله منهم
جاسر..ياسيدي هنخلي بالنا احنا بس بردو مش هنبقى معاهم جوه المحل دول بنات يعني وليهم خصوصيه
تعالي بقى متبقاش رخم
ليل..هشوف لسه مش عارف
نوح..سيبها عليا ياجاسر انا هجيبه
ليل..ايه ساحب اخوك الصغير
نوح..ياعم انت مش اجازه خلينا نروح مع بعض
ليل..بقول ايه اطلع من دماغي انت وهو قولت هشوف اتكلو على الله بقى عشان متأخرش على سهام هانم بدل ما تعلقني
ادم..طب احنا هنخلع عالبيت هنستناكو
ليل..تمام يلا سلام
جاسر..سلام اشوفكو بكره
مشيو الشباب روح جاسر عالبيت
وروح ادم ونوح ومشي ليل عشان يجيب والدته
عند البنات
سهام..انا اتبسطت بجد يابنات بالاعده معاكم انتو مش متخيلين يعني ايه اعده مع رجاله طول الوقت مفيش غير منى مامت جاسر بس هي اللي مصبراني بس بسبب تعبها للاسف مش بتجيلي زي الاول وغير كده اصلا انا مش بشوفهم خالص شغل طول اليوم ويرجعو ياكلو ويخرجو او يرجعو يغيرو ويخرجو وكملت بضحك البيت بالنسبالهم فندق ينامو فيه
نور..خلاص يبقي حضرتك كل ما تكوني زهقانه تجيلنا لو معندكيش مانع
سهام..طبعا انا حبيتكم اوي بس انتو كمان تعالو اعدو معايا انا اصلا مبحبش اخرج من البيت بحب اعدت البيت اكتر وبعدين انتو اخف مني انتو لسه شباب
تمارا..ده حضرتك قمر ولسه صغنونه
سهام..لا صغنونه ايه بقى خلاص كان زمان
عشق..لاوالله تمارا معاها حق حضرتك لسه صغيره وجميله جدا
سهام.حبايبي ربنا يخليكو يارب بس بردو هتيجو عشان تأعدو معايا السواق يجيبكم لحد الڤيلا واطمنو هنا بيجو من الشركه يغيرو ويخرجو يعني مش هيضايقونا
نور..نوعد حضرتك بجد وقت ما تكوني فاضيه واحنا فاضيين هنيجي لحضرتك مخصوص
سهام..لا لوعليا انا فاضيه على طول أنتو بس متتحججوش وتعالو
عشق..هنجيلك صدقينا
رن تليفون سهام ده ليل اكيد عايزني انزل.
نور..خليكي شويه
سهام..هو ده هيرضى يستني ده ليل خلقه في مناخيره وبيكرهه الانتظار
نور.والنبي اتحايلي عليه او خليه يطلع
تمارا..شويه بس انهرده احنا سهرانين معندناش بكره شغل
ردت سهام ايوه ياليل
ليل..ايوه يا امي انا تحت البيت يلا مستنيكي
سهام..بخباثه امهات مصدقت لقت ادامها اربع بنات حابه تعلقه باي واحده فيهم عشان تطمن عليه
طيب مش هتطلع
ليل..وانا ايه بس اللي هيطلعني يا امي
سهام..اصل البنات مش عايزني انزل
ليل..طيب الف لفه وارجعلك
سهام..لا تلف لفه ايه على بال ما تلف هكلمك انت اطلع شويه صغيره وننزل
ليل.عايزه ايه ياسهام مش مطمن لاصرارك ده
ضحكت سهام لا والله ابدا اطلع بس الاول شويه وننزل
ليل..ماشي لما نشوف اخرتها
قفل معاها ركن عربيته وطلع
دخلو البنات لبسو حجابهم بسرعه..ورجعو
سهام..ماشاء الله انتو محجبين
عشق..الحمد لله
سهام..انتو فالحالتين قمرات
تمارا..تسلمي ياطنط
رن باب الشقه
راحت تمارا فتحت
تمارا.مستر ليل اتفضل
ليل..ازيك ياتمارا
تمارا..بخير الحمد لله اتفضل
دخل ليل كانو اعدين عشق منزله عنيها فالارض خايفه عنيها تفضحها بفرحه طلوعه
ليل..مساء الخير
الجميع مساء النور
نور..اتفضل يا مستر ليل
اعد ليل جمب سهام
ليل لسهام براحه مش كنتي نزلتي
سهام بصوت عالي ما البنات عايزني اعد شويه وبعدين انت تعبان في حاجه مانت راكب الاسانسير
ليل..لا والله انتي ليكي مزاج بقي ومصدقتي تلاقي بنات
سهام..بضحك صراحه اه
ليل بيبص سرقه لعشق شايفها منزله راسها وباين عليها التوتر كان شكلها يجنن خصوصا بلفه حجابها العشوائيه وخصله شعرها اللي خارجه من تحت حجابها بطريقه جذابه
ليل..نازلين بكره اكيد يابنات
تمارا..ان شاء الله
ليل..طيب انا كنت هبعت معاكم حراسه وبص لتمارا بخبث بس جاسر طلب انه ينزل بنفسه معاكم عندكم مانع خصوصا ان نوح وادم قالو انهم كمان هينزلو مع جاسر
نور..بسرعه لا خالص مفيش مشكله بصولها البنات بسخريه بعدت عينها عنهم باحراج عشان فهموها وكملت بس يعني عشان ميبقاش في تعب عليهم
ليل..لا خالص هما اجازه وبعدين هما اللي اقترحو
تمارا..تمام يا مستر ليل مفيش مشكله
سهام..هو في ايه هما نازلين فين
تمارا..لا ابدا يا طنط كنا نازلين نشتري حاجات نقصانا ولبس كده يعني
سهام..طب وانت مش رايح
ليل..انا اعد معاكي
سهام..وده من امته لا روح ياسيدي
ليل..الوقت لاروح ماشي ياستي بس بردو اعد معاكي
سهام..لا انا مبحبش اعدت الرجاله روح متسبهمش لوحدهم
ليل..الوقت اعدت الرجاله بقت وحشه وبس نخرج ونسيبك تفتحيلنا تحقيق
سهام..ياسيدي خلاص مش هفتحلكم تحقيق تاني
ليل..انتبه انهم نسيو البنات اللي كانو اعدين مبتسمين على مناقشتهم طب بقول نكمل فالبيت الخناقه دي
عشق..صحيح تشرب ايه يامستر ليل
سهام..هو ايه اللي مستر ليل هو انتو فالشركه
ليل..لا انا فقدت الامل سبتهم براحتهم بقى
عشق..والله بحاول وبنسى ومش بعرف
سهام..لا تعرفي عشان كده بتكبريه ومعني انه يكبر يبقى انا كمان كبرت يرضيكي
عشق بضحكه جميله لا ميرضنيش وبصت لليل تشرب ايه ياليل
ابتسم ليل ابتسامه جميله قهوه
بعد وقت بسيط شرب ليل قهوته
وخلصت اخيرا سهام الرغي
ليل..بهدوء عكس طبيعته اللي تخوف ايه ياامي مش يلا بقى
سهام..اه يلا كفايه كده عشان البنات يرتاحو
زهره..خليكو شويه بجد حضرتك الاعده معاكي جميله
سهام..عشان ترتاحو بقى وبعدين احنا اتفقنا انكم هتجولي ولارجعتو في كلامكم ولا ايه
نور..لا خالص والله هنجيلك ان شاء الله
سهام.وانا هستناكم هطرد ليل ونوح وادم وانتو تيجو تقضو معايا اليوم
ليل..بسخريه الوقت هنطرد الله يرحم..بس هقول ايه يلا يا امي يلا
سهام..بضحك الله وانت زعلان ليه
ليل..ياستي انا ولا زعلان ولا حاجه يجولك اي وقت يحبو واحنا حاضر هنطرد بس ابقي دوري علينا
ضحكو البنات على طريقة ليل الجديدة عليهم لاول مره يشوفوه بيضحك وفاكك
سهام..يلا يابنات تصبحو على الف خير
سلمت عليهم وخرجت سلم ليل عليهم..بكره ان شاء الله الشباب هيكونو مستنينكم تحت
تمارا..بخبث وهي بتبص لعشق طيب وحضرتك مش هتبجي معانا
ليل..وهو مبتسم مش عارف والله ياتمارا هشوف لسه وبعدين يعني تخرجو براحتكم يوم الاجازه بلاش خنقه من المدير هتفضلو طول الوقت مستر مستر وبص لعشق يعني اخليكو براحتكم
عشق..بعدت عينها بسرعه عشان ميتفضحش امرها ولا صحابها يحسو لكن هي كان واضح عليها اللغبطه
تمارا..بضحك لا حضرتك تعالى ونوعد حضرتك مش هنقول مستر
ليل..ان شاء الله مش محتاجيين حاجه
تمارا..شكرا يامستر ليل
ليل هز دماغه بقلة حيلة مستر مفيش فايدة
ضحكت تمارا والبنات
ليل..يلا تصبحو على خير
البنات وحضرتكم من اهل الخير
خلص اليوم من غير اي جديد
وجه اليوم المنتظر عند ابطالنا ولكن مش كل منتظر جميل
دار الايتام
البارت الثاني والعشرون..
في صباح يوم جديد ملئ بالنشاط والحيويه صحيو البنات على صوت خبط ورزع
عشق..واقفه في طرقه طويله بين الاوض تخبط على كل باب واحده فيهم اصحوو يلااا مفيش نوم يلا قوموا
فتحت زهره الباب بنوم في ايه يابنتي القلق ده عالصبح
عشق..اصحو يلا انا صحيت
زهره..ياسلام ياست عشق هانم عشان جنابك صحيتي تقلقي اهلنا كده حرام عليكي يامفتريه انهرده اجازه
عشق..مش فاهمه يعني هو عشان اجازه تفضلو نايمين حضرتك قومو يلا مفيش نوم
فتحت نور الباب ممكن اعرف ايه الازعاج ده عالصبح في ايه مالك
عشق حاطه ايدها في وسطها زي الاطفال انا صحيت لازم تصحو
نور..لا والله وده من ايه ان شاء الله انتي صحيتي اصحي براحتك انما احنا لسه عايزين ننام حرام عليكي اتقي الله
فتحت تمارا هي كمان الباب بغضب في ايه منك ليها عالصبح صباحكم زي وشكم
زهره..اهي جاتلك اللي هتروقك
عشق..بثقه ولا تقدر
تمارا..بت انتي ايه الازعاج ده عالصبح في ايه الساعه 9 نص
عشق..ايوه مش فاهمه هتفضلو نايمين لحد امته انهرده الجمعه يعني قومو خدو شاور نحضر الفطار نشغل قرأن
تمارا..انتي جايه انهرده يوم اجازتنا تحققي احلامك بت انتي انا داخله انام لو جيتي جمب الباب هقتلك
عشق..اي واحده هتدخل فيكم مش هسيبها وهفضل اخبط عالباب اذا كان عاجبكم
تمارا..بت انتي انتي شاربه ايه عالصبح مالك كده صاحيه عندك شويه نشاط عايزه تخرجيهم علينا
عشق..بترجي والنبي اصحو بقى انا صاحيه مبسوطه وعندي طاقه كده عشان هنخرج بجد ده يعتبر المره الاولى اللي هنخرج فيها مع بعض قومو بقى متبقوش رخمين
نور..يعني هو احنا لو نمنا شويه هيحصل حاجه عادي بردو هنخرج والله بس عالاقل نبقى فايقين لو خرجنا مش نايمين على نفسنا يابنتي احنا نايمين الساعه 2ونص
عشق..انا قولت اللي عندي خلاص مفيش نوم يعني مفيش نوم
تمارا..ده اخر كلام عندك
عشق..بترقب ايون
تمارا..ورايا يابنات جريت تمارا وزهره ونور ورا عشق فضلت تجري وتصوت وتضحك وهما وراها لحد ما مسكتها تمارا وفضلو يضربو فيها بضحك ويجرو ورا بعض كأنهم عيال صغيره
بعد وقت من الضحك والهزار نامو كلهم عالارض
عشق..بس بس خلاص والنبي مش قادره الله يخربيت اللي يزعلكم مش قادره اخد نفسي من الجري منكم لله
تمارا..عشان تحرمي ادينا خرجنا منك الطاقه اللي لبستك عالصبح
عشق..بتريقه لبستني ايه هي عفريت
زهره..ظريفه
قامو اعدو وربعو رجليهم
نور..قوليلي بقى ياست عشق مالك عالصبح ده انتي كمان صاحيه واخده شاور ومظبطه نفسك في ايه للنشاط ده كله
عشق..والله ما في بس بجد مبسوطه اننا هنخرج انتي عارفه ان انا والعيال دي اول مره هنخرج سوا انا افتكر اخر مره خرجنا سوا كانت في ابتدائي ورحنا رحله لجنينه الحيوانات
تمارا..بضحك انتي لسه فاكره كانت ايام الله لا يرجعها
زهره..يااااه ده احنا فعلا مخرجناش بقالنا زمن خصوصا ان المره دي اصلا كنا اطفال حوالي 9سنين او 10
نور..ليه طيب ماانتو في جامعه واحده مخرجتوش مع بعض يوم كده وانتو كبار
عشق..لا خالص ولا مره اتقابلنا مع بعض في الجامعه هما في مكان وانا مكان تاني خالص وبعدين مكناش بنروح كتير غير لوفي سكاشن عملي نجيب ورق واللي كانت بتجيب ورق كانت بتجيب للكل حنان ربنا يهديها ويسامحها مكنتش بترضي تودينا مع بعض
تمارا..بغضب ربنا ياخدها
عشق..متدعيش على حد حرام
تمارا..مدعيش طب ده انا لو اطول اولع فيها هولع
زهره..صراحه لا تطاق بالمره عشان كده متجوزتش
تمارا..ودي مين دي اللي يبص في وشها والله ده يبقى راجل امه داعيه عليه هي دي تتعاشر
نور..ماهي واحده بالاخلاق والطريقه دي اكيد مش هتتجوز طبعا ويمكن اصلا هي كانت كده معاكو عشان متجوزتش معقده يعني
تمارا..لا واحنا ماشاء الله حياتنا كانت وردي اوي عشان تطلع عقدها علينا
نور..بضحك والنبي انتي عسل ياتوتي
تمارا..بس ياشيخه دي ورتنا ايام اسود من وش امها
ضحكو البنات على تمارا
عشق..لنور قوليلي يانور عامله ايه مع نوح
نور..من ناحيه ايه
تمارا..شوفي البت قال من ناحيه ايه اكيد مش فالشغل
نور..عادي يعني هيكون في ايه مفيش حاجه هو بيتعامل عادي زي ما بتشوفوه بس مش عارفه ليه حاسه بطريقته انه في حاجه غريبه
زهره..ازاي يانور
نور..طريقته عموما معايا خصوصا من يوم ما شوفنا الزفت اللي اسمه سامر عند الجامعه وامبارح لما جه مع اخته الشركه
زهره..فعلا انا حسيته وشه اتغير
نور..ايوه وطول اليوم كان كويس بمجرد ما شافه قلب وكان مركز معاه لما فضل سامر يبص عليا وبعدين بيتعصب كتير يأعد يقولي ملكيش دعوه بيه مشوفكيش بتكلميه وحاجات زي كده
تمار..بغمزه بيغير ولا ايه
احمر وش نور بلاش رخامه
تمارا..والله ما برخم بس هو فعلا كده شكله بيغير خصوصا ان زهره اول يوم كانت معاكي ليه مقالش لزهره نفس اللي قالهولك
زهره..طب ما يمكن عشان هو يعرف نور اكتر
تمارا..لا ياشيخه ايه يابت الذكاء ده طب ماهما كلهم يعرفو نور ومع ذلك خدونا كلنا نعيش فالشقه وقلقانين علينا زي ما هما قلقانين على نور
عشق..تمارا عندها حق هو شكله بيغير بس بردو يانور خليكي تقيله وفنفس الوقت استني كل يوم بيعدي بيحصل حاجه واكيد هتعرفي منها اذا كان بيبادلك نفس الشعور او لا بس من هنا لحد ما تتأكدي انتي اتعاملي معاه انه مجرد معرفه مجرد مدير فهماني متخليهوش يحس بحبك عشان لو مش بيحبك ميلعبش بيكي بصي انا مش بدي الامان لاي حد مش معنى كلامي انه وحش لا خالص بس الشيطان وحش ومحدش يعرف نوايا الناس وبعدين عشان متتوجعيش يانور لو طلع مش بيبادلك نفس الشعور وانتي حسستيه بشعورك ساعتها وجعك هيبقى الضعف اولا انه مش بيحبك زي ما بتحبيه ثانيا انه عرف انك بتحبيه وساعتها مش هتقدري تتعاملي معاه خالص وهتخسريه كصديق واخ ومدير لان بيتهيألي مش هتقدري تكوني معاه في مكان شغل واحد لو عرف حقيقة شعورك ورفضه كرامتك مش هتسمحلك فهماني يانور عيشي كل لحظه حلوه بينك وبين نفسك اتبسطي بخوفه عليكي بغيرته بكل ده بس خليه يحس انه مش في بالك خليه هو اللي يبقى بيجري وراكي
نور..عندك حق كلامك جميل اوي ياعشق
تمارا..فعلا ياعشق انتي صح
زهره..طب قوليلنا بقى ياحلوه انتي ايه حكايتك
تمارا..انا حكايه ايه
زهره..لا والله هتستعبطي حكايتك مع جاسر
تمارا..بارتباك انا لا ليه في ايه خالص مفيش
عشق..بخبث لا ياشيخه ده الكهربه اللي مسكتك دي لوحدها كفيله تأكد احساسنا
تمارا..احساسنا لا والله وكمان بتحسو من ورايا
عشق..انطقي يابت في ايه احنا بقالنا كتير مش بنتكلم ولا نحكي حاجه انتي كمان مش طبيعيه نظراتك طريقتك عياطك امبارح عليه
تمارا.. بصدمه انا لا خالص عادي يعني اتخضيت
عشق..والله اتخضيتي؟اصلكم مشوفتوهاش يابنات امبارح وهي داخله هجم زي القطر على المكتب عند ليل سرعتنا
زهره..حصل ايه
عشق..حضرتك دي دخلت هجم عالمكتب وشاهي السكرتيره منظرها مسخره وهي بتحاول تجري عشان توقفها فتحت من غير ما تخبط والله كنت خايفه عليها من ليل
نور..يخربيتك ده كويس انو مقتلكيش
تمارا..بصو انتو مكبرين الحوار اوي يعني عادي كل الحكايه اني اتخضيت بجد لما اغمَ عليه وجريت بسرعه عشان حد يلحقه
عشق..طب عيني في عينك كده
تمارا..وهي بتبتسم باحراج وبتبعد عنيها عنهم
عشق..اهو شفتوا الجواب بان من عنيها
تمارا..بت انتي بقولك ايه مالك صاحيه فايقه وعايزه تعمليني الحفله بتاعتك
عشق..طب خليكي صريحه معايا وانا معملش عليكي حفله
زهره..انا مش مصدقه ان دي عشق اصلا يابنات والله انتي اللي مش طبيعيه وشاكه في امرك
تمارا..طب والله صح يابت يازهره انا كمان شاكه
عشق..انا اتلمي يابت وبعدين انتي عيزاها تهرب اهي مسكت في كلامك عشان منعرفش نقررها
تمارا..عايزه ايه مني سبيني في حالي يابت انتي
عشق..وماله حالك ياحزينه انطقي
تمارا..طيب انا هحكيلكم بس مش عايزه اي تعليق ولا اي اعتراض ومنك انتي بالذات لا تقولي صح ولاغلط ولا اي حاجه انا عارفه الصح والغلط والحلال والحرام وكله والله ياست الشيخه بس بجد انا هموت واحكي ومش قالقني غيرك
عشق..مش قولتلكم في حاجه عيييب وبعدين انا قلقاكي عشان بنصحك تصدقي انا غلطانه ومش هعبر حد فيكم بعد كده
تمارا..مش كده والله بس انا متلغبطه لوحدي مش ناقصه لغبطه
عشق..طب احكي ياستي واحنا سامعينك
تمارا..خدت نفس طويل وكملت بنبره حزن ايوه بحبه ياعشق
عشق و زهره و نور بصوا لبعض
تمارا..وهو كمان بيحبني واعترفلي بده امبارح
عشق.بصدمه انتي بتقولي ايه ياتمارا طب انتي حبتيه ليها مية سبب لكن هو ايه السبب اللي عنده ده خاطب !
تمارا..عارفه انه متزفت بس ده اللي حصل
عشق..وحصل امته وازاي ده
تمارا..انا هحكيلكم كل موقف حصل قبل كده من يوم ما شوفته لحد امبارح بس محدش يقاطعني
وابتدت تمارا تحكيلهم عن كل موقف حصل بينهم باستثناء انه قرب منها
عن نظراته كلامه غيرته عليها من هادي كل حاجه حصلت فالسفر كل موقف حصل فالشركه موقفه لما هايدي اول مره شافته وأد ايه كان مضايق انها شافته واعتذر موقفه لتاني مره لما الروچ كان طابع على خده موقف الطياره لما كان بيحاول يهديها ويطمنها لحد امبارح اللي حصل واعترافه بالحب ليها
بعد وقت طويل من الكلام
تمارا..ده كل اللي حصل
زهره..شكله بيحيك ياتمارا بجد
نور..ايه ده الله بجد ده باين جدا واصلا انا ملاحظه طريقته ونظراته جدا فالاول كنت قلقانه احسن يكون بيلعب بيكي خصوصا انه خاطب بس الوقت اتأكدت انه بيحبك
زهره..بس كده في حاجه تقلق يا بنات مش ملاحظين تصميم ليل اننا نسيب البيت واننا نسيب الشغل ونشتغل معاهم وتصميمه ان محدش ينزل غير لو عرفهم والوقت جاسر بيقول ان في حاجه مش هيقدر يقولها الوقت
عشق..ده اللي قالقني يازهره حاسه ان في حاجه اكبر بكتير مننا
نور..هيكون في ايه بس متقلقونيش ان شاء الله مفيش
عشق..سرحت وهي بتتكلم ونسيت نفسها ربنا يستر انا اللي مطمني وجود ليل معانا
زهره..الله الله ده شكل الكل وقع وانا مش واخده بالي بس اخر حاجه كنت اتخيلها عشق هانم اللي شكلها وقعت في غرام سي ليل
عشق..انتبهت عاللي قالته وحست ان اتكشف امرها ايه انتي عبيطه لاخالص انا بس بقول انه بيخاف علينا وبيحمينا مش اكتر
تمارا..لا ياشيخه على اساس ان انتي مش معجبه طب اكدبي عادي بس عنيكي فضحاكي على فكره مشوفتيش نفسك امبارح ولا ايه ياموزتي لما قال انهم جايين معانا وهو لا
عشق..على فكره بقى مفيش الكلام ده وانتو رخميين وانا مش هتكلم معاكو وجت تقوم مسكتها تمارا اعدي هنا مش هتهربي اعترفي يابت
عشق..والله مافي حاجه اعترف بايه
تمارا..طب احلفي كده
عشق سكتت ومره واحده عيونها دمعت باحراج
وابتدت تعيط انا معملتش حاجه غلط والله انا حاولت التزم بكل حاجه نصحتكم بيها بس الموضوع كان اكبر بكتير مني معرفش حصل ازاي بس انا بحاول الغي اي تفكير جالي بحاول مجبش عيني في عينه بحاول مفكرش فيه بحاول الغي قلبي ومخليهوش يدق بحاول استنى النصيب اللي ربنا يبعتهولي من غير ما اغضبه
تمارا..بس بس بس في ايه يابنتي احنا بنهزر معاكي وبعدين انتي ليه محسساني انك عملتي جريمه
نور..ايوه ياعشق احنا متفقين ان الحب مش عيب ولا غلط
زهره..اهدي ياعشق ليه الكلام ده وهو ايه اللي بتحاولي تلغي قلبك الحياه من غير حب مينفعش تتعاش ازاي نعيش مع حد مش بنحبه وكونك انك تحبي ده مش جريمه
تمارا..عشق حبيبتي انتي مش بتعملي حاجه غلط طول مانتي محافظه على نفسك يبقى ايه اللي يمنع وانتي عقلك كبير يعني عمرك ما هتعملي حاجه غلط ولا حاجه وحشه بالعكس انتي دايما بتنصحينا يعني اكيد هتعملي مع نفسك بنصيحتك لينا
عشق..بدموع بس انا خايفه اوي الاحساس اللي انا فيه ده اول مره بحسه على اد ما هو مخليني مبسوطه بس خايفه اكون بغضب ربنا
تمارا..لا ياعشق مش بتغضبيه وبعدين انتي دايما كنتي بتنصحينا وكنتي شايفه انك هتعملي كده بس ده لانك مكنتيش جربتي الحب والوقت انتي جربيته صدقيني ياعشق الحب حلو جدا بيخليكي حاسه انك عايشه بجد والشعور اللي انتي حساه ومخوفك ده طبيعي لانك اول مره تجربيه امسحي دموعك دي بقى ياعبيطه وافرحي واتبسطي وعيشي اللحظه وانسي الايام اللي فاتت احنا خرجنا للدنيا بجد يوم ما خرجنا من الدار ابتدينا حياه جديده متضيعهاش من ايدك
عشق..مسحت دموعها بس صدقوني هو مفيش حاجه ده بس مجرد احساس مني اكيد لو كان في حاجه كنت حكيتلكم والله
زهره..بسخرية يعني عامله المندبه دي عشان شعور منك
عشق..وهي بتضحك خليكي في نفسك
نور..طب وانتي يازهره؟
زهره..لا يا اختي اطمني انا مفيش حاجه بيني وبين ادم
تمارا..ومين جاب سيره ادم ولا الي على راسك بطحه
زهره..وهي بتضحك هيكون مين يعني غيره ما انتو علقتو التلت شباب مفاضلش غير ادم ايه هندخل نعلقهم كلهم مش منطقي خالص
ضحكو البنات وسمعو اذان الضهر
عشق..ياخبر الضهر اذن احنا بنرغي كل ده.
تمارا..طب قومو يلا جهزو نفسكم ونفطر قبل ما يجو
قاموا البنات بسرعه خدو الشاور بتاعهم ولبسو وبعد مده اعلن الشباب عن وصولهم ونزلوا البنات
جاسر وادم ونوح كانوا واقفين تحت البيت
حست عشق انها اضايقت عشان ليل مجاش بس حاولت تبان طبيعيه
جاسر..صباح الخير
البنات..صباح النور
جاسر..ايه يلا جاهزين
عشق..اه جاهزين معلش هنتعبكم معانا
جاسر..متقوليش كده ياعشق بلاش عبط بعيدا عن الشغل احنا كلنا صحاب ولا ايه
عشق..ده شرف لينا يامست
جاسر..باااس متكمليش ابوس ايدك لسه بقول اصحاب تقولي مستر
نوح..احنا ناخدهم نوديهم في صحرا ونسبهم هناك عشان يحرمو
نور..بضحك انا مقولتش مليش دعوه
نوح..لا انتي مؤدبه
نور..صحيح هو مستر ليل مش جاي
نوح..مستر ليل لا دي تترمي معاهم في الصحرا
ضحكو البنات على نوح
ادم..طب ايه يلا بقى هنفضل واقفين
جاسر. يلا اركبوا
عشق..كانت هتتجنن انهم مقالوش فين ليل وكملو كلامهم
فتح جاسر الباب لتمارا وركبت
نور..ركبت مع نوح
وقفت زهره وعشق ادم..يلا تعالو اركبو معايا
راحت عشق معاهم بعد ما حست ان زهره وادم مفيش بينهم حاجه يعني مش هتبقى عزول
واتحركت العربيات
بعد. مده وصلو مول كبير اوي
نزلو بعد ما ركنو العربييات ودخلو جوه المول
اعدو في كافيه
عشق..ايه احنا مش هنقوم ولا ايه
تمارا..طب ايه يلا انتو اللي اعدتو
جاسر..بصو لو تحبو نكون معاكو اوك..مش عاوزين وحابين تكونو مع نفسكم هنستناكم هنا عشان تكونو براحتكم ايه
بصو البنات لبعض بأحراج
جاسر..يبقى تمام هنستناكم هنا اوك المهم بعد اذنكم انتو الاربعه متسبوش بعض اي مكان حد فيكم عايز يدخله الباقي معاه واحنا كل شويه هنكلمكم نعرف انتو فين وفأنهي دور تمام
عشق..تمام
جاسر..عشق انا هعتمد عليكي فالحته دي ياريت متسبيش حد فيهم ممكن
تمارا برفعه حاجب اشمعنى عشق وبعدين ليه محسسني ان في حد هيخطفنا
جاسر..بجديه انتي سمعتي اللي قولته صح
تمارا..صح
جاسر..يبقى يتنفذ بالحرف وإلا هنيجي معاكم ومش هتبقوا عارفين تاخدو راحتكم
تمارا..لاخلاص حاضر
نوح..بتريقه ماكان من الاول لازم يتحول
تمارا..ضحكت تمارا
عشق..طب يلا بقى
جاسر..استنو يابنات
طلع من جيبه كرديت لكل واحده فيهم اتفضلوا
عشق..ايه ده؟
جاسر..دي فيزا كارد ياعشق فيها فلوس لكل واحده فيكم
عشق..بس احنا معانا فلوس اسفه ياجاسر انا مش هاخد
جاسر..عشق انا مش بديكي عشان حاجه دي فيزا اي موظف فالشركه بياخدها بيكون فيها مبلغ من الشركه يعني حوافز وحاجات زي كده بس مقدما وبعدين انا مالي دي من ليل مش مني ودي لاي حد مش ليكو مخصوص
عشق..ماشي ياجاسر بس صدقني انا مش هينفع اخدها
جاسر..عشق انا مش بديهالك عشان انتو نازلين تشتروا حاجات ياستي عادي خديها ومتجبيش بيها حاجه بس اصلا كده كده هتاخدوها ليل بس امبارح نسي يديهالكم لما تعبت واتلخم مش اكتر امسكي بقى يلا
خد ادم من ايد جاسر واحده واداها لزهره يلا بلاش رغي اخلصو مسكتها زهره باحراج
جاسر..مد ايده لتمارا
فضلت تمارا تبص على ايده باحراج
جاسر..وهو رافع حواجبه اخلصيييي
خدتها تمارا بسرعه من ايده اول ما سمعت صوته
جاسر..امسكي يانور
نوح..هزلها دماغه خدتها نور من ايد جاسر
جاسر..امسكي ياعشق
عشق..معلش اعفيني انا بعد اذنك ياجاسر ولو فعلا لازم اخدها يبقى خليني اخدها فالشركه مش هنا
جاسر..وهتفرق ايه بس ياعشق
عشق..هتفرق بالنسبالي صدقني معلش ياجاسر ممكن
جاسر..بقلة حيلة اوك ياعشق زي ما تحبي
عشق..بابتسامه شكرا
يلا يابنات
جاسر..متنسوش اللي قولتلكم عليه وخلو بالكم من موبايلاتكم
مشيو البنات في جوله سعيده بالنسبالهم
وابتدت رحلتهم فالمكان وفضلو يدخلو من محل ويخرجو من محل يجيبو حاجات ويتفرجو على حاجات حاجه تعجبهم وحاجه لا كانو مبسوطين جدا وكأنهم اطفال صغيره
اما عند الشباب فا كانو اعدين فالكافيه يتكلمو ويهزرو وكل شويه يتصلو بيهم يطمنو انهم كويسين ويقفلو
بعد مده وصل اخيرا البيج بوص بتاعهم كان لابس سويت شيرت اسود ولابس على دماغه الزنط وبنطلون رياضي اسود وكوتشي ابيض كان شكله مختلف تماما عن لبسه الرسمي طول الوقت ويجنن
جاسر..ايه ده ليل جه اهو
نوح..فين اه اهو شوفته
قرب ليل لحد عندهم
ليل..ايه الاخبار شد كرسي واعد
جاسر..تمام طمني انت عملت ايه فالمشوار
ليل..بحزن ظاهر على ملامحه كمل بسخريه وابتسامه بسيطه زي ما توقعت بالظبط
جاسر..طب وبعدين
ليل..ولا قبلين اللعب الفتره الجايه هيبقى عالمكشوف والكل هياخد نصيبه بس نصيبهم للاسف هياخدوه مني
ادم..مش عايزك تضايق نفسك ياليل
ليل..بالعكس مين قال اني مضايق انا يمكن اكون مضايق اكتر من نفسي بس عادي الواحد عايش عشان يتعلم وانا الدرس اللي باخده بذاكره كويس
جاسر..عادي ياصاحبي المهم انك دايما بخير
نوح..بحزن على حال اخوه انت تستاهل احسن حاجه فالدنيا ياليل مش عايزك تكون زعلان بالله عليك
ليل..مالك ياض من امته واخوك بيزعل على حاجه رماها
انت مش عارف اخوك ولا ايه انا يمكن بس مستغرب اللي حاصل لانه ابعد كتير من اني افكر انه يحصل بس اهو حصل يبقى ايه نعيط لاخالص نقف ونديله تحيه كمان ونستقبله بصدر مفتوح والشاطر هو اللي يعيط فالاخر
المهم هما البنات فين
جاسر..لسه بيلفو
ليل..اطمنتو عليهم
ادم..اه كل شويه نكلمهم متقلقش
ليل..ادتهم الكرديت ياجاسر
جاسر..اه بس
ليل..ايه عشق مرضتش صح
جاسر..بصدمه ايش عرفك
ليل..كنت متوقع
نوح..اشمعنى بقى
ليل..عشان هي عنيده جدا واكيد فكرت اني بديهالها عشان تقدر تشتري اللي هي عيزاه
جاسر..والله حاولت اسألهم بس هي مرضيتش ابدا
ليل..طب كلمهم كده شوفهم فين
كلمهم جاسر بس مكنوش بيردو
جاسر..تمارا مش بترد
ليل..جرب تاني وانتو جربو اي حد
ادم..ولا زهره بترد
نوح..ايوه يانور
نور..ايوه يانوح
نوح..انتو تمام
نور...بارتباك ايوه اا احنا
نوح..في ايه
نور..احنا مش لاقيين عشق
نوح..ايه انتوا في انهي دور
ليل..وقف من غير ما يعرف في ايه بس كان حاسس ان قلبه هيخرج من صدره من كتر الخوف
نوح..طب خليكو مكانكم جايين حالا
ليل..في ايه
جاسر..حد في حاجه
نوح..بتقول مش لاقيين عشق
ليل برعب نعممم جري بسرعه وهما ورا ادم دفع الحساب وجري يلحقهم
طلعو فوق للدور اللي فيه البنات
اتفاجئو البنات من وجود ليل
ليل..فين عشق
تمارا..بقلق معرفش دي لسه من كام دقيقه كانت معانا دخلنا المحل ده مع بعض وهي كانت ورانا فضلنا نتفرج ومش مركزين اصلا لما جينا نخرج من المحل انتبهنا انها مش معانا
ليل..خليكو هنا متتحركوش ادم خليك معاهم جاسر انت ونوح اقلبو المول بسرعه
زهره..بدموع هو في ايه ليه القلق ده كله ما يمكن تكون بتتفرج في محل تاني
ادم..متخافيش يازهره هنلاقيها
فضل نوح يلف بسرعه جوه المحلات وجاسر يدور تحت وليل يلف فالادوار كل واحد فيهم في ناحيه
وفجأه..لمحها ليل من بعيد واقفه بضهرها حط ايده على قلبه ووقف وهو موطي ساند ايده على ركبه وبياخد نفسه بسرعه
مسك موبايله كلم جاسر
جاسر..ايه لقتها
ليل..اه يا جاسر كلم نوح وروحو للبنات طمنوهم انا جايلكم اهو
قفل موبايله ومشي بخطوات بطيئه وهو بيحاول يلقط نفسه بصعوبه وصل ورا ضهرها وطي راسه عليها وهمس في ودنها اعمل فيكي ايه انا الوقت
عشق..بخضه لفت بسرعه
عشق.همست باسمه بابتسامه ليل انت هنا اقصد يعني
ليل..هو انا مش قولت تفضلو مع بعض مش جاسر بلغكم محدش يسيب التاني صح
عشق..بارتباك انا مقصدش بس يعني هما فالمحل الناحيه التانيه انا عارفه فين والله بس كنت بتفرج ورجعالهم على بال ما يخلصو
ليل..بابتسامه قلقتيني عليكي
عشق..اسفه مكنتش اقصد بس انا لسه سيباهم مفيش عشر دقايق والله انت جيت ازاي
ليل..انا اصلا كنت جاي كان عندي مشوار خلصته وجيت
ولسه مرتاحتش عرفت ان البنات مش لاقينك جيت ادور عليكي
عشق..باحراج ووشها احمر انا كويسه واسفه بجد
ليل..متتأسفيش خلاص حصل خير المهم انك كويسه بس قوليلي بقى واقفه عندك بتعملي ايه
عشق..انا لا عادي كنت ماشيه
ليل..بس انا جيت لقيتك واقفه بتتفرجي ايه عجبك وبص على مكان مكانت بتتفرج
عشق..باحراج انا بتفرج عادي
ليل..اممم يعني سبتي المول كله وجيتي ادام محل فساتين الفرح دي عشان عادي
عشق..عادي يعني لفت نظري مش اكتر وبعدين انا اتفرجت على محلات تانيه يعني اشمعني ده اللي حضرتك علقت عليه
ليل..اصلي مشوفتكيش بتتفرجي وسرحانه غير عالفستان الجميل ده
عشق..بارتباك طب انا لازم اروحلهم هما اكيد قلقانين عليا وبتمشي بارتباك كانت هتخبط في شابين ماشين شدها ليل من كتفها لورا قبل ما تلمسهم
ليل..اسف ياشباب
الشباب..ولا يهمك
ليل..بابتسامه مش تخلي بالك
عشق..حاضر
ليل..عشق
عشق..نعم
ليل..مدلها ايده اتفضلي
عشق انا قولت لجاسر اني مش هاخدها غير فالشركه وعلى فكره انا معايا فلوس اقدر اجيب اللي محتاجاه وحتى لو الفلوس مكفتش مش هشتري غير على اد اللي معايا
وقف ليل وهو مبتسم وساكت
عشق..بتضحك على ايه
ليل..على عندك
عشق..انا عنيده
ليل..جدا وعلى فكره هتاخديها ياعشق
عشق..لا مش هاخدها
ليل..حتى لو قولتلك اني بجد هضايق لو مخدتيهاش
عشق..سكتت بس انا بجد مش محتجاها
ليل..عادي بس انا عايزك تاخديها ممكن
عشق..وهي بتاخد نفس
ليل..عشان خاطري ياعشق خدي مني
عشق..ضربات قلبها كانت بتتسارع جواها ونبرته وهو بيترجاها خلتها استسلمت
هزت عشق دماغها قرب ليل منها الكرديت خدتها من ايده
ومشيت جمبه راحو لصحابهم
بعد ما اطمنو عليها وليل قال كانت بتتمشى
ادم..طب بقول ايه انا جعان ما تيجو ناكل وبعدين نكمل
ليل..تمام يلا بينا
جاسر..اه يلا انا كمان هموت من الجوع
راحو مع بعض عشان يتغدوا ولكن
يتبع
تعليقات
إرسال تعليق