 |
مابين الحلم والحقيقة (دار الايتام 2)
البارت الثامن والتاسع ...
عشق..خير حضرتك طلبتني ليه
ليل...انا موافق يا عشق انك تشتغلي معايا انتي والبنات
بصتله عشق بأستغراب وردت عليه بكل ثقه موافق؟؟؟بس انا مطلبتش اصلا اني اشتغل مع حضرتك ولا عايزه
ليل..😳نعمم
عشق..بأبتسامه برود قاتله زي ما حضرتك سمعت انا مطلبتش اني أشتغل اصلا.. ولا حتحتى طلبت بأسم البنات انهم محتاجين شغل
زهره بتشتغل نور بتدرس وبابا مكنش حابب انها تشتغل الوقت تمارا الوحيده اللي بتشتغل فالشركه وانا زي ما قولت لحضرتك انا لقيت شغل والاهم اني مش عايزه اشتغل فالشركه معاك
ليل...بغضب!!! معايا ليه ان شاء الله الهانم ليها شروط معينه؟؟
عشق...بهدوء اولا انا مسمحش لاي حد يتكلم معايا بالطريقه دي ثانيا انا مليش شروط لاني مطلبتش شغل من الاساس ثالثا وده الاهم انا أسمي عشق🙂
ليل...😡😡 ماشي يا عشق...بس انتي عايزه تقنعيني لما حكيتي كل ده مكنش هدفك انك تشتغلي من الاول انتي والبنات فالشركه
عشق....قصفت جبهته بطريقه مهذبه
اولا بابا هو اللي جاب لتمارا الشغل واليوم اللي هي عملت فيه الحادثه كانت بتدور على شغل وده كان يوميا بس بابا اللي فاجئها وهي وافقت....اما زهره فا هي بردو شغاله في مكان مرتحاله ثالثا بقى وده الاهم يا مستر ليل لا حضرتك ولا شركتك هدف بالنسبالي بالعكس الشغل معاك او في شركتك زيه زي اي شغل هروحله هيبقى مصدر رزقي اللي هرضي بيه مهما كان يمكن تشوفني غريبه بس اسفه جدا اللي زي حضرتك بيشوف الناس من فوق مش هيقدر يفرق بين الناس وبعضها اللي زيي يا ليل باشا عندها أستعداد تشتغل اي حاجه فالدنيا بس تكون حلال لا يهمني منصب ولا بوزيشن ولا حتى يهمني ان اشتغل بشهادتي
انا هدفي اني اشتغل شغل ميغضبش ربنا وفنفس الوقت فلوسه تكون اد تعبي لا طالبه ازيد ولا اقل.. هو ده طموحي ياليل باشا وانا طموحي اكبر بكتير من تخيلك واكبر بكتير اوي من منصبك وشغلك اللي حضرتك فاكر اني طمعانه فيهم..
ليل...كان باصصلها بزهول😳 وحس انه لاول مره ميعرفش يرد لكن فاق على كلمتها
عشق... بعد اذنك ولسه عشق هتفتح العربيه وتنزل مسكها ليل من ايدها
ليل..استني هنا
عشق...😳😳😳😳
ليل..رايحه فين انا مخلصتش كلامي
سحبت عشق ايدها بغضب بس انا خلصت ومش حابه اتكلم تاني في اي حاجه وحابه بس اقولك كلمه انا قررت من اخر مره كنت معاك فيها اني احاول انسى الحلم ده احاول انسى تكرار الاحداث واحاول ابعد نفسي عن اي ضغط وقدرت وابتديت انزل ادور على شغل بجد...ونصيحه عشان تريح نفسك اعمل زيي او اقولك اعتبرني مجنونه وبخرف ومتسمعش ولا كلمه من اللي انا قولتها وانساني خالص كأني مظهرتش في حياتك وعايز تاخد احتياطاتك من اللي قولته خد مش عايز انت حر...انا مش ندمانه اني قولتلك عالاقل ريحت ضميري بس خلاص انا هفوق لنفسي وبس وانت كمان اعمل زيي وارجع لدنيتك وكأني مظهرتش ولا قولتلك اي كلمه
ليل...بضعف بان على صوته..مش قادر يا عشق اعمل كده مش قادر ابطل تفكير انتي رمتيني في نار وجايه الوقت تقول اعتبرني مجنونه او مظهرتش طب ازاي
عشق...بحزن على حالة ليل انا اسفه بجد عمري ما قصدت اني أذيك او ارميك فالنار زي ما بتقول بس والله ياليل انا خوفت عليك عشان كده قولتلك
ليل....خوفتي عليا؟
عشق....بارتباك 😔اقصد يعني حبيت انبهك ومش بقولك انسى أو ان الموضوع عادي بس يمكن اللي قولته ميتحققش
ليل....ويمكن يتحقق
عشق....ويمكن اكون كدابه زي ما انت شايفني؟؟
ليل...انا مقولتش انك كدابه
عشق...عارفه بس في اوقات بنقول فيها كلام نقصده وفالاخر بيدينا نفس المعنى..
ليل....طيب ممكن طلب
عشق..اتفضل
ليل...صدقيني يمكن تكون موافقتي عالشغل كانت مش ظريفه بس والله غصب عني حطي نفسك مكاني
عشق ..انا مش زعلانه وده يمكن لاني حطيت نفسي مكانك اما بالنسبه للشغل فانا اسفه حقيقي مش هينفع
ليل...طيب ممكن تفكري
عشق...صدقني مش هينفع
ليل...طيب ولو قولتلك اني صدقتك
عشق....يبقي بتكدب على نفسك وجيت للشخص الغلط
ليل...تمام يا عشق بس بردو مش هعتبر ده رد اخير على طلبي وهسيبك كام يوم تفكري
عشق....بيتهيألي ردي مش هيتغير
ليل...سيبي كل حاجه لوقتها
عشق...بابتسامه هاديه تمام هستأذن انا بقى
ليل...استني هنا انا هوصلك
عشق...لا معلش مش هينفع
ليل...انا قولت هوصلك على فكره وياريت بلاش اعتراض
عشق...بسسس
وقبل ما تنطق كان ليل دور العربيه ومدلهاش اي فرصه تعترض.
.............
اما في المستشفى
نوح...ممكن تبطلي عياط شويه
زهره...من ساعة ما جينا وهي كده مبتبطلش عياط ابدا
نوح..نور احنا اتفقنا انك تدعيله احسن من العياط ده كله هو مش محتاج اي حاجه غير ان تدعي وبس لو يقدر يتكلم كان قالك كفايه عياط
نور....انا كل ما اجي واشوفه نايم بالمنظر ده قلبي يوجعني عليه اوي وبفضل أئنب في نفسي ازاي انا واقفه شيفاه كده وبالمنظر ده ومش قادره اعمله اي حاجه
أدم....متقوليش كده يا نور حرام وبعدين انتي في ايدك ايه تعمليه ومعملتهوش
نور...بدموع ياريت كان في ايدي حاجه اقدر اساعده بيها والله مكنتش اتأخرت عنه
نوح...لا يانور في انك تدعيله دي اكتر حاجه تقدري تساعديه بيها
زهره...صح يا نور انتي تقدري تساعديه وصدقيني ربنا عمره ما بيخذل اي حد يلجأله ولا عمره خذل أي حد دعاله بألحاح..
ادم..ابتسم لزهره.براڤو يا زهره عندك حق
ابتسمتله زهره بأحراج
ادم...وبعدين يا نور طول ما انتي بتعيطي وحالتك عامله كده حتى دراستك مش هتقدري تركزي فيها
نوح...بضحك عشان يحاول يغير الجو شويه لا وكله إلا دراستك الراجل ده لو فاق ولقاكي مهمله في دراستك لا هيقتلك لا يقتل نفسه..ده موراهوش حاجه غير المحاميه راحت المحاميه جت
ابتسمت نور وسط دموعها
نوح...وبعدين بصراحه بيني وبينك يعني حوار انك هتبقى محاميه ده مش داخل عليا
نور...ليه بقى
نوح...بزمتك في محاميه بالطول ده🙄
نور...نعممم😡انت بتتريق على طولي
نوح...انا والله ما حصل طولك ايه اللي اتريق عليه انا بتريق على قصرك
نور...انا قصيره🥺
زهره...صراحه اه 🤭🤭
ادم...ااااه كده هما قرروا يتسلوا عليكي
نور....على فكره بقى عاجبني طولي
نوح...وهو مبتسم ومركز في عينها وانا كمان على فكره عاجبني طولك😉
نور...حست بالتوتر والاحراج من كلامه ونظراته وبصت بسرعه على الساعه.. يا خبر الساعه 8ونص يلا عشان منتأخرش
زهره...ايوه يلا
ادم....متقلقوش هنوصلكم على طول..
نزلوا مع بعض خرجوا من المستشفى
ادم...انسه زهره اتفضلي معايا لو معندكيش مانع
بصت زهره لنور...وبصتله لا عادي تمام
نور...لزهره ايه ده فين الورق
زهره...ورق ايه
نور...الملازم اللي جبتها
زهره.. انتي بتسأليني انا هو انا كنت معاكي فالجامعه
نور...سرحت
نوح...طيب يمكن سبتيها فوق في المستشفى هطلع اشوفها بسرعه
نور...بخيبه امل...لا لا استنى يا نوح انا شكلي نسيتها في المكتبه اللي عند الجامعه دفعت فلوسها وسبتها ومشيت عشان كنت عايزه متأخرش على بابا
نوح....طيب خلاص حصل خير نروح نجيبهم
نور..لا لا نجيب ايه خلاص مش مهم انا بكره اروح تاني اشتري ميتهيأليش اصلا هنلاقيهم ولا ممكن اصلا اكون خدتهم ونسيتهم في المواصلات
ادم...طيب عادي مش هنخسر حاجه نروح نسأل عليهم لقيناهم اوك ملاقيناهمش نجيب غيرهم
نور...ايوه بس عشان يعني منعطلكمش
نوح...بلاش عبط يلا بينا
نور...حاضر
ركبت نور مع نوح وزهره مع ادم ومشيوا ورا بعض.....على مكتبة الجامعة....
...............
اما عند جاسر وتمارا....
جاسر...شبعتي
تمارا...اه جدااا والله كنت جعانه اوي
جاسر...بسخريه🙄🤨 بس صحيح كان في واحده بتقول مش هتنزل ولا هتاكل وعملت فيها سبع رجاله وقلبت قطه شوفتيها
تمارا...بضحك اااه واعده ادامك واسمها تمارا كمان😂😂🤭🤭🤭
جاسر...بضحك اعترفتي من قبل حتى اول قلم
تمارا...لا قلم ايه وضرب ايه مش ناقصه فرهده وبعدين بصراحه انا كنت هموت من الجوع
جاسر...باصصلها بحب ومعجب بطريقتها التلقائيه...ااه يعني بعتي القضيه عشان طفسه
تمارا...انا طفسه 🙄 انت باصصلي فالاكل😳
جاسر....بضحك الله يخربيت عقلك.
تمارا...صحيح هو احنا هنبتدي الشغل بكره على 7الصبح بردو
جاسر...ليه حضرتك وراكي مواعيد وانا مش واخد بالي
تمارا...بتتريق صح😒
جاسر...😂😂ااه
تمارا...ماشي هعديهالك عموما لا بس عشان اظبط المنبه اصلي بصراحه مقتوله من النوم انهرده كان في شغل كتير اوي وطول اليوم واقفه على رجلي
جاسر...ده على اساس انا واقف على ايدي🙄
تمارا...😡😡😡
جاسر..طب خلاص متبصيليش كده يخربيت اللي يزعلك هننزل على 8
تمارا...ماشي
رن موبايل جاسر. الوووو
هايدي...ايوه يا بيبي عامل ايه
جاسر...بخير يا هايدي
هايدي..انت في الفندق ولا لسه في الشغل
جاسر...لا والله لسه فاكره عموما انا في الفندق وباكل كمان
هايدي...حقك عليا بس كنت نايمه ومرهقه جدا لسه صاحيه حالا قولت اطمن عليك
جاسر..انا بخير الحمد لله
هايدي...وحشتني اوي
بص جاسر لتمارا بطرف عينه ومش عارف يرد على هايدي.
هايدي....الووو جاسر
جاسر...ايوه معاكي يا هايدي بس الشبكه بتقطع تقريبا
هايدي....بقولك وحشتني اوي
جاسر....احمم وانتي كمان
هايدي...انا كمان ايه
جاسر....الووو الووو هايدي هكلمك تاني الشبكه وحشه جدا سلام.....
هايدي....الشبكه برده يا جاسر😡😡😡 وحيات امي ما هسيبك ولا انت ولا الزباله اللي معاك ولو اتأكدت من احساسي وطلع فيه حاجه بينك وبين البت دي وديني لهقتلها والمرادي هيبقى عليا وعلى اعدائي وهعملها بنفسي مره خابت وجت في الراجل اللي شغال معاك بس التانيه هتصيب على ايدي وهفرملك السنيوره اتأكد بس ياجاسر😡😡
.......................
نور.....ايوه هي المكتبه دي
نوح طيب استني رايحه فين انا جاي معاكي ركن نوح ونزل هو ونور ونزل وراهم ادم وزهره
نوح....مساء الخير يا كابتن
صاحب المكتبه...مساء النور
نوح...الانسه خدت منك ورق انهرده من كام ساعه كده مسابتهمش هنا؟؟؟
صاحب المكتبه...ابتسم...لا سابتهم بس بعد ما سابت الفلوس
نور...يعني لاقتهم
صاحب المكتبه...هما اصلا كانوا زي ما سبتيهم طلعتي فلوسك حاسبتيني ومسكتي موبايلك وسرحتي ومشيتي
اتفضلي هو ده صح
نور.....ايوه هو شكرا اوي
نوح..طيب راجعيه عشان لو في حاجه ناقصه تجيبيها بالمره
نور....لا مظبوط
نوح...شكرا يا كابتن
صاحب المكتبه على ايه بس تحت امركم
زهره...مسطوله
نور...الحمد لله اني لقيتهم
زهره...طيب يلا بقى احسن عشق زمانها هتفجرنا
نور ..ادام مكلمتناش يبقى مشغوله
نوح...يلا اركبوا
ركبوا العربيات واتحركوا عالبيت
............
وصل ليل ادام بيت حاج محمد حمد الله عالسلامه
عشق...شكرا تعبت نفسك مكنش ليه لزوم
ليل...مفيش تعب ولا حاجه متقوليش كده
عشق...بعد اذنك
ليل...عشق
بصتله عشق من غير كلام
ليل...زي ما قولتلك هعتبر ردك لسه محصلش
ابتسمت عشق أن شاء الله بعد اذنك
ليل...هز راسه اتفضلي.
...............
تمارا...ملامحها اتغيرت من غير ما تحس بعد مكالمة هايدي لجاسر وفجأه بقت سرحانه وفي دنيا تانيه وبعد ما كانت بتضحك وتهزر سكتت خالص.
جاسر. كان حاسس بيها وحاسس انها اتغيرت بعد مكالمة هايدي بس حب ما يبينلهاش انه حاسس بيها
جاسر...تشربي نسكافيه.
تمارا..........فضلت سرحانه ومش معاه
جاسر...تمارا. تمارا. تمارا
تمارا...هااا ايوه
جاسر...في ايه سرحانه كده ليه
تمارا...لا ابدا معاك
جاسر....تمارا انتي كويسه
تمارا...اه الحمد لله بخير بس مرهقه شويه
جاسر...ايوه بس انتي كنتي مرهقه بردو من شويه بس كنتي بتهزري وتضحكي ليه سكتي مره واحده كده
تمارا...لا ابدا صدقني مفيش بس ممكن نطلع بقى محتاجه ارتاح
جاسر...طيب تمام زي ما تحبي
قام معاها جاسر وطلعوا مع بعض وصلوا ادام اوضة تمارا
تمارا...تصبح على خير وميرسي عالعشا
جاسر...ابتسملها انا اللي ميرسي على احلي بنوته تواضعت واتعشت معايا
ابتسمت تمارا غصب عنها اي خدمه😉
مسك جاسر كف ايدها من غير اي مقدمات وقربه من شفايفه وسط صدمه وزهول تمارا وضربات قلبها السريعه بصلها جاسر تصبحي على خير وساب ايدها ومشي على اوضته من غير ولا كلمه زياده
وصل ادام الباب بص عليها لقاها لسه واقفه وبصاله في صدمه
جاسر.....😉😉😉ادخلي ولا ارجعلك
هزت تمارا راسها بسرعه وفتحت اوضتها ودخلت وقفلت على طول
ضحك جاسر عليها ودخل الاوضه.
اعد جاسر على سريره وسرح وكلم نفسه..
جاسر..عارف انك حبتيني يا تمارا زي ما حبيتك بس لازم امثل على هايدي ولازم محسسكيش بحبي ليكي يمكن مهانش عليا قلبة وشك بعد مكالمتها فا حبيت اعتذرلك بطريقتي من غير ما اتكلم...يمكن كمان لاني مصدق عشق مش بس عشان اللي قالته..لا ده عشان انا اتأكدت بنفسي من حاجه مهمه.... ولازم انت كمان ياليل تصدق عشق..
جاسر...يارب استرها من اي حاجه جايه🙏🙏🙄😉
............
بعد ما عشق أستأذنت منه وسلمت عليه
نزلت ودخلت مدخل البيت ادامه لكن لفت نظر ليل ان الجارد بتوعه مش اعدين عالقهوه ولما بص عالبلكونه بتاعت الشقه اللي مأجرينها لقاها مقفوله هي والشباك
ليل...بغضب...😡😡😡دي اخرت اللي يعتمد على شويه عيال زيكم وديني لاربيكم
ركن ليل العربيه في مكان فاضي ونزل براحه عشان عشق متشفهوش وطلع بسرعه مدخل العماره اللي ادامهم طلع ليل اول دور وخبط.
رامز...قوم افتح يا عماد
عماد...مش قادر اتحرك طول اليوم واقف انا مصدقت ارتاح شويه
شريف...متبصوليش والله ما هقوم
رامز....اوعي كده انت وهو😡
راح يفتح الباب....ليل باشا😳
ليل....دخل ليل بغضب انتوا اعدين هنا انتوا التلاته وياريت الوقت متأخر شويه لا ده لسه بدري وحضراتكم مفيش واحد فيكم تحت ولا حتى واحد باصص من شباك ولا بلكونه
رامز...والله العظيم يا باشا انا بعد مكالمة حضرتك اول ما جيت مشيت زي ما أمرت وجيت اعدت معاهم عالقهوه احنا تقريبا طالعين من ربع ساعه
ليا...لا ربع ولا نص انا قولت متطلعوش غير لما البنات كلهم يكونوا فالشقه ولسه اصلا مش كلهم جم ده حتى الشباك انتو قافلينه
عماد...ما عشان حضرتك تصدق اننا والله لسه طالعين من شويه
ليل...افتحوا الشباك ده وافتحوا البلكونه واحد يأعد هنا يراقب الشارع من فوق ومدخل العماره
وانتوا الاتنين تنزلوا على تحت زي ما قولت
رامز...ماشي يا باشا
راح عماد فتح البلكونه والشباك
ليل...بغضب اللي حصل ده ميتكررش انا مخليكم هنا عشان تحموهم وفنفس الوقت اعرف كل كبيره وصغيره
رامز تمام ياباشا
ليل...يلا اتنين فيكم يجوا ورايا ينزلوا على تحت متطلعوش غير لما البنات كلهم يكونوا فوق
شريف...حاضر ياباشا..
مشي ليل باتجاه الباب لكن فجأه لفت نظره حاجه صعقته😱
#
مابين الحلم والحقيقة (دار الايتام 2)
البارت التاسع...
ليل...افتحوا الشباك ده وافتحوا البلكونه واحد يأعد هنا يراقب الشارع من فوق ومدخل العماره
وانتوا الاتنين تنزلوا على تحت زي ما قولت
رامز...ماشي يا باشا
راح.عماد فتح البلكونه والشباك
ليل...بغضب اللي حصل ده ميتكررش انا مخليكم هنا عشان تحموهم وفنفس الوقت اعرف كل كبيره وصغيره
رامز تمام ياباشا
ليل...يلا اتنين فيكم يجوا ورايا ينزلوا على تحت متطلعوش غير لما البنات كلهم يكونوا فوق
شريف...حاضر ياباشا..
مشي ليل باتجاه الباب لكن فجأه لفت نظره حاجه صعقته
ليل..😳😳 وبمجرد ما ركز في اقل من ثانيه كان جري بأقصى سرعه عنده هو والجارد بتوعه على شقه حاج محمد...عشان يلحق عشق وكان المشهد كالتاااااالي...
بعد ما فتح عماد الشباك
ولسه ليل هينزل اتفاجئ بعشق بتجري برعب وخوف في كل مكان في الشقه ولسه هتجري على الشباك كان شاب من اللي معاها في الشقه جري قبلها وقفله والتاني مسكها من طرحتها...في اللحظه دي حس ليل ان عقارب الساعة وقف ثواني بسيطه اوي اتعاد ادامه مشهد عشق وهي بتحكيله عالحلم ومشهد خوفها اول مره شافها وهي بتحاول تمنع حادثه تمارا وحاج محمد اتعاد مشهد كلام نور عنها وبالرغم من انها كانت ثواني تتعد لكن مرت على ليل ساعات وفي أقل من ثانيه كان ليل أدام باب شقة حاج محمد
هو والجارد وكسروا الباب بدفعه قويه من رجلهم..
لكن!!! المشهد على ليل كان اكبر بكتير من ان هو يصدقه
لما شاف عشق وكأنها بتحتضر خلاص من ايد شاب منهم كان بيحاول يكتم نفسها عشان متصرخش والاتنين التانيين مكتفينها وبيعتدوا عليها
الصدمه كانت كفيله تشل حركته لثواني لحد ما حاول يستوعب المنظر ويتلم على اعصابه..فاق لما شاف الجارد بتوعه ابتدوا يتعاملوا مع الشباب...وفي لحظه اتحول لبركان من الغضب..وابتدا يضرب فيهم ضرب جنوني وكأنه بيطلع فيهم غضبه من نفسه انه محاولش يصدقها وانه كان جواه حاجه مكدباها وانه شك فيها رغم انها جايه تنصحه....وبمجرد ما الجارد وليل مسكوهم وفضلوا يضربوا فيهم خدت عشق نفسها وكأنها كانت بتغرق وحد انقذها ورجعت للحياه فضلت عشق حاطه ايدها على قلبها ورقبتها بتحاول تاخد نفسها لكن مش قادره الخوف والرعب اللي كانت فيهم خلوها مش قادره تظبط نفسها وكأنها أصابت بحاله من الزعر قامت عشق بسرعه من الارض سابت ليل والجارد بيضربوا في الشباب بتحاول تغطي نفسها بتخبط وتوقع في كل حاجه تقابلها من كتر ما خلاص نفسها بيروح لحد ما وصلت الاوضه لمحت الاسدال بتاعها مسكت طرفه بتحاول تشده كان متعلق على الشماعه مش قادره تعافر وتشده وقعت على ركبها في الارض وفجأه دخل عليها ليل جري عليها اتصعق من منظرها وشها بيزرق وخلاص بتروح منه
ليل...عشق اتنفسي براحه ارجوكي متخافيش انا معاكي مفيش حاجه حصلت
عشق...بتحاول تنظم نفسها لكن مش قادره...في الوقت ده كان كل اللي بيدور في عقل عشق انه ازاي بعد ما قررت انها تعيش حياتها بطريقه طبيعيه ومتخافش وتكون قويه وتحاول تنسى حلمها يتعاد نفس اللي حصل فيه ويتكرر من تاني بس المرادي لوحدها وبطريقه مختلفه هي نفسها متوقعتهاش ولا كان عندها شك ولو واحد في المليون أنه ممكن يحصل بالطريقه دي وده اللي سببلها حاله الذعر والخوف دي عشق بعد ما صحيت من حلمها وكل حاجه كانت بتتحقق مع الوقت بقى عندها حاله من اللامبالاه الاحداث بتتكرر وفنفس الوقت مش قادره توقفها فقررت تسيب كل حاجه تمشي زي ما هي
لكن اللي حصل ده لانها مكانتش متوقعاه فكان بالنسبالها كأنها بتعيش التجربه لاول مره.
ليل...فضل يضربها على وشها
عشق خليكي معايا متروحيش مني اوعي تغمضي عينك
انا اسف عشان مكنتش مصدق ارجوكي سامحيني واوعدك هصدق كل كلمه قولتيها
راااااامز..جهز العربيه بسرعه
جري رامز وعماد بسرعه يجهزوله عربيته ويوسعوله الطريق
قام ليل بسرعه من الارض شال عشق بس من صدمته نسي هدومها المقطعه وشعرها اللي سايب على ضهرها لكن ايد عشق اللي ماسكه طرف اسدالها اللي خلاه لاحظ..
ليل...سيبي من ايدك يا عشق
سابت عشق طرف الاسدال باستسلام نزلها ليل على السرير وبسرعه جاب الاسدال حاول يلبسه لها بسرعه وشالها من تاني وبمجرد ما اطمنت انها لبست راحت عشق في دنيا تانيه بين ايدين ليل....
في اللحظه دي كان وصل نوح ونور وادم وزهره ركنوا العربيات بس اتفاجأو من الزحمه وشباب بتزعأ وبتحاول توسع الطريق واغلب الناس باصه على مدخل بيت حاج محمد
نور...بخوف ايه ده في ايه في بيتنا
نوح...مش عارف تعالي بسرعه
نزلوا بسرعه
ادم....نوح مش دول الجارد بتوع ليل اللي بيوسعو الشارع ويمشوا الطريق دول
نوح...ايه ده اه فعلا
زهره... ايه اللي بيحصل تعالي نشوف بسرعه يانور
واخيرا ظهر ادامهم ليل وهو شايل عشق شكله مبهدل عالاخر وعشق وشها فيه دم
نور...😱😱😱
زهره...عششششششق جريت زهره عليها
عشق مالك ياعشق ردي عليا والنبي
ليل.. اركبي يازهره وامسكيها مني
ركبت زهره ورا ودخل ليل عشق جمبها
ادم...ليل في ايه..
ليل...مش وقته عشق بتروح مني لازم نلحقها تعالوا ورايا بسرعه وبص للجارد وانتوا التلاته اللي فوق دول حالا يكونوا في المخزن
الجارد....تحت امرك يا باشا..
ركب ليل العربيه ومشي بسرعه جنونيه ونوح وادم وراه
زهره...يارب خليك معانا عشق ردي عليا فيكي ايه ارجوك يا مستر ليل قولي فيها ايه
ليل...مش وقته يا زهره
زهره...مش وقته ايه عشق بتموت ونفسها ضعيف قولي مالها
ليل...بغضب قولتلك مش وقته😡
سكتت زهره وضمت عشق لحضنها اكتر وفضلت تعيط.
اما في عربية نوح
نور...بدموع يارب ليه بيحصل فينا كده يارب احنا لسه مفوقناش من صدمه بابا
نوح... نور اهدي من فضلك اكيد مفيش حاجه وحشه
نور... ازاي مفيش حاجه وحشه امال اللي احنا فيه ده ايه ده بيقول عشق بتروح مني
نوح...نور بلاش توتريني اكتر مانا متوتر ارجوكي احنا هنروح وهنعرف الوقت
نور...يارب خليك معانا وفي اللحظه دي رن موبايل نور
نور...دي تمارا بتتصل اكيد اتصلت على عشق وزهره الاول
نوح...متقوليلهاش حاجه شوفي يمكن حد فيهم رد عليها وبلغها لو عرفت اوك مش عارفه بلاش تقلقيها.طب لو قالتلي عايزه حد منهم
نوح ..قوليلها انك في الطريق وراجعه من عند حاج محمد
حاولت نور تداري صوتها...الوو
تمارا...ايه نور ده كان هيفصل خلاص مبترديش ليه
نور....بارتباك لا يا حبيبتي ابدا مفيش بس على بال ما طلعته من الشنطه
تمارا...ايه ده مال صوتك انتي كويسه
نور...ايوه الحمد لله بس كنت عند بابا
تمارا....هو عامل ايه طيب
نور...زي ماهو لسه
تمارا...ربنا معاه يارب ويقومهولنا بالسلامه
نور...يارب
تمارا....نور كلمت عشق مبتردش وكلمت زهره مبتردش وانا قلقانه عليهم اوي وزاد قلقي لما كلمتك واتأخرتي فالرد
نور...لا ياحبيبتي مفيش اي حاجه زي ما بقولك انا كان عندي طول اليوم محاضرات وخرجت روحت على بابا ومشيت من شويه وراجعه فالطريق يمكن مش سامعين ولا نامو شويه لحد ما اروح
تمارا....يمكن طيب اول ما توصلي يانور طمنيني عليهم
نور...حاضر متقلقيش
تمارا...بقلق طيب هو انتي ادامك كتير
نور...بارتباك يعني ممكن نص ساعه ساعه
تمارا...طيب خلاص ساعه وهكلمك
نور...ماشي ماشي
تمارا...باي
نور...باي
قفلت نور...وخدت نفسها
نوح...خدت بالها
نور...معرفش بس هي حاسه ان في حاجه ومش عارفه زهره ليه مردتش عليها اصلا لو كانت ردت حتى لو برساله عالواتس مكنتش قلقت كده
نوح....ان شاء الله خير
.......
قفلت تمارا وفضلت تكسر بضوافرها باسنانها وتهز رجليها
رجع جاسر من الحمام
جاسر...في ايه مالك
تمارا...عشق مبتردش عليا بقالها اكتر من ساعه وزهره كمان مبتردش وكلمت نور ردت وهو هيفصل خلاص صوتها مرتبك ومتوتره بس بتأكدلي ان مفيش حاجه وانا بصراحه مش مصدقاها
جاسر...هتكدب عليكي ليه بس وبعدين هيكون حصل ايه استني انا اكلم ليل او ادم اشوف الدنيا عامله ايه معاهم انا اصلا مكلمتهمش انهرده
اتصل جاسر على ليل مرتين مردش حس بقلق بس محبش انه يخوفها
اتصل على ادم
جاسر...الوووو
ادم...ايوه ياجاسر
جاسر...ايه الاخبار هو في حاجه عندكم ولا كله تمام
ادم....والله ما عارف يا جاسر اذا كان كله تمام ولا في مصيبه
سكت جاسر وخاف يرد بأي سؤال تفهم منه تمارا ان في حاجه
ادم....شكلك معاك تمارا وخايف تفهم صح
جاسر...ايوه
ادم....طيب عموما هو في حاجه حصلت كنت مع نوح ومعانا زهره ونور في المستشفى ورجعناهم ولقينا زحمه في الشارع وليل نازل بعشق على ايده ومعاه جارد ومش فاهمين اي حاجه حصلت جرينا وراه واحنا فالطريق للمستشفى ده باختصار كده
جاسر....اه طيب تمام الحمد لله يعني الشغل كله تمام...طيب بقولك ايه تمارا قلقانه على عشق وزهره وكلمت نور قلقت اكتر متعرفش عنهم اي حاجه
ادم...حاول متبينلهاش وبعدين زهره كانت راكبه معايا وبعد اللي حصل راحت مع ليل ونسيت شنطتها عالكرسي من صدمتها انا سامع تليفونها رن كتير فعلا
جاسر...طيب الحمد لله انهم بخير يلا روح انت عشان الطريق
ادم...هشوف اللي حصل ولما تبقى في اوضتك عرفني عشان احكيلك
جاسر...تمام يلا سلام
.......
جاسر....اطمني ادم بيقول انهم بخير وانه شافهم انهرده
تمارا...بشك شافهم فين
جاسر....بارتباك في المستشفى وبيقول ان هو مشي وليل ونوح بيوصلوهم
تمارا....بخوف انت بتكدب ياجاسر في حاجه حصلت في اخواتي
جاسر...كدب ايه بس يا تمارا مفيش صدقيني
تمارا...مفيش ايه نور لسه قيلالي انها خلصت جامعه وراحت على المستشفى وان هما اكيد مش سامعين او نايمين لحد ما هي تروح يعني ازاي نور هتقولي كده
وهما معاها
جاسر....حس بان مفيش مفر سكت
تمار...وقفت انا لازم انزل القاهره حالا
جاسر وقف تنزلي الوقت فين واكيد مفيش طيران اصلا خلينا بكره الصبح
تمارا...وانا مش هستنى الصبح انا هنزل وحالا ومش طالبه منك تيجي معايا على فكره انت بس من فضلك حاول تحجزلي بسرعه لحد ما اجهز شنطتي بسرعه
مسك جاسر راسه من ورا وفضل يلف حوالين نفسه وبصلها
اطلعي بسرعه جهزي نفسك وانا هعمل شيك اوت بسرعه واحجز وهبلغ هادي
تمارا...تمام مشيت تمارا بسرعه من ادامه
راح جاسر خلص حساب الفندق واتصل بهادي قابله.
.........
هادي...طيب ايه سبب النزول المفاجئ ده في مشكله
جاسر ..لا خالص مفيش بس واحد صاحبي عمل حادثه ولازم اكون جمبه
هادي ...لا الف سلامه ان شاء الله خير عموما انا بيتهيألي اننا خلصنا كل حاجه انهرده تقريبا
جاسر...فعلا انهرده خلصنا جزء كبير وتقريبا مفيش حاجه بكره نعملها وطبعا من اول الاسبوع الشركه هتبتدي الشغل
هادي...ان شاء الله خير انا ثقتي فيكم كبيره
جاسر...شكرا ياهادي وشكرا عالكام يوم دول بجد
هادي متقولش كده عيب وهستناك تيجي تاني بس المره الجايه انت والشباب كلهم
جاسر.. ان شاء الله بعد
اذنك
هادي...اتفضل
طلع جاسر بسرعه عالاوضه واول ما طلع اتصل يحجز الطيران
جاسر...يعني ايه مفيش غير طياره بعد ساعتين ومش متأكده فيها كراسي فاضيه ولا لا
الموظفه...يا افندم في طياره هتقوم بعد نص ساعه وقولت لحضرتك فيها كرسي واحد بس والطياره اللي هتقوم بعد ساعتين لسه معرفش فيها اماكن فاضيه ولا لا
جاسر....طيب معلش تقدري تتأكديلي
الموظفه ...والله يا افندم مقدرش اعرف الوقت بس انا شايفه ممكن حضرتك تيجي بسرعه تلحق الطياره اللي هتقوم بعد نص ساعه يمكن حد ميسافرش او يحصله ظروف فا يكنسل الرحله مش هتخسر حاجه
جاسر....تمام طيب مؤقتا ممكن تحجزيلي الكرسي الفاضي
الموظفه....طبعا تحت امر حضرتك
جاسر...وانا حالا هحول المبلغ
الموظفه... تمام يا افندم
جاسر...شكرا
قفل معاها جاسر بسرعه وجهز شنطته في اقل من دقيقه وخرج من الاوضه راح لتمارا اللي كانت رايحه جايه فالاوضه اول ما سمعت صوت خبطته عالباب فتحت بسرعه
جاسر...جاهزه
تمارا...ايوه
جاسر...طب يلا بسرعه عالمطار.
............
اما عند ليل وصل المستشفى في وقت قياسي شال عشق بسرعه وجري على جوه ونزلت زهره وراه جري....دخلوا على الطوارئ
ليل...دكتور بسررررعه
زهره...بصريخ.حد يلحقناااا
جري على دكتور وممرضين بالترولي فضلوا يجروا بسرعه وهو الدكتور بيسأل ليل عن اللي حاصلها
ليل...مش عارف اتكلمت وهي تعبانه على بال ما روحنالها لقيناها كده والمشكله في نفسها مش عارفه تاخده خالص
وصلوا ادام الاوضه
الدكتور... تمام
لسه ليل هيدخل....الممرضه ممنوع يا افندم هطمن حضرتك بس لما الدكتور يخلص
رجع ليل لورا وفضلت زهره عالباب خايفه تسأله تاني لا يتعصب عليها تاني ففضلت السكوت واتمنت فاللحظه دي ان تمارا تكون معاها عشان تقويها شويه
ادم ونوح ونور جم جري
ادم.....ليل ايه فين عشق
ليل..بحزن جوه مع الدكتور
نوح...ايه اللي حصل ياليل طمني وايه اللي عامل فيك كده انت والجارد وايه اصلا اللي وداك لعشق
ادم....ومين دول اللي قولت للجارد خدوهم عالمخزن
ليل....ببرود خلصتوا اسئله سيبوني الوقت من فضلكم اطمن على عشق الاول وهعرفكم
نوح ..ايوه ياليل بس
ليل....اطمن وبعدين ارد عاللي انتو عايزينه
سكتوا كلهم ووقفوا مستنين الدكتور يطمنهم على عشق اما زهره كانت منهاره في صمت ونور جمبها بتحاول تواسيها
..........
وصل جاسر وتمارا في وقت قياسي المطار دخلوا بسرعه جوه يخلصوا الورق..لكن هنا كانت صدمه تمارا من اللي سمعته
جاسر....يعني مفيش اي حد اعتذر او لغي لحد الوقت
الموظف...للاسف لا يا افندم تقرييا كل الركاب طلعوا فاضل حوالي 9دقايق بس لسه زي ما حضرتك شايف الناس بتدخل بس ممكن تستنى لحد ما يبلغونا فالطياره اذا كان في حد ناقص او لا
جاسر...تمام بص جاسر لتمارا بقلة حيلة ملامحها كان باين عليها الصدمه
تمارا...يعني ايه مفيش غير مكان واحد
جاسر...تمارا انا مردتش اقولك عشان عارف انك ممكن تفكريني بكذب عليكي في طياره بعد ساعتين بس مش ضامن فيها اماكن ولا لا انا حجزت ده وانا عارف انك مش هتسافري بس حجزته عشان أكدلك اني حاولت
تمارا...بخوف بس انا هسافر
جاسر...هتقدري
تمارا...ايوه متقلقش انا مش هقدر استنى
جاسر...عشان كده حجزتلك خلي بالك من نفسك ارجوكي وانا هكلم ادم او نوح يجولك المطار او يبعتولك سواق عشان الوقت هيبقى متاخر
تمارا...بخوف حاضر
جاسر...متخافيش من الطياره وافتكري اللي قولتهولك قبل كده اهدي ومتفكريش في اي حاجه وافتحي عنيكي عادي واتنفسي بهدوء
هزت تمارا راسها ونزلت منها دمعه غصب عنها جاسر انت عارف حاجه ومخبيها عليا
جاسر...والله ما تخافي مفيش حاجه يلا ادخلي بسرعه
مسكت تمارا شنطتها ودخلت فضلت تبص على جاسر وتمشي تقف وتمشي باين عليها الخوف
وقف جاسر مش عارف يعمل ايه مستني وعنده امل ان حد يعتذر او يلحق مكان فالطياره اللي بعدها.
..........
طلعت تمارا الطياره وراحت مع المضيفه على مكان الكرسي بتاعها اعدت وبمجرد ما اعدت ربطت الحزام بسرعه وفضلت تبص شمال ويمين عالناس بخوف تحاول تشوف حد خايف زيها. ولا هي بس.. شايفه الكل اعد هادي إلا هي كلهم مجموعات إلا هي افتكرت جاسر وافتكرت تحديها ليه اول ما وصلوا
فلاش باك....
جاسر...تصدقي ان انا غلطان اني حاولت اهديكي كنت سيبتك كده ميته في جلدك واقولك احنا فيها واحنا راجعين هحجز انا كرسي بعيد عن الكرسي بتاعك
تمارا....ايه النداله دي
جاسر....نعمممم🤨🤨
تمارا...🙄🙄لا مقصدش حضرتك على فكره
جاسر...لا وعلى ايه حضرتك بقي بس اقولك انا هعرفك النداله
تمارا...بثقه على فكره ما بخافش😏😏اصلا خلاص الخوف راح
جاسر...تمام هنشوف😉😉👌
تمارا...هنشوف🤨
بااااك
تمارا....🥺🥺 وفجأه😱
جاسر....القمر اعد حزين كده ليه
تمارا...بدموع انت جيت ازاي
جاسر...😉😉😉استخبيت في شنطه
تمارا...مبهزرش على فكره
جاسر...😉ماشي هقولك مفيش انا فقدت الامل وقولت استنى الطياره التانيه يمكن ربنا يكرم وفجأه لقيت الموظف بينادي عليا
فلاش بااااك.
الموظف....يا افندم تعالى معانا بسرعه في خمس كراسي اعتذروا
جاسر مشي وراه بسرعه خمسه مره واحده ازاي
الموظف...ابدا خمس شباب خليجين على اخر لحظه قرروا انهم يأعدو كمان يومين عشان واحد صاحبهم قال انه في طريقه ليهم فالغوا الرحله...ده حظك على فكره
جاسر.. الحمد لله لا وخمسه مره واحده
الموظف...عشان كده قولت لحضرتك استنى اوقات بتحصل على اخر ثانيه كمان
جاسر...انا متشكر جدا
الموظف...ختم الباسبور واداهوله على ايه بس يلا بسرعه عالطياره
جاسر...تمام
باااااك
جاسر...بس ياستي ده اللي حصل
تمارا....انا كنت خايفه اوي
جاسر...عارف وانا كنت خايف عليكي اكتر يحصلك حاجه من خوفك بس بلاش الدموع دي بقى
بدل ما انزل واسيبك🤨
تمارا...مسحت دموعها لا خلاص
ثواني وكانت الطياره اتحركت
وجاسر ايده حاضنه ايد تمارا 😍
..............
اما عند ليل....خرج الدكتور من الاوضه
ليل....خير يادكتور طمني
😁😁😁😁😁
حلوه القفله دي🤭🤭🤭🤭🤭
اشتموا بقي عشان اروقكم بمفجأه بكره😛😛😛💃💃💃💃💃
#
 البارت الثامن والتاسع ... عشق..خير حضرتك طلبتني ليه ليل...انا موافق يا عشق انك تشتغلي معايا انتي والب…){kind=link}
تعليقات
إرسال تعليق