 |
مابين الحلم والحقيقة(دار الايتام 2)
البارت العاشر....والحادي عشر
اما عند ليل....خرج الدكتور من الاوضه
ليل....خير يادكتور طمني.
الدكتور....خير ان شاء الله هي عندها شرخ جامد اوي في مفصل ايدها الشمال الجمب الشمال في جسمها في كدمات جامده جدا يظهر انها وقعت جامد وده اللي أدي لشرخ المفصل ضغطها كان واطي جدا وضربات قلبها مكانتش منتظمه كانت بتعاني من نقص اكسچين في الجسم والحمد لله انكم جيتوا في الوقت المناسب وده طبعا نتيجه الحاله اللي هي فيها عندها انهيار عصبي حاد دخلت في
نوبة هلع ودي بتبقى نوبة مفاجئة من الخوف الشديد اللي بتخلي الجسم ياخد ردود افعال شديدة زي ما أثرت كده على النفس عندها يمكن مفيش خطر حقيقي أو سبب واضح للخوف بس في اوقات لما بتحصل نوبات الهلع دي بتحس انك بتفقد السيطرة علي نفسك وفي ناس بتتصاب بنوبة قلبية وفي ناس ممكن لا قدر الله تموت..لكن هي الحمد لله محصلش كل ده النفس بس اللي اتأثر وطبعا لو مكانتش اتلحقت كان لاقدر الله جرالها حاجه اخطر
ليل...طيب يعني هي الوقت احسن
الدكتور ...هي اتحطت على جهاز اكسجين النفس اتحسن كتير الحمد لله ادتها حقن تفتح الشعب الهوائيه عندها القلب والضغط انتظموا معاها دكتور الوقت بيعملها جبيره على الشرخ اللي في ايدها بس طبعا انا مضطر اني ابلغ واعمل محضر بالواقعه لاني شاكك ان الكدمات والحاله اللي هي جت عليها دي جر وسحل
زهره ونور....😱😱 الدكتور...وتقريبا ده حد كان بيحاول يعتدي عليها او حد كان بيحاول يتخلص منها..دكتورة النسا كشفت عليها ومفيش اعتداء الحمد لله بس هي بتقول كان في محاوله عموما ده هيكون شغل النيابه
ليل....بعد اذن حضرتك ياريت بلاش شوشره عشانها هي وعشان اريحك فعلا كان في حد بيحاول يعتدي عليها
نوح...وادم...😳
الدكتور...ايوه بس في الحاله دي انا لازم ابلغ لان ده حقها
ليل...ومين قالك اني مش هجيبلها حقها
الدكتور...ايوه بس
ليل..بص عشلن ترضي ضميرك اكتر استنى لما تفوق لو هي قالتلك اعمل كده انا مش هعترض وبنفسي هسلم اللي كانوا بيحاولوا يعملوا كده
الدكتور...حضرتك تعرفهم
ليل...لا بس تقدر تقول انهم بقوا تحت ايدي خلاص
الدكتور...هو حضرتك تعرف المريضه.
ليل...سكت ثواني...ايوه تبقى قريبه راجل طيب شغال معايا في المجموعه وهي كمان بتشتغل معايا انا ليل السيوفي صاحب مجموعه السيوفي للعقارات
الدكتور....طبعا يا افندم اسف اني معرفتكش في الاول
ليل...مفيش حاجه انا طبعا بقولك الكلام ده عشان أعرفك اني مش هسيب حقها وبطمنك بس انا مش حابب اي شوشرة عشانها
الدكتور...تمام ياليل باشا تحت امرك بس خليني امشي ورا اقتراحك الاول اني أسالها عشان مبقاش حاسس بذنبها
ليل...طبعا ولو ده اللي يرضيها انا اللي هعمله مش انت
الدكتور...تمام جدا الوقت طبعا هي واخده مهدأ ونايمه وانا بفضل انها تأعد هنا في المستشفي لحد ما نطمن عليها اكتر
زهره...بدموع يعني هي ممكن يحصلها حاجة وحشه
الدكتور...لا خالص ان شاء الله بس انا بقول لو حصل مضاعفات يعني ممكن يوم او اتنين
ادم...اللي تشوفه احسن ليها يادكتور اعمله
ليل...زي ماقالك يا دكتور اللي في مصلحتها اعمله
الدكتور... تمام
ليل...هو انا ممكن اشوفها
الدكتور...هي الوقت تخلص الجبيره وهتتنقل اوضه لوحدها تقدروا تشوفوها بس محدش يحاول يصحيها او يكلمها عشان حالتها
ليل...شكرا يا دكتور
الدكتور...العفو بعد اذنكم.
نوح....ليل فهمني ايه اللي بيحصل
ادم...انت كنت عارف اللي حصل ده يعني وجودك هناك مكنش صدفه
نور....طيب هي كلمت حضرتك تلحقها.
ليل....بغضب...ممكن كفايه أسئله مش وقته خالص.😡
زهره... بغضب اكبر هو ايه اللي كل شويه تقول مش وقت اسئله انا من حقي اطمن على اختي واعرف حصلها ايه...ولا انت عارف اللي عمل كده وعايز تداري عليه
في اللحظه دي ليل مقدرش يتحكم في اعصابه وبحركه سريعه منه مسك زهره من دراعها بغضب صرخت و
أقسمت زهره ان عظام دراعها كانت على وشك انها تتهشم في ايده
أدم...بسرعه مسك ايده ليل انت بتعمل ايه
نوح ..اهدى ياليل في ايه
ادم...سيبها ياليل بقولك
ليل....وهو مقرب من وش زهره بغضب اللي عمل كده مرميين في المخزن تحت ايدي مستني بس اطمن على عشق وبنفسي همحيهم من على وش الدنيا...
اما اللي انتي قولتيه ده مش هحاسبك عليه عشان انتي مش عارفه بتقولي ايه وبتتكلمي مع مين😡😡😡وبعدها عن ايده بغضب
ادم...في ايه ياليل من امته وانت بتطلع عصبيتك بالشكل ده وبعدين ده حقها عايزه تطمن على عشق
ليل...حط ايده على وشه وفضل يمرر ايده كذا مره عشان يحاول يهدي نفسه شويه وبعد عنهم عشان ميتعصبش على اي حد تاني
ادم بصلها وهي بتعيط انتي كويسه
زهره...بصت في الارض ودموعها نازله هزت راسها بلا
نور....عشان خاطري متزعليش
نوح ..حقك عليا انا يا زهره متزعليش امسحيها فيا انا
ادم...بلاش عياط بقى وعايز بس اقولك على حاجه ليل ادام وصل للمرحله دي من العصبيه تعرفي ان هو الوقت الغضب عاميه..وربنا يستر من غضبه هو اكيد ميقصدكيش بس يمكن كلمتك ضايقته لان ليل مش كده يا زهره واستحاله يعمل فيها كده
زهره...وانا مش عايزة اي حاجه منه غير انه يطمني عليها هو مهما كان زعلان عشانها عمره ما هيحس الاحساس اللي جوايا الوقت
ادم...اكيد طبعا بس بردو احنا لحد الوقت منعرفش ايه اللي حصل احنا شوفنا ليل نازل وشايلها منعرفش شاف ايه وحصل ايه فوق يوصله للحاله دي صح؟
زهره...صح
ادم...يبقى بلاش عياط بقى ومش عايزك تزعلي وعموما انا هسيبه يهدي خالص وهخليه يجي يعتذرلك بنفسه
زهره..انا مش عيزاه يعتذر انا عايزه اطمن بس على عشق
ادم...هتطمني متقلقيش هتبقى بخير
نور...ايه ده عشق اهي بيخرجوها
جريو كلهم عليها كانت نايمه ومش دريانه بيهم في دنيا تانيه
زهره...عشق عشق سمعاني ردي عليا
دخلوا بيها الممرضين الاوضه
ودخلوا معاهم البنات نقلوها سريرها بهدوء وظبوطها وركبولها محلول وسابوها وخرجوا
فتح ليل الباب...ووقف ادم ونوح بأشاره من ايده لحظه
ليل....لنور وزهره ارفعوا الطرحه على شعرها...
نور حاولت تغطي شعرها بسرعه وهنا كانت صدمه ادم ونوح..
بصوا لبعض باستغراب🙄
نور...خلاص
دخل نوح وادم بعد ماليل بعد عن الباب ووسع لهم الطريق
وقف ليل ادامها بحزن على منظرها ايدها متجبسه وشها كله كدمات وجروح و شاحب
فضل يلعن في نفسه ازاي كدبها ومصدقهاش ليه حتى مدهاش فرصه انه يصدقها
زهره...فضلت تعيط هي ونور
ادم...زهره انتي ونور اهدو شويه الدكتور طمنا عليها شويه وهي ادامنا الحمد لله كويسه ولحقناها
زهره...لحقناها ايه بس شايف منظرها عامل ازاي عملوا فيها ايه كانت حاسه بأيه وهي لوحدها معاهم
حس ليل بالغضب اكتر من كلامها وفكر نفس تفكيرها ياتري حست بايه وهي لوحدها من غير اي حد لو مكنتش شوفتها كان زمان ايه اللي حصلها
ادم بص لليل شايف عروق وشه ورقبته كلها بارزه
ادم...خلاص بقى يازهره مش وقته الكلام ده وبعدين لاحظي انها ممكن تفوق في اي وقت ومينفعش تشوفك كده
نوح....فعلا هي مش عايزه اي ضغط الوقت خالص حاولو تهدوا شويه وتعالو اعدو وارتاحوا
اعدو البنات ادامها وفضل ليل ادامها ساكت باصصلها بس وطول الوقت بيحاسب نفسه عاللي حصلها.
.........
اما عند جاسر وتمارا عدي الوقت عليهم بسرعه
نزلت الطياره اخيرا
جاسر لسه ايده في ايدها
جاسر...حمدالله على السلامه
تمارا....الله يسلمك
جاسر...بأبتسامه بسيطه يلا بينا
بعد دقايق بسيطه كانوا خرجوا بره المطار كلم جاسر السواق ثواني وكان وقف ادامهم وركبوا
جاسر...اتصل على ادم
ادم....ايوه يا جاسر
جاسر...ايه فينكم
ادم...لسه في المستشفى
جاسر...طيب ابعتلي اللوكيشن انا جاي لكم الوقت
ادم...نعمممم انت في القاهره
جاسر...ايوه تمارا صممت تنزل
ادم...طيب وليه قولتلها بس
جاسر...والله ابدا لما اجي هفهمك
ادم...طيب تمام هبعتلك اللوكيشن حالا
قفل معاه جاسر واستلم الرساله بعتها للسواق
جاسر...حسين افتح اللوكيشن اللي جالك ده وامشي عليه
حسين...تمام يا باشا
تمارا...هو احنا رايحين فين وديني الاول البيت اطمن عليهم وبعدين امشي انت
جاسر...لا ما احنا هنروح الاول المشوار ده مع بعض وبعدين نروح البيت
تمارا...بخوف وعيون مليانه دموع جاسر هو في ايه.
جاسر...متخافيش مفيش والله اهدي
تمارا...عشان خاطري قولي في ايه
جاسر...بارتباك ياستي مش عارف انا كلمت ادم ادامك اهو قاللي لازم نروح سوا هما كلهم مع بعض يمكن ليل عامل اجتماع او في حاجه
تمارا....اجتماع ايه الوقت انت عارف الساعه كام الساعه واحده ونص بليل تمارا نزلت دموعها بابا حصله حاجه صح
جاسر...لا لا محصلوش حاجه والله اطمني وبعدين استني هنروح الوقت ونطمن ونعرف في ايه
تمارا...انت مش شايف نفسك مرتبك ومش على بعضك ازاي
جاسر...ياستي والله ابدا انا بس مضايق عشانك مش عايز اشوفك كده
تمارا...لو عرفت ان في حاجه وانت مخبيها عليا مش هكلمك تاني عشان انت بتكدب وانا مش مصدقاك
جاسر...هو انا مش كنت معاكي هكدب عليكي ليه بس اهدي بس عشان خاطري والوقت نوصل ونعرف ومد ايده بهدوء مسح دموعها
بصت تمارا ادامها باحراج وفضلت ساكته ...
نوح....هو جاسر رجع
ادم...اه بيقول تمارا صمتت قلقانه
نوح...حد فيكم قالها حاجه
زهره...لا انا مكلمتهاش من الصبح ومش عارفه اصلا فين موبايلي ادم...اطمني معايا في العربيه
نور...وانا مقولتلهاش هي كلمتني وانا معاك
نوح...بس كان باين عليكي انك مرتبكه اكيد مصدقتش
زهره...ربنا يستر
........
بعد فتره بسيطه وصلوا المستشفى واللي كانت نفسها المستشفى اللي فيها حاج محمد
اول ما تمارا لمحت العربيه بتقف ادام المستشفى زادت ضربات قلبها وفضلت مبرقه عينها بخوف
جاسر...يلا انزلي
فتحت تمارا الباب ونزلت براحه مسكها جاسر من ايدها
تمارا...جاسر بابا جراله حاجه صح
جاسر....تعالي ياتمارا متخافيش مشي بيها زي الطفله وهي ماشيه وراه تمسح دموعها وواثقه انها طالعه على كارثه...
وصل جاسر بيها ادام الاوضه خبط على الباب وفتح وهي واقفه وراه خايفه تدخل.
وقفوا كلهم بصت تمارا على عشق من بعيد وهي مبرقه عينها ودموعها بتنزل ورا بعض بسرعه مش مصدقه انها شيفاها كده توقعت ان ممكن يكون حاج محمد لان هو اللي تعبان وهو اللي في المستشفى وطلعت وهي مقتنعه انها هتعرف عنه خبر وحش لكن الصدمه بالنسبالها كانت عشق وهي شيفاها نايمه على السرير بالشكل ده فضلت تمارا تقرب خطوه خطوه نور وزهره مش قادرين يمسكو نفسهم خصوصا زهره وقفت تمارا ادام عشق مسكت ايدها براحه ملامحها كانت جامده علامات الصدمه مرسومه على وشها مفيش اي حاجه في ملامحها بتتحرك غير دموعها اللي بتجري على خدها.. قربت منها زهره براحه
زهره...تمارا انتي كويسه
تمارا.....
زهره...تمارا ردي عليا انا ماصدقت انك جيتي انا كنت لوحدي انتي بعيد وعشق في دنيا تانيه وانا مش اتصرف من غيركم
تمارا...بجمود..عشق مالها
زهره....معرفش
تمارا....بصتلها بغضب يعني متعرفيش انا سيباكي معاها يازهره مين اللي يعرف ازاي سبتيها يحصل فيها كده...ازاي انتي ادامي سليمه وهي لا نسيتي اتفاقنا يازهره زمان نسيتي اننا اتفقتا ان مفيش اي حاجه هتحصلنا طول ما احنا مع بعض ولو حصل اي حاجه برده هنكون مع بعض ليه سبتيها يا زهره ازاي متنفزيش الاتفاق ازاي هانت عليكي تسيبي كل ده يحصلها وانتي مش فيكي اي خدددددش
انطقي قوليلي ازاي سبتيها
زهره...بأنهيار معرفش قولتلك معرفش انا مكنتش في البيت اصلا كنت مع نور عند بابا بنطمن عليه وهي كانت بتدور على شغل ولما كلمتها وسألتها عملت ابه قالتلي ان لسه ربنا موفقهاش
اتصدم ليل من الجمله...وعرف ان كرامتها مسمحتلهاش تقوله انها ملقتش شغل.😔
زهره...وقالتلي خلاص هتروح بس هي مستنيه مستر ليل عشان طلب يشوفها وبعد كده ادم ونوح جم على المستشفى خدونا وجبنا ورق من الجامعة نور نسيته ورجعونا على البيت ولما رجعنا لقينا الدنيا زحمه في الشارع ادام البيت وفجأه لقينا مستر ليل نازل شايلها وهي ومش درايه بأي حد وكان معاه الجارد بتوعه جرينا بيها على المستشفى هنا ده كل اللي حصل انا مسبتهاش يا تمارا ومقدرش اسيبها او اسيبك انا يمكن اكون جبانه يا تمارا بس مش للدرجه اللي تخليني اشوف عشق بيحصل فيها كده واسيبها
دي عشق يا تمارا انا افديها بعمري ولو كنت معاها وشوفت اللي عمل فيها كده كنت قتلته والله العظيم كنت قتلته ياتمارا انا كنت معاها من الصبح لحظه بلحظه من اول ما نزلت الصبح وعدت عليا في المحل لغاية كل مكان كانت بتروحه وانا معاها على الموبايل. انا متخلتش عن عشق يا تمارا
عشق كانت في البيت مستر ليل هو اللي يقدر يرد على سؤالك ده او عالاقل يبعد اتهامك ده عني
نزلت دموع تمارا حست انها جرحت زهره وظلمتها...لكن تجاهلت اللي حاصل وبصت لليل
تمارا...ايه اللي حصل لعشق؟؟وازاي كنت معاها في الشقه فوق؟؟وايه اللي وصلها للشكل ده؟؟
عملت ايه في عشق؟؟
جاسر...تماراااا
تمارا...ولو مش انت اللي عملت فيها كده وانت اللي انقذتها ازاي سبت كل ده يحصل فيها؟؟
رد علياااااا عملت ايه في عشق
ليل....بحزن مصدقتهاش
بصوله كلهم باستغراب..
ليل....ايوه زي ما سمعتو مصدقتهاش ولو كنت صدقتها مكنش كل ده حصل..
تمارا....تقصد ايه
جاسر.. ما تتكلم يا جاسر في ايه.
ليل...بعد حادثه حاج محمد وبعد الكلام اللي قالته عشق واللي كلكم عارفينه انا مصدقتهاش ومقدرتش اصدقها لان بالنسبالي مكنش كلام يدخل العقل ولما طلبت اخرج اتكلم معاها عشق قالتلي كلام كتير وكوارث اكتر هتحصل وللاسف بردو مصدقتهاش رغم انها قالتلي على تفاصيل كتير تخليني اصدقها تفاصيل ميعرفهاش غير اهلي وتفاصيل ميعرفهاش غير ادم وجاسر ونوح وتفاصيل محدش يعرفها غير انا وريما اللي كانت خطيبتي زمان...حزرتني من حاجات كتير اوي بعضها حصل وبعضها لسه محصلش كنت مصدوم بس كنت ابتديت اصدقها لكن لما سألتها عرفت كل ده ازاي قالتلي انها حلمت حلم من شهرين ونص تقريبا يوم ما قابلتو حاج محمد وان حاج محمد كان اول حاجه تتحقق من حلمها اللي هو كان بطل من ضمن ابطال حلمها...ووافقت انها تروح معاه عشان تمنع اي حاجه هتحصل وحاولت تمنع الحادثه لكن حصلت حاولت تمنع حادثة تمارا وهايدي بس حصلت حتى انهرده هي سبق وحاولت تقنعني انها تمنع اللي هيحصل واوديكم على شقة الزمالك بتاعتي اللي هي شافتها ودي محدش يعرف عنها حاجه وانا بكل غباء كدبت عليها وقولتلها ان حلمها غلط مفيش شقه في الزمالك وسبتها وده لاني كنت مش مصدق غصب عني اللي اتقال كلام ميدخلش العقل ومحدش يصدقه بسهوله بس كنت حاطتها تحت عيني واجرت للجارد بتوعي شقه ادام الشقه بتاعتكم عشان تكونوا تحت عنينا منها مراقبه عشان اعرف دي مين اللي عارفه عني كل ده وحاجه تانيه جوايا كانت مصدقاها وكنت حابب اني احميها واحميكم...انهرده قابلت عشق عشان اقولها اني موافق انكم انتو الاربعه تشتغلو معانا في المجموعه وده كان جزء من الحلم اللي هي حلمته بس هي قالتلي لا ورفضت وقالتلي انها لقت شغل..كدبت عليا حاولت اقنعها رفضت رفض تام المهم روحتها ولما روحتها اتفاجئت ان الجارد اللي سايبهم لا هما على القهوه زي ما طلبت منهم ولا حتى واقفين في الشباك طلعت زي المجنون وفضلت اتخانق معاهم كانو حتى الشباك قافلينه واحد منهم راح فتحه وكانت الصدمه لما شوفت عشق بتجري زي المجنونه في الشقه بتحاول تدور على اي حاجه تنجدها كانت بتجري ناحيه الشباك وفاخر لحظه مسكها واحد فيهم بعنف والتاني قفل الشباك....محستش بنفسي وقتها غير وانا ادام شقة حاج محمد انا والجارد وبكسر الباب كانوا تلاته بيحاولو يعتدو عليها واحد منهم كان كاتم نفسها عشق كانت بتموت في ايده لو كنت اتاخرت ثانيه بالظبط حقيقي كان جرالها حاجه منظهرها اللي شوفتها عليه كان كفيل يخليني اقتلهم بس اكتفيت بأني واثق اني خلتهم مش نافعين مقدرتش اكمل عشان عشق كان لازم الحقها وجبتها على هنا ده كل اللي حصل
الكل كان بيسمعه في ذهول البنات منهارين
تمارا...يعني ايه مين دول وليه عملو كده وازاي لحقو اصلا لما انت كنت لسه موصلها انت بتحاول تكذب صح
جاسر...تمارا اهدي بقى شويه
تمارا...اهدى ايه انت مصدق اللي هو بيقوله صدقه انتو قرايب ومهما حصل مش هيهمكم غير نفسكم وسمعتكم وبس هتدوسوا علينا وتفعصونا باوسخ جزمه عندكم عارف ليه عشان احنا ملناش حد يا جاسر باشا ليل باشا بيحاول يقنعني ان مش هو اللي عامل كده وفاكر اني هصدقه انا هقتلك بايدي لو عشق حصلها حاجه انت فاهمممممممم
وفي اللحظه دي قلم نزل على وش تمارا عمل صدى صوت فالاوضة
زهره نور...تماراااااا
مابين الحلم والحقيقة(دار الايتام 2)
البارت الحادي عشر...
جاسر...تمارا اهدي بقى شويه
تمارا...اهدى ايه انت مصدق اللي هو بيقوله صدقه انتو قرايب ومهما حصل مش هيهمكم غير نفسكم وسمعتكم وبس هتدوسوا علينا وتفعصونا باوسخ جزمه عندكم عارف ليه عشان احنا ملناش حد يا جاسر باشا ليل باشا بيحاول يقنعني ان مش هو اللي عامل كده وفاكر اني هصدقه انا هقتلك بايدي لو عشق حصلها حاجه انت فاهمممممممم
وفي اللحظه دي قلم نزل على وش تمارا عمل صدى صوت فالاوضه
زهره نور...تمارااااا😱
جري الشباب على ليل بسرعه
ومسك جاسر ايده بعنف لييييل انت اتجننت
ليل بغضب وهو باصص لتمارا انا عمري في حياتي ماكنت ولا هكون وسخ مش انا اللي اعمل كده في واحده بالغصب...القلم ده عشان بس تعرفي ده كويس بس اقولك على حاجه انا الوقت بس مش مضايق اني مصدقتش عشق عارفه ليه لان اللي حصل ده كله انتي شوفتيني وسخ وحقك تصدقي انتي او زهره او نور لانكم متعرفونيش كويس بس غيركم يعرفني وعارف اني معملش كده استحاله زي جاسر ونوح وادم
لكن انا مصدقتش عشق واي حد في مكاني مش هيصدقها حتى انتو يمكن تكونو بتثقو فيها وعارفين انها احلامها بتتحقق زي ما قولتو واكدتو ده بس ممكن متصدقوش بالشكل اللي هي قالته انا عمري ما شوفت عشق قبل كده كل معرفتي بيها ايام تتعد لما تجيلي وتقولي كل الحاجات دي وبالتفاصيل دي يبقر لازم مصدقش واي حد عاقل ميصدقش وبما انك شوفتيني وسخ وممكن اتهجم على عشق يبقى طبيعي ان انا كنت صح لما مصدقتهاش....
وعموما عشق ادامكم اهي ان شاء الله هتبقى كويسه وتقوم وتعرفوا منها اللي حصل ونعرف كلنا الناس دي دخلوا ازاي عندها البيت لان ده الجزء اللي انا معرفهوش...اه صحيح عايز بس اقولكم على حاجه الوسخ اللي انتي شيفاه ده ياتمارا واللي مش بعيد تكون زهره ونور كمان شايفينه كان بيحاول على اد ما يقدر يحميكم رغم اني مكنتش قادر استوعب اللي بيحصل بس كنت قلقان عليكم عشان كده خليت الجارد وراكم خطوه بخطوه بس اللي مكنتش عامل حسابه ان ده يحصل لعشق لوحدها. عارفه ليه لان عشق قالتلي ان في حلمها المفروض نور وزهره كانو معاها
ادم...طيب ممكن تأعدو بقى وتهدو شويه صلو على النبي كده عشان كل اللي بيحصل الوقت ده غلط ومش في مصلحة عشق يارتني ماعرفتك يا جاسر لما كلمتني مكنش زمانكم هنا وانت ياليل سمعت كلام الدكتور
تمارا....😳😳😳لا استنى بس هو جاسر كان يعرف
جاسر بصوت واطي..الله يخربيتك يا ادم..
نوح...يا جماعه كفايه كلام بقى ادم عنده حق من فضلكم كفايه بقى لحد كده اعد ياجاسر اعدي تمارا ومتقلقيش هتبقى كويسه والله
اعد كل واحد فيهم بعيد عن التاني فضلت تمارا جمب عشق ماسكه ايدها ودموعها مش بتقف وباصه لجاسر بغضيب عشان كدب عليها
عدت كذا ساعه وهما على نفس الوضع الصبح ابتدا يطلع والكل ساكت زهره ونور نايمين على كتف بعض
ليل....ادم...معلش جهز نفسك واطلع انت على الشركه.
ادم...تمام ماشي.
ليل...وانت يا نوح انت وجاسر وصلوا البنات شقتهم ياخدو كل حاجه تخصهم من البيت وبعد كده اطلعو بيهم على شقت الزمالك وكلموني لما تخلصوا
فضل جاسر ساكت مش عايز يرد على ليل مضايق منه عشان مد ايده على تمارا.
نور....انا مش هسيب البيت مش هينفع
تمارا وهي مش باصه لاي حد غير عشق
وانا مش مش هروح الشقه دي عشق طلبتها وانت قولت مفيش شقه وسبت ده يحصلها وبعدين انا مش هسيبها
ليل...وهو بياخد نفس طويل
تمارا من فضلك بلاش مناهده كتير انا على اخري بجد من فضلك اسمعي الكلام
تمارا...وانا قولت لا واكيد مش هعمل حاجه غصب عني
نوح...تمارا اكيد محدش فينا هيخليكم تعملو اي حاجه غصب عنكم بس انتو كده مش في امان لكن لو رحتو هتبقو تحت عنينا و محدش هيقربلكم
تمارا...بصت لليل اظن بردو على كلام مستر ليل كان فاصل بينه وبين عشق كام متر ومقدرش يحميها
ليل.. حاول يكتم غضبه تمارا بلاش طريقتك دي من فضلك بلاش تخرجيني عن شعوري
تمارا.. ايه هتمد ايدك عليا تاني
جاسر....بص لليل وكأنه بيعاتبه بنظرات عينه لا يا تمارا دي غلطه ومش هتتكرر تاني ولا انا هسمح بيها بس ليل اظن يعني انه لو كان مش موجود اصلا مكنش ده بس اللي حصل في عشق انتي اكيد فهماني صح.
نزلت دموع تمارا غصب عنها لفت وشها بصت لعشق
ليل...تمارا انا مقصرتش صدقيني وبمجرد ما شوفتها بتجري كنت جريت عليها اه مقدرتش امنع كل الكدمات والكسر اللي في ايدها ولا قدرت امنع خوفها ورعبها في اللحظه دي بس قدرت احميها بان مفيش حاجه تحصل اكتر من كده قدرت اخليها لما تصحى وتفوق تبقى مطمنه ان اللي حصلها مكنش غير شوية كدمات لكن مش هتصحى مكسورة يا تمارا
اللي حصلها ده كله يمكن متعداش الدقيقه بس ده لانهم كانو تلاته عليها لوحدها فاللي انتي شيفاه ده طبيعي جدا..والاهم هتصحى وهي عارفه اني خدتلها حقها من الكلاب اللي عملو فيها كده ولسه هاخدلها حقها....وانا اسف يا تمارا اني مديت ايدي عليكي انا عمري ما عملتها في حياتي بس انتي اللي خرجتيني عن شعوري واتهمتيني بطبع لا يمكن يكون موجود عند ليل السيوفي ياريت تقبلي اعتذاري.
تمارا...صدقني انا كمان غصب عني
ليل.. عارف ومش زعلان منك يمكن كان الغضب عاميني من كلامك بس عارف انك خايفه عليها. انتي ظلمتيني وظلمتي زهره كمان على فكره.
بصت تمارا لزهره بحزن
زهره...بابتسامه هاديه عادي متعوده على لسانها اللي زي المدب.
ابتسمت تمارا وسط دموعها متزعليش مني حقك عليا بس انتي عارفه ان ده كان هيبقى رد فعلي بردو لو انتي مكان عشق وعشق مكانك
زهره...عارفه وصدقيني ياتمارا مش زعلانه منك حضنتها زهره اوي..
نوح...ايوه كده فكوا شويه بقى وكفايه اليوم اللي عدى ده
تمارا...بس بردو انا مش هقدر اروح الشقه
نور...ولا انا مش هقدر
ليل...تمارا نور انا مش باخد رأيكم كلكم هتروحوا حتى لو غصب عنكم انا معنديش استعداد ان اي حد فيكم يحصلوا حاجه وكمان في حاجه مهمه بعد ما عشق تفوق وترجع كويسه من تاني لازم كلنا نأعد مع بعض في حاجات كتير لازم تتقال ادام الكل
تمارا....مستر ليل ممكن سؤال
ليل...اكيد بس بلاش مستر دي الكلام ليكم كلكم انا ليل وبس احنا مش في الشغل. أسألي يلا
تمارا...تمام....هو انت صدقت عشق؟؟؟
ليل....سكت ثواني دقيقه اتنين وسرح ورجع بصلها من تاني
جزء كبير اوي جوايا مصدقها
زهره...طيب ليه الجزء الصغير مش راضي يصدقها
ليل...مش حكايه مش راضي بس انا بني ادم طبيعي جدا وده شئ طبيعي بس حتى الجزء الصغير ده مبقاش مكدبها اد ما هو مش قادر يستوعب بس...
تمارا...ابتسمت بهدوء وسكتت
ليل...يلا بقى قوموا ومتنسوش تجيبو حاجه عشق كلها..
تمارا..طيب انا موافقه بس معلش خليني معاها ارجوك انا مش هقدر اسيبها
زهره...ولا انا خلينا معاها عشان لو فاقت تطمن اننا جمبها
ليل....الساعه الوقت 6الصبح وده وقت كويس عشان الدنيا تكون لسه هاديه عندكم في المكان وعلى بال ما تروحوا تلمو حاجتكم وتروحوا عالشقه ترتاحو هيكون لسه في وقت هبعتلكم السواق يجيبكم لحد هنا والدكتور اصلا قال مديها منوم ومهدأ يعني مش هتصحى الوقت خالص وكمان لازم تجيبولها لبس كويس وبعدين انا هفضل هنا معاها متقلقوش
جاسر...يلا تمارا انتي والبنات كده احسن وبعدين انتي كده فاضلك ساعه وتبقى صاحيه بقالك 24 ساعه احنا منمناش من امبارح ومن الساعه 7الصبح واحنا في الشغل
ليل....انت كمان يا جاسر بعد ما توصلهم روح ارتاح ونام متروحش على الشركه
جاسر...ان شاء الله
نوح...يلا يابنات
قاموا البنات باسو عشق من راسها وخرجوا ورا بعض من الاوضه.
ليل..ادم لو في اي حاجه في الشركه ابقى بلغني
ادم...تمام وانت لو احتجت اي حاجه كلمني...يلا سلام
ليل...سلام....لحظه ياجاسر خرجو كلهم ووقف جاسر
جاسر...ايوه ياليل
ليل...متزعلش مني
جاسر...عينه رايحه جايه من غير ما يبصله وانت زعلتني
ليل....اوعي تكون فاكرني مش حاسس بيك
بصله جاسر في عينه من غير ما يتكلم
ليل....ايه يا صحبي مستغرب ليه ما انت عارف ان طول عمري بشوف اللي في عنيك من غير ما تبذل مجهود وتقولهولي
جاسر...بارتباك على فكره اناا انا مش فاهمم تقصد ايه
ليل...بابتسامه اهو الارتباك ده لوحده كفيل ياكدلي اللي انا بقوله🤨
جاسر...على فكره انا مفيش حاجه بيني وبين تمارا انا بس يعني اضايقت عشان انت مديت ايدك عليها وده مش طبعك...
ليل...🙄🙄ايوه بس انا مقولتش ان في حاجه بينك وبين تمارا إلا لو انت اللي بتقول كده 😉😉😉
جاسر...بصله بغضب ولعن نفسه على غبائه ضربه في صدره انت عيل رخم
ليل...بضحك بس حافظك يا صاحبي المهم
جاسر...نعم
ليل...خلي بالك من تمارا😉
جاسر...صدقني هتغابى عليك😡 قولتلك انت فاهم غلط
ليل...خساره بس صراحه زعلت البت جامدة😉😉😉
مسكه جاسر من قميصه بقولك ايه اتلم وخلي ليلتك تعدي وملكش دعوه بيها
ليل..ماكان من الاول 😂😂😉
جاسر...انا همشي قبل ما اضربك ياليل
ليل..سلام ابقى كلمني لما تخلص.
مشيوا كلهم وفضل هو مع عشق
راح ليل شد كرسي وقربه منها واعد جمبها فضل باصصلها كتير
ليل...انتي طلعتيلي منين بس ياعشق من يوم ما شوفتك متلغبطه ومتوتره وانتي لغبطيني معاكي الايام اللي فاتت كنت شاكك فيكي جدا حتى لما قولتلك اني وافقت انك تشتغلي انتي والبنات كنت عايز احطكم تحت عيني اكتر بس كل حاجه جوايا من ناحيتك اتحولت لما شوفتك من الشباك... يمكن لو وصفتلك احساسي وقتها تقولي ببالغ ويمكن كمان متصدقنيش زي مانا مكنتش مصدقك بس والله يا عشق وقتها انا حسيت ان روحي سبقتني على الباب عندك واستنتي لحد ما اجي اكسره والحقك منظرك في عيني وانتي بتجري في كل مكان زي المجنونه قتلني مش قادر انساه الخوف والرعب اللي شوفتهم في عينك كانو كفايه اوي اني مرحمهمش من ايدي اللي حصل ده كله كان في ثواني بس في الثواني دي حسيت بخوفك سمعت ضربات قلبك من بعيد نظره عينك اول ما لمحتيني دخلت الشقه واحساس الامان اللي شوفته في ملامحك مش قادر انساهم..انا مش عارف انا حصلي ايه ولا عارف ايه اللي بقوله ده بس اوعدك يا عشق اني مش هسيب اي حاجه تحصلك ولا هسيب حاجه من حلمك تتحقق
ونظرة الامان اللي شوفتها في عينك هخليكي دايما حاسه بيها
مسك ليل ايدها بهدوء وبدون اي مقدمات قرب منها وطبع عليهم بوسه حس ليل باللي عمله😳رجع لورا بسرعه ايه اللي انا بعمله ده
استغرب ليل من نفسه لكن فضل ماسك ايد عشق حس بتعب سند راسه لورا بهدوء وراح في ثباااااات عميق
............
طول الطريق جاسر كان ساكت وتمارا كمان مكانش في بينهم اي كلام لان زهره كانت راكبه معاهم ولان تمارا كانت مضايقه منه عشان خبى عليها
وصلو تحت البيت
جاسر...ادامكم بالظبط ربع ساعه تجيبوا فيها كل حاجه تخصكم وتنزلوا على طول
تمارا...ربع ساعه ايه مش هنلحق طبعا كفايه حاجة المذاكره بتاعتنا
جاسر..خلاص نص ساعه مش اكتر عايزين نخلص وهي الدنيا هاديه كده
نوح...نور لو حاج محمد ليه هنا اي ورق او اي حاجه مهمه ليه خدويها معاكي
نور...حاضر
جاسر.. يلا بسرعه عشان الوقت
زهره...لا لحظه هو انتوا مش جايين معانا انا خايفه اطلع
تمارا...خايفه من ايه يابت ماتنشفي كده شويه انا معاكي😡
جاسر...بسخريه عشان يخليها ترضى عنه 😏😏تخافي من ايه اهي قالتلك شبح الحته انا معاكي.
تمارا....😒😒😒انت بتتريق
جاسر.. مقدرش يا شبح😉
كتمت تمارا ضحكتها...ماشي يلا يابنات
زهره...ربنا يستر اطلعي انتي الاول
تمارا ..جبانه😏
طلعوا مع بعض
نوح ..ايه يا شبح حكايتك😉
جاسر...بأبتسامه نعم يا خفيف حكايه ايه خير.
نوح...شايفك كده يعني بتهزر وبتضحك وماشاء الله بقيت تستغني عن النوم اللي كان استحاله تسيب لحظه فاضيه وماتنمش فيها وبقيت تقف وتستنى مع انك ديما خناقك معايا عشان كنت بوقفك حاجات كتير كده يعني غريبه.
جاسر...وحيات امك انت ياض بتغني عليا ولا ايه متنساش بردو ان انا بابا وانا اللي معلمك اصولها من الاول فا متجيش تلعب عليا
نوح بضحك..تصدق انا غلطان اني بطمن على احوالك.
جاسر...ابقى بص يا اخويا في مرايه وشوف ملامحك وانت هتعرف مين فينا اللي احواله متغيره..
نوح...تقصد ايه🙄
جاسر....😉😉اقصد وفجأه سمعوا صوت صرخه من البنات😳😳
جاسر...تمارا
نوح...نور
وجريوا باقصي سرعه على فوق
لقوهم واقفين في الصاله الباب مفتوح وكل واحده فيهم على كرسي..
جاسر....في ايه مالكم
نوح ..في حد هنا
نور....اه في
جاسر..في ايه فين ده
تمارا....مستخبي تحت المكتبة
جاسر...طلع المسدس من جيبه نهار ابوه اسود🙄🙄🙄 هو مين اللي تحت المكتبة
تمارا....فار فار يا جاااسر😭😭
جاسر...بص لنوح اللي كاتم ضحكته وعض شفايفه بغيظ وبصلهم.
جاسر....فار بجد
تمارا...اه
جاسر...يعني الصويت اللي سمعناه ومنظركم اللي فوق الكراسي ده وعياطك يا شبح الحته 🤨 عشان فاار
تمارا....امال انت عايزني اعمل كده عشان ايه
جاسر...لنوح...لا سؤال منطقي جدا صح هي هتعمل كده عشان ايه اصل العفريت والحراميه والبلطجيه دي حاجات توتو شبح الحته ميخافش منها انما فار
تمارا...والنبي يا جاسر بلاش تريقه عشان انا قلبي هيقف انا عايزه اخرج من هنا مش مهم اخد حاجتي
جاسر ..انزلي بلاش عبط متخافيش انزلوا يا بنات بدل ما انتو متشعلقين كده
زهره...انا خايفه
جاسر...ده انتو تخوفوا بلد ده الفار الغلبان هو اللي زمانه ميت من الرعب يلا اخلصوااا احنا واقفين اهو ادخلو الاوضه واقفلو على نفسكم واحنا هنستناكم هنا..
نزلت زهره براحه مشيت على الاوضه بهدوء ووراها نور
تمارا...بصوت واطي زهره زهره بقولك ايه حطيلي حاجتي انا وعشق في الشنط انا مش هقدر انزل
نوح...بنفس صوتها الواطي وانتي بتتكلمي بصوت واطي ليييه
جاسر...ودي فيها كلام يا غبي اكيد عشان الفار ميسمعش.😂😂😂😂😂😂
نوح ..تصدق 😂😂😂😂
تمارا....على فكره اللي بتعملوه ده عيب انا بجد خايفه
جاسر....بحب طب خلاص حقك علينا انزلي متخافيش
تمارا....لا مش هنزل لو نزلت هيمسكني
جاسر...يا بنتي عيب عليكي ده انتي فردتي صدرك تحت وقولت وحش طالع مع البنات
تمارا...انا بخاف من الفيران اوي ياجاسر
جاسر...انتي بتخافي من الفيران ولا الطيارات ولا ايه بالظبط
تمارا.. انا عندي فوبيا من الاماكن العاليه ومن الفيران
نوح...وده لوحدك كده
تمارا...اكيد لا بعدين اقولكم بس والنبي طلعوني من هنا
ضحك نوح عليها
جاسر...وهو كاتم ضحكته ولا اتلم بقى متضحكش عليها
تمارا...ياسلام يا اخويا على اساس انت مبتضحكش
نوح...الحق بتقولك يا اخويا🤭🤭
جاسر....بتقولي للمدير بتاعك يا اخويا🤨
تمارا....لا انا اقصد نوح🙄
جاسر...ايوه كده راح جاسر وقف جمبها وتقريبا كان نفس طولها وهي واقفه على الكنبه مدلها أيده تعالي انزلي
تمارا...انزل ايه 😳لا هيجري ورايا وربنا
جاسر....الله يخربيت عقلك 😂يا بنتي انا واقف مع بنت اختي انزلي
تمارا...ايه ده انت ليك اخوات بنات🤨
نوح...ياعم دي عيانه في مخها بقولك ايه هي مش كانت مش راضيه تروح شقة الزمالك بينا يلا نمشي ونسبهم
جاسر...تصدق انت عندك حق يلا بينا
تمارا...مسكته من كتفه بايدها الاتين ووقف ادامه من غير اي مسافه ...استنى هنا عنده حق ايه مين دي اللي قالت مش رايحه شقه الزمالك
مش انا زملكاوية
جاسر...بصلها بحب بجد
تمارا...اه
جاسر...خساره بس انا أهلاوي يلا يانوووح
نوح واقف جمب الباب فطسان من الضحك ومن جواه اتاكد من احساسه بأن جاسر حبها ومبسوط اكتر انه هيبعد عن هايدي..
فاحب ما يقطعش عليهم اللحظه دي
نوح...بقول ايه هنزل بسرعه اشوف العربيات احنا سايبنهم مفتوحين وغمز لجاسر😉
ابتسم جاسر وفهم نوح ومن جواه فرح انه نزل
بصلها جاسر....يلا بقى اشوفك على خير يا زملكاويه
تمارا...على فكره انا اهلاويه وربنا بس قولت يمكن تكون زملكاوي ولا حاجه
جاسر..طب اسمعي لو قولتيلي على اسم واحد بس من اللعيبه الاهلاويه مش هسيبك عشان اضمن بس انك اهلاويه
تمارا....مسكت في هدومه اكتر بقولك ايه والله ما هسيبك وهتخرجني من هنا.
ضحك جاسر غصب عنه...على فكره انا بهزر ومش هسيبك متخافيش يلا انزلي ياخوافه
تمارا فضلت ماسكه فيه وفضلت تنط من كرسي لكرسي لحد ما قربت من ناحيه الباب مكنش في كرسي وقفت تبص براحه من بعيد تحت المكتبه عشان تنط و تجري بسرعه وتأمن نفسها لكن أتفاجئت باللي مسكها من وسطها شالها زي الاطفال خرجها بره
تمارا.....😳😳😳
جاسر...هتفضلي متنحه كده كتير ماحنا مش هنفضل اليوم كله خايفين من حتت فار
حست تمارا بالاحراج بعدت عنيها عنه بسرعه وهي مبتسمه...
عدى الوقت بسرعه..
زهره من جوه..تمارا احنا خلصنا
جاسر....طيب استني يا زهره لحظه
اتصل بنوح...
نوح...ايه
جاسر...اطلع البنات خلصوا تعالى خد معايا الشنط
نوح...تمام
طلع نوح بسرعه فتحت زهره الباب وابتدت تديهم هي ونور الشنط خرجو الشنط عند الباب
نوح...يلا يانور انا واقف اهو متخافيش مشيت براحه لحد ما قربت من الباب
نوح...حاسبي يانوررر
نور...عاااااااا😭😭😭
نوح....خوافه
جاسر.. ياعم اتلم عالصبح صوتهم هيلم علينا الناس
نوح...طيب خلاص😂😂
جاسر...يلا يازهره خرجت زهره بهدوء مع جاسر لحد بره
جاسر....اتاكدتوا انكم منسيتوش حاجه
زهره...ايوه متقلقش
نوح...مش ناسيين اي حاجه
زهره...لا كله تمام متقلقش
نور...بس انا مشوفتش الورق عند بابا
نوح....طب تعالي شوفي بسرعه
نور...لا مش داخله تاني
نوح...تعالي انا معاكي انجزي يلا
دخلت نور بسرعه معاه وفتحت الدولاب وابتدت تلم في شنطه صغيره كل الورق اللي تلاقيه ولقت فلوس في الدولاب خدتها هي كمان..
نور...انا خلصت
نوح....طيب يلا هاتي ايدك
مسكت نور ايده ومشيت وراه خرجوا نزلوا تحت نزلوا نوح وجاسر الشنط
وحط جاسر بخبث الشنط في الكنبه اللي ورا عشان زهره متركبش😉
ركبت زهره مع نور ونوح
نوح...بصوت واطي بس فكره صايعه حوار الشنط ده
جاسر ..عمل نفسه مش فاهم اه رصيتهم كويس
نوح...اه كويس اوي يا اخويا اتقل عليا يا جاسر.
جاسر...بضحك تعيش وتاخد غيرها😂😉😉
ركبوا ومشيوا ورا بعض...
جاسر...عامله ايه يا خوافه
تمارا...رجعت لوضعها انا مبتكلمش معاك😒
جاسر...نعممم بعد ما انقذتك من الفار يابتاعة مصلحتك
تمارا...خبيت عليا ليه يا جاسر
جاسر...والله العظيم مكنتش عارف التفاصيل دي كلها بس مرضتش اقلقك كنتي هتفضلي طول الطريق مرعوبه وخايفه مرضتش اقلقك خوفت عليكي خلاص بقى حقك عليا
تمارا...بابتسامه ماشي هسامحك بس عشان انقذتني من الفار..
جاسر...ده على كده انا لازم ارجع اشكره
تمارا...لا خلاص قلبك ابيض🙄
جاسر....ماشي يا شبح الحته😏
تمارا...😂😂😂
جاسر...😂😂😂
....................
انتي مين؟؟
مش عرفاني
لا مش عرفاكي
انا امك
انا معرفكيش انا مليش ام
متخافيش مني انا هساعدك تخرجي من هنا
مش عايزه منك اي مساعده احتاجتك كتير اوي طول حياتي وعمري مالقيتك
مش يمكن غصب عني
مفيش اي حد بيتغصب على حاجه تخص ولاده
بس انتي معشتيش نفس حياتي عشان تحكمي عليا بس انا بحبك انتي بنتي
عشق...استحاله يكون ليا في قلبك اي حب انتي اللي زيك ما يعرفش يحب
وانا بحبك انتي حته مني بكره لما تبقي ام تعرفي يعني ايه حب بجد
انا استحاله اكون زيك لما ابقي ام
انا مش بكرهك بس مستحيل احبك.
انا عذراكي ومش هضغط عليكي بس بردو مش هقدر اسيبك فالضلمه دي لوحدك في مكان هناك اهو شيفاه في نور بسيط امشي ورا النور ده هتوصلي وهتلاقي هناك واحد هيساعدك ومش هيسيبك
يلا بسرعه المكان اهو الحقيه بسرعه قبل ما يقفل الباب بتاعه.
يلا انتي ساكته ليه اخرجي بسرعه ردي عليا يا عشق يا عشق ياعشق...
صرخت عشق بكل صوتها وفاقت وهي بتبص عالمكان فاقت على صوت ليل
عشق عشق ردي عليا عشق فوقي انا ليل عشق انا معاكي متخافيش مش هسيبك انتي في امان.
عشق....فضلت تاخد نفسها بسرعه وهي اعده وبدون مقدمات حضنت ليل بكل قوتها
عشق....ليل متنسبنيش
ليل...😳
 البارت العاشر....والحادي عشر اما عند ليل....خرج الدكتور من الاوضه ليل....خير يادكتور طمني. الدكتور....…){kind=link}
تعليقات
إرسال تعليق