 |
صعيدي مودرن
#البارت_الثالث والرابع
بتسوق وهيا متعصبه وبتكلم نفسها من الراجل ده ازاي يزعجها ويتدخل في حياتها تليفونها في نفس اللحظه بيرن..
فرح: ايوه يا أسر
اسر: اذيك يا فرح عامله ايه
فرح: الحمد لله
اسر: متضايقه ليه يا نكد فين صباح الجمال والكلام العسل
فرح: مفيش حاجه يا اسر يا غلس
اسر : طب انتي فين نتقابل
فرح : انا سايقه العربيه قابلني فالكافيه بتاعنا ربع ساعه وهاجي
اسر : اوك هستناكي ندخل سوا مع بعض حياتي ليكي 🥰
فرح بضحك: اوك
ادم كان ساند راسه علي كرسي المكتب مبتسم بيفكر فيها في جمالها وجرأتها وغرورها اللي هز قلبه ..
بيفوق من شروده وبيرجع لجديته ...
بيرن علي الجرس وبيكلم السكرتيره اميره
ادم: أميرة تعالي مكتبي
أميرة: حاضر يا فندم
بتدخل أميره المكتب...
أميره: حضرتك كنت عاوزني
ادم: فرح هارون هي السكرتيرة الجديده كلميها وقوليلها أنها تيجي تستلم شغلها بكرة
أميرة : اوك يا فندم
وصلت فرح علي الكافيه ونزلت من عربيتها ..
أسر كان واقف مستنيها..
اسر: اوبااا حياتي ليكي🥰
فرح : ههههه محدش غيرك يقدر يغير مزاجي بثانيه كدا
اسر: عااااارف يا بنتي هوا في حد زيي ادخل يا قمر يلا
فرح: يلا يا بكاش
اسر: بس بتعشقيني
فرح: واثق اوي هههه
دخلوا الكافيه وطلبت النسكافيه اللي بتحبه وطلب أسر قهوه..
اسر وهو يشرب قهوته انتي كنت فين بالاسبورتيف ده
فرح: كنت في انترفيو
اسر: كدا هههههه
فرح : ايه وحش
اسر: حياتي ليكي 🥰🥰 تحفه عليكي بس الشغل والانترفيو الناس متعوده اللبس الرسمي وكدا بس مين دا انتي فرح يباااشا
فرح لنفسها: أما اسر بيعمل كدا يبقي المدير مش غلطااان انا فعلا متسرعه وعصبيه انسي الشغل معاه بقا ودوري علي شغل تااااني..
وفجأة بيحصل اللي ماتتوقعهوش
تليفونها بيرن برقم غريب.
بترد فرح: الوو
اميرة: انا سكرتيرة استاذ ادم حضرتك تقدري تيجي تستلمي شغلك بكرة
فرح مصدومه: بجد؟!
أميرة : ااه حضرتك تقدري تيجي بكرة
فرح: اوك هجي بكرة أن شاء الله وبتقفل التليفون
فرح : اسر اول يوم شغل ليا بكرة انا مبسوطة اني هحاول اخد خطوة بحياتي
اسر: يارب دايما تكوني مبسوطه
فرح : طب انا همشي دلوقتي بقا في حاجااات لازم اعملها
اسر : لأ مبسوطه ونشيطه مش انتي فرح هاتيلي فرااااااح هاتيلي فرااااااح اهئ اهئ
فرح: بس يارخم
اسر : مااشي روحي يلا
فرح: اوك يلا باااي
بتروح فرح علي شقتها نشيطه بترتب الشقه وبتستعد للمسؤليه الجديده اللي مستنياها
اليوم بيعدي بسرعه وبيجي الليل وعلي عكس العاده فرح مش زعلانه متفائله متحمسه لاول يوم شغل
بتدخل تنام عشان تصحي بدري عشان هدف بقت عايشه ليه ..
............................
قاعد في البلكونه بيفكر فيها..
وفجأة بيقول : فرح ...
بيبتسم ..
ادم: خلاص وقعت علي بوزك يا عم ادم
..............................
اشرق نور الصباح بتصحي فرح متحمسه علي صوت المنبه
بتقوم وهيا مبتسمه ...
بتدخل تاخد شاور وتجهز النسكافيه بتاعها كالعاده لانها بتعشقه بتلبس لبس رياضي وبتنزل تركب عربيتها...
فرح: يوم جديد بأمل جديد ...
بتسوق العربيه وبتوصل لحد الشركه
بتدخل الشركه بتفاجأ الكل من جرأتها بالاسبورتيف وثقتها وغرورها ..
دخلت للسكرتيرة اميره..
فرح: انا فرح هارون ..
أميرة: اتفضلي أستاذ ادم مستنيكي
بتدخل أميرة وفرح وراها
ادم: صباح الخير يا انسه فرح
فرح: صباح الخير يا استاذ ادم
ادم سرح في جمالها وجمال عيونها وفضل مركز في عينيها بتوهان .
فرح: استاذ ادم استاذ ادم
ادم وفاق من شروده : ايوه
فرح: حضرتك ممكن تشرحلي هاعمل ايه
قعد ادم يشرح لها مهامها وهاتعمل ايه.
طلعت فرح وأميرة وصلتها علي مكتبها..
دخل امجد لأدم: مش كنت بتقول انك هتشغل الكرو الجديد الاسبوع الجاي
ادم محرجا: اصل لقيتها ظروفها وحشه ومحتاجه الشغل
امجد: اقششعرت ربنا يقدرك علي فعل الخير يا ادم اهئ اهئ هههههههههههه
ادم: هههههه ماشي يا رخم روح علي شغلك بقا مش فاضي
امجد : اااه تفضي لفرح لكن لامجد لأ ماشي هامشي هههه
عدي اليوم علي فرح كان يوم متعب فعلا لأنها جديدة ومش متعودة علي الشغل
وإجي وقت انها تروح
نزل ادم وأمجد الأول فشافوا سيارة جيب في الكراچ ..
امجد: اوبا ..ايه الجمال ده معقوله دي لحد شغال عندنا
ادم: لا يا عم دا راس مال الشركه ما يجبش نصها ههههه
امجد : طب اقولك خد صورني عليها يلا ارسمني اوي كدا
ادم مسك التليفون وهوا بيضحك وبيصور أمجد
بتنزل فرح وبتشوف أمجد واقف علي عربيتها وادم بيصوره.
فرح: بعد اذنك استاذ امجد باااي يا استاذ ادم
ركبت عربيتها ومشت..
ادم وأمجد مصدومين
امجد: دي ظروفها وحشه ومحتاجه الشغل يا ادم
ادم : احم كنت فاكر كدا
امجد وادم سوا: ههههههه
امجد :يلا روح اركب علبه الكبريت بتاعتك هههه
وانا هاركب زوبااا حبيبتي هههه
ادم: يلا يا خويا..
وروحوا كلهم علي بيوتهم....
هل ينتظر فرح السعاده ام أنها ستظل حزينه دائما هل ستجد السند والظهر من يحميها من الوحدة من الدنيا من عمها وقسوته وطمعه ام ان للقدر رأي أخر....يتبع
ولسه اللي جاي تقيل مع كاتبه الجيل😎
متابعه لصفحتي الشخصيه ولاف ورأيكم قبل أي حاجه ..
#صعيدي_مودرن(فرح الأدم)
بقلم_حنين_عادل
#كاتبه_الجيل😎
#صعيدي_مودرن(فرح_الأدم)
#البارت_الرابع
بتوصل فرح لبيتها وبتقعد وحيدة وشاردة
بيرن جرس الباب
بتروح تفتح..
فرح: عمي؟!
العم: ايوه اذيك يا بنتي
فرح: الحمد لله ياعمي خير
العم: ايه يافرح مش هاتقوليلي اتفضل ولا ايه
فرح : اتفضل يا عمي
دخل عمها وفرح متوترة ومستغربه لأنها عارفه ان عمها مش بيجي من وراه خير
فرح: خير يا عمي
العم: بطمن عليكي يا حبيبتي
فرح: الحمد لله
العم: انا مش عاجبني انك قاعدة لوحدك وكلام الناس كتير.
فرح: ااه اظهر وبان علي حقيقتك يا عمي انا عارفه انك مش بيجي من وراك خير.
العم: احترمي نفسك يا قليله الادب ما تنسيش اني عمك
فرح: مين اللي قليله الادب يا سمير لأ احترم انت نفسك وانا ماليش أهل فاقعد باحترامك وانا فاهماك كويس اوي وفاهمه انك طمعان فيا انت وعمرو ابنك اطلع برا بيتي احسنلك وما شوفش وشك تاني
العم سمير بعصبيه: هتندمي يا فرح وربنا لأندمك علي قله ادبك دي
بتقعد علي الكنبه وهيا بتحبس دموعها بتمسك تليفونها وبترن علي أسر ..
بيرد أسر عليها..
أسر: حياتي ليكي🥰
فرح ساكته ومش بتتكلم
أسر: مالك يافرح ياحبيبتي
فرح وهي تبكي: شوفت ابوك عمل ايه يا اسر ..
وحكت ليه اللي حصل..
اسر: مش عارف كلمته كتير يسيبك في حالك لحد ما قطعته وما فيش فايده فيه انا مش عاوزك تزعلي وسيبك منه وما تتضايقيش انا محبش اشوفك زعلانه اهدي يا حبيبتي
فرح: بارتياح خلاص ارتحت وهديت مش عارفه من غيرك كنت عملت ايه..
اسر: انا عارف ان مفيش مني ههه حياتي ليكي 🥰
فرح : ماااشي باااي انا هاروح انام عشان اصحي للشغل بدري
اسر: فرح هارون بتنام بدري يادين النبي هههه
فرح: تصبح علي خير
اسر: وانتي من اهلي
بتقفل فرح التليفون اسر بيخفف عنها كتير من معاناتها اسر هو الحاجه الحلوة الوحيدة اللي في حياتها
بتروح فرح تنام وهيا خايفه من بكره خايفه من الدنيا وخايفه من الأيام..
ادم بيوصل البيت وبيرن تليفونه..
بيرد ..
ادم: الو اذيك يا جدي
الجد: اذيك يا ولدي اخبارك ايه
ادم: الحمد لله يا جدي
الجد: عملت ايه في الموضوع اللي چلتلك عليه
ادم: مش هنبطل كلام في موضوع التار ده انا عندي اللي اخاف عليه عندي اختي يا چدي مين اللي هيخلي باله منها .
الجد: وهتنسي تار ابوك يا ولدي وعنديه راجل يعرف يجيب له حقه
ادم: انت عايز تدمرلي حياتى وبس سيبني في حالي يا جدي سيبني في حالي
الجد: كنت مفكرك راجل تعرف تجيب حق ابوك
ادم: ما عدتش عايز دم يا جدي عايز اعيش بسلام
بيقفل جده في وشه السكه ..
بيقعد قدام وهوا متعصب ومتوتر بيستعيذ بالله من الشيطان وبيدخل ينام..
جاء الصباح وكالعاده قام ابطالنا من نومهم
فرح بتجهز وبتشرب النسكافيه
وادم بيشرب قهوته
وبيجهزوا وبيروحوا شغلهم..
فرح بتوصل وادم في نفس اللحظه للشركه
فرح بتتخبط فيه فا بتقع في حضنه
بيوقف الوقت لثواني وكأن مافيش ناس كأن الدنيا ليهم لوحدهم ادم بيسرح في عينيها اللي كل مابيقرب منها بتسحره وقلبه بيدق قوي بالقرب منها..
فرح وهي بتبعد عنه بإحراج: اسفه ما شفتش حضرتك
ادم وهو عرقان وقلبه بيدق بقوه: عادي مش مشكله
ومشي كل واحد علي مكتبه
ادم قاعد علي مكتبه بيفكر فيها وبيقول لنفسه : هوا انا حبيتها معقول بالسرعه دي معقول في حب من النظره الأولي..
بيقاطع تفكيرة دخول فرح..
فرح: استاذ ادم دي الفاكسات والايملات بتوع الصفقه ...
ادم بيقف وبيقرب منها وبيشدها في حضنه ..
وبيقرب من شفايفها ..
بتحاول تزقه مش بتقدر بتدوس علي رجله جامد
وبتديله قلم ...
بيمسك ايديها..
ادم: حرم ادم القناوي ماتمدش ايدها عليه عشان ما اكسرهاش
فرح: حرم مين انت اتجننت
ادم : مراتي برده ما ينفعش تشتمني
فرح: لأ انتي اتجننت خالص
ادم: بحبك وهاتجوزك
فرح: انا عمري ما تجوز واحد زيك دا بعدك
ادم: بقولك هتبقي مراتي
لقت فرح ان المجادله معاه مافيش منها فايدة فاخرجت من المكتب وهيا متعصبه ..
فرح لنفسها: دا انسان وقح ماعدش ينفع اشتغل معاه تاني
روحت شقتها وهيا بتلعن اليوم اللي اشتغلت معاه فيه ..
فرح: انا كنت ناقصه مشاكل انسي الشغل يا فرح عند الحيوان ده انا كنت ناقصاه ده كمان....يتبع
ولسه اللي جاي تقيل مع كاتبه الجيل😎
متابعه لصفحتي الشخصيه ولاف ورايكم قبل أي حاجه..
#صعيدي_مودرن(فرح_الأدم)
#بقلم_حنين_عادل
#كاتبه_الجيل😎
تعليقات
إرسال تعليق