 |
صعيدي مودرن
#البارت_الأول
تبدأ الأحداث بدخول الجميله لابسه فستان أخضر طويل
اللي بيبرز جمالها الطاغي بالكعب العالي والشعر البني
الطويل والعيون الخضر اللي تأسر القلوب من جمالها.
ماسكه ايد شاب وسامته طاغيه وكاريزمته..
أسر: مش قولت بلاش كدا هتتخطفي مني يابنتي يخربيت جمالك دا
فرح: حد قالك تيجي معايا وبعدين انتي عارف اني جميله مش بايدي يعني
أسر: ههههه مغرورة
فرح: لأ دي ثقه يلا بقا نروح نبارك لملك دي خطوبتها وكان لازم اجي بدري اتأخرنا
أسر: أعملك إيه ما انتي بتجهزي بقالك ساعه انا اللي اخرتك يعني
فرح: البنات كلها كدا عادي
أسر: بس انت مش محتاج يا جميل
فرح: بس بقا بتكسف ههههه
بيضحك أسر عليها...
بتمشي فرح ناحيه ملك عشان تبارك لها..
وقريب منها في طرابيزة عليها ثلاث شباب عاصم و امجد وادم..
عاصم: شوف القمر اللي جاي علينا دي يا بختك ياعم
أمجد: بت زي الكتاب ما قال موديل اااااه يارتني كنت أنا
أدم: انتوا مفيش فيكوا فايده ابدا ربنا يهديكوا وبيرفع رأسه بيشوفها بيأسره جمال عينيها اللي عارف ومتأكد انها طبيعيه لأنه بيفهم في العيون.
أمجد: يا عم بطل العرق الصعيدي القفل اللي عندك ده
أدم بيبصله : وماله ان شاء الله العرق الصعيدي ده ..انت تطول تبقي صعيدي ده شرف مش اي حد ينوله
كامل: هههه ليه كل ده ملوك الكون
أدم: لأ ملوك الجدعنه يا عار علي الصعايدة
كامل: ياعم يلعن ابو هاليوم الإكحل اللي لا ليه اخر ولا اول اللي طلعت لقيتني صعيدي لو كان بإيدي كنت طلعت فرنسي أو أمريكي
أدم: كان يبقي أحسن انت ماتستهلهاش أساسا
أمجد: خلاص يا جدعان احسن تحيه للصعايدة المودرن دول اللي قاعدين معايا
أدم: مودرن اه وبنتكلم عادي بس القلب صعيدي والعقل صعيدي ..
............................
بتروح فرح تسلم علي ملك..
فرح: مبروك يا ملوكه يا حبيبتي
ملك: عقبالك يا قلبي
أسر: مبروك يا ملك
ملك: الله يبارك فيك عقبالك يا اسر.
أصوات الموسيقى بتعلي وبتشجع علي الرقص
فرح: تعالي يا اسر يلا نرقص بسرعه
أسر: عارفك تموتي في الرقص هههه
فرح: ااااه بحبه اكتر من ابويا ههههه
أسر: هههههه يخربيتك
أدم بيراقبها في هدوء ومش عارف ليه دخلت قلبه اول ماشافها لانه مش اي بنت تعجبه...
ادم بتفكير: مالك يا ادم ..مين اللي بترقص وتتمايع معاه ده معقول خطيبها او جوزها ..
بتيجي بنت تطلب من أدم يرقص معاها..
امجد: العب واحنا ماننفعش الله يسهله
بيقوم أدم معاها لهدف في دماغه ..
بيرقص معاها سلو وبيكون جمب فرح بيحاول يسمع هما بيقولوا ايه ..
البنت بتاخده بعيد عنها..
بيحاول يبص علي ايدها مش لابسه حاجه تدل انها مخطوبه او متجوزة..
بيبتسم ادم بتظهر غمازته وهوا بيبص عليها ..
بتاخد فرح بالها وبتركز معاه لثواني ...
أسر: ايه مالك
فرح بتبص لأسر: ها ..لا مافيش ..
رقصه السلو بتخلص بيروح أدم يقعد علي الترابيزة مع اصحابه..
كامل : حلوة البت بردة تستاهل
ادم: ايه ؟!
أمجد: صاحبنا وقع علي بوزه شكله روح يا عم هات رقم ابوها عايزين نفرح عقبالي يارب .
ادم بيضحك علي كلام أمجد وبيفضل مركز مع فرح وتحركاتها وضحكتها وهيا بتكلم أسر
بتخلص الخطوبه بأجواءها المبهجه وبتخرج فرح وهيا مأنكجه أسر وأدم مركز معاها ومبتسم..
أمجد: مش كنا مشينا وراهم
كامل : لا واقع واقع
أدم: مين اللي واقع ياض منك ليه مش انا اللي أقع ..
كامل: طب عليا الطلاق بالتلاته واقع..
........................
أسر: يلا أما اوصلك
فرح: معايا عربيتي وهاروح عادي
أسر: يا سلام عايزاني اسيبك تروحي دلوقتي لوحدك الساعه 2انتي بتهزري
فرح: طيب يلا انت بجد مش ابن عمي وبس انت صديقي واخويا وكل حاجه حلوه في حياتي
بيبص ليها أسر وبيبتسم : حياتي ليكي 🥰
اسر في سره: بس انا مش بعتبرك اختي انا بحبك يا فرح وعايز اقولك مشاعري دي بس انتي مش بتديني فرصه .
فرح : سرحان في ايه ..
أسر: مش سرحان بس الصمت في حرم الجمال جمال
فرح: الله علي الكلام الحلو اللي مش بسمعه غير منك ده .
أسر: خليكي معايا وانا هافضل اقولك كلام حلو كتير
فرح: ماشي .اشجيني..
ركب أسر وفرح العربيه وفرح سندت علي الازاز من غير ماتتكلم..
اسر: وصلنا.....مساؤ نكد
فرح وباين عليها الحزن: اه وصلنا
أسر: ممكن اعرف ايه اللي مضايقك دلوقتي
فرح: هطلع اقعد لوحدي بحس بالوحده بعد ماما الله يرحمها ما سابتني
أسر: الله يرحمها انا موجود بس لازم تنسي اللي حصل ماتعذبيش نفسك..
فرح: انسي ازاي اللي حصل ودا من اعز الناس ليا او اللي كنت فاكره انه من اعز الناس انه المفروض سندي وضهري بعد ربنا ابويا......يتبع
ولسه اللي جاي تقيل مع كاتبه الجيل😎
تفاعلوا الروايه كامله يعني كل يوم جزء ولو في تفاعل هانزل جزئين يلا تفاعلوا وقولوا ايه رأيكم...
علي فكرة دي اول روايه كتبتها بس عدلت شويه حاجات يعني دي بدايتي ..
#صعيدي_مودرن(فرح الأدم)
#بقلم_حنين_عادل
#كاتبه_الجيل😎
صعيدي مودرن
#البارت_الثاني
بتكمل فرح كلامها مع أسر
فرح: عمري ما قدر انسي أنه سابني انا ومامتي واحنا
محتاجين له وهرب برا مصر عشان خايف علي نفسه طب
ما خفش علينا أما يسيب مراته وبنته اللي عندها 10
سنين لوحدهم يواجهوا الدنيا وتبكي بحرقه
أسر: أهدي يا فرح اهدي يا حبيبتي
فرح: دا كان السبب في موت امي لما اتوسله يرجع عشانها واقوله دي خلاص الدكتور بيقول مفيش امل ارجع حسسها بالأمان حتي قبل ما تموت يخاف علي نفسه وميرجعش أنا بكرهه بكرهه وتبكي..
اسر:ايه يا فرح دا إحنا لسه راجعين من الخطوبه ومزاجنا حلو ليه تعكنني علي نفسك وتضايقي نفسك
فرح بحزن: هههههه انا مش عارفه انا اسمي فرح ازاي بيقولك كل واحد ليه من اسمه نصيبه مش عارفه فين نصيبي من الفرح
اسر: خلاص بقا انا مش أخد على فرح دي انا اخد علي فرح المجنونه المشاغبه اللي ابقي معاها اضحك من قلبي انا عارف ان فراق الام صعب بس هي في حته احسن فلازم ندعيلها بالرحمه ومانعذبهاش..
فرح حست بالراحه لأن أسر أكتر حد بيفهمها وبيعرف يطمنها لأنه صديقها والحاجه الحلوه اللي في حياتها
فرح: خلاص انا هديت وارتحت اطلع بقا شويه
اسر: بس الوقت أتأخر
فرح: ماشي براحتك
اسر حس انها زعلانه: خلاص ماشي خمس دقائق بس حياتي ليكي 🥰🥰
فرح: ههههه ماشي اطلع يا لمض
دخلت فرح الشقه وقعدت تشتم في الكعوب العاليه وانها مش مريحه ووحشه
اسر: استحاله حد يقدر يفهم دماغكم طب بتلبسيها ليه
فرح: شيك وانيقه
اسر: ماشي أنا هامشي بقا عشان تنامي
فرح بحزن: ماشي
اسر:انا معاكي قولي بس يا اااااااسر هقولك حياتي ليكي 🥰🥰
فرح: هههههه ماشي يا اسر
اسر: تصبحي علي خير يا حبيبتي ومشي
فرح قعدت حزينه وحاسه بالوحده في الشقه الكبيره اللي مافيش فيها غيرها ...
فرح بتفكير: ازاي اخلص من الوحده والزهق اللي انا فيه ده..
بيقاطع تفكيرها وصول رساله علي تليفونها...
بتمسك تليفونها بتلاقي ان الرساله من البنك بتفتحها لقت ان رصيدها في البنك بقي اقل من 50000 جنيه..
فرح: ايه ده بقا فلوس الوديعه قربت تخلص انا كده هابيع الشقه والعربيه انا ماقدرش اعيش في مستوي أقل من اللي انا عايشاه ..
بتابع فرح كلامها: يخربيت الديلر اللي ضيع فلوسي ده لا اصحي يافرح دا انتي ان وقعتي تحت ايد عمك مش هيرحمك دا طمعان في الشقه والعربيه اللي حيلتك وما هيصدق انك وقعتي..
طب اعمل ايه اااه انا هاشتغل منها مرتب يساعدني و اشغل نفسي شويه ..
راحت نامت وهيا متحمسه للخطوه دي في حياتها ...
...........................
في بيت كبير..
كان ادم نايم علي السرير ومبتسم وهوا بيفتكرها..
ادم: وبتقول مش انا اللي وقعت...دا انت وقعت ولا حد سمي عليك ...
طيب هيا مين واسمها ايه وعايشه فين مالحقتهاش بسبب الجزم اللي المفروض اصحابي بس هلاقيها..
نام وهوا مبتسم وبيفكر فيها
فامتي اللقاء .
...............................
بتصحي الصبح علي نور الشمس اللي صحاها لما اجي في عينها...
بتقوم لأول مره نشيطه وعندها هدف بتسعي تحققه
دخلت خدت شاور وطلعت وهيا لابسه البرنس عملت النسكافيه بتاعها اللي ماتقدرش تكمل يومها مت غيره وقعدت ...
مسكت اللابتوب بتاعها وقعدت تدور علي شغل يناسبها لأنها متخرجه من كليه ادارة الأعمال.
قعدت تدور كتير لحد ما حالفها الحظ ولقت شركه كبيره عندها فرصه عمل اخدت رقم الموبايل اللي في الاعلان ورنت عليه ..
فرح:الو
السكرتيرة: الو ..
فرح: كنت بكلم حضرتك عن إعلان الوظيفه
السكرتيرة: اخر يوم النهارده للانترفيو هاتي السي في بتاعك وتعالي الساعه2 علي مقر الشركه
فرح: اوك بس ممكن تبعتيلي شير لوكيشن
السكرتيره: اوك
فرح بتبص للساعه الساعه 12.30.
فرح: انا شكلي هتأخر ولا ايه
فرح قامت بسرعه لبست لبس رياضي وكاب لأنها بتعشق اللبس ده وبترتاح فيه..
جهزت اوراقها اللي محتاجاها ونزلت من شقتها..
ركبت عربيتها الجيب وشغلتها ..
فرح بتفكير: النفسيه محتاجه تسمع عمرو دياب
علت صوت الموسيقي ورددت مع الأغنيه..
حبيبي يا عمري انا كلي جراح
لو كنت حبيبك سبني ارتاح
اه انا رايح فين انا راجع تاني
انا مش هنساك ولا قولت انساني
وصلت مقر الشركه ..
دخلت وهيا واثقه من نفسها.
................................
ترررن ترررن ..
بيصحي ادم علي صوت تليفونه
امجد: ايه يا بني سهرت تفكر في الجو ولا ايه عندنا اجتماع
ادم: مش عارف ازاي راحت عليا نومه انا جاي بسرعه
امجد: لأ ماتقلقش دي أعراض الحب
ادم: واد اظبط بدل ما اظبطك ..
امجد: وه ايه الحديت الماسخ ده
ادم: لما اجيلك
امجد: خلاص ..خلاص أسف انا مش قد الصعيدي الشرس اللي جواك يا مامي
تيت تيت...قفل ادم في وشه السكه
ادم: رخم.
دخل اخد شاور وطلع لبس بدلته السوده اللي زادته وسامه علي وسامته..
...............................
دخلت فرح للسكرتيره
فرح: انا فرح هارون اللي كلمت حضرتك جايه بخصوص الانترفيو.
السكرتيرة: اسفه بس خلاص اخترنا اللي هيشتغلوا وانا ماكنش عندي علم
خرجت فرح وهيا زعلانه خست انها رجعت لنقطه الصفر تاني كانت فرصه ممتازه في شركه كبيره تليق بيها وبإمكانيتها ..
بتركب عربيتها بيلفت نظرها اعلان لشركه لكن صغيره نوعا ما عاوزه سكرتيره.
فرح بتفكير: يلا اهي اي حاجه والسلام ..
اخدت ورقها ونزلت من العربيه ودخلت الشركه
لقت بنت قاعده علي مكتب
فرح: أنا جايه اتقدم للوظيفه اللي اعلنتوا عنها
السكرتيرة: كده
فرح: كدا ايه
فشاورت السكرتيره علي هدومها..
فرح: اااه كدا ودي حريه شخصيه وملكيش تدخلي فيها
السكرتيره:اوك ورفعت الهاتف استاذ امجد اللي متقدمين للوظيفة موجودين هتقابلهم.
أمجد: لأ استاذ ادم اللي هيقابلهم
السكرتيرة: اوك أكلمه أقوله
امجد: لأ انا اللي هاقوله استني مني خبر
امجد ذهب ودخل المكتب ليري ادم
امجد: اللي متقدمين للوظيفة بره يا عم المتأخر اللي هاتخلينا نعلن افلاسنا
ادم: مره من نفسي مش زيك كل يوم والتاني ..
امجد: مش هارد عليك لأني مافيش في التفاني واتقاني في العمل .
ادم: تفاني قصدك تهاني
امجد: ألشك رخيص. ها هاتقابل اللي متقدمين ..
ادم: ايوه هاقبلهم مش عايز واحده خاينه زي أميرة تطلع اسرار الشركه برة وتتفق مع كامل هارون عليا.
امجد: بس انت ليه لسه ما طردتش اميره وسايبها
ادم: دا لسبب في دماغي
امجد: واللي هتختارهم هيشتغلوا امتي
ادم: الاسبوع الجاي المهم دخلي اول واحده يلا وروح شوف شغلك..
امجد: ماشي ياعم ادم عارف لو مكنتش صاحبي
ادم يقاطعه: كنت عملت ايه
امجد: كنت جيت صاحبتك ما انا مقدرش استغنى عنك يا صاحبي وحبيبي.
ادم: ماليش في العواطف والمشاعر يا بتاع البنات انتي ههههه.
امجد: ماشي يا لمض انا هطلع ادخل اول واحده سلام
امجد يخرج من الغرفه وبيقول للسكرتيرة دخلي واحده واحده للاستاذ ادم..
السكرتيرة اميره: حاضر يا استاذ امجد
استاذه فرح ادخلي
قامت فرح ومشت من جمب امجد و دخلت ورا السكرتيره لأدم.
امجد: اوبا يا بختك ياعم ادم مش الغفيرة اللي عندي دي اهئ اهئ دي تقطع الخميره من البيت عاوز اغيرها واجيب واحده تطري الدنيا..
مشي امجد وهوا بيفكر يطرد السكرتيره ىى
دخلت فرح وسلمت علي ادم ..
اللي اول ما بص في عنيها عرفها
ادم بتفكير: هيا نفسها الحوريه اللي خطفت قلبي .
فرح: استاذ لو سمحت..
ادم: ايوه
فرح: ايدي يا فندم..
بيسيب ادم ايدها وبيرجع لجديته..
بتديله فرح السي في وبتقعد تتكلم عن نفسها.
بيقاطعها كلام ادم: ايه اللي انتي لبساه ده دا لبس سبورتيف وانتي جايه انترفيوىى
اتعصبت فرح وقامت من قدامه
فرح: مش شغلك البس اللي عاوزاه انت مين عشان تتدخل في لبسي انت نسيت نفسك ...
سابته فرح وخرجت وهيا متعصبه.
فرح وهيا بتسوق بعصبيه: مش فاهمه ليه الناس مش بتسيب حد في حاله ..
ابتسم ادم ...
ادم : جريئه وشخصيتك قويه وانا بحب كده حتي لو محتاجه شغل مش هاتقدمي تنازلات قطه مخربشه اكيد هاتيجي تاني انتي اللي هاتشتغلي معايا ...
بتسوق فرح عربيتها وهيا متعصبه ...
فرح: مين انت عشان تتحكم فيا حتي لو كنت المدير مدير علي نفسك انا فرح هارون....يتبع
ولسه اللي جاي تقيل مع كاتبه الجيل 😎
لسه المفاجأت جايه ...
متابعه لصفحتي الشخصيه ولاف ورأيكم قبل أي حاجه 🌟
#صعيدي_مودرن(فرح الأدم)
#بقلم_حنين_عادل
#كاتبه_الجيل😎
تعليقات
إرسال تعليق