 |
مابين الحلم والحقيقة (دار الايتام 2)
البارت السادس..والسابع .
خرجت عشق هي وليل من الكافيه والصدمه باينه على ملامحها ومفيش اي كلمه بتقولها ماشيه جمب ليل ومش بتطنق..
عشق لنفسها....أزاي مفيش بيت ازاي شقة الزمالك مش موجوده
اكيد بيكدب عليا واكيد مش مصدقني طيب بس هو هيعمل كده ليه المفروض ان لو انا صح كان بان على ملامحه انه بيكذب بس ده بيتكلم بكل ثقه ان مفيش شقه....انا دماغي هتنفجر خلاص
مش مهم كل ده الوقت المهم الوقت انه لازم يحمينا بأي شكل من اي حاجه هتحصل..يارب خليك معانا ولو الحلم مش بيتحقق كله يارب يكون ده كمان مش هيتحقق قطع سكوتها كلام ليل
ليل....انتي كويسه يا انسه عشق
عشق...بخير
ليل...امال ليه واضح عكس كده
عشق...عادي متشغلش بالك
ليل...مش فاهم انتي مضايقه ليه من وقت ما قولت ان مفيش شقه فالزمالك كان هيبقى كويس لو كنت قولت عكس كده...
عشق....لا خالص مين قالك اني مضايقه بالعكس انا بدعي ربنا ان كل حاجه قولتهالك متتحققش واللي اتحقق منها يكون هو الجزء الوحيد اللي هيتحقق اما الباقي لا
بس كان هيبقى افضل عالاقل لو حاولت تصدقني
ليل...ما انا مصدقك
عشق...بيتهيألك انت مش مصدقني ولا حتى هتصدقني عارف هتصدق امته لما تحصل كارثه من اللي انا قولتها وقتها بس هتصدقني
وقف ليل العربيه مره واحده
عشق.....حااااسب
ليل....بغضب هو انتي مقتنعه اصلا ان اللي انتي قولتيه ده حد يصدقه انتي عبيطه ولا غبيه ومين الغبي ده اصلا اللي يصدق
عشق...بغضب...من فضلك انا مسمحلكش
مسكها ليل بعنف من ايدها...بت انتي انتي مين ومين اللي رماكي عليا انطقي
عشق...بثقه وثبات واضح فعلا انك مصدقتنيش وواضح فعلا اني مقولتش حاجه صح....عشان كده انت متعصب لما انا غلط شاكك ليه ان حد رماني عليك
ليل....انا مش شاكك انا متأكد بس للاسف معرفش مين ولو عرفته هقتلك انتي وهو.
عشق....ارجوك بلاش الكلام ده وبلاش طريقتك دي ومن فضلك ابعد ايدك من عليا اللي عندي انا قولته حابب انك تصدقني انت حر مش حابب بردو انت حر انا يمكن اكون خايفه ويمكن اكون حبيت اني اتكلم من حاجه تعباني لان صعب على اي حد يكون عارف مصيبه من قبل ما تحصل احساس صعب تفكير طول الوقت خايف تنام ملكش نفس تعمل اي حاجه هتموت من الخوف على كل اللي حواليك لا انت قادر تعيش حياتك ولاقادر تنزل تشتغل وكل حياتك عباره عن خوف وتفكير انا اكيد مش هقدر امنع اي قدر واي حاجه مكتوبه لو عملت ايه مش هقدر امنعها بس افتكر اني جتلك وحكيتلك واي حاجه هتحصل ده مش ذنبي انا حاولت ومش قادره ولجأتلك وانت مش مصدقني يبقى خلاص خلصت اللي يحصل يحصل لاني حقيقي تعبت من كتر ما بحاول اوقف اللي شوفته ومبيقفش..انا معنديش سبب يخليني اكدب عليك لا انا طمعانه فيك ولا انا عايزه اقرب منك زي ما اغلب البنات يتمنوا انا ابسط من كده بكتير يا ليل باشا انا بس خايفه عليكم كلكم يمكن اللي حصل في الحلم اللي انت مش مصدقه يكون اهون بكتير من اللي هيحصل في الحقيقه بس انت قررت متصدقش وانا عملت اللي عليا خلاص انا حاولت كتير من اول ما صحيت وشوفت بابا بجد ادامي في الحقيقه كتير كنت افكر اني اتصل بيك بس كنت برجع في كلامي ومبقدرش لاني مكنش عندي حاجه اقولها كنت واثقه ان اللي هقوله مش هتصدقه كل مره كانت حاجه تتحقق اقول هكلمك بس مكنتش عارفه لحد يوم حادثه بابا مقدرتش اقف خوفت عليه وقررت اني اجي وامنع خروجهم واتكلم معاك والغريبه لما جيت اكتشفت ان بردو هو ده اليوم اللي شوفتك فيه لاول مره...وكأن كل حاجه مترتبه...
ليل....هو انا كنت ايه في حياتك ياعشق وايه السبب اني اكون من ضمن اللي انتي خايفه عليهم..
حست عشق كأنها خدت قلم على وشها من صدمتها في السؤال سكتت شويه وبصتله بثقه بعد ما جمعت نفسها.
عشق....ولا اي حاجه قولتلك اننا كلنا اشتغلنا معاك فالشركه...بس يمكن اللي انت مش هتحسه او تعرفه اني حقيقي ده بالنسبالي مكنش حلم واني اتعلقت بكل واحد فيكم وكأنه مني عشان كده خوفت انكم تتأذو...
ليل...ولو فرضنا اني ممكن اصدقك ايه الحاجه اللي انتي محتجاني اعملها
عشق..سرحت بحزن....مش عارفه صدقني مش عارفه..بس يمكن حاليا انك تحاول تمنع اي حاجه تحصل ليا انا وزهره ونور بعد سفر تمارا
سكت ليل شويه
ليل...تمام انا هتصرف مسك موبايله واداهولها
عشق...ايه ده؟؟
ليل...اكتبي رقمك وانا هرن عليكي سجلي رقمي
مسكت عشق الموبايل كتبت رقمها بسرعه زي الغبيه وادتهوله...انا معايا رقمك على فكره خدته من بابا
ليل...تمام مسك ليل الموبايل منها ولسه هيسجل رقمها اتصدم لما شاف الرقم متسجل اصلا بأسم
((مجهول)) بصلها براحه ورجع بص على شاشه الموبايل وسرح ثواني وافتكر ان الرقم ده بقاله شهرين ونص تقريبا نفس المده اللي طلعت فيها عشق وتمارا وزهره من الدار هو اللي كان بيتصل بيه تقريبا كل يوم بليل
ليل لنفسه....هي اللي كانت بتتصل بيا طول المده دي طب ليه يمكن زي ما بتقول كانت بتحاول تقولي كل حاجه وكانت مبتقدرش فا تقفل ولا كان ايه اللي بيدور في دماغها وقتها...وازاي مخدتش بالها انها ادتني رقمها اللي هي بتتصل بيه....هفضل وراكي يا عشق لحد ما اجيب اخرك....ويا اما تطلعي صادقه يا اما لو بتلعبي عليا وحياة ديني لا همحيكي من على وش الدنيا😡
ليل...تمام سجلت الرقم اي وقت تحتاجيني اتصلي عليا على طول
وانا اي وقت هشوف رقمك حتى لو كنت مشغول هتصل عليكي بسرعه. ده طبعا عشان امنع عنكم اب حاجه وحشه🙂
عشق...بحزن من نبرته اللي فيها سخريه شكرا ليك.من فضلك ياريت نروح عشان الوقت اتأخر
ليل...تمام.
اثناء ماهما ماشيين في الطريق اتصل عليه جاسر
ليل...الووو
جاسر ..ايه يابوص الميتنج خلص خلاص كله تمام
ليل..طيب الحمد لله اتفقتوا على ايه
جاسر....المفروض في بكره ميتنج تاني هنظبط فيه شويه حاجات كده ونحدد معاد السفر عشان نشوف المكان
ليل...سكت وافتكر كل كلمه قالتها عشق
عشق...حست بيه وحست باللي بيدور في باله بس فضلت ساكته
جاسر....ليل انت معايا
ليل...اه معاك...خلاص هنبقى نتكلم انا الوقت رايح عالبيت اوصل انسه عشق
جاسر...طيب تمام انا كمان رايح اوصل تمارا هشوفك
ليل...تمام يلا سلام الوقت
جاسر سلام
كمل ليل سواقه من غير ولا كلمه
اما عند جاسر فاكان باين عليه الغيره من هادي...فضل ساكت شويه وقبل ما تمارا تكسر الصمت ده اتكلم هو
جاسر....تمارا ممكن اطلب منك طلب
تمارا...طبعا يا مستر جاسر اتفضل
جاسر...ياريت متديش وش لهادي اوي هو بني ادم كويس وشغله تمام ورجل اعمال ناجح بس عي المستوي الشخصي انا مش بحبه
او بمعنى اصح مش برتاحله
تمارا...ايوه بردو مش فاهمه حضرتك تقصد ايه انا مفيش بيني وبينه كلام اصلا انا اول مره اشوفه
جاسر....عارف يا تمارا بس انا بنبهك مش اكتر لان التعامل معاه مش هيبقى اخر مره لسه هنشوفه كتير وهنقابله اكتر احنا في بينا شغل انا مش عايزك تتعاملي معاه لانه بأختصار سمعته سبقاه ومعروف انه بتاع ستات فهماني
تمارا....تمام
جاسر...تمام ايه؟
تمارا...فهمت يعني التعامل بيني وبينه هيكون في حدود الشغل وبس.
جاسر...بغضب بسيط ظهر في الكلام يبقى مافهمتيش يا تمارا انا قولت مش عايزك تتعاملي معاه اصلا سبيني انا مني ليه انتي كل اللي عليكي تظبيط مواعيدي وبس اكتر من كده لا ممكن
تمارا............
جاسر...ماتردي سكتي ليه
تمارا....حاضر يا مستر جاسر بس ممكن سؤال هو حضرتك ليه متعصب كده اظن انهرده يعني محصلش اي حاجه مني تضايقك وتعصبك ولو حصل واني اتكلمت معاه فانا مكنتش اعرف
جاسر...وانا مقصدش اتعصب ياتمارا بس معرفش انتي خدتي بالك ولا لا من هادي وتلميحاته ونظراته كل دي حاجات تحرق الدم
تمارا...اولا انا مخدتش بالي فعلا من اللي حضرتك بتقوله ده ولو حصل فا بردو ده مش ذنبي هو راجل عينه زايغه انا مالي ثانيا بردو ليه حضرتك مضايق
جاسر...بغضب...هو ايه اللي ليه حضرتك مضايق ياتمارا ايه شيفاني مش راجل ولا ايه لما الاقي واحد بيحاول يعلق فيكي ويترسم وبيلاغي حضرته انتي سكرتيرتي يا تمارا يعني كلك على بعضك كده تخصيني انتي فاهمه
تمارا...🙄😳😳
دور جاسر العربيه وطار وتمارا من كتر ما هي كانت مبسوطه الكلام كله طار....لانها حبت جاسر ومتوقعتش انه يحبها اصلا....
بعد مده وصل ليل وعشق تحت البيت
ليل...حمد الله عالسلامه
عشق...الله يسلمك
ليل...يلا اطلعي انا هفضل مستني لحد ما تطلعي
عشق...هو حضرتك مش هتستنى مستر جاسر
ليل...لا هكلمه واعرفه اني مشيت
عشق...اوك بعد اذنك
هز ليل دماغه نزلت عشق بحزن عشان طريقته وحساه مش مصدق راحت ادام الباب بصتله من بعيد شويه ولفت وشها وطلعت عالبيت واول ما اطمن ليل انها طلعت مشي
ليل.....الووو
جاسر...ايوه ياليل
ليل....انت فين
جاسر...انا ربع ساعه وهكون تحت بيت حاج محمد
ليل...طيب تمام عموما انا وصلت عشق ومشيت بس عايزك تجيلي عالڤيلا
جاسر....
في حاجه ولا ايه
ليل....اه في بس لما تيجي
طيب تمام هكلمك تاني
ليل...سلام
جاسر...سلام
عدي الوقت بسرعه ووصل جاسر تمارا وفضل واقف لحد ما طلعت كلمته ومشي راح لليل.
........
ليل....مساء الخير
ادم....مساء الفل ايه الاخبار
ليل...تمام امال فين نوح
نوح...وهو جاي من المطبخ ولابس مريله مطبخ وشكله يضحك..مين بيسأل عليا
ليل...ايه ياض اللي انت عامله في نفسك ده
نوح ...ايه رأيك انفع
ليل....ولا اجدعها ست بيت 😡
نوح...تصدق والله انا اللي غلطان امك مش هنا قولت ادلعك انت والواد الغلبان ده واعملكم حاجه تتعشوا بيها
ادم...ده على اساس انك بتعرف تطبخ
نوح...على فكره مش لازم اكون بعرف اطبخ المهم اني بحب المطبخ
ليل...لا ياشيخ
نوح...طب اتقلوا بس المرادي اكله هتجننكم ومن الاخر
ليل...اما نشوف اخرت اخترعاتك دي ربنا يرجعك بالسلامه يا سهام..
ادم....عملت ايه صحيح يا ليل
ليل....لا استنوا لما يجي جاسر هطلع اخد شاور واغير يكون جه عشان احكي مره واحده
نوح...ايه ده هو جاسر جاي
ليل...اه انا قولتله يجي
نوح...ايه ده يعني هيدوق عمايل ايديا
ليل...ياض استرجل بدل ما اروق عليك ولا اقولك انا هسيبه هو لما يجي يسمع منك ويروق هو عليك
ادم...بضحك جاسر هيرفعك
نوح...ميقدرش ده بيحبني
ادم....هنشوف
ليل...انا طالع اخد شاور بسرعه بدل ما ارتكب فالواد ده جريمه
ادم...😂😂ماشي...
طلع ليل الاوضه بتاعته ساب موبايله ومفاتيحه عالتربيزه واعد على كرسي رجع راسه لورا فضل ساكت وباصص للسقف وفجأه قام اتعدل مسك موبايله وكتب رساله.
ليل.....أزيك يانور ياريت وقت ما تشوفي المسدچ بتاعتي تتصلي بيا وياريت محدش يعرف ابدا اني كلمتك لاني عايزك ضروري في حاجه مهمه جداااا ارجو ان محدش يعرف وقت ما تعرفي تكلميني كلميني......
بعت ليل الرساله عالواتس وحط الموبايل عى التربيزه تاني وقام راح عالدولاب يطلع غيار وقبل ما يدهل ياخد الشاور بتاعه سمع صوت إشعار لرساله مسك الموبايل كانت رساله من نور
نور....الحمد لله يا مستر ليل بخير
انا مش هعرف اتكلم الوقت خالص لاني مش لوحدي بس ممكن تطمني لاني قلقت جدا والوقت متأخر مقدرش انزل اكلمك من تحت قولي من فضلك بابا في حاجه🙏
ليل......لا والله الموضوع ميخصش حاج محمد اصلا دي حاجه تانيه متقلقيش وطبعا اوعي تنزلي من البيت بصي بكره اي وقت تعرفي تكلميني انا مستنيكي تمام اطمني يلا تصبحي على خير
نور.....وحضرتك من اهل الخير...
دخل ليل ياخد شاور كان جاسر وصل تحت.
جاسر.... مسا مسا
ادم...جاسر تعالى اتأخرت ليه
جاسر...في حادثه عالطريق جامده اوي
ادم....ربنا يستر
نوح خرج على صوت جاسر
ايه ده مش تقول ان قلبي هنا يا ادم
جاسر....😳😳😳ايه يالا اللي انت عامله في نفسك ده
نوح...بطبخلك بأيدي يا قلبي
جاسر...فضل يضحك ومش قادر يمسك نفسه...كان ليل نازل عالسلم.
جاسر....الله يخربيتك يا شيخ ده لو ليل شافك هيرفعك
ليل...لا ياخويا انا سبتلك انت الرفعه دي شوفت اخر دلعك فيه
نوح..قلع المريله رماها وسط الڤيلا يا جدعان يعني انا الحق عليا بعملكم اكل وبضحكم وربنا جعان وزهقت من اكل الشارع انا غلطان
جاسر...طب قولي بتعمل ايه
ليل...اكيد اي عك
نوح...اهو قالك وربنا انا عن نفسي معرفش بعمل ايه
ادم...إلهي يوجع بطنك يا شيخ
نوح...طب انا جعان الوقت
ليل...اتنيل اطلبلنا اكل مش ناقصه وجع بطن ومستشفيات اخر الليل
نوح....ايوه بس على حسابك
ليل...طب ردوا انتوا عشان لو رديت هزعله
جاسر....اتنيل اسكت متجبلناش الكلام بقى هو انت عمرك اتنيلت دفعت حاجه
نوح...تصدق اه طب ايه هتاكلوا ايه
ليل...اللي تطلبه انجز بقى
نوح...طب براحه عليا مش كده بلاش قساوه
ضحك ليل غصب عنه ياض هضريك
ادم...بضحك ما تخلص يا نوح بقي انا كمان جعان
طلب نوح الاكل واعدو مع بعض
جاسر...ايه الحكايه عملت ايه
ابتدا ليل يحكيلهم لكن مش كل حاجه وللحظه حس ان عشق كان معاها حق وحب هو كمان يعمل زيها وما يقولش كل حاجه وافتكر كلام عشق لما سألها فلاش بااااك
ليل...يعني انتي عايزه تقنعيني ان تمارا وزهره ونور ميعرفوش ان من ضمن حلمك انهم هيرتبطوا بادم ونوح وجاسر
عشق....هما ميعرفوش اصلا اي حاجه ولما جيت وقولت اللي قولته فالشركه وسألوني بعدها قولت ان الحلم اللي شوفته ان بابا هيتخبط بعربيه وبس ميعرفوش اي تفاصيل
ليل...وليه مقولتلهمش؟
عشق....عشان ديما القلب بينفذ اللي العقل بيقوله بمعنى لما اقول مثلا لتمارا انها هتحب جاسر هي مش هتعمل اي حاجه غير ان عقلها وقلبها يفكروا فيه وهتحبه فعلا بس مش حب بجد ده حب عشان هتصدق حلمي لانها بتثق في احلامي وهتمشي ورايا لو فعلا الحلم ده مكتوب فانا اتمنى انهم يحبو بعض من نفسهم مش عشان كلام انا قولته
ليل...وايه اللي ضمنك ان حد من الشباب يحبهم يعني ده اولهم جاسر انتي نسيتي انه خاطب
عشق....الست هي اللي بتخلي الراجل يحبها يا ليل باشا مش العكس صدقني ولو همشي معاك على كلامك يمكن ده سبب تاني خلاني مقولش خصوصا لو مش كل حلمي هيتحقق...
بااااك
بعد فتره بسيطه....سكت وبصلهم
ليل...بس هو ده كل اللي حصل
جاسر....حلم كل ده بسبب حلم طيب لوهي بتكدب ووراها حد زي ما قولت كل ده مترتب وهي عرفاه عرفت منين طيب مكان شقتي ده حتى حاج محمد ميعرفش كنا قولنا عرفت منه ده امي وابويا نفسهم ميعرفوش انت بتقول وصفتلك الشقه بتاعتك حته حته وانت شاكك انها جايه تبع ريما...وريما نفسها ياليل مدخلتش الشقه دي ولا عمرها راحتها..ومحدش دخلها غيرنا احنا الاربعه وامك وابويا...وامك وابويا ما بيروحوهاش اصلا طيب ازاي ايه حد مننا اللي متفق معاها مش معقول بردو
ادم...طب السؤال بقى الاهم انت ليه ياليل قولتلها ان مفيش شقه فالزمالك وان مفيش اي مكان غير الڤيلا دي اللي بتعيش فيها...ده انت المفروض كنت اتأكدت من كلامها.
نوح...صحيح ليه عملت كده
ليل...مش عارف كل حاجه قالتها صح ومع ذلك مش قادر اقتنع لان مفيش كده مش فاهم هي بتحاول توهمني عشان اتصدم واصدقها ومره واحده انفذ اللي قالت انها حلمت بيه واشغلهم كلهم معايا واوديهم كلهم شقه الزمالك وادخلهم فينا وفي حياتنا اكتر وانا مش ضامنهم اصلا
جاسر.....طب ناوي على ايه انت بتقول ان هي قالت ان في ناس هيتهجموا عليهم من الحته اكيد مش هنسبهم
ليل...وايه اللي ضمنا اصلا ان دي مش لعبه يا جاسر مايمكن متفقين على كل حاجه بتحكيها
ادم....بص انا معاك ياليل وفنفس الوقت مستغرب طيب لو متفقين مع الناس اللي فالحته وهيتفقوا مع جارت نور كمان طيب ازاي وليه...وبعدين يا ليل متنساش انها قالت كل كلمه بالحرف انت ونور قولتوها....يعني الدكتور هقول يمكن معاه وعارفه هيقول ايه...طب هتدخل عقلك انت ونور ازاي.. ده حت مقابلة هادي مع جاسر انهرده هي عرفاها هتتفق مع هادي كمان طيب تمام عرفت ازاي اللي هيحصل من جاسر
ليل...ده اللي هيجنني يا ادم في حاجات مصدقها بس مصمم اني اكدبها لان بالمنطق صعب اني اصدق
نوح..طب وبعدين
ليل...انا خليت حد من الرجاله هناك واجروا شقه يعني هيكونو معاهم 24ساعه هناك وعشق مش هتبعد عن عينهم لحظه هي والبنات واي مكان هيروحوه او اي حد يقابلوه هيبلغوني بيه فورا
جاسر....تمام وعندي فكره تانيه بردو
ليل.. ايه هي
جاسر...بص هو احنا عشان نرتاح ونلاقي حد يرد على كل الاسئله دي مكنش في غير عم محمد وطبعا هو حاليا في غيبوبه فا احنا حلنا الوحيد الوقت في ايد نور...هي اللي هتقول كل حرف وتأكده وتعرفنا عرفوهم ازاي وكل حاجه..
ليل....ابتسم طول عمرك عارف دماغي يا جاسر ده فعلا اللي فكرت فيه وبعت لنور رساله انها تكلمني بس من غير ما حد يعرف لازم اقابلها وأسالها كام سؤال هي عايشه معاهم بقالها شهرين ونص اكيد في تفاصيل كتير ممكن تفيدنا..
نوح...بغيره واضحه طيب وتقابلها لوحدكم اقصد يعني ما تقولها فالموبايل وخلاص.
سرح ليل في كلام عشق وسكت..ازاي فالتليفون اكيد مش هينفع
جاسر...الله هي الحلوه بتبص لغيري ولا ايه
نوح...بارتباك حس باللي قاله انا لا تقصد ايه خالص على فكره انا اقصد يعني عشان ابوها فالمستشفى وكده يعني
جاسر...لا يا شيخ
ادم....🤭🤭🤭🤭
نوح....اه انتوا عايزين تتسلوا عليا صح شكلها كده فيه حفله انا قايم وسايبكم خالص
جاسر..مسكه وهو بيضحك استنى بس بهزر ياعم اعد بقى
ليل...خلونا فالمهم الوقت انا هستنى نور تكلمني والرجاله انا معرفهم ان اي وقت يحصل اي حاجه يبلغوني ولو في اي مشكله او مش عارفين يوصلولي يكلموا اي حد فيكم عشان كده خلوا بالكم ديما من تليفوناتكم
جاسر...اطمن بس معنى كلامها ان اللي حصل ده هيحصل واحنا مسافرين صح
ليل...اه هي قالت كده
جاسر...تمام
وفوسط ماهما بيتكلموا اتصلت نور على ليل.
ليل...دي نور
ادم...طب رد عليها
ليل...الووو
نور....ايوه يا مستر ليل انا نور اسفه اني اتصلت بحضرتك الوقت
ليل...اهلا يا نور لا متقوليش كده انا قولتلك اتصلي اي وقت
نور....انا مصدقت انهم نامو قولت اكلم حضرتك لاني بصراحه مش قادره استنى لبكره
ليل...ولا يهمك عموما هي حاجه متخصش حاج محمد هي تخص البنات شويه اسئله محتاج اعرفها منك عنهم.
نور....في حاجه طيب
ليل...خالص والله اسئله بسيطه لان حاج محمد كان عايزني اشغل عشق وزهره كمان ومحتاج اعرف شويه حاجات عنهم بس مش عايزهم يعرفو عشان الموضوع ميبقاش محرج اني بسأل عليهم وكده فهمتي.
نور...اه فهمت تحت امر حضرتك طبعا
ليل...هو اكيد مش هينفع فالتليفون ينفع اشوفك بره
نور...ينفع اكيد بس مش عارفه هقولهم ايه خصوصا اني بروح لبابا معاهم وبرجع معاهم
ليل...بسيطه قوليلهم رايحه الجامعه قوليلهم اعصابك تعبانه محتاجه تتمشي كده يعني
نور....فكره كويسه خلاص تمام هشوف حضرتك بكره
ليل...وانا مستني مكالمتك
نور...ماشي تصبح على خير
ليل...وانتي من اهل الخير
قفل ليل معاها...
جاسر...👍👍كده تمام
نوح...بقول ايه انا فصلت هطلع انام
نوح كان غيران على نور من غير ما يحس فا قرر انه يبعد عشان محدش يشك فيه لكن مقدرش يداري وكان ظاهر عليه جدا..
جاسر...هو ايه شكله واقع ولا ايه
ليل...تقريبا كده بس سيبك منه الوقت خلينا فاللي احنا فيه ده
جاسر...طب بقول ايه انا هخلع بقى انا كمان عشان مش قادر
ليل...طيب تمام
جاسر..تصبحوا على خير
ليل..ادم...وانت من اهل الخير
مشي جاسر وطلع ليل وادم يناموا.....
في صباح يوم جديد كل حاجه كانت ماشيه طبيعيه
الشباب في الشغل
والبنات فالمستشفي معاهم سواق ليل بعته معاهم واتنين من الجارد
عشق كانت مضايقه انها مشافتوش بس حاولت تبان افضل.
بعد ما خلصوا زيارتهم
عشق...يلا يا بنات
نور...عشق روحي انتي وزهره انا هتمشى شويه
عشق...طيب انا معاكي
نور...معلش يا عشق محتاجه امشي مع نفسي
عشق...حاضر يا حبيبتي طيب لو احتجتي حاجه كلميني
نور....حاضر
خرجوا من المستشفى مع بعض سابتهم نور ومشيت وهما ركبوا ورجعوا.
نور....ايوه مستر ليل انا نزلت من المستشفى وهما مشيوا حضرتك فين...
ليل......نوووور اركبي
بصت نور لقيته ليل ركبت
نور...هو حضرتك كنت هنا ولا ايه
ليل...اه وقفت بعيد واستنيت يمشوا
نور...تمام
ليل...مشي بالعربيه وصلوا كافيه مع بعض..
نور.. .خير يا مستر ليل
ليل..............🙄🙄🙄😳
مابين الحلم والحقيقة (دار الايتام 2)
البارت السابع..
بعد وصول ليل ونور الكافيه
ليل...تشربي ايه يا نور
نور...ولا اي حاجه
ليل...مش هينفع
نور...طيب ممكن اي عصير
ليل...واحد قهوه ساده وواحد عصير فريش
الويتر...تحت امر حضرتك بعد اذنك
ليل..اتفضل
طلع ليل سيجاره بهدوء ولعها وخد نفس
نور كانت بتهز رجلها وحاسه بتوتر
خير يا مستر ليل
ليل...خير يا نور مالك بس متوتره كده ليه
نور....مش عارفه حاسه ان في حاجه ليها علاقه ب بابا وبالرغم من اني اطمنت عليه بس بردو قلقانه
ليل...لا متقلقيش اطمني انا قولتلك من البدايه ان دي حاجه ملهاش اي علاقه بحاج محمد
نور....طيب قولي في ايه
ليل...نور...انا طبعا عمري ما شغلت اي حد معايا فالشركه من غير ما اعرف اي حاجه عنه يعني تقدري تقولي كده ان اي حد شغال عندي انا اعرف اصله وفصله وتاريخه من يوم ما تولد كمان..ده طبع فيا لازم اللي يشتغل في مجموعه السيوفي اعرف عنه كل حاجه
طبعا لما حاج محمد جاب تمارا تشتغل وقال قريبتي فامجرد انها جايه منه او تبعه يعني ثقه انتي متعرفيش والدك عندي ايه...بس ده ميمنعش ان الطبع يغلب التطبع ومقدرتش اني مدورش ورا تمارا خصوصا ان احداث شغل تمارا كان ليها ظروف خاصه او تقدري تقولي حصل حاجات خلتني ادور وراها عارف ان حاج محمد عمره ما هيأذيني بس لما ابقى عارف طول حياتي ان حاج محمد ملهوش اي قرايب وفجأه يظهرله قرايب لازم اشك...او بلاش اشك خلينا نقول ان الفضول وقتها قتلني اعرف ايه حوار قرايبه ده...
نور....مستر ليل
ليل...اسمعيني للاخر يا نور بلاش تقاطعيني اصلا انتي هنا عشان انا محتاج اسمعك بس خليني الاول افهمك وبعدين ردي
نور...تمام اتفضل معاك
ليل....طبعا عشان مطولش عليكي انا عرفت اصل تمارا يوم حادثه حاج محمد مش هي بس هي وعشق وزهره.
سكتت نور بحزن
ليل...طبعا اصلهم وحكايتهم دي متخصنيش دي ظروف اتحطوا فيها لكن اللي يهمني في الموضوع اللي حصل يوم الحادثه اليوم ده بالنسبالي غريب جدا....عشق في اليوم ده جت واتفاجأت انها هي كمان قريبة حاج محمد واخت تمارا المشكله مش في كده المشكله كان في طريقتها وارتباكها وكلامها اللي كان متلغبط لما سألوها جيتي ليه كلامها مكنش مفهوم...وبعدها طلبها الغريب اننا نبعد عن الشارع والاغرب لما سألناها عن السبب وقالت ان في حادثه هتحصل مقصود بيها تمارا بس بابا اللي هيتخبط حاج محمد وفعلا ده اللي حصل.
طبعا انا لما قابلت عشق امبارح وسألتها حسيت كلامها غريب جدا وكان ردها على سؤالي ان هي حلمت حلم والحلم ده بيتحقق وطبعا قالت حاجات كتير هتحصل من ضمنها حاجات هتحصلي انا في شغلي وحاجات شخصيه والحقيقه هي قالت حاجات كتير يمكن محدش يعرفها غير ناس قريبه ليا..وده اللي شغلني اكتر وخلاني اطلب اقابلك...بصي يانور انا راجل اعرف اقرأ اللي ادامي كويس طبعا انتي عارفه اسمي عامل ازاي في السوق انا الكل بيعملي مليون حساب شركتي مسمعه في الشرق الاوسط كله ليا شغل في اغلب دول العالم باختصار رغم ان سني صغير بس الكل عارف مين هو ليل السيوفي اكيد ليا اعداء كتير وده بسبب الشغل ولاني ناجح في مجالي انا الشغل يا نور والسوق علموني اقرا اي بني ادم من غير ما اتعامل معاه حتى... وبالرغم من اني شكيت في تمارا لما اشتغلت بس مكنتش قلقان منها حتى برده لما شوفت عشق وقالت اللي هي قالته برده مش قلقان منها بس يمكن تكون دي اول مره في حياتي معرفش اقرا بني ادم يا نور وبقولها من غير اي احراج انا فشلت في اني اقرا عشق بس بردو اللي قالته انا مش مصدقه ولا قادر اصدقه في مليون حاجه جت في بالي من ناحيتها زي مثلا ان حد حادفها عليا سواء اعداء شغل سواء حد يعرفني شخصيا مش عارف انا من امبارح مش عارف انام قالت حاجات كتير قبل ما تحصل وحصلت بالحرف قولت لنفسي يمكن متفقه مع حد بس لما برجع افكر بهدوء طيب يوم ولادة مهره عرفته ازاي لدرجه اني خليت الجارد والبواب عينهم عي الڤيلا وعرفتهم ان مفيش مخلوق يدخل كنت شاكك انها ممكن توصل لمهره وتعمل اي حاجه تسرع معاد الولاده معرفش أذا كان ده ينفع ولا لا بس ده اللي جه في بالي وفعلا مهره ولدت ولما اتأكدت من الجارد والبواب فعلا محدش دخل طب ازاي حسيت وقتها اني هتجنن وملقتش اي رد على أسئلتي غير والدك وهو الوقت مش هيقدر يفيدني عشان كده يا نور ملقتش غيرك ادامي ومحتاج اعرف منك حكايتهم عايز اعرف اذا كان وراهم اي حد ولا لا
سكتت نور وسرحت شويه مش عارفه ترد تقوله ايه مستغربه اللي سمعته ثواني ورجعت تاني بصت لليل..
نور...مستر ليل بص انا مش عارفه اقول ايه لحضرتك يمكن اللي بتقوله ده غريب وغريب جدا كمان وانا نفسي لو في مكانك اكيد هيبقى ده نفس احساسي يمكن اكتر بس يمكن معنديش حاجات كتير اقولهالك تريحك بس اقدر اقولك حكايتهم من يوم ما بابا قابلهم..طبعا احنا كنا خدنا عهد بينا وبين بعض وده كان طلب بابا ان محدش يعرف اي حاجه عنهم عشان ميستغلهمش او يطمع فيهم بس بما ان الموضوع بيكبر بالشكل ده وفي شك فانا هحكيلك
من حوالي شهرين ونص او يمكن اكتر كان يوم خميس وبابا راجع البيت اتفاجأت ب بابا بيكلمني وبيقولي انه عاملي مفاجأه وطبعا بعدها بشويه لاقيته دخل عليا الشقه ومعاه عشق وتمارا وزهره..
لما سألت بابا قاللي اللي حصل ويعرفه لانه طبعا وقتها مكنش لسه يعرف حكايتهم قال بس اللي حصل واللي هو انه كان راجع من الشركه وكان بيجبلي حاجات من السوبر ماركت وبيعدي الشارع اتخايل بيهم اعدين على الرصيف وحاوليهم شنط ونايمين على كتف بعض وباين على ملامحهم انهم معيطين بابا طبعا حضرتك عارفه بيصعب عليه اي حد ولان هما شكلهم كان محترم ونضيف يعني مش متسولين مثلا فضوله خلاه يروحلهم تقدر تقول انه شافني انا فيهم حاول يصحيهم اتنين بس اللي صحيو تمارا وزهره بابا سألهم عن سبب نومهم خصوصا الجو كان هادي وسقعه والدنيا ليل
قالوله انهم مش لاقين مكان يروحوه ولما حاولو يشوفو شقه يباتو فيها كان أيجارها عالي وهما ملهمش اي حد طبعا صعبوا اوي على بابا وحس بصدق كلامهم وحزنهم فعرض عليهم انهم يروحو معاه في الاول اتاخدوا وخافو بس هو عشان يطمنهم قالهم انا عندي بنت في نفس سنكم مراتي متوفيه واحنا لوحدنا اعدوا معانا حتى لو لحد الصبح بدل اعدت الشارع والنوم على الرصيف وعشان يأكدلهم ده اتصل بيا وانا طبعا مكنتش اعرف فضلت اهزر مع بابا واقوله يلا حضرتلك الاكل وعشان نسهر سوا وقتها كان فاتحلهم الاسبيكر وبما اني مكنتش اعرف وبتكلم على طبيعتي فا اطمنوا شويه بس حبوا انهم يسألوا عشق لان تقريبا كده هما بيعتمدوا عليها اوي حاولوا يصحوها مكنتش بتصحى بابا قلق فضلوا يهزو فيها مش بتصحى بس في نفس الوقت جري بابا جابلها عصير ولما رجع كانت صحيت وتقريبا البنات قالولها وبعدها وافقت وجم البيت عندنا اتعشينا سوا وبابا قالهم ادخلوا ارتاحوا بس عشق رفضت انها تدخل قبل ما تحكي كل حاجه عنهم وقالت لبابا انت فتحتلنا بيتك من غير ما تسأل عن اصلنا او ورانا ايه وحقك علينا انك تعرف حكايتنا...وحكيتلنا حكايتهم
وابتدت نور تحكيله كل حاجه قالوها البنات يومها..
نور....بس دي كل حكايتهم يعني بابا شافهم صدفه وهو اللي راحلهم برجله وصحاهم يعني حتى مكنوش صاحين عشان نقول انهم استنوه مخصوص او انهم حاول يلفتوا انتباهه يعني هما مكانوش يعرفونا ولا يعرفوا حضرتك البنات دي انا أشهدلهم بروحي اني مشوفتش احسن ولا انضف منهم في حياتي نفسهم عزيزه عليهم جدا كل اللي كانوا يملكوه هو مبلغ بسيط جدا ولحد الوقت سايبينه في دولاب بابا رغم انه رفض تماما بس لما لاقهم مصممين خدهم عشان يريحهم لكن شايلهم فضلوا كتير يدورو على شغل زهره اشتغلت وتمارا بعد الحادثه بابا حب يفرحها ان حضرتك وافقت على شغلها عشق بتنزل يوميا معانا تدور يمكن لحد الوقت ربنا موفقهاش في الشغل بس هي راضيه يمكن في حاجه غريبه بما اننا كنا بنات مع بعض بنأعد نحكي ونتكلم كنت ديما اسمع تمارا وزهره بيسألوها مالك ايه اللي مغيرك من يوم ما صحيتي يقصدوا اليوم اللي بابا لقاهم فيه
وسمعت جمله من تمارا قالتها لعشق قالتلها انتي قولتي انك حلمتي حلم ايه هو ليه الحلم ده الوحيد اللي فارق معاكي ومغيرك كانت بتهرب دايما من السؤال وتقولها حلم عادي زي اي حلم
ومن كلامي معاهم عرفت ان عشق دايما بتحلم بحاجات كتير وبتحقق بتحس بحاجات من قبل ما تحصل..
ليل...ليه شيخه مثلا
نور...مش حكاية شيخه بالعكس عشق بتحب الضحك والهزار مش معقده خالص دمها خفيف بس هي مبتسبش فرض بمعنى الكلمه القرآن دايما بتقرأه يعني عكس ناس كتير دايما اشوفها تقرأ بس القرآن في رمضان عشق دايما وبردو بالرغم من ان تمارا وزهره كده بس عشق زياده عنهم اوي
زي من فتره بابا صحي الفجر لقاها اعده في الصاله على السجاده بتقرا قرآن بابا قالها كان هيروح عليا نومه بس الحمد لله صحيت
ضحكتله عشق وقالتله عشان كده ربنا هيكرمك انهرده لما سألها بابا تقصدي ايه قالتله ان ربنا باعتله رزق حلو انهرده وانها شافتله حلم حلو قالها هشوف لو اتحقق هحليلك بوئك وفعلا في اليوم ده حضرتك اديت بابا فلوس كتير عشان كان في شغل في شرم كان عليه مشاكل واتحل فا حضرتك حبيت تفرح اللي معاك في الشركه وكان من ضمنهم بابا..
ليل...فعلا ده حصل.
نور....وهو ده برده اللي حصل عايزه اقول لحضرتك ان من يوم ما البنات دول جم بيتنا واحنا حالنا اتغير للاحسن بكتير اوي يمكن كان الاول كويس جدا الحمد لله بس وقتها كنا فردين لما بقينا خمسه تخيلت ان الدنيا هتبقى ماشيه بالعافيه بس لقيت العكس ساعتها بابا قاللي ان التجاره مع ربنا عمرها ما كانت خسرانه وانا ربنا باعتلي البنات دي احافظ عليهم ووافقت وهو اكرمني بزياده..صدقني يا مستر ليل يمكن يبان اللي هقوله تخريف بس لو عشق قالت لحضرتك نصيحه تخصك او تخص شغلك اسمع كلامها حضرتك لو متعرفهمش بس اكيد تعرفني وعارف اني عمري ما هضرك ابدا او عالاقل كنت عملت زي حضرتك وشكيت فيهم وخفت على بابا بعد اللي سمعته بس انا واثقه فيهم جدا.
حط ليل ايده على راسه وهو بيفكر مش عارف يعمل ايه يصدق اللي نور قالته ولا يصدق نفسه ولا يصدق عشق
نور....عارفه ان حضرتك الوقت عقلك جواه حرب بس هقولك كلمه عشق دايما تقولهالي
أمشي ورا احساسك لانه عمره ما هيخونك...وأوزن الامور بعقلك وقلبك مع بعض متخليش ميزان واحد فيهم يطب..
بصلها ليل بهدوء وابتسم وهزلها راسه وبعد مده بسيطه خرجوا من الكافيه ووصلها
ليل...نور طبعا مش هقولك ان مش لازم حد يعرف مقابلتي بيكي
نور...اطمن اكيد هعمل كده
ليل....يلا اطلعي بسرعه
نزلت نور وطلعت على البيت ومشي ليل
في الوقت نفسه كان جاسر خلص الميتنج مع هادي واتفقوا على السفر وبلغ ليل بكل حاجه وده اللي خلي ليل يفكر اكتر
عدى يومين وسط تفكير ليل اللي مبيخلصش لكن الوضع كان مع البنات افضل كل واحده فيهم اللي بتنزل شغلها زي تمارا وزهره واللي بتنزل جامعتها وتروح المستشفى زي نور اما عشق فقررت انها تغير جزء كبير في حياتها وهو انها تحاول تنسى الحلم....
وتعيش طبيعيه خصوصا انها ارتاحت بعد ما حكت كل حاجه لليل وبالرغم من انها حاسه انه مصدقهاش بس كانت مرتاحه شويه..قررت عشق انها تنزل تدور بجديه على شغل عشان تشغل نفسها وعشان تقدر تصرف على نفسها وجامعتها وتقدر تساعد في البيت خصوصا بعد ما حاج محمد تعب..
فضلت تنزل طول اليوم تدور على شغل وتروح اماكن كتير طالبين فيها موظفين. اما عند جاسر وتمارا فا سافروا مع بعض عشان الشغل..
تمارا....اشهد ان لا إله إلا الله
جاسر...مكنتش اعرف انك جبانه اوي كده
تمارا...واديك عرفت
جاسر...طيب مش غريبه انك اول مره تركبي طياره وتكوني خايفه بالمنظر ده
تمارا....انا فعلا اول مره اركب طياره بس انا اصلا بخاف من اي حاجه عاليه مابالك بقى حاجه عاليه بالمنظر ده... دي غلطه واحده وهنبقى احنا والارض حته واحده
جاسر...اعوذ بالله 🤨🤨ايه يابنتي الافكار السلبيه دي
تمارا....بقول ايه يا مستر جاسر خليني انا في سلبيتي وحضرتك في ايجابيتك
جاسر ..لا والله تصدقي ان انا غلطان اني حاولت اهديكي كنت سيبتك كده ميته في جلدك واقولك احنا فيها واحنا راجعين هحجز انا كرسي بعيد عن الكرسي بتاعك
تمارا....ايه النداله دي
جاسر....نعمممم🤨🤨
تمارا...🙄🙄لا مقصدش حضرتك على فكره
جاسر...لا وعلى ايه حضرتك بقى بس اقولك انا هعرفك النداله
تمارا...بثقه على فكره ما بخافش😏😏اصلا خلاص الخوف راح
جاسر...تمام هنشوف😉😉👌
تمارا...ماشي يا مستر جاسر هنشوف يلا بقى عشان عايزه ارتاح شويه
جاسر....يلا بينا مشيت تمارا خطوه لقت جاسر مسكها من كف ايدها بقوه برقت عينها وبصتله😳
جاسر...على فكره انا اسمي حلو يعني ينفع يتقال لوحده من غير مستر او حضرتك ماشي
تمارا...🤐🤐🤐
جاسر....المره الجايه مش هقولها تاني لاني قولتها كتير ومفيش فايده بس بعد كده متزعليش من اللي هعمله
تمارا...هتعمل ايه🙄
جاسر....والله انتي ورزقك معايا بقى اصل نسيت اقولك كمان ان دماغي دي اصغر من اي طفل😉
تمارا...لا وعلى ايه ماله جاسر وحش
جاسر..انا عارف😉😂😂جبانه
تمارا...اصل مقولكش عاللعب مع العيال جربته كتير😏😏
جاسر...طب يلا ياعاقله
تمارا..يلا
راحوا مع بعض عالفندق استقبلهم هادي ومكنش جاسر طايقه من نظراته لتمارا وبعد ما صمم جاسر ان الاوض يكونوا جمب بعض طلعوا اخيرا على اوضهم يرتاحو
تمارا....شكرا يامست...
جاسر..🤨🤨🤨
تمارا...يا جاسر اقصد يا جاسر 🙈🙈
جاسر...بضحك لحقتي نفسك
بقولك ايه...ادخلي ارتاحي شويه وظبطي نفسك وشويه وننزل نتغدى لاني جعان اوي وطبعا انهارده مفيش شغل فا قررت اخليها عليا واتواضع وافسحك😉
تمارا....ايه تتواضع دي طب بقولك ايه انا مش خارجه من الاوضه اصلا وهقضيها نوم وبس
جاسر.... ساعه وهعدي عليكي تكوني خلصتي 🤨🤨
واياكي اجي الاقيكي مخلصتيش
تمارا...مش هخلص😒
جاسر...ماشي هنشوف يلا اقفلي على نفسك واياكي تفتحي الباب ده غير ليا واياكي اشوفك واقفه مع هادي ولا بتكلميه مفهوم
تمارا...طيب😒
جاسر...ابتسم لها ومشي على اوضته😉
ضحكت تمارا غصب عنها ووقفت ورا الباب بعد ما قفلته وهي حاطه أيدها على قلبها وبتاخد نفس طويلللللللل
عدى يومين ولسه الوضع زي ما هو نور بتنزل جامعتها وتروح المستشفى عشق بتدور على شغل زهره في شغلها
ليل بيحاول يعمل زي ما عشق عملت انه ميفكرش بس مكنش عارف
مسك ليل موبايله واتصل على رجالته اللي سكنوا في شقه ادام بيت حاج محمد..
ليل....الوو
واحد من الجارد..ليل باشا
ليل...ايه الاخبار
الجارد...كله تمام يا باشا متقلقش
زي ما حضرتك امرت بالظبط مبينزلوش من تحت عنينا حتى الشارع بتاعهم زي ما تقول كده كشطناه عرفنا تقريبا حاجات كتير عن اللي ساكنين فيه وشوفنا كام عيل صايع كده واقفين على طول عالناصيه من غير شغل ولا اي حاجه اعدين يرازو فاللي رايح واللي جاي يعاكسوا فالبنات يتخانقوا بلطجيه من الاخر
ليل...طيب كويس اوي عينك عليهم بس بردو متغفلش عن اي حاجه بتحصل حواليك يعني متهتمش بدول وتسيب حاجه تانيه تحصل
الجارد....اطمن يا باشا احنا تلاته انا وعماد عالقهوه تحت بنراقب الشارع والمحل اللي انسه زهره شغاله فيه عنينا عالعماره
ورامز ورا انسه عشق زي ما حضرتك امرت
ليل...كويس اوي طيب بقولك ايه ملاحظتش ان العيال البلطجيه دي حد فيهم بيراقب اي حد من البنات
الجارد...لا لاحظت يا باشا بس بتبقى كلمه من بعيد كده وطبعا زي ما حضرتك قولتلنا مندخلش إلا لو كان في حاجه كبيره غير كده لا
ليل...تمام اوي عموما فتح عنيك كويس وانا هكلم رامز اطمن منه
الجارد...تمام ياباشا مع السلامه
قفل ليل واتصل على رامز
ليل...الووو
رامز...ايوه ياليل باشا
ليل...ايه الاخبار عندك يارامز
رامز...مفيش يا باشا انا وراها من بعيد زي ما حضرتك قولت هي بتروح من مكان لمكان ولما حاولت اعرف هي بتدخل فين او بتروح فين عرفت ان دي اماكن طالبه موظفين وهي بتدور على شغل
ليل...تمام فتح عينك يا رامز مش عايز اي حاجه تحصل والاهم مش عايز عشق تلمحك
رامز...تمام يا باشا
قفل ليل ورجع راسه لورا
خبط نوح عالباب ودخل
نوح...ايه سرحان في ايه
ليل...ولا حاجه تعاليى
ادم...مالك
ليل...مفيش بريح شويه ايه انتو ماشيين ولا ايه
نوح...اه انا وادم خلصنا شغل فجينا نشوفك هتمشي ولا ايه وبعدين كنت بكلم نور قالت انها رايحه المستشفى وزهره رايحالها
ليل....هتروح الوقت دي الساعه سته
نوح ...لا ما هي لسه هتمشي الوقت من الجامعه ورايحه على هناك وبعدين هي كان عندها محاضرات كتير ومراحتش قولتلها تروح بكره بس هي مش قادره فقولت اروح ابص عليه انا وادم ونبقى نروحهم
ليل...تمام يا حنين عموما انا لسه ورايا كذا حاجه وتقريبا مش هعرف اروح انهرده
ادم....لو عايزني معاك هفضل
ليل...لا لا روح
نوح...اشطا نقوم احنا بقى عشان منتأخرش
ليل...ماشي ياعم 🤨
نوح..😉😉😉😉
خرجوا نوح وادم واتصل ليل بعشق
عشق...الوو
ليل....ازيك يا عشق
عشق...بخير حضرتك
ليل...انا اسمي ليل وتقدري تقوليلي ليل
عشق...حاضر
ليل...انتي فين
عشق...انا كنت بشوف شغل وخلاص هركب واروح
ليل...ولقيتي
عشق...بخيبه امل بس حبت انها تداريها كرامتها وجعتها..اه الحمد لله وتقريبا كده هستلم من بكره
ليل...تقريبا!!!مش عارفه اذا كنتي هتستلمي ولا لا
عشق...لا مقصدش اقصد ان من بكره هستلم
ليل...طيب عندك مانع اني اشوفك الوقت
عشق...الوقت؟؟
ليل.. ايه في مشكله
عشق...لا بس يعني عشان الوقت متأخر
ليل.. لسه الساعه هتيجي على سته مش متأخر ولا حاجه وعموما انا مش هأخرك
عشق...طيب اشوفك ازاي
ليل....ابعتيلي اللوكيشن بتاعك وانا على طول هبقى عندك
عشق...طيب تمام
قفلت معاه عشق وبعتتله اللوكيشن نزل ليل من الشركه واتحرك عليها واتصل برامز وهو في الطريق
رامز...ايوه يا باشا في حاجه
ليل...بقولك يا رامز انا جاي الوقت لعشق اول ما اجي وتتأكد انها بقت معايا تروح عالخان على طول تخليك مع عماد وشريف عينكم عالبيت والشارع وكل تفصيله
رامز...تمام يا باشا
ليل...سلام
بعد مده بسيطه وصل ليل عند عشق ورامز مشي عالخان
ليل...ازيك يا عشق
عشق...بخير الحمد لله
ليل..اركبي
اترددت شويه عشق باحراج بس بمجرد ما بصت في عينه ركبت وهي طايره من الفرحه ان هو اللي كلمها وطلب يشوفها.
ليل...تحبي تروحي مكان معين ولا اروح انا
عشق...هو ينفع منروحش ونفضل فالعربيه عشان منضيعش وقت
ليل...اللي يريحك طبعا مشي بيها شويه وركن العربيه في مكان هادي نوعآ ما
عشق...خير حضرتك طلبتني ليه
ليل....انا موافق يا عشق انك تشتغلي معايا انتي والبنات
بصتله عشق بأستغراب وردت عليه بكل ثقه موافق؟؟؟بس انا مطلبتش اصلا اني اشتغل مع حضرتك ولا عايزه
ليل..😳😳😳😳
 البارت السادس..والسابع . خرجت عشق هي وليل من الكافيه والصدمه باينه على ملامحها ومفيش اي كلمه بتقولها …){kind=link}
تعليقات
إرسال تعليق