 |
البارت الاول ✍️ سلطان زماني
بعد شوية خرجو من الاوضه وقعد في الصالة وقال ل امي
خدي الفلوس دي انزل هاتي اكل وفاكهه وامي سبتني معه
ونزلت قعدت جنبه فضل يهزر معايا ويقولي عاملة ايه وانتي
في سنة كام دلوقتي
واول لما قولتله أنا عايزة أخرج لقيته اتحول
وقالي خروج اي يابت انتي فكراني أسامة منير امشي غوري
شفيلك حاجه اتلهي فيها لحد ما امك ترجع
قال خرجني قال
.
رحت قعدت في الأوضه بتاعتي وشوية وامي جت من تحت
ابويا قدامه طبق الفاكهه وعايزه امد ايدي اخد موزه أو
منجايه بس خايفه منه ومن الطريقة الوحشية الي بياكل بيها
امي لما شفتني ببص جامد لطبق الفاكهه خدتني
علي المطبخ وادتني وقالتلي ادخلي كليهم جوه مشي بابا
بليل وامي تاني يوم اخدتني معها عند خالتي وبتقولها
امي ..هخلي عندك البيت لحد ما اروح المشوار ده علي
السريع وارجعلك
خالتي ..قصدك تتسرمحي والنبي انتي ما هتتلمي الا لما
جوزك يقفشك ويفضحك في البلد كلها
امي ..اسكتي بقا متفكرنيش بيه ده انا جسمي وجعني من
السيرة ده عجني ضرب امبارح بس الحمد لله عدت علي خير
خالتي ..وانتي يابارده رايحه تقوليله انك جيبالي قميص النوم
امي ..والله لساني اتشل معرفتش اقول ايه اتخضيت وانا
نازله لقيته في وشي علي السلم
خالتي ..طب ما تطلقي منه وارميهاله واخلصي منه
امي ..وتروح عند مراته الاوله ويبهدلو البنت ده لو رضي
يخدها اصلا
والبت كلها كام سنة وتبقي عروسه وانا لا حمل جهاز ولا افراح ولا الكلام ده
خالتي ..هتفضلي في الي انتي فيه ياسحر ده طول عمرك
امي..أنا والله بعمل كده علشان اجيب لبنتي الي نفسها فيه
ومحرمهاش من حاجه وفلوس الدروس والأكل ده بيدفع
الايجار بالعافيه وكل اسبوعين يديني 500 جنيه ويقعد معايا
يومين يخلص عليا وعلي ال500جنيه ويسبنا بقا نأكل طوب
خالتي ..روحي روحي بس متتاخريش يا شكروطة
امي .. ههههههههه ماشي ياوسخه لما اجيلك
امي نزلت وانا خالتي بصتلي وقالتلي روحي طلعي الاكل ده
لطيور فوق طلعت خلصت. نزلت قالتلي خلتني كنست مدخل
البيت ورحت جبتلها عيش وقعدو هي وجوزها يفطرون
وولاد خالتي الباب لما يخبط أنا افتح عايزين لمون او ملح أنا
اجيب حد منهم عايز يشرب يقوموني أنا من علي الاكل لحد
ما امي رجعت جريت عليها اول ما شفتها زقتني وقالتلي ايه
يابت هو أنا كنت مسافره فضلت قاعده جنبها علشان خالتي
وولاد خالتي يرجموني وميبعتونيش في حته خالتي قالتها
عملتي ايه قالتها لما اروح هكلمك واحكيلك وخدتني ورحنا
جابت فرخه وخضار وادتهم لمرات خالي الي ساكنه جنب
ستي علشان تطبخهم وتبعتهم لستي وروحنا البيت قعدنا
وسمعتها بعد شوية وهي بتحكي في الموبيل مع الراجل الي
كانت عنده بتقوله بس انت وجعتني اوي ده انا مش قادره
اقعد من الوجع بس ارحم من المره الي فاتت بكتير وشكله
سألها علي الزرقان الي كان في جسمها قولتله وانا جيالك
امبارح قابلته في وشي وطلعني وفتش الشنطة لا شاف
قميص النوم اتجنن وبهدلني ضرب ولما سافر النهارده جتلك
علشان تعرف انك غالي عندي ياقلبي 😘
يتبع بصراحة كده مفيش تشجيع خالص لو القصة مش عجباكم قولو 😘
تعليقات
إرسال تعليق