 |
قلبي ولكن 💞
( الجزء السادس والسابع )
بقلمي مآآهي آآحمد
صبا كانت اول مره تنطق من وقت ما عرفت ان غيث معاهم راحت قالت
صبا : وانا موافقه اتجوزك يا ابو عمار
غيث: موافقه 😳
صبا : أيوه موافقه 🙂
ابو عمار : ها ها ها وانا قبلت زواجك
اطلعوا بقي بره خلوني انفرد بعروستي
صبا : ايه ده انت بتقول ايه انا مقصدش كده انا اقصد جواز حقيقي علي سنه الله ورسوله
غيث : انتي غبيه ومش فاهمه حاجه
ابو عمار بص لنظره غيث وصبا لبعض وحس انه ممكن يكون في ما بينهم حاجه وعشان يقلل من صبا قدام غيث مسك صبا من دراعها وقلها
ابو عمار : بصراحه كده انا نسيت اني متجوز اربعه فيهم اتنين امهات ولادي واتنين لسه حتي مادخلتش عليهم عشان كده انتي ماتلزمنييش
ابو عمار مسك صبا من دراعها وطلعها من الكابينه ورماها علي سطح المركب وقال
ابو عمار : يارجاله اموالهم من حقنا وارواحهم فداء لينا ونسائهم تخصنا .. واللي نفسه فيها انا بأذنلوا بيها
الرجاله بقالهم فتره علي المركب من غير ستات وكله للاسف قرب من صبا وكان عايز يتهجم عليها ومره واحده غيث كان من كتر غيظه كان هيتجن وداس علي سنانه ولسه هيطلع مسدسه وهيقرب ويقف قصاد عمه عدي بسرعه شافه ومسك ايده بسرعه ووقف قصاد ابو عمار وقاله
عدي : بس انا عايزها وهتجوزها
ابو عمار : ( استغرب) انت اللي عايزها ياعدي ولا حد تاني
عدي: بلع ريقه وقاله انا اللي عايزها مش حد تاني من الاول انا اللي نفسي فيها وعايز اتجوزها
غيث وقتها شال ايده من علي مسدسه وبص الناحيه التانيه بسرعه
ابو عمار شاف علي وش غيث انه مهتم وراح قال
ابو عمار : وانا مش موافق انك تتجوزها ياعدي انا
بدل ما اقتلها وارمي جثتها للسمك يقرقشوها هديها هديه لابن اخويا حبيبي
غيث بص كده واستغرب وحس ان كلام عمه فيه حاجه .. عاوز يوصل لحاجه
غيث : عاوز توصل لايه
ابو عمار : ولا حاجه انت الوحيد هنا اللي مداقش الجواز وعشان خرجتني من القضيه حابب اكافئك مش اكتر مش عايزها بلاش
صبا ردت بسرعه وقالت
صبا : وانا عندي اني اموت ولا ان غيث هو اللي يتجوزني
ابو عمار : راح لصبا ومسكها من شعرها وقلها وانا موافق انك تموتي
والمركب ماشيه علي سرعه كبيره جدا حطها علي طرابزين المركب وقلها
ابو عمار : تحبي احدفك من هنا .. انطقي
صبا كانت شايفه سرعه المركب رهيبه والسقطه بتاعت المركب وهي ماشيه تموت وفي لحظه خوف ودموعها نازله منها
ابو عمار : هااا انطقي تحب احدفك من هنا
صبا: مش بترد لا بأه ولا حتي لاء بس الخوف كان باين عليها وكان جسمها كله بيترعش
ابو عمار : يبقي انتي اللي جنيتي علي نفسك
ولسه هيسيبها فعلا عشان يحدفها
غيث مسك ايد صبا بسرعه وقال
غيث: انا موافق اني اتجوز صبا ومن اللحظه دي بقت مسؤوله مني مش من حد تاني خلاص ياابو عمار
ابو عمار : سيبني ارميها ونخلص منها
غيث: لسه محتاجنها
ابو عمار : محتاجنها ولا انت اللي محتاجها
غيث بصله وقاله لاء محتاجنها
ابو عمار : ماشي ياغيث اللي تشوفوه ..
غيث رفع صبا بأيديه وبقت صبا ماسكه في ايديه بكل قوتها
غيث: ارفعي نفسك ماتخافيش مش هسيبك
صبا بقت ترفع نفسها مع غيث ومره واحده بقت متشعلقه في رقبته وهو رافعها وحط ايديه االاتنين حوالين وسطها وبقوا قريبين من بعض جدا وصبا رجعت تاني تحس بأحساس الامان اللي كانت بتحسه وهي مع غيث في الاول وبصوا لبعض نظره طويله واخيرا نزلها من علي الطرابزين
ودخلها الكابينه بتاعتها وقفل الباب عليها
عدي : انت بجد هتتجوزها ياغيث
غيث: عندك حل تاني
عدي : كنت فاكر ان قلبك مات من وقت موت امك وابوك
غيث: انا كمان كنت فاكر كده
عدي : ربنا يريح قلبك ياصحبي
بقلمي مآآهي آآحمد
وجه الليل عليهم وابو عمار أمر رجالته بأنهم يجيبوا صبا من الكابينه بتاعتها ونده علي غيث وراح
مسك ايد غيث ومسك ايد صبا بالعافيه وحطها في ايد غيث وقال
انتوا هتتجوزوا دلوقتي وحتي قبل ما نرجع علي ايران
بقلمي مآآهي آآحمد
غيث : ومستعجل ليه ؟
ابو عمار : ومانستعجلش ليه خير البر عاجله
ابو عمار : قول ياغيث وخليها تقول وراك
بقلمي مآآهي آآحمد
غيث : قولي ورايا زوجتك نفسي
صبا : ____________
ابو عمار بص لصبا بغيظ
غيث: انطقي ياصبا
زوجتك نفسي
صبا : ده عمره ما كان جواز مافيش جواز بالشكل ده ابدا
ابو عمار : الجواز طول عمره اشهار ايام الرسول مكانش فيه مأذون بس كان فيه شهود واشهار واحنا هنا كلنا شاهدين علي جوازكم
صبا : احنا مش ايام الرسول دلوقتي لازم مأذون
غيث بدا صبره ينفذ وابتدي وشه يجيب الوان صبا شافت كده خافت منه بسرعه ورددت وراه
صبا : ( بلعت ريقها وقالت ) زوجتك نفسي
غيث : علي الصداق المسمي بيننا
صبا : علي الصداق المسمي بيننا
وكملوا الجواز اخيرا وبعدها بقت الرجاله تضرب نار في الهوا
عدي : مبروك ياعريس
غيث بيبص لصبا لقى دموعها بتنزل منها قدامه من كتر ما هي مغصوبه علي الجوازه دي
ابو عمار : يلا خد عروستك وادخلوا الكابينه بتاعتكم يلا حلال عليك واحنا بكره الصبح هنكون خلاص وصلنا على ايران
بقلمي مآآهي آآحمد
وهناك هتبقي مع الحريم يعرفوها عادتنا وتقاليدنا عشان عايزين نرجع لشغلنا بقي ياغيث
غيث : اللي تشوفوه يا ابو عمار
بقلمي مآآهي آآحمد
غيث اخد صبا ودخلوا الكابينه واول ما اتقفل عليهم باب واحد
واحد من الرجاله : انا مش مصدق اللي بتعمله ده يا ابو عمار ازاي تجوز غيث لبنت عدونا كافره بنت كافر اخرها تبقي خدامتنا وبس
ابو عمار : غيث ده مش راجل من رجالتي غيث ده الدراع اللي بشتغل بيه هو قوتي وسندي يوم ما بيحصلي حاجه هو اول واحد بلاقيه في ضهرى وحسيت في عنيه لاول مره انه ممكن يطلع من تحت طوعي لو بعدت عنه البت دي عشان كده انا قولت اديهاله ومش هعاديه فيها عشان يشيلهاالي جميله وانا واثق ومتأكد ان هو هيقدر يخلي البت دي تحت طوعه
واحد من الرجاله : انت شايف كده
ابو عمار : انا مش شايف غير كده
بقلمي مآآهي آآحمد
________________________
( صبا وغيث وهما في اوضتهم )
بقلمي مآآهي آآحمد
صبا : اسمعني كويس ياغيث انا مش مراتك وعمرى ما هبقي مراتك في يوم انت متجوزني غصب عني ومحدش بيتجوز بالطريقه دي مافيش مأذون وحتي صاحبه الشأن اللي هي انا مش راضيه بيك انت لو قربت مني هيبقي اغتصاب مش اكتر
غيث ماردش علي صبا واخد اللحاف والمخده من علي السرير وحطهم في الارض ونام
صبا اول ما شافت كده
صبا : يعني ايه ياغيث
غيث : يعني مش هقربلك ياصبا
صبا : وليه مش هتقربلي
غيث : مش انتي اللي عايزه كده
صبا : اه انا عايزه كده بس ليه سمعت كلامي
غيث : (قام وقال )اللهم اطولك ياروح انتي عايزاني اقربلك ولا لاء
صبا : لاء طبعا
غيث : وانا عمري ما هقربلك غير برضاكي ياصبا ولحد الوقت ده ماييجي انا هنام في الارض وانتي هنا علي السرير
صبا استغربت من غيث جدا وطلعت علي السرير وحضنت مخدتها ونامت
وتاني يوم الصبح وصلوا في حته معينه في البحر وبعدها عدي خبط علي غيث
عدي : صباحيه مباركه ياعريس
غيث: وصلنا ولا ايه
عدي : اه جهز حالك وخللي صبا تجهز عشان وصلنا
غيث : ماشي
غيث قفل الباب ولسه بيلف وشه عشان يصحي صبا لقى صبا في وشه وقالتله
صبا : انا جاهزه
غيث :ماشي انا هغسل وشي وابقي جاهز
غيث وصبا طلعوا من الكابينه وراحوا علي اللانش وركبوا غيث وعدي وابو عمارر وصبا واخدوا معاهم الاطفاال اللي كانوا خطفينهم واول ما شافوا صبا جريوا عليها وبقوا حواليها من خوفهم
صبا اخدتهم في حضنها واول ما ابو عمار شاف كده بقي يقول
ابو عمار : ههه ممكن تنفعنا
واخيرا وصلوا علي ايران ومن هناك اخدوا عربيه وصلتهم المقر بتاعهم دنيا كانت جديده جدا هناك علي صبا حرفيا اول ماراحوا فتحلهم اتنين كانوا ماسكين سلاح رشاش وفتحلهم الباب والعربيات عدت من الباب ده ودخلوا جوه صبا نزلت وبقت تبص علي المكان وكان المقر بتاعهم عباره عن اوض وساحه كبيره جدا ومره واول ما عدوا الساحه دخلوا من باب تاني عباره عن بيت كبير حرفيا كله اوض وعائلات واول ما شافوا ابو عمار عياله وستاته اللي متجوزهم جريوا عليه وهما لابسين بيشه علي وشوشهم
و جت بنت لابسه بيشه وعنيها بس اللي باينه ولون عيونها عسلي ومتكحله بالكحل الاسود وجريت علي غيث وقالتله
ورد: حمدالله علي السلامه ياغيث
غيث : الله يسلمك ياورد
ورد: كلمت باباها ابو عمار
ورد : مين دي ياوالدي
ابو عمار: دي مرات غيث
ورد : مراته 😳😳
غيث: ايوه مراتي ياورد
ابو عمار : حضروا اوضه غيث بسرعه هو ومراته
ورد سمعت كده اخدت بعضها ودخلت اوضتها وبقت تعيط
وعدي بيبص لورد وشافها كده كان هاين عليه يدخل وراها هو عارف انها بتحب غيث من زمان بس غيث عمره ما شافها الا اخته
وعدي بيحب ورد بس هي عمرها ما شافته الا اخوها
ابو عمار امر الرجاله انهم ياخدوا الاطفاال يحطوهم في اوضتهم عشان يدربوهم ويطلعوا يبقوا من رجالتهم
غيث وعدي دخلوا الاوضه بتاعتهم بيبصوا لقوا ورد واقفه ورا الباب ومستنيه صبا واول ما شافتها رفعت السكينه عليها ولسه جايه تضربها بتبص لاقيت غيث بسرعه حط ايده عشان يحمي صبا والسكينه غرزت في ايده طلعت من الناحيه التانيه صبا اول ما شافت كده بقت تصوت
صبا : غيث .. غيث انت كويس
غيث طلع السكينه من كف ايده ورماها بعيد ومسك ورد ولف ايديه التانيه حوالين رقبتها وقلها
غيث: بتعملي اي يامجنونه
ورد : مش من حق اي واحده تانيه تاخدك مني ياغيث انت من حقي انا وبس
غيث : انتي مجنونه اطلعي بره انتي فاهمه 😡
ابو عمار جه بسرعه وكل اللي في البيت ده اتلم حواليه
وابو عمار عرف باللي ورد بنته عملته ضربها بالقلم وطلعها بره
ابو عمار : انت كويس ياغيث
غيث : ماتقلقش عليا انا كويس
ابوعمار سابهم وقفل الباب عليهم
صبا : هجيبلك اي حاجه تربط بيها الجرح
غيث : عندك علبه الاسعافات في الدرج
صبا جابت علبه الاسعافات من الدرج وكل درج فيه رصاص ومسدسات صبا هزت راسها شمال ويمين واتنهدت كده اللي هو كل ده ليه من اصله وقربت من غيث وبقت تحاول توقف النزيف وهي بتوقف النزيف صبا قالت لغيث
صبا : مكانش فيه داعي انك تعمل كده عشاني
غيث : انتي بقيتي مراتي والراجل هنا دايما بيحمي مراته
صبا : انا مش مراتك ياغيث ولا عمرى هبقي مراتك
غيث : قولي اللي انتي عايزاه بس طالما قولتي زوجتك نفسي والناس كلها عرفت انك مراتي يبقي انتي مراتي
صبا: ده في احلامك ولا عمرك هتلمسني
غيث: انا مش عايز المس جسمك انا عايز المس قلبك وهييجي في يوم وهيحصل ده
بقلمي مآآهي آآحمد
صبا : مافتكرش اني ممكن اعيش لحد ما اليوم ده ييجي ده انا لسه مش باقيلي ساعتين وكنت هموت
غيث: طول ما انا فيا نفس انتي هتتنفسي ياصبا وهتعيشي
صبا اخيرا خلصت لف الشاش لغيث وقامت وادته ضهرها وبعدت عنه
غيث: انا طالع بره وهحاول اشتريلك هدوم
-------------------------------------------
عدي بقي بيتسحب بالراحه اوي علي اوضه ورد ودخل عليها لقاها بتعيط
عدي : ورد .. ورد ايه اللي انتي عاملتيه ده
ورد : انت بتعمل ايه هنا امشي اطلع بره
عدي: ورد اسمعيني كويس انا عايز اقولك علي حاجه صغيره مش اكتر
ورد : انت لو ماطلعتش من هنا حالا هصوت وانادي علي ابويا واخيله يرميك بالرصاص
عدي : طيب ياورد انا مش ماشي الا لما تسمعي اللي انا عايز اقولهولك وان شالله تنادي علي الجن الازرق بس لازم تعرفي لن غيث عمره ما حبك ولا هيحبك ومهما عملتي ياورد مش هيبصلك
ورد : وانت مالك ايه اللي شاغلك بالموضوع ده
عدي قرب من ورد وقلها
عدي : اللي شاغلني هو انتي ياورد انتي تستاهلي حد يحبك من قلبه بجد
ورد: وفين بقي ده اللي ممكن يبقي زي غيث ويحبني بجد
عدي مره واحده سمع صوت جاي علي اوضه ورد
ورد : في حد جاي اعمل فيك ايه انا دلوقتي
عدي بسرعه استخبي ورا الستاره وماما ورد دخلت عليها وبقت تضربها ١٠٠ قلم علي وشها عشان اللي عملته
ماما ورد : اه يافاجره راميه نفسك علي غيث للدرجه دي مش عامله لنفسك قيمه
ورد : ( بعياط ) ابويا اللي معمليش قيمه لما جوزوا غيري
ماما ورد بتبص حسيت بحد ورا الستاره وان الستاره بتتهز ورد قلبها وقع ماما ورد قربت من الستاره وبتفتحها مالقيتش حد وراها وعدي كان خرج من الشباك ورد خدت نفسها وارتاحت
ام ورد: ماتقلقيش ابوكي عارف هو بيعمل ايه وتعالي ورايا علي المطبخ عشان نخلص اللي ورانا الرجاله جاعنين وعايزين ياكلوا
غيث : اي ياعدي كنت فين
عدي : انا .. لا .. لا .. ابدا انا هنا
غيث: اسمع ياعدي انا عايز اشتري هدوم لصبا هي معندهاش اي حاجه
نزل عدي وغيث واشتروا هدون كتير لصبا هدوم بيت وهدوم خروج وكله عباره عن ملس وبيشه زي اللي اهل بيته لابسينه
غيث رجع ومعاه الحاجه دي كلها واداها لصبا
غيث: شوفتي ياصبا انا جايبلك ايه اول مره انزل اشترى هدوم حريمي في حياتي
صبا : رمت الهدوم في وشه وقالتله
صبا : مش عايزه منك حاجه
غيث: ( مسك دراعها بغيظ وقلها ) طيب اسمعي بقي انتي هتلبسي الهدوم دي وبعد ما هتلبسيها هتطلعي مع الحريم بره هتطبخي وتغسلي وتمسحي زيك زيهم انتي فاهمه 😡
بقلمي مآآهي آآحمد
صبا لبست الهدوم غصب عنها وابتدت تطلع مع ماما ورد واشتغلت في المطبخ زيها زيهم
وبعدها حطوا الاكل وهما بياكلوا الرجاله بتاكل الاول والحريم بعدهم والحريم واقفه
ابو عمار قال لغيث
ابو عمار: مبروك ياغيث
غيث: الله يبارك فيك ياعمي بس علي ايه انت باركتلي قبل كده
ابو عمار : لا انا المره دي بباركلك علي جوازتك التانيه من ورد عشان انا قررت انك هتتجوز ورد
صبا : كانت واقفه هي ورد وامها ماسكه شفشأ المايه واول ما سمعت كده شفشأ المايه وقع منها اتكسر ١٠٠ حته
صبا : غيث هيتجوز 😳😳
قلبي ولكن 💞
( الجزء السابع )
بقلمي مآآهي آآحمد
صبا : غيث هيتجوز 😳😳
ورد اول ما سمعت الفرحه بانت علي وشها واتبسطت وكتمت ضحكتها بالعافيه
وام ورد رفعت حاجبها وبصت لصبا واتنهدت الل هو دي حاجه معروفه يعني والكل عارف ان غيث لا يمكن يكسر كلمه عمه ابدا مهما حصل
عدي وقتها الزعل بان علي وشه لدرجه انه ساب الاكل وقام
وصبا اول ما الشفشأ وقع منها بصيتله كده ومابقيتش عارفه تعمل ايه وسابت الشفشأ ودخلت تجرى علي اوضتها
غيث : ايه اللي انت بتقوله ده ياابو عمار ورد طول عمرها زي اختي
ابو عمار: لاء ورد مش اختك ورد من بطن سعديه مراتي وانت من بطن حميده مرات اخويا الله يرحمه وانتوا مش اخوات وانا لما اقول كلمه مابحبش اكررها مرتين انت فاهمني ياغيث
غيث: فاهمك ياعمي فاهمك
ورد فرحت اوي لما غيث وافق وبقت السعاده تنط من عنيها ودخلت هي ومامتها جوه وبقت تحضن في مامتها وتبوس فيها
غيث جه يقوم من علي الاكل
ابو عمار : اقعد كمل اكلك ياغيث
غيث: شبعت كفايه كده
ابو عمار : انت رايح تجرى وراها ولا ايه
غيث بنرفزه وضرب بأيده علي الطرابيزه بتاعتت الاكل من كتر الضربه ما كانت قويه الاطباق اتهزت
غيث : انا مابجريش ورا حد.. انا بس قولتلك خلصت اكل.. انا شبعت يا عمي
بقلمي مآآهي آآحمد
غيث جه يدخل الاوضه علي صبا لقاها قافله الباب من جوه بالمفتاح
غيث : افتحي الباب ياصبا
صبا: ابعد دلوقتي ياغيث
غيث: صبا انا تعبان وعايز انام افتحي الباب
الستات بقت تشوف غيث كده وهو مش عارف يدخل الباب بقوا يتغمزوا عليه وبقوا يقولوا
الستات : معقول ده غيث اللي كلمه منه بتتهزله رجاله بشنبات مراته مطلعاه بره ومش عارف يفتح باب اوضته
غيث شاف كده وسمع كلامهم شخط فيهم وزعقلهم وقال
غيث : ( بصوت عالي ) مش عايز اشوف حد هنا كل واحده علي اوضتها
غيث: افتحي ياصبا بقولك
بقلمي مآآهي آآحمد
صبا : قولتلك مش فاتحه ياغيث انت مابتسمعش مش هفتح امشي وسيبني
غيث : ( اتنرفز اكتر وكان لسه هيكسر الباب ) مره واحده رحع في كلامه وساب الباب ومشي وطلع بره بيبص لقى عدي قاعد وماسك السيجاره بتاعته وبينفخ فيها
غيث : مالك زعلان ليه ؟
عدي : انا .. لا ابدا ياغيث هزعل من ايه يعني
غيث : للدرجه دي بتحبها
عدي : انت قصدك مين
غيث : اتمايل كده علي كتف عدي وقاله اللي شاغله بالك
عدي : ( بخضه وخوف ) وانت تعرف اللي شاغله بالي منين
غيث : باين ياعم علي وشك بتفكر كتير ودايما سرحان
عدي اتنهد وقال : انت مافيش حاجه بتخفي عنك ابدا
غيث: ممكن الاول ماكنتش اخد بالي من الحاجات دي بس دلوقتي لاء
عدي : وصبا بقي هي اللي بقت تخليك تاخد بالك
غيث اخد اخر نفس من سيجارته وبعد كده رماها وقاله
غيث: ( بتنهيده ) مش عارف بقي ياعدي بس اللي اعرفه اني معاها مش عايز أأذيها تعرف اني مطرود من الاوضه بتاعتي
عدي : لا ياراجل 😂
غيث : ( بضحكه سخريه ) اه والله والغريبه اني مادخلتش كسرت الاوضه علي دماغ امها وعلي قلبي زي العسل
عدي : لاااا بقي ده انت واقع لشوشتك
غيث : مش عارف بقي
عدي : طيب وهتعمل ايه مع .. مع
غيث: مع مين
عدي : مع ورد
غيث: ورد دي بالنسبالي زيها زيك كده انا عمرى ما فكرت فيها
عدي : بس انت اديت كلمه لعمك
غيث: لسه .. لسه ربنا يسهل مش وقت الكلام ده
عدي : ماشي ياصحبي
غيث: مش هتقولي بقي كنت بتفكر في مين ومين اللي شاغله بالك اوي كده
عدي : بكره هتعرفها ياصحبي
غيث: ماشي
غيث وعدي فضلوا قاعدين بره سوا لنص الليل واخيرا غيث دخل اوضته واول ما صبا حست انه بيفتح باب الاوضه عملت نفسها نايمه علي طول وغمضت عنيها
غيث دخل بالراحه جدا عشان مايصحهاش من النوم وبقت صبا تفتح عين وتغمض العين التانيه عايزه تشوفوه بيعمل ايه
غيث قلع التي شيرت اللي كان لابسه ودخل الحمام غسل وشه وبقي نايم في الارض ومش جايله نوم نهائي وبقي باصص لسقف الاوضه ومره واحده صبا سمعت صوت بس زي صوت حاجه بتهوهو بس الصوت اعوذ بالله كان مخيف جدا والصوت جاي من الشباك
الصوت : بقي يعلي اكتر ويقرب اكتر
صبا بقت خايفه جدا وقامت من علي سريرها ووطت وبصت لغيث راح غيث اول ما حس انها بتتحرك عمل نفسه نايم بسرعه واتقلب علي جنبه الشمال
بقلمي مآآهي آآحمد
صبا : غيث .. غيث اصحي
غيث : _________________
صبا : ياغيث اصحي بقي شوف ايه بره الصوت مرعب اوي
غيث: _________________
صبا: يووووووه
صبا راحت عشان تفتح حته من الشباك بس بالراحه اوي عشان تشوف ايه اللي بيحصل والصوت المرعب ده جاي منين واول ما فتحت الازاز بتبص لاقيت كلب اسود طوله متر علي الاقل وضخم وانيابه حاده جدا واللعاب طالع منه راح دخل راسه بسرعه من الحته اللي صبا فتحتها وبقي يهوهو عليها جامد جدا
بقلمي مآآهي آآحمد
صبا بسرعه رجعت لورا ومن الخضه اتكعبلت كانت هتقع ومره واحده بتبص لاقت غيث سندها ومسكها وحط ايده علي وسطها وشدها لي وقربها منه وبقي باصص في عنيها ومره واحده صبا من كتر الخوف اللي كانت فيه مسكت في غيث وحطت راسها علي صدره واتطمنت بوجودها جنبه
غيث طبطب علي شعر صبا وبقي يلمس شعرها ويقولها
غيث: ماتخافيش ده الوحش بتاعي ☺️
بقلمي مآآهي آآحمد
صبا وقتها فاقت من اللي هي فيه ورجعت لورا وبعدت بسرعه عن غيث وقالتله
صبا: ابعد عني ماتقربليش
غيث: رفع ايده الاتنين فوق وقلها انا مقربتلكيش انتي االلي جتيلي
صبا : انا .. انا.. كنت خايفه مش اكتر
غيث: واطمنتي وانتي في حضني
صبا : وجودك جنبي بيخوفني اكتر مش بيطمني
غيث: انا عارف انك ليكي حق في كل كلمه بتقوليها وان مافيش ثقه ما بينا بس عايز اقولك ان كلامك بيقتلني ياصبا
صبا : مافيش ثقه ما بينا بس .. غيث انت ارهابي .. ارهابي بتقتل في ناس مالهاش ذنب بتقتل اهلي واهل بلدك كل ده عشان ايه وليه ؟
بقلمي مآآهي آآحمد
غيث: موتهم ده صرخه مننا للمسؤولين مش اكتر عشان يعرفوا ان الله حق وينفذوا مطالبنا ويعرفوا ان احنا موجودين وعندنا حقوق لازم تتنفذ
صبا : ارواح ناس ودمهم بتعتبرها صرخه ياغيث ناس ليهم عيله وبيت واولاد وناس بتحبهم موتهم بالنسبالك مجرد صرخه مش اكتر
غيث: مسك ايد صبا بغيظ وقلها ايوه ياصبا مجرد صرخه انا ابويا وامي ماتوا قدام عنيا عشان هما كمان الظباط بتاعكم قتلوهم بكل دم بارد عشان يبقوا مجرد صرخه مش اكتر بقوا يقتلوا في كل اهل سينا عشان مكانووش عارفين مين اللي موت الكتيبه بتاعتهم انا ابويا وامي ماتوا قدام عنيا من ظابط مايسواش ابويا كان طول عمره عايش في حاله هو وامي مكانش بيعمل حاجه ابدا بس لمجرد ان عمي يبقى اخوه قتلوه
بقلمي مآآهي آآحمد
غيث: انتي عارفه انا عيشت ازاي واناصغير عارفه عملت ايه وطلعت ازاي كان عندي خمس سنين بس لما ابويا وامي الظباط قتلوهم و لما قبضوا علي عمي واتحبس عشر سنين سجن مكنتش عارف اعمل ايه ولا اعيش ازاي كنت في كل بيت من بيوت اهل سينا يربوني شويه كل بيت كان بياخدني عنده سنه شوفت الذل والسواد بس كل بيت كان لي طبعه ولما يادوب بقي عندي عشر سنين مابقووش يخلوني ابات معاهم عشان المفروض اني بقيت راجل وكل بيت لي حرمه كنت بفضل بره البيت في عز. السقعه والبرد وفي عز النار والحر وكل ده ليه عشان ظباط الجيش قتلوا ابويا وامي لو كانوا عايشين مكانش حصلي كل ده .. كل بيت في اهل سينا عنده ميت بسبب ظباط الجيش ولما عمي طلع حسيت ان ابويا عايش مره تانيه وانه مماتش واخدني في حضنه وعرفني كل حاجه وان الظباط دوول اعداءنا وموتهم حق علينا ياصبا وحق ابويا وامي هاخدوا من كل ظابط في الجيش 😡
صبا بقت تبص لغيث كده وهي مش مصدقه ان كل ده حصله
مش عارفه يصعب عليها ولاتشفق عليه بس قالتله
صبا: اكيد حصل حاجه غلط اكيد مافيش ظابط هيقتل حد برىء مالوش ذنب اكيد هما ماتوا بس مش ظباط الجيش اللي موتوهم
غيث مسك دراعها بغيظ وقلها
غيث: انتي مجنونه بقولك شايفهم بعنيا دوول.. لما ابويا وامي خبوني وانا كنت مستخبي كنت جبان بس هعمل ايه مهما كان طفل عنده سبع سنين كان ممكن يعمل ايه بس عمي دايما كان بيقولي لو كان ابويا علمني ماسكه السلاح كنت زماني انقذتهم وكان زمانهم عايشين ومن وقتها وهو علمني كل حاجه
صبا : عمك ده شيطان ياغيث شيطان مش بني ادم
غيث: اوقات الدنيا مابتكونش عايزه غير الشياطين عشان يعرفوا يعيشوا
بقلمي مآآهي آآحمد
غيث ساب صبا ورزع الباب ومشي وراح علي قبر ابوه وامه وافتكر كل اللي حصله زمان هما اه مش ده قبرهم الحقيقي بس هو عاملهم قبر وكاتب عليه اساميهم في كل بلد يروحها عشان يحس بكده انهم معاه
النهار طلع وهو بقي قاعد ساند علي قبرهم والنوم غلبوا وغمض عيونه ونام
صبا بقت كل شويه رايحه جايه علي الشباك عشان تشوف غيث رجع ولا لاء كانت قلقانه عليه جدا ومانمتش طول الليل
ام ورد : خبطت علي صبا
صبا : ادخل
ام ورد : احنا هنا بنصحي من الفجر عشان نفطر رجالتنا ونضف بيتنا ونعلم عيالنا انتي من هنا ورايح زيك زي كل اهل البيت فهماني يامرات غيث
صبا : انا ليا اسم تناديني بي
ام ورد : وانا هنا كبيره المكان اللي انتي عايشه فيه واناديكي علي كيفي انتي فاهمه 😡
صبا: انتي عايزه اي دلوقتي
ام ورد : تطلعي ويبقي زيك زي بقيت ستات البيت ده انتي مش احسن منهم في شئء
صبا : انا ماقولتش اني احسن من حد انا هعمل اللي انتي تقولي عليه
صبا طلعت مع ام ورد وقالت
صبا : اعمل ايه
ورد : خدي يادرتي امسكي الجردل ده اكلي الفراخ اللي بره وبلي العيش وحطت الجردل في ايديها وسابتها ومشيت
بقلمي مآآهي آآحمد
صبا طلعت بره عشان تعمل اللي قالتلها عليه ورد وامها وبقت تأكل الفراخ وتلم البيض بتاعهم ومره واحده لاقت طفل صغير بتاع اربع سنين كده قاعد في عشه الفراخ مستخبي
صبا : اي ده .. انت بتعمل ايه هنا
الطفل : مستخبي
صبا : من ايه
الراجل الوحش اللي هناااااك ده كل شويه يمسكني يضربني وعايزني اضرب اخويا وانا مش برضا
صبا : وعايزك تضرب اخوك ليه
الطفل : عشان ابقي قوي
صبا : طيب تعالي متخافش..
الطفل : هز راسه يمين وشمال وقالها تؤ .. تؤ
صبا : يعني هتفضل في العشا طول عمرك تعالي بقولك متخافش محدش يقدر يعملك حاجه
الطفل طلع من العشه وصبا اخدته في حضنها وقالتله
صبا : اسمك ايه
الطفل: فيصل
صبا : الله اسمك حلو اوي يافيصل
الراجل اللي بيضرب الاطفاال ده كان بيدور عليه واول ما شافوا جرى علي صبا وقلها
الراجل : اديني الولد
صبا : لاء مش هديهولك سيبه حرام عليك ده طفل مالووش في اي حاجه
الراجل : الست عندنا مالهاش الحق انها تعترض علي اي حاجه
صبا : بس اناغير اي حد هنا وبقولك مش هديهولك
الراجل ابتدي صبره ينفد منه حرفيا وابتدي يتعصب
الراجل : بقولك اديني الولد
الولد مستخبي ورا ضهر صبا وماسك في رجلها ياعيني والدموع نازله من عنيه من كتر الخوف وبيقول لصبا
الطفل فيصل : ماتسبنيش
بقلمي مآآهي آآحمد
صبا : اعمل اللي تعمله مش هسيبك تضربه
الراجل فقد اعصابه ولسه هيرفع ايده عشان يضرب صبا بالقلم
لقى غيث مسك ايده تناها ورا ضهره لحد ما كسرهاله
الراجل : ااااااه
غيث ضربه بالروسيه علي دماغه ووقعه في الارض وقاله
غيث: صبا .. لاء .. انت فاهم
الراجل : فاهم .. فاهم ياكبير
غيث اخد صبا واخد الطفل الصغير معاه ودخلوا اوضتهم
غيث: ماتبقيش تحطي راسك براس حد هنا بعد كده ومش أي حاجه تعندي فيها الراجل ده مغلطش في شىء هو بيقوم بشغله مش اكتر
صبا : شغله انه يضرب طفل صغير مايعديش الخمس سنين هي الرجوله كده في نظرك
غيث: بيعلمهم انهم يطلعوا رجاله ياصبا
صبا: عمر ما الولد يطلع راجل بالضرب في شرع مين انك لما تضرب وتقسي الطفل اللي قدامك يبقي كده في نظرك هيطلع راجل
غيث: يووووووه انامش هخلص منك ومن رغيك ابدا
غيث ساب صبا وطلع بره
صبا : اخدت الطفل فيصل في حضنها وبقت تبكي وحست ان غيث عمره ما هيتغير
غيث طلع بره وابو عمار نده عليه
ابو عمار : غيث انا عايزك
غيث راحله وقفلوا الاوضه علي نفسهم هو وعدي وابو عمار
بقلمي مآآهي آآحمد
ابو عمار : احنا بقالنا فتره نايمين حرفيا مابنعملش اي حاجه تبسط الناس اللي بيمولونا منا ولو فضلنا علي كده التمويل بتاعنا هيقف ومش هنلاقي ناكل وهنشحت
غيث : اطمن انا مجهز لعمليه حلوه اوي هتقلب كيانهم كله
ابو عمار : عفارم عليك ياغيث وهنبدأ امتي العمليه دي واي خطتك
بعد ما غيث ابتدي يحكي لابو عمار علي العمليه وقد ايه هي عمليه نضيفه وفي منتهي الذكاء
ابو عمار: طول عمرى بقول عليك ذكي ودماغك الماظ
غيث: تربيتك يا ابو عمار
ابو عمار : لااااا تربيتي ايه بقي التلميذ اتفوق علي اذستاذه
عدي : وهنتحرك امتي في العمليه دي ياغيث
غيث: هنبدا نعدي الحدود من بكره ان شاء الله
ابو عمار : حلو اوي واعمل حسابك انك لما ترجع من العمليه دي فرحك علي بنتي ورد هعملك فرح تتحاكي بيه المنطقه كلها
غيث اتنهد وسكت ومقالش لعمه حاجه وقاله
غيث : بس لو رجعنا منها
ابو عمار : هترجع يابطل هترجع
ابتدي غيث يدخل بيدور علي حاجه في الاوضه مره تانيه وكانت صبا حاسه انه هيعمل حاجه
صبا : بتدور علي ايه ياغيث
غيث : مالكيش دعوه ياصبا طلعي نفسك من حواراتي خالص وعلي فكره انا مسافر بتاع اسبوعين كده واول ما ارجع هتجوز ورد
بقلمي مآآهي آآحمد
صبا : هتتجوز ورد
غيث : كلمه واحده منك ياصبا هتخليني ارفض جوازتي منها
صبا : يعني ايه
غيث: يعني لو قولتيلي ماتتجوزهاش هعرف انك عايزاني ياصبا وهرفض الجوازه وهعادي عمي كلمه واحده منك هعرف اذا كنتي عايزاني معاكي ولا لاء
صبا وقتها سكتت وبعدت عن غيي ومارضيتش تتكلم
غيث بص لصبا وقلها
غيث : بقي كده ماشي ياصبا اللي تشوفيه
بقلمي مآآهي آآحمد
غيث مشي وساب صبا هو وعدي ووصى عمه علي صبا وقاله خللي بالك منها كويس اوي
غيث سافر وعدي الحدود واول ما راح عشان ينفذ عمليته زي ما يكون الظباط عارفين العمليه بكل تفاصيلها وقبضوا حرفيا علي كل الرجاله اللي مع غيث وعدي وغيث هربوا بالعافيه
وغيث وقتها كان هيتجن ازاي دي خطه ماتخرش المايه اكيد في ما بينا خاين
صبا الاسبوعين هناك عدوا عليها في منتهي الذل حرفيا الستات اللي هناك مكانوش سايبينها في حالها ابدا كل يوم بهدله وشتيمه وزعيق فيها وبيخلوها تخلص شغل البيت كله لوحدها ام ورد موصياهم عليها جدا
ومره واحده بالليل حد بيخبط علي باب اوضه صبا بتبص لاقيته غيث طلعت تجرى عليه وكان حرفيا ضهره كله مليان دم زي ما يكون ضهره متشرح
صبا : ( بخضه ) غيث مالك في ايه ؟
غيث قلع التي شيرت بتاعه وكان تعبان حرفيا وغيث بسرعه جابت القطنه ومايه وبقت تشيل الدم من علي غيث ولما مانفعش اخدت غيث ودخلته تحت الدش وبقت تنزل كل الدم من علي ضهره وبعدها جابت الفوطه ومسحتله ضهره غيث كان بيترمي علي صبا وكان محتاج حضنها صبا طلعته علي السرير وغيث بقي ساند راسه علي صدرها
صبا : غيث .. غيث اصحي .. غيث انا لازم اقوم بس غيث حط صباعه علي شفايفها وغمض عيونه ونام وهي كمان راحت نامت وخلته في حضنها عشان كان واحشها بجد بقت تملس علي شعره بكل حنيه لحد ما راح في النوم تاني يوم صبا صحيت مع اول خيط شمس جه علي وشها شالت دراعها من تحت غيث بالراحه جدا وقامت ولسه هتقوم
ابو عمار: بقي بيرزع في الباب
ابو عمار : اصحي يازين .. بقولك افتح الباب واصحي
صبا فتحت الباب بسرعه
صبا : اي ده في ايه
ابو عمار : اوعي من قدامي وزق صبا من قدامه وقاله
ابو عمار : ايه اللي حصلك المره دي فيك ايه
غيث صحي وقاله ماحدش بيدخل علي حد بالطريقه دي
ابو عمار : والشر كله في عنيه
ابو عمار : انت من ساعه ما عرفت البت دي وانت خيبت خالص مابقيتش غيث الاسد بتاع زمان
غيث: صبا مالهاش ذنب ده كان كمين احنا وقعنا في فخ
ابو عمار : البت دي هي اللي كمين واتحط قي حياتنا ومن اللحظه دي انت هتبعد عنها خالص عشان ترجع زي زمان انت فاهم
غيث: انت ليه بترمي فشلنا علي صبا
ابو عمار : عشان من ساعه ما دخلت حياتنا ماشفناش منها غير ايام سودا وشها وحش علينا وانت ركبك سابت ومابقيتش تقف علي حيلك زي الاول
ابو عمار :و اعمل حسابك بقي ان النهارده هتكتب كتابك علي بنتي انا فاهم خليها تطلعك بقي من القرف اللي بقيت فيه
بقلمي مآآهي آآحمد
ابو عمار طلع ورزع الباب وراه
غيث: صبا .. ساكته ليه قولي اي حاجه بكلمه واحده منك مش هتجوزها قولي ياصبا انك عايزاني وانا هقف قدام اي حد عشانك
صبا مديه ضهرها لغيث ومش بتنطق
غيث قرب منها وحط ايديه الاتنين علي كتفها اول ما حط ايديه علي كتفها صبه غمضت عنيها واتنهدت وبقت صبا ضهرها لي وقرب من ودنها وقلها بالراحه
غيث: ماينفعش تسكتي دلوقتي ياصبا انا عايز منك رد حالا
صبا لفت وشها وبقي وشها في وش غيث وقالتله
صبا : اتجوزها ياغيث
غيث: اتجوزها 💔😔
انا طولت البارت علي قد ما اقدر اتمني يعجبكم يارب واسفه مانزلتش بارتين امبارح ربنا العالم والله انا نفسي ارضيكم ازاي بس دراعي لسه واجعني ورجع اكتر من الاول وباين كدخ ممكن اعمل عمليه في دراعي الحمدلله علي كل شىء قدر الله وما شاء فعل
يتبع
#قلبي_ولكن
#مآآهي_آآحمد
 بقلمي مآآهي آآحمد صبا كانت اول مره تنطق من وقت ما عرفت ان غيث معاهم راحت قالت صبا : وانا موافقه اتج…){kind=link}
تعليقات
إرسال تعليق