 |
قلبي ولكن 💞
( الجزء التامن والتاسع )
بقلمي مآآهي آآحمد
صبا: اتجوزها ياغيث
غيث: اتجوزها 💔😔
صبا بعدت عنه وقالتله
صبا: ايوه اتجوزها انتوا لايقين علي بعض جدا هي بنت عمك وبرضايا او غصب عني فا انت كده كده هتتجوزها
بقلمي مآآهي آآحمد
غيث: مين قالك كده ياصبا قولتلم الف مره بكلمه واحده منك بس ( وغيث لسه هيكمل كلامه ) صبا قطعت كلامه وقالتله وانا كلمتي اني بقولك اتجوزها
غيث مسك صبا من وسطها وشدها لي وقرب منها وسند جبينه علي جبينها وقلها وهو مشاعره كلها واضحه في عنيه وقلها
غيث: ( بينهج من كتر قربها لي وقلها) قوليلي انك مابتحبنيش ..
صبا : ( بتنهج ورعشه في صوتها ) غيث انت .. انت .. بتعمل ايه
غيث قربها منه اكتر ورجع شعرها لورا بصوابعه وفتحلها زرار البيجامه اللي لابسها
صبا اتنهدت وغمضت عنيها وبتتكلم بصعوبه
صبا: ( بصوت واطي يادوبك مسموع ونهجه في كلامها )غيث ماينفعش
غيث فتحلها الزرار التاني وهو لامس جبينه بجبينها وقلها
غيث: ( بنهجه في صوته ) هو اي اللي ماينفعش ياصبا .. ها .. اي هو اللي ما ينفعش
صبا غمضت عنيها اكتر واديته ضهرها وجت تمشي مسكها من كف ايديها وقربها لحضنه اكتر وبقي حاضنها من ضهرها والمرايه كانت قدامهم
غيث: بيبص في المرايه هو وصبا وقلها
غيث:( قرب من ودن صبا وهمس في ودنها ) بصي ياصبا شايفه ايه في المرايه انا وانتي نشبه بعض اوي ممكن ظروفنا مختلفه بس روحنا واحده
غيث وهو بيكلم في ودن صبا كان بيلمس بأيديه علي دراعها وبالراحه اوي خلعها جاكيت البيجامه وقع في الارض وبقي يلمس جسم صبا بصوابعه بالراحه اوي لحد ما نزل علي صدرها ووقتها حط ايده علي قلبها وحس بدقات قلب صبا لقي قلبها بيدق بسرعه اوي لدرجه غريبه وهي من كتر ما مشاعرها باينه كانت بتنهج بدرجه فظيعه
غيث بصلها كده وهي مغمضه عنيها وشاور علي قلبها وقلها
غيث: انا هنا ياصبا .. انا جواكي ماتطلعنيش بره المكان ده ابدا
غيث بعدها لف صبا وبقي وشه في وشها وابتدي يبوس خدها ويقرب واحده واحده من شفايفها ولسه هيلمس شفايفها صبا فتحت عنيها بسرعه وزقت غيث لورا وقالتله
صبا : ابعد عني ماتلمسنيش
غيث: صبا انتي بتعملي كده ليه
صبا : عشان انا عمرى ما هخلي واحد زيك يلمسني في يوم احنا عمرنا ما كنا روح واحده زي ما بتقول
غيث: صبا انتي بتكذبي عليا ولا علي نفسك انتي عارفه كويس اوي انك بتحبيني
صبا: انت اللي واهم نفسك اني بحبك انا عمرى ما قولتلك اني بحبك
غيث: من غير ما تقولي تصرفاتك كلها بتقول انك بتحبيني
صبا: احب اقولك انك غلطان عقلك المريض هو اللي صورلك كده
غيث: يعني ده اخر كلام عندك
صبا ودت وشها الناحيه التانيه ومسحت دموعها قبل ما غيث يشوفها وقالتله وهي مدياله ضهرها
صبا : ايوه اخر كلام عندي
غيث: مش هصدق غير لما تقوليها في وشي قوليلي في وشي وعنيكي في عنيا انك مابتحبنيش ياصبا
صبا لسه مديه ضهرها لغيث
غيث: لو عايزاني فعلا اتجوز ورد بصيلي وقوليها ياصبا قولي انك مش بتحبيني ياصبا
صبا : ____________
غيث: ساكته ليه ماتنطقي .. شوفتي بقي انك بتحبيني
صبا : لفت وشها لغيث وبصت في عنيه وقالتله انا مش بس مابحبكش انا بكرهك ياغيث عارف يعني ايه بكرهك
صبا زي ماتكون جابت خنجر وضربت بيه غيث في قلبه وقتها غيث ملامحه كلها اتغيرت وبصلها وهو مكسور وقلها
غيث: انا موت امي وابويا ماكسرنيش زي ما كنتي كسرتيني دلوقتي ياصبا
بقلمي مآآهي آآحمد
غيث طلع بره الاوضه ورزع الباب ورا صبا وقتها اتنفضت وغمضت عنيها وسمعت غيث بيقول لعمه
غيث: هنكتب اكتب الكتاب امتي ياعمي
ابو عمار : ومالك مستعجل كده ليه ياغيث
غيث: خير البر عاجله وطالما كده كده هتجوز ورد يبقي النهارده احسن من بكره
بقلمي مآآهي آآحمد
ابو عمار : الجواز هيبقي بكره بأذن المولي عشان الضيوف تقدر تيجي وكمان انا عايز اعمل لبنتي فرح المنطقه كلها تحكي عنه دي اول فرحتي
غيث: اللي تشوفوه ياعمي
__________________________
عدي: ورد .. ياورد
ورد : بسم الله الرحمن الرحيم انت بتطلعلي منين
عدي : برضوا مصممه تتجوزي غيث
ورد : وانت مالك حاشر نفسك ليه في حاجه ماتخصكش
عدي نط من الشباك ودخل اوضه ورد
عدى : يخصني ياورد انتي تخصيني
عدي قرب من ورد وقلها
عدي: انا عارف انك بتحبي غيث بس انتي طول عمرك عارفه ومتأكده ان غيث مابيحبكيش وعمره في يوم ما حبك
عدي قرب من ورد اكتر وفكلها الطرحه اللي كانت لابساها ونزلهالها علي ورا وقلها
عدي: حرام الجمال ده يدفن مع واحد مايقدروش
غيث مايعرفش انك مختلفه عن كل البنات ياورد مايعرفش انك عندك غمازه في خدك اليمين بتبان اوي لما تضحكي من قلبك بجد غيث مايعرفش انك عندك ٦ ضحكات
ورد : انا عندي ٦ ضحكات
عدي : اه طبعا انا خافظهم صم
اول ضحكه لما اي حاجه سريعه بتضحكك
والتانيه لما تضحكي بأدب ومكسوفه
وتالت ضحكه لما ترسمي خطه وعايزه تنفذيها
والضحكه الرابعه لما تتريقي علي نفسك
والضحكه الخامسه لما تكوني غضبانه بتضحكي ضحكه صفرا وحزينه
والضحكه الاخيره.. والضحكه الاخيره
عدي اتنهد وبقي متردد في انه يقولها
ورد قربت منه وقالتله
ورد : قول ياعدي الضحكه الاخيره ايه
عدي: الضحكه الاخيره ياورد لما بتتكلمي عن غيث بحس ان مش وشك بس اللي بيضحك لاء قلبك هو اللي بيضحك
ورد : للدرجه دي ياعدي حافظ تفاصيلي اوي كده 😊
عدي: انا عمرى ما كنت حافظ تفاصيل حد زي ما انا حافظ تفاصيلك ياورد
ورد : انا اول مره في حياتي اسمع كلام حلو من حد ياعدي دايما بشوف التكشيره من غيث ودايما ابويا بيشخط ويؤمر في امي مش اكتر
عدي: عشان عمرك ماشوفتيني ياورد لو في يوم شوفتيني بقلبك زي ما شوفتيني بعنيكي كانت حياتنا اتغيرت من زمان
ابو ورد : ( بيخبط علي الباب ) افتحي ياورد قافله الباب عليكي ليه يابت
ورد : يادي المصيبه انت هتوديني في داهيه
عدي: ورد انا بحبك ❤️ يمكن عمرى ماقولتهالك بس دلوقتي لازم اقولهالك مش قادر اشوفك تبقي لحد غيري وافضل ساكت
ابو ورد : ( بيخبط جامد ) ماتفتحي يابت بتعملي ايه كل ده جوه
عدي: سمعاني ياورد
ورد : طيب امشي دلوقتي مش وقته ابوس ايدك اطلع بره
ابو ورد : لو مافتحتيش الباب هكسر الباب عليكي انتي فاهمه 😡
عدي: هشوفك النهارده الساعه ١٢ عند البحر عندي كلام كتييير عايز اقولهولك
ورد : طيب طيب امشي بقي
عدي بسرعه طلع من الاوضه وابو ورد لسه هيكسر الباب ورد فتحت الباب بسرعه
ابو ورد : انتي بتعملي ايه ده كله جوه ومابتفحيش الباب ليه
ورد : كنت بغير هدومي ياابويا
ابو عمار بقي يبص في الاوضه يشوف فيها حد ولا لاء
ابو عمار: كل ده
ورد : اصل .. اصل .. انت عارف اني خلاص هتجووز .. و .. ويابويا .. كنت. .. اصل انا كنت
ابو عمار : مسك دراعها وقلها كنتي ايه انطقي
ورد : كنت بعمل حاجه لازم العروسه تعملها قبل ما تتجوز خلاص
ابو عماار : ااااه فهمت .. طيب اسمعي غيث وافق علي جوازكم اخيرا انا عايزك لما تتجوزوا تجننيه تشغليه تبعدي غنه ام اربعه واربعين دي انتي فاهمه يابت انتي ولا لاء
ورد : بس غيث مابيحبنيش
ابو عمار : بشطارتك انتي هتخليه يحبك انا قولتلك اهوه عايزك ترفعي راسي وتخليه تحت طوعك
ورد : حاضر يابويا هحاول
ابو عمار : مافيش هحاول فيه هخليه عجينه في ايدي
ورد : حاضر يابويا حاضر
__________________________________
ام ورد كل اللي في البيت كانوا بيباركولها لجواز ورد وصبا كانت تسمع كده وهي من جوه اوضتها وتبقي هتموت
صبا : ( في نفسها ) ازاي تعملي كده ازاي تضحي بغيث لواحده غيرك
صبا : ( في نفسها ) بس ده ارهابي قلبي واجعني لكن ..
صبا : انا لازم ارجع لبلدي في يوم وانا وغيث عمرنا ما هنبقي سوا
صبا جواها حاجات كتير ومشاعر متلغبطه اكتر واكتر حاجه بتمنعها عن غيث انه ارهابي وبيقتل ناس مالهاش ذنب
__________________________
ام ورد : حد يقول للسنيوره اللي جوه ان عندنا فرح جوزها بكره ولازم تيجي تخدم في فرحه
صبا سمعت كده بقت بتغلي من جواها ومره والباب بتاع كان لسه حد هيخبط عليه راحت طلعت
صبا: انا جاهزه شوفي عايزه ايه وانا اعمله
صبا ابتدت تشتغل في البيت طول اليوم حرفيا تعبت اوي اوي من كتر تعبها مابقيتش قادره تقف علي رجليها
واخيرا الليل ليل وصبا كانت قاعده بره بترتاح شويه جالها فيصل الطفل الصغير وقلها
فيصل : زعلانه ليه انا مش بحب اشوفك زعلانه
صبا : انا الدنيا كلها ضدي يافيصل
( الطفل فيصل ): يعني ايه انا مش فاهم حاجه
صبا : اتنهدت وقالت كلام كبار سيبك مني انا قولي انت زعلان ليه
فيصل : عشان النهارده عيد ميلادي ونفسي يكون عندي لعبه بس محدش جابلي لعبه
صبا شالت فيصل واخدته في حضنها وباسته من خده وقالتله بس كده تعالي هعملك احلي لعبه .
صبا دخلت هي وفيصل اوضتها وابتدت تعمل لعبه لفيصل من القطن والقماش وخيطتها بالابره والخيط
صبا : ها ايه رايك
فيصل : بس ده ناقصله عنين
صبا : بس كده هنجيب زرارين ونخيطهم ويبقي كده لي عنين
ها .. عجبتك
فيصل : حلوه اوي اوي انا بحبك اوي
صبا : حضنت فيصل وقالتله وانا كمان بحبك اوي يافيصل
بقلمي مآآهي آآحمد
غيث وقتها دخل لقى صبا حاضنه فيصل مابصش عليها ولا اهتم ودخل اخد المسدس بتاعه من الدرج وطلع بره
صبا : غيث .. غيث استني
بس غيث ساب صبا ومشي
صبا طلعت غيث راح فين ومشيت وراه
___________________________
عدي في نفس الوقت كان مستني عند الشجره اللي اتفق مع ورد انهم يتقابلوا فيها
عدي فضل مستني ساعه في التانيه وورد ماجاتش كان كل امله انها تيجي وتقابله وتحس بيه وخلاص لسه هيمشي بيبص لقى ورد قدامه
عدي: اتأخرتي ليه ياورد
ورد : انا مكنتش هاجي انا معرفش ايه اللي خلاني اجي النهارده
عدي: ممكن قلبك حس بيا اخيرا ياورد
ورد : وانت كنت فين الوقت ده كله لما كنت قدامك طول السنين دي كلها ليه ماتكلمتش
عدي: كنت خايف ترفضيني
ورد : ومش معني دلوقتي بقي اللي جاي تقول الكلام ده لسه مخافتش ياعدي جاي قبل ما اتجوز بيوم تقولي الكلام ده
عدي: عشان في الحالتين ميت ياورد لو اتجوزتي غيث هموت ولو فضلت ساكت وكاتم حبك في قلبي برضوا هموت
بس انا دلوقتي معنديش مانع ابدا اني اموت بس تبقي عارفه ان في حد حبك بكل كيانه في يوم
ورد : انا اول مره حد يهتم بيا ياعدي انا مش عارفه اعمل ايه وانا عارفه ومتأكده ان غيث متجوزني غصب
عدي: ارفضي ياور ارفضي انك تتجوزي غيث
ورد: ده كان ابويا قتلني
عدي: قرب من ورد وبقي وشها في وشه وقلها طيب تعالي ( ولسه هيكمل كلامه ) بيبصوا قدامهم لقوااا😳😳
يتبع
قلبي ولكن 💞
( الجزء التاسع )
بقلمي مآآهي آآحمد
عدي لسه بيقول لورد طيب تعالي ( ولسه بيكمل كلامه ) بيبصوا لقوااا 😳😳
بيبصوا لقوا صبا قدامهم
ورد ( اتوترت جدا وخافت وضربت عدي بالقلم وبعدت عنه وقالتله )
ورد : بس انا بحب غيث وهتجوزه ومش عايزه اشوفك قدامي مره تانيه
عدي : ورد استني ياورد
صبا : انا جيت في وقت مش مناسب
عدي : ( بكل كسره) ده اكتر وقت غلط جيتي فيه 💔
صبا: بتحبها اوي كده
عدي : عيوني عمرها ماشافت حد غيرها
صبا: غيث عارف
عدي : غيث لو عرف ممكن يقتلني فيها.. الحاجات دي مافيهاش هزار
صبا: ليه يعني ما انت قصدك حلال
عدي: حتي لو قصدي حلال هيقول اني مش من العيله.. وصحبه.. ودخلني بيتهم ..وشوفت حريمه ..ونقيت منهم كمان ..
صبا: مافتكرش ابدا غيث يفكر كده
عدي : لا زمان كان بيفكر كده وابو كده كمان بس من ساعه ما انتي دخلتي حياته حاجات كتير اتغيرت في غيث اولهم انه بقي يحس وبقي فيه حد غالي عنده ممكن لو حكيت دلوقتي لغيث اني بحب ورد يفهمني بس للاسف مابقيتش اقدر عشان خلاص هيتجوزها رغم انه مغصوب عليها
صبا: كلنا تقريبا كده مغصوبين علي حاجات في حياتنا ومضطرين نرضي بيها
غيث: انتوا بتعملوا ايه هنا 😳
صبا : انا كنت بدور عليك ولاقيت عدي واقف هنا قولت اسأله عنك
غيث : وانا عيل صغير عشان تدورى عليا وازاي تطلعي من البيت في وقت زي ده
عدي : ايه ياغيث دي معايا ماتقلقش عليها
غيث: اتعصب وقاله يعني ايه معاك مش فاهم اخوها انت ولا تقربلها منين عشان تبقي واقفه معاك في ساعه زي دي
عدي : ( بحزن ) انا لا اخوها ولا قريبها انا كنت فاكر في يوم ان انت اللي اخويا ومكنتش افكر ابدا انك تظن فيا الظن ده .. صبا دي تبقي مراتك اللي انت بتحبها وحط تحت بتحبها دي الف خط وطالما بتحبها تبقي متحرمه علي اخوك
عدي خبط في كتف غيث وسابه ومشي وهو مضايق جدا
صبا : ايه اللي انت عملته ده 🙂
غيث: مسكها من دراعها وقلها انتي اللي عملتي فيا ايه خلتيني اشك في عدي اللي هو اقربلي من نفسي ياصبا
صبا : غيث سيب دراعي انت بتوجعني
غيث: وجعاكي اوي مسكت ايدي وانتي ماوجعتنيش لما كسرتيني
صبا : انا لازم ارجع
غيث: اومال كنتي بدورى عليا ليه ياصبا
صبا : عشان قلقت عليك
غيث: وتقلقي عليا ليه وانتي بتكرهيني
صبا : غيث كفايه كده قولتلك عايزه ارجع اوضتي
غيث: ماشي ياصبا
صبا وغيث رجعوا اوضتهم واول ما صبا دخلت الاوضه غيث مادخلش معاها وقفل الباب بعد ما دخلت صبا بتبص وراها مالقتهووش
جريت بسرعه فتحت الباب
صبا : انت مش هتدخل
غيث واقف علي الباب وصبا جوه
غيث: لاء مش هدخل ادخلي انتي انا هفضل بره شويه
بقلمي مآآهي آآحمد
غيث فضل بره وكان زعلان جدا من صبا وصبا جوه في الاوضه بتاعتها وكل شويه تبص علي الساعه وخايفه لا ييجي بكره وغيث يتجوز ورد بس بكره مهما كان مش بعيد
والناس ابتدت تيجي والانوار اتعلقت وغيث ابتدي يلبس هدومه وهو بيفكر في صبا وقلبه حزين انه هيتجوز غيرها وعدي في الوقت ده ركب عربيته ومشي بيها بأسرع ما يمكن وهو بيضرب علي الدريكسيون ودموعه نازله منه ان ورد هتتجوز غيث
وورد وهي بتلبس فستانها والستات بيلبسوها في اوضتها بقت تفتكر كلام عدي ليها وبقت تبتسم كل ما تفتكر كلامه وملامحه الصادقه جدا وهو بيقولها بحبك ❤️
كانت دايره بتلف عليهم هما الاربعه كل واحد بيفكر في حاجه ونفسه تحصل ومره واحده صبا الغيره كلت قلبها وخلاص غيث خلص لبس ولسه بيفتح الباب عشان يطلع صبا دخلت وقفلت الباب عليهم هما الاتنين
غيث: بتعملي اي ياصبا
صبا: انت خلاص هتتجوز ورد فعلا
غيث: اومال بهزر
صبا : غيث ماتطلعش
غيث : صبا انتي مجنونه الناس كلها بره لازم اطلع
صبا : مش هينفع تطلع يازين
غيث : اديني سبب واحد يخليني افضل معاكي هنا في الاوضه ومطلعش بره
صبا: ممممممم معرفش بس كل اللي اعرفه اني مش عايزاك تطلع
غيث: ليه ياصبا قولي ليه
صبا سكتت ومابقيتش تنطق
غيث : ابعدي عن الباب ياصبا خليني اطلع
صبا قفلت بسرعه الباب بالمفتاح ومسكته في ايديها
غيث: صبا انتي بتعملي ايه
صبا : غيث انا كنت عايزه اقولك
غيث مستني يسمع اي حاجه من صبا تخليه يفضل ومايمشيش ويتجوز ورد ولسه هتقول..
مره واحده سمعوا ضرب نار من بره البيت ورشاشات بتتحدف عليهم الرصاص كان عامل زي المطر غيث بسرعه مسك صبا ووطي راسها وحطها جوه حضنه ونزلها تحت السرير
غيث : هاتي المفتاح بسرعه ياصبا بسرعه
صبا ادت المفتاح لغيث وغيث بقي بيوطي لحد ما وصل للدرج اللي بيشيل فيه السلاح بتاعه
غيث اخد المسدس وقال لصبا اوعي تطلعي من هنا انتي فاهمه
وبعدها فتح الباب وبيبص لقى مجرد جثث مش اكتر جثه مرات عمه كانت من ضمنهم تقريبا كل اللي كانوا موجودين ماتوا الا رجاله قليله جدا كانوا لسه بيضربوا نار علي الناس اللي بتضرب عليهم
عدي سمع صوت ضرب نار من بعيد لف عربيته ورجع بسرعه جدا علي المقر بتاعهم وضرب الراجل اللي ماسك رشاش الي علي عربيه نص نقل وعمال يضرب عليهم الرصاص زي المطر
بقلمي مآآهي آآحمد
وبقي غيث يضرب من جوه عليهم وعدي يضرب عليهم من بره غيث حرفيا مسألش عن ورد ونسي اصلا اذا كانت عايشه ولا ميته لحد ما اخيرا خلصوا علي اخر راجل من رجاله غيث حتي الاطفال ماتت كلها.. غيث جرى علي صبا مره تانيه
غيث: صبا انتي كويسه
صبا : ( بخضه وخوف ) مين دوول.. مين دوول ياغيث
غيث: اكيد دوول عصابه الطافش كان في ما بينا خلاف كبير اطلعي بسرعه
عدي : دخل في وسط الرصاص اللي كان نازل زي المطر عليهم وبقي يدور علي ورد بيبص لقى ام ورد ميته ومرميه في الارض في اوضه ورد وبقي يدور علي ورد زي المجنون وبعدها لقي جثه ام ورد بتتحرك وفي حد تحتها
عدي رفعها بسرعه لقاها ورد حيه وبتترعش من الخوف اول ما شافها قومها بسرعه وقلها
عدي : ورد انتي بخير انا مش مصدق انتي عايشه
ورد : ( بعياط )امي ياعدي امي ماتت امي حامتني بنفسها وماتت هي
عدي : قومي معايا ياورد مافيش وقت البيت هيتهد علينا من كتر الرصاص
عدي اخد ورد ورا ضهره ومسك ايديها وبقي يضرب نار علي اللي بيضرب عليه وبقي بيستخبي ورا عامود
وفي نفس الوقت غيث كان واخد صبا وراه وماسك ايديها ومستخبي ورا العمود التاني والاتنين بقوا جنب بعض وكل واحد فيهم بيحمي ضهر التاني
غيث: عدي خد ورد وصبا واطلعوا من الباب اللي ورا بسرعه ودخلهم في السرداب واطلعوا علي الشارع الرئيسي وانا هحصلكم
عدي : ماشي يلا ياصبا
صبا : انا مش هسيب غيث لوحده
غيث: اسمعي الكلام مافيش وقت
صبا : قولتلك مش هسيبك ياغيث يانعيش سوا يانموت سوا بس مش هسيبك
غيث بص لصبا وابتسم وبقي مبسوط انه بيسمع منها الكلام ده
غيث: عدي انت عارف هتخرج بورد ازاي خللي بالك من ودرد حطها في عنيك
عدي: اكيد
عدي اخد ورد ومشي وبقي غيث يضرب نار علي اللي بره وبقي يلفت نظرهم لي هز عشان عدي يعرف يهرب هو وورد
واخيرا عدي هرب وركب عربيته ومشي واتفضي غيث وصبا
غيث: صبا هتعملي اللي هقولك عليه بالظبط عشام نقدر نطلع من هنا عايزك تمسكي المسدس اللي في الارض واضربي نار علي اي حد يقربلك
صوت الرصاص كان اعلي من صوت غيث بس الغريبه بقي ان صبا مسكت المسدس بكل سهوله وبقت تضرب نار ودرجه التصويب بتاعتها عاليه جدا وبقت واقفه في ضهر غيث .. غيث استغرب جدا منها واخيرا عرفوا يطلعوا ولسه هيركبوا العربيه عشان يهربوا بيها بيبصوا لقوا الولد فيصل قاعد في ركن واللعبه اللي صبا عملتهاله في ايده وعمال يعيط ياعيني
صبا : الحق ياغيث فيصل
غيث نزل بسرعه من العربيه والناس كانت وراه بس رغم كده برضوا نزل شال فيصل وركب العربيه وطلع يجرى وساق العربيه بأسرع ما عنده وابتدي يجرى بيها يجرى بيها والعربيتن ماليانين رجاله وراه وهو بيجرى من كتر سرعته لقي نفسه دخل علي الصحرا وكان في صخره قدامهم غيث بقي يسرع اكتر علي الصخره دي
صبا: خللي بالك ياغيث في صخره قدامك
غيث اكنه مكانش سامعها وبقي يسرع اكتر ويقرب من الصخره اكتر واكتر
صبا: شالت فيصل علي حجرها وضمته لحضنها وغمضت عنيه
صبا:غيث خللي بالك .. غيث بقولك خللي بالك ياغيث
ومره واحده خلاص هيخبط غيث راح محود العربيه بسرعه راحت العربيه اللي وراه مالحقتش تدوس فرامل وخبطوا في الصخره والعربيه ولعت
غيث العربيه التانيه بقت تجري وراه فضل يخبط فيها وهي تخبط فيه لحد ما مره واحده العربيتين اتخبطوا في بعض واتقلبوا هما الاتنين عربيه غيث وعربيه العصابه اللي بتجرى وراهم
غيث طلع بسرعه وبقي يقوم في صبا هي وفيصل
غيث : صبا .. صبا فوقي ياصبا
صبا اخيرا فاقت
غيث: انتي كويسه
صبا : انت كويس
غيث : الحمدلله انا بخير طيب قومي معايا بسرعه مافيش وقت غيث شال فيصل وبقي بيجرى في الصحرا هو لحد ما اخيرا وصلوا زي كهف كده استخبوا فيه هو وصبا والعصابه اللي عربيتها اتقلبت ابتدوا يفوقوا ويدوروا عليهم
بقلمي مآآهي آآحمد
صبا : هنعمل ايه ياغيث
غيث: هنفضل هنا لحد الصبح هما اكيد هيزهقوا من التدوير علينا انا المسدس بتاعي خلاص مش معايا غير كام طلقه مش اكتر
صبا : شوفت بقي ياغيث شوفت ليه انا مش عايزه اربط نفسي بيك انا خايفه احبك خايفه اجيب منك عيا وانت حياتك كل يوم مهدده بالخطر كل حياتك غلط في غلط مابتعملش حاجه واحده صح في حياتك ابدا طول عمرك اناني مابتفكرش غير في نفسك وبس
انت ماينفعش تربط حد جنبك ياغيث انا اخاف علي ابني اللي هجيبه منك لا يطلع زيك
غيث كلام صبا وجعه جدا وبعدها صبا اخدت فيصل في حضنها وناموا وهي مش عايزه تبص في وش غيث
غيث فضل طول الليل يفكر في كلام صبا وان كل كلمه صبا قالتها كان عندها حق فيها
وطلع بره الكهف عشان يحميهم طول الليل ويشوف اذا كان في حد هييجي عليهم ولا لاء
واول ما تعب دخل نام واول ما نام في الارض صبا جت عليه من غير ولا كلمه وفردت دراعه ونامت في حضنه هي بتحبه بس بتكره اللي بيعمله وتاني يوم غيث بقي بيبص لصبا وفيصل وبص في ساعته وصحاهم بسرعه
غيث: صبا فيصل اصحوا بسرعه الساعه سته الصبح
صبا: ايه ياغيث هنمشي
غيث: ايوه هنمشي انا هرجعك بلدك ياصبا
صبا: ازاي وليه وايه اللي غير رايك
غيث: مافيش وقت ياصبا انا كلمت والدك امبارح بالليل وانتس نايمه في التليفون وهيبعت طياره هليكوبتر عشان ترجعك
صبا: غيث انت بتتكلم جد
غيث: عمرى ما كنت بتكلم جد زي دلوقتي
صبا: طيب وانت
غيث: سيبك مني دلوقتي بسرعه مافيش وقت
صبا : اخدت فيصل وراحت مع غيث بسرعه ومره واحده بيبصوا لقوا العصابه بيضربوا نار عليهم
فضلوا يهربوا من العصابه بسرعه لحد ما اخيرا وصلوا للمكان اللي غيث اتفق معاه انها هتجيلهم فيه
وفي لحظه بيبصوا لقوا الطياره جايه من بعيد
فيصل: الطياره اهيه
غيث: خللي بالك من نفسك ياصبا ومن فيصل
صبا والطياره بطير شعرها وهدومها تعالس معايا ياغيث
غيث: مش هقدر ياصبا هنا اهلي وناسي ( غيث بصوت عالي ) انا عاااايز اقولك انك ااااااجمل شئء حصلي في حياتي
الطياره وقفت وكان فيها اتنين تبع ابو صبا وبيضربوا نار علي العصابه
صبا: غيث مااااااتسبنيش
واحد من اللي في الطياره .. اركبوا بسرعه مافيش وقت
صبا ادت الطفل للي في الطياره وقالت لغيث
صبا : يعني ده اخر كلام عندك
غيث: ااااشوف وشك بخيييييييير ( بصوت عالي جدا ) وجه يمشي
صبا طلعت المسدس بتاعها من جيبها وصوبت المسدس بتاعها علي غيث وقالتله
صبا: اوقف عندك لا اضربك بالنار
غيث بص لصبا وقلها
غيث: صبا انتي بتعملي ايه
صبا: انا مش صبا انا الرائد رحمه القادر وانت مهمتي
يتبع
 بقلمي مآآهي آآحمد صبا: اتجوزها ياغيث غيث: اتجوزها 💔😔 صبا بعدت عنه وقالتله صبا: ايوه اتجوزها انت…){kind=link}
تعليقات
إرسال تعليق