 |
💥تكملة البارت التاسع💥 بقلم ✍️ سلطان زماني
ملحوظة النهارده أنا فاضي وهكتب كتير وهشهيصكم
بس عايز تفاعل كبير بقا 👇👇
سمعها بتتصل ب اخواتها وتقولهم حالا
تكونو عندي البت بنت الشكروطة قطعت
وشي وعورت البت في درعها قمت دخلت كلمت سيف قولتله
أنا عايزة اهرب وامك قافله عليا وبعتت تجبلي أهلها
يضربوني اتصرف طلعني من هنا لحسن وأقسم بلله هرمي
نفسي من الشباك قالي اهدي وقوليلي حصل ايه وأمه دخلت
وقالت وكمان يابنت الشكروطة بتتكلمي في التليفون وقامت
مسكاني من شعري واخدت التليفون رمته في الارض اتكسر
وبقا 70 حته جيه ابويا قالها يا ام رحمه اهدي البت هتموت
في ايدك قالتله تموت بنت الفاجرة بنت مساحة السلالم مش
دي الي رحت اتجوزت امها عليا ياناقص ياعره الرجالة اهي
خلفتلك بنت فاجرة وقحبه زيها قالها يا ام رحمه عيب مش
كده .. قالتله هو انتو تعرفو العيب وقامت طلعت ابويا برا
وطلعت وقفلت الاوضة بالمفتاح وقالتلي أنا يا شكروطة
هعلمك الادب انتي وامك
فضلت قعدة مستنيا هيعملو فيا ايه وفاضل ايه تاني منهم
من إهانة وزل كسره ووجع عندهم ليا
عماله اعيط نفسي امي
تكسر عليا الباب ده وتخدني في حضنها وتقولي حقك عليا
يابنتي أنا الي عملت فيكي كده وتخدني معها ومشوفش
الناس دي تاني
فينك ياسيف يا اخويا انتي فين يارحمه أنا لوحدي أنا مليش
حد
معملتش ليهم حاجه والله هما ببكرهوني ليه قعدت الطم علي
وشي
واصوت جامد من الوجع الي في قلبي جيه ابويا دخلي
وقالي أنا عايزك تلمي الدور لما يجو اخواتها تقولي انك
غلطانه وتقومي تبوسي علي رأسها وايديها ولو ضربتك قدمها
ولو شتامتك مترديش لاحسن مش هيحصلك طيب
بصتله بقرف وبغل وقولتله طب مراتك دي اغلي من امي
وبتسمحلها تهزقها وتجيب سيرتها وتحرقلي دمي كل شوية
أنا بقا مش غالية عندك ومش بتحبني ليه زيهم ليه مش
حنين عليا زيهم 😭
سكت شوية وخد نفسه وقالي لمي دورك ياريم اعملي الي
قولتلك عليه وسبني وخرج
يتبع ..البارت ده يوجع القلب عارف حبيت انكد عليكم مش اكتر يالي تنشكو 😘😂 اتفاعلو 🤗 العاشر هينزل بعد قليل
تعليقات
إرسال تعليق