 |
اغتصاب في صمت
الحلقة الخامسة :
امير بقلق:ايه!يعني ايه مش في الاوضة!
نورين بخوف :مش في الاوضة والله يا بابا احنا نمنا ولما صحيت ملقتهاش جنبي دورت عليها مش لاقياها.
امير بقلق:طب استني.
دلف امير الغرفة مرة اخري وكانت نيهال نائمة ولكنها استيقظت علي صوتهما قائلة بنوم:في ايه؟
امير وهو يلتقط سترته:نوران مش موجودة.
نهضت نيهال عن الفراش بفزع قائلة:ايه!امال راحت فين؟!
امير وهو يخرج من الغرفة:خليكي هنا عشان لو جات تتصلي علينا وانا ونورين هننزل ندور عليها.
نهضت نيهال عن الفراش قائلة ببكاء:حاضر حاضر.
اتجها للمصعد ولكنهما التقيا بآسر في نهاية الرواق وقال بقلق من منظرهما:خير يا عمي في ايه؟
امير بقلق شديد:نوران مش موجودة يا آسر.
آسر وهو ينظر لعينين نورين البندقيتين اللتين اختلطتا بحمرة الدموع :طب حاولتوا تتصلوا بتلفونها؟
نورين ببكاء:ت..تلفونها ف.. في الاوضة سايباه.
آسر بالم:طب طب اهدي بس ان شاء الله هنلاقيها انا هتصل بآدم يجي يدور معانا.
امير:ملوش لزوم يا ابني.
آسر وهو يخرج هاتفه:متقلش كدا يا عمي..... ايوه يا آدم/نوران بنت عمي امير مش موجودة/لا منعرفش هي فين/طيب هقابلك علي مخرج الفندق/سلام.
هبط ثلاثتهم وانتظروا عند مخرج الفندق حتي اتي آدم واتفقوا ان يبحث امير ونورين في منطقة وآسر وآدم في منطقة اخري.
في مكان آخر:
نوران ببكاء:ارجوك ارجوك متعملش فيا كدا.
الشخص بضحكة سخرية:ههههههه انا قلتلك عرضي لسه موافقتك يا قطة.
نوران بغضب:انت انسان حقير وواطي.
جذبها من حجابها لتتاوه بشدة وهي تحاول تخليص نفسها ليقول بغضب:لمي نفسك يا بت بدل ما ادفنك هنا انا قلتلك عرضي ولتوافقي لهتشوفي حاجة مش هتعجبك(ترك حجابها) سلام يا قطة.
رحل لتقف هي واضعة وجهها بين كفيها تبكي بحرقة حتي سمعت صوتا التفت علي إثره لتجد.......
عند امير ونورين:
اتي امير اتصال ليرد :الو/ايوه يا آسر/ايه لقيتوها/طب الحمدلله/طب احنا جينلكم في الفندق/ماشي سلام.
نورين بسعادة:لقوها يا بابا؟
امير باطمئنان:ايوه يا حبيبتي يلا عشان نروح الفندق.
اسرعا الي الفندق ليجدوا آسر وآدم ونيهال ونوران في غرفة نيهال وامير اسرعت نورين بمعانقة نوران وكانت بالطبع نظرات آسر تلاحقها حتي ابتعدت عنها وعانقها امير ليقول بعتاب:كدا بردو يا نوران تخرجي كدا من غير ما تقوليلنا وتقلقينا كدا.
نوران بهدوء:معلش يا بابا انا آسفة.
نورين بتفكير:انتي كنتي فين يا نوران؟
نظرت نوران الي آسر بارتباك ليهم بالقول:كانت بتتمشي علي البحر جنب مطعم(..............)
امير بمرح:ايه يا بنتي انتي كنت ملهوفة علي الاكل كدا.
ابتسمت نوران بهدوء ولكن نورين شكت بوجود شيئ ولاحظ آسر نظرات عينيها اليه والي نوران فاسرع بالقول:امال فين نور؟
نظروا جميعا لبعضهم ليجدوا ان نور فعلا غير موجود فقد غفلوا عنه تماما اثناء البحث عن نوران.
آسر:انا هتصل ب....
قاطع حديثه رنين هاتفه فابتعد قليلا ليجيب:الو
نور:آسر حبيبي بقولك ايه بابا وماما فين؟
آسر:نوران كنا مش لاقيينها وكنا بندور عليها ودلوقتي في اوضة عمي.
نور:يعني لقيتوها؟
آسر :اه الحمدلله انت فين؟
نور بضحكة خفيفة :مع مزة.
آسر بتعجب:ايه!
نور :بقولك مع مزة استر عليا بقي لحد اما ارجع.
وضع آسر يده علي الهاتف وقال بابتسامة متوترة:معلش هطلع ارد برا عشان مفيش شبكة هنا.
خرج آسر سريعا ليقول بغضب:بتقول ايه مزة ايه يلا دا انت لسه مخلصتش ثانوي.
نور:عادي بقي يا اسور خليك جدع بقي.
آسر بخبث:طب انت فين عشان ابقي مطمن بس.
نور:لا يا شيخ مع اني مش مصدقك بس انا في(..........)
آسر:ماشي يا حبيبي ترجع بالسلامة.
اغلق آسر الهاتف والتف ليجدها تساله بحزم:نور فين؟
آسر بارتباك:ها نور اه نور بيتمشي علي البحر.
عقدت ساعديها امام صدرها لتقول مكررة:نور فين يا آسر؟
نظر لاسفل بتوتر فهو يعلم انه لن يستطيع الفرار من اسئلتها فقال بارتباك:في(..........)
عقدت حاجبيها بانزعاج قائلة:بيعمل ايه هناك؟
اجاب بارتباك اكثر ولكن بصوت خافت:مع واحدة.
نظرت له بصدمة ثم................
في المطعم:
نور:ايه بقي مش هنقوم نتمشي شوية علي البحر؟
لتقترب فتاة بوجهها منه قائلة بدلع:في ايه يا نينو ما تستني شوية نشرب حاجة.
نور:ما انتي عارفة يا رزان اني لازم امشي بدري قبل ما ابويا يقفشني.
رزان بانزعاج مصطنع:يعني انت يا نور خايف من زعل ابوك ومش خايف علي زعلي؟
نور سريعا:لا يا حبيبتي طبعا خايف بس انا لسه صغير ولازم اسمع كلام ابويا.
وضعت رزان يدها علي يد نور قائلة بهيام كاذب :صغير ايه بس يا حبيبي انت مش شايف نفسك دا انت وسيم خالص والبنات كله هتجنن عليك دا انا حتي بغير منهم.
نور بابتسامة حمقاء :بجد يا رزان؟
اومات براسها في دلع قائلة:بجد يا قلب رزان.
كاد يتكلم ولكنه سمع:نووووور ليلتفت ويجدها واقفة عاقدة ساعديها بغضب وهو خلفها ينظر اليه بقلق.
هرول نور اليها ليقول بابتسامة متوترة:ايه دا نورين بتعملي ايه هنا؟
نظرت اليه نورين قليلا قبل ان تلتف قائلة بهدوء:يلا علي الفندق.
نور بارتباك:ها!
نظرت له نورين بغضب قائلة:علي الفندق.
نظر نور لاسفل قائلا بتوتر:حاضر.
كادوا يذهبون ولكن اوقفهم:ايه دا يا نينو رايح فين وسايبني ومين دول؟
انتقلت نظرات نور بينهم بارتباك قبل ان يقول :دي نورين اختي وآسر صاحبي.
رزان باشمئزاز:تشرفنا.
نورين بغضب هادئ:مش تعرفنا احنا كمان ولا ايه؟
نور وقد شعر انه سيفقد حياته:دي رزان صاحبتي.
نورين بتجاهل:طب يلا عشان نروح.
امسكت رزان معصم نور لتقول بتحدي:لا نينو هيقعد معايا شوية.
نظرت نورين الي يدها الممسكة بمعصمه ثم اليها ثم الي نور المتعرق بشدة ثم بكل هدوء اطبقت بيدها علي معصم رزان بقوة جعلتها تترك يد نور وتحاول تخليص يدها التي شعرت بانها علي وشك ان تحطم لتقول نورين بصوت هادئ:اسمه نور مش نينو وهو هيجي معايا واحسنلك متعترضيش عشان متزعليش.
تركت يدها بحدة لتدعك رزان يدها بالم فامسكت نورين بمعصم نور ساحبة اياه خلفها ويتبعهما آسر.
في الفندق وخاصة في غرفة امير ونيهال:
دلفت نورين بصحبتها نور وآسر ليباغتهم امير:كنت فين يا نور؟
نور بهدوء ناظرا لاسفل:كنت بتمشي علي البحر يا بابا.
امير بشك:اممم ماشي طب روحوا علي اوضكم عشان كمان شوية هننزل نتغدي مع آدم ويارا.
الجميع :حاضر.
اتجه آسر ونور الي غرفتهما ونورين ونوران الي غرفتهما ليتجهزوا للغداء.
هبط الجميع الي مطعم الفندق ليتناولوا الغداء واتفقوا علي اللقاء في التاسعة للتنزه قليلا.
في التاسعة:
كانوا ينتظرون الاميرتين في ردهة الاستقبال بعدما تجهزوا جميعا وبعد عشرة دقائق من الانتظار هبطت نورين مرتدية تنورة واسعة من الستان الاسود مغطي بطبقة من الشيفون الاسود بفصوص لامعة من اللون النبيتي واعلاها بلوزة سوداء مرسوم عليها فتاة ذات شعر نبيتي وارتدت حجابا بسيطا من اللون النبيتي اما نوران فارتدت بنطال اسود واسع اعلاه بلوزة نبيتي مرصعة بفصوص بيضاء متلالاة وارتدت حجاب اسود بسيط.
خطفت نورين عقل وقلب آسر الذي ظل ينظر لها حتي اتجهت لمكانهم وشعرت هي بنظراته فنظرت للارض خجلا.
امير:ها هتروحوا فين؟
نور:انا بقول نروح حديقة حلوة كدا نقعد فيها شوية وبعدين نروح مطعم نتعشي وبعدين نتمشي علي البحر شوية ايه رايكم؟
آدم بتفكير:مش بطال حلو اوي انا موافق.
وافق الباقون فاتجوا الي حديقة خلابة تخطف الالباب والقلوب وجلسوا جميعا كان امير وآدم يتحادثون بامور تخص عملهم ونيهال ويارا يلاعبان الطفلة جوري ونوران ونورين كانتا تتحدثان بامور الدراسة اما آسر ونور:
آسر:مين رزان دي يا نور وقولي بصراحة انا زي اخوك واكيد عايز مصلحتك.
تنهد نور قبل ان يقول:رزان دي شوفتها مرة واحدة في المنصورة كانت جاية تحضر فرح صاحبة اختها وانا كنت معزوم عشان انا صاحب اخو العروسة وشفتها هناك كانت جميلة اووي وعرفت حجات عنها من صاحبي وبعدين بعتلها ادد علي الفيس وبعتلها رسالة اني عايز اتعرف عليها وهي وافقت بس مكنتش متقبلة حبي لحد اما قلتلها اني بطل الكاراتيه واطلاق النار فبدات هي كمان تحبني ومتفقين علي الجواز مستني اخلص الثانوي وهروح اتقدملها.
كان آسر يستمع بكل اهتمام وعندما انتهي نور قال آسر:البت دي بتضحك عليك.
نور سريعا:لا دي بتحبني انا متأكد.
آسر :طب لو طلعت بتضحك عليك هتديني كام؟
نور:وانت هتعرف ازاي؟
آسر:ملكش دعوي بس لو طلعت بتضحك عليك؟
نور:اللي تطلبه مع اني متاكد انها بتحبني.
آسر:ماشي هنشوف.
رفع آسر راسه ليشرد في ضحكتها الخلابة وعينيها المغلقة ووجهها الذي يلمع مع ضوء القمر يا الهي كم كانت جميلة وخاطفة للعقول.
نور بتهكم:ما تاخد صورة احسن.
آسر بارتباك:ها!
نور:ها ايه لم نفسك يا بابا بدل ما اكسرك.
لم يعطه فرصة للرد بل توجه الي والده يخبره ان يذهبوا لمطعم قريب من البحر للعشاء.
اتجهوا للمطعم وبعد تناول الطعام جلسوا علي رمال البحر الناعمة يتجاذبون اطراف الحديث ويضحكون ولكن نورين كانت بعيدة عنهم قليلا تنظر الي القمر بهدوء جعل آسر يتوجه اليها جالسا بجوارها قائلا بابتسامته المعهودة:سرحانة في ايه؟
نظرت لاسفل بابتسامة صغيرة فكانما كانت تعلم انه سياتي ليجلس بجوارها ثم رفعت عينيها ثانية للقمر قائلة بهدوء وصوت ناعم:بتامل القمر.
آسر بصوت خافت كي لا تغضب:اول مرة اشوف قمر بيعاكس قمر زيه.
سمعته نورين ولم تعلق بل اكتفت بابتسامة ساحرة علي ثغرها وظلا هكذا قليلا يتاملان القمر المتالق في سماء البحر حتي قطع الهدوء رنين هاتف نورين لتجلبه وتجيب ثم تهتف بصدمة:ايه!!!!!
تعليقات
إرسال تعليق