 |
اغتصاب في صمت
الحلقة السادسة:والسابعه
اجابت نورين بصدمة:ايه!
ناريمان ببكاء:والله يا نورين حبساني في البدروم لوحدي وفيه فئران وضلمة ومحدش سامعني ساعديني بالله عليكي.
نورين مهدئة:طب اهدي اهدي انا هتصرف خليكي معايا علي الخط.
آسر بقلق:في ايه يا نورين؟
لم تجبه نورين بل انطلقت لموضع والدها سائلة :بابا معاك رقم نائل؟
امير بدهشة:لا مش معايا.
اصابها الاحباط وزاد القلق ولكن ساعدها نور القائل:انا معايا رقمه.
نورين بسرعة:طب اتصل به بسرعة.
نور باستفهام:ليه؟!
نورين:بسرعة يا نور مش وقته.
كان نور يجلب الاسم بينما قالت نورين:ناريمان انتي معايا؟
ناريمان ببكاء:ايوه بسرعة يا نورين والنبي.
نورين بدموع علي وشك الانهمار:حاضر متخافيش يا حبيبتي طب متصلتيش بنائل ليه؟
ناريمان:مش بيرد عليا يا نورين مش بيرد.
نورين:طب اهدي اهدي يا حبيبتي ها يا نور؟
نور:اهو بيرن.
نورين:طب هات.
اخذت نورين الهاتف والجميع ينظر اليها في تعجب واستفهام وقلق.
لم يجب نائل علي اول اتصالين لانه كان في اجتماع في شركته التي يعمل بها وبالطبع كان صامتا وعندما انتهي الاجتماع واخرج الهاتف وجد ٥ اتصالات من ناريمان واتصالين من نور فاتصل بناريمان ولكن الهاتف كان مشغولا فاتصل بنور لتجيب نورين:نائل؟
نائل:ايوه مين؟
نورين:انا نورين صاحبة ناريمان.
نائل بقلق:خير هي اتصلت عليا بس انا كنت في اجتماع.
نورين سريعا:زهرة حبساها في البدروم.
نائل بصدمة:ايه!
نورين:مش وقته يا نائل ياريت تروح تلحقها.
نائل سريعا:ايوه حاضر.
اغلق نائل الهاتف وركض سريعا خارج الشركة واستقل اول سيارة اجرة وانطلق الي منزله.
في اسكندرية:
نورين:ناريمان ناريمان انتي معايا؟
لم يات نورين رد ولكن الهاتف مفتوح فعلمت انها فقدت الوعي.
نورين بقلق:اكيد اغمي عليها.
نيهال:خير يا نورين في ايه؟
قصت نورين عليهم ما حدث لناريمان لتقول يارا بغضب:ربنا ينتقم منها.
كانت دموع نورين تنهمر فاقترب منها آسر معطيا منديلا قائلا بحزن:اتفضلي.
اخذته نورين لتجفف دموعها منتظرة ان يطمئنها نائل علي صديقتها.
في منزل نائل الطوخي:
زهرة:ايوه حبستها /لا محدش يعرف ولا حد شافني/لما يجي هقوله انها خرجت ولسه مرجعتش/لا متقلقيش كله ت...........
قاطع محادثتها الهاتفية صوت الباب وهو يفتح علي مصراعيه بقوة لتجد نائل حاملا ناريمان الفاقدة الوعي بين يديه وينظر لها بغضب ولم يتحدث بل دلف الي غرفة ناريمان ووضعها علي الفراش ثم خرج غاضبا واتجه الي زهرة ممسكا شعرها بشدة قائلا:بقي انتي يا بنت الكلب بتستهفايني وحابسة اختي وكنتي بتستغفليني الايام اللي فاتت يا بنت الكلب.
لم تدافع زهرة عن نفسها باي شكل بل كانت فقط تحاول تخليص نفسها منه ولكنها لم تفلح فقالت بغضب وبكاء:كددددب انا معملتش حاجة.
نائل بغضب:امال مين اللي عمل يا بنت الكلب.
وانهال عليها بالصفعات والركلات وزهرة فقط تصرخ حتي اتي الجيران علي اصواتهم وحاولوا تخليصها من يديه وحجزوه عنها وقال بغضب:روحي وانتي طالق طااالق طااالق.
نظرت له بصدمة ثم صرخت باكية بينما خلص هو نفسه من ايديهم واتجه لغرفة شقيقته ليجدها واقفة بجوار الباب تبكي في صمت وعندما راته اسرعت بعناقه وحاوطت عنقه بيديها بينما هو حملها ووضعها علي السرير وقال بحنان:بتعيطي ليه يا حبيبتي ؟
ناريمان ببكاء:عشان انت طلقت زهرة بسببي.
مسد علي شعرها بهدوء وقال بابتسامة حنان:لا يا حبيبتي زهرة كانت وحشة وانا كنت مستحملها عشانك انتي بس اللي يقرب منك انسفه انتي اختي حبيبتي انتي اللي تهميني مش حد تاني فهمتي؟
اومات براسها بين احضانه فقبل جبهتها وشدد علي احتضانها مستندا براسه علي راسها.
في إسكندرية :
نوران :خلاص بقي يا نورين عينيكي يا بنتي.
نورين بغضب وبكاء:اقسم بالله لو حصلها حاجة لادفنها والله لاقتلها.
عانقتها نيهال قائلة بحنان:طب اهدي بس يا حبيبتي ان شاء الله مش هيحصل حاجة.
واصلت بكاءها حتي قاطعها رنين هاتفها التي اسرعت بالاجابة:ايوه يا ناريمان انتي كويسة قوليلي حصلك حاجة الزفتة دي عملتلك ايه ؟
ناريمان بابتسامة:ايه يا بنتي بالراحة سيبيني ارد انا كويسة نائل جه لحقني الحمدلله بس....
نورين:بس ايه؟
تنهدت ناريمان قائلة:بس طلق زهرة.
نورين بسعادة:احسن يلا في ستين دهية هي كانت معفنة اصلا.
قالت ناريمان ضاحكة:ههههههه ماشي انا هقفل بقي عشان هي بتلم هدومها واتاكد ان نائل مش هيعمل حاجة.
نورين:اشي يا حبي خلي بالك من نفسك.
ناريمان بابتسامة:حاضر وانتي كمان.
اغلقت نورين الهاتف وقالت بسعادة :يلا نروح وسبقتهم هي بينما نظر الباقون لها بدهشة ليقول آسر في قرارة نفسه:ايه المجنونة دي!
عادوا جميعا الي الفندق وفي اليوم التالي في المطعم:
رزان:خير يا نور في ايه قلقتني؟
نور بارتباك:بصي يا رزان انا عايز اقولك حاجة كنت مخبيها عليكي.
رزان بتعجب:حاجة ايه؟
نور:بصراحة كدا يا رزان انا في اصابة في كتفي اليمين منعاني اني امارس الكاراتيه او اطلق نار وعايزك معايا نبدا من جديد موافقة؟
نظرت له بصدمة قبل ان تصرخ قائلة:اه يا كذاب يا خاين يا مخادع بقي بتكذب عليا وفي الآخر تطلع مصاب معتش تكلمني يا حيوااان يا زبااالة اتفووو.
غادرت هي بغضب بينما نظر الي طيفها بصدمة ليعلم فعلا انها كانت تخدعه وان آسر كان محقا وضع الاموال علي الطاولة واتجه خارج المطعم بالم محطم للنفوس.
في الفندق:
آسر:هو طلب يقابلك فين؟
نوران بتوتر:في نفس المكان الساعة ١١ بالليل.
آسر:ماشي اهدي خااالص انا هتصرف.
نوران بقلق:انا خايفة يا آسر يجرالك حاجة وانت ملكش ذنب دا مش سهل.
آسر:عيب علي فكرة تقولي كدا انا اخوكي ودا واجب عليا اني اساعدك متخافيش ان شاء الله كله هيبقي تمام.
نوران برجاء:ياااارب.
في الساعة الخامسة في مكان شبه مهجور:
آسر:ازيك يا صاحبي؟
آصف:الحمدلله وانت اخبارك ايه؟
آسر:الحمدلله.
آصف:خير في ايه نازلي لما قالتلي انك عايزني استغربت اوعي تكون واقع في مشكلة.
آسر:لا مش انا واحدة معرفة وعايز مساعدتك.
آصف:انت تؤمر.
آسر:الامر لله بص يا سيدي...............................
آصف:آه فهمت طيب سيب الموضوع دا عليا وانا هخلصك منه خالص انت قلتلي اسمه ايه؟
آسر:اسمه محمود الخاطر.
آصف:تمام متشلش هم انت هيبقي في القسم علي الساعة ٩ ومتقلقش كله هيبقي تمام وطمن قريبتك.
آسر:تمام اصاحبي تشكر.
آصف:علي ايه بس يا صاحبي هم العيال دول لازم يتربوا عشان يعرفوا ان دول اخواتهم.
آسر:صح يا صاحبي هستني مكالمتك سلام.
آصف:سلام.
في الفندق :
كان نور يجلس علي طرف فراشه في حزن ليدلف آسر وهو يصفر بمرح وعندما وجد نور هكذا انفجر ضاحكا.
نور بغضب واستياء:بااااس يا آسر مش ناقصك.
آسر وهو يحاول كتم ضحكته:خلاص خلاص سكت اهو بس طلعت بتضحك عليك شفت بقي.
نور:انا كنت مغفل جداااا ازاي ماخدتش بالي.
ضحك آسر قائلا:بصراحة هتطلع ظابط فاااشل.
قذفه نور بالوسادة قائلا بغيظ:اسكت بقي.
في القسم:
آصف بسخرية:ها تحب نوديك كدا ﻻبوك ولا تجيب فيديو البنت بالذوق.
كان موجها كلامه لمحمود الواقف امامه بالقطعة السفلية الداخلية فقط وبجواره فتاة تقف ملتفة بقطعة قماش بيضاء طويلة.
محمود بخوف:لا يا باشا هديهولك بس بلاش ابويا يعرف.
آصف بحدة :ايوه كدا شاااطر فين الاسطوانة بقي؟
محمود:في الشنطة بتاعتي.
آصف بحدة:هات الشنطة بتاعته يا عسكري.
العسكري :اتفضل يا فندم.
اخذ آصف الحقيبة وفتشها فوجد الاسطوانة اخرجها وقال بعدها:فين تلفونك يااض؟
محمود :في البنطلون.
آصف بسخرية:هاتوا البنطلون.
اخذ الهاتف وفتحه ووجد نسخة من الفيديو علي هاتفه فحذفها واعطاه الهاتف قائلا بتحذير:اقسم بالله لو شفتك قريب من بنت بعد كدا لهخليك متعرفش تتجوز فاااهم يلااا؟
محمود بخوف:فاهم يا باشا.
في الفندق وخاصة في ردهة الانتظار:
نوران بقلق:ها حصل ايه؟
آسر بابتسامة مطمئنة:متقلقيش كل حاجة تمام الواد اتقبض عليه والاسطوانة اتحرقت وكل حاجة بقت تمام.
نوران بارتياح:الحمدلله.
ولكن صوت:اسطوانة ايه؟!
آسر بارتباك:طب اسيبكم انا سلام.
غادر آسر بينما كررت نورين السؤال:اسطوانة ايه؟
نوران بتوتر:تعالي هقولك فوق.
صعدتا الي غرفتهما لتبدا نوران بالقص:
محمود دا كان معايا في اعلام القاهرة في اول سنة وكان بيحاول يكلمني بس انا رفضت وضربته قلم وهو بدا يكرهني واتحداني كنت انا بدات احس انه فعلا عايز يضرني باي طريقة فطلبت نقلي لكلية المنصورة في آخر سنة ثانية بس للاسف في آخر الترم الثاني اتفق مع واحدة كان بيمشي معاها وكانت معايا في القسم انها تعزمني علي حفلة عندها كان فيه بنات تانيين بس انا لوحدي اللي العصير وقع عليا بالغلط دخلتني اوضتها وادتني هدوم بيتي البسها علي ما تجفف فستاني بس الحقير كان صورني وانا بغير هدومي بس معرفش يوصلي لاني كنت سافرت المنصورة واخدت سنة ثالثة فيها بس بعتلي رسالة علي الفيس انه عرف مكاني وانه هيكمل انتقامه مني طبعا كنت خايفة بس معرفتش اعمل ايه وفضلت السكوت بس لما جت سفرية اسكندرية اتفاجئت انه عرف معرفش منين وبعتلي صور من الصور اللي معاه وانا في طريق اسكندرية وهددني انه ينشرها لو مقابلتوش باسرع وقت.
استمعت نورين بصدمة الي حديث اختها فكيف لا تخبرها عن كل ذلك ولكنها سالت بهدوء:وآسر كان عارف ؟
نظرت نوران للارض وقالت بتنهيدة:ايوه حتي هو اللي ساعدني.
ربتت نورين علي كتف شقيقتها بحنو ثم شردت في هذا الآسر الذي ساعد عائلتها دون مقابل ما معدنه؟!!!!
في اليوم التالي:
كانوا يحزمون امتعتهم للرحيل ومغادرة عروس البحر ،كانت نورين تنظر لآسر تريد ان تذهب لتشكره علي وقفته بجوار شقيقيها ولكن هناك شيئ يمنعها ما هو؟
حزمت امرها علي الذهاب ولكن استوقفها فتاة تقترب منه بدلال لتقول :ااااسوووور ازيك.
آسر بسعادة:مي يا بنت اللظينة عاملة ايه يابت؟
مي بدلال:كويسة كدا يا اسور متسالش عليا كل دا ايه موحشتكش!
ارتبك آسر وزاد ارتباكه نظرات الجميع اليه وخاصة نوريين.
آدم بابتسامة:ازيك يا مي عاملة ايه؟
مي تبادله الابتسامة:كويسة وانت عامل ايه؟
آدم:تمام.
اقتربت نيهال من يارا لتسالها:مين دي يا يارا؟
يارا بهمس:دي مي بنت عمة آدم.
نيهال بتفهم:آه.
تولي آدم تعريف مي علي الآخرين بينما تركيز آسر علي رد فعل نورين التي تعاملت بطريقة طبيعية مع مي.
مي:ايه دا هو انتم خلاص ماشيين؟
آدم:اه للاسف معلش يا ميوش هنبقي نجي نزوركم.
مي بحزن مصطنع:مااشي هستناك يا آسر سلااام.
غادرت مي بينما استقل الجميع السيارات لينطلقوا الي المنصورة.
بعد يومين:
نورين:ايييه يا بنتي كل داااا حرام عليك دا لورين ذات نفسها تعبت.
نوران :مش لازم اتشيك عشان السنة الجديدة.
نورين:اتشيكي ياختي اتشيكي بس يلا نروح عشان الوقت اتاخر.
نوران:ماشي يلا.
ولكن فجأة ظهر آسر بابتسامته المعهودة:ازيكم.
نوران:ايه دا آسر ازيك؟
آسر:الحمدلله انتم راحين فين؟
نوران:البيت
آسر:طب هاجي اوصلكم
لم يعطهم فرصة للرد بل حمل حقائبهم وسبقهم بينما نظرتا الاثنتان لبعضهما ولحقتا به تتبعهما لورين.
كانوت يسيرون في طريق خالي من الاشخاص وبه انارات خافتة واثناء سيرهم ظهر لهم شخصان يحملان اسلحة بيضاء(خنجران).
الشخص ١:طلعوا اللي معاكوا بدل ما اقتلكم.
رمي آسر الحقائب بغضب وانهال عليه بالضرب وهم الشخص الآخر لانقاذه ولكن نورين:لورين Catch.
اسرعت لورين علي الشخص الآخر وبدات بعضه واثناء العراك بين آسر والشخص الاول كان يناوشه بالخنجر حتي صرخت نورين:آسررررررر.
بقلم/الفتاة الغامضة.
اغتصاب في صمت الحلقة السابعة:
قام الرجل بطعن آسر في جانبه الايسر ليقع علي الارض والدماء تسيل منه بغزارة.
اسرع الرجلان بالفرار بينما اسرعت نوران باتجاه آسر لتر ان الجرح عميق ولكن ليس بدرجة كبيرة.
نوران ببكاء:نورين
نورين بدموع متحجرة في عينيها:لورين Hurt.
اسرعت لورين خلف الرجلين وهي تنبح بينما اتجهت نورين الي احدي الحقائب واخرجت منها حجاب قرمزي اللون واسرعت الي آسر ووضعته اسفل قميصه ضاغطة عليه وقامت نوران بالاتصال بالاسعاف.
آسر بالم:ن نورين.
نورين بدموع:هشششش اهدي هتبقي كويس.
حضرت لورين وحول فمها دماء وهذا يعني انها قامت بالمطلوب.
آسر:نورين انا انا.......
فقد آسر الوعي لتضربه نورين بخفة علي وجنته قائلة بخفوت:آسر.
في المشفي:
يهرول آدم ويارا باتجاه غرفة العمليات ليجد نوران ونورين منتظرتين وكلا منهما يبدو عليها اثر البكاء وسرعان ما اتي امير ونيهال ونور.
آدم بقلق وخوف :في ايه يا نورين ايه اللي حصل آسر ماله؟
لم تجب نورين بل كانت فقط تنظر الي اضاءة غرفة العمليات فقامت نوران بقص كل شيئ عليهم فجلس آدم علي الكرسي وهو يبكي وكانت يارا بجواره تربت علي كتفه بحنو.
خرج الطبيب اخيرا لتتلقاه نورين فقد كانت الاقرب الي الغرفة :
نورين بلهفة:ماله يا دكتور؟
الطبيب خالد:العملية نجحت بس الطعنة كانت في منطقة حساسة واحنا هنخليه في العناية المركزة شوية تحت المراقبة لحد بكرا الصبح عن اذنكم.
نورين بسرعة:طب ممكن نشوفه؟
نظر لها الجميع ولكن اجاب الطبيب:اه واحد بس ومش لفترة طويلة.
اومات نورين براسها ثم قالت:تقدر تشوفه يا انكل آدم.
واسرعت بالمغادرة الي مقهي المشفي بينما دلف آدم بلهفة الي الغرفة لرؤية شقيقه.
لحقت نوران بنورين التي كانت تمسك فنجال القهوة وتنظر امامها بشرود جلست نوران قبالتها وهي تقول بهدوء:بتحبيه؟
نظرت نورين الي الفنجال ثم اجابت بهدوء:لا.
نوران:ليه قلقتي عليه؟
نورين:شخص اعرفه واتضرب بسكينة لازم اقلق اي حد مكانه كنت هقلق بردو.
وقفت نوران وسارت قليلا حتي وقفت جوارها وقالت بهدوء:اي حد غيره مكانتش عينيكي هتدمع عليه ولا كنتي هتخلي لورين تجرح عشانه.
غادرت نوران تاركة نورين تحدث نفسها:
يعني انا بحبه طب وليه لا ما هو باين خالص انه بيحبني لا لا انا مستحيل احبه ومش هحبه ابدا.
اتخذت هذا القرار واتجهت لخارج المشفي واصطحبت لورين ثم اخرجت هاتفها:ايوه يا بابا/انا هروح لورين واجيلكم/لا متبعتش نور انا هروح لوحدي/ساعة هاخد شاور واجي/تمام سلام.
اغلقت الهاتف ثم زفرت بحرارة قائلة:لورين Come.
عادت نورين للمنزل بعد ان اصطحبت لورين للقبو واغلقت عليها ثم ذهبت للمرحاض لتغتسل وتاخذ حماما ثم جلست علي الفراش ممسكة بدفتر يومياتها تدون شيئا سنعرفه فيما بعد.
في المشفي:
استيقظ آسر فوجد الجميع محيط به بعد ان تم نقله الي غرفة عادية لثبات مؤشراته وانه اصبح الآن بخير.
آدم بسعادة:حمدالله علي السلامة يا حبيبي.
آسر بخفوت وضعف:الله يسلمك.
ادار بعينيه يبحث عنها ولكن لم يجدها وهناك من فهمه اقتربت منه وقالت بخفوت:نورين روحت تستريح شوية وهتيجي تاني.
ابتسم ابتسامة حزينة قبل ان يغلق عينيه مرة اخري بالم يتذكر كيف كانت قلقة عليه بعد طعنه.
في منزل امير السميري:
استيقظت نورين لا تعلم متي غفت ولكنها نظرت الي يومياتها ثم اغلقتها ووضعتها بالمكتب مرة اخري وقامت لترتدي ملابسها لتستعد للذهاب الي المشفي للاطمئنان علي آسر او كما تخبر نفسها لتفعل الواجب فقط.
في المشفي:
نورين علي الهاتف:ايوه يا بابا انت فين/كلكم في الكافيه/هو نايم؟/اوك ماشي/شوية وجيالكم.
كادت تستدير وتذهب الي المقهي مع عائلتها ولكن هناك شيئ بداخلها دفعها للتوجه الي غرفته.
دلفت الي غرفته بهدوء ووقفت عند الباب تتامل ملامحه بهدوء.
لم تدري كم مر من الزمن وهي تتامل ملامحه ولكنها استفاقت علي عقدة حاجبيه جراء وقوف ذبابة بجوار عينه اليمني اقتربت من فراشه بهدوء وحركت يدها بجوار عينه وعندما ابتعدت الذبابة بحركة سريعة امسكتها بيدها وضغطت عليها بشدة حتي قتلتها ثم رمتها في سلة المهملات.
عاودت النظر اليه تريده ان يفتح عينيه حتي تتامل جوهرته الفيروزية ولكن لن ينفع ذلك ابدا.
استفاقت علي رنين هاتفها الذي اخرجته سريعا ووجدت ان عيني آسر ترمش كثيرا دليل علي استيقاظه و عندما فتحهما كانت الغرفة خالية تماما تنهد بحزن فحتي الآن هي لم تات للاطمئنان عليه.
في المقهى :
يارا:امال نورين اتاخرت كدا ليه ؟
امير:مش عارف هي قالت انها جاية بقالها عشر دقايق.
نور:اهي جت اهي.
نورين:سلام عليكم.
الجميع:وعليكم السلام ورحمة الله وبركاته.
آدم بابتسامة:اتاخرتي ليه يا نوري؟
نظرت له نورين بحدة قبل ان تقول:اعتقد ان بابا بس هو اللي له الحق يسالني السؤال دا.
نيهال بغضب:نورين في ايه احترمي نفسك.
نظرت نورين لهم جميعا بغضب قبل ان تاخذ حقيبتها ثم تذهب الي المنزل.
آدم:مكنش فيه لزوم يا مدام نيهال.
امير:معلش يا آدم هي تلاقيها بس متضايقة شوية ومتوترة من اللي حصل.
آدم:عادي يا استاذ امير حصل خير.
نيهال بقلق:قومي يا نوران ورا اختك.
نوران بسرعة:حاضر.
نهضت نوران سريعا لتلحق بشقيقتها ولكنها لم تجدها فتوجهت للمنزل.
اسرعت نورين للمنزل ودلفت غرفتها واغلقتها من الداخل واستلقت علي الفراش واخذت تبكي بحرقة حتي دق باب غرفتها وسمعت:نورين حبيبتي انتي كويسة افتحي الباب يا حبيبتي.
نورين ببكاء:سيبيني لوحدي يا نوران.
نوران بتفهم:حاضر يا حبيبتي.
ابتعدت نوران عن الباب فاسرعت نورين الي مكتبها وفتحته واخرجت دفتر يومياتها لتعاود قراءة ما كتبت وهو:
يتبع
البارت الثامن والتاسع من هنا هنا
تعليقات
إرسال تعليق