 |
🌱آمنه 🌱 13_14
عطاء وقسوه
🌴الفصل الثالث عشر والرابع عشر 🌴
في بيت موسي الشهيدي
صحيت كاميليا من نومها علي صوت معتز وهو بيتكلم مع ناس
ندهت عليه عشان تعرف فيه ايه ومين دول
كاميليا : مين دول يا زوز
معتز : دول يا ستي تجار بهايم انا كلمتهم عشان ابيعلهم الجاموسه
كاميليا : ابتسمت بسعاده وقالت بجد
معتز : ايوا منا مش بعرف اخدمها وكمان انتي مش هسمح أنك تنزليلها فهبيعها واريح نفسي
كاميليا : ماشي يا حبيبي روحلهم انت
مشي معتز ووقف كاميليا وفضلت تلف بسعاده وتضحك بهستريا وقعدت علي السرير وقالت :
الطريق بقا مختصر اوووي
____________________________________
في شقة مراد
خبطت نهي عشان تدي صنية الفطار لمراد وطلع هشام
هشام : انتي !!!!
نهي : أنت !!!
انت الضيف اللي ابله أمونه بتقول عليه وانا وقفاله من الصبح بجهزله فطار ياخي طفحته
هشام : أنا شايف المازوت لسه بينقط من لسانك اهو ... ايه ما تتلمي كدا واصطبحي
نهي : ولو مصطبحتش هتعمل ايه
هشام : مسح وشه بغيظ وقال بت انتي اتلمي كدا عشان ممدش ايدي عليكي
نهي : طب جرب كدا وانا هشلوحك
هشام : يابت ابلعي ريقك شويه ... دا ايه الهم دا بس ياربي
في الوقت دا خرج مراد وقال : ايه مالكم صوتكو عالي ليه كدا
نهي : بقي دي اشكال تستقبلها عندك يا ابيه ... قال وابله تمونه تقولي ضيف، العيل دا ضيف
هشام : اصمالله عليكي يا اوزعه ... يلا يابت من هنا ببجامة ميكي اللي انتي لبساها دي
نهي : وانت متعرفش ان القصيرين ربنا اخد من طولهم وزوده في لسانهم ولا ايه ... شكلك عايز تتهزق
هشام : لا انتي ولا عشره زيك يقدروا ينطقوا بكلمه واحده معايا يا اوزعه
نهي : الاوزعه احسن ابو طويله الاهبل
هشام : فعلا صدقوا لما قالو كل قصير مكير
نهي : ونسيت ان كل طويل هابيل يعني اهبل
مراد : بااااااااااااس ... نهار اسوح لو فضلتوا كدا انتو الاتنين كل ما تشوفوا بعض جرالكم ايه ما تتلموا كدا واحترموا وجودي
هشام : اختك اللي مستفزه يا عم مراد
نهي : اصمالله علي لسانك البلسم
مراد : ارقع بالصوت الم عليا الجيران ... مخلاص بقا اتلموا ،
واخد الصنيه من نهي وقال أعملي اتنين شاي مظبوط يا نهي
هشام : لا انا بحبه خفيف شاي وسكر
نهي : انت هتتامر ماتطفح وانت ساكت
هشام : لا انا هسكت عشان مش عايز اهزقك
نهي : تهزق مين يا......
مراد : زق هشام علي جوه وقال ادخل انت وانتي يا نهي يلا اعملي الشاي وهاتيه
مشيت نهي ودخل مراد وهشام يفطروا
هشام : اقسم بالله انا سكتلها عشانك ... ايه دا يا ابني أمك كانت بترضعها ايه دبش ولا ربتها ازاي دي
مراد : اتنهد بحزن وقال . للاسف أمي توفت بعد ما ولدت نهي علطول
هشام : عشان كدا متربتش بقا
مراد : مسكه من ودانه وقال . واد انت اسمع الا نهي وأمل حد يغلط فيهم ... فاااااهم
هشام : منتا مش شايف عملت فيا ايه
مراد : ضحك وقال معلش ان شاء الله الامور تتصلح بينكم وتحترمك
هشام : ولا تحترمني ولا تتنيل يا عم ... صباح الخير يا جاري انت في حالك وانا في حالي
مراد : طب اقعد افطر يلا
____________________________________
عند نهي
دخلت وهيه متعصبه من هشام جدا وعماله تنفخ وتشتم في سرها
شافتها آمنه وهيه مضايقه قامت وراها وقالت : ايه اتخانقتوا تاني
نهي : علي فكره بقا هو قليل الادب
آمنه : انا مرضتش اقولك انه هشام ممكن مكنتيش توافقي
نهي : أيوا مكنتش هوافق طبعا ... المهم ابيه مراد عايز شاي
آمنه : طب هعمله ووديهلهم ... بس هشام بيحبه خفيف
نهي : هو هيتشرط
آمنه : نونه يا حببتي ارجوكي اهدي شويه كدا واعرفي انا مينفعش اروح عندهم عشان أمي متعرفش ان هشام هنا .... وكمان اوعي تغلطي وتقولي للاولاد ، دول روحهم في هشام هيجروا عليه
نهي : آاااااه يعني مطلوب مني اروحلهم بالشاي كمان
آمنه : بالظبط كدا
في الوقت دا سمعوا صوت وفاء بتنده لآمنه
آمنه بصت لنهي وقالت : اعمليلهم انتي الشاي معلش يا نونه
نهي : حاضر
خرجت آمنه وبدات نهي تجهز في الشاي
____________________________________
في شقة حازم ودعاء
صحيت دعاء من نومها بدري وبدات تجهز الفطار لحازم قبل ما ينزل شغله
حازم : صباح الخير يا دعاء
دعاء : صباح الخير يا حازم ... انت واخد شنطه معاك ليه
حازم : للاسف هبات في الشغل النهارده
دعاء : هتبات ازاي طب وانا وتالا .. هنبات لوحدنا
حازم : معلش يا حببتي غصب عني... وبعدين منتي كنتي بتباتي لوحدك في البلد برضو
دعاء : ايوا عشان كان حواليا ناس اعرفهم ... انما هنا انا معرفش حد وهخاف
حازم : معلش ... انتي اقفلي علي نفسك كويس انتي وتالا ومتفتحيش لأي حد خالص وانا هحاول اننا مباتش تاني
دعاء دموعها نزلت وسكتت
حازم : بتعيطي ليه بس دلوقتي
دعاء : حاسه ان ربنا بيعاقبني بذنبها يا حازم ... حاسه اننا جيت عليها اووي... وحشتني اوي
حازم : ومين قالك أنها مش وحشاني ، دي وحشتني اوي والله هيه واولادها وامي ... واتنهد وقال يمكن ربنا كاتبلنا في يوم نتجمع كلنا تاني زي زمان
دعاء : بتمني . يارب يا حازم ... نفسي اوي نتجمع
____________________________________
في شقة مراد
كان بيفطر هو وهشام ودخلت نهي بالشاي وقالت : اتفصلوا
مراد : تسلم ايدك يا نونه
هشام : بقرف . شكرا
ومسك كوباية الشاي بتاعته واخد منها بوق ورجعه تاني وقال : استغفر الله العظيم... ايه دا يا بنتي عملالي بيبي ساخن
مراد : سمع الكلمه طرطش الشاي علي وش هشام ومكنش عارف يتحكم نفسه من الضحك
هشام : أيه القرف دا انت كمان ... انتو جايبيني هنا تهزقوني
مراد : ههههههههههه سوري يا اتش هههههههههه
نهي : انت بتضحك يا ابيه وهو بيتريق عليا
مراد : هههههههههههه مش قادر يا نونه بصراحه
هشام : لا انا مبتريقش ... الشاي فعلا طعمه يقرف
نهي : مش انت اللي طلبته خفيف
هشام : خفيف آه بس مش للدرجادي وكمان مش سخن ليه
نهي : والله دا اللي عندنا اذا كان عاجبك
مراد : هههههههههههههههه
هشام : ما تبطل ضحك انت كمان ورد عليها ... ولا ترد ليه قوم ارزعها قلمين
نهي : قلمين !!! لا دا القلمين دول انت اللي هتاخدهم ... انت هتسوق فيها ولا ايه يا جدع انت
مراد : حاول يتحكم في نفسه وقال . خلاص يا نهي روحي انتي
مشيت نهي وهيه وهشام بيبصوا لبعض بنظرات غيظ
هشام : انت كنت بتضحك علي ايه
مراد : قوم ذاكر وبطل كسل يلا ... انا نازل الشغل
هشام : طب لو احتجت حاجه
مراد : متخافش هييجو يطمنوا عليك كل شويه يلا سلام
دخل مراد لوفاء في بيته وقال : مش محتاجه مني حاجه يا حاجه وفاء
وفاء : تسلم يا ابني متحرمش منك
مراد : بعد اذنكم
مشي مراد وهو متجاهل آمنه تماما بس هيه راحت وراه وقالت : مراد
مراد : وقف مكانه ومن غير ما يبصلها قال نعم
آمنه : انا كنت محتاجه منك طلب
مراد : طلب ايه
آمنه : وانا اخدت ايه من وشك لما تديني قفاك ... ما تلف كدا وكلمني زي البنآدمين
مراد : بصلها وقال أمم .. خير
آمنه : اتنهدت وقالت انا عايزه ارفع قضيه علي معتز وأطالبه بحقي وحق اولادي ... وكمان يعمل اعلان وراثه ويشوف حق هشام ويديهوله
مراد : انتي متاكده من خطوه زي دي
آمنه : ايوا متاكده
مراد : طب والمطلوب مني
آمنه : عايزه محامي كويس يمشيلي في القضيه دي
مراد : تمام بس دا هيحتاج منك توكيل
آمنه : مفيش مشكله هعمله
مراد : ماشي .... حاجه تاني
آمنه : آه .. عايزه أبلغك اننا نازله البلد بس لسه محددتش الوقت
مراد : ليه ؟؟
آمنه : دي حاجه تخصني بقا أنا حره
مراد : بعصبيه . اسمعي طول ما انتي معايا هنا مش حره .. فاااهمه مش حره يا آمنه وكويس أننا استحملت اللي حصل قدامي امبارح دا وقولت ظروف ياواد وعديها .... لكن ان اتكرر تاني حضنك لهشام دا متسالنيش عن اللي هعمله فاااهمه .... انتي حضنك دا ملك ليا وبس ، ومن هنا لحد ما توافقي مش مسموح لحد غير اولادك يجربوه غير كدا لأ فاااااهمه لأ... وسابها ومشي
آمنه : عقدت حواجبها وقالت ايه الجنان دا بيتكلم زي ما يكون جوزي
____________________________________
في مديرية أمن القاهرة
كان مراد في مكتبه مع سامح وحكاله عن اللي حصل وكالعاده سامح بيضحك
سامح : ههههههههههههه
مراد : بغيظ بتضحك عليا يا سامح
سامح : خلاص خلاص متزعلش ... بس بصراحه شخصيتها غريبه اوي ، لأ ومطلعه عينك وعلي قلبك زي العسل
مراد : اتنهد وقال سيبك مني وقولي هنسافر امته
سامح : المفروض بعد اسبوع ... بس فيه حاجه عايز اعملها قبل ما اسافر
مراد : إيه هيه
سامح : عايز اكتب كتابي علي فتون قبل ما اسافر
مراد : أتنهد وقال ليه يا سامح ... انت متعرفش احنا هنرجع ولا لأ ... لو لاقدر الله مش هنرجع هتسيبها ارمله كدا
سامح : مش عارف يا مراد بس حاسس اني محتاج لحاجه تقويني اني احافظ علي نفسي عشانها ومش هلاقي افضل من الحاجه دي ... مراتي
مراد : طب كلمت عم صابر في الحكايه دي
سامح : آه كلمته ومعندوش مانع
مراد : خلاص اللي تشوفه .. معنديش غير أننا أباركلك
سامح : اعمل حسابك هتشهد علي العقد
مراد : طبعا من غير ما تقول
سامح : طب وأمونه هتيجي
مراد : ما تلم نفسك ياعم انت امونه ايه اسمها ام سيف .... عموما هقولها
سامح : أنت بتغير مني انا كمان ولا ايه
مراد : أيوا بغير من أي حد عليها .... دي أمونه يا سامح
سامح : طب ركز بقا في المطلوب للمهمه......
____________________________________
مر اليومين وخلص هشام امتحاناته ورجع من تاني معاهم
وفاء : الحمد لله اني اطمنت عليك يا حبيبي ... تعرف مغبتش عن بالي لحظه ، خفة دم نهي وشقاوتها كانت دايما بتفكرني بيك
هشام : وملقتيش إلا دي وتشبهيني بيها ياأما
نهي : بهدوء مصطنع . اخص عليك يا استاذ هشام ... ليه الغلط دا بس احنا اهل
هشام : انتي عندك فصام يابت
نهي : مش هرد عليك عشان انا ذوق ومحترمه شوفت ازاي
آمنه : ا.ا المهم انك رجعت من تاني وعشت معانا يا اتش
أمل : منورنا يا هشام
وفاء : طمني علي حازم ودعاء وتالا يابني عاملين أيه
الكل بص لبعضه وسكتوا ومش عرفوا يردوا بايه.......
هشام : ك.ك.كويسين ... كويسين ياأما
____________________________________
بعد مرور اسبوع
كانت وصلت آمنه للموقف وكانت راكبه العربيه مع مراد
مراد : انا مش عارف ليه مش عيزاني اوصلك لهناك وخلاص ليه بس
آمنه : هتوصلني بصفتك إيه يعني مش عايزه جنان
مراد : نفخ بزهق وقال ماشي بس لما تخلصي كلميني عشان آجي آخدك من الموقف ... وآه إعلان القضيه هيوصل لمعتز النهارده علي الشغل زي ما طلبتي
آمنه : متشكره اوى يا مراد علي وقفتك جنبي
مراد : عالله يطمر
آمنه : ابتسمت وقالت لا هيطمر فيا متخافش انا مش قليلة الاصل
مراد : طب انا أعمل ايه بس بعد الضحكه الحلوه دي
آمنه : نزلت وهيه بتضحك وقالت سلام
مراد : خلي بالك من نفسك... واتنهد وقال آه يامن هواه اعزه واذلني ، دا ذلني ذلة الكلاب والله
____________________________________
في بقالة صابر
كان صابر قاعد قدام البقاله وحاسس ان فرحته مش كامله عشان آمنه مش موجوده
حس بحد بيخبط علي كتفه ، رفع وشه لقاها آمنه ... فضل يغمض ويفتح في عيونه عشان يتأكد
آمنه : مش بتحلم يا راجل يا طيب انا أمونه فعلا
صابر : أ.أ.أمونه بنتي واخدها في حضنه وكان فرحان جدا
أما آمنه كانت حاسه انها لقيت أبوها وفضلت تعيط في حضنه زي العيل الصغير ..... وبعد وقت خرجها من حضنه وقال :
صابر : تعالي يابنتي اقعدي ... واحكيلي حصل معاكي إيه من يوم ما مشيتو من هنا
آمنه : مسحت دموعها وقالت الحكايه طويله اوي هتسمعني
صابر : انا مشتاقلك اوي وعايز اسمعلك ... ها احكيلي
بدأت آمنه تحكيله عن كل اللي حصل معاها من وقت ما مشيت لحد آخر كلام بينها وبين مراد
آمنه : بس هو دا اللي حصل
صابر : طب وموافقتيش ليه يا بنتي لحد دلوقتي
آمنه : هقولك يا عم صابر انا موافقتش ليه لحد دلوقتي ................
____________________________________
عند بنات صابر
كانوا كلهم قاعدين مع بعض وفرحانين بلمتهم مع آمنه وكمان نورا
آمنه : كنتوا واحشيني اوي يا بنات
نورا : احنا اللي كنا هنتجنن عليكي والله
فتون : بجد يا امونه فرحتي بكتب كتابي دي متجيش حاجه جنب فرحتي انك جيتيلي مخصوص عشان تفرحيني
بدور : بس انتي عرفتي ازاي يا امونه ان النهارده كتب كتاب فتون
صابر : الله !! انتو قاعدين تستجوبوها كدا ومش هتغدونا ولا إيه
نورا : آه يلا نتغدي بقا عشان عايزه اروق البيت ..... عم صابر متنساش تيجي بكره انت عارف انا بعتبرك في مقام ابويا
صابر : يابنتي انا طبعا متأخرش عنك بس أعمامك مش هيزعلوا
نورا : منتا عارف الي فيها يا عم صابر هما كدا كدا مقطعينا ومش هيكلمونا تاني
آمنه : قوليلي يا نورا .. انتي مقتنعه برائد
نورا : ابتسمت وقالت انا صليت استخاره ومن وقتها وانا مرتاحه اوي ومنتظراه ييجي بصراحه
بدور : البت واقعه
نورا : بس يا بتاعة هيما خليكي في حالك
فتون : تعالي يا أمونه عايزه اوريكي الفستان بتاعي
اخدت فتون آمنه لاوضتها واخدت بدور نورا معاها المطبخ
وبعد شويه الكل اتجمع علي الاكل بفرحه وسعاده
____________________________________
في النيابه العامه
كان معتز في شغله في مكتبه ودخله العسكري يبلغه بوجود محضر من المحكمه بره
معتز : خليه يدخل
دخل المحضر ومضي معتز وسلمه الجواب ومشي
وطبعا اتفاجئ بأن آمنه رفعت عليه قضيه تطالب بحقها وحق اولادها وكمان هشام بيطالب بورثه
كان قاعد علي الكرسي مصدوم ومش متخيل انها توصل لكدا
____________________________________
في بيت راضي الشهيدي
كان نادر بيكلم أمل في اوضته وكان قاعد معاه ابراهيم
نادر : طب مش هنحدد خطوبتنا بقا
أمل : إيه .. آه ... آه طبعا بس شويه كدا لما اطمن علي نتيجتي
نادر : طب منا قولتلك هجبهالك من الكنترول بس انتي اللي منشفه دماغك
أمل : خلاص بقا يا نادر قولتلك خليها ابيه مراد هيجبهالي زي كل سنه انا بتفائل بيه
نادر : يعني انا مش متفائله بيا .. اخص عليكي يا أموله
أبراهيم : بصله بسخريه وقال يا تقل دمك
نادر : وانت مالك يا جدع انت .. اجري روح كلم دودي بتاعتك
ابراهيم : مشغوله مع فتون عشان كتب كتابها
نادر : عقبالنا انا وانت يارب
ابراهيم : يارب
في الوقت دا سمعوا صوت حد بينده عليهم
نادر : إيه دا .... مش دا صوت أمونه
ابراهيم : آه فعلا
أمل : امونه !!!
نادر : طب هقفل معاكي يا حببتي اشوف هيه ولا لأ
أمل : بتوتر . م.م.ماشي
قفل معاها وخرج هو وابراهيم يشوفوا مين وفعلا كانت آمنه
ابراهيم : دا ايه المفجأه الحلوه دي اتفضلي
آمنه : تسلم يا هيما ... انا بس جيت اسلم عليكو وابارك لنادر علي خطوبته بنات عمي صابر هما اللي قالولي
نادر : الله يبارك فيكي يا أمونه ... بس قوليلي انتي فين
آمنه : متشغلش بالك ... انا معايا امي وهشام واولادي
في الوقت دا خرجت فايزه وقالت بترحاب مصطنع : يا مرحب يا مرحب اتفضلي
آمنه : شكرا يا مرات عمي ... انا بس جيت اسلم عليكو ... اومال فين شيماء
فايزه : أصلها نايمه شويه ... اصلها حامل
آمنه : حامل علي البت ... الله يكون في عونها
فايزه : متكبريش الموضوع كدا ، عادي يعني منا حملت في نادر علي ابراهيم علي الاربعين ... ومحصلش حاجه والاتنين تمام
آمنه : انا اقصد عليها هيه ...شيماء اللي هتتعب
فايزه : لا لو جه ولد مش هخليها تتعب ومش هحسسها بتربيته اصلا
آمنه بصتلها واتنهدت وقالت : طب ابقي بلغيها سلامي بقا بعد اذنكم
وسلمت عليهم ومشيت ..... بس وهيه خارجه من الشارع خبطت في معتز وهو داخل بيتهم
معتز : آمنه !!! انتي كنتي عندنا
آمنه : وانا اروح عندك ليه ... المكان اللي فيه حيه زي كاميليا مدخلوش تاني ... اتفرقتوا يا معتز خلاص ، سمعت كلامها وطردت أخوك من بيته ... هان عليك هشام يا معتز وانت بتطرده ، ولا هان عليك حازم وانت بتقوله ان اخوك مات .... انت ايه ياخي
معتز : زي ما انا هونت عليكي وبطالبي بحقك وحق الاولاد دلوقتي بعد العمر دا كله
آمنه : انت قولتها اهو ... حقي وحق اولادي ، ومش هسيبهم لعقربه زي كاميليا تتهني بيهم يا معتز فااااااهم وسابته ومشيت
دخل معتز لبيته وهو مهموم ومش عارف يعمل ايه
كاميليا : مالك يا زوز جاي زعلان ليه كدا
معتز : يظهر ان كلامك صح يا كوكي ومبقاش لينا لازمه نقعد هنا
كاميليا : ليه حصل ايه
معتز : اتنهد وقال للاسف آمنه وهشام طالبين ميراثهم
كاميليا : ميراثهم !!! وهو الست آمنه دي ليه ميراث ايه ان شاء الله
معتز : للاسف ليها ... وليها كتير أوي وكمان ورثها من عبدالرحمن وورث اولادها
كاميليا : بعصبيه . يعني اييييييه .... حتة بتاعه زي دي عايزه تهدلي كل اللي بخطط ليه
معتز : تخططي ليه !!! ايه اللي بتخططي ليه دا
كاميليا : أن كل حاجه تبقي من حقك انت وبس
معتز : وقف وقال ... ا.ا.ازاي يعني يا كاميليا ، طب وورث اخواتي ... ايه هاكلو عليهم
كاميليا : مسكت ايده وتصنعت الهدوء وقالت : اسمعني كويس يا حبيبي ... دلوقتي الكل سابك وباعك ومحدش قدر قعدتك في بيتك عشان تراعيه وتاخد بالك من الارض .... يبقي كل حاجه من حقك انت ، مش من حقهم ، وبعدين مش كل واحد ساب البيت ومشي وشاف طريقه.... خلاص احنا كمان نشوف طريقنا ونلحق نبيع كل حاجه ونسافر علي بره
معتز : طب وتفتكري أمونه هتسكت
كاميليا : بتفكير . انا عندي ليك فكره هتخلصنا منها للأبد، ومش بس كدا ... لا دا كمان ممكن نساومها ببراءتها مقابل التنازل
معتز : براءتها !!! ليه انتي بتفكري فيه ايه
كاميليا : اسمع يا حبيبي ..............
____________________________________
في اليوم التالي
كان مراد في مكتبه ودخله عسكري يبلغه بوجود معتز واذنله بالدخول
مراد : اتفضل يا معتز .... خير
معتز : انا جايلك في مشكله وانت الوحيد اللي ممكن تساعدني فيها لانها حساسه شويه
مراد : اتفضل قول
معتز : انا جاي ابلغ عن مرات اخويا عبدالرحمن ... سرقت اكتر من 50 الف جنيه وهيه ماشيه
مراد : اتصدم وقال نعم!!!
معتز : بتصنع الزعل . للاسف يا مراد دا اللي حصل ... وانا مقدرش آآمن حد علي سر زي دا
مراد : أحممم ... ط.ط.طب انتو عرفتو مكانها فين
معتز : لأ معرفوش .. اومال انا جايلك ليه
مراد : مش فاهم برضو أنا هعملك ايه وانت مش عارف مكانها
معتز : منا عاوزك تدور عليها
مراد : يعني عايز نفتحلك محضر رسمي ، ولا اعمل ايه
معتز : أعمل اي حاجه المهم تجيبها
مراد : حاضر يا معتز
وقف معتز وسلم عليه وقال : مش عايز اوصيك يا مراد الموضوع يفضل سر بينا
مراد : ان شاء الله
خرج معتز وقعد مراد علي الكرسي ومسك دماغه بأيده.
دخل عليه سامح وقال : ايه يا بوص معتز كان عندك بيعمل ايه
مراد : بعصبيه . الحيوان جاي يتهم آمنه انها سرقت فلوس ... شوفت حقارته وصلت لفين
سامح : طب اهدي بس ... هتعمل ايه هتبلغهم
مراد : مش عارف يا سامح ، انا مش عارف افكر اصلا ... بس كل اللي عارفه ان آمنه لازم تبقي مراتي في أقرب وقت ، وانا غلطت اننا اللي رفضت لما هيه وافقت ... لازم تبقي معايا عشان اعرف احميها منهم كويس اوي
وانت يامعتز انت والحربايه مراتك والله لهتشوفوا مني ايام سودا
سامح : طب هتنجز الخطوه دي امته ... انت لازم تتجوزها في اقرب وقت
مراد : اول ما ارجع من المهمه ان شاء الله هكتب عليها ... بس مش هعرفها اللي حصل دا علي الاقل دلوقتي، ولما ارجع هقولها عشان توافق
____________________________________
في بيت فتحي الباز
كان معاد رائد انه يزور اهل نورا
بعد ما الكل قعد معاه واتعرف عليه .. الكل قام وسابهم مع بعض لوحدهم
نورا كانت بتبص علي الارض ومكسوفه جدا
رائد : كام مقاس السجاده يا آنسه نورا
نورا : رفعت وشها وقالت إيه!!
رائد : ضحك وقال أصلك باصه للارض يعني من وقت ما سابونا لوحدنا .. فبفتكرك بتصوريها
نورا : ابتسمت بخجل وسكتت ... أنت ليه قولت لكمال اخويا انك متعرفنيش
رائد : لان انا فعلا معرفكيش ... انا كل اعرفه عنك هو اسمك وبس ، حتي دا عرفته من أمونه وهيه بتنده عليكي ...
وعشان كدا جاي النهارده اتكلم معاكي ونتعرف علي بعض ... وحاسس ان هيكون فيه قبول ان شاء الله
نورا : ابتسمت وقالت عايز تعرف إيه
رائد : عايز اعرف مين اصحابك وعايشه حياتك ازاي وكل حاجه
نورا : اوكي .. بص يا سيدي انا اسمي نورا فتحي عندي 21 سنه متخرجه من معهد فني تجاري ... واصحابي هما فتون وبدور بنات عمي صابر اللي اتعرفت عليه هنا ... وبس
رائد : انا بقا يا ستي اسمي رائد غانم عندي 33 سنه وكنت ظابط حربيه بس استقلت عشان امي كانت بتخاف عليا من العمليات اللي كنا بنطلعها .... فاستقلت ومسكت شغل ابويا اللي هو هايبر ماركت .. وعندي اخ واخت توأم في الجامعه اسمهم إسلام وريم
نورا : ربنا يخليكم لبعض .... واتنهدت وقالت: هو انت ليه مسألتنيش اذا كنت حبيت حد قبلك ولا لأ
رائد : عشان انا ميهمنيش حياتك قبل ما اعرفك كانت ازاي .... ثم طبيعي ان أي حد بيجي عليه فترة المراهقه وبيحب فيها ، ولو حد قال لأ محبتش فيها يبقي كداب
وبعدين انا مش ملاك برضو عشان أكون معنديش اخطاء او ذنوب احنا بشر مش ملايكه
نورا : ابتسمت وقالت طب اشرب البيبسي
رائد : يبقي اتفائل من بعد الكلمه دي ... عقبال ما نشرب شربات خطوبتنا وغمزلها
____________________________________
مر يومين كمان وجه معاد سفر مراد
كانت امل ونهي منهارين طبعا وخايفين عليه جدا ومكانوش راضيين يسيبوه
مراد : كان واخدهم في حضنه وبيطبطب عليهم
مراد : خلي بالك منهم يا هشام ... انت الراجل مكاني هنا
هشام : سافر مهمتك بالسلامه ومتقلقش علي اخواتك ... في عيوني
آمنه : متقلقش عليهم يا مراد ... انا معاهم
مراد : بصلها بسخريه وقال . الا ما دمعتيها حتي ... ايه السعك ولا ارزعك قلمين عشان تمثلي الدموع
آمنه : ابتسمت وقالت تروح وتيجي بالسلامه
سامح : يلا يا مراد اتاخرنا
مراد : يلا وسلم عليهم ومشيوا
____________________________________
مر اكثر من اسبوعين
كانت نهي عايزه تروح عيد ميلاد صحبتها واستاذنت من آمنه وأمل
آمنه : مينفعش تروحي لوحدك يا نهي
أمل : ايوا فعلا ... لو مراد كان هنا كان وصلك وجابك
نهي : طب انا وعدتها اننا هروح والنبي هروح شويه صغيرين ومش هتأخر
آمنه : ماشي بس هشام يروح معاكي
هشام : مين ... لاااااا انتو تآمنوا عليا امشي معاها لوحدي ، دي ممكن تاكلني
نهي : لا حوش انا اللي هموت عليك وعلي وسامتك عشان تيجي معايا
هشام : وانتي تطولي يا اوزعه
نهي : واطول اطول منك كمان ... انت مفكر نفسك هاني رمزي
هشام : أنا احسن منه
نهي : علي إيه يعني دا انت .....
آمنه : بااااااااااس ... آخر كلام يا نهي لو عايزه تروحي هشام يروح معاكي ويستناكي تحت البيت لحد ما تخلصي ويرجع معاكي
نهي : بصتله بقرف وقالت امري لله
هشام : لا هتتعقصي عليا هطلع روحك
نهي : طلعت روحك يا بعيد انا داخله البس . اتنيل البس انت كمان ويلا ...وسابته ومشيت
هشام : ربنا ما يحرمك من المازوت اللي في لسانك دا
أمل : امسحها فيا يا اتش
وفاء : بطلو غلبه بقا ويلا اجهز وخلي بالك منها .. دي أمانه في رقابتك
هشام : يتحش رقبتها البعيده .. وسابهم ومشي عشتن يجهز
آمنه : مش عارفه دول لو مولودين فوق روس بعض مش هيكونوا كدا
وفاء : ربنا يهديهم ... لسه مخهم صغير
وبعد شويه جهزت نهي وهشام ولسه هيمشوا
آمنه : متتاخريش يا نهي ... وانت يا هشام خلي بالك منها
هشام : حاضر يا امونه .. سلام
بعد شويه
كان وصل مراد وسامح تحت بيتهم بالعربيه
سامح : حمدالله على السلامه يا بوص
مراد : حبيبي يا سامح ... هتطلع معايا
سامح : لا لا اطلع فين انا عايز انام
مراد : طب تعالي طلعلي الشنطه والنبي مش قادر اشيلها وكمان شنطة عربيتك رخمه اوي
سامح : نزل وقال آااااه يا ضهري ... الواحد محتاج جلسة مساج من ايد تونه تفك ضهري
مراد : هههههههههه لا صايع يلا .. اخلص هات الشنطه
نزل سامح ولسه بيلف ... بس كان اتنين راكبين موتوسيكل وواحد منهم موجه مسدس علي سامح
مراد : حاسب يا سامح ... وجري زقه بعيد
سامح : مراااااااااااااد
عذرا للخطا الغير مقصود نزلت الصورة بدون الفصل امبارح
🌱آمنه🌱 14
"عطاء وقسوه"
🌴الفصل الرابع عشر🌴
تحت بيت مراد عزام
نزل سامح ولسه بيلف عشان يجبله الشنطه ... بس كان اتنين راكبين موتوسيكل وواحد منهم موجه مسدس علي سامح
مراد : حاسب يا سامح ... وجري زقه بعيد
سامح : مراااااااااااااد
ضربوا رصاصه جت في دراع مراد
سامح : جري عليه بسرعه وقال بلهفه . أ.أ.أنت كويس يا مراد .. طمني فيك حاجه
مراد : بألم . لا لا متقلقش الحمد لله دي جت في دراعي بس مفيهاش حاجه
سامح : طب يلا بسرعه نروح المستشفي
مراد : بألم واضح . ي.ي.ياريت لاني حاسس أننا بنام من الالم
شاله سامح وركبه العربيه تاني ومشيوا راحوا للمستشفي
وبدأ الدكتور يعمله الاجراءات الطبيه اللازمة
____________________________________
عند نهي وهشام
وصلت نهي عند بيت صحبتها ولسه هشام هيطلع للعماره معاها
نهي : انت رايح فين
هشام : طالع معاكي
نهي : طالع معايا فين انت كمان .. انت عبيط ياله ولا عندك خال اهبل
هشام : يابت لمي نفسك أنا جاي معاكي احرصك ، خلي عندك دم
نهي : اترزع هنا بقولك علي ما اطلع احضر عيد ميلادها وانزل .. عقبال ما احضر جنازتك
هشام : عقبال ما نحضر جنازة لسانك يا شيخه
في الوقت دا جت عليهم صاحبة نهي وكانت اسمها دنيا
دنيا : هاي يا نونه ... واقف ليه كدا
نهي : بلا كنت طالعه اهو
دنيا : بصت لهشام وابتسمت وقالت مش تعرفينا يا نونه مين الجنتل دا
هشام : تسلمي يا مزه .. وبص لنهي وقال شايفه المزز اللي بتفهم ، يعني مزه وذكيه مش زيك
نهي : اتلم احسنلك ومسكت ايد دنيا وقالت يلا يا دنيا
دنيا : شدتها وقال بس استني بس .. مين دا بجد
نهي : دا البادي جارد بتاعي ، خلاص بقا
دنيا : واوووو هو فيه بادي جارد مز وصغير كدا ... بيجيبوه منين دا
هشام : دا حجم جديد لسه منزلينه السوق ، ولو مشي ان شاء الله فيه دفعه تانيه هتنزل وكلها مزز وصغيرين زيي كدا
دنيا : هههههههههه دمك خفيف اوي ... انت اسمك إيه
هشام : اسمي هشام او اتش اللي يعجبك يا عسل
دنيا : اتشرفت بيك يا هشام ... انا دنيا
هشام : أسم علي مسمي وغمزلها
نهي : اجبلكوا اتنين ليمون ولا حاجه
هشام : باستفزاز. واتنين شاليموه كمان مع الليمون عشان موقعش علي نفسي
نهي : طبعا منتا فلاح وجاي من الفلاحين
هشام : احسن من البندر واخلاقهم سفاحين
دنيا : ههههههههههههه الله انتو كوميديان خالص
نهي : ما تخلصي بقا خلينا ننجز
دنيا : بص يا اتش انا هحضر عيد الميلاد وهنزل مع نهي تاني ، مش انت هتفضل موجود
هشام : واحتمال لما تطلعي تلاقيني موجود برضو
دنيا : ههههههههه عسل . عسل
نهي : بصل . بصل
هشام : بص لنهي وقال مازوت . مازوت .... يلا بسرعه ومتتاخروش
دنيا : اوكي باااي
نهي : يلا بقا يا دنيا واخدتها وطلعوا لصحبتهم
____________________________________
في بيت مراد عزام
كانت آمنه واقفه في البلكونه سرحانه وطلعت امل تقف معاها
أمل : الجميل سرحان في إيه
آمنه : ابتسمت وقالت أبدا مفيش .. بس حسيت أننا زهقانه فقولت اطلع اشم شوية هوا
أمل : هتضايقي لو غلست عليكي ووقفت معاكي
آمنه : ابتسمت وقالت بتستاذني من بيتك يا أمل
أمل : وهيبقي بيتك أن شاء الله ... بس انتي تليني دماغك
آمنه : اتنهدت وقالت قولي يارب .... المهم نادر اخباره ايه
أمل : انا مكنتش بكلمه دي دعاء اللي كانت بتكلمني
آمنه : وهيه عامله ايه وحازم وتالا
أمل : تعبانه اوي في بعدك يا أمونه بصراحه .... صدقيني دعاء بتحبك اوي ، ويمكن تكون غلطت لما اتفقت معاهم ، بس دا من حبها فيكي
آمنه : مهو اوقات لما تحبي حد بزياده الحب دا بيتقلب ضدك ... يحسسك انك ملكه وبس مينفعش تبعدي عنه
واتنهدت وقالت : بصي يا أمل الحب يعني عطاء ، يعني مش ينفع انتي تحبي ومتلاقيش حب مقابل .... هتحسي انها انانيه من الطرف التاني
يعني انتي مثلا لو نادر قالك لازم نعيش مع اهلي ... وانتي ليكي حرية الاختيار رايك هيكون إيه
أمل : هوافق طبعا ، ودا لاني بحبه ومستعده اعيش معاه في اي مكان ، ولاني كمان عرفاه هيحترمني وهيعملي كرامه مع اي حد
آمنه : بتحبيه .... يعني عندك مبدأ العطاء ، وانتو الاتنين كل واحد فيكم بيعمل حاجه للتاني عشان عارف التاني هيقدرها وهيعمله اضعافها
لكن أنا للأسف.. انا عطيت كل حاجه ليهم ومكنتش منتظره منهم حاجه ... انا كل اللي كنت منتظراه هو راحتهم وبس ، أنا لو كنت عايزه اسيبهم واشوف حياتي كنت وافقت علي اي حد جالي من بعد جوزي الله يرحمه وآخرهم مراد لما اعترفلي بحبه وطلبني للجواز ، لكن انا موافقتش وأقنعت نفسي اننا ليهم الام والاب بعد ما حماتي اصبحت شبه كفيفه
يومها مراد قالي كلمه لحد دلوقتي بترن في وداني .... قالي مش كل الحب اللي بنعطيه بناخد مقابله حب ، اوقات بناخد مقابله أنانيه واستبداد
واتنهدت بوجع وقالت : وللاسف كلامه كان صح جدا
أمل : أن شاء الله كل حاجه هتتحل ... هيه بس لو كاميليا بنت عمتي تبعد عنكو ، والله هتبقوا كويسين
آمنه : مرتحتلهاش من اول مره شوفتها فيها واحساسي طلع صح
ساب واحد جارتنا كانت بتعشقه وبتتمني تراب رجله عشانها ... بس ربنا عوضها بواحد احسن منه مليون مره
أمل : وأنتي كمان يا أمونه ربنا عوضك بمراد اخويا ... مش عشان أخويا والله بس فعلا مراد كويس اوي وانا حبيتك اوي واتمني توافقي بقا
آمنه : اتنهدت وقالت قولي يارب
____________________________________
في المستشفي
كان مراد بدأ يفوق من مفعول البنج .. ولقي سامح قاعد قصاده وبيضحك
مراد : باستغراب . بتضحك علي إيه يا اهبل انت ... انت فرحان فيا ولا ايه
سامح : ههههههههه لا ابدا بس مكنتش متخيل انك بتحبها اوي كدا .. طول ما انت في البنج بتنادي عليها ، دا انا هفضحك قدامها بس استني
مراد : ابتسم وقال طب بطل سخافه يا خفيف وقولي هينفع نروح ولا لأ
سامح : لا مينفعش الدكتور قال لازم يومين علي الاقل
مراد : طب اسمع . انت هتروح البيت عندي بس هتدخل شقة عم ناجي متتلخبطش وخد المفتاح من عندك اهو وروح هاتلي شوية هدوم عشان اغير وحاول متخليش حد يشوفك
سامح : طب هشام مش بيبات فيها
مراد : أيوا بس بيروح متاخر بيسهر مع آمنه وأمه ... انت إلحق روح دلوقتي
سامح : حاضر .. مش هتاخر عليك
____________________________________
عند نهي وهشام
خلصت نهي عيد ميلاد صحبتها ولسه هتمشي ندهتلها دنيا
دنيا : استني يا نونه آجي معاكي اشوف البادي جارد العسل اللي معاكي تاني
نهي : بغيظ . لو عاجبك الفهولك في هديه ياختي
دنيا : ياريت يا نونه .. عسول اوي يا بختك بيه
نهي : أنا ماشيه اصل انا نفسي بتميع من السهوكه دي وسابتها ومشيت
نزلت نهي لهشام وهيه لوحدها وقالت : يلا
هشام : فين دنيا المزه
نهي : اتغاظت منه. وقالت ايه حكايتكم بالظبط هيه تقول عليك عسل وانت تقول مزه ما تتلموا كدا
هشام : بتغيري عليا يا بيضه
نهي : بيضه لما تطقش علي دماغك ... انت أهبل ياله... اخلص بقا ويلا بينا نمشي
هشام : يلا يا ختي
واخدها ورجعو للبيت تاني
دخلت نهي البيت لوحدها وكان هشام واقف علي الباب
آمنه : إيه يابني عايز عزومه .. ما تدخل
هشام : لا يا امونه أنا هدخل أنا خليني ارتاح شويه
آمنه : ماشي يا أتش براحتك
دخل هشام للبيت وهو بيفكر في نهي وبيضحك ...
وبقا يقول لنفسه : مفيش مره اتكلمت معاكي صحيح الا لما بتهزقيني ... بس مش عارف قلبي بيرقص من الفرحه لما بشوفك ليه .... ربنا ما يحرمني من مازوتك وضحك
____________________________________
في بيت صابر
كان صابر قفل بقالته وطلع لبيته ولقي فتون وبدور صاحيين
صابر : لسه صاحيين ليه يا بنات
فتون : كنت بكلم سامح ووصل بالسلامه
صابر : طب الحمد لله يا بنتي ... حمدالله على سلامته
فتون : الله يسلمك يا بابا ، تعرف زميله اللي اسمه مراد عزام
صابر : أيوا اعرفه دا شهد علي عقد جوازك ... ماله؟؟
فتون : اتصاب في دراعه النهارده
صابر : استر يارب ... طب وهو كويس
فتون : آه الحمد لله فاق
صابر : ربنا يحميهم يارب ويسترها معاهم
بدور : بابا كنا عايزين نستاذنك عايزين ننزل القاهره نجيب شوية لبس
صابر : وهو اتمنع اللبس في الشرقيه يا بدور لما تسافري للقاهره
بدور : ل.ل.لا ماهو هيبقي معانا ابراهيم وسامح
صابر : نعم !! لا طبعا مينفعش
فتون : ليه يا بابا مهو سامح جوزي
صابر : لسه مبقاش جوزك يا بنتي ... لما تدخلي بيته يبقي جوزك ، والاستاذ ابراهيم خطيبك وبس فاهمين ... والطلب دا ميتكررش تاني وسابهم ومشي
فتون : أحنا غلطنا برضو .. قولتلك بلاش
بدور : اسكتي بقا ، وفيها ايه يعني ... البلد هنا اللي بتتكلم بس
فتون : خلاص بقا نروح لاي محل هنا وخلاص
بدور : أمري لله
____________________________________
في شقة مراد
كان هشام نايم لوحده علي السرير بيفكر في نهي وحس بحد بيفتح بابا الشقه
وقف مفزوع واتسحب وفتح الباب فتحه صغيره يشوف مين بس كان بضهره ودخل لاوضة مراد
هشام : لطم علي وشه وقال بصوت واطي .. يا ختاااااي ياختااااي ياختاااااي ، انا مش بتاع اكشن ولا جو الحراميه القذر دا ... واخد نفس عميق وقال لنفسه : اهدي كدا يا اتش واطلع انفخه انت هتبقي ظابط يلا آه
ورجع جاب المقشه واتسحب ودخل براحه لقاه بيلم هدوم من الدولاب
هشام : لنفسه . دا ايه الحرامي القنوع دا .... بياخد هدوم بس ..... بس لا لازم امسكه
وقرب من سامح وضرب بالمقشه علي راسه وسامح طلع سلاحه بسرعه
هشام : غمض عيونه وقال والنبي ما تقتلني دا انا غلبان ويتيم
سامح : ههههههههه يا فار
هشام : فتح نص عين وقال سامح !! انت الحرامي وبتسرق صاحبك
سامح : حرامي مين يا عبيط ... انا جاي اخد غيارات لمراد بيني وبينك انضرب بالنار وهو في المستشفي
هشام : إيه !!! وحصله حاجه
سامح : إيه الغباوه دي بقولك أنضرب بالنار هيكون ايه اتلسع
هشام : شوفت مين فينا اللي لمض .. اخلص حصله ايه
سامح : دراعه اتصاب بس . بس الحمد لله عدت علي خير
هشام : طب انا هاجي معاك
سامح : بلاش لحد يحس انك مش موجود
هشام : لا لا كلهم ناموا اصلا يلا بينا
____________________________________
في بيت دعاء وحازم
كانت دعاء بتلعب في تالا ورجع حازم من الشغل
حازم : مساء الخير
دعاء : مساء الخير يا حبيبي
حازم : قرب من دعاء وباس راسها وباس تالا في خدها وقال : طمنوني اخبار يومكم ايه
دعاء : هيكون إيه يعني .... مقضينه من الصاله للبلكونه للاوضه للمطبخ ، واتنهدت وقالت : مفيش جديد في حياتي
حازم : لا يا ستي الجديد جد خلاص.... الف مبروك يا حببتي انتي نجحتي
دعاء : ابتسمت وقالت بجد
حازم : عقد حواجبه وقال . غريبه يعني كنت فاكرك هتكوني فرحانه اكتر من كدا
دعاء : اتنهدت بوجه وقالت . مفيش حاجه بقت تفرح من يوم ما سابتنا ومشيت يا حازم
حازم : ضمها لحضنه وقال كل حاجه هتتحل ان شاء الله.. المهم قومي انتي وتوته غيروا هدومكم ويلا نطلع نتعشي بره
دعاء : طب ما أنا طبخت
حازم : خلاص نأجل الفسحه لبكره ونتعشي بره وانا كدا كدا عندي اجازه
دعاء : ربنا يخليك ليا يا حازم
____________________________________
أشرق صباح يوم جديد
صحيت آمنه من نومها تجهز الفطار وراحت عشان تنادي هشام بس مفتحش ليها
قلقت عليه ودخلت لامل عشان تجيب المفتاح ولسه طالعين يفتحوا الشقه لقوا هشام طالع علي السلم
آمنه : كنت فين يا هشام بدري كدا
هشام : أحمم .. لا لا ابدا بس كنت بتمشي شويه
آمنه : أنت بتكذب يا هشام ... قولي كنت فين
هشام : ه.ه.هكون بكذب ليه بس يا أمونه
آمنه : عشان انا اللي مربياك يا قلب أمونه ... انطق وقول فيه إيه ، وكنت فين
هشام : مش عارف بس مش مصدقاني ليه
أمل : ما تنطق بقا يا عم انت وريحها
آمنه : أنا مش هتحايل عليك كتير ... وعلت صوتها اكتر وقالت : اخلص وانطق كنت فين
هشام : ك.ك.كنت عند مراد في المستشفي
أمل : بخضه مراد أخويا .. ماله!!
آمنه : م.م.ماله مراد .... انطق يا هشام متنقطناش بالكلام
هشام : أ.أ.أصله انضرب عليه نار إمبارح واتصاب في دراعه بس هو....... وصرخ بصوت عالي وقال : آمنه
آمنه سمعت الخبر أغمي عليها
____________________________________
في المستشفي
دخلت آمنه لمراد وهيه بتجري عليه وبتعيط
آمنه : طمني عليك انت كويس
مراد : استغرب رد فعلها وقال آه آه كويس ... اهدي أنتي بس
آمنه : بصوت عالي . أهدي إيه وزفت إيه بس علي دماغك .. انا مش عارفه انت عاجبك إيه في الشغل الاسود دا يا أخي ، أنت إيه ... مش حاسس بالارواح اللي متعلقه في رقابتك ، مش عارف تاخد بالك من نفسك لو مش عشانك علشانا احنا يا أخي
مراد وسامح بصوا لبعض واستغربوا موقف آمنه وخصوصا أن لهفتها ظهرت عليه
في الوقت دا دخل هشام وأمل ، وجريت أمل عليه وحضنته وهو بيعيط
أمل : الف سلامه عليك يا حبيبي أن شالله انا مكانك
مراد : باس راسها وقال بعد الشر عليكي يا حببتي
وبص لهشام وقال برضو قولتلهم
هشام : قفشوني والله
آمنه : قولي الدكتور قالك إيه
مراد لسه هيتكلم بس قطع سامح كلامه وقال : مكدبش عليكي والله يا أم سيف الدكتور قالنا ..... وسكت وقال مش عايز أقلقكم بس كويس انها جت علي قد كدا
آمنه : بقلق إ.إ.إيه هو قال حاجه خطر ولا إيه يا سامح
سامح غمز لمراد بمعني انه يكمل معاه الفيلم ويشوفوا لهفة آمنه الآخر
أمل : ما تتكلم يا مراد فيك إيه يا حبيبي تاعبك
سامح : يا جماعه متكتروش الكلام معاه عشان كتر الكلام غلط عليه
آمنه : خلاص خلاص بلاش تتكلم خالص .... المهم انت أكلت
مراد : آه جابولي الفطار من شويه
آمنه : طب روحوا انتو الكل وانا هفضل معاه
سامح : ملوش لازمه وجودك يا أم سيف... كدا كدا مراد هينام
آمنه : مش مشكله برضو هفضل جنبه يلا روحو انتو الكل
أمل : أنا هفضل معاكي يا أمنه
آمنه : لازم تروحي عشان نهي والاولاد يا أمل ... مينفعش أحنا الاتنين نغيب
هشام كان بيبص لآمنه بإستغراب ومستغرب لهفتها بالشكل دا علي مراد .... بص لسامح وهز راسه بمعني إيه دا
يامح هز كتفه ببراءه بمعني معرفش
آمنه : يلا بقا متفضلوش تبصوا لبعض كدا
أمل : طب هجيلك تاني أطمن عليك يا مراد
مراد : ماشي يا حببتي
مشي هشام وسامح وأمل وقعدت آمنه مع مراد لوحدهم
آمنه : ابتسمت وقالت حمدالله على سلامتك
مراد : ابتسم وقال الله يسلمك ..... بس اول مره اعرف اني مهم بالنسبالك كدا
آمنه : عقدت حواجبها وقالت اشمعنا!!
مراد : ضحك بتعب وقال . اول مره لهفتك عليا تبان عليكي
آمنه استغبت نفسها جدا انها اندفعت بمشاعرها وقامت وقفت وقالت : أحمم أ.أ.أنا لازم امشي
مراد : وهتسيبيني لوحدي كدا
آمنه : هلحقهم وابعتهملك ... يلا سلام
ولسه هتمشي فعلا بس مراد تصنع التعب وقال بصوت ضعيف : آ.آ.آمنه استني أنا تعبان
آمنه وقفت ولاول مره صراع يدور جواها .... صراع ما بين القلب والعقل
مراد : آمنه أنا آسف بس ارجوكي متسيبينيش
آمنه : اتنهدت وقالت طب هخرج بره شويه وهرجعلك تاني ، وسابته ومشيت
مراد : نام علي ضهره تاني وقال لنفسه : أنا اللي غبي برضو كان لازم تندفع يا خويا وتقولها الكلمتين دول آهي مشيت وسابتك .... نام بقا بحصرتك ، جتني الهم عيل فقري والله
بعد شويه رجعت آمنه بس لقت مراد نايم .... اتنهدت وقالت : سامحني لو ببعد عنك ... بس يمكن خايفه اقرب وانت تعرف اللي فيها تبعد ،
وخايفه اسيبك كدا متعرفش وتتعلق بيا ولما تعرف وتقرر تبعد أبقي شيلت ذنبك اني وجعتك
واتنهدت بحرقه وقالت يارب .... يارب ريح قلبي بقا واختارلي الخير ، وانت عارف إني دايما راضيه ومؤمنه بقضاؤك يارب
____________________________________
مر حوالي اسبوع علي حالة مراد
وكانت حالته اتحسنت تماما ، وكانت آمنه بتحاول تزوره وبس .... لكن مكانتش بتفضل معاه كتير ... او تسيبله فرصه يكونوا لوحدهم فيها
وفي يوم كان سامح بس اللي مع مراد ... وخبط الباب ودخل منه معتز وكاميليا
مراد : معتز !!! انت عرفت منين
كاميليا : عرفنا من بابي طبعا .. ليه مكنتش عايزنا نجيلك ولا ايه
مراد : يعني ... مكنتش حابب ان حد يتعب معايا
معتز : تعبك راحه يا بوص .... بس قولي عرفتو مين اللي عمل كدا
سامح : لسه هنفرغ الكاميرات اللي حوالين البيت وهنجيبهم ان شاء الله
كاميليا : ان شاء الله تقبضوا عليهم المجرمين دول
مراد : انتو رجعتوا هنا ولا لسه في البلد
كاميليا : تتصور يا مراد زوز مش عايز يسيب البيت ... بيقولي هنبقي كلنا سبناه كدا
مراد : بلؤم. كلكو !! ليه فين هشام وحازم
كاميليا : بحزن مصطنع. للاسف سابوا البيت ... كل واحد ساب حاله ومشي يشوف حياته يصح كدا ... ومعتز يا حبيبي مقطع نفسه ما بين شغله وأنه يراعي الارض
سامح : بسخريه . لا بيتعب أوي
معتز : احمم .. بقولك يا مراد عملت ايه في موضوع امونه اللي قولتلك عليه
مراد : بغيظ. أمونه!! يعني منين مسرقها ومنين أمونه
معتز : عادي بس كمني واخد علي كدا ..... المهم لقيتها
مراد : هلاقيها ازاي يعني ، انا كنت في مهمه ورجعت اتصبت ملحقتش ادور عليها
سامح : وانتو متاكدين ان هيه اللي أخدت الفلوس دي
كاميليا : مفيش غيرها طبعا أخدهم ... وكملت كلامها بلؤم وقالت لو مش هيه تبقي حد من أخوات معتز
معتز : بص لكاميليا وقال ل.ل.لا لا أخواتي ميعملوش حاجه زي دي أبدا
مراد : وآمنه اللي تعملها يعني
معتز : م.م.ممكن والله الشيطان شاطر
مراد : لنفسه . والله محد شيطان غير العقربه اللي جنبك دي
سامح : تشرب حاجه يا معتز
معتز : لا لا يا دوب نمشي عشان لسه هنعدي علي حمايا وحماتي نشوفهم .. مش محتاج حاجه يا مراد
مراد : بقرف . شكرا
معتز : بعد اذنكم .... واخد كاميليا ومشيو
مراد : شايف الوسخ ... بيقول أخواتي لأ، انما آمنه ممكن
سامح : سيبك من كل الكلام دا ... فيه حاجه لاحظتها من الحيه بنت عمتك دي
مراد : إيه
سامح : كاميليا عايزه توصل للكل رساله أن أخوات معتز ممكن يغلطو.... واكيد دا لهدف في دماغها
مراد : شوف كاميليا دي تربية سمير الجزمه وصافي عمتي الحربايه ، عايزها تطلع إيه يعني
عموما اخرج أنا من هنا بالسلامه وهتكلم انا تاني مع آمنه في حكاية الجواز
سامح : ربنا يهديهالك المرادي
مراد : يارب
____________________________________
مر يومين كمان والكل كان متجمع بمناسبة خروج مراد وكانت آمنه عازمه سامح معاهم
وكانت سهره جميله جدا وممتعه بمشاكسات نهي وهشام وخفة دم سامح وشقاوة سيف وعبدالرحمن
بعد ما السهره خلصت كانت وفاء وهشام وآمنه قاعدين مع بعض لوحدهم بيتكلموا
وفاء : انا عايزه افرد جسمي شويه يا أمونه تعالي معايا دخليني الاوضه
هشام : لا لا خليكي يا أمونه انا هدخلها
وسند هشام أمه ودخلها الاوضه ونيمها علي السرير
هشام : ربنا ينجحك يا ابني
هشام : ربنا يخليكي ليا ياأما ..... واتنهد وقال أما كنت عايز أسالك علي حاجه وجاوبيني عليها بصراحه
وفاء : حاجة إيه يا بني
هشام : .................
عند آمنه
كانت واقفه في البلكونه وجه مراد عليها وقال : القمر واقف لوحده ليه
آمنه : ابتسمت وقالت انت رايق اوي
مراد : وحد يشوفك ويتعكنن برضو
آمنه : اممم ... عايز إيه
مراد : احمم هو انا باين عليا اني عايز اقولك حاجه
آمنه : أمم باين اوي
مراد : ضحك وقال ماشي .... عموما انا بجدد طلبي ليكي تاني بالجواز وياريت ننجز بقا وتوافقي
آمنه : ليه
مراد : اتنهد وقال . أنا عايز احميكي انتي والاولاد ..... وافقي عشان اكون مطمن عليكو
آمنه : مطمن علينا وتحمينا !! انا مش فاهمه قصدك ما توضحلي
مراد : هقولك ........... وحكالها عن اتهام معتز ليها
آمنه : بدموع . وصدقت
مراد : أنا لو عندي شك 1% مكنتش خليتك هنا .... وعايز اقولك ان معتز قالي الكلام دا قبل ما اسافر ، ومع ذلك كنت مآمن علي اخواتي معاكي انتي
آمنه : مسحت دموعها وقالت . سيبني شويه لوحدي يا مراد لو سمحت
مراد : اتنهد وقال حاضر ... بس ممكن متزعليش نفسك عشان ضغطك ميعلاش
آمنه : متقلقش عليا أنا كويسه
سابها مراد ومشي وبعد شويه جه عليها هشام لقاها بتعيط
هشام : بتعيطي ليه يا امونه
آمنه : بعيط علي حالي يا هشام ..... بعيط علي سنين كدابه عشتهم مع أخواتك ، كنت بعتبرهم اخواتي وسندي ..... لكن السند هو ربنا فعلا وبس
هشام : طب فهميني حصل إيه
آمنه : مسحت دموعها وقالت معتز بيتهمني اني سرقت 50 الف جنيه
هشام : إيه !! اتجنن دا ولا ايه
آمنه : يعني مش كفايه أنه جرحني في الكلام قدامكم .... وقال لاخوه انت ميت بالنسبالي..... ويتهمك انك حاولت تتهجم علي مراته
يبقي فاضل ايه بقا .... أخوك واطي وخسيس وندل وجبان ، وكل الصفات اللي توصف معني كلمة قذر هيه فيه
هشام : بصي فيه حاجه مهمه لازم تعمليها
آمنه : حاجة إيه دي ...... وفجاه شهقت وقالت أمااا
بصوا هشام وآمنه لوفاء اللي كانت بتسمع لكلامهم وهيه بتعيط
وفاء : بدموع. ليه خبيتوا عليا الحقيقه
هشام : هنقولك إيه بس ياأما
وفاء : مسكت إيد آمنه وقالت بتعب واضح .... آمنه يابنتي . انا عارفه انك زعلانه منه عشان اللي عمله معاكي ، وانت كمان يا هشام أكيد زعلان منه عشان اتهامه ليك .... بس وصيتي ليكو انكم تسامحوه من قلبكم ، وسامحو كمان حازم ودعاء وقولولهم أننا مش زعلانه منهم واننا ميته قلبي راضي عليهم ، وقلبي داعي لمعتز ان ربنا يبعد عنه مراته ...... وبدات تتكلم بتعب واضح أكتر وقالت م.م.مش هوصيكي علي ه.ه.هشام يا أمونه يا بنتي و.و.وكمان بوصيكي تتجوزي مراد .... هو اللي هيعرف يحميكي من آلاعيب كاميليا، وياعالم بكره تخططلك بإيه. ،و.و.ولو معتز في يوم فاق لنفسه وطلب منك السماح .. سامحيه و.وحيات غلاوتي عندك سامحيه
و.و.وانت يا هشام ، بوصيك عمرك ما تسيب آمنه ابدا ودايما خليك معاها وواقف جنبها ... و.و.وحاول تحميها من غدرهم
ولو في يوم معتز ربنا هداه واتغير ابقوا عرفوه أننا ميته وانا راضيه عنه
آمنه : بدموع . متقوليش كدا والنبي ، اوعي تسيبيني انتي كمان
هشام : أحنا هننقلك دلوقتي علي المستشفي ياأما وهتبقي كويسه ... انا هروح انده لمراد بسرعه وقام بسرعه ينادي مراد
وفاء : مكنتش اتمني غير اننا اموت في فرشتي وبيتي ..... لكن أمر ربنا نفذ ، والنبي يا بنتي ادفنوني في البلد عشان .....
آمنه : قطعت كلامها وقالت بس ..... بس والنبي متكمليش كلامك دا يا أما ، عشان خاطري خليكي معايا وفضلت تعيط وهيه حضناها
أما وفاء لقطت انفاسها الاخيره وانتقلت روحها الي الرفيق الاعلي
آمنه : بصرخه . أماااااااااااااااااا
____________________________________
في اليوم التالي في الشرقيه
كان كل أهل البلد متجمع بحزن ومنتظرين وصول الجثه
ومن ضمنهم دعاء وحازم حضرو بمعرفه من هشام ، هو اللي بلغهم وقالهم الخبر وطلب منهم ينزلوا
وصلت وفاء في العربيه الخاصه بيها وكانت وراهم عربية مراد ومعاه آمنه وهشام
محدش ركز معاهم عشان الظروف اللي هما فيها ، لكن كاميليا كانت مركزه جداااااا
وبعد وقت من الدفن ومراسم العزاء
كانت دعاء وحازم وكاميليا ومعتز ...وفتون وبدور ونورا مع آمنه ودخل ليهم مراد وهشام
مراد : البقاء لله يا جماعه
حازم : الدوام لله
هشام : يلا بينا يا آمنه عشان نمشي
حازم : تمشوا ليه يا هشام ... خليكم بقا وتعالو نرجع ونلم شملنا تاني مع بعض .. وبص لآمنه وقال اتكلمي يا امونه وقولي أي حاجه
آمنه : كانت في حالاه لا يرثي لها ... غمضت عيونها بوجع وقالت نلم شملنا تاني ازاي يا حازم ... واللي كانت لمانا ماتت خلاص
كاميليا : بلؤم . أممم واضح انها برضو لمت شملكوا علي بعض يا آمنه
آمنه : بصتلها وقالت تقصدي إيه
كاميليا : هفهمك قصدي .... وبصت لمراد وقالت. مش غريبه يعني يا مراد ان آمنه وهشام يرجعوا معاك انت ... انت عرفت مكانهم إزاي ، وانت اصلا مكلف بانك تدور عليها ومع ذلك قولت معرفتش اوصلها
هشام : بطلي سمك اللي بتبخيه دا يا كاميليا ولمي لسانك
معتز : وتلم لسانها ليه .... هيه مقالتش حاجه غلط علي فكره ، انتو كنتو فين بالظبط لما مراد جايبكم معاه كدا
آمنه : هتفضل زي ما انت يا معتز ومش هتتغير .... مجرد آله بتتحرك من كلمه من مراتك ، بس عموما دي حاجه متخصكوش
كاميليا : متنسيش أنك مرات اخوه ومن حقه يسالك يا امونه
آمنه : ولما أنا مرات أخوه .... ليه بيتهمني أننا سرقت منه 50 ألف جنيه
الكل بص لبعضه وسكتوا
حازم : بص لمعتز وقال أنت فعلا متهمها بكدا
كاميليا : سيبك بس من الاتهام دلوقتي ... وبصت لآمنه وقالت عرفتي منين بقا يا أمونه المبلغ اللي معتز متهمك بيه ، هههههه دا واضح ان مراد ابن خالي دا شقي وانا معرفش
مراد : اخرسي قطع لسانك
معتز : وتخرس ليه يا مراد ... مش بتقول الحقيقه ، وانا اللي من هبلي وغبائي جايلك عشان تقبضلي عليها وحضرتك واخدها عندك .... طب مدام انتي مشتاقه لراجل في حياتك اوي كدا ما كنتي توافقي علي أي حد يجيلك بدال ما تمشي مع واحد في الضلمه
مراد : هجم عليه وقال بتقول إيه يا حيوان يا متخلف انت
معتز : حيوان ... الحيوان دا هو انت يا مراد ... انت اللي مصونتش العيش والملح وماشيلي مع مرات اخويا في الحرام
مراد : بصوت عالي اخررررررررس .... آمنه مراتي علي سنة الله ورسوله
الكل بص لبعضه باستغراب ، وسكتوا
هشام : مستغربين ليه .... أيواا آمنه مرات مراد
آمنه بصت لمراد وهشام وسكتت
معتز : آاااااه .... طب ويا تري بقا قبل ما تتجوزك يا حضرة الظابط قالتلك علي الحقيقه ولا غفلتك
آمنه دموعها نزلت من اللحظه الصعبه اللي كانت بتتمني متجيش ، وخايفه من رد فعل مراد
معتز : مدام سكتت يبقي متعرفش .... بس انا هعرفك بقا واقولك .....
قطع كلامه مراد وهو بيقول : آمنه شايله الرحم ، مش كدا
معتز وآمنه بصوا لبعض وكانت دقات قلبهم سريعه جدا ، وآمنه في دماغها ألف سؤال ازاي عرف
مراد : اتخرست ليه يا معتز ... مش دا اللي عايز تقوله ، أنا عارف كل حاجه وآمنه قيلالي من اول ما عرضت عليها طلبي ومخبتش عني حاجه .... آمنه صريحه في علاقتي بيها ، زي ما كانت صريحه معاكم
لكن الفرق بيني وبينكم أننا قدرت موقفها وصراحتها ومهمنيش حاجه الا هيه ، انما انتو عايزين آمنه الروبرت .... اللي مينفعش تتعب ولا تشتكي من الحمل والمسؤوليه
وأنا بحمد ربنا أنه عوضني بيها وعوضها بيا وبحبي عنكم ، لانكم متستاهلوش عطاء آمنه ، انتو تستحقوا قسوتها وبس
تعليقات
إرسال تعليق