مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

🌱آمنه🌱15_16

"عطاء وقسوه"

🌴الفصل الخامس عشر والسادس عشر 🌴

في بيت موسي الشهيدي 

فجر مراد القنبله في وشهم بعد ما قالهم علي الحقيقه اللي خايفه منها آمنه 

مراد : إيه مالكم سكتوا ليه ... بس صحيح هتتكلموا تقولوا ايه يعني ، تكونشي هتقولولها مبروك مثلا 

حازم : وقف وقال وليه لأ  ... ليه منقولهاش مبروك يا مراد ، آمنه تستحق كلمه اكبر من كلمة مبروك كمان 

دعاء : وقفت وقالت وأنا أول واحده هباركلك يا امونه ومن قلبي والله ، مش مجرد كلام وراحت عليها وحضنتها

حازم : قرب منها ووقف قدامها وقال ألف مبروك يا أمونه ... انتي تستاهلي كل خير وكل الخير دا موجود عند مراد أكيد

آمنه : من قلبك يا حازم

حازم : لولا أنك علي ذمة راجل كنت حضنتك من فرحتي

مراد : لنفسه. كويس انها علي ذمتي بالكدب لكنت صورت قتيل النهارده

فتون وبدور ونورا كلهم قاموا وباركوا لآمنه من قلبهم

آمنه : ربنا يخليكو ليا يارب ... انا فرحانه لفرحتكم ليا اكتر

وبصت لمعتز وقالت : إيه يا معتز ، مش هتباركلي انت كمان زيهم ... ولا العقربه مراتك لدغتك

وقربت منه واتكلمت بتحدي وقالت : أنا وأنت عارفين كويس اوي ان اللي هيدوم الخير وبس .... وعشان كدا خيري اللي انت فيه دا من بكره هاخده منك ووريني هتعمل إيه ، وعلي فكره متحاولش ولا تفكر تأذيني أنا معايا ربنا قبل اي حاجه وبعدين مراد وهشام

حازم : وانا ودعاء كمان معاكي يا أمونه  .... وحقك وحق اولادك وهشام أنا اللي هطلعه وهبعتهولك

هشام : انت واعي للكلام اللي بتقوله دا يا حازم

حازم : وفي كامل قوايا العقليه كمان .... كلنا عارفين أن آمنه ليها حق أكتر مننا ... كل الاراضي اللي هيه اشترتها هيه الاحق بيها مننا هيه واولادها مش احنا ، ولو فكرنا صح ... دا يعتبر جزء بسيط اوي من سنين انتي عشتيها لينا وحرمتي نفسك من كل المتع في سبيل اسعادنا

كاميليا : متع ايه دي اللي حرمت نفسها منها .... مهي طلعت نص ست لا مؤاخذه ، وبصتلها وقالت آه وهيه الست مننا برضو تبقي ست الا بالخلفه 

مراد : وحد قالك انها عاقر ولا حاجه ... هيه خلفت عادي ، وبعدها حصل مشاكل

كاميليا : أممم كويس انك لقيتي راجل قابل بيكي ، بس يا تري بقا اغريتيه بأيه

هشام : ما تتلمي بقا انا مش عايز اغلط فيكي

مراد : استني انت يا هشام ... وبص لكاميليا وقال احب اقولك اننا حبيت آمنه من اول لحظه شوفتها فيها ، ومش بس كدا انا كمان طلبت ايدها وهيه هنا بس هيه رفضت وقالت ان حياتها ليكو وبس  .... ولما سابتكم ومشيت انا قابلتها في الكمين كانت مغمي عليها ومشلوله .... وبص لمعتز وقال ايوا يا معتز آمنه كانت مشلوله وفضلت اكتر من اسبوع في غيبوبه ولما فاقت مكانتش بتعرف تتحرك وكنت بضطر اشيلها وكنت بستحرمها .... عشان كدا عرضت عليها طلبي بالجواز وهيه وافقت وفضلت فتره لحد ما اتحسنت 

دعاء : حضنتها وعيطت وقالت يا حبيتي أنتي تعبتي اوي ... انا اسفه والله لو كنت قولت اي كلمه زعلتك ، وخلاص مش عايزه حاجه من الدنيا غير انك تسامحيني من قلبك انا وحازم

آمنه : طبطبت عليها وقالت مسمحاكي يا دعاء ومن زمان اوي حتي اسالي مراد

حازم : بجد يا مراد 

مراد : ايوا يا حازم ... آمنه مسمحاكو من بعد ما فاقت من الغيبوبه .... بس للاسف البيه المحترم وشاور علي معتز وقال لما عمل في هشام اللي عمله هيه اضطرت ترفع عليه القضيه عشان تربيه مش عشان تاخد حقها فعلا ...لكن هو طلع غبي كالعاده واتهمها انها سرقت فلوس وهيه ماشيه

حازم : ثواني كدا ... هو عمل فيك ايه يا هشام

كاميليا : اخوك الحيوان حاول يتهجم عليا

حازم : بعصبيه . اخررررسي ، اخرسي قطع لسانك.... اخويا انا يبصلك بصه مش كويسه ، كدابه طبعا 

انا كنت بسافر وبسيب مراتي وانا مطمن عليها في وسطه وعارف انها لو اتعرت هيغطيها وانتي تقولي حاول يعتدي عليكي ... اتجننتي انتي شكلك كدا ، وبص لمعتز وقال وانت صدقتها بكل سهوله كدا .... انت ايه يا اخي مراتك سحرالك ولا عملالك عمل 

دخلت علينا فرقتنا وبعدتنا عن بعض ، دخلت وهيه راسمه انها تدمر البيت وتبقي ليها لوحدها ... وياعالم هتعمل فيك ايه 

مراد : يلا يا آمنه انتي مبقاش ليكي مكان هنا انتي وهشام

حازم : ولا انا ولا مراتي لينا مكان هنا خلاص ... المكان اللي يبقي موجود فيه عقربه زي دي وشاور علي كاميليا .. احنا ملناش مكان فيه

مراد : يلا بينا كلنا ... وانت يا معتز استني وشوف مراتك بكره هتعمل فيك ايه ..... بس لما يحصل متجيش تطلب مننا السماح ، لان رصيدك خلص مع الكل ... يلا بينا

خرج الكل من البيت وسابو معتز وكاميليا خلاص لوحدهم 

خرجوا لبره وكان راضي الشهيدي واولاده متجمعين سلموا عليهم ولسه هيمشوا جه عليهم صابر

آمنه شافته اترمت في حضنه وفضلت تعيط

صابر : ادعيلها بالرحمه يا بنتي خلاص دا اجلها ولكل اجل كتاب

هشام : شدها وقال كفايه كدا يا أمونه يلا بينا 

صابر : روحي يا بنتي وارتاحي 

مشيت آمنه مع هشام للعربيه 

مراد : سلم علي صابر وقال مش عارف اشكرك ازاي يا عم صابر علي اللي عرفتهولي

صابر : لا شكر على واجب يا ابني يلا انت بالسلامه وربنا يسعدكو

____________________________________

في العربيه

كان مراد وهشام وآمنه راكبين مع بعض وكلهم كانوا ساكتين

هشام : أطلع علي المأذون يا مراد

مراد : فرمل العربيه مره واحده وبصله وقال بتقول ايه

هشام : زي ما سمعت

آمنه : أنت مجنون يا هشام ... عايزني أتجوز وامك لسه مدفونه

هشام : انتي قولتيها اندفنت ، يعني ماتت ... والحي ابقي من الميت ، وانتي لازم تتجوزي مراد في اسرع وقت مدام كلهم عرفو انك متجوزاه .... وكمان مينفعش نقعد معاهم بعد النهارده من غير اي رابط او صله كبيره .... وبيني وبينك ، خايف من العقربه كاميليا تطالب بالقسيمه لحجه معينه . عشان كدا بفكر نكتب الكتاب بتاريخ قديم 

مراد : يسلم فومك يا اتش ايه يا واد الحلول العبقريه دي ... وبص لآمنه من المرايه وقال رأيك ايه

آمنه بصتلهم وسكتت

هشام : اطلع يا مراد يلا العروسه مكسوفه

مراد : قرب منه وقال بصوت واطي .  دا انا لو طايل ابوسك دلوقتي كنت قطعتك بوس علي خدمة العمر دي

هشام : اكيد هتردهالي في يوم بس اطلع

____________________________________

عند الماذون

كتبوا الكتاب فعلا وكان سامح وواحد كمان مع الماذون شاهدين 

مراد كانت الفرحه ظاهره جدا عليه لكن آمنه اللي كانت بتعيط

وبعد ما كتبوا الكتاب وخلصوا الاجراءات

هشام : أنا هروح مع سامح يا مراد وانت خد آمنه ووصلها البيت

مراد : هز راسه بمعني ماشي

واخد آمنه ومشيوا لكن آمنه مازالت بتعيط ... وقف العربيه واتنهد وقال : انتي مضايقه اننا اتجوزنا

آمنه : أنا لسه جوايا جرح يا مراد وهو موت امي ... ازاي عايزني افرح وهيه سابتني

مراد : انا مبطلبش منك تفرحي انا بطلب منك تكوني قويه شويه ، حتي لو عشان خاطر هشام 

آمنه : مراد انا آسفه ... مش هقدر أكون مراتك فعلا علي الاقل دلوقتي

مراد : وانا مش مستعجل يا حببتي ... انا كل اللي كان يهمني ان اسمك يرتبط بأسمي ، وهو خلاص حصل واتكلبشتي فيا

آمنه : عايزه اروح عشان الاولاد

مراد :  اتنهد وقال. حاضر

____________________________________

مر اكتر من اسبوع

وكانت آمنه حابسه نفسها في اوضتها وكمان هشام حابس نفسه في شقة ناجي

وفي يوم دخل مراد لآمنه الاوضه عشان يتكلم معاها شويه

مراد : بقا فيه عروسه بقالها اسبوع تفضل حابسه نفسها كدا ، وكمان سايبه جوزها كدا متعرفش عنه حاجه

آمنه : ابتسمت من بين دموعها وسكتت

مراد : وحشني صوتك .. اتكلمي معايا شويه

آمنه : عايز ايه يا مراد

مراد : اتنهد وقال أخيرا اتكلمتي ... ماشي عموما عايزك تخرجي بره معانا شويه ، حتي لو تطمني علي اولادك وكمان هشام بقاله اسبوع حابس نفسه في اوضته

آمنه : دموعها نزلت وزادت اكتر وقالت مش قادره يا مراد ... حاسه أننا يتيمه بجد من غيرها 

مراد :  قرب منها واتكلم بهدوء وبصوت حنون جدا وقال : اخص عليكي يا أمونه ... يتيمه وانا معاكي ، وانا روحت فين بس للدرجادي مش مكفيكي 

آمنه : غصب عني دي يعتبر أمي ماتت بالنسبالي للمره التانيه 

مراد : خلاص بقا يا أمونه محدش بيسيب من عمره دقيقه ... يلا عشان نتعشي مع بعض زي الاول

آمنه : مليش نفس

مراد : لا منتي لازم تقومي ، اصل شكلك مغري اوي وانتي بتعيطي كدا وقرب منها اكتر وقال . ولا لون عيونك الاخضر والبياض اللي حواليه الاحمر يخلو ا يحد يفقد اعصابه ... وكمل كلامه بلؤم وقال وخصوصا اني مفيش عليا حرج دلوقتي وأنتي مراتي ... ولا إيه

آمنه : م.م.مراد أ.أ.أنا كنت صريحه معاك وقولتلك مش هقدر دلوقتي خالص

مراد : بخبث. وانا متجاوزتش حدودي معاكي اهو دا مجرد قرب برئ 

آمنه : زقته من صدره وقالت ط.ط.طب ابعد كدا شويه لو سمحت 

بس انت مقولتليش .. مين قالك علي الحقيقه

مراد : عايزه تعرفي مين

آمنه : آه طبعا

مراد : شخلل

آمنه : إيه !! 

مراد : يعني ادفعي تمن كلامي ليكي 

آمنه : أممم وايه التمن بقا

مراد : والله مش هفرض عليكي حاجه معينه .. بس هقولك اختيارات .. يا أما تجيبي بوسه يا اما حضن يا أما تقوليلي مين اللي قالك الكلام دا يا حبيبي .... ها اختارتي إيه

آمنه : أخترت انك تطلع بره ، ومش عايزه اعرف مين قالك

____________________________________

عند هشام

كان قاعد في اوضته وزهقان وقام خرج للبلكونه شويه وكانت قصاده نهي

اتبسطت انها شافته وقالت : هشام

هشام : بصلها وقال أزيك يا نهي

نهي : الحمد لله طمني عليك انت ... بقالك اسبوع مبتظهرش خالص

هشام : اتنهد وقال مكنش ليا نفس خالص اشوف حد ولا كان عندي طاقه اتكلم مع اي حد

نهي : ليه يا هشام احنا مش أهل ... ليه بتبعد نفسك عننا كدا

هشام : عقد حواجبه وقال نهي انتي كويسه

نهي : عقد حواجبها وقالت انا .. اه كويسه فيه ايه

هشام : يعني مش متعود منك علي الهدوء والبراءه دي

نهي : ابتسمت وقالت . اممم واضح ان المازوت وحشك وعايز تجربه تاني ... بس عموما انا جاهزه لو حابب ، انا اللي قولت بلاش يعني وخليني محترمه معاه عشان ظروفه

هشام : هههههه سبحان مغير الاحوال ... انتي بتتحولي من شخص لشخص تاني خالص

طب لما انتي كيوت كدا ، ليه الانسان بيعمل في اخوه الانسان كدا

نهي : عشان الانسان اللي بيعمل كدا لو مكنش بيعمل كدا كان زمانه هفق أوي وبياخد علي قفاه

هشام : لا طبعا منقدرش ... نحن رجال عائلات محترمات

نهي : ههههههه طب يلا بقا تعالي عشان نتعشي مع بعض زي الاول

هشام : حاضر

____________________________________

عند أمل

كانت بتكلم نادر وكان زعلان منها جدا انها خبت عنه موضوع آمنه ومراد

نادر : للدرجادي مش واثقه فيا يا أمل ، عشان كدا مش حابه تحكيلي

أمل : غصب عني يا نادر ... دا كان طلب أمونه نفسها ، ارجوك متزعلش مني

نادر : أنا برضو استغربت هبه لما كلمتها وقالت لا متعرفش حاجه عنها وكانت هاديه كدا مش خايفه او متوتره ان أختها غايبه وبعيده

أمل : أكيد أمونه اللي كانت قيلالها ازاي تتكلم معاك لو سالتها 

نادر : يلا مش مهم.... بس تعرفي انا فرحان جدا والله انها اتجوزت مراد ، هما الاتنين لايقين لبعض وهما الاتنين يستاهلو بعض

أمل : عندك حق يا نادر ... امونه فعلا طيبه اوي ربنا يسعدهم يارب 

____________________________________

في بيت حازم ودعاء

كانو الاتنين بيتكلموا مع بعض عن آمنه واللي حصل معاها واللي عرفوه

حازم : يعني أنتي متعرفيش الكلام دا

دعاء : لا والله معرفش واتفاجئت زيي زيكم 

حازم : انا اساسا مستغرب الكلام دا ... ازاي يعني شايله الرحم ، وانا كنت معاها من اول ما ما تعبت وكنت واقف طول العمليه ... محدش خرج وقالي انها هتشيل الرحم... ايه يعني صحوها في العمليه استاذنوها ونيموها تاني

دعاء : ضحكت وقالت مش عارفه يا حازم .... طب ليه معتز بس اللي يعرف حاجه زي دي 

حازم : فيه حاجه غلط ومش مفهمومه في الحكايه دي وانا لازم اعرفها 

دعاء : طب وهتعرفها إزاي 

حازم : هننزل الاسبوع الجاي ان شاء الله نزورهم ونخلص اجراءات الميراث كلها وكل واحد ياخد حقه

دعاء : ملوش لازمة توزيع الورث دلوقتي يا حازم

حازم : لااا طبعا لازم دلوقتي ، لان انا مبقتش ضامن كاميليا تحرض معتز علي ايه تاني

دعاء : عندك حق 

____________________________________

في بيت فتحي الباز (والد نورا)

كانت فاتحة نورا ورائد وكان عيلة رائد موجوده وكمان صابر وبناته

رائد : مبروك يا حببتي 

نورا : الله يبارك فيك 

رائد : كان نفسي تبقي خطوبتنا النهارده 

نورا : معلش يا رائد عشان ظروف جيرانا بس 

رائد : ولا يهمك يا حبيبتي تتعوض في الفرح

قطع كلامهم اسلام اخوه وهو بيقول : ايه يا عم الزنان ما تنزل من علي ودن البت شويه

رائد : يابني احترمني انا النهارده عريس

اسلام : احترمك !! انت تعرف عن أخوك الاحترام

جت عليهم ريم وقالت : الشهاده لله طول عمرك بنآدم مهزق

نورا : ههههههههههه

اسلام  : بسخريه . تؤامي اللدود

ريم : بقولك ايه يا نور اسمعي كلامي أنا ومتمشيش ورا كلام العيال دي 

رائد : عيال !!

اسلام : عيال !! ايه يا بنتي احترمي اخوكي اللي عامل فيها عريس 

نورا : والله انتو زي العسل 

اسلام : إلعب ... دي بتتفق معانا من دلوقتي 

ريم : شكلنا هنبقي عصابه عليك يا ابيه

في الوقت دا جت ماجده عليهم وقالت : ما تسيبوا اخوكم وخطيبته براحتهم بقا ويلا نروح

نورا : مستعجله ليه يس 

رائد : لا يا دوب تتكلوا

اسلام : انا بطرق وانا عندي كرامه وعشان كدا همشي

ريم : وانا كمان عندي كرامه ، وضد العولمه

ماجده : ضد مين ياختي

رائد : لا لا يلا يا ماما قبل ما فقرة الرقص تبدأ 

ماجده : ههههههههه عندك حق يلا سلام ، وسلموا عليهم ومشيوا

نورا : ما كنت تخليهم شويه

رائد : سيبك منهم بقا وركزي معايا

____________________________________

في بيت مراد عزام 

كانو كلهم متجمعين بيتعشوا مع بعض

مراد : اخيرا اتلمينا من تاني .... كانت وحشاني اللمه الحلوه دي

هشام : بوجودك يا مراد

مراد : مفيش اخبار عن نتيجتك يا أتش

هشام : لا ظهرت من زمان بس الظروف مكنتش تسمح اقولكو

آمنه : ظهرت وانت ساكت يا هشام .... طب ليه مقولتليش

هشام : ظهرت تاني يوم وفاة أمي يا امونه هقولك ازاي

آمنه عيونها دمعت وسكتت

مراد : طب عملت ايه بس فرحنا

هشام : الحمد لله نجحت وجبت 95% 

آمنه : الف مبروك يا حبيبي

أمل : الف مبروك يا أتش 

نهي : ألف مبروك يا هشام .. أحنا لينا عزومه منك بقا علي الخبر الحلو دا

مراد : لا العزومه الحلوه دي عندي  وبكره ان شاء الله 

سيف وعبدالرحمن : هيييييييه يعيش بابا مراد

الكل اتصدم لما سمعوا كلمة بابا حتي مراد نفسه استغرب

آمنه : م.م.مين قالكو تقولو لعمو مراد يا بابا يا اولاد

هشام : أنا اللي قولتلهم يا أمونه

___________________________________

في بيت موسي الشهيدي 

كاميليا كانت رايحه جايه تفكر في خطه جديده تحطم بيها آمنه 

معتز : ما تقعدي بقا يا كاميليا خايلتيني

كاميليا : اقعد ازاي يعني .... انا لازم انتقم منها ، دي قررت تاخد كل حاجه وحازم كمان هيقف جنبها ويساعدها .... استني ايه انا ، استني لحد ما ياخدوا كل حاجه وانا قاعده كدا

معنز : يعني عيزانا نعمل ايه 

كاميليا : مسكت دماغها بتعب وقالت معرفش . بس أكيد قيه حل ينقذنا من اللي أحنا فيه دا

بس صحيح انت محكتليش قبل كدا علي حكاية آمنه انها شايله الرحم يعني

معتز : اتنهد وقال وهيفيد بإيه احكيلك ولا لأ.... انا أساسا بغلط نفسي أننا قولت كدا،  مكننش يصح اقولها كدا

كاميليا : أنت مغلطش عادي يعني متافورش

معتز : مش حكاية افوره ... بس الموقف دا فكرني بموقف حصلي يوم فرحي مع جيرانا ، هما اصلا مبيخلفوش وكانوا غلطانين في آمنه وانا عايرتهم بالحكايه دي .... يومها آمنه اضايقت اوي وقالت متوجعش قلبي عليك 

وبص لكاميليا وقال صحيح يا كوكي مش حاسه بأي أعراض كدا للحمل

كاميليا : حمل !!! ح.ح.حمل إيه دا يا معتز ل.ل.لا طبعا مفيش

معتز : بحزن. يا خساره 

كاميليا : سيبك بقا من حكاية الخلفه دي ... انا لقيتلك حل كويس تقدر ترجع حقك بيه

معتز : إيه

كاميليا : إسمع........ 

____________________________________

في بيت موسي الشهيدي 

كانت فايزه بتزغرط ومش مصدقه نفسها إن شيماء أخيرا حامل في ولد

راضي : يا وليه اكتمي بقا الناس تقول ايه 

فايزه : ما يقولو اللي يقولوه وفضلت تسقف بأيدها وتغني وتقول : جايلنا ولي العهد جايلنا ولي العهد

إبراهيم : جرالك إيه ياأما ... انتي برج من نفوخك هيطير كدا

فايزه : مهو طار خلاص واللي كان كان ، المهم يا شيماء انا عيزاكي يا حببتي تتغذي كويس كدا ومتتعصبيش وخليكي هاديه عشان الواد ميطلعش عصبي

شيماء : اتنهدت بحزن وقالت . حاضر ياأما بعد اذنكم انا طالعه شقتي اريح

فايزه : براحتك يا ضنايا 

السيد : أنا كمان طالع اريح شويه وسابهم ومشي

في شقة السيد وشيماء

شيماء كانت عماله تعيط بحرقه ودخل ليها السيد وأخدها في حضنه

السيد : خلاص بقا يا شيماء وحياتي عندك متزعليش نفسك

شيماء : مزعلش نفسي ازاي بس ... شوف كل الفرحه والدلع اللي أنا شوفته وهشوفه لحد ما اولد أمك هتطلعه علي جتتي بلاء ازرق لما تعرف أننا كدبنا عليها والولد بقا بنت

السيد : أنا اللي يهمني نفسيتك طول فترة الحمل ... واللي يهمك أنا ، وأنا بقولك اهو .. أنا ميفرقش معايا ولد من بنت وكل اللي ربنا يجيبه كويس والحمد لله علي أي حاجه

شيماء : بس أنا خايفه من أمك لما تعرف 

السيد : وحياتك عندي لو اتكلمت معاكي هنتعزل منها ولو حابه نمشي من هنا خالص نمشي ... أنا مش ههد بيتي عشان خاطر أمي

شيماء : عيب يا سيد متقولش كدا دي مهما كان امك

السيد : علي عيني وراسي يا حببتي .... بس لما توصل لانها تهدم بيتي بسبب حاجه بأيد ربنا مش بأدينا يبقي لازم ابعد ، بدال ما أقف قصادها وصوتي يعلي ، يلا ربنا يعديها علي خير ان شاء الله وانتي مش عايزك تفكري في اي حاجه أبدا ... فكري في بناتك وفي اللي جايه وبس 

شيماء : ربنا يخليك ليا يا سندي

____________________________________

في بيت صابر

كان سامح بيحاول يراضي فتون ويصالحها لانها كانت زعلانه منه بسبب انه كان عارف مكان أمونه ومقالهاش

سامح : هتفضلي زعلانه مني كتير كدا يا تونه

فتون : أيوا زعلانه وهفضل زعلانه منك يا سامح ... لانك كنت عارف مكانها وشايفني وانا بموت من القلق عليها ومقولتليش

سامح : والله هيه اللي طلبت مني كدا ، قالتلي متقولش لحد

فتون : أخص عليك يا سامح وانا أي حد ... أنا مراتك ، يعني نصك التاني مش اي حد

صابر : خلاص بقا يا فتون ... دا سر يا بنتي ومكنش ينفع يقولك ، زي ما أنا كنت عارف وبرضو مقولتش

سامح : بالظبط كدا يعني لو هتزعلي ازعلي مننا أحنا الاتنين بقا

فتون : يعني كنت عارف يا بابا وساكت

صابر : بطلوا بقا رغي عن امونه وخلينا نتفق علي معاد فرحكو عشان إبراهيم هيسافر بعد شهر ... انتو لازم تكونوا الفتره دي 

سامح : ايوا بقا وأخيرا هتبقي عريس يا واد يا سامح ... وبص لفتون وقال ها يا قلبي عيزاه أمته

صابر : أتفقوا مع بعض وقولولي أنا داخل اوضتي شويه

فتون : مش هعديهالك برضو بس هعاقبك بعدين وبطريقتي

سامح : قرب منها وغمزلها وقال شكل فتون هتقلب لقطه شرسه وهتخربشني

فتون : اتوترت من قربه ليها وقالت هتعرف بعدين

____________________________________

مر أكتر من اسبوع 

في بيت مراد عزام 

كان حازم ودعاء وصلو من السلوم وراحو الاول لآمنه يباركولها ويتفقوا معاها انها ترجع البلد هيه وهشام معاهم عشان يوزعوا الميراث

حازم : ها قولتي إيه يا أمونه

مراد : إسمها آمنه يا حازم عشان مزعلكش

دعاء : ههههههههه حقك طبعا يا مراد

مراد : ايوااا عشان نبقي متفقين

آمنه : احمم.. المهم يا حازم هشام ان شاء الله هيقدم شرطه

حازم : آه مهو قالي ، ربنا معاك يا اتش ، وبص لمراد وقال أنا هعتمد عليك تفهمه الاختبارات والتوصيه 

مراد : من غير ما تقول طبعا ، اتش دا اخويا

آمنه : طب بعد اذنكم ثواني .. تعالي يا مراد عيزاك

 قام مراد ورا آمنه ودخلوا المطبخ 

مراد : إيه فيه إيه

آمنه : أحمم .. مفيهاش حاجه يعني لما حازم يقولي يا امونه

مراد : حط ايده في جيوب بنطلونه وسند علي المطبخ بضهره وقال . أممم وإيه تاني

آمنه : مفيش حاجه تانيه ... انا بطلب منك طلب عادي

مراد : أنتي عارفه انا مقدرش ارفضلك طلب ... بس في الحاله دي ارفض واعترض كمان 

آمنه : مراد مفيهاش حاجه متحبكهاش كدا

مراد : بقولك إيه يا حببتي... انتي مراتي فاهمه يعني ايه مراتي ، يعني مبحبكهاش ولا حاجه دا من حقي 

وقرب منها اكتر واتكلم بصوت واطي جدا وقال : يعني حضنك من حقي أنا وبس ، دلع أسمك من حقي محدش ينطقه غيري أنا وبس 

آمنه اخدت نفس عميق وقالت : ي.ي.يلا نطلعلهم ، مينفعش نسيبهم اكتر من كدا ولسه هتمشي

مراد : شدها عليه بسرعه وقال. بتتهربي مني ليه يا امونه

آمنه : متهربش ولا حاجه بس مش وقته الكلام دا

مراد : طب وامته وقته

آمنه : ابتسمت وقالت بعد ما.....

قطع كلامها صوت جرس الباب ، بصت لمراد وقالت : غريبه مين اللي جه

مراد : تعالي نشوف 

خرجوا بره وكان حازم اللي فتح الباب وقال : تعالي يا مراد دا محضر من المحكمه

مراد : محضر !! خير 

المحضر : دا جواب قضيه رافعها معتز موسي الشهيدي 

مراد : قضية إيه دي

المحضر : قضية ضم اولاد أخوه عبدالرحمن وسيف عبدالرحمن موسي الشهيدي 

آمنه : إيه !!!

سامحوني لو البارت قصير شويه بس دا اللي قدرت اكتبه 

وكمان لو الاحداث اللي فيه متشدش اوي بس دا برضو اللي قدرت اجمعه

وان شاء الله هعوضهالكم البارت الجاي 

اتمنالكم قراءه ممتعه❤

متنسوش تنضموا للجروب

🌱آمنه 🌱 16

"عطاء وقسوه"

🌴الفصل السادس عشر🌴

في بيت مراد عزام

اتصدمت آمنه لما عرفت أن معتز رافع قضيه عليها عشان ياخد منها الاولاد

آمنه : معتز رافع قضية ضم ... وضحكت بسخريه وقالت : قال يعني حنون أوي 

المحضر : لو سمحتي امضيلي هنا

آمنه : حاضر ومضت ومسكت الجواب ودخلت الاوضه وهيه بتعيط

حازم : حسابكم تقل معايا اوي يا معتز الكلب أنت والجزمه مراتك

هشام : كان ماسك راسه بتعب وقال . طب الواحد يقتله يعني ولا أعمل فيه ايه ، هو الواد دا بقا ماله كدا

دعاء : منك لله يا كاميليا كانت دخلتك علينا دخله سودا

أمل : مراد ادخل لآمنه هديها بكلمتين 

مراد : حاضر واستاذن منهم ودخلها الاوضه

كانت آمنه قاعده علي السرير بتعيط بحرقه ... راح مراد وقعد جنبها وقال عشان خاطري أهدي شويه ، والله مهيقدر ياخدهم منك صدقيني

آمنه : ولو قدر يا مراد والمحكمه حكمتله هعمل إيه ... آااااااااااه ليه ، ليه يا معتز تعمل فيا كدت ، ليه يا مراد ... هو للدرجادي انا استاهل كل اللي بيعمله معتز فيا دا واستاهل كل اللي حصلي دا ، رد عليا يا مراد وقولي

أنا عمري ما عملت حاجه وحشه في حد عشان يحصلي كدا ، انا تعبانه يا مراد تعبانه أوي 

مراد : ممكن تهدي شويه عشان خاطري

آمنه : أهدي ازاي بس أنت مسمعتش المحضر بيقول ... بيقول قضية ضم ، يعني هياخد ولادي مني يا مراد 

مراد : مش من حقه ، صدقيني المحكمه مستحيل تحكم للعم بالحضانه

آمنه : ممكن لو الام متجوزه يا مراد ... انما لو مش متجوزه ممكن

مراد : عقد حواجبه وقال. آمنه أنتي تقصدي إيه أوعي يكون قصدك اللي فهمته 

آمنه : حطت ايدها علي وشها وفضلت تعيط وقالت . أنا ملامه دلوقتي أرجوك متعلقش علي أي كلمه تتقال

مراد : شال أيدها ومسح دموعها وقال. أنا معنديش أستعداد ابعد عنك ، بس لو بعدي عنك فيه راحتك معنديش مانع ... لان راحتك تهمني أكتر من نفسي

آمنه : هزت راسها بمعني لأ وقالت . وأنا معنديش استعداد أبعد عنك ... أنا حاسه اني بقيت قويه بيك ، ازاي هبعد عن قوتي بكل سهوله كدا

مراد : مسك وشها بأيده الاتنين وقال. وحيات غلاوتك عندي محد هياخد ولادك منك ... وقبل ما يكونوا ولادك هما اولادي ، ومحدش هياخد اولادي مني يا آمنه 

____________________________________

في بيت موسي الشهيدي 

كان معتز وكاميليا قاعدين مع بعض يفكروا للخطوه الجايه واتفاجئوا بالباب بيخبط جامد

كاميليا : مين هيخبط كدا

معتز : معرفش .. استني هقوم افتح

قام معتز يفتح الباب واتفاجئ بلكمه في وشه من حازم 

دخل حازم وكان معاه مراد وهشام 

حازم : أنت يا كل*** يا حيوان ترفع قضية ضم وعايز تاخد أولاد أخوك من امهم ... وعلي صوته أكتر وقال أنت أتجننت ولا جرالك إيه

معتز : كان بيمسح الدم من بوقه وقال . عايزه أولادها واتنازلها عن القضيه يبقي تمضيلي علي ورثها كله وتتنازل عنه

هشام : من امته وانت بقيت وسخ كدا ... معقول تساوم آمنه بالفلوس علي اولادها ، ما تعقل بقا

معتز : بص لمراد وقال وانت مش عايز تقول حاجه انت كمان

مراد : خساره فيك أي كلام يتقال يا معتز ...بس عايزك تفتكر اي موقف ليها وتعمل بيه ، يعني لو كانت في يوم اذيتك افتكرلها وقفت جنبك قد إيه ... بلاش ، افتكرلها يوم فرحك وفرحتها بيك . حاول تسيطر علي شيطانك يا معتز ... ولاد اخوك ميستحقوش تحرمهم من حضن امهم ، وياريتك هتجيبهم لحضن يضمهم . بالعكس انت هتجيبهم لكاميليا ... كاميليا اللي مبطيقش نفسها اصلا ، يبقي هطيق ولاد آمنه إزاي بس

حازم : انت هتتحايل عليه يا مراد ... وبص لمعتز وقال اسمع انت من بكره تروح زي الشاطر كدا تسحب الدعوه اللي رافعها وإلا قسما عظما مهطول مليم واحد من ورث ابوك يا معتز .. فااااااهم

خرجت كاميليا بكل بجاحه وقالت : مش من حقك تحرمه من ورثه علي فكره ... لا شرع ولا قانون يسمحولك بكدا

هشام : بسخريه. وانتي بسم الله ما شاء الله سيد من يفهم في الشرع والدين

كاميليا : بقولك إيه متنساش انك في بيتي

حازم : بعصبيه. بيتك !! بيت مين دا اللي بيتك انتي مجنونه ولا إيه 

كاميليا : لأ مش مجنونه دا بيت جوزي وبيت جوزي يعني بيتي ... وانت يا تتكلم مع اصحاب البيت باسلوب كويس يا تتفضل تمشي

هشام : خبط كفه علي التاني وقال صحيح البيت بيت ابونا والغرب يطردونا 

مراد : هستني منك إيه بس منتي تربية عمتي

كاميليا : وبتغلط كمان .. حلو اوي بكره هعملك محضر سب وقذف وهطالبك بتعويض مادي كمان

حازم : طبعا كلبة فلوس .. وبص لمعتز وقال شايف مراتك وصلتك لايه بكره هتخسر كل حاجه بسببها دي ، يا خساره يا خويا

واخد مراد وهشام ومشيوا

كاميليا : سندت معتز وقومته وقالت . شوفت بكره كلهم هيرجعوا راكعين ليك وهيسيبوا ورثهم عشان خاطر السنيوره .. ومش بس كدا دا انت اللي هتطلبه هينفذوه ، واتكلمت بدلع اكتر وقالت : شوفت بقا يا بيبي تفكير كوكي حبيبتك

معتز : انا خايف أكون زودتها مع آمنه يا كاميليا

كاميليا : ولا زودتها ولا حاجه يا حبيبي ... خليهم يعرفوا ان قرصتك والقبر عشان بعد كدا كلهم يخافوا منك ويعملولك الف حساب

معتز : لنفسه. يا خوفي لاكون بخسر كل حاجه زي ما بيقولو بسببك يا كاميليا

____________________________________

في بيت مراد عزام 

كانت آمنه مازالت بتعيط وهيه حاضنه اولادها وخايفه

سيف : ماما انتي بتعيطي ليه

عبدالرحمن : هو انا زعلتك في حاجه يا ماما

آمنه مكانتش بترد عليهم ومكتفيه بالسكوت 

أمل : يا حببتي اهدي بس ، واكيد مراد وحازم هيتصرفو

دعاء : حسبي الله ونعم الوكيل فيكي يا كاميليا

نهي : ان شاء الله محدش هيقدر يأذيكي يا ابله امونه ولا ياخد الاولاد منك

سيف : مين هياخدنا  يا نهي

آمنه : مسحت دموعها وقالت. انتو لو خيروكوا وقالولكم تعيشوا مع ماما ولا بابا معتز هتعيشوا مع مين

عبدالرحمن : معاكي طبعا يا ماما

سيف : معاكي انتي وبابا مراد يا ماما

آمنه : ضمتهم لحضنها وقالت يارب.. يارب ما تحرمني منهم ولا تفرق بيني وبينهم يارب

____________________________________

مر أسبوع

وكانت معاد الجلسه الاولي للقضيه وكانوا كلهم حاضرينها مع آمنه 

كلهم كانت قلوبهم مع آمنه وخصوصا مراد اللي كان ايده في ايدها ومسبهاش ولا لحظه

وحازم ودعاء ونورا ورائد وفتون وسامح وصابر وبدور وابراهيم وهشام ونهي ... كلهم مع آمنه بيواسوها لحين قرار نطق المحكمه ، وكلهم بيبصوا لمعتز نظرات حقد وكره هو بس اللي حاسس بيها

ولاول مره معتز يحس نفسه منبوذ من الكل .. وكل دا بسبب ايه ، بسبب الورث والفلوس ... 

وبقا يقول لنفسه : من امته يا معتز وانت بتبيع حد عشان الفلوس ، ودا مش اي حد ... دي أمونه اختك ، وياريت علي قد آمنه دا كل اللي حواليها بيبصولك بكره وحقد .. بقيت خلاص مكروه من الكل بسبب أنانيتك 

واتنهد بتعب وقال وعلي إيه كل التعب دا بس وعشان خاطر مين .. عشان مراتك 

لأ فوق لنفسك قبل فوات الاوان يا معتز ، وبلاش تغلط غلطة عمرك وتخسر كل اللي حواليك .. القرش الحرام مبيدومش

في الوقت دا دخل القاضي عشان ينطق بالحكم

معتز كان قلبه بيدق بسرعه وعايز يقوم يتكلم وينطق ويقول انه متنازل عن القضيه

لكن كاميليا بتشغله بالكلام ، وهو حاسس. أنه مش شايفها ولا حاسس بيها 

حاسس نفسه كانه في كابوس او حلم مخيف عايز يفوق منه ومش عارف

حس أنه أخيرا أخد نفسه لما نطق القاضي بقرار تأجيل الحكم للجلسه القادمه

عكس آمنه تماما اللي كانت بتعيط وعلي قد ما كانت فرحانه بقرار التأجيل علي قد ما خايفه من قرار النطق .. لكن كانت بتصبر نفسها وتقول يمكن خير وكل تأخيره وفيها خيره

وقف الكل مع آمنه وخرجوا لبره قاعة المحكمه وخرج معتز وكاميليا

سمع معتز صوت آمنه وهيه بتنده عليه وبتقول : أستني يا معتز

راحت آمنه عنده وقالت : انت شايف اننا استاهل منك كدا ... شايف ان نهاية حياتي معاكو تسوي اننا نقف قصاد بعض في المحكمه ، وانا وانت نستني قرار اولاد اخوك هيبقوا مع مين ... علي آخر الزمن بقينا فرجه للناس يا معتز . احنا اللي كان الكل بيتمني يعيش عيشتنا ويتلم لمتنا ، جت مراتك وفرقتنا . افرح بقا يا معتز واتبسط وسابته ومشيت

____________________________________

مرت الايام 

وكانت أيام صعبه جدا علي آمنه .. كانت دايما بتصلي وتدعي ربها اولادها ميسبوهاش

وكان مراد دايما يطمنها ودايما يساندها وبيساعدها تتخطي المرحله دي

يوم فرح سامح وفتون 

قرر سامح وفتون ميعملوش فرح لكن كانوا عازمين اصحابهم وقرايبهم في مطعم شيك جدا علي النيل

في بيت مراد عزام 

كانوا كلهم بيجهزوا عشان يروحوا لسامح وفتون

هشام : يلا بقا يا عم مراد انا جهزت

مراد : خلاص اهو أنا كمان جهزت

هشام : طب يلا بقا أنده للبنات عشان نلحق

مراد : ماشي 

عند البنات

أمل : جهزتي يا نهي

نهي : آه جهزت خلاص .. وأبله امونه لسه طبعا

أمل : اتنهدت بحزن. وقالت تلاقيها بتعيط كالعاده .. انا هدخل اندهلها 

دخلت أمل لآمنه الاوضه واتفاجئت بآمنه وهيه لابسه فستان شيك جدا لونه نبيتي ساده ضيق من الصدر ومنفوش من الوسط

أمل : ايه الجمال دا يا أمونه

آمنه : ابتسمت وقالت. مش ذوق مراد .. لازم طبعا يكون جميل

أمل : ضحكت وقالت لا لا انتي اتطورتي خالص في الكلام عن مراد اخويا وأخدتي عليه في الكلام كدا ... وغمزتلها وقالت إيه النظام ما ترسيني علي الدور

آمنه : اتنهدت وقعد علي الكرسي تلف طرحتها وقالت مفيش يا أمل .. بس الحكايه أني قررت اعيش

أمل : انتي حبيتي مراد يا أمونه

آمنه : ابتسمت وقالت الكلمه دي مبتتقالش يا أمل ، الكلمه دي بتتحس وبس وانا حسيتها من مراد اخوكي كتير أوي 

الحب مش كلام وخلاص ... الحب افعال ، وانا شوفت الحب من مراد لما قدر يلملم جروحي ، ولما قدر يرجعلي ثقتي في نفسي من تاني ... وشوفت الحب منه لما حسيته سندي لما معتز رفع قضيه عليا ... وحسيته عوضي لما قدر  يرجعلي ثقتي بنفسي من تاني لما فقدتها بعد ما سبتهم

واتنهدت بحب وقالت مراد بالنسبالي حاجه كبيره يمكن أكبر من كلمة حب دي كمان يا أمل

في الوقت دا سمعوا صوت مراد وهو بيندهلهم ويستعجلهم

وخرجوا كلهم مع بعض ومشيوا

____________________________________

في المطعم

كان الكل متجمع بفرحه مع سامح وفتون

صابر : الف مبروك يا أولاد ربنا يسعدكم يارب 

سامح : الله ببارك فيك يا عمي 

مراد : مبروك يا صاحبي ربنا يسعدك يارب 

سامح : حبيبي يا بوص متحرمش منك ... وقرب من مراد  وهمسله وقال : كل اللي طلبته اتنفذ ، ما تخلع انت بقا

مراد : لا شويه كدا هنسهر معاكو الاول ، ونادر وهشام هياخدو البنات والاولاد ويسهروا بره

سامح : ربنا معاك الليلادي وتكون دخله جماعيه

مراد : اتلم يا متخلف انت ... انا مبفكرش في كدا ، انا كل اللي يهمني اسمعها منها بس يا سامح .. وقتها هحس أننا ملكت الدنيا ومافيها

سامح : ربنا ينولك مرادك يا بوص

نادر : إيه يا أتش مفيش أغنيه كدا حلوه 

هشام : بسخريه. هشغلكم اغنيه اجنبيه . عشان الاجنبي كريتيف شويه

نهي : يا عم شغلنا اغنيه نفهمها ، كريتيف أيه بس الله يسترك مش ناقصين حموضه

سامح : لا لا سيبوا اختيار الاغنيه دي عليا انا 

وقام راح عند الدي جي وطلب منه اغنيه رومانسيه وكانت اغنية رامي جمال (قول حبيبي )

وراح عندهم وقال : الاغنيه دي لسه نازله السنادي في عبد الحب ومكسره الدنيا ... وراح لفتون وقال تونة قلبي تسمحلي بالرقصه دي

فتون ابتسمت ومدت أيدها وقامت ترقص معاه

قوُل حبيبي إنك معايا وجنّب منِّي

دي الحقيقة ولا حلم وطال شوية

والكلام الحلو ده بتقُوله عني

يعني فعلا دُنيتي رضيت عليّ

استاذن نادر من مراد انه يرقص مع امل وكمان ابراهيم وبدور ونورا ورائد واتبقي آمنه ومراد ونهي وهشام والاولاد وصابر

وَعد مني تعيش معايا سنين مَعِشتش زَيُهم أحلامك اللي حلمتهم

انسَى الحياة والدنيا دي وتعالى نِهرب منهم

ما بقتش عايز ناس خلاص جاء لي اللي بيهم كلهم

وَعّد مني تعيش معايا سنين مَعِشتش زَيُهم أحلامك اللي حلمتهم

انسَى الحياة والدنيا دي وتعالى نِهرب منهم

ما بقتش عايز ناس خلاص جاء لي اللي بيهم كلهم

سامح وفتون

سامح : مبروك يا حرم الرائد سامح 

فتون : مبروك عليا انتي يا حبيبي ... بجد انا فرحانه اوي ومش مصدقه انك معايا

سامح : غمزلها وقال تحبي اثبتلك

فتون : ضحكت وقالت . انت سكتك دايما شمال كدا

سامح : أكل العيش مر يا قلبي

فتون : يا راجل

سامح : ركزي بقا مع موحه حبيبك النهارده كدا اوكي

فتون : احمم.. طب اسكت عشان متوترش

عند مراد وآمنه

قرب مراد من آمنه وقال : تحبي نرقص معاهم

آمنه : ابتسمت وقالت ارقص !! انا عمري ما رقصت اصلا الرقصه دي

مراد : وقف وقفل زرار بدلته وقال ولا انا عمري ما رقصتها مع حد .. بس المراد هرقصها معاكي ويا الناس تضحك علينا يا تسقفلنا

آمنه : طب وليه نكسف نفسنا يابن الناس ما تخلينا قاعدين بكرامتنا

صابر : يا بنتي قومي افرحي واتبسطي شويه

هشام : قومي يا امونه وحني علي الغلبان ده

نهي : عشان خاطري يا أبله امونه يلا والنبي

وقفت آمنه وقالت : امري لله  ... وراحوا يرقصوا معاهم 

مراد : ابتسمت وقال اسرحي مع الاغنيه وبصيلي وسيبي نفسك وانتي بترقصي

آمنه : أيوا يعني عايزني اعمل إيه

مراد : هههههههه أعمل اللي تعمليه المهم تكوني مبسوطه

يا اللي سايب ليّ رُوحك ومأمني

اللي فَاتك من الحياة هتعيشُه بيّ

وفي عيونك ألف حاجة مفرحني

والحياة بتزيد جمال لو بَصُوا ليّ

حست آمنه أنها مكسوفه ومش قادره تكمل رقصتها معاه وشايفه ومكسوفه من نظرات اللي حواليها سواء يعرفوها او ميعرفوهاش

بصت لمراد وقالت : م.م.مراد أنا مش عايزه أكمل رقص لو سمحت

مراد : ابتسم وقال اللي يريحك ... تحبي نخرج بره علي النيل

آمنه : ابتسمت وقالت ماشي

خرجوا هما الاتنين وكام سامح بيغمز لمراد 

فتون : هو فيه إيه 

سامح : ابدا يا حببتي بس مراد قرر النهارده يعمل جو رومانسي لآمنه يمكن تحن عليه 

فتون : الله .. بجد ، ياريت والله أمونه طيبه اوي والاتنين يستاهلوا بعض

____________________________________

عند مراد وآمنه

خرجوا من المطعم وركبوا العربيه ومشيوا

آمنه : أنت رايح فين

مراد : ابتسم وقال أبدا هنتكلم مع بعض شويه .. ممكن

آمنه : طب الاولاد

مراد : متخافيش كدا كدا نادر وهشام هياخدو امل ونهي ويخرجوا ويفسحوا الاولاد شويه معاهم مفيهاش حاجه 

آمنه : طب انت مش كنت بتقول هنقعد علي النيل رايحين فين

مراد : وقف العربيه وابتسم وقال.  انتي خايفه مني ولا إيه يا آمنه

آمنه : و.و.وأنا هخاف منك ليه بس ... بس يعني مكنتش عايزه أسيب الاولاد

مراد : معلش فيه حاجه مهمه لازم نتكلم فيها...تحبي نخرج بره ولا نروح البيت 

آمنه : ب.ب.بيت !!!  ... بيت إيه ل.ل.لا 

مراد : عقد حواجبه وقال انتي خايفه مني

آمنه : هخاف منك ليه بس ... انت جوزي يعني

مراد : اتنهد وقال طب نروح مكان عام

آمنه : اتنهدت وقالت لأ نروح البيت

مراد : ابتسم وقال اوكي اللي يريحك

____________________________________

في المطعم

نورا : هيه أمونه راحت فين يا عم صابر 

صابر : خرجت شويه بره مع جوزها

رائد : ما تيجي نكمل رقص معاهم يا نونو

نورا : اتلم بقا والله العظيم كمال اخويا لو عرف هيشلوحني

هشام : وكمال ليه .. انا اللي هشلوحك 

نهي : أمم هتعمل فيها كبير بقا وعاقل

هشام : بعصبيه. أنا عاقل غصب عنك

نهي : ومالك اخدت الكلمه علي صدرك ليه كدا واتحمقت

هشام : بت انتي...

نادر : باااااس خلاص الله يخليكو اتهدوا شويه

أمل : خلاص يا نهي متستفزيش هشام بقا

هشام : ازاي يعني.. دي اختك دي بطلة العالم في الاستفزاز

نهي : بتوعد . طيييييب قابل اللي جاي بقا معايا

ابراهيم : خلاص بقا يا آنسه نهي اتش بيهزر

بدور : والله هشام عسل وبيحب الهزار يا نهي

نهي : جزت علي أسنانها بغيظ وقالت انتو هتقولولي

____________________________________

في بيت مراد عزام 

وصلت آمنه ومراد للبيت ودخلت آمنه للاوضه بتاعتها وخرجت بأجنده في ايدها

مراد : إيه دا 

آمنه : ابتسمت وقالت أقرأ اللي فيها وانا ثواني وجايه

أخد مراد الاجنده منها وبدأ يقرأ الكلام اللي فيها

كانت آمنه كاتبه فيها بعض الكلام اللي بيخطر على بالها من اول لحظه شافته فيها

اللقاء الاول❤ (لما شافها مع معتز )

آتاني لقاؤه كالبدر يوم كماله

ولكني أشعر أنني ظلمته عندما شبته بالبدر ...

 فالبدر عندما يظهر يكون بدايته هلال

وأنما هو كان كقرص الشمس كاملا وكالبدر في ليلة التمام

اللقاء الثاني❤ (لما شافها في القسم)

يرقص قلبي من رؤيتك وأخاف ان تسمع نبضاته

فتشعر أنني اعشقك فتسألني من متي ؟؟

اللقاء الثالث❤ ( لما راحلها البيت )

هل أتيت إلي هنا حقاً للاعتذار منا...

أم اتيت لرؤيتي كما يخبرني قلبي..

فكم أتمني علمِ بهذا السؤال..

ولكني اخشي معرفته !

اللقاء الرابع❤ (لما طلب منها متزغرطش)

هل هذا حقا الذي اشعر به ..

غيرته ، خوفه ، احتواءه اليَ ..

 هل هنا أحد يخبرني بأنني ما اشعر به لس حلم جميل

وأنني سوف استيقظ منه علي رؤيته ممسكاً بعروس غيري

اللقاء الخامس ❤ (في فرح معتز )

اشعر في كل لحظه أراك بها أنني رأيت نفسي كطفله مراهقه جديده .. لم تعرف للحب أحساس من قبل

فهل حقاً تعلق قلبي بك،  واصر علي عذابي بلقاؤك .. 

أم هناك شئ آخر تخبأه الحياة لي وانا لم اعلم عنه شيئاً ... 

فأتمني لو أختارت لي الحياه العذاب بأن أراك كل يوم وأنت لست ملكي..

فأقسم لك انني ساختار العذاب برؤيتك وانت لست ملكي 

_____ والكلام دا كتبته بعدم ما سابتهم وعاشت معاه واتاكدت من حبه ليها ____

الحب اللى بجد مش هو الحب الأول، الحب اللى بجد هو الحب الأخير، حب الشخص اللى قدر يلملم جروحك ويرجعلك ثقتك بنفسك، الشخص اللى كان لك العوض بعد الوجع والخيبة وفقدان الأمل، الشخص اللى شال معاك همومك وحاول يصلح اللى اتكسر جواك، الشخص اللى شاف فيك الحلو فى الوقت اللى أنت كنت شايف فيه الدنيا كلها وحشة .. الشخص اللى حبك وأنت مستهلك ومستنزف، الشخص اللى اتمسك بيك بالرغم من كل الظروف مش اللى سابك فى أول محطة .❤

يوم زواجي ❤

كم كنت اتمني تلك الحظه منذ اللحظه الاولي بلقاؤك 

ولكني لا اعلم كيف يشاء القدر ان يجمعني بك في تلك الليله الحزينه

ولكن وجودك بجواري يطمئن قلبي  ويسانده

فآه لو تعلم ما مدي عشقي لك 

فلو تجسد العشق في كلمه فتتجسد بك انت يا مراد❤

قفل مراد الأجندة وهو بيضحك من قلبة وكان بيلف زي المجنون وراح علي باب اوضتها وخبط عليها وقال : أ.أ.أمونه اخرجي عايز اتكلم معاكي شويه ، عشان خاطري يا حببتي اخرجي

فتحت آمنه الباب واتفاجئ مراد من شكلها ... أخيرا آمنه ظهرتله بجد ، شخصية الانوثه اللي جواها هيه دي اللي طلعتله ، مش آمنه اللي شوفنا شخصيتها طول الروايه

آمنه كانت لابسه فستان أبيض طويل منفوش من الوسط وفارده شعرها البني الطويل ومزينه نفسها بميكب هادي جدا ... كانت حقيقي زي الملكات ، كانها تشبه سندريلا 

مراد كان ببيبصلها بإعجاب ومش مصدق نفسه ان اللي خرجت دي تبقي آمنه .. معقول خلاص قررت تكسر اي حواجز ما بينهم وتبقي مراته قولا وفعلا

آمنه : ابتسمت وقالت بصوت رقيق جدا. مش لايق عليا الانوثه ولا إيه يا مراد

مراد : عقد حواجبه وقال إيه الصوت دا ... لا دا كتير عليا النهارده والله ... معقول انتي أمونه بجد

آمنه : راحت عنده وحطت أيدها الاتنين علي صدره وقالت أيوا أنا أمونه بجد ... امونه اللي عشقتك من اول لحظه شافتك فيها ، أمونه اللي فضلت تكتم جواها كل مشاعر الحب ليك انت وبس ... أمونه اللي قدامك دلوقتي يا مراد هيه أمونه بطبيعتها 

مراد : بص علي أيدها وابتسم ولف ايده حوالين وسطها وقال . يعني ايه امونه بطبيعتها اللي قدامي ، طب وشخصيتك اللي شوفتك بيها

آمنه : شخصيتي اللي شوفتني بيها دي أنا اللي فرضتها علي نفسي عشان اعرف اعيش مع 3 رجاله في بيت واحد وكانوا كلهم عزاب .. مكنش ينفع ابقي بشخصيتي اللي قدامك دي عشان مطمعش فيا أي حد ، وانا فضلت اني احبس كل ذرة انوثه فيا للي قلبه يدقله اللي هو انت 

مراد : هز راسه بمعني يصحصح نفسه وقال : الكلام دا ليا انا

آمنه : اتجرأت أكتر ولفت أيدها حوالين رقبته وقالت بدلع : أنا عندي كلام كتير أوي الليلادي يا مراد ومقرره اني اكشفلك عن كل موقف حصل معايا  سواء كنت معايا فيه او لأ،  بس أنت تسمعني ولو عايز تسالني عن اي موقف نسيته اسالني وانا هقولك حالتي كانت عامله ازاي

مراد : أمممم شكلنا النهارده هنستمع للكواليس اللي كانت بتحصل من ورايا .. مش كدا

آمنه : هزت راسها بدلع وقالت . أمم بالظبط كدا،  ها يا سيدي عايز تسألني عن إيه

مراد : عايز اعرف حاجه واحده بس ... انتي فعلا بتحبيني من اول مره شوفتيني فيها

آمنه : عشقتك ... عشقتك من اول مره شوفتك فيها ، قلبي دقلك بسرعه رهيبه ومشيت يومها من قدامك عشان خوفت انوثة آمنه تظهرلك ، ولما قعدت بيني وبين نفسي افتكرت ان معتز قايلي انك خاطب وكاتب كتابك كمان .. فقررت استبعد الفكره دي عن دماغي ، بس كان غصب عني برجع افكر فيك تاني 

كل مره كان بيحصل موقف ما بينا كنت بقولك كلام مش مناسب اللي انت سميته دبش .. كنت بقوله عشان متحاولش تتكلم معايا تاني اصلا ، لكن من حظي كنت ترجع تتكلم تاني ، وكنت بتعلق بيك اكتر وأكتر 

مراد :  باستغراب . طب ليه رفضتي طلبي لما طلبت ايدك 

آمنه : اتنهدت وقالت . هتصدقني لو قولتلك معرفش .... بس حسيت ان كذا حاجه عرفتها لخبطولي عقلي ، يعني طلعت بتحبني ودي حاجه خلتني فقدت السيطره علي نفسي بنسبة 100% كنت بحاول اسيطر علي نفسي لدرجة اننا اديتك ضهري وانا بكلمك عشان خوفت ... خوفت من فرحتي اترمي في حضنك 

بس أنت كمان غلطت يومها يا مراد

مراد : انا غلطت ... ازاي ؟؟؟ 

آمنه : قولتلك الموضوع مرفوض انت ما صدقت ومشيت ... حسيت اني كنت بالنسبالك مجرد امنيه عاديه ، والله اتحققت خير وبركه متحققتش عادي هلاقي غيرها 

عارف كان نفسي احس نفسي اننا مهمه عندك لدرجه تخليك تتهبل في تصرفاتك وتفضل متمسك بيا ، حتي لو حصلت انك تخطفني 

واتنهدت وقالت : لكن لما شوفتك مع سامح وانتو رايحين لفتون وشوفت دقنك وحزنك اللي باين عليك ... قلبي وجعني اوي ياما كان نفسي احضنك واقولك افهم يا غبي انا محتاجه احس منك بالحب والتمسك بيا ، مش تتهزم من اول كلمه

الفرق بيني وبينك اننا قلبي لما حبك وكان فاكر انك بتحب غيري  ميأسش مني وقرر ينبضلك في كل ثانيه .... لكن انت اتهزمت من كلمه ومحستش بقلبي ولا بحبي

مراد : احس ازاي بس يا حببتي.. انتي كان عندك كمية ثبات نفسي وانتي بتتكلمي رهيبه ، محدش اصلا يقدر يشك لحظه انك بتحبيني

آمنه : ابتسمت وقالت.  أمي الله يرحمها يوم قراية فاتحة امل لما كنت متوتره من وجود معتز ودا اللي ظهرته ليكوا ، هيه بس اللي فهمتني وفهمت سبب توتري كان إيه

مراد : كان إيه ؟؟

آمنه : ضحكت وقالت. كان خوف اني امشي من بيتك ومش اشوفك تاني .. كان خوفي ان معتز ياخد باله ويعرف ويعمل اي حاجه ويرجعني ليه وانا رقبتي مقطومه عشان ولادي

مراد : طب ما انا عرضت عليكي الجواز كام مره بعدها .. مقبلتيش ليه ؟؟

آمنه : ضحكت بصوت عالي وقالت. كنت بربيك 

مراد : بتربيني !! ليه

آمنه : عشان تحرم بعد كدا لما تحب حاجه وتعوزها ومتتمسكش بيها يبقي تستاهل اللي يجرالك

مراد : طب إيه حكاية أنك شيلتي الرحم دي .. انا عمي صابر قالي هيه تبقي تفهمك ايه سبب أنها قالت كدا لمعتز بس

آمنه : اتنهدت وقالت . هقولك ، بص يا سيدي بعد ما ولدت عبدالرحمن كان معتز في القاهره حواليا فكان كل يوم يجيلي وكان معاه صاحبه اسمه جلال .. جلال دا حبني اوي وكان مستعد يعمل المستحيل اني اوافق ، وانا طبعا كانت حالتي زفت ولا طايقه سيرة الموضوع دا من اساسه ... بس عشان هو محترم اضطريت اكدب الكدبه دي واقوله انهم استاصلولي الرحم بعد ما ولدت ، يعني انا كدا مش ست وانت عمرك ما هتخلف وانا مرضهالكش والكلام طبعا خال علي معتز وطلبت من معتز انه يفضل سر بينا  قدام جلال دا وقولتلهم لو حد عرف يبقي منكم ، ودا طبعا عشان اسبك الدور صح 

طبعا معتز صدق وجلال صدق ومشي لحاله .... انا بقي نسيت الموضوع دا اصلا لكن لما نزلت البلد يوم كتب كتاب فتون قابلت معتز و.....

فلااااااااش باااااااااك

معتز : آمنه !!! انتي كنتي عندنا

آمنه : وانا اروح عندك ليه ... المكان اللي فيه حيه زي كاميليا مدخلوش تاني ... اتفرقتوا يا معتز خلاص ، سمعت كلامها وطردت أخوك من بيته ... هان عليك هشام يا معتز وانت بتطرده ، ولا هان عليك حازم وانت بتقوله ان اخوك مات .... انت ايه ياخي 

معتز : زي ما انا هونت عليكي وبطالبي بحقك وحق الاولاد دلوقتي بعد العمر دا كله

آمنه : انت قولتها اهو ... حقي وحق اولادي ، ومش هسيبهم لعقربه زي كاميليا تتهني بيهم يا معتز فااااااهم وسابته ومشيت

معتز : نده عليها تاني وقال . طب حاجه كدا افكرك بيها بس عشان متنسيهاش وتحطيها حلقه في ودنك ... ياريت لو اتجوزتي ، ابقي قولي للي هتتجوزيه انك شايله الرحم .. يعني هتاخدني نص ست لا مؤاخذه وسابها ومشي

اتصدمت آمنه من كلمة معتز ومكنتش تعرف ان الكدبه اللي كدبتها ما زالت بتطاردها لحد الان ... للدرجادي يا معتز قلبك اسود اوي كدا عشان تفضل فاكر موقف بقاله 6 سنين ،  ورفعت وشها للسما وقالت يارب اختارلي الخير

بااااااااااااااااك

مراد : طب وليه مفهمتنيش الحكايه من الاول أنها كدبه

آمنه : افهمك واقولك انا كدبت عشان اطفش واحد بيحبني صح ... هتسيب الحكايه كلها وهتروح تدور علي جلال دا ومش بعيد ترنه علقه تجيب اجله مش كدا

مراد : ضحك بصوت عالي وقال عندك حق...

طب قوليلي بقا كنتي بتصحي في المستشفي تصرخي وتندهي عليا ليه ، كنتي بتشوفي إيه 

آمنه : كنت بشوفك وانت مديني ضهرك وماشي وانا بنده عليك ومبترضاش ترد عليا لحد ما بقع في حفره واصرخ وانا بستنجد بيك... بس كنت بحس اني في حضنك وبرجع انام تاني

مراد : رجع شعرها لورا ودانها وقال انتي فعلا بتبقي في حضني .. كنت كل ما ببقي في المستشفي وبتصحي تصرخي كنت باخدك في حضني لحد ما تنامي

آمنه ضربته علي صدره بخفه وقالت : يا قليل الادب 

مراد : غمزلها وقال ما بلاش انتي تتكلمي دلوقتي انتي ليكي حساب كبير اوي معايا وهخلصه منك ... بس نخلص كلامنا 

آمنه : كلام الليلادي مش هيخلص يا مراد .. آمنه جواها كلام ليك مش ممكن يخلص ابدا ، بس ياتري بقا هتسمعني ولا هتمل مني

مراد : باس جبينها وقال وحياتك عندي بعشقك وعمرك ما هتندمي في يوم انك اختارتيني ... تعرفي انا كنت موضبلك مركب في النيل ومزينها باسمك عشان نخرج نتكلم مع بعض فيها .. قولت يمكن الجو الرومانسي دا ياكل معاها

آمنه : ابتسمت وقالت هتعوضهالي صح

مراد : وحياتك عندي هعوضهالك بس بطريقه احسن ... لاني هعوضهالك وانا عارف انك بتحبيني من قلبك

آمنه : حضنته بقوه وقالت اوعدني متتخلاش عني ابدا يا مراد انا ضعيفه من غيرك ، انا قوتي بيك انت وبس

مراد : حد قالك عني اني مجنون قال ابعد قال ، بس أنا عايز منك طلب

آمنه : إيه

مراد : قوليلي بحبك يا مراد

آمنه : ضحكت بصوت عالي وقالت : بعشقك يا مراد مش بحبك بس...

وكفايه محن النهارده كدا ونكمل الحلقه الجايه😂 .. اتمني تعجبكم ومنتظره رأيكم❤

البارت 17_18 من هنا