 |
روايه ابن عمي
البارت 23_24_25_26
للكاتبه اميره محمود
جودي راحت جمعتها لوحدها ونور راحت لادهم المستشفي
ادهم، هي مجتش معاكي
نور، هي مين
ادهم، بطلي رخامه
نور، لا مجتش راحه الجامعه
ادهم ، دي دماغها ناشفه
نور، عارف بحس انها زيك بالظبط كرامتكوا لو اتخدشت بتنهوا كل حاجه
ادهم، بس انا نسيت واتأسفتلها مع أن أي واحد مكاني كان عمل كده واكتر كمان
نور، لا ياادهم كان كلمها فهمها بدل مايضربها قدام الناس وثم أن في حد يسيب مراته في بلد غريبه تمشي وزعلانه ويروح ينام عادي ده ايه الجبروت ده
ادهم، خلاص بقي مش عايز افتكر
نور، هو ايه ده انت مش عايز افتكر والتانيه مش عايزه اسمع حاجه
ادهم، كلميها كده اطمني عليها
نور، اطمن عليها ازاي مااحنا نازلين الصبح مع بعض
ادهم، هو انتي مبتخدميش حد خالص
نور، بص هعملك خدمه اهو وابقي افتكرهالي حاكم انت عامل زى القطط
ادهم، هتعملي ايه
نور، اصبر بس برن عليها اهو
جودي، الو
نور، ايوه ياجودي خلصتي جامعه
جودي، اه وفي الطريق مروحه
نور، طب عايزه منك خدمه
جودي، قولي استر ياللي بتستر
نور، في اي يابنتي
جودي بخاف من خدماتك حاكم عرفاكي
نور، بصي أنا عايزه اروح للولاد وادهم هيروح بليل ممكن تيجي تقعدي مكاني معلش
جودي، لا
نور، عشان خاطرى أصله تعبان اوي
جودي، منين تعبان وهيروح بليل
نور، اوووف تعالي اقعدي مع جوزك انتي أوله بخدمته
جودي، أنا مش مرات حد
نور، أما يبقي يطلقك ابقي قولي كده دي فيها ذنب وعقاب كبير من ربنا
جودي، نور مش هاجي وهقعد بالولاد عما تيجي سلام
ادهم، قالتلك ايه
نور، مش هاتيجي
ادهم، خلاص سيبيها علي راحتها أنا هحاول انساها
،،،،،،
زين خلص كشوفات وخرج يتمشي في طرقه المستشفي
زين، ازيك يا دكتور كارما
كارما ،الحمد لله
زين، انتي أوضتك جنب اوضتي
كارما، والله طب تمام وسابته وجايه تمشي خبطت في هنا وكبت الكنز عليها
هنا، ايه ده مش تفتحي واللا انتي عاميه
كارما، انا اسفه مقصدش
هنا، لا انتي شكلك بجد عاميه انتي دكتوره ايه انتي
كارما، اطفال
هنا، ماهو باين اصلا ابقي فتحي وانتي ماشيه
كارما،😭 انا بجد مشوفتكيش😭😭😭
هنا ، حاكم أنا مش فاضيالك وسابتها ومشت
زين، هو انتي مردتيش عليها ليه ليه تسيبيها تهينك
كارما، عشان أنا مبردش علي حد اكبر مني😭😭 عن اذنك وسابته ودخلت اوضتها
زين، البت دي مجنونه واللا ايه
،،،،،،
ادهم، ياحجه انتي ياحجه انتي جايه تنامي هنا
نور، عايز ايه سيبني انام
ادهم، الباب بيخبط
نور، مش راحه الجامعه عايزه انام
ادهم، ادخل ياللي بتخبط ده انتي في بلد تانيه
جودي فتحت الباب ودخلت
ادهم بفرحه ،مش قولتي مش جايه
جودى، أنا اجيت عشان نور تروح لولادها أنا مش هعرفلهم
ادهم، اومال هتعملي ايه في بنتك كمان كام شهر
جودي، ربنا يسهل نور يانور اومي ياللا
نور، ايه ده جودي مش قولتي مش هتيجي
جودي، روحي لولادك ياقلبي وانا هقعد مع اخوكي
نور، ماشي ياقلبي تسلميلي أنا ماشيه ياادهم بااااي
ادهم، جودي
جودي، نعم
ادهم، ممكن اشرب
جودي، ماشي اتفضل
ادهم، شكرا
جودي، العفو
ادهم، أنا جعان ممكن تاكليني
جودي، ماشي
قعدته وحطت مخده ورا ضهره وجابت الاكل تاكله
ادهم، متمليش المعلقه اوي
جودي، طيب ياللا
ادهم فضل سرحان في عينيها وهي بتنظرله نظرات كلها عتاب
ادهم، والله بحبك
جودي، سيبتني امشي ليه
ادهم، عشان هنتيني
جودي، طب وبالنسبه للي كنت بتعمله انت والابله سلمي
ادهم، والله ماعملت حاجه ومكنتش اعرف انها زباله اوى كده
جودي، خلاص يا ادهم معتش ينفع اسامحك علي عملته فيا مهما اتاسفت مش هتداوي القلم اللي اخدته قدام الناس
ادهم، أنتي شتمتيني وقليتي مني قدام الناس
جودي، أنا كان جوايا نار
ادهم، خلاص مش عايز اكل ممكن تقفلي النور عايز انام شويه
جودي، ماشي وشالت الاكل وقفلت النور وراحت نامت عالكنبه
ادهم، يارب عايز ارتاح أهديها يارب
،،،،،،،،
نور روحت وقاعده تلاعب ولادها
احمد دخل عليها، هما بدأوا يستوعبوا
نور،. اه وبيضحكوا تعالي كده شوف
احمد، نزل چنب نور وقعدوا يلاعبوا ولادهم
احمد، تعرفي أن جودي بقت شبهك خالص
نور، ومحمد شبهك خالص
احمد، ربنا يخليهوملنا يارب
نور، يارب ياحبيبي اوم ياللا غير وننزل نتغدي
احمد، ماشي ياقلبي
،،،،،،،،
جودي، ادهم ادهم
ادهم، ايه في ايه
جودي،. ياللا عشان هنمشي كمان شويه
ادهم، هتيجي معايا.
جودي، فين
ادهم، شقتي أنا اشتريت شقه وقاعد فيها من ساعه ما رجعت من الإجازة
جودي، هوصلك وهروح مينفعش اروح معاك
ادهم،. باتي انهارده بس عشان لو تعبت وبكره هجيب ممرضه تقعد معايا أو شغاله
جودى، طب ماتشوفلك خدامه من دي الوقت أنا مبشتغلش عن حد
ادهم، بكره واحد صاحبي هيبعتلي حد فمعلش روحي معايا
جودي، بكره فرح جارتنا وانهارده عمله حنه ولازم اروح
ادهم، خلاص براحتك
جودي، خلاص هبات معاك انهارده وهمشي الصبح
ادهم، شكرا في سره كنت عارف اني مش هاهون عليكي
جودي، ده واجب ياابن عمي
ادهم في سره ابن عمي ابن عمي
،،،،،،،،
ادهم روح البيت هو وجودي
ادهم، شكرا كمان مره
جودي، العفو بس
ادهم، بس ايه
جودي، أنا مش معايا هدوم انام فيها
ادهم، هدومك في الدولاب جبتهم معايا وانا جاي من الغردقه
جودى راحت فتحت الدولاب وقالت لنفسها مينفعش البس منهم حاجه وراحت لبسه بيجامه ادهم
ادهم، جودي جودي
دخلتله ،نعم
ادهم بضحك هستيري، ايه اللي انتي لبساه ده😂😂😂😂
جودي، كنت عايزه حاجه محترمه لان مينفعش اقعد معاك بالهدوم اللي في الدولاب دي احنا يومين وهنطلق
ادهم، اووووف بس بقي هنطلق هنطلق أنا مبطلقش فاهمه مبطلقش
جودي، وانا هطلق ياادهم
ادهم، أنا مش هينفع اسيب مراتي وبنتي انا مليش غيركم
جودي، لا ليك الأبله سلمي
ادهم، مفيش سلمات قلبي فيه جودي وبس
جودي، هتنام واللا هتعمل ايه
ادهم، اه هنام انتي هتنامي فين
جودي , ع الأرض هنا
ادهم ،ماشي اللي شيفاه صح اعمليه بس ممكن توديني الحمام
جودي. ، طب هو انت متعرفش تروح لوحدك خالص
ادهم، لا سنديني بس للحمام
جودي، تمام اوم ياللا
ادهم فضل ساند علي جودي لحد ما دخل الحمام
ادهم، معلش متقل عليكي يابنت عمي
جودي، لا ولا يهمك بس نام بقي عشان صدعت منك ياريتني كنت قعد بولاد اخويا ارحم
ادهم😂😂😂قصدك ايه
جودي، حاسه اني قاعده مع طفل كل شويه طلب
ادهم، خلاص ياجودي مش هطلب حاجه تاني تصبحي على خير
جودي، وانت من اهله وبتفرش عشان تنام علي الارض افتكرت أنها نست تسأل احمد
جودي بصوت عالي، اووووووف علي غبائي
ادهم، في ايه
جودي، مفيش نام انت يارب ميزعلش
ادهم، هو مين
جودي، الو ايوه يااحمد بقولك معلش انا هبات انهارده مع ادهم عما بكره ممرضه تيجي تقعد معاه ممكن
احمد، هو ايه اللي ممكن جايه تقوليلي بعد ما روحتي معااه
جودي، اسفه والله نسيت خالص
احمد،. ماشي ياجودي لينا كلام أما تيجي
جودي، خلاص يااحمد والله متزعلش بكره الصبح هكون في البيت
احمد،ماشي سلام
،،،،
ادهم، هو انتي بتستأذني اخوكي انك تباتي مع جوزك
جودي، قولتلك مش مرات حد
ادهم بزعييييق، لا مراتي عايزه تصدقي متصدقيش انتي حره فاهمه
جودى بزعييق، مش مراتك قولي أنا مراتك ازاي بعد ده كله أنا كل يوم بنام معيطه بسببك كل يوم اقول هيجي الصبح وياخدني عشان نربي البيبي سوا كل يوم اقول أنا اللي اجيت عليه واطلع نفسي غلطانه لنفسي عشانك أنا عشانك كنت بكره نفسي عشان انت اناني ومحاولتش تيجي ورايا اهم حاجه انت وشكلك قدام الناس أنا لا وعارف كنت عارفه أما هتعرف اني حامل هتحاول اننا نرجع عشان كده مكنتش عايزه اعرفك وسبحان الله حليت في عينك وعايز نرجع بس عشان اللي في بطني انا اسفه ملكش حق لا فيا ولا فيها
ادهم، خلصتي
جودي، نزلت نامت عالارض ومعبرتوش
ادهم، أنا عمرى ماكرهتك علي فكره انا بعد مامشيتي حياتي ادمرت مبقتش قادر اعيش حياتي وارجع زى ماكنت كل شويه بطلع مهمه عشان بعت روحي وقولت مش عايز اعيش هعيش لمين المهمه الاخيره كنت اول مره اروح وانا خايف عشان عرفت أن ليه حاجه في الدنيا ممكن تتكسر ومتلقيش ابوها اللي يداوي كسرتها كنت بصبر نفسي وانا رايح اقول حتي لو حصلي حاجه فكفايه أن أمها احن واحده في الدنيا هتكون مش ناقصها حاجه لأنها هتعوضها وفي الاخر دمعت وقولت يارب نفسي ارجع لحضن مراتي وبنتي وفي الاخر تقولي اناني
جودي اتاثرت بكلامه، وعملت نفسها نامت
ادهم، نمتي تصبحي علي خير يااجمل حاجه في دنيتي
بكره البارت الجديد اشوف التفاعل وتعليقات برأيكم مش ملصقات
روايه ابن عمي
البارت الرابع وعشرون
للكاتبه اميره محمود
ادهم متسبنيش ياادهم انا اسفه والله ماتسبنيش
ادهم، جودي فوقي فوقي ياجودي ونزل على ركبته عشان يصحيها ااااه رجلي مش عارف انزلك علي الارض فوقي فوقي بقي
جودي فاقت وراحت اخده ادهم في حضنها
ادهم بصدمه، في أي مالك
جودي، كل يوم بحلم انك سبتيني
ادهم، متخافيش ياقلبي أنا عمرى ماهسيبك تاني
جودي فاقت وراحت زقه ادهم بعيد عنها
ادهم، ااااه
جودي، انا اسفه اوم وراحت مده أيدها ليه
ادهم، رجلي ربنا يسامحك ااااه
جودي، اوم ياللا أنا هساعدك وساعدته قومته
ادهم، هو انتي بتحلمي بكده كل يوم عشان كده بتفضلي تعيطي طول الليل
جودي بصدمه، وانت عرفت منين اني بعيط بليل
ادهم، العصفوره قالتلي
جودي، اه واسمها نور
ادهم، طالما بتحبيني اوي كده ليه مش عايزه ترجعيلي
جودي، في دم نازل من رجليك
ادهم، متغيريش الموضوع
جودي، اتفضل نام أما اشوف الجرح
ادهم، ماشي براحتك متجاوبيش
جودي، خلاص غيرتلك عالجرح اتفضل نام
ادهم، وانا هعرف أنام دي الوقت
جودي،. طب تمام أنا هنام تصبح علي خير
ادهم، وانتي من أهله هتنامي بردك على الأرض
جودي، أنا نمت خلاص
جودي في سرها أنا لازم اغيرك ياادهم لازم اوصلك لدرجه عاليه من العصبيه اشوفك هتتغير واللا لا أنا نفسي اطلع انام جنبك واخدك في حضني بس لازم اغيرك اول
ادهم هي ليه بتعمل كده قلبها بيقول عايزني وهي بتعاند اعمل ايه بس معاها أنا مش قادر علي بعدها عني ربنا يهديكي يا جودي و ترجعيلي
،،،،،،
عند زين وكارما
زين، اي ده انتي رايحه فين مش انهارده فرح اختك
كارما، هروح المستشفي وهمشي بدرى
زين، طب تعالي اوصلك
كارما، لا شكرا أنا هركب تاكسي
زين، هو انتي معندكيش عربيه
كارما، لا بخاف اسوق وعم محسن السواق لسه مجاش
زين، طب احنا رايحين مستشفي واحده وساكنين جنب بعض اركبي مش هخطفك مبخطفش دكاتره صغيرين
كارما، علي فكره بطل تضايقني أنا مش صغيره أنا عندى٢٥سنه
زين، خلاص ياعم الكبير اركبي بقي
كارما، لا تاكسي وراحت ركبت التاكسي
زين لنفسه شايفا نفسها علي ايه ده انتي كلك علي بعضك اخرك أولي اعدادي ومشي راح شغله
،،،،،،
عند احمد ونور
احمد، نور أنا رايح الشغل وهرجع بدرى عشان فرح ياسمين بنت عم حسين الراجل ده كان صاحب ابويا ومراته كانت بتحب امي اوي فعايز اروح من بدري اقف جنبه لانه معندوش غير بنتين
نور، ماشي ياقلبي أنا هسيب الاولاد مع ام سيد وهاجي معاك
احمد، ماشي ياقلبي أنا ماشي سلام
نور، سلام ياحبيبي
،،،،،
عند زين وكارما
زين، جهزوا العمليات حالا لازم ولاده مستعجله
الممرضه، ماشي يادكتور
زين، اندهو للدكتور كارما تيجي عشان البيبي شكله عنده مشاكل وشكله هيدخل الحضانه
الممرضه ،ماشي هخبرها حالا
زين دخل العمليات يولد الحاله
زين ،عطا البيبي لكارما تكشف عليه وهو يقفل بطن الحاله
كارما، يخلاصي اول بيبي امسكه في حياتي
زين بزعييق، مش عطيهولك تلعبي بيه اتفضلي اكشفي عليه وشوفي النفس بتاعه
كارما اتحرجت، تمام يادكتور فعلا النفس مش منتظم محتاج يدخل حضانه فورا
زين، ماشي خرجوه لأهله يطلعوه الحضانه بسرعه
كارما، ماشي
،،،،،،،
عند ادهم وجودي
ادهم، صباح الخير
جودي، صباح النور
ادهم، أنا جعان اوي
جودي، انت مش قولت أن الشغاله هتيجي انهارده أنا عايزه امشي عشان الفرح
ادهم، معلش دوسي علي نفسك واستحميليني لحد ماتيجي وابقي امشي عالطول ولو اتاخرت هدومك كلها ومكياجك في الدولاب
جودي، ماشي أنا هحضر الفطار واما اخلص هجبهولك عندك
ادهم، ماشي كل حاجه عندك في التلاجه في المطبخ
جودي، طب هو المطبخ فين اصلا
ادهم، هو انتي لسه مشوفتيش شقتنا
جودي، بردك كلام مستفذ أنا تعبت افهم بقي أنا مش هعمل معاك وأما تقوم بالسلامه ابقي تعالي معايا للمأذون ونخلص
ادهم، خلاص آسف المطبخ جنب باب الشقه يمين
جودي، ماشي وسابته وراحت المطبخ
،،،،،،،
عند زين وكارما
كارما، دكتور زين لوسمحت أنا مبشتغلش عندك عشان تزعقلي قدام التمريض
زين، ماانتي واقفه تسبلي للبيبي وتعاكسيه وهو مش عارف ياخد نفسه
كارمه، اسبل هو انت دكتور بجد
زين، زى مانتي دكتوره
كارما ، طب بص بقي ياتكلمني كويس وتحترمني ياأما مش هشتغل معاك وسلام بقي عشان الحق اروح
زين، والله مجنونه
،،،،،،
عند جودي وادهم
جودي، أنا عايزه امشي بقي
ادهم، طب أعمليلي اكل وامشي
جودي، اطبخلك يعني
ادهم، اه
جودي، بس انا معرفش
ادهم، هتصل بالسوبر ماركت اجيب فرخه وافتحي اليو تيوب
شوفي بتطبخ ازاي
جودي، اللهم طولك ياروح ماشي ماشي ياادهم
بعد شويه
ادهم، الباب بيخبط شكله الديلفرى
جودي، أما أقوم افتح
ادهم، عندك إسدال في الدولاب البسيه
جودي ، ماشي
جودي، اتفضل اوم اقعد عالكنبه ساعدني
ادهم، اساعدك ازاي
جودي، اوم بس وسندته خرجته
اتفضل قشرلي البطاطس دي
ادهم، ده انا ظابط مش شيف
جودي، ياتساعدني يامش هطبخ
ادهم،خلاص هاتي وقعد يقشر بطاطس
جودي، هات احمرها عشان معدش غيرها
بعد ما خلصت طبيخ واتغدوا
جودي، الساعه بقت خمسه ومشوفتش حد اجا هو انت بتضحك عليه
ادهم، وهضحك عليكي ليه اهو الباب بيخبط شكلها اجت
جودي، أما أقوم افتح يارب تكون هي
فتحت جودي الباب
الشغاله، مساء الخير يا عسل اني خدامتك زيزي بعتني هاني بيه اشتغل عند سيدك ادهم
جودي وقفه مبرقه وراحت بصه لادهم، اي دي
ادهم، مين
الخدامه زقتها ودخلت، انت ادهم باشا
ادهم، اه انتي مين
الخدامه، اني خدامتك زيزي هي دي مين احسن هاني باشا قالي انك عازب
جودي، اناااا
ادهم في سره قوليها بقي قولي
جودي، أنا بنت عمه وكنت بشوفه
الخدامه ، هو انتي كنتي بايته هنا اصلك لبسه بيجامه رجالي
جودي، اصل ادهم اخويا في الرضاعه وكنت بايته معاه عن اذنك ياادهم هدخل اغير عشان اروح الفرح
ادهم مش قادر يبطل ضحك🤣🤣🤣
جودي، ده جايب رقاصه مش خدامه
ادهم، الو ايوه ياهاني انت جيبلي ايه
هاني، وصلت اي رايك بقي
ادهم،🤣🤣🤣 تصدق أنا مش قادر ابطل ضحك
هاني، ولسه دي اللي هتخلي مراتك تشعلل نار وتتصلحوا
ادهم، ربنا يستر سلام دي الوقت
جودى دخلت تلبس عشان تروح الفرح لقت الفستان اللي ادهم رفض انها تخرج بيه
جودي، والله لهلبسه ياادهم أما اشوف هتعمل ايه
بعد نص ساعه جودي خرجت بالفستان ومخرجه نص شعرها بره الطرحه ودهنه ميكب على آخره
ادهم، انت ماشيه كده
جودي، اه ايه رايك
ادهم بغضب، مش انا قولت الفستان ده لا قبل كده😡😡
جودي، كان زمان ايام ماكنت
ادهم، سكتي ليه
جودي، مفيش أنا ماشيه وراحه تفتح الباب
ادهم بصوت عالي جودي😡😡
جودي، نعم
ادهم ، ادخلي غيري ياقلبي
زيزي، اسمعي كلام اخوكي
جودي، وانتي مالك انتي
زيزي،في ايه بتزعقيلي ليه
ادهم، تعالي نتكلم قبل ماتمشي
جودي، ماشي نعم عايز ايه
ادهم، عشان خاطري بلاش كده لو بتحبيني بلاش أنا مقدرش ابقي قاعد ومتخيل كل واحد عمال يبص لجسم مراتي
جودي، علي فكره انا مكنتش هنزل بيه بس كنت بغيظك
ادهم، بتغيظني
جودي، مش جيبلي رقاصه تقعد معاك فبردهالك وكمان بشوف ادهم اللي بحبه اللي بيتكلم معايا براحه هلاقيه واللا علاقي العصبي اللي كل كلمه بزعيق وضرب
ادهم، يعني افهم ايه
جودي، متبقاش غبي يادودو
ادهم، والله
جودي، والله بحبك
ادهم، وانا بعشقك يعني سماح
جودي، بشرط
ادهم، ايييه
جودي، مش تزعقلي تاني وانا احبك
ادهم، طب اومي ياللا غيري عشان تلحقي الفرح
جودي، مش همشي قبل ماتمشي الرقاصه ماهو أنا مش هسيبك معاها
ادهم، طب ومين هيعملي حاجتي
جودي، مش هتأخر عليك بس عشان بس عمو حسين غالي عليه هو وطنط هروح ومش هتأخر
ادهم، ده بجد واللا أنا نايم
جودي بزعييق، اوم بقي مشيها
ادهم، حاضر يا معلم
جودي، معلم مقبوله بس مشيها بقي ياادهم اووم
البارت الجديد هيشهد قصه حب رهيبه بين زين وكارما اشوف رايكم
نزلت بارت جديد اهو عشان الناس الحلوه اللي عايزه بارت كمان
روايه ابن عمي
البارت الخامس وعشرون
للكاتبه اميره محمود
احمد، جهزتي يانور
نور، اه ياحبيبي خلاص اهو خلصت
احمد بزهول، ايه القمر ده
نور بكسوف، شكرا
احمد، تجنني اقسم بالله كل يوم بتجننيني بيكي اكتر
نور، ربنا يخليك ليا وميحرمنيش منك
احمد، يارب ويخليكي ليا نعمه في حياتي
نور، طب ياللا عشان منتاخرش
احمد، ماشي ياقمر ياللا
زين، استنوا هاجي معاكوا أنا جهزت
احمد، ايه الشياكه دي يا دكتور زين
زين، دى أقل حاجه عندي ياابو نسب
احمد، ماشي يا معلم ياللا بينا
نور😂😂😂 وربنا اللي يسمعكم مايقول دكاتره خالص
زين، لا ودارس بره يااختي🤣🤣
نور، طب ياللا يامعلمين عشان نلحق الفرح 😂😂
زين واحمد🤣🤣🤣🤣🤣
،،،،،،
كلهم راحوا الفرح في بيت عم حسين
زين، اي ده ده العروسه ماليه مركزها مش اختها عيله فنفسها
احمد، زين معلش دول اخواتي ومحبش حد يتكلم عليهم كده احنا اتربينا مع بعض ومحبش حد يبصلهم بصه متعجبنيش
زين، أنا آسف يااحمد
احمد، خلاص ولا يهمك اهي كارما اجت اهي أما اروح اسلم عليها
زين بيبص عليها،مين دي مش معقول
كارما لبسه فستان كاشمير منفوش لحد الركبه وكت وفرده شعرها ولبسه تاج
زين، انتي ليه لبسه كده
كارما ، وانت مالك اصلا
زين، عجبك كده كله بيبص عليكي
كارما، اه عجبني عن اذنك وسابته ومشت
زين ماشي لقي واحد بيقول، شفت ياله اخت العروسه صاروخ لا وبيضا بياض دي بتنور
التاني رد عليه، لا شفت شعرها أنا عمرى ماشفت شعر بالطول ده ياجدع
زين ،ماتلم نفسك منك ليه
اللي واقفين، وانت مالك
زين سكت ومرضاش يرد وراحلها، ماتقعدي بقي بالفستان بتاعك ده
احمد ضحك لنور وقالها، السناره غمزت
نور، شكلها كده اي ده جودي اجت اهي
جودي، ازيكم ياجماعه
احمد، أنا رايح اقف مع عم حسين
جودي، ليه كده يااحمد مش عايز تشوفني
احمد، مش روحتيله برجليكي متبقيش ترجعي تعيطي
جودي بدموع، ادهم اتغير يااحمد وانا لازم ارجع عشان بنتي وعشان بحبه
احمد، خلاص اهدي متعيطيش احنا في فرح خلاص ياحبيبتي ربنا يهنيكوا يارب انا مش عايز غير سعادتك
جودي، وانا سعادتي في القرب منه نفسي نربي بنتنا سوا
احمد، استني التليفون بيرن في المستشفى وانا قيالهم محدش يرن عليه إلا لو في مصيبه
جودي، طب رد ربنا يستر
احمد، الو
السكرتيره ، انا اسفه يادكتور احمد بس في حاله تعبانه جدا وعايزين الدكتوره كارما ومبتردش خالص علي تليفونها
احمد، فرح اختها دي الوقت هي الحاله ضروريه
السكرتيره، والد الطفل بيزعق جامد وعايزها حالا
احمد، خلاص تمام أنا هبعتها حالا
،،،،،،،،،
احمد، كارما في حاله تعبانه في المستشفي كانت عندك الصبح وعايزينك دي الوقت
زين، استر شكلك عامله مصيبه هي الأحجام الصغيره دي بيجي من وراها المصايب
احمد، اسكت خالص مش وقتك
كارما، طب أنا هركب تاكسي وهروح حالا
زين، تركبي ايه بمنظرك ده تعالي هوديكي بعربيتي
احمد، اه فكره حلوه روحي معاه بسرعه وانا هتابعكم بالموبايل
كارما، تمام ياللا يا دوك زين
زين، اي ده وافقتي معجزه
كارما ،خلاص هرجع في كلامي
زين، ياللا يابرنسيسه بس مفيش حاجه تدارى بيها ايدك وصدرك ده
كارما، هجيب الشال حالا بس ياللا
،،،،
جودي، الو
ادهم، وحشتيني
جودي، انت اكتر والله تصدق مش لاقيه حد اناكفه
ادهم، طب ياللا تعالي بقي
جودي، خلاص ماشي هركب وامشي اهو جيالك
ادهم، احبك وانت مطيع
جودي، وانا احبك وانت هادي ياللا سلام ياحبيبي
،،،،،
زين، اتفضلي ياستي شوفي المصيبه اللي عملتيها ايه وصلنا
كارما، أنا مبعملش مصايب وراحت معيطه انت اسلوبك معايا وحش وانا غلطانه اني جيت معاك
زين، خلاص والله ياللا ندخل ونبقي نتكلم واحنا راجعين عشان نلحق الفرح
كارما، ماشي وفتحت باب العربيه ونزلت
زين دخل المستشفي
زين، في ايه كنتوا عايزين كارما ليه
والد الحاله، دكتوره كارما اهي يايوسف
كارما، خير في ايه بس يوسف ماله العلاج فيه حاجه
والد يوسف، لا بس هو مش راضي ياخد العلاج عمال يقول مش هيخده غير منك واحنا تعبنا معاه فجبناه تعطيله العلاج
زين، يعني انت خليتها تسيب فرح اختها والدنيا عشان تعطي العلاج لابنك تصدق انك معندكش دم
والد يوسف، هو فيه ايه مش دى مستشفي خاصه يعني بفلوسي يبقي بمزاجي أنا أو ابني
زين بزعيييق، احنا مبنشتغلش عند امك
كارما ، خلاص خلاص بس يا زين فين العلاج
والد يوسف ،اهو
كارما، هات اعطهوله الولد اخده عالطول
والد يوسف، شكرا يا دكتوره كارما وراح باصص لزين من فوق لتحت
زين، اووووووف ياللا اتفضلي نمشي
كارما، مش هروح معاك اتفضل امشي
زين، أنا زي مااخدتك ارجعك مينفعش اسيبك بمنظرك ده تروحي لوحدك هتتخطفي واكيد عارفه ممكن يحصلك ايه فاتفضلي من سكات
كارما، ماشي ياللا امشي بس والنبي بطل كلامك ده معايا
زين، ماشي ياللا
زين في العربيه، هو انتي مبتكلميش خالص
كارما، مبحبش الكلام
زين، هو ده لون عنيكي
كارما، اه
زين، حد يخبي اللون ده بالنضاره
كارما، نظرى ضعيف واتعودت عليها
زين، في حلول تانيه وبلاش تخبيهم أنا اول ماشفت عنين ابوكي قولت ياترى لون عينيها ايه اصلك عالطول بالنضاره
كارما،. زرقا
زين، لونها جميل اوي وصافي اول مره اشوف عنين صافيه كده
كارما، شكرا
زين، ياللا وصلنا الحمد لله متأخرناش
كارما، كنت حلو اهو ليه بتزعقلي قدام التمريض ليه بتحب تفرض. نفسك أنا بجد كنت اول مره امسك بيبي مولود والله كنت فرحانه وانت كسرت بخاطري
زين، أنا اسف وهبقي حلو معاكي عالطول بس ياللا بأم فستانك اللي هيجنني ده
كارما،ماشي هو انت مش هتدخل
زين، لاهروح انااام عشان مسافر بكره سوهاج العياده بتاعتي
كارما، اممم ماشي تروح وتيجي بالسلامه يادكتور
زين ،الله يسلمك ياكارما
،،،،
ادهم، متأخرتيش
جودي، اجيت بسرعه عشان معاد العلاج
ادهم، أنا اسف بجد شهر العسل ضاع مننا اي رأيك نرجعه تاني
جودى، لا الله يسترك لا عسل ولا بصل كفايه اوي اللي حصل
وثم أن البطيخه دي والجامعه هعمل فيهم ايه
ادهم، خلاص في الاجازه هتكوني ولدتي نبقي نخرج كلنا سوا
جودي، باذن الله
،،،،،
احمد ونور روحوا
احمد، الفرح كان جميل اوي شفتي عم حسين كان فرحان ازاي
نور، ربنا يسعدهم دايما يارب
احمد، هو في ايه الڤله عامله كده ليه
نور، ولادي ولادي وجرت علي ام سيد ياأم سيد لقتها مربوطه
احمد تلحقني يااحمد
احمد، في ايه وراح فكها مين عمل فيكي كده والولاد فين
ام سيد، في عصابه دخلو الفله وخطفوا الولاد وضربوني وربطوني
نور، انتي بتقولي ايه ولادي فين انطقي
ام سيد ، والله ده اللي حصل
احمد، أنا هبلغ البوليس وهفرغ كاميرات المراقبة
نور، ولادي ولادي يااحمد مش هعرف اعيش من غيرهم وراحت واقعه عالارض مغمي عليها
زين دخل ، في ايه يا احمد نور مالها والبيت عامل كده ليه
احمد،في حد دخل وخطف ولادي نور نور فوقي
نور بدأت تفوق، ولادي ولادي يااحمد أنا عايزاهم هاتهوملي
احمد، هلاقيهم والله هلاقيهم اهدي
الموبايل رن
احمد، ده رقم غريب
زين ،اكيد اللي خطفوهم رد بسرعه
البارت الجديد بكره باذن الله
للكاتبه أميره محمود
روايه ابن عمي
البارت السادس وعشرون
جودي،ادهم الحقني
ادهم، في ايه مالك
جودي، ولاد اخويا الاتنين اتخطفوا
ادهم، انتي بتقولي ايه ازاي
جودي، مش عارفه أنا هروحلهم
ادهم، هاجي معاكي
جودي، هتقدر تنزل
ادهم، اه ياللا بينا
،،،،،،،
زين، الكاميرات جابت اللي خطفوهم فعلا ملثمين زي ماتوقعت
احمد، طب هنعمل ايه دي الوقت
ادهم وجودي دخلم
ادهم، الكلام اللي جودي بتقوله ده بجد.
احمد، يعني هنهزر في موضوع زي ده
ادهم،. طب انت ليك أعداء
احمد، لا معمريش عملت حاجه وحشه في حد
نور، لا فيه يااحمد انت نسيت هنا
احمد، مش معقول هنا ممكن تعمل كده
نور، اللي يخليها تبعتلي رسايل يخليها تخطف ولادي
احمد، طب أنا رايحلها
نور ،انا هاجي معاك
احمد، هروح لوحدي خليكي هنا
نور، هروح معاك يااحمد عشان خاطرى😭😭😭
احمد، طب ياللا بينا
،،،،،
هنا، ايوه يامروان عملتو ايه
مروان، الامانه عندي في الحفظ والصون
هنا ، خلي بالك منهم أنا الراجل هيدفع فيهم حلو اوى
مروان ،طب هو هيستلم امتي
هنا، بكره الساعه خمسه واهو ابقي انتقمت من احمد ومنها صفقه العمر
مروان، ماشي يادوك أنا هقفل دي الوقت عشان ااكل الولاد أنا جبتلهم لبن وعملتلهم راضعه
هنا، ماشي خلي بالك منهم بص أنا هقفل احسن الباب بيخبط سلام
،،،،،،
احمد وصل عند هنا
احمد، نور خليكي في العربيه عشان خاطري
نور،. ماشي
هنا فتحت الباب لقت احمد في وشها
هنا، كنت عارفه اني هوحشك يا مودي
احمد، ولادي فين
هنا، ليه حد قالك أن هنا حضانه
احمد، مش هكرر ولادى فين
هنا، وانا اللي فكرتك حنيت ورجعلي
نور طلعت ورا احمد
نور، عشان خاطرى ولادي ملهمش دعوه انتقمي مني أنا أو احمد بلاش فيهم
هنا😂😂😂، أنا مبخطفش ولاد حد يا نونو
احمد، ورب الكعبه لهتندمي هخليكي تسفي تراب الشوارع
هنا بصتلهم من فوق لتحت وجايه تقفل الباب نور زقته
نور، عشان خاطري أنا ممكن اموت من غيرهم عشان خاطر ربنا أنا عايزه ولادي ارجوكي
هنا، ياللا امشوا بدل ما اطلب البوليس
احمد، ياللا بينا يانور أنا عارف هجبهم ازاي ولو طلعت هي اقسم بالله ماهرحمها
هنا قفلت الباب ونزلو يروحوا القسم
،،،،،،،،
ادهم، الو ايوه ياهاني أنا في حد دخل فله جوز اختي وخطف ولادهم أنا عايز حد يراقب تليفون هعطيك رقمه احنا شاكين أن صاحبه الرقم اللي هبعته هي اللي خطفتهم وهعطيك عنوانها ابعتلها حد يبقي زى ضلها
هاني، تمام ابعته واحنا هنعمل اللازم
،،،،
نور، ولادي راحوا يا احمد أنا مش هقدر اعيش دقيقه من غيرهم
احمد، هيرجعوا وانا اتاكدت أن الحيوانه هنا هي اللي اخدتهم
نو، فعلا من طريقتها كان باينه قوي
احمد، ياللا وصلنا القسم
نور، استني ادهم بيرن
احمد، طب ردى
نو، ايوه ياادهم
ادهم، هاتيلي رقم تليفون هنا وعنوانها بالتفصيل
نور، ليه
ادهم، هاتي بس
نور، احمد معاه رقمها خد يااحمد ابعت لادهم رقم هنا وعنوانها
احمد، هاتي كده ايوه ياادهم عايز الرقم ليه
ادهم، تعالو البيت وانا هعمل اللازم بس عايز تليفونها وعنوانها عشان هيتراقبوا حالا
احمد، ماشي احنا جايين وخد الرقم اهو وملاه الرقم،
،،،،،
ادهم، ايوه ياهاني جبتلك الرقم اهو عايز كل حرف بتقوله يتسجل
هاني، تمام ماشي أنا عملت المحضر مليني اكتب فيه ايه وانا هبعتلك عسكرى عشان تمضوا علي المحضر
ادهم، تمام ماشي
،،،،،،،،
احمد ونور روحوا
احمد، اطلعي يانور ياللا ياحبيبتي
نور وهي منهاره😭😭😭، ولادي يااحمد انا حاسه اني مش قادره ادوس علي رجلي
احمد شالها وطلعها
دخل حطها علي الكنبه
جودي، مالها يااحمد
احمد، رجليها مش قادره تشيلها
زين موبايله رن، الو
كارما، معلش انا اسفه اني برن عليك دي الوقت بس في سلسله وقعت مني وشاكه أنها وقعت في عربيتك
زين، تمام ينفع ادورلك الصبح عشان مش فايق خالص دي الوقت
كارما، خلاص تمام يا دكتور بس ياريت ابقي سيبهالي مع دكتور احمد قبل ماتسافر لو لقتها
زين، مفيش سفر بكره ولاد نور اختي اتخطفوا من البيت رجعنا لقيناهم مخطوفين
كارما، انت بتكلم بجد😧😧
زين، والله ماهو وقت هزار انا مش فايق اني اهزر دي الوقت
كارما اتحرجت ،ماشي سلام
،،،،
كارما، بابا الحق ولاد احمد ونور جيرانا اتخطفوا من البيت
حسين، انتي بتكلمي بجد
كارما ، اه والله
ام ياسمين، طب ياللا ياحسين نروحلهم
حسين، ماشي ياللا بينا
،،،،،
احمد، الباب بيخبط أفتح يازين
زين، ماشي
زين فتح لقي عن حسين ومراته و وراهم كارما بس مكنش شايفها
عم حسين، هو في ايه احمد فين
احمد، تعالي ياعم حسين اتفضل
عم حسين دخل هو ومراته وكارما جايه تدخل
زين, لحقتي توصلي الخبر اكيد قولتي للشارع كله
كارما، علي فكره انا قولت لبابا وماما بس عشان احمد وجودي احنا متربين. سوا وتقريبا هما اخواتي
زين، حصل خير بس انتي جايه بالترنج هو انتي جايه تنامي عندنا
كارما، عادي احنا جنب بعض واحنا بليل وكمان ملحقتش اغير هدومي
كارما لبسه ترنج وعامله شعرها كحكه
زين، تصدقي بمنظرك ده شكلك قمر واحلي من الفستان اللي كنتي لبساه اللي كان كل حاجه باينه ده
كارما، علي فكره انا جايه مع ماما وبابا عشان نشوف في ايه حصل ولاد احمد اتخطفوا ازاي ونقف معاهم انت ايه اللي بتكلم فيه ده وسابته ودخلت
زين في سره. وربنا أما بشوفك بنسي كل حاجه ده نسيت العيال خالص
ادهم، ايوه يا هاني وصلت لحاجه
هاني، الرقم ده في رقم لسه مكلمها من ساعه وفي رسايل كتير مبعوتلها من الرقم ده وهي مكلماه اربع مرات الصبح وجبنا مكانه واحنا رايحين اول مالاذن بتاع النيابه يجي قدامه عشر دقايق وهنروح نفتشه
ادهم، يسلم فومك هات العنوان وانا جايلك حالا عليه
احمد، وصلت لايه ياادهم
كارما داخله ووافقه قدام ادهم
ادهم، تصدقي ياقمر وشك حلو
جودي بصت لادهم بصه غل أنه بيعاكس جارتهم
زين، هو في ايه ياسي ادهم
ادهم، وصلو لرقم لسه مكلمها وبينهم رسايل كتير وهي لسه مكلماه من ساعه وشاكين فيه
حسين، يارب يعطركوا فيهم يارب
،،،
بعد نص ساعه ادهم وصل وراح قابل هاني ودخلوا خبطوا علي الباب
مروان، مين
ادهم، افتح
مروان اترعب ومفتحش الباب
ادهم، افتح بدل مااكسر الباب
مروان خاف وفتح، في ايه
ادهم، فتشوا البيت
مروان ،فيه ايه بس ليه كده
ادهم، هتعرف دي الوقت
عسكرى خرج بالطفلين
لقيناهم يافندم
ادهم، عرفت ياروح امك في ايه وراح ضربه علي قفاه ولفه وحط الكلبشات في ايده
مروان، أنا هقولك كل حاجه بس بلاش ضرب
ادهم، خده ياهاني وانا هاخد الولاد أنا وأحمد ونروح
احمد وطي سجد شكر لله واخد ولاده
،،،،
بعد نص ساعه
نور، مش هيلقوهم انا خايفه اوي 😭😭😭😭
كارما،. أن شاء الله خير ربنا يرجعهوملك بالسلامه
جودي، الباب بيخبط وطلعت تجرى تفتح
ام ياسمين زغرطت
نور،قامت جرى ، ولادي وقعدت تبوس فيهم الحمد لله يارب الحمد لله مكنتش هعرف اعيش دقيقه من غيركم
جودي، هما نايمين الاتنين
ام ياسمين، خدي طمنينا عليهم يا كارما
ادهم، طب وهطمنكم ازاي😏😏
جودي، كارما دكتوره اطفال في مستشفي زين
ادهم، ده بجد يعني دي مش أولي اعدادي
زين بضحك هستيري بصوت عالي،🤣🤣🤣🤣 مش لوحدي اهو عشان متبقيش تزعلي مني بقي
حسين، هي كارما حجمها قليل فكل اللي يشوفها يديها سن اصغر من سنها
كارما ، هما الحمد لله كويسين ياللا يابابا انا عايزه اروح
جودي في ودن زين، علي فكره انت واخوك حرجتوها اوي
زين اضايق علي منظرها وهي زعلانه ، بقولك يا كارما تعالي ياكارما نشوف سلسلتك كده في العربيه
كارما، دور عليها حضرتك يادكتور وابقي سيبها مع دكتور احمد لو لقيتها
ام ياسمين، طب احنا ماشيين تصبحوا علي خير ياجماعه وحمد الله علي سلامتهم ياللا يا حسين ومشوا
احمد، شكرا ياادهم لولاك مكناش لقينا الولاد
ادهم، دول ولاد اخواتي يعني ولادي انت بتقول ايه يااحمد
احمد، طب خد جودي واطلعوا ناموا فوق في اوضتها عشان انت تعبت جامد والحركه الكتير غلط عليك
ادهم، خلاص ماشي وطلعوا غرفتهم
،،،،،
عند زين وكارما
زين اتصل بكارما، الو
كارما بصوت مخنوق من كتر العياط، خير يادكتور
زين قلبه وجعه اول ماسمع صوتها، كارما أنا آسف
كارما بدموع ،علي ايه بالضبط عشان احدد الاسف لايه عشان انت زودتها بجد معايا
زين، ممكن نبقي أصحاب
كارما، لا أنا مبصحبش حد وعمرى ماعملت صداقه مع حد عارف ليه عشان كل ما بصحاب حد بيتنمر عليه
زين، يمكن عشانك قمر
كارما، ايه
زين، زى مابقولك انتي قمر كل حاجه فيكي حلوه بجد حتي عنيكي لون السما بجد اي حد ممكن يتوه اول مايسرح فيهم
كارما، علي فكره يادكتور أنا مش بتاعت الكلام ده انا مبصحبش رجاله وعيب اوى الكلام اللي بتقوله ده وراحت قفله السكه في وشه وقفلت الموبايل وكل ماتيجي تغمض عينيها تفتكر كلام زين
كارما، هو انا بفكر فيه اوي كده ليه مع أنه دايما كلامه بيجرحني هو شكله حابب يتسلي بيا أنا مش هسمحله تاني يتكلم معايا ولازم ابعد
زين، مالك يا زين مانت كنت في امريكا وشفت بنات كتير اشمعني دي اللي شدتك أنا بجد كان نفسي اخدها في حضني واتأسفلها هو انا حبيتها واللا ايه انا لازم ابعد شويه اشوف هقدر واللا لا بكره هسافر الصعيد وهقعد فيها وأشوف نفسي حبيتها واللا لا
البارت الجديد فيه احداث اكتر من روعه
البارت 27_28_29_30من هنا هنا
تعليقات
إرسال تعليق