 |
ابن عمي 63/64/62
روايه ابن عمي
البارت 62
للكاتبه اميره محمود
نور فاقت من البنج
نور ، ابعد عني انت مش قتلت بنتك ابعد عني أنا معتش عايزاك انت ولا حاجه يا محمد انت انتهيت بالنسبالي بكرهك
محمد ، بتكرهيني يا نور من قلبك
نور ، اطلع بره مش عايزه اشوفك
محمد ، نور اهدي بس وانا
نور ، مش ههدي وفضلت تصوت جامد بررره مش عايزاك أخرج بره حياتي مش عايزاك
محمد ، ماشي يا نور انا نازل استناكي تحت أما تجهزي انزلي
نور معطتهوش اي اهتمام
محمد خرج للمرضه ، محدش يقولها البيبي نزل معلش
الممرضه ، ماشي يا فندم
نور ،. الو ايوه يا بابي معلش تعالي خدني أنا عند دكتور***ده العنوان ****
ادهم ، محمد فين
نور ، مش عايزه اروح معاه لو سمحت يا بابي تعالي خدني يا اما هرمي نفسي من الشباك
ادهم ، خلاص اهدي خمس دقايق وهكون عندك
نور ، ماشي سلام
،،،،،،،ؤؤؤؤؤ,,,,,,,,,,
عند عز وحور
خلاص بقي انت هتفضل قالب وشك كتير والله خلاص مش ههزر مع يوسف خالص
عز ، لا يوسف ولا غيره فاهمه
حور ، ماشي خلاص بقي
عز ، خلاص
حور ، طب افرد وشك بقي الله
عز ، خلاص بقي يا حور شوفي هناكل ايه بقي عشان نخلص بقي في ام اليوم ده
حور ، أنا ماشيه يا عز والله مانا قاعدالك وسابته وخرجت من المطعم
عز ، هو مفيش احترام ليه خالص ازاي تسيبيني وتمشي كده
حور عينيها كلها دموع بصتله ومردتش عليه
عز ، خلاص ياللا ندخل بقي مش انتي جعانه
حور ، لا الحمد لله شبعت كتر خيرك
عز ، خلاص بقي متزعليش والله أنا مضايق شويه فإجت فيكي
حور ، الموضوع مش موضوع يوسف بقي
عز ، محمد اخد نور وبيسقطوا البيبي
حور بصدمه ، بجد طب وبابي رضا
عز ، لا مرضاش وراحوا لدكتور تاني أنا خايف يحصلها حاجه محمد اخويا هيدمر بجد دي حب عمره
حور ، أن شاء الله هتبقي كويسه وهي اللي تربي ابنها
عز ، يارب بقولك ياللا بقي ندخل
حور ، ماشي
عز ، عارفه لو سيبتيني ومشيتي تاني هعمل ايه
حور ، هتعمل اي
عز ، ولا اي حاجه
حور ،ههههههه
عز ، ايوه كده ضحكتك حلوه
حور ، ربنا يخليك ليه يا حبيبي
،،،،،،،،ؤؤؤؤؤؤؤ،،،،،،،،،،
ادهم وصل قدام العياده
ادهم ، محمد هو في ايه
محمد ، مفيش كنا بنزل البيبي
ادهم ، طب مقولتولناش ليه ازاي تاخدها كده لوحدها
محمد ، الدكتور قال قدامنا ساعتين ولازم تجهز عشان تعمل العمليه
ادهم ، طب هي عملتها واللا اي
محمد ، هو انت اجيت ازاي
ادهم ، نور كلمتني وقالت لي أن اجي أخدها يا اما ترمي نفسها
محمد ، طب اطلع خودها وانا مروح
ادهم ، هو في ايه
محمد ، مفيش أنا ماشي ياسلام يا خالو
ادهم ، سلام وطلع لنور ياخودها
نور منهاره ، بابي ياللا نمشي عايزه امشي من هنا
ادهم ، اهدي يا حبيبتي ياللا نمشي اهدي واخدها وروحوا البيت
،،،،،،ؤؤؤؤؤؤ،،،،،،،،
عند احمد ونور
احمد ، ابنك أتأخر شكلهم عملو العمليه
نور ، طب اتصل بيه كده شوفوا عمل ايه
محمد دخل الفيلا
احمد ، كنت لسه بتصل بيك حالا
محمد ، اممم ازيك يا بابا
نور ، في ايه مالك يا محمد نور فين
محمد ، روحت مع خالو
نور ، عملتو ايه
محمد ، معملناش حاجه أنا طالع انام عن اذنكم
نور ، محم
احمد ، سيبيه انتي عارفه محمد مبيحبش الكلام بيهرب من اي حاجه مضيقاه
نور ، بس كده غلط عليه أنا لازم اطلعله
احمد ، سيبيه يا نور دى الوقت هو قاعد مع نفسه سيبيه محمد عاقل وكل حاجه بيعملها بتبقي بالعقل
نور ، ماشي يا احمد
،،،،،،،،،،،،،
جودي وادهم ونور
جودي ، في ايه مالك يا نور وايه ريحه البنج دي
نور ، مامي لو سمحتي سيبيني أنا داخله اخد شاور سيبيني دي الوقت
جودي ، في ايه يا ادهم
ادهم ، حكالها اللي حصل
جودي ، يعني البيبي نزل
ادهم ، اه
جودي ، يا حبيبتي يا بنتي اكيد قلبها وجعها علي ضناها
ادهم ، بصي تعالي منتكلمش معاها كتير في الموضوع ده
جودي ، ماشي يا حبيبي
،،،،،ؤؤؤؤ،،،،،،،،،،
بعد مرور شهر و محمد ونور كل واحد عايش بعيد عن التاني
نور صحت من النوم مخضوضه
نور ، في حاجه بتتحرك في بطني ممكن يكون القاولون اوف مش كفايه الانتفاخ اللي مبيروحش ده
جودي ، نور اومي اتعشي معانا
نور ، مامي القاولون مبهدلني انتفاخ مبيروحش ودي الوقت في حركه في بطني كأني اكله حاجه مسبكه
جودي ، طب تعالي نكشف عند دكتور باطنه
نور ، لا أنا هروح للدكتور اللي منزلي البيبي عشان البريود مبتجيييش خالص
جودي ، طب اومي نروح له ياللا اجهزي عما اجهز ممكن تكون هي اللي عملالك انتفاخ
نور ، ماشي هجهز حالا عشان نروح وهسيب ادهم مع بابي
،،،،،،،ؤؤؤؤؤؤ،،،،،،،،،،
نور ومحمد
نور ، حبيبي مش هتروح تجيب مراتك
محمد ، لا مش رايح
نور ، طب ليه كده ابنكوا ذنبه ايه
محمد ، ماما لو سمحتي غيري الموضوع عشان أنا بجد تعبان
نور ، طب قولي ايه اللي تعبك يا حبيبي
محمد ، مش هتفهميني أنا نازل صحابي بيستنوني
نور ، ربنا يهديلك حالك يا بني يارب
،،،،،،،،،،ؤؤؤؤؤ،،،،،،،،،،
نور دخلت مع جودي للدكتور
نور ، ازيك يا دكتور انا مدام نور فاكرني
الدكتور ، طبعا فاكرك اخبارك واخبار البيبي ايه
نور بصدمه ، بيبي ايه هو مش حضرتك نزلته
الدكتور ، لا زوج حضرتك دخل علينا وفضل يزعق ويقول لا مش هنزله وفضل يفوق فيكي ويقولك مش هنزله ياحبيبتي عشان انتي عايزاه وانا قولتله سيبها لله وان شاء الله مش هيحصل حاجه وحشه
نور بدموع ، أنا لسه حامل
الدكتور ، اه ماشاء الله بطنك بدأت تبان اهي
نور ، أنا فكرتها القاولون
الدكتور ، قاولون مين قومي اطلعي نطمن عالبيبي
كل ده وجودي قاعده مصدومه أن بنتها لسه في خطر
الدكتور ، البيبي كويس اهو الحمد لله وبنوته كمان
نور ، شكرا يا دكتور شكرا و قامت وخرجت بره الاوضه
جودي بدموع ،. كده معدش في امل أنه ينزل صح
الدكتور ، سيبيها لله وهي هتقوم بالسلامه أن شاء الله
جودي ، يارب ياااارب
،،،،،،ؤؤؤؤؤ،،،،،،،،،،،
محمد قاعد مع صحابه في الكافيه فجأه موبايله رن
محمد قام خرج بره الكافيه ، الو
نور بدموع ، مقولتليش ليه
محمد ، انتي مدتنيش فرصه اقولك انتي فضلتي تهنيني ومهمكيش الممرضه اللي واقفه
نور ، أنا اسفه
محمد ، ماشي اعمل أنا ايه دي الوقت المفروض اعمل ايه
نور ، انت بتكلمني كده ليه
محمد ، نور أنا أما كنت عايزك تنزليه كنت خايف عليكي مش اكتر بس انتي حسستيني أن أنا ولا حاجه بالنسبالك
نور ، بجد اسفه يا محمد
محمد ، خليكي عندك يا نور لازم نبعد اكتر من كده انا تعبت كل شويه مشاكل وتهنيني وترجعي تقولي اسفه خلاص كده كفايه
نور ، انت شايف كده
محمد ، اه واقفلي ياللا عشان عايز اروح اقعد مع صحابي
نور ، ماشي ماشي يا محمد سلام
،,،،،،،،،،،،،ؤؤؤؤؤ،،،،،،،،،،
بعد مرور شهرين
عز ، الحمد لله خلصنا سنه خامسه علي خير ايه رايكم نروح الشاليه
نور ، خلاص اوك تعالو نروح كلنا أنا هكلم زين وادهم ونروح نغير جو كلنا ماشي يا احمد
احمد ، ماشي
ادهم وجودي وافقوا عشان يغيروا جو لنور
زين وكارما وافقوا الكل وافق
،،،،،،،،،،،ؤؤؤؤؤؤ،،،،،،،،،،،،،
يوم السفر
ادهم ، ياللا يا نور اركبي جني قدام عشان الطريق والعربيه متوجعكش في ضهرك وأحمد وجودي ورا
نور ، ماشي يا بابي
احمد ، ياللا يا عمو
زين ، ماشي احنا جهزنا اهو ياللا بينا
احمد ونور
احمد ، احنا مش هنروح كلنا بعربيه أنا هاخد جودي وحسام ونور في عربيتي وانت يا محمد خد عز وحور
محمد ، مش عايز اروح روحوا انتو
نور ، لا هتيجي يا محمد وبطل هروب بقي
محمد ،. انا مبهربش من حاجه أنا مش عايز اروح
نور ، خلاص مش رايحه أنا كمان
احمد ، لا متجوش والناس بتستننانا عشان نروح مع بعض تقولو مش هنتزفت ياللا يا استاذ محمد اجهز عشان نمشي
محمد ، أنا
نور ، لو بتحبني تعالي معانا عشان خاطري
محمد ، ماشي يا ماما هطلع احضر شنتطي وانزل حالا
،،،،،،،،،،،ؤؤؤؤؤ،،،،،،،،،،،
كلهم وصلوا الشاليه
ادهم ، ماشاء الله العيله كبرت يا حج محمود
محمود ، ربنا يزيدكم ياولدي
ادهم ، يارب يا بوي
نور حاولت أنها تبعد عن محمد خالص ومتحاولش تتحك بيه
عز ، فاكره الشورت اللي كان عجبك يا حور
حور بصدمه ، اوعي اوعي ياعز
عز ، عيب عليكي جبته طبعا
حور جرت وراه والله انت مجنون بجد
احمد ، اي يا عمو مش ناوي توافق بقي
زين ، انت نحس ياوله ابعد عن بنتي
احمد ،. انا اللي نحس بردك
ادهم ، هههههههه لا والله يا زين وافق بقي الوله خلص اهو وبقي ضابط قد الدنيا
زين ، ماشي بس اما نرجع
كلهم طلعوا غيروا هدومهم ونزلوا
ايان وأحمد وعز وجودي وحسام ومحمد وحور كلهم راحوا يلعبوا كوره طايره
نور قاعده هي وادهم ابنها علي البحر
يزن ، نور وحستيني
نور ، وانت كمان يا قلبي عامل ايه
يزن ، كويس انتي مس بتيجي عندنا ليه
نور ، مفيش بغير جو
يزن ، أممم ماسي وسابها وراح يلعب معاهم
نور معدتها قلبت عليها من هوا البحر وقامت ترجع
محمد شافها وراح موقف لعب وجاي يروح لها افتكر كلامها فضل واقف مكانه
حور وايان وجودي راحولها ومحمد واقف يراقب من بعيد
عز ، مكنتش اعرف انك قاسي كده
محمد ، أنا قاسي
عز ، ايوه البنت قلبها تعبان وانت ازاي تسكت لا موتها اكتر اقولك علي حاجه روح هات مسدس واقتلها واخلص
محمد ، عز أنا مش ناقصك
عز ، اممم طيب براحتك يا محمد
نور ، أنا كويسه متقلقوش روحوا كملو لعب
جودي ، متاكده
نور. ، أمم روحوا ياللا
يا ترى هيرجعوا لبعض واللا لا ده اللي هنعرفه البارت القادم
روايه ابن عمي
البارت 63
للكاتبه اميره محمود
بصوا أنا هلعب معاكو
جودي ، ازاي بالبطيخه دي
نور ، ياللا أنا هلعب ياللا بقولكوا ايه ياشباب أنا اتفقت مع البنات اني هلعب معاكو
عز ، هتلعبي ازاي بالبطيخه دي
حور ، يخربيت الفاظك
نور ، مش هي كوره سله ياللا بينا
محمد ، أنا هطلع
نور معطتهوش اهتمام
عز ، طب ياللا
فضلوا يلعبوا كوره ونور فضلت تجرى وتلعب ومحمد عمال يتفرج هيموت ويقولها كفايه بس كرامته وجعاه
نور حست انها تعبت
نور ، اااه ووطت حطت أيدها علي ركبها
حور ، مالك تعبتي
جودي ، مش قولتلك بلاش
نور ، مش قادره خالص بطني وجعتني من الجرى احمد معلش طلعني وهي اصلا مش تعبت بس كانت عايزه تشوف محمد هيعمل ايه
محمد واقف متصنم مكانه بيتفرج
احمد مسك ايد اخته يطلعها
حور ، أنا هطلع معاها كملو انتو لعب
محمد وقف علي البحر في حيره اطلع اشوفها واللا لا بس هي كل مابتصافا معاها بتغلط فيا أنا مش عارف اعمل ايه
حور ، احمد انزل انت وانا هقعد معاها
احمد ، انده لماما يا نور
نور ، لا أنا هنام شويه وهبقي كويسه
احمد ، تمام
نور ، انزلي ياحور العبي معاهم عشان هنام والله هيبقي كويسه
حور ، لا هقعد هنا معاكي مش هخرج غير أما اطمن عليكي
نور ، تمام
،،،،،،،ؤؤؤؤ،،،،،،،،،
عدي الوقت ومحمد حيران مش عارف يعمل اي ميعرفش حاجه عن مراته وحبيبته
احمد ، محمد مش عجبني يانور هيفضل كده كتير مراته قربت تولد مينفعش كده
نور ، والله تعبت معاه يا حبيبي بس اقولك علي حاجه طالعلك بالضبط
احمد ، انا بعدت عنك وانتي حامل عشان كنت خايف عليكي مش بسبب اللي عملتيه عارف انك عملتي كده عشان عز وجعك في قلبك من اللي حصله كنت كل ما بشوف بطنك كنت ببقي نفسي أطلعه اموته في أيدي كنت حاسس أنه هيكون سبب في بعدي عنك
نور ، طب بذمتك مش يزن عمل جو جامد ده محسسني اني لسه صغيره
احمد ، طب مانتي لسه صغيره يا نونو يا طعم
نور ، استني بس خلينا في موضوعنا ابنك خايف زيك أن مراته يحصلها حاجه مش زعلان بسبب اللي عملته فيه ولو قال غير كده اعرف انه كداب
احمد ، طب والحل
نور ، نحاول نصالحهم علي بعض
احمد ، طب ازاي
نور ، مش عارفه بس ده احسن وقت نصالحهم علي بعض
احمد ، طب فكرى يا ام الأفكار فاكره أما صالحتي امها علي ابوها
نور ، طبعا وانت كنت هتموتني
احمد ، ههههه والله كانت ايام جميله
،،،،،،،،ؤؤؤؤؤؤؤ،،،،،،
محمد في سره ، أنا هطلع انام شويه اكيد لو حصل حاجه كنت عرفت
نور نازله تقعد شويه عالبحر تغير جو اتقابلت هي ومحمد عالسلم
ادهم ، بابي
محمد ، حبيب بابي عامل ايه ومد أيده ياخده من حضن نور ممكن تسيبيه معايا شويه
نور ، أنا مصدقت الاقي حد يتمشي معايا سيبه عشان هانتمشي سوا
محمد ، ماشي وسابهم وطلع ووقف بعيد يبص عليهم
ادهم ، بابي عايز بابي
نور ، هجبلك ايس كريم وهفسحك ياللا يا حبيبي
نزلت نور وفضلت ماشيه لحد ما وصلت عند المكان اللي ابوها قفشها هي محمد وهما في البحر سوا لوحدهم وراحت معيطه
ادهم عيط علي عياطها
نور ، مالك يا حبيبي بتعيط ليه
ادهم ، اتي عيطي
نور نزلت علي روكبها وحضنته جامد ، متعيطش يا حبيبي انا خلاص مش هعيط والله بس قلبي وجعني اوي يااارب انت الوحيد اللي حاسس بيا
محمد كان وراهم بيحرسهم من بعيد وفجأه قرب عليهم
نور بصتله ومسحت دموعها وقامت وقفت
نور ، انت جاي ليه
محمد ، المكان ده وحشني فجيت عشان أشوفه ليه ذكرى حلوه معايا هي انقلبت نكد بس اولها كان حلو
نور ، طب عن اذنك خليك مع ذكراك ياللا يا ادهم وراحت معيطه تاني
محمد شدها من أيدها ، استني
نور ، اي
محمد ، هو انتي بتعيطي ليه
نور ، مفيش
محمد راح مقرب منها واخدها في حضنه جامد ونور فضلت تعيط وهو حضنها
محمد ، خلاص بقي
نور ، أنا
محمد ، هشش حضنك وحشني اوى
نور تاهت في حضنه وفجأه بعدت مره واحده
نور ، ادهم ادهم فين
محمد ، اهو جنبك مالك في ايه
نور ، عايزه ارجع
ادهم ، نااااء افسح
محمد ، ههههه ماشي ياللا يا نور
نور ، بسهوله كده
محمد ، هو ايه اللي بسهوله
نور ،. تفضل سيبني تلت شهور عند مامي واكلمك نرجع تقولي لا خليكي عندك
محمد ، مش طالبه نكد معايه دي الوقت خالص
نور ، اومال طالبه ايه
محمد باسها من خدها خلاص بقي
نور ، طب أنا أما تعبت الصبح معبرتنيش ليه
محمد ، والله قلبي كان بيتقطع بس اقول ايه كرامتي
نور ، طب حلو روح اتفسح مع كرامتك وسيبني أنا وادهم مع بعض
محمد ، ممكن تبطلي عناد بقي
نور ، اممم بشرط
محمد ، ايه
نور ، ممكن تحضني جامد
محمد اخدها في حضنه جامد ،انا بحبك اوى
نور ، وانا بعشقك تصدق وحشني ريحتك اوي
عز ، واي كمان
محمد ساب نور ، تصدق انك حيوان
عز ، والله بدالكم هتموتوا علي بعض كده سيبتو بعض ليه عشان تعذبوا نفسكم
حور ، والله يا محمد احنا كنا بنتمشي وهو معرفش شافكوا ازاي سابني واجالكوا جرى
محمد ، عز هيفضل طول عمره حشرى
نور بإحراج ، عن اذنكم أنا هروح الشاليه
محمد ، مفيش شاليهات ياللا نكمل الحضن امشي ياض من هنا
نور خبطته في كتفه ، والله انت قليل الادب
حور ،. شايف الرومانسي مش انت
عز ، أنا اي
حور ، مفيش ياللا يا عز امشي
محمد وطي علي ودن عز ، مش بقول ظلمنا البنيه أما جوزناها ليك
عز اتحرج وسابهم وراح الشاليه وحور جرت وراه
نور ، بردك زعلته كده يا محمد
محمد ، والله كنت بهزر المهم كنا بنقول ايه
ادهم ، اس كليم يا بابي
محمد ، هههه ماشي ياللا يا حبيب بابي هجبلك اكبر ايس كريم عند الراجل
نور ، ضحكت علي منظرهم ومشت معاهم
،،،،،،،ؤؤؤؤؤ،،،،،،،،،
عز وحور
حور ، في ايه مالك يا عز
عز ، مالي بتحرجيني وتقولي مالك تخلي اخويا يحرجني كده قدام مراته
حور ، عز انت غريب بجد كنا بنهزر
عز ، حور هزارك ذاد عن حده بجد مينفعش كده لازم يبقي في حدود
حور بزعييق ، حدود ايه احنا كنا بنهزر قولت انت بجد مريض
عز ضربها بالقلم ، أما تتكلمي معايا بعد كده متعليييش صوتك فاهمه
حور بصدمه ودموع ، انت اتجننت علي فكره
عز ، متخلنيش امد ايدي تاني عليكي
حور بدموع ، لا مد يا عز عادي
عز ، انا آسف والله مش قصدي أنا كنت بفكر في موضوع مضايقني شويه بس والله
حور قاطعته ، موضوع اطمن الموضوع اللي في دماغك ومضايقك حصل و سابته وجايه تخرج
عز مسك أيدها ، استني هو ايه اللي حصل
حور ، أنا حامل
عز ، لا احلفي انتي بتتكلمي بجد
حور ، اه وعن اذنك عشان نازله بقي سيب أيدي
عز شدها في حضنه جامد ، أنا بحبك اوي
حور ، وبالنسبه للقلم ده لسه ايدك معلمه علي وشي
عز ، متزعليش بقي وادي خدك اهو وراح بيسها من خدها والله العظيم آسف متزعليش بقي
حور ، خلاص بس ياللا ننزل نتمشي شويه أو نلعب اي لعبه
عز ، عند امك يا ادهم
حور ، في ايه
عز ، معدش فيه حاجه اسمها لعب وجرى أنا مصدقت اني هبقي اب
حور ، هههههه محسسني انك بقالك تلاتين سنه متجوز أو متجوز وانت راجل عجوز
عز ، أنا بجد فرحان اوي أنا هنزل اقولهم تحت
حور ، والله انت مجنون
عز ، أنا مجنون بيكي يا حور
،،،،
بكره بارت جديد
روايه ابن عمي
البارت 64
للكاتبه اميره محمود
ممكن تفهمني اي ده
احمد ، في ايه
ايان ، حبيبت القلب بعتالي صوره وانتم بترقصوا مع بعض بتقولي وحشني تصدق أنا غلطانه أني وقفت قدام أهلي عشانك
احمد ، طب استني انا ذنبي ايه أنها تصورني هي كان نفسها في سيلفي واحنا بنرقص ارفض
ايان ، لا ازاي تصدق أنا اللي غلطانه أن بحب حمار
احمد ، ايان مسمحلكش احترمي نفسك
ايان ، أنا محترمه غصبا عنك ولو سمحت لسانك معدش يخاطب لساني فاهم
احمد ، يبقي احسن واتفضلي أخرجي بره اوضتي ياللا
ايان ، ماشي يا احمد ماشي وخرجت وسابت الاوضه
،،،،،،،ؤؤؤؤ،،،،،،،،،
محمد ، هتطلعي معايا الاوضه بتاعتنا واللا هتنامي مع ايان
نور ، مش عارفه هسأل جوزي
محمد ، والله
نور ، اممم والله حاكم ده قماص اوي
محمد ، بجد
نور ، اه والله بجد بس اقولك علي حاجه انا بحبه اوي
محمد ، طب ياللا علي اوضتنا عشان مينفعش اكتر من كده تصرفي هيخلي كل اللي قاعدين يقتلوني من اللي هعمله
نور ، احترم نفسك
نور ، اي ده انتو اتصالحتوا
محمد ، اممم هو احنا كنا متخاصمين
نور ، حاش لله ابدا
احمد ، ملحقتيش تنفذي مخططك هههههههه
محمد ، اي ده انتو كنتو بتختطولنا كمان
نور ، الحمد لله انكم رجعتوا لبعض ياحبايبي ربنا يهدي سركم
ايان خرجه بتعيط
نور ، مالك يا ايان
ايان ، مفيش واحده صحبتي ماتت دي الوقت
نور ، لا اله الا الله ربنا يصبر اهلها البقاء لله يا حبيبتي
ايان مقدرتش تمسك نفسها وراحت قعدت علي الرمله قدام البحر
احمد ، طب ياللا نطلع
نور ، هي ايان هتفضل قاعده عالبحر كده
احمد ، عز وحور قاعدين جنبها ياللا نطلع هموت وانام ياللا يامحمد خد مراتك واطلعوا بدال الولد نام
محمد ، ياللا بينا ضهرى وجعني طول الطريق شايله
نور ، محسسني أنه راجل ده بيبي صغنون
محمد ، طب ياللا يا صغنون
نور ، ههههه ماشي يا كبير
،،،،،،،،ؤؤؤؤ،،،،،،،،،
احمد نازل يتمشي شويه لقي ايان قاعده تعيط عالبحر
احمد نزل وقعد جنبها ، هتفضلي تعيطي كده كتير
ايان بصتله وراحت بصه للبحر
احمد ، أنا بكلمك علي فكره
ايان ، وانا مش عايزه ارد
احمد ، انتي هتفضلي تعاندي كده كتير
ايان ، أنا مش هرد واتفضل امشي
احمد ، مش همشي رد بقي هتفضلي تعاندي كتير
ايان ، أنا هسيبلك المكان وهقوم وجايه تقوم احمد شدها قعدها
احمد ، هو انتي ليه كده ليه بتكرهيني فيكي
ايان بدموع ، أما واحده تبعتلي صورتها وهي في حضنك وبترقصوا سوا وتقولي وحشني ونفسي أشوفه عايزني اعمل ايه
احمد ، ردي عليها وقوليلها تشوفيه ازاي يا حبيبتي ده خطيبي ده انا هعلق امك يا بت الكلب يا حماره لا بلاش حماره
ايان مقدرتش تمسك نفسها من الضحك ، هي حماره وانت حمار لايقين علي بعض جدا
احمد ، تصبحي علي خير وسابها وقام
ايان ، خلاص خلاص استني
احمد مشي ومسألش فيها
ايان شدت أيده ، خلاص بقي
احمد ، لا لسانك مبيبطلش غلط فيا أما تعرفي تتكلمي حلو معايا أنا موجود
ايان ، يعني هتكلم مع رئيس المجلس المحلي
احمد ، هههههه بت انتي هتجننيني أنا مش عارف اخد منك موقف
ايان ، استني مامي بترن هرد عليها الو
كارما ، يويو حبيبي احنا في مطعم السمك اللي ورا الشاليه تيجي تتعشي معانا
ايان ، سمك وبليل يع
كارما ، خلاص يا حبيبتي براحتك انتي حره هناكل الجمبري والكابوريا لوحدنا
ايان ، جمبري وكابوريا
كارما ،اه
ايان ، طب في شوربه بحر
كارما ، اه
ايان بصت لاحمد طب أنا جايه حالا
كارما ، ماشي بسرعه ياللا باي
ايان ، ممكن تيجي معايا
احمد ، لا أنا بشم ريحه اي اسماك برجع
ايان ، حلو اهو عشان متاكلش معانا ياللا وصلني
احمد ، هههه امشي يا آخر صبري
،،،،،،ؤؤؤؤ،،،،،،،،
كارما ، لحقتي تيجي
ايان ، فين الكابوريا والجمبري بتوعي يا حج
زين ، هو الوله زين طبع عليكي تعالي يا احمد اقعد
احمد ، معلش ياعمو مش هقدر أما بشوف الأسماك معدتي بتقلب واهو وصلتها همشي أنا بقي
زين ، طب اقعد نتكلم سوا ومتبصش للاكل يا سيدي
احمد ، خلاص ماشي يا عمو
زين ، طب مش هتاكل حاجه خالص اطلبلك عصير
احمد ، ممكن بيبس
زين ، تمام لو سمحت واحد بيبس
احمد ، عمو حبيبي
زين ، استر خير
احمد ، أنا خلصت الجامعه خالص اهو ممكن بقي يبقي فرح عالطول
زين ، انتي ايه رايك يا لماضه
ايان ، اي ده يا مامي كل دي جمبريايه دي عملاقه
زين ، ماتردي
ايان ، بشرط
احمد ، ايه
ايان ، تاكل الجمبريايه دي كلها
زين ، مينفعش كده هيرجع ويقرفنا
ايان ، اسمع كماله الشرط أنه ميرجعش
كارما ، أنا لو منك اصرف نظر عن الجوازه
احمد ، أنا بقول كده بردك
ايان ، انت الخسران
احمد ، هاتي
زين ، هههههه منظرك بيفكرني بمحمد هنيدي وهو بياكل الصورصار
ايان ،. كل
كارما ، قلبي والله هموت يا زين
زين ، هيرجع اهو اومي بدل مايغرقنا
احمد ، تصدقي طعمه حلو
ايان ، لسه جاي تتعرف علي طعم الجمبري دي الوقت
احمد ، مانا مكنتش بحبه كنت بفكره طعمه زي السمك
زين ، خلاص أما تتجوزوا اكليه كل يوم سمك
احمد ، موافق والله بس وافق بقي
زين ، خلاص ماشي أما نرجع من المصيف
احمد ، بجد واللا هترجع في كلامك
زين ، عيب أنا عمرى رجعت في كلامي
احمد ، طب أنا ممكن اكل طبقك واطلبلك طبق تاني
ايان ، امشي ياض
احمد ، في واحده تقول لجوزها المستقبلي ياض
ايان ، عندك مانع
احمد ، أنا آسف يا معلم كمل اكل يا سيد المعلمين
كارما ، هههههه
زين ، هههه الناس بتتفرج علينا ييخرب بيتكم
ايان ، حد ليه شوق لحاجه
زين ، انا مش عارف البلطجي ده عجبك في ايه
احمد ، انطسيت في نظرى وحبيته
كارما ، أخص عليكم دي يويو قمر
زين ، يويو مين دي ابراهيم الابيض ام رجل مسلوخه يويو دي مش لايقه عليها خالص
،،،،،ؤؤؤؤ،،،،،،،،
حور وعز
حور ، أنا سقعت اوي تعالي ندخل
عز ، سقعانه مين ده الجو جميل
حور ، مش. عارفه حاسه اني سقعانه اوي
عز ، طب ياللا بينا ممكن بسبب الحمل وشكلك عندك انيميا
حور ، اممم ياللا مش قادره
عز ، أكلم بباكي يجي يشوفك
حور ، لا طلعني أنا مش قادره اتكلم
عز ، حور انتي سخنه نار وده غلط عالبيبي أنا هكلم خالو لازم يجي يشوفك
حور ، هو خارج مع ماما متقلقهوش
عز ، اسكتي خالص الو ايوه يا خالو
زين ،. ايوه يا عز خير
عز ، انت فين اصل حور سخنه وتعبانه
زين ، طب أنا جاي حالا سلام يا عز
كارما ، في ايه يا حبيبي
زين ، حور سخنه ياللا بينا
احمد ، طب أنا هحاسب روح انت يا عمو انت وطنط
زين ، لا أنا اللي هحاسب ياللا امشوا
،،،،،،،،ؤؤؤؤ،،،،،،،،،،،
عز شال حور وطلع نيمها علي السرير بتاعها
عز ، حور انتي بقيتي كويسه
حور ،اممم بس غطيني والنبي أنا سقعانه اوي
عز جاب كوفرته وغطاها
زين خبط علي الباب
عز ، ادخل يا خالو
زين فتح ودخل هو وكارما
كارما ، في ايه مالها يا عز
عز ، مش عارف كنا قاعدين عالبحر وفجأه اترعشت وسقعت
زين ، دي سخنه مولعه في هنا ترمومتر
عز ، اه أنا قيست 39
زين ، هي اكلت حاجه حاره
عز ، اه
زين ، حور أما بتاكل حر بتسخن وتعيا
عز ، طب ده مهوش غلط عالبيبي
كارما ، هي حامل
عز ،اه
زين ، لازم الحراره تنزل فورا انزل هات العلاج ده عشان غلط عالجنين
عز اخد اسم العلاج وجرى علي الصيدليه يجيب لها العلاج
زين ، هي مقلتلكيش أنها حامل
كارما ، مش عارفه مقالتليش ليه
زين ، بناتك عناد الدنيا فيهم
حور ، اااه
كارما ، انتي صحيتي يا حبيبتي
حور ، اه
كارما ، انتي عارفه انك بتتعبي من الحر اكلتي ليه وانتي حامل
حور ، كان نفسي فيه اوي يا مامي
كارما ، ربنا يستر بقي
زين ، بطلي عناد عشان خاطر اللي في بطنك فاهمه
حور ، ماشي
البارت القادم بارت التشويش
تعليقات
إرسال تعليق